top_1sa_text_reg/27/02.txt

\v 2 David tayalh chu akchaxan ciento lakchixkuwin ta ankgolh, lakgminkgolh Aquis xkgawasa Maoc, xpuxkukan Gat. \v 3 David talatamalh Aquis nak Gat, David chu amakgolh lakchixkuwin, chatunu, chatunu paks xkgalhikgoy xpuskat chu xkamankan chu David chatiy xlakpuskatni, Ahinoam Jezreelita, chu Abigail xalak Carmel, xpuskat xwanit Nabal. \v 4 Lakgchilh tachiwin Saúl pi wa David xtsalanit nak xtiyat Gat, nialh lakapastakli para naputsastalay.