mnong_2020_mng_mlt_mat_book/mat/13.json

{
  "1": "\tMŏng nar hân, Yang Yêsu du băh hih, jêh iên gŭk ta hang dak sĭ.",
  "2": "\tJu pôl uôn lan ŏk ngăn gŭk jŭm dar Khoa Yang, hân yơh Khoa Yang sak hao mŏng plŭng jêh iên gŭk tŏng iên. Jăng jai uôn lan ŏk hên dŏk ta hang.",
  "3": "\tJêh hân Yang Yêsu t'ti hên ŏk mta ta pơp h'hôr. Khoa Yang ngơi: \"Tŏ hân, mâo ju nâo nêh mhŏ lŏ sak răh til.",
  "4": " Jăng jai kăn răh, mâo nggăr til ĕh lăč ta kêng truông, hân yơh sâm sak c̆ŏh lĕ.",
  "5": "\tNggăr til d'dêh ĕh lăč ta tĕh ŏk tak mâo, ta iên so mâo ŏk teh găl. Mhăč rŏk, ĕh dơi huôn, yơng teh ngăn so jru.",
  "6": "\tɃê̆ dăh jăng jai dô̆h nar đat, ĕh jrăng ƀa lĕ yơng so mâo rĕh, hân yơh ĕh ro răñ.",
  "7": "\tNggăr d'dêh lăč mŏng mbar tơm luôk. Ŏk tơm luôk ĕh čăt jêh iên dlăn lĕ nggăr til.",
  "8": "\tMâo nggăr d'dêh mơh ĕh lăč ta tĕh găl jêh iên mâo ple, ju nggăr ĕh ple ju hiêng, ju nggăr eh ple pro jăt, ju nggăr eh ple pei jăt.",
  "9": "\tNêh mâo tôr, ăn iêt.",
  "10": "\tBăl ƀing kna trôh ngơi ta Yang Yêsu: \"Pơp mhŏ Khoa Yang t'ti uôn lan ta pơp h'hôr?\"",
  "11": "\tYang Yêsu têh: \"Oh mi jêh dơn pơp đač no di dơi wơng pơp ndăp yuôm Uôn Yang Trôk di, ƀê̆ dăh hên ho so dơi ăn pơp gât wơng klăh iên.\"",
  "12": "\tBơ yơng nêh tơm jêh mâo, nêh hân jrăng wêh ăn, jêh iên nêh hân jrăng mâo khăñ khăh. Ƀê̆ dăh nêh so mâo, lĕ mơt pơp kăn hân dơi mâo ăt nai jrăng sŏk lĕ băh kăn.",
  "13": "\tHân yơh jêng, pơp mhŏ ăñ t'ti hên ta pơp h'hôr. Hên so tŭ mơh, ăt ndrơm klăh di ñăm so. Hên tŏng tŭ mơh, ăt ndrơm klăh di so tŏng, so wơng.",
  "14": "\tPơp têh luôr kăn Êsai ăn ta hên jêh lăm nâk ru, klăh iêu: \"Tôr pu me jêh iêt ru, ƀê̆ dăh ngĭn ngăn jrăng so wơng. Măt pu me jêh tuôm so ru, ƀê̆ dăh ngĭn ngăn jrăng so dơi gât năl.",
  "15": "\tYơng nuih nhăm uôn lan ho jêh jêng ngo măng, hên jŏk tôr, hên ñâm măt. No di măt so dơi so, no di tôr so tŏng, no di nuih nhăm so wơng jêh iên so plŏ ta kơi, no di dơi ăñ lăm băh un.",
  "16": "\tɃê̆ dăh găl jôn yơh ta măt oh mi, yơng dơi so, jêh iên găl jôn yơh ta tôr oh mi, yơng dơi tŏng.",
  "17": "\tYơng ăñ ngơi ngăn ta oh mi, ŏk nêh têh luôr jêh iên nêh kpă khơñ so lĕ mơt broă oh mi dơi so, ƀê̆ dăh so dơi so. Hên khơñ iêt pơp oh mi iêt, ƀê̆ dăh so dơi iêt.",
  "18": "\tKlăh iên, ăn oh mi iêt pơp h'hôr ta ju nâo nêh mhŏ lŏ răh til.",
  "19": "\tJăng jai ju nâo nêh iêt pơp đăo băh Uôn Yang Trôk ƀê̆ dăh so wơng, hân yơh yang djŏh trôh jêh iên tlĕ nga, năn pơp jêh răh mŏng nuih nhăm nêh hân. Ho jêng nggăr til ĕh lăč ta kêng truông.",
  "20": "Nggăr til jêh răh mŏng tĕh ŏk tak mâo, hân jêng nêh iêt pơp đăo, hên sŏk mhăč ta pơp čhô̆ brơn.",
  "21": "\tɃê̆ dăh nêh hân so mâo rĕh mŏng kăn, hân jêng dơi ñôt čuôm bhiêu gu. Jăng jai pơp knap mdăh ñâp nggruôn trôh yơng băh pơp đăo, hên jrăng mhăč rŏk du ta kơi.",
  "22": "\tNggăr til dơi răh mŏng mbar tơm luôk, ho jêng nêh iêt pơp đăo, ƀê̆ dăh ŏk pơp mĭn ta pơp brêh nar o jêh iên pơp mblơm băh prăk kăk lăm dlăn pơp đăo jêh iên so dơi mâo ple ôh.",
  "23": "\tɃê̆ dăh đơ nggăr til lăč ta tĕh găl, hân jêng nêh iêt pơp đăo jêh iên wơng pơp đăo. Hên jrăng mâo ŏk ple, mâo nggăr jrăng ple khăñ ju hiêng, ĕh ƀ'ƀă pro jăt, jêh iên ĕh ƀ'ƀă ya pei jăt.",
  "24": "\tYang Yêsu p'prơ ta hên ju mlăm pơp h'hôr d'dêh. Khoa Yang ngơi: \"Uôn Yang Trôk ndrơm klăh di ju nâo nêh sak răh til găl mŏng lŏ kăn.",
  "25": "\tɃê̆ dăh jăng jai lĕ mơt nêh mdei bê̆, nêh rŏh kăn hân trôh jêh iên răh til băt djŏh mŏng ba kăn jêh hân du.",
  "26": "\tJăng jai ba nhăr joa jêh iên mâo ple, mông hân băt djŏh ăt pơl ya.",
  "27": "\tLĕ băl dâk kăn tơm hih sak ngơi ta kăn: \"wơ khoa, gĕh ya! nggăr til găl gu me răh mŏng lŏ me lak lăh? Pơp mhŏ mông ho wêh mâo băt djŏh?\"",
  "28": "\tKăn tơm hih wêh ngơi ta hên: \" Băl rŏh ăñ mhŏ broă ho. \" Băl dâk lup kăn: \"Ndă iên, me khơñ ya hi sak dŏk lĕ băt hân?\"",
  "29": "\tɃê̆ dăh kăn ngơi: \"Ei ru, bơ yơng jăng jai dŏk băt, ơn ndă pu me dŏk băt wăt ju băk ta ba.",
  "30": "Lơi iên, lĕ bar jrăng nhăr joa ju băk tăl trôh dơm riêk. Mông riêk, ăñ jrăng t'tă băl riêk. Luôr ngăn, ăn dŏk lĕ mơt băt jêh hân tŏng ƀân ĕh čăp ju băk jêh iên jhu. Đơ ba găl, ăn kuôm lăm mât mŏng năm ăñ ji.",
  "31": "\tJêh hân Yang Yêsu wêh prơ ta hên ƀơn h'hôr ya. Khoa Yang ngơi: \"Uôn Yang Trôk ndrơm klăh di nggăr pai bi, mâo ju nâo nêh sak răh mŏng lŏ kăn.",
  "32": "\tGĕh ngăn, ho jêng nggăr ku êt hĭn mŏng lĕ mơt grăp mta nggăr. Ƀê̆ dăh trôh ram, ĕh jêng ram hĭn lĕ mơt grăp tơm jhi mŏng kăr. Ĕh jêng tơm jhi, jêh hân sâm tŏng trôk dơi mhŏ suôn ta mbăh dhan eh.",
  "33": "\tJêh hân Yang Yêsu wêh prơ ta hên ƀơn pơp h'hôr d'dêh ya. \"Uôn Yang Trôk ndrơm klăh di tiêt pei, mâo ju nâo u'ur sŏk lŭk ta pei kŏ bhŭk, tăl trôh mông lĕ bhŭk hân eh dang.",
  "34": "Yang Yêsu ngơi lĕ mơt pơp hân ta pôl uôn lan ta pơp h'hôr, so mâo ju mta pơp Khoa Yang t'ti hên, so tuôm yoa pơp h'hôr ôh.",
  "35": "\tPơp ho no di lăm nâk pơp jêh ngơi ta khoa têh luôr, klăh iêu: \"Ăñ jrăng pŏk dơk ăñ, ngơi ta pơp h'hôr. Ăñ jrăng ngơi lĕ pơp ndăp dŏng băh mhei lăm ñjêng tĕh dih.\"",
  "36": "Jêh hân Yang Yêsu du băh pôl uôn lan ŏk sak mât mŏng hih. Băl ƀing kna Khoa Yang sak ngơi ta Khoa Yang: \"Dăn l'lang ta hi pơp h'hôr ngơi ta băt djŏh mŏng lŏ.\"",
  "37": "\tKhoa Yang Yêsu ngơi klăh iêu: \"Nêh răh nggăr til găl jêng Kuôn Nêh.\"",
  "38": "\tLŏ ba jêng dôn tĕh, jêh iên nggăr til găl, ho jêng oh kuôn Yang Trôk. Băt djŏh jêng oh kuôn yang djŏh di.",
  "39": "\tJêh iên băl rŏh răh băt jêng yang djŏh. Dơm riêk jêng nar tôč dât jêh iên băl riêk jêng băl myang.",
  "40": "\tHân yơh, klăh di băt jêh čăp ju tŭk jêh iên jhu ta iñ, mŏng nar tôč dât broă ăt jrăng trôh klăh iên.",
  "41": "\tKuôn Nêh jrăng yoa băl myang Yang di, jêh iên hên jrăng sak kuôm čĕ lĕ du băh Uôn Yang di, ju băk ta lĕ mơt pơp lăm tih wăt băl mhŏ tih.",
  "42": "Băl myang jrăng čĕ ĕh mŏng war iñ, tŭk hân mâo pơp ôr ñim jêh iên kriêt sêk.",
  "43": "\tMông hân, băl kpă jrăng đat ang klăh di măt nar mŏng Uôn Yang Trôk Bap hên di. Nêh mâo tôr, ăn iêt!",
  "44": "Uôn Yang Trôk klăh di ngăn drăp yuôm srôm mŏng lŏ tê̆ hân. Mâo nêh dơi so ĕh ƀê̆ dăh wêh srôm hât. Bơ yơng brơn dơi so ĕh, kăn du blŏ lĕ pơp kăn mâo no di ruôt lŏ hân.",
  "45": "\tWêh ya! Uôn Yang Trôk klăh di ju nâo nêh tăč blŏ, sak juôi mai yuôm.",
  "46": "\tJăng jai jêh kăn dơi so ju mlăm mai, mâo nhŏ yuôm ram. Kăn du blŏ lĕ mơt pơp kăn mâo no di dơi ruôt ĕh.",
  "47": "\tWêh ya, Uôn Yang Trôk klăh di ju mlăm jal jêh nai trah mŏng dak sĭ jêh iên dơi ñâp grăp mta pôl ka.",
  "48": "\tJăng jai bêng jal, nêh trah đŏh jal ta hang. Jêh hân hên gŭk kuôm lĕ ka găl mŏng bai, ƀê̆ dăh lĕ mơt pơp so yuôm nai ndrŏh lat.",
  "49": "\tBroă jrăng klăh iên ya mŏng nar tôč dât. Lĕ băl myang jrăng trôh tŏng jăh băl ƀai ta băl kpă.",
  "50": "\tBăl myang jrăng čĕ hên mŏng war iñ, tŭk hân mâo pơp ôr ñim jêh iên kriêt sêk.",
  "51": "\tOh mi dơi wơng lĕ mơt pơp ho ya? Băl ƀing kna ngơi : \"Ư! wơng ru.\"",
  "52": "\tJêh hân Yang Yêsu ngơi ta hên: \"Hân yơh, đơ băl t'ti pơp bhiên jêh ñjêng ƀing kna Uôn Yang Trôk, ăt ndrơm klăh di nêh tơm hih ƀlang pơp yuôm mhei wăt pơp yâo mŏng năm kăn.\"",
  "53": "\tJêh Khoa Yang Yêsu t'ti lĕ mơt pơp h'hôr hân, Khoa Yang du băh tŭk hân.",
  "54": "Rồi Chúa Giê-xu trở về quê hương mình dạy dỗ dân chúng trong nhà hội. Kết quả là họ kinh ngạc bảo nhau: “Nhờ đâu mà người này có sự khôn ngoan và khả năng lạ lùng như vậy?",
  "55": "Chẳng phải người ấy là con trai ông thợ mộc sao? Chẳng phải mẹ anh ta là Ma-ri đó sao? Chẳng phải các em anh ta là Gia-cơ, Giô-sép, Si-môn và Giu-đa sao?",
  "56": "Chẳng phải tất cả các cô em gái anh ta đều ở giữa chúng ta đó sao? Vậy, nhờ đâu anh ta có được mọi điều này?”\n\n\\ts\\*",
  "57": "Họ thấy khó chịu về Ngài. Nhưng Chúa Giê-xu nói với họ: “Tiên tri không hề bị coi thường, ngoại trừ tại quê hương mình và trong gia đình mình.”",
  "58": "Ngài không làm nhiều phép lạ ở đó vì lòng vô tín của họ.\n\n\\ts\\*"
}