\id PHM
\ide UTF-8
\h Firemooni
\toc1 Firemooni
\toc2 Firemooni
\toc3 phm
\mt Firemooni
\c 1
\cl Ensuula 1
\p
\v 1 Pawulo, omusibe wa Kristo Yesu ne Timoseewo ow'oluganda, eri Firemooni omutakibwa era omukozi waisu,
\v 2 ne Apofiya ow'oluganda ne Alukipo mulwani munaisu, n'ekanisa eri mu nyumba yo:
\v 3 ekisa n'emirembe ebiva eri Katonda Itawaisu ne Mukama waisu Yesu Kristo bibbenga gye muli.
\p
\v 4 Neebalya Katonda wange enaku gyonagyona, nga nkutumulaku mu kusaba kwange,
\v 5 bwe nawuliire okutaka kwo n'okwikirirya kw'olina eri Mukama waisu Yesu n'eri abatukuvu bonabona;
\v 6 okwikirirya ekimu okw'okwikirirya kwo Kaisi kukolenga omulimu, mu kutegeerera kimu buli kigambo ekisa ekiri mu imwe, olwa Kristo.
\v 7 Kubanga najaguzire inu ne nsanyuka olw'okutaka kwo, kubanga emyoyo gy'abatukuvu wagiwumwirye, ow'oluganda.
\p
\v 8 Kale, waire nga nina obuvumu bwonabwona mu Kristo okukulagira ekisaana,
\v 9 naye olw'okutaka nkwegayirira bwegayiriri, kuba nfaanana nga bwe ndi, Pawulo omukaire, era atyanu omusibe wa Kristo Yesu:
\v 10 nkwegayirira olw'omwana wange, gwe nazaalire mu busibe bwange, Onnessimo,
\v 11 ateyakugasanga eira, naye atyanu atugasa iwe nanze:
\v 12 gwe ngirya gy'oli omwene, iye niigwo mwoyo gwange:
\v 13 nze gwe mbaire ntaka okubba naye gye ndi, kaisi ampeereryenga mu kifo kyo mu busibe bw'enjiri:
\v 14 naye tinatakire kukola kigambo nga toteeserye, kusa ibwo buleke okubba mu kuwalirizibwa, wabula mu kutaka.
\v 15 Kubanga kweizi kyeyaviire nayawukana naiwe ekiseera, kaisi obbenga naye emirembe n'emirembe;
\v 16 nga takaali mwidu kabite, naye okusinga omwidu, ow'oluganda omutakibwa, okusinga einu gye ndi, naye okusingira kimu eri iwe mu mubiri era ne mu Mukama waisu.
\v 17 Kale oba ng'ondowooza nze okubba mwinawo, musemberye oyo nga nze.
\v 18 Naye oba nga yakwonoonere oba abanjibwa, mbalira nze ekyo;
\v 19 nze Pawulo mpandiikire n'omukono gwange, nze ndisasula: ndeke okukukoba nga nkubanja era weena wenka kabite.
\v 20 Kale, ow'oluganda, onsanyusie mu Mukama waisu: owumulye omwoyo gwange mu Kristo.
\p
\v 21 Nkuwandikiire nga neesiga obugonvu bwo, nga maite ng'olikola era okusinga bye ntumula.
\v 22 Naye era ate onongoosererye aw'okugona: kubanga nsuubira olw'okusaba kwanyu muliweebwa okumbona.
\p
\v 23 Epafula musibe munange mu Kristo Yesu, akusugiirye;
\v 24 ne Mako, Alisutaluuko, Dema, Luka, bakozi banange.
\p
\v 25 Ekisa kya Mukama waisu Yesu Kristo kibbenga n'omwoyo gwanyu. Amiina.