See in Reader
71 lines
7.0 KiB
Plaintext
71 lines
7.0 KiB
Plaintext
\id TIT
|
||
\ide UTF-8
|
||
\rem The text in this file was extracted from C:/DCS/Chin, Ngawn/WORD/56. TITUS. docx.
|
||
\mt Titu
|
||
\h Titu
|
||
\mt Titu
|
||
\toc1 Titu
|
||
\toc2 Titu
|
||
\toc3 tit
|
||
\s Awnkam tuah otpih nak
|
||
\c 1
|
||
\p
|
||
\v 1 Pathian na dek tu le Zisuh Khrih nungzui tu kei mah Paul in laikuat ing. Kei cu Pathian a ten mitei upnak ca in hihen, kumkhua nunnak cu muansan nak hang Pathian dan thu bang thudik thu thei tuk in nungzui tuin cang ing.
|
||
\v 2 Zol thu son thei ngawl Pathian in kumkhua nunnak a muansan hangin leipi a um laih ngawl thukam pia zo.
|
||
\v 3 Huncan a kim ten thuphuan nak hang a ma thu lang tuk in, ohtei nunpan tu Pathian thupiak bang a thu cu kei mah upnak pia hi.
|
||
\p
|
||
\v 4 Kei cu a bang ve mi upnak hang, ka capa ngai a himi Titu nelah laikuat ngan ing. Ohtei Topa Zisuh Khrih le ohtei Pa tihmi Pathian nelpen a hehpih nak, lainat nak le daihnak cu nohtei lakah um ta hen.
|
||
\s Crete tui kulh ah Titu na dehnak
|
||
\p
|
||
\v 5 Crete tui kulh ah nangmah ka zam nak cu nangman ka thucah bang a kul mi thu te dek tuk in le khuapi hempoh ah kohhran Pasta te apnak nei tuk in hi.
|
||
\v 6 Kohhran Pasta cu mawhsiat nak um ngawl zi pakhat bek a nei tu hi tuk hi. A canu le capa te vang umtu te a hih bang thi le sa nopnak ah a um ngawl mite, a hima tale thu ngai mite hi tuk hi.
|
||
\v 7 Itahum titale Pasta cu Pathian na kem tu a hih bang, mawhsiat nak a um ngawl mipa hi tuk hi. A ma deihnak ah a zui thei mipa, thincom mi, cabit tui a kham thei mite, midang a vat thei mite, a thiangtho ngawl mi sum bawlnak ah duhhap mite hi ngawl in,
|
||
\v 8 Mikhual a zo thiam tu, a pha mi na a deih tu, mah le mah uk thei tu, midik, a thiangtho mah le mah a kemcop thei tu hi tuk hi.
|
||
\v 9 A mah cu cangkim a man mi thu hilhnak tuah sosuah tuk in le donak awnkam a son thei mitei sualnak pholh thei tuk in, a cun mi muantaak nak a dim a len khim tu hi tuk hi.
|
||
\p
|
||
\v 10 Itahum titale thu ngai ngawl mi, a thupi ngawl awnkam son in mi zol thei tampi um hi. Vun lek talh mitei sungah um cuang hi.
|
||
\v 11 A muhtei kam hup tuk hi. A mun a thiangtho ngawl mi sum bawlnak hilh tuk ngawl mi thu te cu hilh in, inn sungsang lamzin pial tik thei haw hi.
|
||
\v 12 Crete tuikulh khua sung mitei sung pen a miphun kamsang pakhat in, “Crete miphun zol thu son thei te, sahang ngilo, eih kel ei thei thazawng pa” tin, ti hi.
|
||
\v 13 Hi theihpih son nak tetti cu a man mi hi. Mah hang Judah mitei tangthu le thudik thu a vawk tutei dan thukham te hei hihen,
|
||
\v 14 Sumsial ngawlin upnak thu sungah thuman a dim co tuk in a muhte nasezet thu hilh in.
|
||
\v 15 A thiangtho mitei ca ihempoh thiangtho hi. Mah naven a bal in upnak a nei ngawl mitei ca cun na hempoh thiangtho ma hi. A thinlung vang thiangtho ma hi. Mah le mah theihnak thinlung vang thiangtho ma hi.
|
||
\v 16 A mun Pathian cu a thei hem haw ta vang, a nuncan ziaza tuah Pathian el haw. A dindeih huai thu ngai ngawl tu, a pha mi na pakhat no hei bawl thei ngawl theihnak a nei ngawl mite hi.
|
||
\s A cangkim a man mi thu hilhnak
|
||
\c 2
|
||
\p
|
||
\v 1 Nang cu a cangkim a man mi thu hilhnak tuah co taak mi thu te phuang in.
|
||
\v 2 Kum khangham Upa pano te cu lung a thiang mi, Upat taak mi, awnkam a cingkem thei tuk in upnak, itnak le thinsau nak sungah a cangkim a man nei tuk hilh in.
|
||
\v 3 Mah bang bok khangham Upa numei te a thiangtho co taak mi nuncan ziaza, mi son sia thei ngawl tu, cabit tui a kham thei ngawl mi, thil pha thiamnak a hilh thei tu tuk in hilh in.
|
||
\v 4 Pathian thu sonsiat nak pen luat tuk in, khang no numei ten a pasal it tu, canu, capa a it tu,
|
||
\v 5 Upat taak mi, a thiangtho mi, innsang a cingkem thiam tu, mipha, pasal uknak ngai thei tuk in, kum khangham numei ten thu hilh thei tuk in, Pathian thu sonsiat nak awnkam pen luat tuk hi.
|
||
\v 6 Mah bang bok khangno pano tei lakah a man mi daihnak thinlung nei tuk in sosuah in.
|
||
\v 7 Ihempoh ah a pha mi nuncan ziaza cun tuk cu nangmah loli in lak in.
|
||
\v 8 Mawhsiat nak um ngawl, cangkim a man mi awnkam mang in. Mah a hih hang nangmah a do tu ten ohte sonsiat nak a neih theih ngawl hang zakza tuk hi.
|
||
\v 9 Sila na dek tuten a topa cu na hempoh ah a thungai in le a deihnak el ngawl in,
|
||
\v 10 Ngukcak nak bawl kuh le leng ngawl in na hempoh ah muantaak nak lak thei tuk in sosuah in.
|
||
\v 11 Itahum titale, muicu thupha a um mi muansan nak hei hihen, thawmngeng Pathian tih mi ohtei nunpan tu Topa Zisuh Khrih minthan nak lang tuk in hihen,
|
||
\v 12 Ohten muansan nak tuah Pathian thu nei ngawl in leihum duhhap nak te vawk in hi leihum ah U pat taak, thuman tuah nung in Pathian na dehnak sungah lungdam zet a pha a mawi mi dikcang nak tuah nung thei tuk in hihen,
|
||
\v 13 Ohte thu a hilh nak hang, mi hempoh in nunpan tu Pathian hehpih nak lang zo hi.
|
||
\v 14 Topa Zisuh Khrih in ohtei sualnak hempoh tan tuk in hihen, nuncan ziaza pha thinlung co taak mi miphun ca in le a ma ca thiangtho tuk in hihen, ohtei ca a nunnak pia zo hi.
|
||
\p
|
||
\v 15 Hi thu awnkam hilhnak, sosuah nak, thu hilhnak te thu neihnak hempoh tuah bawl in. A kua mah in nangmah sumsial ngawlin um ma hen.
|
||
\s A pha mi na te bawlnak
|
||
\c 3
|
||
\p
|
||
\v 1 Uktu le thu nei tutei thu ngai tuk in hihen, kumpi tei thu ngai tuk in hihen, na pha hempoh a man sa bawl tuk in hihen,
|
||
\v 2 A kua mah sonsiat nak um ngawl, hauhdun nak um ngawl in lungnem nak thinlung tuah na hempoh ah lungduai nak nei tuk in ngallin nak pia in.
|
||
\v 3 Itahum titale, huncan khat laih ohte cu cihnak nei ngawl, thu ngai ngawl, mi sual, sualnak phunkim a deih mite le thi le sa deihnak sungah na dek tu, phat ngawl nak le iksik nak le sonsiat nak sungah a nung mi, a dindeih huai mi, pakhat le pakhat huat dunnak a nei mite hung hi.
|
||
\v 4 Mah naven ohte nunpan tu Pathian hehpih nak le a lainat nak a hen ten,
|
||
\v 5 Topa’n ohtei bawl mi dikcang nak hang hi ngawl in, a hehpih nak bang veinih hinnak tuah a peh pai mi somnak hang in hihen, hawvang thiangtho bawlnak hang in ohte cu pan hi.
|
||
\v 6 Pathian in hawvawng cu ohte nunpan tu Zisuh Khrih hang, ohtei lakah tampi buaksuk hi.
|
||
\v 7 Itahum titale, ohten Topai hehpih nak hang dikcang nak ah heng in kumkhua nunnak cu muansan nak hang lo co tu tuk in hi.
|
||
\v 8 Hi thu cu muantaak mi awnkam hi. Pathian um tuten a pha mi na bawl le leng tuk in, keiman nang cu hi thu te zuamnak tuah phuang tuk in deih ing. A pha mi nuncan bek sial ngawl, mihing tei a nemcuam nak a bawl thei mi nunnak hi.
|
||
\v 9 Sil thu el unnak te, miphun cazin te, buainak cang in dan thukham hang hauhdun nak a cang tik thei mite cu pial in. Itahum titale imah nemcuam nak le a thupi nak a um ngawl mite hi.
|
||
\v 10 Khen kek nak a cang tik thei mipa cu veinih tian ngallin nak piak cengten hawl vawk in.
|
||
\v 11 Mah tihbang mipa cu a sualnak thei leng napi in sual a bawl hang sualnak thinlung nei tupa hi.
|
||
\s Dawl bel thu cahnak le otpih nak awnkam
|
||
\v 12 Keiman Artemas a hima tale Tychicus cu nang ma nelah ka hah ten, kei ma umnak Nicoplis khua heng tuk in zuam in. Phalbi sung hempoh mah khuapi ah um tung hitin ngaisung ing.
|
||
\v 13 Dan thiam saza Zenas le Apollos te cu a muhtei ca sap mi imah um tuk ngawl in phazet no zuamnak tuah hen un.
|
||
\v 14 Kohtei mihing te vang ngah a ngah ngawl mite hi tuk ngawl in, a thupi a kul cam mi ca a pha mi na dek tuk in hilh un.
|
||
\v 15 Ka nelah a um mi hempoh ten nangmah otpih haw. Upnak tuah ohte a it tute cu otpih in. Nohtei venghawng hum ah a hehpih nak um ta hen.
|