lul_reg/44-JHN.usfm

\id JHN
\ide UTF-8
\h Iwana
\toc1 Iwana
\toc2 Iwana
\toc3 jhn
\mt Iwana
\c 1
\cl D'ullâ 1
\p
\v 1 Annda idala ari se, azze ari napa orri ra, azze ari napa awe orri.
\v 2 Lago napa eleni andda orri ro rid ala se na.
\v 3 Kiru nga leebithi eaffu lago se, azze kirru andda kuse ady lago keway nga alla alobe ady obaku oduba obakanaka eleki niki.
\v 4 Lidy lago ra, azze kiru lidy napa banny ri offo.
\v 5 Kiru offo napa ko ie ofo naneetherye niah ne, azze ofo naneetherye napa kiru itella offo doku.
\v 6 Kiru mod’i nago alla na oloro andda eabbu ri orri ra lele se, lago ri ru iwana.
\v 7 Lago eaki aryia anyi beya karyi offo ri kiw se, anyi beya leebithi oggo kewo algo se anyo wo.
\v 8 Iwana awe offo neku, ama lago eaki anyi beya oggo koryi offo napa ri kiw anyo wo.
\v 9 Offo ne thoki, oloro kokwe offo ne banny ni leebithi (ko ie banny ne leebithi), eleh keaki milili niah wo.
\v 10 Achobo lago milili niah wo, azze milili napa oba lago se, azze kiru milili napa adi onne lagoku.
\v 11 Lago eaki awenga, azze kiru banny kapa awenga ri eleki adi a iy lagoku.
\v 12 Ama leebithi oduba lago na iybaka eleki, oduba eawo awery ruwa anyokaka eleki, kiru lago okwe thokithoki anyo anyi beya kufuri orri ri erebiru anyo wo.
\v 13 Kapa eleki adi othee earyi seku, angwi adi othee yeye ruw rika seku, angwi adi othee yeye mod’i rina seku, ama othee yeye orri rina se.
\v 14 Ari napa kiru ofuri ruwru anyo wo azze kichaka aary agaga wo. Kiru akonddeh awery akku ne anyo wo, kakku mod’i alobe nini angwi te awe eaki dute atha ra lele se, oga thoo quii se thokithoki ro.
\v 15 Kiru iwana karyi lago ri kiw se wo azze kuzwa oddo,”Eleni mod’i oloro andda ma mojo awery kiw se oddo: lago oloro eleh andu keaki ma ri bubuwa nane thumogona towe kopeh ma ne, kobwo lago andda athii ma ni.”
\v 16 Kobwo awery ogga thoo nane se achobo aah aka iy quii oho quii nidii.
\v 17 Kobwo andda kakoko okwe mose se. Kiru quii pi thokithoki ro eavvo yesu khristho se.
\v 18 Pir nganya mod’i alla alobe oggo adi ondde orriku lao alla se. Ngwago azze te orri, oloro atheh ri bidio, awe okwe onne lago oho.
\v 19 Ini kiru iwana ri aryi kuse jew ri banny eabbu kawila ri banny bwo levi ri banny ro lago ra jerusalem lele se anyi beya kozyi oddo,”Anyi me adida?”
\v 20 Azze lago kenna ri adi lago apehku, ama kiru enna oddo,” ma khristhoku yo.”
\v 21 Ilia wo azze loba kozyi lago ne wo oddo,”Ya kiru me adi da koy? Me eliya re? Lago kojo oddo, ma aweku. Azze loba kojo oddo, ya me mia ri mod’i? Azze lago kinyopa ri oddo, keway.
\v 22 Ilia wo azze loba kojo lago ni oddo, kiru me adida koyi anyi beya andu amma minyopa banny amma neab buba kaki di se? Me nojo ad unga ne anyo me ri ruw se?
\v 23 Kiru lago kojo oddo, achobo ma oli andda, ozwa ri kujoto niah oddo: ichita rimba natha ri leathy tir nane, easu andda mia ri mod’i Isaiah ri ojozo nini.
\v 24 Ilia wo azze angwi keab bu ri mose ri kakoko ri buluka alokwa,
\v 25 Angwi loba kozyi lago ne azze kojo lago ni oddo, ya kiru me nonna ru ne iyi se adu eya me khristhoku angwi me eliyaku angwi me mia ri mod’ikuna?
\v 26 Azze iwana kinyopa ri loba ne kojo oddo, achobo ma monona ne iyi se. Ama achobo modi alla keddeh ammi niah ilia ammi inneku.
\v 27 Lago awe oloro andu keaki ma ri bubuwa ne, lago ri gogi ri ibba ma munji doku.
\v 28 Nga kapa eleki owe bethany jordan ri bi di alla nane ra, ofo iwana ri ru nonnale iyi se nane ra.
\v 29 Kiru kosa a ie se wo azze iwana konddeh yesu ne keaki awe ra azze kojo oddo, Indeehta, orri ri olengo ilia, oloro onuu milili ri rossu kale wo!
\v 30 Lago andda ma ri ojo kana ne awe ileh, lago andda oloro ma ri ojo kana oddo eleh keakkeaki ma ri bubuwa thumogona towe kopeh ma ne, kobwo lago andda athii ma ni.
\v 31 Andda ma adi anne lagoku, ama kiw napa anyi beya oggo andu enna Israele ni wo oddo ma meaki ru nonna iyi se.
\v 32 Kiru oggo andda iwana karyi, kojo adda, acho ma anddeh oyuru keasee ruthu lele se kede olikino nini, azze kiru oyuru napa asse aka lago nidii wo.
\v 33 Azze andda adi ma anne lagoku, ama lago oloro andda eabbu ma anyi beya anna ru iyi se nane kiru ojo ma ni oddo, Eleh andu me nonddeh lago ne oyuru keasee diina azze kasee lago nidii wo, lago awe konna ru ni oyuru naggwy se ne anyo.
\v 34 Achobo ma anddeh kale bwo leebithi angwi aryi kale oho oddo eleni orri ri ngwago.
\v 35 Angwi kiru kosa a ie ri se wo, kuse iwana keddeh banny awery inne kana kapile reeka kaki ro,
\v 36 Azze loba kondde yesu keaki ethethe, azze iwana kiru kojo, Inddehta oleng’o orri rina.
\v 37 Kiru awery banny kapile reeka inne kanaka eleki keari ri lago kojo ileh wo azze loba kovvo yesu ri buwa wo.
\v 38 Azze yesu kufuri azze konddeh loba ni oddo, anyi ammi nondu adu ne da? Azze loba kinyopa ri oddo, Rinne natha (Rabbi) eleni kenna ri oddo rinne natha, anyi me nichaka ingolia da?
\v 39 Kiru lago kojo loba ni oddo, Eavvota azze nonddeh. Ilia wo azze loba kevvo azze konddeh ofo lago ri ichakale nane ne wo; kiru inee napa nane se loba ichaka lago ra, lao napa nane kossa lao suu orula rina ra wo (Ichaka kososa lao mudury).
\v 40 Kiru alobe reeka kaki ra oloro eari iwana konga ari ne nane azze kiru kovwi yesu ri bu ne wo eleni enderua, simone pethoro ri ading’a.
\v 41 Kiru lago eassu awery ading’a simone athii anyo azze kojo lago ni oddo: Khristho.
\v 42 Azze lago keazee lago ne yesu ra wo, azze yesu kopee mii lago ra konddeh azze kojo oddo, achobo me simone iwana ri gogo. Kiru eleh andu ungwe ri me ne kepha wo (Eleni kileleng’a ri oddo pethoro).
\v 43 Kiru kosa a ie ri se wo, kuse yesu kondu oyee ne wo anyi koki Galilee, azze lago keassu ri kilipone azze kojo lago ni oddo, Eavwi ma bu.
\v 44 Kiru ilia wo kilipo napa bethsaida lele se, enderia pi ri e iy pethoro ro.
\v 45 Kiru kilipo keassu ri nataniel ne azze kojo lago ni oddo, acho lago andda mose ri iwro kana kakoko niah ri, mia riba ro, nane amma meassu kale bwo: yesu esepo ri gogo ini, nazareta lele se.
\v 46 Kiru nataniel kojo lago ni oddo, ya ndo nga nintha alla keafefu nazareta lele se? Azze kilipo kojo lago ni oddo, Eaki azze nonddeh,
\v 47 Azze yesu konddeh nataniel ne keaki lele wo azze kiru kojo lago ri kiw se wo oddo, nddeh koy, Isrealego ne thoki wiyo, oloro lado lago ra keway!
\v 48 Azze nataniel kojo lago ni odd, kuse adi kilipo ungwe meku, kuse me ngobo ri kwydo ri bubuna, ma anddeh me oho.
\v 49 Azze nataniel kinyopa ri oddo,”Rinne Natha, acho deya me orri ri ngwago! Me Isreale ri ajju ri ossi!
\v 50 Kiru yesu kinyopa ri azze kojo lago ni oddo, kobwo ma ajo me ni oddo, ma anddeh me ngobo ri kwydo ri bubu, ya me neawo dise oho re? Achobo eleh andu me nonddeh nga ne thumogoo towe kopeh eleki toh wo kiru.
\v 51 Ilia wo azze lago kojo oddo, thoki, thoki, ma mojo me ni oddo, achobo eleh andu me nonddeh ruthu kopee ri opee, azze orri ri anjiluji konga azze keassee mod’i agona ri ngwago nidii wo.
\c 2
\cl D'ullâ 2
\p
\v 1 Inne ri naazo wo, andda aly nonji aka kana Galilee rina nane ra, azze kiru yesu ri ande akana.
\v 2 Kiru yesu pi banny awery inne kanaka kaki ro ungwe aka aly nonji napa nane ra
\v 3 Kiru kuse iwa oko kale bwo, azze yesu ri ande napa kojo lago ni oddo, acho iwa keowo.
\v 4 Azze yesu kojo nena napa ni oddo modi nizi ne ya kiru me neaki ma ra aduwa? Acho lao mana adi eassaku.
\v 5 Azze lago ri ande napa kojo oppee kapa ni oddo, eya lago ojo ammi ni nga alla oho, iweta nga napa anyo.
\v 6 Ilia wo iyi ri eaja oduba ony akana kapile azia jew ri banny ri olow ri ovwi rujwezo, alobe kochu dawa ri aha ne mudi ree kossosa mudi naa.
\v 7 Kiru azze yesu kojo loba ni oddo, igigata iyi ri eaja eleki iyi se thoothoo. Ilia wo azze loba kigiga ri eaja kapa ne tokojo eaja sio.
\v 8 Kiru azze lago kenna ri oppee kapa eleki ni oddo, ibbehta alokwa kale elenini azze iyi kapa ne aly nonji ri atha ni. Ilia wo azze loba kowe.
\v 9 Kiru aly nonji ri atha kobi iyi kapa ne wo deya ofuri iwaru kale bwo, ama kiru lago adi onneku iwa kapa keavvo ingo lele sena (Lama oppee kapa oduba iyi neabehba kaki onne oho). Ilia wo azze lago kungwe ri tetego napa aly ri nane ne wo.
\v 10 Azze kojo lago ni oddo, ammi leebithi didi obeh iwa nintha athii kiru kuse loba imera kale oho azze nokwe thalamba kaki aka anyo. Ama deya ammi rikaki niruruka iwa nintha tokojo elenini.
\v 11 Eleni quetetchi athii rina yesu andda owe kana Galilee rina nane ra, angwi lago enna awery akku, azze kiru banny awery inne kanaka kaki keawo lago ra wo.
\v 12 Eleni ri bubuwa wo, kiru yesu pi ande ro, azze banny awery inne kanaka kaki ovvo boura kaparanauma azze kiru loba ichaka na inee ga.
\v 13 Ilia wo jew ri banny ri ozwa ethethe wo, azze yesu kiru oki to jerusalem.
\v 14 Kiru lago eassu banny oduba kigigeh ri theiogo ne, billu ro, olikino ro, azze banny oduba kiwiwicha ri longe ni urei akana orri ri jo romomyle nane ri akulogo.
\v 15 Kiru ilia wo azze lago kithena ri ibba ne lutairu wo azze kudo loba kale angweh wo orri ri jo romomyile nane ra lele se, billu kapa ra theiogoo pi ro leebithi lago iraratha longe odo banny riwichiba eleki kale azze kuzwe ri kiru loba thaka kapa kaki bouwo wo.
\v 16 Kiru azze kojo banny olikino nigigehba eleki ni oddo, innuta nga eleki kale ilia lele se. Iddehta rithetho ammika eleki kale athema ri jo ri ofo lele se.
\v 17 Kiru awery banny kapa inne kanaka kaki azze keyeye ri oddo achobo ari napa andda iwro oho, od ia me ri jo napa rina acho eleh andu konya ma ne onya.
\v 18 Kiru azze jew ri kakoko riba kakkah azze kojo lago ni oddo, ya quetechi ingony eleh andu me menna ri amma ni anyo, kobwo bo me iwe nga eleki oho na?
\v 19 Azze yesu kingwi ri oddo, izweta orri ri jo napa romomyile eleni kale bouwa inne naa azze kiru eleh andu minga ri orri ri jo napa orou.
\v 20 Azze jew ri kakoko riba kapa kojo oddo, orri ri jo napa romomyile eleni acho andda osee kiii mudi suu-imbi azia (46) azze kiru eleh andu me ninga ri inga do inee naaka eleki ra?
\v 21 Deya lago konga awery ne orri ri joru anyo.
\v 22 Bubuna wo kuse lago eanji odda ri lele se kale bwo, azze banny awery inne kanaka eleki keyeye ri oddo achobo andda lago ojo ari napa eleni oho, azze kiru loba keawo kawro napa ra ro eajo napa andda yesu ri onga kana nane ro.
\v 23 Ilia wo kuse lago jerusalem niah wo ujuma ozwaza ne ra, kiru banny nabi eawo lago ri ru napa ra anyo wo kuse loba anddeh quetechi kapa lago ri owe kana kaki bwo.
\v 24 Ama yesu adi abeh ri loba raku kobwo lago onne loba oho leebithi,
\v 25 Kobwo oleku anyi beya modi alla kodo awe noryi modi ri kiw seku, kobwo lago onne oho eya adunga modi ra ne na.
\c 3
\cl D'ullâ 3
\p
\v 1 Wo kakoko ri bulukago alla akana runa Nikodemo, jeba ri bulukago nagwi.
\v 2 Modi agona napa kiru eaki yesu ra ineego ri se azze kojo lago ni oddo, Rinne natha, amma monone oddo me rinne natha oloro keaki orri ra lele se, kobwo modi alla owe quetechi me ri owe kanaka eleki doku eya nguna orri lago ranna anyie.
\v 3 Azze yesu kinyopa ri lago ni oddo, thoki, thoki modi oloro eya angwi adi othee dakuna, awe onddeh orri ri opopiku.
\v 4 Azze Nikodemo kojo lago ni oddo, anyi kiru modi napa othee adadu bo otheh kale bwo na? Achobo awe oqui awery ande ri aha doquwo daly ri reezo se azze angwi othee, ya awe kamba ri amba do?
\v 5 Azze yesu kinyopa ri oddo, thoki, thoki, eya modi adi othee iyi seku oyuru ro, owe oqui orri ri opopiaku.
\v 6 Oloro othee ruw se eleni ruw, azze oloro othee oyuru se eleni oyuru.
\v 7 Me ri ruw kodo ake nochuku ma ri ojo se me ni oddo, oggo angwi othee ammi ne othee da ge.
\v 8 Lowiwindi konga ofo awery andu kana nane ra; azze me neari ri awery wawaw, ama me onneku eya olee napa keaki ingo ri lele sena eyabo olee napa koki ingoliana. Banny oduba othee oyuru seka eleki kede illeh
\v 9 Azze Nikodemo kinyopa ri azze kojo lago ni oddo, anyi kiru nga kapa eleki kolow adadu koy?
\v 10 Kiru yesu kinyopa ri azze kojo lago ni oddo, me Israele ri rinne Natha azze kiru me Nikodemo nga eleki doku?
\v 11 Thoki, thoki ma mojo me ni oddo, achobo aah akonga nga oduba akonne oho, angwi aah akoryi nga oduba akonddeh oho. Azze ge ammi rikaki ile aary aryi nakka ku.
\v 12 Achobo eya andda ma menna ri ammi ile eawoku, ya kiru eleh andu ammi neawo adado eya ma menna ammi ni nga ruthu rika kaki ri ari oho na?
\v 13 Modi alla alobe oggo addi othu ruthuwaku oggo te lago oloro easee ruthu lele se nane-modi agona ri ngwago.
\v 14 Oggo easu andda mose ri inye nongizo nini orou kujoto niah, kiru oggo modi agona ri ngwago napa andu ongi orou anyo wo,
\v 15 Anyi beya banny oduba keawo lago raka eleki oggo kolow lidya anyo wo nyonyo.
\v 16 Kobwo oggo orri iyie milili anyo wo, kiru lago ekwe awery modi alobe ngwago te, anyi beya banny leebithi oduba keawo lago raka eleki andu odo iranyaku ama kolow lidya anyo wo nyonyo.
\v 17 Kobwo orri andda adi eabbu ngwago napa milili niah wa anyi beya kimwo milili ro kaleku, ama anyi beya kiruruka milili lago se anyo wo.
\v 18 Modi oloro keawo lago ra imwo ro kaleku, ama modi oloro.
\v 19 Eawokuna imwo ro kale bwo jeru dini kobwo awe rina ne ole eawo modi alobe oloro orri ri kiw ini awe ileh oddo: offo eaki milili niah wa azze kiru banny iyie ofo naneethery anyo kopeh offo kobwo loba kunga ri eabu ninjwi ne anyo.
\v 20 Kobwo banny leebithi oduba kuwe ri eabu ninjwi kapa neka eleki kothi offo ne asidio, azze ole eavvo offoku anyo, anyi beya awery eabu kapa kaki kodo efu angweku.
\v 21 Ama oggo modi oloro kuwuwe ri thokithoki ne keaki offo anyo, anyi beya onddeh awery eabu kapa aggwyba eleki onddeh oddo owe orri se.
\v 22 Eleni ri bubuwa wo, azze yesu pi banny awery inne kanaka kaki ro kovvo inga Judya rina nane ra. Kiru lago ichaka laboa ro na lao alokwa se azze konna ru ne iyi se.
\v 23 Ilia wo angwi iwana konna ru ne iyi se aenon salim ri agaa kobwo akana iyi abiru. Banny kiru keavvo lago ra azze konna ruka ne iyi se,
\v 24 Kuse adi Iwana obbu kangongo ri joku.
\v 25 Kiru na wo azze rocheh konga banny Iwana ri inne kanaka kaki pi jew ri modi ro alobe rujwe ri kaka ri kiw se.
\v 26 Ilia wo azze loba kovvo Iwana ra azze kojo lago ni oddo, Rinne Natha, modi alobe oloro andda me ro golo Jordan rina nane ri adoh alla ra nane, oloro andda me noryi lago ne nane, inddehba, acho lago konna rune iyi se wo, azze loba kovvo leebithi lago ra wo.
\v 27 Azze Iwana kinyopa ri oddo, modi a iy nga allaku eya nguna nga napa okwe lago ni ruthu ri lele sena anyie.
\v 28 Achobo ammi ammi ri ru se nararyi oddo ma ajo oho oddo, ma kristhoku, ama te, eabbu ma anyo lago ni athii.
\v 29 Izonga aly kana tetego aly ri eleni ri. Kiru tetego napa aly ri berego, elenini keddeh ilia azze keari ri lago ne anyo wo, azze kiru kinyonyori towe wo kobwo tetego aly ri eleni ri oli se, kiru ma ri, lonya napa ini achobo miko kale oho.
\v 30 Lago kidee ri idee, ama ma rina ne oggo mongongwi anyo.
\v 31 Lago oloro keassee orou nidii lele se ororou leebithi ni, awe oloro bou ri lele se eleni oggo bou ri lele se angwi konga bou ri ari ne anyo. Lago keassee ruthu ri lele se ororou leebithi ni.
\v 32 Lago koryi nga oduba awery anddeh kana ne anyo awery eari kana ro, ama modi alla alobe kiru adi akkah aawery ri aryi napa quwo.
\v 33 Lago oloro a iy awery aryi oho kuse ikokoro oho oddo orri thoki.
\v 34 Kobwo modi oloro orri eabbu ne konga orri ri arari ne anyo. Kobwo lago okwe oyuru aka adi ithemaku.
\v 35 Atha iyie ngwago azze kokwe nga ne leebithi lago ri deya wo.
\v 36 Lago oloro eawo ngwago ra oho lidya nyonyo wo, ama modi oloro ole ngwagoku eleh andu anddeh lidy quwo, ama orri ri ago kiru kolow awe nidii anyo wo
\c 4
\cl D'ullâ 4
\p
\v 1 Ilia wo kuse yesu onne kale bwo oddo mose ri kako ko ri banny kaki eari kale bwo oddo awe konga eabu ne angwi konna banny awery inne kana ri ru ne iyi se kiru abiru wo kopeh andda iwana rika kaki ne wo.
\v 2 Kiru ju yesu awery ru se onna ruku, ama banny awery inne kana kaki acho konna ru ne onna wo iyi se,
\v 3 Kiru azze lago koyee judaya ne azze kongwi bule da angwi galilee.
\v 4 Ama kolow lago ni dodo anyi koki samaria.
\v 5 Ilia wo azze lago keaki eiy ningwa samaria rina nane ra, ungwe ri sykhar, inga andda yakobo ri eachi kana azze kokwe ngwago esepo ni nane ra.
\v 6 Kiru yakobo ri iyi ri gulume akana. Azze yesu kamud’we awery away se wo azze kiru korei bouwa iyi ri gulume nane ri agaa. Lao napa nane ra. Kossa lao azia wo undwe laga.
\v 7 Azze samaria zinga keaki iyi nobeh, kiru azze yesu kojo nena ni oddo, eakwe ma ni iyi alokwa ombuleba nato.
\v 8 Kobwo banny kapa awery inne kana kaki ovvo e iy ningwa nane ra onya negeh.
\v 9 Ilia wo azze samaria zinga napa kojo lago ni oddo, anyi kiru me nozyi ma ni, azze bo ma samaria zinga, anyi kiru imba nga alokwa ma ra lele se? Azze bo jew ri banny omia ri banny samaria rika roku.
\v 10 Kiru yesu kinyopa ri azze kojo nena napa ni oddo, eya me inne okwe orri rina oho, angwi modi oloro kojo me ni oddo, eakwe ma ni ambu eleni oho, eya awe adii, sona me nozyi awe ni anyo, azze eleh andu lago kokwe me ni iyi lidy rika ne anyo wo.
\v 11 Azze modi nizi napa kojo lago ni oddo, bulukago, achobo me dengi ako (10 owy) ako azze kiru iyi ri guluyme napa wiriwiri. Kiru andu me nessu ri me ri iyi kapa lidy rika eleki ne ingolia?
\v 12 Achobo me thumogona toweku, ya me thumogona towe, nopeh ammary abiy yakobo ne opeh, oloro okwe amma ni iyi ri gulume napa ini ne angwi bo andda lago ombombu iyi ri gulume napa ra, awery erebi ro awery anyokwa bah rika?
\v 13 Kiru yesu kingwi ri nyopa ne azze kojo nena napa ni oddo, banny leebithi oduba ombombu iyi napa eleni ra lele seka eleki eleh andu iyi vi kororuu da geh,
\v 14 Ama modi oloro eleh andu kombu iyi oduba ma imokwe awenika eleki ra lele se eleni kiru iyi eleh andu angwi oruu lago quwo. Kombo, iyi kapa oduba eleh andu ma mokwe awe nika eleki achobo eleh andu kufuri iyi oduba awe raka eleki ri ireeru wo, iyi ri mii oloro lidy rina nyongo wo.
\v 15 Azze modi izina napa kojo lago ni oddo, bulukago, eakwe koy ma ni iyi kapa eleki anyi beya iyi vi kodo ma noruu quwo angwi anyi beya modo eaki wa iyi nobe quwo.
\v 16 Azze yesu kojo nena napa ni oddo, ki agoki nungwe, azze nengwi ato bule wa.
\v 17 Kiru modi izina kinyopa ri azze kojo lago ni oddo, acho ma ago ako. Azze yesu kingwi kinyopa ri aka oddo, acho me nojo thoki oddo ma ago ako,
\v 18 Kobwo andda me ri agoo thow, azze kiru oloro me ro eleninina eleni me ri agoku. Nga me ri ojo kana eleni thoki.
\v 19 Azze modi izina napa kojo oddo, bulukago, acho ma monddeh me nedeya me mia ri modi.
\v 20 Achobo andda abii ma osso anya bouwa beh napa ini ra, ama azze ammi rikaki kiru nojo oddo jerusalem nane ofo oloro banny ri anya nususozo bouwa.
\v 21 Kiru yesu kojo lago ni oddo, eawo ma ra fo, modi nizi ini, achobo lao eleh andu kesesa oloro ammi nossa anya bouwa atha ni wo beh ini raku eyabo jerusalem.
\v 22 Acho ammi rikaki nosso anya ne bouwa nga oloro amma monone ne anyo, kobwo loka juday ri banny.
\v 23 Achobo lao napa eleh kesesa wo, azze elenini achobo ilia wo banny anya nususoba bouwa thokithoki seka eleki ri anya nussozo bouwa eleh andu kosse anya ne bouwa wo. Atheh ni oyuru thokithoki ro, kobwo athema kondu banny ilehka eleki ne anyo anyi beya kosso anya bouwa awe ni.
\v 24 Orri oyuru, azze kiru banny oduba kosso anya ne bouwa awenika eleki kiru kosso anya ne bouwa oyuru se wo thokithoki ro.
\v 25 Azze modi nini eleni kojo lago ni oddo, acho ma monone oddo massiah eleh keakeaki wo (modi oloro ungwe kana khristho nane). Kiru eya lago eassa oho, azze eleh andu lago kovwi ri aah ni nga kapa ne leebithi wo.
\v 26 Azze yesu kojo nena napa ni oddo, achobo ma awe, modi oloro kong a ari ne me ni eleni.
\v 27 Lao napa nane ra kuse banny awery inne kanaka kaki eangwi kale bwo. Ilia wo azze loba ri ruw kochu ake ne wo oddo anyi lago konga ari ne modi izina nane ro adu ama kiru modi alla adi ojoku oddo, me nondu adunga ne da? Eyabo me nonga ari ne nena napa ro adu da?
\v 28 Kiru ilia wo azze modi izina napa koyee awery iyi eaja ne azze kongwi bule wo e iyo, azze kojo banny ni oddo.
\v 29 Eavvota, modi nago ini nonddeh oloro enna ma ni nga leebithi oduba ma ri owe kana ya nguna eleni khristhoku, ya eleni awe?
\v 30 Azze loba koyee e iy ne wo azze keavvo lago ra.
\v 31 Lao napa ra wo, azze banny inne kanaka eleki kombuw pathapatha ne wo lago ni, kojo oddo, rinne natha ngonya fo.
\v 32 Ama azze lago kojo loba ni oddo, ma onya ro onyale oloro ammi anneku.
\v 33 Ilia wo azze banny kapa inne kanaka eleki didi kojo oddo, achobo modi ala adi eazee lago ni nga llaku anyi konya, deh nguna loba eazee oho?
\v 34 Azze yesu kojo loba ni oddo, onya mana mowe yeye lago ma neabbu ri nane rina ne anyo angwi miko ri awery eabu ne anyo.
\v 35 Adi ammi ejoku re oddo, assa imba suu wo azze kiru lao onya ri okazo nonddeh ambu kapa ne kobwo onya nolii (nodwa) ri lao eassa kale bwo onya oka kale bwo.
\v 36 Kiru lago oloro andda ogogeh osia ka a iy ri awery mii longwe ne wo azze kututu ri oka kapa ne lidy ri nyonyo wo, anyi beya lago oloro osi atheh eleni pi lago oloro ringara ri nane ro kinyonyori ofo nalobe wo.
\v 37 Kobwo ari napa ini kojo oddo, alla osi atheh, azze alla kangara ri modi, eleni thoki.
\v 38 Ma meabbu ammi anyi ninga ra anyi beya inga eabu oduba adi ammi ingakuka kaki. Alokwa onga eabbu kale oho, azze kiru ammi noqui api ri eabu napa niah wo.
\v 39 Kiru samariaba nabi azze keawo lago ra wo e iy napa nane niah kobwo mod izina nane ri renna se oloro karyi oddo, acho lago enna nga ma ri owe kana kaki leebithi oho.
\v 40 Ilia wo kuse samariaba kapa eavvo lago ra kale bwo, azze loba kozyi lago anyi kichaka api ro azze kiru lago ichaka na inee ree.
\v 41 Kiru abika eawo kobwo lago ri ari.
\v 42 Azze loba kojo modizina eleni ni oddo, amma adi meawo kobwo nga meri ojo kanaka eleki seku, kobwo amma amma ri ruw se meari oho, angwi amma monone oddo modi eleni eabbu loka natha kiloka ri milili ne wo.
\v 43 Kiru inee reeka kaki ri bubuwa wo, azze lago koyee nari lele se kale wo azze koki galielee.
\v 44 Kobwo yesu awery ruw se kiru karyi oddo mia ri mod’i kodo ruw niwah awery nyigoku.
\v 45 Kiru kuse lago eassa Galilee bwo, azze galilee ri bwany ka iy ri lago ne loba kiru andda anddeh nga kapa lago ri owe kana jerusalem ri kaki leebithi ujuma napa nane ra.
\v 46 Ilia wo azze angwi yesu keangwi da kana galilee niah, ofo oloro andda lago ofu iyi iwaru nane ra. Kiru ossi ri jaigo alla kombombwe aka kaparanauma na.
\v 47 Kiru kuse lago eari oddo yesu eaki judya lele se kale oho oki galilee, azze lago koki yesu ra wo azze kozyi lago ni anyi keassee bouwa azze kokwe awery ngwago kathu, oloro ethethe oddata wo nane.
\v 48 Kiri ilia wo azze yesu kojo lago ni oddo, oggo eya adi ammi inddeh quetechi kapaku azze ammi ruw kochu ake ne, oggo eleh andu ge ammi neawoku.
\v 49 Azze jaigo napa nane kojo lago ni oddo, bulukago, eassee ingwama ra bouwa wa da koy athii kuse adi addaku we.
\v 50 Azze yesu kojo lago ni oddo, ki wo achobo ingwaki napa ady kale bwo azze modi agona napa keawo ari yesu ri ojo kana awe ni eleni ra wo, azze lago koki kale wo.
\v 51 Kuse lago keasse bouwo wo, azze lago komia ri awery nyaa napa ro, azze kojo lago ni oddo acho ingwaki ady kale bwo.
\v 52 Ilia wo azze lago kozyi loba ni lao awery dodo nobazo nane se oddo anyi da oba dodo eadi. Azze loba kinyopa ri lago ni oddo, agini lao twodiery se azze emebo koyee lago ne wo.
\v 53 Ilia wo azze atheh napa kiboringo ri wo oddo acho lao napa nane ra yesu ojo awe ni oddo, achobo ingwaki ady kale bwo. Kiru iliawo azze lago keawo banny awenga bah ri kaki ro leebithi.
\v 54 Eleni quetechi ri reezo oloro yesu ri owe kana andda kuse lago oki kale judya ri lele se azze koki galilee.
\c 5
\cl D'ullâ 5
\p
\v 1 Eleni ri bubuwa wo kiru jew kapa ri ujuma akana, azze yesu koki oroule jerusalem.
\v 2 Kiru aka jerusalem na billu ri kali ri leathy nanda ri agaa, abulu aka, abulu napa ungwe ri bethesda heburo ri ong ubu se, thythyleka thow.
\v 3 Kiru banny akana earezwe oduba kumbumbwe, mudud woka, idaaka, azze kapa kiru olla ri akana.
\v 4 Kobwo lao alokwa se rimba natha ri anjilu keasee aka bouwa abulu napa ra na azze kocha ri iyi napa ne azze kiru eya modi oloro osee aka athii kuse adi iyi napa kocha ri ocha eleh kiru azze kathu ombwe awery amud wezo nane ri lele se wo.
\v 5 Kiru modi, agona alla akana oloro ombwe kii mudi naa imbi aro.
\v 6 Kiru kuse yesu onddeh lago olla ri akana, azze kuse lago iboringo bwo oddo lago olow akana lao azoru, azze lago kojo lago ni oddo, me nondu athu ne re?
\v 7 Azze modi agona napa ombwe ri eleni kinyopa ri oddo, bulukago, acho ma ri modi alla keaway oloro koba ma ne abulu niah eya iyi napa kocha ri ochana eya ma meakeaki wo, azze diye daly alla kosee bouwa ma ni athii wo.
\v 8 Azze yesu kojo lago ni oddo, ngah oron, nuu me ri thaka onuzo eleni, azze noki,
\v 9 Ilia wo azze modi agona napa kathu wole dini wo, azze lago konuu awery thaka onuzo eleni ne azze kokoki wo. Kiru inee napa nane inee twodiery ri inee athii rina (Laka ri inee athh rina).
\v 10 Ilia wo azze jew ri banny kapa kojo lago oloro athu ri eleni ni oddo, inee ini inee twodiery ri inee athii rina kiru kakoko kojo me ni oddo nodo me ri thaka onuzo eleni naguwku,
\v 11 Azze lago kinyopa ri oddo, achobo lago oloro okwe ma mathu oho nane ojo mani oddo, ba ma anuu thaka onuzo ini azze moki.
\v 12 Azze loba kozyi lago ni oddo, anyi modi napa oloro ojo me ni eleni adi da oddo, nuu thaka onuzu azze noki?
\v 13 Kiru modi napa athu ri eleni adi onneku eya adi na kobwo yesu oki kale dwo dini, kobwo banny ri ayang a ofo napa nane ra.
\v 14 Kiru eleni ri bubuwa wo, azze yesu kojo lago ni oddo, inddehba, achobo me nathu kale bwo. Nodo rossu nowe quwo towe quawak, anyi beya nga ninjwi alla towe andu kodo ronga me ni quwo.
\v 15 Kiru azze modi agona napa koki kale wo azze kenna ri jew ri banny kapa ni oddo achobo diya nane yesu okwe ma ri athuleh ne to dini.
\v 16 Ilia wo kobwo nga eleki se wo azze jew ri banny kodoh yesu ri bu ne wo oruuleh, kobwo lago owe nga kapa kaki inee twodiery ri inee athii nina nane se.
\v 17 Azze yesu kinyopa ri loba ni oddo, athema kongah eabu ne ju tokojo elenini, angwi ma oggo mongah eabu ne ongah.
\v 18 Kiru kobwo eleni se wo, azze jew ri banny kapa kiru koja towe wo oggo kiru kondu kidda ri lago ne kale kobwo lago adi ongo inee twodiery ri inee athii rina nane duleku, ama angwi acho kungwe ri orri ne awery atheh, kithema ri awery ruw ne orri ro jojo (Seer)
\v 19 azze yesu kinyopa ri loba ne oddo, thoki, thoki, ngwago awery ruw se owe nga kobwo nga oduba athema kowowe, angwi ngwago kowowe.
\v 20 Kobwo athema kiyie ri ngwago ne iyie angwi lago kenna ri lago ni nga oduba awery owe kanaka kaki ne enna leebithi, angwi lago eleh andu kenna ri lago ne nga ne thumogoo ne oduba kopeh eleki toh anyi biya eleh andu ammi ruw kochu ake ochu.
\v 21 Kobwo easu athema ri banny uddaba ninjizo nini odda lele se azze kokwe loba, kadady anyo, achobo angwi ngwago kokwe bann awery ondu kanaka eleki kadady.
\v 22 Kobwoathema oliiju modi alobe ri lokikoku, ama lago okwe lokiko nulii leebithi ngwago ni wo.
\v 23 Anyi biya oggo banny leebithi kiwah ngwago easu loba ri athema niwahzo nini. Modi oloro iwah ngwagoku iwah athema oloro lago neabbu ri naneku.
\v 24 Thoki thoki, modi oloro keari ma ri ari ne eari angwi keawewo lago oloro ma neabbu ri nane ra andu kadady nyonyo wo angwi eleh andu imworo kale quwo, ama kiru lago ozwa kale odda ri lele se lidya.
\v 25 Thoki, thoki, achobo ma menna ri ammi ni oddo lao napa eleh keasesa wo azze elenini eya banny oduba udda bwo keari ri orri ri ngwago napa ri oli ne wo, azze kiru oduba reari ba eleki eleh andu kady wo.
\v 26 Kobwo oggo easu athema napa nini lidy awery ruwo, achobo angwi lago okwe ngwago napa ni anyi biya lidy kolow lago ri ruwo.
\v 27 Azze kiru athema okwe ngwago ni opopi anyi kiru kulii lokiko kobwo lago modi ri ngwago.
\v 28 Ammi nodo nga norowku eleni se, kobwo lao eleh keasesa wo oloro banny leebithi oduba budi niah ri kaki eleh andu keari ri lago ri oli ne anyo wo.
\v 29 Azze kiru eleh andu keathu angweh wo. Kiru oduba owe owowe ninthaka eleki longa lidya wo, azze oduba owe owowe ninjwika eleki konga anyi biya olii lokikoka kale wo.
\v 30 Ma ma ri ruw se away nga alla doku. Ma molii lokiko ne, easu ma ri rearizo nini, angwi ma molii lokiko ne thoki kobwo ma andu yeye maka anyoka ama yeye awe oloro ma neabbu ri nane molii lokiko ne dise anyo.
\v 31 Eya ma moryi ma ri ruw ne anyo, ma ri aryi napa olow thokiku.
\v 32 Modi alla aka oloro awe koryi ma ne ne, azze kiru ma monone oddo aryi awery ma noryizo nane thoki.
\v 33 Ammi neabbu reabbi iwana ra, azze lago kiru karyi thoki.
\v 34 Ama aryi napa ma ri a iy kana nane modi ra lele seku. Ma mojo nga eleki ne anyi biya kiruruka ammi.
\v 35 Iwana oleng o oloro kololy azze ko ie azze kiru ammi andda neyeye lonya ne awery offo nane se lao leadiru.
\v 36 Ama aryi napa oloro ma ra ini thumogona towe kopeh iwana rina nane ne, kobwo eabu athema ri okwe kanaka ma nika kaki anyi koko kale wo, eabu kapa ma ri owe kanaka toweka eleki, koryi ma oddo athema eabbu ma ne.
\v 37 Athema oloro ma neabbu ri nane lago awe koryi ma ne ne. Ammi neari lago ri oli doku angwi indeeh lago ri ovwi doku lao se leebithi.
\v 38 Lago ri ari assee ammi raku, kobwo ammi ole eawo modi nalobe oloro awery eabbu kana nane raku.
\v 39 Induta kawro kaki kobwo anyi biya ammi neyeye eyeye oddo ammi andu neassu ri lidy ne eassu nyonyo api ra wo, angwi kawro kapa kaki ge koryi ma ne anyo.
\v 40 Azze ge ammi neyeye eavvo maraku anyi biya ammi nolow lidya anyo wo.
\v 41 Ma ma iy kafufura banny ra lele seku,
\v 42 Ama achobo ma monone oggo oddo orri ri riyie ammi ra keway.
\v 43 Ma meaki athema ri ru se, azze kiru ammi ile ma na iy quwo. Azze eya eya modi alla eaki awery ru se anyo dule azze eleh andu ammi na iy ri awe ne anyo wo.
\v 44 Ya kiru ammi newo adado da koy, bo ammi nakkah ri kafufura ne modi alla ra lele se anyo azze ile akku oloro le keaki orri ra lele se nane nondu alyokuna?
\v 45 Ammi nodo eyeyeju oddo nguna eleh andu ma menna ri ammi ne athema ri andaku. Modi oloro kenna ri ammi ne awe mose, ingwita ammi ri asidi lago ra anyo.
\v 46 Eya ammi newo mose ra ohona, azze kiru eleh andu ammi newo mara ra wo, kobwo andda lago iworo ma ri ari oho.
\v 47 Eya kiru ammi newo lago ri iwrjo kapa eleki raku ya kiru andu ammi newo ma ri arari kapa ra ada’do?"
\c 6
\cl D'ullâ 6
\p
\v 1 Kiru nga kappa eleki ri bubuwa wo, azze yesu kozwa kale wo Galilee ri mearyi ri ado alla nan era, angwi ungwe ri Tiberia.
\v 2 Kiru b’anny ri anyag’a ne thumogo nane kovwi lago ri bu ne wo ko’bwo lob’a onddeh quetechi lago ri owe kana ombwe ri b’anny nika kaki.
\v 3 Azze yesu kothu orou b’eh nidii azze lago korye bouwa aka b’eh nidii na b’anny awery inne kanaka kaki ro.
\v 4 (Kiru ilia wo ozwa netellale na wo, azze kiru Jew ri ujuma, ethethe wo)
\v 5 Kiru yesu, kopee mii ne orou azze konddeh b’anny ri ayang’a ne thumogo ne wo keavvo awe ra, kiru lago ko’jo kilipo ni oddo, “ya kiru andu akovvo ingo re ta anyi akogeh osusi anyi biya b’anny eleki konya?
\v 6 (Ama yesu ko’jo ileh diya koka kilipo ne, kobwo awerina ne onne oho eya andu awe kowe ad’ung’a ne anyona).
\v 7 Azze kilipo kinyopa ri lago ne oddo, osusi ri d’awa long’e mudi mudury ree rika acho andu od’eiku d’id’i ni alobe ju kead’iru.
\v 8 Kiru b’anny inne kanaka kaki ri alla alobe, eleni enderia, simone pethoro ri ading’a, ko’jo yesu ni oddo,
\v 9 “Acho lago ningwa alla wa alobe lago inya ri osusi rot how eab’yi ro kapele ree, ya kieu eleki andu kowe ad’unga ne b’anny nab’yi kappa eleki ni?”
\v 10 Azze yesu ke’jo oddo, “ikweta b’anny kappa korye bouwa”. (Kiru ilia wo aei aka ofo napa nan era ab’yiru). Ilia wo azze agoo kappa korei bouwa wo, loked’eka kososa mudi mudury mudury thow (5000).
\v 11 Azze yesu konuu osusi kappa ne azze kiru ku’se okwe piapia kale ‘bwo, azze lago kokwe osusi kappa ne b’anny kappa ureiba bouwaka eleki ni wo. Angwi ge eab’yi kappa nil ago owe ileh, ge ab’yiru easu lob’a ri onduzo nini.
\v 12 Kiru ku’se b’anny kappa ibuliega kale ‘bwo, azze lago ko’jo b’anny awery inne kanaka eleki ni oddo, “onuuta eab’yi rathathib’a od’ub’a assab’a eleki kale, anyi biya nga alla kodo egweh aka lele seku.
\v 13 Kiru lob’a onuuw azze kiru iga eabo thoo rathathib’a eleki ‘se inya ri osusi thowka lob’a onyab’a eleki ri oyee kana kaki ra lele’se.
\v 14 Ilia wo, ku’se b’anny kappa onddeh quetechi napa lago ri owe kana eleni ‘bwo, azze job’a ko’jo oddo, “Acho diya eleni mia ri mud’i thoki oloro andda o’jo kana oddo eleh keakeaki mililio wa ini.”
\v 15 Ku’se yesu iboring’o kale ‘bwo oddo lob’a kondu eavvo ne wo azze kiticha ri awe ne agoh’se anyi kob’a awe ajju ri ossiru wo, azze wo, azze lago koyee kale wo angwi kothu orou b’eh, nidii awery ruw’se wo.
\v 16 Ku’se lao orula rina essa ‘bwo, azze b’anny awery inne kanaka eleki kosee bouwa mearyi niah.
\v 17 Azze lob’a kothuw roggo niah, azze kozwa mearyi nidii se wo kozwa kaparanuma. Kiru lao napa nan era bou one tiet, azze kiru adi yesu eaki lob’a raku.
\v 18 Azze kiru lowiwindi namba alla kenga wo kiru kogou bou ne, azze kiru mearyi napa ka’ja ri kenekene.
\v 19 Kiru ku’se lob’a iwadu apye ne kead’i kososa mudi ree imbi-thow eyabo mudi naa, azze lob’a kenddeh yesu ne koki mearyi nidii ‘se azze keaki roggo ri agaa, azze lob’a korow nga ne wo.
\v 20 Ama kiru azze lago ko’jo lob’a ni oddo, “Ini mai! Nodoo nga norowku.”
\v 21 Kiru ilia wo kondu lago na iy ne roggo niah na wo, azze roggo napa kessa ing’a lob’a ri ovvole nan era wo wule.
\v 22 Kiru ipoko ri‘se wo, b’anny ri ayang’a andda keddeh mearyi ri ad’o alla ra kaki kiru konddeh roggo alla naa keway tea lobe nane, kiru yesu napa acho adi othuw roggo niah naku b’anny awery inne kana kaki ro ama b’anny kappa awery inne kana kaki acho ovvo kale d’ule.
\v 23 Kiru ilia wo, roggo alokwa akana keavvo Tiberia lele’se kiru ethethe ofo lob’a ri inya ri osusi nonyale nan era kuse rimba natha okwe piapia ‘bwo.
\v 24 Kiru kuse b’anny ri ayang’a kappa kaki onne kale ‘bwo oddo yesu akana keway, kiru lob’a kappa api ri ruw’se d’ule wo othuw roggo niah azze kovvo kaparanauma yesu nondu’se.
\v 25 Kiru ku’se lob’a eassu lago ‘bwo mearyi napa ri ad’o alla nane ra, azze lob’a ko’jo lago ni oddo, “Rinne Natha, anyi me neaki wa ead’i da?”
\v 26 Azze yesu kinyopa ri lob’i ne, ko’jo oddo, “thoki, thoki, acho diya oggo ammi nondu ma ne, nondu ma ne quetchi ammi ri onddeh kana kaki ‘seku, ama ko’bwo acho andda ammi inya inyah ri o’su’si azze nibuliega.
\v 27 Nodoo eab’u nonga onya niku onya kokoko, ama ingata eab’u onya oloro kozee ammi ne lidya nyonyo nane ni anyo oloro eleh andu mod’i ri ngwago kokwe ammi n inane, ko’bwo Atheh orri epee awery nyad’ok lago nidii.”
\v 28 Azze lob’a ko’jo lago ni oddo, ya amma andu mowe od’oh ne anyo, anyi biya andu amma awe orri ri eab’u kappa anyo wo?
\v 29 Azze yesu kingwi ri nyopa ne azze ko’jo lob’a ni oddo, “Eleni orri ri eab’nonga anyo koy: oddo ewota mod’i alobe oloro awery eab’bu kana nan era anyo”
\v 30 Ilia wo azze lob’a ko’jo lago ni oddo, “ya kiru eleh andu quetechi ingo ne me nowe anyo wo, anyi biya amma anddeh azze mewo me ra anyo wo? Kiru eleh andu me nowe ad’oh ne ango?
\v 31 Aary ab’b’ii andda anya manna kujoto niah, easu andda riwrozo nini oddo, lago ekwe lob’a ni osusi ruthu ri lele’se onyale”.
\v 32 Kiru azze yesu kinyopa ri lob’a ne oddo, “Thoki, thoki, andda adi mo’se ekwe ammi ama nane athema ekwe ammi ni osusi thoki nane ne ruthu ri lele’se.
\v 33 Ko’bwo orri osusi nane ease bouwa ruthu ri lele’se azze kokwe lidy ne milili ni wo.”
\v 34 Ilia wo azze lob’a ke’jo lago ni oddo, “Bulukago, kwe amma ni osusi napa ini daly leebithib’a.”
\v 35 Azze yesu ko’jo lob’a ni oddo, “achobo ma osusi lidy rina, lago oloro eaki ma ra oho eleh andu vi oruuku, angwi lago oloro ewo ma ra oho eleh andu iyi vi oruuku.
\v 36 Ama acho andda ma menna ammi ni oddo ju ammi inddeh ma, azze ge ammi newoku.
\v 37 B’anny leebithi od’ub’a athema kokwe ma nika eleki eleh andu keavevo ma ra, azze awe oloro keakeaki ma ra eleni eleh andu ma abu angweh quwo.
\v 38 Ko’bwo adi ma measee bouwa ruthu ri lele’se, anyi biya awye yeye mana anyoku, ama mowe yeye lago oloro ma neab’b’u r inane rina ne anyo.
\v 39 Eleni yeye lago oloro ma neab’b’u ri nane rina, oddo ma modo api leebithi od’ub’a awery ekwe kanaka eleki ri alla negweku ju alobe, ama kiru eleh andub’a minji lob’a konga orou inee asseezo nane ra.
\v 40 Ko’bwo ini athema ri yeye, oddo b’anny leebithi od’ub’a ngwago nonddehb’a azze kewo lago raka eleki eleh andu kolow lidya nyonyo wo azze kiru eleh andu ma minji ri awe ne konga orou wo inee aseezo nane ra.”
\v 41 Ilia wo azze kiru Jew ri b’anny kombu pathapatha ne wo lago’se ko’bwo lago ko’jo oddo, “achobo ma osusi oloro easee bouwa ruthu ri lele’se.”
\v 42 Azze lob’a ko’jo oddo, “Eleni yesu esepo ri gogoku, oloro atheh pi ande ro aah akonone nane? Kiru elenini lago ko’jo ad’oh oddo, “ma measee bouwa ruthu ri lele’se?
\v 43 Azze yesu kinyopa ri ko’jo lob’a ni oddo, “Iddehta pathapatha nombu ammi ri agaga niah ilia kale.
\v 44 Mod’i alla eaki ma raw a d’oku eya nguna athema oloro ma neab’b’u ri nane eabu ne awe ne anyie, azze kiru eleh andu ma minji ri awe ne konga orou wo inee aseezo nane ra.
\v 45 Achobo andda iwro mia ri b’anny’se oddo, ‘B’anny leebithi eleh andu orri kinne ri inne. B’anny leebithi od’ub’a eari oho angwi inne athema ra lele’se oho keavevo ma ra.
\v 46 Mod’i alla alobe adi onddeh athehku, te awe oloro orri ra lele’se nane lago onddeh athe ne.
\v 47 Thoki, thoki, oloro kewewo acho ku’se awe lidya nyonyo wo.
\v 48 Achobo ma osusi lidy rina.
\v 49 Achobo andda ab’b’iiki onya manna kujoto niah, azze lob’a kudda.
\v 50 Ini osusi oloro easee bouwa ruthu ri lele’se, anyi biya mod’i konya awe anyo wo azze odda quwo.
\v 51 Ma osusi lidy rina oloro easee bouwa ruthu ri lele’se. Eya mod’i oloro onya osusi ini oho, awe eleh andu kady nyonyo wo. Osusi napa oloro eleh andu ma mokowe nane ma ri ruw i anyi biya milili kady d’ise.”
\v 52 Ilia wo azze Jew ri b’anny kotha api ri ruw raw o azze kori oja wo, kiru kejo oddo, “anyi kiru mod’i angona napa eleni kokwe awery ruw napa ne aah ni onyale adad’u koy da?”
\v 53 Ilia wo azze yesu ko’jo lob’a ni oddo, “thoki, thoki, eya adi ammi inya mod’i ri ngwago ri ruwaku angwi adi imbu lago ri eareiku, acho ku’se eleh andu lidy ammi ri ruwo keway.
\v 54 Oloro onya ma ri ruw oho azze kombu ma ri earei ne andu kolow lidya nyonyo wo, azze kiru eleh andu ma minji ri awe konga orou wo inne aseezo nan era.
\v 55 Ko’bwo ruw mana ne onya ne thoki, angwi earei maka iki ombu ne thoki.
\v 56 Lago oloro konya ma ri ruw ne azze kombu ma ri earei ne andu kasee ma ra wo, angwi ma masee awe ra anyo wo.
\v 57 Easu athema lidy rina nane ri ma neab’b’uzo nini, angwi easu ma ri adyzo nini ko’bwo athema, kiru eya lago oloro onya ma oho, angwi eleh andu awe kadady ko’bwo ma.
\v 58 Ini osusi oloro easee bouwa rutha ri lele’se, ede easu andda ab’b’iiki ri onya kana azze kuddaa nane niniku. Lago oloro onya osusi ini oho eleh andu kady nyonyo wo.”
\v 59 Ama yesu o’jo nga kapa kaki jo romomile nane niah ku’se lago kinne rinee ne kaparanauma niah.
\v 60 Kiru ilia wo b’anny nab’i awery inne kanaka kaki od’ub’a eari reari ‘bwo ko’jo oddo, “Acho eleni rinne namba, ad’i kakkah ri rinne napa ne ne nyuna?”
\v 61 Ko’bwo kiru yesu napa kaki kombou pathapatha ne d’ise wo, azze ko’jo lob’a ni oddo, “Eleni kizza ri ammi ri aside ne re?
\v 62 Anyi kiru eya andu ammi nonddeh mod’i ri nywago napa kothuw orou wo ofo andda awery eakile athii rina nane raw o na?
\v 63 Eleni oyuru lidy ne ne, ruw rim ii longwe keway. Arari od’ub’a mari ong’a kana ammi nika eleki oyuru rika, azze kiru eleki api lidy i ne wo.
\v 64 Azze kiru ammi ri alokwa acho ge adi ewoku.” Ko’bwo oggo yesu onne oho andda rid’alale lele sena eya ad’ub’a eleh andu ewoku ne anyone angwi eya andu ad’i kimang’a ri awe ne ne na.
\v 65 Azze lago kejo oddo, “Achobo ma mo’jo ko’bwo oggo eleni’se ma mo’jo ammi ni oddo mo’di alla alobe eaki mara d’oku eya nguna Athema oyee awe ne na anyie.”
\v 66 Ko’bwo eleni’se wo, azze b’anny awery inne kanaka eleki kowvvo kale wo azze ole eab’u nonga lago ra quwo.
\v 67 Ilia azze yesu ko’jo mudury imbi reeka eleki ni oddo, “kiru ammi rikaki angwi ile ovvo kaleku re, ya ammi novovo?”
\v 68 Azze simone pethoro kinyopa ri lago oddo, “Rimba natha, eleh kiru andu amma movvo ad’i ra? Bo me arari lidy rika ra na,
\v 69 Acho kiru amma mewo kale ‘bwo angwi bo mevvo anyi anne oddo me aggwy natha orri rina.
\v 70 Azze yesu ko’jo lob’a ni oddo, “andda ad’i ma mepeh ammiku re, mudury imbi reeka eleki, azze kiru ammi ri alla alobe mod’i ninjwi?”
\v 71 Eleni lago kong’a Juda simone isakriota ri gogo ne, ko’bwo lago awe, mudury imbi reeka eleki ri all alobe, oloro eleh andu kimang’a ri yesu ne wo.
\c 7
\cl D'ullâ 7
\p
\v 1 Eleni ri bubuwa wo, azze kiru yesu kaway Galilee niah wo, ama kiru lago adi eyeye oki judya niah naku, ko’bwo Jew ri b’anny konduw lago ne iddale.
\v 2 Ama diya kiru Jew kappa kappa ri ujuma obila rika ethethe wo.
\v 3 Ilia wo azze kiru awery adii kappa ke’jo lago ni oddo, “oyee wa ri lele’se kale azze noki Judya anyo, anyi biya angwi b’anny me ri nine kanaka eleki konddeh eab’u kappa me ri owe kana eleki.
\v 4 Mod’i konga eab’u ne kodo ambweku eya awe konduw anyi b’anny konne leebithi na.
\v 5 Eya me nowe nga eleki ni anyo, acho ku’se nenna ri me ri ru ne milili ni wo.” Acho ko’bwo andda adi awery adii kappa ewo lago raku.
\v 6 Kiru azze yesu ko’jo lob’a ni oddo, “Achobo lao mana adi ge eassa waku, ama lao daly leebithi ammi rikaki ni inthaka.
\v 7 Milili othi ammi asidioku, ama milili kothi ma ne asidio anyo, ko’bwo ma moryi milili kappa ne oddo eab’u apika injwika.
\v 8 Ivvota ujuma napa ra. Ma rina ne oggo aki ujuma napa eleni ra, ko’bwo lao mana adi od’eku.”
\v 9 Bubuna wo ku’se o’jo ileh ‘bwo, azze lago kichaka Galilee na wo.
\v 10 Ama ku’se awery adii kappa ovvo ujuma napa ra kale ‘bwo, kiru azze angwi lago awery ruw’se koki, adi oki foroku ama kiru ambwe ri ambwe anyo.
\v 11 Azze kiru Jew ri b’anny kappa konduw lago ne wo ujuma niah na azze ko’jo oddo, “anyi lago ingo da?”
\v 12 Azze kiru akana wo o’ja konga lago’se wo b’anny kapa ri ayang’a niah na. “Kiru alokwa ke’jo oddo, “Achobo lago mod’i nintha,” (kiru) alokwa rikaki ko’jo oddo, keway, achobo, lago kontheh b’anny ri ayang’a ne leathy ninjwia.”
\v 13 Kiru ge, mod’i alla alobe adi ong’a ari foroku lago ni ko’bwo lob’a korow Jew ri b’anny ne.
\v 14 Kiru ku’se lao ossa ujuma ri agaga ‘bwo, azze yesu koki orri ri jo romomyile nane ri akulongo wo azze kid’ala ri nine ne anyo wo.
\v 15 Azze Jew ri b’anny kapa ri ruw kochu ake ne wo azze ko’jo oddo, “Anyi da lago konne kawro napa ne adad’u bo adi innekuna?”
\v 16 Kiru yesu kakkah ri lob’a ne azze ko’jo oddo, “Rinne mana ne ma riku ama mod’i oloro ma neab’b’u ri nane ra lele’se.
\v 17 Eya mod’i oloro kepeh ri anyi kowe yeye lago rina anyo eleh andu konone eya ma ri rinne napa orri ra lele’se de ma mong’a maka ne.
\v 18 Mod’i oloro kong’a arari aweka ne anyo d’ule, ama mod’i oloro kondu mod’i lago neab’b’u r inane nikku ne anyo eleni thoki, azze kiru injwi lago ra keway.
\v 19 Andda adi mo’se okwe ammi ni kakokoku ve? Ya kiru ammi ri alla adi iruruka kakoko napaku. Ya kiru ammi nimang’a ri ma nidda ne ad’u da?
\v 20 Azze kiru b’anny ri ayang’a kakkah oddo, “Setan me ra! Ad’i eleh kimang’a ri me nidda ne ne?”
\v 21 Azze yesu kakkah azze ko’jo lob’a ni oddo, “Achobo ma anga eab’u alobe azze kiru ammi ri ruw kochu ake ne wo leebithi.
\v 22 Ko’bwo eabwo eab’u napa’se. Mose andda akwe ammi ni rigwetu anyo rigwetu napa nane keaki mo’se ra lele ‘seku ama acho keaki ab’b’ii ra lele’se – azze kiru ammi nigwetu ri mod’i ne inne twodiery ri inne athii rina’se wo.
\v 23 Eya kiru mod’i ka iy ri rigwetu ne inne twodiery ri inee athii rina’se wo anyi kiru mo’se ri kakoko napa ong’o d’o quwo, ya kiru ammi notha ma’se ko’bwo ma akwe b’anny athu leebithi inee twodiery ri inne athii rina nane’se?
\v 24 Iddehta lokiko nolii oloro e owy ri eleni kale, ama aliita lokiko thoki anyo wo.”
\v 25 Ilia wo azze b’anny ichakab’a Jerusalem ri kaki ri alokwa ko’jo oddo, “ya nguna eleni lago oloro lob’a kondu kimang’a ri anyi kidda naneku?
\v 26 Inddeh azze bo acho, lago kong’a ari ne foro azze lob’a kejo nga alla lago ra ke. Ya kakoko ri oppi kappa nguna iboring’o oho oddo lago messiah?
\v 27 Ama achobo aah rikaki akonone eya eya ingo ri lele ‘sena. Andda ku’se messiah ri eaki’se, mod’i alla eleh adi anneku eya lago ingo ri lele ‘sena."
\v 28 Ilia wo azze yesu kuzwa orri ri jo romomyile nane ri akulogo niah easu andda awery rinnezo nini azze ko’jo oddo, “Achobo ammi nonne ma ne onne azze angwi bo nonone eya ma ingo ri lele’sena. Ma adi meaki ma ri ruw’se d’uleku, ama mod’i oloro ma neab’b’u ri nane, awe adi ammi adi ammi inneku anyo, awe thoki ne.
\v 29 Ma monne lago ne onne ko’bwo ma lago ra lele’se, angwi awe eab’b’u ma ne.”
\v 30 Ilia wo azze lob’a kiru kimang’a ri lago noruu ne wo, kiru mod’i alla oggo adi ollo lago de ‘seku, ko’bwo lago ri lao adi essaku.
\v 31 Ama kiru ilia wo azze b’anny nab’i ri ayang’a kid’ala ri ewo ne lago raw o, azze ko’jo oddo, “ya kiru eya messiah napa keakeaki ead’i eya eaki oho, eleh andu lago konga quetechi nab’i ne onga od’ub’a kopeh mod’i eleni ri owe kapaka eleki ne opeh?”
\v 32 Kiru Jewb’a ri kakoko ri buluka keariri b’anny ri ayang’a ko’jo lago ‘se wo kiru kazza, azze kawila ri appi pi Jewb’a ri kakoko ri buluka kapa ro kiru keab’b’u ri jai kappa atheahle rika kaki ne wo anyi biya koru lago.
\v 33 Ilia wo azze yesu ko’jo oddo, “ma eleh andu molow ammi ro lao aliiru te, azze eleh andu ma moki mod’i oloro andda ma neab’b’u ri nane ra wo.
\v 34 Ama kiru eleh andu ammi monduw ma ne wo azze kiru neassu (ma) d’o quwo, azze kiru ofo oloro ma aka nane ammi issa aka d’o quwo.”
\v 35 Kiru ilia wo azze Jew ri b’anny kapa ko’jo api ri ruw ni oddo, “Anyi kiru lago koki ingolia d’a oddo eleh andu akeassu awe d’oku eleni? Acho thoki ya lago b’anny arab’a Geregib’a ri agaga niah ri kaki raku anyi kinne Geregib’a kaki wo, elen awe re?
\v 36 Anyi ari napa awery a’jo kana eleni ri d’uki ad’wi da oddo, ‘Ama kiru eleh andu ammi nonduw ma wo azze kiru neassu (ma) d’o quwo, azze kiru ofo oloro ma aka nane ammi issa aka d’o quwo?”
\v 37 Kiru inne ne thumogo towe ujuma ri aseezo nane ra wo, azze yesu keddeh orou wo azze kob’b’eh oddo, “mod’i oloro iyi vi ro keaki ma ra azze kombu.
\v 38 Mod’i oloro ewo ma ra, easu kawro ri o’jozo nini oddo: Gologo ri iyi lidy rika eleh andu koguru awe niah lele’se wo?”
\v 39 Lago o’jo eleni anyi biya api od’uka andda eavvob’a awe ra anyi kewoka eleki anyi biya ka iy oyuru wo. Ko’bwo andda, adi oyuru okweku, ko’bwo yesu adi andda ikkuku.
\v 40 Kiru b’anny kappa ri alokwa b’anny ri ayang’a niah ad’ub’a eari kappa eleki, ‘bwo kiru ko’jo oddo, “Acho diya eleni mia ri mod’i thoki.”
\v 41 Kiru alokwa rikaki kejo oddo, “Achobo diya eleni messiah.” Ama azze alokwa rikaki ke’jo oddo, “Ad’iriro bo messiah napa eleh andu keafu Galilee ri lele ‘sekuna, ya nguna eleni awe?
\v 42 Andda adi kawro napa o’joku re oddo massiah eleh andu keafu Dabide ri od’i ra lele’se angwi bo keafu Bethele ri lele’se, juru Dabide ri ichakale nane ra?”
\v 43 Kiru ilia wo azze rapee konga wo b’anny kappa ri ayang’a niah na lago ri ari’se wo.
\v 44 Kiru b’anny kappa ri alokwa kondu lago noruu ne wo, ama kiru mod’i alla ju alobe adi ollo de lago raku.
\v 45 Ilia wo azze jai kappa atheahle rika eleki kovvo kawila ri oppi ra Jewb’a ri kakoko ri buluka ro, azze kozyi lob’a ni oddo, “Anyi ammi neazee lago kad’oh?
\v 46 Azze ‘jai kappa kakkah oddo, “Acho andda athiina mod’i alla adi ong’a ari kede easu, mod’i eleni rina niniku.”
\v 47 Ilia wo azze Jewb’a ri kakoko ri. Buluka kappa kakkah ri lob’a ne oddo, “Angwi iwowolo ammi kale ‘bwo?
\v 48 Ya oppi kappa eleki ri alla eyabo Jewb’a ri buluka eleki ri alla ewo lago ra ‘bwo?
\v 49 Ama kiru b’anny ri ayang’a, od’ub’a adi onne kakokokuka eleki, kiru ogow kale wo.”
\v 50 Kiru nikodemo api ri bulukago alla alobe oloro andda oki lago ra athii ineego ri ‘se, azze ko’jo lob’a ni oddo,
\v 51 Ya kiru aary kakoko napa kimwo mod’i ro anyo athii ku’se kakoko napa adi eari lago ri ariku da athii azze kiru keasu ri eya lago kowe ad’unga ne anyone?”
\v 52 Azze kiru lob’a kakkah ke’jo lago ni oddo, “Achobo, angwi me Galilee ri lele ‘seku, ya me Galilee ri lele’se re” inddeh’ba angwi nddeh tho oddo mia ri mod’i eafu Galilee ri lele’seku.
\v 53 Ilia wo azze kiru d’id’i koki awenga b’ah wo.
\c 8
\cl D'ullâ 8
\p
\v 1 Azze kiru yesu kothuw b’eah olive rina nane nidii.
\v 2 Ama kossa a ie ri ‘se ‘bu’bu ku’se bou adi aneetheryru azze angwi lago kessa orri ri jo romomyile nane ri akulogo, azze lago korei bouwa azze kinne ri lob’a ne wo.
\v 3 Ilia wo azze mo’se ri kakoko nine rib’a pi Jewb’a ri bukuka ro azze keazee ri mod’i izina ne oloro oruu thoworo azze kob’a nena napa ne keddeh agaga wo.
\v 4 Azze lob’a ko’jo lago ni oddo, “rinne natha, acho mod’i izina ini oruu kowe thoworo ne.
\v 5 Kiru elenini kakoko niah wa, mo’se iyuyuko amma oddo mod’i nizi ovwi eleni mowa kale any’se. Ya kiru me rinane no’jo ad’unga ne?”
\v 6 Lob’a ko’jo ileh kokka lago ning ne, anyi biya keazee kang’ong’o alokwa lago ning’ong’ozo anyo. Azze yesu kod’i dii ne bowa azze kid’ala ri iwro ne ing’a nidii wo awery de ningwa’se.
\v 7 Ama ku’se ge adi lob’a kitunyo ri lago nozyi ne munyieru, azze lago kongi dii ne orou azze ko’jo lob’a ni oddo, mod’i oloro ammi ri agaga niah oloro ndo ge adi ossurossuku awe kowa ony ne athii nena napa ra.”
\v 8 Angwi azze kod’i dii ne bouwa azze kiwro ri ing’a nidii.
\v 9 Kiru nyopa napa eleni’se, azze lob’a kovvo kale wo alobe alobe, id’ala buluka nagwii ra lele’se. Kiru oyee lago d’ule wo mod’i izina napa ro lago ri andanda.
\v 10 Ilia wo azze yesu kongi dii ne orou azze ko’jo nena napa ni oddo, “me nena, lob’a eleki ingole? Ya alla alobe adi imwo me roku?”
\v 11 Azze nena napa kakkah oddo, “Ju alobe adi, imwo ma roku bulukago” ilia wo azze yesu ko’jo oddo, “ju ma angwi mimwo roku. Inga ki wo, (angwi) nodo rossu alla nowe quwo towe quwak.”
\v 12 Azze yesu kong’a lob’a ni angwi ko’jo oddo, “ma milili ri offo. Mod’i oloro kovwi ri ma rib u ne eleh andu away ofo naneethery niah quwo, ama eleh andu kolow offo lidy rina ra anyo wo.”
\v 13 Ilia wo azze Jewb’a ri buluka kapa ko’jo lago ni oddo, “achobo me noryi me ri ruw ne anyo d’ule, kiru me ri oddo, “achobo me aryi napa thokiku.”
\v 14 Azze yesu kakkah ko’jo lob’a ni oddo, “Ju eya ma moryi ma ri ruw ne anyo, ma ri aryi napa kolow thoki, ko’bwo ma monone eya ma meaki ingo ri lele ‘sena angwi eya eleh ma moki ingona. Ama ammi inneku eya ma meaki ingo ri lele’sena eyabo ma moki inona.
\v 15 Ammi rikaki nolii lokiko ne foro, ama ma rinane alii mod’i alla ri lokikoku.
\v 16 Azze ju eya ma andu molii lokiko ne, oggo ma molii lokiko napa ne thoki ka’bwo ma d’uleku, ama amma athema ma neab’b’u ri nane ro.
\v 17 Eyo, azze achobo ammi ri kakoko napa nan era iwro aka oddo agoo kapele reek karyi thoki.
\v 18 Ma awe oloro moryi ma ri ruw ne ma, angwi athema oloro ma neab’b’u ri nane koryi ma ne.”
\v 19 Lob’a ko’jo lago ni oddo, “anyi atheki napa ingole?” azze yesu kakkah oddo, “ammi inne maku angwi andu ammi nonne athema ne onne.”
\v 20 Lago o’jo ari kapa eleki ofo okwe nub’ub’ale nane ra easu andda awery rinnezo nini orri ri jo romomyile nane niah, azze kiru mod’i alla adi oruu lago quwo ko’bwo lago ri lao adi essaku.
\v 21 Ilia wo angwi azze lago ko’jo lob’a ni oddo, “ma wi moki kale wo, azze kiru eleh andu ammi nonduw ma ne wo azze eleh andu nuddaa ammi ri rossu napa’se wo. Ofo oloro ma moki aka nane, ammi neassa aka d’oku.”
\v 22 Azze Jew ri b’anny kapa ko’jo oddo, “ya lago kondu ruw nidda ne kale wo? E’jo awery ojo kana oddo, ofo oloro ma moki aka nane ammi essa aka d’oku nane’se.”
\v 23 Azze yesu ko’jo lob’a ni oddo, acho ammi rikaki bubu ri lele’se, azze kiru ma rinane ororou lele’se. Ammi milili ini rika, kiru ma rinane milili ini rinaku.
\v 24 Eleni awe, ma mo’jo ammi ni d’ise anyo oddo eleh andu nuddaa ammi ri rososu kapa’se wo. Ko’bwo eya adi ammi newo oddo ini maku, azze eleh andu nuddaa ammi ri rososu kapa eleki’se wo.”
\v 25 Ilia wo azze lob’a ke’jo lago ni oddo, “me ad’i da?” azze yesu ko’jo lob’a ni oddo, “ma a’jo ammi ni ad’unga rid’alale lele ‘sena anyo.
\v 26 Nga ab’iru od’ub’a ma mong’a ammi ni azze molii ammi ri lokiko ne wo. Achobo, lago oloro ma neab’b’u ri nane thoki, angwi nga andda ma ri eari kana lago ra lele’se kaki, nga kappa eleki achobo ma a’jo milili ni oho.”
\v 27 Kiru lob’a adi ikokoroku oddo andda lago kong’a lob’a ni atheh ri kiw ne anyo.
\v 28 Azze yesu ko’jo oddo, “Eya andu ammi nongi mod’i ri ngwago ne ororu wo, azze kiru eleh andu ammi nonne oddo ini ma, angwi nonne oddo adi ma awe nga ma ri ruw’se d’uleku. Easu athema ri rinnezo nini, kiru ma mong’a nga kapa eleki ne anyo.
\v 29 Lago oloro ma neab’b’u ri nane ma ro wo, angwi lago adi oyee ma d’uleku, ko’bwo ma mowe nga od’ub’a kokwe lago ni lonya ne anyo, daly leabithi.”
\v 30 Kiru easu yesu ri nga kapa no’jozo nini wo, azze b’anny nab’I kewo lago ra wo,
\v 31 Kiru azze yesu ko’jo Jew ri b’anny od’ub’a ewob’a awe raka eleki ni oddo, “Eya ammi nasse ma ri aria anyo wo, azze kiru eleh andu ammi nolow b’anny ma ri inne kanaru anyo wo;
\v 32 Azze kiru eleh andu ammi nonne thokithoki ne wo, azze kiru thokithoki napa eleh andu kokwe ammi nolow kala anyo wo.”
\v 33 Azze lob’a kinyopa ri lago ne oddo, “Amma aburamu ri licho angwi ge oggo adi molow mod’i alla ri nyaa ruku towe quwaki, anyi kiru me no’jo oddo, ammi eleh andu nolow kalla ad’oh?”
\v 34 Azze yesu kakkah ri lob’a ne oddo, “thoki, thoki, achobo ma mo’jo ammi ni oddo, b’anny leebithi odu’ub’a kowe rossu neka eleki rossu ri nyaa.
\v 35 Nyaa asse b’ahku nyonyo; ama nywago rina kase b’ah nyonyo wo.
\v 36 Ilia wo, kiru eya nywo oyee ammi kala oho, acho kiru eleh andu ammi nolow kala wo.
\v 37 Ma monone oddo ammi aburamu ri licho, ammi nondu ma ne iddale kale ko’bwo ma ri ari ri ofu ammi ra keway.
\v 38 Ma mo’jo ngo oloro ma monddeh athema ra, azze ammi, angwi nowe nga od’ub’a neari ri ammi ri atheeh ra lele’se.”
\v 39 Azze lob’a kakkah azze ko’jo lago oddo, “Ammary ab’b’i aburamu.” Azze yesu ko’jo lob’a ni oddo, “Eya ammi Aburamu ri erebi, sona nowe Aburamu ri eab’u ne anyo.
\v 40 Kiru, eelenini ammi nondu ma ne iddale kale, mod’i oloro kenna ri ammi ni anyo oloro ma ma meari ri orri ra lele’se. Achobo andda adi Aburamu owe ilehku.
\v 41 Iwetua ammi ri atheh ri eab’u anyo.” Azze lob’a ko’jo lago ni oddo, “Adi othee amma thoworo ‘seku, Ammary atha alobe: orri.”
\v 42 Azze yesu ko’jo lob’a ni oddo, “Eya sugo orri ammi ri atha, so ammi niyie ri ma ne niyie, ko’bwo ma adi meaki ma ri ruse d’uleku, ama awe eab’u ma ne.
\v 43 Kiru ammi nikokoro ma ri ari kapa kad’uda? Acho ko’bwo ammi neari mari ari kapaku.
\v 44 Ammi rikaki ammi ri atha, setan, angwi ammi nonduw nowe od’ia ammi ri atheh rika ne anyo. Lago ridda ri mod’i id’ala andda rid’ala ri lele ‘sena azze lago ole eddeh thokithokio anyoku ko’bwo thokithoki lago rake. Eya lago kong’a ari ne diya kong’a lado ne anyo, lago kong’a awery ari ri kaka ne anyo ko’bwo lago lado ri mod’i angwi lado rib’a ri atha.
\v 45 Kiru, ko’bwo ma mong’a thoki wo, azze ammi newo maraku.
\v 46 Ad’i ammi ra ilia kichandi ri ma ne ichandi rossu ‘se ne? Eya ma mong’a thoki, kiru ammi newo maraku ad’u da?
\v 47 Lago oloro orri ri keari ri orri ri arari ne anyo; ammi neari apiku ko’bwo ammi orri riku.”
\v 48 Ilia wo azze Jew ri b’anny kakkah kiru ko’jo lago ni oddo, “Adi amma ajoku thoki oddo me ‘samari itago azze angwi setan kolow me ra anyo?”
\v 49 Azze yesu kakkah oddo, “setan mara keway, ama ma miwah ri athema ne anyo, azze ammi nimena ri ma ne kale anyo.
\v 50 Ma anduw akku mana makku, mana maku; mod’i alla eleh aka awe konduw angwi kolii lokiko ne ne.
\v 51 Thoki, thoki, acho ma mo’jo ammi ni oodo, eya mod’i oloro kiruruka ri ma ri ari ne, ku’se eleh andu awe anddeh oddaku.”
\v 52 Azze Jew ri b’anny kapa ko’jo ni oddo, “acho elenini kiru anne oho oddo me setan. Aburamu odda oho angwi mia ri b’anny oddaa oho; azze kiru me rinane no’jo oddo, “Eya mod’i oloro kiruruka ri ma ri ari ne, ku’se eleh andu id’ed’enya oddaku.”
\v 53 Me thumogona toweku ipeh amary ab’b’I aburamu oloro odda r inane d’oku, deah me nopopeh d’o? Angwi mia ri b’anny pi ro oddaa oho. Ya kiru me rinane nowe ruw na ne anyi nolow ad’i?”
\v 54 Azze yesu kakkah oddo, “Eya ma mikku ri ruw ne anyo, ma makkuku, athema awe kikku ri ma ne ne – oloro ammi no’jo oddo lago ammi ri orri nane.
\v 55 Azze ammi adi inne lagoku, ama ma monne lago ne onne. Eya ma mo’jo oddo, “ma anne lagoku, ‘ku’se eleh andu ma mede easu ammi niku wo, lodo ri mod’I wo. Achobo, ma monne lago ne onne angwi miruruka ri lago ri ari ne iruruka?
\v 56 Achobo andda ammi ri ab’b’i napa aburamu inyonyori ma ri inne nonddeh ‘se oho; lago andda onddeh inne napa azze kolow lonya’se wo.”
\v 57 Azze Jew ri b’anny kapa ko’jo lago ni oddo, “achobo me ri kii adi ossa mudi thowku, azze me nondde aburamu ne?”
\v 58 Azze yesu ko’jo lob’ani oddo, “thoki, thoki, acho ma mo’jo ammi ni oddo, athii ku’se ndda adi aburamu keway, azze ma aka.”
\v 59 Ilia wo azze lob’a konun ony wo anyi kowa lago, azze yesu kombwe ri awery ruw ne azze koqui angweh orri jo romomyile nane ra lele’se.
\c 9
\cl D'ullâ 9
\p
\v 1 Kiru ilia wok use yesu kozozwa wo, azze lago konddeh mod’i agona ne mud’ud’wo ge andda otheele na.
\v 2 Azze b’anny awery inne kanaka eleki kozyi lago ne oddo, “Rinne natha, anyi aad’i ossurossu ne, mod’i agona napa eleni deh atheh pi ande ro, lago notheezo mud’ud’woru eleni?”
\v 3 Azze yesu kakkah oddo, “mod’i agona eleni adi ossurossuku, angwi atheh pi ande ro adi ossuku, ama eleni achobo anyi biya andu onddeh orri ri eab’u kappa lago ra anyo.
\v 4 Aah oggo akonga eab’u awe oloro ma neab’b’u r inane rika ne anyo eya ithu ri ‘sena. Ineego eleh keakeaki oloro okwe mod’i onga eab’uku.
\v 5 Eya ma milili niah wa, ma milili ri offo”
\v 6 Ku’se yesu o’jo nga kappa eleki ‘bwo, azze kowyi lala ne ing’a, azze kong’a ludy ne lala’se, azze kabbeh ludy napa ne lago miio.
\v 7 Azze ko’jo lago ni oddo, “ki, azze nujwe ri ab’ulu siloama rina nane niah, “oloro ileleng’a ri oddo Eab’eb’u”. Ilia wo azze mod’i agona napa kokoki wo, azze kujwe ri, azze kengwi kandandeh wo.
\v 8 Kiru azze mod’i agona napa ri b’ah laga rib’a pi api od’ub’a andda onddeh lago athii amyi ri mod’i kaki pi ro kiru ko’jo oddo, “Eleni nyuna mod’i agona oloro andda korei bouwa azze kamamyi iniku?”
\v 9 Azze alokwa ke’jo oddo, “Acho eleni awe.” Kiru alokwa ke’jo oddo, “keway, ama achobo lago kede awe nini.” Ama kiru azze lago ke’jo oddo, “Achobo ma awe.”
\v 10 Azze lob’a ko’jo lago ni oddo, ya kiru me ri mii kappa opee ri adad’uh?”
\v 11 Azze lago kakkah oddo, “mod’i agona oloro ungwe kana yesu nane ong’a ludy azze kobbeh ludy napa ne ma ri miio azze ko’jo ma ni oddo, “ki ‘siloama azze nijwe ri.” Ilia wo azze ma moki azze mujwe ri, kiru azze ma maiy ri ma ri anddeh ne wo.”
\v 12 Azze lob’a ko’jo lago ni oddo, “ya lago napa ingole?” azze lago kinyopa ri oddo, “ma adi anneku.”
\v 13 Azze lob’a keazee ri mod’i agona napa mud’ud’uwo eleni ne Jewb’a ri kakoko ri bubuka ni wo.
\v 14 Ilia wo kiru inee napa oloro yesu ri ludy nong’azo azze lago kopee lago ri mii ne nane inee twodiery ri inee athii rina.
\v 15 Kiru azze angwi Jewb’a ri kakoko ri b’uluka kappa kozyi lago ne oddo anyi da lago napa awe a iy anddeh adad’uh. Azze lago ko’jo lob’a ni oddo, “Acho lago ob’a ludy ma ri miio anyo, azze ma mujwe ri, azze kiru elenini ma mandandeh wo.”
\v 16 Kiru Jewb’a ri kakoko ri buluka kapa lago iruruka inne twodiery ri inee athii rina naneku.” Kiru alokwa ko’jo oddo, “anyi kiru mod’i agona oloro rossu ri mod’i kowe quetechi kapa eleki ne adad’uh?” kiru azze rapee konga lob’a ri agaga niah wo.
\v 17 Ilia wo azze angwi lob’a kozyi mod’i agona napa mud’uwo eleni ne da oddo, “ya kiru me no’jo ad’unga ne anyo lago’se, bo lago opee me rim ii kapa oho na?” azze mod’i agona napa mud’ud’uwo eleni ke’jo oddo, “Achobo lago mia ri mod’i.”
\v 18 Kiru ilia wo Jewb’a kapa ge adi ewo lago ‘seku oddo lago mud’ud’uwo angwi lago a iy anddeh ‘bwo tokojo lob’a ri atheh nungwele ande ro lago olor a iy anddeh kale ‘bwo eleni.
\v 19 Azze lob’a kozyi atheh ne ande ro oddo, “ini ammi ri ngwago oloro ne’jo othee mud’ud’uworu ini? Ya kiru lago anddeh adad’u da elenini ilia?”
\v 20 Kiru azze atheh pi ande ro kakkah lob’a ni oddo, “amma monone oddo eleni ammary ngwago angwi andda othee lago mud’ud’uworu.
\v 21 Eya lago anddeh adad’u elenini, kiru adi amma anneku, angwi eya ad’i opee lago ri mii ne, kiru adi amma anneku. Izyita lago, achobo lago agwina wo. Acho lago kong’a ari ne ong’a awery ruw’se d’o.”
\v 22 Atheh pi ande ro o’jo nga eleki, ko’bwo lob’a lob’a korow Jew ri b’anny ne. Ko’bwo Jew ri b’anny kapa ong’a yung’a b’uka oddo eya mod’i oloro kenna ri lago ne oddo khristho, azze eado ri lago ne angweh jo romomiale nane ralele ‘se kale wo.
\v 23 Kiru atheh pi ro o’jo oddo, “achobo lago agwina wo, izyita lago” ko’bwo ari napa eleni’se.
\v 24 Ilia wo daly reezo’se azze angwi kungwe ri mod’I agona napa mud’ud’uwo elleni ne azze ko’jo lago ni oddo, “kwe akku orri ni anyo, amma monone oddo mod’i agona eleni rossu ri mod’i.”
\v 25 Kiru azze mod’i agona napa nane kinyopa ri oddo, “kiru ma anneku yo eya lago rossu ri mod’i na. Ma monne nga alobe ‘se ma andda mud’ud’uwo azze kiru elenini ma mandandeh wo.”
\v 26 Kiru azze lob’a ko’jo lago ni oddo, “anyi lago owe meni ad’unga da?
\v 27 Lago opee me rim ii adad’u da?” azze lago kakkah oddo, “achobo ma menna ammi ni ‘bwo jeru d’ini, azze ge ammi neariku! Kiru ge angwi ammi nonduw neari ri ari napa ne azu da? Ammi ile olow b’anny swery inne kanaruku anyo, ya ammi nololow?
\v 28 Azze lob’a konna lago ne ko’jo oddo, “me awery mod’i inne kapa ne anyo, ama amma rikaki mo’se ri b’anny inne kana.
\v 29 Amma monne oddo andda orri ong’a ari mo’se ni anyo, ama amma anne mod’i eleniku eya ingo lele’sena.”
\v 30 Azze mod’i angona napa kakkah ko’jo lob’a ni oddo, “Eleni ruw ri ake nochuzo, ammi adi inneku eya lago napa nane ingo lele’sena, azze achobo lago opee ma rim ii oho.
\v 31 Acho amma monne oddo orri eari rossu ri b’anny, ama eya mod’i oloro kiwa ri iwa angwi kowe yeye awena ne owe, lago keari ri awe ne eari.
\v 32 Ko’bwo ge andda milili ri id’alale ari alla adi eariku oddo mod’i alla opee mod’i angona oloro othee mud’ud’woru ri miiku.
\v 33 Eya mod’i agona eleni orri ra lele’sekuna, sugo lago owe ngaku.”
\v 34 Azze lob’a kakkah ko’jo ni oddo, “oggo othee me rossosu niah d’ed’eh, angwi kiru me nine ri amma ni anyo?” iliaw azze lob’a kodo lago ne angweh wo.
\v 35 Kiru yesu eari oddo lago keassu ri lago ne azze ko’jo aka oddo, “me newewo mod’i agona ri ngwago ra?”
\v 36 Azze lago kinyopa ri kiru ko’jo oddo, “lago ad’i da, Rimba natha, anyi biya ma andu mewo awe ra anyo wo?”
\v 37 Azze yesu ko’jo lago ni oddo, “achobo me inddeh lago oho, azze bo eleni awe oloro kong’a ari ne mero eleni.”
\v 38 Azze mod’i agona napa ko’jo oddo, “Rimba natha, ma
\v 39 Azze yesu ko’jo oddo, “ko’bwo ma meaki milili ini niah wa lokiko nolii anyi api od’ub’a anddeh d’okuka eleki kandandeh wo angwi anyi api od’ub’a kandandehka eleki kolow mud’ud’wokaru anyo wo.”
\v 40 Kiru Jewb’a ri kakoko ri buluka alokwa od’ub’a lago ra kaki eari, “ya angwi amma pi ro mud’ud’woka wo?”
\v 41 Azze yesu ko’jo lob’a oddo, “Eya so ammi mud’ud’woku, ‘so ammi nossuku, ama elenini ammi no’jo oddo, ‘amma mandandeh,’ ya achobo ammi ri rossu napa kasasee.”
\c 10
\cl D'ullâ 10
\p
\v 1 Thoki, thoki, acho ma mo’jo ammi ni oddo, lago oloro adi oqui billu ri kali niah kali ri leathy nanda ‘seku, ama koqui leathy alla’se anyo, mod’i eleni oguw angwi arra ri mod’i.
\v 2 Lago oloro koqui kali ri leathy nanda ‘se eleni billu ri billulego.
\v 3 Kali ri leathy nanda notheh natha kapee lago ni leathy ne opee. Billu kappa keari ri lago ri oli ne eari, angwi lago kungwe ri awery billu kappa ne ‘se azze kodo lob’a ne angweh.
\v 4 Kiru eya lago eazee awery nga leebithi angweh kale oho, azze lago kod’eh lob’a ri athii, azze kiru billu kappa kod’eh lago ri buwa wo, ko’bwo lob’a konne lago ei oli ne onne.
\v 5 Azze kiru eleh andu lob’a od’eh b’alago ri mod’i ri buwa anyoku ama kombo lob’a eleh andu koleh ri apiro kale anyo, ko’bwo lob’a adi onne b’alaga rib’a ri oliku.”
\v 6 Yesu ong’a rilimi napa eleni lob’a ni, ama lob’a adi ikokoroku eya nga kappa eleki lago ko’jo api ni ad’unga ne anyona.
\v 7 Kiru azze angwi yesu ko’jo lob’a ni oddo, “thoki, thoki, acho ma mo’jo ammi ni oddo, ma billu ri kali ri leathy nonda.
\v 8 B’anny leebithi od’ub’a andda eavvo ma ni athiika kaki oguu angwi arra rib’a, ama billu eari lob’aku.
\v 9 Achobo ma kali ri leathy nanda ne wo. Eya mod’i oqui ithi ma ra ‘sena, eleh andu iruruka ri lago ne iruruka, azze kiru eleh andu lago koki ithi angwi kequi angweh azze eleh andu keassu ri rinya le ri ofo ne wo.
\v 10 Oguw ogoguw d’oku eya adi lago ogoguwkuna angwi eya adi idda riddakuna angwi eyaa adi imwo rimwokuna. Me meaki anyi biya lob’a kolow lidya anyo angwi anyi biya ka iy d’wo d’ini wo.
\v 11 Ma billulego nintha. Billulego nintha kola awery lidy ne bowa ko’bwo billu ‘se.
\v 12 Opeogo oloro kongwi eab’u ne billulegoku angwi billu ri athaku. Eya lago konddeh kanyire ne keakeaki wo azze koyee billu ne wo azze kapah kale, azze kanyire kogu lob’a ne kale wo azze lob’a karra.
\v 13 Lago komuu kale ko’bwo lago opeogo oloro kongwi eab’u ne azze imeh billuku.
\v 14 Ma billulego nintha, angwi ma monne maringa ne onne, angwi maringa kappa konne ma ne onne.
\v 15 Athema konne ma ne onne, angwi ma monne athema ne onne, angwi ma molla ma ri lidy ne olla bouwa billu ni.
\v 16 Ma billu alokwa ro od’ub’a billu ri kali niah wa keway. Angwi oggo ma meazee ri lob’a ne eazee, angwi eleh andu lob’a keari ri ma ri oli ne eari anyi biya kolow ofo nalobe oquwaru azze billulegoka alobe.
\v 17 Eleni athema iyie ma d’ise anyo: ma molla ma ri lidy ne bouwa anyi biya angwi ma ma iy lidy napa anyo wo.
\v 18 Azze kiru mod’i alla onun lidy napa ma ra lele’se keleku, ama ma alla lidy napa bouwa ma ri ruw ‘se. Ma opopi ro lidy napa nollazo bouwa, angwi ma opopi ro lidy napa ninqwizo. Ma ma iy ri kayuyuko napa eleni ne athema ra lele’se.”
\v 19 Azze angwi rapee konga wo Jew ri b’anny kapa ri agaga niah na ko’bwo ari kapa eleki’se.
\v 20 Lob’a nab’i ke’jo oddo, “acho lago setan ro angwi lago mbembe. Anyi kiru ammi neari ri lago ne azu da?”
\v 21 Kiru alokwa rikaki ke’jo oddo, “Achobo ari kapa ‘setan ri mod’i riku roh. Ya ‘setan kopee mud’ud’wo rim ii ne opee d’ore?”
\v 22 Kiru lao napa nane ra ujuma ringwezo aka Jeruselem niah na.
\v 23 Kiru lao napa nane ra mehli, azze kiru yesu koki orri ri jo romomyile nane niah ‘solomona ri jo ri lethy nanda.
\v 24 Kiru azze Jew ri b’anny kapa kake ri lago ne wo azze ko’jo lago ni oddo, “Anyi da me iruu amma lao ingoto ilulud’i kana eleni? Eya me khristho, enna amma ni foro.”
\v 25 Azze yesu kinyopa ri lob’a ni oddo, “Achobo ma menna ammi ni oho, ama kiru azze ammi ile ewoku. Eab’u od’ub’a ma mowowe mowe athema ri ru ‘se, eleni awe koryi ma ne ne.
\v 26 Acho kiru adi ge ammi newoku ko’bwo ammi ma ri billuku.
\v 27 Billu maka keari ri ma ri oli ne eari; ma monne lob’a ne onne, angwi lob’a ked’ed’eh ma ri buwa.
\v 28 Ma mokwe lob’a ni lidy ne okwe; azze eleh andu lob’a oddaa quwo, angwi mod’i alla eleh andu epa lob’a ma ri de lele d’oku.
\v 29 Athema, oloro okwe lob’a ma n inane, thumogona towe kopeh alokwa ne leebithi, angwi mod’i alla epa lob’a athema ri de lele’se d’oku.
\v 30 Ama athema ro alobe.”
\v 31 Ilia wo azze Jew ri b’anny kapa konuu ony ne wo lago nowazo.
\v 32 Azze yesu kakkah lob’a ni oddo, “ma menna ri ammi ni eab’u nintha nab’i ne athema ra lele’se. Ko’bwo eab’u kapa eleki kiru api ammi nowa ma ne d’ise anyo?”
\v 33 Azze Jew ri b’anny kapa kakkah ri lago ne oddo, “Amma awa me eab’u nintha alla ri kiw ‘seku, ama ko’bwo kamena’se, kob’wo me, mod’i, azze nowe me ri ruw ne orriru anyo.”
\v 34 Azze yesu kakkah ri lob’a ne oddo, “ari napa adi andda iwro ammi ri kakoko niah ku re, “acho ma mo’jo oddo, “ammi orri od’ub’a yuro d’ini?”
\v 35 Eya lago kungwe ri lob’a ne orri od’ub’a yuro, anyi kiru orri ri ari eaki ad’i ni (azze kiru ari iwro kana oleh kaleku),
\v 36 E’jo ammi lago ni oloro ath ri ob’a kana bidio nane azze keab’u ri mililio, “kiru ammi nimena, ko’bwo ma a’jo oddo, ‘ma orri ri ngwago?
\v 37 Eya adi ma awae athema ri eab’u kapaku, newo maraku.
\v 38 Ama eya ma mowe eab’u kapa ne, ju adi ammi newo maraku, ewota eab’u kapa ra anyo anyi biya ammi inone azze kiru nikokoro ri oddo athema ma ra angwi ma athema ra.”
\v 39 Azze angwi lob’a kamba ri kib’othy ri lago noruu nida, ama azze lago kopa ri kale lob’a ri de lele’se wo.
\v 40 Azze angwi lago koki kale wo Jordan niah ‘se ofo andda iwana ri ru nonnale athii iyi ‘se nane ra, azze kiru lago ichaka akana wo.
\v 41 Kiru b’anny ab’iru eavvo lago ra azze lob’a ko’jo lago ni oddo, “acho andda adi iwana owe quetechiku, ama nga leebithi od’ub’a andda iwana ri o’jo kana mod’i agona napa aleni ri ru’se na ini thoki.”
\v 42 Kiru b’anny nabi ewo lago ra akana wo.
\c 11
\cl D'ullâ 11
\p
\v 1 Lagu ala runa lazaru ko mbwembwe. Lagu betanigo ‘duru Maria piri azi lazi ri ambunga marata
\v 2 Maria awi oluru olo atani adobonisi azi ko nge lagu ri pari dini lazi ri dibisi, awi oluru adinga na ko mbwe Ambwe.
\v 3 Ambwe kiri e’bu yesu ra, ko’ba, “Atha nde aluru miri iye kani kombwembwe”
\v 4 Kusi yesus eriu lagu ko’yo, ambwe leni oda riko kolu oriri riku ri ani oriri ngwa iku iku iku ‘disi.
\v 5 Yesu iye marata pi ambu ngaro azi lazaru.
\v 6 Kusi lagu eri ado lazaru ombmero. Yesu odu ini ri ofo lagu ri olule.
\v 7 Kiru ini ri vuwa, lagu ko’yo ami oco ni kwe a’ko ngwi vule judeya.
\v 8 Oco ko’yo laguni atha yahudiya kondo mini owani onisi ilenini, azi angwi nondu nongwi aka?
\v 9 Yesu kakaru. “Lawu na muduri imbiri ini ofori? Iya ala kawe iturisi, lagu operu kala ku, kobgo lagu onde ofo budi risi.
\v 10 Ilia wo, iya lagu kawe inigorosi, lagu koperu ope kobgo lagu ofo ako.
\v 11 Lagu o’yo nga ileki azi “ari berogo lazara o’de onuro, ti ma mokoki iyabo mingaru laguni kale onule lelesi”.
\v 12 Oco kiru ka’yo laguni. Ata iya lagu o’de onurona andu kenje enji?
\v 13 Yesu konga lazaru ri odani. Lu’ba kiyonoru onu oluru anani.
\v 14 Kiru yesu ko’yo lu’bani tiriri “lazaru oda-u.
\v 15 Ma magwe u amiri disi mana kewe ani sona niyubo. Kwe akovo lagu ra”.
\v 16 Tomasio oluru ungwe didimos, ko’yo awiri arini iconi kwe angwi akovo ani ako koda yesuro”.
\v 17 Iya yesu eki esu lazaru ogo ‘buio ini su.
\v 18 Beteni na ititira Jerusalem mayili muduri towu angwe.
\v 19 Yahadia alukma a’biru evo marata ra azi maria, aside kani izi apiri adinga ri odasi.
\v 20 Kiru marata, eri ode yesu keke eki oki kiru laguni idodoka maria rinani asiba.
\v 21 Marata kiru ko’yo yesu ni atha iya to nolu wana mari adinga eki odaku.
\v 22 Jelenini ma ani u iyu izi ori u awi kokokwe mini”
\v 23 Yesu ko’uo lazini miri adinga kenjenji angmi”.
\v 24 Marata ko’yo yesu ni ma ani-u ado kenjenji ini ualerina ani ujizosi.
\v 25 Yesu ko’yo ma enji azi lidy. Oluru awi iyubo ma u ju iya lagu oda u, lagu koluolu.
\v 26 Azi oluru kolu azi kiyuboro mani nyonyo odaku ami ni yuba ini-u?
\v 27 Lazi ko, yo laguni eyo atha, ma miyuba u mi masi christo oriri ngwa. Adi kekini budi
\v 28 Esu o’yo ini u lazi oki kale azi kungweru awiri ambungani maria ‘dule. Lazi ko’yo riniru wo azi kungweru mini.
\v 29 Esu eri u azi kongoru titi azi koki lagu ra.
\v 30 30 Lenini yesu adi ekiku juru a adi lagu ofo marata ri awini esule.
\v 31 Ilia wo yohndia o’du’ba laziro ‘baki o’du’ba kiziru lazini iki onde maria kongoru oru titi azi kokwi angwe. La’ba kovi lazini lu’ba kiyeyeru ado koki ‘budio owuwa na.
\v 32 Maria esale ofo yesu ri onde laga lazi o’de ‘bwa lagu ri padi. Atha iya mi noluwa, mari adinga iki odaku”.”.
\v 33 Kiru Yesu onddeh nânâ nápâ koouw wo, ângwi Jewb'â ehvvob'â nenâ nâpâ ro kâki koouw wo, kiru lâgo âd'utâ towe wo áwiry oyuru niâh âzze kololiâ ânyo wo;
\v 34 Kiru lâgo keh'jo oddo, "Yâ kiru âmmi ilâ lâgo ingoliâ dâ?" Kiru lob'â keh'jo lâgo ni oddo, "Rinnego, ehki âzze nonddeh."
\v 35 Kiru Yesu koπey kuku ne wo.
\v 36 Kiru Jewb'â kâpâ keh'jo oddo, "Inddeh tâ lâgo iyie Lâzero towe âdâd'u!"
\v 37 Kiru lob'â ri âllâ keh'jo oddo, "Yâ Eleni mod'iâgonâ ânddâ, oloro mod'inâmbânâ mud'ud'wo nâne ri mii nopee ri nâneku, ângwi kiōeōenâ ri mod'iâgonâ eleni ne odddâ quwo?"
\v 38 Kiru ângwi ge Yesu, âd'utâ towe wo âwiry ruw niâh, okyi b'udio wo. Iliâ wo b'udi nâpâ rob'oko, âzze ony olâ budi nâpâ râ ânyo.
\v 39 Kiru Yesu keh'jo oddo, "Inuu tâ ony nâpâ kâle." Kiru Lâzero ri âmbug•â, Mârâtâ, mod'i oloro oddâ ri eleni. Ko'jo Yesu ni oddo, "Rinnego, lâ - ou ini râ ruw nâpâ eleh kongongu wo, ko~bwo lâgo oddâ ineenâ suu."
\v 40 Kiru Yesu ko'jo lâgo ni oddo, "Ânddâ âdi Mâ â'jo me ni - ku re oddo, eyâ me nehwo oho, me eleh ându nonddeh Orri ri âkku ne onddeh wo?"
\v 41 Kiru lob'â konuu ony nâpâ ne kâle wo. Kiru Yesu kongy âwiry mii ne orou âzze keh'jo oddo, "Âōâ, Mâ mifokâ me ni piâ nehri mâ oho.
\v 42 Mâ ânne oho me nehri ri mâ ne dâle lii, kiru ko~bwo âwi âyâg•â eddehb'â mâ nâkeb'âki ri kiw se Mâ â'jo eleni, Kiru ânyi biyâ lob'â oggo kehwo oddo nehb'u mâ me."
\v 43 Bubunâ wo kuse lâgo o'jo eleni ~bwo, Kiru lâgo kuzwâ oli o - ouru wo oddo, "Lâzero, ngâ orou wo!"
\v 44 Kiru mod'iâgonâ nâpâ oddâ ri eleni kehōuu ángweh wo; lâgo ri pââ pi dei kâpâ ro ombe meje se, ângwi lâgo ri ândâh ilog•â ombe meke se. Kiru Yesu ko'jo jumâ ni oddo, "Itwe tá lâgo âzze nookwe lâgo kokyi kále wo."
\v 45 Kiru Jewb'â nâb'ee od'ub'â ehvvo Mâriâ râkâ eleki ângwi konddeh ngâ Yesu ri owe kânâne ne wo, kiru ehwo lâgo râ ányo wo.
\v 46 Kiru jumá ri âlokwâ ovvo kâle Râpâpyeb'âki râ ânyo âzze kennâ ri jumâ ni ngâ Yesu ri owe kânâ nâne ne wo.
\v 47 Kiru kâwilâ ri Oppi pi Râpâpyeb'âki ro ottow riōoōolunyâb'âki rehkâ wo âzze keh'jo oddo, "Yâ kiru ându ââh âkowe âd'ungâ ne ânyo? Mod'iâgonâ eleni uwuwe quetechi kâpâ ehrezwe wo.
\v 48 Eyâ ââh âkoyee lâgo d'ule ehsu eleni nini, kiru liibiπi eleh ându kehwo lágo râ ânyo wo; kiru Româb'á eleh ându kehvvo âzze konuu ââry ofo ne kâle wo d'ehd'eh ââry nyigo to."
\v 49 Âdâd'u wo nyonyo, mod'iâgonâ âllâ jumâ ri âgâgâ niâh nâ, Kâiâphâs, oloro âwi kâwilâ ri Ossye ne kii nâpâ nâne râ, keh'jo jumâ ni oddo, "Âmmi âdi inne ngâ âllâku
\v 50 Âmmi neyeyeku oddo âwi inthânâ towe âmmi ni ânyi mod'i nâgo âlowbe koddâ b'ânny ri kiw se kopeh nyigo nirânyâ ne pyi."
\v 51 Elenini eleni lâgo âdi o'jo áwi râ lele seku. Kombo, kii nápâ nâne râ lâgo olow káwilâ ri Orriru ânyo, kiru lâgo owe ōomiâ oddo Yesu ob'unâ koddâ nyigo ri kiw se wo;
\v 52 ângwi nyigo ri kiw se d'ukeku, kombo ânyi biyâ Orri ri ehreby od'ub'â ârrâb'âki ându ottow rehkâ âlowbe wo.
\v 53 Kiru inee nâpâ râ lele se âōâōii lele wo lob'â iōoōoro ânyi kob'â Yesu oddâ âdâd'u.
\v 54 Kiru Yesu âdi âwây Jewb'â ri âgâgâ niâh foroku, kiru lâgo oyee nâ ri lele se kâle okyi b'âly kujoto niâh ri eōeōe e - iy ungwe kânâ Ephrâim nâne ro nâne niâh ânyo wo. Kiru lâgo ichâkâ inne kânâki ro âkânâ wo.
\v 55 Iliâ wo kiru Jewb'â ri ozwâ diinâ se eōeōe wo, âzze kiru âb'eekâ ovvo oroule Jeruselem b'âly ri lele se âōii kuse âdi ozwâ diinâ se ehssâku ânyi biyâ kujwe âpi ri ruw per.
\v 56 Kiru lob'â konduu Yesu ne, âzze kiru kuse lob'â keddeh romomyile niâh wo d'id'i kog•â âri ne d'id'i ni oddo, "Yâ âmmi neyeye ri âd'ungâ ne ânyo? Eyâ ându âdi lâgo ehki ujumâkunâ?"
\v 57 Iliâ wo kâwilâ ri Oppi pi Râpâpyeb'âki ro okwe chârâ oddo eyâ mod'i âllâ onne lâgo ri ofo ingoliâ, ându lâgo kennâ ofonâ ânyi biyâ lob'â koruu lâgo.
\c 12
\cl D'ullâ 12
\p
\v 1 Âōii inee âziâ kuse âdi ozwâ diinâ se ehssâku, Yesu ehkyi b'eōâny, ofo oloro Lâzero âkâ, nâne râ, oloro Yesu ri inji kánâ oddâ ri lele se nâne,
\v 2 kiru lob'â iōeōenâ lâgo ni ondwelâgâ ri onyâ âkânâ, âzze kiru Mârâtâ kongâ ehb'unâ be wo, kiru Lâzero b'ânny od'ub'â rulâb'â bouwâ ōâkâ ri âgââ Yesu râ kâki ri âllâ âlowbe.
\v 3 Kiru Mâri onuu ânguruvo ri ōurukuku iōeōenâ ~bog•âlee nâggwy od'ub'â âgehkâ âmbâkâ, Kiru ib'oro Yesu ri pââ d'ise, âzze koweeh lâgo to pââ ne âwiry b'i se. Kiru jo nâpâ ogâ ōoo ânguruvo nâpâ ri âgi se.
\v 4 Kiru Judâ Iskârote, âwiry inne kânâki ri âllâ, mod'i oloro eleh ându kokwe lâgo ne wo nâne, keh'jo oddo,
\v 5 "Ânyi ânguruvo kâpâ eleki so igeh log•e mudi mudury nââ se kâd'u dâ âzze okwe yombeyombeb'â ni ânyo?"
\v 6 Iliâ wo lâgo o'jo eleni, ko~bwo lâgo kimmeh ri yombeyombeb'â neku, diyâ ko~bwo lâgo ogguw. Log•e ri kubegu lâgo râ âzze ându lâgo kugguw ri ngâ ob'â kânâ kubegu niâh ri kâki râ leke se wo.
\v 7 Kiru Yesu keh'jo oddo, "Âkkâh nenâ kirurukâ ngâ âwikâki inee mâ niseezo ne ni ânyo.
\v 8 Âchobo ându yombeyombeb'â kâpâ kolow âmmi râ dâly lii wo. Kombo eleh ob'unâ âmmi noolow mâ râ dâly liik quwo."
\v 9 Iliâ wo kiru Jewb'â ri âyâg•â ne bârânyânyâ onne ~bwo oddo Yesu âkânâ, âzze lob'â kehvvo, âdi ehvvo Yesu râ d'ule ânyoku, kiru ânyi ângwi konddeh Lâzero toh wo, oloro Yesu ri inji kânâ oddâ ri lele se nâne.
\v 10 Kiru kâwilâ ri Oppi kâpâ imog•â toh rehkâ wo ânyi biyâ ângwi lob'â kob'â Lâzero koddâ kâle wo;
\v 11 Âri nâpâ ko~bwo lâgo ri kiw se Jewb'â ovvo kâle ehrezwe âzze kehwo Yesu râ ányo wo.
\v 12 Kiru inee âōâōii rinâ râ wo âyâg•â ne bârânyânyâ ehvvo ujumâ. Kiru kuse lob'â ehri oddo Yesu kehkyi Jeruselem wo,
\v 13 Kiru lob'â onuu tomur ri kwydo kâpâ ri âpye kâpâ âzze kovvo romiâle lâgo râ wo âzze kuzwâ oddo, "Âkku (Hosânnâ)! Lâgo oloro kehki Rinnego ri ru se, Irâele ri Âjju ri Ossye, Ib'uruki kâle ~bwo."
\v 14 Kiru Yesu ehsuu lâb'ee b'âh rinâ ri ngwâ âzze korei lâb'ee ringwâ nâpâ dii wo; ehsu ânddâ riwrizo nini oddo,
\v 15 "Nondu ngâ norrowku, Zionâ ri zeâh; inddehb'â, me ri âjju ri Ossye kehki, orei lâb'ee b'âh rinâ ri kâjâ dii."
\v 16 Âōii âwiry inne kânâki âdi ikokoro ngâ kâpâ elekiku; Kiru kuse ikku ri Yesu ne wo, lob'â keyeye ri wo oddo ngâ eleki ânddâ iwro lâgo ri kiw se oho ângwi oddo ânddâ lob'â owe ngâ eleki lâgo ni oho.
\v 17 Iliâ wo Kiru âyâg•â nâpâ koryi oddo lob'â ânddâ lâgo ro lâ - ou ânddâ lâgo ri Lâzero nungwezo b'udi ri lele se nâne âzze kinji ri lâgo ne oddâ ri lele se nâne râ.
\v 18 Âri nâpâ eleni ri d'uki ângwi âyâg•â ovvo romiâle lâgo râ d'ise ânyo, ko~bwo lob'â ehri oddo lâgo owe quetech eleni ne.
\v 19 Kiru kombo Râpâpyeb'âki ko'jo âpi ri ruw ni oddo, "Onddeh tâ, âchobo âmmi iwe ngâ âllâ d'oquwo; inddehb'â, milili koguri lâgo ri buwâ wo."
\v 20 Iliâ wo kiru Geregib'â âlokwâ lob'â kâpâ od'ub'â ovvob'â oroule idillo ujumâ eleki ri âgâgâ niâh.
\v 21 Kiru eleki ehvvo Kilipo râ, od'ub'â Beōsâidâ Gâlilâ niâh ri lele se, âzze kozyi lâgo ne, keh'jo oddo, "Bulukâgo, Âmmâ nonduu moonddeh Yesu be yo."
\v 22 Kiru Kilipo okyi âzze kennâ ri Enderiâ ni; kiru Enderiâ okyi Kilipo ro wo, âzze lob'â kennâ ri Yesu ni.
\v 23 23 Kiru Yesu âkkâh jumâ âzze keh'jo oddo, "Âcho lâ - ou Mod'iâgonâ ri Ngwâgo nikkuzo ehssâ kâle ~bwo.
\v 24 Ōoki, ōoki, âcho Mâ mo'jo âmmi ni oddo, "Eyâ âdi diery ri ehkwe od'd'eh ig•âku âzze koddâ, âwi kâssee ne âwiry ruw se d'ule; kombi eyâ âwi oddâ oho, âwi eleh ându kob'â okâ ne âb'eru wo.
\v 25 Oloro kiyie ri âwiry âdy ne ânyo ob'unâ lidynâ kehgwe kâle wo; kombo oloro kob'â g•âzy ne âwiry âdyâ milili ini niâh ob'unâ kirurukâ ri lidy nâpâ ne lidy âseezo nâne ni ányo wo.
\v 26 Eyâ mod'i âllâ kongâ ehb'u mâ ni, kwe lâgo kehvwi mâ ri bu ânyo; âzze ofo oloro Mâ âkâ, ângwi mâ ri opeogo nâpâ eleh âkâ. Eyâ mod'i âllâ kongâ ehb'u ne mâ ni, Kiru Âōimâ eleh ându kifufurâ ri lâgo ne wo.
\v 27 Elenini má ri itindi kololiâ wo âzze kiru ându Mâ mo'jo âd'ungâ ne ânyo dâ? 'Âōâ, irurukâ mâ lâ - ou ini râ lele se'? Kombo d'uki nâpâ ini âcho Mâ mehki lâ - ou nâpâ ini râ wo.
\v 28 Âōâ, ikku me ri rub'â " Kiru oli kehkyi ruπu ri lele se wo âzze keh'jo oddo, "Mâ mikku ru nâpâ ~bwo yo ângwi eleh ându Mâ mikku ri ru nâpâ ne dâ wo "
\v 29 Kiru âyâg•â eddehb'â lâgo ri âgââ kâki ângwi kehri ri âri nâpâ o'jo kânâne ne oddo âcho âri nâpâ iyilovwe. Kiru âlokwâ keh'jo oddo, "Âchobo ânjilugo kog•â âri ne lâgo ni ne.
\v 30 Kiru Yesu kâkkâh âzze keh'jo oddo, "Oli ini âdi ehki mâ ni - ku, kombo âmmi ni.
\v 31 Elenini kiru olee milili ri lokoko ne wo: Elenini eleh ându milili ini ri ossye obbow kâle wo yo.
\v 32 Kiru eyâ ongi Mâ orou milili bou ri lele se kâle ~bwo, Mâ eleh ob'unâ mentheh ri b'ânny ne d'ehd'eh mâ ni wo."
\v 33 Lâgo o'jo eleni ânyi kennâ oddâ âd'ungâ ri kâkâ ându áwi koddâ d'ise ânyo.
\v 34 Azze banny ri ayanga kappa kakka ri lago ne oddo acho amma meari kakoko ri lele se oddo elech andu khristho kolow nyonyo wo. Kiru me nojo adu oddo, modi ri ngwago elech andu kapee mii ne orou? Anyi modi ri ngwago napa eleni adi da?”
\v 35 Azze kiru Yesu kojo loba ni oddo, “achobo offo eleh andu adi ge kolow ammi ro lao aliru. Awaeta kuse adi offo napa ammi ra anyi biya ineego kodo ammi nopaku. Modi oloro kawawae ineego ri se onneku eya ileh awe koki ingona.
\v 36 Eya offo napa ri erebiru anyo wo.” Kiru Yesu ojo nga kappa eleki azze koyee kale wo azze kambwe ri lobar a lele se kale wo.
\v 37 Ju Yesu owuwe quetechi kappa abiru loba ri anda, azze ge adi loba ewo lago raku.
\v 38 Anyi biya mia ri modi Isaiah ri ari andda na nane koko kale, oloro andda lago ojo oddo, Rimba natha, adi oloro ewo aary kovikovia oho ne, azze kiru Rimba natha ri ikozo namba ri quetechi adi ra?”
\v 39 Kobwo kiw napa eleni se kiru loba adi ewo quwo, kobwo angwi andda ge Isaiah ojo oho oddo,
\v 40 Lago ubbeh lobar i mii kale oho mududworu wo, azze kizi ri lobar i aside ne wo, acho sugo sona loba kondondeh api ri mii se angwi kikokoro ri ikoko api ri asido, azze kiru kufuri wo, azze eleh andu ma mokwe loba kathu wo.”
\v 41 Isaiah andda ojo nga eleki kobwo lago andda onddeh Yesuri okku azze kong’a lago ri kiw se.
\v 42 Ama ju eleni seku, achobo oppi nabi ewo Yesu ra kale oho, ama kobwo Jew ri kakoko ri buluka ri kiw se wo, kiru loba adi enna ari napa angweh Foroku anyi biya kondu api nudo kaleku Jew ri jo romomiale nan era lele se.
\v 43 Kobwo loba kiyie ri akku oloro keaki banny ra lele se nane ne kopeh akku oloro keaki orri ra lele nane ne.
\v 44 Azze Yesu kuzwa oddo, “modi oloro kewo ma ra anyo, kewo ma ni anyo duleku ama angwi kewo lago oloro ma neabbu r inane ni wo.
\v 45 Angwi modi oloro kanddeh ma ne onddeh angwi ge konddeh lago oloro ma neabu r inane ne onddeh.
\v 46 Ma meaki easu offo nini milili niah wa, anyi biya banny oduba kewo ma raka eleki kodo assee ineego niahku.
\v 47 Eya modi oloro keari ri ma ri ari ne ama azze ole irurukaku, ma alii awery lokikoku, kobwo ma adi meaki milili ri lokiko noliiku, ama meaki milili niruruka anyo.
\v 48 Modi oloro ole maku angwi oloro ole ma ri arari na iyku, modi alla eleh aka oloro andu kolii awery lokiko ne ari ma ri ong’a kana awe ni eleni eleh andu kolii awery lokiko ne inee asseezo nan era.
\v 49 Kobwo adi ma ang’a ari napa ma ri ruw se duleku, ama eleni athema oloro eabu ma nane, oloro okwe ma ni kayuyuko nga nojozo angwi nga nongazo.
\v 50 Ma monone oddo awery kayuyuko napa adyzo nyonyo, nga ma ri ojo kana eleni oggo bang kede easu athema ri ongazo nini ma ni achobo ma mojo ileh.”
\c 13
\cl D'ullâ 13
\p
\v 1 Ilia wo kiru kuse adi ujuma ri inee ozwazo ne eassaku. Azze diya yesu onne kale oho oddo lao awery okizo milili lele se ini eassa kale bwo azze kiru koki Atheh raw o. Kiru kiyie ri banny aweka milili niah ri eleki ne anyo wo azze kiru iyie loba towetowe tokojo asseele wo.
\v 2 Ilia wo kiru lechipero oggo oba ari napa Juda Iskariote Simone ri gogo ri asidio, anyi biya biya kokwe Yesu
\v 3 Kiru lago onne oho oddo Atheh okwe ngo leebithi awe n idea azze oddo oggo awe keaki orri ra lele se angwi awe kongwi bule orri ra wo.
\v 4 Azze kowyi awery kurubaba ruw ri eleni ne kale wo. Kiru lago konuu meke anda noweezoki ne azze kibetha ri awery agaa.
\v 5 Kiru azze kochu iyi ne dawa niah wo azze kidala ri banny inne kanaka eleki ri pa nujwi ne wo kiru azze lago kongeh lobar i pa ne meke awery ibetha kanaka eleki se per azze ko owy.
\v 6 Ilia wo azze lago keaki Simone pethoro ra, azze pethoro kojo lago ni oddo Rinne natha, ya kiru elech me noki ma ri pa nujwe wo ileh?
\v 7 Azze yesu kakkah kojo lago ni oddo, Acho diya me nikakoroku eya ma moki adunga nowe anyo elenini na, ama kiru bubuna wo azze eleh andu nikokoro ri nga napa eleni ne wo.
\v 8 Azze Pethoro kojo lago ni oddo, oggo me eleh andu nujwe ma ri paku towe Quwak. Azze Yesu kakkah lago ni oddo, “Eya ma adi mujwe me ri pakuna, acho kuse andu me ninga ringa ma roku”
\v 9 Azze Simone Pethoro kojo lago ni oddo, “Rinne natha, nodo ma ri pa nujwe anyo duleku, ama angwi ujwe ma ri de toh dii ro.
\v 10 Azze Yesu kojo lago ni oddo, modi oloro ujwe ri oho ujwe ri quwo, te kujwe awery pa anyo wo ama oggo kaggwy awe ro per nyonyo wo, ammi nagagwy wo, ama banny leebithiku.
\v 11 Kobwo lago onne oho eya adi andu kakwe awe ne ne na, lago ojo asi eleni se, ammi leebithi naggwyku
\v 12 Kiru kuse Yesu ujwe lobar i pa kale bwo azze katho ri awery kurbaba kappa ne wo azze angwi korei bouwa azze kojo loba ni oddo Ammi nonone oddo ma awe adanga ammi ni anyo?
\v 13 Ammi nungwe ri ma ne oddo rinne natha angwi Rimba natha, Azze diya acho ammi inga thoki, kobwo ini ma.
\v 14 Ya kiru eya, Rimba natha angwi Rinni natha, ujwe ammi ri pa oho, angwi ammi ujeta ammi ri pa alla kujwe alla rina angwi alla kujwe alla rina.
\v 15 Kobwo eleni ma menna ammi ni auw anyo anyi biya angwi oggo ammi iwe easu ma ri owezo nini ammi ni.
\v 16 Thoki, thoki, achobo ma mojo ammi ni oddo, opeogo thumogonaku opeh awery rinne natha doku angwi jaigo thumogonaku opeh lago oloro awi nebebu ri eleni doku.
\v 17 Eya ammi none nga eleki ne onnena, acho kuse ammi nevwi kale bwo eya ammi iwe oho na.
\v 18 Ma anga aria mmi eleki ni leebithiku, ma anne oduba ma ri epeh kana eleki oho-ama eleni anyi biya andu kawro napa kokokale wooddo; lago oloro konya ma ri osusi ne eleni ongi awery pa orou anyi kobwe ma,
\v 19 Ma mjo eleni ne elenini ammi ni athii kuse adi ari napa ongariku anyi biya andu eya ari napa konga ri onga wo, azze kiru ammi newo oddo INI MA.
\v 20 Thoki, thoki, achobo ma mojo ammi ni oddo, lago oloro ka iy ri modi ma ri eabbu kana eleni ne a iyi angwi ka iy ri ma ne a iy azze kiru lago oloro ka iy ri ma ne a iy, eleni, angwi ka iy ri ma ne a iy, azze kiru lago oloro ma neabbu r inane ne aiy.
\v 21 Kuse yesu ojo eleni bwo, azze lago ri oyuru kidubo wo. Azze lago karyi kojo oddo, thoki, thoki achobo ma mojo ammi ni oddo ammi ri alla alobe eleh andu kokwe ma ne okwe
\v 22 Kiru banny kappa inee kana eleki konddeh api ri ruw ne didi kopee mii ne alla ra didi kapee mii ne alla ra kiru ruwka kochu ake ne wo oddo anyi lago kong’a adi ne da.
\v 23 Kiru awery banny inne kanaka kaki ri alla alobe, oloro Yesu iyie lago anyo, kiru alla ri bouwa thaka ri agaa Yesu ri adona se.
\v 24 Azze Simone pethoro kegwe ri modi napa inne kana eleni ne kozy tiooot azze kojo oddo, “ing’o zyi lago lago kojo adi ne da.”
\v 25 Ilia wo azze lago kitheko ri ogu neYesu ri aga nidii azze kojo logo ni oddo, “Rinni natha, eleni adi da?”
\v 26 Kiru azze Yesu kakkah oddo, “modi oloro eya eleh andu ma meathi ri osusi ne alobe azze mokwe osusi napa ne lagoon i eleni awe.” Kiru ilia wok use lago eathi osusi napa kale bwo, azze kokwe osusi napa ne juda ni wo Simone Iskariote ri gogo.
\v 27 Kiru osusi napa ri bubuwa wo, azze lechipero koqui lago raw o, ilia wo azze Yesu kojo lago ni oddo Eya me nowe adunga ne, we napa liti.”
\v 28 Ilia wo modi alla alobe banny rullaba thaka ri agaa ri adi onneku eya lago kojolago ari napa eleni ne aduna.
\v 29 Kiru alokwa keyeye ri oddo, kobwo Juda long’e ri kubego ro, deh nguna Yesu kojo lago ni, anyi biya kogeh nga oduba akondu rika ne anyo deh oddo lago kokwe mundoto ni nga alla.
\v 30 Kuse Juda napa kiru a iy osusi bwo, azze lago koki kale wow ole, azze bou ineegoi wo.
\v 31 Kiru kuse Juda napa oki kale bwo, azze Yesu kojo oddo, “Elenini wo modi agona ri ngwago akku kale oho, angwi orri kakku lago ra anyo wo.
\v 32 Orri eleh kikku ri lago ne awery ruwo, angwi eleh andu lago kikku ri awi ne wole.
\v 33 Ma ri erebi, acho ge adi ma molow ammi ro lao aliru Achobo eleh andu ammi nonduw ma ne wo, angwi easu andda ma ri ojozo nini jew ri banny ni oddo ofo oloro ma moki aka nane, ammi issa aka doku Elenini angwi geh ma ini ne ammi ni.
\v 34 Ma eleh mokwe ammi ni kayuyuko nonwe ne anyo wo, oddo iyieta ammi ri ruwiyie; easu ma ri ammi niyiezo nini, angwi iyieta ammi ri ruw iyie wo.
\v 35 Eleni kiru banny leebithi eleh andu konone wo oddo ammi banny ma ri inne kanaki, eya ammi niyie ruw oho na alla kiyie ri alla ne angwi alla kiyie ri alla.”
\v 36 Azze Simone pethoro kojo lago ni oddo, “Rinne natha, anyi me noki ingo da? Azze Yesu kakkah oddo, “ofo ma ri okile nane, me ivwi ma rib u doku elenini, ama eleh andu me neaki edehle ma ri buwa bule wo.”
\v 37 Azze pethoro kojo lago ni oddo, “Rinne natha, anyi kiru ma avwi me ri buku elenini adu? Acho ma molla ma ri lidy ne bouwa mese ileh.”
\v 38 Azze Yesu kakkah oddo, “ya eleh andu me nolla me ri lidy ne bouwa ma se ileh? Thoki, thoki, achobo ma mojo me ni oddo, a ohu lago eleh andu ichiraku da athii eya adi me napeh ma daly naakuna.”
\c 14
\cl D'ullâ 14
\p
\v 1 Nodo okwe ammi ri aside kodo iduboku. Ewota orri ra anyo, angwi ewota ma ra anyo.
\v 2 Jo abiru athema ngah bah. Eya ari eleni lodo, ma eleh andu menna ri enna ammi ni, kobwo ma wi moki ofo nithena wo ammi ni.
\v 3 Eya ma aki oho azze mithethena wo ammi ni, azze angwi eleh andu ma meangwi ammi na iy ma ri ruw se, anyi biya ofo oloro ma aka angwi eleh andu ammi nolow aka wo.”
\v 4 Leathy ma ri okile nane ammi nonone wo.
\v 5 Azze Yesu kojo Tomasio ni oddo, “Rinne natha, achobo adi amma anneku eya me noki ingona, ya kiru amma monne leathy napa ne adadu?”
\v 6 Azze Yesu kojo lago ni oddo, “achobo ma leathy, thokithoki, azze lidy; modi alla ossa athema raku eya nguna oki ma ra lele sena anyie.
\v 7 Eya ammi none ma ne onnena kuse eleh andu angwi ammi none athema ne onne wo. Kid’ala elenini lele se athathii lele ammi nonne lago ne onne wo angwi nonddeh lago ne onddeh wo.
\v 8 Azze kilipo kojo Yesu ni oddo, “Rinne natha, ing’o enna amma ni atheki napa koy, azze kiru amma mibuliega wo.”
\v 9 Azze Yesu kojo lago ni oddo, “ma michaka ammi row a lao azoru azze ge adi ammi inne maku, kilipo? Modi oloro konddeh ma ne onddeh angwi konddeh athema ne onddeh. Ya me nojo adu oddo, enna amma ni atheki napa?
\v 10 Me adi newoku re oddo ma athema ra angwi athema ma ra? Arari oduba ma ri ojo kana ammi nika eleki ma adi anga opopi mana lele se, ama athema olow ri mara ini awi kowe eabu napa napa eleni ne ne.
\v 11 Ewo ma fo oddo ma athema ra, angwi athema wi ma ra, eyabo adadu ewota eabu kappa eleki se anyo dule wo.
\v 12 Thoki, thoki achobo ma mojo ammi ni oddo, lago oloro kewewo ma ra eleh andu kowe eabu kappa ma ri owe kana eleki ne owe wo, azze eleh andu lago kowe eabu nethumogoo ne wo kiru oduba koeh eleki kobwo ma wi moki athema raw o.
\v 13 Nga oduba ammi nozyi ma ri ru se eleh andu ma mowe api ne owe anyi biya athema eleh andu kakku ngwago raw o.
\v 14 Eya ammi nozyi nga ne ma ra ma ri ru se, eleh andu ma mowe nga napa napa ne owe.
\v 15 Eya ammi niyie ri ma ne iyiena, eleh andu ammi riru ruka ri ma ri kayuyuko ne iyiena,
\v 16 Azze kiru eleh andu ma momyi athema ne wo, azze kiru eleh andu lago kokwe ammi ni rutha natha alla ne wo anyi biya eleh andu kolow ammi row o nyonyo.
\v 17 Eleni awe oyuru thokithoki rina. Azze kiru banny milili rika ole lago na iy quwo kobwo milili napa adi onddeh lagoku eyabo adi anne lagoku. Ama ammi rikaki acho nonne lago ne onne, kobwo lago kolago kolow ammi ra angwi eleh andu kichaka ammi niah anyo wo.
\v 18 Angwi kiru eleh andu ma aye ammi dule quwo; eleh andu ma meangengwi bule ammi ra.
\v 19 Lao aliru azze eleh andu milili kappa onddeh ma quwo lao azoru, ama ammi rikaki nonddeh ma ne onddeh. Kobwo ma madady, angwi ammi nadady.
\v 20 Inee napa nan era wo eleh kiru azze ammi nonne oddo ma athema raw o, angwi ammi ma raw o, angwi ma ammi ra wo.
\v 21 Lago oloro ma ri kayuyuko kappa awe ra azze kiruruka ri kayuyuko kappa ne iruruka eleni awe kiyie ri ma ne, angwi lago oloro kiyie ri ma ne iyie eleh andu athema kiyie ri iyie, azze angwi ma miyie ri awe ne wo azze kiru ma menna ri ma ri ruw ne awe ni anyo wo,
\v 22 Azze Juda (Iskarioteku) kiru kojo Yesu ni oddo, Rinne natha, “anyi kiru ari napa eleni adu da eleh andu me nenna ri me ri ruw ne amma ni azze kiru nenna ruw milili niku re?
\v 23 Azze Yesu kakkah kojo lago ni oddo Eya modi oloro kiyie ri ma ne iyiena, eleh andu athema kiyie ri lago ne wo azze kiru eleh andu amma meavvo awe ra azze eleh andu amma mitheena ri ammary bah ne awe raw o.
\v 24 Modi oloro ole ma niyieku iruruka ma ri ara riku. Ari ammi ri eari kana eleni ma ra lele seku ama athema ma neabbu r inane ra lele se.
\v 25 Achobo ma mojo nga eleki ne ammi ni kuse adi ma ammi rowa.
\v 26 Kiru ilia wo, Rutha natha awe oyuru nagwy oloro eleh andu athema keaburebu ma ri ru se awe eleh andu kinne ri ammi ni nga ne ne leebithi angwi eleh andu awe keyeye ri ammi ni nga oduba ma ri ojo kana amminika eleki ne leebithi.
\v 27 Ma aye motho ammi ni anyo wo, ma ri motho ma akwe ammi ni anyo wo. Motho napa ma akwe ammi ni easu milili ri okwezo niniku. Nodoo okwe ammi ri aside kodo iduboku, angwi nodoo nga norowku.
\v 28 Achobo ammi neari ejo ma ri ojo kana ammi nika eleki oho oddo, ma moki kale wo, angwi eleh andu ma mengengwi bule da ammi raw a. Eya ammi niyie ma oho na, kiru eleh andu ammi nolow lonya se anyo wo kobwo ma moki athema raw o, kobwo athema thumogona ma ni kopeh ma ne.
\v 29 Ma menna ri elenini ammi ni da athii kuse adi ari napa anga riku anyi biya eya ari napa konga ri eadi azze kiru eleh andu ammi newo wo.
\v 30 Ma eleh andu anga ari ammi ro lao azoru toweku, kobwo milili ini ri ossi eleh keakeaki wo. Lago ri ambamba ma ra keway,
\v 31 Ama anyi biya milili napa eleni kiru ma oggo mowe easu andda athema ri ma niyugukozo nini wo. Kiru akongata orou wo azze akovvo war i lele se kale wo.
\c 15
\cl D'ullâ 15
\p
\v 1 Ma moya ri kwy ne thoki azze athema awe ammbu.
\v 2 Lago kitietiepa ri ma ri apeey oduba oba okah kuka eleki ne kale leebithi angwi lago kocheh apeey oduba koba okah ne oba eleki ne leebithi kale anyi biya eleh andu kwy napa koba okah oba abiru
\v 3 Acho ammi kiru nagagwy wo jeru dini kobwo kovikovi ma ri onga kana ammi ni eleni se.
\v 4 Asseeta ma ra anyo wo, azze angwi ma massee ammi ra anyo wo. Easu apeey nini oba okahku awery ru se dule eya nguna apeey napa assee moya ri kwy napa ri ruwona anyie, kiru oggo ammi keway yo, eya nguna ammi nassee ma ra anyone anyie.
\v 5 Ma moya ri kwy, azze kiru ammi apeey. Lago oloro kasasee ma ra angwi ma masasee awe ra, kiru awe rina koba akah ne oba abiru wo, kobwo eya ma keway oggo ammi iwe nga alla doku.
\v 6 Eya modi oloro ole assee ma raku, acho eleh andu obu awe ne kale ayio wo azze kiru ko owy, azze loba kutow ri apeey kappa ne ofo nalobe azze kiru kichopa ri loba ne assia wo, azze loba kogwe kale wo.
\v 7 Eya ammi nasasee ma ra, angwi ma ri arari kasasee ammi ra, nga oloro ammi nondondu izozyi anyo, azze kiru eleh andu owe ammi ni nga napa ne wo.
\v 8 Athema kiru kakku eleni se wo, eya ammi noba okah ne abiruna azze kiru eleni kenna ri oddo ammi banny inne kana wo.
\v 9 Easu athema ri ma niyiezo nini angwi ma bo miyie ri ammi ne iyie. Asseeta riyie mana ne ra anyo
\v 10 Eya ammi niruruka ri ma ri kayuyuko kappa ne irurukana, azze eleh andu ammi assee ma ri riyie napa raw o, easu ma ri athema ri kayuyuko kappa nirurukazo nini azze massee riyie awena nan era wo.
\v 11 Ma monga nga kappa eleki ne ammi ni anyi biya ma ri lonya andu kololow ammi raw o angwi anyi biya lonya koga ammi ni thoo anyo wo.
\v 12 Kayuyuko mana wi, oddo iyieta ammi ri ruw iyie, easu ammi niyiezo nini.
\v 13 Modi alla ri riyie opeh eleni doku lago alla lidy awena bouwa awery bero ri kiwse.
\v 14 Eya ammi iwe nga oduba ma ri iyuyuko kana ammi nika eleki oho azze kiru ammi nolow ma ri beroru wo.
\v 15 Ma mungwe ammi oppeeru lao azoruku, kobwo opeogo onneku eya awery rinne natha kowe adunga ne anyone ma mungwe ri ammi ne ma ri beroru anyo wo, kobwo nga leebithi oduba ma ri eari kana athema ra lele seka kaki, achobo ma mine ammi ni kale bwo.
\v 16 Achobo andda adi ammi nepech maku, ama ma rinane mepeh ammi oho angwi miboro ammi anyi biya andu ivvo azze noba okah ne wo, azze kiru ammi ri akah napa andu kassee ilia wo. Eleni anyi biya eya ammi nozyi nga ne athema ra ri ru se azze kiru eleh andu lago kokwe nga napa ne ammi ni wo.
\v 17 Nga kappa eleki ma miyuyuko ri ammi ni, anyi biya ammi niyie ammi ri ruw iyie (alla kiyie ri alla ne angwi alla nane kiyie alla ne)
\v 18 Eya milili kappa kiru kothy ammi ne asidio inone oddo milil kappa othy ma asidio anyo athii kuse adi milili kappa othy ommiku.
\v 19 Eya ammi banny milili kappa rikana, azze milili kappa kiyie ri ammi ne wo kiru easu api niki. Ama kobwo ammi banny milili rikaku angwi kobwo ma mepeh ammi kale wo milili kappa ra lele se, eleni awi milili kappa kothy ammi ne dise asidio anyo.
\v 20 Eyeyeta ari andda ma ri ojo kana ammi n inane, oddo opeogo thumogonaku opeh awery rinne natha doku” eya loba ichandi ammi oho, eleh angwi andu kichandi ri ma ne ichandi, eya loba iruruka ma ri ari oho, eleh angwi andu loba kiruruka ri ammika ne iruruka”.
\v 21 Loba eleh andu kowe nga kapo eleki ne ammi ni kobwo ma ri ru ri kiw se, kobwo loba adi onne lago oloro ma neabbu ri naneku.
\v 22 Eya andda adi ma meaki azze mong’a ari ne loba nikuna, eleh so loba ossuku, ama elenini wo loba eamyi api ri ruw d’oquwo rossu se.
\v 23 Lago oloro kothy ma ne asidio angwi ge kothy athema ne asidio.
\v 24 Eya andda adi ma awe eabu kappa oduba andda modi alla owe d’oku lobar i agaga niah ri kakiku, loba so eleh ossuku, ama elenini loba kosu rosu wo angwi kothy ma ne asidio athema ro leebithi kapele ree.
\v 25 Ama eleni anyi biya kiko ari napa andda iwro kana api ri kakoko niah r inane kale wo, acho loba immang’a ma nothy asidio dini dukina keway.
\v 26 Kiru kuse rutha natha napa oloro eleh andu ma meabbu ri ammi ni athema ra lele se, nane awi, thokithoki ri oyuru, oloro keaki athema ra lele se lago eaki, anyi biya andu koryi ma.
\v 27 Angwi boa mmi pi ro ge nororyi kobwo ammi ma ro andda ridalale na.
\c 16
\cl D'ullâ 16
\p
\v 1 Ma monga ammi ni nga kappa eleki ne anyi biya eleh andu ammi nodoo odeh quwo.
\v 2 Kobwo eleh andu loba kodo ammi ne kale angweh jo romomiale nan era lele se. Ama lao eleh andu keakeaki banny ammi nididaba eleki ni eleh andu keyeye ri oddo awe kowe eabu arrow rina ne orri ni anyo.
\v 3 Loba onne athemaku angwi adi onne maku.
\v 4 Ma monga nga kappa iki ne ammi ni anyi biya eya lao apina essa oho, azze eleh andu nga andda ma ri enna kana ammi ni api ri kiw se nane ne wo. Ma adi menna nga kappa eleki andda amminiku ridala sena, kobwo andda ma ammi ro.
\v 5 Ama elenini wo ma moki lago oloro ma neab’bu ri nane ra wo, kiru ammi ri alla ozyi maku, oddo, anyi me noki ingo da?
\v 6 Ama kobwo kuse ma ajo nga kappa eleki ammi oho, azze kiru idubo ogga thoo ammi ri asidio wo.
\v 7 Kiru achobo ma menna ri ammi ni thoki wo oddo, eya ma aki kale ammi ni inthana towe wo. Kobwo eya adi ma aki kaleku rutha natha eleh andu eaki ammi raku, ama eya ma aki oho, azze kiru eleh andu ma meab’bu ri lago ne ammi raw o.
\v 8 Eya lago eaki oho azze kiru elech andu rutha natha napa kithethena ri milili kappa ne wo anyi kolow rossu ri baru anyo wo thokithoki se, azze lokiko nolii.
\v 9 Rossu ri kiw se, kobwo loba ole ewo ma raku;
\v 10 Kobwo ma moki athema ra, thokithoki ri kiw se, azze kiru eleh andu ammi inddeh maku lao azoru;
\v 11 Angwi kobwo milili kappa eleki ri ossi, olii lokikona kale bwo.
\v 12 Ma ri nga abiru oduba mojojo ammi ni, ama eleh andu ammi nikokoro laba eleniniko,
\v 13 Ama eya oyuru napa thokithoki rina nane awe eassa ne wo, azze kiru eleh andu awe kotheh ammi ne ne wo thokithoki se leebithi, kobwo lago eleh andu onga ari awi ra lele seku. Ama eleh andu kojo nga oduba awiry ear ri kana ne anyo, angwi eleh andu lago kenna ri ammi ni nga oduba eleh andu keavevo kaki ne anyo wo.
\v 14 Lago eleh andu kikku ri ma ne anyo wo, kobwo lago eleh andu konuu nga ne ma ra lele se azze eleh andu lago kenna ri ammi ni nga napa ne anyo wo.
\v 15 Nga athema rika kaki leebithi ma ri (dedeh ma ri). Eleni awi ma mojo anyo oddo oyuru eleh andu konuu nga ne ma ra lele se azze eleh andu lago kenna ri ammi ni nga napa ne ango wo.
\v 16 Kiru lao ri lokedeh aleiru azze eleh andu ammi inddeh ma quwo, angwi bubuna wo lao ri loked’eh alla aleiru azze angwi eleh andu ammi nondded ma ne wo”
\v 17 Kiru azze banny awery inne kanaka eleki kojo api ri ruw ni oddo, anyi nga kappa awiry ojo kana aah nika eleki adunga da oduba oddo, lao ri lokedeh aleiru azze eleh andu ammi inddeh ma quwo, angwi bubuna wo lao ri loked’eh alla aleiru azze angwi eleh andu nonddeh ma ne wo azze wi kobwo ma moki athema raw o?
\v 18 Ilia wo, azze loba kojo oddo, nga kappa eleki adunga da awiry ojo kana oddo, lao ri lokedeh aleiru ka eleki? Acho akonneku eya lago kong a adunga ne na.”
\v 19 Kiru yesu onne oho oddo, loba konduw awe nozyi ne wo azze lago kojo loba ni oddo, eleni kiru ammi nozyi ammi ri ruw ne anyo wo oddo, nga ma ri ojo kana ini ri duki addeh ma quwo, angwi lao aleiru azze eleh andu ammi nonddeh ma ne wo eleni?
\v 20 Thoki, thoki, achobo ma mojo ammi ni oddo, ammi eleh andu nowowu azze nuzuzwo, ama azze milili rikaki eleh andu kinyonyori inyonyori anyo wo azze kiru eleh andu ammi nidubo wo, ama kiru ammi ri idubo napa eleh andu kufuri lonyaru wo.
\v 21 Eya modi izina ri aha kazza othee sena nena kidubo idubo kobwo kebbi ri othee ri azze ne wo kobwo lao awina eassa kale bwo, ama kiru eya nena napa othee ngwa kale oho, azze kiru nena napa eyeye awiry azza napa nane quwo kobwo nena napa kinyonyori inyonyori wo oddo modi agona othee mililio wa kale oho (ngwa nago othee mililio wa kale oho) (ngwa othee mililio wa kale oho) (modi othee mililio kale oho).
\v 22 Kiru elenini ammi ne onddeh da angwi, azze kiru ammi ri aside eleh andu kolow lonya se anyo wo, azze modi alla kiru eleh andu onuu ammi ri lonya napa ammi ra lele se kale quwo.
\v 23 Inee napa nan era wo obuse ammi izyi nga alla ma ra quwo. Thoki, thoki achobo ma mojo ammi ni oddo, eya ammi nozyi athema ri nga ne ma ri ru se, lago eleh andu kokwe nga napa ne okwe ammi ni
\v 24 Lokojo elenini adi ge ammi izyi nga alla ma ri ru seku. Izyita, azze kiru eleh andu ammi na iy ri wo anyi biya ammi ri lonya napa eleh andu kod kale wo.
\v 25 Ma mojo ammi ni nga eleki ne kovikovi ri lokede se ama lao napa obuse eleh keakeaki oloro ma anga kovikovi ri lokrdeh amminiku, ama kombo eleh obuna ma menna ri ammi ni athema ri ari ne foro.
\v 26 Obuna inee napa nan era azze kiru ammi nazyi ma ri ru se wo azze kiru maajo amminiku oddo ele ma momyi athema ne ammi ni wo,
\v 27 Kobwo athema napa awiry ruw se kiyie ammi ne iyie wo kobwo ammi kobwo ammi niyie ri ma ne iyie angwi kobwo ammi newewo oddo ma meaki athema ra lele se.
\v 28 Ma meaki athema ra lele se, azze kiru ma meaki milili niah wa wo. Kiru angwi, ma moyee milili ne kale wo angwi ma mongwi bule athema ra anyo wo.
\v 29 Kiru azze banny awiry inne kana eleki kojo oddo, “inddehba achobo elenini kiru me nonga foro wo azze me inga kovikovi ri lokede anyoku.
\v 30 Achobo elenini amma monone oddo me nonne nga ne onne leebithi, angwi me induw modi alla quwo anyi kozyi me azazyi se. Kiru kobwo eleni se, acho amma monone wo oddo me neaki orri ra lele se.”
\v 31 Azze yesu kakkah ri loba ne oddo, ya kiru ammi newo bwo elenini?
\v 32 Inddehta, lao napa acho eleh keakeaki wo eyo, azza achobo eassa bwo, kiru eleh andu ammi narra kale wo didi koki awinga bah, azze kiru eleh andu noyee ma dule wo. Kiru ma duleku koy kobwo acho anthema ma row a.
\v 33 Ma monga nga eleki ne ammi ni anyi biya ammi ri motho obuna kolow ma ra anyo wo. Milili niah wa ammi nolow pupu, ama igweta pehgo tho (ezita aside tho) (eddehta tho) acho ma mettela milili kale oho.”
\c 17
\cl D'ullâ 17
\p
\v 1 Kiru kuse Yesu ojo nga kappa eleki bwo azze lago kopee awiry mii ne orou ruthuwa wo azze kojo oddo, athema acho lao napa eassa kale oho, ikku me ri ngwago anyi biya ingwaki napa obuna kikku me
\v 2 Oggo easu me ri opopi neakwezo nini awi ni ruw kappa ni leebithi anyi biya eleh andu lago kokwe lidy anyo nyonyo banny ni dedeh oduba me ri okwe kana awinika eleki.
\v 3 Ini lidy nyonyo wo; anyi biya loba konne me oone oddo, orri thoki alobe te, angwi awi oloro me neabbu anyo alobe te, Yesu khristo.
\v 4 Ma mikku me neakwe ma ni oweleka iki kale oho.
\v 5 Elenini, athema, ikku ma me ro akku oloro andda ma ra me ro kuse adi milili keway.
\v 6 Ma mifu me ri ru banny oduba me ri eakwe kana ma ni mililio waka iki ni. Acho loba me ri, azze kiru me neakwe loba ma ni wo, azze loba kiruruka ri me ri ari neanyo wo.
\v 7 Kiru elenini loba konone oddo nga dedeh oduba me ri okwe kana ma nika eleki, keavvo me ra lele se,
\v 8 Kobwo ma akwe loba ni arasi oduba andda me ri eakwe kana manika iki leebithi. Loba a iy api anyo wo angwi oggo loba onne oho thoki oddo ma meaki me ra lele se, angwi loba ewo oho oddo me neab’bu ma me.
\v 9 Ma momyiry loba ni anyo. Ma momyiry milili niku ama momyiry banny oduba me ri okwe kana ma nika iki ni anyo, kobwo loba me ri.
\v 10 Nga dedeh oduba ri eleki me ri, azze kiru ikku ri ma ne api se anyo wo.
\v 11 Ma molow milili niah wa lao azoruku, ama banny kappa eleki milili niah wa, azze kiru ma rinane meangwi me ra wo. Athema aggwy natha, iruruka api me ru se anyo oduba me ri eakwe kana manika eleki anyi biya andu loba kolow alobe anyo wo, oggo easu aary olowzo niki alobe.
\v 12 Kuse andda adi ma molow loba ro, ma miruruka api me ri ru se anyo, oduba me ri okwe kana manika eleki. Ma mippaka loba kale, azze kiru adi lobar i alla imuworo kale ku ju alobe, am ate ngwago awe kimuwo ro anyo, anyi biya kawro napa koko kale wo.
\v 13 Kiru elenini ma meangwi me raw o, ama ma mojo nga kappa iki ne milili niah wa anyi biya ma ri lonya napa koga koga api ra thoo anyo wo.
\v 14 Ma mokwe api ni me ri ari ni, azze milili riku, oggo easu ma nini milili riku.
\v 15 Ma adi azyi meku anyi biya izee loba kale wo milili lele se, ama anyi kombo me niruruka loba anyo injwi lele se.
\v 16 Acho loba milili riku, oggo easu ma nini milili riku.
\v 17 Ijulo loba kale thokithoki se anyo wo, me ri ari thoki.
\v 18 Oggo easu me ri ma neabbuzo nini milili niah wa, kiru angwi ma meabbu ri loba ne milili niah ne milili niah anyo wo.
\v 19 Kiru angwi ma mijulo ma ruw kale bwo lobar i kiw, anyi biya loba angwi oggo ki julo api ri ru kale thokithoki se.
\v 20 Ma momyiry eleki ni anyo duleku, ama angwi ma mo myiry oduba eleh obuna kewewo mara api ri ari seka eleki ni.
\v 21 Anyi biya loba leebithi obuna kolow alobe anyo wo, oggo easu ammi niki, athema, wi ma ra azze ma ammi ra. Oggo angwi loba kolow aah raw o anyi biya eleh andu milili kappa kewo oddo neabbu ma me.
\v 22 Akku napa andda me ri okwe kana ni ini, acho ma akwe loba ni oho, anyi biya loba kolow alobe wo, oggo aary olowzo nini alobe.
\v 23 Ma lobar a, azze me ma ra anyi kiru oggo eazee loba romia niko wo, anyi biya eleh andu milili kappa konone oddo neab’bu ma me, azze kiru me niyie ri loba ne wo oggo easu me ri ma niyiezo nini.
\v 24 Baba, ma monduw api me ri okwe kana manika eleki kolow ma ro ofo ma ri okile nan era, azze konddeh ma ri akku ne wo, akku me ri okwe kana ma ni kobw me niyie ma andda kuse adi milili eaffuku.
\v 25 Baba thokithoki natha, milili andda adi onnemeku; azze kiru eleni kenna ri oddo neabu ma me.
\v 26 Ma mifu me ri ru anyi biya loba konne, azze kiru eleh andu ma mokwe ru napa onne kale wo anyi biya riyie oloro me ri ma niyiezo eleni obuna kolow loba ra wo, azze eleh andu ma molow loba ra w.”
\c 18
\cl D'ullâ 18
\p
\v 1 Kiru kuse Yesu ong’a arari kappa eleki bwo, azze lago koki kale banny awiry inne kanaka eleki ro kovvo kidron ri ofo nail nane ri adona se, kiru ofo napa nane ambu ri ofo azze lago koqui aka wo banny awiry inne kanaka eleki ro.
\v 2 Kiru ilia wo azze Juda, oloro okwe lago anyi idda kale ini, angwi anne ofo napa kale bwo, kobwo Yesu daly lee komia ri aka banny awiry inne kanaka kaki ro.
\v 3 Kiru azze Juda napa, kole longololieh kappa ri olulu ri dii ne wo eabu riba alokwa ro kawila ri appi kappa ra lele se Jewba ri kakoko ri buluka ro, azze kovvo akana wo olengo ro, nwenwe ro, azze ngo namba ajju rika.
\v 4 Azze Yesu, kiru onne ngo kappa oduba andu konga ri awi ni kaki leebithi kale bwo, azze koki aka lele wo azze kozyi loba oddo, “anyi ammi nonduw adini da?”
\v 5 Azze loba kakkah lago ni oddo, “monduw Yesu kakkah loba ni oddo, “ma awi noyo.” Kiru Juda napa, lago nokwe ri iddale ini, angwi keddeh long ololieh kappa ro.
\v 6 Kiru kuse lago ojo bwo oddo, ma awi noyo,” azze loba kassee bulebule wo ogogu azze loba kuzzo bouwa wo.
\v 7 Kiru azze angwi lago kamba ri loba nozyi ne da oddo, “anyi ammi nonduw adini da?” azze angwi loba kamba ri kojo oddo, monduw Yesu naza retego ne ne yo”
\v 8 Azze Yesu kakkah oddo, “achobo ma menna ammi ni oho oddo ini ma kiru eya ammi nonduw ma ne anyo, eyeeta agoo eleki kovvo”
\v 9 Eleni anyi biya kiko ari andda awiry ojo kana nane kale wo oddo; “pi oduba me ri okwe kana ma nika eleki adi ma megwe allaku ju alobe.”
\v 10 Azze kiru simone pethoro, lago balumeh ro lotonyo, azze keangeh ri balumeh napa ne wo azze komwe kawila riba ri ossi ri opeogo ne macha se wo azze konjwa lago ri be nintha rina ne ne kale wo. Opeogo napa ri ru malkhus.
\v 11 Azze Yesu kojo pethoro ni oddo, “inga su me ri balumeh napa sokobo niah wo. AnYi kiru ma andu ambuw itikwe athema ri okwe kana ma ni ini quwo?
\v 12 Ilia wo azze long’oloieh ri olulu pi api ri buluka ro, azze Jewba ri opee, kiru koru Yesu ne wo azze kombe ri lago ne.
\v 13 Kiru loba ozee lago da anna ra Athii, kobwo lago kaiapa ri andi awe kawila riba ri ossi ne kii napa nan era.
\v 14 Ilia wo kiru kaiapa rina okwe kakoko anyo Jewba ni oddo acho sona inthana towe eya modi alobe kodda banny ri kiw sena.
\v 15 15. Azze simone pethoro pi, banny inne kana kaki ri alla rokovwi Yesu rib u ne wo kiru. Kiru lago napa inne kana nane kawila riba ri assi ri lokiko ri ri akulogo niah;
\v 16 Ama kiru pethoro rina keddeh leathy nanda ri angangweh. Kiru banny inne kana kaki ri alla nane, oloro kawila riba ri ossi konone nane, azze koki angweh azze kong’a ari ne athele nande leathy nanda notheh r inane ro azze kiru keazee ri pethoro ne ithi wo.
\v 17 Kiru azze opeezing’a napa, leathy nanda notheh r inane, kojo Pethoro ni oddo, “Ya me angwi modi agona ini ri banny inne kana kaki ri allaku?” azze lago kojo oddo, “ma awiku.”
\v 18 Ilia wo kiru opegoo kappa pi nyaa kappa kaki ro kededeh akana, azze kiru loba ovvu assi lele se, kobwo bou kembi riri, azze loba kewewelo ri api ruw ne wo kiru. Kiru angwi Pethoro napa lobar o, kededeh akana angwi ge kewewelo ri awiry ruw ne.
\v 19 Azze kawila riba ri ossi napa kozyi Yesu ne wo kiru banny awiry inne kana kaki se awiry rinne napa ro.
\v 20 Azze Yesu kakkah ri logo ne oddo, “ma ang’a milili ni foro. Ma mine rinne ne daly lee jo Jewba ri romomiale nan era angwi orri ri jo romomyile nan era ofo oloro Jewba ri romiale ofo nalobe nan era. Ma mojo ne mambweku.
\v 21 Azze me nozyi ma ne anyo adu da? Zyi api oduba nga ma ri ojo kana kaki near ba eleki anyo. Inddeh, achobo banny eleki konne nga ma ri ojo kana kaki ne onne”
\v 22 Kuse Yesu ojo eleni bwo, azze nyaa kappa ri alla alobe oloro keddeh akana komwe Yesu ne macha se azze kojo oddo, me nakkah ri kawila riba ossi ne ileh?
\v 23 Azze Yesu kakkah ri lago ne oddo, “Eya ma ang’a injwiru, ryi injwi anyo, ama eya ma ang’a intharu, ya kiru me nomwe ma ne adu?”
\v 24 Kiru azze anna kozwe lago kaiapa kawila riba ri ossi nane nombe wo.
\v 25 Ilia wo Simone Pethoro ge kededeh azze kewewelo awiry ruw ne assia. Azze kiru banny kojo lago ni oddo, ya me angwi banny awiry inne kana kaki ri allaku?” azze lago kappeh ri kale wo kojo oddo, “ma aweku.”
\v 26 Kiru kawila riba ri ossi ri ngaa kappa ri alla olobe, modi agona oloro pethoro ojwa bena kale nane ri od inane, kiru kojo oddo, “andda adi ma anddeh meku re ambu niah lago ro?
\v 27 Azze angwi pethoro kappeh ri kale wo ge, kiru chong ini dini wo azze a ou logo kichira.
\v 28 Kiru azze loba keazee ri Yesu ne kale wo kaiapa ra lele se azze kozee opopi ri akulogo wo. Towe ipoko ri se bubu, azze kiru adi loba opopi ri akulogo napa niahku anyi biya kodo onjoku ama anyi biya api konya ujuma ozwazo ne onga.
\v 29 Ilia wo azze pilato koqui lobar a angweh wo azze kojo oddo, adunga ammi nimang’a modi agona eleni dise anyo anyi neazee ma ra wa eleni?
\v 30 Azze loba kakkah kojo lago ni oddo “eya modi agona ini wale wale ninjwiku, so amma akwe lago me niku.”
\v 31 Ilia wo azze pilato kojo loba ni oddo, “Izeeta lago ammi ri ru se, azze nolii lago ri lokiko easu kakoko ammina eleni nini.” Azze Jew ri banny kappa kojo lago ni oddo, acho adi okwe amma ni kakokoku modi niddazo kale.”
\v 32 Loba kojo ileh anyi biya ari andda Yesu rina nane andu koko kale wo oloro andda awiry ong’a kana anyi biya kenna oddo odda ingony ri ovwi eleh andu awe kodda dise anyo.
\v 33 Kiru azze pilato koqui opopi ri akulogo niah wo da azze kungwe ri Yesu ne azze lago kojo lago ni oddo, me Jeba ri ajju ri ossi re?”
\v 34 Azze Yesu kakkah oddo, Eleni me nong’a me ra lele se, deh banny alokwa ong’a ma ni ne?
\v 35 Azze pilato kakkah oddo, ma Jewgoku yo, ya ma jewgo re? Achobo banny meka pi kawila riba ri ossi ro okwe me ne ma ni. Anyi me iwe adunga da?
\v 36 Azze Yesu kakkah oddo, opopi mana ne milili ini rinaku. Eya sugo opopi mana ne milili ini rina azze sugo kiru oppee maka eleki keasi wo anyi biya sugo odo ma nokwe jew ri banny kappa eleki ni quwo. Ama elenini ilia opopi mana ne milili ini raw a lele seku.”
\v 37 Azze pilato kojo lago ni oddo, “ya kiru me ajjuri ossi wo re? “Azze Yesu kakkah oddo, “Achobo me ejo me oddo ma ajju ri ossi kobwo othi ma kiw napa eleni se, angwi ma meaki kiw napa eleni se anyo milili niah wa, anyi biya ma aryi thokithoki anyo. Modi oloro thokithoki ro keari ri ma ri oli ne eari.”
\v 38 Azze pilato kojo lago ni oddo, “anyi thokithoki napa adwi da?” kuse lago ojo ileh bwo, azze angwi lago koqui angweh da jew ri banny kappa ra azze kojo loba ni oddo, “acho adi ma meassu injwi modi agona ini raku.
\v 39 Ama achodo olow ammina ra oddo ba ma atwe ammi ni modi alobe ujuma ozwazo ne ri. Ya ammi nonduw ba ma atwe jewba ri ajju ri ossi napa ammi ni re?
\v 40 Azze angwi loba kuzwa kojo oddo, keway, modi agona eleniku, ama monduw barabba ne anyo” achobo elenini barabba arra ri modi.
\c 19
\cl D'ullâ 19
\p
\v 1 Kiru azze pilato kozee Yesu ne azze kibinya ri keli se wo
\v 2 Azze longololieh kapp kiru kupa ri ngongoli ri ne lokuluru wo. Azze loba koba Yesu ri diio wo azze kathoh ri lago ne kurbaba namutie se wo.
\v 3 Kiru azze loba keavvo lago ra azze kojo oddo, injo ba ajju ri ossi Jewba rina ne!” azze komwe lago ne macha se.
\v 4 Kiru azze angwi pilato koqui angwi da ge azze kojo loba ni oddo, “inddeta, achobo eleh ma meazee ri lago ni ammi ni angweh wa wo anyi biya ammi inonone oddo adi ma meassu injwi lago raku”
\v 5 Ilia wo azze Yesu keaqui angweh athoh ri ngongoli okei ri lokulu se kurbaba nabulie ro. Azze pilato kojo loba ni oddo, “inddehta, achobo modi agona napa ini wi yo!”
\v 6 Kiru ilia wok use kawila riba oppi anddeh Yesu bwo nyaa kappa kaki ro, azze kiru loba koyi thooo azze kojo oddo, “Apaka lago, apaka lago!” azze pilato kejo loba ni oddo, “Izeeta lago ammi ri ru se azze ri ru se azze napaka ri lago ne, kobwo adi ma meassu injwi lago raku.”
\v 7 Azze Jew ri banny kappa kakkah lago ni oddo, “ammary kakoko a, azze kakoko napa nan era oggo idda ri lago ne idda yo kobwo lago ithetheleku awiry ruw oddo awe orri ri ngwago”.
\v 8 Kiru kuse pilato eari ejo napa eleni bwo, kiru lago orow nga towe wo,
\v 9 Azze angwi lago koqui opopi ri akulogo niah da azze kojo Yesu ni oddo, “anyi me neaki ingo ri lele se da? Kiru adi Yesu akkah lagoku.
\v 10 Kiru azze pilato kojo lago ni oddo, “me eleh onga ma niku re? Me adi inneku re oddo ma ombba ro me noyeezo, angwi ma ombba ro me napakazo?”
\v 11 Azze Yesu kakkah lago ni oddo “me ri ombba alla ma nidii keway eya adi eakwe me ni ororou lele sekuna. Kiru, lago oloro ma nokwe ri me ni eleni rossu ne thumogo row o kiru.”
\v 12 Akkah napa eleni se wo, azze pilato kondu lago notwe ne wo, ama jew kappa kiru koyi thooo, kojo oddo, “Eya kiru me itwe modi agona eleni oho, oggo kiru me kaesara ri berego quwo yo. Modi oloro owe awiry ruw oddo awi ajju ri ossi eleh kuse andu kocheh kaesara ne kale wo.”
\v 13 Kiru kuse Pilato eari kappa elekikale bwo, azze keazee ri Yesu ne angweh azze kireiri lago ne ketee lokiko noliizo nane nidii kiru ofo napa ri ru ungwe ri oddo “Erree obeh kana toro se, “Heburo se oddo, “Gabbatha”
\v 14 Kiru inee napa nane banny kithena kithena ri ruw ne ujuma napa ozwazo ne nethehzo wo, lao napa nan era kossa lao azia lele wo ondwe lago azze pilato kojo jew ri banny kappa ni oddo, “inddeh bata, ammi ri ajju ri ossi wi yo!”
\v 15 Azze loba kiru koyi thooo oddo, “Zee lago kale wo! Zee lago kale kale wo! Apaka lago!” Azze lago kale kale wo! Apaka lago!” Azze Pilato kojo loba ni oddo, “Ya ma mapaka ri ammi ri ajju ri ossi ne wo re?” Azze kawila riba ri oppi kappa kakkah oddo, “Ammary ajju ri ossi keway am ate kaesara a ne.”
\v 16 Kiru azze pilato kokwe Yesu ne loba ni apakale wo.
\v 17 Ilia wo Azze loba kozee Yesu ne wo, azze lago koqui angweh wo, kiru koguw paka napa ne awiry ruw se wo, tokojo ofo ungwe kana oddo, “ududu ri ofo nan era,” oloro ungwe ri Heburo se oddo “Golgatha”
\v 18 Kiru loba apaka Yesu akana wo, angwi kiru lago agoo alokwa ro kapele ree, alobe ado alla ra angwi alobe ado alla ra kiru Yesu agaga.
\v 19 Azze kiru Pilatao iwro quetechi azze koba quetechi napa ne paka nidii wo diidiile. Kiru quetechi napa iwro akana oddo:
\v 20 Kiru Jew ri banny kappa abiru olwa quetechi napa eleni oho kobwo ofo napa Yesu napakale nane e iy ri agga. Quetecha napa iwro Heburo ri ongolu se, latin se, angwi Geregi se.
\v 21 Kiru azze kawila riba ri ossi Jewba rina kojo pilato ni oddo, “nodo iwro oddo, Jewba ri ajju ri ossiku, ama thyi iwro oddo, modi ini kojo oddo, “ma ajju ri ossi Jewba rina.”
\v 22 Azze pilato kakkah oddo, nga oloro ma miwro oho oggo ma miwro bwo”
\v 23 Kiru kuse long ololie kappa apaka Yesu kale bwo, azze loba konuu lago rim eke kaki ne wo, kiru loba inga apee api ni sun, kiru didi alobe awika; azze angwi konuu aragi ne wo. Kiru ilia wo aragi napa adi odweku, kolow looo tea lobe orou lele se to bouwa.
\v 24 Kiru ilia wo loba kojo api ri ruw ni didi kojo alla ni oddo akodo aragi napa nochiku ama thyi akob’ata oragi napa dekery se anyo deh adi eleh andu kazee ne (deh kodeh adi ra).” “Eleni anga ri anyi biya kawro andda iwro kana nane koko kale wo oloro iwro oddo, loba apee ma rim eke kappa api ni wo azze kiru koba ma ri athoh kana ne ne dekery se wo” eleni nga olor long’ololieh ri owe kana.
\v 25 Kiru awiry ande maria pi awiry ande ri ambung’a ro azze maria kilipa zi azze maria Magdalena zing’akededeh Yesu rip aka ri agaa.
\v 26 Kuse Yesu onddeh awiry ande pi modi inne kana oloro awiry iyie kana ne ro keddeh ethethe, azze kiru lago kojo awiry ande ni oddo, “modi izina, inddehba, me ri ngwago!”
\v 27 Kiru angwi lago kojo modi inne kana eleni ni oddo, “inddehba me ri ande!” kiru lao napa nan era lele se wo azze modi inne kana eleni kozee nena napa ne angwinga b’ah wo.
\v 28 Kiru eleni ri bubuwa wo, azze kiru kanne oddo nga d’ed’ eh elenini oko kele bwo anyi biya angwi andu kawro napa koko kale wo, azze Yesu kojo oddo, “ma iyi vi row o yo”
\v 29 Azze kiru iwa ri bwendoro nang’a ding’I se thoo oba aka ofo napa nane rana, kiru ilia wo azze loba kossu lifa oloro kede dunyie dunyie ne iwa ri bwendoro nang’a kappa niah wo azze kiru kozwa ika azze kongi ika napa ne orou azze kembeh ri lago ri thyo.
\v 30 Kiru kuse Yesu ombeh iwa ri bwendoro nang’a kappa kabe bwo, azze lago kojo oddo, “Ari napa oko kale oho” “azze kole awiry dii ne azze kokwe awiry oyuru ne wo.
\v 31 Kiru jewba kappa, kobwo inee napa nane ruw nithethenazo, angwi oddo kobwo ruw kappa assee paka nidiiku lao inee twodiery ri inee athii rina nan era (kobwo inee napa nane ri inee twodiery ri inee athii rina nane ujuma ne thumogo towe), azze Jewba kappa kiru kozyi Pilato ne wo anyi biya kang ango laba ri pa kappa kale wo azze ketwe ri loba ne kale bowa wo.
\v 32 Kiru azze longololie kappa keavvo azze kongo modi agona athii ri reezo eleni ri pa ne wo oduba apaka Yesu ro reka kaki.
\v 33 33. Kiru kuse loba eassa Yesu ra bwo, kiru loba konddeh diya lago odda kale jeru dini, ilia wo kiru adi loba ongo lago ri pa kappa quwo.
\v 34 Ilia wo, azze longololie kappa eleki ri alla kosso lago ne bub’uwo wo ajju se, azze chong ini diini wo earrei pi iyi ro keguri angweh wo bola.
\v 35 Modi oloro onddeh eleni oho kororyi, azze awi karyi thoki wo. Awi konone oddo awi ojo thoki anyi biya angwi ammi newewo.
\v 36 Kobwo nga kappa eleki onga ri anyi biya kawro napa koko kale wo oddo lago ri quwa alle eleh adi ongo kaleku”
\v 37 Angwi, kawro alla kojo oddo, “achobo loba eleh andu konddeh lago oloro api ri osso kana eleni ne onddeh.
\v 38 Nga kappa eleki ri bubuwa wo, azze Esepo Aramatiago nane, kobwo andda Yesu kinne ri lago ne (ama azze kozyi pilato kambwe ri ambwe kobwo korow Jew ri banny kappa ne) eya andu kokwe awi kozee Yesu ruw napa ozee kale na azze pilato kakkah ri kokwe lago ni wo azze kiru Esepo keaki azze lago ri ruw napa ne kale wo.
\v 39 Azze angwi nikodemo keaki, lago oloro andda eaki athii Yesu ra ineego ri se nane. Kiru lago eazee yulia ochocha iddi ro, angika kososa erreh mudi mudi mudury.
\v 40 Ilia wo azze kongi Yesu ri ruw ne wo azze kothoh meke ressezoki niah wo yulia ro, easu Jeba ri ruw nessee ri kaka nini.
\v 41 Kiru ofo napa lago napa kale nane rana ambu aka; azze kiru ambu napa nane niah na budi nonwe aka oloro adi essee modi akaku.
\v 42 Kobwo inee napa nane Jew ri banny kithethena ri ruw ne wo angwi kobwo budi napa ethethe, azze loba kalla Yesu ne budi napa niah wo.
\c 20
\cl D'ullâ 20
\p
\v 1 Ilia wo kiru ipoko ri se bobu inee twodiery ri inee athii rina ra (laka ri inee athii rina ra) kuse adi bou one tiet, azze marria magdelena zinga ne keaki budio wo azze ony napa ongi kale budi ri lele se.
\v 2 Ilia azze nena napa kegega wo azze koki simone pethoro pi ra banny inne kana kaki alla oloro Yesu ri iyie kana nane ro, azze kiru nena napa kojo laba ni oddo, “acho loba enuu rinne natha kale oho budi ri lele se, azze kiru aah akonneku eya loba alla lago ingoliana.”
\v 3 Kiru azze Pethoro pi banny inne kana kaki ri alla napa nane ro kequi angweh, azze loba kovvo budio wo.
\v 4 Kiru loba ongei dede reka, azze kiru banny inne kana kaki ri alla nane ogga pethoro ni athii wo titi azze kiru ossa athii budio wo.
\v 5 Azze kosso anya bouwa azze kowo kelari, kiru logo onddeh meke kappa resseezo kaki ibetha akana, ana kiru adi lago osee aka ithinaku.
\v 6 Kiru lago ri bubuwa wo azze Simone Pethoro kessa azze kosee aka budi niah wo. Kiru lago onddeh meke kappa reseezo kaki ibetha akana wo.
\v 7 Azze kiru meke ilonga kana lago ri diio nane. Awi rina adi ibetha meke reseezo kaki raku ama ilong’a awi rina ofo alla dute.
\v 8 Kiru banny inne kana kaki ri alla, alobe oloro so ossa athii budio nane, azze angwi kosee aka ithi wo, azze lago konddeh azze kiru kewo wo.
\v 9 Kobwo lao napa nan era lob age adi onne kawro napa naneku oddo eleh andu lago keanjenji odda ri lele se.
\v 10 Ilia wo azze banny kappa inne kanaka kaki kongi bule bah wo.
\v 11 Ama kiru maria rina ge keddeh budi ri angangweh kowo-ouw. Kiru kuse nena napa ouw bwo, azze nena kasee bouwa budi niah wo.
\v 12 Azze nena napa anjiluji ne kapele ree athathoh rim eke nangwecholo se, azze kiru alobe diidiile, azze alobe papale ofo napa Yesu ruw nallale nan era.
\v 13 Azze loba kojo nena ni oddo, “modi nizi, anyi me nouw adu da? Kiru nena napa kojo loba ni oddo, acho kobwo loba onuu ma ri rinne natha kale, azze kiru ma adi anneku eya loba oba lago ingona”
\v 14 Kiru kuse nena ojo ileh bwo, azze nena napa kufuri kilonga ri azze kiru konddeh Yesu ne wo kededeh akana, ama kiru nena adi onneku oddo nane Yesu.
\v 15 Azze kiru Yesu kejo nena napa ni oddo, “modi nizi anyi me nouw adu da? Me nonduw adi ni anyo da?” kiru nena keyeyeju oddo nguna lago ambuw notheh ri modi, kiru ilia wo azze nena kojo lago ni oddo “lello, eya inuu lago kale me, enna ma ni ofo me ri obale nane, azze eleh andu ma mozee lago ne kale wo”
\v 16 Azze Yesu kojo nena napa ni oddo, “maria” kiru nena napa kufuri, azze kojo logo ni Heburo ri ong’olu se oddo “Rabouni” (ari napa ri duki oddo Rinne Natha”)
\v 17 Azze Yesu kojo nena napa ni oddo nodo ma noloku, kobwo ge ma adi athema raku, ama kii adiimaa ra azze nojo loba ni oddo ma obuna mokoki orou athema ra angwi ammi ri atheh ra azze ma ri orri ra angwi ammi ri orri ra”
\v 18 Azze maria magdelena zinga ne keaki azze kenna ri banny inne kanaka eleki ni oddo, “Achobo ma anddeh rine natha kale bwo,” azze kiru oddo lago ojo nga kappa eleki awini ne wo.
\v 19 Kuse orula wo, inne napa nan era, laka napa ri inne athii rina ra, azze kiru ofo oloro banny inne kana kaki aka nane, leathy nandaka kumo ri umo kobwo korow Jew ri banny ne, azze Yesu keaki azze kiru keddeh lobar i agaga ilia wo azze kojo loba ni oddo “Injola ammi ri”
\v 20 Kuse lago ojo ileh bwo, azze lago kenna ri loba ni de awika eleki ne wo awiry bubu napa ro. Kiru kuse banny kappa inne kanaka eleki onddeh rinne natha kale bwo azze loba kinyonyori wo.
\v 21 Kiru ilia azze angwi Yesu kamba ri ojo ne loba ni oddo, “injota ammi ri. Easu athema ri ma neabbuzo ninni kiru angwi ma meabbu ri ammi ne anyo wo.
\v 22 Kuse Yesu ojo ileh bwo azze lago kovu loba ni Fvve azze kojo loba ni oddo “a iyta oyuru naggweh.
\v 23 Eya ammi noyee banny rososuba eleki nimbi ne oyee, oyee loba ne oyee angwi, eya banny oduba ossu rososu oho azze ammi notuu bule angwi otuu loba ne bule.”
\v 24 Tomasio, banny mudury imbi reeka kaki ri alla alobe, ungwe ri kakokoro natha, kiru kuse Yesu eaki oho lobar o keway.
\v 25 Ilia wo azze banny kappa inne kanaka kaki ri alokwa kaki kenna ri lago ni oddo, achobo amma andeh Yesu kale bwo.” Azze lago kojo loba ni oddo, eya adi ma anddeh ele awika de ri kakiku oddo ri okei rika kaki azze moba ma ri de ningwa aka ele kappa ra oddo ri okei rika kaki azze moba ma ri de ne lago ri bubuwo, oggo ma mewoku.”
\v 26 Angwi inee aro ri bubuwa wo azze bannyawiry inne kanaka kaki ge ithina, azze kiru tomasio loba ro. Azze Yesu keaki kuse leathy nanda kappa kum ri ri umo, azze keddeh lobar i agaga ilia wo, azze kejo oddo, “injota ammi ri”
\v 27 Kiru azze lago kojo Tomasio ni oddo, “idada wa me ri de ningwa se azze nonddeh ma ri de kappa ne. Idada wa me ri de se azze noba de ningwa napa ne ma ri bubuwo. Nodo olow ewo akoku, ama ewewo anyo wo”.
\v 28 Ilia wo azze Tomasio kakkah azze kojo lago ni oddo, “ma nine natha angwi ma ri orri”
\v 29 Azze Yesu kojo lago ni oddo, “kobwo ocho me inddeh ma kale oho, me newo kale? Banny oduba adi onddehku azze kewoka eleki, antheh kale bwo.”
\v 30 Kiru Yesu owe Quetechi nabi banny inne kanaka kaki ri andanda, quetechi oduba adi iwro kawro ini niahku,
\v 31 Ama iki iwro anyi biya ammi newewo oddo Yesu khristho, orri ri ngwago, angwi angi biya newewo oddo, obuna ammi ri lidy awiry ru se wo.
\c 21
\cl D'ullâ 21
\p
\v 1 Nga eleki ri bubuwa wo azze Yesu kenna ri angwi awiry ruw ne banny inne kanaka eleki ni wo mearyi Tiberia rina nan era. Eleni lago enna awiry ruw ele:
\v 2 Simone Pethoro pi Tamasio ungwe kana kakokoro natha ne ro aka dede nataniel ro kanah lele se Galilee na Jebidero ri gogo, banny Yesu ri inne kanaki ri alokwa ro kapele ree.
\v 3 Azze Simone pethoro kojo loba ni oddo, “ma moki eabi nocha” azze loba kojo lago ni oddo, “amma pi ro, oggo angwi movvo toh me ro” azze loba kovvo azze kothuu roggo niah wo, ama kiru ineego napa pye loba adi oruu nga allaku.
\v 4 Ilia wo, kiru kuse bou ipoko wo towe bubu jeru dini, azze kiru Yesu keddeh thythyle, ama kiru banny kappa inne kanaka kaki adi onneku oddo nane Yesu.
\v 5 Kiru ilia wo azze kojo loba ni oddo, “Teto nerebiki, nga alla ammi ni onyale a?” azze loba kakkah lago ni oddo, “acho keway.”
\v 6 Azze lago kojo loba ni oddo, “ibuta ammi ri kuthu napa roggo ri adoh de nintha rina nan era, azze eleh andu ammi neassu ri alokwa ne” ilia kiru loba kobu api ri kuthu napa ne azze loba eatuu roggo niah kuthu napa roggo niah d’oquwo kobwo eabi kappa ri lokede erezwe.
\v 7 Kiru azze modi inne kana oloro Yesu ri iyie kana ne kojo Pethoro ni oddo, “achobo eleni rinne natha” kiru Simone Pethoro keari ri oddo eleni rinne natha wo, azze lago kumbe ri awiry kurbaba ne ruwo wo (kobwo lago lundu), azze lago kod’iri mearyi niah.
\v 8 Azze banny inne kanaka kaki ri alokwa keassa roggo se (kobwo loba odyku thythyle napa ra lele se, apeeka mudi mudury alobe aka lele se, azze kiru loba ketuu ri kuthu ne wo eabi ogga aka thoo.
\v 9 Kuse loba eathu kale angweh bwo thythyle, azze loba konddeh assi ri nyomo ne wo akana azze kiru ibetha eabi nyomo napa nidii osusi ro.
\v 10 Azze Yesu kejo loba ni oddo, Eazeeta eabi ammi ri oruu kanaka eleki ri alokwa.”
\v 11 Kiru azze Simone Pethoro kosee azze keathuu ri kuthu napa ne thythyle, kiru ogga thoo eabi se erezwe; mudi mudury alobe iki ro mudi thow imbi naa (153). Loba abiru, ama kiru adi okeh kuthu napaku.
\v 12 Azze Yesu kejo loba ni oddo, “Eavvota onya ipoko ri nonya.” Kiru adi banny kappa inne kanaka kaki iwa lagoku azzi se oddo me adi da? Kobwo loba onne oho oddo eleni rinne natha.
\v 13 Azze Yesu keaki azze konuu osusi ne, azze kokwe osusi napa ne loba ni wo, eabi kappa ro angwi.
\v 14 Eleni daly ri naazo oloro Yesu inna awiry ruw banny inne kanaki ni kuse lago eanji odda ri lele bwo.
\v 15 Kuse loba onya ipoko ri onyo bwo azze Yesu kojo Simone Pethoro ni oddo, “Simone Iwana ri gogo, me niyie ri ma ne iyie kopeh eleki ne toh? Azze Pethoro kojo lago ni oddo, Eyo rinne natha, me nonone oddo ma miyie ri me ne iyie azze Yesu kojo lago ni oddo, immeh inya ma ri billu
\v 16 Azze angwi lago kaba ri ojo da ge daly ri reezo se oddo, Simone iwana ri gogo me niyie ri ma ne iyie?” Azze Pethoro kejo lago ni oddo, eyo rinne natha, me nonone oddo ma ma miyie ri me ne iyie.” Azze Yesu kojo lago ni oddo, inya ma ri billu azze Yesu kojo lago ni oddo, “immeh ma ri bullu”
\v 17 Angwi lago kojo lago ni daly ri naazo se oddo simone iwana ri gogo me niyie ri ma ne iyie? Azze Pethoro kidubo wo kobwo Yesu ojo awi ni daly naa kale bwo oddo, me niyie ri ma ne iyie? Kiru azze lago kojo lago ni oddo, “Rinne natha achobo me nanne nga ne onne leebithi, me nonone oddo ma miyie ri me ne iyie.” Azze Yesu kojo lago ni oddo, “inya ma ri billu.
\v 18 Thoki thoki, acho ma mojo me ni oddo, eya me adi kedina acho me natho ri me ri ruw ne atho azze noki ofo oduba nondu naway Akaka eleki ra, ama kiru Eya me notheah kale bwo, azze eleh andu me nuzuri me ri de ne angweh wo, azze modi alla oloro dule eleh andu kiru katho ri me ne ne wo azze kiru koguw me ne ofo oloro me ile oki akaku nan era wo.”
\v 19 Yesu ojo lago ni elen anyi biya kenna oddo odda ingony ri ovwi Pethoro obuna kikku ri orri ne dise anyo. Kiru kuse lago ojo ileh oho, azze lago kojo Pethoro ni oddo Eavwi ma rib u.”
\v 20 Azze Pethoro kufuri kilonga ri azze konddeh modi inne kana oloro Yesu ri iyie kana ne ne keavwi ri api rib u ne wo, modi oloro itheko ogu Yesu ri aga nidii orula ri onya nonyale azze kojo oddo, “Rinne natha, anyi eleni adi andu kokwe me ne ne da?”
\v 21 Kiru Pethoro onddeh lago oho azze kiru kojo Yesu ni oddo, “Rinne natha, anyi modi agona napa kiru eleh andu kowe adu ne anyo da?”
\v 22 Azze Yesu kojo lago ni oddo, “anyi kiru eya ma mondu lago kichaka tokojo ma meaki oho, me rina ne ni adwi? “Eavwi ma rib u anyo,”
\v 23 Kiru kovikovi napa eleni arra adii kappa ri agaga niah ilia wo, oddo modi agona inne kana nane odda quwo. Ama adi Yesu ojo Pethoro niku oddo banny inne kanaka kaki ri alla nane oddaku, am ate ojo oddo, anyi kiru eya ma mondu kichaka tokojo ma meaki oho, me rina ne ni adwi?
\v 24 Eleni modi inne kana oloro karyi nga kappa eleki ri kiw se, angwi kiru awe iwro nga kappa eleki ne wo angwi aah akonone oddo lago karyi thoki.
\v 25 Nga alokwa a abiru oduba andda Yesu owe oho, kiru eya iwro bouwa alobe alobe ma meyeye ri oddo iu milili kappa eleki api ri ruw se od’ei kawro kappa oduba iwro ri iwro kaki raku.