mnong_2020_mng_mlt_mat_book/mat/2.json

{
  "1": "Ta kơi Yang Yêsu jêh nai lai săk ta Ƀetlehem. wăl Yuđê  mŏng nŭk mtao Hêrôt. Mông hân, mâo băl gât mĭn băh čar đăh nar lôh trôh Yêrusalem.  ",
  "2": "\tLup: \"Nêh jêh lai săk jêng mtao uôn lan Yuđa tŭk ta gŭk iêu? yơng hi jêh so măñ Yang di băh đăh nar lôh hân yơh hi trôh no di kôh mpŭ Yang.\"",
  "3": "\tɃê̆ dăh jêh tŏng pơp ngơi hân, mtao Hêrôt kăn rung răng wăt lĕ uôn ram Yêrusalem iên ya.",
  "4": "Jêh hân mtao Hêrôt kuôl lĕ mơt băl khoa mhŏ yang ram wăt băl tơ-ti pơp bhiên mŏng uôn lan jêh iên lup hên: \"U ta tŭk Mtao Tŏng Tlĕh dơi lai săk?\"",
  "5": "\tHên têh ta mtao: \"Ta Ƀetlehem wăl Yuđê, yơng ho jêng pơp jêh dơi čih băh nêh têh luôr\".",
  "6": "\tɃê̆ dăh me, Ƀetlehem mŏng teh Yuđa, me ei so ku êt ngăn mŏng lĕ uôn ram Yuđa di, bơ yơng băh me jrăng mâo ju Mtao năk iêl têk lăm băl Israel ăñ ji.",
  "7": "\tKơi hân, Hêrôt kuôl muôč băl gât mĭn trôh, no di lup hên năn năng klă klưng măñ lăm ƀlang.",
  "8": "\tJêh hân, kăn yoa hên trôh Ƀetlehem, jêh iên tơ-tă: \"Ăn sak lup klă ta Ŏh Nga hân. Di lăh jêh so Ŏh Nga, ăn têh ta ăñ gât, no di ăñ ăt dơi sak trôh kôh mpŭ Mtao.\"",
  "9": "\tJêh tŏng pơp mtao ngơi, hên sak truông. Tŏ hân, măñ ram hên jêh so đăh nar lôh sak luôr hên, tăl trôh ta tŭk ĕh trôh, jêh iên găn tŏng ta tŭk Ŏh Nga gŭk.",
  "10": "\tJêh so măñ hân, hên čhô̆ brơn ram ngĭn ngăn yơh.  ",
  "11": "\tJêh hân, hên mât mŏng hih jêh iên so Ŏh Nga băk Mari, mei Ŏh Nga. Hên čuôn krŭng kôh mpŭ Yang. Hên pŏk lĕ ngăn yuôm hên di, Yơr ăn ta Yang lĕ ngăn yuôm, ta măh, jêh iên dak bâo kăh wăt dak gân tăng.",
  "12": "\tɃê̆ dăh mŏng pơp mbơi, Yang Trôk têh sơm ta hên, ei ru wêh du tŭk mtao Hêrôt, kơt iên hên sak truông dêh plơ̆ du čar hên tơm.",
  "13": "\tTa kơi jêh hên du ru. Tŏ hân, ju nâo nêh myang Yang di nôh ƀlang ta Yôsep mŏng pơp mbơi jêh iên lăh: \"Ăn dŏk, ñôt Ŏh Nga ta mei Yang du plăč ta čar Êjip. Ăn gŭk ta iên tăl trôh mông ăñ kuôl me, Yơng Hêrôt jrăng juôi Ŏh Nga khơñ lăm khât.\"",
  "14": "\tJêh iên mŏng măng hân, Yôsep dŏk ñôt Ŏh Nga ta mei Yang di, du plăč ta čar Êjip.",
  "15": "Kăn gŭk ta iên tăl trôh nar Hêrôt khât. Broă ho lăm nâk lĕ pơp Yang Trôk jêh ngơi băh tơm têh luôr klăh iêu: \"Ăñ jêh kuôl Kuôn Ăñ du băh Êjip.\"",
  "16": "\tJêh Hêrôt gât băl gĭt mĭn mhŏ mnăč ta kăn, kăn bêng pơp hao nuih. Kăn yoa nêh lăm khât lĕ mơt băl ku sei tơ-tlâo dŏng băh bar năm mŏng sô̆ ta Ƀetlehem, jêh iên mŏng lĕ wăl hân, hui si mông kăn dơi ngơp dŏng băh băl gĭt mĭn.",
  "17": "\tKơt iên jêng lăm sĭt lĕ mơt pơp ngơi ta nêh têh luôr Yêrêmi, klăh iêu:",
  "18": "\t\"Nai tŏng dơk mŏng uôn ram, Rama ôr ñim jêh iên ñim biê̆k tlŏng nư̆ng, Račel ñim băl kuôn de, ƀê̆ dăh de so dơn pơp nai jôh lih, yơng băl ĕh so hôm ôh.\"",
  "19": "\tJêh Hêrôt khât ru. Tŏ hân, mâo ju nâo nêh myang Yang di ƀlang ta Yôsep mŏng pơp mbơi ta Êjip.",
  "20": "Ngơi ta kăn: \"Me dŏk, ñôt Kuôn Sei ta mei Yang di plŏ du ta tĕh Israel, yơng băl nêh juôi lăm khât Kuôn Sei jêh khât ru.\"",
  "21": "Hân yơh Yôsep dŏk, ñôt kuôn sei ta mei Yang di plŏ du ta teh Isarael.",
  "22": "Ƀê̆dah jêh kăn tŏng blăh iêu Arkêlôs mhŏ khoa wăl Yuđê truôk tuk bap kăn mtao Hêrôt, blah iên kăn bhŭng so năñ du ta iên ô̆h. Jêh Yang Trôk têh sơm ta kăn mŏng pơp mbơi, kăn sak truông du wăl Galilê",
  "23": "jêh iên sak gŭk brêh mŏng uôn ram kuôl jêng Naxaret. Hân jêng lăm nâk pơp jêh ngơi ta tơm têh luôr, klah iêu  nai jrăng kuôl Yang Nêh Naxaret.’’"
}