lke_reg/67-REV.usfm

\id REV
\ide UTF-8
\h Kubikuliwa
\toc1 Kubikuliwa
\toc2 Kubikuliwa
\toc3 rev
\mt Kubikuliwa
\c 1
\cl Ensuula 1
\p
\v 1 Okubikuliwa kwa Yesu Kristo Katonda kwe yamuwaire okulaga abaidu be ebigwanira okubbaawo amangu: nabulirira mu malayika we ng'amutuma eri omwidu we Yokaana,
\v 2 eyategezerye ekigambo kya Katonda n'okutegeezia kwa Yesu Kristo, byonabyona bye yaboine.
\v 3 Alina omugisa oyo asoma, n'abo abawulira ebigambo by'obunabi buno, era n'abakwata ebiwandiikibwe mu ibwo: kubanga ekiseera kiri kumpi.
\p
\v 4 Yokaana eri ekanisa omusanvu ej'omu Asiya: ekisa kibbenga na imwe n'emirembe ebiva eri oyo abbaawo era eyabbairewo era aiza okubbaawo; era ebiva eri emyoyo omusanvu egiri mu maiso g'entebe ye;
\v 5 era ebiva eri Yesu Kristo, omujulirwa omwesigwa, omuberyeberye w'abafu, era afuga bakabaka b'omu nsi. Atutaka, era eyatusumulwire mu bbiibi byaisu olw'omusaayi gwe;
\v 6 n'atufuula obwakabaka, bakabona eri Katonda Itaaye; ekitiibwa n'obuyinza bibbenga eri oyo emirembe n'emirembe. Amiina.
\q
\v 7 Bona, aiza n'ebireri era buli liiso lirimubona, n'abo abaamufumitire; n'ebika byonabyona eby'omu nsi birimukubbira ebiwoobe. Niwowaawo, Amiina.
\p
\v 8 Nze ndi Alufa ne Omega, bw'atumula Mukama Katonda, abbaawo era eyabbaairewo era aiza okubbaawo, Omuyinza w'ebintu byonabyona.
\p
\v 9 Nze Yokaana mugande wanyu era aikirirya ekimu mu kubonaabona ne mu bwakabaka ne mu kugumiikirizia ebiri mu Yesu, nabbaire ku kizinga ekyetebwa Patumo, olw'ekigambo kya Katonda era n'olw'okutegeezia kwa Yesu.
\v 10 Nabbaire mu Mwoyo ku lunaku lwa Mukama ne mpulira ennyuma wange eiddoboozi einene, ng'ery'akagombe,
\v 11 nga katumula nti Ninze Alufa ne Omega, era Ky'obona, wandiika mu kitabo, okiweerezie ekkanisa omusanvu; eri Efeso, n'eri Sumuna, n'eri Perugamo, n'eri Suwatira, n'eri Saadi, n'eri Firaderufiya, n'eri Lawodikiya.
\v 12 Ni nkyuka okubona eiddoboozi eryatumwire nanze. Bwe nakyukire, ne mbona etabaaza musanvu eja zaabu;
\v 13 ne wakati w'ettabaaza ne mbona afaanana ng'omwana w'omuntu, ng'avaaire okutuuka ku bigere, era ng'asibiibwe mu kifubba olukoba olwa zaabu.
\v 14 N'omutwe gwe n'enziiri je nga gitukula ng'ebyoya by'entaama ebitukula ng'omuzira; n'amaiso ge ng'ennimi j'omusio;
\v 15 n'ebigere bye nga bifaanana ng'ekikomo ekizigule, ng'ekirongooseibwemu musio; n'eiddoboozi lye nga liri ng'eiddoboozi ly'amaizi amangi.
\v 16 Era ng'akwaite mu mukono gwe omuliiro emunyeenye musanvu: ne mu munwa gwe ne muvaamu ekitala ekisala eky'obwogi obubiri: ne kyeni kye nga kiri ng'eisana bw'eryaka mu maani gaalyo.
\v 17 Bwe namuboine, ne ngwa ku bigere bye ng'afire. N'anteekaku omukono gwe omuliiro, ng'atumula nti Totya; ninze w'oluberyeberye era ow'enkomerero,
\v 18 era Omulamu; era nabbaire nfire, era, bona, ndi mulamu emirembe n'emirembe, era ndina ebisulumuzo eby'okufa n'eby'Emagombe.
\v 19 Kale wandiika by'oboine, n'ebiriwo, n'ebyaba okubbaawo oluvanyuma lw'ebyo;
\v 20 ekyama ky'emunyenye omusanvu j'oboine mu mukono gwange omuliiro n'etabaaza omusanvu eja zaabu. Emunyenye omusanvu niibo bamalayika b'ekkanisa omusanvu: n'etabaaza omusanvu niijo kanisa omusanvu.
\c 2
\cl Ensuula 2
\p
\v 1 Eri malayika ow'ekanisa ey'omu Efeso wandiika nti Ati bw'atumula oyo akwata emunyeye omusanvu mu mukono gwe omuliiro atambulira wakati w'etabaaza omusanvu eja zaabu, nti
\v 2 Maite ebikolwa byo, n'okufuba kwo n'okugumiikirizia kwo, era nga toyinza kugumiikirizia ababbiibi, era wabakemere abeeyeta abatume so nga ti niibo, era wababoine nga babbeyi;
\v 3 era olina okugumiikirizia, era wagumire olw'eriina lyange, so tiwakoowere
\v 4 Naye ndina ensonga ku iwe, kubanga walekere okutaka kwo okw'oluberyeberye.
\v 5 Kale ijukira gye wagwire, weenenye, okolenga ebikolwa eby'oluberyeberye; bw'otalikola mbw'otyo, ngiza gy'oli, era nditoolawo etabaaza yo mu kifo kyayo, bw'otalyenenya.
\v 6 Naye kino ky'olinakyo kubanga okyawa ebikolwa by'Abanikolayiti, nzena bye nkyawa.
\v 7 Alina okitu awulire Omwoyo ky'akoba ekanisa. Awangula ndimuwa okulya ku musaale gw'obulamu, oguli wakati mu lusuku lwa Katonda.
\p
\v 8 Era eri malayika ow'ekanisa ey'omu Samuna wandiika nti Ati bw'atumula ow'oluberyeberye era ow'enkomerero, eyabbaire afire n'aba omulamu nti
\v 9 Maite okubonaabona kwo n'obwavu bwo (naye oli mugaiga), n'okuvoola kw'abo abeeyeta Abayudaaya so nga ti niibo, naye ikuŋaaniro lya Setaani.
\v 10 Totya by'oyaba okubonaabona: bona, omulyolyomi oyo ayaba okusuula abandi mu imwe mu ikomera, mukemebwe; era mulibonaabonera ennaku ikumi. Obbenga mwesigwa okutuusia okufa, nzena ndikuwa engule ey'obulamu.
\v 11 Alina okitu awulire Omwoyo ky'akoba ekkanisa. Awangula talirumwa n'akatono okufa kwo kubiri.
\p
\v 12 Era eri malayika ow'ekkanisa ey'omu Perugamo wandiika nti Ati bw'atumula oyo alina ekitala ekisala eky'obwogi obubiri, nti
\v 13 Maite gy'otyama awali entebe ey'obwakabaka eya Setaani: era okwata erina lyange so tiwegaine eriina lyange no kwikirirya kwange era ni mu naku ja Antipa, omujulirwa wange omusaiza wange omwesigwa, eyaitiibwe ewanyu, Setaani w'atyama.
\v 14 Naye nnina ensonga ku iwe ti nyingi, kubanga olina eyo abakwata okwegesia kwa Balamu, eyayigirizia Balaki okuteeka enkonge mu maiso g'abaana ba Isiraeri, okulya ebyaweeibwe eri ebifaanyanyi n'okwenda.
\v 15 Era weena otyo olina abakwata okuyigirizia kw'Abanikolayiti.
\v 16 Kale weenenye; naye bw'otalyenenya, ngiza gy'oli mangu, era ndirwana nabo n'ekitala eky'omu munwa gwange.
\v 17 Alina ekitu awulire Omwoyo ky'akoba ekanisa. Awangula ndimuwa ku maanu eyagisiibwe, era ndimuwa eibbaale eryeru, era ku ibbaale kuwandiikibweku erina eiyaaka: omuntu yenayena ly'atamaite wabula aweebwa.
\p
\v 18 Era eri malayika ow'ekanisa ey'omu Suwatira wandiika nti Ati bw'atumula Omwana wa Katonda, alina amaiso agali ng'enyota gy'omusio, n'ebigere bye ebifaanana ng'ekikomo ekizigule, nti
\v 19 Maite ebikolwa byo n'okutaka n'okwikirirya n'okuweerezia n'okugumiikirizia kwo, n'ebikolwa byo eby'oluvanyuma nga bingi okusinga eby'oluberyeberye.
\v 20 Naye ndina ensonga ku iwe, kubanga oleka omukali odi Yezeberi, eyeeyeta nabi; n'ayegesia n'akyamya abaidu bange okwendanga, n'okulyanga ebyaweeweibwe eri ebifaanyanyi.
\v 21 Era namuwaire eibbanga okwenenya; n'atataka kwenenya mu bwenzi bwe.
\v 22 Bona musuula ku kiriri, n'abo abenda naye mu kubonaabona okungi, bwe bateenenye mu bikolwa bye.
\v 23 Era n'abaana be ndibaita n'olumbe; ekkanisa gyonagyona ne gitegeera nga ninze oyo akebera emeeme n'emyoyo: era ndiwa buli muntu mu imwe ng'ebikolwa byanyu bwe biri.
\v 24 Naye mu Imwe mbakoba, abasigairewo ab'omu Suwatira, bonabona ababula kuyigirizia kuno, abatamaite bya buliba bya Setaani, nga bwe batumula; timbateekaku Imwe mugugu ogundi
\v 25 Wabula kye mulina mukikwatenga, okutuusia lwe ndiiza.
\v 26 Era awangula n'akwatanga ebikolwa byange okutuusia ku nkomerero, oyo ndimuwa amaani ku mawanga:
\v 27 era alibalisia n'omwigo gw'ekyoma, ng'ebibya ebibumbe bwe byatikayatika; era nzena nga bwe naweeibwe Itawange;
\v 28 era ndimuwa emunyenye ey'amakeeri.
\v 29 Alina okitu awulire Omwoyo ky'akoba ekanisa.
\c 3
\cl Ensuula 3
\p
\v 1 Era eri malayika ow'ekanisa y’omu Saadi wandiika nti Ati bw'atumula oyo alina emyoyo omusanvu egya Katonda, n’emunyenye omusanvu, nti Maite ebikolwa byo, ng'olina eriina ery'okubba omulamu, era oli mufu.
\v 2 Moga, onywezie ebisigaireyo ebyabbaire byaaba okufa: kubanga tinaboine ku bikolwa byo ekyatuukirire mu maiso ga Katonda wange.
\v 3 Kale ijukira bwe waaweeweibwe ne bwe wawuliire; okwate, weenenye. Kale bw'otalimoga, ngiza ng’omwibbi, so tolimanya saawa gye ndiiziramu gy'oli.
\v 4 Naye olina amaani matono mu Saadi agataayonoona ngoye gyabwe: era balitambula nanze mu ngoye njeru; kubanga basaanire.
\v 5 Atyo awangula alivaalisibwa engoye enjeru; so tindisangula n'akatono eriina lye mu kitabo ky'obulamu, era ndyatula eriina lye mu maiso ga Itawange ne mu maiso ga bamalayika be.
\v 6 Alina ekitu awulire Omwoyo ky'akoba ekanisa.
\p
\v 7 Era eri malayika ow'ekanisa ey'omu Firaderufiya wandiika nti ati bw'atumula oyo omutukuvu ow'amazima, alina ekisulumuzo kya Dawudi, aigulawo, so wabula muntu aligalawo, aigalawo, so wabula muntu aigulawo, nti
\v 8 Maite ebikolwa byo (bona, nateekere mu maiso go olwigi olwigwirewo, omuntu yenayena lw'atasobola kwigalawo) ng'olina amaani matono n’okwata ekigambo kyange, so tiwegaine liina lyange.
\v 9 Bona, ab'omu ikuŋaaniro lya Setaani abeeyeta Abayudaaya, so ti niibo, naye babbeyi; bona, ndibaleeta okusinza mu maiso g'ebigere byo era ndibamanyisia nga nakutakire.
\v 10 Kubanga weekuumire ekigambo eky'okugumiinkiriza kwange, era nzeena ndikukuuma obutayingira mu kiseera eky'okukemebwa, ekyaba okwiza ku nsi gyonagyona, okukema abatyama ku nsi.
\v 11 Ngiza mangu: nywezia ky'olina, omuntu aleke okutwala engule yo.
\v 12 Awangula ndimufuula empagi mu yeekaalu ya Katonda wange, so talifuluma ate wanza: nzeena ndiwandiika ku iye eriina lya Katonda wange n'eriina ly'ekibuga kya Katonda wange, Yerusaalemi ekiyaka, ekiika okuva mu igulu eri Katonda wange, n'eriina lyange eiyaka.
\v 13 Alina okitu awulire Omwoyo ky'akoba ekanisa.
\p
\v 14 Era eri malayika ow'ekkanisa ey'omu Lawodikiya wandiika nti Ati bw'atumula oyo Amiina, omujulizi omwesigwa era ow'amazima, oluberyeberye lw'okutonda kwa Katonda, nti
\v 15 Maite ebikolwa byo, nga tonyogoga so tobuguma: waakiri obbe ng'onyogoga oba obuguma.
\v 16 Kityo kubanga olina ekibuguumirize, so tonyogoga so tobuguma, ndikusesema mu munwa gwange.
\v 17 Kubanga otumula nti Ndi mugaiga, era ngaigawaire, so mbulaku kye neetaaga, so tomaite ng'oli munaku iwe era asaasirwa era omwavu era omuzibe w'amaiso era ali obwereere:
\v 18 nkuwa amagezi okugula gye ndi ezaabu eyalongooseibwe mu musyo, kaisi ogaigawale, n'engoye enjeru, kaisi ovaale, era ensoni egy'obwereere bwo gireke okuboneka; n'obulezi bw'okusiiga ku maiso go, kaisi obone.
\v 19 Nze bonabona be ntaka mbanenya, era mbabuulirira: kale nyiikira weenenye.
\v 20 Bona, nyemereire ku lwigi, neeyanjula: omuntu yenayena bw'awulira eidoboozi lyange, n'aigulawo olwigi, naayingira gy'ali, era naaliira wamu naye, naye nanze.
\v 21 Awangula ndimuwa okutyama awamu nanze ku ntebe yange ey'obwakabaka, era nga nzeena bwe nawangwire, ne ntyama wamu ne Itawange ku ntebe ye ey'obwakabaka.
\v 22 Alina ekitu awulire Omwoyo ky'akoba ekanisa.
\c 4
\cl Ensuula 4
\p
\v 1 Oluvanyuma lw'ebyo ne nembona era, bona, olwigi olwigwirwewo mu igulu, n'eiddoboozi lye nnasookere okuwulira, ng'ery'akagombe, nga litumula nanze, ng'atumula nti niina okutuuka wano, nzena naakulaga ebigwanira okubbawo oluvannyuma lw'ebyo.
\v 2 Amangu ago Nabbaire mu Mwoyo: era, bona entebe ey'obwakabaka yabbaire ng'eteekeibwewo mu igulu, era nga waliwo eyabbaire atyaime ku ntebe;
\v 3 naye eyabbaire atyaime yabbaire afaanana nga eibbaale erya yasepi n'erya sadio okuboneka: era nga waliwo ne musoke okwetooloola entebe eyabbaire afaanana nga zumaliidi okuboneka.
\v 4 Entebe ey'obwakabaka yabbaire yeetooloirwe entebe ejo'bwakabaka abiri na ina ne ku ntebe kwabbaireku abakaire abiri na bana nga batyaime, nga bavaaire engoye enjeru; ni ku mitwe jabwe engule eja zaabu.
\v 5 Ne ku ntebe nga kuvaaku okumyansia n'amadoboozi n'okubwatuuka. N'etabaaza omusanvu egy'omusio nga jaaka mu maiso g'entebe, nijo emyoyo omusanvu eja Katonda;
\v 6 ne mu maiso g'entebe ng'enyanza ey'endabirwamu, efaanana nga kulusitalo; ne wakati w'entebe n'okwetooloola entebe ebiramu bina ebizwire amaiso mu byeni n'enyuma.
\v 7 N'ekiramu eky'oluberyeberye kyabbaire kifaanana ng'empologoma, n'ekiramu eky'okubiri, ng'enyana, n'ekiramu eky'okusatu kyabbaire na amaiso ng'ag'omuntu, n'ekiramu eky'okuna kyabbaire kifaanana ng'empungu ebuuka.
\v 8 N'ebiramu ebina, nga birina buli kimu ebiwaawa mukaaga, bizwire amaiso enjuyi jonajona ne ne mukati: so bibulaku kuwumula emisana n'obwire nga bitumula nti Omutukuvu, Omutukuvu, Omutukuvu, Mukama Katonda Omuyinza w'ebintu byonabyona, eyabbairewo era abbaawo era aiza okubbaawo
\v 9 Era ebiramu bwe birimuwa ekitiibwa n'eitendo n'okwebalya oyo atyaime ku ntebe, omulamu emirembe n'emirembe,
\v 10 abakaire abiri na bana balifukamira mu maaso g'oyo atyaime ku ntebe, era balisinzia oyo omulamu emirembe n'emirembe, era balisuula engule jabwe mu maiso g'entebe, nga batumula nti
\v 11 Osaaniire iwe, Mukama waisu, Katonda waisu, okuweebwanga ekitiibwa n'eitendo n'obuyinza: kubanga iwe wabitondere byonabyona, era byabbairewo lwo kusiima kwo, era byatondeibwe.
\c 5
\cl Ensuula 5
\p
\v 1 Ne mbona mu mukono omuliiro ogw'oyo eyabbaire atyaime ku ntebe ekitabo ekiwandiikibwe mukati ne kungulu, ekisibiibwe einu obubonero omusanvu.
\v 2 Ne mbona malayika ow'amaani ng'abuulira n'eidoboozi inene nti Yani asaanire okwanjululya ekitabo n'okubiikula obubonero bwakyo omusanvu?
\v 3 Ne watabbawo mu igulu waire ku nsi waire wansi w'ensi, eyasoboire okubikula ekitabo, waire okukiringirira.
\v 4 Nzena ne nkunga inu amaliga, kubanga tewabonekere eyasaanire okwanjululya ekitabo, waire okukiringirira:
\v 5 omumu ku bakaire n'ankoba nti Tokunga: Bona, Empologoma ow'omu kika kya Yuda, ekikolo kya Dawudi, yawangwire, okwanjululya ekitabo n'obubonero bwakyo omusanvu.
\v 6 Ne mbona wakati w'entebe n'ebiramu ebina, ne wakati w'abakaire, Omwana gw'entama ng'ayemereire ng'afaanana ng'eyatiibwe, ng'alina amaziga musanvu, n'amaiso musanvu, nigyo myoyo omusanvu egya Katonda, egitumibwa mu nsi gyongyona.
\v 7 N'aiza n'akitoola mu mukono omuliiro ogw'oyo atyaime ku ntebe.
\v 8 Bwe yatooire ekitabo, ebiramu ebina n'abakaire amakumi abiri na bana ne bafukamira mu maiso g'Omwana gw'entaama, buli muntu ng'alina enanga n'ebibya ebya zaabu ebizwire obubaani, nikwo kusaba kw'abatukuvu.
\v 9 Ne bemba olwebo oluyaka, nga batumula nti Osaanire okutoola ekitabo n'okubikula obubonero bwakyo: kubanga waitibwe n'ogulira Katonda olw'omusaayi gwo mu buli kika n'olulimi n'abantu n'eigwanga,
\v 10 n'obafuula eri Katonda waisu obwakabaka era bakabona; era bafuga ku nsi.
\p
\v 11 Ne mbona ne mpulira eidoboozi lya bamalayika abangi abeetooloire entebe n'ebiramu n'abakaire; n'omuwendo gwabwe gwabbaire obukumi emirundi obukumi, mu enkumi emirundi enkumi;
\v 12 nga batumula n'eidoboozi inene nti Asaanire Omwana gw'entama eyaitibwe okuweebwa obuyinza n'obugaiga n'amagezi n'amaani n'eitendo n'ekitiibwa n'omukisa.
\p
\v 13 Na buli kitonde ekiri mu Igulu, ne ku nsi, ne wansi w'ensi, ne ku nyanza, n'ebirimu byonabyona ne mbiwulira byonabyona nga bitumula nti Eri oyo atyaime ku ntebe, n'eri Omwana gw'entaama, omukisa gubbenga n'eitendo n'ekitiibwa n'amaani emirembe n'emirembe.
\p
\v 14 N'ebiramu ebina ne bitumula nti Amiina. N'abakaire ne bafukamira ne basinza.
\c 6
\cl Ensuula 6
\p
\v 1 Ne mbona Omwana gw'etama bwe yabikwiire ku bubonero omusanvu iko akamu, nse mpulira ekimu ku biramu ebina nga kitumula ng'eidoboozi ery'okubwatuka nti iza obone.
\v 2 Ne mbona, era, bona, embalaasi enjeru, n'oyo agityaimeku ng'alina omutego; n’aweebwa engule: n'ayaba ng'awangula, era awangule.
\p
\v 3 Bwe yabiikwire akabonero ak'okubiri, ne mpulira ekiramu eky'okubiri nga kitumula nti iza obone.
\v 4 N'evaayo embalaasi egendi eya eyekisayi: era oyo eyabbaire atyaimeku n'aweebwa okutoolawo emirembe ku nsi, era baitaŋane bonka na bonka: n'aweebwa ekitala ekinene.
\p
\v 5 Bwe yabikwire akabonero ak'okusatu ne mpulira ekiramu eky'okusatu nga kitumula nti Iza obone. Ne mbona, era, bona, embalaasi engirugavu; n'eyabbaire atyaimeku ng'alina ekipimo mu mukono gwe.
\v 6 Ne mpulira ng'eidoboozi wakati w'ebiramu ebina nga litumula nti Ekiyi ky'eŋŋaano kya dinaali, n'ebiyi bisatu ebya sayiri bya dinaali; amafuta n'omwenge so tobyonoona.
\p
\v 7 Bwe yabikwire akabonero ak'okuna, ne mpulira eidoboozi ly'ekiramu eky'okuna nga kitumula nti Iza obone.
\v 8 Ne mbona, era, bona, embalaasi eya kyenvu; n'abbaire atyaimeku, eriina lye Kufa; ne Magombe n'ayaba naye. Ne baweebwa obuyinza ku kitundu eky'okuna eky'ensi, okwita n'ekitala n'enjala n'olumbe n’ensolo j'ensi.
\p
\v 9 Bwe yabikwire akabonero ak'okutaano, ne nembona wansi w'ekyoto emyoyo gyabwe abaitiibwe olw'ekigambo kya Katonda, n'olw'okutegeezia kwe baalina:
\v 10 ne batumula waigulu n'eidoboozi inene, nga batumula nti Olituusia di, Mukama, omutukuvu era ow'amazima, obutasala musango n'obutawalana igwanga olw'omusaayi gwaisu ku ibo abatyama ku nsi?
\v 11 Ne baweebwa buli muntu ekivaalo ekyeru; ne bakobebwa okuwumula kabite akaseera katono, okutuusia baidu bainaabwe ne bakoba baabwe lwe baliwera, abayaba okwitibwa, nga nabo bwe balitibwa.
\p
\v 12 Bwe yabikwire akabonero ek'omukaaga, ne mbona, ne waba ekikankano kinene; eisana n'erirugala ng'olugoye olw'ebyoya, n'omwezi gwonagwona ne gubba ng'omusaayi;
\v 13 n'emunyenye egy'omu igulu ne gigwa ku nsi, ng'omutiini bwe gukunkumula amagu gaagwo, nga gusisikibwa empewo ennyingi.
\v 14 N'eigulu ne litolebwawo, ng'omuzingo gw'ekitabo bwe guzingibwa; na buli lusozi n'ekizinga ne bitolebwawo mu bifo byabyo.
\v 15 Ne bakabaka b'ensi, n'abalangira, n'abagabe, n'abagaiga, n'ab'amaani, na buli mwidu n'ow'eidembe ne begisa mu mpuku ne mu mabbaale ag'oku nsozi;
\v 16 ne bakoba ensozi n'amabbaale nti Mutugweku, mutugise mu maiso g'oyo atyaime ku ntebe, ne mu busungu bw'Omwana gw'entama:
\v 17 kubanga olunaku olukulu olw'obusungu bwabwe lutukire; era yani asobola okwemererawo?
\c 7
\cl Ensuula 7
\p
\v 1 Oluvanyuma ne mbona bamalayika bana nga bayemereire ku nsonda ina ej'ensi, nga bakwaite empewo ina ej'ensi, empewo yonayona ereke okufuwa ku nsi, waire ku nyanza, waire ku musaale gwonagwona.
\v 2 Ne mbona malayika ogondi ng'aniina okuva ebuvaisana, ng'alina akabonero ka Katonda omulamu: n'atumulira waggulu n'eiddoboozi inene ng'akoba bamalayika abana, abaaweeibwe okwonoona ensi n'enyanza,
\v 3 ng'atumula nti Temwonoona nsi, waire enyanza, waire emisaale, okutuusia lwe tulimala okuteeka akabonero abaidu ba Katonda waisu ku byeni byabwe.
\v 4 Ne mpulira omuwendo gwabwe abateekeibweku akabonero, babbaire kasiriivu mu obukumi buna mu nkumi ina, abateekeibweku akabonero mu buli kika ky'abaana ba Isiraeri.
\q
\v 5 Ab'omu kika kya Yuda abateekeibweku akabonero kakumi mu enkumi bbiri: Ab'omu kika kya Lewubeeni kakumi mu enkumi bbiri: Ab'omu kika kya Gaadi kakumi mu enkumi bbiri:
\v 6 Ab'omu kika kya Aseri kakumi mu enkumi bbiri: Ab'omu kika kya Nafutaali kakumi mu enkumi bbiri: Ab'omu kika kya Manaase kakumi mu enkumi bbiri:
\v 7 Ab'omu kika kya Simyoni kakumi mu enkumi bbiri: Ab'omu kika kya Leevi kakumi mu enkumi bbiri: Ab'omu kika kya Isakaali kakumi mu enkumi bbiri:
\v 8 Ab'omu kika kya Zebbulooni kakumi mu enkumi bbiri: Ab'omu kika kya Yusufu kakumi mu enkumi bbiri: Ab'omu kika kya Benyamini abateekeibweku akabonero kakumi mu enkumi bbiri.
\p
\v 9 Oluvanyuma lw'ebyo ne mbona, era bona, ekibiina kinene omuntu yenayena ky'atasobola kubala, mu buli igwanga n'ebika n'abantu n'enimi, nga bemereire mu maiso g'entebe ne mu maiso g'Omwana gw'entama, nga bavaaire ebivaalo ebyeru, amasaga g'enkindu mu mikono gyabwe;
\v 10 ne batumulira waigulu n’eidoboozi inene, nga batumula nti obulokozi bubba bwa Katonda waisu atyaime ku ntebe, n'eri Omwana gw'entama.
\p
\v 11 Ne bamalayika bonabona babbaire bemereire nga beetooloire entebe n'abakaire n'ebiramu ebina; ne bafukamira amaiso gaabwe mu maiso g'entebe, ne basinzia Katonda,
\v 12 nga ngabatumula nti Amiina: omukisa n'ekitiibwa n'amagezi n'okwebalya n'eitendo n'amaani bibenga eri Katonda waisu emirembe n'emirembe. Amiina.
\p
\v 13 Omumu ku bakaire n'airamu, ng'ankoba nti Bano abavaire ebivaalo ebyo ebyeru, niibo baani, era bava waina?
\v 14 Ne mukoba nti Mukama wange, niwe omaite N'ankoba nti Bano niibo baviire mu kubonaabona kudi okungi, ne bayozia ebivaalo byabwe, ne babitukulya mu musaayi gw'Omwana gw'entama.
\q
\v 15 Kyebaviire nibabba mu maiso g'entebe ya Katonda; ne bamuweerezianga emisana n'obwire mu yeekaalu ye: n'oyo atyaime ku ntebe alitimba eweema ye ku ibo.
\q
\v 16 Tebalirumibwa njala kabite, so Tebalirumibwa nyonta kabite, so eisana teriribokya, waire okwokya kwonakwona:
\v 17 kubanga Omwana gw'entama ali wakati w'entebe niyeyabalisyanga, era alibaleeta eri ensulo ej'amaizi ag'obulamu: era Katonda alisangula buli iriga mu maiso gaabwe.
\c 8
\cl Ensuula 8
\p
\v 1 Bwe Yabikwire akabonero ak'omusanvu, ne wabbawo akasiriikiriro mu igulu gulu nga kitundu kye saawa.
\v 2 Ne mbona bamalayika musanvu abayemereire mu maiso ga Katonda; ne baweebwa obugombe musanvu.
\p
\v 3 Ne malayika ogondi n'aiza n'ayemerera ku kyoto, ng'alina ekyoteryo kya zaabu; n'awebwa obubaani bungi, kaisi abuteeke mu kusaba kw'abatukuvu bonabona ku kyoto ekya zaabu ekyabbaire mu maiso g'entebe.
\v 4 N'omwoka gw'obubaani ne guniina wamu n'okusaba kw'abatukuvu nga guva mu mukono gwa malayika mu maiso ga Katonda.
\v 5 Malayika n'atwala ekyoteryo; n'akizulya omusio ogw'omu kyoto, n'akisuula ku nsi; ne waba okubwatuka n'amadoboozi n'okumyansia n'ekikankano.
\p
\v 6 Ne bamalayika omusanvu ababbaire n'obugombe omusanvu ne beeteekateeka okufuuwa.
\p
\v 7 Malayika ow'oluberyeberye n'afuuwa, ne wabba omuzira n'omusio ebitabwirwe n'omusaayi, ne bisuulibwa ku nsi: n'ekitundu eky'okusatu eky'ensi ne kiya, n'ekitundu eky'okusatu eky'emisaale ne kiya, na buli isubi eibisi ne riya.
\p
\v 8 Malayika ow'okubiri n'afuuwa; ng'olusozi olunene olwaka omusio ne lusuulibwa mu nyanza: n'ekitundu eky'okusatu eky'enyanza ne kifuuka musaayi;
\v 9 ne bifa ekitundu eky'okusatu eky'ebitonde eby'omu nyanza, ebiramu, n'ekitundu eky'okusatu eky'ebyombo ne kizikirira.
\p
\v 10 Malayika ow'okusatu n'afuuwa, emunyeenye enene n'eva mu igulu n'egwa ng'eyaka ng'olugada, n'egwa ku kitundu eky'okusatu eky'emiiga, ne ku nsulo gy'amaizi.
\v 11 N'eriina ly'emunyenye lyetebwa Abusinso: n'ekitundu eky'okusatu eky'amaizi ne kifuuka abusinso: n'abantu bangi ne bafa olw'amaizi, kubanga gakawzibwe
\v 12 Malayika ow'okuna n'afuuwa, n'ekitundu eky'okusatu eky'eisana ne kikubbibwa, n'ekitundu eky'okusatu eky'omwezi, n’ekitundu eky'okusatu eky'emunyenye; ekitundu eky'okusatu ekyabyo kaisi kizikizibwe, n'eisana lireke okwaka ekitundu kyalyo eky'okusatu, n'obwire kityo.
\p
\v 13 Ne mbona, ne mpulira empungu eimu ng'ebuuka wakati w'eigulu, ng'etumula n'eidoboozi inene nti gibasangire, gibasangire, gibasangire abatuula ku nsi, olw'amadoboozi agasigaireyo ag'akagombe ka bamalayika abasatu abayaba okufuuwa.
\c 9
\cl Ensuula 9
\p
\v 1 Malayika ow'okutaanu n'afuuwa, ne mbona emunyenye ng'eva mu igulu ng'egwa ku nsi: n'aweebwa ekisulumuzo ky'obwina obutakoma.
\v 2 N'asumulula obwina obutakoma; n'omwoka ne guva mu bwina ne guniina ng'omwoka gw'olukoomi olunene, n'eisana n'eibbanga ne bizikizibwa olw'omwoka ogw'omu bwina.
\v 3 Ne mu mwoka ne muvaamu enzige ku nsi, ne giweebwa obuyinza, ng'enjaba egy'obusagwa egy'omu nsi bwe girina obuyinza.
\v 4 Ne gikobebwa obutayonoona mwido gwe nsi, waire ekintu kyonakyona ekibisi waire omusaale gwonagwona, wabula abantu bonka ababula kabonero ka Katonda ku byeni byabwe.
\v 5 Ne giweebwa obutabaita, wabula okubalumira emyezi itaanu: n'okuluma kwagyo kwabbaire ng'okuluma kw'enjaba ey'obusagwa bw'eruma omuntu.
\v 6 Ne mu naku egyo abantu balisagira okufa, so tebalikubona n'akatono; era balyegomba okufa, era okufa nga kubairuka.
\v 7 N'ebifaananyi by'enzige byafaananire ng'embalaasi egitegekeibwe olutalo, no ku mitwe gyagyo ng'engule egifaanana nga zaabu, n'amaiso gaagyo ng'amaiso g'abantu.
\v 8 Era gabbaire n'enziiri ng'enziiri gy'abakali, n'amaino gaagyo gabbaire ng'ag'empologoma.
\v 9 Era gyabbaire ne ebizibawo ng'ebizibawo eby'ekyoma, n'eidoboozi ly'ebiwawa byagyo ng'eidoboozi ly'amagaali, ery'embalaasi enyingi nga giifubutuka okuyingira mu lutalo.
\v 10 Era girina emikira egifaanana ng'enjaba egy'obusagwa, n'emimwa; ne mu mikira gyagyo mulimu obuyinza bwagyo okulumira abantu emyezi itaanu.
\v 11 Girina kabaka waagyo malayika ow'obwina obutakoma: eriina mu Lwebbulaniya Abadoni, ne mu Luyonaani alina eriina Apoliyaani.
\p
\v 12 Obubbiibi obumu bubitire: bona, obubbiibi bubiri ate bwiza oluvanyuma.
\p
\v 13 Malayika ow'omukaaga n'afuuwa, ne mpulira eidoboozi eryaviire mu nsonda eina egy'ekyoto ekya zaabu ekiri mu maiso ga Katonda,
\v 14 ng'akoba malayika ow'omukaaga eyabbaire n'akagombe nti Sumulula bamalayika abana abasibiibwe ku mwiga omunene Fulaati.
\v 15 Bamalayika abana ne basumululwa ababbaire bategekeibwe esaawa n'olunaku n'omwezi n'omwaka, okwita ekitundu eky'okusatu eky'abantu.
\v 16 N'omuwendo gw'eigye ery'abeebagala embalaasi obukumi kakumi emirundi ibiri: ne mpulira omuwendo gwabwe.
\v 17 Era bwe naboine nti embalaasi mu kwolesebwa kuno, n'abo ababbaire bagityaime ku, nga bavaaire eby'omu kifubba ng'eby'omusyo n'ebya kazigizigi n'eby'ekibiriiti: n'emitwe egy'embalaasi ng'emitwe gy'empologoma; ne mu minwa gyaagyo ne muva omusyo n'omwoka n'ekibiriiti.
\v 18 Mu bibonyoobonyo ebyo byonsatu, niikwo kukoba nti omusyo n'omwoka n'ekibiriiti ebyaviire mu minwa gyagyo, ne mufiiramu ekitundu eky'okusatu eky'abantu.
\v 19 Kubanga obuyinza bw'embalaasi buli mu minwa gyagyo, ne mu mikira gyagyo: kubanga emikira gyagyo gifaanana ng'emisota, nga girina emitwe; era gye girumisya.
\v 20 N'abantu abaasigairewo, abataitiibwe mu bibonyoobonyo ebyo, tibeenenyere mu bikolwa by'emikono gyabwe, obutasinza balubaale, n'ebifaananyi ebye zaabu n'ebye feeza n'eby'ebikomo n'eby'amabbaale n'eby'emisaale, ebitasobola kubona waire okuwulira, waire okutambula:
\v 21 ne bateenenya mu bwiti bwabwe, waire mu bulogo bwabwe, waire mu bwenzi bwabwe, waire mu bubbiibi bwabwe.
\c 10
\cl Ensuula 10
\p
\v 1 Ne mbona malayika ogondi ow'amaani ng'aika okuva mu igulu, ng'avaire ekireri; no musoke ng'ali ku mutwe gwe n'amaiso ge ng'eisana, n'ebigere bye ng'empagi egy'omusyo;
\v 2 era yabbaire mu mukono gwe n'akatabo akabikukire: n'ateeka ekigere kye ekiriiro ku nyanza n'ekigooda ku nsi;
\v 3 n'atumulira waigulu n'eidoboozi inene ng'empologoma bw'ewuluguma: bwe yatumuliire waigulu ebibwatuka omusanvu ne bitumula amaloboozi gaabyo.
\v 4 Ebibwatuka omusanvu bwe byatumwire amaloboozi gaabyo, nabbaire nga njaba okuwandiika: ne mpulira eidoboozi eriva mu igulu, nga litumula nti Teeka akabonero ku ebyo ebibwatuka omusanvu bye bwebitumwire, so tobiwandiika.
\v 5 Malayika gwe naboine ng'ayemereire ku nyanza n'oku nsi n'ayimusia omukono gwe omuliiro eri eigulu,
\v 6 n'alayira odi abba omulamu emirembe n'emirembe, eyatondere eigulu n'ebirimu, n'ensi n'ebirimu, n'enyanza n'ebirimu, nti tewalibba kiseera ate:
\v 7 naye mu naku gy'eiddoboozi lya malayika ow'omusanvu, bw'alibba ng'ayaba okufuuwa, ekyama kya Katonda kaisi nekituukirira, ng'enjiri bw'eri gye yabuuliire abaidu be banabbi.
\v 8 N'eidoboozi lye nawuliire nga liva mu igulu, ne ndiwulira ate nga litumula nanze ne likoba nti yaba, otwale ekitabo ekibikukire mu mukono gwa malayika ayemereire ku nyanza no ku nsi.
\v 9 Ne njaba eri malayika, nga mukoba okumpa akatabo. N'ankoba nti Twala, okamire; era kakaaya ekida kyo, naye mu munwa gwo kaabba kawoomerevu ng'omubisi gw'enjuki.
\v 10 Ne ntwala akatabo ne nkatoola mu mukono gwa malayika, ne nkamira; ne kabba mu munwa gwange kawoomerevu ng'omubisi gw'enjuki: bwe nakaliire, ekida kyange ne kikaayizibwa.
\v 11 Ne bankoba nti kikugwaniire okubuulira ate eri abantu n'amawanga n'enimi na bakabaka abangi.
\c 11
\cl Ensuula 11
\p
\v 1 Ne mpeebwa olugada olufaanana ng'omwigo, malayika ng'atumula nti Situka, opime yeekaalu ya Katonda, n'ekyoto, n'abasinziziamu.
\v 2 N'oluya oluli ewanza we yeekaalu luleke ewanza, so tolugera; kubanga lwaweweibwe ab'amawanga: n'ekibuga ekitukuvu balikityankirira emyezi amakumi ana n'eibiri.
\v 3 Nzeena ndibawa abajulizi bange babiri, era baliragulira enaku lukumi mu bibiri mu nkaaga, nga bavaire ebibukutu.
\v 4 Abo niigyo emizayituuni eibiri n'etabaaza eibiri egyemerera mu maiso ga Mukama w'ensi.
\v 5 Era omuntu yenayena bw'ataka okubakola obubbiibi, omusyo guva mu munwa gwabwe, ne gwokya abalabe baabwe: era omuntu yenayena bw'ataka okubakola obubbiibi, kityo kigwana iye okwitibwa.
\v 6 Abo balina obuyinza okusiba eigulu, emaizi galekenga okutonya mu naku egy'okutegeeza kwabwe: era balina obuyinza ku maizi okugafuula omusaayi, era n'okubonyaabonya ensi n'ebibonyoobonyo byonabyona, emirundi emingi nga bwe bataka.
\v 7 Era bwe balibba nga bamalire okutegeeza kwabwe, ensolo eva mu bwina obutakoma erirwana nabo, era eribawangula, era eribaita.
\v 8 N'omulambo gwabwe guli mu luguudo lw'ekibuga ekinene, ekyetebwa mu mwoyo Sodomu ne Misiri, era Mukama waabwe mwe yakomereirwe.
\v 9 Era ab'omu bantu n'ebika n'enimi n'amawanga baboneire omulambo gwabwe enaku isatu n'ekitundu, ne bataganya mirambo gyabwe okuziikibwa mu magombe.
\v 10 N'abo abatyama ku nsi balisanyuka ku lwabwe, ne bajaguzia; era baliweereziagana ebirabo; kubanga banabbi abo ababiri babonyabonyezerye abatyama ku nsi.
\v 11 Oluvanyuma lw'enaku gidi eisatu n'ekitundu, omwoyo gw'obulamu oguva eri Katonda ne guyingira mu ibo ne bemerera ku bigere byabwe okutya okungi ne kugwa ku abo ababoine.
\v 12 Ne bawulira eidoboozi einene eriva mu igulu, nga libakoba nti Muniine okutuuka wano. Ne baniina mu igulu mu kireri; n'abalabe baabwe ne nebababona.
\v 13 Ne mu saawa edi ne wabbaawo ekikankano ekinene, n'ekitundu eky'eikumi eky'ekibuga ne kigwa; ne baitibwa abantu kasanvu mu kikankano: n'abo abaasigairewo ne bakwatibwa entiisia, ne bawa ekitiibwa Katonda ow'omu igulu.
\p
\v 14 Obubbiibi obw'okubiri bubitire: bona, obubbiibi obw'okusatu bwiiza mangu.
\p
\v 15 Malayika ow'omusanvu n'afuuwa; ne wabbaawo amaloboozi amanene mu igulu, nga boogera nti Obwakabaka bw'ensi bufuukire bwa Mukama waisu, era bwa Kristo we: era yabafuganga emirembe n'emirembe.
\p
\v 16 N'abakaire amakumi abiri na bana, abatyama mu maiso ga Katonda ku ntebe gyabwe egy'obwakabaka, ne bavuunama amaiso gaabwe, ne basinzia Katonda,
\v 17 nga batumula nti Tukwebalya, iwe Mukama Katonda, Omuyinza w'ebintu byonabyona, abbaawo era eyabbairewo; kubanga otwaire amaani go amangi, n'ofuga.
\q
\v 18 Amawanga ne gasunguwala, n'obusungu bwo ne bwiiza, n'entuuko egy'okusaliramu omusango gw'abafu, n'egy'okuweeramu empeera yaabwe abaidu bo banabbi, n'abatukuvu, n'abatya eriina lyo, abatobato n'abakulu; n'egy'okwonooneramu aboonoona ensi.
\p
\v 19 Ne yeekaalu ya Katonda ey'omu igulu n'ebikulwa; ne waboneka mu yeekaalu ye esanduuku y'endagaanu ye; ne wabbaawo okumyansa n'amaloboozi n'okubwatuka n'ekikankano n'omuzira mungi.
\c 12
\cl Ensuula 12
\p
\v 1 Ne gwemerera ku musenyu gw'enyanza. Ne mbona ensolo ng'eva mu nyanza, erina amaziga ikumi n'emitwe musanvu, ne ku maziga gaayo nga kuliku engule ikumi, no ku mitwe gyayo amaina ag'obuvooli.
\v 2 N'ensolo gye naboine yabbaire faanana ng'engo, n'ebigere byayo ng'ebye idubu, omunwa gwayo ng'omunwa gw'empologoma: n'ogusota niigwo gwagiwaire amaani gaayo, n'entebe yaayo ey'obwakabaka, n'obuyinza obungi.
\v 3 Ne mbona omutwe ogumu ku mitwe gyagwo nga gufumitiibwe okufa; n'ekiwundu eky'okufa ne kiwona: n'ensi gyonagyona ne gisengererya ensolo eyo nga gyewuunya;
\v 4 ne basinza ogusota, kubanga gwawaire ensolo obuyinza bwayo, ne basinza ensolo, nga batumula nti Yani afaanana ng'ensolo? Era yani asobola okulwana nayo?
\v 5 N'eweebwa omunwa okutumula ebikulu n'obuvooli; n'eweebwa obuyinza okumala emyezi ana na ibiri.
\v 6 N'eyasamya omunwa gwayo okuvoola Katonda, okuvoola eriina lye, n'eweema ye, n'abatyama mu igulu.
\p
\v 7 N'eweebwa okulwana n'abatukuvu, n'okubawangula: n'eweebwa obuyinza ku buli kika n'abantu n'olulimi n'eigwanga.
\v 8 Era bonabona abatyama mu nsi baligisinza, buli atawandiikiibwe eriina lye mu kitabo ky'obulamu eky'Omwana gw'entama eyaitiibwe okuva ku kutondebwa kw'ensi.
\v 9 Omuntu yenayena bw'abba n'ekitu awulire.
\v 10 Omuntu yenayena bw'ataka okunyaga, anyagibwa: omuntu yenayena bw'aita n'ekitala, kimugwanira yeena okwitibwa n'ekitala. Awo niiwo awali okugumiinkirizia n'okwikirirya kw'abatukuvu.
\q
\v 11 Ne mbona ensolo egendi ng'eva mu nsi; era yabbaire n'amaziga mabiri agafaanana ng'ag'omwana gw'entama, n'etumula ng'ogusota.
\q
\v 12 N'ekolya obuyinza bwonabwona obw'ensolo ey'oluberyeberye mu maiso gaayo. N'esinzisia ensi n'abatyamamu ensolo ey'oluberyeberye, eyawonere ekiwundu eky'okufa.
\p
\v 13 N'ekola obubonero bunene, era okwikya omusyo okuva mu igulu ku nsi mu maiso g'abantu.
\v 14 N'ebbeya abatyama ku nsi olw'obubonero bwe yaweweibwe okukola mu maiso g'ensolo; ng'ekoba abatyama ku nsi, okukolera ensolo ekifaananyi, erina ekiwundu eky'ekitala n'ebba namu.
\v 15 N'eweebwa okuwa ekifaananyi eky'ensolo okwikya omwoka, ekifaananyi eky'ensolo kaisi kitumule, era kikye bonabona abatasinzirye kifaananyi kye nsolo.
\v 16 N'ewalirizia bonabona, abatobato n'abakulu, n'abagaiga n'abaavu, n'ab'eidembe n'abaidu okuweebwa enkovu ku mukono gwabwe omuliiro oba ku byeni byabwe;
\v 17 era omuntu yenayena aleke okusobola okugula waire okutunda, wabula oyo amalire okuteekebwaku akabonero, eriina ly'ensolo oba omuwendo gw'eriina lyayo.
\v 18 Awo niiwo awali amagezi. Alina okutegeera abalirire omuwendo gw'ensolo; kubanga niigwo muwendo gw'omuntu: n'omuwendo gwayo Lukaaga mu nkaaga mu mukaaga.
\c 13
\cl Ensuula 13
\p
\v 1 Akabonero akanene ne kaboneka mu igulu, omukali ng'avaaire eisana, n'omwezi nga guli wansi w'ebigere bye, no ku mutwe gwe nga kuliku engule ey'emunyenye ikumi na ibiri;
\v 2 era ng'ali kida: n'akunga ng'alumwa era ng'abalagalwa okuzaala.
\v 3 Ne waboneka akabonero akandi mu igulu; era, bona, ogusota ogumyufu ogunene, ogulina emitwe omusanvu n'amaziga ikumi, no ku mitwe gyagwo engule musanvu.
\v 4 N'omukira gwagwo ne guwalula ekitundu eky'okusatu eky'emunyenye egy'omu igulu, ne gugisuula ku nsi: ogusota ne gwemerera mu maiso g'omukali, eyabbaire ayaba okuzaala, bw'alizaala, kaisi guliire dala omwana we.
\v 5 N'azaala omwana ow'obwisuka, ayaba okufuga amawanga gonagona n'omwigo ogw'ekyoma: n'omwana we n'akwakulibwa n'atwalibwa eri Katonda, n'eri entebe ye ey'obwakabaka.
\v 6 N'omukali n'airuka n'atuuka mu idungu, gye yabbaire n'ekifo ekyateekeibweteekeibwe Katonda, kaisi bamuliisilyenga eyo enaku lukumi mu bikumi bibiri mu nkaaga.
\v 7 Ne waba olutalo mu igulu: Mikaeri ne bamalayika be nga batabaala okulwana n'ogusota; ogusota ne gulwana na bamalayika baagwo;
\v 8 ne batasobola, so ne wataboneka kifo kyabwe ate mu igulu.
\v 9 N'ogusota ogunene ne gusuulibwa, omusota ogw'eira, ogwetebwa Omulyolyomi era Setaani, ow'obubbeyi w'ensi gyonagyona; ne gusuulibwa ku nsi, na bamalayika baagwo ne basuulibwa nagwo.
\q
\v 10 Ne mpulira eidoboozi inene mu igulu, nga litumula nti Atyanu obulokozi bwizire n'amaani n'obwakabaka bwa Katonda waisu, n'obuyinza bwa Kristo we: kubanga aloopa bagande baisu yasuuliibwe, abaloopa mu maiso ga Katonda waisu emisana n'obwire.
\p
\v 11 Boona baamuwangwire olw'omusaayi gw'Omwana gw'entama, n'olw'ekigambo eky'obujulizi bwabwe; ne batataka bulamu bwabwe Okutuusia okufa.
\v 12 Kale musanyuke, eigulu n'abatyamamu. Gibasangire ensi n'enyanza: kubanga Omulyolyomi aikire gye muli ng'alina obusungu bungi, ng'amaite ng'alina akaseera katono.
\v 13 Ogusota bwe gwaboine nga gusuuliibwe ku nsi, ne guyiganya omukali eyazaire omwana ow'obwisuka.
\v 14 Omukali n'aweebwa ebiwawa bibiri eby'empungu enene, kaisi abuuke okutuuka mu idungu mu kifo kye, gy'aliisizibwa ekiseera n'ebiseera n'ekitundu ky'ekiseera, mu maiso g'omusota.
\v 15 N'omusota ne guwandula okuva mu munwa gwagwo enyuma w'omukali amaizi ng'omwiga, kaisi gumutwalye omwiga.
\v 16 Ensi n'eyamba omukali, ensi n'eyasama omunwa gwayo, n’enywa omwiga ogusota gwe gwawandwure okuva mu munwa gwagwo.
\v 17 Ogusota ne gusunguwalira omukali, ne gwaba okulwana n'ab'omu izaire lye abaasigairewo abakwata ebiragiro bya Katonda, era abalina okutegeeza kwa Yesu:
\v 18 Awo niiwo awali amagezi. Alina okutegeera abalirire omuwendo gw'ensolo; kubanga niigwo muwendo gw'omuntu: n'omuwendo gwayo lukaaga mu mukaga.
\c 14
\cl Ensuula 14
\p
\v 1 Ne mbona, era, bona, Omwana gw'entama ng'ayemereire ku lusozi Sayuuni, era wamu naye akasiriivu mu bukumi buna mu nkumi ina, nga balina eriina lye n'eriina lya Itaaye nga liwandiikiibwe ku byeni byabwe.
\v 2 Ne mpulira eidoboozi eriva mu igulu, ng'eidoboozi ly'amaizi amangi, era ng'edoboozi ly'okubwatuka okunene: n'eidoboozi lye nawuliire ng'ery'abakubbi b'enanga nga bakubba enanga gyabwe:
\v 3 ne bemba ng'olwembo oluyaka mu maiso g'entebe ey'obwakabaka, ne mu maiso g'ebiramu ebina n'abakaire; so wabula muntu eyasoboire okwega olwembo olwo wabula akasiriivu mu obukumi buna mu enkumi eina, abaagulibwe mu nsi.
\v 4 Abo niibo bateeyonoonere eri abakali; kubanga tebamanyanga mukali. Abo niibo abasengereirye Omwana gw'entama buli gy'ayaba. Abo baguliibwe mu bantu okubba ebibala eby'oluberyeberye eri Katonda n'eri Omwana gw'entama.
\v 5 Era mu munwa gwabwe temwabonekere bubbeyi: babulaku buleme.
\p
\v 6 Ne mbona malayika ogondi ng'abuuka mu ibbanga ery'omu igulu ng'alina enjiri ey'emirembe n'emirembe, okubuulira abatyama ku nsi na buli igwanga n'ekika n'olulimi n'abantu,
\v 7 ng'atumula n'eidoboozi inene nti Mutye Katonda, mumuwe ekitiibwa; kubanga ekiseera eky'omusango gwe kituukire: mumusinze eyakolere eigulu n'ensi n'enyanza n'ensulo gy'amazzi.
\p
\v 8 No malayika ogondi ow'okubiri n'asengererya, ng'atumula nti Kigwire kigwire Babulooni ekinene ekyanywisirye amawanga gonagona ku mwenge gw'obusungu bw'obwenzi bwakyo.
\p
\v 9 No malayika ogondi ow'okusatu n'abasengererya, ng'atumula n'eidoboozi inene nti Omuntu yenayena bw'asinza ensolo n'ekifaananyi kyayo, era bw'aikirirya enkovu ku kyeni kye, oba ku mukono gwe,
\v 10 oyo yeena alinywa ku mwenge ogw'obusungu bwa Katonda, ogufukibwa ogutatabulwamu maizi mu kikompe eky'obusungu bwe; era alibonyaabonyezebwa mu musyo n'ekibiriiti mu maiso ga bamalayika abatukuvu ne mu maiso g'Omwana gw'entama:
\v 11 n'omwoka ogw'okubonyaabonyezebwa kwabwe gunyooka emirembe n'emirembe; so gubula kuwumula emisana n'obwire abasinza ensolo n'ekifaananyi kyayo, na buli aikirirya enkovu y'eriina lyayo.
\v 12 Awo niiwo awali okugumiinkirizia kw'abatukuvu, abakwata ebiragiro bya Katonda n'okwikirirya kwa Yesu.
\p
\v 13 Ne mpulira eidoboozi eriva mu igulu nga litumula nti Wandiika nti Baweweibwe omukisa abafu abafiira mu Mukama waisu okutandiika atyanu; niiwo awo, bw'atumula Omwoyo, kaisi bawumule mu kutegana kwabwe; kubanga ebikolwa byabwe byaba nabo.
\p
\v 14 Ne mbona, era, bona, ekireri ekyeru; ne ku kireri ne mbona atyaimeku eyabbaire afaanana ng'omwana w'omuntu, ng'alina ku mutwe gwe engule eya zaabu, ne mu mukono gwe ekiwabyo eky'obwogi.
\v 15 No malayika ogondi n'ava mu yeekaalu, ng'atumulira waigulu n'eidoboozi inene ng'akoba oyo atyaime ku kireri nti Teekaku ekiwabyo kyo, okungule: kubanga ekiseera eky'okukunguliramu kituukire, kubanga ebikungulwa eby'ensi bikalire.
\v 16 N'oyo atyaime ku kireri n'asuula ekiwabyo kye ku nsi, n'ensi n'ekungulibwa.
\p
\v 17 No malayika ogondi n'ava mu yeekaalu ey'omu igulu, yeena ng'alina ekiwabyo eky'obwogi.
\v 18 No malayika ogondi n'ava ku kyoto, niiye yabbaire n'obuyinza ku musyo; n'atumulira waigulu n'eidoboozi inene ng'akoba oyo eyabbaire n'ekiwabyo eky'obwogi, ng'atumula nti Teekaku ekiwabyo kyo eky'obwogi, onoge ebirimba by'omuzabbibu gw'ensi; kubanga eizabbibu lyagwo lyengere dala.
\v 19 No malayika n'asuula ekiwabyo kye ku nsi, n'anoga omuzabbibu gw'ensi, n'akisuula mu isogolero einene ery'obusungu bwa Katonda.
\v 20 N'eisogolero ne lirininirirwa ewanza w'ekibuga, n'omusaayi ne guva mu isogolero, okutuuka ku nkoba gy'embalaasi, n'okutuuka amabbanga lukumi mu lukaaga.
\c 15
\cl Ensuula 15
\p
\v 1 Ne mbona akabonero akandi mu igulu akanene ak'ekitalo, bamalayika musanvu nga balina ebibonyoobonyo musanvu eby'enkomerero, kubanga mu ebyo obusungu bwa Katonda mwe butuukiririra.
\p
\v 2 Ne mbona ng'enyanza y'endabirwamu etabwirwemu omusyo; abava eri ensolo n'ekifaananyi kyayo n'omuwendo gw'eriina lyayo nga bawangwire, nga bemereire ku nyanza y'endabirwamu, nga balina enanga gya Katonda.
\v 3 Ne bemba olwembo lwa Musa omwidu wa Katonda, n'olwembo lw'Omwana gw'entama, nga batumula nti Bikulu era bye kitalo ebikolwa byo, Mukama Katonda, Omuyinza w'ebintu byonabyona; go butuukirivu era ga mazima amangira go, iwe Kabaka ow'emirembe n'emirembe.
\q
\v 4 Yani atalitya, Mukama, n'ataliwa kitiibwa eriina lyo? Kubanga iwe wenka niiwe mutukuvu; kubanga amawanga gonagona galiiza era galisinzizia mu maiso go; kubanga ebikolwa bye eby'obutuukirivu bibonekere.
\p
\v 5 Oluvanyuma lw'ebyo ne mbona, yeekaalu eya weema ey'obujulizi mu igulu n'ebiikulwa:
\v 6 ne muva mu yeekaalu bamalayika omusanvu abalina ebibonyoobonyo omusanvu nga bavaire amabbaale, amalongoofu agamasamasa, era nga basibiibwe mu bifubba enkoba egya zaabu.
\v 7 Ekimu eky'oku biramu ebina ne kiwa bamalayika omusanvu ebibya musanvu ebya zaabu nga bizwire obusungu bwa Katonda, abba omulamu emirembe n'emirembe.
\v 8 Ne yeekaalu n'eizula omwoka oguva mu kitiibwa kya Katonda ne mu maani ge; so wabula muntu eyasoboire okuyingira mu yeekaalu, okutuusia ebibonyoobonyo omusanvu bya bamalayika omusanvu lwe byatuukiriire.
\c 16
\cl Ensuula 16
\p
\v 1 Ne mpulira eidoboozi einene eriva mu yeekaalu, nga likoba bamalayika omusanvu nti Mwabe, mufuke ebibya omusanvu by'obusungu bwa Katonda ku nsi.
\p
\v 2 Ow'oluberyeberye n'ayaba, n'afuka ekibya kye ku nsi; ne wabaawo eibbwa eibbiibi eizibu ku bantu abalina enkovu y'ensolo, era abasinza ekifaananyi kyayo.
\p
\v 3 Ow'okubiri n'afuka ekibya kye mu nyanza; ne wabaawo omusaayi ng'ogw'omufu, na buli mwoyo omulamu ne gufa, n'ebyo ebyabbaire mu nyanza.
\p
\v 4 Ow'okusatu n'afuka ekibya kye ku miiga ne mu nsulo gy'amaizi, ne wabaawo omusaayi.
\v 5 Ne mpulira malayika w'amaizi ng'atumula nti Niiwe mutuukirivu, niiwe abbaawo era eyabbairewo, niiwe Mutukuvu, kubanga wasalire omusango otyo:
\v 6 kubanga bafukire omusaayi gw'abatukuvu n'ogwa banabbi, omusaayi gwe gw'obawaire okunywa: basaaniire.
\p
\v 7 Ne mpulira ekyoto nga kitumula nti niiwo awo, Mukama Katonda, Omuyinza w'ebintu byonabyona, gya mazima era gye nsonga emisango gyo.
\p
\v 8 Ow'okuna n'afuka ekibya kye ku isana; n'eweebwa okwokya abantu n'omusyo.
\v 9 Abantu ne bookyebwa okwokya okunene: ne bavuma eriina lya Katonda alina amaani ku bibonyoobonyo ebyo; ne bateenenya okumuwa ekitiibwa.
\p
\v 10 Ow'okutaano n'afuka ekibya kye ku ntebe y'obwakabaka ey'ensolo obwakabaka bwayo ne buzikizibwa: ne beeruma enimi gyabwe olw'obulumi,
\v 11 ne bavuma Katonda ow'omu igulu olw'obulumi bwabwe n'olw'amabbwa gaabwe, so tibeenenyere mu bikolwa byabwe.
\p
\v 12 Ow'omukaaga n'afuka ekibya kye ku mwiga omunene Fulaati; amaizi gaagwo ne gakala, engira ya bakabaka abava ebuva isana kaisi eteekebweteekebwe.
\v 13 Ne mbona nga giva mu munwa gw'ogusota, ne mu kanwa gw'ensolo, ne mu munwa gwa nabbi w'obubbeyi, emyoyo emibbiibi isatu, nga giri ng'ebikere:
\v 14 kubanga niigyo emizimu gya balubaale, egikola obubonero; egyaba eri bakabaka b'ensi gyonagyona, okubakuŋaanya eri olutalo olw'oku lunaku olukulu olwa Katonda, Omuyinza w'ebintu byonabyona.
\v 15 (Bona, ngiza ng'omwibbi. Aweweibwe omukisa amoga, n'akuuma ebivaalo bye, aleke okwaba obwereere, era baleke okubona ensoni gye.)
\p
\v 16 Ne gibakuŋaanyirya mu kifo ekyetebwa mu Lwebulaniya Amagedoni.
\p
\v 17 Ow'omusanvu n'afuka ekibya kye ku ibbanga; eidoboozi einene ne liva mu yeekaalu, mu ntebe y'obwakabaka, nga litumula nti Kikoleibwe:
\v 18 ne wabbaawo okumyansia n'amadoboozi n'okubwatuka; ne wabbaawo ekikankano ekinene, nga tekibbangawo kasookede abantu babba ku nsi, ekikankano ekinene, ekikulu kityo.
\v 19 N'ekibuga ekinene ne kyawukanamu ebitundu bisatu, n'ebibuga eby'amawanga ne bigwa: ne Babulooni ekinene ne kijukirwa mu maiso ga Katonda, okukiwa okunywa ekikompe eky'obukambwe bw'obusungu bwe.
\v 20 Na buli kizinga ne kiiruka, so n'ensozi tegyabonekere.
\v 21 N'omuzira omunene, buli mpeke ng'obuzito obwa talanta, ne gwika okuva mu igulu ku bantu: n'abantu ne bavoola Katonda olw'ekibonyoobonyo eky'omuzira; kubanga ekibomyoobonyo kyagwo kinene inu.
\c 17
\cl Ensuula 17
\p
\v 1 Ne waiza omumu ku bamalayika omusanvu abaalina ebibya omusanvu, n'atumula nanze, ng'akoba nti Iza wano, nzeena nakulaga omusango gw'omwenzi omukulu atyama ku maizi amangi;
\v 2 bakabaka b'ensi gwe bwenda naye, n'abo abatyama ku nsi ne batamiira omwenge gw'obwenzi bwe.
\v 3 N'antwala mu idungu mu Mwoyo: ne mbona omukali, ng'atyaime ku nsolo emyuufu, ng'eizwire amaina ag'obuvooli, ng'erina emitwe musanvu n'amaziga ikumi.
\v 4 Omukali ng'avaire olugoye olw'efulungu n'olumyufu, era n'ayonjebwa ne zaabu n'amabbaale ag'omuwendo omungi ne luulu, ng'alina mu mukono gwe ekikompe ekya zaabu ekizwire emizizo, niiyo mpitambibbi ey'obwenzi bwe,
\v 5 no ku kyeni kye eriina eriwandiikiibwe nti EKYAMA, BABULOONI EKINENE, MAAYE W'ABENZI ERA OW'EMIZIZO GY'ENSI.
\p
\v 6 Ne mbona omukali oyo ng'atamiire omusaayi gw'abatukuvu, n'omusaayi gw'abajulirwa ba Yesu. Bwe bamubona, ne neewuunya okwewuunya kunene.
\v 7 Malayika n'ankoba nti kiki ekikwewuunyisia? Nze naakukobera ekyama ky'omukali, n'eky'ensolo emusitwire, erina emitwe musanvu n'amaziga ikumi.
\v 8 Ensolo gye waboine yabbairewo era nga ebulawo era eyaba okuva mu bwina obutakoma n'okwaba mu kugota. N'abo abatyama ku nsi balyewuunya, abataawandiikiibwe liina lyabwe mu kitabo ky'obulamu kasookede ensi eteekebwawo, bwe balibona ensolo nga yabbairewo era nga tekaali eriwo ate eribbaawo.
\v 9 Awo niiwo awali omwoyo ogulina amagezi. Emitwe omusanvu niigyo ensozi omusanvu, omukali gy'atyaimeku;
\v 10 era niibo bakabaka omusanvu; abataanu baweire, omumu aliwo, ogondi akaali kwiza; era bw'aliiza, kimugwanira okumalawo ebiseera bitono.
\v 11 N'ensolo eyabbairewo era ebulawo, oyo yeena niiye w'omunaana, naye iye w'omusanvu, era ayaba mu kugota.
\v 12 N'amaziga eikumi ge waboine niibo bakabaka eikumi, abakaali kuweebwa obwakabaka; naye baweweibwe obuyinza nga bakabaka, awamu n'ensolo, ogondi esaawa eimu.
\v 13 Abo balina okuteesia kumu, ne bawa ensolo amaani gaabwe n'obuyinza.
\v 14 Abo balirwana n'Omwana gw'entama, n'Omwana gw'entama alibawangula, kubanga niiye Mukama w'abaami, era niiye Kabaka wa bakabaka; era n'abo abali awamu naye, abayeteibwe, abalonde, abeesigwa. N'ankoba nti Amaizi ge waboine, omwenzi w'atyaime, niibo abantu n'ebibiina n'amawanga n'enimi.
\v 15 N'ankoba nti Amaizi g'oboine, omwenzi w'atyaime, niibo abantu n'ebibiina n'amawanga n'enimi.
\v 16 N'amaziga eikumi ge waboine, n'ensolo, bano balikyawa omwenzi, balimulekesiawo, balimufuula mwereere, balirya enyama ye, era balimwokyeria dala omusyo.
\v 17 Kubanga Katonda yatekere mu myoyo gyabwe okukola kye yateeserye, n'okuteesia awamu, n'okuwa ensolo obwakabaka bwabwe, okutuusia ebigambo bya Katonda lwe birituukirira
\v 18 N'omukali gwe waboine niikyo ekibuga ekinene, ekirina obwakabaka ku bakabaka b'ensi.
\c 18
\cl Ensuula 18
\p
\v 1 Oluvanyuma lw'ebyo ne mbona malayika ogondi ng'aika okuva mu igulu, ng'alina obuyinza bungi; n'ensi n'emulisibwa ekitiibwa kye.
\v 2 N'atumulira waigulu n'eidoboozi ery'amaani, ng'atumula nti Kigwire, kigwire Babulooni ekinene, ne kifuuka kisulo kya balubaale, n'eikomera erya buli dayimooni, n'eikomera erya buli nyonyi embibbi ekyayibwa.
\q
\v 3 Kubanga olw'omwenge gw'obusungu bw'obwenzi bwe amawanga gonagona gagwire; na bakabaka b'ensi ne benda naye, n'abatundi b'ensi ne bagaigawala olw'amaani g'obukaba bwe.
\q
\v 4 Ne mpulira eidoboozi erindi eriva mu igulu, nga litumula nti Mukifulumemu, abantu bange, muleke okwikirirya ekimu n'ebibbiibi bye era muleke okuweebwa ku bibonyoobonyo bye:
\v 5 kubanga ebibbiibi bye bituukire mu igulu, era Katonda aijukiire ebyonoono bye.
\q
\v 6 Mumusasule oyo nga yeena bwe yasaswiire, era mumwongereku emirundi ibiri ng'ebikolwa bye bwe byabbaire: mu kikompe kye yatambwire mumutabulire emirundi ebiri.
\q
\v 7 Nga bwe yeegulumizia n'akabawala, mumuwe mutyo okubonaabona n'okunakuwala; kubanga atumula mu mu mwoyo gwe nti Ntyaime nga kabaka, so tindi namwandu, so tindibona enaku n'akatono.
\q
\v 8 Kyebiriva biiza mu lunaku olumu ebibonyoobonyo bye, okufa, n'enaku, n'enjala; era alyokyebwa dala omusyo; kubanga Mukama Katonda wa maani eyamusaliire omusango.
\v 9 Era bakabaka b'ensi, abayendere na bakabawala naye, balikunga balikubba ebiwoobe ku lulwe, bwe balibona omwoka ogw'okwokyebwa kwe,
\v 10 nga bemereire wala olw'entiisia ey'okubonaabona kwe, nga batumula nti Gibasangire, gibasangire, ekibuga ekinene Babulooni, ekibuga eky'amaani, kubanga mu saawa imu omusango gwo gutuukire.
\p
\v 11 N'abatundi ab'omu nsi bakunga banakuwala ku lulwe kubanga wabula muntu akaali agula obuguzi bwabwe;
\v 12 obuguzi bwa zaabu, ne feeza, n'amabbaale ag'omuwendo, ne luulu, ne bafuta ensa, n'olugoye olw'efulungu, ne aliiri, n'olugoye olumyufu; na buli musaale ogw'omusita, na buli kintu eky'eisanga, na buli kintu eky'omusaale ogw'omuwendo omungi einu, n'eky'ekikomo, n'eky'ekyoma, n'eky'eibbaale eisa;
\v 13 n'eky'akaloosa, n'ebinzaali, n'obubaani, n'omuzigo gw'omusita, n'envumbo, n'omwenge, n'amafuta, n'obwita obusa, n'eŋaanu, n'ente n'entama; n'obuguzi bw'embalaasi n'amagaali n'abaidu; n'emyoyo gy'abantu.
\v 14 N'ebibala omwoyo gwo bye gwegomba bikuviireku, n'ebintu byonabyona ebiwooma n'ebisa bikuviireku, so tebakaali babona ate.
\v 15 Abatundi b'ebyo, niibo beyagaigawairye, balyemerera wala olw'entiisia y'okubonaabona kwe, nga bakunga nga banakuwala;
\v 16 nga batumula nti Gibasangire; gibasangire, ekibuga ekinene, ekyavaalisiibwe bafuta ensa n'olugoye olw'efulungu n'olumyufu, era ne kiyonjebwa ne zaabu n'amabbaale ag'omuwendo ne luulu!
\q
\v 17 Kubanga mu saawa imu obugaiga obungi nga buno buzikiriire. Na buli mubbinga na buli atambula wonawona mu lyato n'abalunyanza ne bonabona abakola emirimu egy'omu nyanza, ne bemerera wala,
\v 18 ne batumulira waigulu bwe baboine omwoka ogw'okwokyebwa kwe, nga batumula nti Kiruwa ekifaanana ng'ekibuga ekinene?
\v 19 Ne bafuka enfuufu ku mitwe gyabwe, ne batumulira waigulu nga bakunga nga banakuwala, nga batumula nti Gibasangire, gibasangire, ekibuga ekinene, bonabona kye bagaigawaliramu abaalina ebyombo mu nyanza olw'omuwendo gwe omusa, kubanga mu saawa imu gwazikiriire.
\q
\v 20 Mumusanyukire, eigulu mweena abatukuvu mweena abatume mweena banabbi; kubanga Katonda amusaliire omusango gwanyu.
\p
\v 21 Malayika ow'amaani n'asitula eibbaale einene ng'olubengo olunene, n'alisuula mu nyanza, ng'atumula nti Babulooni, ekibuga ekinene, bwe kirisuulibwa kityo n'okutandagirwa okunene, so tekiriboneka ate.
\q
\v 22 Waire eidoboozi ly'abakubbi b'enanga n'abalina ebivuga n'abafuuwa emirere n’abafuuwa amakondeere tiririwulirwa ate mu iwe; waire omugezi w'emirimu gyonagyona taliboneka ate mu igwe; waire eidoboozi ly'olubengo teririwulirwa ate mu igwe;
\v 23 waire okutangaala kw'etabaaza tekulitangaala ate mu iwe; waire eidoboozi ly'akwa omugole n'ery'omugole teririwulirwa ate mu iwe; kubanga abatundi niibo babbaire balangira b'ensi; kubanga mu bulogo bwo amawanga gonagona gabbeyebwa.
\q
\v 24 Era n'omusaayi gwa banabbi n'abatukuvu n'ogwa bonabona abaitiibwe ku nsi gwabonekere mu iye.
\c 19
\cl Ensuula 19
\p
\v 1 Oluvanyuma lw'ebyo ne mpulira ng'eidoboozi einene ery'ekibiina ekinene mu igulu, nga batumula nti Aleruuya; Obulokozi, n'ekitiibwa, n'obuyinza niibyo bya Katonda waisu:
\v 2 kubanga emisango gye gya mazima era gye nsonga; kubanga asaliire omusango omwenzi omukulu, eyayonoonere ensi n'obwenzi bwe, era awooleire eigwanga ly'omusaayi gw'abaidu be mu mukono gw'oyo.
\p
\v 3 Omulundi ogw'okubiri ne batumula nti Aleruuya. N'omwoka niigwo gunyooka emirembe n'emirembe.
\p
\v 4 N'abakaire amakumi abiri na bana n'ebiramu ebina ne bavuunama ne basinza Katonda atyama ku ntebe, nga batumula nti Amiina; Aleruuya.
\p
\v 5 N'eidoboozi ne liva mu ntebe, nga litumula nti Mutendereze Katonda waisu, imwe mwenamwena abaidu be, abamutya, abatobato n'abakulu.
\p
\v 6 Ne mpulira ng'eidoboozi ly'ekibiina ekinene, era ng'eidoboozi ly'amaizi amangi, era ng'eidoboozi ly'okubwatuka okw'amaani, nga batumula nti Aleruuya: kubanga Mukama Katonda waisu Omuyinza w'ebintu byonabyona afuga
\v 7 Tusanyuke, tujaguze, tumuwe ekitiibwa iye: kubanga obugole bw'Omwana gw'entama butuukire, no mukali we yeeteekereteekere.
\q
\v 8 N'aweebwa okuvaala bafuta entukuvu ensa: kubanga bafuta eno niibyo ebikolwa eby'obutuukirivu eby'abatukuvu.
\p
\v 9 N'ankoba nti Wandiika nti Baweweibwe omukisa abetebwa ku mbaga ey'obugole bw'Omwana gw'entama. N'ankoba nti Ebyo niibyo ebigambo eby'amazima ebya Katonda.
\v 10 Ne nfukamira mu maiso g'ebigere bye okumusinza. N’ankoba nti bona tokola otyo: Ndi mwidu mwinawo era ow'omu bagande bo abalina okutegeeza kwa Yesu: sinza Katonda: kubanga okutegeeza kwa Yesu niigwo mwoyo gw'obunabbi
\v 11 Ne mbona eigulu nga libikukire; era, bona, embalaasi enjeru n'eyabbaire agityaimeku, ayetebwa mwesigwa era ow'amazima; no mu butuukirivu asala emisango era alwana.
\v 12 Era amaiso ge niigwo musyo ogwaka, no ku mutwe gwe engule nyingi; era ng'alina eriina eriwandiikiibwe, omuntu yenayena ly'atamaite wabula iye yenka.
\v 13 Era ng'avaire ekivaalo ekyamansiirweku omusaayi: n'eriina lye ne lyetebwa Kigambo kya Katonda.
\v 14 N'eigye ery'omu igulu ne limusengererya ku mbalaasi enjeru, nga bavaire bafuta enjeru ensa.
\v 15 Ne mu munwa gwe muvaamu ekitala eky'obwogi ateme amawanga nakyo: era alibafuga n'omwigo ogw'ekyoma: era aniina eisogolero ly'omwenge gw'obusungu bw'obukambwe bwa Katonda Omuyinza w'ebintu byonabyona.
\v 16 Era alina ku kivaalo kye ne ku kisambi kye eriina eriwandiikiibwe nti KABAKA WA BAKABAKA, ERA MUKAMA W’ABAAMI.
\p
\v 17 Ne mbona malayika ng'ayemereire mu isana; n'atumulira waigulu n'eidoboozi inene, ng'akoba enyonyi gyonagyona egibuuka mu ibbanga nti Mwize mukuŋaane ku mbaga enkulu eya Katonda;
\v 18 kaisi mulye enyama ya bakabaka, n'enyama ey'abagabe, n'enyama ey'ab’amaani, n'enyama ey'embalaasi n’ey'abo abagityamaku, n'enyama eya bonabona ab'eidembe era n'abaidu, abatobato n'abakulu.
\p
\v 19 Ne mbona ensolo, na bakabaka b’ensi, n'eigye lyabwe nga bakuŋaine okulwana n'oyo eyabbaire atyaime ku mbalaasi n'eigye lye.
\v 20 Ensolo n’ekwatibwa era wamu nayo nabbi ow'obubbeyi eyakolere obubonero mu maiso gaayo bwe yabbeyeserye abo abaikirirya enkovu y'ensolo, n'abo abasinza ekifaananyi kyayo: bombiri ne basuulibwa nga balamu mu nyanza ey'omusyo eyaka n'ekibiriiti:
\v 21 n'abaasigairewo ne baitibwa n'ekitala ky'oyo eyabbaire atyaime ku mbalaasi, ekiva mu munwa gwe: n'enyonyi gyonagyona ne giikuta ku nyama yaabwe.
\c 20
\cl Ensuula 20
\p
\v 1 Ne mbona malayika ng'aika okuva mu igulu, ng'alina ekisumuluzo ky'obwina obutakoma n'olujegere olunene mu mukono gwe.
\v 2 N'akwata ogusota, omusota ogw'eira, niiye Mulyolyomi era Setaani, n'agusibira emyaka lukumi,
\v 3 n'agusuula mu bwina obutakoma n'aigalawo n'ateekaku akabonero, gulekenga okubbeya amawanga ate, okutuusia emyaka lukumi lwe giriwawo; oluvanyuma lwagyo kigugwanira okusumululibwa ebiseera bitono.
\p
\v 4 Ne mbona entebe egy'obwakabaka, nga kuliku abatyaimeku, ne baweebwa okusala omusango; n'emyoyo gyabwe abaatemeibweku emitwe olw'okutegeezia kwa Yesu n'olw'ekigambo kya Katonda, n'abo abatasinzirye nsolo waire ekifaananyi kyayo, so tebaikirirye nkovu ku kyeni kyabwe ne ku mukono gwabwe ne babba balamu, ne bafugiranga wamu ne Kristo emyaka lukumi.
\v 5 Abafu abandi tebabbaire balamu okutuusia emyaka olukumi lwe gyaweire. Kuno niikwo kuzuukira okw'oluberyeberye.
\v 6 Aweweibwe omukisa, era niiye omutukuvu alina omugabo mu kuzuukira okw'oluberyeberye: okufa okw'okubiri kubula buyinza ku ibo, naye baabbanga bakabona ba Katonda era ba Kristo, era bafugiranga wamu naye emyaka lukumi.
\p
\v 7 Awo, emyaka egyo olukumi bwe giriwa, Setaani kaisi asumululwa mu ikomera lye,
\v 8 era alyaba okubbeya amawanga ag'omu nsonda eina egy'ensi, Googi ne Magoogi, okubakuŋaanya ku lutalo: omuwendo gwabwe ng'omusenyu gw'enyanza.
\v 9 Ne baniina ku bugazi bw'ensi, ne bazingizia olusiisira olw'abatukuvu n'ekibuga ekitakibwa: omusyo ne gwika okuva mu igulu, ne gubookya.
\v 10 N'omulyolyomi eyababbeyanga n'asuulibwa mu nyanza ey'omusyo n'ekibiriiti, era omuli ensolo no nabbi ow'obubbeyi; era babonyaabonyezebwanga emisana n'obwire emirembe n'emirembe.
\p
\v 11 Ne mbona entebe ey'obwakabaka enene enjeru, n'oyo eyabbaire agityaimeku, eigulu n'ensi ne biruka mu maiso ge; n'ekifo kyabyo tekyabbaire.
\v 12 Ne mbona abafu, abakulu n'abatobato, nga bemereire mu maiso g'entebe; ebitabo ne bibikulwa: n'ekitabo ekindi ne kibikulwa, nookyo ky'obulamu: abafu ne basalirwa omusango mu ebyo ebyawandiikiibwe mu bitabo, ng'ebikolwa byabwe bwe byabbaire.
\v 13 N'enyanza n'ereeta abafu abalimu, n'okufa n'Amagombe ne bireeta abafu abalimu: ne basalirwa omusango buli muntu ng'ebikolwa byabwe bwe byabbaire.
\v 14 N'okufa n'Amagombe ne bisuulibwa mu nyanza ey'omusyo. Eyo niikwo kufa okw'okubiri, enyanza ey'omusyo.
\v 15 Era omuntu yenayena atabonekere ng'awandiikiibwe mu kitabo eky'obulamu, n'asuulibwa mu nyanza ey'omusyo.
\c 21
\cl Ensuula 21
\p
\v 1 Ne mbona eigulu eiyaaka n'ensi enjaaka: kubanga eigulu ery'oluberyeberye n'ensi ey'oluberyeberye nga byabire: n'enyanza nga ebulawo.
\v 2 Ne mbona ekibuga ekitukuvu, Yerusaalemi ekiyaaka, nga kiika okuva mu igulu ewa Katonda, nga kitegekeibwe ng'omugole ayonjeibwe ibaaye.
\v 3 Ne mpulira eidoboozi einene eriva mu ntebe nga litumula nti Bona, eweema ya Katonda awamu n'abantu, era yatyamanga wamu nabo, boona babbanga bantu be, yeena Katonda mwene yabbaanga wamu nabo, Katonda waabwe:
\v 4 naye alisangula buli, iriga mu maiso gaabwe; era okufa tekulibbaawo ate; so tewaabbengawo ate naku, waire okukunga waire okulumwa: eby'oluberyeberye biweirewo.
\v 5 N'oyo atyama ku ntebe n'atumula nti Bona, byonabyona mbirirye buyaaka. N'atumula nti Wandiika: kubanga ebigambo ebyo byo bwesige era bya mazima.
\v 6 N'ankoba nti Bituukiriire. Nze ndi Alufa ne Omega, okusooka n'enkomerero. Ndimuwa buwi alina enyonta okunywa mu nsulo eyamaizi ag'obulamu buwi.
\v 7 Awangula alisikira ebyo: nzeena naabbanga Katonda we, yeena yabbanga mwana wange.
\v 8 Naye abati, n'abataikirirya, n'abagwagwa, n’abaiti, n'abenzi, n'abalogo, n'abasinza ebifaananyi, n’ababbeyi bonabona, omugabo gwabwe gulibba mu nyanza eyaka n'omusyo n'ekibiriiti; niikwo kufa okw'okubiri.
\p
\v 9 Ne waiza omumu ow'oku bamalayika omusanvu abalina ebibya omusanvu, abaizwire ebibonyoobonyo omusanvu eby'enkomerero; n'atumula nanze, ng'akoba nti Iza, naakulaga omugole, omukali w'Omwana gw'entama.
\v 10 N'antwala mu Mwoyo ku lusozi olunene oluwanvu, n'andaga ekibuga ekitukuvu Yerusaalemi nga kiika okuva mu igulu ewa Katonda,
\v 11 nga kirina ekitiibwa kya Katonda: okumasamasa kwakyo ng'eibbaale ery'omuwendo omungi einu, ng'eibbaale yasepi, eritangalija:
\v 12 nga kirina bugwe omunene omuwanvu: nga kirina emiryango ikumi n'aibiri, ne ku miryango bamalayika ikumi na babiri; n'amaina agawandiikiibweku, niigo g'ebika eikumi n'ebibiri eby'abaana ba Isiraeri:
\v 13 ebuva isana emiryango isatu; era ebukiika bw'omugooda emiryango isatu; era obukiika bw'omuliiro emiryango isatu; era ebugwa isana emiryango isatu.
\v 14 No bugwe w'ekibuga yabbaire emisingi ikumi n'aibiri, ne kubbaaku amaina ikumi n'amabiri ag'abatume eikumi n'ababiri ab'Omwana gw'entama.
\v 15 Yeena etumula nanze yabbaire ekipimo olugada lwa zaabu okupima ekibuga, n'emiryango gyakyo, ne bugwe waakyo.
\v 16 N'ekibuga kyekankanyizibwa enjuyi gyonagyona, n'obuwanvu bwakyo buli ng'obugazi, n'agera ekibuga n'olugada, amabbanga omutwalo gumu mu enkumi ibiri: obuwanvu n'obugazi n'obugulumivu bwakyo bwekankana.
\v 17 Napima bugwe waakyo, emikono kikumi mu ana n'eina, ekigera ky'omuntu, niikyo kya malayika.
\v 18 N'okuzimbibwa kwa bugwe waakyo kwa yasepi: n'ekibuga kye zaabu ensa, ng'endabirwamu ensa.
\v 19 Emisingi gya bugwe w'ekibuga gyayonjeibwe na buli ibbaale ery'omuwendo omungi. Omusingi ogw'oluberyeberye yasepi; ogw'okubiri safiro; ogw'okusatu kalukedoni; ogw'okuna lya nawandagala;
\v 20 ogw'okutaano sadonukisi; ogw'omukaaga sadiyo; ogw'omusanvu kerusoliso; ogw'omunaana berulo; ogw'omwenda topazi; ogw'ekkumi kerusoperaso; ogw'eikumi n'ogumu kuwakinso; ogw'eikumi n'eibiri amesusito.
\v 21 N'emiryango eikumi n'ebiri luulu ikumi na ibiri, buli gumu ku miryango gwabbaire gwa luulu imu: n'oluguudo olw'ekibuga zaabu ensa, ng'endabirwamu etangalija.
\v 22 So tinaboinemu yeekaalu mu ikyo: kubanga Mukama Katonda Omuyinza w'ebintu byonabyona, n'Omwana gw'entama, niiye yeekaalu yaakyo.
\v 23 So ekibuga tekyetaaga isana waire omwezi, okukyakira: kubanga ekitiibwa kya Katonda kyakimulisirye, n'etabaaza yaakyo niiye Mwana gw'entama.
\v 24 N'amawanga gatambuliranga mu musana gwakyo: na bakabaka b'ensi baleeta ekitiibwa kyabwe mu kyo.
\v 25 N'emiryango gyakyo tigyaigalwenga n'akatono emisana (kubanga eyo obwire tibwabbengayo);
\v 26 era balireeta ekitiibwa n'eitendo ery'amawanga mu ikyo:
\v 27 so temuliyingira mu ikyo n'akatono ekintu kyonakyona ekitali kirongoofu waire akola eky'omuzizo n'obubbeyi: wabula abo bonka abawandiikiibwe mu kitabo eky'obulamu eky'Omwana gw'entama.
\c 22
\cl Ensuula 22
\p
\v 1 Yandagire omwiga gw'amaizi ag'obulamu, ogumasamasa ng'endabirwamu, nga guva mu ntebe ya Katonda n'ey'Omwana gw'entama,
\v 2 wakati w'oluguudo lwakyo. Era eruuyi n'eruuyi ew'omwiga omusaale ogw'obulamu, ogubala ebibala ikumi n'abibiri, oguleeta ekibala kyagwo buli mwezi: n'amalagala g'omusaale go kuwonya amawanga.
\v 3 So teribbaayo ate kikolimo: n'entebe ya Katonda n'ey'Omwana gw'entama yabbanga omwo: n'abaidu be bamuweerezanga,
\v 4 era bamubonanga amaiso ge; era eriina lye lyabbanga mu byeni byabwe.
\v 5 So teebbenga Bwire ate; so tibeetaaga kumulisia kwe tabaaza n'omusana gw'eisana; kubanga Mukama Katonda yabawanga omusana: era bafuganga emirembe n'emirembe.
\p
\v 6 N'ankoba nti Ebigambo bino byo bwesige era bya mazima: era Mukama Katonda ow'emyoyo gya banabbi yatumire malayika we okulaga abaidu be ebigwanira okubbaawo amangu.
\v 7 Era, bona, ngiza mangu. Aweweibwe omukisa akwata ebigambo eby'obunabbi obw'ekitabo kino.
\p
\v 8 Nzeena Yokaana nze nawuliire ne nbona bino. Bwe nawuliire ne mbona, ne nvuunama okusinza mu maiso g'ebigere bya malayika andaga bino.
\v 9 N'ankoba nti bona tokola otyo: ndi mwidu mwinawo era ow'omu bagande bo banabbi, n'abo abakwata ebigambo eby'ekitabo kino: sinza Katonda.
\p
\v 10 N'ankoba nti Toteeka kabonero ku bigambo eby'obunabbi obw'ekitabo kino; kubanga obwire buli kumpi.
\v 11 Ayonoona abbe nga akaali ayonoona: era omugwagwa abbe ng'akaali mugwagwa: era n'omutuukirivu, abbe ng'akaali akola obutuukirivu: era n'omutukuvu, abbe ng'akaali mutukuvu.
\p
\v 12 Bona, ngiza mangu; n'empeera yange eri nanze, okusasula buli muntu ng'omulimu gwe bwe guli.
\v 13 Ninze Alufa ne Omega, ow'oluberyeberye era omukoobeli, okusooka n'enkomerero.
\v 14 Baweweibwe omukisa abayoza ebivaalo byabwe, kaisi babbe n'obuyinza ku musaale ogw'obulamu, era kaisi bayingire mu kibuga nga babita mu miryango.
\v 15 Ewanza niiyo eri embwa, n'abalogo, n'abenzi, n'abaiti, n'abasinza ebifaananyi, na buli ataka n'akola obubbeyi.
\p
\v 16 Nze Yesu ntumire malayika wange okubategeeza imwe ebyo olw'ekanisa. Nze ndi kikolo era omwizukulu wa Dawudi, emunyenye eyaka amakeeri.
\p
\v 17 Era Omwoyo n'omugole batumula nti Iza. Naye awulira atumule nti Iza. Naye alina enyonta aize: ataka atwale amaizi ag'obulamu buwi.
\p
\v 18 Ntegeeza buli muntu awulira ebigambo eby'obunabi obw'ekitabo kino nti Omuntu yenayena bw'ayongerangaku ku ibyo, Katonda alyongeraku ku iye ebibonyoobonyo ebiwandiikiibwe mu kitabo kino:
\v 19 era omuntu yenayena bw'atoolangamu mu bigambo eby'ekitabo eky'obunabbi buno, Katonda alitoolaku omugabo gwe ku musaale ogw'obulamu, no mu kibuga ekitukuvu, ebiwandiikiibwe mu kitabo kino.
\p
\v 20 Ategeeza bino atumula nti Niiwo awo: ngiza mangu. Amiina: Iza, Mukama waisu Yesu.
\p
\v 21 Ekisa kya Mukama waisu Yesu kibbenga n'abatukuvu Amiina.