mnong_2020_mng_mlt_mat_book/mat/25.json

{
  "1": "Klăh iên, Uôn Yang Trôk jrăng ndrơm klăh di măt nau ur drôh ñôt iñ đen hên sak drông kăn tle.",
  "2": "Mŏng măt nau hên hư̆n mau prăm nau nêh plư̆p jêh iên prăm nau nêh gư̆t mĭn.",
  "3": "Bơ yơng jăng jai prăm nau ur drôh plư̆p ñôt iñ đen sak, ƀê̆ dăh hên so ñôt ôh dak iñ băk săk.",
  "4": "Ƀê̆ dăh băl ur drôh gư̆t mĭn hên ñôt dak iñ mŏng gri wăt iñ đen hên.",
  "5": "Bơ yơng kăn tle trôh la, lĕ mơt dư̆ng hên bê̆ măt jêh iên bê̆ hăk.",
  "6": "Ƀê̆ dăh trôh tluông măng, mau dơk kuôl: \"Kăn tle tŏ hư̆n! Ăn sak drông kăn\"",
  "7": "Hư̆n yơh lĕ mơt măt nau hên ngĕh gơ-gu jêh iên dŏk mkra iñ hên.",
  "8": "Băl ur drôh plư̆p ngơi ta băl ur drôh gư̆t mĭn: \"Dăn ăn dŏng nê̆ dak iñ pu e ta hi, bơ yơng iñ đen hi mơñ khư̆t.",
  "9": "Ƀê̆ dăh băl ur drôh gư̆t mĭn ngơi ta hên klăh iêu: \"So dơi ƀă, bơ yơng jrăng so dơi djăp ta hi wăt ta pu e. Mlĭh ta iên, ăn pu e sak ta nêh blŏ dak iñ jêh iên pu e ruôt.",
  "10": "Jăng jai hên sak ruôt dak iñ mông hư̆n kăn tle trôh, lĕ mơt nêh jêh prăp prê nêh hư̆n sak băk kăn tle trôh ta tŭk tăm sai, jêh iên nai čăng ƀăng.",
  "11": "Ta kơi hư̆n, prăm nau ur drôh plư̆p trôh, hên kuôl: \"Wơ khua, wơ khua! Dăn pơk ƀăng ta hi ƀă.\"",
  "12": "Ƀê̆ dăh khua wêh ngơi: \"Ăñ ngơi ngăn ta pu e, ăñ so gư̆t năl pu e.\"",
  "13": "Kơt iên, ăn ñôt kjăp pơp mĭn, bơ yơng pu me so gư̆t nar ăt so gư̆t mông ya.",
  "14": "Bruă ăt ndrơm klăh di ju nau nêh dư̆ng sak wăč. Kăn kuôl băl dư̆k kăn gŭk ju tŭk jêh iên jao ngăn drăp kăn ta hên.",
  "15": "Kăn jao ta nêh ho prăm ta-lư̆ng, nêh tŏ bar ta-lư̆ng, nêh dơ-dêh ju ta-lâng, kăn jao ta grăp nau nêh hui si pơp gư̆t mĭn hên mau, jêh iên mhăč rŏk kăn sak truông.  ",
  "16": "Kăn jêh sŏk prăm ta-lư̆ng sŏk prăk hư̆n sak tăč blŏ jêh iên dơi wêh gĕh prăm ta-lư̆ng hư̆t.",
  "17": "Ndrơm klăh iên ya, kăn jêh sŏk bar ta-lư̆ng ăt kăn dơi gĕh bar ta-lư̆ng hư̆t ya.",
  "18": "Ƀê̆ dăh kăn dư̆k jêh sŏk ju ta-lư̆ng sak sĭr trôm mŏng tĕh jêh iên tăp srôm prăk khua kăn.",
  "19": "Yau nar ta kơi, khua băl dư̆k di hư̆n du hih jêh iên ngơp ênŏh prăk ta hên.",
  "20": "Kăn dư̆k jêh sŏk prăm ta-lư̆ng trôh wêh ñôt prăm ta-lư̆ng hư̆t jêh iên kăn ngơi: \"Wơ khua, khua jêh jao ta ăñ prăm ta-lư̆ng. Dlăng ho, ăñ jêh dơi lăm ñjêng hư̆t prăm ta-lư̆ng ya.\"",
  "21": "Khua ngơi ta kăn: \"Găl ngăn, wơ nêh dư̆k găl jêh iên sĭt suôr, me jêh sĭt suôr mŏng bruă jao kuôn nê̆. Ăñ jrăng ăn me năk iêl ŏk bruă. Ăn mât čhô̆ brơn ju băk khoa me.\"",
  "22": "Kăn jêh sŏk bar ta-lư̆ng ăt sak têh: \"Wơ khua, khua jêh jao ta ăñ bar ta-lư̆ng. Dlăng ho! Ăñ jêh dơi wêh mau bar ta-lư̆ng dơ-dêh ya.\"",
  "23": "Khua ngơi ta kăn: \"Găl ngăn, ju nau nêh dư̆k găl jêh iên sĭt suôr! Me jêh sĭt suôr mŏng bruă jao kuôn nê̆. Ăñ jrăng ăn me năk iêl ŏk bruă. Ăn mư̆t čhô̆ brơn ju băk khua me.\"",
  "24": "Jêh hư̆n kăn jêh sŏk ƀơn ta-lư̆ng ăt trôh ya, kăn têh: \"Wơ khua, ăñ gư̆t khua jêng nêh so tuôm nơ nin. Khua riêk mŏng tŭk khua so răh jêh iên dôñ mŏng tŭk khua so tuôm suôi.",
  "25": "Ăñ bhŭng, hư̆n yơh ăñ sak tăp srôm ta-lư̆ng khua di mŏng tĕh. Ho! Ho jêng prăk khua di.",
  "26": "Ƀê̆ dăh kăn khua ngơi: \"Wơ băl dư̆k djŏh ƀai jêh iên a lăh, me gư̆t ăñ riêk mŏng tŭk ăñ so răh jêh iên dôñ mŏng tŭk ăñ so suôi.",
  "27": "Gư̆t klăh iên, pơp mhŏ so me khơñ jao prăk ăñ ji ta nêh khăng tăč blŏ, jêh hư̆n mông ăñ du hih, ăñ jrăng wêh sŏk hư̆t prăk ta luôr jêh iên wăt kao ĕh.",
  "28": "\tKơt iên, ăn sŏk ta-lâng băh kăn ho jêh iên jao ta kăn dâk jêh mâo măt ta-lâng.",
  "29": "\tBơ yơng nêh jêh mâo, jrăng dơi wêh ăn, tăl trôh jrăng mâo khăñ khăh. Ƀê̆ dăh ta băl so lăm ñjêng ju mta prăk, wăt ta lĕ mơt pơp kăn mâo ăt nai jrăng sŏk băh kăn.",
  "30": "\tĂn čĕ tlâo dâk so tŭ dơn ho mŏng tŭk ngo măng ta ling, tŭk jrăng mâo ôr ñim jêh iên kriêt sêk.",
  "31": "\tJăng jai Kuôn Nêh trôh mŏng pơp gŭh ang Yang di ju băk ta lĕ băl myang, Khoa Yang jrăng gŭk ta jhưng mtao guh ang Yang di.",
  "32": "\tLĕ uôn lan jrăng tăm ƀân ta măt Khoa Yang, jêh iên Khoa Yang jrăng yĕh nêh ho ta nêh d'dêh, ndrơm nêh kĕ biêp tŏng kăh biêp ta bei ya.",
  "33": "\tKhoa Yang jrăng ăn biêp ting đăh ma, jêh iên bei ting đăh kiêu.",
  "34": "\tJêh hân Mtao jrăng ngơi ta băl gŭk ting ju đăh ma kăn: \"Wơ băl kuôn, jêng nêh jêh Bap ăñ tôh pơp găl jôn, ăn sak trôh dơn uôn čar jêh prăp prê ta pu me dŏng băh mhei ñjêng trôk tĕh.\"",
  "35": "\tBơ yơng ăñ nguôt pu me ăn sa, ăñ hêr dak pu me ăn ăñ ñêt. Ăñ jêng năč pu me ruôm mŏng hĭh.",
  "36": "Ăñ săk kôh, pu me lăm sŏh un, Ăñ kuôp ji, pu me năk siêm ăñ, Ăñ gŭk mŏng war, pu me sak siêp ăñ.",
  "37": "Mông hân băl kpă jrăng ngơi: \"Wơ Khoa Yang! năn mông hi tuôm so Khoa Yang nguôt no di ăn sa? Mdăh năn mông hêr no di ăn Khoa Yang ñêt?",
  "38": "\tNăn mông hi so Khoa Yang jêng năč mhei no di ruôm mŏng hĭh? Mdăh năn mông gŭk săk kôh no di hi lăm sŏh un?",
  "39": "\tMdăh u tŭk hi so Khoa Yang kuôp ji mdăh nai nggruôn no di siêp mhơč?",
  "40": "\tMtao jrăng wêh ngơi ta hên: \"Ăñ ngơi ngăn ta pu me, pu me mhŏ kơt iên ta ju nâo nêh ku êt ngăn mŏng mbar oh mi ăñ ji,ho, hân jêng pu me jêh mhŏ ta ăñ ru.\"",
  "41": "\tJêh hân mtao jrăng ngơi ta băl gŭk ting ju đăh kiêu klăh iêu: \"Wơ băl gĕh nai tăm păh, ăn du wăč băh ăñ jêh iên mât mŏng iñ hui hai jêng tŭk jêh prê ta yang djoh wăt ta băl ka han ĕh,",
  "42": "\tBơ yơng ăñ nguôt, pu me so ăn sa, ăñ hêr, pu me so ăn ñêt.",
  "43": "Ăñ jêng năč ndrơh, pu me so ruôm mŏng hih, ăñ săk kôh, pu me so lăm sŏh un, ăñ kuôp ji jêh iên nai nggruôn pu me so siêp mhơč.",
  "44": "\tJêh hân hên wêh ngơi: \"Wơ Khoa Yang tŭk năng băl hi so Khoa Yang nguôt, hêr, năč ndrơh, săk kôh, kuôp ji mdăh nai nggruôn năng hi so mhŏ broă Yang di?\"",
  "45": "\tMông hân mtao ngơi ta hên: \" Ăñ ngơi ngăn ta pu me, pu me so mhŏ kơt iên ta ju nâo mŏng băl ku êt ngăn mŏng pôl ho, hân jêng pu me so mhŏ ta ăñ.",
  "46": "\tLĕ mơt băl hân jrăng mât mŏng tŭk kmhal hui hai. Ƀê̆ dăh băl kpă jrăng dơi dơn pơp brêh hui hai."
}