mnong_2020_mng_mlt_mat_book/mat/25.json

{
  "1": "Kơt iên, uôn Yang Trôk jrăng ndrơm klăh di măt nau ur drôh, hên ñôt iñ đen hên di sak trôh tŭk drông kăn tle.",
  "2": "Ƀê̆ dăh mŏng prăm nau hên jêng nêh plư̆p, jêh iên prăm nau gư̆t mĭn.",
  "3": "Bơ yơng mông hên ñôt iñ kđen hên sak, prăm nau u ur plư̆p, so hên triêu dak iñ băk săk ôh.",
  "4": "Ƀê̆ dăh băl u ur gư̆t mĭn hên triêu dak iñ mŏng gri băk ta iñ kđen hên.",
  "5": "Mông hư̆n, bơ yơng kăn tle trôh la, lĕ mơt dư̆ng hên bê̆ măt jêh iên bê̆ hăk.",
  "6": "Ƀê̆ dăh trôh tluông măng, mau dơk nai ôr tĕh: \"Kăn tle tŏ hư̆n! Ăn sak trôh ta iên drông kăn\"",
  "7": "Mông hư̆n, lĕ mơt băl ur drôh hư̆n hên ngĕh jêh iên prăp prê iñ kđen hên.",
  "8": "Jêh hư̆n, băl ur drôh plư̆p ngơi ta băl ur drôh gư̆t mĭn: 'Dăn ăn dŏng nê̆ dak iñ pu e ta hi ƀă, bơ yơng iñ kđen hi mơñ khư̆t ru.'",
  "9": "Ƀê̆ dăh jai wêh lăh, băl u ur gư̆t mĭn ngơi: \"So dơi ƀă, ơn so dơi djăp ta hi wăt ta pu e. Găl ƀê̆, ăn sak ta tŭk nai blŏ dak iñ jêh iên pu e ruôt.",
  "10": "Ƀê̆ dăh, jăng jai hên sak ruôt ,kăn tle trôh, jêh iên nêh tơm prăp prê dơi sak băk kăn tle mư̆t mŏng tŭk tăm sai, jêh iên nai čăng ƀăng.",
  "11": "Ƀê̆ dăh păh pê băh iên, băl u ur hư̆n dơh trôh ya, hên kuôl: 'Wơ khua, wơ khua, pơk un ƀăng ta hi ƀă.'",
  "12": "Ƀê̆ dăh jai wêh ngơi: khua lăh: 'Ngĭn ngăn ăñ ngơi ta pu e, so ăñ gư̆t năl pu e.\"",
  "13": "Kơt iên, ăn kăp ñjrăng, bơ yơng so pu me gư̆t nar mdăh mông ƀă.",
  "14": "Bơ yơng ndrơm klăh di ju nau nêh dư̆ng sak čar wăč, kăn kuôl băl dư̆k kăn di ju tŭk jêh iên jao ngăn drăp kăn ta hên.",
  "15": "Kăn jao ta nêh ho prăm ta-lư̆ng, nêh tŏ bar ta lư̆ng, nêh dơ-dêh ju ta-lư̆ng, hui si pơp dơi mdê nêh mdê. Jêh iên hlŏng kăn sak truông sak čar wăč.  ",
  "16": "Jêh kăn sak, nêh sŏk prăm ta-lư̆ng sŏk prăk hư̆n sak tăč blŏ jêh iên kăn dơi wêh mau prăm ta-lư̆ng hư̆t ya.",
  "17": "Ndrơm klăh iên ya, kăn sŏk bar ta-lư̆ng ăt kăn dơi wêh juôi bar ta-lư̆ng hư̆t ya.",
  "18": "Ƀê̆ dăh kăn sŏk ju ta-lư̆ng, jêh kăn du băh iên, kăn sak sĭr trôm mŏng teh jêh iên srôm prăk khua kăn di.",
  "19": "Jêh hư̆n, yau nar ta kơi, khua băl dư̆k hư̆n du hih jêh iên ngơp ênŏh prăk ta hên.",
  "20": "Jêh trôh ta iên, kăn dư̆k sŏk prăm ta-lư̆ng wêh ndơp hư̆t prăm ta-lư̆ng dơ dêh, kăn ngơi: \"Wơ khua, lak khua jao ta ăñ prăm ta-lư̆ng. Ƀê̆ dăh dlăng o, ăñ dơi lăm ñjêng hư̆t prăm ta-lư̆ng ya.\"",
  "21": "Khua kăn di ngơi ta kăn: \"Găl ngăn, wơ nêh dư̆k găl jêh iên sĭt suôr! Me jêh sĭt suôr mŏng bruă kuôn nê̆. Ăñ jrăng ăn me năk iêl ŏk bruă. Ăn mư̆t čhô̆ brơn ju băk khua me tŏ.\"",
  "22": "Kăn sŏk bar ta-lư̆ng, sak ta iên, ăt kăn têh ya: \"Wơ khua, lak khua jao ta ăñ bar ta-lư̆ng, ƀê̆ dăh dlăng ho, ăñ dơi wêh mau hư̆t bar ta-lư̆ng ya.\"",
  "23": "Khua kăn di lăh ta kăn: \"Găl ngăn, wơ dư̆k găl jêh iên sĭt suôr! Me jêh sĭt suôr mŏng bruă kuôn nê̆. Ăñ jrăng ăn me năk iêl ŏk bruă. Ăn mư̆t čhô̆ brơn ju băk khua me tŏ.\"",
  "24": "Bơ kăn sŏk ju ta-lư̆ng, ăt trôh ya, kăn têh: \"Wơ khua, ăñ gư̆t khua, me jêng nêh so tuôm nơ nin ôh, me riêk mŏng tŭk so răh jêh iên dôñ mŏng tŭk so tuôm me suôi.",
  "25": "Bơ yơng ăñ bhŭng, jêh ăñ du băh o lak, ăñ sak tăp ta-lư̆ng me di mŏng teh. Dlăng ho, me sŏk pơp me di yơh.'",
  "26": "Ƀê̆ dăh mông wêh lăh, khua kăn di ngơi ta kăn: \"Wơ dư̆k djŏh ƀai jêh iên a leh! Me gư̆t klă ru ăñ riêk mŏng tŭk so ăñ răh jêh iên dôñ mŏng tŭk so tuôm ăñ suôi.",
  "27": "Gư̆t klăh iên, pơp mhŏ so me sak ndơp prăk ăñ ji ta tŭk nai tăč blŏ prăk, jêh hư̆n mông ăñ du hih, ăñ jrăng wêh sŏk hư̆t prăk ta luôr ăñ ji wăt ta kao ĕh ya.",
  "28": "Kơt iên, ăn sŏk lat ta-lư̆ng băh kăn ho jêh iên ăn ĕh ta nêh jêh mau măt ta-lư̆ng.",
  "29": "Bơ yơng nêh jêh mau, nai jrăng wêh ăn hư̆t, tăl kăn dơi mau khăñ khăh hĭn. Ƀê̆ dăh ta nêh so mau ju mta pơp, wăt ta lĕ mơt pơp kăn mau nai jrăng sŏk lĕ băh kăn ya.",
  "30": "Jêh iên ăn čĕ lat kăn dư̆k so tŭ dơn ho mŏng tŭk ngo măng ta ling, hư̆n jêng tŭk jrăng mau ôr ñim jêh iên kriêt sêk.'",
  "31": "Mŏng mông Kuôn Nêh trôh mŏng pơp guh ang Yang di ju băk ta lĕ mơt băl myang wăt ta Khua Yang, mông hư̆n kăh, Khua Yang jrăng gŭk ta jhưng mtao guh ang Yang di.",
  "32": "Lĕ uôn lan jrăng tăm ƀư̆n ta măt Khua Yang, jêh iên Khua Yang jrăng tăm jăh nêh ho ta nêh tŏ, ndrơm klăh nêh kĕ biêp tŏng jăh biêp băh bei.",
  "33": "Khua Yang jrăng ăn biêp ju đăh ma Yang di, bơ bei ju đăh kiêu.",
  "34": "Jêh hư̆n, Mtao jrăng ngơi ta băl gŭk ting ju đăh ma kăn: 'Wơ băl jêh Bap ăñ tôh pơp găl jôn, sak o gơñ, ăn dơn  čar jêh nai prăp prê ta pu me dŏng băh mhei ñjêng trôk teh lak.\"",
  "35": "Bơ yơng ăñ nguôt, jêh iên pu me ăn ăñ sa; ăñ hêr dak, jêh iên pu me ăn ăñ ñêt; ăñ jêng năč, jêh iên pu me ruôm ăñ.",
  "36": "Ăñ săk kôh, jêh iên pu me lăm sŏh un ta ăñ; ăñ kuôp ji, jêh iên pu me năk un ăñ; ăñ gŭk mŏng war, jêh iên pu me sak ta ăñ.",
  "37": "Mông hư̆n, băl kpă jrăng ngơi ta Khua Yang, klăh iêu: \"Wơ Khua Yang, năn mông hi tuôm so Khua Yang nguôt no di ăn sa, mdăh năn mông hêr no di ăn  ñêt?",
  "38": "Jêh hư̆n, năn mông hi so Khua Yang jêng năč ndrơh no di ruôm, mdăh năn mông gŭk săk kôh no di lăm sŏh un?",
  "39": "Jêh iên u tŭk hi so Khua Yang kuôp ji mdăh năn mông nggruôn mŏng war no di sak ta Khua Yang?",
  "40": "Jai wêh lăh, Mtao jrăng ngơi ta hên: \"Ngĭn ngăn, ăñ ngơi ta pu me, yơng băh lĕ mơt bruă jêh pu me mhŏ ta ju nau nêh ku êt ngăn mŏng mbar ŏh mi ăñ ji ho, hư̆n jêng jêh pu me mhŏ ta ăñ ru.\"",
  "41": "Jêh hư̆n, mtao jrăng ngơi ta băl gŭk ting ju đăh kiêu: \"Wơ băl nai tăm păh, ăn du wăč băh ăñ, sak mư̆t mŏng iñ hui hai jêng tŭk jêh prê ta yang djŏh wăt ta băl ka han ĕh,",
  "42": "Bơ yơng ăñ nguôt, pu me so ăn sa, ăñ hêr, pu me so ăn ñêt.",
  "43": "Ăñ jêng năč ndrơh, pu me so ruôm mŏng hih, ăñ săk kôh, pu me so lăm sŏh un, ăñ kuôp ji jêh iên nai nggruôn pu me so siêp mhơč.",
  "44": "Jêh hư̆n hên wêh ngơi: \"Wơ Khua Yang tŭk năng băl hi so Khua Yang nguôt, hêr, năč ndrơh, săk kôh, kuôp ji mdăh nai nggruôn năng hi so mhŏ bruă Yang di?\"",
  "45": "Mông hư̆n mtao ngơi ta hên: \" Ăñ ngơi ngăn ta pu me, pu me so mhŏ kơt iên ta ju nau mŏng băl ku êt ngăn mŏng pôl ho, hư̆n jêng pu me so mhŏ ta ăñ.",
  "46": "Lĕ mơt băl hư̆n jrăng mư̆t mŏng tŭk kmhal hui hai. Ƀê̆ dăh băl kpă jrăng dơi dơn pơp brêh hui hai."
}