mnong_2020_mng_mlt_mat_book/mat/17.json

{
  "1": "Pro nar ta kơi, Khua Yang Yêsu ndơm Pêtrôs, Yakơ wăt ŏh kăn jêng Yôhan, ndơp pei nau hên čơng tŏng dôn yôk jua.",
  "2": "Khua Yang mlih săk jăn ta măt hên, môh măt Khua Yang đat ang ndrơm blăh di măt nar jêh iên ao Khua Yang eh đat ndrơm pơp ang.",
  "3": "Tŏ hư̆n, mau Môis jêh iên Êli nôh ƀlang ta hên, tŏng ngơi ta Khua Yang.",
  "4": "Pêtrôs ngơi ta Yang Yêsu: \"Wơ Khua Yang, băn gŭk ta o găl ngăn. Ndă Khua Yang khơñ, ăñ jrăng lăm ndŏk ta o pei mlăm tâm, ƀơn ta Khua Yang, ƀơn ta Môis jêh iên ƀơn ta Êli.",
  "5": "Jăng jai kăn hôm ngơi, mau ñuôi tŭk ram ang dơr lư̆m hên, jêh iên tŏ hư̆n mau dơk ngơi băh ñuôi tŭk, klăh iêu: \"Ho jêng Kuôn khăp khơñ ăñ ji, Kuôn ho lăm găl nuih nhăm ăñ nư̆m nơn. Ăn gưt dơk Kuôn ho.\"",
  "6": "Jăng jai băl ƀing kna tŏng dơk ngơi hư̆n, hên ngư̆n bôk mŏng tĕh jêh iên bhŭng tloh nŏh.",
  "7": "Jêh hư̆n Yang Yêsu sak bi tŏng hên, jêh iên ngơi: \"Ăn dŏk jêh iên man bhŭng.\"",
  "8": "Hư̆n kăh, hên ngơk măt tŏng tê̆, ƀê̆ dăh so hôm so nêh čuôm gu ju nau Yang Yêsu.",
  "9": "Jăng jai hên jư̆r yôk, Yang Yêsu tơ-tă hên: \"Man têh sơm pơp pu me jêh so ta nêh dơ-dêh tăl trôh mông Kuôn Nêh dŏk brêh băh tŭk khư̆t.\"",
  "10": "Băl ƀing kna lup Khua Yang: \"Ndă kơt iên pơp mhŏ băl tơ-ti pơp bhiên ngơi kăn Êli jrăng trôh luôr?\"",
  "11": "Yang Yêsu ngơi klăh iêu: \"Ngăn ya, Êli jrăng trôh no di wêh mkra lĕ mơt bruă.",
  "12": "\tɃê̆ dăh ăñ ngơi ăn pu me gât, Êli jêh trôh ru, ƀê̆ dăh hên so gât năl kăn. Mlĭh ta iên, hên jêh mhŏ ta kăn hui si pơp hên khơñ. Klăh iên ya, Kuôn Nêh ăt jrăng tŭ pơp knap mñai mŏng plang ti hên.",
  "13": "\tMông hân kăh băl ƀing kna wơng Khoa Yang čiêng ngơi ta kăn Yôhan Ƀaptit.",
  "14": "Jăng jai hên trôh tŭk băl uôn lan, mâo ju nâo nêh hân sak tŏng tuôm Khoa Yang, čuôn krŭng ta măt Khoa Yang.",
  "15": "\tJêh iên dăn: \"Wơ Khoa Yang, dăn đač kuôn tlâo ăñ bơ yơng kăn jêng lu nggŏh săk, knap mñai ngăn, ĕh khăng bông kăn mŏng ĭñ, jêh iên khăng lăč mŏng dak. ",
  "16": "\tĂñ sak ndơp kăn ta băl ƀing kna Khoa Yang, ƀê̆ dăh hên so dơi lăm băh kăn ôh.",
  "17": "\tKhoa Yang Yêsu ngơi: \"Wơ găp pôl so đăo jêh iên rai lêč, dŏng ŏk ăñ jrăng dơi hôm gŭk yâo băk pu me? Ŏk dât yâo ăn dơi hôm gĭr ta pu me? Ăn ndơp kuôn hân ta ăñ o.\"",
  "18": "\tYang Yêsu ô̆t lăh yang djŏh,jêh iên ĕh du băh kăn ku sei, ku sei dơi băh mŏng mông hân.",
  "19": "\tMông hân, băl ƀing kna tŏng tuôm dêh ju nâo Yang Yêsu, hên lup: \"Pơp mhŏ hi so dơi prŏh Yang djŏh?\"",
  "20": " Yang Yêsu wêh lah ta hên: \"Bơ yơng pơp đăo pu me ƀê̆ ir. Ăñ ngơi ngăn ta pu me, ndă pu me mâo pơp đăo ram ndrơm nggăr pai bi gu, ăt pu me dơi ngơi ta yôk, klăh iêu: \"Ăn du băh tŭk ho gŭk tŭk d'dêh! Ĕh ăt jrăng du, jêh iên so mâo ju mta pơp pu me so dơi mhŏ.\"  ",
  "21": "\tɃê̆ dăh pôl čak ho so khơñ du ndă so mâo pơp kuôl dăn jêh iên ngăl sông sa.",
  "22": "\tJăng jai hên hôm gŭk ta Galilê, Yang Yêsu ngơi ta băl ƀing kna Khoa Yang: \"Nai jrăng jao Kuôn Nêh mŏng plang ti nêh,",
  "23": "\tjêh iên hên jrăng lăm khât Khoa Yang, trôh nar tal pei, Khoa Yang jrăng wêh brêh. Băl ƀing kna bêng pơp nguôt nư̆ng.",
  "24": "\tJăng jai jêh hên du ta uôn Kapenaum, băl rư̆ng jia hih ƀân sak tŏng tuôm ta kăn Pêtrôs hên lup: \"Khoa me so čiêng tôh jia hih ƀân lăh?\"",
  "25": "\tKăn ngơi: \"Mâo ya! Jăng jai Pêtrôs mât mŏng hih, Khoa Yang lup kăn luôr, klăh iêu: \"Simôn! đô̆ nă me mĭn? Băl mtao mŏng tĕh dih ho, u băh nêh hên jrăng rư̆ng jia? Băh oh kuôn tơm mdăh băh nêh ta ling?\"",
  "26": "\tKăn lăh: \"Băh nêh ta ling!\" Yang Yêsu ngơi ta kăn: \"Ndă kơt iên oh kuôn dơi ndrŏh.\"",
  "27": "\tɃê̆ dăh no di so lăm păk bông băl rư̆ng jia, ăn me sak trôh dak sĭ ndar ka, jêh iên ñâp ka gĕh tal luôr hân. Pơk dơk ĕh, me jrăng so ju siêk-lơ. Ăn sŏk prăk hân sak ndơp ta băl rư̆ng jia no di tôh jia ta ăñ jêh iên ta me."
}