See in Reader
47 lines
3.3 KiB
Plaintext
47 lines
3.3 KiB
Plaintext
\id PHM
|
|
\ide UTF-8
|
|
\rem The text in this file was extracted from C:/DCS/Chin, Ngawn/WORD/57. PHILEMON. docx.
|
|
\mt Filimon
|
|
\h Filimon
|
|
\mt Filimon
|
|
\toc1 Filimon
|
|
\toc2 Filimon
|
|
\toc3 phm
|
|
\s Awnkam tuah otpih nak
|
|
\c 1
|
|
\p
|
|
\v 1 Khrih Zisuh tuah a pehpai mi thawngta pa keimah Paul le ka nau Timote cu kohtei ih zet mi na deh pih Filimon pen pan,
|
|
\v 2 Kohtei ih zet mi a cel nu Apphia, ohtei nungzui ngalkap Archippus le na inn ah a um mi kohhran te cu lai ngan ing.
|
|
\p
|
|
\v 3 Ohtei Topa Zisuh le ohtei pa tih mi Pathian nel pen a hehpih nak le daihnak cu nohtei lakah um ta hen.
|
|
\s Filimon itnak le upnak
|
|
\p
|
|
\v 4 Kei cu thu ka ngetnak sungah nangmah a cat ngawl phawk in, ka Pathian cu lungdam thu hilh ing.
|
|
\v 5 Itahum titale, Topa Zisuh le mi thiangtho tei hum ah na neih mi itnak le upnak thu kohtei zaknak hang hi.
|
|
\v 6 Mah hang Khrih ca in ohtei sungah a um mi phatnak hempoh theihnak hang, na upnak thu tuah a peh pai mi pawlkom nak cu cangkheng nei tuk in thungen ing.
|
|
\v 7 Ka nau nang cu mi thiangtho tei thinlung nop tik hang, na itnak zo in kohten lungdam daihnak co ung.
|
|
\s Onesimus ca hehpih kut nak
|
|
\p
|
|
\v 8 Mah hang keiman na bawl tuk mi thu na dek tuk in thupia thei tuk ci tin, Khrih hang upnak a dim nei ta vang,
|
|
\v 9 Itnak tuah nangmah hehpih ka kut nak bek bawl in. Mah tihbang in a tek toh mi a tuin Khrih tuah a peh pai thawngta mi kei mah Paul cu,
|
|
\v 10 Thawngtak laih ka capa a himi Onesimus ca in na nelah hehpih kun ing.
|
|
\v 11 Nang cu a masa hun laih man theih ngawl mipa na hi ta vang, a tu cun nangmah le kei ma ca in man a nei mipa hi ci.
|
|
\v 12 A mah cu nang ma nelah hen leh ing. A mah cu ka capa bang ngaisung in.
|
|
\v 13 Thuthangpha hang thawng sungah ka um laih nang cu a ma ai in keimah bawm thei tuk in a mah cu ka nelah sam nuam ing.
|
|
\v 14 Mah naven na bawl phatnak cu bawl kulcam hi tin bawl ngawl in bawl nuamnak thinlung nei tukin, lungkim nak a um ma tale imah bawl nuam pah sin.
|
|
\v 15 A mah cu nangmah tuah huncan dawm no sung a khennak cu nangman a mah kumkhua co thei tuk in hi bel tuk hi.
|
|
\v 16 Mah tin son ten sila na dek tu bang hi ngawl in, sila na dek tu sang a sunglawi saw a ih mi U nau cang tuk in a tih nuam mi hi. A cuang kei ma ca mah tihbang in cang zo hi. Nangma ca thi le sa hihhnak hang in hihen, Topa Pathian sungah hei hihen, izahtak in a tam mi itnak in cang tuk hum?
|
|
\v 17 Mah a hih hang, nangman kei mah na deh pih ngualcam tin na ngaisung ta le a mah cu kei mah na co bang a mah cu co in.
|
|
\v 18 A man na hum ah sual bawlnak, leibat a neih mi pakhat a um ta le kei ma na deh hitin ngaisung in.
|
|
\v 19 Kei mah Paul in lohsak tung hitin ka khut tuah lai ngan ing. Nangma bulpak hei in keimah leibat na neih nak thu cu son nuam mang hi.
|
|
\v 20 A man mi hi. Ka nau, kei cu Topai sungah na nelpen a hehpih nak co nuam ing. Khrih hang ka thinlung daihnak um tik in.
|
|
\p
|
|
\v 21 Nang cu thu ngaihnak nei tuk in upkho nak a um bek sial ngawl, ka hilhnak sang bawl saw tuk ci tin theihnak tuah lai ngan ing.
|
|
\v 22 Mah bek sial ngawl ka camnak tuk mun vang ngaisung in. Itahum titale nohtei thunget nak hang, nohtei lakah heng thei tuk in pia tuk hitin muang in.
|
|
\s A dawl bel awnkam tuah otpih nak
|
|
\p
|
|
\v 23 Khrih Zisuh sungah keimah tuah thawng a tang mi Epaphras pen pan,
|
|
\v 24 Ka deh pih ngualcam Marcus, Aristarhus, Demas le Luka ten nangmah cu awnkam tuah otpih haw hi.
|
|
\p
|
|
\v 25 Topa Zisuh Khrih a hehpih nak cu nohtei thinlung hawvang tuah um ta hen. Amen.
|