See in Reader
151 lines
15 KiB
Plaintext
151 lines
15 KiB
Plaintext
\id PHP
|
||
\ide UTF-8
|
||
\rem The text in this file was extracted from C:/DCS/Chin, Ngawn/WORD/50. PHILIPPIANS. docx.
|
||
\mt Philipians
|
||
\h Philipians
|
||
\mt Philipians
|
||
\toc1 Philipians
|
||
\toc2 Philipians
|
||
\toc3 php
|
||
\s Awnkam tuah otpih nak
|
||
\c 1
|
||
\p
|
||
\v 1 Zisuh sila na dehnak a nei tu Paul le Timote cu Filipi khua ah a um mi Pasta te le Deacon te pen pan Zisuh Khrih i mi thiangtho tei lakah lai kuat ing.
|
||
\p
|
||
\v 2 Topa Zisuh Khrih le ohtei pa Pathian nelpen a hehpih nak le daihnak cu nohtei lakah um ta hen.
|
||
\s Lungdam thangphat nak le thunget nak
|
||
\p
|
||
\v 3 Thunget nak ka neih sial ten, Pathian nelah lungdam thu san in,
|
||
\v 4 Thunget nak ka neih sial ten, nohtei venghawng ca lungdam nak thinlung tuah a cat ngawl in thungen ing.
|
||
\v 5 Itahum titale, nohten a masa bel ni pen pan a tu ni tian a sunglawi mi thuthangpha tuah peh zom nak na neih uh hang, Pathian lakah lungdam thu hilh ing.
|
||
\v 6 Nohtei lakah phatnak a bawl tupa cu Zisuh Khrih i ni hun le can tian bawl tuk in up kho nak nei ing.
|
||
\v 7 A um hempoh nohtei thu ngaihsut nak ka neih mi cu lungkim ing. Itahum titale, ka co mi a hehpih nak cu nohtei venghawng in peh tuahnak na neih uh hang, kei cu thawng ka ta hei in hihen, thuthangpha thu cu theihpih nak tetti nei in, mahmi thuthangpha kho tik tuk in hihen, nohte cu phawk zet ing.
|
||
\v 8 Kei man nangmu venghawng Zisuh Khrih hehpih itnak le izahtak in ngai hum tih mi theihpih nak tetti a nei tu cu Pathian hi.
|
||
\v 9 Kei cu itihbang in thungen hum tih mi cu nohten a dang thu te khenkhuai thiam tuk cih thiamnak phunkim nei in,
|
||
\v 10 A sunglawi a cangkim mi itnak hei hihen,
|
||
\v 11 Zisuh Khrih hang Pathian minthan nak lang tik thei mi a dikcang nunnak le nohten cangkim nak nei in Khrih ii huncan ni tian a thiangtho thinlung tuah sualnak thu pen luat tuk hei in hihen, thungen ing.
|
||
\s A sunglawi thuthangpha pungzai dan
|
||
\p
|
||
\v 12 U le nau te aw, ka hum ah a heng mi thu te cu thuthangpha khamnak bek sial ngawl in, a pungzai nak thu nang muhte thei tik nuam ing.
|
||
\v 13 Itahum titale, Khrih hang thuaknak ka neih mi kolh bulhnak cu kumpi umnak sungah thang zet bek sial ngawl, mun hempoh ah thang zet hi.
|
||
\v 14 Topa Pathian sungah U le nau tampi te thuaknak ka neih mi kolh bulh nak hang, up sualnak nei ngawl in le lau ngawl in Pathian thu bek ngam zet phuang haw hi.
|
||
\v 15 Mihing hekkhat ten huat nuamnak thinlung le buainak heng tik tuk mi thinlung tuah phuang haw hi.
|
||
\v 16 Kei mah cu thuthangpha hilh tu tukin a piak mi hihnak thu theihnak a mun nei in Khrih ii thu cu itnak tuah phuang haw hi.
|
||
\v 17 A mun a thiangtho mi thinlung nei haw ma hi. Kolh bulh ka thuak laih tak a thuaknak tam sesem tuk a mun ngaisung in, huahdun nuamnak thinlung tuah phuang haw hi.
|
||
\v 18 Mah a hih hang hi thu te itihbang hum? A thup no in phuannak hei hihen, muantaak in phuannak hei hihen, itihbang hei in phuannak hihen, Khrih i thu cu phuang haw hi. Mahmi thu hang kei cu a tuin lungdam ing. Lungdam tuk laih ing.
|
||
\v 19 Itahum titale, kei cu zahcak nak hihim nei mang hi. Ngalphat nak tuah dim in nung hei in hihen, thi hei in hihen,
|
||
\v 20 Ka pumpi taksa ah Khrih cu a cat ngawl minthan nak a lang mi bang a tu hei in lang tuk hitin muansan nak ngengpi tuah nohtei thunget sak nak hang hei in hihen, Zisuh Khrih i hawvang hei in hihen, hi thu te kei mah a nunpat nak thu hitin, keiman thei ing.
|
||
\s Khrih ca a nunnak
|
||
\v 21 Kei ka nun cu Khrih hi. Thi tale thupi saw hi.
|
||
\v 22 Hi pumpi taksa sungah ka nung a hitale, bawlnak ka neih mi nemcuam nak cu mah tihbang a thupi mi hi. Mah naven, keiman i nemcuam nak thu bel teng tuk hum tih cu thei mang hi.
|
||
\v 23 Mah a hih hang kei man hi panih lak lawh ah tetzet in um ing. Hi nunnak te cu zam san in Khrih tuah um tuk deih ing. Mah hang tampi nemcuam thupi nak um saw hi.
|
||
\v 24 Mah naven, hi pumpi taksa tuah um tale nohtei lakah a thupi nak tam saw um tuk hi.
|
||
\v 25 Mah tihbang in um tuk hitin ngaihsut sualnak pen luat zo hang, nohtei lakah ka hun leh nak cu,
|
||
\v 26 Nohten Zisuh Khrih muang in kei ma ca ultun lungdamnak nei sesem tuk in, nohten upnak sungah khangto lungdam tuk in kei cu pumpi taksa um in nang muh te tuah um langkhat tuk laih tih mi thu thei ing.
|
||
\v 27 Nohtei ngal te hang imah lau ngawl thinlung hawvang pakhat sung bek ah um in, thuthangpha tuah a seng mi upnak nei tukin thinkhat no zuamnak tuah ka hen ten nohte tuah tawk tuk hei in hihen, khennak hei in hihen, nang muhte tuah ka theihnak tuk thu Khrih ii thuthangpha tuah a lem cang in na dek ta un.
|
||
\v 28 Mah tihcun ngal tei hang launak hihim na neih uh ngawl mi thu cu a muhtei siatnak thu hi. Nohtei ca nunpat nak thu hi.
|
||
\v 29 Itahum titale, nohten a bosa huncan in na muh zo uh bang a tu ah vang do in thuaknak ka neih mi bang in, nohten thuak nak na neih zo uh hang,
|
||
\v 30 Khrih upnak thu bek sial ngawl Khrih ca haksat thuak cu a hehpih nak hang co uh ci.
|
||
\s Khristian tei niamkhiat nak
|
||
\c 2
|
||
\p
|
||
\v 1 Mah hang Khrih sungah lungdam nak, itnak tuah a seng mi daihnak, hawvang tuah peh tuah unnak, ningnat nak pakhat nei tale;
|
||
\v 2 Nohte pakhat le pakhat itnak tuah thinkhat lungkhat no in ka lungdam nak thu cangkim tik ta un.
|
||
\v 3 Ihempoh ah zuam dun nuamnak thinlung nei ngawl a thupi ngawl minthan nak thinlung nei ngawl in, niamkhiat nak thinlung tuah midang te mah sangin sunglawi saw hitin, ngaisung ta un.
|
||
\v 4 Mai nem cuamnak bek zo ngawl in midang tei nem cuamnak vang zo bok un.
|
||
\s Khrih niamkhiat nak le khaisan nak
|
||
\v 5 Khrih Zisuh sungah a um mi thinlung cu nohtei lakah um tik bok ta un.
|
||
\q
|
||
\v 6 Khrih cu Pathian hihnak a dim nei naven, Pathian tuah a bang ve hihnak cu let lo tuk mi hitin ngaisung ngawl in;
|
||
\v 7 A minthan nak cu zam sila hihnak kengin mihing tuah a bang ve in hing hi.
|
||
\q2
|
||
\v 8 Topa cu mihing hihnak tuah dim in thihnak bek sial ngawl, thinglamteh hum ah thahnak tian thuak hi.
|
||
\q
|
||
\v 9 Mah hang, Pathian in Topa cu khaisang in min hempoh pen min sunglawi bel pia hi.
|
||
\q
|
||
\v 10 Itahum titale vanhum ah hei hihen, leihum ah hei hihen, leipi nuai ah hei hihen a um mi hempoh cu Zisuh min sungah khuk din in;
|
||
\v 11 “Zisuh Khrih cu Topa hi” tin kam tuah a phuannak hang, Pa Pathian minthan nak lang tik tuk hi.
|
||
\s Leihum ii vaknak te
|
||
\p
|
||
\v 12 Mah a hih hang ka ih mite aw, ka mai pen a cat ngawl thu na ngaih uh bek sial ngawl, ka um ngawl ta vang launak thinlung tuah mah le mah nunpan tukin zuam ta un.
|
||
\v 13 Itahum titale zuamnak thinlung le dehnak nei tuk in nohtei sungah na a dek tupa cu Pathian hi.
|
||
\v 14 Nohten na bawlnak hempoh ah phuciak ngawl in le el dunnak um ngawlin dek un.
|
||
\v 15 Mahmi cu mawhsiat nak um ngawl, a kua mah sual thu sungah um ngawl in a dik a man ngawl mi miphun sung pen sualnak imah a nei ngawl mi Pathian ca hi tuk uh ci. Hi leihum ah a um mi vaknak bang in a muhtei sungah vak tuk mi thu hi.
|
||
\v 16 Nunnak tuah a seng mi Pathian thu keng in, kei cu nem cuamnak um ngawl in tai mang hi, nem cuamnak um ngawl in zuamnak a hih ngawlnak thu cu Khrih ni ten lungdam ngalpih tung hi.
|
||
\v 17 Mah bek sial ngawl nohtei upnak tuah a seng mi biakpiak nak hum ah ka buaksuk ta vang lungdam nak um hi. Nohtei vengvawng hum ah ka lungdam nak um hi.
|
||
\v 18 Mah bang bok nohten lungdam bok ta un. Kei mah tuah lungdam un.
|
||
\s Timote le Epaphroditus
|
||
\p
|
||
\v 19 Kei man nohtei thu ka theihnak hang thinnop tukin, Timote cu nohtei umnak ah a ngei ngawlin hah tung hitin, Topa Zisuh sungah muansan nak nei ing.
|
||
\v 20 Itahum titale Timote cu nohtei nemcuam nak a thu ngai a zo tupa a hih bang in, kohtei lakah thinlung a nei tu pakhat no hei ka nel ah um ma hi.
|
||
\v 21 Mi hempoh in Zisuh Khrih nemcuam nak zei ngawl in, mai nemcuam nak bek ngeh zei haw hi.
|
||
\v 22 Mah naven Timote cu kei mah tuah pa ca bang a sunglawi mi thuthangpha ca na dehnak hang, a ngilcang nun cu nohten thei zo uh ci.
|
||
\v 23 Mah hang itihbang in na ka dehnak cang tuk hum tih cu ka theih bek ten, a mah hah tukin muansan nak nei ing.
|
||
\v 24 Kei mah vang a ngei ngawl heng thei tuk in Pathian nel ah upnak nei ing.
|
||
\v 25 Mah naven ka nau, ka na dehpih bek sial ngawl ka kul le sapnak a bawm tu, nohtei na dek tu Epaphroditus cu nohtei lakah hah tukin kul hitin, ngaisung ing.
|
||
\v 26 Itahum titale a dam ngawlnak thu cu nohten na theih zo uh hang, a man nang mu venghawng ngai zet in a thinnop ma hi.
|
||
\v 27 A mah cu thikuan in a nat cu a man mi hi. Mah ten Pathian in a mah cu hehpih hi. A mah bek hehpih hima hi. Ka nelah thinkham nak tampi um bet tuk ngawl in, keimah vang hehpih hi.
|
||
\v 28 Mah hang nohten a mah cu lungdam nak tuah mu leh tuk in hihen, kei mah vang nemcuam tuk in hihen, a mah cu zuamnak tampi tuah hah ing.
|
||
\v 29 Mah a hih hang Topa Pathian suang in, lungdam nak thinlung tuah a mah cu sang un. Mah tihbang mite cu Upat un.
|
||
\v 30 Itahum titale, nohten keimah cu tuamlawm in a cangkim ngawl mite bawm tuk a man a nunnak pia in Khrih ca thi awn zo hi.
|
||
\s Khrih theih ciangnak
|
||
\c 3
|
||
\p
|
||
\v 1 A tang laih mi awnkam cu ka U le nau te aw, Topa Pathian sungah lungdam un. Lai ka ngan thuah bet ta vang cawl mang hi. Nohtei ca in siatnak kham tu hi.
|
||
\v 2 Uico te cu ngalling un. Nun can ziaza a pha ngawl mite pial un. Vun lek a talh hem mite pial un.
|
||
\v 3 Itahum titale Pathian hawvang tuah bia in, Khrih Zisuh sung bek ah lungdam tupa a hih hang, a man mi vunlek a talh tute hi.
|
||
\v 4 Mah naven thi le sa muansan nak vang ka sungah um hi. Midang pakhat in thi le sa sungah muansan nak um hi tin a ngaisung tale ka sungah in tam sesem um hi.
|
||
\v 5 Kei cu niliat ten vunlek talhnak a co tupa, Isarel miphun, Benzamin cikhaih, Hebru miphun pen Hebru miphun ing hi. Dan thukham bang son tale Farasi ing.
|
||
\v 6 Thinlung lian thu son tale kohhran bawlsiat tu, dan thukham hang dikcang nak son tale mawhsiat nak sual a nei ngawl mipa ing hi.
|
||
\v 7 Mah naven ka ca nemcuam nak a cang mi hi thu te cu Zisuh Khrih suang in sunnak hitin, ngaisung ing.
|
||
\v 8 Mah bek sial ngawl Topa Zisuh Khrih theihnak cu izahtak in a sunglawi hum tih suang in na hempoh a sung tik thei mi hitin, ngaisung ing.
|
||
\v 9 Kei man mah dan thukham tuah a seng mi ka dikcang nak hi ngawl in, Khrih upnak hang co mi dikcang nak tih mi upnak hum ah a um Pathian dikcang nak a co hang, Khrih cu co in Topai sungah mu tukin hi.
|
||
\v 10 Mah bek sial ngawl Topa hei hihen, Topai thawh leh nak huham hei hihen, Topai haksat cimnak hei hihen thei in Topai thihnak sungah pakhat hihnak co tuk in;
|
||
\v 11 A thi mitei sung pen thawh leh nakah lamzin pakhat tuah heng thei tukin hi.
|
||
\s Pathian piak mi tai zuamnak
|
||
\v 12 Kei man mahmi co in cangkim nak ah heng zo ing hitin tihnop mi hi ngawl in, Khrih Zisuh cu mahmi nemcuam nak ca in kei mah man zo hi. Kei man mahmi nemcuam nak co mi thu man thei tuk in zuam ing.
|
||
\v 13 U le nau te aw, kei man len ngah zo ing hitin ngaisung ma naven, ka bawl mi thu pakhat cu nunglam ah a um mi thu phawk leh ngawl toh in mai lam a um mi thu ah kal suan in;
|
||
\v 14 Khrih Zisuh hang Pathian in hum lam pen samnak tuah a seng mi laksawng co tuk in, zuamnak mun ah tai ing.
|
||
\v 15 Mah hang a cangkim ngilcang tu hempoh hi tihbang in thinlung neih tuk kul hi. Nohtei sungah thinlung dang a um ta vang, Pathian in mahmi thu hei nohtei lakah hilh tuk hi.
|
||
\v 16 I thu bang hei hi tahen ohten hennak mun a hihnak bang kalsuan tuk hung.
|
||
\p
|
||
\v 17 U le nau te aw, kei ma nun bang in nung bok ta un. Ka nelpen na co mi bang in kalsuan nunnak a nei mite zo in sialsiah un.
|
||
\v 18 Itahum titale nohtei lakah a tu le tuin kei man hilh zo ing. A tuin mit hitui cakin ka hilh leh mi cu mi tampi ten, Khrih thinglamteh do in kalsuan nung haw.
|
||
\v 19 A muhtei dawl tawpnak cu siatnak hi. A muhtei pathian cu a muhtei pumpi a hih hang, a mun a muhtei zahcak nak sungah tuangkhawng ngal thei haw. A muhtei ngaihsut mi thu cu leihum tuah a seng mi thu hi.
|
||
\v 20 Mah naven ohtei uknak ngam mi hihnak cu vanhum ah um hi. Mah lai munpen a heng mi nunpan tu Topa Zisuh Khrih cu ohten ngak li hung hi.
|
||
\v 21 Topan na hempoh a thungai thei mi huham tuah, ohtei a sia thei mi pumpi hei minthan nak tuah a dim mi pumpi tuah bang ve cang tuk a thak in thek zo.
|
||
\s Ngaisung tukin sosuah nak
|
||
\c 4
|
||
\p
|
||
\v 1 Mah hang ka lungdam nak thu le ka sui lukhu cu ka ihzet mi le ngaih zet mi ka U le nau te aw, ka son sa bang Topa sungah um un, ka ih mite aw.
|
||
\p
|
||
\v 2 Kei cu Euodias le Syn’te-che te Topa Pathian sungah thinlung pakhat nei tuk in sosuah ing.
|
||
\v 3 Na dehpih a man ngai mi mah numei bawm tuk in nangmah hehpih kun ing. A muhte nunnak laibu sungah min a tel mi Clement pen pan a dang ka na dehpih te tuah a sunglawi mi thuthangpha ca in, keimah tuah langkhat nadeh pih mite hi.
|
||
\p
|
||
\v 4 Topa Pathian sungah a cat ngawl in lungdam un. Lungdam un hitin, hilh leh ing.
|
||
\v 5 Nohtei a nem mi thinlung cu mi hempoh thei tik un. Topa Pathian cu na bulah um hi.
|
||
\v 6 Ihempoh ah lau ngawl in na hempoh ah lungdam nak tuah thunget nak le hehpih nak hang, nohtei nget nuam mite cu Pathian nelah thei tik un.
|
||
\v 7 Mah ten mihing tei theihnak hempoh sang, a sunglawi mi Pathian deihnak cu Khrih Zisuh hang, nohtei thinlung le nohtei ngaihsut nak te bawm tuk hi.
|
||
\p
|
||
\v 8 A tang laih mi thu cu U le nau te aw, a man mi thu hempoh, minthan nak hempoh, dikcang nak hempoh, a thiangtho mi hempoh, deih awh huai mi hempoh te le thangphat tak mi nuncan ziaza hempoh sung pen a sunglawi thu pakhat tuah a seng mi nuncan ziaza te hei hihen, thinlung sungah khum in.
|
||
\v 9 Ka nelpen nohtei cun mi le zak mi thu te nunpih un. Mah tihbang in nunpih tale daihnak Pathian cu nohte tuah um tuk hi.
|
||
\s Bopnak hang lungdam satnak
|
||
\p
|
||
\v 10 Kei ma ca nasezet ngaisung in thinlung a nei tu nohtei sungah a tuin veikhat a lang leh hang, kei cu Pathian nelah lungdam ing. A thu ngai in nohten kei ma ca nasezet ngaisung ta vang huncan ngah ma uh ci.
|
||
\v 11 Mah tin ka tihten, kei mah loli in haksat sonnak hima hi. Itahum titale kei cu ithu bang thu ah hei hihen lungkim thei tukin cung zo ing.
|
||
\v 12 Zotsak nak hei hihen, hauhsak nak hei hihen thiam ing. An kham zet eihnak, ningkial nak, hauhsak nak, haksat cimnak te thuak tuk in na hempoh ah um thiamnak nun cung zo ing.
|
||
\v 13 Kei mah thazang tuah a dim tik tu Khrih hang na hempoh bawl thei ing.
|
||
\v 14 Mah naven haksat cimnak thuak laih tak nohten kei mah tuah peh tuah unnak hang pha zet in bawl zo uh ci.
|
||
\v 15 Filipi khua mite aw, a sunglawi mi thuthangpha phuan pat ni pen pan Mecidonia ngam pen ka suah tul ten nang muhte sial ngawl, a kua mah hi kohhran in piaknak um ma hi tih cu nohten thei uh ci.
|
||
\v 16 Thesilon khua sungah ka um laih hei in ka kul sap mite nohten veinih tian pia uh ci.
|
||
\v 17 Mah tihbang in ka son ten laksawng ka deihnak hima hi. Nohtei nem cuamnak a ngah tampi ngah tuk in kei man deih ing.
|
||
\v 18 Kei cu na hempoh ka co hang hausa in um ing. Nohtei piak mite cu Epaphroditus nelpen ka co mi a hih hang, cangkim nak um zo hi. Mahmi thu te cu ngimnam tui Pathian deihnak co taak mi biakpiak nak hi.
|
||
\v 19 Ka Pathian in minthan nak sungah a um tu a ma hauhsak nak bang, nohtei kul le sap mi hempoh Khrih Zisuh hang in cangkim tik tuk hi.
|
||
\v 20 Ohtei Pa Pathian sungah kumkhua pe kumkhua a minthan nak um ta hen. Amen.
|
||
\s A dawl bel a kam cah mite
|
||
\p
|
||
\v 21 Khrih Zisuh sungah a um mi thiangtho hempoh te otpih un. Kei mah tuah a um mi U le nau te nohte otpih ing.
|
||
\v 22 Mi thiangtho hempoh a cuang in Sizal kumpi inn sungah a um tu a mun nohte cu otpih haw hi.
|
||
\p
|
||
\v 23 Topa Zisuh Khrih hehpih nak cu nohtei lakah um ta hen.
|