See in Reader
133 lines
13 KiB
Plaintext
133 lines
13 KiB
Plaintext
\id 1TH
|
|
\ide UTF-8
|
|
\rem The text in this file was extracted from C:/DCS/Chin, Ngawn/WORD/52. 1 THESSALONIANS. docx.
|
|
\mt 1 Thesilon
|
|
\h 1 Thesilon
|
|
\mt 1 Thesilon
|
|
\toc1 1 Thesilon
|
|
\toc2 1 Thesilon
|
|
\toc3 1th
|
|
\s Awnkam tuah otpih nak
|
|
\c 1
|
|
\p
|
|
\v 1 Paul, Silvanus le Timote cu Pa Pathian le Topa Zisuh Khrih sungah a um tu, Thesilon khua mitei kohhran ah lai ngan ing. A hehpih nak le daihnak cu nohtei lakah um ta hen.
|
|
\s Lungdam thu hilhnak
|
|
\p
|
|
\v 2 Kohten nohtei veng hawng ca Pathian cu a cat ngawl lungdam nak thu hilh in, kohtei thu ngetnak sungah nang muhte phawk in;
|
|
\v 3 Nohtei upnak tuah a peh pai mi na dehnak, itnak tuah zuamnak le ohtei Topa Zisuh muansan nak hang a heng mi supnak cu ohtei Pathian mai ah a cat ngawlin phawk ung.
|
|
\v 4 Pathian ihmi U le nau te aw, nohte a tennak thu cu kohten thei ung.
|
|
\v 5 Itahum titale kohtei phuan mi a sunglawi thuthangpha cu awnkam tuah bek hi ngawl in, hawvang thiangtho hang in hihen, muankho nak tampi sungah in hihen, nohtei lakah heng hi. Kohten nang muhte tuah um ngel laih nang muhtei ca itihbang te haw hum tih cu nohten thei uh ci.
|
|
\v 6 Nohten haksat cimnak tampi na thuak uh ta vang, hawvang thiangtho tuah a peh pai mi lungdam nak tuah a thu awnkam co in, kei muhte bang in le Topa Pathian a bang mite hi uh ci.
|
|
\v 7 Mah a hih hang, Mecidonia, Akhaiah ngam sungah a umtu hempoh tei lakah nohte cu tepteh tak mi hi uh ci.
|
|
\v 8 Itahum titale, nohtei lakpen Pathian awnkam aw cu Mecidonia, Akhaiah ngam sungah a thangkhawng bek sial ngawl, Pathian cu nohtei upnak hang thuthangpha cu mun hempoh ah pung hi. Mah a hih hang, kohten son tuk pakhat no hei um ma hi.
|
|
\v 9 Itahum titale nohten kei muhte itihbang co ta uh cim tih mi hihen, nunnak tuah a dim a man mi Pathian na dehnak cu nohten dek tuk in hihen;
|
|
\v 10 A heng tuk laih mi thinuuk nak pen ohte nunpan tu Zisuh cu a thi mitei sung pen, Pathian thawh leh tik mi capa cu vanhum pen a heng tuk ngak in, nohten zuk milim te vawk in Pathian nelah theknak a heng mi thu te phuang haw hi.
|
|
\s Paul na dehnak
|
|
\c 2
|
|
\p
|
|
\v 1 U le nau te aw, kohten nohtei lakah hennak thupi zet hi tih cu na bulpak loli uh in thei uh ci.
|
|
\v 2 Nohtei theih mi bang kohten a masa in Filipi khua sungah haksat cim thuak in bawlsiat nak thuak ta vang, a nasaezet mi do nak sungah Pathian a sunglawi mi thuthangpha cu kohtei Pathian hang, nohtei lakah ngalhang ngamzet in phuang ung.
|
|
\v 3 Itahum titale, ohtei sualnak, nawngkai nak, zolnak hang nohte sohsuah nak hima hi.
|
|
\v 4 Pathian in ohte co in a sunglawi mi thuthangpha cu ohtei sungah upnak a piak hang, ohten mihing tei deihnak bang hi ngawl in, ohtei thinlung zo tu Pathian deihnak bang phuang ung.
|
|
\v 5 Itahum titale, nohtei theih sa bang in kohten leemnak awnkam tuah kamkhat no hei mang ma ung. Sel mi thinlung duhhap nak a um ngawl thu cu Pathian in thei hi.
|
|
\v 6 Kohten Khrih nungzui hihnak in a ngit mi van suan thei naven, mihing piak mi minthan nak cu nohtei lakpen zei ngawl in, midang tei lakpen hei in zei ma ung.
|
|
\v 7 Nau nawi tulh a nu in a canu le capa te a ih bang nang muhte itnak tuah a cawm tute ung hi.
|
|
\v 8 Mah bang bok nohten kohtei ih mite na hih uh hang, kohten nohte cu it in a sunglawi mi Pathian thuthangpha bek sial ngawl, kohtei nunnak tian hei pia tuk in phalnak thinlung nei ung.
|
|
\v 9 U le nau te aw, kohtei zuamnak le haksat nak te nohten thei uh ci. Kohten nohtei sung pen a kua mah hum ah vanngit suan tuk ngawl in sun le zan na dek in a sunglawi mi Pathian thuthangpha cu nohtei lakah phuang ung hi.
|
|
\v 10 Kohten um tu nohtei sungah itihbang thiangtho zet in le a dik mi bawl in mawhsiat nak um tuk ngawl tian in, a um mi cu nang muhte le Pathian cu kohtei theihpih tu tetti hi uh ci.
|
|
\v 11 Nohtei theih sa bang pa in a canu le capa tei hum ah a bawl bang, kohten nohtei hum ah bawl in;
|
|
\v 12 A ma uknak ngam le minthan nak sungah nang muhte a sam tu Pathian tuah a cotaak mi kal suan nun nei tuk in nohtei bulpak tek hum ah sosuah thapia in ngallin nak pia hi.
|
|
\s Thuthangpha a conak
|
|
\p
|
|
\v 13 Nohten kohtei lakpen zak mi Pathian thu na co uh ten, mihing tei awnkam hi ngawl in, Pathian thu a man mi a hih nak bang umtu nohtei sungah a nung mi Pathian thu hihnak a co haw hang, kohten a cat ngawl in Pathian cu lungdam thu hilh ung.
|
|
\v 14 U le nau te aw, nohten Zisuh Khrih sungah a um mi Judah ngam ah Pathian kohhran te bang haw zo hi. Itahum titale a muhte cu Judah miphun khut sung pen haksat cimnak a thuak bang nohten nang muhtei miphun khut sung pen mah tihbang bok in co zo uh ci.
|
|
\v 15 Judah miphun ten Topa Zisuh le kamsang te that in, kei muhte vang hil in bawlsiat haw hi. A mun Pathian deihnak um tik ngawl in mi hempoh do haw zo hi.
|
|
\v 16 Miphun dang te nunpat nak co tuk in kohtei phuan mi cu kham in a muhtei sualnak dim le leng tik haw hi. A muhtei humah a thinuuk nak hempoh heng khawng tuk hi.
|
|
\s Umtu te a tawk nuam tu Paul
|
|
\p
|
|
\v 17 U le nau te aw, kohtei thinlung hang hi ngawl in pumpi bek in nohte tuah dawm laih khen ta vang, nohtei mitmai mu tuk in ngaihnak thinlung tuah zuam sesem ung.
|
|
\v 18 Mah hang, kohten nohtei lakah hung tuk in deih ung. Keimah Paul cu veikhat bek sial ngawl veinih tian zuam na veng, Saihtan in kohte cu kham hi.
|
|
\v 19 Ohtei Topa Zisuh a hen ten ohtei muansan nak thu, lungdam nak thu le ngalpih tuk lukhu a cang tu cu a kua hum? Nang muhte hima uh ci maw.
|
|
\v 20 Itahum titale nohte cu kohtei minthan nak le lungdam nak hi uh ci.
|
|
\s Timote hahnak
|
|
\c 3
|
|
\p
|
|
\v 1 Mah hang, kohten sup leh theih ngawl toh in, kei muhte bek Athen khua ah um tuk in deih hi.
|
|
\v 2 Khrih thuthangpha phuang in, Pathian na dehpih ka nau Timote hah ing. A mah hahnak cu nohtei upnak tuah peh pai in kho zet um tuk sosuah in hah mi hi.
|
|
\v 3 Hi haksat cimnak hang a kuamah thawn tuk ngawl in hi. Itahum titale hi haksat cimnak thuak tuk in kohte a piak mi thu nohtei bulpak in thei uh ci.
|
|
\v 4 Itahum titale nang muhte tuah kohten langkhat um laih in, kohten haksat cimnak thuak tuk hung hi tin nohtei lakah hilh ham mi bang, mah tihbang a cang mi thu cu nohten thei uh ci.
|
|
\v 5 Mah hang, mi zol thei mipan nohte a zol hang kohten cawl zet in na dehnak te nemcuam nak um ngawl a cang tuk lau in, ka sup leh theih ngawl toh ten nohtei upnak thei nuam in a mah cu hah ing.
|
|
\s Timote lungkim in na deh a theih tik nak
|
|
\v 6 Mah naven a tuin Timote cu nohtei lakpen pin leh in, nohtei upnak le itnak tuah pehpai mi lungdam nak thu cu kohtei lakah hilh hi. Mah bek sial ngawl kohten nang muhte ngaih bang in nohten kei muhte ngai in a cat ngawl pha zet a phawh haw hang in hihen, kohten nang muhte tawk nuam bang in nangmun kei muhte tawh nuam nak thu hilh hi.
|
|
\v 7 Mah a hih hang U le nau te aw, kohten na hempoh ah haksat cimnak phunkim thuak laih tak nohtei upnak hang, nang muhte tuah peh pai in thazang piak nak co ung.
|
|
\v 8 Nohten Pathian sungah kho zet na um uh tale a tuin ohten nung thei hung hi.
|
|
\v 9 Ohten Pathian mai ah nang muhtei thu hang, ohtei lungdam nak hempoh zo in nang muhtei thu hang, Pathian hehpih nak cu itihbang in pia tuk hung kaw?
|
|
\v 10 Nohtei mitmai muh nak hang, nohtei upnak a kul mi hempoh cangkim tuk in kohten sun le zan thu ngen ung.
|
|
\s Kohhran ca thu ngetnak
|
|
\p
|
|
\v 11 Ohtei pa a himi Pathian a mah loli in ohtei Topa Zisuh Khrih cu nohtei lakah kohtei hawhnak lamzin bawl sak ta hen.
|
|
\v 12 Kohten nang muhte ih bang in nohten itnak sungah hei hihen, mi hempoh itnak sungah hihen, hausa cangkim khang to tukin Topan bawl ta hen.
|
|
\v 13 Mah bek sial ngawl ohtei Topa Zisuh in a mi thiangtho te tuah a hen ten, ohtei pa a himi Pathian mai ah nohtei thinlung cu a sunglawi a thiangtho mi sungah mawhsiat nak um tuk ngawl in kho le leng tik ta hen. Amen.
|
|
\s Pathian thinlung a tawk mi nun
|
|
\c 4
|
|
\p
|
|
\v 1 A tang laih mi thu cu U le nau te aw, nohten Pathian deihnak nei tuk in itihbang kalsuan in nungtuk hum tih cu kohtei lakpen na cun zo uh bang, khang to sesem nung tuk in Topa Zisuh min sungah kohten sosuah ung.
|
|
\v 2 Itahum titale kohten Topa Zisuh hang, nohte itihbang thukham pia hum tih cu nohten thei uh ci.
|
|
\v 3 Pathian deihnak tih mi cu nohten a thiangtho nung tuk in hi. Nohten dan tuah a dik ngawl mi nu le pa sual bawlnak pial un.
|
|
\v 4 Nohtei veng hawng a thiangtho Upat taak mi sungah nohtei pumpi taksa cu itihbang in kep tuk tih mi theihnak tuah;
|
|
\v 5 Pathian thei ngawl miphun dang te bang, huuknak thinlung nei mite bang in um ma hi.
|
|
\v 6 Hi sualnak sung U le nau tei lakah dan palcat zol thu son tuk ngawl in hi. Itahum titale kohten nohte ngallin nak piak ham mi bang, Topa Pathian in hi sualnak hempoh ca sual thukhen tuk hi.
|
|
\v 7 Itahum titale Pathian in ohte cu a nawngkai a bal tik tuk sam ngawl in, thiangtho tukin sam hi.
|
|
\v 8 Mah hang, keimah a el tu cu mihing bek el tu hima hi. Topai hawvang thiangtho ohtei lakah a piak mi Pathian cu el hi.
|
|
\s Itnak tuah na dehnak
|
|
\p
|
|
\v 9 U le nau pakhat le pakhat itnak thu cu nohtei lakah ngan in piak tuk thu um ma hi. Itahum titale nohten pakhat le pakhat it dun tuk cu Pathian nelpen a cung tute uh ci.
|
|
\v 10 Mah bek sial ngawl Mecidonia ngam sung mun hempoh ah a um tu U le nau hempoh mah tihbang in bawl haw hi. Mah naven U le nau te aw, nohten itnak cangkim sungah khang to sesem tuk in hihen;
|
|
\v 11 Nohtei lakah kohtei thu cah nak bang daiden no um thei tuk in zuamnak khut tuah a na deh tukin hihen kohten sosuah ung.
|
|
\v 12 Hi thu cu nohten a pawlam mihing tei maipen a mawi mi kal suan nunnak hang, nohtei sungah imah kul le sap mi um tuk ngawl in hi.
|
|
\s Topa Pathian a hennak thu tuah peh pai mi thazang piaknak
|
|
\p
|
|
\v 13 U le nau te aw, muansan nak a nei ngawl tute bang, thasia ngawl in hihbu mite tuah peh pai in nohten thei tuk ngawl cu kohten deih ma ung hi.
|
|
\v 14 Itahum titale Zisuh cu a thih nung ten tho leh zo hitin ohten upnak a nei uh tale Pathian in Zisuh sungah a hihbu mite vang, mah tihbang in Topa tuah sam in suah tul tuk hi.
|
|
\v 15 Topa Pathian thu hang nohtei lakah kohtei hilh mi cu Topa Pathian a hen suk leh tian nunnak a nei tu ohte cu a hihbu mi a muhte sang masa tuk ma hung hi.
|
|
\v 16 Topa Pathian aunak, vancung mi a ngeng bel aw piak nak, Pathian lemle tumnak tuah vanhum pen Topa a tolh suk ten, Khrih sungah a thi mite cu a masa in tho haw tuk hi.
|
|
\v 17 Mah cengten, a nung dam in a tang mi ohte van hum sungah Topa Pathian tawk tukin, a muhte tuah a cat ngawlin um tuk hung hi.
|
|
\v 18 Mah a hih hang, hi awnkam tuah pakhat le pakhat sosuah un.
|
|
\s Pathian ni
|
|
\c 5
|
|
\p
|
|
\v 1 U le nau te aw, mahmi a hun le can thu cu nohtei lakah ngat tuk kul ma hi.
|
|
\v 2 Itahum titale, nguca in zan hun can ten a hen bang, Topa Pathian ni a hen nak thu bulpakl in pha zet thei uh ci.
|
|
\v 3 “Daihnak le himnak um hi,” tin mihing tei son mi hun can hei in naupai tu in nau hin haksat cimnak a thuak bang, a muhtei hum ah a manlang mi haksat nak heng in luatnak hihim co haw tuk ma hi.
|
|
\v 4 Mah naven U le nau te aw, mahmi ni cu nguca bang nohtei hum ah heng ngawl in, nohte khua thim sungah um tuk ma uh ci.
|
|
\v 5 Itahum titale nohtei veng hawng vaknak ca, sun ni cate hi uh ci. Zan hi ca, khua thim ca hima uh ci.
|
|
\v 6 Mah a hih hang, midang te bang hihbu ngawl ngalling in ngak un.
|
|
\v 7 Itahum titale hihbu mite cu zan hun can in hihbu haw hi. A kham in a ngui thei miten zan ah kham thei haw hi.
|
|
\v 8 Kohte cu sun hun can tuah a peh pai mi hih hang, upnak le itnak cu luphaw bang silh in nunpat nak sungah muansan nak thik lukhu cu khu in ngalling in um un.
|
|
\v 9 Itahum titale Pathian in ohte cu a thinuuk nak thuak tuk pia ngawl in, ohtei Topa Zisuh Khrih hang nunpat co tuk sialsiah in a piak mi hi.
|
|
\v 10 Ohten khanglo hei in hihen, hihbu hei in hihen Topa tuah nung tuk in Zisuh in ohtei ca thi zo hi.
|
|
\v 11 Mah hang, a tuin nohtei bawl mi bang pakhat le pakhat khang to tuk in sosuah un.
|
|
\s Sosuah nak le thupha piak nak
|
|
\p
|
|
\v 12 U le nau te aw, nohtei sungah thasuah zuam in Topai sungah nohten thuneih nak tuah uknak, ngallin nak pia in thu hilhnak a nei tute cu Upat tuk in hihen;
|
|
\v 13 A muhtei na dehnak hang itnak thinlung le a muhte man nei sunglawi zet koih tuk in hihen, nohte cu kohten hehpih kun ung. Nohten pakhat le pakhat lem dun ta un.
|
|
\v 14 U le nau te aw, nohten kohtei sosuah nak cu imah sum sial ngawl a um tute cu ngallin nak pia in thu hilh un. Thanau mite cu thazang pia un. Tha cawl mite bawm un. Mi hempoh tei hum ah thinsau in sup un.
|
|
\v 15 A kuamah hum ah phat ngawlnak cu phat ngawlnak tuah lul leh ngawlin ngalling un. Pakhat le pakhat ca hei hihen, mi hempoh ca hei hihen, a pha mi bek cu a cat ngawl zuam in bawl un.
|
|
\v 16 A cat ngawlin lungdam un.
|
|
\v 17 A cat ngawlin thu ngen un.
|
|
\v 18 Ihempoh ah lungdam thu hilh un. Itahum titale nohten mah tihbang bawl tuk in, Khrih Zisuh sungah Pathian deihnak um hi.
|
|
\v 19 Hawvang thiangtho deihnak cawl tik pah sun.
|
|
\v 20 Kamsang tei thuphuan nak cu imah sumsial ngawl in um pah sun.
|
|
\v 21 Na hempoh thudong kan in a pha mi cu khimzet len un.
|
|
\v 22 A pha ngawl mi hempoh pial un.
|
|
\p
|
|
\v 23 Daihnak Pathian in nohte thiangtho khawng tik ta hen. Ohtei Topa Zisuh Khrih a hen ten, nohtei hawvang, thinlung, pumpi taksa mawhsiat nak um tuk ngawl in kem ta hen.
|
|
\v 24 Nang muhte a sam tupa cu muantaak nak tuah a dim mi a hih hang, mah tihbang in bawl tuk hi.
|
|
\p
|
|
\v 25 U le nau te aw, kohtei ca thu nget sak un.
|
|
\p
|
|
\v 26 U le nau hempoh a thiangtho mi thut in otpih un.
|
|
\v 27 Hi lai cu U le nau hempoh mai pen sial tuk, Topai sungah nohte nasezet in thupia ing hi.
|
|
\p
|
|
\v 28 Ohtei Topa Zisuh Khrih hehpih nak cu nohtei lakah um ta hen.
|