See in Reader
196 lines
17 KiB
Plaintext
196 lines
17 KiB
Plaintext
\id EPH
|
||
\ide UTF-8
|
||
\h Abaefeso
|
||
\toc1 Abaefeso
|
||
\toc2 Abaefeso
|
||
\toc3 eph
|
||
\mt Abaefeso
|
||
\c 1
|
||
\cl Ensuula 1
|
||
\p
|
||
\v 1 Pawulo, omutume wa Kristo Yesu olw'okutaka kwa Katonda eri abatukuvu abali mu Efeso n'abaikirirya mu Kristo Yesu:
|
||
\v 2 ekisa kibbenga gye muli n'emirembe ebiva eri Katonda Itawaisu ne Mukama waisu Yesu Kristo.
|
||
\p
|
||
\v 3 Yeebazibwe Katonda Itaaye wa Mukama waisu Yesu Kristo, eyatuwaire buli mukisa gwonagwona ogw'Omwoyo mu bifo eby'omu igulu mu Kristo:
|
||
\v 4 nga bwe yatulondera mu iye ng'ensi ekaali kutondebwa, ife okubba abatukuvu ababula kabbiibi mu maaso ge mu kutaka:
|
||
\v 5 bwe yatwawiire eira okumufuukira abaana ku bwa Yesu Kristo, nga bwe yasiimire olw'okutaka kwe,
|
||
\v 6 ekitiibwa ky'ekisa kye kaisi kitenderezebwenga, kye yatuwaire obuwi mu oyo omutakibwa:
|
||
\v 7 eyatuweeserye akununulibwa kwaisu olw'omusaayi gwe, okusonyiyibwa ebyonoono byaisu, ng'obugaiga obw'ekisa kye bwe buli,
|
||
\v 8 kye yasukiriirye gye tuli mu magezi gonagona n'okutegeera kwonakwona,
|
||
\v 9 bwe yatutegeezerye ekyama eky'okutaka kwe, nga bwe yasiimire yenka, nga bwe yamaliriire eira mu iye,
|
||
\v 10 olw'obuwanika obw'omu biseera ebituukirivu, okugaitira awamu byonabyona mu Kristo, ebiri mu igulu n'ebiri ku nsi;
|
||
\v 11 mu oyo feena mwe twafuukiire obusika bwe twayawuliibwe eira mu kumalirira kw'oyo akozia byonabyona nga bw'ataka mu kuteesia kwe;
|
||
\v 12 ife kaisi tubbe eitendo ly'ekitiibwa kye, ife abaasookere okusuubira mu Kristo:
|
||
\v 13 era mwena mu iye, bwe mwawuliire ekigambo eky'amazima, enjiri ey'obulokozi bwanyu, mu oyo, n'okwikirirya bwe mwaikiriirye, ne muteekebwaku akabonero n'Omwoyo Omutukuvu eyasuubiziibwe,
|
||
\v 14 niigwo musingo gw'obusika bwaisu, okutuusia envuma ya Katonda lw'erinunulibwa, ekitiibwa kye kitenderezebwe.
|
||
\p
|
||
\v 15 Bwe nawuliire okwikirirya Mukama waisu Yesu okuli mu imwe, era kwe mwalagire eri abatukuvu bonabona,
|
||
\v 16 kyenva tindekangayo kwebalya, nga mbatumulaku mu kusaba kwange;
|
||
\v 17 Katonda wa Mukama waisu Yesu Kristo, Itawaisu ow'ekitiibwa, abawe omwoyo ogw'amagezi n'ogw'okubikuliwa mu kumutegeera iye;
|
||
\v 18 nga mumulisibwanga amaiso ag'omwoyo gwanyu, imwe okumanya eisuubi ery'okweta kwe bwe liri, obugaiga obw'ekitiibwa eky'obusika bwe mu batukuvu bwe buli,
|
||
\v 19 era obukulu obusinga einu obw'amaani ge eri ife abaikirirya bwe buli, ng'obuyinza bw'amaanyi ge bwe bukola,
|
||
\v 20 ge yakoza mu Kristo, bwe yamuzuukizirye mu bafu, n'amutyamisia ku mukono gwe omuliiro mu bifo eby'omu igulu,
|
||
\v 21 waigulu einu okusinga okufuga kwonakwona n'obuyinza n'amaani n'obwami na buli liina eryatulwa ti mu mirembe gino gyonka naye ne mu egyo egyaba okwiza:
|
||
\v 22 n'ateeka byonabyona wansi w'ebigere bye, n'amuteekawo okubba omutwe ku byonabyona eri ekanisa,
|
||
\v 23 niigwo mubiri gwe, okutuukirira ku oyo atuukiriirya byonabyona mu byonabyona.
|
||
\c 2
|
||
\cl Ensuula 2
|
||
\p
|
||
\v 1 Era mwena yabazuukizirye bwe mwabbaire nga mufiiriire mu byonoono n'ebbibi byanyu,
|
||
\v 2 bye mwatambulirangamu eira ng'emirembe egy'ensi eno bwe giri, okusengereryanga omukulu w'obuyinza obw'omu ibbanga, omwoyo ogukolera atyanu mu baana abatawulira;
|
||
\v 3 era fena fena be twatambulirangamu eira mu kwegomba kw'omubiri gwaisu, nga tukolanga omubiri n'ebirowoozo bye byebitaka, ne tubbanga olw'obuzaaliranwa abaana b'obusungu, nga n'abandi:
|
||
\v 4 naye Katonda, kubanga niiye mugaiga w'ekisa, olw'okutaka kwe okungi kwe yatutakire ife,
|
||
\v 5 era ife bwe twabbaire nga tufiiriree mu byonoono byaisu, yatufiire abalamu awamu ne Kristo (mwalokokere lwe kisa),
|
||
\v 6 n'atuzuukizia wamu naye, n'atutyamisya wamu mu bifo eby'omu igulu mu Kristo Yesu:
|
||
\v 7 mu mirembe egyaaba okwiza kaisi alage obugaiga obusinga einu obw'ekisa kye mu busa obuli gye tuli mu Kristo Yesu:
|
||
\v 8 kubanga mwalokokere lwe kisa lwo kwikirirya; so tekwaviire gye muli: niikyo ekirabo kya Katonda:
|
||
\v 9 tikwaviire mu bikolwa, omuntu yenayena aleke okwenyumirizianga.
|
||
\v 10 Kubanga ife tuli mulimu gwe, abaatondeirwe mu Kristo Yesu olw'ebikolwa ebisa, Katonda bye yasookere okuteekateeka ife okubitambulirangamu.
|
||
\p
|
||
\v 11 Kale mwijukire ng'eira imwe, ababbaire ab'amawanga mu mubiri, Abakomole be bayetere Abataakomoleibwe, mu mubiri okukolebwa n'emikono;
|
||
\v 12 nga mu biseera bidi mwabbaire nga muli wala ne Kristo, mwabbaire nga mubooleibwe mu kika kya Isiraeri, era mwabbaire banaigwanga eri endagaano egy'okusuubiza, nga mubula kusuubira, nga mubula Katonda mu nsi.
|
||
\v 13 Naye atyanu mu Kristo Yesu imwe abaali ewala eira musembezeibwe olw'omusaayi gwa Kristo.
|
||
\v 14 Kubanga iye niigyo emirembe gyaisu, eyafiire byombiri ekimu, n'amenyawo ekisenge ekya wakati ekyawula,
|
||
\v 15 bwe yamalire okutoolawo mu mubiri gwe obulabe, tawuleti ey'ebiragiro ebiri mu mateeka; kaisi atonde mu iye mweene abo bombiri okubba omuntu omumu omuyaaka, okuleeta emirembe;
|
||
\v 16 era kaisi atabaganye bombiri eri Katonda mu mubiri gumu olw'omusalaba, bwe yaitiire obulabe ku igwo:
|
||
\v 17 n'aiza n'ababuulira enjiri ey'emirembe imwe ababbaire wala, n'emirembe ababbaire okumpi:
|
||
\v 18 kubanga ku bw'oyo ife fembiri tulina okusembera kwaisu eri Itawaisu mu Mwoyo omumu.
|
||
\v 19 Kale mutyo temukaali banaigwanga na batambula, naye muli be kika kimu n'abatukuvu, era bo mu nyumba ya Katonda,
|
||
\v 20 kubanga mwazimbiibwe ku musingi niibo batume na banabi, Kristo Yesu mweene bw'ali eibbaale einene ery'oku nsonda;
|
||
\v 21 mu oyo buli nyumba yonayona, bw'egaitibwa okusa, ekula okubbanga yeekaalu entukuvu mu Mukama waisu;
|
||
\v 22 mu oyo era mwena muzimbibwa wamu okubbanga ekisulo kya Katonda mu Mwoyo.
|
||
\c 3
|
||
\cl Ensuula 3
|
||
\p
|
||
\v 1 Kale nze Pawulo, omusibe wa Yesu Kristo ku lwanyu ab'amawanga, -
|
||
\v 2 oba mwawuliire obuwanika obw'ekisa kya Katonda kye naweweibwe eri imwe;
|
||
\v 3 bwe nategeezeibwe ekyama mu kubikkuliwa, nga bwe nawandikire eira mu bigambo ebitono,
|
||
\v 4 ebiyinza okubategeeza, bwe mubisoma, okumanya kwange mu kyama kya Kristo;
|
||
\v 5 ekitaategeezebwa mu mirembe egy'eira abaana b'abantu, nga atyanu bwe kibikkuliibwe abatume be abatukuvu ne banabi mu Mwoyo;
|
||
\v 6 ab'amawanga okubba abasikira awamu, era ab'omubiri ogumu, era abaikirirya ekimu ekyasuubizibwe mu Kristo Yesu olw'enjiri,
|
||
\v 7 gye nafuukiire omuweereza waayo, ng'ekirabo eky'ekisa kya Katonda bwe kiri kye naweweibwe ng'okukola kw'amaani ge bwe kuli.
|
||
\v 8 Nze, omutomuto okusinga abatobato ab'omu batukuvu bonabona, naweweibwe ekisa kino, okubuuliranga ab’amawanga obugaiga bwa Kristo obutasagirikika;
|
||
\v 9 n'okumulikiryanga bonabona babone okugaba kw'ekyama bwe kuli, ekyagisiibwe okuva eira n'eira lyonalyona mu Katonda eyatondere byonabyona;
|
||
\v 10 atyanu abaamasaza n'ab'obuyinza mu bifo eby'omu igulu bategeezebwe mu kanisa amagezi amangi aga Katonda ag'engeri enyingi,
|
||
\v 11 ng'okumalirira bwe kuli mu Kristo Yesu Mukama waisu:
|
||
\v 12 mwe tutoola obuvumu bwaisu n'okusembera n'obugumu olw'okumwikirirya iye.
|
||
\v 13 Kyenva nsaba imwe mulekenga okwiririra olw'ebibonoobono byange ku lwanyu, ebyo niikyo ekitiibwa kyanyu
|
||
\v 14 Kyenva nfukaamirira Itawaisu,
|
||
\v 15 buli kika eky'omu igulu n'eky'oku nsi kwe bitoola eriina,
|
||
\v 16 abawe imwe, ng'obugaiga bw'ekitiibwa kye bwe buli, okunywezebwa n'amaani mu Mwoyo gwe mu muntu ow'omunda:
|
||
\v 17 Kristo atyamenga mu myoyo g'yanyu olw'kwikirirya; mubbenga n'emmizi munywezebwenga mu kutaka,
|
||
\v 18 kaisi muweebwe amaani okukwatanga n'amagezi awamu n'abatukuvu bonabona obugazi n'obuwanvu n'obugulumivu n'okwaaba wansi bwe biri,
|
||
\v 19 n’okutegeera okutaka kwa Kristo okusinga okutegeerwa, kaisi mutuukirire okutuusia okutuukirira kwonakwona okwa Katonda.
|
||
\p
|
||
\v 20 Kale oyo ayinza okukola einu okusingira kimu byonabyona bye tusaba oba bye tulowooza, ng'amaani bwe gali agakolera mu ife,
|
||
\v 21 aweebwenga ekitiibwa mu kanisa ne mu Kristo Yesu okutuusia emirembe n'emirembe egitawaawo. Amiina.
|
||
\c 4
|
||
\cl Ensuula 4
|
||
\p
|
||
\v 1 Kyenva mbeegayirira nze omusibe mu Mukama waisu okutambulanga nga bwe kusaanira okwetebwa kwe mwayeteyibwe,
|
||
\v 2 n'obwikaikamu bwonabwona n'obuwombeefu, n'okugumiikirizia, nga muzibiikirizagananga mu kutakagananga,
|
||
\v 3 nga munyiikiranga okwekuuma obumu bw'Omwoyo mu kusibibwa n'emirembe.
|
||
\v 4 Omubiri guli gumu, n'Omwoyo mumu, era nga mwena bwe mwayeteibwe mu kusuubira okumu okw'okwetebwa kwanyu;
|
||
\v 5 Mukama waisu mumu, okwikirirya kumu, okubatiza kumu,
|
||
\v 6 Katonda mumu, Itaaye wa bonabona, afuga byonabyona, abita mu byonabyona, era ali mu byonabyona.
|
||
\v 7 Naye buli muntu mu ife yaweweibwe ekisa ng'ekigera ky'ekirabo kya Kristo bwe kiri.
|
||
\v 8 Kyava atumula nti Bwe yaninire waigulu, n'anyaga okunyaga, N'awa abantu ebirabo.
|
||
\p
|
||
\v 9 (Naye ekigambo ekyo nti Yaninire, kikoba ki wabula okukoba nti era yaikire mu njuyi egya wansi egy'ensi?
|
||
\v 10 Eyaikire era niiye oyo eyaniniire waigulu einu okusinga eigulu lyonalyona, kaisi atuukirirye byonabyona.)
|
||
\v 11 Era oyo n'awa abandi okubba abatume, n'abandi banabbi, n'abandi ababuulizi, n'abandi abalunda n'abayigirizia;
|
||
\v 12 olw'okutuukirirya abatukuvu, olw'omulimu ogw'okuweerezia, olw'okuzimba omubiri gwa Kristo:
|
||
\v 13 okutuusia lwe tulituuka fenafena mu bumu obw'okwikiriria, n'obw'okutegeera Omwana wa Katonda, lwe tulituuka okubba omuntu omukulu okutuuka mu kigera eky'obukulu obw'okutuukirira kwa Kristo:
|
||
\v 14 tulekenga okubba ate abaana abatobato, nga tuyuugayuuga nga tutwalibwanga buli mpewo ey'okuyigirizia, mu bukuusa bw'abantu, mu nkwe, olw'okusengererya okuteesia okw'obubbeyi;
|
||
\v 15 naye, bwe tutumulanga amazima mu kutakagananga, kaisi tukule okutuuka mu iye mu byonabyona, niigwo mutwe, Kristo;
|
||
\v 16 mu oyo omubiri gwonagwona bwe gugaitibwa okusa ne gunywezebwa awamu buli nyingo ng'ereeta ebyayo, ng'okukola mu kigera okwa buli kitundu bwe kuli, omubiri gweyongera okukula olw'okwezimba mu kutakagananga.
|
||
\p
|
||
\v 17 Kyenva ntumula kino ne ntegeezia mu Mukama waisu, imwe mulekenga okutambula ate, era ng'ab'amawanga bwe batambula mu birowoozo byabwe ebibulamu,
|
||
\v 18 nga bazikizibwa amagezi gaabwe, nga baawulibwa ku bulamu bwa Katonda olw'obutategeera obuli mu ibo, olw'okukakanyala okw'omwoyo gwabwe;
|
||
\v 19 kubanga beerabira okulumwa, ne beewaayo mu bwenzi, okukolanga eby'obugwagwa bwonabwona mu kwegomba.
|
||
\v 20 Naye imwe temwayegere mutyo Kristo;
|
||
\v 21 oba nga mwamuwuliire, ne muyigirizibwa mu iye ng'amazima bwe gali mu Yesu:
|
||
\v 22 mu bigambo by'empisa egy'oluberyeberye, imwe okwambula omuntu ow'eira, avunda olw'okwegomba okw'obubbeyi;
|
||
\v 23 era okufuuka abuyaaka mu mwoyo ogw'ebirowoozo byanyu,
|
||
\v 24 okuvaala omuntu omuyaaka, eyatondeibwe mu kifaananyi kya Katonda mu butuukirivu ne mu butukuvu obw'amazima.
|
||
\p
|
||
\v 25 Kale mwambule obubbeyi, mutumulenga amazima buli muntu ni mwinaye: kubanga tuli bitundu bya banaisu fenka na fenka.
|
||
\v 26 Musunguwalenga so temwonoonanga: eisana lirekenga okugwa ku busungu bwanyu:
|
||
\v 27 so temuwanga ibbanga Setaani.
|
||
\v 28 Eyaibbanga alemenga okwibba ate: naye waakiri afubenga, ng'akola ebisa n'emikono gye, kaisi abbenga n'eky'okumuwa eyeetaaga.
|
||
\v 29 Buli kigambo ekivundu kireke okuvanga mu munwa gwanyu, naye ekisa bwe kyabbangawo olw'okuzimba nga omuntu bwe yeetaaga, abawulira kibawenga ekisa.
|
||
\v 30 So temunakuwalyanga Mwoyo Mutukuvu owa Katonda, eyabateekeseryeku akabonero okutuusia olunaku olw'okununulibwa.
|
||
\v 31 Okukaawa kwonakwona n'obusungu n'obukambwe n'okukaayana
|
||
\v 32 era mubbenga n'obusa mwenka na mwenka, abakwatibwa ekisa, nga musonyiwagananga, era nga katonda bwe yabasonyiwire mi kristo.
|
||
\c 5
|
||
\cl Ensuula 5
|
||
\p
|
||
\v 1 Kale musengereryenga Katonda, ng'abaana abatakibwa;
|
||
\v 2 era mutambulirenga mu kutaka, era nga Kristo bwe yabatakire imwe, ne yeewaayo ku lwaisu okubba ekirabo era saddaaka eri Katonda okubba eivumbe eriwunya okusa.
|
||
\p
|
||
\v 3 Naye obwenzi n'obugwagwa bwonabwona n'okwegomba n'okutumulibwangaku tebitumulibwangaku mu imwe, nga bwe kigwanira abatukuvu
|
||
\v 4 Waire eby'ensoni, waire ebirogyebwa eby'obusiru, waire okubalaata, ebitasaana: naye wakiri okwebalyanga.
|
||
\v 5 Kubanga ekyo mukitegeerera kimu nga wabula mwenzi, oba mugwagwa, oba eyeegomba, niiye oyo asinza ebifaananyi, alina obusika mu bwakabaka bwa Kristo ne Katonda.
|
||
\v 6 Omuntu yenayena tababbeyanga n'ebigambo ebibulamu: kubanga olw'ebyo obusungu bwa Katonda bwiza ku baana abatawulira.
|
||
\v 7 Kale temwikiriryanga kimu nabo;
|
||
\v 8 kubanga eira mwabbaire ndikirirya, naye atyanu muli musana mu Mukama waisu: mutambulenga ng'abaana b'omusana
|
||
\v 9 (kubanga ebibala by'omusana biri mu busa bwonabwona n'obutuukirivu n'amazima),
|
||
\v 10 nga mukeberanga Mukama waisu ky'ataka bwe kiri;
|
||
\v 11 so temwikiriryanga kimu n'ebikolwa ebitabala eby'endikirirya, naye wakiri mubibuulirirenga bubuulirizi;
|
||
\v 12 kubanga kye nsoni n'okubitumulaku ebyo bye bakola mu kyama.
|
||
\v 13 Naye ebigambo byonabyona, bwe bibuulirirwa, omusana gubibonesia: kubanga buli ekibonesebwa niigwo musana.
|
||
\v 14 Kyava atumulisia nti Zuuka, iwe agonere, ozuukire mu bafu, Kristo yakwakira.
|
||
\p
|
||
\v 15 Kale mumoge inu bwe mutambulanga, ti ng'ababula magezi, naye ng'abalina amagezi;
|
||
\v 16 nga mweguliranga eibbanga, kubanga enaku gino mbibbi.
|
||
\v 17 Kale temubbanga basirusiru, naye mutegeerenga Mukama waisu ky'ataka bwe kiri.
|
||
\v 18 So temutamiiranga mwenge, kubanga mu gwo mulimu okwegayaigula, naye mwizulenga Omwoyo;
|
||
\v 19 nga mutumulagananga mu zabbuli n'enyembo n'ebiyiiye eby'Omwoyo, nga mwembanga, nga mumukubbiranga enanga mu myoyo gwanyu Mukama waisu;
|
||
\v 20 nga mwebalyanga enaku gyonagyona olwa byonabyona Katonda Itawaisu mu liina lya Mukama waisu Yesu Kristo;
|
||
\v 21 nga muwuliragananga mu kutya Kristo.
|
||
\p
|
||
\v 22 Abakali, muwulirenga baibawanyu, nga bwe muwulira Mukama waisu.
|
||
\v 23 Kubanga omusaiza niigwo mutwe gwo mukali we, era nga Kristo bw'ali omutwe gw'ekanisa, bw'ali omulokozi ow'omubiri mwene.
|
||
\v 24 Naye ng'ekanisa bw'ewulira Kristo, n'abakazi batyo bawulirenga baibawabwe mu buli kigambo.
|
||
\v 25 Abasaiza, mutakenga bakali banyu, era nga Kristo bwe yatakire ekanisa, ne yeewaayo ku lwayo;
|
||
\v 26 kaisi agitukulye ng'amalire okugirongoosia n'okuginaabya n'amaizi mu kigambo,
|
||
\v 27 kaisi agyereetere mwene ekanisa ey'ekitiibwa, nga ebula ibala waire olufunyiro waire kyonakyona ekifaanana nga bino; naye ebbe entukuvu ebulaku buleme.
|
||
\v 28 Era bwe kibagwaniire kityo abasaiza okutakanga bakali baabwe beene ng'emibiri gyabwe beene. Ataka mukali we mwene, yetaka yenka:
|
||
\v 29 kubanga wabula muntu eyabbaire akyawire omubiri gwe mweene, naye aguliisia, agujanjaba, era nga Kristo bw'ajanjaba ekanisa;
|
||
\v 30 kubanga tuli bitundu byo mubiri gwe.
|
||
\v 31 Omuntu kyeyavaaga aleka itaaye ne maaye ne yeegaita no mukali we; boona bombiri baabbanga omubiri gumu.
|
||
\v 32 Ekyama kino kikulu: naye ntumula ku Kristo n'ekanisa.
|
||
\v 33 Naye era mwena buli muntu atakenga mukali we nga bwe yetaka yenka; n'omukali atyenga ibaaye.
|
||
\c 6
|
||
\cl Ensuula 6
|
||
\p
|
||
\v 1 Abaana abatobato, muwulirenga abazaire baanyu mu Mukama waisu: kubanga kino niikyo ekisa.
|
||
\v 2 Oteekangamu ekitiibwa itaawo ne maawo (niilyo eiteeka ery'oluberyeberye eririmu okusuubiza)
|
||
\v 3 kaisi obbenga kusa, era owangaalenga enaku nyingi ku nsi.
|
||
\v 4 Mwena, baitawaabwe, temusunguwalyanga baana baanyu: naye mubalerenga mu kukangavulanga ne mu kubuuliriranga kwa Mukama waisu.
|
||
\p
|
||
\v 5 Abaidu, muwulirenga bakama baanyu ab'omubiri nga mulina okutya n'okutengera, omwoyo gwanyu nga gubulamu bukuusa, nga Kristo;
|
||
\v 6 ti nga mu kuweereza okw'okungulu, ng'abaandi okusiimibwanga abantu; naye ng'abaidu ba Kristo, nga mukolanga n'omwoyo, Katonda by'ataka,
|
||
\v 7 nga muweerezanga n'okutaka nga Mukama waisu so ti bantu:
|
||
\v 8 nga mumaite nti buli muntu ekisa ky'akola, ky'aliweebwa ate eri Mukama waisu, oba mwidu oba w'eidembe.
|
||
\p
|
||
\v 9 Mwena, bakama baabwe, mubakolenga mutyo, nga mulekanga okutiisia: nga mumaite nga Mukama waabwe era owanyu ali mu igulu, so wabula kusosola mu bantu gy'ali.
|
||
\p
|
||
\v 10 Eky'enkomerero, mubbenga n'amaani mu Mukama waisu ne mu buyinza obw'amaani ge.
|
||
\v 11 Muvaalenga ebyokulwanisia byonabyona ebya Katonda, kaisi musobolenga okwemerera eri enkwe gya Setaani.
|
||
\v 12 Kubanga tetukubbagana na musaayi na mubiri, naye n'abaamasaza, n'ab'obuyinza, n'abafuga ensi ab'omu ndikirirya eno, n'emyoyo egy'obubbiibi mu bifo ebya waigulu.
|
||
\v 13 Kale mutwalenga ebyokulwanisia byonabyona ebya Katonda, kaisi muyinzenga okuguma ku lunaku olubbiibi, era bwe mulimala okukola byonabyona, musobole okwemerera.
|
||
\v 14 Kale mwemererenga, nga mwesibire mu nkeende gyanyu amazima, era nga muvaire eky'omu kifubba obutuukirivu,
|
||
\v 15 era nga munaanikire mu bigere okweteekateeka okw'enjiri ey'emirembe;
|
||
\v 16 era ku ebyo byonabyona nga mukwatiireku engabo ey'okwikirirya, eyabasobozesianga okuzikizia obusaale bwonabwona obw'omusio obw'omubbiibi.
|
||
\v 17 Muweebwe ne sepewo ey'obulokozi, n'ekitala eky'Omwoyo, niikyo kigambo kya Katonda:
|
||
\v 18 nga musabanga buli kiseera mu Mwoyo n'okusaba n’okwegayiriranga kwonakwona mu kunyiikiranga kwonakwona n’okwegayiririranga abatukuvu bonabona,
|
||
\v 19 era nzeena kaisi mpeebwe okutumulanga okwasamyanga omunwa gwange, okutegeezanga n'obuvumu ekyama eky'enjiri,
|
||
\v 20 gye mbeerera omubaka waayo mu lujegere; ntumulenga n'obuvumu mu iyo, nga bwe kiŋŋwanira okutumulanga.
|
||
\p
|
||
\v 21 Naye mwena kaisi mutegeere ebifa gye ndi bwe biri, Tukiko, ow'oluganda omutakibwa era omuweereza omwesigwa mu Mukama waisu alibategeeza byonabyona:
|
||
\v 22 gwe mbatumiire olw'ensonga eno, kaisi mutegeere ebifa gye tuli, era abasanyusie emyoyo gyanyu.
|
||
\p
|
||
\v 23 Emirembe gibbenga eri ab'oluganda, n'okutaka awamu n'okwikiriria ebiva eri Katonda Itwaisu ne Mukama waisu Yesu Kristo.
|
||
\v 24 Ekisa kibbenga n'abo bonabona abataka Mukama waisu Yesu Kristo mu butamala.
|