ndg_reg/60-JAS.usfm

\id JAS
\ide UTF-8
\h Araka Ba Yakobo
\toc1 Araka Ba Yakobo
\toc2 Araka Ba Yakobo
\toc3 jas
\mt Araka Ba Yakobo
\c 1
\cl Isura 1
\p
\v 1 Yakobo mmanda ba Nnongo na Ngwana witu Yesu Kristu, kwa makabila komi na ibele gagatawanyike, salaam.
\v 2 Mubalange kwamba pulaika muno, alongo bango mwanakamupeta mumatatizo ga kila aina.
\v 3 Mutange panga ipalilwa imani yinu ipalae pumiliya.
\v 4 Muleke pumilia ili mwikamilishe kasi yake, ili muweze komala kikamilipu, bila pungukiwa ni loloti.
\v 5 Lelo mana mundu kati yinu apala hekima ailobe kuoma kwa Nnongo, ywembe piya kwa wakati na bila benda kwa boti babannoba, na apala kwapeya kwa hekima.
\v 6 Lakini mulobe kwa imani, bila shaka, kwa mana ywembe ywabile ni shaka ni kati mawimbi mubahari, tolelwa na upepo notaikuilwa kuno ni kuno.
\v 7 Kwa hakika mundu ywoo kana aweze panga apala pokelelwa likowe lyake mboka kwa Ngwana;
\v 8 Mundu yoo ai'na nia ibele, imara kwaa mundela yake yoti.
\v 9 Mwalongo maskini apalikwa kwipuna kwa yima kwake kunani,
\v 10 Muda wowo mwalongo tajiri kwo nyenyekea kwake, kwa mana alwambokeka kati liloba lya mmende lya mung'unda mwapetaa.
\v 11 Lisoba lilwapita na lyoto liyotinia yumea michee, na lisoba tomboka na goloka kwake waha. Nganyonyo bandu matajiri bapilya muliyengo lyabe.
\v 12 Atibarikiwa mundu yolo ywapumilia majaribu, na mwana baada ya shinda jaribu lee, apala pokya taji ya ukoto, yaibile itiahidiwa kwa balo babampindile Nnongo.
\v 13 Mundu ywoywoti apalikwa kwaa baya paajaribiwa, "Jaribu leni liboka kwa Nnongo," kwa mana Nnongo ajaribiwa kwaa na ubou, na Nnongo mwene amjaribu kwaa yeyoti.
\v 14 Kila mundu ujaribiwa na tamaa yake mbaya yaimshawishi na kummuta kunanipa.
\v 15 Baada ya sambi potwa ndumbo sambi loelekwa, na yolo sambi komala muno muno, yomokya kwake ni kiwo.
\v 16 Mwalongo bango mwapendwa, kana mukongelwe.
\v 17 Kila zawadi inoyite na kila zawadi yabile kamilifu iboka kunani, iuluka pae kuoma kwa Tate ba nuru, Habadilika kwaa kamwe kati kiwili mwakibadilika.
\v 18 Nnongo atikuchawa kutupeya twenga ukoti pitya Neno lya ukweli, ili tuwese kuba ubelekwi wa kwanza nkati ya iumbe yake.
\v 19 Mutangite lee, mwalongo bango, Kila yumo apalikwa abe mwepesi wo yowa, nga mwepesi kwaa longela wala kasilika.
\v 20 Kwa mana hasira ya mundu yaweza kwaa kupanga haki ya Nnongo.
\v 21 Kwa nyo mubeke kutalu uchapu wa sambi na ubaya woti wabile sehemu yoyoti, na kwa nyenyekea mulipoki likowe lyalipendilwe nkati yinu, ambalo libile na uwezo wokoa roho yinu.
\v 22 Mulikengame likowe kana muliyowe bai, mwikonga nafsi yinu mwabene.
\v 23 Kwa mana kati yoyoti ywaliyowa likowe bila kulipangya kazi ni sawa na
\v 24 Mundu ywailola kuminyo yake halisi mu'kilolo. Aitasimini kuminyo yake, na kuboka na baada ya muda mwipi libalya mwaabile.
\v 25 Lelo mundu yoo ywailola kwo uangalifu saliya toti, saliya huru na yendelya kuiheshimu, kana iakamwi kwa sababu ywembe ywa mundu wo'sahau, mundu yoo alowa barikiwa mana aipangite.
\v 26 Mana mundu yeyoti alwawasa mwene panga ni mundu wa dini, lakini awesa kwaa kuutawala lulemi lwake, haukonga mwoyo wake na dini yake ni yabule.
\v 27 Dini yaibile safi na iharibike kwaa nnonge ya Nnongo witu na Tate nga yee: kuasaidia yatima na ajane mu'mateso yabe, na kuilinda mwene na ufisadi wa dunia.
\c 2
\cl Isura 2
\p
\v 1 Mwalongo bango kana muibalange imani ya Ngwana witu Yesu Kristu, Ngwana wa Utukufu, kwopendelea bandu fulani.
\v 2 Kati mundu fulani ajingii mu'mikutano yinu aweti pete ya dhahabu no aweti kinanoga, kabee ajingingile maskini ywabile aweti kwaa kinoyite.
\v 3 No laya kumpala muno yolo mwene aweti ngobo inoite na baya "Chonde wenga tama pano pandu panoite" lakini mummakiye yolo maskini, "Wenga yema pano." Au "Tama pae ya magolo gango."
\v 4 Je, muhukumiana kwaa mwenga mwabene, ni kua baamuzi babile ni mawazo mabou?
\v 5 Mupekani, mwalongo bango mwapendilwe, je, Nnongo achawile kwaa maskini ba dunia kuapanga matajiri mu imani na kurithi upwalume waadile babampindile?
\v 6 Lakini mwasalawile maskini! Je matajiri kwaa kabawatesa mwenga, na bembe kabaaburuta kwaa mahakamani mwenga?
\v 7 Je matajiri kwaa babalitukana lina lelo linoite lyamukemilwe kwake?
\v 8 Hata nyoo, kati mwatiitimiza yelo saliya ya upwalume kati yaiandikilwe mu'maandiko, "Upalikwa kumpenda jirani yako kati wenga wa mwene," mwapanga vyema.
\v 9 Lakini kati mwaipendile baadhi ya bandu, mwalowa panga sambi, mwahukumu ni saliya kuwa ni watekuwa saliya.
\v 10 Kwanyo ywoywoti ywaifata saliya yoti, na bado akobile nukta yimo tu, abile na hatia ya tekwana saliya yoti.
\v 11 Kwamba Nnongo atebaya, "kana uzini," nga ywembe abayite, "kana ubulage," mana uzini kwaa, lakini wabulaga, utekwanike saliya ya Nnongo.
\v 12 Kwa eyo mulongele na kwiheshimu kati balo mubile karibu hukumilwa na saliya ya uhuru.
\v 13 Kwa mana hukumu uisa bila huruma kwa balo babile kwaa na huruma. Huruma uitukuza yene nnani ya hukumu.
\p
\v 14 Kwina uzuri gani, alongo bango, kati mundu abaya nibile na imani, lakini abile kwaa na makowe?
\v 15 Je yelo imani yawesa kumlopwa? Kati nongo nnalome au nnwawa ni mhitaji wa ngobo au chakulya cha kila lisoba,
\v 16 Na yumo winu kaamakiya, "Muyende kwa imani, mukayote mwoto na mulye kunanoga," lakini kana muapeye mahitaji muhimu ya yega, ifaike namani?
\v 17 Imani kichake, kati yabile kwaa ni makowe, ifaike kwaa.
\v 18 Bado mundu fulani aweza baya, "Ubile na imani, na nenga nabile na makowe." Nilaye imani yako panga kwaa makowe, na nenga nalowa kukulaya imani yango kwa makowe gango.
\v 19 Wendaamini kuwa kwabile na Nnongo yumo, ubile sahihi. Lakini nchela nabo batiamini nyoo na lendema.
\v 20 Je, upala yowa, ywa mundu mpumbavu, namna yolo imani bila makowe ifaike kwaa?
\v 21 Je Tate bitu kwaa Abrahamu ywaabalangilwe haki kwa makowe gampiite mwana wake Isaka nnani ya madhabahu?
\v 22 Mwabweni kuwa imani yake ipangite kazi na makowe gake, na kwa makowe gake, imani yake yaiyikiye kusudio lyake.
\v 23 Maandiko gatimizwa gagabaya, "Abrahamu atimwamini Nnongo, na atibalangilwa kuwa mwene haki." Kwa eyo Abrahamu atikemelwa rafiki ba Nnongo.
\v 24 Mwamweni kuwa kwa makowe mundu alowa balangilwa haki, na nga imani kwaa kichake.
\v 25 Kadhalika, Je abile kwaa Rahabu yolo kahaba ywabalangilwe haki kwa matendo, ywaakaribisha ajumbe ni kuapeleka kwa ndela yenge?
\v 26 Kwa mana kati ya yega bila roho wawile, nyonyo, imani bila makowe iwile.
\c 3
\cl Isura 3
\p
\v 1 Malongo bango, baingi kwaa nkati yinu bapaswa kuwa balimu, mtange panga twalowa pokya hukumu ngolo muno.
\v 2 Kwa mana boti twalowa kosea mu'ndela ganansima. Kati yoyoti ywabile kwaa ywaajikwaa mu'maneno gake, aywoo nga mundu mkamilifu, aweza kudhibiti yega yake yoti pia.
\v 3 Nambeambe kati twatibela lijamu za farasi mu'mikanwa yabe kabatuheshimu, na twaweza kuigalambuwa yabe yoti.
\v 4 Utange panga kuwa ngalaba, ingawa yabile ngolo lakini isukumilwa kwa usukani nsunu muno yendya popoti apapala nahodha.
\v 5 Nga nyo nyo, lulimi nga kiungo kisunu sa yega, lakini kwilumba makolo muno. Linga mwitu nkolo walowa yakilwa kwa cheche njene ya mwoto!
\v 6 Lulimi pia nga mwoto, nga nnema wa ubou, ubekilwe nkati ya iungo ya yega witu, yabile najisi yega yote ni kulibeka nnani ya mwoto ndela ya maisha, na mwene sonywa mwoto wa kuzima.
\v 7 Kila aina ya mnyama ywa mwitu, kiyuni, chakikwaba ni kuimbe sa mubahari kisibitiwa na bandu.
\v 8 Lakini ntopo mundu hata yumo ywaweza dhibiti lulimi, ni ubou wotulia kwaa, utweli sumu ya kubulaga.
\v 9 Kwa lulimi twatikumtukuza Ngwana na Tate bitu, nga kwa wowolo twalowa laani bandu babile baumbwile kwa mpwano wa Nnongo.
\v 10 Mu'nkanwa chechelo ubaya maneno ga baraka na laana. Alongo bango makowe aga ganike kwaa pangika.
\v 11 Je, lose limo lyaweza piya mase gananoga na ganababa?
\v 12 Alongo bango, Je nkongo wa tini waweza pambika matunda ga mzeituni, au mzabibu waweza pambika matunda ga mtini? Wala kinywanyu ya mase ga mwinyo gapiya mase gangali mwinyo.
\p
\v 13 Ni nyai nkati yinu ywabile na hekima ni malango? Mundu yoo na alaye maisha ganoite mu'kazi yake kwa nyenyekeya uboka na hekima.
\v 14 Lakini kati mwabile wivu nkale na nia ya ubinafsi mumyoyo yinu, kana muipune no baya ubocho nokuukana ukweli.
\v 15 Ayee hekima kwaa yelo yaiuluke kuoma kunani, lakini badala yake na ya mudunia, ya roho kwaa, nga ni ya nchela.
\v 16 Kwa mana pandu pabile ni wivu na ubinafsi ubile, kubile ni vurugu na kila likowe bou.
\v 17 Lakini hekima yaiboka kunani, kwanza ibile sapi, boka po yatipenda amani, upole na ukarimu, yabile twilya rehema na matunda ganoite, bila pendeleya bandu pulani, na kweli.
\v 18 Na tunda lya haki upandilwa muu'amani kwa balo ambabo babapanga makowe ga amani.
\c 4
\cl Isura 4
\p
\v 1 Bulwe na migogoro nkati yinu iboka kwaako? Ikakatuka kwaa kuoma mu'tamaa yinu yainyata yailetike ngondo nkati ya ashirika binu?
\v 2 Mwalowa tamaniya chelo mwabile nacho kwaa. Mwaabulaga na kukikengama chelo mwaweza kwaa kukipanga chinu. Mwatikombwana ni yomana, nabado mpatike kwaa sababu munnoba kwaa Nnongo.
\v 3 Munda loba ila mupokya kwaa kwa sababu muloba kwaajili ya likowe linoyite kwaa, ili muwese kwitumya kwa tamaa yinu inoyite kwaa.
\v 4 Mwenga mwamalaya mutangite kwaa panga umbwiga na dunia nga uadui na Nnongo? Kwa eyo, yoyoti ywaamua panga naubwiga na dunia uipanga mwene adui ba Nnongo.
\v 5 Au mwawasa maandiko gabile ntopo maana gabalongela kwa roho ywabekilwe nkati yitu abile na wivu muno kwaajili yitu.
\v 6 Lakini Nnongo uwapea neema muno, nga maana maandiko gabaya, "Nnongo humpinga ywabile na kiburi, lakini umpeya neema ywabile ni unyenyekevu."
\p
\v 7 Eyo, muipiye kwa Nnongo. Mumpinge ibilisi na ywembe apalatila boka kwinu.
\v 8 Muegeli papipi na Nnongo, na ywembe alwayegelya papipi nimwenga, musapisa muboko ginu, mwenga mwabene sambi, na mwalowa teseka mu'miyo yinu, mwenga mwabile ni nia yanaibele.
\v 9 Muuzunike, muombolese, na lela! Mugalambue heka kwinu kube kulela na puraha kuba maombolezo.
\v 10 Muyinyenyekeye mwabene nnongi ya Ngwana, na alowa kwainua kunani.
\p
\v 11 Kanamulongeleane kinchogo yinu mwabene, alongo, mundu ywalongela kinchogo ya alongo bake, au atikumhukum nongo bake, alongela nchogo na saliya na huihukumu saliya ya Nnongo. Mana muihukumu saliya, muiheshimu kwaa saliya, ila mwalowa kuihukumu.
\v 12 Ni yumo ywaweza panga saliya nga hakimu, Nnongo, ywembe ywabile ni uweso wa kulopwa ni kubulaga. Wenga wa nyai ywahukumu jirani bako?
\p
\v 13 Mupekanie, mwenga mwamulongela, "Lino au malabo twalowa yendya mu'mji woo, na tama mwaka kolyo, na kupanga biashara, na kutengeneza faida.
\v 14 Nga nyai ywayowa namani salowa tokea malabo, na maisa yitu nga ya namani kae? Kwa mana mwatilandana kati ukungugi wapeta muda mwipi na kuoma.
\v 15 Badala yake mukabaya, "kati ni apenzi ga Ngwana, tupala na twalowa panga cheno au chelo."
\v 16 Lakini nambeambe, mwaipuniya nnani ya mipango yinu. Maipuno yinu ago nga ubou.
\v 17 Kwa eyo, kwake ywembe ywatangite panga yanoite lakini agapangite kwaa, kwake yolo nga sambi.
\c 5
\cl Isura 5
\p
\v 1 Muise nambeambe, mwwenga mwabile matajiri, mulele kwa lilobe lya kunani kwa mwanja taabu yaicha kunani yinu.
\v 2 Utajiri winu utiharibika na mawalo yinu gataunilwe na ilulu gaharibifu.
\v 3 Dhahabu yinu na fedha yinu ikosike thamani, na uharibifu wake walowa shuhudia dhidi yinu nga kuangamiza yega yinu kati mwoto. Mwibekiye hazina yinu mu'masoba ga mwisho.
\v 4 Mugalinge, malepo ga atendaji balo balepa kwaa kwaajili ya una mu'nngunda yinu balela! Nga kilelo cha balo bapuna mazao ginu saikite mumakutu ga Ngwana ba Majeshi.
\v 5 Mutami kwa anasa mu'dunia na kuipuraisha mwenga wa mwene. Mwainenepesha mioyo yinu kwa lisoba lya machinjo.
\v 6 Mwatikuhumu na kummulaga yabile na haki ywaweza kwaa kwapinga.
\p
\v 7 Kwa eyo muipumiliye, alongo, mpaka wauisa wa Ngwana, kati mkulima ywalenda mauno ga thamani kuoma mu'nnema, ywa lenda kwa pumiliya kwaajili yake, mpaka ula wa kwanza na wamwisho waisa.
\v 8 Pia mwenga mube apumilivu: muitabe mioyo yinu. Kwa mana kuisa kwake Ngwana kubile karibu.
\v 9 Mwalongo, kana munung'unikyane mwenga kwa mwenga, ili kana muise hukumilwa. Linga, hakimu, ayemi mu'nnango.
\v 10 Kwa mpwano, mwalongo, mugalinge mateso na upumilivu wa manabii walowa bonekana mu'lina lya Ngwana.
\v 11 Linga twabakema balo batipumiliya, "heri." Mwayowine upumilivu ba Ayubu, nga mwalitanga kusudi lya Ngwana kwaajili ya Atubu nga kwa namna gani Ngwana atwelii huruma na rehema.
\p
\v 12 Zaidi ya goti, alongo bango, kana mulape, kwa maunde wala kwa nnema, au kwa kilapo sa ina yenge. Bali yelo "elo" yinu nga imaanishe "elo" nga "hapana" yinu nga imaanishe "hapana", ili kwamba muise kwaa kutomboka pae ya hukumu.
\p
\v 13 Abile yeyoti nkati yinu abile na mateso. Lazima alobe. Je, kwabile ywachangamka? Na aimbe kwa sifa.
\v 14 Je, kwabile mundu yeyoti nkati yinu ywabile aminya? Nga abakeme apindo ba'likanisa, nabo apindo ba'likanisa balobe nnani yake, kabampaka mauta mu'lina lya Ngwana,
\v 15 Nga malobe ga imani yalowa kubaponiya atamwe, na Ngwana alowa kwainua. Na nkati alowa panga sambi, Nnongo alowa kumsamiya.
\v 16 Kwa eyo muungame sambi yinu mwenga kwa mwenga, na kulobiana kila yumo na ywembe, ili muweze ponyelwa. Malobe ya ywabile na haki ubeleka matokeo makolo.
\v 17 Eliya abile mundu ywabile na hisia kati yitu, alobite kwa juhudi kwamba ula kana iise, na yaisa kwaa mu'nnema kwa muda wa miaka itatu na miei sita.
\v 18 Nga Eliya alobite kae, na maunde gamwaite ula nnani ya nnema na wapiite sakulya.
\p
\v 19 Alongo bango, kati yeyote nkati yinu apala kelebuka kuoma mu'ukweli, lakini ywenge alowa kunlejesha.
\v 20 Ebu na uyowe kuwa yeyote ywankengama ywabile nai sambi na kuoma mu'ndela yake ya ukosaji alowa kwiponiya nafsi yake kuoma mu'kiwo na kwipunika sambi yanansima.