Thu Jun 06 2024 17:18:03 GMT+0200 (Central European Summer Time)

01/01.txt

@@ -0,0 +1 @@
+\v 1 Aha murhondero hali omwanzi, n'ogu mwanzi gwali haguma na Nnamahanga. \v 2 Gwali haguma na Nnamahanga kurhenga aha murhondero. \v 3 Ebintu byoshi byajiragwa naye, na ntaco cajijirwe buzira go.

01/04.txt

@@ -0,0 +1 @@
+\v 4 Muliye mw'obulamu bwali, n'obwo bulamu bwo bwali kamole k'abantu. \v 5 Akamole kalangashana omu mwizizi, n'omwizizi gurhakazimagya.

01/06.txt

@@ -0,0 +1 @@
+\v 6 Hanaisha omuntu wali rhumirwe na Nnamuzinda: Izino lyage ye wali Yohana. \v 7 Ayisha muhamiriza, wa hamiriza akamole, lyo boshi bayemera erhi ye rhuma. \v 8 Arhali ye wali kamole, cy'ayishire aja hamiriza akamole.

01/09.txt

@@ -0,0 +1 @@
+\v 9 Aka kamole kali kamole k'okuli, ko, kayishaga omw'igulu, kalomekera abantu boshi.

01/10.txt

@@ -0,0 +1 @@
+\v 10 Kali kaba omw'igulu, n'igulu lyalemirwe nnako, n'igulu lirhakamanyaga. \v 11 Aliyishîre abage, n'abali bage barhamuyankiriraga.

01/12.txt

@@ -0,0 +1 @@
+\v 12 Ci emwabalya bamuyankirire, balya bayemire izino lyage, abahire obuhashe bw'okuba bana ba Nyamuzinda, \v 13 Bobabo babusirwe, arhali oku muko, erhi oku bulonza bw'omubiri, erhi okubulonza bw'omuntu. c'oku bulonza bwa Nyamuzinda.

01/14.txt

@@ -0,0 +1 @@
+\v 14 N'ogu mwanzi gwajirikana mubiri, gwana lama ekarhi kirhu, guyunjwire lukogo n'obushinganyanya; rhwanabona irenge lyage, irenge nk'irenge ly'Omwana cusho wahubuk'emw'ishe. \v 15 Yohana amuhamiriza, anayakuza: ye naderha oyu: oku waisha enyuma lyani ye walishokolire, bulya ahali erhi ntasangihaba.

01/16.txt

@@ -0,0 +1 @@
+\v 16 Rhweshi rhwahabwa oku bwimana bwage, n'olukogo oku lukogo; \v 17 Bulya amarhegeko gahanagwa na Musa, olukogo n'obushinganya byaisha emwa Yesu Kristo. \v 18 Ntaye osangibona Nnamahanga; muli Ishe, ye wanamumanyisize.

01/19.txt

@@ -0,0 +1 @@
+\v 19 Alaga obuhamiriza bwa Yohana, amango abayahudi barhumaga e Yerusalemu abadahwa n'abalawi, mpu bamudose: w'olindi? \v 20 Anacibabwira n'obwalagale, arhalahiraga, aderha oku arhali ye wali kristo. \v 21 Banaciri mudosa: Kurhigi? kawe Eliya? Anaciderha: arhali niene. Koligi mulebi? abashuza: erhi nanga.

01/22.txt

@@ -0,0 +1 @@
+\v 22 Lero banaciri mubwira, oligi ndi? Lyo rhumanya shuza abarhurhumaga. Oku odesire wene? \v 23 Niono, kwo ndesire; nd'izu lyolya waja yakuza omw'irungu: Mushogogondeze enjira za Nnawirhu, kulya omulebi Isaya aderhaga.

01/24.txt

@@ -0,0 +1 @@
+\v 24 Abalirhumirwe bali bafarisayo. \v 25 Bashubi mudosa er'idoso: Gurhi gurhumirage waja batiza, erhi wakaba orhali we Kristo, erhi Eliya, erhi mulebi?

01/26.txt

@@ -0,0 +1 @@
+\v 26 Yohana abashuza: Nie, naja nabatiza oku mishi, ci omukarhi kinyu, muli oyu murhamanyiri, \v 27 Ayisha nyuma lyani; ntaka hasha nashwekula emigozi y'ebirato byake. \v 28 Ebyo byaberaga e Betaniya, ishiriza ly'eyordani emunda Yohana ajaga abatiza.

01/29.txt

@@ -0,0 +1 @@
+\v 29 Erhi liba lisirhondo, abona Yesu ayishire emunda ali, anaciderha: Ala omwanabuzi wa Nnamahanga, olya warhenza ecaha c'igulu. \v 30 Ye naderhaga oyu: oku enyuma lyani haisha omuntu walishokolire, bulya ahali erhi ntanacihaba. \v 31 Ntali mumanyire, cilyo amanyikana omu Izraeli cocarhumire nayisha naja batiza oku mishi.

01/32.txt

@@ -0,0 +1 @@
+\v 32 Yohana ahamiriza: Nabwine Mûka mweru ayandagala arhenga emalunga nka nguuku anamurhwako. \v 33 Ntali mumanyire, ci oyu wantumaga okunje nabatiza oku mishi, ye wambwizire: Oyu waishibona Mûka Mweru ahonokera anarhinda kuli ye, yoyo ye wayishija batiza na Mûka Mweru. \v 34 Namubona, nahamiriza okuye Mugala wa Nnamahanga.

01/35.txt

@@ -0,0 +1 @@
+\v 35 Erhikuba lisirhondo, Yohana erhi aciri aho, na babiri b'omu baganda bage; \v 36 Anacibona Yesu agera, aderhaNamubo: Ala Omwanabuzi wa Nnamahanga.

01/37.txt

@@ -0,0 +1 @@
+\v 37 Balya baganda babiri erhi bayunva aderha eyo myanzi, bakulikira Yesu. \v 38 Yesu akebagana, anacibona okubamushimbulire, ababwira: Bici mwalonza? Nabo bashuza: Mpu mwalimu (kwo kuderha mwigiriza) ngahi oba? \v 39 Mwishe, kwo abâbwizire, munabone. Banagenda, banabona ahaba; bana legerera boshi olo lusiku. Zalikola aha nsa kumi.

01/40.txt

@@ -0,0 +1 @@
+\v 40 Andrea, mulumuna wa Simoni Petro, ali muguma w'omwabo babiri bayunvagya emyanzi ya Yohana, abo bashimbuliraga Yesu. \v 41 Anacishimana burhangiriza mukulu wage Simoni, anamubwirabo: Rhwabwinage Masiya (kwo kuderha Kristu). \v 42 Anacimuhekera Yesu. Yesu, erhi amusinza, aderha: We Simoni, mwene Yona; okola waka hamagala Kefa (kwo kuderha Ibuye).

01/43.txt

@@ -0,0 +1 @@
+\v 43 Erhikuba lisirhondo, Yesu akola aja e Galilaya, anashimana Filipo. Amubwira: Nshima. \v 44 Filipo ali we Betsaida, w'omu cishagala cemwabo Andrea na Petro. \v 45 Filipo ashimana Natanieli, anamubwira: Rhwabwine olya Musa ayandikaga omu citabu c'amarhegeko n'abalebi bamuderha, Yesu we Nanzareti, mugala wa Yusufu.

01/46.txt

@@ -0,0 +1 @@
+\v 46 Natanaeli amubwira: Erhi akantu kinja kanarhenga e Nazareti? Filipo amushuza: Isha, ocibonere. \v 47 Yesu, erhi abona Natanaeli aja emunda ali, amubwira: Ala omw'israeli menemene orhali mw'ishembo endalala lyage. \v 48 Natanaeli amubwira, erhi ngahi wamanyiraga? Yesu amushuza: Embere Filipo arhacikuhamagala, galya mango wali aha mutini, erhi nkubwine.

01/49.txt

@@ -0,0 +1 @@
+\v 49 Natanaeli ashuza anamubwira: Erhi Rabbi, oli Mugala wa Nnamahanga, we mwami w'Israeli. \v 50 Yesu amushuza: Kabulya namokubwira oku ene oli ah'idako ly'omutini erhi nkubwine, lyokolaga wayemera; wacibona n'ebinene bilushire ebyo. \v 51 Anamubwira: Okunali, okunali, mwacibona amalunga gaiguka na ba malaika wa Nakasane bakainamuka banahonokera oku mwene omuntu.

02/01.txt

@@ -0,0 +1 @@
+\v 1 Enyuma lya nsiku zisharhu, hanachiba obuhya e Kana omu Galilaya. Nnina wa Yesu naye ahali, \v 2 Na Yesu alilalisirwe okwobo buhya bo n'abaganda bage.

02/03.txt

@@ -0,0 +1 @@
+\v 3 Idivai lyabulika, nnina wa Yesu amubwira: Barhacigwerhi idivai. \v 4 Yesu amushuza: Muzire, bici ekarhi kawe na nani? Akasanzi kani karhacihika. \v 5 Nina abwira abalisi: Mujire ngasi kwoshi amubwira.

02/06.txt

@@ -0,0 +1 @@
+\v 6 Gusiga aho hali rhubindi ndarhu rhwa mabuye, rhwakagi hebwa mw'amishi go kuka kalaba abayahudi, na ngasi kaguma kangabumbire ngero zibiri erhi zisharhu. \v 7 Yesu ababwira: Orho rhubindi murhubumbage mishi. Bana rhubumba rhoshi kuhika oku muhiro. \v 8 Domagi, kw'ababwizire, muna hekerage omwalisi. Bana muhekera.

02/09.txt

@@ -0,0 +1 @@
+\v 9 Omwalisi erhi alabula amishi gahinduka idivai, arhamanyaga ngah'iryo idivai lirhenzire, nobwo abakozi baligadoma bohe bamanyirire bwinja, omwalisi ahamagala omuhya mulume, \v 10 Anacimubwira: Ci abantu boshi idivai linja lyo barhangi gaba, buzinda bagabe elirhali linja; wehe, wamorhengi bika erinja kuhika buno.

02/11.txt

@@ -0,0 +1 @@
+\v 11 Eco cajirikanaga, e Kana omu Galilaya, cirhangaza cirhanzi Yesu ajiraga. Ayerekana obuhashe bwage n'abaganda bage bamuyemera.

02/12.txt

@@ -0,0 +1 @@
+\v 12 Enyuma lyaho, ayandagalira e Kapernaumu, bona nnina, abalumuna n'abaganda bage, banabera yo nsiku ngerwa.

02/13.txt

@@ -0,0 +1 @@
+\v 13 Pasaka w'abayahudi erhi akola ayegerire, Yesu ayinamukira e Yerusalemu. \v 14 Arhimana omu ka nyamuzinda abarhimbuzi b'enkafu, ab'ebibuzi n'abe nguku, nab'okukaba batamire.

02/15.txt

@@ -0,0 +1 @@
+\v 15 Ahunga omunyuli omu migozi, abahulusa boshi omu ka Nyamuzinda, n'ebibuzi n'enkafu; ashandaza n'enfaranga z'abakagi kaba, atulamya n'orhurhala rhwabo; \v 16 Abwira abaliko barhimbula enguku: Rhenzi ebyo byoshi hano, enyumpa ya larha murha yihindule cibuye.

02/17.txt

@@ -0,0 +1 @@
+\v 17 Abaganda bage bakengera oku biyandisirwe: Oluhali lw'enyumpa yawe lwayishi ngwarha. \v 18 Abayahudi, baja kwo baderha, bamubwira: Cisomerine cici orhuyeresire, c'okujira kwa mwene okwo. \v 19 Yesu abashuza: Mushabe aka ka Nnamuzinda, n'oku nsiku zisharhu naciri kazusa.

02/20.txt

@@ -0,0 +1 @@
+\v 20 Abayahudi baderha: Aka ka Nnamuzinda kayubakagwa miaka makumi gani na ndarhu, nawe, okayimanze oku nsiku isharhu! \v 21 N'obwo yehe amaderha, aka Nnamuzinda k'omubiri gwage. \v 22 Co carhumire, amango afukaga omu bafu, abaganda bakengera oku akudesire, banayemera amandiko n'emyanzi Yesu aderhaga.

02/23.txt

@@ -0,0 +1 @@
+\v 23 Amango Yesu ali e Yerusalemu, oku lusiku lukulu lwa Pasaka, banji bayemera izino lyage, erhi bamobona ebirhangaza akagijira. \v 24 ci Yesu arhacikubagiraga bo, bulya ali bamanyire boshi, \v 25 Nabulya arhali cifinjire buhamiriza bwa muntu yeshiyeshi; bulya yene ali amanyire bici biba omu muntu.

03/01.txt

@@ -0,0 +1 @@
+\v 1 Cikwone hali mulume muguma w'omubafarisayo, oderhwa Nikodemu, ali mugula w'Abayahudi. \v 2 Oyo, anaja, hofi na Yesu, budufu, anamubwira: Rabbi, rhumanyire oku oli mugiriza orhenzire emwa Nnamuzinda;  bulya ntaye wankajira ebirhangaza birinka ebiojijire, nka Namahanga arhali haguma naye.

03/03.txt

@@ -0,0 +1 @@
+\v 3 Yezu amushuza: Okuli okuli, nkubwizire, nka omuntu arhashubiri burhwa  buhyahya, arhaka bona obwami bwa Nnamuzinda. \v 4 Nikodemu amubwira: Kurhi omuntu akaciburhwa akola na mushosi? Ka anachiri shubira omu nda ya nnina aciriburhwa?

03/05.txt

@@ -0,0 +1 @@
+\v 5 Yesu ashuza: Okunali, okunali, nkubwizire, nka omuntu arhabusirwi oku mishi n'oku Mûka mweru, arhankadaha omu bwami bwa Nnamuzinda. \v 6 Ecaburhagwa n'omubiri gunali mubiri, n'ecazburhazgwaz na Mûka gunali Mûka.

03/07.txt

@@ -0,0 +1 @@
+\v 7 Orhasomerwe mpu namokubwira: Oku bikwanine mubwirwe buhyahya. \v 8 Empusi enahuse ahena lonzize, na onayunve omuhusi gwayo; Ci orhanka manya ahayarhenga, erhi aha yaja. Na ntyo kwo binali emwa ngasi muntu oburhwa na Mûka.

03/09.txt

@@ -0,0 +1 @@
+\v 9 Nikodemu amubwira: Gurhi ebyo byankajirikana. \v 10 Yesu amushuza: K'oli mwigiriza omu Israeli, orhanamanyiri ebyo! \v 11 Okuli, okuli, nkubwizire, rhuli rhwaderha ebi rhumanyire, rhunali rhwahamiriza ebirhwabwine; murhanayemiri obuhamiriza bwirhu.

03/12.txt

@@ -0,0 +1 @@
+\v 12 Nkamurhanka yemera amango ndi namu ganirira ebya hano igulu, kurhi mwakayishigi yemera hano nkola ndi namuganirira eby'Empingu. \v 13 Ntaye osagi yinamukira empingu, nkaba olya wahonokaga kurheng'Empingu, Mwen'omuntu oli omu mpingu.

03/14.txt

@@ -0,0 +1 @@
+\v 14 Na nkakulya Musa amanikaga enjoka omw'irungu, kwonokwo kwo binakwanine Mwene omuntu amanikwe. \v 15 Lyo ngasi yeshi wamuyemire aba n'obulamu bw'ensiku n'amango.

03/16.txt

@@ -0,0 +1 @@
+\v 16 Bulya Nnamahanga asimaga igulu kuhika ahana omwana wage cusha, lyo ngasi wamu yémere arhaheraga, ci abe n'obulamu bw'ensiku n'amango. \v 17 Bulya, Nnamuzinda arharhumaga omwana wage muno igulu mpu atwire igulu olubanja, ci mpu igulu licizibwe naye. \v 18 Ngasi omuyemire arhatwirwa lubanja; ci orhayemiri olwage lwatwirwe, bulya arhayemeraga izino lya Mwana cusha wa Nnamahanga.

03/19.txt

@@ -0,0 +1 @@
+\v 19 Na okulutwa kwo kwoku, akamole kayishire omu igulu, abantu basima omwizizi kulusha akamole, bulya ebijiro byabo byali bibi. \v 20 Bulya ngasi yeshi okola amabi anakagaya obulangashane, arhankanaja aha bulangashane, ayobohire ebijiro byage birhaki manyikana. \v 21 Ci ojira eby'obushinganya anaje aha bulangashane, lyo ebijiro byage bibonekana, bulya bichikine muli Nnamuzinda.

03/22.txt

@@ -0,0 +1 @@
+\v 22 Enyuma ly'ebyo, Yezu, abaganda bage bamulusa, bayerekera omu Yudeya; anabera nabo eyomunda, erhi anali abatiza. \v 23 Yohana naye alikoabatiza e Hainoni, hofi n'Esalimu, bulya eyomunda yali mishi manji; banaka iyisha mpu babatizibwe. \v 24 Bulya Yohana arhalicihebwa omu mpamikwa.

03/25.txt

@@ -0,0 +1 @@
+\v 25 Hanacizuka, akadali ekarhi k'abaganda ba Yohana na muyahudi muguma lugenda kucicesa. \v 26 Bagendera Yohana, bamubwira: Mwalimu, olya mwali mweshi ishiriza lya yorodani, olya wajaga wa hamiririza, alaga, akola aliabatiza, na boshi bajire emund'ali.

03/27.txt

@@ -0,0 +1 @@
+\v 27 Yohana ashuza: Omuntu arhankahabwa ecarhahirwe kurhenga empingu. \v 28 Mwe muli badima bani kulya naderhaga: Ntali nie Kristo, ci ntumirwe kwone mmushokolere.

03/29.txt

@@ -0,0 +1 @@
+\v 29 Ogwerhe omuhya, ye muhya mulume; ci omwira w'omuhya mulume, ye muyimanzire ho ali amuyunvirhiza, alimwo omushingwe mwinji erhi izu ly'omuhya mulume lirhuma: kandi mwishingwe munene, guli gwani, guna cire. \v 30 Akwanine abonekane mukulu, nnani ntohe.

03/31.txt

@@ -0,0 +1 @@
+\v 31 Owarhenga enyanya ye nnali enyanya lya boshi; oweno igulu, anali w'igulu, n'ebyaderha binali b'igulu. Owarhenga empingu ali enyanya lya byoshi. \v 32 Ali ahamiriza eby'abwine n'ebyayunvirhe, ci ntaye wayankirire obuhamiriza bwage. \v 33 Owayankirire obuhamiriza bwage ayerekana oku Nnamuzinda aba mwimana.

03/34.txt

@@ -0,0 +1 @@
+\v 34 Bulya ye warhumagwa na Nnamuzinda aderh'emyanzi ya Nnamuzinda, bulya erhi Nnamuzinda akola amuha Mûka muzira ishe arhamunyihizagya. \v 35 Larha asima omugala, anamuheba ebintu byoshi omu maboko gage. \v 36 Owayemera Omugala akola agwerhe obulamu bw'ensiku n'amango; Ci orhayemiri Omugala arhakabona obulamu, ci omutula gwa Nnamuzinda gwa ishiba kuliye.

04/01.txt

@@ -0,0 +1 @@
+\v 1 Nawirhu erhi amanya oku abafarisayo bayunvirhe oku akagijira n'okubatiza banji kulusha Yohana. \v 2 N'obwo Yesu arhajaga abatiza yene chi abaganda bage. \v 3 Arhenga e Yudeya, anacishubirira e Galilaya.

04/04.txt

@@ -0,0 +1 @@
+\v 4 Nk'oku byalikwanine agerere e Samariya. \v 5 Anahika omu cishagala ciguma ce Samariya, ciderhwa Sikara, hofi n'ishwa Yakobo ahaga, omugala Yusufu.

04/06.txt

@@ -0,0 +1 @@
+\v 6 Aho hali iriba lya Yakobo. Yesu, erhi amorhama n'olugenzi, atamala oku burhambi w'iriba. Hali nk'aha nsa ndarhu. \v 7 Omukazi muguma w'e Samariya ayisha alidoma amishi. Yesu amubwira: Mpa kunywa. \v 8 Erhi abaganda bage bajire omu lugo bajigula ebilyo.

04/09.txt

@@ -0,0 +1 @@
+\v 9 Olya mukazi w'omu samariya amubwira: Gurhi we, oli muyahudi, waka mpuna kunywa, nandi mukazi muguma wa musamariya? Abayahudi, barhajira lushange bon'abe Samariya. \v 10 Yesu amushuza: Nka walimanyire ebigabi bya Nnamahanga, omanye nandi oyu okubwizire: mpa kunywa! wankamuhunyire nawe kunywa! anakaguhire amishi g'obulamu.

04/11.txt

@@ -0,0 +1 @@
+\v 11 Nnamwagirwa, kw'adesire oyo mukazi, ci ntach'ogwerhe wadomera mwo, n'iriba lililiri; ngahi warhenza ago mishi g'omulamu? \v 12 Ka we mukulu kulusha larha wirhu Yaboko, warhuhaga er'iriba, anaka linywa yenene, chiru n'abana bage n'ebishwekwa byage?

04/13.txt

@@ -0,0 +1 @@
+\v 13 Yesu amushuza: Ngasi yeshi wanywa okwago mishi acishigwarhwa n'enyorha; \v 14 Ci ngasi wanywa amishi namuha arhanka cigwarhwa n'enyorha bundi, n'ago mishi namuha gaba muli ye nshoko ya mishi yaka hulula kuhika omu kalamu k'emiakula.

04/15.txt

@@ -0,0 +1 @@
+\v 15 Olya mukazi amubwira: Nnahamwirhu, mpa nani okwago mishi, ntacigwarhagwa na nyorha bundi, ntana cishubiraga hano ndi doma. \v 16 Yesu amubwira, genda ohamagale balo, ogali isha hano.

04/17.txt

@@ -0,0 +1 @@
+\v 17 Omukazi ashuza: Ntajira mulume. Yesu amubwira: neci odesire oku binali, oku orhajira mulume. \v 18 Bulya waligwerhe balume barhanu, n'oyugwerhe buno naye arhali balo. Ntyo odesire okuli.

04/19.txt

@@ -0,0 +1 @@
+\v 19 Olya mukazi amubwira, erhi Nnahamwirhu, namobona oku oli mulebi. \v 20 Ba larha bakagi cikumbira okw'eyi ntondo; ninyu muderhe, mwehe, mpu ah'okucikumbira eri e Yerusalemu.

04/21.txt

@@ -0,0 +1 @@
+\v 21 We mukazi, kwo Yesu amubwizire , nyemera, amango gaciyisha galya arhaciri okweno ntondo erhi e Yerusalemu yo mwacikumbira larha. \v 22 Muli mwacikumba ebimurhamanyiri, rhwehe, rhwehe rhunaka cikumba ebi rhumanyire, bulya obucire bwa isha omu bayahudi.

04/23.txt

@@ -0,0 +1 @@
+\v 23 Ci amango nayisha, na mira gayisha, go abacikumba okunali bacikumba larha okumurhima n'omu bushinganyanya; bulya bo larha ahunyire. \v 24 Nnamuzinda guli Mûka, na bikwanine abamwikumba bamwikumba omu murhima n'omubushinganyanya.

04/25.txt

@@ -0,0 +1 @@
+\v 25 Namukazi amubwira: Imanyire oku Masiya akwanine ayishe (olya ohamagalwa Kristo); erhi akaba amoyisha arhumanyisa ngasi kantu. \v 26 Yesu amubwira: Nie ono, ndi nakushambalira.

04/27.txt

@@ -0,0 +1 @@
+\v 27 Honaho abaganda bage bayisha basomerwa gurhi aliashambala bon'omukazi. Chi barhali mw'owamubwizire: Erhi bici oliwahuna? erhi: Bici oliwaganira mwen'oyu?

04/28.txt

@@ -0,0 +1 @@
+\v 28 Lero oyo mukazi, anasiga akabindi kage, aja omulugo anabwira abantu: \v 29 Mwishe mubone omulume wamombwira ebinajijire byoshi; kurhakaba ye Kristu? \v 30 Bana cirhenga omu cishagala banaja emundali.

04/31.txt

@@ -0,0 +1 @@
+\v 31 Ago mango, abaganda bage bamuyinginga mpu alyage, bamubwira: Mwalimu lyaga. \v 32 Cikwone ababwira: Ngwerhe ebinalya biryo murhamanyiri. \v 33 Abaganda babwirana bone nanene: Karhali owamudwirhire ebyalya?

04/34.txt

@@ -0,0 +1 @@
+\v 34 Yesu ababwira: Ebyani bilyo kuli kujira amalonza g'owantuma, n'okuyukiriza omukolo gwage. \v 35 Ka murhali mwaderha oku hasigire miezi ini balumbule? Lolagi kw'amubwizire, mulambule amasu, muna lolage oku amashwa mira gayezire ganahumbulagwa. \v 36 Owa humbula ahabwa omukamarho, anarhumbike amalehe oku buzine bw'ensiku n'amango, lyo omurhwezi n'owahumbula bashangira haguma.

04/37.txt

@@ -0,0 +1 @@
+\v 37 Bulya omw'oko oku badesire ko binali: Orhwera aliwago n'ohumbula aliwago. \v 38 Namurhumire oku muji humbula ebi murhakolaga; bandi babikolaga, ninyu mwamoja omu mukolo gwaba.

04/39.txt

@@ -0,0 +1 @@
+\v 39 Basamariya banji b'omweco cishagala bayemera Yesu erhi obo buhamiriza bw'oyo mukazi burhuma: anambwizire byoshi najijire. \v 40 Ntyo, erhi abasamariya bamubona, bamusengera mpu ababere hofi. Abera aho nsiku zibiri.

04/41.txt

@@ -0,0 +1 @@
+\v 41 Banji muganjo munene gwamuyemera erhi myanzi yage erhuma; V 42 Babwira olya mukazi: Erhi arhaciri ebiwarhubwiraga byo birhumire mwayemera; ci nirhu rhwamomuyunva rhwene, n'oku manya okunali oku yoyu ye Muchiza w'igulu.

04/43.txt

@@ -0,0 +1 @@
+\v 43 Enyuma ly'ezo nsiku zibiri, Yesu arhenga eyo, aja e Galilaya; \v 44 Bulya Yene alierhi abidesire oku nta mulebi chiru n'omuguma okengwa omu cihugo cabo. \v 45 Erhi ahika e Galilaya, abe Galilaya bamuyankirira bwinja, balya babonaga lirya lyoshi ajiraga e Yerusalemu oku lusiku lukulu; Bulya nabo balijire okw'idinye.

04/46.txt

@@ -0,0 +1 @@
+\v 46 Acirishubira e Kana y'e Galilaya, erya munda ahindulaga amishi gaba idivai. Yali murhambo muguma wa mwami ey'e Kapernaumu, erhi omugala alwazire. \v 47 Erhi amanya oku Yesu amorhenga e Yudea okola ali e Galilaya, aja emunda ali, amuhuna mpu ayandagale ajifumya omwana wage, okola ali hofi kufa.

04/48.txt

@@ -0,0 +1 @@
+\v 48 Yesu amubwire: ka murhabwini ebisomerine n'ebirhangaza, murhankayemera. \v 49 Olya murhambo wa mwami amubwira: Nnahamwirhu yandagala oku omwana wani arhacifa. \v 50 Gendaga, kwo Yesu amubwizire, omwana wawe azine. Oyo mulume anayemera eyo myanzi ya Yesu amubwiraga anagenda.

04/51.txt

@@ -0,0 +1 @@
+\v 51 Erhi akola ali bwandagala, abakozi bage bamushimana bamudwirhire eyi myanzi. Omwana wawe azine. \v 52 Abado mango gahiayunvirhe bwinja; banacimubwira, injo aha nsa nda, lyo ishushira lyamurhengaga kwo.

04/53.txt

@@ -0,0 +1 @@
+\v 53 Ishe akengera oku aheyo nsa yo na nene Yesu amubwiraga oku: Omwana wawe azine. Ayemera n'enyumpa yage yoshi. \v 54 Yesu ashubijira ecisomerine cage ca kabiri erhi ahika e Yudeya ye Galilaya.

05/01.txt

@@ -0,0 +1 @@
+\v 1 Enyuma ly'ebyo, haba olusiku lukulu lwa bayahudi, na Yesu naye ayinamukira e Yerusalemu. \v 2 Kusiga, e Yerusalemu, hofi n'omuhango gw'ebibuzi, habaga iziba lyaderhwagwa omuciherbraniya mpu Betsaida, lyaligwerhe nnengalenga irhanu. \v 3 Omw'ezo nnengalenga mwaligweshire balwala banji bwenene, emihurha, ebirema, abahozire ebirumbu, bakagiringa oku amishi gadundagana; \v 4 Bulya malaika muguma akagi rhibukira omwel'iziba, anashabaganye amishi; n'omulwala waba waburhanzi okuchidakula omwago mishi enyuma lya malaika amogashabanya anafuma endwala yage yoshi.

05/05.txt

@@ -0,0 +1 @@
+\v 5 Aho hali mulume muguma alikola agwerhe ho miaka makumi asharhu na munani alwala. \v 6 Yesu erhi amobona agweshire, anamanya oku akola agwerhe kasanzi kanji alwazire, amubwira: kawalonza ofume?

05/07.txt

@@ -0,0 +1 @@
+\v 7 Omulwala amushuza: Nnahamwirhu, ntagwerhe omuntu wakankweba omw'iziba amango amishi gamo birunduka, na, erhinkolaga nti namuja, owindi anabe ye nshokolera okuhonokera mwo. \v 8 Zukaga kwo Yesu amubwizire; orhole encingo yawe, onagende.

05/09.txt

@@ -0,0 +1 @@
+\v 9 Honaho alya mulume anafuma; anarhola encingo yage, anagenda. Lwali lusiku lwa sabato.

05/10.txt

@@ -0,0 +1 @@
+\v 10 Abayahudi banacibwira olya wafumaga: Ene lwa sabato; birhakuyemerirwi oku oberhule encingo yawe. \v 11 Abashuza: Owa nfumagya ye wanbwizire: Mpu rhola encingo yawe, onagende.

05/12.txt

@@ -0,0 +1 @@
+\v 12 Bamudokereza: Yendi oyo muntu wakubwiraga mpu: orhole encingo yawe, ona gende? \v 13 Ci olya wafumaga arhamumanyaga yendi; bulya Yesu ali amohirigirhira omu ntumbi y'abantu bali aho.

05/14.txt

@@ -0,0 +1 @@
+\v 14 Amango, Yesu amushimanaga omu ka Nyamuzinda, anacimubwira, alaga, wono wafumirage; orhacijiraga caha orhekiyishiba kubi kulusha okurhanzi. \v 15 Olya mulume agenda, ajibwira abayahudi oku Yesu ye wamu fumagya.

05/16.txt

@@ -0,0 +1 @@
+\v 16 Byo byakagirhuma abayahudi bashimbulira Yesu, bulya akagi jira ebyo olusiku lwe sabato. \v 17 Ci Yesu abashuza: larha alikwakola kuhika buno; nani, ndi nakola. \v 18 OKwo kwarhuma, abayahudi bashubilonza okumuniga, arhali mpu okuba arhachikenziri olwe sabato, ci na bulya amoderha mpu Nnamuzinda y'Ishe, agali cijira naye oku ali Nnamuzinda.

05/19.txt

@@ -0,0 +1 @@
+\v 19 Yesu ashubiderha, anababwira: Okunali okunali, mubwizire, omwana ntabyo akajira yene, arhankajira ebyarha bwine Isheajira; na byoshi Ishe akajira, omwana naye anabichire n'omwalagale. \v 20 Bulya larha asima omwana, n'oku ka muyereka byoshi ali ajira; acimuyereka n'emikolo minene kulusha eyo, lyo musomerwa.

05/21.txt

@@ -0,0 +1 @@
+\v 21 Bulya, nkoku larha afula abafire n'okubaha obulamu, kwonokwo omugala naye anahana obulamu emoyu alonzize. \v 22 Larha arhakatwira ndi olubanja, ci okutwa emanja akulekire Omugala. \v 23 Lyo boshi bakenga omugala nka okubakenga Ishe. Orhakenzire Omwana arhakenzire n'Ishe wa murhumaga.

05/24.txt

@@ -0,0 +1 @@
+\v 24 Okunali, okunali, mmubwizire, owa yunva emyanzi yani, anayemere oyu wantumaga, akola agwerhe obulamu bw'emyakula arhakachitwirwa lubanja, chi akola arhalusire olufu aja omu bulamu.

05/25.txt

@@ -0,0 +1 @@
+\v 25 Okunali, okunali, mmubwizire, akasanzi kaciisha, kanaishire, amango abafu bayunva izu ly'omwana wa Nnamahanga; na abaliyûnve banalame.

05/26.txt

@@ -0,0 +1 @@
+\v 26 Bulya, nkoku Ishe agwerhe oulamu ye na nene, ntyo kwahire Omugala obwo bulamu naye. \v 27 Anamuha obuhashe bw'okutwa emanja, bulya ali Mwana w'omuntu.

05/28.txt

@@ -0,0 +1 @@
+\v 28 Murhasomerwe n'ebyo; bulya akasangi kaciisha kalya boshi abali omushinda bayunva izu, banarhenge mwo. \v 29 Abakozire aminja bafukire obulamu, ci abakozire amabi banafukire okutwirwa olubanja.

05/30.txt

@@ -0,0 +1 @@
+\v 30 Ntakahashijira bici niene: Nk'okunyunvirhe, nnatwe olubanja n'okulutwa kwani kuli kushinganine, bulya ntajira oku nonzize ci obulonze bw'owantumaga. \v 31 Erhi akaba nie chihamiriza nienene, obuhamiriza bwani burhali bw'okuli. \v 32 Hali owindi waja mpamiriza na manyire obuhamirize ajanjirira buli bw'okuli.

05/33.txt

@@ -0,0 +1 @@
+\v 33 Mwalirhumire emwa Yohana, anamubwira okuli. \v 34 Kuli nie arhali muntu ompa obuhamirize; Chi ndesire ntyo, lyo mucira. \v 35 Yohana kali kamole kayasire kanajaga kabonya, mwagali lonza okucisimisa kasangi kasungunu omu kulomeka kwage.

05/36.txt

@@ -0,0 +1 @@
+\v 36 Niono, ngwerhe obuhamirizi bunene kulusha Yohana; Bulya emikolo larha ampire mpu nyiyukirize, eyo mikolo yoneyo yonandi nakola, ehamirize emunda ndi oku larha wana ntumaga. \v 37 Na larha watumaga ampamirize yene doka. Murhanayunvagya izu lyage, murhabonaga n'amalanga gage. \v 38 N'emyanzi yage erhamuba mwo, bulya burhayemire oyu amurhumaga.

05/39.txt

@@ -0,0 +1 @@
+\v 39 Munaka lolereza amandiko, bulya mucikebirwe mpu mulico mwo mwabona akalamu k'emyakula. \v 40 Murhanalonza kuyisha emwani lyo muhabwa obulamu.

05/41.txt

@@ -0,0 +1 @@
+\v 41 Arhali emwabantu ntenza irenge lyani. \v 42 Cimanyire okumurhajira buzigire bwa Nnamahanga.

05/43.txt

@@ -0,0 +1 @@
+\v 43 Nayishire okw'izino lya larha, murhana nyankiriraga; erhi owindi wankayisha okw'izino lyage yene, mwanamuyankirira. \v 44 Kurhi mwankayemera mwe mulongeza irenge kuli mwenene, ci murhalonza irenge lirhenga emwa Nnamahanga yene?

05/45.txt

@@ -0,0 +1 @@
+\v 45 Murharhanye mpu nie namushobesire emwa larha; owamuyandikire, ali Musa olya muba mucikubagire. \v 46 Bulya nka mwakayemera Musa, erhi nie muyemire nani, bulya ye wayandikaga ebyani. \v 47 Ci nkamurhayemiri ago maandiko, kurhi mwakayemeraga emyanzi yani?

06/01.txt

@@ -0,0 +1 @@
+\v 1 Enyuma lyaho, Yezu ayicirira ishiriza ly'enyanja omu Galilaya, omu Tiberiade. \v 2 Olubaga lunene lwa mushimbulira, bulya lwajaga lwabona ebisomeza ajaga ajirira abalwala. \v 3 Yezu asokera oku ntondo, anatamala n'entumwa zage.

06/04.txt

@@ -0,0 +1 @@
+\v 4 N'obo, Basaka alikola ayegire, lusiku lukulu lw'Abayahudi. \v 5 Ayinamula, anabona oku lubaga lwinji lumukulikire, Yezu abwira Filipo mpu: Ngahigi rhwagulira emigati, lyo bano bantu babona ecibalya? \v 6 Adesire ntyo mpu ly'abayereka, bulya alimanyire ebyajira.

06/07.txt

@@ -0,0 +1 @@
+\v 7 Filipo amushuza erhi: Emigati y'endinari magana gabirhi erha nkabalumira lyo ngasi muguma ajaheka hinyinyi. \v 8 Muguma w'omu ntumwa zage, Andrea, mwene wabo Simoni Petro, amubwira erhi: \v 9 Hanola hali musole muguma agwerhe migati irhanu ya ngano na nsamaki zibirhi; ci ebyo biligi bici kuli gunola mwandu gw'abantu?

06/10.txt

@@ -0,0 +1 @@
+\v 10 Yezu aderha erhi: mubadahaze. Ahantu haligi lubala lwinji. Banadamalaga, oku muganjo bali hofi bihumbi birhanu bya balume. \v 11 Yezu arhola emigati, ashenga, n'oku igabira balya balitamire; kwo n'okwo abaha n'ensamaki, nk'okubalicifinjire. \v 12 Erhi ba-ba bamayigurha, abwira entumwa zage, erhi mushondozagye ebihimbi bisigire, lyo harhagiba ebyahera.

06/13.txt

@@ -0,0 +1 @@
+\v 13 Banacibishondoza, n'okubumba ntanda ikumi na zibirhi z'ebyo bihimbi byasigalaga oku migati irhanu y'engano, enyuma ly'okuyigurha kw'olo lubaga. \v 14 Erhi abo bantu, babona ebisomerine Yezu akujijire, baderha erhi: Oyu okunali ali mulêbi wayisha omw'igulu. \v 15 Na Yesu, amanya oku balibayisha bamukuze lyo bamujire mwami, anacibarhenga mw'okw'eyo ntondo, Yenene.

06/16.txt

@@ -0,0 +1 @@
+\v 16 Erhi bici jinga, entumwa zage zanahonokera oku cikombo c'enyanja. \v 17 Erhi bakola bali omu burho, bayiciraga enyanja  kuyerekera Ekapernaumu. Bwalikola budufu, na Yezu arhali ci bashimana. \v 18 Empusi nnene yakagi hukiriza bwenene, n'enyanja yalimw'akadugundu.

06/19.txt

@@ -0,0 +1 @@
+\v 19 Enyuma ly'okulwikiriza lugero lwa makano makumi gabirhi na garhanu erhi makumi gasharhu, banacibona Yezu ayisha alambagira oku nyanya z'amishi anaja ayegera obwarho. Honaho baba n'ecoba. \v 20 Cikwone Yezu ababwira erhi: Niene; murhayobohe! \v 21 Balonza mpu bamuhire omu bwarho, na honaho obwarho bwahika ahantu bajaga.

06/22.txt

@@ -0,0 +1 @@
+\v 22 Olubaga lwalisigire ebundi burhambi bw'enyanja lwakengukwa oku bwarho buguma bwone bukola buliho, na Yezu arha shoneraga bwarho buguma n'entumwa zage,cikwone bali genzire bone. \v 23 Erhi buca, nk'oku agandi mashuwa gayishaga e Tiberiade hofi na halya baliraga emigati erhi Yezu amayishengera,

06/24.txt

@@ -0,0 +1 @@
+\v 24 abantu bamuli lulya lubaga, babona okuli Yezu oli entumwa zage barhali aho, bashonera bone muli ago mashuwa n'okuja e Kapernaumu ukuji lonza Yezu. \v 25 N'erhi bamubona ishiriza ly'enyanja, bamudosa erhi: Mwigiriza, manga-ci wajag'eno?