See in Reader
120 lines
12 KiB
Plaintext
120 lines
12 KiB
Plaintext
\id 2TI
|
||
\ide UTF-8
|
||
\rem The text in this file was extracted from C:/DCS/Chin, Ngawn/WORD/55. 2 TIMOTHY. docx.
|
||
\mt 2 Timote
|
||
\h 2 Timote
|
||
\mt 2 Timote
|
||
\toc1 2 Timote
|
||
\toc2 2 Timote
|
||
\toc3 2ti
|
||
\s Awnkam tuah otpih nak
|
||
\c 1
|
||
\p
|
||
\v 1 Khrih Zisuh sungah a um nunnak tuah a peh pai mi thukam bang Pathian deihnak hang, Khrih Zisuh nungzui tu kei mah Paul cu,
|
||
\v 2 Ka ih zet mi capa Timote nelah Pa Pathian le ohtei Topa Zisuh Khrih nelpen a hehpih, lainat nak le daihnak um ta hen.
|
||
\s Lungdam nak le sosuah nak
|
||
\p
|
||
\v 3 Sun le zan cawl ngawl thunget nak tuah nangmah phawk in, ka pu le pa tei lakpen a thiangtho mi theihnak thinlung tuah a biak mi Pathian hehpih nak cu lungdam thu hilh ing.
|
||
\v 4 Kei man na mit hitui te phawk in lungdam nak a dim nei tukin, nangmah tawh nuamnak thinlung nasezet nei ing.
|
||
\v 5 Nang ma nelah a um tiamhem nak a um ngawl mi upnak cu phawk ing. Mahmi upnak cu napi Lois le na nu Eunice tei lakah a masa um in, a tuin na nelah hei um hitin keiman lungkim ing.
|
||
\v 6 Khut ka suannak hang na co mi Pathian laksawng sosuah tuk in, kei man nangmah ngallin nak pia ing.
|
||
\v 7 Itahum titale, Pathian in ohte cu launak thinlung pia ngawl in huham, itnak, mah le mah kepcop theihnak tuah a seng mi hawvang pia hi.
|
||
\s A sunglawi mi thuthangpha hang zahcak nak um ma
|
||
\v 8 Mah hang, ohtei Topa Pathian thu phuannak hei hihen, kei cu Topai ca thongta in hihen, zahcak nak um ngawl a sunglawi mi thuthangpha ca keimah tuah haksat cimnak thuak in.
|
||
\v 9 Pathian in ohtei nuncan ziaza zo ma hi. Leipi a po laih ngawl in Zisuh Khrih hang ohtei ca Topa a mah loli ngaihsut a hehpih nak bang ohte nunpan in, a thiangtho hihnak ah sam hi.
|
||
\v 10 A hehpih nak cu ohte nunpan tu Zisuh Khrih a hennak hang a tuin lang zo hi. Khrih in thihnak cu neh in nunnak tuah a sia thei ngawl a sunglawi mi thuthangpha hang, vaknak sungah heng zo.
|
||
\v 11 Kei cu a sunglawi mi thuthangpha ca in hihen, nungzui hihnak ah hei hihen, miphun dang tei hilh tu saza hihnak in hihen, kei mah pia zo.
|
||
\v 12 Mahmi thu hang hi haksat cimnak thuak ing. Mah naven zahcak nak nei mang hi. Ka up mipa cu a kua hum tih cu kei man thei ing. A ma nelah ka ap mi hei hihen, mah ni tian ngak thei tung hitin, keiman muang ing.
|
||
\s Upnak sungah muantaak nak nei tuk in sosuah nak
|
||
\v 13 Ka nelpen na zak mi a thiangtho thu cu Zisuh Khrih sungah upnak, itnak tuah ngaisung in.
|
||
\v 14 Na sungah a sunglawi ap mi ohtei sungah a ceeng tu hawvang thiangtho hang cingkem in.
|
||
\p
|
||
\v 15 Asia ngam sung ah a um tu hempoh ten keimah vawk haw zo hitin, zak nak nei ci. A muhtei sung pen Phygellus le Hermogenes tel haw hi.
|
||
\v 16 Pathian in Onesiphrorus tei innsung sang hum ah a lainat nak heng ta hen. A man keimah cu vei tampi thanop tik zo hi. Kei mah thik khau tuah a kencih cu zahcak nak um ngawl in,
|
||
\v 17 Rome khua hen ten kei mah nasezet a zeih haw hang kei mah cu mu haw hi.
|
||
\v 18 Mahmi ni in Topa Pathian hehpih nak co tuk in, Pathian in pia ta hen. Efisa khua sungah a um laih in a man, keimah cu izahtak in cawm hum tih cu phazet in nangman thei ci.
|
||
\s A hehpih nak ah kho tukin sosuah nak
|
||
\c 2
|
||
\p
|
||
\v 1 Mah a hih hang ka capa, nang cu Khrih Zisuh sungah a um mi a hehpih nak hang, thazang ngilnak a dim tuah um in.
|
||
\v 2 Theihpih tu tetti tampi mai ah ka nelpen na zak mite cu midang tei lakah hilh tuk in, thil tih theihnak a nei tu muantaak mitei lakah ap in.
|
||
\v 3 Mah tihbang tuk in nang cu Khrih ngalkap pha bang in haksat cimnak thuak in.
|
||
\v 4 Ngalkap na deh tih mi cu ngalkap hihnak sungah a pia tupai deih tuk in, in le eih silh le cen tuk thu tuah noksak nak um ma hi.
|
||
\v 5 A kua a bang in ummaih zuam dun ten dan bang in zuam ma tale sui lukhu ngah ma hi.
|
||
\v 6 Lo na dek tupa’n na a deh cengten ankung a ngah te cawm tuk hi.
|
||
\v 7 Ka awnkam thu ngaisung in. Pathian cu na hempoh ah nangmah theihnak pia tuk hi.
|
||
\v 8 Ka phuan mi a sunglawi thuthangpha cu David miphun pen heng in a thi mitei sung pen a tho leh tu Zisuh cu phawk in.
|
||
\v 9 Kei cu hi thuthangpha hang mi sual te bang kencih tuk tian haksat nak thuak ing. Mah naven Pathian thu cu kencih nak pen luat hi.
|
||
\v 10 Mah hang a ten mite cu kumkhua minthan nak tuah Zisuh Khrih hang nunpat nak ah heng tuk in, a muhtei ca na hempoh thuak ing.
|
||
\v 11 Muantaak mi awnkam tih mi cu kohten Topa tuah munkhat ah thi tale Topa tuah nung haw tuk hi.
|
||
\q
|
||
\v 12 Ohten a thuak uh tale Topai uknak sung um tuk hung. Topa a el uh tale Topa hei in ohte cu el bok tuk hi.
|
||
\q
|
||
\v 13 Ohten muantaak nak a um ngawl ta vang, Topai muantaak nak cu a cat ngawlin kho tuk hi. Itahum titale, Topa cu a mah le mah el thei tuk ma hi.
|
||
\s Pathian mai ah muankhom nak a co tu
|
||
\p
|
||
\v 14 Hi thu te a muhte ngallin nak pia un. Imah thupi nak um ngawl a za tute cu siatnak a cang tik thei mi awnkam man nak hum ah el nak bawl ngawl in, Pathian mai ah a muhte nasezet sosuah in.
|
||
\v 15 Nang cu Pathian mai ah upnak muankhom mi thudik thu man zet khenkhuai thiam, zahcak nak um ngawl mi nangmah le nangmah ap in zuam in.
|
||
\v 16 Mah naven Pathian thu tuah a peh pai ngawl, a thupi ngawl mi awnkam pial in. Itahum titale, hi thu in a thupi ngawl mi Pathian thu khang sesem tik thei hi.
|
||
\v 17 A muhtei awnkam cu meima sia bang pungzai tuk hi. A muhtei sung pen Hymenaeus le Philetus te tel hi.
|
||
\v 18 A mun thudik lamzin pen pial in a thi mite tho leh haw zo hitin son in, mi hekkhat tei upnak sual tik haw hi.
|
||
\v 19 Mah naven, Pathian in a mihing te a theihnak hang in hihen, “Pathian min a sam tu hempoh phat ngawlnak pen vawk ta un” tih hei in hihen tacik khet mi Pathian innkhuam cu kho tuk hi.
|
||
\v 20 Inn ngengpi sungah sui tuah in bawl mi bel te sial ngawl, thing le lei tuah bawl mi bel te vang a um hang, a hekkhat ten minthan nak nei in a hekkhat te minthan nak nei ma hi.
|
||
\v 21 Mah a hih hang, a kua a bang in a humpen a sonsa bang phat ngawlnak hempoh pen nangmah le nangmah thiangtho tik tale a mah cu minthan nak ca man a nei mi bel phat nak hempoh ca in bawl mi bel hi tuk hi.
|
||
\v 22 Mah hang nang cu khangno tei deihnak pial in a thiangtho mi thinlung, Pathian a sam mite tuah dikcang nak, upnak, itnak le daihnak pha tuk in zuam un.
|
||
\v 23 Mah hang misil le cihnak a nei ngawl mi el dunnak cu hauhdun nak cang tik tuk hitin, ngaisung in pial in.
|
||
\v 24 Topa Pathian na deh cu hauhdun nak um ma hi. A mah cu mi hempoh hum ah lungnem in thu hilh theihnak a nei tu, a man ngawl mi thu thuak nak a sup thei tupa hi tuk hi.
|
||
\v 25 Do nak a bawl tute cu lungnem nak thinlung tuah thu hilh tuk hi. Mah tihbang in a bawl tale Pathian in a muhte sualsih nak thu a piak hang, a mun thudik thei haw tuk hi.
|
||
\v 26 Dawihmang in a ma deihnak bawl tukin a muhte a man ta vang, a mun Dawihmang thang sung pen luat in muhnak a man mu hei mu kha thei haw hi.
|
||
\s Ni dawl bel hun ten a heng tuk mi haksat nak hun te
|
||
\c 3
|
||
\p
|
||
\v 1 Mah naven a dawl bel hun can ten haksat nak hun heng tuk hi tih cu thei un.
|
||
\v 2 Itahum titale, mihing ten mah le mah a it tu, sum le pai duhhap nak, pualthau nak, ngalnak, mizawt dem nak, nu le pai thu ngai ngawl, lungdam nak a nei ngawl, a thiangtho a nei ngawl,
|
||
\v 3 Lainat nak a nei ngawl, hauhphuan a bawl tu, mi sonsia tu, mah le mah thinlung a kemcop thei ngawl tu, siahuai in phat nak a hua tu,
|
||
\v 4 Thukam a pelh tu, thungai ngawlin a bawl tu, ngallin nak piak mi a ngai ngawl tu, mi ngal Pathian deihnak sang thi le sa deihnak a it saw tu,
|
||
\v 5 Pathian thu sungah lungdam nak um bang naven, Pathian na dehnak a thiangtho huham a el tute hi haw tuk hi. Mah tih bang mite cu pial in.
|
||
\v 6 Itahum titale a muhtei sung pen mi hekkhat in, innsung ah tum kuh den sualsoh phunkim ah zui in sualnak a bawl thuah le lem thei mi, numei sual te cu khum tum haw hi.
|
||
\v 7 Numei te cu thu hilh le leng haw ta vang, ituk mah hei ten thudik thu theihnak ah heng haw ma hi.
|
||
\v 8 Jannes le Jambres in Mosi a do bang a mun thudik do haw hi. A mun a thinlung sia in upnak sia khawng haw zo hi.
|
||
\v 9 A mu panih tei sual cu mi hempoh mai ah a langzet bang bok in a muhtei sual cu lang tuk hi. Mah a hih hang a mun mai nawt in kalsuan thei haw tuk ma hi.
|
||
\s Laithiangtho piak mi a nemcuam nak
|
||
\v 10 Ka thu hilhnak, nuncan ziaza, ngaihsut nak, upnak, thinsau nak, itnak le supnak ah hei hihen,
|
||
\v 11 Antiok, Iconium khua le Loadicea khua sungah ka thuak mi bang mun hempoh ah bawlsiat nak, haksat cimnak hei hihen, Topa Pathian in hi haksat nak hempoh pen keimah pan tuk hi.
|
||
\v 12 A thungai in Khrih Zisuh hang Pathian na dehnak a thiang tho nung tukin, deihnak a nei tu hempoh bawlsiat nak thuak tuk hi.
|
||
\v 13 Mi sia huai mite le zol thu son thei mite cu midang te a zol nak hang, siatnak ah heng sesem haw tuk hi.
|
||
\v 14 Nang cu na cun nak hang, upnak a kho mi sungah um in. Itahum titale nangman hi thu te a koi lakpen na cun nak te hei hihen,
|
||
\v 15 Khrih Zisuh upnak hang nunpat nak a heng tik thei mi cih thiamnak nangmah a pia thei tu Laithiangtho le na khanno laih in na theih zet mi hei nangman thei ci.
|
||
\v 16 Laithiangtho ngat mi hempoh cu Pathian semtum mi a hih hang thu hilhnak ca in hihen, sual a langnak tuk in hihen, sual lepnak ca in hihen, dikcang nak sungah thu hilhnak tuk in hihen, nemcuam nak um hi.
|
||
\v 17 Hi thu cu Pathian mihing in a pha mi hempoh bawl nuam tukin cangkim mipa hi tuk in hi.
|
||
\s A thu phuang tuk a sosuah nak
|
||
\c 4
|
||
\p
|
||
\v 1 Kei cu Pathian mai ah hei hihen, nunnak a nei mite le a thi mite thukhen tu Zisuh Khrih mai ah in hihen, Topai hensuk nak le uknak ngam a lang mi huncan ten nasezet sosuah nak na neih mi cu,
|
||
\v 2 A thuthangpha cu phuang in hi. Huncan um hei hihen, a um ngawl hei hihen, nungkik ngawl in zuam in. Sual cu lak in. Thu hilh in. Thinsau nak tuah thu hilh in sosuah in.
|
||
\v 3 Itahum titale, mihing ten cangkim a man mi thu hilh nak cu thisau nak tuah a ngaih nuam ngawl hang, a muhtei duhhap nak bang mi tampi hilh tu saza tei nung ah zui haw tuk hi.
|
||
\v 4 Thudik thu ngai ngawl in tangthu awnkam te ngai in lampial haw tuk hi.
|
||
\v 5 Nang cu ihempoh ah dikcang in um in. Haksat cimnak thuak in. A sunglawi mi thuthangpha phuan tuk mi na cu dek in. Na deh mi cu a venghawng cangkim in dek khawng in.
|
||
\v 6 Itahum titale, kei mah biakpiak nak hum ah buak mi hun heng zo. Hi ka nunnak zam tuk hun heng zo.
|
||
\v 7 Kei cu a pha mi do nak bawl zo ing. Tai tuk mi lamzin a tawp tian tai zo ing. Upnak thu cu cingkem zo ing.
|
||
\v 8 A tu pen pan dikcang nak sui lukhu kei ma ca koih sa in um zo. Mahmi ni in dikcang nak tuah thukhen tu, Topa Pathian in mahmi sui lukhu keimah pia tuk hi. Keimah bek sial ngawl Topai hennak a deih tu hempoh pia tuk hi.
|
||
\s A dawl bel thu cahnak
|
||
\p
|
||
\v 9 Ka nel ah man langzet heng tuk zuam in. Itahum titale, Demas in a tu huncan cu a deih hang, kei mah zam san in Thesilon khua ah hawh zo.
|
||
\v 10 Gresecens cu Kalati ngam ah hei hihen, Titu cu Dalmatia ngam ah hei hihen hawh haw zo.
|
||
\v 11 Luka pakhat bek ka nelah um hi. Mark cu nangmah tuah sam in. A mah cu keima ca na dehnak sungah nemcuam nak um hi.
|
||
\v 12 Tych’icus cu Efisa khua ah hah ing.
|
||
\v 13 Nangmah na hen ten Troas khua ah Carpus nelah ka koih mi angki le laizial te hei hihen, a cuang in savun lai te hei hihen, na hun ten keng in.
|
||
\v 14 Dal bawl thiam saza Alexander in kei mah nasezet haksat nak pia hi. Topa Pathian in a bawl mi bang a man pia tuk hi.
|
||
\v 15 Nang man a mah hei ngallin nak pia in. Itahum titale, a man kohtei awnkam thu nasezet do hi.
|
||
\v 16 A masa bel don nak ka neih ten, keima lam ah a ding tu pakhat no hei um ngawl in, mi hempoh in keimah zam san khawng haw zo. Hi thu hang a muhtei sualnak ngaisung pah sin.
|
||
\v 17 Mah naven, Pathian thuthangpha phuannak thu cangkim zet keimah na a deh tik hang, miphun dang hempoh in thuthangpha thei tuk in Topa Pathian cu kei ma lam ah a um hang, kei mah thazang ngilnak tuah dim tik hi. Mah tihcun kei cu pawpi kam sung pen pan hi.
|
||
\v 18 Topa Pathian in a pha ngawl mi hempoh pen kei mah cu luan in, vanhum ah a um mi a ma uknak ngam sungah him no lamhuai tuk hi. Topai sungah a tu le a kumkhua a minthan nak um ta hen. Amen.
|
||
\s Thupha piaknak
|
||
\p
|
||
\v 19 Prisica le Aquila pen pan Onesiphrorus tei innsung sang te otpih in.
|
||
\v 20 Erastus cu Korin khua ah tang tuk hi. Trophimus cu tidam ngawlin Miletum ah zam ing.
|
||
\v 21 Phalbi khuasik hun laih ngawl heng thei tukin zuam tung. Eubutus, Pudens Lanus, Claudia penpan U le nau hempoh otpih haw hi.
|
||
\p
|
||
\v 22 Topa Zisuh Khrih cu na thinlung hawvang tuah um kawm ta hen. A hehpih nak cu na nelah um ta hen. Amen.
|