mnong_2020_mng_mlt_mat_book/mat/3.json

{
  "1": "Mŏng nar hư̆n kăn Yôhan Ƀap-tit sak tơ-ti pơp đăo mŏng tač ndrăñ čar Yuđê ,",
  "2": "ngơi klăh iêu: “Ăn pu me niêl mlih, bơ yơng uôn Yang Trôk jêh trôh mơñ!”",
  "3": "Bơ yơng ho jêng nêh yơng băh nêh têh luôr Êsai ngơi klăh iêu: “Mau dơk nai ôr tĕh mŏng tač ndrăñ! Ăn mkra truông Yang di, lăm tŏng lĕ mơt ndrôih Khua Yang!”",
  "4": "Kăn Yôhan ho sŏh ao ta nuôk lak đa, kăn đuôt yăn nuôi ta sei tau, pơp kăn sa jêng krăh jêh iên dak wei bri. ",
  "5": "Mông hư̆n lĕ mơt băl uôn lan mŏng uôn Yêrusalem, čar Yuđê wăt ta lĕ mơt băl uôn lan jư̆m dar wăl dak kruông Yôđan, sak ta kăn gơ-gu. ",
  "6": "Jêh iên jăng jai hên sơm pơp tih ta kăn  kăn mhŏ ƀap-tem ta hên mŏng dak kruông Yôđan,",
  "7": "Jăng jai kăn Yôhan so ŏk băl Pharisi jêh iên băl Sađusê sak tŭ ƀap-tem, kăn ngơi ta hên: “Wơ pôl nhuôr bêh khơih! Nêh tơm sơm ta pu me, no di pu me du plăč băh pơp hao nuih jrăng trôh?",
  "8": "Kơt iên, ăn pu me mau ple năng ta pơp niêl mlih, ",
  "9": "Jêh iên đăm pu me mĭn jêh iên ngơi; ‘Pang yo hi jêng Abraham.’ Bơ yơng ăñ ngơi nư̆k ta pu me, Yang Trôk dơi mblư̆ bôk mau ho no di ĕh ñjêng kuôn so ta kăn Abraham!",
  "10": "Ƀê̆ dăh, sung jêh nai kơng tŏng tơm jhi ru. Kơt iên, năn tơm jhi so ĕh mau ple găl nai jrăng kăl jêh iên jhu mŏng iñ. ",
  "11": "Ăñ mhŏ ƀap-tem ta pu me mŏng dak no di pu me gư̆t niêl mlih pơp tih. Ƀê̆ dăh Mtao trôh ta kơi ăñ, mau pơp myang gao hĭn ta ăñ, yơng ta Mtao hư̆n ăñ so năng no di ñôt jep ta Khua Yang. Khua Yang jrăng mhŏ ƀap-tem pu me ư ta Yang Ngăt Găl jêh iên ta iñ. ",
  "12": "dông Khua Yang gŭk mŏng ti Khua Yang, jêh iên Khua Yang prôh ngôr tŭk prăh ba Yang di, jêh hư̆n Khua Yang  tŏng ƀư̆n ba mŏng năm tŏ. Ƀê̆ dăh no ba ta djhôp ĕh Khua Yang jrăng jhu mŏng iñ so gư̆t khư̆t.”",
  "13": "Mông hư̆n, Khua Yang Yêsu sak băh čar Ga-li-lê tê̆ trôh ta kăn Yôhan mŏng dak kruông Yôđan, no di yua kăn Yôhan mhŏ ƀap-tem. ",
  "14": "Ƀê̆ dăh kăn Yôhan ơ̆ jêh iên kăn ngơi ta Khua Yang: “Ăñ jêng nêh geh Khua Yang mhŏ ƀap tem, pơp mhŏ Khua Yang sak ta ăñ klăh iêu?” ",
  "15": "Ƀê̆ dăh Yang Yêsu wêh ngơi ta kăn: “Nar o, ăn me mhŏ yơh, bơ yơng kơt iên jêng geh ta băn no di lăm jêh lĕ mơt bruă kpă.” Jêh hư̆n Khua Yang ăn kăn mhŏ. ",
  "16": "Mông hư̆n rŏk, jêh gu mhŏ ƀap-tem, Yang Yêsu dŏk du băh dak, jêh iên tê̆ hư̆n, grăp tal trôk ĕh pŏk ta Khua Yang, jêh hư̆n Khua Yang so Yang Ngăt Găl Yang Trôk jư̆r băh tê̆ klăh di sư̆m tơp, jrăm tŏng Khua Yang, ",
  "17": "jêh iên tê̆ hư̆n, mau dơk ngơi băh trôk klăh iêu: \"Ho jêng Kuôn khăp khơñ ăñ ji. Ăñ čhô̆ brơn ta Kuôn hư̆n.\""
}