lke_reg/55-1TI.usfm

\id 1TI
\ide UTF-8
\h 1 Timoseewo
\toc1 1 Timoseewo
\toc2 1 Timoseewo
\toc3 1ti
\mt 1 Timoseewo
\c 1
\cl Ensuula 1
\p
\v 1 Pawulo, omutume wa Kristo Yesu ng'okulagira kwa Katonda Omulokozi waisu bwe kuli n'okwa Kristo Yesu eisuubi lyaisu;
\v 2 eri Timoseewo omwana wange dala olw'okwikirirya: ekisa, okusaasira, emirembe bibbenga gy'oli ebiva eri Katonda Itawaisu ne Kristo Yesu Mukama waisu.
\p
\v 3 Nga bwe nakukobeire okubba mu Efeso, bwe nabbaire nga njaba e Makedoni, olagirenga abandi obutayigirizanga bundi,
\v 4 waire okulowoozanga enfumu n'ebigambo by'obuzaale ebitakoma, ebireeta empaka okusinga obuwanika bwa Katonda obuli mu kwikirirya; bwe nkola ntyo ne atyanu.
\v 5 Naye enkomerero y'ekiragiro niikwo okutaka okuva mu mwoyo omulongoofu n'omwoyo omusa n'okwikirirya okubula bukuusa:
\v 6 ebyo abandi babiwunjukamu ne bakyamira mu bigambo ebibulamu;
\v 7 nga bataka okubba ng'abegeresya b'amateeka, nga tebategeera bye batumula waire bye bakakasia.
\v 8 Naye tumaite ng'amateeka masa, omuntu bw'agasoma ng'amateeka bwe gali,
\v 9 ng'amaite ekyo nti amateeka tegateekeirwewo muntu mutuukirivu, wabula abatali batuukirivu n'abajeemu, abatatya Katonda n'abalina ebibbiibi, abatali batukuvu n'abavoola Katonda, abaita baitawabwe ne bamawabwe, abaiti b'abantu,
\v 10 abenzi, abalya ebisiyaga, abanyagi b'abantu, ababbeya, abalayirira obwereere, n'ebindi byonabyona ebiwakana n'okwegeresya okw'obulamu;
\v 11 ng'enjiri bw'eri ey'ekitiibwa kya Katonda eyeebazibwa gye nagisisiibwe nze.
\p
\v 12 Mwebalya oyo eyampaire amaani, niiye Kristo Yesu Mukama waisu, kubanga yandowoozerye nga ndi mwesigwa, bwe yanteekere mu buweereza,
\v 13 olubereberye bwe nabbaire omuvumi era omuyigganya era ow'ekyeju: naye nasaasiirwe kubanga nakolanga nga timaite mu butaikirirya;
\v 14 ekisa kya Mukama waisu ne kyeyongera inu wamu n'okwikirirya n'okutaka okuli mu Kristo Yesu.
\v 15 Ekigambo kyesigwa, era ekisaanira okwikirizibwa kwonakwona nti Kristo Yesu yaizire mu nsi okulokola abalina ebibbiibi; mu ibo niinze w'oluberyeberye;
\v 16 naye Kyenaviire nsaasirwa Yesu Kristo kaisi abonekerye mu nze ow'oluberyeberye okugumiinkiriza kwe kwonakwona, okubbanga ekyokuboneraku eri abo abaaba okumwikirirya olw'obulamu obutawaawo.
\v 17 Era Kabaka ow'emirembe n'emirembe, atawaawo, ataboneka, Katonda Omumu, aweebwenga eitendo n'ekitiibwa emirembe n'emirembe. Amiina.
\p
\v 18 Ekiragiro kino nkugisisya, mwana wange Timoseewo, ng'ebigambo bya banabbi bwe byabbaire bye bakutumwireku eira, kaisi olwanirenga mu byo olutalo olusa,
\v 19 ng'onyweza okwikirirya n'omwoyo omusa, abandi gwe basindika edi ne bamenyekerwa okwikirirya kwabwe:
\v 20 mu abo niiye Kumenayo ne Alegezanda: be nawaire eri Setaani, kaisi bayigirizibwe obutavumanga.
\c 2
\cl Ensuula 2
\p
\v 1 Kale okusooka byonabyona mbabuulirira okwegayiriranga n'okusabanga n'okutakabananga n'okwebalyanga bikolebwenga ku lw'abantu bonabona;
\v 2 ku lwa bakabaka n'abakulu bonabona; kaisi tubbenga n'obulamu obutereevu obw'emirembe mu kutya Katonda kwonakwona ne mu kwegendereza.
\v 3 Ekyo niikyo ekisa, ekikirizibwa mu maiso g'Omulokozi waisu Katonda,
\v 4 ataka abantu bonabona okulokoka, era okutuuka mu kutegeerera kimu amazima.
\v 5 Kubanga waliwo Katonda mumu, era omutabaganya wa Katonda n'abantu mumu, omuntu Kristo Yesu,
\v 6 eyeewaireyo abbe omutango olwa bonabona; okutegeeza kulibbaawo mu ntuuko gyaakwo:
\v 7 nze kwe nateekeirwe omubuulizi era omutume (ntumula mazima, timbeya), omuyigiriza w'amawanga olw'okwikirirya n'amazima.
\p
\v 8 Kyenva ntaka abasaiza basabenga mu buli kifo, nga bayimusia emikono emitukuvu, awabula busungu ne mpaka.
\v 9 Batyo n'abakali beeyonjenga mu bivaalo ebisaana, n'okukwatibwa ensoni n'okwegendereza; ti mu kusibanga enziiri, ne zaabu oba luulu oba engoye egy'omuwendo omungi;
\v 10 naye (nga bwe kisaanira abakali abeeyeta abatya Katonda) n'ebikolwa ebisa.
\v 11 Omukali ayegenga mu bwikaikamu mu kugonda kwonakwona.
\v 12 Naye omukali mugaine okwegeresyanga, waire okufuganga omusaiza, naye okubbanga mu bwikaikamu.
\v 13 Kubanga Adamu niiye yasookere okutondebwa, oluvanyuma Kaawa;
\v 14 era Adamu ti niye yabbeyeibwe, naye omukali odi niiye yabbeyeibwe nabba mu kwonoona:
\v 15 naye yalokokanga mu kuzaala, bwe bweyanyiikiranga mu kwikirirya n'okutaka n'obutukuvu awamu n'okwegendereza.
\c 3
\cl Ensuula 3
\p
\v 1 Kyesigwa ekigambo ekyo nti Omuntu bw'atakanga obulabirizi, yeegomba mulimu musa.
\v 2 Kale omulabirizi kimugwanira obutabbangaku kyo kunenyezebwa, abbenga musaiza wo mukali mumu, atatamiira, mwegendereza, mukwata mpola, asangalira abageni,
\v 3 atatonganira ku mwenge, atakubba; naye omuwombeefu, atalwana, ateyegomba bintu;
\v 4 afuga okusa enyumba ye iye, agondya abaana be mu kitiibwa kyonakyona;
\v 5 (naye omuntu bw'atamanya kufuga enyumba ye iye, ayinza atya okwijanjaba ekanisa ya Katonda?)
\v 6 Ti niye oyo eyaakakyuka, alekenga okwekudumbalya n'amala agwa mu musango gwa Setaani.
\v 7 Era ate kimugwanira okubbanga n'okutegeezebwa okusa eri abo ab'ewanza, alekenga okugwa mu kuvumibwa no mu kyambika kya Setaani.
\v 8 Batyo n'abaweereza kibagwanira okubbanga abalimu ekitiibwa, ti b'enimi ibiri, abatanywanga mwenge mungi, ti beegombi be bintu;
\v 9 nga bakuuma ekyama eky'okwikirirya mu mwoyo omusa.
\v 10 Era ate abo basookenga okukemebwa, kaisi baweerezie, nga babulaku kyo kunenyezebwa.
\v 11 Batyo n'abakali kibagwanira okubbanga abalimu ekitiibwa, abatawaayiriza, abatatamiira, abeesigwa mu byonabyona.
\v 12 Abaweereza babbenga basaiza bo mukali mumu, nga bafuga abaana baabwe kusa n'enyumba gy'abwe ibo.
\v 13 Kubanga abamala okuweereza okusa beefunira obukulu obusa n'obugumu bungi mu kwikirirya okuli mu Kristo Yesu.
\p
\v 14 Nkuwandikiire ebyo nga nsuubira okwiza gy'oli mangu;
\v 15 naye bwe ndwanga kaisi obbe ng'omaite bwe kisaana okukolanga mu nyumba ya Katonda, niiyo kanisa ya Katonda omulamu, empagi n'omusingi eby'amazima.
\v 16 Era awabula kubuusabuusa ekyama eky'okutya Katonda niikyo ekikulu; oyo eyaboneseibwe mu mubiri, n'aweebwa obutuukirivu mu mwoyo, n'abonebwa bamalayika, n'abuulirwa mu mawanga, n'aikirizibwa mu nsi, n'atwalibwa mu kitiibwa.
\c 4
\cl Ensuula 4
\p
\v 1 Naye Omwoyo atumula lwatu nti mu naku egy'oluvanyuma walibbaawo abaliva mu kwikirirya, nga bawulira emyoyo egigotya n'okwegeresya kwa basetaani,
\v 2 olw'obunanfuusi bw'ababbeyi, nga bookyebwa emyoyo gyabwe nga n'ekyoma ekyokya,
\v 3 nga bawera okufumbirwagananga era nga balagira okulekanga eby'okulya, Katonda bye yatondere biriibwenga mu kwebalya abaikiriya ne bategeerera kimu amazima.
\v 4 Kubanga buli kitonde kya Katonda kisa, so wabila kyo kusuula bwe kitoolebwa n'okwebalya:
\v 5 kubanga kitukuzibwa na kigambo kya Katonda n'okusaba.
\p
\v 6 Bwewaijukiryanga ab'oluganda ebyo, wabbanga muweereza musa owa Kristo Yesu, ng'okulira mu bigambo eby'okwikirirya n'eby'okwegeresya okusa kwe wasengereirye:
\v 7 naye enfumu egitali gye eidiini egy'obusirusiru gy'obbe olekanga. Weemanyiriryenga okutya Katonda:
\v 8 kubanga okwemanyirirya kw'omubiri kugasa kaseera katono; naye okutya Katonda kugasa mu byonabyona, kubanga kulina okusuubiza kw'obulamu obwa atyanu n'obw'obwaba okwiza.
\v 9 Ekigambo ekyo kyesigwa era ekisaanira okwikirizibwa kwonakwona.
\v 10 Kubanga kyetuva tutegana ne tufuba, kubanga twasuubiire Katonda omulamu, Omulokozi w'abantu bonabona, okusinga w'abaikirirya,
\v 11 Lagiranga ebyo obyegeresyenga,
\v 12 Omuntu yenayena takunyoomanga lwa buvubuka bwo; naye bbanga kyo kuboneraku eri abo abaikirirya mu kutumulanga, mu kutambulanga: mu kutakanga, mu kwikiriryanga, mu kubbanga omulongoofu.
\v 13 Okutuusia lwe ndiiza, nyiikiranga mu kusoma, n'okubuuliriranga, n'okwegeresyanga.
\v 14 Tolekanga kirabo ekiri mu iwe, kye waweweibwe olw'obunabbi awamu n'okuteekebwaku emikono gy'abakaire.
\v 15 Ebyo obirowozenga, obbenga mu ebyo; okubitirira kwo kubonekenga eri bonabona.
\v 16 Weekuumenga wenka n'okwegeresya kwo. Nyiikiriranga mu ebyo; kubanga bw'okola otyo, olyerokola wenka era n'abo abakuwulira.
\c 5
\cl Ensuula 5
\p
\v 1 Tonenyanga mukaire, naye omubuuliriranga nga itaawo abavubuka ng'ab'oluganda:
\v 2 abakali abakaire nga mawo; abatobato nga bainyoko mu bulongoofu bwonabwona.
\v 3 Obawenga ekitiibwa banamwandu ababba banamwandu dala.
\v 4 Naye namwandu yenayena bw'abba n'abaana oba baizukulu basookenga okwega okwegendereza eri ab'omu nyumba gyaabwe, n'okusasula bakaire baabwe: kubanga ekyo niikyo ekikirizibwa mu maiso ga Katonda.
\v 5 Naye abba namwandu dala n'alekebwa yenka, asuubira Katonda, n'anyiikiranga okusaba n'okwegayiriranga emisana n'obwire.
\v 6 Naye oyo awoomerwa ebinyumu ng'afiire waire ng'akaali mulamu.
\v 7 Era n'ebyo obalagire, balekenga okubbaaku eky'okunenyezebwa.
\v 8 Naye omuntu yenayena bw'atajanjaba babe n'okusinga ab'omu nyumba ye nga yeegaine okwikirirya, era nga niiye omubbiibi okusinga ataikirirya.
\v 9 Namwandu yenayena tawandiikibwanga nga akaali okuwerya myaka nkaaga, eyafumbiirwe omusaiza omumu
\v 10 asiimibwa mu bikolwa ebisa oba nga yaleranga abaana, oba nga yasangaliranga abageni, oba nga yanabyanga abatukuvu ebigere, oba nga yabbeeranga ababonaabona, oba nga yasengereryanga inu buli kikolwa ekisa.
\v 11 Naye banamwandu abakaali abatobato obagaanenga: kubanga bwe balikabawala eri Kristo, nga bataka okufumbirwa;
\v 12 nga bairya omusango kuba basuula okwikirirya kwabwe okw’oluberyeberye.
\v 13 Era ate beega okubbanga abagayaavu, nga batambulatambula okubuna amanyumba naye tebagayaala bugayaali, naye balina olugambo n'akajanja nga batumula ebitasaana.
\v 14 Kyenva ntaka abakaali abatobato bafumbirwenga, bazaalenga abaana, bafugenga enyumba, balekenga okuwa omulabe eibbanga wayemerera okuvuma:
\v 15 kubanga waliwo atyanu abaakyuka okusengererya Setaani.
\v 16 Omukali yenayena aikikirirya bw’abbanga na bannamwandu, abayambenga, era ekanisa erekenga okuzitoowererwa, kaisi eyambenga banamwandu dala dala.
\p
\v 17 Abakaire abafuga okusa basaanyizibwe okuweebwanga ekitiibwa emirundi ibiri, okusinga abafuba mu kigambo n'okwegeresya.
\v 18 Kubanga ekyawandiikibwa kitumula nti Tosibanga munwa gwe nte ewuula eŋŋaanu. Era nti Akola emirimu asaanira empeera ye.
\v 19 Toikiriryanga kiroope ku mukaire awabula bajulizi babiri oba basatu.
\v 20 Aboonoona obanenyezianga mu maiso g'abantu bonabona, era n'abandi kaisi batyenga.
\v 21 Nkukuutirira mu maiso ga Katonda, ne Kristo Yesu, ne bamalayika abalonde, weekuumenga ebyo awabula kusalirirya, nga tokola kigambo olw'obuganzi.
\v 22 Toyanguwiriryanga kuteekaku mikono ku muntu yenayena, so toteesyanga kimu na bibbiibi by'abantu abandi: weekuume obbenga mulongoofu.
\v 23 Tonywanga maizi gonka, naye onywanga ne ku mwenge katono (kadiidiri) olw'ekida kyo n'olw'okulwalalwala.
\v 24 Waliwo abantu ebibbiibi byabwe bibba mu lwatu; nga bibatangira okwaba mu musango; era n'abandi bibavaaku nyuma.
\v 25 Era kityo n'ebikolwa ebisa bibba mu lwatu; ne bwe kitabba kityo tebirirema kwolesebwa.
\c 6
\cl Ensuula 6
\p
\v 1 Abali mu bufuge abaidu balowoozenga bakama baabwe beene nga basaaniire ekitiibwa kyonakyona, eriina lya Katonda n'okwegeresya kwaisu birekenga okuvumibwa.
\v 2 Era abalina bakama baabwe abaikiriya tebabanyoomanga, kubanga bo luganda; naye beeyongerye okubasembezia, kubanga abaikirirya ekimu mu kukolebwa okusa baikirirya era batakibwa. Yegeresyanga ebyo obibuulirirenga.
\p
\v 3 Omuntu yenayena bw'ayegeresyanga obundi, so nga taikirirya bigambo byo bulamu, niibyo bya Mukama waisu Yesu Kristo, n'okwegeresya okusengereryanga okutya Katonda;
\v 4 nga yeekulumbazia, nga bulaku ky'ategeera, wabula okukalambizia obukalambizi empaka n'entalo egy'ebigambo, omuva eiyali, okutongana, okuvuma, okuteerera obubbiibi,
\v 5 okukaayana kw'abantu abayonooneka amagezi, abatoleibweku amazima, nga balowooza ng'okutya Katonda niikwo kufuna amagoba.
\v 6 Naye okutya Katonda wamu n'obutayaayaananga niigo magoba amangi:
\v 7 kubanga titwaleetere kintu mu nsi, kubanga era tetusobola kutoolamu kintu;
\v 8 naye bwe tubba n’emere n'ebyokuvaala, ebyo byatumalanga.
\v 9 Naye abataka okugaigawala bagwa mu kukemebwa ne mu mutego n'okwegomba okungi okw'obusirusiru okwonoona, okwinika abantu mu kugota n'okuzikirira.
\v 10 Kubanga okutaka ebintu niikyo kikolo ky'ebbiibi byonabyona: waliwo abantu abayaayaaniira ebyo, ne bakyamizibwa okuva mu kwikirirya, ne beefumitira dala n'enaku enyingi.
\p
\v 11 Naye iwe, omuntu wa Katonda, irukanga ebyo, osengereryenga obutuukirivu, okutya Katonda, okwikirirya, okutaka, okugumiinkiriza, obuwombeefu.
\v 12 Lwananga okulwana okusa okw'okwikirirya, nywezanga obulamu obutawaawo, bwe wayeteirwe, n'oyatula okwatula okusa mu maiso g'abajulizi abangi.
\v 13 Nkulingirira mu maiso ga Katonda, awa byonabyona obulamu, ne Kristo Yesu eyategeezerye okwatula okusa eri Pontio Piraato;
\v 14 weekuumenga ekiragiro awabula eibala, awabula kyo kunenyezebwa, okutuusa ku kukuboneka kwa Mukama waisu Yesu Kristo:
\v 15 kw'aliraga mu ntuuko gy'akwo Mwene buyinza yenka atenderezebwa, Kabaka wa bakabaka, era Mukama w'abaami;
\v 16 alina obutafa yenka, atyama mu kutangaala okutasemberekeka; omuntu yenayena gw'atabonangaku, so wabula ayinza okumubona: aweebwenga ekitiibwa n'obuyinza obutawaawo. Amiina.
\p
\v 17 Okuutirenga abagaiga ab'omu mirembe gya atyanu obuteegulumizyanga, waire okwesiga obugaiga obutali bwo lubeerera, wabula Katonda, atuwa byonabyona olw'obugaiga kaisi twesanyusyenga n'ebyo;
\v 18 bakolenga obusa, babeerenga abagaiga mu bikolwa ebisa, babbenga bagabi, baikiriryenga kimu;
\v 19 nga beegisira eky'okwemereraku ekisa olw'ebiseera ebyaba okwiza, kaisi banywezenga obulamu dala dala.
\p
\v 20 Ai Timoseewo, kuumanga kye wagisisiibwe, nga weewala ebigambo ebibulamu ebitali bya Katonda n'okulwana kw'ebigambo eby'okutegeera, okwetebwa kutyo mu bubbeyi;
\v 21 waliwo abantu abeegomba okubba nakwo, ne bakyama mu kwikirirya. Ekisa kibbenga naimwe.