Sat Oct 19 2019 12:45:22 GMT-0700 (Pacific Daylight Time)

01/01.txt

@@ -0,0 +1 @@
+\c 1 \v 1 Kitab al awel al Ana katibu, Ya Saufilius, gi weri kulu hajat al Yesua bada amulu wa derisu, \v 2 lakadi fi yom al shilu uwu fuk, baat ma uwu wedi wasiya bewasat Roho al Kudus le talamis al uwu iktaru. \v 3 Baat taab tuo, uwu zahiru nefsa tuo hai le umun be isbatat al mugni. Le arbain yom uwu geni zahir le umun, wa wonusu an mulukut ta Allah.

01/04.txt

@@ -0,0 +1 @@
+\v 4 Zaman uwu kan bi limu ma umun, uwu wesi umun kede ma sibu Urshelim, lakin bi istena waad ta al Ab, al uwu wonusu anu, ``Itakum asuma min ana \v 5 inu Yohanna hagigatan amidu be moyo, lakin bi amidu itakum be Roho al Kudus baat ayom besit.``

01/06.txt

@@ -0,0 +1 @@
+\v 6 Zaman umun limu sawa umun asalu uwu, ``Rabana, hal de zaman al ita bi rija mamlaka le Israel?`` \v 7 Uwu kelim le umun, ``Ma le itakum ashan bi aruf azmina wa mawasim al al Ab hadidu be sultan tuo. \v 8 Lakin itakum bi akudu gowa, kan Roho al kudus nezil fugu itakum, wa itakum bi kun shuhudien tai fi Urshelim wa kulu Yahudia wa Samira, wa le akir wata.``

01/09.txt

@@ -0,0 +1 @@
+\v 9 Wekid Rabana Yesua kelim kalamat de, ze ma umun gi ayinu fuk, arfau uwu fuk, wa sihab kati uwu min Eyun ta umun. \v 10 Ze ma umun gi ayinu le samawat shedid ze ma uwu ruwa , sutfa, itnin rujal wegif safa umun be gumas abiyad. \v 11 Umun kelimu, Itakum ya Jeliliien, malu itakum gi wegif hini gi ayinu le sama? Yesua de al shilu min itakum le sama, bi rija be nefsu teriga ze ma itakum ayinu uwu gi ruwa le sama.``

01/12.txt

@@ -0,0 +1 @@
+\v 12 Baat kida umun rija le Urshelim min Jebel Zaitun, al uwu gerib le Urshelim, mushwar ta yom sebit. \v 13 Zaman umun wusul, umun ruwa fi gurfa al fuk, mahal al umun kan gi geni fugu. Umun kan Butrus, Yohanna, Yagub, Andraus, Philibus, Thoma, Bartilimaus, Matta, Yagub jena ta halfa, Samaan al gayur, wa Yahuza jena ta Yagub. \v 14 Umun kan mutwahidin, ze ma umun bi istemir fi salawat be nefs wahid. Ma nusuwan al ma umun, Mariam uma ta Yesua, wa akuana tuo.

01/15.txt

@@ -0,0 +1 @@
+\v 15 Fi ayom dak Buturus wegif fok fi nus ta akwana, kulu 120 nas, wa kelim, \v 16 Akwana, uwo kan mohim inu kede kamilu kitab, inu Roho al Kudus wonusu gabul kida be wasat kasma ta Daoud be kusus Yahuza, al gedimu delin al gubudu Yesua.

01/17.txt

@@ -0,0 +1 @@
+\v 17 Ashan uwu kan wahid min nina wa akudu nisba tuo ta kidima de.`` \v 18 (hasa zol de biu mahal zara ma maksab al uwu ligu min gurush ta sher, wa inak uwu waga be usa tuo, wa faga min nus, wa musuran tuo kulu dufugu bara. \v 19 Delin kulu al bi geni fi Urshelim asuma an kalam de, ashan kida umun nadi isim ta mahal zara de ``Akeldama, al mana tuo ``Mahal zara ta dom.``)

01/20.txt

@@ -0,0 +1 @@
+\v 20 Ashan katibu fi kitab ta Mazamir, 'Kede bed tou karabu, wa kede mafi zol geni fogo'; Kede zol tani shilu wazifa tuo ta giada.'

01/21.txt

@@ -0,0 +1 @@
+\v 21 Uwo dururi, ashan kida, de al geni dowuru ma nina kulu wekid al Rabana Yesua dakalu wa tala min nus ta nina, \v 22 bada min mamodia ta Yohanna lakadi fi yom al shilu uwo fok min nina, lazim uwo bikun shahid ma nina an giama tou.'' \v 23 Umon azilu itnin rujal,  Yusuf al gi nadi Barsaba, al lagab tou kaman Yustus, wa Matias.

01/24.txt

@@ -0,0 +1 @@
+\v 24 Umon seli wa kelim,'' Ita, Rabana, aruf gulub ta nas kulu, keli ita weri yatu min itnin del al ita iktaru \v 25 ashan bi shilu mahal fi kidma wa rasulia de al Yahuza sibu wa ruwa fi makan tou.'' \v 26 Umon jada gura le jama de, wa gura waga le Matias, wa idu uwo ma talamis al idasar.

01/title.txt

@@ -0,0 +1 @@
+As-hah 1

02/01.txt

@@ -0,0 +1 @@
+\c 2 \v 1 Zaman yom al kamsin ja, umon kan sawa fi nefsu mahal. \v 2 Fajatan sot ja min samawat ze habub shedid, wa mala bet al umon kan bi geni fogo de kulu. \v 3 Wa zahir le umon alsina ze nar al gesimu, wa geni fi ras ta kulu zol. \v 4 Umon kulu kan malau ma Roho al Kudus wa bada wonusu be lugat tanin, ze ma Roho wedi le umon ashan bi wonusu.

02/05.txt

@@ -0,0 +1 @@
+\v 5 Kan fi Yahudin al bi geni fi Urshelim, Nas ta din, min kulu daula tehet sama. \v 6 Zaman sot de asmau, Jumhur ketir ja sawa wa kan biga fi toswish ashan ayi zol asuma umun gi wonusu be luga tuo. \v 7 Umun kan mutajibin wa mustagrabin; umun kelim, ''Hagigatan, hal nas de al gi wunuso del ma Jelilien?

02/08.txt

@@ -0,0 +1 @@
+\v 10 \v 8 Malu nina bi asuma umun, ayi zol bi wunusu be luga tuo al weledu uwo fugu? \v 9 Barasien, wa Medenien, wa Ilamien, wa nas al bi geni bain Naharen,    wa Yahudia, wa Kabudukiya, fi Buntus, wa Asiya , safa Brigiya, wa Bamifiliya , wa Masir wa safa ta Libiya al be safa ta Gairauan, wa zawar min Rome,  \v 11 Yahudin wa nas al ja min bara, Keriyiun, wa Arab, nina gi asuma umun gi wunuso azaim ta Allah be lugat ta nina.''

02/12.txt

@@ -0,0 +1 @@
+\v 12 Umun kulu tala muhtarin wa mustagrabin; umun wunuso le madun, ''De mana tuo shunu?'' \v 13 Lakin tanin alisu wa wunuso, Umun sakranin.''

02/14.txt

@@ -0,0 +1 @@
+\v 14 Lakin Buturus wegif ma hidashar, arafa sout tuo, wa wunuso le umun , Ya rujal al Yahudin wa itakum kulu al bi geni fi Urshelim, kede kalam de kun maruf le itakum; kutu takum bala le kelimat tai. \v 15 Ashan nas de ma sakranin ze ma itakum bi fekir, lanu de lisa sa talata ta nahar ta alela.

02/16.txt

@@ -0,0 +1 @@
+\v 16 Lakin de haja al kan wunuso bewasat ta Nebi Yuiel; \v 17 Uwu bi hasil fi ayamat al akir, 'Allah kelimu, ' Ana bi kubu Roho tai le nas kulu. Awlad wa Banat takum bi itnaba, wa shabab takum bi ayinu ruyat, wa shiuk takum bi hilimu ahlam.

02/18.txt

@@ -0,0 +1 @@
+\v 18 Bardu le abeed tai wa abeed al nusuwan fi ayamat dat Ana bi kubu Roho tai, wa umun bi it-naba. \v 19 Ana bi weri ajaib fi sama min fuk wa mujizat fi wata tihid, dom, nar, wa bukhar ta dukhan.

02/20.txt

@@ -0,0 +1 @@
+\v 20 Shemis bi gairu le duluma wa gamara le dom, gubal yam ta Rabana al azim wa maruf bija. \v 21 Wa bikun inu ayi zol al bi nadi be isim ta Rabana bi kalisu.'

02/22.txt

@@ -0,0 +1 @@
+\v 22 Ya rujal al Israelin, asuma takum kelimat de: Yesua al Nasiri, Zol al akidu le itakum be Allah be Gowat wa Ajaib wa Mujizat al Allah amulu bewasat ta tuo fi nus takum, ze itakum ma badun takum arufu. \v 23 Rajil de kan selimu le itakum be Irada ta Allah wa marifa tuo min bediri; wa bewasat iden ta nas ta katiya itakum selibu wa katulu uwu. \v 24 Lakin Allah guomu uwu, hariru uwu min waja ta mutu, ashan uww kan mustehil ashan bi amsuku uwu be mutu.

02/25.txt

@@ -0,0 +1 @@
+\v 25 Ashan Dauod wunuso an uwu, ' Ana ayinu Rabana daimen gidam usa tai, ashan uwu fi yemin tai ashan ma bi hivu ana. \v 26 Ashan kida geliba ti kan murtah wa lisan tai farhan. Bardu, gisim tai bi kun fi sikha.

02/27.txt

@@ -0,0 +1 @@
+\v 28 Ashan itta ma sibu nefsa tai fi Hawiya, wele ita bi sibu kudus taki bi ayinu fasad. \v 27 Ita weri le ana sikat ta haya; ita bi kutu ana maliyan be farah ma usa taki.'

02/29.txt

@@ -0,0 +1 @@
+\v 29 Ikwa, Ana bi agder wunuso be sikha an Rais ta Abba Dauod: uwumutu wa dufunu uwu, wa gubur tuo fi ma inna lakadi yom a alela. \v 30 Ashan, kida uwu kan nebi wa arufu inu Allah halifu le uwu be gasam, inu uwu be wedi wahid min samar ta gisim tuo fi arsh ta tuo. \v 31 Uwu ayinu min bediri wa wunuso an giyama ta Messih, 'Uwu ma kan sibu fi Hawiya, wele gisim tuo ayinu fasad.'

02/32.txt

@@ -0,0 +1 @@
+\v 32 Yesua de Allah Guwumu uwu, wa inna kulu shuhud. \v 33 Ze ma Arafu uwu fuk fi yemin ta Allahwa akudu waad ta Roho al Kudus min al Ab, uwu kubu de, al itakum gi ayinu wa gi asuma.

02/34.txt

@@ -0,0 +1 @@
+\v 34 Lanu Dauod ma ruwa fi samawat, lakin uwu kelim 'Rabuna wunuso le Rabuna tai, ''Geni safa Ida tai al yemin, \v 35 lakadi Ana bi kutu adu taki mahal ta dusu kura taki,'' \v 36 Ashan kida, kede bate ta Israel kulu arufu inu Allah  amulu uwu Rabana wa Messih, Yesua de al itakum selibu.''

02/37.txt

@@ -0,0 +1 @@
+\v 37 Zaman umun asuma kalam de, atanu umun fi gulub tumun, wa asalu Buturus wa bagi Rusul, ''Ikewa, kede inna amulu shunu? \v 38 Baad kida Buturus kelim le umun, ''Tuob takum wa kede amido ayi zol min itakum be isim ta Yesua al Messih le gufran ta kataya takum, wa itakum be ligu hadia ta Roho al Kudus. \v 39 Lanu waad de le itakum wa le Eyal takum wa le delin al min baid, le nas ketirin ze ma Allah bi nadi.''

02/40.txt

@@ -0,0 +1 @@
+\v 40 Be kelimat tanin ketir uwu shahidu wa bi beshiru umun; uwu kelim, ''Kalisu nufus takum min Jil al sherir de.'' \v 41 Baad kida umu rudu kalam tuo wa amidu umun, wa nas al dumu fi yom dak kan Talat Alif nefs. \v 42 Umun istemir fi talim ta Rusul wa sherika, fi kasuru ta aesh wa salawat.

02/43.txt

@@ -0,0 +1 @@
+\v 43 Kuf takau fi kulu nefs, wa Ajaieb wa Ayat kan hasil bewasat Rusul. \v 44 Wa delin kulu al amin kan sawa wa kulu  hajad tumun kan umun bi sharika, \v 45 wa umun tebiyu mumtalakat wa amlak tumun wa wazau le kulu nas, be hasab ihtiyaj ta ayi zol.

02/46.txt

@@ -0,0 +1 @@
+\v 46 Yom baad yom umun istemir be hadaf wahid fi haikal, wa umun kasuru agubz fi buyut, wa umun shariku akil be farah wa dawadu ta geliba; \v 47 umun sabihu Allah wa ligu naima ma nas kulu. Kulu yom Rabana bi zidu fi adad tumun delin al kalisu.

02/title.txt

@@ -0,0 +1 @@
+As-hah 2

03/01.txt

@@ -0,0 +1 @@
+\c 3 \v 1 Hasa Buturus wa Yuhanna kan gi ruwa le Haikal fi Saa ta salawat, saa tisa. \v 2 Kan fi zol mushlul min batna ta uma tuo kan gi jibu uwu kulu yom fi bab al Jemilta Haikal, ashan uwu bi asadu nas al bi dakalu juwa Haikal asahn bi wedi le uwu gurush. \v 3 Zaman uwu ayinu Buturus wa Yuhanna bi dakalu jua Kenisa, uwu asalu umun gurush.

03/04.txt

@@ -0,0 +1 @@
+\v 4 Buturus, rekis ena tou le uwo, ma Yuhana,wa kelim, '' Ainu le anina .'' \v 5 Zol al abu kereng de ainu le umon, fekir gali uwo bi ligo haja min umon. \v 6 Lakin Buturus kelim, '' Fida wa Dahab ana ma indu, lakin haja al ana endu, ana bi wedi le inta .Fi isim ta Yesua al mesih  al Nasiri, dowuru.''

03/07.txt

@@ -0,0 +1 @@
+\v 7 Gobudu uwo ma ida al yomin, Buturus arfa uwo fok, wa tawali kura ta zol de biga gowi. \v 8 Zol al moshlol de nutu fok wa wegif wa bada douru; wa uwo dakalu ma Buturus wa Yuhana jua Kenisa, bi douru, bi nutu nutu, wa bi sabihu Allah.

03/09.txt

@@ -0,0 +1 @@
+\v 9 Nas kulu ainu uwo gi douru wa gi sabhiu Allah. \v 10 Umon lahisu inu de Zol al kan gi asadu gurus fi al Jemil ta kenisa; umon kan mala be istigrab wa taajub ashan haja al hasil le uwo.

03/11.txt

@@ -0,0 +1 @@
+\v 11 Ze ma uwo lisa bi douru wara Buturus wa Yuhana, nas kulu jere sawa le umon fi sikat al sukerin ta Siliman, umon mustagrabin kalis. \v 12 Zaman Buturus ainu kalam de, uwo juabu nas de, ''Itakun ya nas ta Israel, malu itakum bi istagrab? Malu itakum gi rekis enat takun fogo inna , ze kaanu inna sebu uwo douru be guwa wele Tagua ta nina?

03/13.txt

@@ -0,0 +1 @@
+\v 13 Allah ta Ibrahim, wa ta Ishag, wa ta Yakub, Allah ta abuhat ta nina, mejidu kadam bitou Yesu. Uwo yau al itakum  selimu wa aba fi gidam ta Bilatos, ligo uwo kariru ashan bi fiku Yesua. \v 14 Itakum aba al kudus wa al bar al wahid, wa itakum asalu bel aks le al katil ashan bi fiko le itakum.

03/15.txt

@@ -0,0 +1 @@
+\v 15 Itakum katulu sidi haya, al Allah gowomu min al mutu-wa nina shuhud fi kalam de. \v 16 Hasa, be iman fi isim tou-rajil de al itakum bi ainu wa aruf-nefsa isim kutu uwo tala gowi. Iman al be wasat Yesua wedi le uwo saha kamil fi gidm takum kulu.

03/17.txt

@@ -0,0 +1 @@
+\v 17 Hasa, ya ikewa, ana aruf itakum amulu kalam de be jahala, ze ma ruasa takum kaman \v 18 amulu. Lakin hajat al Allah weri min bediri be wasat ta ambiya kulu, inu Messih ta tuo bi ligu taab, uwu hasa nafisu.

03/19.txt

@@ -0,0 +1 @@
+\v 19 Tub takum, wa rija takum, ashan kataya takum bi masao bara, ashan zaman ta raha bi ja min gidam ta Rabana; \v 20 wa inu uwo bi rasulu al Messih al iktaru le itakum, Yesua.

03/21.txt

@@ -0,0 +1 @@
+\v 21 Uwo yau lazim samawat bi akudu lakadi fi zaman ta isterija ta hajat kulu, al Allah wunuso anu min bediri be wasat ta kasma ta ambiya tuo al mukadasin. \v 22 Musa hagigatan wunuso, 'Rabana Allah bi guomu nebi ze ana min nus ta akuana takum. Itakum bi asuma le ayi haja al uwu be wunuso le itakum. \v 23 Wa bi hasil inu ayi zol al ma bi asuma nebi de bi demru uwo ta kulu kulu min nus ta nas.'

03/24.txt

@@ -0,0 +1 @@
+\v 24 Naam, wa kulu ambiya min Samuel wa delin al ja wara tuo, umun wunuso bara wa alino ayamad del. \v 25 Itakum Eyal ta ambiya wa min ahad al Allah amulu ma abuhat takum, ze ma uwu kelim le Abrahim, Fi nesli taki kulu Usar ta dunia bi kun mubarak.' \v 26 Baat ma Allah guomu kadam tuo, uwu rasul uwu le itakum awel, ashan bi bariku itakum be wasat ta rija ayi zol min itakum min sher takum.''

03/title.txt

@@ -0,0 +1 @@
+As-hah 3

04/01.txt

@@ -0,0 +1 @@
+\c 4 \v 1 Ze Buturus wa Yuhana kan gi wunuso le nas, kahana wa gaid ta asakir ta Kenisa Sadukin ja le umun. \v 2 Umun kan ma Murtahin ashan Buturus wa Yuhana kan gi derisu nas wa bi beshiru fi Yesua be giyama ta amuat. \v 3 Umun gubudu umun wa kutu umun fi sigin lakadi saba, ashan zaman dat kan asiya. \v 4 Lakin ketirin min nas al asuma risala de amin; wa adatta nas al amin kan tegriben kamsa alif.

04/05.txt

@@ -0,0 +1 @@
+\v 5 Wa hasil fi yam al tani inu hukam tumun, shiyuk wa kataba limu sawa fi Urshelim. \v 6 Hannan al kahin kan fi hinak, wa Giyafa, wa Yuhana, wa Alexander, awa kulu delin al kan ahal ta kahin al kebir. \v 7 Zaman umun jibu Buturus wa Yuhana fi nus tumun, umun asalu umun, ''Be yatu gowa, wele yatu isim, itakum amulu de?''

04/08.txt

@@ -0,0 +1 @@
+\v 8 Twali Buturus, mala be Roho al Kudus, uwu wunuso le umun, ''Itakum hukam ta nas, wa shiuk, \v 9 kan yom de biga bi asalu be kusus haja kues amulu le zol al ayan - be yatu teriga al zol de tala kues? \v 10 Kede kalam de kun maruf le itakum wa le nas ta Israel kulu, inu be isim ta Yesua al Messih al Nasiri, al itakum selibu, Allah guomu min mutu- yau be isim tuo rajil de wegif hini be saha kues gidam takum.

04/11.txt

@@ -0,0 +1 @@
+\v 11 Yesua al Messih yau hajer al itakum ze banien alisu lakin uwu yau biga hajer al zawiya. \v 12 Mafi kulsa fi ayi zol tani, ashan mafi isim tani tehid sama al wedi le nas al inna bi ageder ligu kulasa be wasat tuo.''

04/13.txt

@@ -0,0 +1 @@
+\v 13 Zaman umun ayinu le shuja ta Buturus ma Yuhana, umun lahisu inu umun  kan nas adien, rujal ma mutaalimin, umun istagrab, umun ja aruf inu Buturus wa Yuhana kan ma Yesua. \v 14 Ashan umun ayinu rajil al aliju de gi wegif ma umun, umun ma indu ayi haja did kalam de.

04/15.txt

@@ -0,0 +1 @@
+\v 15 Lakin baat ma umun wedi awamir le rusul ashan kede sibu ijtima ta mejeles, umun wunuso ma badon tumun. \v 16 Umnu kelim, '' Inna bi amulu shunu le nas de? Ashan de hagiga inu mujiza al wadih amulu be wasat tumun maruf le ayi zol al ge geni fi Urshelim; Inna ma bi agder anguru. \v 17 Lakin ashan ma bi wazau ketir fi nus ta nas, kede inna anziru umun kede ma wunuso le ayi zol be isim de.'' \v 18 Umun nadi Buturus wa Yuhana wa hadidu umun kede ma wunuso ta kulu kulu wele derisube isim ta Yesua.

04/19.txt

@@ -0,0 +1 @@
+\v 19 Lakin Buturus wa Yuhana juwabu wa kelim le umun, ''Kan de hagiga fi Ena ta Allah ashan bi tii itakum aktar min uwu, kede itakum hajinu. \v 20 Inna ma bi ageder wegifu wunuso an hajat al inna ayinu wa asuma.''

04/21.txt

@@ -0,0 +1 @@
+\v 21 Baat ma umun hadidu Buturus wa Yuhana, umun sibu umun ruwa. Umun kan ma ageder ligu ayi uzur ashan be wedi le umun uguba, ashan nas kulu kan bi sabihu Allah le haja al amulu. \v 22 Rajil al iktebir mujiza ta shifa umur tuo kan aktar min arbain sena.

04/23.txt

@@ -0,0 +1 @@
+\v 23 Zaman fiku umun hur, Buturs wa Yuhana ja le nas tumun wa weri kulu hajat al rais ta kahana wa shiuk kelim le umun. \v 24 Wekid umun asuma kalam de, umun arfa sout tumun saw le Allah wa kelim, ''Rabana, Ita kalagu samawat wa arth wa bahar, wa kulu hajat al fugu. \v 25 Ita wunuso be Roho al Kudus be wasat ta kasma ta kadam taki, abu ta nina Daoud, 'Le Umamin kafu, wa nas fekir fi hajat al ma indu faida?'

04/26.txt

@@ -0,0 +1 @@
+\v 26 Ita kelim, 'Muluk ta arth limu badum sawa, wa ruasa limu sawa did Rabana, wa Messih tuo.'

04/27.txt

@@ -0,0 +1 @@
+\v 27 Hagigaten, Hirudus wa Bilatus al bunty, sawa ma umamin wa nas ta Israel, limu sawa fi medina did Kadam taki al Kudus Yesua, al ita masaua. \v 28 Umun limu sawa ashan bi amulu kulu haja al iden wa kuta taki kariru min bediri ashan bi hasil.

04/29.txt

@@ -0,0 +1 @@
+\v 29 Hasa, ya Rabana, ayinu le tahdidat tumun wa wedi le kudam taki ashan bi wunuso kalam taki be shuja. \v 30 Midu Ida taki le shifa, wa kede ajaib wa mijizat hasil be isim ta kadam taki al mukadas Yesua.'' \v 31 Zaman umun kalasu salawat, makan al umun kan limu sawa fugu hizu, wa umun kulu mala be Roho al Kudus wa umun wunuso kalam ta Allah be shuja.

04/32.txt

@@ -0,0 +1 @@
+\v 32 Adat kebir ta nas al amin kan indu geliba wahid wa nefsa wahid. Mafi zol al bi kelim inu ayi haj al uwu indu de ta tuo baraw, lakin umun kan bi shariku kulu haja. \v 33 Be gowa azim rusul kan bi alinu shihada tumun an giyama ta Rabana Yesua, wa naima azim kan le umun kulu.

04/34.txt

@@ -0,0 +1 @@
+\v 34 Mafi zol al fi nus tumun kan muhtaj ayi haja, ashan kulu delin al indu biyut wa mahal  zira umun tebiyu umu  wa jubu gurush ta hajat al kan tebiyu \v 35 wa kutu gidam ta kura ta rusul wa kan gesimu le kulu zol be hasab ihtiyaj tumun.

04/36.txt

@@ -0,0 +1 @@
+\v 36 Yusuf, al Lawi, zol min Gubrus al rusul gi nadi isim tuo Barnaba (al mana tuo Ibni al waz), \v 37 tebiyu wata tuo wa jibu gurush wa kutu gidam kura ta rusul.

04/title.txt

@@ -0,0 +1 @@
+As-hah 4

05/01.txt

@@ -0,0 +1 @@
+\c 5 \v 1 Hasa fi rajil isim tuo Hanania, ma mara tuo Safira, umun tebiyu gita min mumtalakat tumun, wa \v 2 uwu nagisu juzu mi gurush al tebiyu ma uwu (mara tuo kaman arufu kalam de), wa jibu juzu ta gurush wa kutu gidam kura ta rusul.

05/03.txt

@@ -0,0 +1 @@
+\v 3 Lakin Buturus kelim, ''Hanania, malu shitan mala geliba taki ashan kidibu le Roho al Kudus wa nagisu juzu min ser ta wata? \v 4 Zaman kan lisa ma tebiyu de, uwu kan ma taki, wa baat ma tebiyu, ma kan fi fi saitara taki? Kef ita fekir be haja de fi geliba taki? Ita ma kidibu le insan lakin le Allah' \v 5 Zaman uwu asuma kelimat de, Hanania wa ga tehet wa nefes akir nefes tuo, wa kuof dakalu fi kulu nas al asuma. \v 6 Shabab ja wa lifu uwu be gumash wa arfa uwu bara wa dufuno uwu.

05/07.txt

@@ -0,0 +1 @@
+\v 7 Tegriben baat talata saat, mara tuo ja joua, ma arufu shunu hasil. \v 8 Buturus kelim le hiya, ''Weri le Ana kan itakun tebiyu wata de be taman de.'' Hiya wunuso, Ayi, be taman de.''

05/09.txt

@@ -0,0 +1 @@
+\v 9 Buturus kelim le hiya, ''Kef itakum tifagu sawa ashan bi jeribu Roho ta Rabana? Ayinu kuren ta nas al dufunu rajil taki yau de fi bab, wa umun bi arfa ita bara. \v 10 Tuwali uwu waga gidam kura ta Buturus wa nefes akir nefes tuo. Shabab de dakalu jua, umun ligu hiya mait, wa arafa uwu bara wa dofunu hiya jambu rajil tuo. \v 11 Kuf azim dakalu fi kenisa kulu, wa le kulu nas al asuma hajat de.

05/12.txt

@@ -0,0 +1 @@
+\v 12 Ayat wa mujizat ketir hasil fi nus ta nas bewasat iden ta Rusul. Umun kan kulu sawa fi Haikal ta Siliman. \v 13 Lakin mafi zol tani indu shuja ashan bi duom le umun; lakin kan gi azimu umun ma shaab.

05/14.txt

@@ -0,0 +1 @@
+\v 14 Wa mumminin ketir kan bi duom le Rabana, wa jamahir min rujal wa nuswan, \v 15 hata umun kan bi arfa nas al ayaneen fi sarayir wa feresh tumun, ashan kan Buturus gi mururu, dul tuo bi lemesu bat min umun. \v 16 Wa nas ketir bardu ja sawa min mudun al haul Urshelim, nas al ayaneen wa delin al indu roho al batal kan aliju.

05/17.txt

@@ -0,0 +1 @@
+\v 17 Wa raise ta Kahana wa kulu nas al ma uwu, gum fuk (al umun ya mujumu ta Sadukien); wa umun mala be Gira \v 18 wa midu ida le Rusul, wa kutu umun fi sigin al Aam.

05/19.txt

@@ -0,0 +1 @@
+\v 19 Lakin be bilel Malaika ta Rabana fataabwab ta sigin wa tala umun bara, wa kelim, \v 20 ''Ruwa takum, wegif takum fi Kenisa wa wunuso takum le nas kulu kelimat ta haya de.'' \v 21 Zaman umun asuam kalam de, umun dakalu jua Kenisa gerib le nahar wa alimu. Lakin raise ta Kahana ja, ma nas al kan ma uwu, nadi majma ta kulu shiuk ta Israel sawa, wa rasul nas fi sigin kede rua jibu Rusul.

05/22.txt

@@ -0,0 +1 @@
+\v 22 Lakin jesh al ruwa ma ligu umun fi sigin, wa umun rija wa weri kabara, \v 23 ''Inna ligu sigin kufulu tamam wa huras wagifin fi bab, lakin zaman inna fata bab, inna ma ligu zol jua.''

05/24.txt

@@ -0,0 +1 @@
+\v 24 Zaman Musuol ta jesh ta Kenisa ma raise ta Kahana asuma kelimat de, umun kan kafu shedid bekusus tumun wa lw haja al bi hasil. \v 25 Wa zol tani ja wa weri le umun, ''Rujal al itakum kutu fi sigin umun wagifin fi Kenisa wa bi derisu nas.''

05/26.txt

@@ -0,0 +1 @@
+\v 26 Baat kida Musuol ta jesh rua ma junud, wa rija umun wara, lakin bidun unf, ashan umun kafu nas mumkin jada umun be hujar. \v 27 Zaman umun jibu umun kutu umun gidam ta majma. Raise ta kahana haggigu ma umun, \v 28 kelim, ''Inna weri le itakum kede itakum ma derisu be isim de, lakin, itakum mala Urshelim ma talim takum, wa der jibu dum ta zol fi ras ta inna.''

05/29.txt

@@ -0,0 +1 @@
+\v 29 Lakin Buturus wa rusul juabu, ''Inna lazim bi tii Allah aktar min nas. \v 30 Illah ta abuhat ta nina guomu Yesua, al itakum katulu be aligu tuo fi kashab. \v 31 Allah Arfa uwu le yemin tuo ashan bi kun raise wa mukalis, ashan bi wedi tuoba le Israel, wa gufran ta kataya. \v 32 Inna shuhud ta hajat de, wa Roho al Kudus, al Allah wedi le delin al bi tii uwu.''

05/33.txt

@@ -0,0 +1 @@
+\v 33 Zaman ada ta mejeles asuma kalam de, umun zalan wa der katulu Rusul. \v 34 Lakin ferisi isim tuo Gamaliel, mualim ta namus, al kan bi ihtaramu be nas kulu, wegif fuk wa wedi awamir kede shilu rusul bara le zaman besit,

05/35.txt

@@ -0,0 +1 @@
+\v 35 Wa uwu kelim le umun, Rujal ta Israel, kutu takum bala kues le haja al itakum der amulu ma nas de. \v 36 Ashan gubal kida, Sudas gum fuk wa zahiru badun, wa adad min rujal, ze urbumiya nadar, duom le uwu. Kan katulu uwu, wa kulu delin al kan bi tii uwu fertek wa ma wusul le haja. \v 37 Baat rajil de, Yahuza al min Jelil zahir fi ayamat ta sejilu nas, wa juru bad min nas wara tuo. Uwu brdu mutu, wa kulu delin al kan bi tii uwu fertek.

05/38.txt

@@ -0,0 +1 @@
+\v 38 Hasa Ana bi kelim le itakum, wasa takum min nas de wa sibu takum umun  baraw, ashan kan kuta wa shukul de min nas, bi fashil. \v 39 Lakin kan min Allah, itakum ma bi agder bi gilibu umun; wa itakum bi ligu nufus takum bi shakila did Allah.'' Umun iktene.

05/40.txt

@@ -0,0 +1 @@
+\v 40 Baat kida umun nadi Rusul jua wa jeledu umun wa amiru umun kede ma wunuso be isim ta Yesua, wa sibu umun ruwa. \v 41 Umun tala min majma farhanin inu hasibu umun mustahigin ashan bi ligu taab fi sism tuo. \v 42 Wa umun kan bi istemir kulu yom, fi Kenisa, bait le bait, umun kan be istimrar bi derisu wa beshiru be Yesua al Messih.

05/title.txt

@@ -0,0 +1 @@
+As-hah 5

06/01.txt

@@ -0,0 +1 @@
+\c 6 \v 1 Hasa fi ayamat de, zaman adat ta dalamis kan gi zidu, shukua ja min Yunanin al Yahudin did Ibraneen, ashan aramil tumun biga bi ferigu fi tuzi ta akil ta kulu yom.

06/02.txt

@@ -0,0 +1 @@
+\v 2 Talamiz al itnashar nadi jumhur ta talamiz wa wunuso, ''Uwu ma sah ashan inna bi sibu kelima ta Allah ashan bi amulu kidima ta tuzi. \v 3 Ashan kida itakum ya bi iktar, Ikeua, saba Rujal min nus takum, nas al indu suma kues, maliyan be Roho wa Hikema, al inna bi agder wedi le umun shkul de. \v 4 Kan le inna, Inna diaman bi istemir fi salawat wa fi kidima ta kelima.''

06/05.txt

@@ -0,0 +1 @@
+\v 5 Kalam tumun ajibu jumhur kulu. Umun iktar Istifanus, rajil malian be iman wa be Roho al Kudus, wa Filib, Burukurus, Nikanur, Timon, Berminayus, wa Nikulaus al ja min Antakiya. \v 6 Muminin jibu rujal de gidam ta rusul, al seli wa kutu iden tumun fi ras tumun.

06/07.txt

@@ -0,0 +1 @@
+\v 7 Kalam ta Allah istemir rua gidam(setetu), wa adad ta talamis fi Urshelim zidu ketir, wa adad kebir min Kahana bega bi tii iman.

06/08.txt

@@ -0,0 +1 @@
+\v 8 Hasa Istafanus, malian be naima wa gowa, kan bi amulu ajaib wa mujizat ketir fi nus ta nas. \v 9 Lakin baad min nas al tabiin le majma al gi nadi majma ta Ahrar, min al Gairawanin wa al Iskandarin, wa tanin min Kilikiya wa Asia. Nas de kan gi nakish ma Istifanus.

06/10.txt

@@ -0,0 +1 @@
+\v 10 Lakin umun kan ma gaderin ashan wegif did Hikima wa Roho al kan Istifanus bi wunuso be uwu. \v 11 Baat kida umun wedi rushuwa le baad min rujal ashan bi kelim, ''Inna asuma Istifanus wunuso kelimat ta tejdif did ta Musa wa did Allah.''

06/12.txt

@@ -0,0 +1 @@
+\v 12 Umon towru nas , shiuk, wa kataba, wa umon wajihu Stifanus wa amsuku uwo wa jibu uwo gidam ta mejles. \v 13 Umon jibu shuhud kadabin, al kelimu, ''Zol de ma gi wagif wunuso kelimat dit makan al mukadas de wa namus. \v 14 Ashan nina asma uwo kelim inu Yesua al Nasiri de bi demiru mahal de wa geru tagalit al Musa istelimu le nina.'' \v 15 Kulu zol al kan fi mejles rekis uyon tumun fogo uwo wa ainu usa tou ze usa ta malaika.

06/title.txt

@@ -0,0 +1 @@
+As-hah 6

07/01.txt

@@ -0,0 +1 @@
+\c 7 \v 1 Rais al kahana kelim,'' Hal hajat delin sah?'' \v 2 Stifanus kelim, ''Akwana wa abuhat, asma takum le ana: Illah ta mejid zahir le abu ta nina Ibrahim zaman uwo fi Mesopotamia ) bein naharen), gubal uwo ma geni fi Haran, \v 3 Uwo kelim le uwo, 'sebu beled taki wa ahal taki, rua le beled al ana bi weri le ita.'

07/04.txt

@@ -0,0 +1 @@
+\v 4 Yala uwo sibu beled ta kaldanin wa geni fi Haran; min hinak, bat abu tou mutu, Allah jibu uwo le mahal de, ali itakum bi geni fogo hasa. \v 5 Uwo ma wedi ayi werisa le uwu, hata ma kan kifaya ashan bi dusu kura tuo fugu wata de. Lakin Uwu waidu- ragmi inu Ibrahim ma indu jena lisa - inu uwu bi wedi al ard ze melik le uwu wa le jil ta tuo baat uwu.

07/06.txt

@@ -0,0 +1 @@
+\v 6 Allah kan gi wonusu zede le uwo, gali agial tou bi geni awel fi beled al ma tomon, wa  gali nas al bi geni  inak de bi jibo umon le abodia wa b amolo umon batal le fetra ta urbomia senawat. \v 7 Lakin Ana bi hukumo uma al umon geni kadimo,' Allah kelim, ' wa bat da umon bi ja wa abidu ana fi makan de. \v 8 Yela Allah wedi le Ibrahim al a-hat ta tethir, kida Ibrahim biga ja kun abu ta Ishak wa tahiru uwo fi yom nimra tamania; Ishak biga abu ta Yagub,  wa Yagub yau abu ta itnasar judud.

07/09.txt

@@ -0,0 +1 @@
+\v 9 Ashan judud del kan gayurin ma Yuosif, umon biu uwo le Masirin; lakin Allah kan ma uwo \v 10 wa ankisu uwo min masakil kulu. Uwo wedi le Yuosif neima wa hikma fi gidam ta Faraon, melik ta Masir, al aino uwo hakim le Masir wa le bed tou kulu.

07/11.txt

@@ -0,0 +1 @@
+\v 11 Inak kan ja jian fi Masir wa Kanan kulu, wa tab kebir, wa abuhat tanina ma bi agder ligo akil. \v 12 Lakin zaman Yagoub asma gali fi dura fi Masir, uwo rasulu abuhat tanina le awel mamoria tomon. Fi \v 13 mamoria tomon nimra itin Yousif arifu nefsa tou le akwana tou, wa usra ta Yousif biga maruf le Faraon.

07/14.txt

@@ -0,0 +1 @@
+\v 14 Yuosif rasulu akwana tou wara wa kede weri le abu tou Yagub kede ja fi Masir, ma kulu usra tou, kamsa wa sebein nafar kulu. \v 15 De yau kef Yagub rua fi Masir, wa uwo mat, uwo wa abuhat tanina. \v 16 Umon arfao min inak le Shekhim wa dofunu fi turuba al Ibrahim kan biu ma taman min fida min iyal ta Hamor fi Shekhem.

07/17.txt

@@ -0,0 +1,2 @@
+\v 19 \ Zema zaman ta wad wosulu, wad ta
+Allah al amulu le Ibrahim, nas raba wa zidu fi Masir, \v 17 lahadi  melik tani ja fi Masir, melik al ma bi aruf an Yousif. \v 18 De yau nefsu melik al kabasu nas ta nina wa amulu abuhat tanina batal shedid, umon kan asuru abuhat tanina ashan bi beynu iyal tomon al sukerin le kutura, kida umon ma agder hafisu iyal de hayi.

07/20.txt

@@ -0,0 +1 @@
+\v 20 Fi zaman dak Musa kan weledu; uwo kan giafa kalis gidam ta Allah wa kan radau le fetra ta talata sahar fi bed ta abu tou. \v 21 Wekid kan kutu uwo bara min bed, binia ta Faraon gum shelu wa rabau ze jena ta hia fi bed tomon.

07/22.txt

@@ -0,0 +1 @@
+\v 22 Musa kan biga mutu-alim fi kulu hikma ta Masirin, wa uwo kan azim fi kilimat wa sokolat tou. \v 23 Lakin zaman uwo kan biga arbein sens fi umur, ja fi gelba tou ta ziara le akuwana tou, al iyal ta Israil. \v 24 Zaman uwo ainu wahid min Israil bi amulu batal, Musa gum difau uwo wa intagimu zol al gi azibu ma dak le Masiri: \v 25 uwo fekir gali akuwana tou bi fahim gali Allah be was at iden tou kan gi ankisu umon, lakin umon ma agder fahim.

07/26.txt

@@ -0,0 +1 @@
+\v 26 Fi yom tani uwo ja le Israilin tanin al bi kore kore ma bat; uwo hawil ashan bi jibu salam fi nus tomon; uwo kelim, ' ya Rujal, itakum akwana; malu itakum bi awugu badun takum?' \v 27 Lakin zol al amulu haja batal le aku tou de lizu uwo bara, wa kelim, ' munu yau amulu ita hakim wa gadi fok nina? \v 28 Ita kaman der katulu ana, ze ma ita katulu zol ta masir umbari?

07/29.txt

@@ -0,0 +1 @@
+\v 29 Musa jere bara bat asma kalam de; uwo biga ajnebi fi beled ta Midian, inak uwo biga abu ta itiniin awulad. \v 30 Bat arbein sena, malaika zahir le uwo fi gabat ta Jebel Sinaa, fi lehib ta nar fi ges.

07/31.txt

@@ -0,0 +1 @@
+\v 31 Zaman Musa ayinu le nar, uwo istagarab le haja al uwo ayinu de; wa ze ma uwo gi midu ashan bi ayinu fogo, inak ja sot ta Rabana, kelim, \v 32 Ana yau Allah ta abuhat takum, Allah ta Ibrahim, wa ta Ishak, wa ta Yagoub.' Musa biga bi rogus wa ma bi agder ashan bi ayinu fogo.

07/33.txt

@@ -0,0 +1 @@
+\v 33 Rabana kelim le uwo, ' Agila gisma bara min kurein taki, lianu mahal al ita bi wagif fogo de mukadas. \v 34 Ana hagiga ayinu tab ta nas tayi al fi Masir; Ana asma kore tomon, wa ana ja tehet le inkas tomon; has taal, Ana bi rasulu ita le Masir.'

07/35.txt

@@ -0,0 +1 @@
+\v 35 De yau Musa al umon aba, zaman umon kelim, ' munu yau kutu ita hakim wa gadi?'- uwo yau al Allah rasulu ze kulu min hakim wa muharir. Allah rasulu uwo be iden ta malalika al zahir le Musa fi gaba. \v 36 Musa tala umon bara min Masir, bat amulu mojizat wa alamat fi Masir wa Bahar al ahmar, wa fi al sahara fetera ta arbein sena. \v 37 De yau nefsu Musa al kelim le nas ta Israil,' Allah bi arfa nebi fok min nus takom akuwana, nebi ze ana.'

07/38.txt

@@ -0,0 +1 @@
+\v 38 De yau zol al kan fi intima fi sahara ma malaika al kan wonusu ma uwo fok Jebel Sina. De yau zol al kan ma abuhat ta nina; de yau zol al akudu kelimat al hai al wedi le nina. \v 39 De yau zol al abuhat ta nina aba yi tii; umon lizu uwo bara min nefsa tomon, wa fi gelba  tomon umon gilibu wara le Masir. \v 40 Fi zaman dak umon kelim le Haron, 'Salau le nina rabana al bi gedimu nina. Ze le Musa de, uwo al tala nina bara min al ard ta Masir, nina ma bi aruf sunu al hasal le uwo.'

07/41.txt

@@ -0,0 +1 @@
+\v 41 De yau kef umon salau sanam min sura ta bagar fi ayam dak wa jibu zebiha le sanam de, wa biga farhanin ashan sokol ta iden tomon. \v 42 Lakin Allah gilibu wa wedi umon le ibada ta nujum fi sama, ze ma moktub fi kitab ta ambia, ' hal itakum gedimu le ana haiwan wa debiha le arbein sena fi al sahara, ya bed Israil?

07/43.txt

@@ -0,0 +1 @@
+\v 43 Itakum gabilu tabut ta Molek wa ta nijma ta rabana Rephan, wa suwar al itakum salau ashan bi abidu umon: wa Ana bi arfa itakum bara lakadi Babilon.'