mnong_2020_mng_mlt_mat_book/mat/2.json

{
  "1": "Ta kơi Yang Yêsu jêh nai lai săk ta Ƀetlehem. wăl Yuđê  mŏng nŭk mtao Hêrôt. Mông hân, mâo băl gât mĭn băh čar đăh nar lôh trôh Yêrusalem.  ",
  "2": "\tLup: \"Nêh jêh lai săk jêng mtao uôn lan Yuđa tŭk ta gŭk iêu? yơng hi jêh so măñ Yang di băh đăh nar lôh hân yơh hi trôh no di kôh mpŭ Yang.\"",
  "3": "\tɃê̆ dăh jêh tŏng pơp ngơi hân, mtao Hêrôt kăn rung răng wăt lĕ uôn ram Yêrusalem iên ya.",
  "4": "Jêh hân mtao Hêrôt kuôl lĕ mơt băl khoa mhŏ yang ram wăt băl tơ-ti pơp bhiên mŏng uôn lan jêh iên lup hên: \"U ta tŭk Mtao Tŏng Tlĕh dơi lai săk?\"",
  "5": "\tHên têh ta mtao: \"Ta Ƀetlehem wăl Yuđê, yơng ho jêng pơp jêh dơi čih băh nêh têh luôr\".",
  "6": "\tɃê̆ dăh me, Ƀetlehem mŏng teh Yuđa, me ei so ku êt ngăn mŏng lĕ uôn ram Yuđa di, bơ yơng băh me jrăng mâo ju Mtao năk iêl têk lăm băl Israel ăñ ji.",
  "7": "\tKơi hân, Hêrôt kuôl muôč băl gât mĭn trôh, no di lup hên năn năng klă klưng măñ lăm ƀlang.",
  "8": "\tJêh hân, kăn yoa hên trôh Ƀetlehem, jêh iên tơ-tă: \"Ăn sak lup klă ta Ŏh Nga hân. Di lăh jêh so Ŏh Nga, ăn têh ta ăñ gât, no di ăñ ăt dơi sak trôh kôh mpŭ Mtao.\"",
  "9": "\tJêh tŏng pơp mtao ngơi, hên sak truông. Tŏ hân, măñ ram hên jêh so đăh nar lôh sak luôr hên, tăl trôh ta tŭk ĕh trôh, jêh iên găn tŏng ta tŭk Ŏh Nga gŭk.",
  "10": "Jêh so mañ hân, hên čhô̆ brơn ram ngin ngăn yơ̆h.",
  "11": "Jêh hân, hên mât mŏng hih jêh iên so Oh Nga băk Mari, mei Oh Nga. Hên čuôn krung kôh mpŭ Khoa Yang. Hên pŏk lĕ ngăn yuôm  hên di, yơr ăn ta Khoa Yang lĕ ngăn yuôm ta mah, ta dak ƀâu kah wăt dak gân tăng.",
  "12": "Ƀê̆ dăh mŏng pơp mbơi, Yang Trôk têh sơm ta hên, ei ru wêh du tŭk mtao Hêrôt, kơt iên hên sak truông dêh plŏ du čar hên tơm.",
  "13": "Ta kơi jêh hên du ru. Tŏ hân, ju nâo nêh myang Yang di nôh ƀlang ta Yôsep mŏng pơp mbơi jêh iên lah: ‘’Ăn dŏk, ñôt Oh Nga ta mei Khoa Yang du plač ta c̆ar Êjip. Ăn gŭk ta iên tăl trôh mông ăñ kuôl me, yơng Hêrôt jrăng juôi Oh Nga khơñ lăm khât. ’’",
  "14": "Jêh iên mŏng măng hân, Yôsep dŏk ñôt Oh Nga ta mei Khoa Yang di, du plăč c̆ar Êjip.",
  "15": "Kăn gŭk ta iên tăl trôh nar Hêrôt khât. bruă ho lăm nâk lĕ pơp Yang Trôk jêh ngơi bah tơm têh luôr blah iêu, Ăñ jêh kuôl kuôn ăñ du bah Êjip.’’",
  "16": "Jêh Hêrôt gât băl gât min̆ mhŏ mnăc̆ ta kăn, kăn bêng pơp hao nuih. Kăn yoa nêh lăm khât lĕ mơt băl ku sei tlâo dŏng bah bar năm mŏng sô̆ ta Ƀetlehem, jêh iên mŏng lĕ wăl hân , hui si mông jêh kăn dơi ngơp dŏng bah băl gât min̆.",
  "17": ",Kơt iên jêng lăm nâ̆k lĕ mơt pơp ngơi ta nêh têh luôr Yêrêmi, lah:",
  "18": "Nêh nai tŏng dơk mŏng uôn Rama, ôr ñim jêh iên ñim biêk tlŏng nâng, Račel ñim băl kuôn de,  jêh iên de so dơn pơp nai jôh lih, yơng băl ĕh so hôm ô̆h’’",
  "19": "Jêh Hêrôt khât. tŏ hân, mâo ju nâo nêh myang  Yang di ƀlang ta Yôsep mŏng pơp mbơi ta Êjip,",
  "20": "ngơi ta kăn:’’ Me dŏk, ñôt kuôn sei ta mei Khoa Yang di plŏ du ta teh Isarael, yơng băl nêh juôi lăm khât kuôn sei jêh khât ru.’’",
  "21": "Hân yơh Yôsep dŏk, ñôt kuôn sei ta mei Yang di plŏ du ta teh Isarael.",
  "22": "Ƀê̆dah jêh kăn tŏng blăh iêu Arkêlôs mhŏ khoa wăl Yuđê truôk tuk bap kăn mtao Hêrôt, blah iên kăn bhŭng so năñ du ta iên ô̆h. Jêh Yang Trôk têh sơm ta kăn mŏng pơp mbơi, kăn sak truông du wăl Galilê",
  "23": "jêh iên sak gŭk brêh mŏng uôn ram kuôl jêng Naxaret. Hân jêng lăm nâk pơp jêh ngơi ta tơm têh luôr, klah iêu  nai jrăng kuôl Yang Nêh Naxaret.’’"
}