mnong_2020_mng_mlt_mat_book/mat/19.json

{
  "1": "Bruă ĕh trôh hư̆n jăng jai jêh lĕ pơp  Yang Yê-su tơ-ti, Khua Yang du băh Ga-li-lê jêh iên sak trôh ta wăl Yuđê đăh tŏ hang dak kruông Yôđăn.",
  "2": "Mau pôl uôn lan ŏk ngăn gre Khua Yang jêh iên Khua Yang lăm băh pơp kuôp ji hên ta iên.",
  "3": "Băl Pha-ri-si sak tŏng tuôm ta Khua Yang, no di lông dlăng Khua Yang jêh iên lup: \"Dơi ya ju nau nêh tlơ-tlau kăn  ndrŏh ur kăn bơ yơng djăp mta pơp lăh?\"",
  "4": "Jai wêh lăh, Khua Yang ngơi: \"Pu me ñăm tuôm dlăng mŏng ră ngơi lăh Mtao rih ñjêng dŏng băh mhei bôk jêh lăm jêng hên, ju nau tlơ-tlau ta ju nau u ur,",
  "5": "jêh iên ngơi: 'Yơng kơt iên, băl tlơ-tlau jrăng yĕh băh mei jêh iên bap no di tŏng tlăč băk ur kăn, jêh hư̆n lĕ bar jrăng ñjêng ƀơn lŏng săk' lăh?\"",
  "6": "Kơt iên, hên so hôm jêng bar ôh, ƀê̆ dăh jêng ƀơn lŏng săk gu. Hư̆n yơh, năn pơp jêh Yang Trôh tŏng tlăč ju băk, kuôn nêh so dơi wêh tŏng tlăh.\"",
  "7": "Hên lup Khua Yang: \"Ndă iên! Pơp mhŏ kăn Mô-ih tơ-tă ăn jao ju pŏk ră tăm lơi jêh iên ndrŏh ur?\"",
  "8": "Khua Yang ngơi ta hên klăh iêu: \"Bơ yơng nuih nhăm pu me krăk dăng hư̆n kăn Mô-ih dơi ăn pu me ndrŏh ur pu me, ƀê̆ dăh dŏng băh luôr bôk lak so mau klăh iên.",
  "9": "Ƀê̆ dăh ăñ ngơi ta pu me klăh iêu čuôm gu pơp tih dŏng tư̆r gu dơi ndrŏh ur, nêh tơm ndrŏh ur kăn jêh iên gŭk ur dêh nêh hư̆n jêng nêh mhŏ pơp tih dŏng tư̆r; nêh tơm gŭk ur jêh nai ndrŏh ăt jêng nêh mhŏ tih dŏng tư̆r ya.”",
  "10": "Băl ƀing kna ngơi ta Khua Yang: \"Ndă di bruă kăn ta ur kăn yŏng klăh iên ngăn, năn pơp yuôm tŏng sai.\"",
  "11": "Ƀê̆ dăh Khua Yang ngơi ta hên: \"So mau grăp nêh dơi dơn pơp tơ-ti ho ƀă, ƀê̆ dăh čuôm gu nêh tơm dơi nai ăn pơp hư̆n gu.\"",
  "12": "Bơ yơng mau nêh nên, hên jêh mau klăh iên dŏng băh mhei lai săk ru; mau ya nêh nên yơng băh plang ti nêh; jêh iên mau ya nêh nên yơng băh uôn Yang Trôk kăn lăm ñjêng nên kăn tơm. Nêh tơm dơi sŏk dơn pơp tơ-ti ho, ăn kăn sŏk dơn yơh.\"",
  "13": "Jêh hư̆n, nai sak ndơp băl ku sei dêt ta Khua Yang no di Khua Yang bi ti ta băl ĕh jêh iên kuôl dăn, ƀê̆ dăh băl ƀing kna ôt hên.",
  "14": "Jêh iên, Yang Yêsu ngơi: \"Lơi băl ku sei sak ta ăñ, jêh iên man ghă băl ĕh, bơ yơng uôn Yang Trôk thêm ta nêh tơm ndrơm klăh di ku sei hư̆n.\"",
  "15": "Jêh bi ti ta băl ĕh, Khua Yang du băh iên.",
  "16": "Jêh iên dlăng tŏ hư̆n, mau ju nau nêh sak tŏng tuôm ta Khua Yang, lup klăh iêu: \"Wơ Khua, năn bruă găl ăñ jrăng mhŏ no di dơi dơn pơp brêh hui hai?\"",
  "17": "Jêh hư̆n Khua Yang ngơi ta kăn: \"Pơp mhŏ me lup ăñ ta bruă găl? Čuôm gu mau ju nau Mtao gu jêng găl, ndă di me khơñ mư̆t mŏng pơp brêh, ăn ñôt kjăp lĕ mơt pơp bhiên.\"",
  "18": "Kăn wêh ngơi ta Khua Yang: \"Năn pơp bhiên hư̆n?\" Jêh hư̆n Yang Yêsu ngơi: \"Man lăm khư̆t nêh, man mhŏ tih dŏng tư̆r, man tlĕ blăč, man têh sơm huôk,",
  "19": "ăn mpŭ mei jêh iên bap, jêh hư̆n khăp ta nêh kiêu ma me di ndrơm săk jăn me tơm.\"",
  "20": "Kăn tlau nu sak ngơi ta Khua Yang: \"Ăñ jêh gưt djăp mta pơp bhiên hư̆n. Năn pơp hôm ăñ ñăm mhŏ?\"",
  "21": "Yang Yêsu ngơi ta kăn: \"Ndă me khơñ dơi nư̆m nơn, ăn sak blŏ lĕ mơt pơp me mau jêh iên phă gai ta băl ƀun, jêh hư̆n me jrăng mau pơp yuôm bhăn tŏng trôk. Ta kơi hư̆n, ăn du ta o jêh iên gre ăñ.\"",
  "22": "Ƀê̆ dăh jêh kăn tlau nu tŏng pơp Yang Yêsu ngơi, kăn du ta pơp nguôt nư̆ng bơ yơng kăn mau ŏk pơp no.",
  "23": "Yang Yêsu ngơi ta băl ƀing kna: \"Ăñ ngơi ngăn ta pu me, nêh ndrŏng mư̆t mŏng Uôn Yang Trôk dlĕh ngăn.\"",
  "24": "Ăñ ăn pu me gư̆t, lak đa mư̆t mŏng trôm nư̆ng lưih hĭn ta nêh ndrŏng mư̆t mŏng Uôn Yang Trôk.",
  "25": "Jăng jai băl ƀing kna tŏng klăh iên, hên hơ̆ hă ngăn, jêh iên lup: \"Ndă kơt iên nêh tơm dơi tlĕh?\"",
  "26": "Yang Yêsu dlăng ta hên jêh iên ngơi: \"Bruă hư̆n nêh so dơi mhŏ ôh, ƀê̆ dăh ta Yang Trôk, lĕ mơt bruă dơi gơ-gu.\"",
  "27": "Jêh hư̆n Pêtrôis lup Khua Yang: \"Dlăng ho! Hi jêh ndrŏh lĕ mơt grăp mta pơp mau no di gre Khua Yang. Ndă kơt iên năn pơp hi dơi dơn?\"",
  "28": "Yang Yêsu ngơi ta hên: \"Ăñ ngơi ngăn ta pu me, mŏng nŭk mhei, jăng jai Kuôn Nêh gŭk tŏng Jhưng Mtao guh ang, pu me jêng nêh jêh gre ăñ, pu me ăt jrăng gŭk ta măt bar jhưng mtao, phat dôih măt bar găp pôl Israel.",
  "29": "Nêh tơm jêh ndrŏh hĭh tư̆m, ŏh mi, rôh mei, mei, bap, ur, kuôn mdăh tĕh lŏ yơng băh năn ăñ, jrăng dơi dơn khăñ ju hiêng dŏ jêh iên dơi dơn pơp brêh hui hai.",
  "30": "Ƀê̆ dăh mau ŏk nêh khăng ñjêng bôk jrăng ñjêng hư̆t ta kơi, jêh iên mau nêh băh kơi dư̆t jrăng ñjêng bôk."
}