See in Reader
87 lines
10 KiB
Plaintext
87 lines
10 KiB
Plaintext
\id 2PE
|
|
\ide UTF-8
|
|
\rem The text in this file was extracted from C:/DCS/Chin, Ngawn/WORD/61. 2 PETER. docx.
|
|
\mt 2 Pita
|
|
\h 2 Pita
|
|
\mt 2 Pita
|
|
\toc1 2 Pita
|
|
\toc2 2 Pita
|
|
\toc3 2pe
|
|
\s Awnkam tuah otpih nak
|
|
\c 1
|
|
\p
|
|
\v 1 Zisuh sila na dek tu kei mah Pita cu ohtei Pathian le nunpan tu Zisuh Khrih dikcang nak hang, kei muhte bang, man a nei mi upnak a co tutei lakah lai ngan ing.
|
|
\p
|
|
\v 2 Pathian hei hihen, ohtei Topa Zisuh hei hihen, theih mi cihnak hang a hehpih nak le daihnak cu nohtei sungah tampi um ta hen.
|
|
\s Upnak sungah ngilcang khan tohnak
|
|
\v 3 Ohten a sunglawi mi a minthan nak sung ah a sam tupa cu ohten a theih uh hang, Topai sungah a um mi Pathian huham nunnak Pathian thu sungah lungdam nak tuah a peh pai mi ihempoh ohtei lakah pia zo hi.
|
|
\v 4 Topa cu a minthan nak le a phat nak hang, a sunglawi man a nei mi thukam te ohtei lakah pia hi. Hi thu cu a thukam hang, nohten hi leihum ah a um mi duhhap nak, a heng mi siatnak pen luat in Pathian a hihnak a co tu tuk mite hi uh ci.
|
|
\v 5 Hi thu hang, nohtei upnak sungah phatnak hei hihen, phatnak sungah cih thiamnak hei hihen,
|
|
\v 6 Theihnak sungah mah le mah ukcop nak hei hihen, mah le mah ukcop nak sungah supnak hei hihen, supnak sungah Pathian deihnak bang in hihen,
|
|
\v 7 Pathian deihnak sungah U le nau laicin itnak hei hihen, U le nau laicin itnak sungah itnak hei hihen, zuamnak tuah bet thuah ta un.
|
|
\v 8 Itahum titale hi thu te nohtei sungah a khang to tale nohten ohtei Topa Zisuh Khrih theihnak sungah nemcuam nak um ngawl, ngah a ngah thei ngawl tu hi tuk ma uh ci.
|
|
\v 9 Hi thu a nei ngawl tupa cu mitcaw pa, mah le mah mit hup tupa hi. A bosa huncan in a sualnak a thiangtho tik mi cu phawk ngil hi.
|
|
\v 10 Mah hang U le nau te aw, nohtei co mi samnak le a tennak kho tik tuk in zuam sesem un. Itahum titale mah tihbang bawl mi sung hempoh, nohten ituk mah ten sual tuk ma uh ci.
|
|
\v 11 Mah bek sial ngawl ohtei Topa le nunpan tu Zisuh Khrih kumkhua uknak ngam sungah tumnak thu cu nohten tampi co tuk uh ci.
|
|
\p
|
|
\v 12 Mah hang nohten hi thu te na theih uh hang, nohtei sungah a um mi thudik thu sungah kho zet naven, hi thu te tuah peh pai in nohten a cat ngawl ngallin sosuah tuk ngaisung ing.
|
|
\v 13 A thu ngai in hi deubuk sungah a um sung hempoh, nohte cu ngallin nak pia in sosuah hitin kei man ngaisung ing.
|
|
\v 14 Ohtei Topa Zisuh Khrih in ohtei lakah a phuan mi bang, ohtei pumpi camnak buk cu a ngei ngawl zam san tuk laih mi thu cu kei man thei ing.
|
|
\v 15 Hi leihum pen ka tul cengten hei in, hi thu te cu nohten a cat ngawl ngalling tuk in keiman zuam tung.
|
|
\s A kho mi kamsang awnkam
|
|
\v 16 Ohtei Topa Zisuh Khrih huham hei hihen, a hensuk nak thu te nohtei lakah a hilh ten, zolnak tuah a bawl mi tang thu te mang ma hi. Ohten thawmngeng nak a nei tupa cu pumpak in a mu tute hung hi.
|
|
\v 17 Itahum titale, Pa Pathian nelpen a heng mi minthan nak le huham cu Topan a co laih tak, a sunglawi minthan nak sung pen, “A mah cu ka ihmi ka capa hi. A mah cu kei man it ing hi” tih mi aw cu Topai nelah heng hi.
|
|
\v 18 Ohten a thiangtho mi mual hum ah Topa tuah a um ngel laih in vanhum pen a heng mi aw cu za haw.
|
|
\v 19 Mah bek sial ngawl ohtei sungah a kho saw mi kamsang tei awnkam um hi. Nohtei thinlung sungah vaknak cu tul in ni kong hong aksi a vak tian, nohten mahmi awnkam cu khuathim sungah vak mi mei bang in ngaihsut tuk mi hi.
|
|
\v 20 Laithiangtho sungah a um kamsang tei phuan mi hempoh te mihing pakhat a mah bek hilhcian nak a hih ngawlnak thu a masa in thei ta un.
|
|
\v 21 Itahum titale kamsang phuan mi cu ituk mahten mihing deihnak bang a heng mi hima hi. Hawvang thiangtho sosuah co in phuan mite hi.
|
|
\s Hilh tu saza dik ngawl te thukhen nak
|
|
\c 2
|
|
\p
|
|
\v 1 Mah naven Judah miphun sungah kamsang sual um haw hi. Mah bang bok hilh tu a sual saza te heng haw tuk hi. A mun siatsuah nak a heng tik thei a sual mi thu hilhnak te a thup no keng kuh den in, a muhte tan tu Topa hei el in, a muhtei hum ah a manlang mi siatnak heng tik haw tuk hi.
|
|
\v 2 Mihing tampi ten a muhtei thi le sa deihnak ah a zui haw hang, thudik lamzin cu a muhtei hang zotsak sonsiat nak thuak tuk hi.
|
|
\v 3 A mun duhhap nak thinlung tuah a bawl cawm mi awnkam te mang in, nohtei hum ah nemcuam ngah theihnak bawl haw tuk hi. A muhtei thuak tuk mi sual thukhen nak cu tanglaih pen hei leng tih um ngawl in, a muhtei siatnak vang hihbuh nop ma hi.
|
|
\v 4 Itahum titale vancung mi a sual te cu Pathian in pam hei ma hi. Hell khuk sungah a khiak cengten thukhen tuk kolbulh in, khuathim thik khau tuah ken in kem hi.
|
|
\v 5 Tang laih leihum vang pamhei ngawlin Pathian dan thu nei ngawl mi leipi cu tui hautung tikin, dikcang nak thu a phuang tu Noah le mihing salih te cingkem hi.
|
|
\v 6 Mah bek sial ngawl Sadom le Kommorah khua te cu mei tuah halkang a thukhen nak hang, Pathian dan thu nei ngawl mitei ca tehkip nak in cang tik hi.
|
|
\v 7 Mah cengten dan nei ngawl mitei a nawngkai a bal mi nuncak khuasak nak hang, noksak nak a thuak tu midik pa Lot cu pan hi.
|
|
\v 8 Midik pa cu a muhtei sungah a um laih in a muhtei dan nei ngawl a nunnak te ni sial in a mit tuah mu, a beng tuah za in, a dikcang nak thinlung hawvang sungah nasezet bawl siat hi.
|
|
\v 9 Mah a hih hang, Pathian thu deihnak a nei mite cu noksak nak sung pen pan tuk in hihen, midik ngawl mite cu thukhen nak ni ah sual thukhen tuk a kem tuk mi hei thei hi.
|
|
\v 10 A cuang in a bal a nawngkai mi duhhap nak hang, thi le sa nungah zui in uknak thu imah sumsial ngawl mite cu mah tihbang in kem tuk hi. A muhte cu ngalhang a deihnak a zui thei mi a hih hang, lau ngawlin huham minthan nak a nei mite mawhsiat ngam haw hi.
|
|
\v 11 Vancung mite cu a muhte sang huham thazang ngilnak a nei saw haw ta vang, Pathian mai pen a muhtei hum ah zawt dem mawhsiat thukhen nak bawl haw ma hi.
|
|
\v 12 Mah naven a mun mat nak le siatnak thuak tukin semsuah mi nganhing te bang, a muhtei theihnak neih ngawl mi sonsiat nak awnkam nei thei haw hi. A mun mah nganhing a sia mi bang sia in,
|
|
\v 13 Phat ngawlnak thaman in phat ngawlnak a bawl mi cu thuak haw tuk hi. A mun sun huncan ten in le eih nopcen nak hitin ngaisung in, a muhtei in le eih bawl laih tak a muhtei zolnak sungah nopsa in, mawhsiat nak sual a nei mite haw hi.
|
|
\v 14 A muhtei mit cu sual nuamnak lungmu a dim hang, sual a bawl cu cawl thei haw ma hi. A mun thinlung a thiangtho ngawl mite zol thei haw hi. Duhhap nak sungah nung ca khua sa in, tamsiat nak cate haw hi.
|
|
\v 15 A mun a tuang mi lamzin cu zamsan lampial in phat ngawlnak tuah ngah mi man cu deih in Bosor capa Balaam lamzin zui haw hi.
|
|
\v 16 Mah naven Balaam cu a sualnak hang thu hilhnak thuak hi. Awn thei ngawl mi laak in mihing aw tuah otpih in mahmi kamsang misil pa cu kham hi.
|
|
\v 17 A muhte cu tuikhuk a kang mi huihpi theu ten muhvawk mi meingo bang hi. A muhtei ca khuathim pi in kem hi.
|
|
\v 18 Itahum titale a mun a thupi ngawl te bet in pualthau nak awnkam tuah sualnak sungah a nung ca khua sa mitei sung pen a luat sem mite, thi le sa deihnak tuah a nun haw hang sualsoh thei haw hi.
|
|
\v 19 A mun a muhte cu luatnak pia tuk ung hitin thukam tuah a muhtei pumpak loli siatnak sila te hi. Itahum titale mihing pakhat nehsiah uknak a co tale mahmi hi sila hi.
|
|
\v 20 Nunpan tu Topa Zisuh khrih theih ciangnak hang, leihum a bal a nawngkai pen a suahcak nungten mahmi thu sungah awk leh tale a masa nuncan ziaza sang in sia huai saw hi.
|
|
\v 21 Dikcang nak lamzin thei in, a co sa mi a thiangtho thukham a zam san sang in mahmi thukham a thei ngawl ta a hin a muhtei ca pha saw hi.
|
|
\v 22 Uico in a luaksa an cu ei leh thei hi. Vok in tisom cengten cinnawi bual leh hi tihmi cu a man mi thu sonnak bang a muhtei lakah kim zo hi.
|
|
\s Pathian ni
|
|
\c 3
|
|
\p
|
|
\v 1 Ka ihmi ngualcam te aw, a tuin a veinih nak lai cu nohtei lakah ngan ing.
|
|
\v 2 Mi thiangtho kamsang tei hilh hamnak thu hei hihen, nunpan tu Topa Pathian nungzui tu a himi kohtei dan thukham hei hihen, nohte phawk leh tuk in hihen, hi lai panih sungah nohtei a thiangtho mi thinlung hawvang te, kei man ngallin nak pia in sosuah ing.
|
|
\v 3 A masa bel in nohtei theih tuk mi thu cu ni dawl tabel huncan ten cekpan bawl thei mite heng in, a muhtei deihnak nung ah kalsuan ngamta in,
|
|
\v 4 “Topa hunsuk lehnak tuah a peh pai mi thukam cu i lai ah um hum? Pu le pa tei hihbuh huncan pen pan ihempoh te a bawl pen pat a bang leng in kho tuk laih hima maw” tin, son haw tuk hi.
|
|
\v 5 Itahum titale Pathian thu in vanhum cu tang laih pen pan a um hang, leipi vang tui hang in tui sung pen lang zo hi.
|
|
\v 6 Mah huncan laih in leipi cu tui hau tung in, tui hang siatnak ah heng hi tih mi thu cu a mun phawk kha nuam haw ma hi.
|
|
\v 7 A tuin a um mi vanhum le leipi cu a thu tuah mei ca tuk a koih sa zo hang, Pathian thu a thei ngawl mitei siatnak le thukhen nak ni tian in kem hi.
|
|
\p
|
|
\v 8 Mah naven ka ihmi ngualcam te aw, Pathian ca nikhat cu kum thawngkhat bang in hihen, kum thawngkhat cu nikhat bang in hihen a tihmi thu pakhat cu phawk ngil pah sun.
|
|
\v 9 Mi hek khat ten, heng hak leita tin a ngaihsut bang in, Pathian thukam cu heng hak ma poh hi. A kuamah siatnak ah heng tuk ngawlin mi hempoh sualsih tuk a deihnak hang, nohtei hum ah a thinsau nak tuah bek um hi.
|
|
\v 10 Mah hang, Pathian ni cu nguca bang heng tuk hi. Mahmi ni in vahum cu aw nging zet tuah tham in, hi leihum cu nasezet a sa in sia tuk hi. Leihum ah a bawl mi hempoh te kang khawng tuk hi.
|
|
\v 11 Hi na hempoh te siat suah khawng tuk a hih hang, nohten itihbang mite hih tuk kul hum? Nohten a thiangtho mi nun nei in Pathian deihnak bang nung in,
|
|
\v 12 Pathian ni ngak in mahmi ni a hennak cu manlang tik kul hi. Mahmi ni in vanhum cu kang in sia tuk hi. Hi leipi vang nase leita a sa hang a tui zung tuk hi.
|
|
\v 13 A tuin a um mi hempoh te a sia ta vang, dikcang nak thu umnak van thak le lei thak cu ohten a thukam nak bang in ngak hung hi.
|
|
\s A dawl khupnak
|
|
\p
|
|
\v 14 Mah a hih hang ka ihmi ngualcam te aw, nohten hi thu te ngakin na um uh hang, sualnak a them no hei um ngawl mawhsiat nak um ngawl mi hihnak tuah Topai mai ah daiden no heng thei tukin zuam ta un.
|
|
\v 15 Kei muhte a it tu U nau Paul in a ma nelah a piak mi cihnak bang, ohtei Topa Pathian thinsau nak cu nunpat nak ca hitin ngaisung ta un.
|
|
\v 16 A mah cu a dang lai hempoh sung pen hi thu te tuah peh pai in son hi. Mahmi lai sungah theih haksa mi hek khat um hi. Theihnak a nei ngawl thinlung thiangtho a nei ngawl miten a dang Laithiangtho hum ah a bawl bang in mahmi lai a tihnop nak cu a mu deihnak ah lumlet in a muh le muh siatnak ah heng tik haw hi.
|
|
\v 17 Mah hang ka ihmi ngualcam te aw, hi thu te nohten na theih ham zo hang a muhtei sualnak ah zui ngawl nang muhtei a thiangtho mi thinlung cu sia tik tuk ngawlin, nangmuh le nangmuh kem ta un.
|
|
\v 18 Ohtei Topa le nunpan tu Zisuh Khrih hehpih nak hei hihen, Topa theihnak sungah hei hihen khang to ta un. A tu pen pan in kumkhua ni huncan tiang, Topai sungah a minthan nak um ta hen. Amen.
|