bi_2pe_text_reg/02/12.txt

\v 12 Olgeta man ia oli olsem ol animol we oli nokat pepes, oli bon blong ol man oli kasem olgeta mo kilim ded olgeta. Oli no wantem save long wanem we oli tok nogud iko long hem. Fasin blong olgeta blong spolem man bae i distroiem olgeta, \v 13 bae oli safa nogud olsem presen blong ol harem nogud we oli stap mekem igo long ol man. Oli ting se wanem we oli stap mekem i olsem wan gudfala laef we oli harem gud from. Oli olsem wan klos we mak blong toti stap long hem mo man we i werem i stap sem from. Oli stap injoiem ol fasin blong kiaman blong olgeta taem oli stap lafet long kakae wetem yufala. (F; Long olfala translesen blong Grik, oli raetem se, " Oli stap injoiem ol wok ia wetem yu taem oli stap kakae bigwan long lafet blong lav.") \v 14 Taem oli luk eni maret woman, oli wantem slip wetem, sin i neva satisfiem olgeta. Oli givim toktok we i fosem ol man we oli no feitful long God blong mekem nogud fasin, mo oli trenem hat blong olgeta blong selfis. Kesing i stap long ol pikinini ia!