kmt_gen_text_reg/18/29.txt

\v 29 Ablaham lo tandali pu go: “Senieygo sedue 40 yam so gemang go, ya puit lo? Woy Wali Iram lo pu go: “Sedue 40 tang sogo so Genam lo duing go ngga, mea kua pluok.” \v 30 Tandali Ablaham lo pu go: “Woy Wali Iram sagui kua sang! Genam lo tandali go tete usi go, senieygo sedue 30 yam so gemang go?” Woy Wali Iram lo pu go: “Senieygo sedue 30 gemang go, Genam lo duing go ngga namboy mea itak.” \v 31 Tandali Ablaham lo pu go: “Esang, genam lo pu go ngge sang se kay lo Woy Wali Iram, senieygo sedue 20 gemang go, sogo kalik ya?” Woy Wali Iram lo pu go: “Senieygo sedue 20 yam so gemang go, yakena ngga yakua puit-dak.”