Thu Jun 06 2024 17:08:14 GMT+0200 (Central European Summer Time)

01/01.txt

@@ -0,0 +1 @@
+\v 1 Banji bacihanganyire okuyandika olulibi lwa birya byajirikanaga omu karhi kirhu, \v 2 nkoku rhwamanyusibagwa na balya babibonaga bone kurhenga oku murhondero bobanali bahirwe omukolo gw'okuderha omwanzi gwa Nnamahanga, \v 3 byani byansimisize, enyuma lyokujira obushagasi kukwanine kuli bintu byoshi kurhenga omurhondero gwabyo, nkumanyusize okukuyandikira omu njira y'obushiru mukengwa Theophilo, \v 4 ly'omanya okuli kw'enyigirizo wayunvirhe.

01/05.txt

@@ -0,0 +1 @@
+\v 5 Oku mango ga Herodi, mwami w'ebuyahudi, hali mujinji muguma izino lyage Zakariya, w'omu murhwe gw'abiya; mukage yewali Elisabeti, w'omu banyere b'Aroni. \v 6 Oku banali bombi bali bashinganyanya emalanga ga Nnamahanga, banali bakuyunva okunali oku amarhegeko goshi gadesire n'oku ebinwa bya Nnahamwirhu byoshi bidesire. \v 7 Barhali gwerhe mwana, bulya Elisabeti yali ngumba; bombi balikola barhalusize emyaka.

01/08.txt

@@ -0,0 +1 @@
+\v 8 Ntyo, amango aligwerhe akol'emikolo emalanga ga Nnamahanga, oku kasanzi kage, ahamagalwa n'izu, \v 9 Kushimbana n'oborhere bw'abanji, bw'okuja omu nyumpa ya Nnahamwirhu n'okutwana mwo enshangi. \v 10 Engabo y'abantu boshi bali embuga okugashanyiza, amango oluku lw'atwanwa.

01/11.txt

@@ -0,0 +1 @@
+\v 11 Lero malaika wa Nnahamwirhu abonekera Zakariya, ayimanga ekulyo kw'irherekerera aha bahanira entulo y'enshangi. \v 12 Zakariya akanguka agwarhwa n'echoba. \v 13 Cikwone malaika amubwira: orha yobohe, Zakariya; bulya amahuno gawe gayunvikine. Mukawe Elisabeti akuburhira omwana murhabana, wamuha izino lya Yohana.

01/14.txt

@@ -0,0 +1 @@
+\v 14 Ayishiba busime na bushagalike bwawe, na banji bayishi cishinga oku burhwa gwage. \v 15 Bulya ayishiba mukulu emalanga ga Nnahamwirhu. arhakanywa idivai, erhi cindi cinywebwa cokulalusa, ana yunjuzibwa muka mwimana kurhenga omunda ya nina;

01/16.txt

@@ -0,0 +1 @@
+\v 16 Ashubiza ben'Israeli banji emwa Nnahamwabo, Nnamahanga wabo; \v 17 Ayishi gera emalanga ga Nnamahanga n'omurhima n'obuhashe bwa Eliya, enyanya lyoku galula emirhima ya b'ishe emw'abana, n'abagoma omu bumanye bw'abashinganyanya, arheganyize Nnahamwirhu olubaga lushinganine.

01/18.txt

@@ -0,0 +1 @@
+\v 18 Zakariya abwira malaika: gurhigi namanya mw'ebyo? bulya nkola mushosi, na mukanie akola arhalusize emyaka. \v 19 Malaika amushuza: nie Gabrieli, nyimanga emalanga ga Nnamahanga; narhumirwe oku kubwira, n'okuku manyusa emyanzi minja. \v 20 Na ntyo, waba kaduma, orhaciderhe kuhika olusiku ebyo byaba, bulya orha yemiri emyanzi yani, eya hikirira oku mango gayo.

01/21.txt

@@ -0,0 +1 @@
+\v 21 Muli ago mango, olubaga lwakalinda Zakariya, bulya abezire kasanzi kanji omu nyumpa ya Nnamahanga. \v 22 Erhi ahuluka, arhachihashaga oku badesa, na banamanya oku anabonekirwe omu nyumpa ya Nnamahanga; naye akab'akemakema, anayorha kaduma. \v 23 Erhi ensiku z'omukolo gwage zihwa, ashubira emwage.

01/24.txt

@@ -0,0 +1 @@
+\v 24 Enyuma lya kasanzi kasungunu, Elizabeti, mukage, ayalala izimi. achi fulika miez'irhanu akaderha: \v 25 Luli lukogo Nnahamwirhu anjirire, erhi andikira kw'amasu oku ntenza kw'enshonyi omu bantu.

01/26.txt

@@ -0,0 +1 @@
+\v 26 Omu mwezi gwa ndarhu, malaika Gabrieli arhumwa na Nnamahanga omu cishagala c'Egalilaya, cihamagalwa Nazareti, \v 27 Emwab'omubikira wali shebirwe na mulume muguma izino lyage ye Yosefu, womu mulala gwa Daudi. Izino lyoyo mubikira yewali Mariya. \v 28 Malaika aj'emwage, anamubwira: nkulamusize, we oyunjwire lukogo; Nnahamwirhu ali haguma nawe. \v 29 Eco cinwa carhuma azunguluk'irhwe, Maria acidosa gwo musingo muci ogwo.

01/30.txt

@@ -0,0 +1 @@
+\v 30 Malaika amubwira: orha yobohe, Maria; bulya wabwine olukogo emalanga ga Nnamahanga. \v 31 Na ntya, waba izimi; waburha omwana murhabana, wanayishi muha izino lya Yezu. \v 32 Ayishiba mukulu anayishi derhwa mugala w'owe nyanya bwenene; na Nnahamwirhu Nnamahanga ayishi muha entebe ya Daudi, ishe wage. \v 33 Ayishi rhambula omu nyumpa ya Yakobo emyaka n'emyaka, n'oburhambuzi bwage burhakagwarha buzinda.

01/34.txt

@@ -0,0 +1 @@
+\v 34 Maria abwira malaika: kurhigi oko kwankaba, ntanamanyiri mulume? \v 35 Malaika amushuza: muka mwimana akuyishira, n'obuhashe bw'owe nyanya bwenene bwakubwikira ecihiho cage. co carhuma omwana ocire waburhwa emwawe ayishi hamagalwa mugala wa Nnamahanga.

01/36.txt

@@ -0,0 +1 @@
+\v 36 Ntya, Elisabeti, mwene winyu, al'izimi, naye, ly'omwana rhabana omu bugikulu bwage, olya wakagi derhwa ngumba guli mwezi gwa kalindarhu gwage. \v 37 Bulya ntacho chirhaka hashikana emwa Nnamahanga. \v 38 Mariya aderha: ndi mwambalikazi wa Nnahamwirhu; bimbere nkoku wana derhaga! na malaika amurhenga ho.

01/39.txt

@@ -0,0 +1 @@
+\v 39 Muli ago mango go na nnene, Mariya ayimuka, agenda aharhula aja omu birhondo, omu cishagala ciguma c'ebuyahudi. \v 40 Aja omu mwa Zakariya, analamusa Elisabeti. \v 41 Erhi Elisabeti ayunva omusingo gwa Mariya, omwana wage atuza omu nda, ana yunjuzibwa na muka mwimana.

01/42.txt

@@ -0,0 +1 @@
+\v 42 Ayakuza n'izu linene: ogishirwe omu bakazi, n'amalehe g'enda yawe gali magishe. \v 43 Ndigi muci obu nina wa Nnahamwirhu anyishire? \v 44 Bulya ntya, amango nayunvagya omusingo gwawe omwana amatuza omunda n'obusime. \v 45 Ali mun'iragi oyemire, oku ebi bamubwiraga bya hikirira bilya byaderhagwa na Nnahamwirhu.

01/46.txt

@@ -0,0 +1 @@
+\v 46 Lero Mariya aderha: erhi omurhima gwani gukuzize Nnahamwirhu, \v 47 N'omuka gwani gucishinzire muli Nnamahanga, Mmuciza wani,

01/48.txt

@@ -0,0 +1 @@
+\v 48 Bulya alolerize obwirhohya bwa mwambalikazi wage. Bulya ntya, kurhenga ene olubaga lwoshi lwanderha munyiragi, \v 49 Bulya ogala byoshi anjirire ebinja. Izino lyage liri limana,

01/50.txt

@@ -0,0 +1 @@
+\v 50 N'olukogo lwage luba lwa myaka n'emyaka emwa balya bamukenga. \v 51 Alambwire emisi y'okuboko kwage; ashandaza mo balya baligwerhe entanya zoku cibona omu murhima.

01/52.txt

@@ -0,0 +1 @@
+\v 52 Akuzire abo buhashe oku ntebe zabo, n'abirhohya abayinamula. \v 53 Ayigusa abali shalisire n'ebirugu binja, n'abagale abalibisa mikungula.

01/54.txt

@@ -0,0 +1 @@
+\v 54 Arhabala Israeli, mukozi wage, anakengere enyanya z'olukogo lwage; \v 55 Nkakulya abwiraga ba larha, kuli Abrahamu n'omulala gwage ensiku zoshi.

01/56.txt

@@ -0,0 +1 @@
+\v 56 Mariya abera boshi na Elizabeti hofi myez'isharhu. Enyuma lyaho ashubira emwage. \v 57 Amango ga Elisabeti goku burha gahika, anaburha omugala. \v 58 Abalungu na bene wabo bayunva oku Nnahamwirhu amufire bwonjo, bashagaluka haguma naye.

01/59.txt

@@ -0,0 +1 @@
+\v 59 Olw'ensiku munani, bayisha bali karha omwana, bana muhamagala Zakariya lyo izino l'ishe. \v 60 Cikwone nnina aderha erhi: nanga, ayishi hamagalwa ye Yohana. \v 61 Bamubwira: omu mulala gwinyu ntaye muntu ohamagalwa mo er'izino.

01/62.txt

@@ -0,0 +1 @@
+\v 62 Banacikema ishe mpu bamanye gurhi alonzize bamu hamagale. \v 63 Zakariya ahuna orhupaho, anayandika kwo: Yohana l'izino lyage boshi basomerwa.

01/64.txt

@@ -0,0 +1 @@
+\v 64 Hona halya, akanwa kage kayiguka, n'olulimi lwage lwa shweguka, ntya aderha, akuza Nnamahanga. \v 65 Abalungu boshi bagwarhwa n'obwoba, ntya, n'omu ntondo y'e buyahudi, baka shambala yo ebyo byoshi. \v 66 Ngasi bayunvagya boshi bagubika emurhima, n'oku derha: oyu mwana ayishi ba mwana muchi? n'okuboko kwa Nnahamwirhu kwali haguma naye.

01/67.txt

@@ -0,0 +1 @@
+\v 67 Zakariya, ishe, ayunjula muka mwimana, analeba mw'eyi myanzi: \v 68 Akuzibwe Nnahamwirhu Nnamahanga w'abisraeli bulya ayishire rhangula n'oku cungula olubaga lwage,

01/69.txt

@@ -0,0 +1 @@
+\v 69 Ntya arhujirire omuciza w'obuhashe omu nyumpa ya mwambali wage Daudi, mukozi wage. \v 70 Kulya aderhaga omu kanwa k'abalebi bimana kurhenga mira, \v 71 Muciza warhucungula omu ndyalya nomu maboko g'abarhushomba!

01/72.txt

@@ -0,0 +1 @@
+\v 72 Ntyo kwayerekine olukogo lwage kuli ba larha, anakengera kulya kulaganana kwage kwimana, \v 73 Nkagulya mwigasho achi gashiraga Abrahamu, larha wirhu, \v 74 Oku arhurhegekaga lyo rhuyishiba bashwekule omu kuboko kw'abashombanyi birhu, n'okumukolera buzira bwoba, \v 75 N'okuba n'olugenzi embere zage omu bushinganyanya, n'omu kuli ensiku zoshi z'obulamu bwirhu.

01/76.txt

@@ -0,0 +1 @@
+\v 76 Nawe, mwana murho, wayishi derhwa mulebi wow'enyanya; bulya wayishi lambagira emalanga ga Nnahamwirhu, oku rheganya enjira zage, \v 77 Lyo aha olubaga lwage okumanya obuchunguke kugerera oku babalirwa ebyaha byabo,

01/78.txt

@@ -0,0 +1 @@
+\v 78 Omu lukogo n'obuzigire bunene bwa Nnamahanga wirhu, bwarhulerhera izuba kurhenga enyanya, \v 79 Omu kumolekera abali omu mwizimya n'omu cihoho colufu, n'okurhu yerekeza omu njira y'omurhula.

01/80.txt

@@ -0,0 +1 @@
+\v 80 Nobwo, omwana akula, azibuhe n'omurhima. N'okubera omu mpinga, kuhika omu lusiku achiyerekana n'obwalagale emalanga g'olubaga lw'Abisraeli.

02/01.txt

@@ -0,0 +1 @@
+\v 1 Muli ago mango haba irhegeko lya Cesari Auguste, arhegeka mpu bajire omuganjo gwigulu lyoshi. \v 2 Ogwo gwo muganjo murhanzi gwajiragwa amango Kwiniruyusu ali murhegesi w'Esuriya. \v 3 Bagenda boshi oku yandikwa, ngasi muguma omu cishagala cage,

02/04.txt

@@ -0,0 +1 @@
+\v 4 Yosefu naye ainamuka kurhenga Egalilaya omu cishagala c'Enanzareti, lyo aja Ebuyahudi, omu cishagala ca Daudi, cihamagalwa Betlehemu, bulya naye ali w'omu nyumpa n'omu buko bwa Daudi, \v 5 Lyo ajiciyandisa bona Mariya, ali shebire, wali izimi.

02/06.txt

@@ -0,0 +1 @@
+\v 6 Amango balikola bali eyo, akasangi Mariya aligwasirwe okuburha kahika, \v 7 ana burha omugala lwo lubere lwage. Amubwika ebirere anamugwishiza omu ciranga, bulya barhali gwerhe aha babera omu nyumpa y'ebigolo.

02/08.txt

@@ -0,0 +1 @@
+\v 8 Habaga, muli eco cihugo co nnene, abangere bakagi gera omu ishwa balile budufu omu kulanga orhurhumbirhwabo. \v 9 Na ntya, malaika muguma wa Nnahamwirhu ababonekera, nobukuze bwa Nnahamwirhu bwa langashana eburhambi lyabo. Boshi bagwarhwa n'ecoba.

02/10.txt

@@ -0,0 +1 @@
+\v 10 Cikwone malaika ababwira erhi: murha yobohaga; mudwirhire omwanzi mwinja, gwayishibera oku lubaga lwoshi gwa bushagaluke bunene. \v 11 Ene, omu cishagala ca Daudi, amu burhirwe omu ciza, yeri Kristo, Nnahamwirhu. \v 12 Ntya ecimanyiso mwa manya mwo co ceci: mwashimana omwana abwisirwe ebirere ana  gwishire omu ciranga.

02/13.txt

@@ -0,0 +1 @@
+\v 13 Honaho obwinji bwa ba malaika b'enyanya baba haguma n'olya malaika baka kuza Nnamahanga n'okuderha mpu: \v 14 Akuzibwe Nnamahanga oli enyanya bwenene, n'omurhula en'igulu oku bantu asima!

02/15.txt

@@ -0,0 +1 @@
+\v 15 Erhi ba malaika babarhenga ho bashulira enyanya, abengere baderha bone na nene: rhugendage kuhika Ebetlehemu, rhulole ebyabire, ebi Nnahamwirhu anarhu manyusagya. \v 16 Bagenda bulibirha, bana cibugana Maria na Yosefu, n'omwana murho agweshire omu ciranga.

02/17.txt

@@ -0,0 +1 @@
+\v 17 Erhi banamubona, baganira ebya desirwe ok'oyo mwana murho. \v 18 Ngasi boshi babayunvirhe basomerwa n'emyanzi abengere baba bwiraga. \v 19 Maria abika ebyo byoshi aka bigerereza emurhima. \v 20 N'abengere bagaluka, bajakuza n'okucikumba Nnamahanga oku byoshi bayunvirhe n'oku bibona, n'okwo kwo binali nkoku bana bwiragwa.

02/21.txt

@@ -0,0 +1 @@
+\v 21 Olusiku lwa kali munane, lw'omwana oku karhwa, lwana cihika, bana cimuyirika izino lya Yezu, izinolya yerekanagwa na malaika embere nnina arhachirhola izimi.

02/22.txt

@@ -0,0 +1 @@
+\v 22 Na, amango ensiku zoku cesibwa kwabo za hikiriraga, kushimbana n'irhegeko lya Musa, Yusufu na Mariya banacimuheka eyerusalemu, \v 23 kushimbanana n'ebya yandisirwe omu marhegeko ga Nnahamwirhu: ngasi murhabana lubere lwa nnina aderhwa mtakatifu wa Nnahamwirhu. \v 24 N'omu kuhana entulo nguku ibiri erhi bana babiri ba nguku, nkoku byali desirwe omw'irhegeko lya Nnahamwirhu.

02/25.txt

@@ -0,0 +1 @@
+\v 25 Sinzagi, e Yerusalemu yali muntu oderhagwa Simoni. Oyo muntu ali wokuli na mwirhonzi, akagi langalira oburhulirize bw'Israeli, na muka mwimana ali enyanya zage. \v 26 Naye aliyeresirwe na muka mwimana oku arhafe buzir'okubona omuchunguzi wa Nnahamwirhu.

02/27.txt

@@ -0,0 +1 @@
+\v 27 Ntyo aj'omw'ishengera, adwirhwe na muka, n'amango ababusi balerhaga omwana Yezu mpu bamujire nkoku bworhere bwamarhegeko bwali, \v 28 Amurhola omu maboko gage, akuza mungu, anaderha: \v 29 Buno, Nnahamwirhu, olikule mwambali wawe agende n'omurhula, nk'oku waderhaga.

02/30.txt

@@ -0,0 +1 @@
+\v 30 Bulya amasugani gabwine obuchize bwawe, \v 31 Obuchunguke warheganyagya emalanga ga bantu boshi, \v 32 Bulangashane bw'okulomekera abeindi milala, n'okuba bukuze bw'Israeli, lubaga lwawe.

02/33.txt

@@ -0,0 +1 @@
+\v 33 Ishe na nnina barhangala enyanya ly'eyo mianzi yaderhagwa enyanya lyage. \v 34 Simoni abagisha, abwira na Mariya, nnina: sinzagya, oyu mwana ajijirwe omu kuhihima, n'oku imanga kwa banji omw'Israeli, anayishi ba cimanyuso coku jachirwa, \v 35 Nakuli we ngorho yarhula omu murhima gwawe, mpu ly'enyegererezo z'emirhima minji ziishi fululwa.

02/36.txt

@@ -0,0 +1 @@
+\v 36 Hali mulebi muguma mukazi, Ana, munyere wa Fanueli; w'obuko bw'Aser. Ali gwerhe emisi n'omugikulu, ali lamire myaka nda bon'omulume wage. Kurheng'ebusole bwage. \v 37 Ayishi sigala mukana, na mukulu wa miaka makumi gali munani nnini, arhakagi karhenga omw'ishengero, anakagi kakolera mungu budufu n'omushi omw'ifungo n'okuhuna. \v 38 Hanaciba akasangi, naye yene, omwako kashanzi konenene, akagi haramya Mungu,n'okuka derha enyanya za Yezu emwa balya boshi bakayunva obuchunguke bw'abeyerusalemu.

02/39.txt

@@ -0,0 +1 @@
+\v 39 Erhi baba bama hikiriza ebyali rhegesirwe n'irhegeko lya Nnahamwirhu, Yosefu na Mariya banacigaluka e Galilaya, e Nanzareti omu murhundu gwabo. \v 40 N'obwo, omwana ali amakula ana zibuha. Aliyunjwire obumanye, n'olukogo lwa Nnamahanga lwali kuli ye.

02/41.txt

@@ -0,0 +1 @@
+\v 41 Ababusi ba Yesu bakagi ja ngasi mwaka e Yerusalemu, oku lusiku lwa pasaka. \v 42 Erhi agwarha miaka ikumi n'ibiri, akagi yinamuka, nk'oku obworhere bw'olusiku lukulu. \v 43 Kandi, Ezo nsiku erhi zigera, zoku galuka bwabo, oyo mwana Yezu asigala e Yerusalemu. Ishe na nnina barhacimanyiri. \v 44 Bakamanya mpu boshi bali omu lugenzi lwabo, bajira lusiku luguma omu njira, banacija bamulonza omu milala yabo n'omubo banalimanyire.

02/45.txt

@@ -0,0 +1 @@
+\v 45 cikwone, barhamubonaga, bashubi galuka e Yerusalemu baja mulonza. \v 46 Enyuma lya nsiku zisharhu, banacimurhingana omwishengero, adahire aha karhi k'abigiriza, akagi bayunvirhiza n'oku badosa. \v 47 Boshi bamuyunvirhe basomerwa n'obwenge bwage n'amashuzo gage.

02/48.txt

@@ -0,0 +1 @@
+\v 48 Erhi ababusi bage bamubona, boshi basomerwa, na nnina amubwira: mwana wani, bulya gurhi warhujirisize ebiri nkebi? sinzagya, sh'oyu na nani, rhwajaga rhwakulonza n'oboba. \v 49 Anacibabwira: bulya gurhi wajaga wandonza? kamurha manyiri okubimpunyire nchishwekere omu nyumpa ya larha? \v 50 Cikwone barhayunvagya eby'ababwiraga.

02/51.txt

@@ -0,0 +1 @@
+\v 52 Na Yezu anagendekera akula n'obwenge, n'oku lugero, embere za mungu n'embere za bene bantu.

03/01.txt

@@ -0,0 +1 @@
+\v 1 Mwaka gw'ikumi na karhanu kw'oburhambuzi bwa Tibere Kayizari, amango Ponse Pilato erhy'ali mulongolanyi we Yudeya, herodi terarque we Galilaya, mulumuna wa Filipo terarque we Ituria now'omunchiga ze Trachonite, Lysanias terarque we Abilene, \v 2 Nab'oku kasangi ka balya batwi b'emanja Anasi na Kayafa, omwanzi gwa Nnamahanga gwanaciyishira Yohana, mugala wa Zakayo, omw'irungu.

03/03.txt

@@ -0,0 +1 @@
+\v 3 Anacigenda omu bihugo byoshi n'ebye burhambi bw'eyordani , ayigiriza obu batizo n'obuciyunjuze n'okuhungama ebyaha byabo,

03/04.txt

@@ -0,0 +1 @@
+\v 4 Lugenda ebyali yandisirwe omu citabu c'emyanzi y'Isaya, mulebi: lir'izu ly'olya wajaga w'ahamagaza omw'irungu: murheganye enjira ya Nnahamwirhu, mukubule n'enjira zage.

03/05.txt

@@ -0,0 +1 @@
+\v 5 Akabanda koshi kayishi yunjuzibwa, ngasi ntondo na ngasi cirhwa byoshi byaishi honolwa; ahakubire hayishi kubulwa, n'enjira z'ebirimbirimbi zayishi kubulwa. \v 6 Na ngasi boshi b'emibiri baishi cungulwa na Nnamahanga.

03/07.txt

@@ -0,0 +1 @@
+\v 7 Cikwone anaciderha emwa balya bayishaga omulubaga mpu babatizibwe naye: mw'iburha ly'enjoka, ndi wamuhanwire okuyaka obuhanya buyishire?

03/08.txt

@@ -0,0 +1 @@
+\v 8 Ntyo mulehekage amalehe gw'okuli gw'obwiyunjuze, na murhakagi derha mpu: mugwerhe Ibrahimu nka sho winyu! Bulya mubwizire oku omwaga mabuye Nnamahanga anagusa abana oku Ibrahim.

03/09.txt

@@ -0,0 +1 @@
+\v 9 Ntyo embasha ekola eli ahacisina cemirhi: nangasi murhi gurha lehesiri amalehe minja gwatwibwa n'okukwebwa okuciko.

03/10.txt

@@ -0,0 +1 @@
+\v 10 Olubaga lwana cimudosa, erhi: gurhi birhukwanine okujira? \v 11 Anacibashuza erhi: ngasi ogwerhe milondw'ibiri ahe olya orhagwerhi muguma, n'olya ogwerhe ebiribwa ajire naye kwonokwo.

03/12.txt

@@ -0,0 +1 @@
+\v 12 Hana ciyisha olundi lubaga mpwalu batize, lwamu bwira erhi: Mashi Nnahamwirhu, gurhi rhwankajira? \v 13 Anacibabwira erhi: murhalyuzagya kulusha oku bamurhegesire.

03/14.txt

@@ -0,0 +1 @@
+\v 14 Abasirika nabo bamudosa: nirhu kurhigi rhwakajira? abashuza: erhi murhalibuzagya erhi kunyaga omuntu oku bulenganya, mushagalukire oluhembo mugwerhe.

03/15.txt

@@ -0,0 +1 @@
+\v 15 Nk'okulubaga lwakagi lindirira, n'okucidosa mpu ka Yohana arhali ye kristu, \v 16 Anacibiderha emwaboshi: nie, ndi wakubatiza oku mishi; cikwone oyishire, agwerhe obuhashe bwinji kundusha, ntana shinganini oku shwekula ciru emikaba y'ebirato byage. ye, waishi mubatiza oku muka mucesibwa n'oku muliro.

03/17.txt

@@ -0,0 +1 @@
+\v 17 Agwerhe omu kuboko ecifyagiro; ayishi cesa engo, n'okulondola engano omu nguli yage, cikwone ayishi yoca abasi omu muliro gurhakazima.

03/18.txt

@@ -0,0 +1 @@
+\v 18 Nantyo ko Yohana akagi manyisa emyanzi y'akalembe oku lubaga, n'oku mubwira kandi marhegeko manji. \v 19 Cikwone Herodi erhya shoholerwa na Yohana enyanya za Herodiasi, nka mulumuna wage, n;oku mabi goshi ajijire, \v 20 Ayushula kandi okwagalya goshi n'okushweka Yohana omu mpanikwa.

03/21.txt

@@ -0,0 +1 @@
+\v 21 Olubaga lwoshi lwakayisha mpu lubatizibwe, Yezu naye abatizibwa; n'erhi, aba ali ahuna, empingu yayiguka. \v 22 Na muka mutakatifu anacimuhonokera ko nka mugani gwa mubiri, nka nguku. N'izu lyana ciyunvikana empingu lya derha: oli mugala wani muzigirwa; omuwe mwo nahebire obuzigire bwani bwoshi.

03/23.txt

@@ -0,0 +1 @@
+\v 23 Yezu alikol'agwerhe hofi miaka makumi gasharhu erhi arhondela omukolo gwage, nka, oku bakagi murhanyiza, mpu mugala wa Yusufu, mugala wa Eli, \v 24 Mugala wa Matati, mugala wa Lawi, mugala wa Meleki, mugala wa Yona, mugala wa Yosefu,

03/25.txt

@@ -0,0 +1 @@
+\v 25 mugala wa Matiasi, mugala wa Amosi, mugala wa Nahumu, mugala wa Esli, mugala wa Nagayi, \v 26 mugala wa Maathi, mugala wa Matatiasi, mugala wa Semeyi, mugala wa Yosefu, mugala wa Yuda,

03/27.txt

@@ -0,0 +1 @@
+\v 27 Mugala wa Yohana, mugala wa Resa, mugala wa Zerubabeli, mugala wa Shealtieli, mugala wa Neri, \v 28 mugala wa Melki, mugala wa Adi, mugala wa Kosamu, mugala wa Elmadamu, mugala wa Eri, \v 29 mugala wa Yoshwa, mugala wa Eliezeri, mugala wa Yorimu, mugala wa Mathati, mugala wa Lawi,

03/30.txt

@@ -0,0 +1 @@
+\v 30 Mugala wa Simoni, mugala wa Yuda, mugala wa Yosefu, mugala wa Yonamu, mugala wa Eliakimu, \v 31 Mugala wa Melea, mugala wa Mena, mugala wa Mathata, mugala wa Nathani, mugala wa Daudi, \v 32 Mugala wa Yese, mugala wa Obedi, mugala wa Boazi, mugala wa Salmoni, mugala wa Nashoni,

03/33.txt

@@ -0,0 +1 @@
+\v 33 Mugala wa Aminadabu, mugala wa Adimini, mugala wa Aramu, mugala wa Hesroni, mugala wa Faresi, mugala wa Yuda, \v 34 Mugala wa Yakobo, mugala wa Izaki, mugala wa Ibrahimu, mugala wa Tera, mugala wa Nakoni, \v 35 Mugala wa Seruki , mugala wa Rogau, mugala wa Faleki, mugala wa Eberi, mugala wa Sala,

03/36.txt

@@ -0,0 +1 @@
+\v 36 Mugala wa Kainani, mugala wa Arfaksadi, mugala wa Shemu, mugala wa Nuhu, mugala wa Lameki, \v 37 Mugala wa Methusela, mugala wa Henoko, mugala wa Yaredi, mugala wa Mahaleli, mugala wa Kenani, \v 38 Mugala wa Enoshi, mugala wa Sethi, mugala wa Adamu, mugala wa Mungu.

04/01.txt

@@ -0,0 +1 @@
+\v 1 Yezu, aliyunjwire muka mucesibwa, omu kurhenga omu yordani, na muka anacimuyerekeza omw'irungu, \v 2 omwo anacirhangulwa n'omushombanyi nsiku makumi gani. Arhalyaga bici omw'ezo nsiku, na, enyuma z'okugera kwezo nsiku, ashalika.

04/03.txt

@@ -0,0 +1 @@
+\v 3 Omushombanyi anacimubwira: mpu nkaba onali mugala wa Nnamahanga, orhegeke er'ibuye guhinduke mugati. \v 4 Yezu anacimushuza: mpu biyandisirwe: ok'omuntu arhankalama oku mugati gone.

04/05.txt

@@ -0,0 +1 @@
+\v 5 Omushombanyi, anaci muyinamula, anamuyereka omw'igohya liguma amami goshi g'omwigulu, \v 6 N'oku mubwira: nakuha obuhashe bwoshi, n'oburhwali bwoshi bw'ago mami; bulya bagampire, na nani nanagaha oyu nsimire. \v 7 Erhy'ankaba waka fukama embere zani, byoshi byankabire byawe.

04/08.txt

@@ -0,0 +1 @@
+\v 8 Yezu amushuza: erhi biyandisirwe: oku wacikumba Nnamuzinda wawe, n'okumukolera yenene.

04/09.txt

@@ -0,0 +1 @@
+\v 9 Omushombanyi ashubi muheka e Yerusalemu, anacimuheba enyanya ly'omunara gw'ishengero, anacimubwira erhi: nkaba oli mugala wa Nnamahanga, ocikwebage aha okwidaho; bulya biyandisirwe: \v 10 Oyishi rhegera ba malaika enyanya mpu bakulange; \v 11 N'oku bayishi kugwarha omu maboko, ly'okugulu kwawe kurha sarhale okw'ibuye.

04/12.txt

@@ -0,0 +1 @@
+\v 12 Yezu anacimushuza: erhi bidesirwe: orha rhangulaga Nyakasane, Nnamahanga wawe. \v 13 Enyuma z'okumurhangula omwezo njira zoshi, omushombanyi anacija kuli naye kuhika amango ga kwanine.

04/14.txt

@@ -0,0 +1 @@
+\v 14 Yezu ayambire obuhashe bwa muka, agaluka e Galilaya, n'irenge lyage lya lumira omu cihugo coshi n'eburhambi. \v 15 Akayigiriza omu mashengero, n'abantu boshi baci takira ye.

04/16.txt

@@ -0,0 +1 @@
+\v 16 Anacija e Nanzareti, eyo yo alereragwa, n'oku bwanali bw'orhere bwage, anacidaha omw'ishengero olusiku lwa Sabato. Ana yumuka mpu asome, \v 17 banamuha e citabu c'omulebi Isaya. Acibungula, anarhingana aha bayandisir'erhi

04/18.txt

@@ -0,0 +1 @@
+\v 18 Muka gwa Nyamuzinda ali kuli nie, bulya anshizire mpu nyalagaze omwanzi gw'akalembe oku barha cihashiri; antumire oku nfumye balya bagwerhe emirhima yavunisire, oku yalagaliza abashweke okushwekulwa kwabo, n'emihurha okubona kwabo, n'oku likula abagogomirwe, \v 19 Oku yalagaza omwaka gw'olukogo lwa Nnahamwirhu.

04/20.txt

@@ -0,0 +1 @@
+\v 20 Kandi, anacibunga ecitabu, acihereza omukozi, n'oku dahala. Abali om'ishengero boshi bamu seza kw'amasu. \v 21 Lero arhondera ababwira: ene ogu mwanzi gw'amandiko, ogu muyunvirhe, guhikirire. \v 22 Boshi bakagimuhamiriza; basomerwa n'emyanzi y'olukogo yakagi rhenga omu kanwa kage, n'oku derha mpu: karhali mugala wa Yosefu?

04/23.txt

@@ -0,0 +1 @@
+\v 23 Yezu ababwira: buzira karhinda mwayishi kanjirira ogu mugani: we mufumu cibuke wene; na kandi mwa yishi kambwira: jiriraga hano, omu cihugo cawe, bilya byoshi rhwayunvirhe wakagi jira e kapernaumu. \v 24 Cikwone ayushula erhi, mubwizire okunali, nta mulebi bayankirira bwinja omu cihugo cage.

04/25.txt

@@ -0,0 +1 @@
+\v 25 Mubwizire okunali: hâli bakana nkana banji omu Izraeli omu mango ga Eliya, amango empingu yayigalagwa myak'isharhu na miezi ndarhu hanaba ecizombo om'wigulu lyoshi; \v 26 Nago mango Eliya arha rhumiragwa ciru n'omuguma wabo; nkaba emwa mukazi muguma wa mukana, we Esarepta, omu cihugo ce Sidoni. \v 27 Yali nab'ebibenzi banji omw'Izraeli omu kasanzi ka Elize, mulebi; n'omwako kasanzi ntaye wanka fumire, nkaba arhali Naamani we Siriya.

04/28.txt

@@ -0,0 +1 @@
+\v 28 Abali omu cishagala boshi omutula gwana bagwarha, erhi bayunva ebyo byoshi. \v 29 Banaciyimuka, banacimuhinva omu lugo lunene, n'okumuheka kuhika okw'irhwerhwely'entondo kw'olo lugo lunene lwali yubakirwe, buzinda bamubulundulire idako.

04/31.txt

@@ -0,0 +1 @@
+\v 31 Anacihonokera e Kapernaumu, lugo lunene lw'e Galilaya, anayigiriza, olusiku lwa sabato. \v 32 Basomerwa n'obworhere bwage; bulya akagi derha n'oburhwali.

04/33.txt

@@ -0,0 +1 @@
+\v 33 Anacibonekana omw'ishengero omuntu waligwerhwe n'omuzimu mubi, n'oku ka hamagaza n'izu linene: \v 34 Ah bici rhufaninwe, Yezu w'e Nazareti? ka wayishire mpu orhuheze. Manyire wendi: muka gwa Nnamahanga.

04/35.txt

@@ -0,0 +1 @@
+\v 35 Yezu amushoholera, aderha: hulika, rheng'omoyo muntu. n'oyo muzimu amukweba aha karhi kw'olubaga n'okurhenga muliye, buzira okumujira ciru n'okubi. \v 36 Boshi basomerwa, n'oku bwirana bone na nene: mwanzi muhyugo? ali arhegeka n'oburhwali n'obuhashe oku bazimu babi, bana rhenga. \v 37 N'irenge lyage lya yalagala omu cihugo coshi.

04/38.txt

@@ -0,0 +1 @@
+\v 38 Omu kurhenga omw'ishengero, anacija omu nyumpa ya Simoni aligwerhe n'ishushirwa, bamuhuna oku bunguke bwage. /v 39 Amuja ho anacishoholera lir'ishushira, n'ishushira lya murhenga ko. Ho naho anaimuka abarhabala.

04/40.txt

@@ -0,0 +1 @@
+\v 40 Enyuma z'oku zikirira  kwizuba, balya boshi baligwerhe abalwala baligwerhe n'endwala za ngasi lubero baka mulerhera bo. Akaheba ngasi muguma kwa maboko, n'oku bafumya. \v 41 Abazimu nabo bakarhenga omu bantu n'okuyakuza n'oku derha: oli mwene Nnamahanaga. Cikwone akabashokolera arhalonzagya bakaderha. bulya bali manyire oku ali kristu.

04/42.txt

@@ -0,0 +1 @@
+\v 42 Erhi olusiku luhika, arhenga aja ahantu haguma h'irungu, olubaga lwa bantu lwanacija lwamulonza, n'okuhika ahali, balilonzize bamugwarhe, mpu aleke okucigenda. \v 43 Cikwone anacibabwira: mpu bimpunyire manyise eyindi mirhundu omwanzi gw'akalembe gw'obwami bwa Nnamahanga; bulya ebyo byo narhumiragwa. \v 44 Anakagi yigiriza omu mashengero g'Egalilaya.

05/01.txt

@@ -0,0 +1 @@
+\v 1 Nkoku Yezu ali oku burhambi bw'enyanja ye Genesareti, na nk'okulubaga lwakagi muzunguluka mpu luyunve omwanzi gwa Nnamahanga, \v 2 Anacibona oku burhambi bw'enyanja marho gabiri, omwo abadubi bakagi honoka n'okushuka orhweshe rhwabo. \v 3 Ashona omu bwarho buguma, omubwa Simoni, n'oku bahuna mpu bashegere hitya hyaho bali. Buzinda adahala, n'omw'obw'obwarho ajaga ayigiriza olubaga.

05/04.txt

@@ -0,0 +1 @@
+\v 4 Erhy'aleka oku derha, abwira Simoni: oshegere omwaga mishi, na mukwebe endobo zinyu mulobe. \v 5 Simoni amushuza: mpu mwalimu, rhwakozire obudufu buzira okugwarha bici; cikwone, kugerera akanwa kawe, nakweba olulobo. \v 6 Erhi bama kweba, bagwarha nsamaki nyinji, n'akeshe kabo kakunja. \v 7 Bana cimanyisa abira babo bali ahaburhambi bwabo omu bwarho mpu bayishe baba rhabale. Bayisha babumba ago marho gombi, hofi hakubazamya.

05/08.txt

@@ -0,0 +1 @@
+\v 8 Erhi abon' ebyo, Simoni Petro ahirima aha madwi ga Yesu, n'okuderha: ntenga ho, bulya ndi muntu wabyaha. \v 9 Bulya ali somirwe, yene na balya boshi bali haguma naye, bulya badubire kulushisa.

06/01.txt

@@ -0,0 +1 @@
+\v 1 Hana cihika, olusiku lwe sabato luderhwa lushimbulira olu rhanzi, lyo Yezu ajaga agera omu mashwa ge ngano. Entumwa zage zavuna emishugi n'okulya, enyuma z'okuikanda omu maboko gabo. \v 2 Bafarisayo baguma bababwira erhi: bulya gurhi mw'aja jira ebihanzibwe okujirwa olw'esabato?

06/03.txt

@@ -0,0 +1 @@
+\v 3 Yezu abashuza mpu: ka murhasangi soma ebya jijirwe na Daudi, amango alishalisire, ye nabalya bali boshi naye; \v 4 Kurhi akagi daha omu nyumpa ya Nnamahanga, arhola emikati yali rheganyizibwe, ayirya, n'okuyiha balya boshi bali naye, birhali rheganyibwe okw'abagula banayirya? \v 5 Ababwira erhi: mwen'omuntu ye mwalimu w'esabato.

06/06.txt

@@ -0,0 +1 @@
+\v 6 Hacihika, hacihika olundi lusikulw'esabato, lyo Yezu ajaga omw'ishengero, n'oku yigiriza. Mwabonekana omuntu waligwerhe okuboko kw'ekulyo kuyumire. \v 7 Abandisi n'abafarisayo bakagi lola Yezu, mpu balole erhi ajira ebisomerine by'okufumya olusiku lw'esabato: kwali mpu bagwarhe irhondero ly'okumushweka. \v 8 cikwone alimanyire entanya zabo, abwira olya muntu waligwerhe okuboko kuyumire mpu: yimuka, oyimange hala omukarhi. Ayimuka, n'okuyimanga.

06/09.txt

@@ -0,0 +1 @@
+\v 9 Na Yezu aderh'erhi: mudosize nkaba bishinganine, olusiku lw'esabato, okujira aminja erhi okujira amabi, okuciza omuntu erhi okumuniga. \v 10 Aho, ageza amasu gage omu bo, abwira olya muntu: lambula okuboko kwawe. Akujira, n'okuboko kw'afuma. \v 11 Boshi bayunjula burhe, n'okuka cidosa gurhi bajira Yezu.

06/12.txt

@@ -0,0 +1 @@
+\v 12 Omwako kasanzi, Yezu aja omuntondo aji huna, anageza obudufu bwoshi aly'ahuna Nnamahanga. \v 13 Erhi buca, ahamagala entumwa zage, anacishoga ikumi na babiri, bo ahag'izino ly'entumwa:

06/14.txt

@@ -0,0 +1 @@
+\v 14 Simoni, yakagi derha Petro; Andrea, mulumuna; Yakobo; Yohana; Filipo; Batolomayo; \v 15 Matayo; Tomaso; Yakobo, mwene Alfayo; Simoni, aderhwa Zelote; \v 16 Yuda, mwene Yakobo; na Yuda Iscariote, ye waliaba munizi.

06/17.txt

@@ -0,0 +1 @@
+\v 17 Ahona haguma nabo, n'okuhika ahantu, naho hali olubaga lw'entumwa n'obwinji bw'olubaga lwoshi lwomu Yudea, b'omu Yerusalemu, n'abomu nciga ze Tyri n'Esidoni. Bali yishire mpu bamu yunvirhize, n'oku fumisibwa endwala zabo. \v 18 Abali gwerhwe nabazimu bafuma. \v 19 N'olubaga lwoshi lw'alonza oku muhuma ko, bulya emisi yakagi murhenga mo n'oku ba fumya boshi.

06/20.txt

@@ -0,0 +1 @@
+\v 20 Ntyo Yezu, asinza oku ntumwa zage, aderha: iragi emwinyu mwe muli bakenyi, bulya obwami bwa Nnamahanga buli bwabo! \v 21 Iragi emwinyu mwe mushalisire buno, bulya mwayishi yigusibwa! Iragi emwinyu mwe muli mwalaka buno, bulya mwayishiba omu bushagaluke!