cnw_reg/47-1CO.usfm

\id 1CO
\ide UTF-8
\rem The text in this file was extracted from C:/DCS/Chin, Ngawn/WORD/46. 1 CORITHIANS. docx.
\mt 1 Korin
\h 1 Korin
\mt 1 Korin
\toc1 1 Korin
\toc2 1 Korin
\toc3 1co
\s Awnkam tuah otpih nak
\c 1
\p
\v 1 Pathian deihnak hang, Khrih Zisuh nungzui hihnak ah samnak a co tu kei mah Paul le ka nau Sosthines te cu;
\v 2 Zisuh Khrih hang sual thiang tik in mi thiangtho hihnak ah a piak mi, Korin khua ah um tu Pathian kohhran penpan mun hempoh ah a um ohtei Topa Zisuh Khrih min in thunget nak a nei tu hempoh tei lakah laikuat ing.
\p
\v 3 A pa Pathian le Topa Zisuh Khrih nelpen a hehpih nak le daihnak cu nohtei lakah um ta hen.
\s Lungdam thu hilhnak
\p
\v 4 Zisuh Khrih in nohtei lakah a piak mi Pathian hehpih nak hang, kei cu nohtei ca ka Pathian cu a cat ngawl lungdam thu hilh ing.
\v 5 Itahum titale, nohten kam thiam nak hei hihen, theihnak hei hihen, ihempoh Khrih hang hauhsak nak dim nei in;
\v 6 Zisuh Khrih hang nohtei lakah a piak mi laksawng zo in, nohtei thu hang Pathian hehpih nak a cat ngawl in thangphat ing.
\v 7 Mah hang, nohten ohtei Topa Zisuh Khrih a hennak tuk ngakhel in um laih tak, laksawng pakhat no hei co kha mang tih um tuk ngawl in a cangkim in co tuk uh ci.
\v 8 Ohtei Topa Zisuh Khrih ni huncan a hen ten mawhsiat nak sual nei tuk ngawl in, nohte cu a tawptian kho tik tuk hi.
\v 9 A capa Zisuh Khrih ohtei Topa Zisuh Khrih pawlkom nak dan sungah nang muhte samnak nei tu Pathian cu thukam tuah a dim hi.
\s Korin kohhran sungah pawl khennak
\p
\v 10 U le nau te aw, nohtei venghawng in son dan awnkam bang ten na hih uh hang, pakhat le pakhat khen ngawl in, thinlung sikhat no um thei tukin ohtei Topa Zisuh min in, nohtei lakah sosuah nak tuah hehpih kun ing.
\v 11 Itahum titale U le nau te aw, nohten pakhat le pakhat lem ngawl hauhdun nak a um mi cu Kloes innkua ten son haw hi.
\v 12 Nohten, kei cu Paul ii nungzui ing. Kei cu Apollos nungzui ing. Kei cu Kaiphas nungzui ing. Kei cu Khrih nungzui ing hitin sonnak a um hang, hi awnkam ka otnak hi.
\v 13 Khrih cu khenkek nak nei maw? Paul in nohtei ca thinglamteh hum ah thihnak thuaksak zo maw? Mah ahima tale, nohten Paul min tuah Baptisma co zo uh cim maw?
\v 14 Khripas le Ga’uis te sial ngawl nohtei lakah a kuamah baptisma piaknak ka neih ngawl hang, Pathian lakah lungdam ing.
\v 15 Mah hang, Paul cu a ma min tuah baptisma pia hi tin, a kua mah in sonnak thu um ma hi.
\v 16 Stefa’nas tei innkua hawng baptisma pia zo ing. Mah bek sial ngawl mi dang te baptisma ka piak mi cu thei leh ma zo ing.
\v 17 Baptisma pia tukin Khrih in kei mah cu a hahmi hima hi. Thuthangpha phuang tuk in a hah mi ing hi. Mah naven, Khrih ii thinglamteh a thawnthong cang tuk ngawl in, kamthiam thu sonnak cu phal ma hi.
\s Pathian huham le cihnak nei mi Khrih
\p
\v 18 Itahum titale, thinglamteh tuah a seng mi thuthangpha cu a thi mitei ca sil thu hi. Nunpat nak a co tu ohtei ca in Pathian huham hi.
\v 19 “Laithiangtho bang, cihnak a nei mitei cihnak cu siatsuah tung. Theihnak pha a nei mitei theihnak vang vawksak tung hi” tin, ngan hi.
\p
\v 20 Cihnak cu i lai ah um hum? Dan thiam saza te i lai ah um hum? Buainak ah ngamtat nak a nei tu saza cu ii lai ah um hum? Leihum cihnak in Pathian sil tik hima maw?
\v 21 Itahum titale, Pathian cihnak thukhen mi bang, hi leihum cu a ma theihnak le cihnak tuah Pathian theihnak a neih ngawl hang, Pathian phuannak thu cu silthu tuah a um tute pan tuk in a deih nak um hi.
\v 22 Judah miphun ten thasiah huai nate ngen thei haw. Grik miphun ten cihnak zei thei haw.
\v 23 Kohten, thinglamteh hum ah thihnak a thuak mi Khrih thu cu phuang ung. Mahmi thu cu Judah miphun tei bahnak thu hi. Grik miphun tei ca in sil thu hi.
\v 24 Mah naven, Judah mi hihen, Grik mi hihen, samnak a nei tute tei ca Pathian huham le Pathian i cihnak tihmi cu Khrih ii thu hi.
\v 25 Pathian i sil tihmi thu cu mihing tei cihnak sang cip saw hi. Pathian thanem nak cu mihing tei thazang ngilnak sang thazang nei saw hi.
\s Pathian lak bek ah ultun nak
\p
\v 26 U le nau te aw, nang muhte samnak thu cu ngaisung ta un. A sam mitei lak pen leihum cihthiam nak a nei tu um haw ma hi. Minthang uktu mi Upa hei tel ma uh ci. Kumpi sung suak mite hei tel ma uh ci.
\v 27 Pathian in, cihnak a nei mitei zahcak nak tuk leihum thu ah misil te teng hi. Thazang ngilnak a nei mitei zahcak nak tuk thazang i mah a nei ngawl mite teng hi.
\v 28 Mi sunglawi tei zahcak nak tuk, leihum thu ah mi taktai ngengawl mite le sumsial ngawl mite teng hi.
\v 29 Mah hang, Pathian mai pen ultun tuangkhawn tuk thu imah um ma hi.
\v 30 Pathian hang nohten Zisuh Khrih sungah um leng ta un. Topa cu Pathian thukhen nak bang, ohtei cih nak, dikcang nak, thianlim nak tuah a tat nak thu hi.
\v 31 Mah a hih hang, Laithiangtho sung a heng mi bang ultun tuangkhawn nak a nei tu in, Pathian nel bek ah ultun tuang khawng hen.
\s Paul thu hilhnak
\c 2
\p
\v 1 U le nau te aw, nohtei lakah ka hen ten Pathian theihpih nak tetti cu a sunglawi mi awnkam le a sunglawi mi cihnak tuah nohtei lakah heng mang hi.
\v 2 Itahum titale, Zisuh Khrih thinglamteh humah thihnak a thuak tu Topa a mah bek sial ngawl, a dang thu imah nohtei lakah thei mang hi” tin, ka thinlung sungah um hi.
\v 3 Nang muhte tuah um ngel laih thanem nak, launak tuah can tawtoh um ing.
\v 4 Nohtei upnak cu mihing cihnak tuah kho ma hi.
\v 5 Pathian huham tuah kho tuk in ka thu awnkam, ka thuthangpha cu mihing tei cihnak tuah zol theih mi awnkam um ma hi. Hawvang huham tuah um hi.
\s Hawvang thu lam cih thiamnak
\p
\v 6 Mah naven, ohtei lakah a ngilcang cangkim mi cu nohtei sung pen cih thiam nak thu phuang haw hi. Mah tin tih ten, leihum cihnak thu tihnop nak hima hi. A sia li toh mi hi leihum uk tutei cihthiam a tihnop nak hima hi.
\v 7 Hi leihum pi a pian laih ngawl ohtei minthan nak heng tik tuk Pathian piak mi cihnak, thuthup selcip mi Pathian cihnak cu ohte lak zo hi.
\v 8 Mahmi cihnak cu leihum kumpi pakhat no hei in thei haw ma hi. A thei tacun, minthan nak tuah a dim Topa cu thinglamteh humah that haw tuk ma hi.
\v 9 Laithiangtho a heng mi bang, Pathian a it mitei ca Pathian in a bawl mite cu mihing mit in muh theih ma, beng in zak theih ma, thinlung tuah ngaihsut nak um ma laih hi.
\p
\v 10 Mahmi thu te Pathian in a ma hawvang thiangtho tuah ohtei lakah lang tik zo hi. Hawvang thiangtho in Pathian thuthup selcip te penpan na hempoh zei hi.
\v 11 Mihing tei thuthup selcip mi thu cu a ma thinlung hawvang sial ngawl a kua mah in thei ma hi. Mah bang bok Pathian thuthup selcip mite cu Pathian hawvang thiangtho bek sial ngawl a kua mah in thei ma hi.
\v 12 Ohten hi leihum hawvang co ngawl in, Pathian piak mite thei tuk in Pathian nelpen a heng mi hawvang thiangtho co zo hung.
\v 13 Pathian piak mi nate cu ohten mihing cihnak suang in theihnak awnkam tuah phuang ma ung. Hawvang thiangtho cu hawvang thiangtho tuah a seng mi nate, hawvang thiangtho thu tuah phuang in bopnak a nei mi awnkam thu tuah kohten phuang ung.
\v 14 Lei thi le sa mihing in Pathian hawvang thiangtho thu te um thei ma hi. Mahmi thu te cu sil thu hi” tin, ti haw. Mahmi thu cu hawvang thiangtho bek in khenkhuai thiamnak a neih hang, lei thi le sa in thei ma hi.
\v 15 Hawvang mihing in, hi thu hempoh khenkhuai thiam in thei hi. Mah naven, mihing cu a kua mah in khenkhuai thiam thei ma hi.
\q
\v 16 Mahmi mihing cu thuhilh theihnak tuk a kon Pathian i thinlung thei tuk hum? Ohte cu Khrih thinlung a co ngah tute hung hi.
\s Ngilcang nak a nei ngawl hang buai nak
\c 3
\p
\v 1 U le nau te aw, nohte cu hawvang thu neihnak a nei mite bang in nohtei lakah hilhnak ka neih mi cu phalnak um ngawl in, thi le sa hihnak a nei mitei lakah hei hihen, Khrih sungah naupang te hei hihen, a hilh mi bang phuang ing.
\v 2 A tu tian nohten anham te na eih theih uh ngawl laih hang, nawitui bek tulh laih ing. A tu tian anham ei thei ma laih uh ci.
\v 3 Itahum titale, nohte cu thi le sa hihnak ah a um mite hi laih uh ci. Nohtei lakah iiksik nak, hauhdun nak, pakhat le pakhat khenkek a um hang, nohte cu thi le sa hihnak a nei mihing te hima uh cim maw? Leihum hihnak dan bang ngamta laih uh ma cim maw?
\v 4 Mi pakhat in, kei cu Paul i nungzui ing hi tih hei in hihen, pakhat in kei cu Apollos nungzui ing hi tih hei in hihen, sonnak na nei tek uh tale thi le sa hihnak mihing hi uh ma cim maw?
\s Pathian sila na dek tutei hihnak
\v 5 Mah ahitale, Paul cu a kua hum? Apollos cu a kua hum? A mun mahno tek Pathian piak mi bang, nang muhte upnak ah lamhuai tu saza te haw hi.
\v 6 Kei cu ancing tu ing. Apollos cu tui leih tu hi. A kung a khangtik tu cu Pathian hi.
\v 7 Ancing tupan a bawl theihnak nei ma hi. Tui leihnak a nei tupa vang a bawl theihnak nei ma hi. A khang tik tu Pathian bek in bawl thei hi.
\v 8 Mah naven, ancing tu le tui leih tu cu pakhat a hih hang a muhtei dehnak bang tek in laksawng co leh haw tuk hi.
\v 9 Ohten Pathian nelpen na deh pih nak a nei te hung hi. Nohte cu Pathian huan hi uh ci. Pathian innpi vang na hi uh ci.
\p
\v 10 Pathian hehpih nak ka co mi bang in cihnak a nei mi innsa tupa bang innkhuam phutnak nei zo ing. Midang ten a thuah cih bet in sa hi. Mah hang, itihbang thuah cih bet in sak mi cu mi hempoh in ngalling hen.
\v 11 Itahum titale, Zisuh Khrih cu khuam phut tuk in a koih mi sial ngawl, a dang phut tuk mi khuam cu a kua mah in phut thei ma hi.
\v 12 Mahmi khuam phut nak humah sui, ngun tangka, suang manpha, thing, hampa ko le cangphol te thuahcih saknak a nei tu um ma hi.
\v 13 Na dehnak a neih tek haw mi cu lang tuk hi. Itahum titale, mahmi ni cu mei tuah hal tuk hi. Mi hempoh tei na dehnak cu itihbang dek haw hum tih mi cu mei tuah cek tuk hi.
\v 14 Mah innkhuam humah a thuah cih bet in a sa mipai na deh cu kho hi. A mah cu laksawng co tuk hi.
\v 15 Mi pakhat nadeh nak a kang tale a mah cu sung thong tuk hi. Mah naven, a mah cu mei sung pen luatnak a co mipa bang nunpat nak co tuk hi.
\p
\v 16 Nohte cu Pathian biakinn na hih lam uh hei hihen, Pathian i hawvang thiangtho cu nohtei sungah a um mi hei hihen thei ma uh cim maw?
\v 17 Mi pakhat in Pathian biakinn siatsuah hi. A mah cu Pathian in siatsuah tuk hi. Pathian biakinn cu thiangtho tuk hi. Nohte vang, mahmi biakinn hi uh ci.
\s Leihum cih thiamnak i silnak
\p
\v 18 A kua a bang in a mah le mah zol ma hen. Nohtei lakah pakhat in hi leihum ah cihnak nei ing hi tin, mah le mah ngaisung hi. A man cihnak nei tukin misil in cang hen.
\v 19 Itahum titale, “Leihum cihnak cu Pathian mai pen sil thu hi. Laithiangtho a heng bang, “Pathian cu cihnak nei miten a muhtei mizol thiamnak hang man hi” tin, ti hi.
\v 20 Veikhat cu, “Cihnak a nei mitei tuptah ngaihsut nak cu imah thupi ngawl thu Pathian in thei hi” tin, heng hi.
\v 21 Mah tihbang ahitale, a kua mah in mihing tei thu ah ultung ma hen. Na hempoh nang muhtei ca hi.
\v 22 Paul hihen, Apollos hihen, Kefas hien, hi leihum hihen, nunnak hihen, thihnak hihen, a tu huncan hihen, a heng tuk mi huncan hihen, na hempoh cu nohtei ca hi.
\v 23 Nohte vang Khrih ca hi uh ci. Khrih vang Pathian ca hi.
\s Muantaak a nei mi van kem tu
\c 4
\p
\v 1 Mah hang, Khrih sila bang in hihen, Pathian ii a selcip thuthup te cingkep nak a nei mi a kem tu hihnak hei in hihen, ngaisung ta un.
\v 2 Mah bek sial ngawl mahmi selcip thuthup kem tu cu muantaak tuk hi.
\v 3 Nang muhte penpan midang ten kei cu muantaak mang hi tin a ti vang, midang tampi ten kei mah cu muantaak ma hitin a tih ta vang imah sumsial ngawl, kei mah le kei mah thukhen mang hi.
\v 4 Itahum titale, a thinlung in a mah le mah mawhsiat ma hi. Mah naven, mahmi thu hang kei cu sualnak pen luat mang hi. Kei mah thukhen tu cu Pathian hi.
\v 5 Mah tihbang ahitale, khuathim sungah a sel mite vak tik in, a thinlung ngaihsut tuptah a lang tik tu Topa Zisuh a hen laih ngawl in, i thu bang thu hei hihen thukhen pah sun. A hen suk leh ten, mi hempoh ten Pathian lungdam nak co haw tuk hi.
\s Nungzui tei niamkhiak a tehkip nak
\p
\v 6 U le nau te aw, nohten Laithiangtho cu a val in mi dang te U pat nak kul ma hitin, kei muhte cu sihsan in theihnak tuk in hihen, ngalnak thinlung pakhat sihsan in pakhat cu do tuk ngawl in hihen, ka son sa mi thu cu nohtei phatnak te zo in kei mah le Apollos na tihnak hi.
\v 7 Mah bek sial ngawl a kon nangmah lamdang tik hum? Midang tei lakpen co ngawl in na ngah cawm mi pakhat no hei na nelah um maw. Midang tei lakpen na co ngah mi a um ngai tale, co ngah ngawl bang ita ngalnak nei cim?
\v 8 Nohte cu cangkim zo uh ci. Nohten hausa zo uh ci. Sum ngah zo uh ci. Kohtei um laih ngawlin a thu ngai in uk zo uh ci. Kohten nang muhte tuah uk thei tuk in, nohten a thungai uknak na thei uh tale pha tuk hi.
\v 9 Thah tuk a koih sa mi bang midang tei nung pen nungzui tu ohten, Pathian in pholh let tuk hi tih cu muang ing. Itahum titale, ohten leihum mite le vancung mitei mai ah puai lut tum mite hung hi.
\v 10 Kohte cu Khrih thu hang misil ung hi. Nohte cu Khrih sungah cihnak a nei mite hi uh ci. Kohte cu thanem mite ung hi. Nohte cu thazang ngilnak a nei mi le cangkim, minthan nak a nei mite hi uh ci. Kohte cu zahcak mualpho nak a co mite ung hi.
\v 11 A tu tian ningkial dangdumnak, puansilh bal nak, bawlsiat vah tawknak te thuak zo ung. Umnak tuk hei nei ngawl in;
\v 12 Ka khut tuah haksat cimnak, na dehnak a nei mipa ing hi. Mawhsiat nak thuak ten itnak tuah thupha pia ung. Zotsak bawlsiat nak thuak ten suup ung.
\v 13 Zawtdem nak thuak ten itnak lak ung. Hi leihum a nawngkai a bal mite bang in hihen, mun hempoh pen a bal mi buakphiah bang in hihen, a tu tian laih ung hi.
\s Pa bang in cingkem tu Paul
\p
\v 14 Nohten zakza tuk in hi lai ka ngat mi hima hi. Nohte cu ka ihmi ca te bang ngaisung in ngallin thu hilh nak bek hi.
\v 15 Nohtei lakah Khrih i thu hilh tu saza thawngsawm a um ta vang, pa tampi nei haw ma hi. Thuthangpha hang, kei man nohte cu Zisuh Khrih sungah hing tik zo ing.
\v 16 Mah hang, ka nun bang nohten zui thei tuk in sosuah hehpih nak tuah kun ing.
\v 17 Hi thu hang, Pathian nelah thukam a nei tu ka ihmi capa Timote cu nohtei lakah hah ing. Mun hempoh ah a um mi kohhran te cu thu hilhnak ka neih mi bang, kei cu ngamtat nundan te nohten phawk le leng tuk in, a mah cu lakin sosuah tuk hi.
\v 18 Kei cu nohtei lakah pumpak in heng ma hitin hekkhat ten a ngaihsut bang, pualthau in ngal haw hi.
\v 19 Mah naven, Pathian in a deihnak um tale kei cu man langzet heng tung hi. Ka hen ten pualthau ngalnak a nei mitei awnkam cu thei leh tuk ma toh ing. A muhtei huham cu thei tung.
\v 20 Itahum titale, Pathian uknak ngam cu awnkam sungah kho ma hi. A huham sungah um hi.
\v 21 Nohten itihbang deihnak nei uh cim? Kei man ngolhkang tuah nohtei lakah hung tung maw? Mah ahima tale, itnak tuah hei in hihen, lungnem nak thinlung tuah hung tung maw?
\s Nuncan ziaza palcat mi kohhran sung tel
\c 5
\p
\v 1 Nohtei sungah na nu te tuah pawl dunnak a nei mi, dan thukham tuah a dik ngawl mi sual thuthang zet hi. Mah tihbang dan thukham tuah a dik ngawl mi sualnak cu miphun namdang tei lakah um ma hi.
\v 2 Nohten thinkham lungsia in mah tihbang sualnak a bawl tu nohtei sung pen lawl tuk sang, pualthau ngal in um uh ci.
\v 3 Kei cu ka taksa pumpi tuah khen ta vang, ka hawvang thinlung cu nohte tuah um ngel in, mah lai munah munkhat no um ngel bang, mah sualnak a bawl mitei lakah thukhen zo ing.
\v 4 Ohtei Topa Zisuh min in hulopkhawm nak na neih uh ten, ka thinlung hawvang hei in ohtei Topa Zisuh huham le nohte tuah umngel langkhat in;
\v 5 A muhtei hawvang cu Topa Pathian ni in nunpat a co tuk thu, a thi le sa sia tuk in a mah cu Satan khut sungah ap zo ing.
\v 6 Nohtei ultun nak cu a pha hima hi. Dawm laihno naman in moh ngawivam pung dim a polh tik thei mi cu nohten thei ma uh cim maw?
\v 7 Nohte cu naman telh ngawl mi na hih uh hang, a thak mi moh ngawivaam cang tuk in naman a lun te cu vawk ta un. Itahum titale, ohtei kaltan puai ca tuuno Khrih Zisuh in biakpiak nak bawl sak zo hi.
\v 8 Mah hang, a lun mi naman, a siasuak naman cu vawk in naman sawh ngawl mi a thiangtho le thu thak thukam tuah puai bawl ta un.
\s Kohhran na deh zui tuk
\p
\v 9 Nohtei lakah lai kuat ka neih mi cu a dik ngawl mi nu le pa sual le khelhnak te bawl tuk ngawl in, laikuat ngan in thucah zo ing.
\v 10 Mah tihbang in laikuat naven, a dik ngawl mi nu le pa sual bawlnak, duhhamnak, nehsiah in mithil lonsak nak, zuk milim biaknak bawl mi leihum mite tuah phialdun lei ta in um pah sun hi a tihnop nak hima hi. Mah tihbang ti tacun, nohten hi leihum pen na taitul tuk bek nei uh ci.
\v 11 A tu in U le nau hitin a sam tupan nu le pa sual bawlnak, duhham nak, zuk milim biaknak, sonsiat nak, a ngui thei tuah khamnak, nehsiah in mithil lonsak nak, mah tihbang a bawl mite tuah phialdun tuk ngawl bek sial ngawl, a muhte tuah an eih langkhat nak hei nei tuk ngawl in lai kuat ngan in sosuah ing.
\v 12 A pawlam mihing tei thukhen nak tuah a seng khak nak i hum ka neih? A sunglam mihing ten nohte cu thukhen tuk hima maw?
\v 13 A pawlam mihing te cu Pathian in thukhen tuk hi. Mah a hih hang, mahmi a sia suak te cu nohtei lakpen hawlvawk ta un.
\s Umtu pakhat le pakhat sual nak
\c 6
\p
\v 1 Nohtei sungah mi pakhat in sualnak a nei tale mi thiangtho tei mai pen thukhen ngawl in, dikcang nak a nei ngawl mitei mai pen thukhen ngam uh cim maw?
\v 2 Mi thiangtho ten hi leihum thukhen nak neih tuk thu nohten thei ma uh cim maw? Nohten leihum uknak thukhen tu na nei uh a hitale, a neu bel mi sual thukhen sak thei um ma uh cim maw?
\v 3 Ohten vancung mite thukhen sak theihnak na neih lam thei ma uh cim maw? Mah ahitale, hi nunnak tuah a seng mi sualnak te thukhen sak a tak sesem mi hima maw?
\v 4 Mah hang, nohten leihum sual thukhen tuk a um tale, kohhran sung pen sumsial ngawl mite cu thukhen tuk in pia ta un.
\v 5 Mah tihbang ka tih ten, nang muhtei zahcak nak tuk hilh ing. Nohtei lakah cihnak a nei mi pakhat no hei um ma uh cim maw? U le nau pakhat le pakhat sualnak thukhen thei tu pakhat no hei um ma uh cim maw?
\v 6 A tuin nohten U le nau pakhat le pakhat thu na neih uh bek sial ngawl, um ngawl tutei mai ah thukhen sawn ta uh cim maw?
\v 7 Mah tihbang in, nohten thu na neihnak te na puak dun uh mi cu nasezet sualnak ngengpi nei uh ci. Thukhen ngawl bawlsiat nak, ita thuak ngawl in um nge uh cim?
\v 8 Na neihnak bo in ita thuak ma uh cim? Mah tihbang in nohten thuak ngawl in, U nau pakhat le pakhat bawlsiat in, U le nau pakhat le pakhat neihnak longdun in um uh cim maw?
\v 9 Mi sual ten Pathian uknak ngam lo a co ngawl mi cu nohten thei ma uh cim maw? A dik ngawl mi nu le pa sualnak a bawl tu, zuk milim a bia tu, mi dang zi a sualpih tu, pano le pano sualnak a bawl tu, mahmi sualnak a thuak tu;
\v 10 Ngu ca, duhham, a ngui thei in le ei tute, mizawt dem thei te, nehsiah in thil na long thei te cu Pathian uknak ngam co haw tuk ma hi.
\v 11 Nohtei lakah mi hekkhat ten mah tihbang a bawl haw ta vang, a tuin Topa Zisuh min tuah hei in hihen, ohtei Pathian hawvang thiangtho tuah hei in hihen, som ciang sak in dikcang nak ah heng zo uh ci.
\s Pumpi tuah Pathian minthan a lang nak
\p
\v 12 Kei man na hempoh bawl theih mi thu nei ing. Mah naven na hempoh phatnak um ma hi. Kei man na hempoh bawl theih mi thu nei ing. Mah naven, na hempoh uknak nuai ah um mang hi.
\v 13 An cu pumpi ca hi. Pumpi cu an ca hi. Mah naven Pathian in a panih in siatsuah tuk laih hi. Taksa pumpi cu nu le pa sualnak ah mang ngawl in Pathian ca tuk hi. Pathian vang taksa pumpi ca hi.
\v 14 Pathian in a huham tuah Topa Pathian cu a thawh leh tik zo hang, ohte vang tho leh tik tuk hi.
\v 15 Nohtei taksa pumpi cu Khrih taksa khen a hih lam theih ma uh cim maw? Mah tihbang ahitale, Khrih taksa khen cu la in suzuak nui taksa cang tik tuk cim maw? Cang tik pah sin.
\v 16 Itahum titale, suzuak nu tuah pumkhat a hihnak thu nohten thei ma uh cim maw? “A muhtei panih cu pumkhat in cang tuk hi” tin, Laithiangtho in ti hi.
\v 17 Pathian tuah a phial tupa cu Topa Pathian tuah a thinglung hawvang munkhat hi.
\v 18 A dik ngawl mi nu le pa sualnak cu pial un. Mihing tei bawlnak a neih mi a dang sualnak hempoh te taksa pumpi a pawlam hi. A dik ngawl mi nu le pa sualnak a bawl tute cu a ma taksa pumpi loli sual hi.
\v 19 Itahum titale, nohtei taksa pumpi cu Pathian piak mi nohtei sungah a um mi hawvang thiangtho biakinn hihnak thu hei hihen, nangmuh le nangmuh in na neih uh ngawlnak hei nohten thei ma uh cim maw?
\v 20 Nohte cu man in lei mi na hih uh hang, Pathian neih mi nohtei taksa pumpi le thinlung hawvang tuah Pathian minthan nak lang tik un.
\s Innsung sang tuah a seng mi thu bulpi
\c 7
\p
\v 1 Nohten, ka nel lai na kuat nak sungah a tel mi cu pa no in numei tuah pawldun ngawlin a um tale;
\v 2 Mah naven, dan thukham tuah a dik ngawl mi nu le pa sualnak hang, pa no hempoh zi nei ta un. Numei hempoh te vang pasal nei ta un.
\v 3 Pa no in a zi humah bawl tuk a neih mi cu bawl hen. Numei vang in a pasal humah mah tihbang in a bawl bok tuk mi hi.
\v 4 A zi in a ma taksa pumpi cu nei ma hi, a pasal bek ita hi. Mah bang bok pa no ten a taksa pumpi cu nei ma hi, a zi bek ta hi.
\v 5 Pakhat le pakhat nupa hihnak cu zamsan dun thong pah sun. Mah tihten thunget nak nei tuk in, lungkim nak tuah nu le pa hihnak cu cankhat no sung bek pial tuk in ka tihnop nak hima hi. Mah tihbang in pial tale mah le mah kepcop theih ngawlnak hang Satan sualsoh nak ah cang tuk ngawl in, munkhat no ah um ngel leng ta un.
\p
\v 6 Mah hang, dan thu piak nak um ngawl in huncan pha piaknak tuah bek ka tih mi hi.
\v 7 Mi hempoh kei mah bang cang tuk deih ing. Mah naven, mi hing pakhat tek in Pathian nelpen a piak mi bang, pumpak tek in laksawng co mi nei uh ci.
\v 8 Pa no zi nei ngawl mi le meivong tei lakah ka hilh mi cu a mun kei mah bang a um tale pha hi.
\v 9 Mah naven, mah le mah a kemcop thei ma tale zi nei pasal nei ta un. Itahum titale, huknak thinlung a hal lei ta sang, zi nei pasal nei tale pha saw hi. Zi nei, pasal nei tei ca ngaihsut piaknak
\v 10 Zi nei pasal a nei mite vang ka dan thukham bek sial ngawl, Topa Pathian thukham cu a zi ten a pasal cu zamsan ma hen.
\v 11 A zam san tale pasal nei ngawl in um hen. Mah ahima tale a pasal lun lakah kik leh in a lem no in um haw hen. Pasal te vang na zi tuah khek pah sun.
\v 12 A tang laih mi midang te cu Pathian a mah loli thukham pia ngawl in, kei ma pumpak loli ka tih mi cu Unau pakhat in um ngawl tu zi nei in, numei in mahmi a Unau te tuah a um kawm nuam a hitale a mah cu a zi tuah khen ma hen.
\v 13 Mah bang bok numei pakhat in um ngawl tu pakhat pasal nei in, a pa no cu numei tuah a um kawm a nuam tale numei nu cu mahmi pa no tuah khen haw ma hen.
\v 14 Itahum titale, um ngawl tu pasal cu a zi ca in thiangtho hi. Um tu a zi vang a pasal ca in thiangtho hi. Mah ahima tacun nohtei cate cu thiangtho tuk ma hi. A tuin a muhte cu thiangtho haw zo hi.
\v 15 Mah naven um ngawl tuin khen nuamnak a nei tale khen hen. Mah tihbang huncan ten um tu pa no hihen, numei hihen hetcip nak pen luat zo hi. Pathian in nohtei lakah daihnak co tik tuk in a sam mite hi uh ci.
\v 16 Numei nu aw, nang cu na pasal nunpat suah tuk le patsuah tuk ngawl cu itin thei tuk nge cim? Mi pa aw, nang cu na zi nunpat suah tuk le patsuah tuk ngawl cu itin thei nge cim?
\s Nunnak i a phunnam kim
\v 17 Pathian in pumpak pakhat tek humah teksa a piak mi bang, pumpak tek a sam nak tuah nung ca in kal suan hen. Mah tihbang in kohhran hempoh cu thukham pia ing.
\v 18 Vun lek talhnak nei tupa cu a hehpih samnak a co tale vun lek talhnak cu vawk ma hen. Vun lek talh ngawl mipa cu a hehpih samnak a co tale vun lek talh ngawl in um ta poh hen.
\v 19 Vun lek talh hang a thupi nak um ma hi. Vun lek talh ngawl vang a thupi nak um ma hi. Pathian i thukham cingkep nak bek cu thupi hi.
\v 20 A hehpih samnak a co tu pakhat in na dek hi. Mah tihbang in mi hempoh ten bawl hen.
\v 21 Sila na deh samnak na co tale lau pah sin. Mah naven, luatnak ah heng thei tale luatnak na co ngah mi cu mang in hi.
\v 22 Itahum titale, sila hih laih in Topa Pathian tin samnak a co mipa cu Pathian hang luat nak co tupa hi. Mah bang bok mi luat na hih laih tak samnak a co mipa cu Khrih ii na deh tu sila hi.
\v 23 Nohte cu man in lei mi na hih uh hang, mihing tei sila in na um ta pah sun.
\v 24 U le nau te aw, mi hempoh a samnak co tuten a na dehnak cu nei hi. Mah tihbang Pathian mai pen mi hempoh in na dek hen.
\s Zi nei ngawl mite le meivong tei ca thu ngaihsut piaknak
\p
\v 25 Pasal nei ngawl mitei thu cu Pathian thukham ka nelah um ma naven, kei cu thukam nei tuk in, Pathian hehpih nak co tupa bang in thukhen hi.
\v 26 A thukhen mite cu a tuin bawlsiat nak thu hang pasal nei ma tale pha hi.
\v 27 Zi na nei tale khen tukin ngaisung pah sin. Zi nei ngawlin mi luat na hi tale a daang zi zei pah sin.
\v 28 Mah naven, zi na nei tale sual ma hi. Pasal nei awng ngawl mi numei in pasal a nei tale sual ma hi. Mah naven, mah tihbang in a bawl mite cu leihum haksat bawlsiat nak thuak haw tuk hi. Hi thu ah nasezet thukham pia nuam mang hi.
\v 29 U le nau te aw, hilhnak ka neih mi huncan a tang laih cu haksat nak a hih hang, zi a nei miten zi nei mi bang in um tuk hi.
\v 30 A kap miten a kap ngawl mite bang in um tuk hi. Lungdam miten lungdam ngawl bang in um tuk hi. Thil lei miten imah nei ngawl bang in um tuk hi.
\v 31 Hi leihum na mannak a nei tuten, mannak a nei ngawl mite bang in um tuk hi. Itahum titale, hi lehum i mel cu thawn in tham tuk laih hi.
\v 32 Nohten launak pen luat tuk in deih ing. Pasal nei ngawl miten Pathian thinlung tawk tukin Pathian thu bek in ngalling thei hi.
\v 33 Pasal a nei miten a zi i thinlung tawk tuk in leihum thu cu ngalling thei hi.
\v 34 Mah bang bok pasal a nei ngawl mi numei le pasal nei mi numei cu a dangdun nak um hi. Pasal a nei ngawl mi numei cu taksa pumpi thinlung hawvang a panih thiangtho tuk in, Pathian thu bek in ngalling thei hi. Pasal nei mi numei cu a pasal i thinlung tawk tuk in leihum thu cu ngalling thei hi.
\v 35 Mah tin ka tihten, nang muhtei phatnak tuk in ka tihnop mi hi. Nang muhte noksak nuam nak thinlung tuah tihnop mi hima hi. Nohten, a mawi nuncan ziaza tuah ngamta in, thinlung buainak um ngawl, Pathian vanthuam a cat ngawl bawl tuk in ka tihnop nak hi.
\v 36 Numei in pasal nei ngawlin huncan a luan tale pha ma zo hi” tin, mahmi numei leng U a nei tuk ngaisung in huai tuk thu a um tale, a man a thinlung deihnak bang nei hen. Sual a um ngawl mi huaidun nak nei haw ta hen.
\v 37 Mah naven, a thinlung thiangtho bawl nuamnak a neih mi thu le a thinlung deih mi kep theihnak thu a neih hang, huai leh tuk mang hi” tin a thinlung sung pen khencat nak a nei tupan pha zet in bawl hi.
\v 38 Mah hang, mo huainak a nei tupan pha zet in bawl hi. Mo huainak a nei ngawl tupan a pha saw in bawl hi.
\v 39 Numei in a pasal a thih ngawl laih sung hempoh cu a thu tuah ken kawm hi. A pasal a thi tale a ma deihnak bang Pathian bek cu midang tei zi hihnak tuk in phalnak um hi.
\v 40 Phalnak thu um naven, midang tei zi in a um ma tale thupha mui cu tam saw hitin lungkim ing. Kei man Pathian hawvang thiangtho um hitin, ka thinlung sungah ngaisung ing.
\s Milim zuk biakpiak nak thu
\c 8
\p
\v 1 Milim zuk mai ah biakpiak mi thu cu ohtei venghawng in khenkhuai thiamnak neih mi ohten thei zo hung. Cihnak cu pualthau tik thei hi. Itnak cu khangto tik thei hi.
\v 2 Mi pakhat in cihnak nei ing hitin ngaihsut nak thinglung nei hi. A mah cu theihnak a kul mi bang, theihnak imah nei ma laih hi.
\v 3 Pathian itnak a nei tu cu Pathian ii theih tik mipa hi.
\v 4 Milim zuk mai ah biakpiak mi an eihnak thu milim zuk cu hi leihum pen a thupi nak imah um ngawl a hihnak thu hei hihen, Pathian pakhat bek sial ngawl Pathian dang a kua mah um ngawl a hihnak hei hihen, ohten thei zo hung.
\v 5 Pathian tampi, kumpi tampi hi tin a tih mi bang vanhum, leihum ah pathian tin samnak a neih mi tampi a um ta vang;
\v 6 Ohtei ca Pa Pathian pakhat bek um, na hempoh Pathian nelpen heng in ohten Topai sung bek ah um hung. Mah bek sial ngawl ohtei ca Zisuh Khrih Topa pakhat bek um hi. Na hempoh mahmi Topai hang a heng mi a hih hang, ohten mahmi Topai sungah um hung.
\p
\v 7 Mah naven, mahmi cihnak cu mi hempoh in nei ma hi. Mi hekkhat ten a tu tian milim zuk mai ah biakpiak nak sa cu a ei tale zuk milim suang in thinlung a eih haw hang, a muhtei theihnak cu thinlung thanem a hih haw hang, a thiangtho ah heng thei ma hi.
\v 8 In le eihnak hang, Pathian mai pen mitmai pha ngah haw ma hi. An eihnak bek cu thupi ma hi. Ei ngawl vang sual um ma hi.
\v 9 Mah naven, nohte thanem tik tutei lakah a bahnak le lupnak thu cang tik tuk ngawl in ngalling in um ta un.
\v 10 Itahum titale, nang cu khenkhuai thiam cihnak nei napi in milim zuk cabuai bulah koih mi cu midang in a muh ten mah le mah theihnak, thanem miten milim zuk mai ah biakpiak nak sa ei ngam tuk hima maw.
\v 11 Mah tihbang ahitale, U le nau pakhat ca in Khrih cu thihnak thuak zo hi. Tha nemnak nei mi U le nau te cu na theihmi cihnak hang siatnak ah heng tuk hi.
\v 12 Nohten, na U le nau te cu mah tihbang sualnak in a muh ten mah le mah theihnak neihmi thanem nak thinlung a siat ten, Khrih nelah sual heng tik uh ci.
\v 13 Mah hang, an eihnak ka neih mi cu U le nau te sual tik uh a hitale U le nau te sual tik tuk ngawl in sa eihnak cu nei pah sin.
\s Nungzui tei thu neih mi
\c 9
\p
\v 1 Kei mah Paul cu sila hi mang hi. Mi luat hima ing maw? A nungzui tu hima ing maw? Ohten Topa Zisuh Khrih mu zo ma hung maw? Nohten Topai na ka dehnak co ngah mi hima uh cim maw?
\v 2 Mi dang tei ca kei cu nungzui tu ka hi ngawl vang, nohte cu nungzui tu ngai hi uh ci. Itahum titale, kei cu nungzui tu ngangai hitin nohten nungzui ngai hihnak hang, kei mah cu tacik khen uh ci.
\v 3 Kei mah thukhen tutei lakah don lehnak ka neih mi cu;
\v 4 Kohten eih le in nak thu nei ma ung maw?
\v 5 Ke’phas le kohten Pathian U le nau a dang nungzui te bang upnak nei mi zite tuah khual zin theihnak thu nei ma ung maw?
\v 6 Mah ahima tale, kei mah le Barnabas cu na dek ngawl um tuk thu nei ma ung maw?
\v 7 A kon mai sum mang in ngalkap na dehnak nei hum? A kon huan sungah cabit kung phut in a ngah ei ngawlin um awng haw hum? A kon tuukhal in tuu nawi tui in ngawl um awng hum?
\v 8 Leihum awnkam tuah bek hilh tung maw? Dan thukham vang mah tihbang in hilhnak hima maw?
\v 9 Mosi dan thukham Laithiangtho sungah, “Cang a cil tu khui ii kam ken pah sin hi” tin ti hi. Pathian in khui bek a tihnop nak hi maw?
\v 10 Mah ahima tale, ohtei hang hi tihbang in thukham a piak mi maw? Lo let tupa’n muansan nak tuah lo lei let tik in hihen, muansan nak tuah cangcil nak a nei mipan muansan nak a neih mi bang ngah tuk hei in hihen, ohtei hang hi tihbang in Laithiangtho in ngan hi.
\v 11 Ohten nang muhtei lakah anci pha cing in nohten leihum thil te a at leh tale lungdam nak ngeng cuang tuk maw?
\v 12 Mi dang ten nohtei lakah hitibang thu a ngah thei haw tale ohten cotak saw ma hung maw? Mah naven, mahmi thu cu ohten mang ngawl in, Khrih ii thu thangpha khamnak thu nei tuk ngawl in na hempoh ah sup haw hi.
\v 13 Thudik a man na dehnak a nei tuten biakinn na dehnak suang in a eih mi hei hihen, biakpiak nak na a deh ten mah biakpiak mi eihnak hei hihen, nohten thei ma uh ci maw?
\v 14 Mah bang bok thuthangpha a hilh tuten thuthangpha hilh in pumcawm nak tuk thu, Pathian thupiak mi um hi.
\v 15 Mah naven, kei cun hithu te pakhat no hei mannak nei mang. Nohten kei mah cu mah tihbang bawl tuk in hi awnkam ka ngat mi hima maw? Itahum titale ultun nak thu cu midang siatnak sang ka thi en pha saw hi.
\v 16 Kei man thuthangpha hilhnak bek ka nei tale ultun nak um ma laih hi. Itahum titale phuang ngawl in um thei mang hi. Phuang ngawl in ka um tale mui cu thupha um ma hi.
\v 17 Mah hang, Pathian na deih zet a dek nuam tale thupha um hi. Na deihnak te vawk in a na dek tale na deh tiik mi hihnak a piak mipa hi ci.
\v 18 Mah hang, thupha co mi cu ite hum ti tale thuthangpha phuannak ka neihten, thu neihnak tuah a seng mi mang ngawl in, Khrih ii thuthangpha a ngai tuten imah sumbo tuk ngawl in bawlnak a nei tale ka nelah thupha um hi.
\v 19 Kei cu mi hempoh tei mai ah luatnak ka co ta vang, mi tampi te ngah sesem tuk in mihing tampi tei lakpen kei mah loli sila in um ing.
\v 20 Judah mitei lakpen Judah mi bang in um ing. Dan thukham a hilh mitei lakpen dan thukham a zui mite bang um ing.
\v 21 Pathian mai pen dan thu nei ngawl bang um ngawl in dan thukham a nei ngawl mitei lakpen dan thukham nei ngawl te bang um ing.
\v 22 Upnak tha nem mitei lakah a muhte ka ngah theihnak tuk a muhte bang um ing. Mi hekkhat te nunpat nak a co theihnak tuk na pakhat dehnak hei in hihen, na hempoh tei lakpen na hempoh hi.
\v 23 Kei cu thuthangpha i lungdam mui cu thupha phuang tu tuk in, thuthangpha hang mah tihbang bawl ing.
\v 24 Taizuam dunnak sungah a tai mi hempoh ten tai zuam dunnak a nei haw ta vang, pakhat bek in laksawng co hi tih cu nohten thei ma uh cim maw? Laksawng co ngah tuk in tai un.
\v 25 Zuam dunnak puai ah zuamdun nak a nei tu hempoh in mah le mah kem cawm thei hi. A mun a sia thei mi sui lukhu co tuk in mah tihbang bawl haw hi. Kohten, a sia thei ngawl mi sui lukhu co tukin mah tihbang bawl ung.
\v 26 Mah hang, tai zuamdun nak ka neih ten tuptah nak a nei ngawl mite bang tai mang hi. Mi sawhnak a thiam mi pan vanhum huih bek khi sawh ma hi.
\v 27 Mi dang te thu hilhnak nei in mah loli nehnak co ngah tuk in keimah le keimah taksa pumpi sawh in thuak ing.
\s Isarel miphun tei tang laih in a cang mi sung pen thazang ngah mite
\c 10
\p
\v 1 U le nau te aw, ohtei pu le pa hempoh ten meingo nuai ah um in tuipi laizang ah hawh haw hitin hihen;
\v 2 Meingo le tuipi sungah Mosi Baptisma a conak hei hihen;
\v 3 A thiangtho mi an eih ngelnak a neih haw mi hei hen, a thiangtho tui a in ngelnak hei hihen, nohten a thei ngawl bang na um tuk uh cu deih mang hi.
\v 4 A muhtei nungah zuinak a nei tui a thiangtho mi suang sung pen a tul mi tui cu in haw. Mahmi suang cu Khrih hi.
\v 5 Mah naven, a muhtei sung pen mihing tampi ten Pathian cu lungkim haw ma hi. A muhte cu hampa lakpen thihnak ah heng haw hi.
\v 6 A mun a pha ngawl mite a deih hang ohten deih ngawl in mahmi thu cu ohtei ca tehkip nak in cang haw hi.
\v 7 Mihing ten in le eih nak nei in a nung mite hung hi. Lungdam lamnak nei leh tuk in ding tuk hung tin, Laithiangtho sungah a tih mi bang in;
\v 8 A dang mi hekhat ten zuk milim biaknak a neih haw bangin biakpiak nak nei pah sin. A dang mi hekkhat ten a dik ngawl mi nu le pa sual bawl in nikhat sungah mihing thawngkul luanthum lum a thi mite bang bawl ngawl in, nu le pa sual bawl nak pen pial ta un.
\v 9 A dang mi hekkhat ten noksak buainak bawl in ngul cihhup khawng belh bang ohten bawl ma hung hi. Khrih cu noksak buainak bawl in um pah sun.
\v 10 A dang mi hekkhat ten phu in a bawlsiat mite bang bawlsiat ngawl in phu pah sun.
\v 11 Mahmi thu hempoh te tehkip nak thei tuk in a muhtei lakah heng zo hi. Haksat nak a dawlbel ten a cang tuk mi ohte thu hilh tuk in, Laithiangtho sungah ngat sa in um zo hi.
\v 12 Mah hang, mi pakhat in a mah le mah khozet um ing hi tin ngai sung hi. A mah cu bah tuk ngawl in cingcai ta hen.
\v 13 Mihing tei lakah a heng thei mi noksak nak bek cu nohten thuak uh ci. Pathian cu muantaak a dim nei tu a hih hang, nohtei thuak zawh tuk ngawl mi noksak nak cu nohtei lakah heng tukin thupia ma hi. Nohten noksak nak te na thuak zawh nak tuk suah tul nak lamzin vang bawl sak tuk hi.
\s Milim zuk biaknak hang ngallin a piak nak
\p
\v 14 Mah hang ka ih mi U le nau te aw, milim zuk bia pah sun.
\v 15 Nohte cu cihnak a nei mite bang ngaisung in hilh tung hi. Ka awnkam thu ngaisung in um ta un.
\v 16 Ohtei lungdam thangphat nak khuaihai cu Khrih i thisan a peh zom mi khi hima maw? Ohtei bothem mi moh cu Khrih ii taksa pumpi a pehzom mi khi hima maw?
\v 17 Moh pakhat bek a um hang, ohtei venghawng in mahmi moh pakhat bek cu peh zom nak a neih uh hang, ohte cu pumkhat sakhat hung hi.
\v 18 Thisa hihnak tuah Isarel miphun te zo hih tuk hung. Biakpiak nak an a ei tute cu biakpiak nak taitan tuah a peh zom mite hi haw ma maw?
\v 19 Mah tin ahitale, i ka tihnop nak hum? Milim zuk sialsiah tuk mi cu um hi. Milim zuk mai ah biakpiak nak an cu sialsiah tak tuk mi um hitin a tihnop nak maw?
\v 20 Mah tin a thinop nak hima hi. Um ngawl tuten biakpiak nak a neih mi an cu Pathian biakpiak nak a neih haw mi hima hi. Khuasia tei ca tuk bek biakpiak nak a neih haw mi hi. Nohte khuasia tuah pehzom tuk cu deih mang hi.
\v 21 Pathian khuathai, khuasia khuathai a panih cu nohten in thei ma uh ci. Topai cabuai le khuasia cabuai a panih in nohten lut tum in ei ngel thei ma uh ci.
\v 22 Pathian thinuuk nak suak tik tuk in ohten bawl tuk hung maw? Ohten Pathian sang huham thawmngeng nak nei saw hung maw.
\s Khristian tei luatnak
\p
\v 23 Na hempoh bawl theihnak na neih mi cu a man mi thu hi. Na hempoh a thupi nak um ma hi. Na hempoh in midang khangto tik thei ma hi.
\v 24 A ma nemcuamnak tuk bek a kua mah in zei ma hen. Mi hempoh tei nemcuam nak tuk zei hen.
\v 25 Thinlung a thiang no in van a zuak mi hempoh te thudong ngawl in ei un.
\v 26 Itahum titale, leipi le lei sung a um mi hempoh a nung mi Pathian ta hi.
\v 27 Um ngawl tuten nohte sam in nohten na hawh nuam uh tale a thiangtho mi thinlung ngaihsut nak na neih uh hang, nohtei lakah a piak mi hempoh te thudong li ngawl in ei ta un.
\v 28 Mah naven, hi te cu milim zuk mai ah biakpiak nak an hi tin mi pakhat in a ti tale mah a ti tupai mitmai hei hihen, a thiangtho mi thinglung hei hihen, zo in ei pah sun.
\v 29 Thinlung thiangtho hitin ti ta vang, a thinlung a tihnop nak hima hi. A ma thinglung a tihnop nak hi. Mi dang tei thinlung theihnak tuah ita thukhen sak thei tuk hum?
\v 30 Lungdam nak tuah an eihnak a nei uh tale lungdam thu hilhnak tuah ei in ita mawhsiat nak thuak nge cim tih mi cu;
\v 31 Nohten an eihnak ah hei hihen, in nak na neih uh mi ah hei hihen, ithu bang thu na bawl uh hei in hihen, Pathian minthan nak zo in na hempoh bawl un.
\v 32 Mihing tampi te nunpat a co theihnak tuk, ka nemcuam nak zei ngawl in a ma nemcuam nak zei in;
\v 33 Mi hempoh tei deihnak ah zuinak ka neih mi bang Judah, Grik, Pathian kohhran sung tel mitei lakah lupbah nak thu bawl tuk ngawl in zuam ing.
\s Lukhu khuknak tuah a seng mi thupiak nak
\c 11
\p
\v 1 Kei cu Khrih nun bang in, nohten kei mah bang nung un.
\p
\v 2 U le nau te aw, nohten kei mah phawk le leng in ka piak mi dan thu te na ngaihsut le leng uh hang, nohtei lakah lungdam nak thu hilh ing.
\v 3 Pa no i lu cu Khrih hi. Numei i lu cu pa no hi. Khrih i lu cu Pathian hi. Nohten thei tuk in deih ing.
\v 4 Pa no in a lu cu khu in thungen hei in hihen, kamsang a bawl hei in hihen, pa no ten a ma lu cu a min sia tik haw hi.
\v 5 Numei ten a lukhu ngawlin thunget nak hei hihen, kamsang a bawl hei hihen, a ma lu cu min sia tik hi.
\v 6 Mah tihbang a hitale, sammet kolh tuah na bang ve tuk hi. Numei in a lu cu a khuh ma tale a sam cu met hen. Sam a meh sak nak, sam a mehkolh nak a co tu cu a zakza tale a lukhu hen.
\v 7 Pano cu Pathian mel bang in minthan nak a hih hang a lu khu ma hen. Numei cu pano ii minthan nak hi.
\v 8 Pa no cu numei hang a piang mi hima hi. Numei cu pa no hang a piang mi hi.
\v 9 Pa no cu numei tei ca tuk a bawl mi hima hi. Numei cu Pa no ca bawl mi hi.
\v 10 Mah hang, vancung mite cu zo in numei in a lu khu tuk hi.
\v 11 Mah naven, Pathian nel ah pa no um ngawl in numei hihnak vang um ma hi.
\v 12 Numei cu pa no hang a piang mi a hih bang in pa no vang numei hang a piang mi hi. Na hempoh Pathian hang a piang mite hi.
\v 13 Numei in a lukhu ngawl in thu a ngen tale a lemcang a mawi le mawi ngawl cu nohten thukhen sak paih ta un.
\v 14 Pa no cu sam a sau tale zahcak huai a hihnak cu nohtei lakah hilh zo ma ing maw?
\v 15 Numei cu a sam sau tale a min thannak hi. Itahum titale, numei i sam cu a muhte khuh tukin piak mi hi.
\v 16 Mah naven, mi pakhat in elnak a nei tale ohtei lakah hei in hihen, Pathian kohhran sungah hei hihen, mah tihbang mi dan um ma hi.
\s Topa taakeih
\p
\v 17 Nohtei pumkhawm cu a thupi nemcuam nak sang in siatnak bek a piang tik hang, thukham ka piak laih in nohtei lakah lungdam mang hi.
\v 18 A pakhat nak thu cu nohten kohhran sung pumkhawm nak na neih uh ten, pakhat le pakhat khenkek in um uh ci tih cu thei ing.
\v 19 Zaknak bang a thungai a man mi hei hi tuk hi. Itahum titale, nohtei lakah a pha mi nohte lang tuk in pawl khennak um tuk hi.
\v 20 Nohten munkhat ah pumkhawm nak na neih uh ten, Topa takeih ei tuk in pumkhawm nak nei ma uh ci.
\v 21 Itahum titale, nohten eihnak na neih uh ten mai ca no tek mai ta cu lak ma sa in, mi hekkhat te ningkial in a hekkhat ten eih in nak ah kham in um haw hi.
\v 22 Nohten mai inn ah an in eihnak nei ma uh cim maw? Mah ahima tale, Pathian kohhran te sumsial ngawl in mizawng te zahcak mualpho tik ta uh cim maw? Itihbang in son tuk hing ngim? Hi thu ah nohten lungdam thu hilh tung maw. Lungdam nak hilh thei tuk mang hi.
\v 23 Itahum titale, nohtei lakah ka piak mi cu Pathian nelpen co zo ing. Co nak ka neih mi Topa Zisuh cu a ngal tei khut sungah apnak neih mi zan in moh cu la in,
\v 24 Lungdam thu a hilh cengten moh cu botkek in, hi moh cu nohtei ca tuk botkek nak a neih mi ka pumpi taksa hi. La in ei ta un. Kei mah phawhnak tuk hi tihbang in bawl ta un hi” tin, thupia hi.
\v 25 Mah bang bok takeih a eih cengten khuathai cu la in, hi khuathai cu ka thisan ah a um mi thukhaam thak hi. Hi khuathai na in uh sial ten kei mah phawh nak tuk in, hi tihabng in mang ta un hi” tin, thupia hi.
\v 26 Itahum titale nohten moh ei in, khuat cu na in uh sial ten Topa Pathian thihnak thu a tolhsuk leh lak lawh tian bawl ta un.
\s Mah le mah cek nak
\v 27 Mah hang, Topa Pathian i moh le khuat a co taak ngawl ei le in nak a nei tute cu Topa Pathian pumpi taksa le thisan cu sualnak ah heng hi.
\v 28 Mah hang, mi hempoh in mah le mah cek in moh cu ei hen. Mah bang bok khuat vang cu in hen.
\v 29 Itahum titale, co taak ngawl in ei le in nak cu Topa Pathian pumpi taksa khenkhuai thiamnak a neih ngawl hang, a ma humah sualnak heng tik tuk in a ei tu hi.
\v 30 Mahmi thu hang, nohtei lakah thanem mi tidam nak a nei ngawl tampi um haw hi. A thi mite vang tampi um hi.
\v 31 Ohten mah le mah a cek uh tale thukhen nak pen luat tuk hung hi.
\v 32 Thukhen nak a co uh ten leihum mite tuah sual thukhen nak pen luat tuk in thu hilhnak a co tu mite hi uh ci.
\v 33 Mah hang, ka U le nau te aw, nohten ei le in tuk in pumkhawm nak na neih uh ten, pakhat le pakhat ngak un in um ta un.
\v 34 Mi pakhat in a ningkial tale nohten sual dantat tuk pumkhawm nak hi tuk ngawl in, a mah cu a inn pen ei ta hen. A tang laih mi thu te cu ka hen ten thukhen tung.
\s Hawvang laksawng phunnam kim
\c 12
\p
\v 1 U le nau te aw, nohten hawvang laksawng thu thei ngawl in na um tuk uh cu deih sak mang hi.
\v 2 Nohten um ngawl tu na um uh laih in awnthei ngawl mi zuk milim tei lakpen lamzin pakhat ah sam in lampial zo uh ci tih cu nohten thei uh ci.
\v 3 Mah hang, Pathian hawvang thiangtho tuah hilh in a kua mah Zisuh tamsiat tuk ngawl hei in hihen, Zisuh cu Topa Pathian hi tin hawvang thiangtho muannak a um ma tale a kua mah in a hilh theih ngawl mi hei hihen, nohten thei tuk in ngallin nak pia ing.
\p
\v 4 Laksawng phunnam kim um naven, hawvang thiangtho pakhat bek um hi.
\v 5 Hilh tu saza tampi um naven, Topa pakhat bek um hi.
\v 6 Deh le bawlnak phunnam kim um naven, na hempoh a bawl tu Pathian pakhat bek um hi.
\v 7 A pha nemcuam nak tuk bek in hawvang thiangtho cu mihing pumpak tek ah lang zet in pia zo hi.
\v 8 Itahum titale, hawvang thiangtho in mihing pakhat cu cihnak pia hi. Hawvang thiangtho in mihing pakhat cu paihlen in theihnak pia hi.
\v 9 Hawvang thiangtho in mi pakhat cu upnak pia hi. Hawvang thiangtho in mi pakhat cu tina dam theih nak pia hi.
\v 10 Mi pakhat cu huham lak theih nak hihen, mi pakhat cu kamsang bawl theih nak hihen, mi pakhat cu thinlung hawvang khenkhuai thiam nak hei hihen, mi pakhat cu awnphun namkim ot theih nak hei hihen, mi pakhat cu awnkam let theih nak hei hihen na pia hi.
\v 11 Hi a piak mi thu hempoh te hawvang pakhat bek bawl mi a hih hang, mihing pakhat pumpak tek in a co ngah mi cu a deihnak bang sem in pia hi.
\s Pumpi taksa pakhat sungah um mi taksa khen dang te
\p
\v 12 Mah hang, pumpi taksa cu pakhat bek naven taksa khen dang tampi a um bang, Topa pakhat bek a hih bang bok in Khrih vang cu mah bang bok hi.
\v 13 Itahum titale, Judah hihen, Grik mi hihen, sila hihen, mi luat hihen, ohtei venghawng in hawvang pakhat bek hihnak tuah pumpi pakhat sungah baptisma co zo hung. Ohtei venghawng thinlung hawvang pakhat sungah in hung hi.
\v 14 Pumpi cu taksa khenkhat bek a um mi hima hi. Tampi um a hih hang;
\v 15 Ke in, kei cu khut ka hih ngawl hang, pumpi tuah seng kha mang hitin a ti tale mah tihbang in a tih hang a seng ngawl nak cu a man ngai mi hi maw?
\v 16 Beng vang in kei cu mit ka hih ngawl hang kei mah tuah seng kha ma hitin a ti tale mah tihbang in a tih hang a seng ngawl nak cu a man ngai mi hi maw?
\v 17 Pumpi hempoh cu mit a hi bang a hin, itihbang thu za thei tuk hum? Pumpi hempoh cu beng a hi bang tale itihbang a ngim nam tuk hum?
\v 18 A tuin, Pathian deih nak bang taksa khenkek tampi te pumpi ah um tuk in bawl mi hi.
\v 19 Mah bek sial ngawl taksa peng tampi te a khenpeng tek in a um tale pumpi cu i lai ah um tuk hum?
\v 20 A tuin taksa peng tampi um naven pumpi pakhat bek um hi.
\v 21 Mit in, nang cu deih mang hitin khut cu ti thei ma hi. Mah bang bok Lu in, nohte cu deih mang hi tin ke te cu ti thei ma hi. Mah bek sial ngawl thanem a nei mi taksa peng cu mannak tuk a tamsaw in um hi.
\v 22 Thanem mi taksa peng ten thazang tampi pia thei haw hi.
\v 23 Pumpi taksa kim ngawl miten a dang mawinak cu a thupi saw in mawi haw hi.
\v 24 A mawi mi taksa peng te cu a dang mawi nak te kin haw ma hi.
\v 25 Pumpi taksa peng khennak um ngawl in taksa peng pakhat le pakhat kinmawh dun tuk in, Pathian in pumpi taksa bang ten bawl in, thanau nak a nei miten pakhat le pakhat bawm dun haw hi.
\v 26 Mah a hih hang, taksa peng pakhat bek in haksat nak a thuak tale taksa peng hempoh ten bang ten in thuak haw hi. Taksa peng pakhat lungdam nak a neih ten, taksa peng hempoh ten a bang ten in lungdam haw hi.
\v 27 Nohte cu Khrih i pumpi hi uh ci. Taksa peng khen te hi uh ci.
\v 28 Pathian in pakhat nak ah a nungzui te hei hihen, a panih nak in kamsang te hei hihen, pathumnak ah hilh tu saza te hei hihen, mah cengten huham a lak thei mite hei hihen, mah cengten tidam tik theihnak a nei mite hei hihen, bawm tu hihen, uktu te hei hihen, awnnam kim otnak a nei mite vang pia hi.
\v 29 Kohhran sungah a luttum mi hempoh nungzui hihnak nei haw maw? A um tu hempoh ten kamsang bawl haw maw? A mu venghawng in huham lak thei haw maw?
\v 30 A mu venghawng in tidam tik thei haw maw? A mu venghawng in awnnam kim awn thei haw maw? A mu venghawng in awnnam kim tei otmi let thei haw maw?
\v 31 Nohten a sunglawi bel mi laksawng te kin zet in na um uh hang, a pha saw mi lamzin keiman lak tuk laih ing.
\s A sunglawi bel mi itnak
\c 13
\p
\v 1 Kei cu mihing tei awn hihen, vancung mi awn hei hihen, ot theih nak ka nei ta vang itnak nei ma tale khuangtum awnnging bang hei in hihen, zamkhen bang thong poh hi.
\v 2 Kamsang cih thiamnak co in thuthup hempoh te le theihnak phunnam kim thiam in hihen, mual te hei thawn thei mi upnak phunnam kim a dim tuah in hihen, itnak nei ma tale a thupi nak imah um ma hi.
\v 3 Mi dang te ancawm in, thil neih mi hempoh piaknak ka neih bek sial ngawl a pumpi halkang tuk piaknak a nei ta vang, itnak a um ma tale ka nelah phatnak imah um ma hi.
\v 4 Itnak cu thinsau hi. Hehpihnak nei hi. Itnak cu dem un nak um ma hi. Ngalnak um ma hi. Pualthau nak vang um ma hi.
\v 5 Nuncan ziaza mawi in nung hi. A ma ca bek ngaisung ma hi. Thinuuk thei ma hi. Mi dang sual um hi tin ngaisung thei ma hi.
\v 6 A pha ngawl mi sualnak ah lungdam thei ma hi. Thudik thuman ah lungdam hi.
\v 7 Ihempoh thu sel thei hi. Na hempoh te sang thei hi. Na hempoh muansan nak nei thei hi. Na hempoh ah suup thei hi.
\v 8 Itnak cu thukam pelhnak lungmu pen a cat ngawl in luat hi. Kamsang theihnak hei in hihen, awnphun nam kim ot theihnak hang in hihen, theihnak hei hihen, tham tuk laih hi.
\v 9 A tuin, ohten cangkim po ngawlin thei hung hi. Kamsang theihnak tuah cangkim po ngawl phuang thei hung.
\v 10 Cangkim nak ah a hen uh ten, cangkim nak a um ngawl mi hempoh thamkhawng tuk laih hi.
\v 11 Kei cu naupang no ka hih laih naupang bang awn thei ing. Naupang lungmu bang ngaisung ing. Naupang ngaihsut nak bang ngaisung ing. Ka kum U ham ten, naupang hihnak te vawk ing.
\v 12 A tuin, kei cu thalang tuah mangme mu in mu uh ci. Mahmi huncan ten, mitmai cang loli in mu tuk uh ci. A tuin, kei cu khen khat no bek thei ing. Mah naven, kei mah cu cangkim zet a theih bang mahmi huncan ten kei man cangkim zet in thei leh tung hi.
\v 13 A tuin upnak, muansan nak le itnak hi pathum te um hi. Hi pathum sung pen itnak cu a sunglawi bel mi hi.
\s A sunglawi laksawng a himi kamsang bawl thuphuan nak
\c 14
\p
\v 1 Itnak cu khimzet len un. Hawvang laksawng te deih zet in na um uh nak pen kamsang thu hilh nuamnak thu deih saw ta un.
\v 2 Itahum titale, awnphun dang tuah otnak a nei tu cu mihing te otpih hi ngawl in Pathian otpih hi. A ma awnkam cu a kua mah in thei haw ma hi. A sel mi thuthup te hawvang tuah hilh hi.
\v 3 Kamsang bawl in a hilh mi cu khantoh nak, sosuah nak, thapiak nak in hihen, mihing tei lakah hilh hi.
\v 4 Mi dang awntuah a ot mi cu a mah le mah khan toh nak hi. Kamsang bawl tu cu kohhran khang to hi.
\v 5 Nohtei venghawng mi dang awn on tuk in keiman deih ing. Kamsang bawl tuk cu deih saw hi. Itahum titale, midang awn tuah a awn tute cu kohhran khang to tukin a tihnop nak lang tik ma tale a mah sang kamsang bawl tupa cu pha saw hi.
\v 6 U le nau te aw, kei cu nohtei umnak munah hawh in midang awnkam tuah hilh ta vang, thuphuan nak hei in hihen, cihthiam theihnak tuah in hihen, thu hilhnak awnkam tuah hei in hihen, a phuang ma tale nohtei ca a thupi phatnak i um hum?
\v 7 Mah bang bok a nging thei mi phaidak, pheveu te pha zet tum in a nging thei ma tale phaidak aw, pheveu aw, itin thei thei tuk hum?
\v 8 Lemle cu a man ngawl mi aw tuah a nging tale a kon ngaldo tukin a mah le mah ngaldo nak bawl thei tuk maw?
\v 9 Mah bang bok nohten a theih baih mi awn tuah na kam pen a tul ma tale a thuson te a kon thei tuk hum? Nohte cu huih tuah otpih nak bek in cang tuk hi.
\v 10 Mihing tei umnak leihum ah awn phunnam kim hihzah tian a umnak hang, a um mi hempoh te a tihnop nak a dim tuah a um mi cu a man mi thu hi.
\v 11 Awnkam a tihnopnak ka thei ma tale mahmi awnkam awn tupai ca in kei cu ngamdang mite bang a awnli mipa in hihen, kei ma ca ngamdang mi in cang tuk hi.
\v 12 Mah a hih hang, nohten hawvang laksawng te na co ngah nuam hang, kohhran cangkim nak tampi um tuk in zuam ta un.
\v 13 Mah hang, midang awn a let tupa cu a tihnopnak hilh thei tuk in thungen hen.
\v 14 Itahum titale, midang awn tuah thunget nak ka nei tale ka thinlung thunget nak in hihen, ka theihnak in phatnak pia ma hi.
\v 15 Mah a hitale itin bawl tuk hum? Thinlung hawvang tuah in hihen, theihnak tuah in hihen, thunget nak neih tuk mi hi. Thinlung hawvang tuah in hihen, theihnak tuah in hihen, lasak tuk mi hi.
\v 16 Mah ahima tale, nang cu thinlung tuah thangphat nak na neih ten theihnak a nei hih ngawl laih miten na awnkam cu a theih ngawl hang, lungdam thangphat nak cu zui in Amen tin i tin lungkim thei tuk hum?
\v 17 Lungdam thangphat nak na neih mi cu pha hi. Mah naven, mi dang te khan toh nak pia ma hi.
\v 18 Kei cu nang mu venghawng sang in midang awn tuah phuan nak neih mi cu zo in phuang ing hi.
\v 19 Mah naven, kohhran sungah awnkam dang tuah kam thawngkhat otnak na neih theih sang, mi dang te thu hilh thiam nak tuk in awnkam cang panga tuah thuhilh theihnak cu deih saw ing.
\p
\v 20 U le nau te aw, nohten cihnak thu ah naupang te bang um pah sun. Phat ngawlnak thu ah naunawi in mite bang um ta un. Cihnak thu ah kum Uham te bang na um ta un.
\v 21 Dan thukham Laithiangtho sungah a heng mi bang, “Kei cu hi miphun tei lakah a lamdang cuang mi awnkam tuah ngamdang tei awnkam tuah thu sonnak nei tung hi. Mah naven, a mun thu ngaihnak nei haw ma hi” tin, Pathian in thupia hi.
\p
\v 22 Mah hang, ngamdang awnkam te cu um tutei lakah a lamdang thu hima hi. Um ngawl tutei lakpen a lamdang mi thu hi. Kamsang bawl cu um ngawl tutei ca tuk hima hi. Um tutei ca tuk hi.
\v 23 Mah hang, kohhran sung a um miten pumkhawm in, ngamdang awn tuah thuson nak a neih laih tak um ngawl tu awn theih ngawl tuah a lut tum tale nohten misil te haw hitin son tuk ma uh cim maw?
\v 24 Mah ahima tale, kohhran sungah a um tu hempoh te kamsang bawl in a um haw laih tak in um ngawl tu awn theih ngawl a nei mite a hung tale kohhran sung um tu hempoh ten a sualnak cu pholhsuah in, a mah cu thu dong thei haw hi.
\v 25 Mah tihbang in a thinlung sung pen a sel mite lang leh in, a man bopkhup in Pathian cu bia tuk hi. Pathian in nohtei lakah a man mi thu um hi tin theihpih nak tetti nei tuk hi.
\s A lem cang bel mi biakpiak nak
\p
\v 26 U le nau te aw, itin sonkam nung? Nohten pumkhawm nak na neih uh ten Saamla saknak a nei mi, thu hilhnak pia tu, ngamdang awnkam ngahnak a nei mi, thuphuan nak a co ngah tu, a tihnop nak let thei tu, a co le ngah miten a neih tek uh hang, ihempoh cu khan toh nak tuk bawl ta un.
\v 27 Ngamdang awntuah thu hilhnak a nei tu um tale panih hihhen, pathum hihen, pakhat tek otnak nei in pakhat in a tihnopnak let hen.
\v 28 Awnlet tu a um ma tale, thu hilh tu cu kohhran ah daiden no um tuk in a mah le mah hei hihen, Pathian nelah hei in hihen son hen.
\v 29 Kamsang panih hihen, pathum hihen, thu hilhnak nei in mi dang ten cek in ngaisung haw ta hen.
\v 30 A khung in a um tupai nelah pakhat thu hilh nak a nei tale a hilh masa tupa cu daiden no um hen.
\v 31 Itahum titale a um mi hempoh te cung tuk in hihen, a venghawng sosuah nak co tuk in nohtei venghawng pakhat nung pakhat kamsang bawl theihnak thu nei uh ci.
\v 32 Kamsang ten, a muhtei thinlung hawvang kem thei haw hi.
\v 33 Pathian cu buainak tuah a seng mi Pathian hi ngawl in, daihnak tuah a seng mi Pathian hi. Mi thiangtho hempoh tei kohhran humah a bawl mi bang in;
\v 34 Numei ten kohhran sungah daiden no um haw hen. A mun thu hilhnak nei haw ma hi. Dan thukham piak mi bang a mun pa no uknak thu cu ngai haw ta hen.
\v 35 Numei ten pakhat cun nuamnak a nei haw tale inn pen a pasal dong haw hen. Numei ten Kohhran sungah thu hilhnak a neih mi cu zahcak huai mi thu hi.
\v 36 Pathian awnkam thu cu nohtei lakpen a suak tul mi maw. Mah ahima tale, nohtei lak bek pen a suaktul mi hi maw?
\p
\v 37 Kei cu nohtei lakah ngan in piaknak ka neih mi awnkam te Topai Pathian thukham a hihnak thu, kamsang tu, hawvang laksawng a co miten lungkim hen. Mi pakhat in a thei ma tale a theih ngawl bang in um hen.
\v 38 Thuneih nak tih mi cu U le nau te aw, nohten kamsang bawl tuk in deihnak nei sesem ta un.
\p
\v 39 Ngamdang awntuah thu hilhnak te vang khampah sun.
\v 40 Na hempoh ah zohmawi le pha zet no in na bawl ta un.
\s Thu thangpha ca in a thupi bel mi
\c 15
\p
\v 1 U le nau te aw, nohtei lakah thu hilhnak ka neih awng mi bang nohten conak na neih zo uh mi, thuthangpha cu nohtei lakah hilh leh ing.
\v 2 Nohten, mahmi thuthangpha cu um ngawl in nohtei lakah hilhnak ka neih awng mi thu cu na lenlo uh tale mahmi thuthangpha hang nunpat nak ah heng zo uh ci.
\v 3 Kei mah loli conak ka neih mi bang, nohtei lakah a masa in piak mi Khrih cu Laithiangtho bang, ohtei ca thihnak thuak hi.
\v 4 A phum cengten, Laithiangtho bang nithum lawi ten tho leh hi.
\v 5 Kai-afas in Topa cu a muh cengten, nungzui tu heinih in mu haw.
\v 6 Mah cengten Unau mihing za nga val ten mu haw. A muhtei lakpen mihing a tam saw cu a tu tian nung haw laih hi. A hekkhat te cu hihbu haw zo.
\v 7 Mah cengten, Jeim in mu hi. Mah cengten nungzui tu hempoh in mu haw.
\v 8 A dawlbel ten, hakim ngawl hinnak nei mi bang kei mah hei in mu ing hi.
\v 9 Kei cu Pathian kohhran te bawlsiat nak ka neih hang, a siabel mi nungzui tu ing hi. Nungzui tu tih hei in sam tak mang hi.
\v 10 Mah naven, Pathian hehpih nak hang bek in kei mah ka hihnak bang ing hi. Ka co mi hehpih nak vang nemcuam nak um ngawl in co mi hima hi. Nungzui tu a dang te sang kei cu zuamnak nei saw ing. Mah tin ka tih ten hei in zuamnak ka neih mi um ma hi. Kei mah tuah um ngel tu Pathian hehpih nak bek na dek ing.
\v 11 Mah hang kei mah hei hihen, a muhte hei hihen, mah tihcun kohten thu hilh ung hi. Nohten mah tin upnak nei uh ci.
\s Upnak hang a thupi mi thawh lehnak
\p
\v 12 Khrih cu a tu in a thi mitei lakpen a thawh leh nak thu a hilh hang, nohtei lakpen a hekkhat ten thawh lehnak um ma hi tin ita son thei haw hum?
\v 13 A thisa tei tho lehnak a um ma tale Khrih vang a thawh leh nak um ma hi.
\v 14 Khrih thawh lehnak a um ma tale ohtei thu hilhnak a neih mi cu nemcuam nak um ma hi. Nohtei upnak vang a thupi nak um ma hi.
\v 15 Mah bek sial ngawl ohtei Pathian thu cu thuman ngawl in theihpih nak tetti a nei mite hi tuk hung hi.
\v 16 Itahum titale a thisa mite a thawh leh nak a um ma tale, Pathian in Khrih cu tho leh tik tuk ma hi. A tu in, Khrih cu tho leh tik zo hi tin ohten Pathian thu cu theihpih nak tetti co zo hung. A thisa mite cu a thawh lehnak a um ma tale Khrih cu tho leh tuk ma hi.
\v 17 Khrih cu a tho leh ma tale nohtei up nak hei nemcuam nak um ma hi. Sual bawl nak sungah um haw laih hi.
\v 18 Mah bek sial ngawl Khrih cu um in a hihbu mite vang siatnak ah heng haw zo hi.
\v 19 Ohten Khrih cu muang in a tu nun nak pen muansan nak nei tale mi hempoh te sang a hehpih huai saw mite hi tuk hung hi.
\p
\v 20 A tu in, Khrih cu thihnak pen a thawh leh zo hang, a hihbu mitei lakpen a ngah masabel mi hi zo hi.
\v 21 Mah hang, mihing thihnak thu a um bang bok a thi mitei thawh lehnak thu cu mihing hang in um hi.
\v 22 Mi hempoh Adam hang thihnak ah a hen bang bok in, mi hempoh Khrih hang nunnak ah heng haw tuk hi.
\v 23 Mah hang, mi hempoh ten a muhtei huncan a kim bang in zui haw tuk hi. Khrih cu a ngah masa bel in ngah zo hi. Mah ceng Khrih a tolksuk leh ten a nungzui te cu nunnak ah heng haw tuk hi.
\v 24 Mah ten, Khrih in thu neihnak hempoh te vawk in a uknak ngam cu a pa Pathian nelah apnak a neih cengten leihum hunbo tuk hi.
\v 25 Khrih in a ngal hempoh tei ke nuai ah a koih lak lawh tian uk tuk hi.
\v 26 A dawlta bel ngal tih mi thihnak kumpi cu siatsuah nak heng tuk hi.
\v 27 Na hempoh te mi capa ke nuai ah koih zo hi tin Laithiangtho ah heng hi. Na hempoh te koih zo hi tih mi thu a son ten, na hempoh mi capa ke nuai ah koihsak tu cu a tang laih thu a langnak hi.
\v 28 Na hempoh te mi capa i nuai ah a koih ten, na hempoh te a ma nuai ah a koih tupai uknak cu capa a mah loli in phuang tuk hi. Hi te cu Pathian na hempoh a hihnak tuk thu hi.
\p
\v 29 A thisa mite thawh lehnak a um ma tale a thi mitei ca baptisma co tute itihbang in bawl tuk hum? A thisa mitei ai in ita baptisma co haw tuk hum?
\v 30 Ohte cu haksat nak a heng tuk mi tuah ita tawk thei hung ngim?
\v 31 “Kei cu ni sial thih thuak ing hi” tin, ohtei Topa Zisuh Khrih ah nohtei thu hang ka lungdam ultun nak suang in keiman son ngam ing hi.
\v 32 Kei cu mihing thi le sa hihnak in Efisa khua ah sahang te tuah do unnak nei awng tale ka ca in i nemcuam nak um tuk hum? A thisa miten thawh lehnak a um ma tale ohte zingten thi tuk toh a hih hang in le eih nak nei in um tuk hung hi tin, ti haw hi.
\p
\v 33 Zol in um pah sun. Phat ngawlnak hempoh cu a pha mi nuncan ziaza sia tik thei hi.
\v 34 Muhnak a man nei ta un. Sual bawl pah sun. Itahum titale, mi hekkhat ten Pathian thei haw ma hi. Mah tin ka tihten, nohten zakza tukin ti ing hi.
\s Thawh lehnak nei mi Pumpi taksa hihnak
\p
\v 35 A thisa miten i tin tho leh haw tuk hum? Itihbang in pumpi taksa tuah heng haw tuk hum tin mihing pakhat in dong tuk hi.
\v 36 Misil pa aw, ancin nak na neih mi cu a muat in a um ma tale po to thei ma hi.
\v 37 Mah bek sial ngawl anci cin ten a heng leh tuk mi pumpi taksa cing ma hi. Sangvut hihen, a dang anci cang hei hihen, anci bek cing hi.
\v 38 Pathian deihnak a um mi bang, mahmi anci cang pia in anci pakhat no in a ma anphun namkim no tuah tekin pia hi.
\v 39 Thi le sa hempoh te pakhat le pakhat bang ve ma hi. Mihing taksa a tuam, nganhing taksa a tuam, nga sa a tuam, vano sa a tuam bang in a tuamtum no tek in um haw hi.
\v 40 Vanhum pumpi vang um bok hi. Leihum pumpi vang um bok hi. Vanhum pumpi a cungnung nak cu phunkhat, leihum pumpi a cungnung nak cu pakhat hi.
\v 41 Ni hi cungnung nak a tuam, hade hi cungnung nak a tuam, aksi tei cungnung nak a tuam tum a dang no tek in um haw hi.
\v 42 Mah bang bok a thi mitei tholeh nak thu hi. Pumpi cu cingin a sia thei mi hi. Thawh leh nak a neih ten sia thei ngawlin um hi.
\v 43 Ancin nak a neih ten, minthan nak um ma hi. A po toh ten minthan nak tuah dim hi.
\v 44 Ancin nak a neih ten thi le sa pumpi tuah cing hi. A thawh leh ten hawvang pumpi hi. Pumpi taksa namkhat, hawvang pumpi pakhat um hi.
\v 45 Laithiangtho a heng mi bang, a masabel mihing Adam cu nuncak nak a nei mi nganhing hitin, ti hi. A tuin a dawlta bel Adam cu nunnak a nei mi hawvang hi.
\v 46 Hawvang pumpi cu a masa in piang mi hima hi. Thi le sa pumpi cu a masa in piang mi hi. Mah cengten hawvang pumpi hi.
\v 47 A masa belin mihing cu leipi pen piang mi a hih hang leivul hi. A panih nak mihing cu vanhum pen a heng mi Topa hi.
\v 48 Lei mite cu mahmi lei mite hi haw tuk hi. Vanhum mite cu van mite bang haw tuk hi.
\v 49 Ohten lei mi hihnak mel a ken bang bok in vanmi mel vang keng bok hung hi.
\s Nehnak tuah a thawh leh nak
\p
\v 50 U le nau te aw, ka son nuam mi cu mihing tei thi le sa cu Pathian uknak lo co thei ma hi. A muat thei mi cu a muat thei ngawl mi hihnak in lo co thei ma hi.
\v 51 Thuthup a sel mi pakhat hilh hih tung. Ohtei venghawng in hihbu mite hima hung hi.
\v 52 Mah naven, dawlbel lemle tumten mit phelep sung ohtei venghawng theknak co tuk hung hi. Lemle tum huncan a hen ten, a thi sa mite cu a muat thei ngawl mi hihnak tuah tho leh in ohtei venghawng cu theknak ah heng tuk hung hi.
\v 53 A tuin a muat thei mi cu a muat thei ngawl mi hihnak ah luttum tuk hi. A tuin a thi thei mi cu a thi thei ngawl mi hihnak ah tum tuk hi.
\v 54 Hi a muat thei mi cu a muat thei ngawl mi hihnak in hihen, hi a thi thei mi cu a thi thei ngawl mi hihnak in hihen, a tum ten thihnak cu nehnak sungah nimzo hi tin Laithiangtho a heng mi cu kim tuk hi.
\q
\v 55 Thihnak na hiamnam i lai ah um hum? Thihnak ngam na nehnak i lai ah um hum?
\p
\v 56 Thihnak kumpi hi ngalhiam nam cu sual bawlnak hi. Sual bawlnak hi huham cu dan thukham hi.
\v 57 Ohtei Topa Zisuh Khrih hang ohtei lakah nehnak thu a piak mi Pathian hehpihnak cu ngeng lei ta hi.
\v 58 Mah hang, ka ihmi U le nau te aw, nohten Topa Pathian na dehnak cu nei in a thupi nak a ngeng dan zia sialsiah nak tuah a kho mi ngaihsut nak thinlung a dim nei in, thukam pelh ngawl in Pathian na dehnak a cat ngawl in zuamnak thazang nei ta un.
\s Jerusalem kohhran ca a lukhon nak
\c 16
\p
\v 1 Mi thiangtho tei ca a lukhonnak tuah seng in a khawl mi thu cu Kalati ngam kohhhran te ka thucah mi bang, nohten bawl ta un.
\v 2 Ka hen ten, a lukhon in khawl mi um tuk ngawl in ni salih sung pen ni masabel ni in nohtei thupha co ngah mi bang tek in, nang muhtei sawmah pakhat cu suah in khawl un.
\v 3 Ka hen ten, nohtei laksawng cu Jerusalem khua ah kuat tuk in nohtei lungkimnak neih mipa cu lai ken mi tuah hawh tik tuk.
\v 4 Kei mah vang hawh a kul tale a mun kei mah zui haw tuk hi.
\s Paul hi khual zin nak
\v 5 Kei cu Masidonia ngam lamzin pi tawn tuk ka hih hang, mahmi ngam kazin cengten nohtei umnak ah hawh tung.
\v 6 Kei cu nang muhte tuah phalbi sung hei um kha thei ing. Mah tin ahitale i lai bang lai hawhnak ka nei ta hei in hihen, nohtei hehpih bopnak co tung hi.
\v 7 A tu khual zin hawh laih tak nohte lut tum in tawkvut tuk cu nuam mang hi. Itahum titale, Topan lem a ti tale, nang muhte tuah ngeipi um ngel tukin muang ing.
\v 8 Penticost ni tian Efisa khua ah um tung.
\v 9 Itahum titale, a thupi saw in na dehnak ca kongka cu a mansa in ka nelah hon in um hi. A do tu vang tampi um haw.
\p
\v 10 Timote cu nohtei lakah a hen ten, a mah cu lau ngawl in nang muhte tuah um ngel tuk in ngalling in um ta un.
\v 11 Mah hang, a kua mah in a mah zawnsak pah sun. A mah cu ka lakah daiden no a pin theihnak tuk, hehpih nak tuah hen un. A mah cu U le nau dang te tuah munkhat no heng tuk hi tih cu muang ing.
\v 12 Ka nau Apollos hi thu cu U le nau te tuah nang muhtei lakah a hawh tuk thu tampi lemnak tuah hehpih ngen ta vang, a mah cu a tu hawh tuk in nuam ma laih hi. Tu nung a lemcang ten hawh tuk hi.
\s Dawlbel tha piaknak
\p
\v 13 Nohten ngalling in ngak un. Upnak thu ah kho zet um un. Pa no thazang ngilnak a dim tuah um ta un.
\v 14 Nohten na deh bawl mi hempoh itnak thinlung tuah dek un.
\p
\v 15 U le nau te aw, Stefanas innkua te cu Akhaia ngam pen a ngah masa bel mi a hih hang, mi thiangtho tei deh mi na dek tuk in a mah le mah apnak a neih mi cu nohtei theih mi bang in;
\v 16 Mahmi a muhtei uknak hei hihen, kohte tuah na dehnak nei in na deh a nei tu hempoh tei uknak hei hihen, nohten lungkim nak tuk thu hehpih kun ing.
\v 17 Stefanas, Fortunatas le A-cha’i-cus te a hennak hang lungdam ing.
\v 18 Itahum titale, nohtei cawmnak a cangkim ngawl mi hempoh cu a mun a cangkim zet in ka thinlung le nohtei thinlung nop tik zo hi. Mah tihbang mi a muhte cu sialsiah ta un.
\s A dawl khup nak
\p
\v 19 Asia ngam kohhran ten nang muhte otpih haw hi. Akuila le Priscilla ten nohtei inn ah a um mi kohhran te tuah Pathian cu zo in nang muhte thatui zet in otpih haw hi.
\v 20 U le nau hempoh ten nohte cu otpih haw tuk hi. Pakhat le pakhat a thiangtho mi thutnak tuah bawl haw ta hen.
\p
\v 21 Kei mah Paul in otpih nak thu cu ka khut tuah ngan ing hi.
\v 22 A kua a bang in Pathian itnak a nei ma tale tam siatnak co hen. Topa Pathian tolksuk toh in.
\v 23 Topa Zisuh hehpih nak cu nohtei lakah um ta hen.
\v 24 Kei ma itnak cu Khrih Zisuh sungah nohtei venghawng in um ta hen. Amen.