See in Reader
1387 lines
159 KiB
Plaintext
1387 lines
159 KiB
Plaintext
\id EXO
|
||
\ide UTF-8
|
||
\rem The text in this file was extracted from C:/DCS/Chin, Ngawn/WORD/2. Exodus. docx.
|
||
\mt Suahtulnak
|
||
\h Suahtulnak
|
||
\mt Suahtulnak
|
||
\toc1 Suahtulnak
|
||
\toc2 Suahtulnak
|
||
\toc3 exo
|
||
|
||
\s Isarel miphun te bawl siat thuaknak
|
||
\c 1
|
||
\p
|
||
\v 1 A inn sungsang te tel in a pa Jakop tuah Izip ngam ah a heng mi Isarel miphun tei min cu,
|
||
\v 2 Reuben, Simeon, Levi, Judah,
|
||
\v 3 Isschar, Zebulun, Benjamin,
|
||
\v 4 Dan, Naphtali, Gad, Asher hi.
|
||
\v 5 Jakop miphun hempoh te cu sawm salih hi. Josep cu Izip ngam ah um ham zo hi.
|
||
\v 6 Josep le a U te pen pan mahmi miphun a peh mite cu thi khawng haw zo.
|
||
\v 7 Isarel miphun ten ca cawi in tampi a pungzai hang, ngam sung hempoh ah a dim in um haw.
|
||
\v 8 Mah cengten Izip ngam sungah Josep a thei ngawl mi kumpi a thak pakhat heng hi.
|
||
\v 9 Mahmi kumpi pan Isarel miphun te cu kei muhte sang in tam saw haw hi. Thazang tam saw hi.
|
||
\v 10 Hung un. A muhte cu cihthiam nak tuah bawl tuk hung. Mah ahima tale a muhte cu tampi khang haw tuk hi. Ngal bang a heng leh tale ohtei ngal lamah lut tum in ohte a do ten, uknak ngam sung pen suak tul haw tuk hitin a miphun tei lakah in ti hi.
|
||
\v 11 Mah hang Izip kumpi ten nasezet bawlsiat tuk uktu te teng in ap haw. Isarel miphun ten a neih nak te khawl tuk in Pithom khuapi le Raamse khuapi din haw hi.
|
||
\v 12 Mah naven bawlsiat nak a thuak haw bang khang to in um haw. A mu hang Izip miphun te cu thinkham in,
|
||
\v 13 Hang zet in le nasezet bawlsiat haw hi.
|
||
\v 14 Taklei tuah ukkhe a bawl nak thu, lo a bawl nak hempoh thu sungah a haksa mi na dek tik in haksat cimnak heng tik haw. Na a tiknak hempoh ah haksa zet in na dek tik haw.
|
||
\v 15 Shiph rah le Pu-ah min a nei mi Hebru nau dom tu numei te Izip ngam kumpi in,
|
||
\v 16 Nohten Hebru miphun numei cu naudom nak bawl hing tuk na kil uh ten pano a hitale thi hen, numei a hitale nung hen hitin, thupiak mi um hi.
|
||
\v 17 Nau dom tu numei ten Pathian lau in, Izip ngam kumpi thupiak nak bang bawl ngawl in pano te cu nung tik haw hi.
|
||
\v 18 Izip kumpi pan naudom tu numei te sam in nohten ita hi tihbang in bawl thei uh cim? Pano te cu ita a nunnak pia thei uh cim tin a dot ten,
|
||
\v 19 Naudom tu numei ten, Hebru numei te cu Izip ngam numei te bang ngawl in a thangil hang, naudom numei tei hen laih ngawl in capa cu hing haw zo hitin, do leh haw hi.
|
||
\v 20 Mah hang, Pathian in naudom tu numei te cu hehpih nak bawl hi. A miphun te khang to in thazang tampi nei haw.
|
||
\v 21 Naudom tu numei ten Pathian a lau hang a inn sungsang cu cingkem haw hi.
|
||
\v 22 Pharaoh in Isarel miphun hempoh tei hin mi naupang pano hempoh, ngun tui pi sungah vawk tik hi. Numei te cu nung hen hitin a mihing hempoh te thucah hi.
|
||
\s Mosi hinnak
|
||
\c 2
|
||
\p
|
||
\v 1 Mah huncan sungah Levi miphun pano pakhat in Levi numei pakhat huai hi.
|
||
\v 2 Numei cu naupai in capa hing hi. A capa mawi zet cu a nu in a muh ten hathum sung sel hi.
|
||
\v 3 A sel leh theih ngawl toh ten, phai kung kho sak mi cu la in a tuinai a man ngingei thei mi le thingnai tuah a mat cengten, kho sungah nau no cu koih in nguntui pi mawk phai kung cam sungah koih hi.
|
||
\v 4 Nau no U nu in itihbang in cang hum tih mu nuam in a khuala kang pen ding in um hi.
|
||
\v 5 Pharaoh kumpi canu cu tibual tuk heng in kei muhte tuah tuipi mawk lam ka hawh laih in, phai kungcam sung pen kho a muh hang la tik tukin keimah tik hi.
|
||
\v 6 Kho sin cu a hon ten a kap li mi nau no a muh ten hehpih nak thinlung tuah hi naupang no cu Hebru miphun hi tuk hitin a tih ten,
|
||
\v 7 A U nu in, Pharaoh canu nelah Hebru numei a mah cing tu tuk, kei mah hawh in sam sak nang maw tin dong hi.
|
||
\v 8 Pharaoh canu in numei nelah hawh ten hitin a tih ten, numei nu cu hawh in a nauno hi nu cu sam hi.
|
||
\v 9 Pharaoh canu in hi nauno cu la in kei ma ca tuk kem in hi. A man cu kei man pia tung hitin thu a cah bang numei nu in nauno cu la in kem hi.
|
||
\v 10 Nauno cu khang to in Pharaoh canu nelah a het hang, kumpi canu in capa hihnak ah pia in Mosi tin a min sa hi. Itahum titale a mah cu tui sung pen ka pat suah mi hitin, ti hi.
|
||
\s Midian ngamah Mosi a tainak
|
||
\v 11 Mosi cu khang to in a ngen ten, a miphun pih tei umnak mun ah hawh in a muhtei na dehnak cu zo hi. A miphun Hebru mihing pakhat cu Izip mihing in a vah cu a muh ten,
|
||
\v 12 A elkim zo in a kua mah um ngawl tih a theih ten Izip mihing cu that in philnel sungah phum hi.
|
||
\v 13 A zing ten hawh leh leu in Hebru mihing panih a muh le muh that un haw hi tih a muh ten, nangman na ngualcam ita vat cim tin a bawlsiat tupa cu a dot ten,
|
||
\v 14 A man, a kon nangmah cu kohtei hum ah thukhen uktu tuk in bawl hum? Izip mihing na thah bang kei mah that nuam cim tin don leh hi. Mah ten Mosi in a bawl mi sual cu lang zo hi tih a theih ten lau hi.
|
||
\v 15 Mahmi thuthang cu Pharaoh kumpi in a zak ten Mosi cu that tukin ngaisung hi. Mosi cu Pharaoh kumpi nelpen tai in Midian ngam ah a hen ten, tuikhuk bulah khung in cawl hi.
|
||
\v 16 Mah ten Midian thiampi canu U nau numei salih ten a pai tuu, kel te tui pia tuk hung in tui a cawi cengten tui in nak khuat sungah sung haw hi.
|
||
\v 17 Tuu cing tu hekkhat te heng in tuu, kel te cu hawlvawk haw hi. Mah ten Mosi cu ding in numei nu tei lam ah um in tuu le kel te tui pia hi.
|
||
\v 18 Numei te cu a pa Reuel nelah a hen haw ten, a pa in ita tu ni manlang zet heng uh kam tin dong hi.
|
||
\v 19 A mun, Izip mihing pakhat in kei muhte tuu cingtu tei khut sung pen pan tui deih zah cawi sak in, tuu, kel te tui pia hitin, don leh hi.
|
||
\v 20 A pan a mah cu i lai ah um hum? Ita a mah cu zam san uh cim? An ei tuk in a mah cu sam ta un hitin, ti hi.
|
||
\v 21 Mosi in a ma nelah um cu lungkim nak a neih ten a canu Zipporah cu Mosi huai tik hi.
|
||
\v 22 Mah numei hin mi capa cu Gershom tin a min sa hi. Itahum titale kei cu miphun dang ngam ah mikhual ing hitin, ti hi.
|
||
\v 23 Huncan ngeipi a um nung ten Izip kumpi pa cu thi hi. Isarel miphun te sila in a um haw hang, kap in um haw. Mah tihcun sila a um ten a kah nak aw cu Pathian nelah heng hi.
|
||
\v 24 Mah tihbang in kahnak aw cu Pathian in a za tale Abraham, Isak, Jakop tuah bawl mi thukhaam cu phawk hi.
|
||
\v 25 Pathian in, Isarel miphun te zo in a muhte Upat hi.
|
||
\s Mosi le mei alh li mi hampa caam
|
||
\c 3
|
||
\p
|
||
\v 1 Mosi in a sungpa Midian thiampi Jethro hi tuu, kel te a khalh laih tak ngam lak a nunglam ah hawh pih in, Horeb tin a min sam mi Pathian mual ah heng hi.
|
||
\v 2 Mah ten Pathian vancung mi in hampa cam pen a suak tul mi mei alh sung pen lang hi. Mosi in a zohten, mei alh cu hampa cam kang ngawlin a um mi cu a muh ten,
|
||
\v 3 Ita hampa cam kang ngawl in um hum? Hi a lamdang mi muhnak cu kei mah hawh in zo tung hitin, ti hi.
|
||
\v 4 Mosi hawh in a zoh mi cu Pathian in a muh ten, Mosi, Mosi tin hampa cam sung pen sam hi. Mosi in kei mah um ing hitin, don hi.
|
||
\v 5 Pathian in nek pah sin. Na ke dam duk in. Na pal nak mun cu a thiangtho mi leilung hi tih hei in hihen,
|
||
\v 6 Kei cu na pai Pathian, Abraham Pathian, Isak Pathian, Jakop Pathian ing hi tih hei in ti hi. Mosi in Pathian cu zo ngam ngawlin a mai hup hi.
|
||
\v 7 Pathian in Izip ngam sungah a um mi ka miphun tei thuak mi bawlsiat nak cu kei man pha zet in mu zo ing. A muhte a tik tu to tei hang, a muhtei kahnak aw kei man za zo ing. A muhtei thuak mi haksat nak cu kei man thei zo ing.
|
||
\v 8 A muhte cu Izip ngam, Izip tei khut sung pen pan Kanaan miphun, Hit miphun, Amor miphun, Periz miphun, Hiv miphun, Jebus miphun tei um nak, khuinawi le khuai tui luannak ngam ah pui tuk in kei cu tolh suk zo ing.
|
||
\v 9 A tu hei in Isarel miphun tei kahnak aw cu ka nelah a hen zo hang, a muhte Izip miphun tei bawlsiat nak thu cu kei man mu zo ing.
|
||
\v 10 Mah hang a tuin hawh in. Nangman ka mihing Isarel miphun te Izip ngam pen pui tuk in nangmah cu Pharaoh kumpi nelah kei man hah tung hitin, ti hi
|
||
\v 11 Mosi in kei cu itihbang mipa hihnak hang Pharaoh kumpi nelah lut tum in, Isarel miphun te Izip ngam pen pui tul tuk hum tin, Pathian nelah a tih ten,
|
||
\v 12 Pathian in a thungai in kei cu nangma lamah um tung hi. Kei man nangmah hah in sialsiah theihpih nak cu nangman hi miphun te Izip ngam pen na pui tale hi mual humah Pathian cu bia tuk ci tin, ti hi.
|
||
\v 13 Mosi in kei cu Isarel miphun tei umnak munah heng in, nohtei pu le pa Pathian cu kei ma umnak mun ah hah zo hitin keiman ka tih ten, a mun Pathian min cu itihnak hum tin kei mah cu a dot leh haw ten, itihbang in don leh tuk hum tin Pathian cu thu dong hi.
|
||
\v 14 Pathian in kei mah cu kei mah ing hi tih hei in hihen, kei mah ing hitin min a nei tupa kei mah cu nang muhtei umnak munah hah zo ing hitin, Isarel miphun tei lakah hilh leh in hi tih hei in hihen, Mosi cu thupia hi.
|
||
\v 15 Mah cengten Pathian in na pu le pa tei Pathian, Abraham Pathian, Isak Pathian, Jakop Pathian cu Pathian in kei cu nang muhtei umnak munah hah zo hitin, Isarel miphun tei lakah hilh in hi. A min cu a cat ngawl in ka min hi tuk hi. A catngawl in a miphun cu ka min hi tuk hi.
|
||
\v 16 Hawh in na Isarel miphun U pa kumham te hulawm khawm tik in na pu le pa tei Pathian, Abraham Pathian, Jakop Pathian cu kei ma nelah lang in, a thungai in nohte keiman zo in Izip ngam pen na bawl uh mi thu cu kei man mu zo ing hi.
|
||
\v 17 Izip ngam haksat cimnak sung pen kei man pui in, Kanaan miphun, Hit miphun, A mor miphun, Periz miphun, Hiv miphun, Jebus miphun tei umnak, khuinawi tui le khuai tui luannak ngamah pui tung tin, kei man thukam nei ing hitin a muhte hilh in.
|
||
\v 18 A mun na awnkam ngai in nang cu Isarel miphun U pa kumham te tuah Izip ngam kumpi nelah lut tum in, Hebru tei Pathian Topa Pathian cu kei muhte tuah tawk dun zo hi. Kohtei Topa Pathian bia tuk in ngam lakah nithum khualzin nak pia zo hitin, ti in hi.
|
||
\v 19 Izip kumpi in nasezet huham a mu ma tale hawh phal nak thu nang muhte pia tuk ma hi tih cu kei man thei ing hi.
|
||
\v 20 Kei cu khut dang in Izip ngam sungah ka bawl tuk mi a lamdang thasiah huai hempoh mahmi ngam cu dan tat tung hi. Mah cengten Izip kumpi in nang muhte hah tuk hi.
|
||
\v 21 Mahmi miphun te cu Izip miphun tei sungah mitmai pha a ngah thu kei man pia in, nohte na suahtul uh ten khut thacang in hawh tuk ma uh ci.
|
||
\v 22 Itahum titale numei hempoh in a innnel, a inn ah a cam mitei ngun, sui tuah a silh mi van te cu ngen in nohtei canu le capa te van bawl tik in Izip miphun tei neihnak cu long haw tuk hitin, Mosi nelah thupia hi.
|
||
\s Mosi ca in a lamdang thasiah huai te
|
||
\c 4
|
||
\p
|
||
\v 1 Mosi in a mun kei mah cu um ngawl ka awnkam thu ngai ngawl in a um hang, Pathian in nangmah cu lang ma tin ti haw tuk hitin, don leh hi.
|
||
\v 2 Pathian in na khut sungah i um hum ti a don ten thiangkhut um hitin, ti hi.
|
||
\v 3 Leihum ah vawk in tin a tih mi bang a vawk ten, thiangkhut cu ngul cang in Mosi mai pen tai hi.
|
||
\v 4 Pathian in na khut cu dang in a mei pen man in tin a tih ten Mosi in a khut cu dang in a mat ten, a khut sung pen thiangkhut in cang leh hi.
|
||
\v 5 Mah tin na bawl tale na pu le pa tei Pathian, Abraham Pathian, Isak Pathian, Jakop Pathian cu Pathian in nangmah a langnak thu a mun um haw tuk hitin, thupia hi.
|
||
\v 6 Mah cengten Pathian in, na khut cu na awm ah koih in tin a tih ten a khut cu a awm ah koih in a hah tul leh ten a khut cu vukpak bang in phak hi.
|
||
\v 7 Mah cengten na khut cu na awmah koih leh in tin a tih ten, a khut cu koih tum in a hah tul leh ten a khut cu a dan bang kel in cang leh hi.
|
||
\v 8 A mun nangmah cu um haw ma hi. A veikhat nak thasiah huai theihpih nak cu ngai ngawl in a um tale a dawl ta a heng mi thasiah huai cu um haw tuk hi.
|
||
\v 9 Mah ahima tale mahmi a lamdang thasiah huai panih cu um ngawl in na thu awnkam a ngai ma tale nangman ngun tui hek khat te cu la in mual hum ah buak in hi. Mahmi ngun tui sung pen ken mi tui cu mual hum pen thisan in cang tuk hitin, thupia hi.
|
||
\v 10 Mosi in Topa Pathian aw, awnkam thiamnak nei mang hi. A masa vang in nei mang. Topa sila thupiak sungah hei in um ma hi. Awnkam tang mi awnkam cum mipa ing hitin, Pathian cu ti hi.
|
||
\v 11 Pathian in mihing tei kam cu a kon bawl hum? Awn tang, bengbul, mitcaw, mitcaw ngawl khua mu mite cu a kon bawl hum? Kei mah Pathian bawl mi hima maw?
|
||
\v 12 Mah a hih hang a tuin hawh in. Na kam sungah kei mah ka um hang nang cu itihbang in awn tuk tih mi cu hilh tung hitin, thupia hi.
|
||
\v 13 Mosi in Pathian aw, na deihnak a um mi pai khut ah pia in hitin a tih ten,
|
||
\v 14 Pathian in Mosi cu a thinuuk in Levi mihing Aaron cu na U hima maw. A mah cu pha no in awn thei hi tih cu kei man thei ing. A mah cu nangmah muak tu tukin a tuin hung hi. A man a muh ten lungdam tuk hi.
|
||
\v 15 Nang cu a mah tuah otpih in a son tuk mi awnkam pia in hi. Na kam sung pen hihen, a kam sungah kei mah um in nohten itihbang bawl tuk hum tih cu hilh tuk hi.
|
||
\v 16 A mah cu mihing tei mai ah na awnkam let tu bawl in na awnkam ai hi tuk hi. Nangmah cu Pathian ai hi tuk ci.
|
||
\v 17 Nang cu a lamdang thasiah huai lak tuk mi thiangkhut cu na khut sungah cawi in hitin, thupia hi.
|
||
\s Izip ngamah Mosi a kih lehnak
|
||
\v 18 Mosi in, a sungpa Jethro nelah hawh leh in Izip ngam ah a um mi ka miphun pih te nung haw laih maw tih zo tuk in, a muhtei umnak mun ah ka hawh theihnak tuk thu pia in tin a tih ten, Jethro in dai den no in hawh ten hitin, don leh hi.
|
||
\v 19 Pathian in Izip ngam ah hawh leh in hi. Na nunnak a zei tu hempoh te thi khawng haw zo tin, Mdian ngam sung pen Mosi cu thupia hi.
|
||
\v 20 Mah ten Mosi in a nupi le a capa napih cu keng in laak a khun tik hang, Pathian thiangkhut cawi in, Izip ngam ah pin hi.
|
||
\v 21 Pathian in nang cu Izip ngam ah hawh in na hen ten na nelah ka ap mi a lamdang na hempoh te Pharaoh kumpi mai ah lak in hi. Mah tihbang lak ta vang a thinlung cu kei man khoh tik in, a man Isarel miphun te hah ngawl in um tuk hi.
|
||
\v 22 Pharaoh kumpi cu Pathian in Isarel cu ka capa U pa bel hi.
|
||
\v 23 Ka capa U pa bel cu kei mah bia tuk in hah in hi. Hah tuk mang tin a el tale na capa U pa bel te that tung hitin a tihnak thu hilh saw lawn in tin, Mosi cu thucah ta hi.
|
||
\v 24 Khual a zin laih tak in ngiahbuk umnak ah Pathian in Mosi cu tawk in that tuk zei hi.
|
||
\v 25 Mah ten Zipporah in nam cu la in a capa hi vun lek a talh sak cengten, a pasal ke bulah bopkhup in a thungai in nang cu kei ma sungah thisan tuah a seng mi pasal hi ci tin, ti hi.
|
||
\v 26 Mah ten Mosi cu hah hi. A nupi in vun lek talh thupha hang, nang cu kei ma sungah thisan tuah a seng mi pasal hi ci tin, ti hi.
|
||
\v 27 Pathian in Mosi cu khual muak tuk ngam lakah hawh in hitin Aaron a tihnak bang, Aaron cu hawh in Pathian mual hum ah Mosi tawk in nam hi.
|
||
\v 28 Mosi in a mah a hah tu Pathian awnkam hempoh hei hihen, a cah mi thu hempoh theihpih nak te hei hihen, Aaron cu hilh hi.
|
||
\v 29 U nau panih te cu hawh in Isarel miphun U pa khang ham te a hulop tik cengten,
|
||
\v 30 Aaron in Mosi cu Pathian thupiak mi hempoh te hilh in, mipi mai ah a lamdang theihpih nak te lak hi.
|
||
\v 31 Mi hempoh ten um haw hi. Pathian in Isarel miphun te zo hi tih hei in hihen, a muhtei thuak mi haksat cimnak a sialsiah nak hei a zak ten a lukun in bia haw hi.
|
||
\s Ka miphun te hah in hi
|
||
\c 5
|
||
\p
|
||
\v 1 Mah cengten Mosi le Aaron cu Pharaoh kumpi nelah lut tum in, Isarel miphun tei Topa Pathian in ka miphun ten ngam sungah kei ma ca puai bawl tuk hah in hitin, thupiak mi cu hilh hi.
|
||
\v 2 Pharaoh kumpi in Pathian thu ngai in Isarel miphun te kei man hah tuk in Pathian cu a kua hum? Pathian cu kei man thei mang hi, Isarel miphun te cu kei man hah thei mang hitin, ti hi.
|
||
\v 3 A mun, Hebru miphun tei Pathian in kei muhte tuah tawk zo hi. Ngam sungah nithum khualzin in, kohtei Topa Pathian cu bia tuk in thu pia in hi. Mah ahima tale natnak in maw, ngal donak tuah in maw kei muhte cu dan tat tuk hitin, ti hi.
|
||
\v 4 Izip kumpi in Mosi le Aaron nohten hi miphun te ita na deh cawl tik uh cim? Na dehnak ah hawh in na dek un hitin, ti hi.
|
||
\v 5 Mah cengten ngam sungah a miphun te cu a tuin tampi haw hi. Na dek tik tuk ngawlin nohten thupia uh cim tin Pharaoh kumpi cu tiin,
|
||
\v 6 Mahmi ni in uktu, hotu te sam in,
|
||
\v 7 Ukkhe bawl tuk in cangphol cu mihing tampi a piak masa bang in pia pah sin. Cangphol te a mu ca in zei cawm haw ta hen.
|
||
\v 8 Ukkhe cu a masa bawl zah bawl in kiam tik pah sin. A muhte cu thazawng zet haw hi. Mah hang, hawh in ohtei Pathian cu bia tuk hung hitin, au thei haw hi.
|
||
\v 9 Mah hang a na deh haw cing ta un. Cawl zet in na dek haw ta hen. Mi sual tei awnkam cu ngai tik pah sin hitin, ti hi.
|
||
\v 10 Uktu, hotu te tul in Pharaoh kumpi in cangphol cu kei man pia tuk mang hi.
|
||
\v 11 Cangphol cu a tawh theihnak mun ah zei ta un. Mah naven na deh tuk mi cu kiam cuang tik tuk ma tin thu piaknak a um hang hitin, mipi te cu hilh leh tik haw hi.
|
||
\v 12 Mah hang, mipi ten cangphol ai tuk buak zei tuk in Izip ngam sung hempoh ah vak kek haw hi.
|
||
\v 13 A muhte uktu ten cangphol ngah sung hempoh ni sial na dek in celhtian dek un hitin, a muhte cu ti haw hi.
|
||
\v 14 Pharaoh kumpi in uktu a piak mi Isarel miphun hotu te cu nohten a masa na bawl uh bang in, tu ni le zansun in ukkhe na bawl uh mi ita ceng ngawl in um uh kam tin cek in vat haw hi.
|
||
\v 15 Mah ten Isarel miphun na dek hotu ten Pharaoh kumpi nelah hawh in, topan topai sila te cu ita hi tihbang in thukhen thei cim?
|
||
\v 16 Topa sila ten ukkhe cu bawl un tin a tih ten kei muhte vat haw hi. Topai mihing tei lak bek ah sual nak um hitin, au haw hi.
|
||
\v 17 Pharaoh kumpi in nohte cu thazawng uh ci, thazawng uh ci. Mah hang kohte hawh in Pathian bia un tin nohten son thei uh ci.
|
||
\v 18 Mah hang a tu hawh in na dek ta un. Cangphol cu pia pah sin. Mah naven ukkhe a piak zah kel cu pia tuk hitin, thupia hi.
|
||
\v 19 Mah tihbang in ni sial bawl mi ukkhe cu kiam tik pah sun tin thu a piak hang, Isarel miphun hotu te cu a muhtei sungah hasat nak ngeng pi heng hi tih cu thei haw hi.
|
||
\v 20 Pharaoh kumpi nelpen a tai tul haw laih tak lamzin pen a ngak tu Mosi le Aaron te a tawh ten,
|
||
\v 21 Pathian in nang muhte zo tuk in thukhen ta hen. Itahum titale Pharaoh kumpi tuah na dek tu hempoh ten kei muhte hua tuk in hihen, kei muhte thahnak thu um tik tuk in hihen, nohten bawl zo uh cim maw tin, ti haw hi.
|
||
\s Ka miphun cang tuk in kei man kem tung
|
||
\v 22 Mosi in Pathian nelah hawh in Pathian aw, topan hi miphun te ita bawl siat hum? Kei muhte ita hah cim?
|
||
\v 23 Kei cu Topai thu piak hilh tuk in Pharaoh kumpi nelah ka luh tum ni pen pan a man hi miphun cu bawl siat zo hi. Topa’n topai miphun te luatnak pia him ma hitin, ti hi.
|
||
\c 6
|
||
\p
|
||
\v 1 Pathian in kei cu Pharaoh kumpi nelah itihbang in bawl tuk hum tih mi thu nangman a tuin mu tuk ci. A man huham nasezet a muh hang, ka miphun te hah tuk hi. Huham nasezet a muh ten, a muhte cu a mu ngam pen hawlvawk tuk hitin, Mosi cu thupia hi.
|
||
\v 2 Mah cengten Pathian in Mosi mai ah a hilh mi thu cu, kei cu Pathian ing hi.
|
||
\v 3 Kei cu Abraham, Isak, Jakop min tuah lang naven Pathian min tuah a mun kei mah cu thei haw ma hi.
|
||
\v 4 A mun, mun hempoh ah vak kawkawi in mikhual umnak ngam, Kanaan ngam cu a muhte pia tuk in a muhte tuah ka bawl mi thukhaam cu kho tik zo ing.
|
||
\v 5 Izip miphun ten sila na dehnak a thuak Isarel miphun tei kahnak aw cu kei man za zo ing. Ka thukhaam vang kei man phawk ing.
|
||
\v 6 Mah hang Isarel miphun te a hilh mi thu cu, kei cu Pathian ing hi. Kei man nang muhte Izip miphun tei khut pen luat in, a muhtei bawlsiat nak pen dok suah tung hi. Khut dang in nasezet dantat nak hang, nang muhte cu kei man tan tung hi.
|
||
\v 7 Ka miphun cang tik tuk in kei man pui tung. Kei mah vang nang muhtei Pathian hi tung hi. Kei man nang muhte cu Izip miphun tei khut pen a luat mi nang muhtei Pathian, Pathian hihnak thu cu nohten thei tuk uh ci.
|
||
\v 8 Kei cu Abraham, Isak, Jakop te a piak mi thukam nak ngam ah kei man pui in lo co tuk pia tung hi.
|
||
\v 9 Mah tihcun Mosi in Isarel miphun hilh naven a mun nasezet thinkham hang zet bawlsiat nak a thuak ten, Mosi thu cu ngai ngawlin um haw hi.
|
||
\v 10 Pathian in Izip kumpi Pharaoh nelah lut tum in,
|
||
\v 11 A man Isarel miphun te a ngam pen luatnak tuk thu hilh in hitin, Mosi cu thupia hi.
|
||
\v 12 Mosi in Isarel miphun te ka hilh mi thu ngai ngawl in a um hang, vun lek talhnak a co ngawl mi awnkam tuah thu son thei mi ka awnkam cu Pharaoh in itihbang in ngai tuk hum tin Pathian mai pen in ti hi.
|
||
\s Mosi le Aaron tei innsung sang thu
|
||
\v 13 Mah ten Mosi le Aaron in Isarel miphun te Izip ngam pen a suah tuk thu Pathian in a muhte sam in Isarel miphun tei lakah hei hihen, Izip kumpi Pharaoh nelah hei hihen, a tik mi thu cu cah hi.
|
||
\v 14 Isarel miphun U pa tei min cu Isarel ca U pa bel Reuben cate cu Hanoch, Pal lu, Hez ron, Car’mi hi.
|
||
\v 15 A muhte cu Reuben miphun hi. Simeon cate cu Je mu el, Ja min, O had, Ja chin, Za Hor, Kanaan numei nu capa Sha ul hi. A muhte cu Simeon miphun te hi.
|
||
\v 16 Levi miphun te cu Ger shon, Ko hath, Me ra ri hi. Levi kum cu kum za le sawm thum le salih (137) hi.
|
||
\v 17 Ger shon cate cu Lib ni, Shi mi hi.
|
||
\v 18 Ko hath cate cu Am ram, Iz har, Hebron, Uz zi el hi. Ko hath kum cu za le sawmthum le pathum (133) hi.
|
||
\v 19 Me ra ri cate cu Ma ha li, Mu shi hi. A muhte cu Levi miphun te hi.
|
||
\v 20 Am ram in a pai celnu Joche bed cu huai in a man Mosi le Aaron hei hihen, a U nu Miriam cu hing hi. Am ram cu a kum za le sawm thum le kum salih (137) hi.
|
||
\v 21 Iz har cate cu Ko rah, Ne pheng, Zich ri hi.
|
||
\v 22 Uz zi el cate cu Mish a el, El za phan, Zith ri hi.
|
||
\v 23 Aaron in Am-min-a dab canu, Na ash-on U nu E lishe ba cu huai in a man Na dab, A bi hu, E le a zar, Ith a mar te hing hi.
|
||
\v 24 Ko rah cate cu As sir, El ka nah, Abi asaph hi. A muhte cu Ko rah miphun te hi.
|
||
\v 25 Aaron capa E le a zar in Pu ti el canu cu huai in a man Phin e has hing hi. A muhte cu Levi miphun te hi.
|
||
\v 26 Pathian in Isarel miphun ngalkap te Izip ngam pen suah tul in hitin thupiak nak a ngai tu,
|
||
\v 27 Isarel miphun te cu Izip ngam pen suah tul tuk in Izip kumpi nelah a ngen tu cu Aaron le Mosi hi.
|
||
\s Mosi ca in Aaron awnkam sonnak
|
||
\v 28 Izip ngam pen Pathian in Mosi thu a hilh mi ni in,
|
||
\v 29 Kei cu Pathian ing hi. Ka cah mi thu hempoh Izip kumpi hilh leh tuk mi thu cu Mosi nelah Pathian in hilh hi.
|
||
\v 30 Mosi in kei cu vun lek talhnak co ngawl mi thu a um hang, Pharaoh kumpi in ka awnkam cu itihbang ngai tuk hum tin, Pathian nelah ti hi.
|
||
\c 7
|
||
\p
|
||
\v 1 Pathian in mah hang nang cu Pharaoh Pathian hihnak ah kei man pia ing. Na U Aaron cu na kamsang hi tuk hi.
|
||
\v 2 Ka thupiak mi hempoh te nangman hilh leh tuk ci. Pharaoh kumpi in Isarel miphun te a ngam sung pen a hahnak tuk thu cu na U Aaron in a ma nelah hilh tuk hi.
|
||
\v 3 Kei man Pharaoh thinlung khoh tik in, Izip ngam sungah kei man a lamdang thasiah huai tampi te um tik tung hi.
|
||
\v 4 Mah naven Pharaoh kumpi in nohten awnkam thu ngai ngawl in um tuk hi. Kei man ka khut cu Izip ngam humah nga in a nasezet mi dantat nak tuah ka ngalkap te, ka mihing Isarel miphun te cu Izip ngam pen suah tuk hi.
|
||
\v 5 Mah tihcun Izip ngam hum ah ka khut cu dang in Isarel miphun te, a muhtei sung pen a suah ten kei mah Pathian hihnak thu cu Izip miphun ten thei haw tuk hitin, Mosi cu thupia hi.
|
||
\s Mosi thiangkhut ngul in cang
|
||
\v 6 Mosi le Aaron cu Pathian thupiak nak bang in bawl haw.
|
||
\v 7 Pharaoh kumpi nelah a nget haw ten Mosi kum cu kum kul hi. Aaron kum cu sawm liat le kum thum hi.
|
||
\v 8 Pathian in Mosi le Aaron te a piak mi thu cu,
|
||
\v 9 Pharaoh kumpi in nohtei ca a lamdang mi huham lak in tin a tih ten, na thiangkhut la in na a mai ah vawk in hitin, Aaron cu hilh in. Thiangkhut cu ngul in cang tuk hitin, thupia hi.
|
||
\v 10 Mosi le Aaron cu Pharaoh kumpi nelah lut tum in Pathian thupiak nak bang in a bawl hang, Aaron in Pharaoh kumpi mai, a sila tei mai ah thiangkhut cu vawk in ngul in cang hi.
|
||
\v 11 Mah ten Pharaoh kumpi in cihthiam nak a nei mite, dawih thiam te sam in Izip miphun mizial thiam saza te, dawihthiam nak tuah mah tihbang a bang ve bawl in,
|
||
\v 12 A muhtei cawi mi thiangkhut te vawk in ngul in cang haw hi. Mah naven Aaron thiangkhut in a muhtei thiangkhut cu thon hi.
|
||
\v 13 Pathian thupiak mi bang in Pharaoh kumpi cu a lungkhoh tik in, a muhtei awnkam thu ngai ngawlin um hi.
|
||
\s Thisan haksat nak
|
||
\v 14 Pathian in Pharaoh kumpi cu a lungkhoh tik in Isarel miphun te hah ngawl in um hi.
|
||
\v 15 Zinglam huncan ten Pharaoh nelah hawh in. A mah cu tui umnak ah hawh tuk hi. A hen laih ngawl in nang cu ngun tuipi bulah ding in. Ngul a cang mi thiangkhut cu na khut tuah len in.
|
||
\v 16 Hebru miphun tei Pathian, Topa Pathian in ka miphun te ngam lak sung pen kei mah a biaknak tuk thu a muhte cu hah in tin thupiak a um mi kei mah cu topai nelah hah zo hi. Topa cu a tu tian thu ngai ngawl in um hi.
|
||
\v 17 Pathian in kei cu Pathian hihnak thu nangman itihbang in thei hum tih mi cu ka let mi thiangkhut tuah ngun tuipi cu vat in mahmi tui cu thisan in cang tuk hi.
|
||
\v 18 Ngun tuipi sungah a um mi ngasa te thi khawng haw tuk hi. Ngun tuipi vang nam tuk hi. Izip miphun ten ngun tui cu a nawngkai haw mi thu cu hilh leh ten hitin, Mosi nelah thupia hi.
|
||
\v 19 Mah cengten Pathian in Mosi thu a hilh leh mi Aaron in thiangkhut cu keng in Izip ngam sungah a um mi lui tui, ngun tui, tui ting pi, tui ting no, tuikhuk sung hempoh hum ah na khut dang in hi. Mahmi tui a um mi hempoh cu thisan in cang tuk hi. Izip ngam sung hempoh thing tuikuang, suangbul sungah hei tang ngawlin thisan a um nak tuk thu hilh in hitin, thupia hi.
|
||
\v 20 Mosi le Aaron cu Pathian thu piak mi bang bawl in, Aaron cu Pharaoh kumpi mai ah thiangkhut dang in ngun tui pi a vah ten ngun tui hempoh thisan in cang hi.
|
||
\v 21 Ngun tuipi sungah a um mi ngasa hempoh te thi khawng in ngun tuipi a namsia hang, Izip miphun ten ngun tui cu in thei haw ma hi. Izip ngam sung hempoh ah thisan a dim in um hi.
|
||
\v 22 Izip miphun mizial thiam ten mizial thiamnak tuah mah tihbang a bang ve in bawl haw. Pathian thupiak nak bang Pharaoh kumpi cu a thinlung khoh in, a muhtei awnkam thu cu ngai ngawl in um hi.
|
||
\v 23 Kumpi umnak inn ah kik leh in mahmi thu cu a thinlung sungah koih kha ma hi.
|
||
\v 24 Mah ten Izip miphun ten ngun tuipi cu a in theih ngawl hang, tui in tuk ngun tuipi bul ah tuikhuk co in um haw hi.
|
||
\v 25 Pathian in ngun tuipi dantat ceng ni salih kim hi.
|
||
\s Simphuk haksat nak
|
||
\c 8
|
||
\p
|
||
\v 1 Pathian in nang cu Pharaoh kumpi nelah lut tum in ka miphun ten kei mah bia tuk in a muhte cu hah in hi.
|
||
\v 2 Hah tuk mang tin a el tale na ngam sung hempoh cu simphuk tuah dantat tung hi.
|
||
\v 3 Ngun tui in simphuk tampi keuh in a mun a inn sungah hei hihen, zaunak khan sungah hei hihen, zaunak hum ah hei hihen, na sila tei inn sungah hei hihen, na miphun tei hum ah hei hihen, na meikam sungah hei hihen, moh copnak khuat sungah hei hihen kai haw tuk hi.
|
||
\v 4 Nangmah pen pan na miphun, na sila hempoh tei hum ah kai tuk tin Pathian thupiak mi thu cu hilh ten hitin, Mosi cu thupia hi.
|
||
\v 5 Mah cengten Pathian in Mosi nelah a hilh leh mi cu Aaron in lui tui, ngun tui, tui ting pi humah thiangkhut cawi a khut dang in Izip ngam hum ah simphuk te kai tuk in hilh ten hitin, thupia hi.
|
||
\v 6 Aaron in Izip ngam sungah a um mi tui humah a khut dang in simphuk hempoh kai in Izip ngam sung hempoh a dim in um hi.
|
||
\v 7 Mizial thiam saza ten mitzial thiamnak tuah a bang ve bawl in, simphuk te cu Izip ngam sungah heng haw hi.
|
||
\v 8 Mah ten Pharoah kumpi in Mosi le Aaron sam in, Pathian in simphuk te kei mah le ka miphun tei lakpen a lawlsak nak tuk thu ngen hi. Isarel miphun ten Pathian a biaknak tuk thu kei man pia tung hitin, ti hi.
|
||
\v 9 Mosi in topa le topa inn pen simphuk te lawl sak in, ngun tuipi sung bekah um tuk in topa le topai sila te, mipi tei ca hehpih ngetnak huncan tek in hitin a tih ten,
|
||
\v 10 Zing ten ngen in hitin a tih ten Mosi in, kohtei Topa Pathian bang um ma hi tih thu topa cu thei tik tuk in thu a piak mi bang,
|
||
\v 11 Simphuk te cu topa inn te, sila te, mi tampi lak pen tul in ngun tuipi sung bekah um haw tuk hitin, Mosi in a hilh cengten,
|
||
\v 12 Aaron tuah a ma nelpen tul in Pharaoh kumpi hum ah Pathian pui mi simphuk thu hang, Mosi cu thungen in um hi.
|
||
\v 13 Pathian in Mosi nget mi thu bang a bawl hang simphuk te cu inn te, khua sung, lo sungah in thi khawng haw hi.
|
||
\v 14 A thi mi simphuk te a seh in a koih hang ngam sung hempoh nam sia zet hi.
|
||
\v 15 Pharaoh kumpi in pha deuh zo tih a theih ten, Pathian thupiak nak bang a thinlung khoh in a mu awnkam thu cu ngai ngawl in um leh leu hi.
|
||
\s Kangkol haksat nak
|
||
\v 16 Pathian in Mosi nelah a hilh leh mi thu Izip ngam sung hempoh ah a um mi leivul cu tho cang tik tuk in Aaron thiangkhut a cawi khut dang tik in leivul cu vah tik tuk hilh in tin a thupiak bang,
|
||
\v 17 Aaron in thiangkhut a cawi cu khut dang in leivul vat hi. Leivul cu mihing nelah hei hihen, ngamsa tei lakah hei hihen tho in cang hi. Izip ngam sung leivul hempoh tho in cang hi.
|
||
\v 18 Mizial thiam saza ten, tho cang tik tuk in mizial thiamnak tuah a bang ve bawl thei haw ma hi. Mah hang miphun le ngamsa tei sungah tho te um haw hi.
|
||
\v 19 Mah ten mizial thiam saza ten hi thu cu Pathian khut thawm lian hang cang hitin, Pharaoh kumpi cu ti haw hi. Mah naven Pathian thupiak mi bang Pharaoh kumpi cu a lungkhoh tik in a muhtei awnkam thu ngai ngawl in um leh leu hi.
|
||
\s Tho haksat nak
|
||
\v 20 Pathian in nang cu zing khawma no tho in. Tui umnak ah a hawh mi Pharaoh kumpi mai ah ding in, Pathian in, Ka miphun ten kei mah bia tuk in a muhte cu hah in.
|
||
\v 21 Na hah ma tale nangmah le na sila te, mihing te, inn sung te ah tho te ka hahnak hang Izip miphun tei inn, a dinnak lei lung cu tho a dim in um tuk hi.
|
||
\v 22 Kei cu leipi a laizang ah Pathian hihnak thu nangmah thei tik tuk in, ka miphun tei umnak Goshen ngam cu mahmi ni in kei man danglam tikin mah lai ngam sungah tho um tuk ma hi.
|
||
\v 23 Mah tihcun ka miphun te le na miphun te danglam tik tung hi. Zingten mahmi thasiah huai cu lang tuk hitin a thupiak mi hilh in hitin, Mosi cu thupia hi.
|
||
\v 24 Mah tihcun Pathian bawl hang tho te cu Pharaoh kumpi inn ah a um mi a sila tei inn, Izip ngam sung hempoh ah heng in tho hang, Izip ngam cu sia hi.
|
||
\v 25 Mah ten Pharaoh kumpi in Mosi le Aaron a sam ten, nohten hi ngam sungah nohtei Pathian cu biakpiak nak nei tuk in hawh ta un hitin a tih ten,
|
||
\v 26 Mosi in mah tihabang in bawl pah sin. Na bawl tale Izip miphun tei a nawngkai mi thu cu a muhtei mai pen biakpiak nak a bawl tale a mun kei muhte suang tuah sep tuk hima maw.
|
||
\v 27 Mah hang ngam lak sungah nithum khualzin in, kohtei Topa Pathian thupiak nak bang biakpiak nak bawl tuk ung hitin, ti hi.
|
||
\v 28 Pharaoh kumpi in, nohtei Topa Pathian cu ngam lak sungah biakpiak nak tuk thu kei man a hawhnak thu pia tung hi. Mah hang khuala pi ah hawh pah sun. Kei ma ca tuk ngen in hitin, ti hi.
|
||
\v 29 Mosi in kei cu topai nelpen tul in tho te cu Pharaoh kumpi le a sila te, mipi tei lakpen zingten hawh tuk mi thu cu Pathian in ngen hi. Mah hang Isarel miphun te Pathian biakpiak nak a bawl tuk ngawl mi thu kham leh in zolpah sin hitin a tih cengten,
|
||
\v 30 Pharaoh kumpi nelpen tul in Pathian nelah ngen hi.
|
||
\v 31 Pathian in Mosi thu cu ngai in tho te cu Pharaoh kumpi le a sila te, mi tampi tei lakpen pakhat no hei tang tuk ngawl in laksak hi.
|
||
\v 32 Mahmi thu sungah hei in Pharaoh kumpi cu a lungkhoh leh in Isarel miphun te luatnak pia ngawl in um hi.
|
||
\s Nganhing tei lakah haksat a hennak
|
||
\c 9
|
||
\p
|
||
\v 1 Pathian in nang cu Pharaoh kumpi nelah lut tum in ka miphun ten kei mah bia tuk in a muhte cu hah in.
|
||
\v 2 Hah ngawl el in a kham laih tale,
|
||
\v 3 Pathian khut cu lo sungah a um mi nganhing, cipuh, laak, kalauk, tuu, khui tei hum ah nasezet a lawn thei mi natnak heng tuk hi.
|
||
\v 4 Pathian in Isarel miphun tei nganhing le Izip miphun tei nganhing cu danglam tik in, Isarel miphun tei neih mi nganhing cu pakhat hei thi ma hi.
|
||
\v 5 A zingten Izip ngam sungah mahmi thu cu Pathian in bawl tuk tin a man mi huncan tek zo hitin, Hebru miphun tei Pathian thupiak mi hilh in hitin, Mosi cu thupia hi.
|
||
\v 6 A zingten mahmi thu cu a bawl hang, Izip tei nganhing hempoh thi khawng hi. Isarel miphun tei nganhing cu pakhat no hei thi ma hi.
|
||
\v 7 Pharaoh kumpi in mihing cu hah in Isarel miphun tei nganhing pakhat no hei a thih ngawlnak thu thei hi. Mah naven a thinlung khoh leh in Isarel miphun te hah ngawl in um hi.
|
||
\s Uilut haksat nak
|
||
\v 8 Pathian in meikam sung pen vut cu na khut tuah la in, Mosi in Pharaoh kumpi mai pen vanhum ah vawk hen.
|
||
\v 9 Mahmi vut cu Izip ngam sung hempoh ah a dim mi a vam a hih hang, ngam sung hempoh ah mihing le nganhing sungah a bol khal tuah a dim mi uilut in cang tuk hitin, Mosi le Aaron te thu a piak mi bang,
|
||
\v 10 A mun meikam sung pen vut cu la in Pharaoh kumpi mai ah ding in, Mosi in vanhum ah a vawk ten, vut cu mihing le nganhing tei sungah a bolkhal a dim tuah uilut in cang hi.
|
||
\v 11 Mizial thiam saza ten uilut hang, Mosi mai ah ding thei ma hi. Mahmi uilut cu mizial thiam saza tei sungah hei hihen, Izip miphun hempoh tei sungah vei tik hi.
|
||
\v 12 Pathian in Pharaoh kumpi thinlung a khoh tik hang, Mosi thu a piak mi bangin a mun a thu ngai ngawl in um hi.
|
||
\s Nial haksat nak
|
||
\v 13 Mah cengten Pathian in zing khawma no tho in, Pharaoh kumpi mai ah ding in Hebru miphun tei Topa Pathian in ka miphun ten kei mah bia tuk in hawh tul tuk mi thu pia in hi.
|
||
\v 14 Mah ahima tale a tu huncan cu na thinlung sungah hei hihen, na sila te, na miphun tei sungah hei hihen, ka haksat dantat nak hempoh te heng tuk hi. Leihum hempoh ah kei mah bang a um ngawlnak thu nangman thei tuk ci.
|
||
\v 15 Ka khut cu kei man dang in nangmah le na miphun te, a lawn thei mi natnak tuah dantat tung hi. Nangmah vang leihum in siatsuah tuk hi.
|
||
\v 16 A thungai in ka huham cu na nelah kei man lak tuk in hihen, ka min cu leihum hempoh ah thang tik tuk in hihen, nangmah cu kei man khaisang zo ing.
|
||
\v 17 Nangman ka miphun te hah ngawl in a muhte zonsak laih cim maw.
|
||
\v 18 Zo in. Izip ngam ah a um pen pan a tu ni tian a zu awng ngawl mi, a nasezet nial zuknak cu zingten hi tihbang huncan ten keiman cang tik tung hi.
|
||
\v 19 Mah hang a tu hawh in lo sungah a um mi nganhing te le neihnak hempoh te kem in hi. Inn ah na pinpih ma tale lo sung muh mi hempoh mihing le nganhing tei hum ah nial zu in a muhte a thihnak tuk thu hilh in hitin, Mosi cu thupia hi.
|
||
\v 20 Pathian awnkam a lau tu Pharaoh kumpi sila ten a sila te le a nganhing hempoh inn ah pin tik haw hi.
|
||
\v 21 Pathian awnkam thu imah sumsial ngawl a sila, a nganhing te cu lo pawlam ah koih haw hi.
|
||
\v 22 Pathian in Izip ngam hempoh sungah mihing tei hum ah hihen, nganhing tei hum ah hei hihen, lo a pawlam ah a um mi thingkung hum ah hei hihen, nial cu zu tik in na khut cu vanhum tian dang to in hitin, Mosi cu thupia hi.
|
||
\v 23 Mosi in a thiangkhut cu vanhum ah dang to in, Pathian in kekcang le nial cu hah suk hi. Mei vang leihum ah tai hi. Mah tihcun Pathian in Izip ngam sungah nial nguah a zuk tik hang,
|
||
\v 24 Izip ngam dit mi huncan pen pan veikhat no hei muh awng ngawl mi nial, mei tuah tawh hel tha a nasezet mi nial nguah in cang tik hi.
|
||
\v 25 Izip ngam hempoh lo sungah a um mihing le nganhing te, hampa kung te, thingkung hempoh nial in khiak hi.
|
||
\v 26 Mah hang Isarel miphun tei umnak Goshen ngam cu nial nguah zu kha ma hi.
|
||
\v 27 Mah ten Pharaoh kumpi in mihing hah tik in Mosi le Aaron sam in, hi thu sungah kei mah sual zo ing hi. Pathian cu a dik mi hi. Kei mah le ka miphun te sualnak tampi um hitin, ti hi.
|
||
\v 28 Tawk zo hi. Thazang a nei mi kekta le nial cu cawl tukin, Pathian nelah ngen in hi. Nang muhte cu kei man kham tuk mang hi. A man lang in hah tung hitin, ti hi.
|
||
\v 29 Mosi in khuapi sung pen ka suah tul ten, Pathian mai ah ka khut phalh zak tung hi. Pathian in leipi a uknak thu cu topan thei tuk in kekta cu cawl tuk hi. Nial vang cu zu tuk ma toh hi.
|
||
\v 30 Mah naven topa le topai sila ten, Topa Pathian a lau ngawl laih thu cu kei man thei ing hitin, ti hi.
|
||
\v 31 Thangkhau kung le barly sangvut kung te nial in khiak kha hi. Barly sangvut kung cu a ngui tuah dim hi. Thangkhau kung vang min zo hi.
|
||
\v 32 Sangvut cang, cangkung te khiak kha ma hi. Mahmi a kung te cu po haw ma laih hi.
|
||
\v 33 Mosi in Pharaoh kumpi nelpen tul in khuapi pawlam ah a hawh cengten, Pathian mai ah a khut phalh zak in kekcang le nial cu pha hi. Leihum ah vang nguahzu ma hi.
|
||
\v 34 Mah tihcun nguahzu ngawl in nial le kekta a pha mi cu Pharaoh kumpi in a muhten sual leh leu hang, sila te tuah a lungkhoh in um hi.
|
||
\v 35 Mah tihcun Pharaoh kumpi a thinlung a khoh hang, Mosi in Pathian thu hilh mi bang Isarel miphun te hah tul ngawl in um leh leu hi.
|
||
\s Khau haksat nak
|
||
\c 10
|
||
\p
|
||
\v 1 Mah cengten Pathian in nang cu Pharaoh kumpi nelah lut tum in. Kei man thasiah huai te cu a mai ah lak tuk in hihen,
|
||
\v 2 Izip ngam sungah ka bawl mi thu Izip miphun tei sungah ka lak mi thasiah huai te nohtei tu le canawn te hilhnak hang, kei mah Pathian hihnak thu cu nohten thei tuk in hihen, a thinlung, a sila tei thinlung cu kei man khoh tik zo ing hitin, Mosi cu thupia hi.
|
||
\v 3 Mosi le Aaron ten Pharaoh kumpi nelah a luh tum cengten Hebru miphun Topa Pathian in, nang cu ka mai ah mah le mah niamkhiat ngawl in ituk huncan tian um tuk nge cim? Ka miphun ten kei mah bia tuk in a hawhnak tuk thupia in.
|
||
\v 4 Mah ahima tale ka miphun te hah ngawl in na um tale zo in hi. Khau te cu na ngam sungah zing ten sam tung hi.
|
||
\v 5 Lei lang thei tuk ngawl in a mun lei ah a dim in um haw tuk hi. Nial in siatsuah ngawl mi nohtei sungah a tang mi hempoh te hei hihen, nohtei ca lei sung pen a po to mi thingkung hempoh te hei hihen, ei haw tuk hi.
|
||
\v 6 Na pu le pa ten leihum ah a cang mi huncan pen pan tu ni tian a muh awng ngawl bang in na inn te, na sila tei inn te, Izip miphun hempoh tei inn cu dim haw tuk hitin a tih cengten, hek kik leh in Pharaoh kumpi nelpen suak tul hi.
|
||
\v 7 Pharaoh kumpi sila ten hi mihing in kei muhte ituk huncan tian noksak tuk laih hum? A mun a muhtei Topa Pathian cu bia tuk thupia in hi. Izip ngam a siatnak thu cu thei ma laih cim maw tin a tih haw ten,
|
||
\v 8 Mosi le Aaron cu Pharaoh kumpi nelah lut tum leh tik in, nohtei Topa Pathian bia tuk in hawh ta un. Mah hang a hawh tuk mite cu a kua te hum tin a dot ten,
|
||
\v 9 Mosi in kohte cu naupang, mi tek, canu le capa, tuu, khui te tuah hawh tuk ung hi. Itahum titale, Pathian mai ah puai bawl tuk ung hitin a don leh ten,
|
||
\v 10 Pharaoh kumpi in, nang muhte le naupang te ka hah mi bang Pathian cu nohtei lakah um ta hen. Cingcai in a pha ngawl mi ngaisung zo haw hima maw.
|
||
\v 11 Mah tih tuk mi hima hi. Amasa ngetnak bang pano te bek hawh tik in Pathian cu bia un tin a tih hang, a muhte cu a nelpen hawl vawk haw hi.
|
||
\v 12 Pathian in khau te cu Izip ngam sungah heng tik in nial nguah tuah a siatsuah ngawl leihum ah a tang mi thingkung hempoh ei tik tuk in Izip ngam ah na khut cu dang to in tin Mosi thu a piak mi bang,
|
||
\v 13 Mosi in a thiangkhut cu Izip ngam humah a zak ten, mahmi ni le zan ten nisuah nak huih cu leihum ah Pathian in theu tik in, zinglam a hen ten nisuah nak lam huih tuah khau te cu pui hi.
|
||
\v 14 Mahmi khau ten Izip ngam sungah a dim in ngamsung ngituah hempoh ah a colh hang tampi haw hi. Mah tihbang mi khau cu um awng ma hi. Tu nung ten vang heng tuk ma hi.
|
||
\v 15 Leilung hang tian in leihum hempoh ah dim in ngam sung hampa kung hempoh nial nguah pen a luat mi thingngah hempoh ei khawng in Izip ngam hempoh sungah thingkung, hampa kung a hing mi thingnah pakhat no hei um ngawl in ei hi.
|
||
\v 16 Mah ten Pharaoh kumpi in Mosi le Aaron cu a man lang sam in, nang muhtei Topa Pathian hei hihen, kei cu sual zo ing.
|
||
\v 17 Mah hang a tu veikhat ka sual mi cu ngaithiam in hi. Nang muhtei Topa Pathian in hi haksat thihnak pakhat bek cu ka nelpen vawk sak tuk in ngen ing hitin a tih ten,
|
||
\v 18 Mosi cu a nelpen tul in Pathian nelah ngen hi.
|
||
\v 19 Pathian in thazang a nei mi nitum nak lampen huih a hah ten, mahmi huih in khau te cu pui in Edom tuipi sungah vawk hi. Izip ngam sung hempoh ah khau pakhat no hei tang ma hi.
|
||
\v 20 Mah naven, Pathian in Pharaoh kumpi thinlung cu khoh tik in a man Isarel miphun te hah ngawlin um leh leu hi.
|
||
\s Khuathim pi haksat nak
|
||
\v 21 Mah cengten Pathian in Izip ngam hempoh ah a danglam mi khuathim pi, zen teh bek ten muh theih mi khuathim cang tik tuk in na khut vanhum ah dang to in hitin, Mosi thu a piak bang,
|
||
\v 22 Mosi in a khut cu vanhum ah dang to in Izip ngam sung hempoh ah khuathim sah pi cu nithum sung cang tik hi.
|
||
\v 23 Mah ten pakhat le pakhat mu thei haw ma hi. Nithum sung a kua mah a mu umnak pen tho thei haw ma hi. Mah hang, Isarel miphun ten a mu umnak pen vak nak co haw hi.
|
||
\v 24 Mah ten Pharaoh kumpi in Mosi le Aaron sam in Topa Pathian bia tukin hawh ta un. Mah naven tuu, khui te cu zam un. Naupang te cu pui un hitin, thupia hi.
|
||
\v 25 Mosi in kohten Topa Pathian cu biakpiak nak tuk nganhing te, meihal biakpiak nak te Topa pia tuk hi.
|
||
\v 26 Kohten nganhing te cu keng tuk ung hi. Pakhat no hei tang tuk ma hi. Itahum titale a muhtei sung pen kohtei Topa Pathian bia tuk in teng tuk laih hi. Pathian in itihbang mi nganhing tuah biakpiak nak bawl tuk hum tih mah lai umnak ah hen laih ngawl cu thei ma hitin a tih ten,
|
||
\v 27 Pathian in Pharaoh kumpi thinlung cu khoh tik in a man Isarel miphun te hah ma hi.
|
||
\v 28 Mosi in ka nel pen tul ten hi. Mah cengten ka mitmai muh leh tuk ngawl toh in ngal ling in hi. Ka mitmai na muh ni in thi tuk ci tin, thupia hi.
|
||
\v 29 Mosi in a thupiak mi cu pha hi. Mitmai mu leh tuk ma toh ci tin, ti hi.
|
||
\s Capa U pa bel haksat nak
|
||
\c 11
|
||
\p
|
||
\v 1 Mah ten Pathian in, Pharaoh kumpi le Izip ngam sungah haksat nak pakhat kei man heng tik tung. Mah cengten nang muhte hah tuk hi. A hah ten vang nang muhte hawlvawk tuk hi.
|
||
\v 2 Isarel pano in a inn nel pano hei hihen, numei in a inn nel numei hei hihen sui, ngun, silh tuk van ngen tuk in hihen, mipi tei lakah hilh in hitin, Mosi cu thupia hi.
|
||
\v 3 A mu nget mi bang Izip miphun ten piak nuam nak thinlung cu Pathian in cang tik tuk hi. Mosi in, Izip ngam sungah Pharaoh kumpi sila te, mipi tei mai ah nasezet in mit mai pha ngah hi.
|
||
\v 4 Mah ten Mosi in, Pathian thu piak mi cu zan ngil ten Izip ngam a laizang ah kei mah hawh tung hi.
|
||
\v 5 Kumpi khunnak a khung tu Pharaoh kumpi capa U pa bel pen pan an dennak sum nungah a khung tu sila tei capa U pa bel tian, Izip ngam sungah a um capa U pa bel hempoh te le nganhing ca Upa bel hempoh thi khawng haw tuk hi.
|
||
\v 6 Izip ngam sung hempoh ah a heng awng ngawl mi tu nung ten hei in a heng tuk ngawl mi nasezet kahnak heng tuk hi.
|
||
\v 7 Mah hang Pathian in Izip ngam miphun te le Isarel miphun te a danglam tik nak thu cu nang muhte thei tik tuk in, Isarel mihing pakhat cu uico pakhat no hei in naak tuk ma hi.
|
||
\v 8 Topa sila a himi hi miphun hempoh ten kei ma nelah hung in kun haw tuk hi. Na nungah a zui tu hempoh hawh ta un tin a tih cengten kei cu hawh tul tung hitin a tih hang, a thinuuk in Pharaoh kumpi nelpen tul hi.
|
||
\v 9 Pathian in, a lamdang thasiah huai nate Izip ngam ah tampi a bawl tuk mi thu Pharaoh kumpi in nohtei awnkam thungai ngawl in um tuk hitin, Mosi a hilh mi thu bang,
|
||
\v 10 Mosi le Aaron ten Pharaoh kumpi mai ah a lamdang thasiah huai nate bawl naven, Pathian in Pharaoh kumpi thinlung a khoh tik hang, Isarel miphun te cu a ngam sung pen suah tul theihnak thu pia ngawl in um hi.
|
||
\s Kaltan puai
|
||
\c 12
|
||
\p
|
||
\v 1 Pathian in Izip ngam sungah Mosi le Aaron thu a hilh mi cu,
|
||
\v 2 A tu ha cu ha tampi sung pen nohtei ca a masa bel mi ha hi tuk hi. Nohtei ca kum sialnak pen ha masabel hi tuk hi.
|
||
\v 3 Nohten Isarel miphun hempoh thucah mi thu cu tu ha ni sawm ni in na venghawng na innsung sang tek pen inn khat ah pakhat tuu pakhat keng tuk.
|
||
\v 4 Inn kua dawm in tuu no pakhat a keng tak ma tale a inn nel te tuah kop in mihing aizong hum tih sial in, pum khat eih tak tuk mi cu zo in tuu no pakhat keng tuk.
|
||
\v 5 Tuu no hihen, kel no hei hihen, nohtei ken mi nganhing cu sonbang um ngawl kumkhat kim mi a pa hi tuk hi.
|
||
\v 6 Mahmi tuu no cu mahmi ha ni heili tian ngak in zan ngil ten Isarel miphun hulawmkhawm mipi ten that haw tuk hi.
|
||
\v 7 Tuu no sa a ei tu inn kongka hum le kongka khuam a panih ah tuu no thisan cu la in nut tuk.
|
||
\v 8 A sa cu mei tuah em in mahmi ni zan ah naman sawh ngawl mi moh, a kha mi tuihang tuah ei tuk.
|
||
\v 9 A taksa a sial hei hihen, a tui tuah huan hei hihen ei pah sin. A lu, a ke, a thin, a lung te tuah mei ah em in ei tuk.
|
||
\v 10 Zingvak tian a cik baang tik pah sun. A tang mi dawm laih no cu mei tuah hal tuk.
|
||
\v 11 Itihbang in ei tuk hum tih mi cu taipom het, kedam but, thiangkhut cawi man langzet ei tuk. Pathian kaltan puai hi.
|
||
\v 12 Itahum titale tu ni tak in Izip ngam cu hawh in, Izip ngam sungah a um a miphun tei ca U pa bel le nganhing ca U pa bel hempoh te dantat in, Izip ngam pathian te thukhen tung. Kei cu Pathian ing.
|
||
\v 13 Tuu no thiansan cu nohtei umnak inn ah sialsiah nak a hih hang, mahmi thisan ka muhten nohte cu kei man kal tung. Mah tihcun Izip ngam cu kei man dan ka tat ten siatnak, haksat nak cu nohtei lakah heng tuk ma hi.
|
||
\v 14 Hi ni cu nohtei phawh tuk mi ni a hih hang, nohtei miphun a cat ngawl ni in Pathian cu puai bawl tuk uh ci. Thukham a um hang mahmi puai cu a cat ngawl in bawl tuk uh ci.
|
||
\v 15 Ni salih sung naman sawh ngawl mi moh cu ei tuk. Nikhat ni in naman cu na inn pen vawk in hi. Ni khat ni pen pan ni salih tian naman sawh mi moh a ei tu cu Isarel miphun pen vawk tuk hi.
|
||
\v 16 Nikhat ni in hihen, ni salih in hihen, a thiangtho mi pawlkom nak bawl tuk hi. Mahmi ni in mi hempoh ei nak thu tuah a seng mi na dehnak sial ngawl a dang na dek tuk ma.
|
||
\v 17 Hi naman sawh ngawl puai cu mahmi ni in nohten ngalkap te Izip ngam pen ka suah tul hang, mahmi thu cu thukham a um mi bang nohtei miphun a cat ngawl in mahmi ni cu cingkem le leng tuk.
|
||
\v 18 Ha masabel ni heili ni zan ngil pen pan ni kul luankhat ni zan ngil tian, nohten naman sawh ngawl mi moh cu ei tuk uh ci.
|
||
\v 19 Ni salih sung nohtei inn sungah naman um tuk ma. Naman sawh mi moh a ei tu cu ngamdang te hei hihen, ngam sung mi hei hihen, Isarel miphun pen vawk co tuk hi.
|
||
\v 20 Nohtei umnak sungah naman sawh mi mok ei tuk ma. Naman sawh ngawl mi moh bek ei tuk hitin, thupia hi.
|
||
\v 21 Mah ten Mosi in Isarel miphun U pa kum U ham hempoh sam in, nang muhtei innsung sang tek ca tuu no te keng in kaltan puai ca that un.
|
||
\v 22 Hyssop zik dawn telkhat la in kuangkum sungah koih mi a thisan a nip cengten kongka hum, kongka khuam a lang nih cu nut un. Mah cengten zinglam tian a kua mah inn kongka pualam ah tul tuk ma.
|
||
\v 23 Itahum titale Pathian in Izip miphun te dantat in hawh tuk hi. Kongka hum le kongka khuam panih a um mi thisan cu a muh ten Pathian in kongka kal tuk hi. Siat suah tupan nohte dantat tukin inn sung ah luh tum nak thu pia ma hi.
|
||
\v 24 Nang muhte le nohtei capa sungah thukham a um hang hi thu cu a cat ngawl in cingkem le leng un.
|
||
\v 25 A thukam bang Pathian piak mi ngam nohten na hen uh ten hi na cu bawl tuk.
|
||
\v 26 Nohtei tu le canawn ten hi na a bawl hang, itihbang a tihnop nak hum tin a dong haw tale,
|
||
\v 27 Pathian in Izip miphun te dan a tat hang, Izip ngam sungah Isarel miphun tei inn te kal in a hawh tu Pathian kaltan puai hitin, hilh leh ta un tin Mosi a tih ten a mun lukun in bia haw hi.
|
||
\v 28 Mah tihcun Mosi le Aaron ten Pathian thu cah mi bang Isarel miphun ten bawl haw hi.
|
||
\v 29 Zan ngil huncan ten Pathian in kumpi khunnak hum ah a khung tu Pharaoh kumpi capa U pa bel pen pa thawng inn sungah khum mi a ca U pa bel tian Izip ngam sungah ca U pa bel hempoh hei hihen, nganhing tei ca U pa bel hempoh hei hihen, dantat hi.
|
||
\v 30 Zan ah Pharaoh kumpi le a sila te, Izip miphun te tho haw in a thi ngawl in a luat mi inn pakhat no hei a um ngawl hang, Izip ngam sungah nasezet kahnak um hi.
|
||
\s Suahtulnak
|
||
\v 31 Mahmi zan in Mosi le Aaron a sam ten, nang muhte pen pan Isarel miphun hempoh te tho in ka miphun sung pen tul ta un. Nohtei nget mi bang in Pathian cu hawh in bia ta un.
|
||
\v 32 Nohtei nget mi bang tuu, khui te keng in hawh ta un. Kei mah vang thupha pia un hitin, thupia hi.
|
||
\v 33 Izip miphun ten ohtei venghawng a thisa mite tin ti in, Isarel miphun te Izip ngam pen a man lang luat tuk in sosuah haw.
|
||
\v 34 Mahmi miphun ten naman sawh laih ngawl mi moh a sial keng in moh copnak khuat te vang puan tuah cun in pua haw hi.
|
||
\v 35 Mosi awnkam thu bang Isarel miphun ten ngun, sui, puan van te Izip miphun tei lakah a zawn mi cu ngen haw hi.
|
||
\v 36 A ngetnak bang a piak nuam nak thinlung cu Izip miphun te Pathian in a piak hang, Izip miphun tei neihnak te long in la haw hi.
|
||
\v 37 Isarel miphun numei le naupang ti ngawl in, pano mipum sial ten tingluk hawng a um mite cu Ra meses khua pen tul in Succoth umnak mun ah khualzin hawh haw hi.
|
||
\v 38 Mihing tampi ten tuu, khui tampi nganhing tuah zui haw hi.
|
||
\v 39 Naman sawh ngawl mi moh sial keng in moh cu em haw hi. Itahum titale Izip ngam pen hawl vawk co hang, dawm het no a eih tuk cu bawl man haw ma hi.
|
||
\v 40 Isarel miphun te Izip ngam sungah mikhual a hihnak tuah a cam mi kum cu zali le sawm thum (430) hi.
|
||
\v 41 Zali le kum sawm thum (430) a kim ni in Pathian ngalkap hempoh te Izip ngam pen suak tul haw hi.
|
||
\v 42 Izip ngam pen a suah tul hang, mahmi ni zan cu a cuang in Pathian sungah cingkep tuk in pha hi. Isarel miphun ten miphun a cat ngawl in a cing tu Pathian zan cu tu ni zan hi.
|
||
\s Kaltan puai khamnak
|
||
\v 43 Kaltan puai cu miphun dang ten ei thei ma hi.
|
||
\v 44 Mah hang sum tuah lei mi sila cu vun lek talh thupha co tale ei thei hi.
|
||
\v 45 Ngamdang miphun hei hihen, a man piak mi sila cu ei thei ma hi.
|
||
\v 46 Innkhat ah pumkhat ei tuk hi. A sa cu inn pawlam ah keng tuk ma. A nguh vang ek tuah tuk ma.
|
||
\v 47 Isarel miphun ten kaltan puai cu bawl haw tuk hi.
|
||
\v 48 Nohtei lakah khualzin in a cam miphun dang te Pathian ca kaltan puai bawl tuk a kul nak a um tale a ma nelah a um mi pano hempoh vun lek talhnak thupha co haw hen. Mah bek ten a mah cu ngam sung mi bang a hih hang, nek in kaltan puai ah lut tum hen. Vun lek talhnak a co ngawl mi cu kaltan puai sungah lut tum in ei thei ma hi.
|
||
\v 49 Miphun pih a himi pa nohtei sungah a cam miphun dang te cu thu pakhat sungah um haw hitin, Pathian in Mosi le Aaron lakah thukham pia hi.
|
||
\v 50 Mah tihcun Mosi le Aaron lakah Pathian thukham a piak mi bang in Isarel miphun hempoh in bawl haw hi.
|
||
\v 51 Mahmi ni ah Pathian in Isarel miphun ngalkap hempoh Izip ngam pen hawh tul pih hi.
|
||
\s Capa U pa bel hempoh Pathian ta hi
|
||
\c 13
|
||
\p
|
||
\v 1 Mosi cu sam in Isarel miphun tei sung pen a hing masa bel mi,
|
||
\v 2 Mihing hihen, nganghing hihen, capa U pa bel hempoh te kei ma ca thiangtho tik in hi. Kei ma ta hitin, thupia hi.
|
||
\v 3 Mosi in nohtei sila umnak mun Izip ngam pen tul in hi ni cu phawk ta un. Pathian in a khut thawm lian tuah nohte cu mahmi ngam pen suah zo hi. Naman sawh mi moh cu ei pah sun.
|
||
\v 4 Abib ha, tu ni hei in nohten tul zo uh ci.
|
||
\v 5 Nang muhte pia tuk in pu le pa tei lakah Pathian thukam nak ngam, Kanan miphun, Hit miphun, A mor miphun, Hiv miphun, Jebus miphun tei umnak cu khuinawi tui le khuai tui luannak ngam ah a hawhpih cengten, a tu ha in nohten hi na cu bawl tuk uh ci.
|
||
\v 6 Ni salih sung naman sawh ngawl mi moh eih cengten ni salih ni in Pathian ca puai bawl tuk uh ci.
|
||
\v 7 Naman sawh ngawl moh eih mi ni salih sung, nohten naman mu hei mu tuk ma uh ci.
|
||
\v 8 Ohten Izip ngam pen tul mi hun can, Pathian bawl mi a hehpih nak hang hi tihbang in bawl mi hitin mahmi ni in na tu le canawn tei lakah hilh un.
|
||
\v 9 Pathian thu cu na muk kam sungah kho tik tuk in, hi thu cu na khut sungah sialsiah theihpih nak, na cal ah phawh ngilh ngawlnak tuk hi. A khut thawmlian tuah Pathian in nangmah cu Izip ngam pen suah hi.
|
||
\v 10 Mah hang, a thupiak mi hi dan cu a ma huncan ten kum sial in cingkem un.
|
||
\v 11 Nohtei sungah hei hihen, pu le pa tei sungah hi hen, a thukam bang Pathian in nohte a lamhoih nak hang mahmi ngam cu a piak ten,
|
||
\v 12 Nohtei sungah a hing masabel mi capa U pa bel te le nohtei sungah a um mi nganhing tei ca a hing masabel hempoh Pathian ca in a tuam tum no koih un. A pa hempoh cu Pathian hi ta hi.
|
||
\v 13 Laak nu in a hing masabel laak no cu tuu no tuah in tan tuk hi. A tan nuam ma tale laak no ngawng ek tuah tuk hi. Mihing ca hempoh sung pen ca U pa bel hempoh tan tuk hi.
|
||
\v 14 Tu nung huncan ten na caten itihbang hum tin a dong tale nangman sila umnak mun Izip ngam pen Pathian in a khut thawmlian tuah ohte cu suah tul pih hi.
|
||
\v 15 Pharaoh kumpi in ohte baih zet luat thei ngawl in um ten Izip ngam sungah mihing hihen, nganhing hei hihen, capa U pa bel hempoh Pathian in that hi. Mah hang a masabel in hin mi nganhing a pa hempoh Pathian biakpiak tuk pia in hi. Na ca sung pen capa U pa bel cu tan tuk hitin, don leh hi.
|
||
\v 16 Hi thu te nangmah sialsiah theihpih tu na cal ah ngan in. Itahum titale, Pathian in a khut thawmlian tuah ohte cu Izip ngam pen pui zo hitin, mi hempoh hilh hi.
|
||
\s Tuipi tan nak
|
||
\v 17 Isarel miphun te Pharaoh kumpi in a hah cengten, Philistine hawhnak lamzin cu tuangzet naven mahmi lamzin tuah Pathian in huai ma hi. Itahum titale a mun ngaldo nak a muhten thinkham in Izip ngam ah pin kik leh haw tuk hi tih cu thei hi.
|
||
\v 18 Mah hang, Pathian in a muhte cu Edom tuipi bul ngam lak lamzin kawn in hawh pih hi. Isarel miphun ten haksat nak tuah a cat ngawl in Izip ngam pen tul haw hi.
|
||
\v 19 Mah cengten Josep in a thungai Pathian in a muhte zo tuk in hung suk tuk hi. Ka nguh te hi umnak mun pen keng un tin, Isarel miphun te nasezet thukam tik hang a nguh te cu Mosi a man keng hi.
|
||
\v 20 A muhte cu Succoth mun pen tul in ngam lak E tham khuapi ah heng haw hi.
|
||
\v 21 A mun sun le zan hawh thei tuk Pathian lamhuai in meingo tuah hihen, zan ah vaknak pia tuk mei tuah in hihen, a muhtei mai pen hawh hi.
|
||
\v 22 Sun huncan in meingo tuah in hihen, zan huncan ten mei tuah in hihen, a muhtei mai pen laksak ma hi.
|
||
\c 14
|
||
\p
|
||
\v 1 Pathian cu Isarel miphun tei lakah leng in Pi ha hi roth khuapi bul,
|
||
\v 2 Mig dol khuapi le tuipi lak lawh Baal ze phon khuapi mai ah ngiah buk sat tuk zui in hi. Mahmi khuapi mai tuipi bul ah cam tuk uh ci.
|
||
\v 3 Itahum titale Pharaoh kumpi in Isarel miphun te haksat nak sungah heng haw zo hi. Ngam lak lamzin khak in um zo hitin, ti hi.
|
||
\v 4 Kei man Pharaoh kumpi thinlung cu khoh tik in a man Isarel miphun te hilh hi. Kei mah Pathian hihnak thu cu Izip miphun ten thei tuk in, kumpi le a ngalkap hempoh te tuah ka minthan nak lang tik tung tin Mosi a tih bang in a mun bawl haw hi.
|
||
\v 5 Mah miphun te a tainak thu cu Izip kumpi in a zak ten, a mah pen pan a sila ten iksik nak thinlung a nei tale kohten hi tibang bawl in Isarel miphun te ohtei na tik nak pen ita luat haw hum tin, son haw.
|
||
\v 6 Mah ten Pharaoh kumpi in leng te bawl in a mihing hempoh sam hi.
|
||
\v 7 A ten mi leng zaluk, Izip cipuh leng ngalkap khung thei hempoh te tuah ngalkap bawi hempoh cu sam hi.
|
||
\v 8 Pathian in Pharaoh kumpi thinlung a khoh tik hang a man Isarel miphun te hil hi. Mah naven Isarel miphun ten ngalnak tuah tul haw hi.
|
||
\v 9 Mah tihcun Pharaoh kumpi cipuh, cipuh leng, cipuh khung thei ngalkap te Izip miphun hempoh ten hil in Pi ha hi roth khuapi bul, Baal ze phon mai tuipi mawk ah cam in a um Isarel miphun te pha haw hi.
|
||
\v 10 Pharaoh kumpi cu nek no in a hen ten, Isarel miphun ten zo in Izip miphun te ngaldo tuk a hen nak thu a muh ten, lau zet in Pathian nelah au haw hi.
|
||
\v 11 Mosi cu Izip ngam sungah khan mual a um ngawl hang, hi ngam lakah thi tik tuk in kei muhte pui zo hi. Kohte cu hitin a bawl hang Izip ngam pen ita pui hum?
|
||
\v 12 Kohten Izip miphun tei sungah sila in um haw ta hen tin Izip ngam sungah kohten ti in, hi thu cam cawh in a son mi hima maw. Kohten hi ngamlak sungah thih tuk sang, Izip miphun tei lakah sila um saw a hin pha saw hitin, ti haw hi.
|
||
\v 13 Mosi in lau pah sun. Dai den no in um un. Pathian in tu ni in a lak mi nunpat nak cu zo un. Nohten tu ni in na muh mi Izip miphun te muh leh hihim tuk ma toh uh ci.
|
||
\v 14 Nohtei lam ah Pathian in ngaldo tuk hi. Nohten dai den no um un tin mipi te cu ti hi.
|
||
\v 15 Pathian in kei ma nelah au uh cim? Isarel miphun te mainawt hawh tuk in thu cah in hi.
|
||
\v 16 Nang cu na thiangkhut dang tuipi hum ah zak in tuipi vat in. Isarel miphun ten tuipi a laizang leihum ah hawh tuk hi.
|
||
\v 17 Kei man Izip miphun tei thinlung khoh tik in a mun hil haw tuk hi. Pharaoh kumpi le a ngalkap bawi, cipuh leng, cipuh hum khung ngalkap te hang ka minthan nak lang tuk hi.
|
||
\v 18 Mah tihcun Pharaoh kumpi le a cipuh leng te, cipuh khung ngalkap te hang ka minthan nak a lang ten, kei mah Pathian hihnak thu Izip miphun ten thei haw tuk hitin, Mosi cu thupia hi.
|
||
\v 19 Mah ten Isarel miphun camnak mai ah a hawh tu Pathian vancung mi cu a nungpen a zui hang, meingo pi cu a mu mai pen thawn in a nungah ding in um hi.
|
||
\v 20 Mah tihcun Izip ngalkap le Isarel ngalkap lak lawh ah a hen ten, Izip miphun tei sungah khuathim mi meingo cang in Isarel miphun tei ca vaknak pia in a um hang, zan khua in Isarel ngalkap te le Izip ngalkap te cu nek dun thei haw ma hi.
|
||
\v 21 Mosi in tuipi hum ah a khut a zak ten, Pathian in zan khua thazang huham a nei mi nisuah nak lam pen huih tuah tuipi a lumlet hang, leipi a lang tik ten tui cu khen in um hi.
|
||
\v 22 Isarel miphun te tuipi laizang leihum ah hawh in tui cu a mu veilam ah suangpang bang in um hi.
|
||
\v 23 Izip mihing te Pharaoh kumpi nelah a tel mi cipuh, cipuh leng, cipuh khung ngalkap te cu tuipi a lai ah hil tum haw hi.
|
||
\v 24 Zinglam ten Pathian in mei meingo tuah Izip ngalkap te zo in haksat nak pia hi.
|
||
\v 25 A muhtei cipuh leng hawhnak haksa tik tuk in a leng ke te sia tik hi. Izip miphun ten Isarel miphun tei lakpen tai haw hi. Itahum titale Pathian in Izip miphun te do hitin, ti haw hi.
|
||
\v 26 Pathian in tuipi cu Izip miphun te, cipuh leng te, cipuh khung ngaldo tutei hum ah heng kik leh tik tuk in tuipi hum ah na khut zak in hitin Mosi a tiknak bang in,
|
||
\v 27 Zingkhua vak ten Mosi in a khut cu tuipi hum ah a zak ten tuipi cu thazang nei in a hen leh ten, Izip miphun te tai haw naven, Pathian in a muhte cu tuipi a laizang pen sawnvawk hi.
|
||
\v 28 Mah tihcun tuipi cu luang leh in tuipi sungah a hil tum tu Pharaoh kumpi cipuh leng, cipuh khung ngalkap te, ngalkap bawi hempoh tui a khuh khawng hang pakhat no hei tang ma hi.
|
||
\v 29 Isarel miphun te tuipi a laizang pen leihum ah hawh in, tuipi cu a mu taklam le veilam ah suang pang bang in um hi.
|
||
\v 30 Mah tihcun Pathian in mahmi ni ah Isarel miphun te Izip miphun tei khut sung pen a luat hang, tuipi mawk ah Izip miphun tei mithi luang te mu haw hi.
|
||
\v 31 Mah tihcun Izip miphun sungah Pathian bawl mi na ngengpi cu Isarel miphun ten mu in Pathian cu lau haw hi. Pathian le a sila Mosi cu um haw hi.
|
||
\s Mosi phuah mi la
|
||
\c 15
|
||
\p
|
||
\v 1 Mah ten Mosi le Isarel miphun ten Pathian la a sak mi cu Pathian minthan nak tuah nehnak puai a hih hang, Topa cu lasa tung hi. Cipuh le cipuh khung ngalkap te tuipi sungah tai vawk zo.
|
||
\v 2 Pathian cu ka thazang ngilnak, la ka sak nak thu kei mah pan tu hi. Pathian cu ka biak mi Pathian a hih hang thangphat tung. Ka pu le pa tei Pathian a hih hang kei man khai sang tung hi.
|
||
\v 3 Pathian cu ngal neh tu hi. Pathian cu a ma min hi.
|
||
\v 4 Pharaoh cihpuh leng le a ngalkap te tuipi sungah tui in tai vawk zo. A ngalkap bawi a thiam a ten mite cu Edom tuipi sungah nim khawng haw zo.
|
||
\v 5 A thuk zet umnak munah khuh khawng haw zo. Suang bang in a nuai lam ah cak suk haw zo.
|
||
\v 6 Pathian aw, na taklam khut cu huham thawmngeng nak tuah um hi. Pathian in a taklam khut in ngal te siatsuah hi.
|
||
\v 7 Topai langlam pen a tho mite cu a huham thawmngeng nak tuah that hi. A thinuuk nak hah in a muhte cu buak bang in meikang tik hi.
|
||
\v 8 A nal huih tul hang, a luang mi tui tampi cawl in tuipi thuk zet cu cang zet in khal hi.
|
||
\v 9 Ngal pan kei man hil tung. A muhte cu pha tung hi. A lonsak haw mi neihnak te sem in, a muhtei sungah ka deihnak lungkim tung hi. Nam cu a kawng pen suah in a muhte ka khut tuah that tung hitin, ti hi.
|
||
\v 10 Topan huih cu a sem ten tuipi in a muhte khuh in, a muhte cu tha nasezet mi tuipi sungah suang bang in nim haw ta hi.
|
||
\v 11 Pathian aw, pathian tampi sung pen itihbang mi Pathian cu Topa tuah in bang ve hum? A thiangtho huham thawmngeng thangphat nak a bawl laih tak a lau huai zet mi a lamdang na a dek tu Topa tuah a bang ve mi Pathian a kua um hum?
|
||
\v 12 A taklam khut zak in a muhte cu lei sungah phum hi.
|
||
\v 13 Topai ten mi mihing te cu a hehpih nak tuah lam huai hi. A thiangtho mi umnak mun ah Topai huham tuah lamhuai hi.
|
||
\v 14 Miphun hempoh ten thuthang a zak haw ten lau zet haw hi. Palestine ngam miphun ten thasia zet in um haw hi.
|
||
\v 15 Edom ngal bawi ten lamdang sa zet in Moab ngalkap ten thinsu hing dildel in, Kanaan miphun ten thinkham in um haw tuk hi.
|
||
\v 16 Pathian aw, Topai mihing te a kal ten Topai lei mi miphun te a kal ceng haw ten, mahmi miphun hempoh ten lau in thinsu caldalh in Topai khut thawmlian suang bang in daiden no um haw tuk hi.
|
||
\v 17 Pathian aw, Topai umnak tuk bawl mi umnak cu Topa lo co nak mual hum ah a muhte Topan pui tuk hi.
|
||
\v 18 Pathian in a kumkhua uk ta hen hitin, la sa haw`.
|
||
\v 19 Itahum titale Pharaoh kumpi cipuh te, cipuh leng te, cipuh khung ngalkap te tuipi in khuh khawng tik hi. Isarel miphun te cu tuipi a lai pen leihum ah hawh haw hi.
|
||
\v 20 Aaron U nu cu kamsang numei Miriam in khuang keng in numei hempoh ten khuang tum in lam thah in zui haw.
|
||
\v 21 Miriam in Pathian cu minthan nak tuah neh nak a co hang, Topa cu thangphat nak lasa un. Cipuh le cipuh khung ngalkap te cu tuipi sungah thi zo hitin, a mun la lem tuah sa hi.
|
||
\s Marah le Elim
|
||
\v 22 Mah cengten Mosi in Isarel miphun te Edom tuipi ah hawh pih in a muhte cu Shur ngam lakah heng haw. Mahmi ngam sung pen nithum khualzin hawh in tui tawk haw ma hi.
|
||
\v 23 Marah umnak a hen haw ten, Marah tui cu a kha hang, in thei haw ma hi. Mah hang mah lai umnak mun cu Marah tin sam haw hi.
|
||
\v 24 Mipi ten Mosi cu mawhsiat phun haw in ai tui in tuk hum tin, ti haw hi.
|
||
\v 25 Mosi in Pathian cu au in, Pathian in thingkung pakhat lak hi. Mahmi thingkung cu tui sungah khia in na tui cu hum tuk hi. Mah lai munah a muhte cul in thu a piak mi cu,
|
||
\v 26 Nohten nohtei Pathian awnkam thu phazet no ngai in a pha mi ngamtat nak tuah nung in hihen, thukham zui nak hang a thu piak mi cingkem in hihen, kei cu Izip ngam miphun tei a lawn thei mi nat nak pakhat no hei nohtei lakah lawn tuk ma hi. Kei man nohtei natnak te a dam tik tu Pathian ing hitin, thupia hi.
|
||
\v 27 Mah cengten tuikhuk, khuk heinih tumkung sawm salih tuah cangkim nak mun Elim khua ah heng in, mah lai mun tui umnak bul ah ngiah sat haw hi.
|
||
\s Manah moh le vanim
|
||
\c 16
|
||
\p
|
||
\v 1 Isarel miphun hempoh Elim umnak pen tul in khual zin haw. Izip pen a tul cengten hanih nak ni heinga ten Elim umnak mun le Sinai mual lak lawh Sin ngam lakah heng haw.
|
||
\v 2 Mahmi ngam lak sung pen Isarel miphun ten,
|
||
\v 3 Kohten Izip ngam sung sa huan nak bel bul ah khung in khampek eih cengten, Pathian khut tuah thi a hin pha saw hi. A tuin hulophawm nak ah a um mihing hempoh ningkial nak tuah a thah nuam hang, hi ngamlak ah hawh pih hitin Mosi le Aaron cu mawhsiat in phu haw hi.
|
||
\v 4 Mah ten Pathian in zo un. Kei man nohtei ca vanhum pen moh nguah zu tik tung hi. Mihing ten nisial tul in nikhat ca a tham tuk kem un. Kei ma thu bang zui tuk maw, zui tuk ma tin mah tihbang in a muhte cul tung hi.
|
||
\v 5 Nisial a khul mi sang in niluk ni a kim ten a letnih khul tukin bawl haw tuk hitin, Mosi cu thupia hi.
|
||
\v 6 Mosi le Aaron ten Pathian in nohte cu Izip ngam pen suah tul tuk hitin, tu ni zan ngilten nohten thei tuk uh ci.
|
||
\v 7 Zinglam ten Pathian minthan nak mu tuk uh ci. Pathian mawhsiat phu li tuk ngawl in, kohte cu itihbang mihing nen tim tin Isarel miphun hempoh in ti hi.
|
||
\v 8 Mah cengten Mosi cu Pathian in nohtei eih tuk cik hei hihen, zinglam ten eih tuk moh hei hihen, a piak ten hi awnkam cu kim tuk hi. Nohten mawhsiat phuk lih mi aw cu Pathian in za zo hi. Kohte cu itihbang mihing hum? Nohten mawhsiat phuk lih mi awnkam cu kei muhte do hima hi. Pathian do hitin, thupia hi.
|
||
\v 9 Nohten mawhsiat in aunak aw cu Pathian in a zak zo hang, a ma nelah nek un tin Isarel miphun tei lakah hilh in hitin, Aaron cu thu a cah bang,
|
||
\v 10 Aaron in Isarel miphun te a hilh ten a mun ngam lak cu zo in, meingo a lang mi Pathian minthan nak mu haw hi.
|
||
\v 11 Pathian in Isarel miphun ten mawhsiat in a phuk lih haw mi aw cu kei man za zo ing.
|
||
\v 12 Zan ngil ten a mun cik cu ei haw tuk hi. Zinglam ten moh khampek ei haw tuk hi. Kei cu nohtei Pathian ka hihnak thu thei tuk uh ci’tin a muhte hilh ten hitin, Mosi cu thupia hi.
|
||
\v 13 Zan ngil ten vanim te cu ngiah buk a dim in um haw hi. Zinglam ten ngiahbuk elkim ah dai tui cak in um hi.
|
||
\v 14 Dai ta in a um cengten, vuk khal bang neu no a bem in leihum ah tang hi.
|
||
\v 15 Mahmi thu cu Isarel miphun ten a muh ten ai hum tih a theih haw ngawl hang, pakhat le pakhat dong un li haw. Mosi in hi thu cu nohtei eih tuk in Pathian piak mi moh hi.
|
||
\v 16 Mi hempoh a buk sungah a um mipum bangin mi hempoh eih tham tuk pakhat ten la un hitin, Pathian thu piak mi cu hilh leh hi.
|
||
\v 17 Isarel miphun ten mah tihbang bawl in a dawm a tam nak bang in khul haw hi.
|
||
\v 18 Kho tuah a teh haw ten tampi a co tuten val ma, dawmno a la tuten sam ngawl in a muhtei eih tham tuk khul haw hi.
|
||
\v 19 Mosi in zinglam tian a kua mah in tang tik pah sun tin a tih ten,
|
||
\v 20 A hekkhat ten Mosi awnkam thu ngai ngawl in zinglam tian a um tik hang, lung cang tukin a namsia in Mosi cu a thinuuk hi.
|
||
\v 21 A venghawng in a muhtei eih tham tuk khul haw. Ni a sa ten tui in cang hi.
|
||
\v 22 Niluk nak a kim ten moh a let nih cu pakhat in panih khul haw hi. Mahmi thu cu mipi ten Mosi hilh ha
|
||
\v 23 A man, zingten Pathian mai ah a thiangtho mi colhni, dai den no um mi ni hi. Moh cu sa awm a nuam mi hempoh in sa awm un. A huan nuam tu ten huan ta un. A tang mite cu zinglam tian ngak in koih un tin, Pathian piak mi thu hilh leh hi.
|
||
\v 24 Mosi thu cah mi bang zinglam tian koih haw. A namsia um ma hi. Lung hei um ma hi.
|
||
\v 25 Mosi in a tang mi cu tu ni in ei un. Tu ni cu Pathian colhni hi. Tu ni in ngamlak ah muh tuk um ma hi.
|
||
\v 26 Ni luk sung khul haw hi. Colhni cu ni salih ni ten um hei um tuk ma hitin, ti hi.
|
||
\v 27 Ni salih ni in mi hekkhat ten khul tuk hawh in zei haw naven mu haw ma hi.
|
||
\v 28 Pathian in, nohten ka thukham ituk huncan tian el tuk laih uh cim?
|
||
\v 29 Pathian in colhni cu nang muhte pia zo hi. Mah hang niluk ni in ninih ca moh pia hi. Mi hempoh in mai umnak mun ah um hen, ni salih ni in mai umnak mun pen a kua mah hawh tik pah sin hitin, Mosi cu thupia hi.
|
||
\v 30 Mah hang, mi tampi ten ni salih ni cu dai den no in um haw hi.
|
||
\v 31 Isarel miphun ten mah eih tuk mi cu Manah tin sam haw. Nanan ci bang a hih hang a ngo mi hi. Khuaitui tuah hel mi moh tuah a uukdan bang ve hi.
|
||
\v 32 Mosi in nang muhte Izip ngam pen ka suah ten ngam lak sungah nang muhte cawm tu moh cu na miphun tu le canawn ten mu tuk in a muhtei ca pakhat ten la in koih un tin, Pathian thu piak mi cu Mosi in hilh leh hi.
|
||
\v 33 Aaron in bel pakhat cu la in manah Ome pakhat a dim a koih ten, nang muhtei miphun in a cat ngawl cingkem tuk Pathian mai ah koih in hitin a tih ten,
|
||
\v 34 Mosi in Pathian thu cah mi bang mahmi manah cu Aaron cingkem tik tuk in theihpih tu tei mai ah koih hi.
|
||
\v 35 Isarel miphun ten mihing umnak ngam ah a hen laih ngawl tian, kum sawmli sung manah cu ei haw hi. Kanaan ngam ngi a hen haw tian manah cu ei haw hi.
|
||
\v 36 Ome cu ephah sehsawm suah in sehkhat hi.
|
||
\s Suang sung pen tui tul
|
||
\c 17
|
||
\p
|
||
\v 1 Isarel miphun hempoh ten Pathian thupiak mi bang, Sin ngamlak pen tul in khual a zin ten Rephidim umnak mun ah ngiahbuk bawl haw. Mah lai umnak mun ah in tuk tui um ma hi.
|
||
\v 2 Mah hang mipi ten in tuk tui pia un tin, Mosi cu hauhpih in do haw hi. Mosi in kei mah ita hauhpih in do uh cim? Pathian cu ita cul uh cim tin, ti hi.
|
||
\v 3 Mipi te a dangdum ten Mosi mawhsiat phun in kei muhte pen pan canu le capa, nganhing te dangdum that tuk in Izip ngam pen ita pui cim tin, ti haw hi.
|
||
\v 4 Mah ten Mosi in Pathian nelah au in hi miphun te kei man itihbang in bawl tuk kaw? Kei mah suang tuah sep tuk in um haw zo hitin, ti hi.
|
||
\v 5 Pathian cu mipi mai ah hawh in Isarel miphun kum U ham te sam in. Ngun tui vahnak na thiangkhut cu keng in, Horeb umnak mun ah hawh in.
|
||
\v 6 Mah lai mun ah a um suang hum na mai ah kei mah ding tung hi. Nangman mahmi suang cu vat tuk ci. Mipi tei in tuk suang sung pen tui tul tuk hitin, Mosi cu thupia hi. Mosi in kum Uham tei mai pen mah tihcun bawl hi.
|
||
\v 7 Isarel miphun ten Pathian cu ohtei sung ah um maw, um ma hum tin Pathian cul tukin a do nak thu hang mah lai mun cu Masah le Meribah tin, sam hi.
|
||
\s Amalek miphun te a nehnak
|
||
\v 8 Mah ten Amalek miphun te heng in Riphim umnak munpen Isarel miphun te do haw hi.
|
||
\v 9 Mosi in mihing te teng in Amalek miphun te do tuk in tul hi. A zingten Pathian thiangkhut keng in, mual hum a lek ah kei mah ding tung hitin, Joshua cu thupia hi.
|
||
\v 10 Mosi thu cah mi bang Joshua in a bawl hang, Amalek miphun te do hi. Mosi, Aaron, Hur ten mual hum a lek ah kai haw hi.
|
||
\v 11 Mosi in a khut a dan ten Isarel miphun ten neh haw. A khut dan a hah suk ten Amalek miphun ten neh haw hi.
|
||
\v 12 Mosi cu a khut kha zet hang, a mun suang la in Mosi a khun tik cengten, Aaron le Hur ten a khut lang le lang pen a khut cu dom haw hi.
|
||
\v 13 Joshua in Amalek kumpi le mipi te nam tuah that hi.
|
||
\v 14 Pathian in hi thu phawh le leng tuk mi lai a ngat cu Joshua in sial hi. Itahum titale, van nuai ah a um mi Amalek miphun hempoh kei man that tung hitin, Mosi nelah thupia hi.
|
||
\v 15 Mosi in, biakpiak nak taitan lan dawh in Jehovah nisi tin, sam hi.
|
||
\v 16 Itahum titale, Amalek miphun tei khut cu Pathian kumpi khunnak ngal a hih hang, Pathian in a cat ngawl in Amalek miphun cu do tuk hitin, thupia hi.
|
||
\s Mosi nelah Jethro a lennak
|
||
\c 18
|
||
\p
|
||
\v 1 Pathian in Mosi pen pan Topai mihing Isarel miphun ca a bawl mi hempoh hei hihen, Pathian in Isarel miphun cu Izip ngam pen a pui hang in hihen, Midian thiampi Mosi sungpa in a zak ten,
|
||
\v 2 Mosi hah mi a nupi le,
|
||
\v 3 A capa panih keng in hawh hi. A capa pakhat cu Gershom hi. Itahum titale kei cu ngam dang ah mikhual in um ing hitin, a man ti hi.
|
||
\v 4 Capa pakhat cu Eliezer hi. Itahum titale ka pu le pa tei Pathian cu kei mah bawm tu a hih hang, Pharaoh kumpi ngalnam pen luat zo hitin, ti hi.
|
||
\v 5 Mosi sungpa Jethro cu Mosi nupi le capa panih keng in ngamlak Pathian mual bul Mosi ngiahbuk sak nak mun a hen ten,
|
||
\v 6 Mosi sungpa Jethro le a nupi, a capa panih ten Topai nelah heng zo ung hitin Mosi nelah a tih ten,
|
||
\v 7 Mosi in a sungpa cu khual muak tuk a tul ten lukun nam in, a damnak thu pakhat le pakhat dong un in buk sungah cun lut tum haw.
|
||
\v 8 Pathian in Isarel miphun ca Pharaoh kumpi le Izip miphun sungah a bawl mi hempoh hei hihen, lamzin lakah haksat cimnak a thuak mi hempoh te hei hihen, mahmi haksat cimnak pen Pathian pat nak thu hei hihen, Mosi in a sungpai nelah hilh hi.
|
||
\v 9 Pathian in Isarel miphun cu Izip miphun tei khut sung pen a pat hang, a bawl sak mi a hehpih nak cu Jethro in lungdam in,
|
||
\v 10 Izip miphun tei khut sung pen hei hihen, Pharaoh kumpi khut sung pen hihen, nangmah a pan tu mihing hempoh te Izip miphun tei khut pen a pan tu Pathian cu thupha um ta hen.
|
||
\v 11 Pathian cu a dang pathian hempoh sang ngeng saw hi tih cu kei man a tuin thei ing. Itahum titale, mihing tampi ten pualthau ngalnak hang Pathian cu neh ing hitin a tih cengten,
|
||
\v 12 Mosi sungpa Jethro in mei hal biakpiak nak tuah Pathian ca nganhing te keng in, Aaron le Isarel miphun kum U ham hempoh ten Mosi sungpa tuah Pathian mai ah an ei tuk in hung haw.
|
||
\v 13 A zing ten Mosi cu mipi te thukhen tuk in khung hi. Zinglam pen pan taklam tian mipi te cu Mosi mai ah um haw hi.
|
||
\v 14 Mosi in mipi te a bawl mi hempoh a sungpa in a muh ten hi mipi te na bawl mi cu ai thu kaw? Nangmah pakhat bek khung in, mipi hempoh te zinglam pen taklam tian na mai ah ita um haw hum tin, ti hi.
|
||
\v 15 Mosi in a muhte cu Pathian thu dong nuam in ka nelah hung haw.
|
||
\v 16 A mun sualnak a nei tale ka nelah hung in a muhtei sualnak cu kei man khensak ing. Pathian thukham te hilh ing hitin a sungpa cu a hilh ten,
|
||
\v 17 A sungpa’n na bawl mi thu cu pha ma hi.
|
||
\v 18 Nangmah pen pan na sungah a um mipi te a thungai in thakiam haw tuk hi. Hi thu cu na vanngit lei ta hi. Pakhat bek bawl theih ngawl mi thu hi.
|
||
\v 19 Ka awnkam thu ngai in. Kei man ngaihsut nak pia tung hi. Pathian cu na nelah um tuk hi. Nang cu Pathian tuah a seng mi thu sungah mipi tei sualnak ngak in, a sualnak te Pathian nelah keng tik in hi.
|
||
\v 20 A muhte vang thukham hilh tuk ci. A muhtei hawh nak lamzin a bawl mi hempoh te lak in hi.
|
||
\v 21 Mah bek sial ngawl Pathian cu lau in thukam tuah a dim, duhhap nak hua in thil tih theihnak a nei tu hempoh sung pen teng in uktu thawngkhat, uktu zakhat, uktu sawm nga, uktu sawmkhat hihnak pia in.
|
||
\v 22 A mun huncan hempoh ah mipi te thukhen haw ta hen. A ngeng mi sualnak thu cu nangman thukhen in. A neu mi thu hempoh a muhte thukhen tik in. Mah hang a mun bawmdun khawm in na dehnak hang nangma ca baih saw tuk hi.
|
||
\v 23 Mah tihcun Pathian in lamhuai tale khozet tuk hi. Hi mipi ten a umnak ngamah daiden no hawh haw tuk hitin, ti hi.
|
||
\v 24 Mosi in a sungpai awnkam thu ngai in a awnkam bang bawl in,
|
||
\v 25 Thil tih theihnak a nei Isarel miphun sung pen teng in uktu thawngkhat, uktu zakhat, uktu sawm nga, uktu sawmkhat cu lamhuai tu hihnak in pia hi.
|
||
\v 26 A mun huncan hempoh ah mipi te thukhen haw hi. A haksa mi thu cu Mosi in thukhen in, a baih mi thu cu a mun thukhen haw hi.
|
||
\v 27 Mah cengten Mosi in a sungpa cu a ma umnak ngamah hawh tik hi.
|
||
\s Sinai mual
|
||
\c 19
|
||
\p
|
||
\v 1 Isarel miphun te Izip ngam pen a tul cengten hathum ha nikhat ni in Sinai mual ah heng haw hi.
|
||
\v 2 Rephidim umnak pen a tul cengten Sinai mual ah heng in, ngam sung mual mai ah ngiahbuk bawl haw.
|
||
\v 3 Mosi cu Pathian umnak mun ah kai to in Pathian in mual hum pen a sam hang, nang cu Jakop miphun, Isarel miphun te na hilh leh mi thu cu,
|
||
\v 4 Kei man Izip miphun tei bawl mi thu nang muhte cu muvanlai ha tuah pua in kei ma ca tuk kepnak thu cu nohten mu zo uh ci.
|
||
\v 5 Mah hang a tuin nohten ka awnkam thu a man ngai in ka thukhaam na cingkem tale miphun dang hempoh sang in nang muhte ka co mi manpha hi tuk uh ci. Leipi hempoh cu ka ta hi.
|
||
\v 6 Nang muhte vang kumpi neih mi thiampi miphun, a thiangtho miphun hi tuk uh ci tin a tih mi cu Isarel miphun te hilh leh in hitin, thupia hi.
|
||
\v 7 Mosi cu heng leh in mipi sung pen kum U ham te a sam ten, Pathian thucah mi awnkam hempoh hilh leh hi.
|
||
\v 8 Mi hempoh in Pathian thupiak mi cu kohten bawl tuk ung hitin, thinkhat no in don leh haw. Mosi in a muhtei awnkam thu cu Pathian nel ah hilh leh hi.
|
||
\v 9 Pathian in zo in. Nangmah le keimah otpih mi cu mipi ten za in a cat ngawl up tuk thu, meingo sung pen na nelah kei mah hung tung hitin, Mosi cu thupia hi. Mosi in Pathian awnkam thu cu mipi te hilh leh hi.
|
||
\v 10 Pathian cu mihing tei umnak ah hawh in tu ni le zingten a muhte cu thiangtho tik in. A van te sawp tik in hi.
|
||
\v 11 Ni thum ni ten a mansa in um tik in. Itahum titale, nithum ni ten Pathian in mipi mai Sinai mual hum ah tolh suk tuk hi.
|
||
\v 12 Mihing ten kal tuk ngawl in mual kim hempoh ah khamnak te bawl in nohte mual hum ah kai ngawl, mual bul tawngkha tuk ngawlin cingcai ta un tin, hilh in hi. Mual a tawngkha tu cu thi tuk hi.
|
||
\v 13 A mah cu khut tuah zen pah sin. A thungai in a mah cu suang tuah seh hup tuk hi. Mah a hima tale cei tuah sut tuk mi hi. Mihing hihen, nganghing hihen, nung tuk ma hi. Lemle ngeipi a nging ten mipi ten mual ah hung haw tuk hitin, Mosi cu hilh hi.
|
||
\v 14 Mosi cu mual hum pen mipi tei umnak ah a tolh suk leh ten, a muhte cu thiangtho tik hi. A mun a van te sawp haw hi.
|
||
\v 15 Mosi in nithum niten a mansa in um tik ta un. Nupi cu nek pah sun hitin, mipi te hilh hi.
|
||
\v 16 Nithum ni zinglam ten mual hum ah vanthum, khuaphelep tuah meingo a dim in aw thawm nging zet mi aw le lemle a nging ten, ngiahbuk sungah a um tu hempoh te hing dut hi.
|
||
\v 17 Mosi in Pathian tuah tawk tik tuk in mipi te ngiahbuk sung pen a pui hang, a muhte cu mual bul ah ding haw hi.
|
||
\v 18 Pathian cu meipi tuah khuh in Sinai mual hum ah a kai ten, mual pi cu meikhu suak tul hi. Meikhu cu meikam sung pen meikhu bang kai to in mualpi cu nasezet hing let hi.
|
||
\v 19 Lemle aw cu ngeipi nging in, a aw a nging dedeuh ten Mosi a sam hang, Pathian awnkam aw tuah in don hi.
|
||
\v 20 Pathian cu Sinai mual hum ah tolhsuk tuk in Mosi cu mual hum ah a sam ten, Mosi cu kai to hi.
|
||
\v 21 Pathian in mipi te zo tuk in Pathian nelah kal tum in mi tampi ten thi thei hitin launak a um hang, tolhsuk in cingcai nak pia hi.
|
||
\v 22 Pathian nelah a nek tu thiampi te vang mah le mah thiangtho tik un. Mah ahima tale Pathian in dantat tuk hitin, Mosi cu hilh hi.
|
||
\v 23 Mosi in mipi te cu Sinai mual hum ah kai to thei haw ma hi. Itahum titale kal tuk ngawlin mual elkim ah khamnak bawl in thiangtho tik ta un tin thucah zo hitin, Pathian cu hilh leh hi.
|
||
\v 24 Pathian in tolhsuk in. Nangmah le Aaron bek kai to un. Thiampi te, mipi te cu Pathian nelah kai to thei tuk ngawl in kham in. Mah ahima tale a muhte cu dantat tuk hitin, thupia hi.
|
||
\v 25 Mosi in mipi tei umnak mun ah tolhsuk in hilh hi.
|
||
\s Thukham sawmkhat
|
||
\c 20
|
||
\p
|
||
\v 1 Mah ten Pathian thupiak mi awnkam cu,
|
||
\v 2 Kei man nangmah sila thuaknak mun Izip ngam pen pan tu na Topa Pathian ing hi.
|
||
\v 3 Kei mah sial ngawl a dang Pathian bia pah sin.
|
||
\v 4 Vanhum hei hihen, leipi humah a um mi hei hihen, leipi nuai tui sungah hei in a um mi tuah a bang ve in, zuk milim te nang ma ca tuk bawl pah sin.
|
||
\v 5 Lukun in bia pah sin. Itahum titale na Pathian kei mah Pathian in nangmah ihnak hang, midang khut sungah heng tuk deih ngawl in micing thei Pathian ing hi. Kei mah hua tu tei tu le canawn, khangthum a peh, khangli a peh tian na pa tei sual cu tu le canawn tei sungah thukhen thei tu Pathian ing hi.
|
||
\v 6 Kei mah cu it in ka thukhaam a zui tu tei miphun khang thawng tampi tian hehpih nak a lak thei tu Pathian ing hi.
|
||
\v 7 Na Topa Pathian min cu zol thu tuah son pah sin. Itahum titale a min zol thu tuah a son tupa cu sualnak um ma hitin, Pathian in ngaisung ma hi.
|
||
\v 8 Colhni cu thiangtho tik tukin mahmi ni cu phawk leng in.
|
||
\v 9 Ni luk sung na deh zuamnak tuah dek in.
|
||
\v 10 Ni salih ni cu na Topa Pathian colhni hi. Mahmi ni cu nangmah penpan na canu le capa, sila pano le numei, nganhing, na kongka pi sungah a um mikhual cu na dek ma hen.
|
||
\v 11 Itahum titale Pathian in vanhum, leihum, tuipi, a sungah a um mi hempoh te ni luk sung a bawl hang ni salih ni cu daiden no um in.
|
||
\v 12 Na Topa Pathian piak mi ngam sungah na nunsau tuk in, na nu le pa U pat in.
|
||
\v 13 Mi that pah sin.
|
||
\v 14 Midang nupi sualpih pah sin.
|
||
\v 15 Midang tei van ngu pah sin.
|
||
\v 16 Nangmah tuah a seng mi a ma lam ah a man ngawl mi theihpih nak tetti bawl pah sin.
|
||
\v 17 Nangmah tuah a seng mi a inn hawzak nak thinlung nei pah sin. Nangmah tuah a seng mi midang nupi, a sila pano le numei, khui, laak pen pan nangmah tuah a seng mi a neihnak pakhat no hei hawzak nak thinlung nei pah sin hitin, thupia hi.
|
||
\v 18 Mi hempoh in vanthum, khuaphelep, lemle nging awnthawm mual sung pen meikhu a suak tul nak thu te a muhten, launak tuah thawn in a kang ah ding in um haw hi.
|
||
\v 19 Mosi in kohte cu Topa thu hilh in. Kohten ngai tuk ung. Kohte cu Pathian thupiak nak um ma hen. Kohten thi tuk cu lau ung hitin, ti haw hi.
|
||
\v 20 Mosi in lau pah sun. Nang muhte cul tuk in hihen, nang muhte sualnak pen luatnak tuk thu Topa cu lau tuk in hihen, Pathian cu heng zo hitin mipi te hilh hi.
|
||
\v 21 Mipi te cu a kang nak munah ding haw hi. Mosi in Pathian umnak mun khuathim a sah zet mi cu nek hi.
|
||
\s Zuk milim bawlnak, biaknak bawl tuk ma
|
||
\v 22 Pathian in Isarel miphun te a hilh leh mi thu, kei cu vanhum pen nang muhte otpih nak thu nohten mu zo uh ci.
|
||
\v 23 Kei mah na biak mi thu sungah na man tuk mi ngun pathian, sui pathian bawl pah sin.
|
||
\v 24 Ka ca tuk lei tuah biakpiak nak bawl tuk. Mahmi biakpiak nak hum ah mei tuah na hal mi nganhing, pawlkom biakpiak nak na tuu, khui te biakpiak cu bawl in. Ka thu a um hang kei ma min biaknak mun hempoh na nelah kei mah cu hung in thupha pia tung hi.
|
||
\v 25 Nang man suang biakpiak nak cu ka ca na bawl tale na suang cu vit in bawl pah sin. Thik tel in bawl mi biakpiak nak cu thiangtho ma hi.
|
||
\v 26 Nang cu zahcak nak lang tuk ngawl in biakpiak nak hum ah kailawn tuah kai pah sin hitin, thupiai hi.
|
||
\c 21
|
||
\p
|
||
\v 1 Pathian in Isarel miphun thu na khen tuk mi cu,
|
||
\s Sila te hehpih nak nei in hi
|
||
\v 2 Hebru miphun cu sila in lei tale kum luk sung na dek tik tuk hi. Kum salih nak a hen ten, a man ngen ngawl in hah tuk.
|
||
\v 3 Sila na dek a pakhat bek a hitale a mah pakhat bek suak tul tuk hi. A nupa in sila na a dek tale a nupa in suak tul tuk hi.
|
||
\v 4 Mah ahima tale a topan deihsak in nupi a nei hang, mah a nupi cu canu le capa a cawi tale a nupi le a cate cu a topan nei tuk hi. Sila cu a mah pakhat bek suak tul tuk hi.
|
||
\v 5 Mah ahima tale sila in ka topa nupi le canu capa te kei man it ing hi. Suak nuam mang hitin ciangkoh a son tale,
|
||
\v 6 Topan Pathian mai ah hei hihen, inn kongka khuam ah hei pui in a beng cu a hiam mi tuah a vih cengten, mahmi a sila pa cu a cat ngawl in sila na deh tuk hi.
|
||
\v 7 A pan a canu sila tuk in a zuak tale a numei nu cu sila pano bang in luat ma hi.
|
||
\v 8 A topan a numei cu kem in a deih ma tale tan tik tuk in thu pia hi. A mah a zol khak hang, miphun dang tei lakah zuak theih nak um ma hi.
|
||
\v 9 A capa deih sak in a pia ta le a canu bang in kem tuk hi.
|
||
\v 10 Midang te a la leh tale a masa lak mi numei nui van le puan te kiam tik tuk ma.
|
||
\v 11 Mahmi pathum a bawl ma tale a man cu ngen ngawl in luat tik tuk.
|
||
\s Liamsuah khengkha nat tik nak cu kuan tik in
|
||
\v 12 Mi that tupa cu a thungai in thah co tuk hi.
|
||
\v 13 That tuk ngaihsut um ngawl in a khut pen mihing nunnak cu Pathian in a ap tale a tai nak tuk mun kei man pia tung hi.
|
||
\v 14 Inn nel lo nel thah nuam nak a neih hang, neh siah in a do tupa cu ka biakpiak nak ah a bu ta vang dokduk in that tuk.
|
||
\v 15 Nu le pa a that tupa cu a thungai in thah co tuk hi.
|
||
\v 16 Mihing a ngu tupa cu zuak hei hihen, a khut sungah a um hei in hihen, thah co tuk mi cu a man thuak tuk hi.
|
||
\v 17 Nu le pa a tamsiat tupa cu a thungai in thah co tuk hi.
|
||
\v 18 Mihing pakhat le pakhat hauhdun nak a bawl hang pakhat cu suang tuah suhcih hei hihen, khut tum tuah sawh hei in hihen, vah nak a thuak tupa cu thi ma naven zau nak ah a um ta hei in hihen,
|
||
\v 19 Tho leh in thiangkhut tuah a hawh hei in hihen, a vat tupai sual cu luat tuk hi. Mah hang a dam ngawl tupa cu na deh a um ngawl hang, dam tuk in tuamlawm nak tuk sum kuan tuk hi.
|
||
\v 20 Topan sila pano, numei cu ngolh tuah a vah hang sila pa a thi tale topa cu nasezet dantat nak co tuk hi.
|
||
\v 21 Mah hang sila cu nikhat ninih na in a thi ma tale a topan sila cu a neih hang dan pen luat tuk hi.
|
||
\v 22 Mihing pakhat le pakhat hauhdun nak hang, naupai numei a khen khak ten nau sia in a dang nat nak a um ma tale numei pasal thukhen nak bang in thuak tuk hi. A thukhen nak bang in sum kuan tuk hi.
|
||
\v 23 A dang nat nak a um tale a nunnak ca in a nunnak hei hihen,
|
||
\v 24 Mit ca in a mit hei hihen, a ha ca in a ha hei hihen, a khut ca in a khut hei hihen, a ke ca in a ke hei hihen,
|
||
\v 25 Meikang hang meikang nak hei hihen, liamkhak nak hang liamkhak nak hei hihen, ah khaknak hang ah khak nak cu thuak tuk hi.
|
||
\v 26 Topan sila pano, sila numei tei mit cu a sia tuk in a vat tale mit a siat hang in luat tuk hi.
|
||
\v 27 Mah bang bok sila pano, numei tei ha cu a ek tuk in a vat tale ha a ek hang in luat tuk hi.
|
||
\v 28 Khui in mihing pano numei a pik si in a thi tale mahmi khui cu suang tuah sep hum tuk hi. A sa vang ei tuk ma. Khui nei tupa cu luat tuk hi.
|
||
\v 29 Mah bang bok khui cu mipik in a si awng zo hang, a pik in a sik nak thu khui nei tupan thei leng napi in a khau a khih ma tale a khui hah in pano numei a that ngah pang tale khui cu suang tuah sep hum tuk hi. Khui nei tupa vang that tuk hi.
|
||
\v 30 Mah ahima tale sum kuan hen hitin a titale a tihnak bang a nunnak tan tuk in a man cu kuan tuk hi.
|
||
\v 31 Midang tei canu le capa a pik in a si tale a thukhen nak bang thuak tuk hi.
|
||
\v 32 Sila pano numei a pik in a si tale khui nei tupan sila nei tupa cu sum sawmthum kuan tuk hi. Khui cu suang tuah sephum tuk.
|
||
\v 33 Mihing ten khuk cu hong leng in hihen, khuk co khak ngawl um hei in hihen, midang cipuh, khui cu mahmi khuk sungah a cak tale,
|
||
\v 34 Khuk nei tupan cipuh, khui man cu kuan in a thi mi nganhing la tuk hi.
|
||
\v 35 Mi pakhat khui cu midang tei khui in a pik in a si tale mahmi khui nei tu a panih in a nung mi khui zuak in a man cu sem tuk hi. A thi mi khui vang sem in co tuk hi.
|
||
\v 36 Mah bang bok khui a masa a pik sik theih nak thu khui nei tupan thei leng napi in khau a khih ma tale khui a thi mi cu a mah loli in la tuk hi. Khui pakhat ca in pakhat man cu kuan tuk hi.
|
||
\s Kuan in hi
|
||
\c 22
|
||
\p
|
||
\v 1 Mihing in tuu, khui te a nguk hang that in hihen, zuak hei in hihen, khui pakhat ca in khui panga hei hihen, tuu pakhat ca in tuu pali hei hihen kuan leh tuk hi.
|
||
\v 2 Ngu ca ten inn cu a sukbal laih tak midang ten a muh hang, thi tukin that naven thi tik pah sin.
|
||
\v 3 Mah naven, ni a suak ten a mah cu thi tuk hi. Itahum titale a piak leh tuk thu um ma hi. Imah a nei ma tale a nguk mi a neih hang a mah le mah zuak tuk hi.
|
||
\v 4 Ngu ca tei khut sungah a nguk mi khui, tuu cu a nung in mu tale letnih in kuan tuk hi.
|
||
\v 5 A lo cabit huan a ei tik hei in hihen, a nganhing cu a lo sungah a khal hei in hihen, a lo a cabit huan sung pen a pha bel suah in kuan tuk hi.
|
||
\v 6 Mei hal ten hampa kung hang a dan bang kel no kang in cangtel, cangkung, lo sungah a um mi hempoh te a kang tale mei hal tupa’n kuan tuk hi.
|
||
\v 7 Mihing pakhat in inn nel pakhat sui le ngun a neih mi pakhat cu ap in, ap nak inn pen ngu ca ten a ngu tale ngu ca tu cu a mat ngah ten a letnih in kuan hen.
|
||
\v 8 Ngu ca tupa a man ngah ma tale inn tek pa cu inn nel tei neih nak la maw, la ma hum tin Pathian mai ah thu dot nak um tuk hi.
|
||
\v 9 Midang tei neihnak a sual thu cu khui, laak, tuu, puan tihbang a pai mi neihnak pakhat a muh hang, hi a neihnak cu keima neih mi hitin mihing pakhat in a ti tale sualnak a panih cu Pathian mai ah thu dot nak co in a sung tupan a letnih in kuan tuk hi.
|
||
\v 10 Mihing pakhat in a inn nel tei lo sungah laak, tuu, khui nganhing pakhat a ap nak hang, mahmi nganhing a thi hei in hihen, khengkha in a na hei in hihen, theihpih nak a mu tu um ngawlin midang ten hawl vawk in a hawh nak hang in hihen,
|
||
\v 11 A ap tupan ka inn nel pai neihnak cu kei man la mang hitin a panih lungkim nak tuah Pathian mai ah tamsiat nak a bawl tale a nei tupa in lungkim tuk hi. A ap tupa vang kuan ma hen.
|
||
\v 12 Mah hang, midang ten a ngu tale a ap tupan a nei tupa pia leh tuk hi.
|
||
\v 13 Sahang ten a pet tale theihpih nak a mu tu in a thi mi nganhing cu lak hen. A lak thei ma tale kuan tuk ma hi.
|
||
\v 14 Mihing pakhat in a inn nel lo nel pih tei lakah na pakhat zawng in a nei tupa um ngawl in a thi hei in hihen, khengkha a na hei in hihen, kuan tuk hi.
|
||
\v 15 Neihnak a um tale a zawng tupan kuan tuk ma hi. A man pia in a zawng tale a nei tupa cu a man bek ngen hen.
|
||
\s Nadeh tuk co vo
|
||
\v 16 Deihsak nak neih ngawl mi khanglai cu pano pakhat zol nak hang leem in a um tale a neihnak laksawng pia in numei nu cu nupi hihnak in mang tuk hi.
|
||
\v 17 A numei nui nu le pan lungkim nak um ngawl deihsak nak a um ma tale a neihnak laksawng a piak mi sum cu kuan tuk hi.
|
||
\v 18 Nam nei numei nu cu a nunnak tuk thu um ma hi.
|
||
\v 19 Nganhing a pawl thei tupa cu a thungai in thi tuk hi.
|
||
\v 20 Pathian sial ngawl a dang pathian mai ah a bia tupa cu siatsuah co tuk hi.
|
||
\v 21 Ngam sung mihing pakhat a himi mikhual bawlsiat pah sin. Nang muhte Izip ngam pen mikhual in um awng zo uh ci.
|
||
\v 22 Nu le pa nei ngawl naupang le meivong cu nohten haksat nak pia pah sun.
|
||
\v 23 Haksat nak pakhat na bawl ten a mun kei mah thanau nak tuah a au ten kei man a aw cu a thu ngai in ka zak hang,
|
||
\v 24 Kei man nasezet thinuuk in nang muhte nam tuah that tung hi. Nohtei nupi te vang meivong a hih hang a canu le capa te, nu le pa nei ngawl naupang in cang haw tuk hi.
|
||
\v 25 Ka mihing mi zawng inn nel pa, sum na puuk ten a khang ei mite bang bawl ngawl in a khang cu ngen pah sin.
|
||
\v 26 Inn nel ten a puan cu a pawng hih tale khuathim laih ngawlin pia leh in.
|
||
\v 27 Itahum titale a dang silh tuk puan nei ma hi. A silh tuk hi. A man itihbang in hihbu thei tuk hum? Kei mah a au tale kei man za tung. Kei cu hehpih nak lung mu nei ing.
|
||
\v 28 Pathian cu sualnak awnkam tuah awn pah sin. Na miphun uktu kumpi cu tamsiat pah sin.
|
||
\v 29 A ngah a min masabel, a tui suk masabel cu sel ngawlin pia in. A hing masabel mi capa cu kei mah pia in.
|
||
\v 30 Mah bang bok tuu le khui te vang bawl bok un. Ni salih sung tuu le khui no cu a nu um tik in, ni liat niten kei mah pia tuk.
|
||
\v 31 Nohte cu ka nelpen a thiangtho mi hi uh ci. Ngam sung sahang peh mi sa cu ei pah sin. Uico te pia un.
|
||
\s Dikcang in, hehpih in
|
||
\c 23
|
||
\p
|
||
\v 1 Nang cu a sual mi thuthang awnkam thu son pah sin. Mipha ngawl te tuah a man ngawl mi theihpih nak thu son pah sin.
|
||
\v 2 Mipi nung ah zui in phat ngawl nak bawl pah sin. Thu man na muh mipa cu a ma lamah um in, thu man ngawl lamzin a pial tik thei mi awnkam mang pah sin.
|
||
\v 3 Mizawng haksa a um hang, lungkim nak nei pah sin.
|
||
\v 4 Na ngal tei cipuh, khui, lamzin pial na muh ten a man no hen pih in.
|
||
\v 5 Nangmah a hua tutei laak cu nangma na dehnak nuai ah a lum mi na mu tale phong leh ngawlin um thei cim maw. A thungai a man phong in a bop tuk mi hi.
|
||
\v 6 Na nelpen mi zawngpa cu thukhen nak a um ten a man ngawl in thukhen pah sin.
|
||
\v 7 A man ngawl mi thu pial in. Sual a nei ngawl midik pa cu that pah sin. Itahum titale kei cu thuman ngawl mipa a sual pen luat ma hi.
|
||
\v 8 Nang cu nawhthuh ei pah sin. Nawhthuh cu micip te mitcaw tikin, midik tei awnkam pial tik thei hi.
|
||
\v 9 Ngam dang miphun mikhual te bawlsiat pah sin. Nohten Izip ngam pen mi khual cang awng zo hang, mihual hihnak thinlung thei zo uh ci.
|
||
\s Colhni cu daiden no um in
|
||
\v 10 Kum luk sung lo na dek in ankung a ngah te cawm tuk ci.
|
||
\v 11 Kum salih ten lo na deh ngawl zam in. Mah tihcun na bawl tale mizawng ca ngah miphun pih ten an eih mu haw tuk hi. A tang mite vang nganhing ten ei haw tuk hi. Mah bang bok cabit huan, Olive huan vang bawl tuk hi.
|
||
\v 12 Ni luk sung na dek tuk. Ni salih ten daiden no um tuk. Mah tihcun na khui, laak te cu daiden no a umnak thu um tuk hi. Na na a dek tute, mikhual te thazang thak ngah haw tuk hi.
|
||
\v 13 Ka thukham piak mi hempoh sungah cingcai in um ta un. A dang Pathian min sal pah sun. Na kam pen a tul mi aw cu midang te za tik pah sin.
|
||
\s Kum sial veithum Pathian nelah hawh in
|
||
\v 14 Kumkhat sungah veithum ka ca puai bawl in.
|
||
\v 15 Thu ka cah mi bang, Abib ha tek mi ni ten naman sawh ngawl moh puai bawl in, ni salih sung naman sawh ngawl moh puai ei tuk ci. Itahum titale mahmi ha sung in nang cu Izip ngam pen suak tul ci. Mahmi puai bawl laih takin ka nelah a kua mah khut thacang in heng tuk ma hi.
|
||
\v 16 Lo na dek in ancang ngui te a cop pat nak huncan an cop ceng hei hihen, lo na dek in ancang ngui te khawl nak huncan, kumkhen nak hun can, ankhop nak bawl tuk ci.
|
||
\v 17 Nohtei sung pen pano hempoh te kumkhat ah veithum, Topa Pathian mai ah mitmai lak haw tuk hi.
|
||
\v 18 Kei mah biakpiak nak sathi cu naman tel mi moh tuah tokhel in biakpiak nak bawl tuk ma. Kei mah biakpiak nak sa thau cu zinglam tian tang tik tuk ma.
|
||
\v 19 Na leilung sung pen a ngah masabel mi ancang ngui a pha bel cu na Topa Pathian inn sungah koih tuk. Kel no cu a nui nawi tui tuah huan tuk ma.
|
||
\s Pathian vancung mi in lamzin a bawl saknak
|
||
\v 20 Zo in. Lamzin ah nangmah cingkem in, ka bawl mi umnak mun ah huai tuk in vancung mi cu na mai ah kei man hah zo ing.
|
||
\v 21 Vancung mi cu U pat nak bawl in. A thu ngai in. A uknak do pah sin. Nohtei bawl mi sualnak cu a man luat tuk ma hi. Ka min cu a ma sungah um hi.
|
||
\v 22 A thungai in nang cu a thu ngai in ka thukham hempoh na bawl tale na ngal hempoh kei man do tung hi. Nangmah a kham tute vang kei man khamsak tung.
|
||
\v 23 Ka vancung mi cu na mai ah hawh in nang cu Amor miphun, Hit miphun, Periz miphun, Kanaan miphun, Hiv miphun, Jebus miphun tei umnak ah pui in a muhte that tuk hi.
|
||
\v 24 A muhtei pathian cu lukun in bia pah sun. A muhte bang in ngamta pah sin. A muhte cu phuk khawng in, zuk milim hempoh te vang siatsuah sak khawng tuk hi.
|
||
\v 25 Nohtei Topa Pathian cu bia tuk. Na moh hei hihen, tui hei hihen, thupha pia tuk hi. Nat nak te vang nangma sung pen laksak tuk hi.
|
||
\v 26 Na ngam sungah nau a sia thei micing tih um tuk ma hi. Na nunnak cu kei man cangkim tik tung.
|
||
\v 27 Kei mah launak lungmu cu na mai ah kei man hah in, na umnak sung miphun hempoh kei man siatsuah tung. Na ngal hempoh te kei man nunglam ah hek tik tung.
|
||
\v 28 Khuai te cu na mai ah kei man hah in a muhte cu Hit miphun, Kanaan miphun, Hiv miphun te na mai pen hawlvawk tung hi.
|
||
\v 29 Mahmi mihing te cu kumkhat sung na mai pen kei man hawlvawk tuk mang hi. Mah tihcun na bawl tale ngam cu mihing thawm um ngawl sahang cu nangma a langlam ah tampi um tuk hi.
|
||
\v 30 Nang cu khangto in ngam sung hempoh ah na luh tum tian a muhte kei man dawm het no in hawlvawk tung.
|
||
\v 31 Na umnak ngam khen a dang te cu Edom tuipi pen Philistine tuipi tian hei hihen, ngam lakpen ngun tuipi tian hei hihen, kei man sialsiah tung. Mah lai miphun te cu na khut sungah kei man ap in nangman hawlvawk tuk ci.
|
||
\v 32 A muhte tuah hei hihen, a pathian te tuah hei hihen, nang cu pawlkom nak bawl pah sin.
|
||
\v 33 Nangman kei mah sual tik tuk in a mun a bawl tuk launak a um hang, a muhte cu na ngam sungah um tuk ma hi. A pathian cu na bia tale lupbah nak thu a thungai in heng tuk hitin, Mosi cu thupia hi.
|
||
\s Pathian thukhaam lungkim bawlnak
|
||
\c 24
|
||
\p
|
||
\v 1 Pathian in nang cu Aaron, Nadab, Abihu Isarel miphun kum U ham sawm salih te tuah Pathian nelah kai in a muhte a kang pi pen bia haw hen.
|
||
\v 2 Nangmah pakhat bek cu Pathian nelah nek tuk ci. Midang te nek tik pah sin. Mipi te cu nangmah tuah kai to haw tuk ma hitin, Mosi cu thupia hi.
|
||
\v 3 Mosi in mipi tei umnak munah hung in Pathian awnkam thu hempoh te hei hihen, a thukhen mi hempoh te hei hihen a zak leh tik hang, mipi hempoh ten Pathian thupiak nak bang kohten bawl tuk ung hitin, awkhat suah in don leh haw hi.
|
||
\v 4 Mosi in Pathian awnkam hempoh a khum cengten, zing khawma no tho in mual bulah biakpiak nak hei hihen, Isarel miphun heinih te tuah suang khuam heinih bawl hi.
|
||
\v 5 Isarel miphun tangval te a tik nak bang, a khui te keng in Pathian mai ah mei hal biakpiak nak, pawlkom biaknak cu bawl haw.
|
||
\v 6 Mosi in, a thisan a langkhen kuangkum sungah koih in, a lang cu biakpiak nak hum ah theh hi.
|
||
\v 7 Thukhaam lai bu vang keng in mipi tei mai pen a sial cengten, a mun Pathian thupiak mi bang kohten bawl tuk ung, a thu ngai tuk ung hitin, ti haw.
|
||
\v 8 Mosi in, a thisan la in mipi tei humah theh in hi thisan cu hi thu pen nohtei sungah Pathian lungkim mi thukhaam thisan hitin, ti hi.
|
||
\v 9 Mah ten Mosi in, Aaron, Nadab, Abihu Isarel miphun kum U ham sawm salih te kai to in,
|
||
\v 10 Isarel miphun ten Pathian cu mu haw. A ke nuai ah sapphire suang tuah phah mi bang in hihen, a thiang kikkel mi vanhum bang in lang hi.
|
||
\v 11 Isarel miphun sunglawi te cu sual thukhen ma hi. A mun Pathian mu haw naven, in ei in um haw.
|
||
\v 12 Pathian in, ka umnak mun ah kai to in um in. Mipi te hilh tuk in suangphek hum ah ka ngat mi thukham te, na nelah keiman ap tung hitin Mosi cu a tih ten,
|
||
\v 13 Mosi in a mah bawm tu Joshua tuah Pathian mual hum ah kai haw.
|
||
\v 14 Kum U ham te vang kohtei hen lak lawh tian hi lai munpen ngak in um hih un. Aaron le Hur cu nohtei lakah a um hang, a kua a bang sual nak a um tale a muhtei lakah hawh hen hitin, thu cah ta hi.
|
||
\v 15 Mosi cu mual hum ah kai in meingo in mual pi khuh hi.
|
||
\v 16 Pathian minthan nak cu Sinai mual hum ah heng in meingo cu ni luk sung khuh hi. Ni salih niten meingo sung pen aw suak tulin Mosi cu sam hi.
|
||
\v 17 Pathian minthan nak cu mual hum ah mei alh bang lang in Isarel miphun ten mu haw.
|
||
\v 18 Mosi cu meingo sungah a tum ten mual hum ah heng in ni sawmli mual hum ah um hi.
|
||
\s Deu buk ca a lu khuan nak
|
||
\c 25
|
||
\p
|
||
\v 1 Pathian in Isarel miphun te cu,
|
||
\v 2 Kei mah laksawng a piak tuk mi thu hilh in. A thiangtho mi zuamnak thinlung tuah kei mah a pia tu hempoh tei sungah nangman a lu khuan tuk ci.
|
||
\v 3 Na khon tuk mi a lu cu sui, ngun, dal,
|
||
\v 4 A pawl, mepian, a san, puanthan nem, kel mul,
|
||
\v 5 A san nut mi tuu vun, sa am vun, shittim thing,
|
||
\v 6 Mei inn vak tuk sathau, a noih lawi tuk sathau, mei hal biakpiak nak ngimnam tui lawi tuk ngimnam tui phunkim,
|
||
\v 7 A coih namkim suang, thiampi awmkhaih le awm belh tuk, a coih tuk suangman pha a lu khon tuk ci.
|
||
\v 8 Kei cu nohtei sungah umnak tuk, a thiangtho mi umnak tuk bawl un.
|
||
\v 9 Ka lak mi deu buk umdan buk tuah a bang ve bawl in.
|
||
\s Thukhaam thingkuang
|
||
\v 10 A sau lam tongnih le lang, a vang tongkhat le lang a um mi thingkuang cu shittim thing tuah bawl in, thingkuang a sunglam le a pawlam cu sui a ngek tuah belh in.
|
||
\v 11 Thingkuang hum lam a mawk kim hempoh sui tuah belh in bawl in.
|
||
\v 12 Sui kawn li cu luan un na, thingkuang a ningkil li a mai le a mai ah panih ve ve bulh un.
|
||
\v 13 Shittim thingta puak theih tuk bawlin sui tuah belh in bawl cengten,
|
||
\v 14 Thingkuang puak theih tukin a lang le lang sui kawn sungah holh tum tuk hi.
|
||
\v 15 Mahmi a puak nak cu thingkuang suikawn a beem pen duk ngawl in um leng tik tuk.
|
||
\v 16 Ka thu piak mi theihpih nak tetti cu thingkuang sungah koih in.
|
||
\v 17 A sau lam tongnih le lang, a vang tongkhat le lang a um mi hehpih nak tohkham cu sui tuah bawl in.
|
||
\v 18 Cherubim panih cu hehpih nak tohkham a sau lam a langkhat pen khen cih in bawl un.
|
||
\v 19 Cherubim panih cu hehpih nak tohkham sung pen suah in, hehpih nak tohkham hum a lang lam pakhat tek ah bawl cengten,
|
||
\v 20 Cherubim panih cu a mai hekdun in, hehpih nak tohkham zo tik a ha phalh in hehpih nak tohkham khuh tuk.
|
||
\v 21 Hehpih nak tohkham cu thingkuang hum ah koih tuk. Ka piak mi theihpih nak tetti cu thingkuang sungah koih tuk.
|
||
\v 22 Mahmi umnak sungah kei mah cu nangmah tuah mu in theihpih nak tetti thingkuang sin humah Cherubim panih lak lawh pen nangmah tuah otpih ten, Isarel miphun tei sungah hilh mi hempoh thukhen tuk hi.
|
||
\s Sui cabuai
|
||
\v 23 A sau lam tongnih, a vang tongkhat, a sanglam tongkhat le lang a um mi cabuai cu shittim thing tuah bawl in.
|
||
\v 24 Sui a ngek tuah belh in. Cabuai hum lam a mawk elkim a belh mi sui tuah hei in hihen,
|
||
\v 25 A vang khutbup tia a um mi elcoih hei hihen, elcoih hum lam a mawk ah belh mi sui hei hihen bawl tuk.
|
||
\v 26 Sui kawnli cu bawlin a ke pali a hum lam cabuai ningli ah bulh tuk.
|
||
\v 27 Mahmi suikawn te elcoih hum ah a um hang, cabuai puak nak hi tuk hi.
|
||
\v 28 Cabuai puak nak tuk shittim thing cu a puak nak tuk bawl in sui tuah belh tuk.
|
||
\v 29 Cabuai tuah a seng mi pakan dai, keu, kuangkum, a sun nak tuk khuat hai te vang sui a ngek tuah bawl tuk.
|
||
\v 30 Ka mai cabuai hum ah eih tuk moh a cat ngawl in koih tuk.
|
||
\s Sui mei khuam
|
||
\v 31 Mei khuam vang sui a ngek tuah bawl in mei khuam ah a um mi khut let te, khuat te, a kangkak te, um ngah te, a pak te bang ten bawl un.
|
||
\v 32 Mei khuam a lang le lang ah khut dawh pathum suak tul tikin a khut pa luk bawl un.
|
||
\v 33 Mei khuam sung pen a suak tulmi a khut dawh pathum pen, khut dawh pakhat ah ummpak le meitei ngah tuah a bang ve mi khuat pathum bawl un.
|
||
\v 34 Mei khuam sungah ummpak le meitei ngah tuah a bang ve mi khuat pali um tuk.
|
||
\v 35 Mei khuam sung pen a suak tul mi khut let paluk a um bang in a khut panih nuai ah ummngah panih ten bawl tuk.
|
||
\v 36 Umm te, a khut te cu a pumpi bang ten tik in meikhuam pakhat a pumpi cu sui a ngek tuah bawl tuk.
|
||
\v 37 Meikhuat salih vang bawl tuk. Cabuai vak tik tukin meikhuat vak tuk hi.
|
||
\v 38 Caiceh le caiceh koihnak khuat te sui a ngek tuah bawl tuk.
|
||
\v 39 Mei khuam hempoh sui a ngek khuat sawm tuah bawl tuk.
|
||
\v 40 Mual hum ah nangmah ka lak mi bang a zoh mawi tuk cingcai in bawl tuk.
|
||
\s Pathian ceen nak Deu buk
|
||
\c 26
|
||
\p
|
||
\v 1 A pawl, mepian, a san le Cherubim zuk khut tuah tah mi puan than nem kalaka a than sawm tuah deu buk bawl hi.
|
||
\v 2 Kalaka cu a sau lam tong kul luanliat, a vang tongli a um mi kalaka a lai cu a sau lam le a vang bang ve tuk hi.
|
||
\v 3 Kalaka cu puan than panga ten a peh in khui tuk.
|
||
\v 4 Kalaka a than pakhat a pawlam cu kalaka a mawk le mawk lam peh ten a kawn bem te puan than a pawl tuah bawl tuk. A dang kalaka pualam cu kalaka a mawk le mawk a peh nak sungah mah tihbang in bawl tuk.
|
||
\v 5 Kalaka a than pakhat sungah a kawn bem sawmnga hei hihen, a dang kalaka a mawk peh nak sungah vang a kawnbem sawmnga hei hihen, a kawn bem a lai tawngkha in bawl tuk.
|
||
\v 6 Sui tuan sawmnga vang bawl in mahmi sui tuan tuah kalaka a kopcih hang, deu buk pakhat in cang tuk hi.
|
||
\v 7 Deu buk a khuh tuk a dang kalaka puan than sawm cu kel mul tuah bawl tuk.
|
||
\v 8 Kalaka a sau lam tong sawmthum, a vang tongli a um hang kalaka puan than sawm tuah a sau lam le a vang a lai cu bang ve tuk hi.
|
||
\v 9 Kalaka puan than panga peh pakhat, puanthan paluk peh khat khui in a paluk nak kalaka cu deu buk mai ah hep tuk.
|
||
\v 10 Kalaka te peh nak sungah a pawlam pen a um mi kalaka puan than pakhat mawk ah a kawn bem sawmnga hei hihen, a peh mi a dang kalaka a mawk ah vang a kawnbem sawmnga hei hihen bawl tuk.
|
||
\v 11 Dal tuan sawmnga vang bawl in a kawnbem sungah holh cengten, a hum lam buk a langkhen le a langkhen a kopcih hang buk pakhat in cang tuk hi.
|
||
\v 12 A hum ta buk sungah a val mi kalaka a lang cu buk a nunglam ah dok vawk tuk.
|
||
\v 13 A hum lam buk sungah a val mi kalaka a sau lam tongnih cu buk a hum khuh tukin a lang le lang tongkhat ve ve lep vawk in dok tuk.
|
||
\v 14 A hum lam buk khuh tukin a san noih mi tuu phaw hei hihen, mahmi tuuphaw hum ah sa am phaw hei hihen, bawl tuk.
|
||
\v 15 Buk pang uum tukin a tung in koih mi shitting thing pek bawl tuk.
|
||
\v 16 Thingpek a saulam tong sawm a vang tongkhat le lang um tuk hi.
|
||
\v 17 Mahmi thingpek hempoh sungah a ke panih ten cam zet tuk in bawl tuk.
|
||
\v 18 Buk hanglam ah pang up tukin thingpek kul bawl tuk.
|
||
\v 19 Mahmi thingpek kul sungah pek khat pek khat nuai ah a ke panih holh tuk ngun ke bulh tuk sawmli bawl tuk.
|
||
\v 20 Buk saklam ah pangup tuk thingpek kul uum tuk.
|
||
\v 21 Mahmi thingpek sungah ngun ke bulh tuk sawmli, pekkhat ah panih ten umm tuk.
|
||
\v 22 Buk a nunglam ah pang up tuk thingpek paluk hei hihen,
|
||
\v 23 A ning langlam pang umm tukin thingpek panih hei hihen, bawl tuk.
|
||
\v 24 A hum ah hei hihen, a nuai lam ah hei hihen, a kawnbem cu bulh in a peh tuah a ning panih ceng tik tuk.
|
||
\v 25 Thingpek pek liat, ngun ke bulh tuk hei luk, pekkhat ah panih um tuk hi.
|
||
\v 26 Buk sungah upnak tuk thingpek a holh nak tuk, shitting thing a kalh nak cu a langlam panga ten bawl tuk.
|
||
\v 27 Deu buk a nunglam ah up mi thingpek holh nak tuk a kalh nak panga bawl tuk.
|
||
\v 28 A lai kalh nak tuk cu a ning lang le lang pen tawp tik tuk.
|
||
\v 29 Thingpek te cu sui a ngek tuah belh tuk. A kalh holh nak tuk sui kawn beem bawlin a kalh nak te sui tuah belh tuk.
|
||
\v 30 Mual hum pen nangmah ka lak mi bangin deu buk sa tuk.
|
||
\v 31 A pawl, mepian, a san tuah Cherubim zuk cu khut tuah mawi zet in tah mi puan than a nem kalaka pakhat khui tuk.
|
||
\v 32 Sui tuah bawl mi shittim thing khuam pali hum ah mahmi kalaka dok in. Khuam cu sui tungtul tuah hei hihen, ngun ke bulh pali tuah hei in hihen, dim tuk hi.
|
||
\v 33 Theihpih nak thingkuang cu kalaka sungah koih in kalaka cu sui tuan tuah umm in a thiangtho mi le a thiangtho bel mi umnak mun lak lawh khen tuk hi.
|
||
\v 34 A thiangtho bel mi umnak mun ah theihpih nak thukham thingkuang hum, hehpih nak tokham hum ah koih tuk.
|
||
\v 35 Kalaka a pawlam ah cabuai koih tuk. Deu buk a nunglam mawk ah meikhuam hei hihen, saklam a mawk ah cabuai hei hihen, a langlam le a langlam tawngkha in koih tuk.
|
||
\v 36 Deu buk kongka pi umm tukin a pawl, mepian, a san tuah khut tuah tah mi puan than nem kalaka pakhat bawl tuk.
|
||
\v 37 Sui tuah belh mi shitting thing khuam panga hum ah mahmi kalaka cu dok tuk. Dal ke bulh panga cu luan tuk.
|
||
\s Dal biakpiak nak
|
||
\c 27
|
||
\p
|
||
\v 1 A sau lam tong nga, a vang tong nga a um a ningkil li a bang ve mi dal biakpiak nak cu shittim thing tuah bawl in. A sang lam cu tong thum tuk.
|
||
\v 2 Biakpiak nak ningkil li hum ah ki pali cu shittim thing tuah bawl in dal belh in.
|
||
\v 3 Vut dawh nak tuk bel, kawpio, kuangkum, cik dawhnak, caiceh, pakan dai biakpiak nak tuah a seng mi van hempoh dal tuah bawl in.
|
||
\v 4 Dal nawt nak hei hihen, a nawt nak ning hum ah dal a kuabem pali hei hihen bawl cengten,
|
||
\v 5 Biakpiak nak a kha nuai lam a lai ah koih tuk.
|
||
\v 6 Biakpiak dawh puaknak tuk, shittim thing bawlin dal tuah a belh cengten,
|
||
\v 7 Biakpiak nak puak tuk in shittim thing puak nak tuk a lang le lang a kua sungah holh tum tuk.
|
||
\v 8 Mual hum pen nangmah ka lak mi bang biakpiak nak cu a hum le a nuai lam lawngthong tikin, thingpek tuah bawl in.
|
||
\s Deu buk tumnak kalaka
|
||
\v 9 Deu buk a tumnak kalaka cu a sau lam tong zakhat a um mi puan than a nem tuah hanglam kalaka bawl in.
|
||
\v 10 Kalaka tukin khuam kul, khuam ke bulh tuk kul cu dal tuah bawl in khuam a khaih bat tuk tungtul, a khuam hempoh ngun tuah bawl in.
|
||
\v 11 Mah bang bok sak lam uum tuk in a sau lam tong zakhat a um mi kalaka tuah ngun tungtul, ngun a tel mi dal khuam kul, dal ke bulh tuk a kua awng kul um tuk hi.
|
||
\v 12 Inntual a nunglam uum tuk in a sau lam tong sawmnga a um mi kalaka tuah khuam sawm, a ke bulh tuk kua awng sawm um tuk hi.
|
||
\v 13 Inntual a mai lam cu tong sawnga um tuk hi.
|
||
\v 14 Kongka pi a lang le lang uum tuk in a sau lam tong heinga a um mi kalaka tuah khuam pathum,
|
||
\v 15 A ke bulh tuk kua pathum um tuk hi.
|
||
\v 16 Kongka pi uum tukin a pawl, a san, a sandup, khut tuah tah mi tong kul cu khuam pali a ke bulh kua pali bawl tuk.
|
||
\v 17 Inntual elkim khuam a um mi hempoh cu ngun tungtul, ngun, dal ke bulhnak tuk a kua tuah a kim tuk hi.
|
||
\v 18 Inntual cu a sau lam tong zakhat, a vang sawmnga, a sang lam tongnga, puan nem tuah dal ke bulh nak tuk kua tuah in tawp tuk.
|
||
\v 19 Na dek tuk deubuk sungah man tuk hempoh te hei hihen, deubuk sung pin hio, inntual tuah a seng mi pin hio hempoh hei hihen, dal tuah in bawl tuk.
|
||
\s Mei vak tuk sathau
|
||
\v 20 Mipi hulopnak deubuk ah a thupiak mi uup kalaka a pawlam cu mei khuam hum ah a cat ngawl in mei vak tuk, Olive ngah huah keh in Olive thau a ngek cu Isarel miphun hempoh ten keng tuk in hilh in.
|
||
\v 21 Aaron le a caten zanlam pen zinglam tian Pathian mai ah na dek tuk hi. Isarel miphun hempoh ten a cat ngawl in cingkep tuk mi thukham hi.
|
||
\s Thiampi tei silh tuk
|
||
\c 28
|
||
\p
|
||
\v 1 Na U Aaron cu ka mai ah thiampi na dek tuk in a mah le a capa Nadab, Abihu, Eleazer, Itha mar te cu Isarel miphun sung pen teng in nangma nuai ah pia in hi.
|
||
\v 2 Na U Aaron nelah a mawi mi minthan nak lang tik in, a thiangtho mi van silh tuk bawl in pia in.
|
||
\v 3 Aaron cu ka mai ah thiampi na dehnak thu a um hang, a mah cu thiangtho tik tuk in ka piak mi theihnak co in cihnak hempoh mahmi puan silh tuk thu cah in.
|
||
\v 4 A silh tuk puan bawl tuk mi cu awmdat, awmbelh khaih, angki cual, mawi zet in tah mi angki, lupawng, taipom cu na U Aaron le a capa te ka mai ah thiampi na dek tuk in, a thiangtho puan cu bawl in hi.
|
||
\v 5 A pawl, a san, a sandup, sui tuah mawi zet tah mi puan than nem hi tuk hi.
|
||
\s Awmbelh khaih
|
||
\v 6 Sui, a pawl, a san, a sandup te le a awmbelh khaih cu a dang cuang in bawl tuk.
|
||
\v 7 Awmbelh khaih panih a um hang, awmbelh khaih a hum lam a mawk pehcih tik tuk in a lang le lang pen a dok in khui cih tuk.
|
||
\v 8 Awmbelh khaih a hum lam a mawk ah a dang cuang mi angki kilh vang awmbelh khaih bang in a pawl, a san, a sandup cu sui tuah mawi zet in tah mi puan than tuah bawl tuk.
|
||
\v 9 A zawng namkim suang panih la in, Isarel miphun nam heinih cu,
|
||
\v 10 U pa le naupang in suang panih hum ah miphun min paluk ten lai in ngan tuk hi.
|
||
\v 11 Seal tacik hum ah lai ngat mi bang suang a bawl mi na dehnak tuah Isarel tei min cu mahmi suang panih hum ah lai ngan in sui suang bel sungah koih tuk.
|
||
\v 12 Isarel miphun te phawk le leng tuk in suang panih cu awmbelh khaih nak khau hum ah belh tuk.
|
||
\v 13 Suang manpha bel te cu sui tuah bawl tuk.
|
||
\v 14 A tawp nak ah a belh mi khau panih cu sui tuah hual in a bawl cengten, suang bel tuah ken cih tuk.
|
||
\s Thukhen nak awmdat
|
||
\v 15 A pawl, a sandup, a san le sui tuah mawi zet in tah mi puan nem thukhen nak awmdat cu awmbelh khaih bang a dang cuang bawl in.
|
||
\v 16 Veinih hep in a sau lam khapkhat, a vang khapkhat, a ningkil li hi tuk hi.
|
||
\v 17 Awmdat a sin cu suang manpha tuanli in bawl tuk. A pakhat nak a tuan cu suangsan, suang man dawm pawl, carbuncle,
|
||
\v 18 A tuan nih nak cu suang manpha, sapphire, dimond,
|
||
\v 19 A tuan thum nak cu jacinth, agate, amethyst,
|
||
\v 20 A tuan li nak cu beryl suang, a zawng namkim suang manpha, jasper suang a hih hang, hi hempoh te cu a mawi zet mi sui khau bawl tuk.
|
||
\v 21 Isarel miphun heinih a um bang seal tacik hum ah lai a ngat bang in, mahmi suang hum ah min heinih a tel mite cu koih in suang pakhat ah min pakhat tel tuk hi.
|
||
\v 22-25 Awmdat a hum ning panih ah sui kawn beem panih hei hihen, khau hual zang nih a bawl cengten, sui kawn bem sungah belh in awmbelh khaih hum ah a um mi suikhau ah ken cih tuk.
|
||
\v 26 Sui a kawnbem panih bawl in awmbelh khaih a nuai lam mawk ah a um mi awmbelh khaih nuai a ning panih ah belh tuk.
|
||
\v 27 A dang sui kawnbem panih vang bawl in, awmbelh khaih a mai nuai lam a mawk ah a dang cuang mi awmkhih nak a hum mawk ah peh in awmbelh khaih a lang le lang ah belh tuk.
|
||
\v 28 Awmdat sui kawn bem panih cu awmbelh khaih tuah cem in khaupawl tuah ken cih tuk.
|
||
\v 29 Aaron in a thiangtho umnak mun ah a luh tum ten, Isarel miphun ten Pathian cu a cat ngawl phawk tik tuk in, thukhen nak awmdat a tel mi a min haw te cu na thinlung sungah kem in.
|
||
\v 30 Thukhen nak awmdat sungah Urim le Thummim cu koih un. Aaron cu Pathian mai ah a luh tum ten, a thinlung sungah Urim le Thummim a um hang, Isarel miphun tei sual thu a khen nak cu Pathian mai, a thinlung hum ah koih hi.
|
||
\s Thiampi tei silh tuk mi puan
|
||
\v 31 Awmbelh khaih tuah a seng mi angki cual cu puan than a pawl tuah bek in bawl tuk.
|
||
\v 32 Angki cual cu a ngawng holh tel hang ngawng holh bal tik tuk ngawl in, thik ngawng holh belh mi bang tah mi puan than tuah belh tuk.
|
||
\v 33 A pawl, mepian, a sandup tuah bawl mi tale ngah te le sui te cu a nuai lam mawk kim hempoh ah,
|
||
\v 34 Tale ngah pumkhat, sui pumkhat ten dan in a dan kel bawl bang in dok tuk.
|
||
\v 35 Aaron cu na a deh ten a thiangtho umnak mun Pathian mai ah a tum le a tul ten, thihnak pen luat tuk in mahmi angki cual silh in a ma aw cu za tuk hi.
|
||
\v 36 Sui a ngek cu bawl in seal tacik hum ah lai a ngat mi bang Pathian cu a thiangtho hitin lai ngan in,
|
||
\v 37 Khau pawl le lupawng mai ah ken tuk.
|
||
\v 38 Aaron in a cal ah belh in Isarel miphun tei a thiangtho mi a lu cu a thiangtho mi hempoh sungah a tel mi sualnak cu keng tuk. A mun Pathian thinllung tawkin Aaron cal ah a cat ngawlin belh tuk.
|
||
\v 39 Puan nem angki vang cu a zawng tuah mawi zet in takcih tuk. Lupawng cu puan than nem tuah bawl tuk. Taipom cu a coih tuah mawi zet takcih tuk.
|
||
\v 40 Aaron caten minthan nak lang tukin angki, taipom, lukhu te bawl sak tuk.
|
||
\v 41 Mah tihcun na U Aaron le a cate silh tik cengten a mun ka mai ah thiampi na dek tukin, a muhte cu sathau a noih hang, hihnak ah pia in thiangtho tik tuk.
|
||
\v 42 A muhtei sungah zahcak nak thu lang tuk ngawl in a el pen pan a kawng tian bawngbi khui tuk.
|
||
\v 43 Aaron le a caten mipi hulopnak puanbuk sungah a luh tum ten hei hihen, a thiangtho umnak sung biakpiak nak bul ah a nek ten hei hihen, sual nak a hen hang thi tuk ngawl in mah tihbang in silh tuk hi. Aaron in a tu le canawn hempoh a cingkep mi thukham hi.
|
||
\s Thiampi tei biakpiak a bawl tuk nganhing te
|
||
\c 29
|
||
\p
|
||
\v 1 A mun ka mai pen thiampi na deh tuk itihbang in thiangtho tuk tih mi cu son bang a um ngawl mi khui no a cang le tuu no panih hei hihen,
|
||
\v 2 Naman sawh ngawl mi sangvut moh, naman sawh ngawl sathau tuah bawl mi sangvut moh pheng, naman sawh ngawl sathau noih mi sangvut moh te la in hi.
|
||
\v 3 Moh te cu kho pakhat sungah koih cengten khui pakhat, tuu panih tuah keng in.
|
||
\v 4 Aaron le a caten mipi hulopnak kongka pi bulah sam in ti bual tuk.
|
||
\v 5 Puan te la in, angki, angki cual, awmbelh khaih, awmdat te tuah Aaron cu silh tik in a dang cuang mi awmbelh khaih tuah ken tuk.
|
||
\v 6 A lu hum ah lungpawng khim in a thiangtho mi lupawng cu khimzet in velh tuk.
|
||
\v 7 Mah ten a noih tuk sathau la in a lu hum pen a buak hang, a mah cu noih tuk.
|
||
\v 8 A cate vang sam in angki silh tik tuk.
|
||
\v 9 Taipom vang het in lukhu vang a khuk tik cengten, a mun kumkhua thukham bang in thiampi hihnak tuah seng hi. Mah tihcun Aaron le a caten thiampi hihnak ah pia tuk hi.
|
||
\v 10 Mah cengten khuicang pakhat cu mipi hulopkhawm nak deubuk mai ah pui in, Aaron le a caten a muhtei khut cu khui lu hum ah nga haw tuk hi.
|
||
\v 11 Mipi hulopnak deubuk kongka bul Pathian mai ah khui cu that tuk.
|
||
\v 12 A thisan cu la in biakpiak nak ki ah khut mikawk tuah a koih cengten, a tanglaih mi thisan cu biakpiak nak a ke bulah lei tuk.
|
||
\v 13 A ngil tuam tu a thau hempoh, a thin humah a um mi pangpan, a kal panih le a kal thau cu la in biakpiak nak hum ah mei hal tuk.
|
||
\v 14 Khui sa, a vun, a ngilkha te cu ngiah pual a pawlam pen mei hal tuk. Sual hah biakpiak nak hi.
|
||
\v 15 Tuu cang pakhat keng in Aaron le a caten a khut cu a lu hum ah nga tuk hi.
|
||
\v 16 Tuu a thah cengten a thisan cu la in biakpiak nak a hum a mawk elkim hempoh theh tuk.
|
||
\v 17 Tuu vang a tum a tang cen in a pum sungah a um mi le a ke te som cengten a lu le sa cu koih in,
|
||
\v 18 Tuu pumkhat cu biakpiak nak hum ah mei hal tuk. Pathian mei hal biakpiak nak hi.
|
||
\v 19 A dang tuu te vang la in Aaron le a caten a khut cu tuu lu hum ah nga tuk.
|
||
\v 20 Tuu a thah cengten a thisan la in Aaron taklam khut bul thingpek ah hei hihen, a catei taklam khut bul thingpek ah hei hihen, a muhtei khutpi bulah hei hihen, a taklam a kepi ah hei hihen koih in biakpiak nak a hum elkim hempoh ah theh tuk.
|
||
\v 21 Biakpiak nak hum ah a um thisan tuah noih tuk mi sathau la in Aaron le a ma puan sungah hei hihen, a cate le a muhtei puan ah hei hihen a theh hang, Aaron le a cate, a puan te thiangtho tik haw tuk hi.
|
||
\v 22 Mahmi tuu cu a hihnak ah a piak mi tuu a hih hang a thaukhal, a mei, a ngil tuam a thau, a thin hum ah a um mi a pangpan thau, a kal panih le a kal tuam tu a thau, a taklam a dak,
|
||
\v 23 Pathian mai ah koih mi naman sawh ngawl moh kho sung pen moh pakhat, sathau tuah bawl mi moh pheng pakhat, mohcut pakhat cu la in,
|
||
\v 24 Aaron khut le a catei khut sungah mahmi thu a koih cengten, Pathian mai ah a hing mi biakpiak nak bawl tuk.
|
||
\v 25 Mahmi thu cu a muhtei khut pen bawl in Pathian mai ah ngimnam tui cang tuk in biakpiak mei hal nak hum ah hal tuk. Pathian cu mei tuah bawl mi biakpiak nak hi.
|
||
\v 26 Aaron hihnak ah a piak mi tuu hi a awm cu la in Pathian mai ah a hin hang, a hing mi biakpiak nak a bawl cengten, tuu awm cu nangma ca tuk hi.
|
||
\v 27 Mah tihcun Aaron le a catei ca a piak mi tuu sung pen a hing mi biakpiak nak bawl in, a hing mi a awm hei hihen, a dang in biakpiak bawl hang a hing mi a awm hei hihen, a dang mi a dak hei hihen, a thianlim tik cengten,
|
||
\v 28 Mahmi a awm, a dak cu kumkhua thukham bang in Isarel miphun a piak mi Aaron ca, a catei ca tuk hi. Isarel miphun tei bawl mi pawlkom biakpiak nak sung pen Pathian mai ah a dang a hih hang, a dang in biakpiak nak hi.
|
||
\v 29 Aaron hi a thiangtho mi puan cu a caten lo a co hang, sathau noih nak thupha le thiampi hihnak ah a piak ten, silh tuk hi.
|
||
\v 30 Aaron ai in thiampi a bawl tu capa cu a thiangtho mi umnak sungah na dek tuk in, mipi hulopnak deubuk ah a luh tum ten ni salih sung silh tuk.
|
||
\v 31 A teksa sungah a koih mi tuu sa cu la in a thiangtho mi umnak pen a huan cengten,
|
||
\v 32 Aaron le a caten mahmi a cik hei hihen, kho sung koih mi moh hei hihen, mipi hulopnak buk kongka bul pen ei haw tuk hi.
|
||
\v 33 A muhte cu thiangtho tik in a hihnak ah pia tuk in sualhah nak thupha tuah a seng mi hempoh cu a mun ei haw tuk hi. Mahmi thu hempoh a thiangtho hang, a seng kha ngawl miten ei tuk ma hi.
|
||
\v 34 Thiampi hihnak tuah a seng mi cik hei hihen, moh hei hihen, zinglam tian a tang tale a val cu mei hal tuk. A thiangtho hang a kua mah in ei tuk ma.
|
||
\v 35 Mah tihcun ka thukham piak mi bang Aaron le a caten a bawl hang, thiampi hihnak ah piak mi thupha cu ni salih sung bawl tuk hi.
|
||
\v 36 Mah bek sial ngawl sual hah tuk nisial khui cang pakhat pia in, sual hah biakpiak nak bawl tuk. Mah tihcun biakpiak nak ca sual hah nak bawl cengten biakpiak nak cu thiangtho tik tuk. Mah ten thiangtho tik tuk in sathau tuah noih tuk.
|
||
\v 37 Ni salih sung biakpiak nak tuk sualhah nak bawl in a thiangtho cengten, a thiangtho zet mi biakpiak nak a hih hang, mahmi biakpiak nak a mu tu hempoh a thiangtho mi hi tuk hi.
|
||
\v 38 Biakpiak nak hum ah a piak mi cu sonbang um ngawl mi tuu no panih keng in,
|
||
\v 39 Nisial a cat ngawl zinglam ten pakhat, zan lam ten pakhat biakpiak nak bawl tuk hi.
|
||
\v 40 Tuu no pakhat biakiak nak bawl ten, olive ngah huahkeh in a ngah mi olive thau cu khuat thum tuah tok hel mi moh ngawivam Ome khat hei hihen, buak suk in biakpiak nak tuk cabit khuat thum hei hihen, tuu no tuah biakpiak nak cu bawl tuk.
|
||
\v 41 A dang tuu no te zan lam in biakpiak nak bawl ten, zinglam biakpiak nak cu a buak suk in biakpiak nak a tel mi bang, Pathian cu meihal nak pia in ngimnam tui biakpiak nak bawl tuk hi.
|
||
\v 42 Mah tihcun a tu le canawn ten nangmah le keimah otpih nak mun, Pathian mai ah mipi hulopkhawm nak deubuk kongka bul ah a cat ngawl in meihal biakpiak nak bawl haw tuk hi.
|
||
\v 43 Mah lai munah Isarel miphun te tuah keimah tawkdun in, ka minthannak hang a muhte cu thiangtho tik hi.
|
||
\v 44 Ka mai ah thiampi na dek tukin Aaron le a cate hei hihen, mipi hulopkhawm nak deubuk hei hihen, biakpiak nak hei hihen, keiman thiangtho tik tung.
|
||
\v 45 Isarel miphun tei lakah kei cu um in a muhtei Pathian hi tung.
|
||
\v 46 Kei cu a muhtei sungah um tukin a muhte Izip ngam pen pan tu, a muhtei Topa Pathian hihnak thu cu a mun thei haw tuk hi. Kei cu a muhtei Topa Pathian ing hitin, Mosi cu thupia hi.
|
||
\s Ngimnam tui nak mun sui meihal biakpiak nak taitan
|
||
\c 30
|
||
\p
|
||
\v 1 Ngimnam tui mei hal biakpiak nak cu shittim thing tuah bawl tuk.
|
||
\v 2 Mahmi biakpiak nak cu a sau lam tongkhat, a vang tongkhat, a ningkli li bang ten in a sang lam tongnih um tuk. Ki te vang shittim thing tuah bawl tuk.
|
||
\v 3 Biakpiak nak a hum lam pang, a ki cu sui a ngek tuah a belh hang, a hum lam a mawk elkim belh mi sui te vang bawl tuk.
|
||
\v 4 Sui van nuai, biakpiak nak a ningah sui zung but panih bawl in biakpiak puak nak tuk hi.
|
||
\v 5 A puak nak te cu shittim thing tuah bawl in sui tuah belh tuk.
|
||
\v 6 Kei cu nangmah ka tawhnak mun, thiehpih nak thukham thingkuang up mi kalaka mai ah mahmi biakpiak nak ah koih tuk.
|
||
\v 7 Aaron cu zing sial meikhuat te a bawl ten biakpiak nak hum pen ngimnam hempoh hal tuk hi. Mah tihcun nang muhtei tu le canawn ten Pathian mai ah a cat ngawl in bawl mi ngimnam tui hal mi hi.
|
||
\v 8 Zanlam ten hei meikhuat te a vak ten biakpiak nak hum ah ngimnam tui hal tuk.
|
||
\v 9 Biakpiak nak hum ah a dang ngimnam tui hal tuk ma. Mei hal biakpiak nak bawl tuk ma. Buaksuk in bawl mi biakpiak vang bawl tuk ma.
|
||
\v 10 Aaron in kum khat ten veikhat sualhah nak nganhing thisan la in, biakpiak nak ki te cu sualhah nak thupha bawl tuk hi. Nohtei tu le canawn ten kumkhat veikhat cu mah tihbang in bawl haw tuk hi. Pathian cu a thiangtho zet mi biakpiak nak hi.
|
||
\s Sum tuah a nunnak tan tuk
|
||
\v 11 Pathian in Mosi thu a piak mi cu,
|
||
\v 12 Isarel miphun te mipum sial in cazin a lak ten, haksat nak pen a luat tuk thu hempoh a nunnak tan tukin a man cu Pathian nelah ap tuk hi.
|
||
\v 13 Cazin a sial mi hempoh te sum tuah shekel a lang cu Pathian pia tuk. Sum cu gerah kul hi.
|
||
\v 14 Kum kul a val mi hempoh cazin sungah tum in, mah tihbang mi biakpiak nak cu Pathian nelah bawl tu.
|
||
\v 15 A nunnak tan tuk in Pathian cu biakpiak a bawl ten, sum ngah thei mite cu tam pia cuang ma hi. Mizawng te vang kiam cuang ngawl in mi hempoh shekel a lang ten pia tuk hi.
|
||
\v 16 Isarel miphun tei tat nak sum cu la in a mu nunnak tan tuk in Pathian mai ah Isarel miphun tei theihpih nak tuk, mipi hulopkhawm nak mun deubuk ca man tukin koih un hitin, thupia hi.
|
||
\s Dal kuangkum
|
||
\v 17 Pathian in Mosi nelah a piak leh mi thu cu,
|
||
\v 18 Aaron le a catei khut somnak tuk dal ke a nei mi dal kuangkum bawl in, mipi hulopkhawm nak buk le biakpiak nak lak lawh ah koih in.
|
||
\v 19 A mun mipi hulopkhawm nak deubuk sungah a luh tum ten in hihen,
|
||
\v 20 Na dek in Pathian cu mei hal biakpiak nak bawl in biakpiak nak bulah a nek mi hei hihen,
|
||
\v 21 Thihnak pen luat tuk in hihen, a muhtei khut cu som tuk hi. Mah tihcun a muhte le a muhtei miphun tu le canawn ten a cingkep mi dan thukham hitin, thupia hi.
|
||
\s Noih tuk mi sathau
|
||
\v 22 Pathian in Mosi nelah thu a piak leh mi cu,
|
||
\v 23 Nang cu a sunglawi mi ngimnam tui cuai tuah shekel teh in a ngek mi myrrh nai shekel zanga, cinnamon nai ngimnam tui zanih shekel sawmnga, ngimnam tui calamus zanih shekel sawmnga,
|
||
\v 24 Cassia shekel sawmnga, Olive thau hin khat keng in,
|
||
\v 25 Sibawi thiamnak tuah tok hel noih tukin a thiangtho mi ngimnam tui tuah toh hel cengten,
|
||
\v 26 Mipi hulopkhawm nak buk le theihpih nak thingkuang hei hihen,
|
||
\v 27 Cabuai le cabuai van a um mi hempoh hei hihen, meikhuam le meikhuam van hempoh hei hihen, ngimnam tui hal mi biakpiak nak,
|
||
\v 28 Mei hal biakpiak nak le biakpiak nak van hempoh hei hihen, kuangkum le kuangkum ke a nei mi hei hihen, mahmi ngimnam tui thau tuah noih in,
|
||
\v 29 Mahmi te cu thiangtho zet tukin mah tihcun a thiangtho in bawl tuk mi hi.
|
||
\v 30 Aaron le a cate cu noih in a mun ka mai ah thiampi na dek tuk in thiampi hihnak ah pia tuk.
|
||
\v 31 Isarel miphun te hilh leh tuk mi thu cu, nohtei tu le canawn hempoh sungah hi sa thau cu ka ca a thiangtho mi noih tuk in sathau hi tuk hi.
|
||
\v 32 Mihing pumpi hum ah buak tuk ma. Mahmi sathau toh hel mi bang a dang sathau toh hel tuk ma. A thiangtho a hih hang thiangtho hitin, ngaihsut tuk mi hi.
|
||
\v 33 Mahmi sathau tuah bang ve tuk in a tok hel tupa, a seng kha ngawl mihing a noih tupa cu a miphun pen hawlvawk tuk hitin, thupia hi.
|
||
\s Ngimnam tui
|
||
\v 34 Pathian in Mosi thu a piak leh mi cu ngimnam tui phunkim te, stacte, onycha, galbanum, frankincense a ngek cu a bang ve cuai teh in,
|
||
\v 35 Sibawi thiamnak tuah si tok hel thiam te bang tok hel in a thiangtho mi ngimnam tui hempoh tok hel tuk hi.
|
||
\v 36 A dang te vang ngawi vam cengten kei cu nangmah tuah tawhnak mun mipi hulopkhawm nak deubuk sung theihpih nak mai ah koih in. Nohten thiangtho zet in um tuk.
|
||
\v 37 Mah tihcun ngimnam tui hempoh toh hel bang in a dang ngimnam tui hempoh te mai ca tuk tok hel in bawl tuk ma. Nohten Pathian ca thiangtho tuk.
|
||
\v 38 Mihing pakhat in a ma ca mei hal tuk in, mahmi ngimnam tui tuah a bang ve in tok hel hi. A mah cu a miphun pen hawlvawk co tuk hitin, thupia hi.
|
||
\s Bezelel le Oholiab
|
||
\c 31
|
||
\p
|
||
\v 1 Pathian in Mosi thu a piak leh mi cu,
|
||
\v 2 Ngai in. Kei man Judah miphun Hur capa a himi Ur capa Bezelel cu a min tuah pia ing.
|
||
\v 3 Cihthiam nak tuah theihnak namkim kei man pia in a dang lam cuang na dek thiam tuk in,
|
||
\v 4 A mah cu sui, ngun, dal si luan thiam cihnak,
|
||
\v 5 Suang tat thiamnak, thingsui in zuk suai thiamnak cu Pathian hawvang tuah in dim tik hi.
|
||
\v 6 A mah le Dan miphun A-his’amach capa, Oholiab cu keiman pia ing. Keiman nangmah thu ka cah mi thiamnak a nei tu hempoh ten bawl thiam tuk in, a muhtei thinlung sungah kei man thuang zo ing.
|
||
\v 7 A muhte cu mipi hulopkhawm nak deubuk, theihpih nak thukham thingkuang, thingkuang hum ah hehpih nak tohkham, deubuk van a um mi hempoh te hei hihen,
|
||
\v 8 Cabuai le cabuai van hempoh te hei hihen, a thiangtho mi mei khuam le mei khuam van hempoh te hei hihen, ngimnam tui mei hal biakpiak nak,
|
||
\v 9 Mei hal biakpiak nak tokham van hempoh te hei hihen, kuangkum le kuangkum a ke nei mi hei hihen,
|
||
\v 10 Na deh puak nak tuk puan, thiampi na deh ten thiampi Aaron le a catei silh tuk in a thiangtho mi puan hei hihen,
|
||
\v 11 Noih tuk in sathau le a thiangtho umnak sungah man tuk ngimnam tui hei hihen, ka cah mi hempoh bang bawl tuk uh ci tin, thupia hi.
|
||
\s Colhni cingkem un
|
||
\v 12 Pathian in Isarel miphun tei lakah a piak leh mi thu cu,
|
||
\v 13 Kei man nohte cu a thiangtho mi Pathian hihnak thu nohten thei tuk in kei mah le nang muhtei tu le canawn lak lawh ah sialsiah theihpih nak tuk ka colhni cu a thungai in cingkem un.
|
||
\v 14 Colhni cu nohten a thiangtho hang mahmi ni cu cingkem tuk uh ci. Colhni a siat suah tu hempoh thi tuk hi. Mahmi ni in na a dek tu cu a miphun pen lawl co tuk hi.
|
||
\v 15 Niluk sung na dek tuk hi. Ni salih ni cu Pathian thiangtho a hih hang daiden no colhni hi. Colhni in na a dek tu cu a thungai in thi tuk hi.
|
||
\v 16 Mah hang Isarel miphun tu le canawn ten kumkhua thukhaam cang tik tuk colhni sial colh tukin cingkep tuk mi hi.
|
||
\v 17 Mah tihbang in a cingkem tale kei mah le Isarel miphun tei lak lawh ah kumkhua sialsiah theihpih nak hi tuk hi. Itahum titale, Pathian in vanhum le leihum cu ni luk sung a bawl hang, ni salih ni cu daiden no thazang dim tuk hitin, Mosi cu thupia hi.
|
||
\v 18 Mah tihcun Pathian in Sinai mual hum ah Mosi tuah otpih dun nak a tawp ten, a khut zung tuah lai a ngat mi theihpih nak suang phek panih cu pia hi.
|
||
\s Sui khui zuk bawl in thukam a pelhnak
|
||
\c 32
|
||
\p
|
||
\v 1 Mosi mual hum ah ngeipi a umnak thu cu mipi ten a theih haw ten, Aaron nelah hulawmkhawm in, ding in. Ohtei mai ah a hawh mi pathian te cu ohtei ca tuk bawl in. Ohte Izip ngam pen pan tu Mosi cu itihbang in um hum tih cu ohten thei ma hung hitin, ti haw hi.
|
||
\v 2 Aaron in na nupi le canu tei bengbet khaih cu duk un na, kei ma nelah pia un hitin a tih ten,
|
||
\v 3 Mipi ten a muhtei bengbet a khaih mi sui cu duk in Aaron nelah pia haw hi.
|
||
\v 4 Aaron in sang in, khui no milim zuk cu thik hiam zum tuah lai a ngat cengten luan hi. Mipi ten, Isarel miphun te aw, hi pathian in nang cu Izip ngam pen a suah tul tu na pathian hitin, ti haw hi.
|
||
\v 5 Aaron in mahmi thu a muh ten zuk milim mai ah biakpiak nak bawl in, a zing ten Pathian ca puai bawl tuk mi ni hitin ngiahbuk elkim hempoh thuthan tik hi.
|
||
\v 6 A zing ten khawma no mipi te tho in mei hal biakpiak nak, pawlkom biakpiak nak te a bawl cengten, an ei in um haw. Mah cengten lungdam lam tuk in ding haw hi.
|
||
\v 7 Pathian in nang cu tolhsuk ten hi. Izip ngam pen na suah tul mi na miphun ten thukam pelh haw zo hi.
|
||
\v 8 Ka thu cah mi lamzin pen man lang zet pial in khui no zuk a luan cengten Isarel miphun te aw, hi pathian cu nangmah Izip ngam pen lamhuai tu pathian hitin tiin, zuk milim mai ah biakpiak nak bawl haw zo hi tih hei in hihen,
|
||
\v 9 Hi miphun te kei man mu zo ing. Lungmu ngeng miphun te haw hi.
|
||
\v 10 Mah hang kei mah cu um hih ta poh hen. Kei cu thinuuk in a muhte siat suah tung hi. Nang cu miphun pi cang tik tuk in hihen, Mosi cu thupia hi.
|
||
\v 11 Mosi in Pathian aw, Topa huham thawmngeng nak khut tuah Izip ngam pen lamhuai tu Topai miphun te ita thinuuk zet um nge cim?
|
||
\v 12 Izip miphun ten Pathian ngaihsut nak pha a um ngawl hang a muhte cu ngam lak mual hum ah that in leihum pen that nuam in lamhuai hitin ita sonnak thu nei thei cim? Na sezet thinuuk nak cu lawl poh in hi. Topai miphun sungah hitihbang sual thukhen nak thu sik in hi.
|
||
\v 13 Topan, nohtei miphun te cu vanhum aksi bang in pungzai tik tuk hi. Ka hilh sa mi hi lei umnak hempoh na miphun te kei man ka piak hang, a mun a cat ngawl lo co haw tuk hitin mah le mah thukam nak a son sa mi Topa sila Abraham, Isak, Isarel te cu phawk leh in hitin a Topa Pathian mai ah ngen hi.
|
||
\v 14 Pathian in a miphun tei sual thukhen tuk a ngaih sut cu sik hi.
|
||
\v 15 Mosi in theihpih nak thukham suangpheng panih keng in mual hum pen tolh suk hi. Mah suangpheng panih mai ah lai ngat um hi.
|
||
\v 16 Mah mi suangpheng cu Pathian bawl mi suangpheng, lai vang Pathian ngat mi lai hi.
|
||
\v 17 Mipi tei aunak aw cu Joshua in a zak ten ngiahbuk sungah ngaldo nak thawm za ing hitin, Mosi cu ti hi.
|
||
\v 18 Mosi in, ka zak mi awn thawm cu nehnak awn thawm hima hi. Ngal sungin aunak awn thawm vang hima hi. Lasak nak aw hitin, don leh hi.
|
||
\v 19 Ngiahbuk el ah a hen ten khui no hei hihen, lamnak cu a muh ten Mosi a thinuuk suangpheng cu koih in mual bul pen sukeh hi.
|
||
\v 20 A muhtei bawl mi khui no zuk milim la in hal kang a tuizung tik hi. Sukeh niknek cengten tui hum ah theh in Isarel miphun te in tik hi.
|
||
\v 21 Aaron vang sam in nang cu a muhtei sungah hitihzah tian in sual nak ngeng mi heng tik tukin a mun nangmah cu itin bawl hum tin a dot ten,
|
||
\v 22 Aaron in topa aw, na thinuuk pah sin. Hi miphun ten a pha ngawlmi ngaihsut nak a neih mi thu cu nangman thei ci.
|
||
\v 23 A mun, ohtei mai ah a hawh mi pathian te kohtei ca bawl in. Kei muhte Izip ngampen pan tu Mosi cu itihbang in um hum tih kohten thei ma ung hitin ka nelah a son haw ten,
|
||
\v 24 Kei man sui a nei mite cu duk un hitin tih mi bang a muhtei piak mi sui cu kei man mei sungah koih cengten hi khui no zuk suak tul hitin, don leh hi.
|
||
\v 25 Mah tihcun Aaron in mipi te cu ngal tei mai ah a van te a duk tik hang, van silh ngawl thacang a um mi cu Mosi in a muhten,
|
||
\v 26 Ngiahbuk kongka pi ah ding in Pathian lam ah a kua um hum? Ka nelah hung tik in hitin a tih ten Levi miphun hempoh a ma nelah hulawm haw hi.
|
||
\v 27 Mosi in, a kua a bang in nam pai in ngiahbuk kongka pi pen kongka pakhat tian ah a U le nau, a ngualcam phial mi hempoh, inn nel lo nel hempoh that un tin Isarel miphun tei Topa Pathian in thupia hitin,
|
||
\v 28 Mosi thu piak nak bang Levi miphun hempoh ten bawl in, mahmi ni in mihing thawngthum pawl thi haw hi.
|
||
\v 29 Mosi in Pathian cu tu ni thupha pia tuk nohtei venghawng in na capa, na U le nau hang nohten tu ni in thangphat zo uh ci tin, ti hi.
|
||
\v 30 Zingten in nohtei bawl mi sualnak cu ngeng zet hi. A tuin Pathian nelah kei cu hawh in nohtei sualnak hahsak thei pang tale sual hahsak tik tuk in bawl tung hitin, Mosi in mipi te a hilh cengten,
|
||
\v 31 Pathian nelah hawh leh in Pathian aw, hi miphun te a sual cu ngeng zet hi. A muhtei ca tuk pathian bawl haw zo hi.
|
||
\v 32 Mah naven, a muhtei sual luat tukin na deihnak a um tale luat tikin hi. Mah ahima tale Topa thukhen nak cazin pen ka min cu lawl in. Kei man hehpih ngen ing hitin a tih ten,
|
||
\v 33 Pathian in, mihing pakhat in kei cu sual hi. A min cu ka cazin sung pen keiman lawl sak tung hi.
|
||
\v 34 Mah hang thu ka cah nak mun ah a tuin a muhte hawhpih in lamhuai in. Ka vancung mi cu na mai ah hawh tuk hi. Mah naven, kei man zo tuk ka hen ten a muhtei sungah sual thukhen in hung hitin, ti hi.
|
||
\v 35 Aaron le a miphun ten khui no zuk a bawl haw hang a muhte cu dantat hi.
|
||
\c 33
|
||
\p
|
||
\v 1 Pathian in nangmah le Izip ngam pen na pui mi mihing te hi lai mun pen suak in na miphun cu kei man pia tung hitin Abraham, Isak, Jakop ka thukam mi ngam ah hawh un.
|
||
\v 2 Vancung mi cu na mai ah kei man hah in a man Kanaan miphun, Amor miphun, Hit miphun, Periz miphun, Hiv miphun, Jebus miphun te hawlvawk in,
|
||
\v 3 Khuinawi le khuai tui luannak ngam ah nang muhte lam huai tung. Nang muhte tuah kei mah loli in hawh tuk ma hi. Nohte cu lungmu ngeng miphun na hih uh hang, lamzin hawh laih hei in nang muhte kei man siatsuah tuk launak um hitin, Mosi cu thupia hi.
|
||
\v 4 Mah thuthangpha ngawl cu mipi ten a zak haw ten kahnak tuah ita puan silh ngawl in um haw hi.
|
||
\v 5 Tahum titale, Pathian in nangmah cu Isarel miphun te na hilh tuk mi thu nohte cu lungmu ngeng miphun hi uh ci. Nohtei umnak ah kei cu heng cop in siatsuah tung. Mah hang nohten itihbang ka bawl tuk mi cu kei man thei tuk in, nohtei van te duk un tin Mosi nelah hilh ham zo hi.
|
||
\v 6 Iserel miphun ten Horeb mual bul ah a muhtei van te duk haw hi.
|
||
\s Hulopkhawm nak buk
|
||
\v 7 Mosi in deubuk cu keng in ngiahpual a pawlam khuala kang nak mun ah a sak cengten, mipi hulopkhawm nak buk tin sam hi. Pathian a zei tu hempoh ngiahbuk pawlam ah a um mipi hulopkhawm nak deubuk sungah hawh haw.
|
||
\v 8 Mosi cu deubuk sung pen a tul ten mipi ten ding in, a muhtei um nak deubuk kongka pi ah dingin deubuk sungah Mosi a luhtum tian zo in um haw.
|
||
\v 9 Mosi cu deubuk sungah a luh tum cengten, meingo khuam cu tolhsuk in deubuk kongka pi mai ah a din ten Pathian in Mosi cu otpih hi.
|
||
\v 10 Deubuk kongka pi ah meingo khuam ding a muh ten, mipi hempoh dingin a muhtei buk kongka tek pen bia haw.
|
||
\v 11 Pathian in a ngualcam te a otpih bang in Mosi tuah maicang hek dun in otpih hi. Mosi cu deubuk sungah a luh tum leh ten, a mah bawm tu Nun capa Joshua tangval pa cu deubuk sung pen tul ngawl in um hi.
|
||
\s Pathian minthan a co tu Mosi
|
||
\v 12 Mosi in, hi miphun te lamhuai in hitin Topan thu a piak ten, kei mah tuah a kua hah cim tih mi cu kei man thei mang hi. Mah naven, Topan nang cu na min tuah kei man thei ing hi. Nang cu ka mai ah mitmai pha ngah zo ci tin, kei mah cu thupia zo hi.
|
||
\v 13 Mah hang, kei cu na mai ah mitmai pha ka co tale mitmai pha ngahnak thu kei man thei tuk in, Topa na lamzin cu kei mah lak in. Hi miphun te Topai mihing a hihnak thu ngaisung in. Kei man hehpih ngen ing hitin, Pathian cu ti hi.
|
||
\v 14 Kei mah loli hawh in daihnak pia tung hitin, thupia hi.
|
||
\v 15 Mosi in Topa a mah a hawh ma tale kohte hi umnak munpen lamhuai ma hen.
|
||
\v 16 Kei mah le Topai miphun ten na mai ah mitmai pha ngahnak thu itihbang in lang tuk hum? Kohte tuah a hawh tupa hang bek lang tuk hima maw. Mah tihcun kei mah le Topai miphun ten leihum ah a um miphun hempoh te tuah a danglam nak um tuk hitin a tih ten,
|
||
\v 17 Pathian in na nget nak bang kei man bawl tung. Nang cu ka mai pen mitmai pha ngah zo ci. Nang cu na min tuah kei man thei ing hitin, Mosi cu thupia hi.
|
||
\v 18 Mah cengten Topai minthan nak cu kei mah lak in. Kei man ngen ing hitin a tih ten,
|
||
\v 19 Pathian in ka phat nak hempoh na mai ah kei man hawh tik tung. Pathian min cu na mai ah kei man au pih tung. Kei man ka hehpih nuam mite cu hehpih tung. Ka ningnat nuam mite cu ningna tung.
|
||
\v 20 Mah hang nang cu ka mitmai mu tuk ma ci. Ka mitmai na mu tale a nung mi pakhat no hei um tuk ma hi tih hei in hihen,
|
||
\v 21 Ka bulah umnak pakhat um hi. Nang cu suang hum ah ding tuk ci.
|
||
\v 22 Ka minthan nak na nget ten, nang cu suang sungah kei man koih tum ka hawh laih tak nangmah cu ka khut tuah hup tung.
|
||
\v 23 Khut ka dok kik leh ten ka nunglam bek mu tuk ci. Ka mitmai mu tuk ma citin, thupia hi.
|
||
\s A thak mi suangpheng
|
||
\c 34
|
||
\p
|
||
\v 1 Pathian in a masa suangpheng panih tuah a bang ve tuk in suangpheng panih bawl in. Na suk keh sa mi a masa suangpheng ah awnkam ngat mi bang suangpheng hum ah ngan tung hi.
|
||
\v 2 Zingten khawma no a mansa um in, Sinai mual hum ah kai to in mual lek ka mai ah lak in.
|
||
\v 3 Nangmah tuah a kua mah kai to tuk ma. Mual pi sungah mihing lang tik pah sin. Mual bulah khui te khal pah sin hitin, Mosi cu thupia hi.
|
||
\v 4 Pathian thupiak mi bang a masa suangpheng tuah bang ve tuk in suangpheng panih a bawl cengten, Mosi cu zing khawma no tho in, mahmi suangpheng panih keng in Sinai mual hum ah kai to hi.
|
||
\v 5 Pathian cu meingo tuah a tolh suk ten, mah lai umnak Mosi bul ah ding in Pathian min cu au hi.
|
||
\v 6 Pathian cu Mosi mai ah heng in Pathian, Pathian hehpih itnak tuah a dim mi thinsau nak, ningnat nak, thuman tuah a dim mi,
|
||
\v 7 Mihing thawng tampi tei lakah lainat hehpih nak a cingkem tu phat ngawlnak tuah a ngamtat nak, a thukham palcat nak, bawl sual khelhnak hempoh hah sak naven, a thawnthong in sualhah nak a nei ngawl tu le canawn khang thumpeh, khangli peh tian a pu le pa tei sualnak a ca tei lakah thukhen nak a pia thei tu Pathian hitin, au hi.
|
||
\v 8 Mosi in a man lang lukun bia in,
|
||
\v 9 Pathian aw, kei cu na mai pen mitmai pha ka ngah tale ka Topa cu kei mah tuah langkhat in um hen, kei man ngen ing. Hi miphun te cu lungmu ngeng miphun a hita vang, kohtei bawl khelh mi sual nak te hah sak in kohte cu Topa nangma lo co tuk kem in hitin a tih ten,
|
||
\v 10 Pathian in zo in. Ka thukhaam bawl ing. Leihum miphun sungah ka bawl awng ngawl mi a lamdang nate na miphun tei mai ah kei man bawl tung. Nohtei ca kei mah Pathian bawl mi cu a lauhuai na a hih nak thu, na ngaulcam miphun hempoh ten mu haw tuk hi.
|
||
\v 11 Tu ni in ka cah mi thu awnkam ngaisung in. Na mai ah A mor miphun, Kanaan miphun, Hit miphun, Periz miphun, Hiv miphun, Jebus miphun te kei man hawlvawk tung.
|
||
\v 12 Nang cu a tuin a hawh mi mipi te tuah pawlkom nak hang, na nelah bah sual lupbah nak um tuk ngawl in nangmah le nangmah cingcai in.
|
||
\v 13 A muhtei biakpiak nak te siat suah tuk ci. A muhtei zuk milim hempoh siatsuah tuk ci. A muhtei Accasia thing kung te phuk sak tuk ci
|
||
\v 14 A dang Pathian bia pah sin. Itahum titale a nung mi na Pathian cu nangmah a itnak le a hehpih nak a sunglawi nase leita a hih hang, midang tei khut sungah heng tuk deihnak a neih ngawl hang le sahelh nak, mi cing thei Pathian hi.
|
||
\v 15 Nang cu mahmi ngam sung miphun te tuah pawlkom nak hang, a mun a muhtei pathian tuah sual nak bawl in mahmi pathian te biakpiak nak a bawl ten nangmah sam in nangman biakpiak nak an te ei tuk in hihen,
|
||
\v 16 Na catei ca a canu te la in a huai nak hang, a canu ten a pathian tuah sualnak bawl in na caten, mahmi pathian tuah sual tik haw tuk hitin, launak um hi.
|
||
\v 17 Nang cu na ca tuk pathian te bawl cawm pah sin.
|
||
\v 18 Nang cu Abib ha in Izip ngam pen na suah tul hang, ka thukham bang Abib ha ten ni salih sung naman sawh ngawl moh ei in, naman sawh ngawl puai bawl tuk ci.
|
||
\v 19 Capa U pa bel hempoh cu ka ta hi. Na nganhing sung pen khui hei hihen, tuu hei hihen, capa U pa bel hempoh ka ta hi tuk hi. Mah hang, laak ca U pa bel cu tuu no tuah in tan tuk hi.
|
||
\v 20 Ni luk sung na dek tuk.
|
||
\v 21 Ni salih ni ten daiden no cawl tuk. Lo na deh huncan, ancang khop huncan a hi ta vang ni salih ni cu daiden no um tuk.
|
||
\v 22 Sangvut cang ankung cop huncan pat mi nipi salih puai nak hei hihen, kumkhen huncan ten an khop puai hei hihen bawl tuk.
|
||
\v 23 Nohtei miphun pano hempoh ten Isarel miphun Topa Pathian mai ah kumkhat veithum mitmai lak haw tuk hi.
|
||
\v 24 Miphun dang te nohtei mai pen keiman hawlvawk in, nohtei umnak ngam cu kei man zal tik tung. Na Topa Pathian mai ah kumkhat veithum mitmai na lak ten, na lei ngam cu a kua mah in huaza tuk ma hi.
|
||
\v 25 Kei mah biakpiak nak thisan cu naman tuah tokhel in pia tuk ma. Kaltan puai nak sa cu zinglam tian a bang um tik tuk ma.
|
||
\v 26 Na leingam sung pen a ngah masa bel a pha bel cu na Topa Pathian inn sungah keng tuk. Kel no cu a pi nawi tui tuah huan tuk ma.
|
||
\v 27 Hi awnkam thu ngan in. Hi awnkam a heng mi bang in nangmah penpan Isarel miphun te le ka thukhaam bawl mi hitin, Mosi cu thupia hi.
|
||
\v 28 Mah lai munpen Mosi cu an ei ngawl, tui in ngawl ni sawmli sung Pathian nelah um hi. Suangpheng hum ah thukhaam awnkam, thukham sawm cu ngan hi.
|
||
\s Mosi mitmai a vak nak
|
||
\v 29 Mosi in theihpih nak tetti suangpheng panih keng in Sinai mual hum pen a tolhsuk leh ten, a Pathian tuah a otpih dun hang a mitmai a vak nak thu cu a man thei ma hi.
|
||
\v 30 Aaron le Isarel miphun hempoh in Mosi cu a muhten a mitmai a vak hang a mun nek ngam haw ma hi.
|
||
\v 31 Mosi in a muhte sam in Aaron le mipi ten a nek haw ten Mosi cu otpih hi.
|
||
\v 32 Mah ten Isarel miphun hempoh ten nek in Sinai mual hum pen Pathian thupiak mi hempoh a muhtei lakah in hilh hi.
|
||
\v 33 Mosi in a muhte thu hilh a celh laih ngawl in a mitmai cu hup hi.
|
||
\v 34 Pathian mai ah lut tum in a nget ten a suah tul laih ngawl in a mitmai hup cu duk hi. Mah cengten suak tul in a thupiak mi cu Isarel miphun ten a muh haw ten, Mosi cu lut tum leh in Pathian tuah a otpih sung hempoh a mitmai hup leh hi.
|
||
\v 35 A mitmai vak cu Isarel miphun ten a muh haw ten, a sungah luttum lehin a otpih laih ngawl sung cu a mitmai puan tuah in tuam hi.
|
||
\s Colhni dan zui tuk mite
|
||
\c 35
|
||
\p
|
||
\v 1 Mosi in Isarel miphun hempoh hulawmkhawm tikin Pathian thupiak nohtei zui tuk mi thu cu,
|
||
\v 2 Ni luk sung na dek tuk. Ni salih ni cu nohtei sungah a thiangtho mi ni, Pathian ca daiden no um mi colhni hi. Mahmi ni in na dek tu cu thi tuk hi.
|
||
\v 3 Nohtei umnak mun ah colhni cu mei hei lam tuk ma tin, ti hi.
|
||
\s Deubuk ca a lu piak mi van te
|
||
\v 4 Mosi in Isarel miphun tei mai ah Pathian thupiak a hilh mi cu,
|
||
\v 5 Nohtei sung pen Pathian piak mi a lu cu keng un. Piak nuam nak thinlung thiangtho a nei tu hempoh in sui, ngun, dal,
|
||
\v 6 Puanthan a pawl, a san, a sandup, puan nem, ngimnam tui sathau,
|
||
\v 7 A san coih mi tuu phaw, sa am phaw, Accasia thing,
|
||
\v 8 Noih tukin sathau toh hel tuk mei hal nak ngimnam tui toh hel tuk, ngimnam tui namkim, mei vak nak tuk sathau,
|
||
\v 9 A zawng namkim suang man pha, thiampi awmbelh khaih, awmdat sungah a coih tuk mi suang manpha cu Pathian piak tuk keng un.
|
||
\v 10 Nohtei sungah na deh thiamnak a nei mi hempoh hung in,
|
||
\v 11 Deubuk le a hum buk, a hum buk khuh, sui tuan, thingpek, kongka kalh nak, khuam, ke tuam bulh te hei hihen,
|
||
\v 12 Thingkuang le a mah puaknak, hehpih nak tohkham, a pang upnak kalaka te hei hihen,
|
||
\v 13 Cabuai le a mah puak nak, a ma van a um mi hempoh te le a mai ah moh hei hihen,
|
||
\v 14 Mei vak tukin meikhuam le a kul mi van, meikhuat, mei vak tuk sathau hei hihen,
|
||
\v 15 Ngimnam tui namkim mei hal biakpiak nak le a mah puak nak, noih tuk sathau, ngimnam tui, buk kongka pi umm tukin kalaka hei hihen,
|
||
\v 16 Mei hal biakpiak nak tohkham le dal nawtnak, a puak nak, van hempoh, kuangkum le kuangkum a ke nei mi hei hihen,
|
||
\v 17 Deubuk inn tual kalaka, khuam, ke bulh, kongka pi upnak kalaka hei hihen,
|
||
\v 18 Deubuk ca tuk pin hio, buk mai inn tual khau hei hihen,
|
||
\v 19 A thiangtho umnak mun ah na deh nak tuk angki, thiampi na deh ten thiampi Aaron le a catei silh tuk a thiangtho mi angki hei hihen, Pathian thu cah mi bang bawl tuk hung hitin, ti hi.
|
||
\v 20 Isarel miphun ten Mosi nelpen a suah tul haw hang,
|
||
\v 21 A thinlung sosuah tu, piak nuam nak thinlung thiangtho a nei tu hempoh in mipi hulopkhawm nak deubuk bawl nak tuk in hihen, na dehnak tuk hei in hihen, a thiangtho mi angki hei hihen, Pathian piak mi cu keng un.
|
||
\v 22 Piak nuamnak thinglung thiangtho a nei tu pano numei ten khutbut, bengbet khaih, khut zungbut, suangphut tuk khuam, sui van te keng in a piak mi hempoh Pathian nelah sui cu pia haw hi.
|
||
\v 23 Puan than a pawl, a san, a san dup, sathau namtui, a san tuah coih mi tuu phaw, sa am phaw a nei tu hempoh in keng hi.
|
||
\v 24 Ngun le dal a pia tu hempoh in Pathian cu pia hi. Na deh tuk tuah a seng mi na dek tuk in Accasia thing a nei tu hempoh in keng un.
|
||
\v 25 Thiam a tak thiam mi numei hempoh ten mai khut tah in puan than a pawl, a san, a sandup, puan nem hempoh keng un.
|
||
\v 26 A theihnak a sosuah mi numei hempoh in kel mul cu taak haw tuk hi.
|
||
\v 27 Uktu U pa ten a zawng namkim suang manpha, thiampi awmbelh khaih le awmdat a coih than tuk suang hei hihen,
|
||
\v 28 Mei vak tuk in noih tuk sathau tohhel ngimnam tui toh hel tuk phun kim le sathau hei hiehen keng haw hi.
|
||
\v 29 Mah tihcun Mosi hang a cah mi na deh namkim ca in Isarel miphun sungah piak nuam nak thinlung a thiangtho sosuah tu pano numei hempoh ten Pathian cu zuamnak tuah pia haw hi.
|
||
\s Hawvang tuah a dim mi Bezal e-el le Aholiab
|
||
\v 30 Mosi in ngai un. Pathian in Judah miphun Hur capa cu Uri capa Be zal e-el min tuah pia zo hi.
|
||
\v 31 Cihthiam nak tuah theihnak namkim te kei man pia in a dang lam cuang na dek thei tuk in,
|
||
\v 32 A mah cu sui, ngun, dal si luan thiam cihnak,
|
||
\v 33 Suang tat thiam, thingsui in zuk suai thiamnak cu Pathian hawvang tuah dim tik hi.
|
||
\v 34 A mah le Dan miphun Ahisamach capa Aholiab cu midang cihnak pia tei thei tukin, theihnak pia zo ing.
|
||
\v 35 A mun bawl thiamnak na deh a danglam cuang mi khut thiam nak na deh, puanthan a pawl, a san, a sandup, puan nem tak thiam mi na deh, dawm laih deh thiamnak a nei tu na deh, a dang lam cuang ngaisung thiam tu na dehnak phun kim te dek thiam tuk in theihnak a dim tuah pia zo ing.
|
||
\c 36
|
||
\p
|
||
\v 1 Mah tihcun Pathian thu cah mi bang a thiangtho umnak mun ah na dek tuk in, na deh namkim cihthiam nak cu Pathian piak mi cihnak a nei tu hempoh te tuah Be zal e-el, Aholiab ten na dek haw tuk hitin, Isarel miphun tei lakah ti hi.
|
||
\v 2 Mosi in Be zal e-el hei hihen, Aholiab hei hihen, Pathian piak mi theihnak lungmu a co hang na dek nuam thinlung a nei tu cihnak a nei tu hempoh a sam ten,
|
||
\v 3 A thiangtho mi umnak mun le na dek tutei van te dek tik tuk in, Isarel miphun ten keng in a piak mi a lu hempoh cu a mun Mosi khut pen sang haw hi.
|
||
\v 4 Mah ten a thiangtho umnak mun na dek tu cihnak a nei mi hempoh a muhtei na deh nak tek pen,
|
||
\v 5 Mosi nelah hawh in Pathian thucah mi na deh cengtian a tham tuk sial ngawl a val in keng haw hitin a hilh cengten,
|
||
\v 6 Mosi in a thiangtho umnak mun ah a lu tuk in a kua mah pano, numei dek bet tik toh pah sun hitin tiin, ngiahbuk umnak hempoh ah thuthan tik in mipi tei a lu ken mi cu kham hi.
|
||
\v 7 A ngah zo mi neihnak cu na deh tuk hempoh celhtian a tham tuk sial ngawl a val in nei hi.
|
||
\s Deu buk sa tukin thingpek le kalaka te
|
||
\v 8 A thiangtho umnak mun na dek tu hempoh sung pen cihnak a nei mipa cu a pawl zawng, a san, a sandup tuah Cherubim zuk mawi zet in tahcih mi puan than a nem sawm cu bawl hi.
|
||
\v 9 Kalaka a sau lam tong kul luanliat, a vang tongli um in kalaka a lai pen a sau lam le a vang cu bang ve hi.
|
||
\v 10 Kalaka a than panga cu pakhat bek in khui tuk.
|
||
\v 11 Kalaka a than pakhat cu a pawlam kalaka a mawk lam a pehnak sungah khau holh nak te cu a zawng a than pawl tuah bawl in, a dang kalaka a pawlam kalaka a mawk peh nak sungah mah bang bok in bawl hi.
|
||
\v 12 Kalaka a than pakhat sungah khau holh nak a kua beem sawmnga hei hihen, a dang kalaka peh tuah nak sungah khau holh nak sawmnga hei hihen, a bawl hang a kua hempoh tawngkha dun khawng hi.
|
||
\v 13 Sui tuan sawmnga vang bawl in mahmi sui tuan tuah kalaka te a kopcih hang buk pakhat in cang hi.
|
||
\v 14 Deu buk a hum khuh tuk in a dang kalaka a than sawm cu kel mul tuah bawl hi.
|
||
\v 15 Kalaka cu a sau lam tong sawmthum, a vang tong li a um hang kalaka a than sawm cu a sau lam le a vang bang ve hi.
|
||
\v 16 Kalaka a than panga cu veikhat pehcih khui in, a than paluk cu veikhat peh in khui cih hi.
|
||
\v 17 Kalaka te a peh nak sung a pawlam ah a um mi kalaka a than pakhat a mawk cu a khau holh nak kua beem sawmnga hei hihen, a dang a peh mi kalaka a mawk ah khau holh nak a kua beem sawmnga cu bawl hi.
|
||
\v 18 Dal tuan sawmnga vang bawl in a hum lam buk a langkhen le khenkhat cu a peh tuah cih hang, deubuk pakhat in cang hi.
|
||
\v 19 A hum lam buk umm tuk in a san mi tuuphaw hei hihen, mahmi tuu phaw humah sa am phaw hei hihen bawl hi.
|
||
\v 20 Deubuk pang umm tukin thing tun mi Accia thing pek bawl hi.
|
||
\v 21 Thngpek cu a sau lam tong sawm, a vang tong khat le lang um hi.
|
||
\v 22 Thngpek hempoh a ke panih ten camzet in bawl tuk.
|
||
\v 23 Deubuk hanglam upnak thingpek kul bawl in,
|
||
\v 24 Mahmi thingpek kul cu a pek pakhat nuai ah a ke panih ten a holh tuk in ngun ke holh tuk sawmli bawl hi.
|
||
\v 25 Mah bang bok buk sak lam umm tuk thingpek kul bawl in,
|
||
\v 26 Mahmi thingpek ah vang ngun ke holh tuk sawmli, pek khat ah panih ten bawl hi.
|
||
\v 27 Deu buk a nung lam umm tuk thingpek pek luk hei hihen,
|
||
\v 28 A ningkil a lang le lang ah umm tukin thingpek panih hei hihen, bawl hi.
|
||
\v 29 A humlam ah hei hihen, a nuai lam ah hei hihen, khau holh nak belh in a peh tuah a ning panih cu ceng hi.
|
||
\v 30 Thingpek pek liat, ngun ke holh tuk heiluk, pek khat ah panih ten um hi.
|
||
\v 31 Buk sung up mi thingpek a holh tum tuk, Accasia thingpek a kalh nak te a langkhat lam ah panga ten bawl hi.
|
||
\v 32 Deu buk a nunglam up tuk thingpek a holh tuk in, a kalh nak panga bawl hi.
|
||
\v 33 A lai zang a kalh nak cu a ningkil pakhat sungah tawp tik hi.
|
||
\v 34 Thingpek te cu sui tuah belh hi. Kalaka a kalh holh nak, sui holh nak vang bawl in a kalh nak te sui tuah belh hi.
|
||
\v 35 A zawng a pawl, a san, a sandup tuah Cherubim zuk cu mawizet in tahmi puan than a nem kalaka a than pakhat hei hihen,
|
||
\v 36 Mah kalaka ca sui belh mi Accasia thing khuam pali bawl hi. A khuam te cu sui tungtul tuah a dim hang ngun ke bulh tuk pali vang luan hi.
|
||
\v 37 Deu buk kongka pi umm tukin a pawl, a san, a sandup tuah mawizet tah cih mi puan nem kalaka a than pakhat hei hihen,
|
||
\v 38 Mahmi kalaka umm tuk in tungtul tuah a dim khuam panga bawl in, khuam mawk ta bel tuah camzet in sui tuah belh hi. Dal ke bulh panga vang um hi.
|
||
\s Thukham thingkuang
|
||
\c 37
|
||
\p
|
||
\v 1 Be-zal’e-el in a sau lam tongnih le lang, a vang tongkhat le lang a um mi thukham thing kuang cu Accasia thing tuah bawl in,
|
||
\v 2 Thingkuang cu a sung lam le a pawlam sui tuah belh hi. Thingkuang a hum lam a mawk elkim hempoh sui tuah bawl hi.
|
||
\v 3 Sui kual pali luan in thukham thingkuang ningkil li a mai pakhat ah pakhat ten bulh hi.
|
||
\v 4 A puak nak tuk Accasia thing bawl in sui a ngek tuah a belh cengten,
|
||
\v 5 Thukham thingkuang puak nak tuk a lang le lang sui kual sungah holh hi.
|
||
\v 6 A sau lam tongnih le lang, a vang tongkhat le lang a um mi hehpih nak tohkham hei hihen, sui a ngek tuah bawl hi.
|
||
\v 7 Cherubim panih vang hehpih nak tohkham ah a sau lam a lang le langah belh cih in bawl hi.
|
||
\v 8 Mah tihcun Cherubim panih cu hehpih nak tohkam sung pen suah in hehpih nak tohkham hum a lang le langah pakhat ve ve a bawl cengten,
|
||
\v 9 Cherubim panih cu a mai ah hek dun a hehpih nak tohkam zo in, a ha phalh tuah a hehpih nak tohkham cu uap hi.
|
||
\s Sui cabuai
|
||
\v 10 A sau lam tongnih, a vang tongkhat, a sang lam tongkhat le a lang a um mi cabuai vang Accasia thing tuah bawl in,
|
||
\v 11 Sui a ngek tuah belh in bawl hi. Cabuai hum lam a mawk elkim ah belh mi sui van te hei hihen,
|
||
\v 12 A vang khutphalh tia a um mi taipom hei hihen, taipom hum lam a mawk elkim hempoh ah belh mi sui a ngek tuah bawl hi.
|
||
\v 13 Sui kual pali cu luan in a ke pali a hum ta, cabuai a ning pali ah bulh hi.
|
||
\v 14 Mahmi suikual te taipom hum ah a um hang cabuai puak nak tuk mun hi.
|
||
\v 15 Cabuai puak nak tuk Accasia thing cu bawl in sui tuah belh hi.
|
||
\v 16 Cabuai van te cu pakan dai, keu, kuangkum, a suah nak tuk khuat te cu sui a ngek tuah bawl hi.
|
||
\s Sui meikhuat
|
||
\v 17 Sui meikhuat vang sui a ngek tuah a bawl hang meikhuam a let nak te, khuat te, umm ngah te, thik ling ngolh te a peh tuah cih in bawl hi.
|
||
\v 18 Meikhuam a lang le lang ah a kak pathum suak tul in, a kak paluk um hi.
|
||
\v 19 Meikhuam pen a suak tul mi a kak pathum sung pen a kak pakhat ah khuat pakhat, thik ling tale ngah tuah a bang ve mi khuat pathum um hi.
|
||
\v 20 Meikhuam ah vang khuat, thik ling tale ngah tuah a bang ve mi khuat pali um tuk hi.
|
||
\v 21 Meikhuam sung pen a suak tul mi a khut kak a um bang in a khut panih kak nuai ah khuat pakhat ve ve um hi.
|
||
\v 22 Khuat te, a kak te cu pumpi pakhat sung pen a peh tuah tik hang meikhuam a pumpi hempoh cu sui a ngek tuah bawl hi.
|
||
\v 23 Meikhuat salih, caiceh le caiceh koih nak khuat te vang sui a ngek tuah bawl hi.
|
||
\v 24 Meikhuam le meikhuam van hempoh te sui a ngek khuat sawm tuah bawl hi.
|
||
\s Ngimnam tui mei hal nak sui tuah bawl mi biak piak nak
|
||
\v 25 Ngimnam tui hempoh tuah mei hal biakpiak nak cu Accasia thing tuah bawl hi. Mahmi biakpiak nak cu a sau lam tongkhat, a vang tongkhat, ningkil li nei a hih hang a sang lam tongnih um hi. A ki te vang Accasia thing tuah ceng tik hi.
|
||
\v 26 Biakpiak nak a sang bel a lek, pang upnak a ki te cu sui a ngek tuah a belh hang a hum lam a mawk hempoh sui a ngek tuah belh khawng hi.
|
||
\v 27 Sui van nuai biakpiak nak a lang le lang a ning ah suikual panih bawl in biakpiak puak nak tuk mun hi.
|
||
\v 28 A puak nak tuk thing cu Accasia tuah bawl in sui a ngek tuah belh hi.
|
||
\v 29 Si thiam nak tuah si a tohhel thiam bang in a thiangtho noih tuk ngimnam tui sathau hei hihen, ngimnam tui hempoh tohhel mi ngimnam tui mei hal biakpiak nak taitan a dawh cu bawl hi.
|
||
\s Dal tuah biakpiak nak
|
||
\c 38
|
||
\p
|
||
\v 1 A sau lam tongnga, a vang tongnga, a ningkil li a nei mi mei hal biakpiak cu Accasia thing tuah bawl hi. A sang lam tongthum um hi.
|
||
\v 2 Biakpiak nak ningkil li hum ah ki pali cu Accasia thing tuah bawl in dal tuah belh hi.
|
||
\v 3 Bel tuah kawpio, kuangkum, sa khil nak tung tul, pakhan dai, biakpiak nak tuah a seng mi van hempoh te dal tuah bawl in.
|
||
\v 4 Dal nawt nak bawl in biakpiak nak a elcen nuai a laizang ah koih in,
|
||
\v 5 A puak nak tuk nawt mi a ningkil li ah belh mi dal kual pali luan in bawl hi.
|
||
\v 6 Accasia thing a puak nak cu bawl in dal tuah a belh cengten,
|
||
\v 7 Biakpiak puak nak tuk in a lang le lang pen a kua beem sung ah holh hi. Mahmi biakpiak nak cu a hum lam le a nuai lam lawng thong tik in thingpek tuah bawl hi.
|
||
\v 8 Mipi hulopkhawm nak buk kongka mai ah hulawm thei mi numei tei dal thalang la in dal kuangkum le dal ke cu bawl hi.
|
||
\s Buk tual kalaka
|
||
\v 9 Buk tual umm tuk cu a sau lam tong zakhat a um mi puanthan a nem tuah a hanglam kalaka bawl hi.
|
||
\v 10 Mahmi kalaka ca tuk khuam kul, khuam a ke bulh tuk khuam kul cu dal tuah bawl in khuam tungtul, khuam a cam te cu ngun tuah ceng tik hi.
|
||
\v 11 Mah bang bok a sak lam umm tuk in a sau lam tong zakhat a um mi kalaka tuah ngun tungtul, ngun a tel mi dal khuam kul, dal ke bulh kul um hi.
|
||
\v 12 A nung lam umm tukin a sau lam tong sawmnga a um mi kalaka tuah le khuam pathum, ke bulh pathum um hi.
|
||
\v 13 A mai lam ah vang tong sawmnga um tuk hi.
|
||
\v 14 Kongka pi tum nak a lang le lang ah pang up tuk a sau lam tong heinga a um mi kalaka khaihnak khuam pathum, a ke bulh tuk pathum um hi.
|
||
\v 15 Inn tual kongka pi tum nak a lang le lang ah pang up tuk a sau lam tong heinga a um kalaka khaihnak khuam pathum um hi.
|
||
\v 16 Inn tual kimkot up mi kalaka hempoh puan than a nem tuah tawp hi.
|
||
\v 17 Khuam te cu dal ke bulh, ngun tungtul, ngun tuan a dim tuah khuam a lek vang ngun tuah belh hi. Sen khuam a tuan hempoh te ngun tuah bawl hi.
|
||
\v 18 Kongka pi a upnak a san, a pawl, a sandup tuah a mawi zet in tah cih mi puan than a nem kalaka, a sau lam tong kul, a sang lam tong nga, sen upnak kalaka tuah a bang ve ten bawl hi.
|
||
\v 19 Kongka pi khuam pali a um hang dal ke bulh tuk pali, ngun tung tul, ngun tuan te, ngun tuah bawl mi a lek tian a dim hi.
|
||
\v 20 Deu buk le inn tual kimkot ah phut mi pin hio hempoh cu dal hi.
|
||
\s Sui, ngun, dal le puan than van te
|
||
\v 21 Hi thu cu Mosi thupiak mi bang thiampi Aaron capa Ith’a-mar cu Levi miphun na deh tuk deu buk a sialsiah mi theihpih nak buk cazin hi.
|
||
\v 22 Mosi in Pathian thucah mi hempoh Judah miphun Hur capa, Uri capa Be-zal-e’el in bawl hi.
|
||
\v 23 Mah bek sial ngawl suang te thik te bawl thiam nak na deh, a dang lam cuang in khut thiam na deh a pawl zawng, a san, a sandup puan than a nem tuah a mawi zet a tak thiam Dan miphun Ahis’a-mach capa Aholiab um hi.
|
||
\v 24 A thiangtho umnak mun ceng tuk a lu pia in bawl mi sui cuai kom ten kul luankuah, za salih le sawmthum (730) shekel hi.
|
||
\v 25 Cazin sung a lut tum mipi tei piak mi sum a cuai kom cu thawngkhat le za salih le sawm salih le panga (1,775) shekel hi.
|
||
\v 26 Kum kul val cazin a lut mihing cu tingluk le thawngthum le zanga le sawmnga (603,550) cu shekel cuai teh nak bang a langkhen cu pia haw hi.
|
||
\v 27 A ke bulh pakhat ah shekel sawm a hih hang, shekel thawngkhat (1000) tuah buk ke bulh, a sunglam kalaka ke bulh tuk zakhat luan in bawl hi.
|
||
\v 28 A tang laih mi shekel thawngkhat le za salih le sawm salih le panga (1,775) tuah khuam bahnak, khuam tuan te cu bawlin khuam a lek belh nak ah bawl hi.
|
||
\v 29 A lu a piak mi cuai cu sawm salih le shekel thawngnih le zali (2,400) hi.
|
||
\v 30 Dal tuah buk inn tual kongka pi ke bulh, dal biakpiak nak, dal nawt nak, biakpiak nak van hempoh hei hihen,
|
||
\v 31 Up mi inn tual ke bulhnak, kongka pi ke bulhnak, buk pin hio, inn tual kimkot ah phut mi pin hio hempoh bawl nak hi.
|
||
\s Thiampi silh tuk van te
|
||
\c 39
|
||
\p
|
||
\v 1 A thiangtho mi umnak sungah na deh ten a silh tuk mi puan hei hihen, Aaron silh tuk a thiangtho mi puan hei hihen, Pathian in Mosi thu a cah mi bang in a pawl, a san, a sandup tuah tak in bawl hi.
|
||
\s Awmbelh khaih
|
||
\v 2 A pawl, a san, a sandup puanthan a nem le thiampi awmbelh khaih a tahcih ten,
|
||
\v 3 Sui cu a pek khal tikin suikhau hawi cengten, a pawl, a san, a sandup puanthan a nem sungah a dang cuang a coih in thuang tum hi.
|
||
\v 4 Awmbelh khaih panih bawl in awmbelh khaihnak hum mawk le mawk cu kopcih tik tukin a lang le lang pen dok in khui hi.
|
||
\v 5 Pathian in Mosi thu a cah mi bang awmbelh hum lam mawk ah a danglam cuang mi khau khih nak cu awmbelh khaih bang in sui tuah hei hihen, a pawl, a san, a sandup puanthan a nem tuah tak cih in bawl hi.
|
||
\v 6 A zawng namkim suang manpha panih cu tat in seal tacik humah lai ngat mi bang, Isarel miphun tei min cu lai a ngat cengten sui suang bel sungah koih hi.
|
||
\v 7 Pathian in Mosi thu a cah mi bang Isarel miphun te phawh nak tuk in mahmi suang panih cu awmbelh khaihnak khau hum ah belh hi.
|
||
\s Thukhen nak awmdat
|
||
\v 8 Sui tuah in hihen, a zawng a pawl, a san, a sandup puanthan a nem mi tuah hei in hihen, awmbelh khaih tah cih mi bang in awmdat cu a danglam cuang tak hi.
|
||
\v 9 Awmdat cu veinih hepbuah in a sau lam khapkhat, a vang khapkhat a ningkil li hi.
|
||
\v 10 Mahmi awmdat cu suang manpha tuan li tuan tuk. A tuan khat nak cu sardius suang, topaz, carbuncle,
|
||
\v 11 A tuan nih nak ah emerald, sapphire, dimond,
|
||
\v 12 A tuan thum nak ah ligure, agate, amethyst,
|
||
\v 13 A tuan li nak cu beryl, a zawng nam kim suang manpha, jasper, sui tuah velh cih hi.
|
||
\v 14 Isarel miphun heinih a um seal tacik hum ah lai ngat mi bang in mahmi suang sungah min heinih cu belh in suang pakhat ah min pakhat ten um hi.
|
||
\v 15 Awmdat a hum ning panih ah sui kual nih hei hihen
|
||
\v 16 Suang bel panih hei hihen, bil zet in sui khau a hual cengten,
|
||
\v 17 Mahmi sui kawn beem cu belh in,
|
||
\v 18 Awmdat ken nak khau hum ah a um mi suang bel sungah belh cih hi.
|
||
\v 19 Sui kawn beem panih bawlin awmbelh khaih nuai mawk ah a um mi awmdat a nuai a ning panih sungah belh cih hi.
|
||
\v 20 A dang sui kawn beem panih vang bawl in awmbelh khaih a mai lam a nuai mawk tuah a dang lam mi awm kennak khau hum a mawk peh nak ah awmbelh khaih cu a lang le lang ah belh hi.
|
||
\v 21 Awmdat sui kawn beem panih cu awmbelh khaih sui a kawn beem panih tuah belhcih in khau pawl tuah ken hi. Mah tihcun Pathian in Mosi thu a cah mi bang in awmdat cu a danglam cuang awm kennak a khau hum ah dok in, awmbelh khaih tuah khen ngawl in um le leng hi.
|
||
\s Thiampi tei silh mi van te
|
||
\v 22 Mah bek sial ngawl a pawl mi puan than cu a tah cengten, awmbelh khaih tuah a seng mi angki cu mahmi puanthan tuah bek bawl hi.
|
||
\v 23 Angki ngawng holh a um hang a ngawng holhnak bal tuk ngawl in, thikngawng holh belh mi bang bawl hi.
|
||
\v 24 A pawl, a san, a sandup zawng puanthan nem tuah tah mi talengah hei hihen,
|
||
\v 25 Sui a ngek tuah khingcang no hei hihen, angki nuai lam a mawk kimkot ah hei hihen,
|
||
\v 26 Talengah pakhat, khing cangno pakhat ten dan in a dok hang Pathian in Mosi thu a cah mi bang in na deh nak a nei mi angki bawl ceng hi.
|
||
\v 27 Pathian in Mosi thu a cah mi bang Aaron le a catei ca tuk tah mi puanthan a nem angki te hei hihen,
|
||
\v 28 Puannem tuah in lupawng hei hihen, a mawi zet mi puannem sui lukhu hei hihen, puan nem bawngbi hei hihen,
|
||
\v 29 Mawizet in bawl mi a pawl, a san, a sandup tuah taipom cu tak hi.
|
||
\v 30 Mosi in Pathian thu cah mi bang, a thiangtho a pan zet in a pek cu sui a ngek tuah lukhu bawl in, seal tacik hum ah lai ngat mi bang in Pathian cu a thiangtho hitin lai ngan in,
|
||
\v 31 Khau pawl tuah a lupawng hum ah ken hi.
|
||
\v 32 Mah tihcun Mosi in Pathian thu cah mi bang, Isarel miphun te a bawl hang mipi hulopkhawm nak buk na deh hempoh ceng haw hi.
|
||
\v 33 Mah ten Isarel miphun ten buk le a hum ta buk cu sui tuan, thingpek, kongkalh nak, khuam, ke bulh tih mi buk van hempoh te hei hihen,
|
||
\v 34 A san noih mi tuu phaw a hum khuh, sa am phaw a hum khuh, himnak tuk mun a sunglam kalaka hei hihen,
|
||
\v 35 Theihpih nak thukham kuang le a mah puak nak, a hehpih nak tohkham hei hihen,
|
||
\v 36 Cabuai pen pan cabuai van le a mai lam ah a um mi moh hei hihen,
|
||
\v 37 A thiangtho mi meikhuat khuam pen pan a bawl mi meikhuat te, meikhuam van hempoh le mei vak tuk sathau te hei hihen,
|
||
\v 38 Sui tuah biakpiak nak, noihtuk sathau, mei hal ten ngimnam tui nam kim, buk kongka upnak tuk pang kalaka hei hihen,
|
||
\v 39 Dal tuah biakpiak nak, dal nawt nak, dal biakpiak ten a puak nak van hempoh te hei hihen, kuangkum le kuangkum ke a nei mi hei hihen,
|
||
\v 40 Inn tual kalaka, inn tual upnak khuam, ke bulh tuk, kongka pi upnak tuk in kalaka khau te, pin hio te hei hihen, buk sungah na dehnak tuk van, mipi hulopkhawm nak van hempoh te hei hihen,
|
||
\v 41 A thiangtho mi umnak mun ah na deh ten silh mi angki, a capa silh tuk mi angki hei hihen,
|
||
\v 42 Pathian in Mosi thu a cah mi bang ceng tuk in na a deh zo hang Mosi nelah keng haw hi.
|
||
\v 43 Pathian in Mosi thu a cah mi bang na dehnak a um mi hempoh ceng tuk in na dehnak thu cu Mosi in a muh ten, a muhte cu thupha pia hi.
|
||
\s Deu buk a saknak
|
||
\c 40
|
||
\p
|
||
\v 1 Pathian in Mosi thu a cah mi bang in,
|
||
\v 2 Nang cu ha khat ha, nikhat ni in mipi hulopkhawm nak deu buk sa tuk ci.
|
||
\v 3 Deu buk sungah theihpih nak thukham kuang koih in, a sunglam kalaka tuah khuh in.
|
||
\v 4 Cabuai vang koih in cabuai hum ah bawl tuk hempoh bawl in.
|
||
\v 5 Ngimnam tui mei hal nak tuk sui biakpiak nak cu theihpih nak thukham mai ah koih in, buk kongka pi upnak kalaka cu dok in hi.
|
||
\v 6 Nganhing biakpiak hal nak cu mipi hulopkhawm nak mun buk kongka mai ah koih in.
|
||
\v 7 Kuangkum vang mipi hulopkhawm nak buk le biakpiak nak lak lawh ah koih in kuangkum sungah tui koih in.
|
||
\v 8 Buk kimkot inntual bawl in kongka pi up mi kalaka cu dok in.
|
||
\v 9 Noih tuk sathau cu la in buk le buk sungah a um mi hempoh te thiangtho tik in. Mah tihcun deu buk cu thiangtho tik tuk.
|
||
\v 10 Biakpiak hal nak van hempoh noih in a thiangtho tik hang, mahmi biakpiak nak cu a thiangtho bel mi biakpiak nak hi tuk hi.
|
||
\v 11 Kuangkum le a ke te vang noih in thiangtho tik tuk hi.
|
||
\v 12 Aaron le a caten mipi hulokhawm nak kongka pi bulah sam in ti bual sak tuk hi.
|
||
\v 13 Aaron cu ka mai ah thiampi na dek tuk in a thiangtho mi angki silh tikin sathau a noih hang thiangtho tik tuk hi.
|
||
\v 14 A cate vang ka mai ah thiampi na dek tuk in a muhte a sam hang angki silh tik in, a muhtei pai sathau noih mi bang a muhte noih tuk hi.
|
||
\v 15 A thungai in a muhtei sathau noih nak thupha piak mi cu a tu le canawn hempoh kumkhua thiampi hihnak hitin,
|
||
\v 16 Pathian thu cah mi bang Mosi in bawl hi.
|
||
\v 17 Kum nih nak, ha khat ha, nikhat ni in Mosi in deu buk sa hi.
|
||
\v 18 Pathian thu cah mi bang a ke bulh tuk te cu a umnak ah koih in, thingpek te a tun cengten kalaka te holh tum in khuam te phut hi.
|
||
\v 19 Deu buk hum ah buk a hum khuh in a buk hum cu khuh bet hi.
|
||
\v 20 Athian thu cah mi bang, theihpih nak thukham thingkuang sungah koih in thingkuang sungah a puak nak cu holh tum in, thingkuang hum a hehpih nak tohkham a koih cengten,
|
||
\v 21 Thukham kuang cu buk sungah koih in a himnak a sunglam kalaka a up hang theihpih nak thingkuang cu kham hi.
|
||
\v 22 Pathian thu cah mi bang cabuai vang mipi hulopkhawm nak mun buk sung sak lam mawk kalaka a pawlam ah a koih hang,
|
||
\v 23 Cabuai hum Pathian mai ah moh cu bawl hi.
|
||
\v 24 Pathian thu cah mi bang meikhuam vang mipi hulopkhawm nak buk sung hanglam a mawk cabuai a seng nak mun ah koih in,
|
||
\v 25 Pathian mai ah meikhuat cu vak hi.
|
||
\v 26 Pathian thu cah mi bang sui biakpiak nak cu mipi hulopkhawm nak mun buk sung, kalaka a pawlam ah koih in,
|
||
\v 27 Mahmi biakpiak nak hum ah ngimnam tui namkim mei hal hi.
|
||
\v 28 Deu buk kongka pi ah vang kalaka cu dok in umm hi.
|
||
\v 29 Pathian thu cah nak bang in mei hal biakpiak nak vang mipi hulopkhawm nak mun buk kongka mai ah koih in mahmi biakpiak nak hum ah mei hal tuk nganhing hei hihen, an eih tuk piak mi hempoh te hei hihen, pia hi.
|
||
\v 30 Kuangkum vang mipi hulopkhawm nak mun buk le biakpiak nak lak lawh ah koih in, somnak tuk tui cu kuangkum sungah koih hi.
|
||
\v 31 Pathian thu cah mi bang Mosi le Aaron in a cate cu mipi hulopkhawm nak mun buk sungah a luh tum ten in hihen,
|
||
\v 32 Biakpiak nak bulah a nek ten hei in hihen, khut le ke som haw tuk hi.
|
||
\v 33 Buk le biakpiak nak a kimkot inntual ah phut in, inntual kongka pi sungah up mi kalaka cu dok hi. Mah tihcun Mosi in a na deh cu ceng hi.
|
||
\s Pathian minthan nak
|
||
\v 34 Mah ten meingo cu mipi hulopkhawm nak buk khuh in Pathian minthan nak cu buk a dim in um hi.
|
||
\v 35 Mah tihcun meingo cu mipi hulopkhawm nak mun buk hum ah a um ten Mosi cu buk sungah lut tum ma hi. Pathian minthan nak cu buk sungah a dim in um hi.
|
||
\v 36 Isarel miphun ten khual a zin nak hempoh ah meingo cu buk hum pen khen in a um ten khualzin haw hi.
|
||
\v 37 Meingo tuah a khen ma tale a khen laih ngawl ni tian khualzin ngawl in um haw hi.
|
||
\v 38 Khualzin nak hempoh pen Isarel miphun hempoh tei mai ah Pathian meingo cu sun huncan ten buk hum ah um hi. Zan huncan ten meipi tuah um hi.
|