mnong_2020_mng_mlt_mat_book/mat/18.json

{
  "1": "Mông hư̆n, băl ƀing kna sak trôh ta Yang Yêsu, hên lup: \"Nêh tơm jêng ram ngăn mŏng Uôn Yang Trôk?\"",
  "2": "Yang Yêsu kuôl ju nau ku sei trôh ta Khua Yang, ăn gŭk mŏng mbar hên,",
  "3": "Jêh iên ngơi: \"Ăñ ngơi ngăn ta ŏh mi, nư̆k ngăn yơh ŏh mi jrăng so dơi mư̆t mŏng Uôn Yang Trôk, ndă ŏh mi so lăm mlih jêh iên ñjêng ndrơm klăh di ku sei dêt.",
  "4": "Hư̆n yơh, nêh tơm lăm jêng kuôn nê̆ săk tơm ndrơm ku sei ho, nêh hư̆n jrăng jêng ram ngăn mŏng Uôn Yang Trôk.",
  "5": "Nêh tơm sŏk năn ăñ ruôm ju nau ku sei dêt klăh iêu, hư̆n jêng jêh ruôm ăñ.",
  "6": "Ƀê̆ dăh nêh tơm lăm ndơp ju nau mŏng băl ku sei jêh đăo ta ăñ mhŏ tĭh. Jêng găl hĭn, kăt păl tak mau ta ko kăn hư̆n jêh iên čĕ mŏng dak sĭ jru.",
  "7": "Knap mñai ta tĕh dih yơng băh pơp lăm tih! Bơ yơng pơp lăm tih ĕh jrăng mau. Ƀê̆ dăh, knap mñai ta nêh lăm ñjêng pơp păk bông ta nai.",
  "8": "Ndă ti mdăh jŏng ŏh mi lăm ndơp ŏh mi păk bông, ăn ndăč lat jêh iên čĕ ĕh du wăč băh ŏh mi. Găl hĭn ŏh mi lư̆t ti mdăh lư̆t jŏng dơi dơn pơp brêh, ta hôm nư̆m ti mdăh jŏng ƀê̆ dăh nai čĕ mŏng war iñ hui hai.",
  "9": "Ndă măt ŏh mi lăm ndơp ŏh mi păk bông, ăn liêk lat ĕh jêh iên čĕ ĕh du wăč băh ŏh mi. Găl hĭn, ŏh mi tiêh ju đăh măt dơi dơn pơp brêh, ta hôm nư̆m bar đăh măt ƀê̆ dăh nai čĕ mŏng wăr iñ ĕh sa hui hai.",
  "10": "Ăn ñjrăng, man mưč ju nau ku sei mŏng pôl ho. Bơ yơng ăñ ngơi no ŏh mi gư̆t, mŏng Uôn Yang Trôk, băl myang băl ĕh khăng so môh măt Bap ăñ tŏng trôk.",
  "11": "Bơng yơng Kuôn Nêh jêh trôh no di lăm tlĕh nêh rai nga.",
  "12": "Đa lăh ŏh mi jrăng mĭn? Ndă ju nau nêh mau ju hiêng kuôn biêp, ƀê̆ dăh ju mlăm mŏng pôl ĕh sak suô̆ nga, gĕh ya nêh hư̆n jrăng lơi sân jăt sư̆n mlăm ta dơl yôk, jêh iên sak juôi biêp suô̆ truông lăh?",
  "13": "Ndă dơi so kuôn biêp. Ăñ ngơi ngăn ta ŏh mi klăh iêu, nêh hư̆n jrăng čhô̆ brơn ram hĭn yơng biêp eh suô, ta sư̆n jăt sư̆n mlăm kuôn biêp so eh suô̆.",
  "14": "Kơt iên ya, Bap ŏh mi di tŏng trôk so khơñ ju nau mŏng pôl băl ku sei ho jrăng khư̆t nga.",
  "15": "Ndă ju nau ŏh mi dơ-dêh mhŏ tĭh ta pu me, ăn sak têh ta kăn hư̆n gư̆t pơp tĭh kăn jêh mhŏ, jăng jai čuôm gu mau pu me ta kăn hư̆n. Ndă kăn hư̆n iêt pu me, pu me jrăng dơi wêh hôm ŏh mi tơm.",
  "16": "Ƀê̆ dăh, ndă nêh hư̆n so khơñ iêt pu me, ăn ndơm băk ju nau mdăh bar nau nêh gre băk, no di pơp ngơi băh bar mdăh pei nau nêh têh sơm bruă hư̆n čiêng ta bruă hư̆n dơi lăm klă. ",
  "17": "Jêh iên, ndă nêh hư̆n ăt so čiêng iêt pŏng hên, ăn têh bruă hư̆n ta Pôl Ƀrăh. Ndă nêh hư̆n ăt so čiêng iêt băl Pôl Ƀrăh, ăn ŏh mi dlăng nêh hư̆n ndrơm uôn lan dơ-dêh jêh iên băl rư̆ng jia.",
  "18": "Ăñ ngơi ngăn ta ŏh mi, năn pơp ŏh mi kăt mŏng dôn tĕh jrăng hôm kăt tŏng trôk, jêh iên năn pơp ŏh mi rŭh mŏng dôn tĕh jrăng dơi rŭh tŏng trôk.",
  "19": "Ăñ wêh ngơi ngăn ta ŏh mi, ndă bar nau mŏng ŏh mi mau ƀơn nuih nhăm ju băk mŏng dôn tĕh, djăp mta pơp hên kuôl dăn. Bap ăñ, Mtao gŭk tŏng trôk, jrăng dơi mhŏ lĕ mơt broă hư̆n ta hên.",
  "20": "Bơ yơng u tŭk mau bar mdăh pei nau sŏk năn ăñ ƀư̆n ju băk, ăñ jrăng gŭk mŏng mbar hên.",
  "21": "Mông hư̆n, Pêtrôs sak lup Yang Yêsu: \"Wơ Khua Yang, ndă mau ju nau ŏh mi mhŏ tĭh ta ăñ, ŏk dŏ ăñ jrăng đač ta nêh hŭn? Gĕh ya! Trôh ta pŏh dŏ?\"",
  "22": "Yang Yêsu ngơi: \"Ăñ so ngơi ta me jêng pŏh dŏ. Ƀê̆ dăh, Pŏh jăt ta pŏh dŏ.",
  "23": "Klăh iên, Uôn Yang Trôk ndrơm ta ju nau mtao hư̆n khơñ lăm jêh ră nuôn ta băl dư̆k kăn.",
  "24": "Jăng jai mtao dư̆ng ksiêm ră nuôn, nai sak ndơp ta mtao ju nau nêh đuôm nuôn trôh ta măt bau ta-lâng.",
  "25": "Ƀê̆ dăh, yơng nêh hư̆n so dơi mau pơp čiu nuôn, hư̆n jêng mtao yua tăč săk kăn tơm wăt ta ur, kuôn jêh iên djăp mta pơp mau no di čiu nuôn.",
  "26": "Hư̆n yơh jêng kăn čuôn krŭng kơ-kôh ta mtao, jêh iên dăn: \"Wơ mtao! Dăn wêh gĭr ta ăñ, ăñ jrăng čiu ta mtao djăp mta pơp.\"",
  "27": "Yơng tŏng đač mŏng nuih nhăm, hư̆n yơh mtao kăn dư̆k hư̆n ăn kăn du jêh iên đač un lĕ nuôn kăn ya.",
  "28": "Ƀê̆ dăh jêh kăn du băh iên jêh iên tŏng tuôm ju nau nêh mhŏ bruă băk hôm đuôm nuôn kăn ju hiêng đơ-niê. Kăn kŏng ti jêh iên tlăn ko pŏng ĕh, kăn ngơi: \"Ăn me čiu nuôn ăñ lak gơñ.\"",
  "29": "Pŏng ĕh čuôn krŭng kôh dăn: \"Dăn gĭr ta ăñ, jêh hư̆n ăñ jrăng čiu ta me.\"",
  "30": "\tɃê̆ dăh kăn so khơñ. Mlih ta iên, kăn đŏh pŏng ĕh sak nggruôn mŏng war tăl trôh mông čiu lĕ djăp mta pơp nêh hân hôm nuôn.",
  "31": "\tJăng jai băl dâk d'dêh so broă kăn mhŏ klăh iên, hên dlăng so găl. Hên sak têh ta mtao lĕ mơt broă kăn mhŏ.",
  "32": "\tHân yơh mtao kuôl kăn trôh jêh iên ngơi: \"Wơ băl dâk djŏh ƀai, ăñ jêh đač lĕ mơt nuôn ta me bơ yơng me kôh dăn ta ăñ.",
  "33": "\tPơp mhŏ me so čiêng tŏng đac̆ ta oh mi me, nrơm klah di ăñ jêh đac̆ ta me.",
  "34": "\tMtao hao nuih jêh iên jao kăn ta khoa war sak nggruôn tăl trôh mông kăn čiu lĕ mơt nuôn kăn hôm đuôm.",
  "35": "\tHân yơh, Bap ăñ gŭk tŏng trôk ăt jrăng mhŏ ta pu me klăh iên ya, ndă ju nâo nêh mŏng pu me so mâo nuih nhăm đač un ta oh mi pu me tơm."
}