See in Reader
76 lines
7.0 KiB
Plaintext
76 lines
7.0 KiB
Plaintext
\id 2TH
|
|
\ide UTF-8
|
|
\rem The text in this file was extracted from C:/DCS/Chin, Ngawn/WORD/53. 2 THESSALONIANS. docx.
|
|
\mt 2 Thesilon
|
|
\h 2 Thesilon
|
|
\mt 2 Thesilon
|
|
\toc1 2 Thesilon
|
|
\toc2 2 Thesilon
|
|
\toc3 2th
|
|
\s Awnkam tuah otpih nak
|
|
\c 1
|
|
\p
|
|
\v 1 Paul, Silvanus le Timote cu ohtei Pathian le Topa Zisuh Khrih sungah a um Thesilon khua kohhran ah lai ngan ing hi.
|
|
\p
|
|
\v 2 Ohtei Pa Pathian le Topa Zisuh nelpen a hehpih nak le daihnak cu nohtei lakah um ta hen.
|
|
\s Pathian thukhen nak
|
|
\p
|
|
\v 3 U le nau te aw, kohten nohtei ca Pathian cu a cat ngawl lungdam nak hilh ung. Lungdam thu hilh cu a pha mi hi. Itahum titale nohtei upnak cu khang sesem in pakhat le pakhat hum ah a koih mi nohtei pumpak hum tek ah itnak vang khang hi.
|
|
\v 4 Mah a hih hang nohtei thuak mi bawlsiat nak le haksat cimnak hempoh sungah a lang mi nohtei supnak le upnak ca kohten Pathian kohhran sungah nohtei thu lungdam pih ung.
|
|
\v 5 Nohten Pathian ngam ca haksat cimnak thuak in mahmi ngam a co taak mi cang tukin a dik a man mi, Pathian thukhen nak cu mah tihbang in lang zet hi.
|
|
\v 6 Topa Zisuh cu mei alh sungah a huham thawm ngeng vancung mite tuah vanhum pen a hen suk ten, nohte haksat cimnak a heng tik tu a muhte haksat cimnak hei hihen;
|
|
\v 7 Nohtei upnak cu haksat cimnak a thuak mi hempoh kohte tuah daihnak a co leh tuk mi thu cu a man mi hi.
|
|
\v 8 Mah ten Topan Pathian a thei ngawl mite le ohtei Topa Zisuh a sunglawi thuthangpha a ngai ngawl mite thukhen tuk hi.
|
|
\v 9 A muhte cu Pathian a hen ten Topai mai ah hei hihen, Topai huham tuah a dim mi minthan nak pen hei hihen vawk in kumkhua sual thukhen nak thuak haw tuk hi.
|
|
\v 10 Mahmi ni ah Topa cu a mi thiangtho tei hang, minthan nak co in kohtei phuan mi cu nohtei upnak hang, um tu hempoh ten a lamdang lungdam nak co tuk hi.
|
|
\v 11 Mah hang ohtei Pathian in nohte a samnak tuah a co tak mite cang tik in, a pha mi na bawl nuamnak thinlung le upnak tuah a seng mi dehnak te cu huham tuah nohtei sungah dim tik tuk in nohtei ca kohten a cat ngawl in thungen ung.
|
|
\v 12 Hi thu cu ohtei Pathian le Topa Zisuh Khrih hehpih nak hang, ohtei Topa Zisuh min cu nohtei sungah a minthan nak co in nohten Topai sungah a minthan nak co tuk hi.
|
|
\s Dan thu nei ngawl mipa
|
|
\c 2
|
|
\p
|
|
\v 1 U le nau te aw, ohtei Topa Zisuh a tolhsuk nak thu le Topai sungah ohten munkhat ah hulawm nak thu tuah peh pai in;
|
|
\v 2 Hawvang tuah in hihen, awnkam pen a tul mi thu hang in hihen, ohtei lai bang mi lai hang in hihen, Topai ni heng zo bang son haw naven, thinlung sungah a man lang in lau nak um tuk ngawl in nohtei lakah kohten kun ung.
|
|
\v 3 A kua mah in nohte itihbang lamzin hei in zol ma hen. Itahum titale a masa siatnak heng in siatnak ca tih mi dan thu a nei ngawl mipa a lang laih ngawl in, mahmi ni cu heng tuk ma hi.
|
|
\v 4 A mah cu pathian tin sam mi hihnak hempoh hum ah do nak le pahcoih nak cu a mah le mah Pathian biakinn sungah khung in, a mah le mah pathian ing hi tin phuang tuk hi.
|
|
\v 5 Nang muhte tuah a um langkhat laih in hi thu te nohtei lakah ka hilh awng mi thu nohten phawk leh ma zo uh cim maw.
|
|
\v 6 A mah cu huncan a kim ten lang tukin a tuin a mah a kham nak thu vang nohten thei uh ci.
|
|
\v 7 Itahum titale dan thu a nei ngawl, thu thup sel mi cu a tuin bawl li laih hi. Mah naven a tuin a kham tupa cu a vawk laih ngawl huncan tian in kham tuk hi.
|
|
\v 8 Mah cengten dan thu a nei ngawl pa cu heng tuk hi. Topa Zisuh in a kam pen a tul mi nunnak hang that in, a hennak tuk vaknak tuah siatsuah tuk hi.
|
|
\v 9 Dan thu a nei ngawl pa cu Saihtan na dehnak hang heng in, mi zolnak huham tuah a lamdang phunkim hei in hihien;
|
|
\v 10 Siatnak ah a heng tuk mitei ca a pha ngawl mi zolnak phunkim tuah heng tuk hi. A muhtei siatnak ah a hen haw cu a muhte nunpat nak a ngah tik thei mi thudik thu deih ngawl in a el haw hang hi.
|
|
\v 11 Mah hang a mun zol sang in, Pathian in mi zol nak huham cu a muhtei lakah hah hi.
|
|
\v 12 Hi thu dik cu um ngawl in phat ngawlnak a deih tu hempoh thukhen nak thuak haw tuk hi.
|
|
\s Kho zet ding tukin thu cahnak
|
|
\p
|
|
\v 13 Mah naven Topa Pathian a it tu U le nau te aw, kohten nohtei ca a cat ngawl Pathian lungdam thu hilh ung. Itahum titale nohten hawvang thiangtho hang, a thiangtho cu co in thu dik upnak hang, nunpat co tuk in Pathian in nohte cu a ngah masabel in a ten hang hi.
|
|
\v 14 Hi tuptah nak hang, Pathian in ohtei phuan mi a sunglawi thuthangpha tuah nohte cu sam hi. Hi thu cu ohtei Topa Zisuh Khrih minthan nak nohten co tuk in hi.
|
|
\v 15 Mah hang U le nau te aw, kho zet ding in ohtei awnkam tuah in hihen, lai in hihen, nohtei cun mi dan thu cu len khim ta un.
|
|
\p
|
|
\v 16 Ohtei Topa Zisuh Khrih a mah loli in ohte a ihnak cu a hehpih nak hang, kumkhua thazang piaknak le a sunglawi muansan nak a piak mi cu ohtei Pa Pathian in;
|
|
\v 17 Nohtei thinlung thazang a piak hang, a pha mi awnkam le a pha mi na hempoh sungah kho le leng tik ta hen.
|
|
\s Thungen tukin hehpih a kut nak
|
|
\c 3
|
|
\p
|
|
\v 1 A tang laih mi awnkam cu U le nau te aw, Topai awnkam nohtei sungah a um mi bang manlang zet a minthan nak lang tuk in;
|
|
\v 2 Ohten mipha ngawl mi ngilo tei khut sung pen, nunpat co tuk in kohtei ca thu nget sak un. Itahum titale mi hempoh in upnak nei ma hi.
|
|
\v 3 Mah naven Topa Pathian cu muantaak nak a dim hi. Topan nohte cu kho sesem tikin, mi ngilo tei khut sung pen cingkem tuk hi.
|
|
\v 4 Nohten kohtei thu cah mite a tuin bawl uh ci. Bawl bet tuk laih uh ci tih cu Topai sungah nohte cu kohten muang ung hi.
|
|
\v 5 Topa Pathian in nohtei thinlung cu Pathian itnak le Pathian thinsau nak sungah huai ta hen.
|
|
\s Zel tel tuk ngawl in ngallin a piak nak
|
|
\p
|
|
\v 6 U le nau te aw, kohtei lakpen co mi dan bang zui ngawl in, dan nei ngawl in nuncak kalsuan nak a nei mi U le nau hempoh te pial tukin ohtei Topa Zisuh Khrih min tuah nohte thupia ung hi.
|
|
\v 7 Itahum titale ohten itihbang zui tuk hum tih bulpak in thei zo uh ci. Kohten nang muhtei sungah phat ngawl nak hang bawl mi hima hi.
|
|
\v 8 A kuamah hi an hei ei cawm ngawl nohtei sung pen a kuamah in vanngit pua tik tuk ngawl in, zuamnak thasuah in le haksa zet sun le zan na dek ung hi.
|
|
\v 9 Mah tihbang a bawl mi cu kohtei sungah phal ngawl hang hima hi. Kei muhtei nungzui thei tukin kohtei bulpak loli in nohtei lakah tehkip nuamnak hang hi.
|
|
\v 10 Itahum titale nang muhte tuah ka um uh laih a kua a bang in na a dek nuam ma tale an hei ei tuk ngawl in thupia hi.
|
|
\v 11 Mah naven nohtei sungah mi hekkhat in dan nei ngawl na dek ngawl in a um hang, mitei thu sungah sonsiat nak thu kohten za ung hi.
|
|
\v 12 Mah tihbang in a mun, a mu an no tek ei thei tukin meng den na dek in Topa Zisuh sungah kohten thupia in sosuah ung hi.
|
|
\v 13 U le nau te aw, nohten thil pha bawlnak sungah thinkiam in um pah sun.
|
|
\v 14 Mi pakhat in hi lai tuah kohtei thucah mi awnkam thu a ngai ma tale a mah cu zakza tukin a mah cu tepteh in phial pah sun.
|
|
\v 15 Mah naven a mah cu ngal bang ngaisung ngawl in U le nau bang ngallin nak pia un.
|
|
\s A dawl bel otpih nak awnkam
|
|
\p
|
|
\v 16 Daihnak Topa a mah loli in nohtei sungah a cat ngawl na hempoh tuah daihnak pia ta hen. Topa Pathian cu nohtei venghawng hum ah um ta hen.
|
|
\v 17 Hi otpih nak awnkam cu keimah Paul in ka khut loli tuah ngan ing hi. Ka ngat mi lai hempoh sialsiah nak hi.
|
|
\v 18 Ohtei Pathian hehpih nak cu nohtei venghawng hum ah um ta hen. Amen.
|