cnw_reg/59-HEB.usfm

\id HEB
\ide UTF-8
\rem The text in this file was extracted from C:/DCS/Chin, Ngawn/WORD/58. HEBREWS. docx.
\mt Hebru
\h Hebru
\mt Hebru
\toc1 Hebru
\toc2 Hebru
\toc3 heb
\s Capa a hihnak
\c 1
\p
\v 1 A bo sa hun sungah Pathian kamsang ten pu le pa te huncan khen tampi sungah lamzin a phun phun tuah thuphuan nak pia zo hi.
\v 2 Ni dawl tabel ni ten a capa hang, thuphuan nak pia hi. Pathian in a capa cu na hempoh lo co tu tuk in a piak hang, hi leihum vang a capa hang in um hi.
\v 3 Capa cu Pathian minthan vaknak le thi le sa hihnak lang in, a huham tuah a dim mi a thupiak nak cu na hempoh bawm tu a hih hang ohtei sualnak a mah loli a thianlim tik cengten, vanhum a sang nak mun ah huham nei tupai taklam ah khung hi.
\s Vancung mite sang a ngeng saw mi capa
\v 4 Capa cu vancung mitei min sang a sunglawi saw mi min a co bang in vancung mite sang a ngeng saw mipa hi.
\v 5 Itahum titale Pathian in nang cu ka capa hi ci. Tu ni in nang cu hing tik zo ing hi tih hei in hihen, kei cu a pa hi tung hi. A mah cu ka capa tuk in hihen, vancung mi a kua mah nelah hilh awng ma hi.
\p
\v 6 Ca tawn til Upa bel cu hi leihum ah a hensuk ten, “Pathian vancung mi hempoh in a mah cu bia haw tuk hi” tin, heng hi.
\p
\v 7 Vancung mite cu huih bang in hihen, a na deh tute cu mei alh bang in hihen cang tiik thei hi” tin, thupia hi.
\p
\v 8 Capa in, “Pathian aw, Topai tohkham cu kumkhua kho in dikcang nak tuah a uknak cu Topai thukhen uknak ngam hi.
\q
\v 9 Topan dikcang nak a deih hang mi sual te hua hi. Mah hang, Topa Pathian tih mi Pathian cu Topai ngualcam te sang khaisang in, Topa cu lungdam nak sa thau thih sak zo hi” tin, heng hi.
\q
\v 10 Laithiangtho a heng mi bang Pathian aw, Topan a pat pen pan leipi um tikin vanhum vang Topai khut tuah a bawl mi hi.
\q
\v 11 Hi thu te siatnak ah a heng ta vang Topa cu a cat ngawlin kho tuk hi. Na hempoh puansia bang in sia tuk hi.
\q
\v 12 Topan hi thu te cu puan than zial bang zial in theknak ah a heng haw ta vang, Topai kum cu bo tih um tuk ma hi” tin, ti hi.
\p
\v 13 Mah bek sial ngawl na ngal te ke nuai ah na koih laih ngawl sung hempoh ka taklam khut ah khung in hi” tin, vancung mi a kua tei lakah ti awng hum?
\p
\v 14 Vancung mi hempoh nunpat nak lo a co tutei na deh sak tuk in a hah mi na dek tu hawvang hi haw ma maw.
\s Sum sialnak nei tuk ngawl in ngallin piaknak
\c 2
\p
\v 1 Mah hang, ohten lamzin pial tuk ngawl in a zak mi thu hempoh thinlung sungah ngaisung le leng un.
\v 2 Itahum titale vancung mitei hang a piak mi thu cu a cat ngawl kho in, sualnak phunkim te a co tak mi sual thukhen nak cu mihing tei thuak a man a hitale,
\v 3 Izahtak in a sunglawi mi nunpat nak cu sumsial ngawl in a um tale ohten sualnak pen itihbang luat thei tuk hum? Topa Pathian in a masa a phuan mi nunpat nak thu a za tutei lakpen kohtei sungah kho tik hi.
\v 4 Pathian thasiah huai mangbangza thu hang in hihen, huham thasiah huai phunkim tuah in hihen, a deihnak bang hawvang thiangtho a piak hang in hihen, a muhte tuah theihpih nak tetti nei zo hi.
\s Mihing capa Zisuh
\p
\v 5 Itahum titale Pathian in ohtei son mi a heng tuk laih leihum cu vancung mitei khut sungah uknak pia ma hi.
\v 6 Mi pakhat in, “Mihing cu itihbang mi a hihnak hang Topan a mah cu phawk hum? Mihing capa cu itihbang mipa a hihnak hang, Topan a mah cu zo tuk in heng suk hum?
\q
\v 7 Topa a mah cu vancung mite sang dawm laih sung no niam saw tik in, a huham minthan nak tuah a mah cu a lu ah khu tik zo.
\q
\v 8 Na hempoh te a ke nuai ah koih zo hi” tin, Laithiangtho munkhat ah son zo. “Na hempoh a ma nuai ah koih zo hi” tih mi cu a ma nuai ah koih ngawl in a tang mi pakhat no hei um tuk ma hi. A tuin na hempoh a ma nuai ah koih zo hi tih cu ohten mu ma laih hung hi.
\v 9 Mah naven Pathian hehpih nak hang mi hempoh ca thihnak thuak tuk in, vancung mitei nuai ah dawm laih no niam saw tikin, a thihnak hang a lu ah minthan nak tuah a khu tu Zisuh cu ohten mu zo hung.
\v 10 Itahum titale, mi tampi a cate nunpan in a minthan nak sungah a huai tupa cu haksat cimnak hang cangkim nak ah heng tuk in, na hempoh bawl in uktu Pathian thukhen nak hi.
\v 11 A thungai in a thiangtho tik mipa hei hihen, a thiangtho in a co mite hei hihen, a venghawng in pakhat sung pen a heng mi hi. Mah hang, Topan a muhte cu U le nau te tin sam tuk cu zahza ngawl in,
\v 12 “Kei man Topai min cu ka U le nau tei lakah hilh tung. Mi honpi hulopkhawm nak laizang ah Topa cu thangphat nak la sa tung hi” tin, thupia hi.
\p
\v 13 Kei cu Topa muang tung hi tih hei in hihen, “Zo in. Kei mah pen pan ka nelah Pathian piak mi cate um hi” tih hei in thupia hi.
\p
\v 14 Canu le capa a venghawng thi le sa hihnak a neih haw hang, Topan mah tihbang bok in thi le sa hihnak nei hi. Hi thu cu a thihnak hang thihnak huham a nei tu Dawihmang pa siat suah in,
\v 15 Thihnak cu launak sungah a nun sung hempoh sila in a um mite suak ca tik tuk in hi.
\v 16 A thungai in Khrih in vancung mite cu bawm ngawl in Abraham miphun te bawm hi.
\v 17 Mah hang, Topan mihing tei sualnak ca a hehpih nak bawl tuk in Pathian mai ah ningnat nak a thiam muantaak mi thiampi ngeng cang tuk in, na hempoh sungah a U le nau te tuah bang ve in um hi.
\v 18 Itahum titale Topa a mah loli in sualsoh nak thuak in haksat cimnak a thuak hang, sualsoh nak a thuak tute bawm thei hi.
\s Ohtei nungzui tu le thiampi ngeng
\c 3
\p
\v 1 Mah a hih hang, vanhum tuah a peh pai mi samnak sungah a tel tu mi thiangtho U le nau te aw, ohtei upnak tuah phuan mi nungzui tute le thiampi ngeng tih mi Zisuh thu ngaisung ta un.
\v 2 Mosi in Pathian inn pakhat sungah muantaak nak a um bang, Zisuh in a mah a piak mi Pathian hum ah muantaak nak nei hi.
\v 3 Inn sa tupan inn sang minthan nak a neih saw bang, Zisuh cu Mosi sang a sunglawi saw mi minthan nak a cotaak hitin, ngaihsut nak thu um hi.
\v 4 Itahum titale inn cu mihing pakhat in sa hi. Mah naven ihempoh a sa tupa cu Pathian hi.
\v 5 Mosi in tu nungten phuan tuk mi thu ca theihpihnak tetti nei tukin, sila bang inn pakhat sungah muantaak nak nei hi.
\v 6 Khrih cu capa hihnak tuah Pathian inn cu uk in muantaak nak nei hi. Ohtei upnak le muansan nak sungah lungdam ngalpih nak in hihen, a tawptian a lenkhim uh tale Pathian inn hi hung hi.
\s Up ngawlnak hang ngallin piak nak
\v 7 Mah hang hawvang thiangtho in, “Tuni in nohten Topai aw na za uh tale,
\v 8 Hampa lak culnak huncan sungah donak na bawl uh bang, nohten thinlung khoh in um pah sun.
\q
\v 9 Mah lai mun ah nohtei pu le pa ten keimah cul in, kum sawmli sung ka bawl mi thu mu haw zo hi.
\q
\v 10 Mah a hih hang, hi miphun te cu ka thinuuk in, ‘A muhtei thinlung sungah a cat ngawl lamzin a pial hang, ka lamzin cu thei haw ma hi’ tin, keiman ti ing.
\q
\v 11 Mah hang, a muhte cu ka daihnak sungah tum haw tuk ma hi” tin, ka thinuuk nak tuah keiman tam ing tin a tih mi bang,
\v 12 U le nau te aw, nohtei sungah up theih ngawl mi a sia huai thinlung a um hang, a nung mi Pathian nel pen a suak tul tu pakhat no hei um tuk ngawl in ngalling ta un.
\v 13 Nohtei sungah sual thu zol nak hang a kua mah thinlung khoh tuk ngawl in, tu ni hun can tin sam mi sung hempoh nisial in pakhat le pakhat sosuah un ta un.
\v 14 Kohten a pat in muankhom nak thinlung a um mi cu a tawp tian kho zet na len khim ta le Khrih tuah a peh mite hi tuk uh ci.
\v 15 Laithiangtho sungah, “Tuni in nohten Topai aw na za uh ta le donak hun can sung bangin nohten na thinlung khoh tik pah sun hi” tin, ti hi.
\p
\v 16 Mah tihbang in za leng napi in a do tute cu a kua te hum? Mosi nungah zui in Izip ngam pen a suak tul mite hima maw?
\v 17 Kum sawmli sung a koi hum ah a thinuuk hum? Sualnak bawl in hampa lakah bah in a thi mite hi haw ma maw.
\v 18 Mah bek sialngawl in, “Topai daihnak sungah tum haw tuk ma hi” tin a koi lakah tamsiat nak bawl hum? A thu a ngai ngawl tute hima maw.
\v 19 A muhtei up ngawlnak hang, a tum theih ngawl mi cu ohten thei zo hung.
\s Daihnak sungah tum tuk in thukam
\c 4
\p
\v 1 Mah hang, Pathian daihnak sungah tumnak tuk thukam um napi in, nohtei sung pen mi hekkhat ten tum ngawl um tuk ngawl in ngalling ta un.
\v 2 Ohten lungdam nak thuthangpha cu a muhte bang in za zo hung. Mah naven a muhtei zaak mi thuthangpha cu a mun upnak tuah a kom ngawl hang, a mu ca nemcuam nak um ma hi.
\v 3 Umtu kohten daihnak sungah tum hung hi. Hi thu cu, “A thinuuk nak hang ka tamsiat bang a mun ka daihnak sungah tum haw ma hi” tin, a tih mi bang hi. Mah a hih hang a na dehnak te cu leipi a pian pen pan in ceng zo hi.
\v 4 Itahum titale ni salih ni tuah peh pai in, “Ni salih ni cu Pathian in na a deh mi hempoh pen cawl in daiden no cawl hi” tin, Laithiangtho munkhat sungah ti hi.
\v 5 Laithiangtho sungah a heng leh mi a muhte ka daihnak sungah tum haw tuk ma hi” tin mah lai sungah ti hi.
\p
\v 6 Mah hang, daihnak sungah a tum mi hekkhat tei ca um laih hi. A sunglawi mi thuthangpha cu a masa in a za tute cu thu a ngaih ngawl hang tum haw ma hi.
\v 7 Mah hang, Pathian in nikhat cu “Tuni” tin koih in, kum tampi a ngei ten a bosa hun laih a lak mi bangin, “Tuni in nohten Topai aw na za uh tale nohten thinlung khoh nak nei toh pah sun hi” tin, David hang thupia hi.
\p
\v 8 Zisuh in a muhte daihnak a pia ngai tale mah cengten a dang ni te cu Pathian in ithu son tuk um hum?
\v 9 Mah a hih hang, Pathian miphun ca daihnak pakhat um laih hi.
\v 10 Itahum titale Pathian a na deh nak hempoh te cawl in daiden no a um bang, Topai daihnak sungah a tum tupa vang a na dehnak cawl in daiden no um hi.
\v 11 Mah hang a muhtei thu ngaih ngawlnak nungah zui in a bah tuk mi pakhat no hei um ngawl in, daihnak sungah tum thei tuk in ohten zuam tuk hung hi.
\v 12 Pathian thu cu nunnak, a lang le lang a hiam zet mi nam sang in a hiam saw hang nunnak le hawvang tian hei in hihen, nguhmang sung le liing sung tiang ah hei hihen, khenkhuai in paih let in vit thei hi.
\v 13 Ohte thukhen tupai mai ah a lang ngawl mi thil pakhat no hei um ma hi. Na hempoh te a kham tu um ngawl a mai ah hong leng in um hi.
\s Ohtei thiampi ngeng pa
\p
\v 14 Mah hang vanhum ah a tum tu thiampi ngeng pa cu Pathian capa Zisuh in ohtei sungah thiampi a hih hang, ohtei lungkim nak tuah phuan mi thu sungah kho zet um un.
\v 15 Ohtei thiampi ngeng pa cu ohtei haksat cimnak hang, lainat nak a nei ngawl mipa hima hi. Ohtei thuak mi bang, noksak culnak a thuak awng zo tupa hi. Mah hang, sualnak pen luat zo hi.
\v 16 Mah hang, ohten a lainat nak le a hehpih nak co in a lemcang huncan sungah bawm tuk in, upkho nak tuah a hehpih nak thukham ah zuan tuk hung hi.
\s Thiampi ngeng Zisuh
\c 5
\p
\v 1 Mi hing tampi sung pen tennak a nei mi thiampi te sual hah biakpiak nak hei hihen, mihing tei ca Pathian na dek tu tuk in ap mipa hi.
\v 2 A bulpak hei tha nem mi a hih hang, theihnak nei ngawl in lamzin a pial mite bawm thei hi.
\v 3 Hi thu hang a mah cu mihing tei ca bek hi ngawl in, a ma ca hei sual hah biakpiak nak pia hi.
\v 4 Pathian in Aron a sam bang a sam mipa sial ngawl, a kua mah in a sunglawi mi thu laksak thei ma hi.
\v 5 Mah bang bok Khrih in thiampi hihnak tuah a mah le mah pahcoih nak um ngawl in, “Nang cu ka capa hi ci. Tuni in nang cu hing tik zo ing hi” tin, Topai nelah thupia tupa cu khaisang zo hi.
\p
\v 6 A dang Laithiangtho ah vang, “Nang cu Melkhizadek tuah a bang ve mi kumkhua thiampi hi ci” tin a tih bang in hi.
\p
\v 7 Khrih cu mihing a hih laih thihnak pen nunpan thei tupa cu nasezet aunak, mit hitui luannak tuah thungen in a hehpih kutnak hang, Pathian in ngai hi.
\v 8 Pathian capa hi naven haksat cimnak a thuak ten thungaih nak cu cung in,
\v 9 Cangkim nak a hen cengten a thu ngai tu hempoh tei lakah kumkhua nunnak pia tupa a hih hang,
\v 10 Melkhizadek bang thiampi ngeng tin Pathian samnak co hi. Cangkim ngilcang ngawl mite thu hilhnak
\v 11 Melkhizadek thu cu ohten son tuk tampi um hi. Nohten theihnak um ngawl hang son hak sa hi.
\v 12 A thungai in nohten huncan a ngei hang, hilh tu saza hihnak heng tuk toh naven Pathian thuphuan nak sungah mi pakhat in nohte cu a pat pen pan hilh leh tuk kul hi. Nohtei sungah a kul mi thu cu an ham mi hi ngawl in nawitui bek hi.
\v 13 Nawitui bek a in tu hempoh cu naupang te a hih hang, dikcang nak tuah a peh pai mi a thu cu ciangzet in theihnak um ma hi.
\v 14 An ham tih mi cu a pha a sia khenkhuai thiam paihlet in theihnak a nei mi, a muh mi le a tawh mi a cangkim ngilcang in a nung mitei ca hi.
\s A cangkim ngilcang kalsuan tuk sosuah nak
\c 6
\p
\v 1 Mah hang, thihnak tuah a peh pai mi nun cu sualsih nak, Pathian upnak, baptisma thu hilhnak, khut suannak, a thi mitei thawh leh nak, kumkhua thukhen nak tih mi a bulpi cu ohten kho leh ngawl in,
\v 2 Khrih tuah a peh pai thu hilhnak koih in, cangkim nak ah kalsuan tuk hung.
\v 3 Pathian in thuneih nak a pia ma tale ohten mah tihbang in bawl tuk hung hi.
\v 4 Vaknak sungah veikhat in vanhum laksawng thupha mui cu tep in, hawvang thiangtho co nak,
\v 5 Pathian a sunglawi mi thuthangpha awnkam hei hihen, a heng tuk laih mi huham hei hihen, tepnak a neih cengten,
\v 6 Siatnak ah a cak miten Pathian capa cu a mu bulpak loli in thinglamteh hum ah tak leh in zahcak nak a hen tik haw hang, a mun sualsih nak ah heng thei haw ma hi.
\v 7 Itahum titale leipi cu a ma hum ah vei tampi nguahtui a in hang, lo let tutei ca man a nei mi ankung a ngui ngah cang tik thei ta le Pathian thupha co hi.
\v 8 Mah hang, lingkung phunkim po tik thei hi. Mahmi lei cu mantaak ngawl a hih hang, a ngei ngawl in tamsiat co in a dawl bel ten mei hal tawk hi.
\p
\v 9 Ih mite aw, ohten hi tihbang in son ta vang nohten nunpat nak tuah a peh pai thu cu a pha tampi um hitin, kohten upkho nak nei ung.
\v 10 Itahum titale, Pathian in nohtei na dehnak bang in hihen, mi thiangtho te a bosa hun in nohten na cawm vak mi bang a tu hei in cawm le vaknak nei in, Topai min suang in nohtei lak mi itnak hei hihen, phawk tuk ngawl tian in sual a bawl mite hima ung.
\v 11 Nohtei bulpak in muansan nak tuah a peh pai mi muankhom nak a dim nei tukin, mah tihbang thinlung a tawp tian lak thei tukin kohten deih ung hi.
\v 12 Hi thu cu nohten thazawng ngawlin upnak le thinsau nak tuah thukam nak lo a co tute bang nung tuk in hi.
\s Thukam a co nak
\p
\v 13 Pathian in Abraham nelah thukam a piak ten, Topa sang a ngeng saw mi cu sal in tamsiat nak a neih ngawl hang Topa cu sal in,
\v 14 “Kei man nang cu a cat ngawl in thupha pia tung. Nang cu a cat ngawl khang to tik tung hi” tin thupia hi.
\v 15 Mah bang bok Abraham in thinsau nak tuah a ngah cengten, thukam nak sungah tum hi.
\v 16 Mihing ten a mah sang a ngeng saw mi cu sal in tamsiat thei haw. Tamsiat nak a kho tik tu cu el dunnak hempoh cawl tik thei hi.
\v 17 Mah hang, thukam nak lo a co tute cu Pathian ngaihsut a sia tik thei ngawl a man mi thu thei tuk in, Pathian in tamsiat nak kho tik hi.
\v 18 Itahum titale, Pathian cu zol thu a son thei ngawl mi a sia thei ngawl, a thek thei ngawl mi thu panih hang a ngeng bel mi nepnak co haw tuk mi thu hi.
\v 19 Mahmi muansan nak cu ohtei thinlung ca a kho mi suanghiam bang ohtei sungah a um hang, biakinn kalaka puanzak sungah heng hi.
\v 20 Zisuh cu Melkhizadek bang, kumkhua thiampi ngeng cang in kalaka puanzak sungah lamhuai tu hihnak tuah ohtei ca in tum hi.
\s Melkhizadek thawmngeng nak
\c 7
\p
\v 1 Melkhizadek cu Salem kumpi a hih hang, a sang bel mi Pathian thiampi hi. A man kumpi te a thahnak pen a heng tu Abraham cu muak in thupha pia hi.
\v 2 Abraham in a ngah mi hempoh sung pen sawm ah pakhat cu a mah pia hi. Melkhizadek min a tihnop pakhat nak in dikcang kumpi tih hei in hihen, mah cengten daihnak kumpi tih cu Salem kumpi tih hei in hihen,
\v 3 A mah cu nu le pa nei ma hi. Miphun nam vang nei ma. A nunnak cu a patnak le a tawp nak nei ma hi. A mah cu Pathian capa bang thiampi hihnak in kumkhua kho hi.
\p
\v 4 Ohtei pa Abraham hei a ngah mi sung pen sawm ah pakhat a piak mipa cu izahtak in ngeng hum tih mi cu ngaisung un.
\v 5 Levi miphun sung pen thiampi na a dek tute cu dan thukham bang mihing tei lakpen sawm ah pakhat khon tuk tih mi dan thu nei haw. Mah miphun te cu Abraham nel pen a heng mi a U le nau te hi.
\v 6 Levi miphun cazin suangah a um ngawl mipa cu Abraham nel pen sawm ah pakhat co in thukam nak a co tupa cu thupha pia hi.
\v 7 Upa saw in nauta saw thupha pia hi tih cu el tuk um ma hi.
\v 8 Mah bek sial ngawl a thi thei mihing ten sawm ah pakhat cu co haw hi. Sawm ah pakhat co thei hi. A dang thu sungah a mah cu a nung mi hi tin theihpih sonnak tetti um hi.
\v 9 Mah bek sial ngawl sawm ah pakhat a co tu Levi cu Abraham hang sawm ah pakhat pia zo hi tih cu sonnak thu um hi.
\v 10 Itahum titale, Melkhizadek in Abraham a muah ten Levi cu a pai pumpi taksa sungah um laih hi.
\s Kumkhua thiampi a hihnak
\p
\v 11 Mi tampi in Levi miphun tuah peh pai in thiampi hihnak thu bulpi dan thukham a co haw hang, mah mi miphun tuah cangkim nak a heng thei ngai tale a dang thiampi te cu Aron bang sam ngawl in, Melkhizadek bang a hennak tuk thu i um laih hum?
\v 12 Thiampi miphun hihnak sungah thek nak a um tale dan thukham vang thek tuk kul hi.
\v 13 Itahum titale, a hum pen thuson mipa cu biakpiak nak na a dek awng ngawl tu a dang miphun te tuah seng hi.
\v 14 Ohtei Topa cu Judah miphun sung pen a hennak thu ciangzet lang hi. Mosi cu mahmi miphun te tuah peh pai in thiampi tuah a seng mi thu pakhat no hei son ma hi.
\v 15 Mah bek sial ngawl Melkhizadek tuah a bang ve mi a dang thiampi pakhat a heng tale hi thu te cu ciang sesem tuk hi.
\v 16 Thiampi cu taksa pumpi tuah a seng mi thu bang a piak mi hima hi. Kumkhua nunnak tuah a seng mi huham tuah kumkhua thiampi in cang hi.
\v 17 Itahum titale, nang cu Melkhizadek bang kumkhua thiampi hi ci” tin, theihpih sonnak tetti um hi.
\p
\v 18 Dan thukham cu cangkim nak ah a het pih theih ngawl hang,
\v 19 Tanglaih dan thukham lun cu thanem in nemcuam nak a piak theih ngawl hang, cangkim nak ah heng thei ma hi. Mah naven, a tu cun a sunglawi saw mi muansan nak a hen hang, ohten muansan nak tuah Pathian nelah zuan tuk hung hi.
\v 20 Mah bek sial ngawl hi thu cu thukam nak bawl ngawl in a heng mi hima hi. Itahum titale, a dang thiampi ten thukam bawl in thiampi hihnak co haw hi.
\v 21 Topa, “Nang cu kumkhua thiampi hi ci” tin, Pathian cu sal in thupiak mi a hih hang a thinlung thek tuk ma hi,” tin thukam bawl in Topa cu thu a piak hang thiampi in cang hi.
\p
\v 22 Mah tihcun Zisuh in a sunglawi saw mi thukhaam kho tik tu hi.
\v 23 A dang thiampi te cu thihnak thu hang, na dek bet thei ngawl in mi tampi ten thiampi in cang haw hi.
\v 24 Topa cu a cat ngawl a kho mi a hih hang, a thek thei ngawl mi thiampi hihnak co hi.
\v 25 Mah hang Topan a ma hang, Pathian nelah a heng mite cu nunpat theihnak a dim nei hi. Itahum titale, Topan a muhtei ca a hehpih nak pia tuk in a cat ngawl nunnak nei hi.
\v 26 Mah tihbang thiampi ngeng pa cu thiangtho in mi sual te tuah a khennak hang, vanhum a sang nak munah khaisan nak a co tu thiampi ngeng cu ohtei ca in pha hi.
\v 27 A dang thiampi ngeng te cu a sual hang in hihen, mi tampi sualnak hang in hihen, ni sial biakpiak a bawl bang, Topa cu biakpiak nak bawl kul ma hi. Itahum titale, a mah le mah veikhat biak piak nak hang hi thu hempoh te ceng zo.
\v 28 Dan thukham in sualnak a nei mite cu thiampi hihnak ah pia hi. Dan thukham nung pen a heng mi thukam a cat ngawlin cangkim nak ah a heng mi capa cu pia hi.
\s Vanhum thiampi ngeng
\c 8
\p
\v 1 Ohtei son zo mi thu te mah tihbang mi thiampi ngeng cu ohtei lakah um hi. Topa cu vanhum ah a um huham tohkham taklam ah khung hi.
\v 2 Mihing tei sak ngawl mi kumkhua Pathian sak a dik mi deubuk le a thiangtho umnak ah Pathian na dek tupa hi.
\v 3 Thiampi hempoh in biakpiak nak bawl tuk a piak mi a hih hang, hi thiampi ngeng pa cu biakpiak nak pakhat a neih tuk kul hi.
\v 4 Topa cu hi leihum ah a um tale dan thukham bang, biakpiak nak a pia tu tampi a um hang thiampi hi tuk ma maw.
\v 5 Mosi in deubuk sa tuk a um laih in, “Na hempoh mual hum pen nangmah ka lak mi bang bawl tukin ngal ling in hi” tih mi thuphuan a co bang, a mun vanhum ah a um mi thu a lim tuah a pehpai mi na bawl haw hi.
\v 6 Mah naven, a tuin Topan a sunglawi saw mi thukam sungah a um, a sunglawi saw mi thukhaam a kho tik bangin a sunglawi saw mi na dehnak co hi.
\v 7 Itahum titale, a veikhat nak thukhaam cu mawhsiat nak sual a um ma tale a veinih nak thukhaam cu a kulnak thu um ma hi.
\v 8 Mah naven Pathian in a muhte a mawhsiat nak hang, “Pathian tihmi cu zo in hi. Isarel miphun te hei hihen, Judah miphun hei hihen, thukhaam thak ka bawl tuk mi ni heng awn zo hi.
\q
\v 9 Thukhaam cu a mun a pu le pa tei khut len in Izip ngampen a suah tul laih in a muhte tuah thukhaam bang tuk ma hi. A mun ka thukhaam sungah a kho ngawl hang, kei man a muhte sumsial ngawl” tin Pathian in thupia hi.
\q
\v 10 Pathian in, “Mah mi ni cengten Isarel miphun le ka bawl tuk mi thukhaam cu hih tihbang in hi. Kei man ka thukham te a muhtei theihnak sungah koih tum in, a muhtei thinlung sungah ngan tung hi. Kei cu a muhtei Pathian hi tung. A muhte vang ka mihing hi haw tuk hi.
\q
\v 11 A mun, ‘Pathian cu thei un hi” tin hilh haw tuk ma hi. Itahum titale, a neu bel pen pan a ngeng bel tian mi hempoh ten kei mah thei haw tuk hi.
\q
\v 12 Itahum titale, kei man a muhtei phat ngawlnak cu hehpih in a muhtei sualnak phawk leh hihim ma zo ing hi” tin, thupia hi.
\p
\v 13 Pathian in, “Thukhaam thak tin a piak hang a veikhat nak thukhaam cu lun tik zo. A lun cu a ngei ngawl in tham tuk hi.
\s Thukhaam lun tuah a pehpai mi na deh
\c 9
\p
\v 1 A veikhat nak thukhaam cu na dehnak thupiak mi tuah seng in hihhen, leihum a thiangtho umnak tuah hei in seng hi.
\v 2 Itahum titale, deubuk a bawl laih a thiangtho umnak mun tin sam mi, a pakhat nak a khan sungah meivak nak khung, cabuai le moh koihnak um hi.
\v 3 A khan panih nak kalaka a nung lam cu a thiangtho zet mi umnak tin a sam mi deubuk um hi.
\v 4 Deubuk sungah ngimnam tui mei hal nak sui tuah biakpiak nak taitan le sui tuah bawl mi thukhaam thingkuang um hi. Thingkuang sungah Manah koihnak sui bel, Aron thiangkhut a lekah pak le thukhaam suangpek um hi.
\v 5 Thingkuang humah minthan nak tuah a dim mi Cherubim ten sualzah biakpiak nak khuh haw. Hi thu te cu a tuin cangkim zet son theih ma hi.
\v 6 Mah tihbang in na hempoh a bawl cengten, thiampi ten biakpiak nak te bawl haw hi.
\v 7 Deubuk a panih nak sungah thiampi ngeng pakhat bek in a sual hang in hihen, mipi tei sual hang in hihen, biakpiak nak thisan keng in kumkhat ah veikhat bek tum thei hi.
\v 8 Deubuk khankhat nak a um sung hempoh a thiangtho zet mi umnak ah a tumnak lampi a hon ngawl nak thu cu hawvang thiangtho in hi thu tuah in hilh hi.
\v 9 Deubuk cu muh theih mi hun sung ca tepteh nak a hih hang, biakpiak nak hempoh te biakpiak nak a bawl tupai thinlung a cangkim ngawlnak thu hilh hi.
\v 10 Hi thu te eih tuk, in tuk le a phun kim somciang nak tuah a peh pai in a thak bawl leh huncan tian, pumpi taksa tuah a seng mi thupiak nak sung bek ah um hi.
\s Thukhaam thak tuah a seng mi biakpiak nak
\p
\v 11 A tuin mihing khut tuah bawl ngawl, hi leihum tuah a seng ngawl mi a sunglawi a cangkim saw mi deubuk sungah thupha muicu nemcuam nak a heng tu thiampi ngeng tih mi Khrih hi.
\v 12 Ohtei ca kel le khui no thisan hang hi ngawl in, a thisan tuah a thiangtho umnak sungah veikhat bek a ceng luttum in, kumkhua a tatnak le a hehpih nak co tik hi.
\v 13 Itahum titale, a thiangtho ngawl mitei humah a theh mi kel thisan, khui thisan le khuila no vut te cu pumpi taksa thiangtho tikin a muhte a thiangtho tik thei a hitale,
\v 14 Kumkhua hawvang tuah sualnak a um ngawl mi a mah le mah Pathian nelah biakpiak nak a bawl tu Khrih thisan cu a nung mi Pathian biakpiak nak nei tukin, thihnak a tuah a seng mi nunnak pen ohtei theihnak thinlung izahtak in thiang tik tuk hum?
\v 15 Mah hang, Khrih cu thukhaam thak lemnak a bawl tupa hi. Hi thu cu thukhaam a veikhat nak sungah a palcat thei mi sualnak pen mihing tampi te tan tuk in, Topa cu thihnak a thuak hang a sam mite cu kumkhua lo tuah a seng thukam a co tuk mi thu hi.
\v 16 Lo co nak tuk phalnak thu a piak hang, mahmi laingan tu a thih cengnak thu a cangkim lak tuk mi kul hi.
\v 17 Itahum titale thihnak lai cu a ngan tupa a nun sung hempoh man theih ma laih hi. A mah a thih ceng bek ten kho hi.
\v 18 Mah hang a veikhat nak thukhaam vang thisan tel ngawl in bawl mi hima hi.
\v 19 Itahum titale Mosi dan thukham sungah a tel mi hempoh mihing tei lakah thu a than cengten, tui tuah lawi mi khui no thisan le kel thisan keng in Laithiangtho hei hihen, a san mi tuu mul le hyssop zik a lekah theh in,
\v 20 “Hi thisan cu nohtei lakah Pathian thukham a piak mi thukhaam tuah a seng mi thisan hi” tin, ti hi.
\v 21 Mah cengten deubuk tuah biakpiak nak tuk in man mi van hempoh te vang, mah tihbang bok in theh hi.
\v 22 Dan thukham bang na hempoh te a thisan tuah thiangtho tik hi. Thisan luannak a um ma tale sual ngaihdam hehpih nak um ma hi.
\p
\v 23 Mah hang vanhum ah a um mitei dan te cu mah tihbang mi biakpiak nak hang, thiangtho tik tuk in a kul mi hi. Mah naven, vanhum umnak sungah a um mi nga ngai te cu mahmi thu te sang, a sunglawi saw mi biakpiak nak hang thiangtho saw tik tuk cu a kul mi hi.
\v 24 Itahum titale Khrih cu a dik thiangtho mihing khut tuah bawl mi a thiangtho umnak sungah Khrih cu tum ngawl in, ohtei ca a tuin Pathian mai ah a pumpi lak tuk in vanhum pumpi tuah tum zo hi.
\v 25 Mah naven, thiampi ngeng cu a thiangtho umnak sungah midang tei thisan tuah kum sial a tum bang, Khrih in vei tampi biakpiak nak bawl ma hi.
\v 26 Mah tihbang in biakpiak a um tale leipi a um pat pen pan vei tampi thi tuk hi. A tuin a mah le mah a biakpiak nak hang, sual thu vawk in hun a tawp tian veikhat bek lang hi.
\v 27 Mihing cu veikhat thi in, mah cengten thukhen nak a thuak bang,
\v 28 Khrih in mi tampi tei sualnak laksak tuk in a mah le mah veikhat bek biakpiak nak a celhten, a veinih nak cu sualnak ca hi ngawlin a mah a ngak tute nunpan tuk in heng tuk hi.
\s A cangkim mi biakpiak nak
\c 10
\p
\v 1 Dan thukham cu a heng tuk laih mi thupha mui cu hempoh a dik a man mi a hih ngawl hang, kum sial biakpiak nak bawl le leng in, a nelah a zuan tu hempoh ten cangkim nakah kho thei ma hi.
\v 2 A kho tik thei bang tale biakpiak nak a bawl tute veikhat thu thiangtho in, sual um hi tih mi theihnak thinlung a um tuk ngawl hang biakpiak nak bawl cu cawl haw tuk toh hima maw.
\v 3 Mah naven, biakpiak nak hang kum sial a sual nak te phawk leh haw hi.
\v 4 Itahum titale, khui la no le kel thisan in sualnak te vawk sak thei ma hi.
\v 5 Mah hang Khrih in hi leihum ah a hen ten, “Topan nganhing biakpiak a kulnak a um ngawl hang, kei ma ca in pumpi taksa bawl hi.
\q
\v 6 Topan mei hal biakpiak le sualzah biakpiak nak te deih ma hi.
\q
\v 7 Mah ten kei man, “Laithiangtho zial sungah kei mah camcawh in a ngat mi bang, Topai deihnak na dek tuk in kei mah hung ing hi Pathian” tin, thupia hi.
\p
\v 8 “Topa cu dan thukham bang a bawl mi nganhing biakpiak nak te mei hal biakpiak nak tuah sualzah biakpiak nak te kul ma hi. A deih awh huai mi vang um ma hi” tin, ti hi.
\v 9 Mah cengten, “Topai deihnak na dek tukin keimah hawh tung hi,” tin ti hi. Mah tihcun Topan a veinih biakpiak nak kho tuk in, a veikhat biakpiak nak cu vawk hi.
\v 10 A deihnak bang Zisuh Khrih pumpi taksa cu veikhat thu ceng in a biakpiak nak hang, ohten a thiangtho mi cu co hung hi.
\v 11 Thiampi hempoh ten ni sial a ding biakpiak nak bawl in, sualnak te a vawk theih ngawl a bang ve mi biakpiak nak cu vei tampi biakpiak nak nei haw hi.
\v 12 Mah naven, Khrih in biakpiak nak pakhat bek cu sual ca in kumkhua biakpiak nak a bawl cengten, mah huncan pen pan Pathian taklam khut ah khung in,
\v 13 A ngal te cu a ke ngaknak ah a koih laih ngawl sung hempoh ngak in um hi.
\v 14 Itahum titale, Topan veikhat bek biakpiak nak a bawl hang a thiangtho a co tu mite kumkhua cangkim nemcuam nak co haw hi.
\v 15 Hawvang thiangtho in ohtei lakah theihpih sonnak tetti a neih mi cu,
\v 16 “Pathian in mahmi ni hun can cengten a muhte tuah thukhaam ka bawl tuk mi cu hi tihbang in hi. Kei cu ka dan thukhaam te a muhtei thinlung sungah khum in, a muhtei thinlung theihnak hum ah ngan tung hi,” tin a tih cengten,
\v 17 “Kei cu a muhtei sualnak le dan a neih ngawlnak te phawk leh hihim ma zo ing hi” tin, ti hi.
\p
\v 18 Mah tihbang in sualzah hehpih nak sungah a um ten sual ca in biakpiak nak bawl kul ma zo hi.
\s Pathian thu sungah lungdam tuk a sosuah nak
\p
\v 19 Mah hang U le nau te aw, ohten Zisuh thisan tuah a thiangtho zet mi umnak sungah upkho nak tuah tumnak um hi.
\v 20 A thisan hang, Topan a pumpi taksa cu kalaka puanzak pen ohtei ca a nung mi lamzin thak bawl sak zo.
\v 21 Mah bek sial ngawl ohtei sungah Pathian uk mi inn cu a sunglawi mi thiampi a um hang,
\v 22 Ohtei thinlung a sia huai mi theihnak thinlung nei tuk ngawl a thehnak co in, pumpi taksa vang a thiangtho mi tui tuah som in, upnak tuah a peh pai mi muantaak nak a dim tuah in le a thiangtho mi thinlung tuah a nelah zuan tuk hung hi.
\v 23 Thukam a pia tupa cu muantaak nak tuah a dim hang, sawn kawkawi ngawl in ohtei phuan mi muansan nak cu khim zet len tuk hung hi.
\v 24 Mah bek sial ngawl itnak le a pha mi na bawl tuk in pakhat le pakhat itihbang sosuah tuk hum tih cu ngaisung ta un.
\v 25 Mi hekkhat tei dan kel in a bawl mi bang pakhat le pakhat sosuah in huncan a heng awn diak zo a hih hang, zuam sesem ta un.
\s Sualnak bawl him tuk ngawl in ngallin piaknak
\p
\v 26 Itahum titale thudik thu theih cengten, sual bawl himnak a nei bet laih haw tale sualzah biakpiak nak tih mi cu um leh ngawl toh in,
\v 27 Thukhen nak thuak tuk hitin a lau huai zet mi muansan nak hei hihen, donak a nei tute siatsuah tuk in a thinuuk nak thuak tuk thu um hi.
\v 28 Mosi dan thukham a vawk tupa cu theihpih tu panih, pathum a um tale hehpih nak um ngawl in thi hi.
\v 29 Mah bek sial ngawl Pathian capa cu a ke tuah sik vawk in, a mah a thiangtho tik tu thukhaam tuah a pehpai mi thisan cu a thiangtho ngawl mi hitin, ngaisung in a hehpih nak tuah a peh pai mi hawvang cu imah a sumsial ngawl tu cu izahtak in sualnak a ngeng mi thukhen nak co taak hum tin, nohten ngaihsut nak nei uh cim maw?
\v 30 Itahum titale, “Kei cu sual thukhen nak nei tu ing. A sualnak bang thukhen tung hi” tih hei in hihen, “Pathian in a miphun te thukhen tuk hi tih hei in hihen, a ti tupa cu ohten thei hung.
\v 31 A nung mi Pathian khut sungah a heng tuk mi thu cu a lau huai mi thu hi.
\p
\v 32 Nohten vaknak sungah hen cengten, mi tampi tei mai ah sonsiat le bawlsiat nak thuak hang in hihen, mah tihbang in a thuak mite tuah seng in phial dunnak a nei tu hempoh hihnak hang in hihen,
\v 33 Nasezet haksat cimnak te mihing tei mai pen bawlsiat nak a thuak tutei huncan phawk leh ta un.
\v 34 Mah cengten, nohten thawngta mitei ca lainat nak na neih uh bek sial ngawl, na neih mi thil te cu midang ten a siat suah ta vang na man tuk in vanhum ah a sunglawi saw a cat ngawlin a kho mi nohtei theihnak hang, mi ngilo ten a siatsuah ta vang lungdam nak tuah thuak haw zo.
\v 35 Mah hang, a sunglawi mi nemcuam nak, nohten upkho nak vawk pah sun.
\v 36 Pathian deihnak a na cu dek in, a thukam co thei tuk in nohtei sungah a kul mi thu cu thinsau nak hi.
\q
\v 37 Itahum titale, “A heng tuk mipa cu a ngei ngawl in heng tuk hi.
\q
\v 38 Midik pa cu upnak hang nung tuk hi. Mah naven nung a kik tale ka thinlung hawvang in a mah cu deih tuk ma hi” tin, ti hi.
\p
\v 39 Mah naven kohten nungkik in siatnak ah a heng tu hi ngawl in, upnak tuah nunnak a co tu mite hung hi.
\s Upnak ah ngalpha mite
\c 11
\p
\v 1 Upnak tih mi cu muansan thu hum ah muankhom nak, muh laih ngawl mite a thu ngai in um hitin ngaihsut nak hi.
\v 2 Pu le pa ten hi upnak hang pahcoih nak co haw.
\v 3 Hi leihum cu Pathian awnkam thu tuah bawl mi a hih hang, a tuin muh mi thu cu a lang mi thu pen a cang mi a hih ngawl thu upnak hang ohten thei hung.
\p
\v 4 Upnak hang, Abel in Cain sang a sunglawi saw mi biakpiak nak Pathian a piak zo hang, upnak tuah midik pa hihnak in theihpih sonnak co hi. Itahum titale Pathian in a biakpiak nak cu theihpih hi. A mah cu thi zo naven, a upnak hang tu ni tiang thuson li laih hi.
\p
\v 5 Upnak hang Enok cu thihnak tawk ngawl in a nunnak thek hi. Pathian in a nunnak a thek sak hang, a mah cu mu leh haw ma zo. A nunnak a thek laih ngawl in Pathian thinlung a tawk tupa a hihnak thu theihpih nak co hi.
\v 6 Upnak a um ma tale Pathian thinlung tawk thei ma hi. Itahum titale, Pathian nelah a zuan tu cu Pathian um tih hei in hihen, Pathian a zei tu cu nemcuam nak a pia tu a hihnak thu hei hihen um tuk hi.
\p
\v 7 Noah in a muh ngawl laih mi thu tuah peh pai in thuphuan nak a neih ten, Upat launak thinlung nei in a inn sungsang te nunpat nak co tuk in upnak tuah tembaw cu sa hi. Upnak hang a man hi leihum sualnak cu lang tik in upnak hang a co mi dikcang nak lo co tuin cang hi.
\p
\v 8 Abraham in lo a luah nak tuk ngam ah hawh tuk in, samnak a coten a lai mun ah hawh tuk hum tih hei thei ngawl in upnak hang a thu ngai in hawh tul hi.
\v 9 A man upnak tuah a thukam mi ngam ah ngamdang mite bang, mi khual hihnak um in thukam nak pakhat bek lo luahnak a nei tu Isak, Jakop te tuah buk sungah um haw hi.
\v 10 Itahum titale, a man Pathian thu ngaihsut nak bang sak mi a kho a khim khuam phut mi khua pi cu muang hi.
\v 11 A nupi Sarah vang kum tampi ten upnak hang nau neih theihnak co hi. Itahum titale thukam a piak mipa cu muantaak mi hitin a ngaihsut hang hi.
\v 12 Mah a hih hang, hi thu sungah mi thi tuah a bang ve mi pakhat cu van aksi zah in hihen, tuipi mawk sial zawh ngawl mi philnel bang in hihen, mi tampi tei pa in cang hi.
\p
\v 13 A tuin a son uh mi hempoh te thukam tuah a peh pai mi nencuam nak co ngawl in, a khua lapi pen ngalzoh in a thinlung ah ngaisung in hi leihum ah mi khual te a hihnak thu a lungkim mite cu upnak tuah thi haw zo hi.
\v 14 Mah tihbang in lungkim nak a nei tute cu a muhtei pa’i ngam a zei tute haw hitin, ciangzet son haw.
\v 15 A mun a muhtei suah tulnak ngam cu a phawk ngai haw ahitale a pin leh nak hun nei haw tuk hi.
\v 16 Mahmi ngam cu phawk ngawl in vanhum ngam tihmi a sunglawi mi ngam cu ngai saw haw tuk hi. Mah hang Pathian cu a muhtei Pathian tih hei in samnak zakza ngawl in, a muhttei umnak tuk khuapi sa zo hi.
\p
\v 17 Abraham in sualsoh culnak a thuak ten upnak tuah Isak cu biakpiak nak pia hi.
\v 18 Capa tuah peh pai in, “Isak sung pen a suak mipa cu na miphun tin samnak co tuk hi” tin, ti hi.
\v 19 Pathian in mithi sa te hei tho leh tik thei hi tih cu a man ngaisung in, mah tihcun biakpiak nak pia hi. Tehkip nak son tale a man capa cu a thi mitei sung pen co ngah leh hi.
\v 20 Upnak hang Isak cu a heng tuk laih mi thu tuah peh pai in Jakop le Esau cu thupha mui cu pia hi.
\v 21 Jakop cu a thih tuk kuan ten, upnak tuah Josep in capa panih thupha pia in a thiangkhut lek cu ngaingam in bia hi.
\v 22 Josep cu a thih tuk kuan ten upnak tuah Isarel miphun suah tul nak tuk lamzin a lak hang, a nguh thu tuah pehpai in thu cah hi.
\p
\v 23 Mosi hing ceng in a mun nau no mawi zet a hih nak cu a nu le pa in a muh hang, kumpi thu suah mi cu lau ngawl in upnak tuah a mah cu hathum sung sel haw hi.
\v 24 Mosi cu a khan toh ten Pharoh kumpi canu hi capa tin samnak el in,
\v 25 Sualnak a um mi thi le sa nopnak dawm laih no sung co tuk sang, Pathian miphun te tuah haksat cim thuak nak cu upnak hang teng hi.
\v 26 A mah cu hehpih nemcuam nak a zo tu a hih hang, Khrih ca mawhsiat a thuaknak cu Izip ngam tei a neih nak sang a sunglawi saw mi hauhsak nak hitin, ngaisung hi.
\v 27 A man a muh laih ngawl mipa cu mu zo bang in thinsau nak a neih hang, kumpi pai nasezet a thinuuk nak lau ngawl in upnak hang Izip ngam cu zam san hi.
\v 28 Capa U pa bel hempoh a that tupa Isarel miphun te tokkha tuk ngawl in, a man upnak tuah kaltan puai le thisan thehnak te bawl hi.
\p
\v 29 Isarel miphun ten upnak tuah tuipi san cu leiko hul hilhial bang tawn haw hi. Mah tihbang in ngaihsut nak a bawl tu Izip miphun te nim khawng haw hi.
\v 30 Jeriko khuapi cu ni salih sung kiim kot in khuapi khantian cu cim hi.
\v 31 Suzuak Rahab nu in thuvil tute daiden no a cam tik hang, um ngawl tute tuah siatnak ah heng ngawl in upnak hang daihnak co hi.
\p
\v 32 Mah bek sial ngawl son bet tuk ai um laih hum? Gideon, Barak, Samson, Jepthah, David, Samuel pen pan kamsang tei thu son tale bo thei ma hi.
\v 33 A mun upnak tuah a dang uknak ngam a neh nak, thu dik tuah a uk nak, thukam te a co nak, pawpi kam a hupnak,
\v 34 Mei alh tha a mit tik nak, ngalnam pen a luat nak, natnak pen a damnak, ngal a doten thazang huham tuah a dimnak, miphun dang tei ngalkap te a siat suah nak te hi.
\v 35 Numei te thihnak pen a tho leh tu a muhte tuah a peh pai mite co ngah leh haw hi. Mi hekkhat in a sunglawi saw mi thawh lehnak co tuk in suah caknak co ngawlin, haksat bawlsiat nak cu nasezet in thuak haw.
\v 36 Mi hekkhat in mawhsiat nak, kol bulhnak tuah thawng a taak nak hang culnak thuak haw.
\v 37 Suang tuah a seh nak, luah tuah a ah tawngnak, noksak culnak, nam tuah a thahnak thuak haw hi. Haksat cimnak thuak in le bawl siatnak thuak in, tuuphaw, kel phaw silh in vak haw hi.
\v 38 Hi leihum cu a muhte tuah co taak ma hi. A mun hampa lak, mual lak, kuahol sungah le lei khuk sungah thek kawkawi in um haw.
\p
\v 39 A mu venghawng in a upnak hang pahcoih nak co haw naven, thukam a piak mi co haw ma hi.
\v 40 Pathian in ohtei ca a sunglawi saw mi thu a bawl ham zo hang, a mun kei muhte tel ngawlin cangkim nak ah heng thei haw ma hi.
\s Zuamnak nei tukin a sosuah nak
\c 12
\p
\v 1 Mah hang, hi zahtak in a tam mi theihpih nak te ohtei kimkot ah a um hang, Ohten na hempoh te hei hihen, a nok sak tik thei mi sualnak hei hihen vawk in ohtei mai ah a koih mi tai zuamnak ah thakiam ngawl in tai tuk hung hi.
\v 2 Upnak cu a pat pen pan a kho tale cangkim tik tu Topa Zisuh Khrih cu pha zet in zo tuk hung hi. Topan a mai ah a bawl mi lungdam nak hang zahcak huai mite hei sum sial ngawl in thinglamteh hum ah thihnak thuak in, Pathian khut taklam tohkham ah khung hi.
\s Pai thu hilhnak
\v 3 Mah hang nohten thinkham lungkham tuk ngawl in, mi sual tei mah tihbang mi donak cu thinsau nak a nei tu Topa cu phawk in ngaisung ta un.
\p
\v 4 Nohten sualnak tuah na do uh ten thisan luang tian donak bawl ma laih uh ci.
\v 5 Mah bek sial ngawl ka capa Pathian thu hilhnak imah sumsial ngawl um pah sin. Topai thu hilhnak na thuak ten thinkham in um pah sin.
\q
\v 6 Itahum titale, ‘Pathian in a ih mite cu thu hilh thei hi. A co mi a ca hempoh te thukhen thei hi” tin capa a tih bang in, nohtei lakah thu a piak mi sosuah nak awnkam cu nohten phawk ngil zo uh cim maw.
\p
\v 7 Pathian in nohte cu ca bang in a peh tuah nak hang, nohten a thu hilhnak te thuak tuk uh ci. Itahum titale a pa in a capa thu hilh ngawlin um tuk maw.
\v 8 Mi hempoh thuak mi thu hilhnak nohten thuak ngawl in na um uh tale, nohte cu ca ngai hima uh ci. Dan sungah a um ngawl mi cate hi uh ci.
\v 9 Mah bek sial ngawl ohten thu hilhnak a pia tu mihing capa in pa nei a hih hang, a mun ohte U pat nak a nei haw ta le hawvang lam tuah a peh mi pa cu a nase saw a thu ngaih tuk hima maw.
\v 10 Itahum titale, mihing tei pa in pha hitin nohtei ngaihsut bang dawm laih sung no thu hilh thei haw hi. Hawvang lam tuah a peh mi pa cu a thianlim nak sungah ohtei co tuk thu ohtei nemcuam nak tuk zo in thu hilh hi.
\v 11 Thu hilhnak hempoh thuak laih tak lungdam hi ngawl in, thasiat nak hitin ngaisung thei hi. Mah naven thu hilhnak hang, a nunpih tute cu tu nungten diknak tuah a seng mi daihnak co haw tuk hi.
\v 12 Mah hang tha bo thei mi khut le tha nei ngawl mi khuk te kho tik un.
\v 13 Ke a dam ngawl miten nguhmang a pelh nak te um ngawl dam tuk in, nohtei ke ca a cam mi lamzin bawl un.
\s Pathian hehpih nak el tuk ngawl in ngallin piak nak
\p
\v 14 Mi hempoh tuah dai den no nunng thei tuk in le a thiangtho co tuk in zuam un. A thiangtho in a um ma tale a kua mah in Pathian mu haw tuk ma hi.
\v 15 A kua mah in Pathian hehpih nak co tuk ngawl in hihen, a kha zet mi thingkung po in nohte a noksak hang, mihing tampi ten a nawngkai a bal mi co tuk ngawl in hihen ngallin nak pia un.
\v 16 Dan thu tuah a dik ngawl mi nu le pa sualnak a bawl tu a hima tale an veikhat man tuah capa U pa saw hihnak a zuak tu Esau bang, Pathian maizah Upat nak nei tuk ngawl in hihen, ngallin nak pia un.
\v 17 Nohtei theih sa bang Esau in tu nungten thupha mui cu lo luah nuam naven, deih ngawl in el hi. Mit hitui luang in thupha mui cu zei naven, sualsih nak thu co ma hi.
\p
\v 18 Nohten khut tuah zen theih mi mual hei hihen, a alh mi mei hei hihen, meingo thimpi hei hihen, khuathim, huihpi theu hei hihen,
\v 19 Lemle tum aw le a thu awnkam aw umnak mual hum ah zuan haw ma hi. A aw a za tu hempoh ten a muhtei lakah thupiak nak nei bet tuk ngawl in hehpih ngen haw hi.
\v 20 Itahum titale, nganhing te hei hihen, mual cu a tawngkha tale suangtuah sep phum un hi” tin tih mi aw cu nohten thuak zo ma uh ci.
\v 21 Mah tihbang in a lang mi thu cu nasezet lauhuai a hih hang, Mosi in kei cu can tawtoh in lau ing hi” tin, ti hi.
\v 22 Noten Zion mual ah hei hihen, a nung mi Pathian khuapi van Jerusalem ah hei hihen, son zawh ngawl in a tam vancung mitei hulopkhawm nak ah hei hihen,
\v 23 Vanhum cazin sungah a tum mi capa Upa tei kohhran sungah hei hihen, mi hempoh thukhen tu Pathian nelah hei hihen, cangkim nak a heng tu mi thiangtho tei hawvang lakah hei hihen,
\v 24 Thukhaam thak lem a bawl tu Zisuh nelah hei hihen, Abel thisan sang a sunglawi saw mi a thisan theh nak hei in hihen heng haw hi.
\v 25 Nohten thupia tupai awnkam el ngawlin ngalling un. Hi leihum pen thuphuang tupa a el tu hempoh sual thukhen nak pen luat ngawl in, vanhum pen thuphuang tupa cu ohten a el uh tale luat nak thu um sesem ma hi.
\v 26 Mah laih tak Topai aw cu leipi hing tik hi. A tuin Topa’n, “Kei man leipi bek sial ngawl vanhum hei hing tung hi” tin, thukam pia hi.
\v 27 “Mah cengten” tih mi awnkam cu a hing thei ngawl mite kho tuk in semsuah nak a co tu, a hing thei mite cu vawk tuk a tihnop nak hi.
\v 28 Mah hang ohten a hing thei ngawl mi ngam cu nei in maizah Upat nak thinlung tuah Pathian deihnak bang biak tuk mi hi.
\v 29 Itahum titale, ohtei Pathian cu a kang thei mi mei hi.
\s A dawl ta bel a sosuah nak
\c 13
\p
\v 1 U le nau pakhat le pakhat itnak sungah um un. Mi khual cawm thiamnak cu phawk ngil pah sun.
\v 2 Mi hekkhat in mikhual a cawm thiam nak hang, vancung mite phawhkhak ngawl in cawm haw.
\v 3 Thawng a ta mite tuah thuak ngel bang a ngaihsut hang, a muhte phawk ngil pah sun. Phat ngawlnak a bawl thei mi nohten, nohtei pumpi taksa sungah mah tihbang in bawlsiat nak a thuak tute cu phawk ngil pah sun.
\v 4 Mohuai nak thu cu mi hempoh in U pat nak neih tuk hi. Nupa ihkhun zaunak vang thiangtho tik in. Itahum titale a dik ngawl mi nu le pa sual nak te Pathian in thukhen tuk hi.
\v 5 Nuncak khuasak nak sungah sum cu deih ngawl in, nangma khut sungah a um mi cu lungkim in hi.
\p
\v 6 Mah hang, “Pathian cu kei mah bawm tupa a hih hang, kei cu launak nei mang hi. Mihing in keimah itihbang in bawl thei tuk hum” tin, kohten upkho nak tuah son ung.
\p
\v 7 Pathian awnkam thu cu nohtei phuan mi nangmuh lamhuai tute phawk un. A muhtei nuncak khuasak bang a heng mi nemcuam nak cu ngaisung in, a muhtei upnak pha tuk in zuam ta un.
\v 8 Zisuh Khrih cu a tu le a kumkhua a thek thei ngawl mi hi.
\v 9 A danglam mi hilhnak thak zui pah sun. Itahum titale eih theih mi an a hih ngawl hang, a hehpih nak thinlung tuah a kho tale pha hi. Eih tuk mi thu tuah nung in kal a suan tute cu nemcuam nak co haw tuk ma hi.
\v 10 Ohten biakpiak nak taitan pakhat um hi. Deubuk sung biakpiak nak na a dek tute cu biakpiak nak taitan hum pen biakpiak nak eih tuk phal ma hi.
\v 11 Itahum titale thiampi ngeng biakpiak nak nganhing thisan cu sualzah biakpiak nak in a thiangtho mi umnak sungah keng ta vang, biakpiak nak a luangpum cu a pawlam pen mei tuah hal hi.
\v 12 Mah hang Zisuh in a thisan tuah mihing te thiangtho tuk in khuapi pawlam pen thihnak thuak hi.
\v 13 Mah a hih hang Topai thuak mi mawhsiat nak keng a pawlam ah tul in Topai nelah zuan tuk hung.
\v 14 Itahum titale hi leihum nunnak sungah a kho mi khuapi um ma hi. A heng tuk laih mi khuapi zei hung.
\v 15 Mah hang ohten Pathian hehpih nak phuang in, kam tuah thangphat biakpiak nak nei in Topa Zisuh Khrih hang, Pathian mai ah a cat ngawl biakpiak nak nei tuk hung hi.
\v 16 Hehpih nak, mi thil piak nak te phawk ngil pah sun. Mah tihbang biakpiak nak cu Pathian deih mi hi.
\v 17 Nangmuh lamhuai tutei awnkam thu ngai in, niamkhiat in um un. A mun a pumpak cek nak a thuak tu bang in nohtei thinlung hawvang nemcuam tik tuk in ngak haw hi. Nohtei nemcuam nak um tik tuk ngawl mi thasiat nak um ngawl in lungdam nak a um hang, a mun ceknak thuak tuk mi cu ngallin nak tuah um un.
\p
\v 18 Kohtei ca in thungen un. Kohten mai theihnak thinlung thiangtho in na hempoh ah a pha nung tukin deihnak a nei tu hitin, ngaisung ung hi.
\v 19 Kei cu nohtei lakah manlang zet heng leh thei tuk in thungen tuk a cuang hehpih kun ing.
\s Thupha piaknak le otpih nak
\p
\v 20 Kumkhua thukhaam tuah a peh pai mi thisan tuah tuu te a cing tu, tuu cing tu ngeng bel pa a himi ohtei Topa Zisuh cu a thi mitei sung pen a sam tu daihnak Topa Pathian,
\v 21 A mai ah a deih mi thu cu Zisuh Khrih in ohtei lakah a bawl hang, Topai deihnak cu nohten bawl tukin a pha mi phun kim tuah nohtei lakah dim tik ta hen. Topai sungah a kumkhua pen kumkhua a minthan nak um ta hen. Amen.
\p
\v 22 U le nau te aw, kei cu nohtei lakah a com nak tuah lai ngat hang, hi sosuah nak awnkam sang tuk in nohtei lakah hehpih kun ing.
\v 23 Ohtei nau Timote hahnak thu cu nohte thei tik nuam ing. A mah cu a manlang in a heng tale kei cu a mah tuah nang muhte tawk tuk ung hi.
\p
\v 24 Nohte lamhuai tu a venghawng in le mi thiangtho hempoh te otpih ing. Italy ngam pen a heng miten nang muhte ohtpih bok hi.
\p
\v 25 A hehpih nak cu nohtei venghawng hum ah um ta hen.