Wed Nov 13 2024 17:01:17 GMT+0300 (East Africa Time)

01/01.txt

@@ -0,0 +1 @@
+\v 1 Bino niibyo bigambo Musa bye yakobeire  Isiraeri yenayena emitala wa Yoludaani mu idungu, mu Alaba awoolekera Sufu, wakati w'e Palani n'e Toferi n'e Labani n'e Kazerosi n'e Dizakabu. \v 2 Niilwo lugendo olw'e naku eikumi n'e lumu okuva e Kolebu okubita awali olusozi Seyiri okutuuka e Kadesubanea.

01/03.txt

@@ -0,0 +1 @@
+\v 3 Awo olwatuukire mu mwaka ogw'ana, mu mwezi ogw'eikumi n'ogumu, ku lunaku olw'omwezi ogw'o luberyeberye, Musa n'atumula n'a baana ba Isiraeri, nga byonabyona bwe byabbaire Mukama bye yamulagiire okubakobera; \v 4 bwe yamalire okwita Sikoni kabaka w'Abamoli, eyatyamanga mu Kesuboni, ne Ogi kabaka w'e Basani, eyatyamanga mu Asutaloosi, mu Ederei:

01/05.txt

@@ -0,0 +1 @@
+\v 5 emitala wa Yoludaani, mu nsi ya Mowaabu, Musa gye yatandiikire okulangira amateeka gano, \v 6 ng'atumula nti Mukama Katonda waisu yatumuliire naife ku Kolebu, ng'a tumula nti mulwiire okutyama ku lusozi luno:

01/07.txt

@@ -0,0 +1 @@
+\v 7 mukyuke, mutambule, mwabe mu nsi ey'e nsozi ey'Abamoli, n'o mu bifo byonabyona ebiriraineewo, mu Alaba, mu nsi ey'e nsozi, ey'o lusenyu, n'o mu Bukiika obulyo, n'o ku itale ly'enyanza, ensi y’Abakanani, n'e Lebanooni, okutuuka ku mwiga omunene, omwiga Fulaati. \v 8 Bona, ensi ngiteekere mu maiso ganyu: muyingire, mulye ensi Mukama gye yalayiriire bazeiza banyu, Ibulayimu, n'o Isaaka, n'o Yakobo, okubawa ibo n'e izaire lyabwe eririirawo.

01/09.txt

@@ -0,0 +1 @@
+\v 9 Nzena natumwire naimwe mu biseera ebyo, nga nkoba nti nze ti nsobola kubasitula nzeka: \v 10 Mukama Katonda wanyu abongeire, era, bona, watyanu muli ng’e munyenye egy'o mu igulu okubba obungi. \v 11 Mukama, Katonda wa bazeiza banyu, abongere emirundi lukumi okusinga nga bwe muli, era abawe omukisa, nga bwe yabasuubizirye!

01/12.txt

@@ -0,0 +1 @@
+\v 12 Nze nsobola ntya nzenka okusitula okutegana kwanyu n'o mugugu gwanyu n'o kutongana kwanyu? \v 13 Mwetwalire abasaiza ab'a magezi era abategeevu era Ab'a maani, ng'e bika byanyu bwe biri, nzena ndi bafuula abakulu banyu. \v 14 Mwena ni mwiramu ni mutumula nti ekigambo ky'otumwire kisa ife okukikola.

01/15.txt

@@ -0,0 +1 @@
+\v 15 Kale ni ntwala abakulu b'e bika byanyu, abasaiza ab'a magezi, era Ab'a maani, ni mbafuula abakulu banyu, abaami b'e nkumi, era abaami b'e bikumi, era abaami b'ataanu, era abaami b'a makumi, era abamyuka, ng'e bika byanyu bwe biri. \v 16 Era nakutiire abalamuli banyu mu biseera ebyo, nga ntumula nti muwulirenga ensonga gya bagande banyu, musalirenga emisango egy'e nsonga omuntu n'o mugande we n'o munaigwanga ali awamu naye.

01/17.txt

@@ -0,0 +1 @@
+\v 17 Ti musaliriryanga bwe mwasalanga emisango; mwawuliranga Abatobato n'a bakulu okubekankanya; ti mutyanga maiso g'o muntu; kubanga omusango gwa Katonda: era ensonga eyabalemanga mugireetanga gye ndi, nzena nagiwuliranga. \v 18 Era nabalagiire mu biseera ebyo byonabyona eby'a bagwaniire okukola.

01/19.txt

@@ -0,0 +1 @@
+\v 19 Awo ni tutambula okuva e Kolebu, ni tubita mu idungu lidi lyonalyona einene ery'e ntiisya lye mwaboine mu ngira eribita mu nsi ey’e nsozi ey’Abamoli, nga Mukama Katonda waisu bwe yatulagiire; ni tutuuka e Kadesubanea.

01/20.txt

@@ -0,0 +1 @@
+\v 20 Ne mbakoba nti mutuukire mu nsi ey’e nsozi ey’Abamoli, Mukama Katonda waisu gy’atuwa. \v 21 Bona, Mukama Katonda wo ateekere ensi mu maiso go: yambuka olye nga Mukama Katonda wa bazeiza bo bwe yakukobere; totya so totengera.

01/22.txt

@@ -0,0 +1 @@
+\v 22 Ni musemberera buli muntu ku imwe, ni mutumula nti tutume abantu abatutangira, batume abantu abaatutangira, batutangiririre ensi, bairewo batukobere engira bwe eri gye tubba twambukiramu, n’e bibuga bwe biri mwe tulituuka. \v 23 Ekigambo ekyo ni kinsanyusya inu: ni nonda ku imwe abantu ikumi na babiri, buli kika omuntu mumu: \v 24 ni bakyuka ni baniina ku lusozi, ni batuuka mu kiwonvu kya Esukoli, ni bakikeeta.

01/25.txt

@@ -0,0 +1 @@
+\v 25 Ni batwala ku bibala by'e nsi mu ngalo gyabwe, ni babireeta gye tuli, ni batukobera ni batumula nti ensi eyo nsa Mukama Katonda waisu gy'atuwa.

01/26.txt

@@ -0,0 +1 @@
+\v 26 Naye imwe ni mutaikirirya kwambuka, naye ni mujeemera ekiragiro kya Mukama Katonda wanyu: \v 27 ni mwemulugunyirya mu wema gyanyu, ni mutumula nti kubanga Mukama yatukyawire, kyeyaviire atutoola mu nsi y'e Misiri, okutugabula mu mikono gy'Abamoli, okutuzikirirya. \v 28 Twambuka waina? bagande baisu batusaanuukirye emyoyo gyaisu, nga batumula nti Abantu banene bawanvu okusinga ife; ebibuga binene, byazimbiibweku ebigo okutuuka mu igulu; era twaboine yo abaana ba Abanaki.

01/29.txt

@@ -0,0 +1 @@
+\v 29 Awo kaisi ni mbakoba nti ti mubatya, so ti mubatekemukira. \v 30 Mukama Katonda wanyu abatangira iye yabalwaniriranga, nga byonabyona bwe byabbaire bye yabakoleire mu Misiri mu maiso ganyu; \v 31 n'o mu idungu, mwe waboneire Mukama Katonda wo bwe yakusitwire ng'o musaiza bw'a situla omwana we, mu ngira yonayona gye mwabitiremu, okutuusya lwe mwatuukire mu kifo kino.

01/32.txt

@@ -0,0 +1 @@
+\v 32 Naye mu kigambo ekyo temwaikiriirye Mukama Katonda wanyu, \v 33 eyabatangiranga mu ngira, okubasagiriranga ekifo eky'o kukubiramu eweema gyanyu, ng'a yema mu musyo obwire, okubalaganga engira ye mwabitamu, n'o mu kireri emisana.

01/34.txt

@@ -0,0 +1 @@
+\v 34 Awo Mukama n'a wulira eidoboozi ly'e bigambo byanyu, n'a sunguwala, n'alayira ng'a tumula nti \v 35 Mazima ti walibbawo n'o mumu ku bantu bano ab'e mirembe gino emibbiibi alibona ensi ensa, gye nalayiriire okuwa bazeiza banyu, \v 36 wabula Kalebu omwana wa Yefune, oyo niiye y'aligibona; era oyo ndimuwa ensi gye yaniinireku n'a baana be: kubanga yasengereirye Mukama mu byonabyona:

01/37.txt

@@ -0,0 +1 @@
+\v 37 Mukama n'a nsunguwalira nze ku bwanyu, ng'a tumula nti weena toliyingira omwo: \v 38 Yoswa omwana wa Nuni, ayemereire mu maiso go, oyo aliyingira omwo: mugumye omwoyo; kubanga niiye aligisikisya Isiraeri.

01/39.txt

@@ -0,0 +1 @@
+\v 39 Era n'abaana banyu Abatobato, be mwatumwire nga baaba okubba omwandu, n'a baana banyu, abatamaite atyanu bisa waire ebibbiibi, ibo baliyingira omwo, era ndigibawa ibo, era baligirya. \v 40 Naye imwe mukyuke mutambule mu idungu mu ngira ebita mu nyanza Emyofu.

01/41.txt

@@ -0,0 +1 @@
+\v 41 kaisi ni mwiramu ni munkoba nti tusoberye ku Mukama; twayambuka ni tulwana, nga byonabyona bwe biri Mukama Katonda waisu bye yatulagiire. Ni mwesiba buli muntu ebibye eby'o kulwanisya, ni mwanguwa okuniina ku lusozi. \v 42 Awo Mukama n'a nkoba nti bakobe nti ti muniina so ti mulwana; kubanga nze tindi mu imwe; muleke okubbingibwa mu maiso g'abalabe banyu:

01/43.txt

@@ -0,0 +1 @@
+\v 43 Awo ni ntumula na imwe, ni mutawulira; naye ni mujeemera ekiragiro kya Mukama ni mukwatibwa amalala, ni muniina ku lusozi. \v 44 Awo Abamoli abatyamanga ku lusozi olwo, ni bafuluma okubalumba ni bababbinga, ng'e njoki bwe gikola, ni babakubbirakubbira ku Seyiri okutuusya ku Koluma.

01/45.txt

@@ -0,0 +1 @@
+\v 45 Ni mwirayo ni mukunga amaliga mu maiso ga Mukama; naye Mukama n'a tawulira idoboozi lyanyu, so n'a tabategera kitu. \v 46 Awo ni mutyamira mu Kadesi enaku nyingi, ng'e naku bwe giri gye mwamalireyo. Ensuula

02/01.txt

@@ -0,0 +1 @@
+\v 1 Awo kaisi ni tukyuka, ni tutambula mu idungu mu ngira ebita mu nyanza emyofu, nga Mukama bwe yankobere: ni twetooloolera olusozi Seyiri enaku nyingi. \v 2 Mukama n'a tumula nanze nti \v 3 Mulwiire okwetooloola olusozi luno: mukyuke mwabe ebukika obugooda.

02/04.txt

@@ -0,0 +1 @@
+\v 4 Wena lagira abantu ng'o tumula nti Mwaba kubita mu nsalo ya bagande banyu abaana ba Esawu abatyama ku Seyiri, era ibo balibatya: kale mwekuume inu mwenka: \v 5 ti mutongana nabo; kubanga tinjaba kubawa ku nsi yabwe waire awaniinibwa n'e kigere: kubanga nawaire Esawu olusozi Seyiri okubba obutaka.

02/06.txt

@@ -0,0 +1 @@
+\v 6 Mwagulanga emere n'e feeza gye bali mulyenga; era n'a maizi mwagagulanga n'e feeza gye bali munywenga. \v 7 Kubanga Mukama Katonda wo akuwaire omukisa mu mulimu gwonagwona ogw'o mukono gwo: yamaite okutambula kwo mu idungu lino einene: emyaka gino ana Mukama Katonda wo ng'abba wamu naiwe; tewabbangawo kye wabulirwe:

02/08.txt

@@ -0,0 +1 @@
+\v 8 Awo ni tubita ku mbali bagande baisu abaana ba Esawu abatyama ku Seyiri, mu ngira ya Alaba okuva mu Erasi ne Ezyonigeba. Ni tukyuka ni tubita mu ngira y'o mu idungu lye Mowaabu.

02/09.txt

@@ -0,0 +1 @@
+\v 9 Mukama n'a nkoba nti tosunguwalya Mowaabu so tolwana nabo mu lutalo: kubanga ti njaba kukuwa ku nsi ye okubba obutaka; kubanga nawaire abaana ba Luuti Ali okubba obutaka.

02/10.txt

@@ -0,0 +1 @@
+\v 10 (Abemi baatyamanga omwo oluberyeberye, eigwanga eikulu, era einene era eiwanvu nga Abanaki bwe bali; \v 11 era boona bayeteibwe Balefa, nga Abanaki bwe babbaire; naye Abamowaabu babetere Bemi.

02/12.txt

@@ -0,0 +1 @@
+\v 12 Era n'Abakooli batyamanga ku Seyiri olubereberye, naye abaana ba Esawu ni babasikira; ne babazikirirya mu maiso gaabwe, ni batyama mu kifo kyabwe; nga Isiraeri bwe yakolere ensi ey'o butaka bwe Mukama gye yabawaire.)

02/13.txt

@@ -0,0 +1 @@
+\v 13 Kale mugolokoke musomoke akaiga Zeredi. Ni tusomoka akaiga Zeredi. \v 14 Era enaku gye twamalire kasookeire tuva e Kadesubanea okutuusya lwe twasomokere akaiga Zeredi gyabbaire emyaka asatu mu munaana; okutuusya emirembe gyonagyna egy'a balwani lwe baweirewo wakati mu lusiisira, nga Mukama bwe yabalayiriire. \v 15 Era omukono gwa Mukama gwalwananga nabo, okubazikirirya wakati mu lusiisira, okutuusya lwe baweirewo.

02/16.txt

@@ -0,0 +1 @@
+\v 16 Awo olwatuukire, abalwani bonabona bwe bamalire okuwaawo era nga bafiire mu bantu, \v 17 Mukama kaisi n'a nkoba nti \v 18 Atyanu wabita mu Ali, niiyo ensalo y'e Mowaabu: \v 19 era bwewasemberera abaana ba Amoni era ng'o boolekeire, tobasunguwalya so totongana nabo: kubanga ti njaba kukuwa ku nsi y'a baana ba Amoni okubba obutaka: kubanga nagiwaire abaana ba Luuti okubba obutaka.

02/20.txt

@@ -0,0 +1 @@
+\v 20 (Era n'eyo eyetebwa nsi ya Balefa: Balefa bagityamangamu eira; naye Abamoni babetere Bazamuzumu; \v 21 eigwanga eikulu era einene era eiwanvu. nga Abanaki bwe babbaire; naye Mukama yabazikiriirye mu maiso gaabwe; ni babasikira ne batyama mu kifo kyabwe: \v 22 nga bwe yakolere abaana ba Esawu, abaatyama ku Seyiri, bwe yazikiriirye Abakooli mu maiso gaabwe; ni babasikira, ni batyama mu kifo kyabwe Okutuusya atyanu:

02/23.txt

@@ -0,0 +1 @@
+\v 23 n'Abavi abatyamanga mu byalo okutuuka ku Gaza, Abakafutoli abaviire mu Kafutoli ni babazikirirya ni batyama mu kifo kyabwe.)

02/24.txt

@@ -0,0 +1 @@
+\v 24 Mugolokoke, mutambule, mubite mu kiwonvu kya Alunoni: bona, ngabwire mu mukono gwo Sikoni Omwamoli, kabaka w'e Kesuboni, n'e nsi ye: tandiika okugirya, olwane naye mu lutalo. \v 25 Watyanu nasooka okuteeka entiisya yo n'e kitiibwa kyo ku mawanga agali wansi w'e igulu lyonalyona, abaliwulira eitutumu lyo ni batengera ni balumwa ku bubwo.

02/26.txt

@@ -0,0 +1 @@
+\v 26 Ne ntuma ababaka okuva mu idungu ery'e Kedemosi eri Sikoni kabaka w'e Kesuboni n'e bigambo eby'e mirembe, nga ntumula nti \v 27 Mubite mu nsi yo: natambuliranga mu luguudo, ti njaba kukyamira ku mukono omulyo waire mugooda.

02/28.txt

@@ -0,0 +1 @@
+\v 28 Emere wangulyanga na feeza ndyenga; n’a maizi wangulyanga na feeza nywenga: kyoka mbitemu n'e bigere byange; \v 29 ng'a baana ba Esawu abatyama ku Seyiri, n'Abamowaabu abatyama mu Ali bwe bankola; Okutuusya lwe ndisomoka Yoludaani okwaba mu nsi Mukama Katonda waisu gy'atuwa.

02/30.txt

@@ -0,0 +1 @@
+\v 30 Naye Sikoni kabaka w'e Kesuboni n'a tatuganya kubita ku mbali kwe: kubanga Mukama Katonda wo yakakanyairye omwoyo gwe, n'a muwaganyalya omwoyo gwe kaisi amugabule mu mukono gwo nga watyanu. \v 31 Mukama n'a nkoba nti Bona, ntanwire okugabula Sikoni n'e nsi ye mu maiso go: tandika okulya ensi ye kaisi ogisikire.

02/32.txt

@@ -0,0 +1 @@
+\v 32 Sikoni kaisi na situla okutulumba, iye n'a bantu be bonabona okulwanira e Yakazi. \v 33 Mukama Katonda waisu n'a mugabula mu maiso gaisu; ni tumwita iye n'a baana be n'a bantu be bonabona.

02/34.txt

@@ -0,0 +1 @@
+\v 34 Ne tunyaga ebibuga bye byonabyona mu biseera ebyo, ne tuzikiririrya dala buli kibuga omuli abantu, wamu n'a bakali n'a baana abatobato; tetwasigairyewo n'o mumu: \v 35 ente gyonka gye twetwaliire okubba omunyago, wamu n'e byo bye twatoire mu bibuga bye twanyagire.

02/36.txt

@@ -0,0 +1 @@
+\v 36 Okuva ku Aloweri ekiri ku mbali g'e kiwonvu kya Alunoni, era okuva ku kibuga ekiri mu kiwonvu okutuusya ku Gireyaadi, wabula kibuga ekyatulemere olw'o bugulumivu bwakyo: Mukama Katonda waisu yagabwire byonabyona mu maiso gaisu: \v 37 kyonka tewasembereire nsi y'a baana ba Amoni: oluuyi lwonalwona olw'o mwiga Yaboki, n'e bibuga eby'o mu nsi ey'e nsozi, ne yonayona Mukama Katonda waisu gye yatugaine. Essuula

03/01.txt

@@ -0,0 +1 @@
+\v 1 Kaisi ni tukyuka ni twambukira mu ngira eyaba e Basani: Ogi kabaka w'e Basani n'a situla okutulumba, iye n'a bantu be bonabona, okulwanira Ederei. \v 2 Mukama n'a nkoba nti ti mutya: kubanga mugabwire iye n'a bantu be bonabona n'e nsi ye mu mukono gwo; era olimukola nga bwe wakolere Sikoni kabaka w'Abamoli abatyamanga mu Kesuboni.

03/03.txt

@@ -0,0 +1 @@
+\v 3 Awo Mukama Katonda waisu n'a gabula mu mukono gwaisu n'e Ogi kabaka w'e Basani n'a bantu be bonabona: ni tumwita okutuusya lwe watamusigaliirewo n'o mumu: \v 4 Ni tunyaga ebibuga bye byonabyona mu biseera ebyo; tewabbaire kibuga kye tutabanyagirku; ebibuga nkaaga, ensi yonayona eya Alugobu, obwakabaka bwa Ogi mu Basani.

03/05.txt

@@ -0,0 +1 @@
+\v 5 Ebyo byonabyona byabbaire bibuga ebyazimbiibweku bugwe omuwanvu n'e njigi n'e bisiba; obutateekaku bibuga ebibula bugwe bingi inu: \v 6 Ni tubizikiririrya dala nga bwe twakolere Sikoni kabaka w'e Kesuboni, nga tuzikiririrya dala buli kibuga omuli abantu, wamu n'a bakali n'a baana abatobato. \v 7 Naye ente gyonagyona n'e byo bye twanyagire mu bibuga, ni twetwalira okubba omunyago.

03/08.txt

@@ -0,0 +1 @@
+\v 8 Era mu biseera ebyo ni tutoola ensi mu mukono gwa bakabaka bombiri ab'Abamoli ababbaire emitala wa Yoludaani, okuva mu kiwonvu kya Alunoni okutuusya ku lusozi Kerumooni; \v 9 (Kerumooni Abasidoni bamwetere Siriyooni, n'Abamoli bamwetere Seniri;) \v 10 ebibuga byonabyona eby'o mu lusenyu, n'e Gireyaadi yonayona, n'e Basani yonayona, okutuusya ku Saleka n'e Ederei, ebibuga by'o bwakabaka bwa Ogi mu Basani:

03/11.txt

@@ -0,0 +1 @@
+\v 11 (Kubanga Ogi kabaka w'e Basani niiye yasigairewo yenka ku abo abaasigairewo ku Balefa; bona, ekitanda kye kyabbaire kye kyoma; tikiri mu Labba eky'a baana ba Amoni? obuwanvu bwakyo emikono mwenda, n'o bugazi bwakyo emikono ena, ng'o mukono gw'o muntu bwe guli.)

03/12.txt

@@ -0,0 +1 @@
+\v 12 N'e nsi eyo ni tugirya mu biseera ebyo: okuva ku Aloweri, ekiri ku mbali kw'e kiwonvu kya Alunoni, n'e kitundu ky'e nsi ey'e nsozi eya Gireyaadi, n'e bibuga byayo n'a biwa Abalewubeeni n'Abagaadi: \v 13 n'e kitundu kye Gireyaadi ekyasigairewo, n'e Basani yonayona, obwakabaka bwa Ogi, na biwa ekitundu ky'e kika kya Manase; ensi yonayona eya Alugobu, niiyo Basani yonayona, (Eyo eyetebwa nsi ya Balefa.

03/14.txt

@@ -0,0 +1 @@
+\v 14 Yayiri Mutaane wa Manase n'a twala oluuyi lwonalwona olwa Alugobu okutuuka ku nsalo y'Abagesuli n'Abamaakasi; n'a gituuma iye Basani, N ng'e riina lye bwe lyabbaire, Kavosuyayiri, okutuusya watyanu.)

03/15.txt

@@ -0,0 +1 @@
+\v 15 Gireyaadi n'e mpaayo Makiri, \v 16 n'Abalewubeeni n'Abagaadi ni mbawa okuva ku Gireyaadi okutuusya ku kiwonvu kya Alunoni, ekiwonvu ekya wakati, n'e nsalo yaakyo; okutuusya ku mwiga Yaboki, niiyo nsalo y'a baana ba Amoni;

03/17.txt

@@ -0,0 +1 @@
+\v 17 era ne Alaba n'e Yoludaani n'e nsalo yaagwo; okuva ku Kineresi okutuusya ku nyanza ya Alaba, enyanza ey'o munyu, awali entunumba gye Pisuga ku luuyi olw'e buvaisana.

03/18.txt

@@ -0,0 +1 @@
+\v 18 Ne mbalagira mu biseera ebyo nga ntumula nti Mukama Katonda wanyu abawaire ensi eno okugirya: mwasomoka nga mukwaite eby'o kulwanisya mu maiso ga bagande banyu abaana ba Isiraeri, abasaiza bonabona abazira.

03/19.txt

@@ -0,0 +1 @@
+\v 19 Naye bakaali banyu n'a baana banyu Abatobato n'e bisibo byanyu (maite nga mulina ebisibo bingi) byabbanga mu bibuga byanyu bye nabawaire; \v 20 okutuusya Mukama lw'aliwa bagande banyu okuwumula, nga mweena, era boona nga baliire ensi Mukama Katonda wanyu gy'a bawa emitala w'e Yoludaani: Kaisi ni mwira buli muntu mu butaka bwe bwe na bawaire.

03/21.txt

@@ -0,0 +1 @@
+\v 21 Ni ndagira Yoswa mu biseera ebyo nga ntumula nti Amaiso go gaboine byonabyona Mukama Katonda wanyu by'akolere bakabaka bano bombiri: Atyo Mukama bw'alikola obwakabaka bwonabwona gye musomoka okwaba. \v 22 Temubatyanga: kubanga Mukama Katonda wanyu, oyo y'a balwaniriire.

03/23.txt

@@ -0,0 +1 @@
+\v 23 Ni negayirira Mukama mu biseera ebyo ng'a ntumula nti \v 24 Ai Mukama Katonda, omogere okulaga omwidu wo obukulu bwo n'o mukono gwo ogw'a maani; kubanga katonda ki ali mu igulu oba mu nsi asobola okukola ng'e mirimu gyo bwe giri era ng'e bikolwa byo eby'a maani bwe biri? \v 25 Nsomoke, nkwegayirira, mbone  ensi ensa eri emitala wa Yoludaani, olusozi ludi olusa, ne Lebanooni.

03/26.txt

@@ -0,0 +1 @@
+\v 26 Naye Mukama n'a nsunguwalira nze ku bwanyu n'a tampulira: Mukama n'a nkoba nti kikumale: totumula ate nanze ku kigambo ekyo. \v 27 Niina ku ntiiko ya Pisuga, oyimusye amaiso go omoge ebugwaisana n'o bukiika obugooda n'o bulyo n'e buvaisana, obone n'a maiso go: kubanga tolisomoka Yoludaani guno.

03/28.txt

@@ -0,0 +1 @@
+\v 28 Naye kuutira Yoswa omugumye omuwe amaani: kubanga niiye alisomoka ng'atangira abantu bano, era niiye alibasikisya ensi gy'olibona. \v 29 Awo ni tutyama mu kiwonvu ekyolekera Besupyoli. Ensuula

04/01.txt

@@ -0,0 +1 @@
+\v 1 Ne watyanu, iwe Isiraeri, wulira amateeka n'e misango, bye mbegeresya, okubikolanga; mubbe balamu, muyingire mulye ensi Mukama Katonda wa Bazeiza banyu gy'a bawa. \v 2 Temutumulanga ku kigambo kye mbalagira, so temukisalangaku, mukwatenga ebiragiro bya Mukama Katonda wanyu bye mbalagira.

04/03.txt

@@ -0,0 +1 @@
+\v 3 Amaiso ganyu gaboine Mukama kye yakolere olwa Baalipyoli: kubanga abantu bonabona abasengereirye Baalipyoli, Mukama Katonda wo yabazikiriirye wakati mu imwe. \v 4 Naye imwe abeegaitire n'o Mukama Katonda wanyu mukaali balamu buli muntu ku imwe watyanu.

04/05.txt

@@ -0,0 +1 @@
+\v 5 Bona, mbegeresya amateeka n'e misango, nga Mukama Katonda wange bwe yandagiire, mukolenga mutyo wakati mu nsi gye muyingiramu okugirya. \v 6 Kale mubyekuumenga mubikolenga; kubanga ago niigo magezi ganyu n'o kutegeera kwanyu mu maiso g'a mawanga agawuliranga amateeka ago gonagona ni gatumula nti Mazima eigwanga lino eikulu niibo bantu ab'a magezi era abategeera.

04/07.txt

@@ -0,0 +1 @@
+\v 7 Kubanga, igwanga ki eririna katonda ali okumpi nga Mukama Katonda waisu bw'ali bwe tumukoowoolanga? \v 8 Era igwanga ki eikulu eririna amateeka n'e misango egy'e nsonga ng'a mateeka gano gonagona bwe gali, ge nteekere mu maiso ganyu watyanu?

04/09.txt

@@ -0,0 +1 @@
+\v 9 Kyooka wegendererye wekuume emeeme yo ng'o nyiikira, oleke okwerabira ebigambo amaiso go bye gaboine, bireke okuva mu mwoyo gwo enaku gyonagyona egy'o bulamu bwo; naye mubitegeezenga abaana bo n'a baana b'a baana bo; \v 10 olunaku lwe wayemereire mu maiso ga Mukama Katonda wo ku Kolebu, Mukama bwe yankobere nti nkuŋaanyirye abantu, nzena nabawulirya ebigambo byange, beege okuntyanga enaku gyonagyona gye babbanga abalamu ku nsi, era begeresyenga abaana baabwe.

04/11.txt

@@ -0,0 +1 @@
+\v 11 Ni musembera ni mwemerera wansi w'o lusozi; olusozi ni lwaka n'o musyo okutuusya ku mwoyo gw'e igulu, n'e ndikirirya, n'e kireri, n'e ndikirirya ekwaite. \v 12 Mukama n'a tumula naimwe ng'ayema wakati mu musyo: mwawuliire eidoboozi ly'e bigambo, naye ni mutabona kifaananyi kyonakyona; idoboozi lyonka.

04/13.txt

@@ -0,0 +1 @@
+\v 13 N'a bakobera endagaanu ye, gye yabalagiire okukola, niigo mateeka eikumi; nagawandiikire ku bipande by'a mabbaale bibiri. \v 14 Mukama n'a ndagira mu biseera ebyo okubegeresya amateeka n'e misango, mubikolenga mu nsi gye musomokera okwabamu okugirya.

04/15.txt

@@ -0,0 +1 @@
+\v 15 Kale mwekuume inu; kubanga ti mwaboine kifaananyi kyonakyona  ku lunaku Mukama lwe yatumwire na imwe ku Kolebu ng'a yema wakati mu musyo: \v 16 mulekenga okweyonoona ne mwekolera ekifaananyi ekyole nga kifaanana ekintu kyonakyona, ekifaananyi ky'e kisaiza oba eky'e kikali, \v 17 ekifaananyi ky'e nsolo yonayona eri ku nsi, ekifaananyi ky'e nyonyi yonayona erina ebiwawa ebuuka mu ibbanga, \v 18 ekifaananyi ky'e kintu kyonakyona ekyewalula ku itakali, ekifaaaanyi ky'e kyenyanza kyonakyona ekiri mu maizi wansi w'e itakali:

04/19.txt

@@ -0,0 +1 @@
+\v 19 era olekenga okuyimusya amaiso go mu igulu, n'o bona eisana n'o mwezi n'e munyenye, niilyo eigye lyonalyona ery'o mu igulu, n'o sendebwasendebwa n'o bisinza, n'o biweererya, Mukama Katonda wo bye yagabiire amawanga gonagona agali wansi w'e igulu lyonalyona: \v 20 Naye Mukama yabatwaire n'a batoola mu kikoomi eky'e kyoma, mu Misiri, okubba gy'ali abantu ab'e nvuma, nga watyanu.

04/21.txt

@@ -0,0 +1 @@
+\v 21 Era ate Mukama yansunguwaliire nze ku lwanyu, n'a layira nze obutasomoka Yoludaani, waire okuyingira mu nsi eyo ensa, Mukama Katonda wo gy'a kuwa okubba obutaka: \v 22 naye kiŋwanira okufiira mu nsi muno, tekiŋwanira kusomoka Yoludaani: naye imwe mulisomoka: ni mulya ensi eyo ensa.

04/23.txt

@@ -0,0 +1 @@
+\v 23 Mwekuume mulekenga okwerabira Endagaanu ya Mukama Katonda wanyu, gye yalagaine naimwe, ne mwekolera ekifaananyi ekyole nga kirina engeri y'e kintu kyonakyona, Mukama Katonda wo kye yakugaine. \v 24 Kubanga Mukama Katonda wo niigwo musyo ogwokya, Katonda ow'e iyali.

04/25.txt

@@ -0,0 +1 @@
+\v 25 Bwe wazaalanga abaana n'a baana b'a baana, era nga mumalire ebiseera bingi mu nsi, era nga mumalire okweyonoona, ni mwekolera ekifaananyi ekyole nga kirina engeri y'e kintu kyonakyona, ni mukola ekiri mu maiso ga Mukama Katonda wo ekibbiibi, okumusunguwalya: \v 26 Njeta eigulu n'e nsi okubba abajulizi eri imwe watyanu, nga mulizikiririra dala mangu ku nsi gye musomokera Yoludaani okugyabamu okugirya; temuligimalaku naku nyingi, naye mulizikiririra dala.

04/27.txt

@@ -0,0 +1 @@
+\v 27 Era Mukama alibasaansaanya mu mawanga, era mulisigalawo batono mu bantu, Mukama gy'alibatwala ewala. \v 28 Era muliweerererya eyo bakatonda, emirimu gy'e mikono gy'a bantu, emisaale n'a mabbaale, ebitabona waire okuwulira waire okulya waire okuwunyirirya.

04/29.txt

@@ -0,0 +1 @@
+\v 29 Naye nga mwema eyo bwe wasagiranga Mukama Katonda wo, wamubonanga bwe wamusagiranga n'o mwoyo gwo gwonagwona n'o bulamu bwo bwonabwona.

04/30.txt

@@ -0,0 +1 @@
+\v 30 Bwe wabba ng'o boine enaku; era ebyo byonabyona nga bikwiziire; mu naku egy'e nkomerero wairangawo eri Mukama Katonda wo, era wawuliranga eidoboozi lye; \v 31 kubanga Mukama Katonda wo Katonda w'o kusaasira; taakulekenga, so taakuzikiriryenga, so ti yeerabirenga ndagaanu ya bazeiza bo gye yabalayiriire.

04/32.txt

@@ -0,0 +1 @@
+\v 32 Kubanga kale buulya enaku egy'e ira egyakusookere, okuva ku lunaku Katonda lwe yatondere abantu ku nsi, era okuva ku nkomerero y'e igulu okutuuka ku nkomerero yaalyo, oba nga waabbangawo ekifaanana ng'e kigambo kino ekikulu; oba kyawulirwanga ekiri kityo. \v 33 Waabbangawo abantu abaawuliire eidoboozi lya Katonda nga litumula nga liva wakati mu musyo, nga iwe bwe wawuliire, ni babba balamu?

04/34.txt

@@ -0,0 +1 @@
+\v 34 Oba Katonda yabbaire agezeryeku okwaba okwetwalira eigwanga ng'a kitoola wakati mu igwanga liinaye, n'o kukema n'o bubonero n'e by'a magero n'e ntalo n'e ngalo egy'a maani n'o mukono ogwagoloilwe n'e by'e ntiisya ebikulu, nga byonabyona bwe byabbaire Mukama Katonda wanyu bye yabakoleire mu Misiri mu maiso ganyu?

04/35.txt

@@ -0,0 +1 @@
+\v 35 Lwe walagiibwe otyo Kaisi omanye nga Mukama niiye Katonda; wabula gondi wabula iye. \v 36 Yakuwuliirye eidoboozi lye ng'a yema mu igulu kaisi akwegeresye: n'o ku nsi yakuboneserye omulimu gwe omunene; n'o wulira ebigambo bye nga biva wakati mu musyo.

04/37.txt

@@ -0,0 +1 @@
+\v 37 Era kubanga yatakire bazeiza bo, kye yaviire alonda eizaire lyabwe eririirawo, n'a kutoola mu Misiri iye ng'abba naiwe olw'o buyinza bwe obungi; \v 38 okubbinga mu maiso go amawanga agaakusinga obukulu n'a maani, okukuyingirya iwe, okukuwa ensi yabwe okubba obutaka, nga watyanu.

04/39.txt

@@ -0,0 +1 @@
+\v 39 Kale manya watyanu, era okiteeke ku mwoyo, nga Mukama niiye Katonda mu igulu waigulu n'o mu nsi wansi: wabula gondi. \v 40 Era weekuumanga amateeka ge n'e biragiro bye, bye nkulagira watyanu, obonenga ebisa iwe n'a baana bo abaliirawo, era omale enaku nyingi ku nsi, Mukama Katonda wo gy'a kuwa, emirembe gyonagyona.

04/41.txt

@@ -0,0 +1 @@
+\v 41 Awo Musa kaisi n'ayawula ebibuga bisatu emitala we Yoludaani ku luuyi olw'e buvaisana; \v 42 omwiti airukirenga omwo, eyaitanga mwinaye ng'a taniirwe; so nga tamukyawanga; airukiranga mu kimu ku bibuga ebyo abbenga omulamu; \v 43 Bezeri ekiri mu idungu, mu lusenyu, okubba eky'Abalewubeeni; n'e Lamosi ekiri mu Gireyaadi okubba eky'Abagaadi; n'e Golani ekiri mu Basani okubba eky'Abamanase.

04/44.txt

@@ -0,0 +1 @@
+\v 44 Era gano niigo mateeka Musa ge yateekere mu maiso g'a baana ba Isiraeri: \v 45 buno niibwo bujulizi n'a mateeka n'e misango Musa bye yakobeire abaana ba Isiraeri bwe baviire mu Misiri; \v 46 emitala wa Yoludaani, mu kiwonvu ekyolekera Besupyoli, mu nsi ye Sikoni kabaka w'Abamoli, eyatyamaanga mu Kesuboni, Musa n'a baana ba Isiraeri gwe baakubbire, bwe baaviire mu Misiri:

04/47.txt

@@ -0,0 +1 @@
+\v 47 ni balya ensi ye, n'e nsi y'e Ogi kabaka w'e Basani, bakabaka bombiri ab'Abamoli, abaabbanga emitala wa Yoludaani ku luuyi olw'e buvaisana; \v 48 okuva ku Aloweri, ekiri ku mbali kw'e kiwonvu kye Alunoni, okutuusya ku lusozi Sayuuni (eyo niiyo Kerumooni), \v 49 n Abona yonayona emitala wa Yoludaani ku luuyi olw'e buvaisana, okutuusya ku nyanza ya Alaba, awali entunumba gya Pisuga. Essuula

05/01.txt

@@ -0,0 +1 @@
+\v 1 Awo Musa n'ayeta Isiraeri yenayena n'a bakoba nti wulira, iwe Isiraeri, amateeka n'e misango bye ntumula mu matu ganyu watyanu, mubyege, mubikwatenga okubikola. \v 2 Mukama Katonda waisu yalagaine endagaanu naife ku Kolebu. \v 3 Mukama teyalagaine ndagaanu eyo n'a bazeiza baisu, naye naife ife, abali wano fenafena nga balamu watyanu.

05/04.txt

@@ -0,0 +1 @@
+\v 4 Mukama Yatumwire na imwe nga mubonagana n'a maiso ku lusozi ng'a yema wakati mu musyo, \v 5 (nayemerera wakati wa Mukama na imwe mu biseera ebyo, okubalaga ekigambo kya Mukama: kubanga mwabbaire mutiire olw'o musyo ni mutaniina ku lusozi;) ng'a. tumula nti \v 6 Ninze Mukama Katonda wo eyakutoire mu nsi y'e Misiri, mu nyumba y'o bwidu.

05/07.txt

@@ -0,0 +1 @@
+\v 7 Tobbanga n'a bakatonda abandi we ndi. \v 8 Ti weekoleranga kifaananyi kyole, ekifaananyi ky'e kintu kyonakyona ekiri mu igulu waigulu, waire wansi ku itakali, waire mu maizi agali wansi w'e itakali:

05/09.txt

@@ -0,0 +1 @@
+\v 9 tobivuunamiranga, so tobiweereryanga: kubanga ninze Mukama Katonda wo ndi Katonda w'e iyali, awalana ku baana obubbiibi bwa bazeiza baabwe, n'o ku banakabiri n'o ku banakasatu ku abo abankyawa; \v 10 era airiramu abantu enkumi n'e nkumi ku abo abantaka, abeekuuma amateeka gange.

05/11.txt

@@ -0,0 +1 @@
+\v 11 Tolayiriranga bwereere liina lya Mukama Katonda wo: kubanga Mukama talimulowooza nga abulaku musango omuntu alayirira obwereere eriina lye.

05/12.txt

@@ -0,0 +1 @@
+\v 12 Okwatanga olunaku olwa sabbiiti okulutukulya, nga Mukama Katonda wo bwe yakulagiire. \v 13 Enaku omukaaga okolanga n'o mala emirimu gyo gyonagyona: \v 14 naye olunaku olw'o musanvu niiyo sabbiiti ya Mukama Katonda wo: tolukolerangaku mirimu gyonagyona iwe waire mutaane wo waire muwala wo, waire omwidu wo, waire omuzaana wo; waire ente yo, waire endogoyi yo, waire ebisolo byo byonabyona, waire munaigwanga wo ali ewuwo; omwidu wo n'o muzaana wo bawumulenga: era nga naiwe.

05/15.txt

@@ -0,0 +1 @@
+\v 15 Era waijukiranga nga wabbaire mwidu mu nsi y'e Misiri, Mukama Katonda wo n'a kutoolamu n'e ngalo egy'a maani n'o mukono ogwagoloilwe: Mukama Katonda wo Kyeyaviire akulagira okwekuumanga olunaku olwa sabbiiti.

05/16.txt

@@ -0,0 +1 @@
+\v 16 Itaawo n'o mawo obateekangamu ekitiibwa, nga Mukama Katonda wo bwe yakulagiire: enaku gyo gibbe nyingi, era obone ebisa ku nsi Mukama Katonda wo gy'akuwa.

05/17.txt

@@ -0,0 +1 @@
+\v 17 Toitanga. \v 18 So toyendanga: \v 19 So toibbanga. \v 20 So towaayiriryanga muntu mwinawo:

05/21.txt

@@ -0,0 +1 @@
+\v 21 So ti weegombanga mukali w'o muntu mwinawo, so toyaayaaniranga nyumba y'o muntu mwinawo, waire enimiro ye, waire omwidu we, waire omuzaana we, waire ente ye waire endogoyi ye, waire ekintu kyonakyona eky'o muntu mwinawo.

05/22.txt

@@ -0,0 +1 @@
+\v 22 Ebigambo ebyo Mukama yabibuuliire ekibiina kyanyu kyonakyona ku lusozi ng'a yema wakati mu musyo n'o mu kireri n'o mu ndikirirya ekwaite, n'e idoboozi einene: n'atayongeraku bindi. N'a biwandiika ku bipande bibiri eby'a mabbaale n'a gampa:

05/23.txt

@@ -0,0 +1 @@
+\v 23 Awo olwatuukire, bwe mwawulira eidoboozi nga liva mu ndikirirya wakati, olusozi nga lwaka omusyo, ne munsemberera, abakulu bonabona ab'e bika byanyu, n'a bakaire banyu; \v 24 ni mutumula nti bona, Mukama Katonda waisu atulagire ekitiibwa kye n'o bukulu bwe, era tuwuliire eidoboozi lye nga liva mu musyo: wakati: tuboine watyanu nga Katonda atumula n'o muntu n'abba mulamu:

05/25.txt

@@ -0,0 +1 @@
+\v 25 Kale atyanu twandifiiriire ki? kubanga omusyo guno omungi gwatuzikirirya: bwe twawulira ate eidoboozi lya Mukama Katonda waisu, twafa. \v 26 Kubanga yani ku balina omubiri bonabona eyabbaire awuliire eidoboozi lya Katonda omulamu nga litumula nga liva mu musyo wakati, nga ife bwe tuwuliire, n'abba mulamu? \v 27 Iwe sembera owulire byonabyona Mukama Katonda waisu by'e yatumula: kaisi otukobere byonabyona Mukama Katonda waisu byeyakukobera; feena tulibiwulira ni tubikola.

05/28.txt

@@ -0,0 +1 @@
+\v 28 Mukama n'a wulira eidoboozi ly'e bigambo byanyu bwe mwatumwire nanze; Mukama n'a nkomba nti mpuliire eidoboozi ly'e bigambo by'a bantu bano, bye bakukobeire: batumwire kusa byonabyona bye bakobere. \v 29 Singa mulimu omwoyo mu ibo ogufaanana guti n'o kutya bandintiire ni beekuumanga ebiragiro byange byonabyona enaku gyonagyona, kaisi babone ebisa n'a baana baabwe emirembe gyonagyona \v 30 Yaba obakobe nti mwireyo mu wema gyanyu.

05/31.txt

@@ -0,0 +1 @@
+\v 31 Naye iwe, yemerera wano we ndi; nanze nakukobera ekiragiro kyonakyona n'a mateeka n'e misango by'o libegeresya, kaisi babikolenga mu nsi gye mbawa okugirya.

05/32.txt

@@ -0,0 +1 @@
+\v 32 Kale mwakwatanga okukola nga Mukama Katonda wanyu bwe yabalagiire: timukyamiranga ku mukono omulyo waire ku mugooda. \v 33 Mwatambuliranga mu ngira yonayona Mukama Katonda wanyu gye yabalagiire, kaisi mubbenga abalamu, era mubone ebisa, era mumale enaku nyingi mu nsi gye mulirya. Ensuula

06/01.txt

@@ -0,0 +1 @@
+\v 1 Kale kino niikyo kiragiro, amateeka n'e misango, Mukama Katonda wanyu bye yalagiire okubyegeresya, kaisi mubikolenga mu nsi gye musomokera okwabamu okugirya: \v 2 otyenga Mukama Katonda wo, okwekuumanga amateeka ge gonagona n'e biragiro bye bye nkulagira iwe n'obmwana wo n'o mwizukulu wo, enaku gyonagyona egy'o bulamu bwo; era kaisi owangaale enaku nyingi.

06/03.txt

@@ -0,0 +1 @@
+\v 3 Kale wulira, iwe Isiraeri, okwatenga okukola kutyo; obonenga ebisa, era mwale inu, nga Mukama Katonda wa bazeiza bo bwe yakusuubizirye, mu nsi ekulukuta n'a mata n'o mubisi gw'e njoki.

06/04.txt

@@ -0,0 +1 @@
+\v 4 Wulira, iwe Isiraeri: Mukama Katonda waisu niiye Mukama omumu: \v 5 era watakanga Mukama Katonda wo n'o mwoyo gwo gwonagwona, n'e meeme yo yonayona, n'a maani go gonagona.

06/06.txt

@@ -0,0 +1 @@
+\v 6 Era ebigambo bino bye nkulagira watyanu byabbanga ku mwoyo gwo: \v 7 era wanyiikiranga okubyegeresya abaana bo, era wabitumulangaku bwewatyaanga mu nyumba yo, era bwewatambuliranga mu ngira, era bwewagalamiranga, era bwewagolokokanga:

06/08.txt

@@ -0,0 +1 @@
+\v 8 Era wabisibanga okubba akabonero ku mukono gwo, era byabbanga eby'o ku kyeni wakati w'a maiso go. \v 9 Era wabiwandiikanga ku mifubeeto gy'e nyumba yo, no ku njigi gyo.

06/10.txt

@@ -0,0 +1 @@
+\v 10 Awo olulituuka Mukama Katonda wo bw'a likuyingirya mu nsi gye yalayiriire Bazeiza bo, Ibulayimu n'o Isaaka n'o Yakobo okugikuwa: ebibuga ebinene ebisa by'o taazimbire, \v 11 n'e nyumba egizula ebisa byonabyona, gy'o taizwirye, n'e bidiba ebyasimiibwe, by'otaasimire, ensuku egy'e mizabbibu n'e mizeyituuni gy'o taasimbire, n'olya n'o ikuta; \v 12 kaisi ni weekuuma olekenga okwerabira Mukama: eyakutoire mu nsi y'e Misiri; mu nyumba y'o bwidu.

06/13.txt

@@ -0,0 +1 @@
+\v 13 Watyanga Mukama Katonda wo; era oyo muweereryanga, era eriina lye lye walayiranga. \v 14 Ti musengereryanga bakatonda abandi, ku bakatonda ab'a mawanga agabeetooloire; \v 15 kubanga Mukama Katonda wo ali wakati wanyu niiye Katonda ow'e iyali; obusungu bwa Mukama Katonda wo buleke okukubuubuukiraku, n'a kuzikirirya okukutoola ku maiso g'ensi.