cnw_reg/63-1JN.usfm

\id 1JN
\ide UTF-8
\rem The text in this file was extracted from C:/DCS/Chin, Ngawn/WORD/62. 1 JOHN. docx.
\mt 1 Johan
\h 1 Johan
\mt 1 Johan
\toc1 1 Johan
\toc2 1 Johan
\toc3 1jn
\s Thu lamhuai
\c 1
\p
\v 1 A pat pen pan in a um mi thu, ohtei zaak mi thu, a mit tuah muh mi thu, ohten zo in a khut tuah zen kha in a nung mi awnkam thu,
\v 2 A nunnak cu lang zo hi. Ohten mu zo hung. Pa tuah um in ohtei lakah a lang zo mi kumkhua nunnak cu kohten nohtei lakah theihpih nak tetti tuah lak zo ung.
\v 3 Kohtei muh mi le zaak mi thu nohtei lakah sonnak nohten kohtei pawlkom nak cu Pa hei hihen, Topai capa Zisuh Khrih hei hihen, pawlkom nak hi.
\v 4 Ohtei lungdam nak dim tukin hi thu te cu kohten lai ngan ung.
\s Pathian tuah pawlkom nak
\p
\v 5 “Pathian cu vak nak a hih hang, Pathian sungah khuathim hi him um ma hi” tih mi thu awnkam cu Topai nelpen zaak nak hang, nohtei lakah hilh mi thu hi.
\v 6 Kohten Topa tuah pawlkom nak um hitin tiin, khua thim sungah nuncak khuasak kal suan nak a um tale ohten zol thu son a hih hang, thudik a mang ngawl mite hung hi.
\v 7 Mah naven Topa cu vak nak sungah a um bang bok in, ohte vang vaknak sungah nung ca khua sa kalsuan tuk, ohten pakhat le pakhat sungah pawlkom nak neih hang, Pathian capa Zisuh thisan cu ohtei sualnak hempoh thiang tik hi.
\v 8 Ohtei sungah sual um ma hitin ohten a ti uh tale ohten mah le mah zol cop a hih hang, thu dik thu cu ohtei sungah um ma hi.
\v 9 Topa cu muantaak tuah dim in midik a hih hang, ohten a sualnak te a phuang uh tale Topa in ohtei sualnak te ngaidam in, ohtei phat ngawlnak sual hempoh thiang tik hi.
\v 10 Sualnak bawl awng mang hitin ohten a ti uh tale ohten Topa cu zol thuson nak ah heng in Topai thu cu ohtei sungah um ma hi.
\c 2
\p
\v 1 Ka canu le capa te aw, nohten sual bawl tuk ngawl in hi thu te cu nohtei lakah lai ngan ing. Mihing pakhat in sual a bawl pang tale midik pa Zisuh Khrih tih mi ohtei na dek tu Topa cu Pa Pathian nelah um hi.
\v 2 Topa’n ohtei sualnak bek sial ngawl leihum mi hempoh tei sualnak ngaihdam tuk in hi.
\s Khrih thukham te
\v 3 Topa cu pumpak loli theih celnak itihbang in thei tuk hum tih mi cu dan thukham cingkep nak in thei hi.
\v 4 Topa cu thei ing hitin son li thah napi in, Topai dan thukham cingkem ngawl tupa cu zol thuson a hih hang, thudik cu a ma sungah um ma hi.
\v 5 Topai awnkam thu a ngai tu cu Pathian itnak a man a dim hi. Ohten Topai sungah umnak thu cu mah tihbang in thei hung hi.
\v 6 Topai sungah um ing tin a ti tupa cu Topai kalsuan nunnak bang nung in kalsuan tuk mi hi.
\p
\v 7 Ka ihmi ngualcam te aw, nohtei lakah ka ngat mi thukham cu thukham thak hima hi. A masa in nohtei lakah a um mi thukham lun hi. Thukham lun cu a masa in nohtei zaak mi thu hi.
\v 8 Topai sungah hei hiihen, nohtei sungah hei hihen, a man mi thukham thak cu khuathim sungah pai zo a hih hang, a dik a man mi vaknak heng zo hi.
\v 9 Kei cu vaknak sungah um ing tin son li thah napi in, a U le nau a hua tu cu a tu tian khuathim sungah um laih hi.
\v 10 A U le nau a it tu cu vaknak sungah a um hang, a sual tik thei tu um ma hi.
\v 11 A U le nau a hua tu cu khuathim sungah a um hang, khuathiam sungah kalsuan in nung hi. Khuathim in a mit caw tik hang, a man a lai mun ah hawh tuk hum tih hei thei ma hi.
\s Canu le capa, pa, khangno naupang tei lakah lai ngat nak a thu bulpi
\p
\v 12 Ka canu le capa te aw, nohte cu Topai min in sual ngaihdam nak na co zo uh hang, nohtei lakah lai kuat ngan ing.
\v 13 Pa te aw, nohten a masa bel in a um mi pa theihnak hang, nohtei lakah lai kuat ngan ing. Khangno te aw, nohten Dawihmang pa na neh uh hang, nohtei lakah lai ngan ing. Naupang te aw, nohten Pa na theih uh hang nohtei lakah lai ngan ing.
\p
\v 14 Pa te aw, nohten a masabel in a um a mah na theih hang, nohtei lakah lai ngan in kei man pia zo ing. Khangno te aw, nohten thazang tuah dim in Pathian thu sungah na um uh ten, Dawihmang pa cu na neh uh hang, lai kuat ngan in pia zo ing.
\s Leihum le leihum nate it pah sun
\v 15 Leihum hihen, leihum ah a um mite hei hihen, it pah su un. Leihum a it tute cu Pa Pathian itnak um ma hi.
\v 16 Itahum titale leihum ah a um mi hempoh pumpi taksa deihnak, mit deihnak, hausak nak in pualthau ngalnak cu Pa Pathian tuah seng ma hi. Leihum tuah bek seng hi.
\v 17 Leihum le leihum deihnak te pai tuk hi. Pathian deihnak na a dek tupa cu a kumkhua kho tuk hi.
\s Ni dawl ta bel hun
\p
\v 18 Canu le capa te aw, a tu huncan cu a dawl bel hun can hi. Khrih do tupa cu heng awn toh hi tin nohtei zaak mi bang, a tu hei in Khrih a do tu tampi heng zo hi. Mah hang, a tu huncan cu a dawl ta bel ni hun can a hihnak cu ohten thei hung.
\v 19 A muhte cu kohtei lakpen suak haw hi. Mah naven a muhte cu kohte tuah seng ma hi. Kohte tuah a man in a seng mite a hitale kei muhte tuah langkhat in um tuk hi. Mah hang, a muhtei suah tul nak cu a mu venghawng kei muhte tuah a seng ngawl mi a hihnak thu lang ciang tuk hi.
\v 20 Nohte cu a thiangtho mipai nelpen thupha na co uh hang, ihempoh thu thei uh ci.
\v 21 Nohten thudik thu na theih uh ngawl hang hi ngawl in thudik thu hei hihen, mizol nak hempoh te thudik tuah a seng ngawl mi hei hihen, nohten na theih uh hang nohtei lakah lai kuat ngan ing.
\v 22 Zol thu a son tupa cu a kua hum? Zisuh cu Khrih a hihnak thu a el tupa hima maw? Pa le capa a el tupa cu Khrih a do tupa hi.
\v 23 Capa a el tu hempoh te cu Pa thei ma hi. Capa a thei tu hempoh ten Pa thei hi.
\s Pathian sungah umnak
\v 24 Amasa bel in nohtei zak mi thu cu nohtei sungah kho tik un. Mahmi thu cu nohtei sungah a um tale nohten capa sungah hei hihen, Pai sungah hei hihen um tuk uh ci.
\v 25 Hi thu kohtei lakah Topai piak mi thukam cu kumkhua nunnak hi.
\v 26 Nangmuh a zol tute tuah seng in hi thu te nohtei lakah lai kuat ngan ing.
\v 27 Nohten Topai nelpen na co uh mi thupha cu nohtei sungah a um hang, a kuamah in nohte piak tuk kul ma hi. Mahmi thupha cu a man mi a hih hang, zol thu um ngawl in ihempoh nohtei lakah a hilhnak bang, Topai sungah um un.
\s Pathian canu le capa te
\p
\v 28 Mah hang canu le capa te aw, ohten Topa a hen ten upkho nak nei in Topai hen suk tuk huncan ten a mai ah zahcak nak um tuk ngawl in, Topai sungah um un.
\v 29 Topai dikcang nak thu nohten thei tale dikcang nak thu a zui tu hempoh cu Topai sung pen a hin mite hi tih cu nohten thei uh ci.
\c 3
\p
\v 1 Ohten Pathian canu le capa hung hitin samnak co tuk in, Pathian izahtak in a ngeng mi itnak ohte a piak mi cu ngaisung un. Leihum miten Pathian a theih ngawl hang, ohte vang thei haw ma hi.
\v 2 Ka ihmi ngualcam te aw, a tuin ohte cu Pathian ca hung hi. A heng tuk laih mi hun ah ohte itihbang in heng tuk hum tih cu lang ma laih hi. Mah naven Topai hen ten, ohte cu Topa tuah bang ve tuk hung tin ohten thei hung.
\v 3 Topai sungah mah tihbang in muansan nak a nei tu hempoh Topa’n a thiangtho tik mi bang in a mah le mah thiangtho tik thei hi.
\v 4 Sualnak a bawl tu hempoh dan thu kham palcat hi. Sual cu dan thukham palcat hi.
\v 5 Topa’n ohtei sualnak laksak tukin heng hi tih cu nohten thei uh ci. Topai sungah sualnak imah um ma hi.
\v 6 Topai sungah a um tu hempoh te sual bawl ma hi. Sual a bawl thei tu hempoh ten Topa cu mu tuk ma hi.
\v 7 Canu le capa te aw, a kuamah in nohte zol ma hen. Topa cu midik a hih bang, dikcang nak thu a zui tupa cu midik hi.
\v 8 Sual a bawl tupa cu Dawihmang pa tuah a seng mipa hi. Itahum titale Dawihmang cu a masa bel in sual bawl hi. Pathian capa a hennak thu cu Dawihmang pai na deh siatsuah tuk in hi.
\v 9 Pathian hin mi hempoh Pathian anci a um hang, sualnak bawl ma hi. A mah cu Pathian hin mi a hih hang sual cu bawl thei ma hi.
\s Pakhat le pakhat itdun tuk mi hi
\v 10 Dikcang nak thu a zui ngawl tu hempoh Pathian tuah seng ma hi. A U le nau a it ngawl tupa vang, Pathian tuah seng ma hi. Mah tihbang a hih hang Pathian canu, capa te le Dawihmang ca nu, capa te cu khenkhuai thiam hi.
\v 11 Ohten pakhat le pakhat itdun tuk hung hi tih mi thu awnkam cu a pat pen pan in nohtei zak mi thu hi.
\v 12 Dawihmang pa tuah a seng mi a hih hang, a Unau a that tu Cain bang in um pah sun. Ita na Unau that nge cim tih mi cu a na deh pha ngawl hang, a nau na deh mi cu a dik hang hi.
\p
\v 13 U le nau te aw, leihum miten nangmuh a haw tale lamdang sa pah sun.
\v 14 Kohten U le nau ihdun nak hang, thihnak pen nunnak ah thek zo hi tih cu ohten thei hung hi. A U le nau a it ngawl tu cu thihnak sungah um hi.
\v 15 A U le nau a haw tu hempoh tual that hi. Mi tual that tu hempoh cu kumkhua nunnak ah um ma hi tih cu nohten thei uh ci.
\s Dehnak a tel mi itnak
\v 16 Khrih in ohtei ca a nunnak a piak hang, ohten mahmi thu hang itnak cu thei zo hung hi. Ohten U le nau pakhat le pakhat ca nunnak a piak ngam tuk kul hi.
\v 17 Mihing pakhat in hausa zet leng napi in a U le nau haksat nak mu in ningnat nak, lainat nak a nei ma tale Pathian itnak cu a ma sungah itihbang in um tuk hum?
\v 18 Canu le capa te aw, kohten muk le awnkam tuah bek hi ngawl in dehnak le thudik tuah it tuk hung hi.
\v 19 Mah tihbang in ohten thudik thu tuah a seng mi a theih uh hang, Pathian mai ah ohtei thinlung daihnak um tik tuk hi.
\v 20 Ohtei thinlung cu mawhsiat nak a um uh tale ohten Pathian in ohtei thinglung sang ngeng saw a hih hang, ihempoh thei hi tih cu ohten thei hung hi.
\v 21 Ka ihmi ngualcam te aw, kohtei thinlung mawhsiat nak a um ma tale Pathian mai ah upkho nak nei zo hung hi.
\v 22 Ohten dan thukham hempoh a cingkem uh tale a pha mi nuncan ngamtat nak hang, thu a nget uh mi hempoh Pathian nel pen ngah hung hi.
\v 23 Pathian dan thukham cu capa Zisuh Khrih um tuk hi. Capa hi thukham a piak mi bang pakhat le pakhat itdun tuk tih mi thukham hi.
\v 24 Topai thukham a cingkem tu cu Topai sungah um hi. A mah vang Pathian sungah um hi. Ohte a piak mi hawvang cu ohtei sungah a um hang, Pathian cu ohtei sungah um hi tih cu thei hung hi.
\s Pathian hawvang le Khrih a do tutei hawvang
\c 4
\p
\v 1 Ka ihmi ngualcam te aw, kamsang sual tampi te hi leihum ah a hen haw zo hang, hawvang hempoh um ngawl in hawvawng te cu Pathian tuah seng maw seng ma hum tih mi cu cek ta un.
\v 2 Zisuh Khrih cu mihing a hihnak tuah a hen suk nak thu a phuang tu hawvang hempoh Pathian tuah seng hi. Hi thu hang Pathian hawvang cu ohten thei hung hi.
\v 3 Zisuh hawvang a phuang ngawl tu hempoh Pathian tuah seng ma hi. Mah tihbang mi hawvang cu heng tuk toh hitin nohtei zaak nak bang, a tuin hi leihum ah a um zo mi Khrih a do tutei hawvang hi.
\v 4 Canu le capa te aw, nohte cu Pathian tuah a seng mi na hih uh hang, a muhte neh zo uh ci. Itahum titale nohtei lam ah a um tupa cu hi leihum lam ah a um tu sang in thawmngeng saw hi.
\v 5 A muhte cu hi leihum mite tuah seng mi a hih hang, hi leihum thu te son thei haw hi. Hi leihum miten a muhtei thu ngai thei hi.
\v 6 Ohte cu Pathian tuah a seng mite hung hi. Pathian a thei tupa cu kohtei awnkam thu ngai thei hi. Pathian tuah a seng ngawl mipa cu kohtei awnkam thu ngai thei ma hi. Hi thu hang kohten thudik hawvang le a sual mi hawvang thei ung hi.
\s Itnak tuah Pathian theihnak
\p
\v 7 Ka ihmi ngualcam te aw, ohten pakhat le pakhat it dun tuk hung hi. Itahum titale itnak cu Pathian tuah seng hi. Itnak a nei tu hempoh Pathian hin mi a hih hang, Pathian thei hi.
\v 8 Itnak a nei ngawl tupa cu Pathian thei ma hi. Itahum titale Pathian cu itnak hi.
\v 9 Ohten capa hang nunnak co tik tukin, Pathian in a capa a neih ca lam cu hi leihum ah hah hi. Mah a hih hang, Pathian itnak cu ohtei sungah lang hi.
\v 10 Ohten Pathian it ma hung hi. Pathian a mah bek in ohte a ihnak hang, ohtei sualnak ca hehpih nak a piak mi a capa cu ohtei lakah hah hi. Hi thu sungah itnak um hi.
\v 11 Ka ih mite aw, Pathian in hi tihzah loli a it tale ohten pakhat le pakhat ihdun tuk kul hi.
\v 12 Pathian cu a kua mah in mu awngma naven, ohten pakhat le pakhat itdun nak a nei uh tale Pathian cu ohtei sungah a um hang, Topai itnak cu ohtei sungah dim hi.
\v 13 Pathian in a ma hawvang cu ohte a piak hang, Pathian vang ohtei sungah a umnak thu ohten thei hung hi.
\v 14 Pa Pathian in capa cu hi leihum nunpan tu hihnak tuah a hah suk mi ohten mu in theihpih nak tetti tuah son zo hung hi.
\v 15 A kua a bang in Zisuh cu Pathian capa a hihnak thu a phuang tale Pathian cu a ma sungah a um hang, a mah vang Pathian sungah um hi.
\v 16 Ohten ohtei hum ah Pathian piak mi itnak thei in um hung hi. Pathian cu itnak hi. Itnak sungah a um tupa cu Pathian sungah a um hang, Pathian vang a ma sungah um hi.
\v 17 Ohte thukhen nak niten upkho nak nei tukin, itnak cu ohtei sungah a dim in um hi. Itahum titale ohte cu hi leihum pen Topa bang hung hi.
\v 18 Itnak sungah launak um ma hi. Launak cu sual thukhen thuak nak tuah a seng hang, a cangkim mi itnak in a launak cu vawk sak hi. Mah hang, launak a nei thei tupa cu itnak tuah dim ma laih hi.
\v 19 Pathian in ohte a ih masa hang, ohten it bok hung hi.
\s Pathian thukham te cingkep nak
\v 20 Mihing pakhat in, “Keiman Pathian it ing hi” tin tih thah napi in a U le nau a haw tale a mah cu mizol tupa hi. Muh theih mi a U le nau a it ngawl tupa cu muh theih ngawl mi Pathian it thei tuk ma hi.
\v 21 “Pathian a it tupa cu a U le nau te vang it tuk hi” tih mi hi thukham cu Topai nelpen ohten co hung hi.
\c 5
\p
\v 1 Zisuh cu Khrih hitin a um tu hempoh Pathian hin mipa hi. A hing tik tupa a it tu hempoh a ma nelpen a hing tik tupa cu it hi.
\v 2 Ohten Pathian a ih uh hang, Pathian dan thukham te zui in a mang uh tale, mahmi thu hang ohte cu Pathian canu, capa in itnak thu cu ohten thei hung hi.
\v 3 Pathian it tih mi cu Topai dan thukham cingkep nak khi hi. Topai dan thukham cingkep tuk cu a haksa mi hima hi.
\v 4 Itahum titale Pathian nelpen a hing mi hempoh cu leihum neh thei hi. Leihum a nehnak thu cu ohtei upnak khi hi.
\v 5 Leihum a neh tu cu a kua te hum? Zisuh cu Pathian capa hitin um tu khi hima maw.
\s Theihpih nak tetti sonnak a dik
\v 6 Zisuh Khrih cu tui le thisan tuah a heng mipa hi. Tui bek hi ngawl in, tui le thisan tuah a heng mipa hi. Hawvang cu theihpih tupa hi. Hawvang cu thudik a hih hang hi.
\v 7 Hawvang, tui, thisan tih mi theihpih tu pathum a um hang, hi pathum cu pumkhat in um haw hi.
\v 8 Hi leihum ah hei hihen hawvang pakhat, tui pakhat, thisan pakhat, theihpih tu tetti pathum a um hang, hi pathum te cu pumkhat in um haw.
\v 9 Ohten mihing theihpih nak thu a um uh tale, Pathian theihpih nak tetti cu up tak saw mi thu um hi. A tuin a son uh mi theihpih nak cu Pathian in a capa thu cu a theihpih nak tetti nei hi.
\v 10 Pathian capa a um tuin hi theihpih nak tetti cu a ma sungah co hi. Pathian a um ngawl tu cu Topa a zol tu hi. Itahum titale Pathian a capa thu tuah seng in theihpih nak thu a son mi cu a mah a up haw ngawl hang hi.
\v 11 Hi theihpih nak tetti sonnak a thu cu Pathian in ohte kumkhua nunnak pia hi. Mahmi nunnak cu Pathian capa sungah a um hang hi.
\v 12 Capa a co tupa cu nunnak co hi. Capa a um ngawl tu cu nunnak co ma hi.
\p
\v 13 Pathian capa a um tu nohten kumkhua nunnak cu pumpak ngah ing hitin thei tuk in, hi thu te nohtei lakah lai kuat ngan ing.
\s A cangkheng mi thunget nak
\v 14 Ohten Pathian deihnak bang pakhat thu a nget ten, Pathian in ngai tuk hitin Pathian sungah ohten upkho nak nei hung hi.
\v 15 Ohtei thunget hempoh Topan ngai hitin ohten a thei uh tale Topai nelah a nget mi thu hempoh, ohtei ngah mi thu cu ohten thei hung hi.
\v 16 U le nau pakhat le pakhat thihnak tham mi sualnak a bawl pang tu cu mihing pakhat in a mu tale a mah cu thungen tuk hi. Thihnak a taak mi sualnak bawl tuk ngawl in Pathian in a mah cu a nunnak pia tuk hi. Thihnak tham mi sualnak um hi. Mahmi sualnak pen luat tukin thunget tuk hitin ka tihnop nak hima hi.
\v 17 Phat ngawlnak hempoh cu sual hi. Mah naven thihnak ah a henpih thei ngawl mi sualnak vang um hi.
\s Dawl khupnak
\p
\v 18 Pathian nelpen a hing tu cu sual a bawl ngawlnak thu ohten thei hung. Pathian nelpen a hing tu cu a mah le mah a cingkep nak hang, Dawihmang pan tok kha ngam ma hi.
\v 19 Ohte cu Pathian tuah seng mi a hih hang in hihen, hi leihum hempoh cu Dawihmang pai khut sungah hei a um mi cu ohten thei hung hi.
\v 20 Pathian capa heng in a dik a man mi Pathian theihnak ohte a piak mi hei hihen, ohten thei hung hi. Mah hang, ohten a dik a man mi Pathian sungah hei hihen, Pathian capa Zisuh sungah hei in um hung. Topa cu a dik a man mi Pathian a hih hang, kumkhua nunnak hi.
\v 21 Ka ihmi canu le capa te aw, zuk milim cu pial un.