cnw_reg/46-ROM.usfm

\id ROM
\ide UTF-8
\rem The text in this file was extracted from C:/DCS/Chin, Ngawn/WORD/45. ROMANS. docx.
\mt Rom
\h Rom
\mt Rom
\toc1 Rom
\toc2 Rom
\toc3 rom
\s A sunglawi mi Pathian thuthangpha
\c 1
\p
\v 1 Pathian thuthangpha cu a tuam tennak co in, nungzui tin samnak a co tu Khrih Zisuh sila kei mah Paul in laikuat ing.
\v 2 Thuthangpha cu a ma kamsang tei hang, Laithiangtho sungah tang laih Pathian thukam piak sa mi hi.
\v 3 Pathian capa thu hi. Capa in mihing hihnak cu David miphun sung pen heng hi.
\v 4 Hawvang thiangtho thu ah cun a thi mi hempoh tei lakpen thawh leh nak a huham tuah a piak sa mi ohtei Topa Zisuh Khrih hi.
\v 5 A min hang miphun hempoh tei sungah upnak tuah a seng mi a thu zui thei tukin a hehpih nak hei hihen, nungzui tu hihnak hei hihen, Topai hang co ngah zo uh ci.
\v 6 Nohte vang mah miphun sungah um in Zisuh Khrih tuah a seng mi samnak a co tute hi uh ci.
\p
\v 7 Rom khua ah a um Pathian ih mite aw, Pathian in ka mi thiangtho te tin sam tuk in ohtei Pa Pathian le Topa Zisuh Khrih nelpen a hehpih nak le daihnak cu nohtei lakah um ta hen hi’ tin, laikuat ing.
\s Rom khua ah a hawh nuamnak lang tik
\p
\v 8 Nohtei upnak cu ngam hempoh ah thang khawng zo a hih hang, kei man nohtei venghawng ca ka Topa Pathian cu Zisuh Khrih hang, lungdam nak a masa hilh ing.
\v 9 Nohte cu a cat ngawl thunget nak ah phawk le leng ing hi tin capa ii thuthangpha phuang in, thinlung hawvang tuah a na cu dek ing. Ka biak mi Pathian cu kei mah theihpih tu tetti hi.
\v 10 A ngei ngawl in Pathian deihnak tuah a mansa in, nohtei umnak ah ka hen theihnak tuk huncan pakhat ngah tuk in thungen ing.
\v 11 Nang muhte ka muh nuamnak cu nohtei lakah hawvang laksawng pakhat pia in, a tawptian khozet tuk in hi.
\v 12 Mah tin son ta hei in kei le nohten upnak hang pakhat le pakhat thazang piak nak thu a son nuam mi hi.
\v 13 U le nau te aw, kei cu miphun dang tei lakah nemcuam nak ka co mi bang nohtei lakah vang, nemcuam nak pakhat co ngah tuk cu deih mang hi. Mah tin ngaihsut nak um naven a tu tian khamnak thu um hi.
\v 14 Grik mi hihen, mi ngilo te hei hei hihen, micip hei hihen, misil hei hei hihen, miphun hempoh tei leibat cu ka humah koih in um hi.
\v 15 Mah ahitale, ka tih theih tawp in Rom khua mi nohtei lakah thuthangpha phuang tuk in zuam ing.
\s Thuthangpha Huham
\p
\v 16 Kei cu Khrih thuthangpha hang zakcak nak um ma hi. Itahum titale, mahmi thu cu a masa in Judah, mah cengten Grik, um tu hempoh nunpan thei tu Pathian huham hi.
\v 17 Itahum titale, mi dikcang pa cu upnak hang nung tuk hi tin Laithiangtho a heng bang, upnak sungah a kho tu Pathian dikcang nak thu cu upnak tukin thuthangpha hang lang zo hi.
\s Leihum mitei sualnak
\p
\v 18 Pathian thinuuk nak cu vanhum pen lang in, thudik thu cu phat ngawl nak tuah khamnak a nei mitei Pathian thu imah sumsial ngawlnak a neih mi le phat ngawlnak hempoh humah heng hi.
\v 19 Itahum titale, Pathian in a mah tuah seng in theih tuk mi thu te a muhtei lakah lang hi.
\v 20 Leihum a bawl pen pan Pathian muh theih ngawl mi a hihnak thu te Topai huham le Pathian a hihnak te a semsuah mite tuah ciangzet theih nak hang a mun a sualnak sel thei haw ma hi.
\v 21 Itahum titale, a mun Pathian cu thei napi in Pathian thangphat nak hei hihen, lungdam thu hei hilh haw ma hi. A mun a thupi ngawl mi ngaihsut nak, ngaihsut nak thinlung nei ngawl in sualnak ah heng haw hi.
\v 22 A mun micip bang um naven misil hihnak tuah um haw.
\v 23 A sia thei ngawl mi Pathian hihnak vawkin, a sia thei mi mihing limzuk, vano, a bop in vak thei mi ngam sa tei zuk cu pathian hihnak in thek haw.
\p
\v 24 Mah hang, a mun hizah tian pakhat le pakhat a muhtei pumpi susia duncop tuk in a muhtei thinlung deihnak bang a din deihhuai khut sungah ap haw.
\v 25 A mun Pathian thudik cu zol thu tuah thek in semsuah tupai a semsuah mi nate bia in um haw. Semsuah tupa cu a cat ngawlin thupha mui cu um ta hen.
\s Mihing tei nuncan ziaza siatnak
\p
\v 26 Mah hang, Pathian in a muhte zahcak a dindeih huai khut sungah a ap zo hang, a muhtei lakpen numei te poh cawm in a mu hihnak dan te zamsan in, numei le numei pawldun nak tuah thek haw.
\v 27 Mah bang bok pano ten nupa pawldun nak cu zamsan in pano le pano pawldun nak thinlung mei kang tik in, zahcak huai mi nate cu pano le pano pawldun in a muhtei sualnak bang sual dantat nak thuak haw.
\p
\v 28 A mun Pathian theih nuamnak a neih ngawl hang, Pathian in a muhte cu phat ngawlnak a bawl theih mi a siahuai thinlung nei tutei lakah a apnak hang, a mun phat ngawl nak te bawl haw zo.
\v 29 A mun sualnak hempoh le ngamtat sual bawlnak, nu le pa sualnak, siatnak, hampum nak, iksiknak, mi sonsiat nak, mi thahnak, hauhdun nak, mi zolnak, mi huatnak;
\v 30 A thupi ngawl sonnak, mi zawtnak, Pathian hua tu, mi siasuak, ngalnak, tuangkhawn nak, phat ngawl nak hempoh bawl tuk ngaihsut nak, nu le pai thungaih ngawlnak, thukam a kho ngawl mi;
\v 31 Theihnak a nei ngawl mi, hehpihnak a nei ngawl ningnat nak nei ngawl mite haw hi.
\v 32 Hi ngamtat nak a nei tute cu thihnak tak sual a nei mite hitin Pathian thukhen nak cu a mun thei leng napi in, a mah loli a ngamtat bek sial ngawl mah tihbang ngamtat nak sungah lungdam thatui zet um haw.
\s Pathian i a dik mi thukhen nak
\c 2
\p
\v 1 Midang tei sual thu a khen thei mipa aw, na sualnak sel thei ma ci. Itahum titale, thukhen mi sualnak hei mah loli bawl in midang tei sual thukhen nak cu a sual thukhen cat tuah bang ve hi.
\v 2 Pathian in mah tihbang thukhen nak a nei mite, thudik a hihnak cu ohten thei zo hung.
\v 3 Mah tihbang sualnak te mah loli bawl napi in midang sual thukhen thei mipa, nang cu Pathian thukhen nak pen luat tukin ngaisung uh cim maw?
\v 4 Pathian hehpih nak in nang cu sualsik tukin a lamhoih nak te thei ngawl a lainat nak tampi thinsau lungduai nak te sumsial ngawlin um cim maw?
\v 5 Mah hang, lungkhoh in sualsih nak thinlung a neih ngawl hang, thinuuk nak ni tih mi Pathian thu a lang ni ten a mah loli thuak tuk koih in um hi.
\v 6 Pathian in mihing hempoh a muhtei ngamtat nak bangin sual thukhen tuk hi.
\v 7 A pha mi ngamtat nak tuah nung in minthan nak, a sia thei ngawl mi pahcoih nak a zei tute cu kumkhua nunnak pia tuk hi.
\v 8 Elnak thinlung nei tu thudik thu ngai ngawl in phat ngawlnak tuah ngamta mite thinuuk nak nasezet heng tuk hi.
\v 9 A masa in Judah, mah cengten Grik, a sia huai mi sualnak a bawl tu hempoh nasezet haksat nak thuak haw tuk hi.
\v 10 Amasa in Judah, mah cengten Grik, ngamtat a pha in a nung tu hempoh minthan pahcoih nak le daihnak co haw tuk hi.
\v 11 Pathian cu a kua mah mitmai zo ma hi.
\v 12 Dan thukham thei ngawl in a sual miten dan thu thei ngawl in siatnak ah heng haw tuk hi. Dan thu thei leng napi in sualnak a bawl tute cu dan thukham ii thukhen nak thuak haw tuk hi.
\v 13 Itahum titale, thungai tu cu Pathian mai pen mi dikcang hi kha ma hi. A thu zui tute bek in dikcang nak ah heng tuk hi.
\v 14 Dan thukham thei ngawl mi Grik miphun ten danthu zui nak a neih cawm haw ten, a mun dan thu a nei haw ngawl ta vang a muh loli in a muhtei ca dan thu in cang zo hi.
\v 15 Mah le mah theihnak thinlung in theihpih nak tetti in hihen, pakhat le pakhat thu son khawm nak hang mawhsiat un nak, luatnak hang hei hihen, a thinlung sungah khum mi a thupi phat nak cu ciangzet in lang tik haw hi.
\v 16 Thuthangpha hilhnak ka neih mi bang Pathian in Zisuh hang, mihing tei a lang ngawl mi na hempoh te thukhen nak ni ah mah tihbang thukhen tuk hi.
\s Judah miphun le Dan thukham
\p
\v 17 Nang cu Judah mi tin samnak, dan thukham a muang tu, Pathian suang in ngal pih tu;
\v 18 A deihnak thei tu, dan thukham zuinak hang a danglam mi thu hempoh thukhen cel thei tu hihnak tuah;
\v 19 Mitcaw lamhuai tu, khuathim sungah a um mite vak tik tu;
\v 20 Misil te thu hilh tu, naupang te dan thu hilh tu, dan thukham tuah cihnak hei hihen, thudik thu thei tu hitin, mah le mah ngaihsut nak a man nei tale;
\v 21 Midang te thu hilh in mah le mah thu hilh ma cim maw? Nguca pah sin tin thuson napi in nangmah loli nguca in um cim maw?
\v 22 Nu le pa sualnak bawl pah sin tin son li napi in mah loli in sualnak bawl cim maw? Zuk milim a dindeih huai hi tin son li in biakinn siatsuah cim maw?
\v 23 Dan thukham suangin ngalnak nei napi in, mah dan thukham palcat in Pathian minthan nak cu sia tik uh cim maw?
\v 24 Itahum titale, Laithiangtho bang mi dang ten nohtei ngamtat nak cu zo in Pathian min sonsiat thei haw hi.
\v 25 Dan thukham na zui tale vun lek talhnak bawl mi cu thupi tuk hi. Dan thukham palcat tale vun lek na talhnak cu talh ngawl in cang tuk hi.
\v 26 Mah bek sial ngawl vun lek talhnak a co ngawl mi cu dan thukham cingkem tale a vun lek a talh ngawl mi cu vun lek talh hihnak bang ngaisung tuk hima maw?
\v 27 Vun lek talhnak a co ngawl te hei in a mu thu in dan thukham a zui tale Laithiangtho tuah vun lek talhnak nei napi in, dan thukham palcat tu nangmah cu thukhen tuk ma maw?
\v 28 Itahum titale, a pawlam bek Judah mi hihnak cu Judah ngangai hima hi. A pawlam bek in taksa vun lek talhnak cu vun lek talh a man ngangai hima hi.
\v 29 Sung lam pen Judah mi hihnak cu Judah mihing ngai hi. Vun lek talhnak cu thukham lun hang hi ngawl in hawvang thu le thinlung tuah a seng mi hi. Mah tihbang vun lek talhnak a co tutei lungdam cu mihing tei deihnak tuah seng ma hi, Pathian deihnak tuah seng hi.
\s Pathian thukam
\c 3
\p
\v 1 Mah tin ahitale, Judah miten i a lamdang cuang nak nei hum? Vun lek talhnak hang i thupi nak um hum?
\v 2 A thupi nemcuam nak tampi um hi. A lamdang cuang in nemcuam nak cu vun lek talhnak a co tu Judah te cu Pathian thuphuan nak a co mite haw hi.
\p
\v 3 A hekkhat ten upnak nei naven, itin son theihnak um hum? A muhtei up ngawlnak thu Pathian thukam cu sia thei maw?
\v 4 A sia thong theih nak um him ma hi. Mah hang a thupiak mi cu a dik a man mi hi. Thukhen nak a neih ten, neh tuk hi” tin, Laithiangtho ah a heng mi bangin mi hempoh ten thukam a nei ngawl vang, Pathian thukam kho tuk hi.
\p
\v 5 Ohtei phat ngawl nak sual cu Pathian dikcang nak thu a lang tik tale itin son kam nung? Pathian in dantat nak a neih ten, phat ngawl nak sual a bawl mi nei maw? Mah tin ka tih ten mihing ngaih sut nak bang in ti ing hi.
\v 6 Mah tihbang hima hi. Mah tihbang a hi tacun leihum mite itihbang in thukhen tuk hum?
\v 7 Mah bek sial ngawl kei cu thukam nei ngawl in Pathian thukam minthan nak khang sesem tik tale sualnak a nei mite bang, ita thukhen nak nei laih cim tin a dot leh ten;
\v 8 A pha mi nemcuam nak um tik tuk in, a pha ngawl mi ngamta in nung tuk hung hi” tin, mi hing hekkhat ten kohte sonsia in, kohtei awnkam a don leh haw bang son tuk laih maw? Mah tihbang in a ti tuten a sualnak cu dantat a thuak taak mi hi haw hi.
\s Mi dikcang pakhat no hei um ma
\p
\v 9 Mah tin ahitale itihbang hum? Kohtei phatnak hang maw tin a dot ten, hi naisai ma hi. Itahum titale, Judah, Grik mi hempoh sual a neihnak thu son zo hung hi.
\v 10 Laithiangtho bang mi dikcang pakhat mah um ma hi. Pakhat no hei um ma hi.
\q2
\v 11 Theih thiam nak a nei tu a kuamah um haw ma hi. Pathian zei tu a kuamah um haw ma hi.
\q
\v 12 Mi hempoh ten lamzin pial haw zo. A muhte cu mantaak tuk um ma zo. Ngamtat nuncan ziaza pha um ma. Pakhat no hei um haw ma hi.
\q
\v 13 A muhtei long cu thankhuk bang hong leng hi. A mun a lei tuah mizol thei haw. A kam sungah ngulsia ngu um hi.
\q2
\v 14 A muhtei kam cu mitam nak awnkam, awnkam hang tuah a dim hi.
\q
\v 15 A muhtei ke cu mihing thahnak tuk pil zet hi.
\q2
\v 16 A hawhnak lamzin ah siat nak, haksat nak um hi.
\q
\v 17 A mun daihnak lamzin thei haw ma hi.
\q2
\v 18 A muhtei mai pen Pathian launak um ma hi” tin, Lathiangtho a ngat mi bang in hi.
\p
\v 19 Dan thukham sungah a um mi awnkam te, dan thukham a co tute tuah seng hi tih cu kohten thei ung. Mah hang, leihum mihing hempoh ten khat no hei awn thei ngawl in Pathian mai pen sual thukhen a taak mite haw hi.
\v 20 Mah tihcun dan thukham cu sual lang tik in dan thukham tuah ngamtat nak hang, Pathian mai pen a kua mah dikcang nak a nei um ma hi.
\s Upnak tuah co mi dikcang nak
\p
\v 21 A tuin, dan thukham le kamsang Laithiangtho phuannak a neih mi dan thukham tuah a seng kha ngawl mi Pathian dikcang nak thu cu;
\v 22 Zisuh Khrih upnak hang, umtu hempoh ca a muhtei humah a heng mi Pathian dikcang nak thu cu lang zo hi. A lamdang nak um ma hi.
\v 23 Itahum titale, mihing hempoh tei sual bawl nak hang, Pathian minthan nak tham khawng zo.
\v 24 Zisuh Khrih tatnak cu man piak kul ngawl in Pathian hehpih nak hang, dikcangnak ah heng hi.
\v 25 Pathian in a dikcang nak lang tuk Khrih cu pia in, upnak ca Khrih thisan cu hehpih biakpiak nak in cang tik hi. Pathian ngaihdam nak hang, a bosa hun laih sualnak te sual thukhen ngawl in um hi.
\v 26 A tuin a dikcang nak te lang tik tuk Pathian a mah loli dikcang nak in lang zo hi. Zisuh a um tutei dikcang tuk hi” tin, lungkim nak tuk in hi.
\p
\v 27 Mah ahitale ngalpih tuk thu ite hum tin a dot ten, ngalnak tuk lawl sak zo. I thu in lawl sak hum? Ngamtat nunnak hang lawl sak mi maw? Ngamtat nunnak hang lawl sak mi hima hi. Upnak hang lawl sak zo.
\v 28 Mah hang, mihing cu dan thukham zui ngawl in upnak hang dikcang nak ah heng thei hi” tin, ngaihsut mi hi.
\v 29 Pathian cu Judah mitei Pathian bek hima maw? Miphun dang tei Pathian hi bok ma maw? Mah zuh hi. Miphun dang tei Pathian hei na hi bok hi.
\v 30 Itahum titale, vun lek talhnak a co mi le a co ngawl mi a panih cu upnak hang dikcang nak ah a kho tik tu Pathian pakhat bek um hi.
\p
\v 31 Mah ahitale, upnak hang ohten dan thukham lawl sak hung maw? Lawl saknak um naisai ma hi. Kho tik saw hi.
\s Abramham upnak
\c 4
\p
\v 1 Mah ahitale, ohtei pa Abraham in thisa hihnak tuah itihbang thupi a nemcuam nak co hum?
\v 2 Abraham cu a ngamtat nuncan ziaza hang, dikcang nak a co ngah a hitale ngalpih tuk um hi. Pathian mai ah mah tihbang hima hi.
\v 3 Laithiangtho sungah itihbang heng hum? Abraham in Pathian cu a upnak hang, a ma upnak cu mi dikcang hihnak in sialsiah hi” tin, ti hi.
\p
\v 4 Na dehnak cu deh thaman co hang hehpih nak bawl mi hima hi. Co taak hang in ngah mi hi.
\v 5 Dehnak le phatnak nei ngawl misual pa cu mi dikcang hitin, sialsiah nak nei tupa cu upnak a nei tu ca a upnak cu a dikcang nak hitin sialsiah um hi.
\v 6 Mah bang bok Pathian in deh le bawlnak zo ngawl in, a piak mi dikcang nak a co tutei muicu thupha cu David camcawh in a son mi cu;
\v 7 Sual ngaihdam nak, sual bawlnak te a sinkhuh nak a co tute cu muicu thupha co te hi uh ci.
\q
\v 8 Pathian mawhsiat nak pen a luat tu cu muicu thupha um hi” tin, ti hi.
\p
\v 9 Vunlek talhnak a nei mite bek mui cu thupha a co mite haw maw? Mah ahi matale, vunlek talhnak a co ngawl mite vang co ngahnak um haw maw? Itahum titale, upnak cu Abraham lakah dingcang nak bangin ngaihsut mi hi” tin, ti haw hi.
\v 10 Mah tin tita vang, itihbang in ngaihsut nak nei hum? Vun lek talh cengten ngaihsut mi maw? Talh laih ngawl in ngaihsut mi hum? Talh cengten ngaihsut mi hima hi. A talh laih ngawl in a ngaihsut mi hi.
\v 11 Vun lek talhnak co ngawlin a um tute cu dikcang nak co hitin ngaihsut theihnak thu um tuk in;
\v 12 Ohtei pa Abraham cu a muhtei venghawng pa cang tuk hei in hihen, vun lek talhnak a co mi bek sial ngawl, ohtei pa Abraham cu vun lek talhnak a co laih ngawl a neih mi upnak hi dikcang nak tacik tihmi vun lek talh hihnak co hi.
\s Upnak tuah a co mi thukam
\p
\v 13 Mah bek sial ngawl hi lehum lo co tik tung hitin thukam cu Abraham pen pan a miphun te dan thukham hang a co mi hima hi. Upnak i dikcang nak hang co ngah mi hi uh ci.
\v 14 Itahum titale, dan thukham tuah a seng miten lo a co ngai haw tale upnak thu cu lawl zo hi. Thukam vang a thupi nak um ma hi.
\v 15 Dan thukham cu thinuuk nak tuah seng hi. Dan thukham a um ma tale sual palcat nak um ma hi.
\v 16 Mah hang, thukam cu dan thukham tuah a seng mi miphun tei lakah a cangkim bek sial ngawl, Abraham upnak tuah a seng mi a muhtei lakah cangkim in, Abraham miphun hempoh tei lakah a cangkim nak tuk thu, hehpih nak hang dikcang nak ah heng tuk cu upnak thu bek in heng thei hi.
\v 17 “Kei man nang cu miphun tampi tei pa in cangtik tung hi” tin, Laithiangtho a heng mi bang Abraham cu mi thi tho leh tik thei tu, a heng ngawl laih mi nate cu a heng zo mi thu bang, thucah nak a nei tu Pathian cu a mah loli upnak a nei tu Pathian mai ah ohtei venghawng hi pa hi.
\v 18 Na miphun cu mah tihbang cang tuk hi tih mi thuphuan bang, a mah cu miphun hempoh tei pa in cang tuk hi” tin, muansan ngawl in upnak tuah muansan nak nei hi.
\v 19 Upnak ngengpi a neih hang a nunnak cu kum za le kul kim in, a mah le mah cu a thi bang umnak hihen, a nupi Sarah cu micing hihnak hei phawk ngil ta hi.
\v 20 Pathian thukam cu up sualnak nei ngawl in upnak ngengpi a neih ten Pathian min cu thangphat in;
\v 21 Thukam piak mipa cu thukam nak bang a bawl theihnak cu a thinlung sungah ngaisung hi.
\v 22 Mah hang, a upnak cu dikcang hihnak in ngaihsut mi hi.
\v 23 “Mah tihcun sialsak mi hi” tin, Abraham ca bek Laithiangtho ngat mi hima hi.
\v 24 Ohtei ca in ngat mi hi. Ohtei Topa Zisuh thihnak pen a tho leh tik tu cu ohten a um uh tale, mahmi upnak cu ohtei dikcangnak hi” tin, sialsak mi hi.
\v 25 Topa Zisuh in ohtei sualnak hang apnak nei zo. Ohten dikcang nak ah heng tuk in tho leh zo hi.
\s Pathian tuah Daihnak neih mi
\c 5
\p
\v 1 Mah hang, ohten upnak tuah dikcang nak ah a heng uh tale ohtei Topa Zisuh hang Pathian mai pen daihnak co tuk hung hi.
\v 2 Mah a hehpih nak na co uh mi upnak nei in Topa hang bek co ngah uh ci. Mah hang, Pathian minthan nak cu muansan nak tuah lungdam ultun nak nei uh ci.
\v 3 Mah bek sial ngawl haksat nak thuak in lungdam ultun nak nei uh ci. Itahum titale haksat nak cu sup tik thei hi.
\v 4 Supnak cu ngilcang nun ah hei hihen, ngilcang nak nun cu muansan nak hei hihen cang tik hi tih cu ohten thei zo hung hi.
\v 5 Mahmi muansan nak cu zahcak nak pen luat tik hi. Itahum titale, ohtei lakah a piak mi hawvang thiangtho in Pathian itnak cu ohtei thinlung sungah buak tum hi.
\v 6 Ohtei thanau laih tak a hun can kim ten Khrih cu mi sual tei ca thihnak thuak hi.
\v 7 Mi dikcang mitei ca thihnak thuaksak cu haksa hi. Mipha mitei ca thih thuak ngam tu um hei um kha thei hi.
\v 8 Ohten misual a hih laih tak hei in Khrih cu ohtei ca thih a thuaknak hang, Pathian in ohte i zahtak in a ihnak cu ohtei lakah ciang zet in lang hi.
\v 9 Mah hang, a tuin a thisan tuah dikcang nak a hen cengten, Topai hang a thinuuk nak pen ohte cu pan tuk hi.
\v 10 Itahum titale, a ngal te hi napi in Pathian capa thihnak a thuak sak hang, ohte cu Pathian tuah pawlkom nak, a hehpihnak a co ngangai uh tale pawlkom nak a neih cengten, a nunnak tuah nunpat co tuk in muansan nak tampi um hi.
\v 11 Mah bek sial ngawl ohtei Topa Zisuh Khrih hang lungdam pawlkom nak a neih cengten, Topai hang Pathian nelah lungdam ultun nak nei uh ci.
\s Adam le Zisuh Khrih
\p
\v 12 Mah hang, sual thu cu mihing pakhat hang hi leihum ah heng in sual thu hang, thihnak a heng bangin mihing hempoh te sualnak hang thihnak ah heng zo.
\v 13 Dan thukham a piak laih ngawl in sual cu hi leihum ah um hi. Dan thukham tihmi a um ma tale sual um hitin sialsiah theihnak um ma hi.
\v 14 Mah naven, Adam penpan Mosi tian thihnak in uk hi. A dam sual bang sualnak a bawl ngawl mite hei uk hi. A dam cu a heng tuk laih mipai a limlak tupa hi.
\p
\v 15 Mah naven, sualnak le hehpih nak cu bang ve ma hi. Itahum titale, mihing pakhat sual hang, mihing hempoh te thihnak ah heng hi. Mi pakhat Zisuh hang Pathian hehpih nak le lungdam nak tuah a heng mi thupha cu mihing hempoh tei humah a dim um sesem tuk hi.
\v 16 Mah bek sial ngawl mi pakhat sualnak le a hehpih nak bang ve ma hi. Itahum titale, thukhen nak ah sual thu pakhat hang dantat nak thuak tuk hitin, ti hi. Hehpih nak cu sual a tampi hei in luat tuk hitin, ti hi.
\v 17 Mah bek sial ngawl mihing pakhat sualnak hang thihnak in uk hi. Hehpih nak tampi hei in hihen, dikcang nak a piak mi hei hihen a co tute cu Zisuh hang bek sonzawh ngawl a nunnak tuah uk sesem tuk hi.
\v 18 Mah ten mi pakhat sual hang mi hempoh thukhen nak a thuak uh bang, mi pakhat dikcang nak hang mi hempoh nunnak tuah a seng mi dikcang nak ah heng hung hi.
\v 19 Itahum titale, mi pakhat thungaih ngawl hang mi hempoh sual a heng bang in, mi pkhat thungaih nak hang mi hempoh te dikcang nak ah heng hi.
\v 20 Mah bek sial ngawl dan thukham a hen hang, sualnak cu tam sesem hi. Mah naven, sual a tamnak ah hehpih nak tam sesem hi.
\v 21 Mah tihbang in a hitale sual cu thihnak in a uk bang, ohtei Topa Zisuh hang a hehpih nak cu kumkhua nunnak tuah a seng mi dikcang nak a piak hang in uk hi.
\s Nunnak thak sungah kalsuan nak
\c 6
\p
\v 1 Mah tin ahitale, itin son kam nung? Hehpih nak tam tuk in sual bawl tuk maw?
\v 2 Mah tin bawl mi hima hi. Sual thu ah a thi mite cu mahmi sual thu in itin nung tuk hum?
\v 3 Zisuh Khrih sungah Baptisma a co tu hempoh ten thihnak ah Baptisma co zo hitin nohten thei ma uh cim maw?
\v 4 Mah hang, thihnak ah Baptisma a co nak hang Topa tuah phumnak co zo uh ci. Itahum titale, Khrih cu Pa Pathian huham tuah thihnak pen a thawh leh bang, ohte vang nunnak thak sungah a nung mite hung hi.
\v 5 Itahum titale, ohten Khrih thihnak tuah a bang ve mi mel keng Topa tuah ohte cinnak nei in a um uh ngai tale, thawh leh nak i mel vang keng in cin mi hihnak nei tuk hung hi.
\v 6 Mah bek sial ngawl ohtei nun lun cu Topa tuah thinglamteh humah thihnak thuak zo hi tih cu thei zo uh ci. Itahum titale, ohte cu sualnak sila hihnak ah um leh tuk ngawl sualnak in mah le mah siatsuah tuk ngawl in ohten thei zo hung hi.
\v 7 Itahum titale, a mah cu sualnak pen luat zo hi.
\v 8 Khrih cu thihnak pen a thawh leh ten thihnak pen luat zo hi.
\v 9 A thi mitei lakpen thawh leh nak a nei tu, Khrih cu thihnak um leh tuk ma toh tih cu ohten thei zo hung hi. Thihnak topan uk leh tuk ma toh hi.
\v 10 Khrih a thihnak cu sualnak hang veikhat bek thi hi. A nunnak cu Pathian ca nung hi.
\v 11 Mah bang bok in nohten sualnak tuah a seng mi a thi hihnak hei hihen, Pathian tuah a seng mi cu ohtei Topa Zisuh hang nunnak in hihen, mah le mah ngaisung ta un.
\p
\v 12 Mah hang, a thi thei mi nohtei pumpi deihnak zui tuk in, sualnak in na pumpi cu uk tik pah sin.
\v 13 Na pumpi taksa khente cu sual ngalhiam nam cang tik in sualnak bawl pah su un. Thihnak pen tho leh in a nung mipa bang Pathian lakah mah le mah pia un.
\v 14 Pumpi taksa khente cu ngalhiam pha cang tik in Pathian nelah piak tuk mi hi. Nohte cu dan thukham sungah um ma uh ci. Hehpih nak dan thukham nuai ah na um uh hang, sualnak in nohte uk ma hi.
\s Sualnak i sila le dikcang nak sila
\p
\v 15 Mah ahitale, itihbang hum? Ohte cu dan thukham nuai ah um ngawl in hehpih nak nuai ah a um mi te a hih uh hang, sualnak cu bawl tuk maw? Bawl tuk ma.
\v 16 Nohten mihing pakhat nelah sila bawl tuk in lut uh ci. A mah cu thihnak tuah a seng mi sualnak hei hihen, dikcang nak tuah heng hei hihen, nohtei Topa hihnak cu thei ma uh cim maw?
\v 17 Nohte cu sualnak sila awng naven, a tu cun conak na neih sa mi dan thu cu thinlung tuah thungaih nak na neih zo uh hang, Pathian hehpih nak ngeng zet hi.
\v 18 Nohte cu sualnak pen luat zo na hih uh hang, dikcang nak sila hi zo uh ci.
\v 19 Mah tin ka tih ten, nohte cu thisa deihnak bang ngaihsut nak a dawm hang, leihum awnkam tuah a tihnop nak hi. Nohten na taksa pumpi khente sual tuk in a dindeih huai sualnak sungah sila na um awng uh bang, a tu ah vang pumpi khente thiangtho tuk in dikcang nak sila in cang tik ta un.
\v 20 Nohten sualnak sila na um laih sung hempoh dikcang nak pen luat zo uh ci.
\v 21 A tu in zahcak nak na neih theih uh mi nunnak in na ngamtat uh ten a thupi nemcuam nak co uh cim? Mah tihbang mi nunnak cu thihnak hi.
\v 22 A tu cun, nohten sualnak pen luat in Pathian sila na hihnak uh bang, a thiangtho thupha co uh ci. A tawp tian kumkhua nunnak co tuk uh ci.
\v 23 Sual man cu thihnak hi. Pathian piak mi laksawng cu ohtei Topa Zisuh Khrih hang kumkhua nunnak hi.
\s Dan thukham pen luatnak
\c 7
\p
\v 1 Dan thukham a thei tu U le nau te aw, dan thu cu mihing tei nunnak a neih sungno bek a hih lam nohten thei ma uh cim maw?
\v 2 Tehkip nak in, pasal nei numei in a pasal a thih tian dan thu in pasal hihnak tuah kencih in um hi. A pasal a thih ten pasal hihnak pen luat hi.
\v 3 Mah hang, a pasal thih laih ngawl midang ten a zi in huai tale nu le pa sualnak bawl hi tin sam co tuk hi. A pasal a thi tale mah dan thu pen a luat hang, midang ten a huai tale nu le pa sualnak bawl hitin sam tuk um ma hi.
\v 4 Mah bang bok ka U le nau te aw, nohten midang te thihnak pen a tho leh tupai zi huai mi na hih uh hang, Pathian deihnak bang khangto tuk in Khrih taksa pumpi tuah thi in dan thukham pen khen zo uh ci.
\v 5 Ohten thisa tuah nuncak nak a neih uh ten sualnak tuah a seng mi sualnak te dan thukham hang, thihnak dan thu deihnak bang khangto tuk in, ohtei pumpi khente cu thihnak in cang tik hi.
\v 6 A tuin, Laithiangtho sungah a um mi thukham lun cu muang ngawl in hawvang thiangtho thu a thak muang na dek tuk in, ohten a thi hihnak in uk mi dan thukham pen luatnak co zo hung.
\s Dan thukham le sualnak
\p
\v 7 Mah ahitale itin son tuk hum? Dan thukham sungah sual um maw? Sual um thei ma hi. Mah hang dan thukham bek in sual thu cu keiman thei ing. Itahum titale, hampum nak thinlung nei pahsin hi tin dan thukham in a ti matale, hampum hihnak thei mang hi.
\v 8 Sual cu dan thukham hang co in hampum nak namkim nei tik hi. Dan thukham a um ma tale sual cu thi hi.
\v 9 Kei cu veikhat laih in dan thukham nei ngawl in nung ing. Dan thukham a hen ten sual cu nung leh hi. Kei vang thi ing.
\v 10 Nunnak thu tuah a seng mi dan thukham cu thihnak tuah seng hi tih cu thei ing.
\v 11 Sual cu dan thukham hang co mi a hitale, kei mah zol in mahmi dan thukham in kei mah that hi.
\v 12 Mah hang, dan thukham cu thiangtho hi. Dan thu vang a thiangtho dikcang hangin pha hi.
\p
\v 13 Mah ahitale, phatnak cu ka ca thihnak cang tik maw? Cang tik naisai ma hi. Sual cu a ma hihnak lang tuk in phatnak hang, kei cu thihnak ah heng tik hi. Mah tihbang a hih hang, sual cu dan thukham hang sualnak tuah a dim in cang tik hi.
\v 14 Mah bek sial ngawl dan thukham cu hawvang thiangtho tuah a seng mi hi tih cu ohten thei zo hung. Kei cu thisa hihnak nei ing. Sual ii sila ing.
\v 15 Itahum titale, bawlnak ka neih mi cu deihnak um ma hi. Ka bawl nuam mi cu bawl thei mang. A dindeih huai mi bawl ing.
\v 16 Mah tihbang bawl nuamnak ka neih ngawl mi bawl tale dan thukham cu dik hitin, lungkim ing.
\v 17 Mah ahitale, phat ngawlnak bawl mi cu kei mah loli bawl mi hima hi. Ka sungah sual a um tu sual in bawl hi.
\v 18 Ka sungah a um mi ka thisa hihnak cu phatnak pakhat no hei um ma hi tih cu thei ing. Itahum titale, kei cu bawl nuam nak thinlung nei ta vang phazet in bawl theihnak ka zei vang mu thei mang.
\v 19 Itahum titale, thilpha bawl nuam mi cu bawl thei mang hi. Thilsia a pha ngawl te bawl saw ing.
\v 20 Mah tihbang in bawlnak ka neih ngawl mi cu bawl ten, kei mah loli bawl mi hi ngawlin ka sungah a um sual in bawl hi.
\v 21 Mah tihbang in thilpha bawl nuam nak ka neihten, a pha ngawl bawl tik thei tu cu mu ing.
\v 22 Ka sunglam mihing in Pathian dan thukham deih hi.
\v 23 Mah naven, ka taksa khente ah a um mi thu pakhat in thinlung hawvang a do ten, ka pumpi taksa khen te ah a um mi sual sungah kei cu man in apnak a neih mi cu mu ing.
\v 24 Kei cu thinkham in um ing. Hi thihnak pen a kon kei mah pan thei hum?
\v 25 Ohtei Topa Zisuh hang pan tu Pathian hehpih lungdamnak tampi nei ing. Mah tihbang in, thinlung hawvang tuah Pathian deihnak ah hei hihen, thisa hihnak hang sual deihnak hei in hihen, zui thei ing.
\s Hawvang tuah nunnak
\c 8
\p
\v 1 Mah hang, a tuin Khrih Zisuh ah a um tu nohte cu sual thukhen nak pen luat zo.
\v 2 Itahum titale, Khrih Zisuh sungah a um hawvang tuah a seng mi nunnak thu cu sualnak le thihnak tuah a seng mi thu pen nohte luat tik zo.
\v 3 Pathian in a capa cu sualnak tuah a dim mi thi le sa deihnak tuah a bang ve mi in sualnak ca hah in, thi le sa sualnak cu thukhen in thi le sa hihnak hang thanem in hihen, dan thukham bawl theih ngawl mi dehnak cu bawl sak hi.
\v 4 Thi le sa deihnak bang hi ngawl in, hawvang deihnak bang kalsuan nak a nei tu ohtei lakah dan thukham a piak mite cangkim tik tuk in hi.
\v 5 Thi le sa deihnak ah a nung mite cu thi le sa tuah a seng mi nate ngaisung leng hi. Hawvang deihnak bang a nung mite cu hawvang tuah a seng mi nunnak le daihnak hi.
\v 6 Thi le sa deihnak thinlung cu thihnak hi. Hawvang deihnak thinlung cu nunnak le daihnak hi.
\v 7 Itahum titale, thi le sa deihnak thinlung cu Pathian deihnak a do tu hi. Pathian thu zui thei ma hi. Mah bek sial ngawl zui thei ma hi.
\v 8 Mah hang, thi le sa deihnak ah ngamta mite cu Pathian thinlung tawk thei haw ma hi.
\v 9 Mah naven, Pathian hawvang nohtei sungah a um tale, nohte cu thi le sa deihnak ah a um mite hima uh ci. Khrih hawvang a co ngawl tu cu Khrih tuah seng kha ma hi.
\v 10 Mah hang, Khrih cu nohtei sungah a um tale pumpi taksa cu sual hang thi naven, hawvang cu dikcang nak hang nung hi.
\v 11 Mah bek sial ngawl Zisuh cu thihnak pen a tho leh tik tu Pathian hawvang cu nohtei sungah a um tale Khrih thihnak pen a tho leh tik tu Pathian cu nohtei sungah a um mi a hawvang tuah, a thi thei mi nohtei thi le sa deihnak hei nung tik tuk hi.
\p
\v 12 Mah hang U le nau te aw, ohte cu thi le sa deihnak bang nung tuk in thi le sa deihnak sila hima hung hi.
\v 13 Nohten, thi le sa deihnak bang na nung tale thi tuk uh ci. Hawvang tuah pumpi taksa deihnak bang nung tale nung tuk uh ci.
\v 14 Pathian hawvang thu hilhnak a nei tu hempoh Pathian cate hi.
\v 15 Itahum titale, nohte cu launak a nei thei mi sila thinlung nei leh ma zo uh ci. Ab’ba, ka pa tin sam theihnak le ca hihnak co zo uh ci.
\v 16 Ohten Pathian ca zo hung hitin hawvang in ohtei hawvang tuah theihpih nak tetti nei zo hi.
\v 17 Canu le capa ngai tale lo co, Pathian lo co mite hi uh ci. A mah tuah haksat nak a thuak tale a minthan nak lo co tuk hung hi.
\s A heng tuk mi minthan nak le muansan nak
\p
\v 18 A tuin a thuak mi haksat nak te ohtei lakah a lang mi minthan nak tuah tepkip tale sontak ma hitin, ngaisung ing.
\v 19 Hi leihum Pathian catei a lang nak tuk huncan cu muansan nak tampi tuah ngak ing.
\v 20 Hi leihum a thupi ngawl mi ngam hihnak ah a ma thu in a deihnak zui ma hi.
\v 21 A bawl mi hi leihum cu bulpak siatnak pen luat in, Pathian canu le capa tei minthan nak tuah a dim mi luatnak ah tum tuk hi tih mi muansan nak a neih haw hang hi.
\v 22 A bawl mi hempoh a tu ni tian phunli in, naukei haksat nak thu cu ohten thei zo hung.
\v 23 Mah bek sial ngawl hawvang hehpih nak a co masabel mi ohten canu le capa conak tih mi ohtei pumpi taksa a tatnak cu muansan nak lungsia in um haw hi.
\v 24 Ohten muansan nak hang nunpat nak ngah hung. Muansan nak a mu uh tale muansan nak thu um ma hi. A muh uh mi nate ita muansan nak nei hum?
\v 25 Ohten a muh uh ngawl mi nate muansan nak cu thinsau nak thinlung tuah ngak in um hung.
\p
\v 26 Mah bek sial ngawl ohtei bawl theih nak a neih ngawl mi cu hawvang in bawm hi. Ohten thunget nak a neih kul bang, ithunget tuk tih thei ma hung. Mah hang, ohtei thunget nak cu kam in sonzawh ngawl mi a hihnak hawvang in bawm hi.
\v 27 Thinlung a cek tupan hawvang thinlung a hihnak cu thei hi. Itahum titale, hawvang in mi thiangtho tei thunget nak cu Pathian deihnak bang in bawm hi.
\v 28 Pathian a it tu, a ngaihsut tuptah nak bang in a sam mitei ca Pathian in na hempoh te bang ten a bawlnak cu ohten thei zo hung.
\v 29 Pathian capa cu U nau tampi tei lakpen capa Upa bel a hihnak thu, Pathian a tensa mite cu capa ii mel tuah bang ve tuk in leipi a po laih ngawl in teksa zo hi.
\v 30 Mah tihbang in a tek hamsa mite sam hi. A sam mite vang dikcang nak ah co tik hi. Mah tin dikcang nak ah a um tik mite khaisang hi.
\s Umtu tei nehnak
\p
\v 31 Mah a hih hang, hi thu te itihbang in son tuk um hum? Pathian cu ohtei lam ah a um tale a kon ohtei a langlam ah um ngam tuk hum?
\v 32 A capa a neih calam pamhei sa ngawl in ohtei ca a piak mi capa tuah na hempoh te ohtei lakah pia ngawlin um tuk maw?
\v 33 Pathian ten mi hempoh te a kon mawhsiat thei tuk hum? Dikcang nak ah a um tik tu cu Pathian hi.
\v 34 Sual thukhen tu cu a kua hum? Thih a thuak bek sial ngawl, thihnak pen tho leh in Pathian taklam khut ah um in ohtei ca thunget sak tu cu Khrih hi.
\v 35 Khrih itnak tuah ohte a kon khen sak thei tuk hum?
\v 36 A thungai in Topai ca ohten a cat ngawl thihnak thuak zo hung. Thah tuk in a koih sa mi tuu bang, ohte cu midang ten sialsiah haw zo hi” tin, Laithiangtho a heng mi bang in hi.
\p
\v 37 Mah naven, ohte itnak a nei tupai hehpih nak hang ohten mahmi haksat a thuak laih tak hei in a cuang in nehnak co zo hung hi.
\v 38 Itahum titale, thihnak hei hihen, nunnak hei hihen, vancung mi hei hihen, uktu te hei hihen, a tuin a heng mi hei hihen, a heng tuk laih mi thu hei hihen, huham hei hihen;
\v 39 A sangnak hei hihen, a niamnak hei hihen, a semsuah mi hempoh te hei hihen, ohtei Topai nelah a um mi Pathian itnak cu ohte tuah khen thei tuk ma hi” tin, kei cu upkho nak nei ing.
\s Isarel miphun le Pathian thukam
\c 9
\p
\v 1 Ka theih nak thinlung cu hawvang thiangtho tuah kei ma lamah theihpih nak tetti nei in, kei cu zol thu sonnak um ma hi. Khrih mai pen thuman tuah a hilh mi cu thasiat nak tampi um hi.
\v 2 Ka thinlung sungah a cat ngawl in thinkham haksat nak um hi.
\v 3 Itahum titale, thisa hihnak in ka miphun pih U le nau tei ca kei cu Khrih tuah khen in tamsiat nak hei thuak nuamnak thinlung um hi.
\v 4 A muhte cu Isarel miphun a hih hang capa hihnak ah hei hihen, minthan nak hei hihen, thukhaam tuah hei hihen, dan thukham tuah hei hihen, biakpiak nak tuah hei hihen, thukam nak hei in hihen, a muhte tuah pehtuah haw hi.
\v 5 Pu le pa te tuah pehzom nak vang nei haw. Khrih vang mihing thisa hihnak in a muhtei miphun hi. Khrih cu na hempoh uk in, kum khua thupha muicu a nei tu Pathian hi. Amen
\v 6 Mah tin tih ten, Pathian thukam kho ma hitin ka tih nuamnak hima hi. Itahum titale, Isarel tuah pehzom nak a nei mite cu Isarel mihing ngai hima hi.
\v 7 Mah bang bok Abraham cikhaih hempoh te Abraham ca ngai hima hi. “Isak nelah na miphun kho tuk hi” tin, thuphuan um hi.
\v 8 Mah hang, thi le sa miphun cu Pathian ca ngai hima hi. Thukam tuah a seng mi ca te cu cikhaih a man hitin sialsiah nak um hi.
\v 9 A thukam cu a tu penpan hun can a kim ten hung leh in, Sarah cu capa nei tuk hi” tin, ti hi.
\v 10 Mah bek sial ngawl Rebekah in ohtei pa Isak tuah ca a pai ten,
\v 11 Pathian tennak tuah a seng mi ngaihsut tuptah nak a bawl hang kho ngawl in a sam tupai deihnak hang kho tuk in, ca a hin laih ngawl a ca te cu a pha dehnak bawl mi le a pha ngawl in dehnak bawl mi a um laih ngawl in;
\v 12 “Capa Upa saw cu capa nauta saw ii sila hi tuk hi” tin, numei nui nelah thupia hi.
\v 13 “Jakop cu it ing. Esau cu hua ing hi” tin, Laithiangtho sungah a ngat mi bang in hi.
\s Pathian tennak
\p
\v 14 Mah ahitale, itin son kam nung? Pathian cu thudik a man ngawl in a bawl mi um maw? Mah tin son mi hima hi.
\v 15 Itahum titale, Pathian in hehpih nak ka bawl nuam mite hehpih nak bawl tung. “Lainat nak ka neih mite lainat nak nei tung hi” tin, Mosi lakah ti hi.
\p
\v 16 Mah hang, mihing deihnak in hihen, zuamnak ah hei hihen, um ngawlin lainat nak a nei tu Pathian lak bek ah um hi.
\v 17 Itahum titale, Laithiangtho sungah Faro kumpi nelah a tih mi cu, “Ka huham cu na nelah lak tuk in hihen, Ka min cu leihum hempoh ah thang tuk in hihen, nang cu khaisang zo ing hi” tin, ti hi.
\v 18 Mah bang bok a hehpih nuam mi cu hehpih nak bawl hi. Thinlung a khoh tik nuam mite vang a lungkhoh tik hi.
\p
\v 19 Mah ahitale, Pathian cu mawhsiat nak nei laih cim maw? A kon a deihnak khamsak awng hum tin ti tuk maw?
\v 20 Pathian donak a nei mipa aw, nang a kua nge cim? Bawl tuk mi nate a bawl thei mipai lakah, “Ita kei mah hi” tin bawl nge cim tin ti tuk cim maw?
\v 21 Bel bawl tupa’n leibel nei hima maw? Leibel man tukin belpha, belsia a bawl theihnak nei hima maw?
\v 22 Pathian in a thinuuk nak cu lang in a huham lang tik tuk a deihnak hang, siatsuah tukin a bawl mi thinuuk nak bel te cu thinsau nak tuah a sup a hi tale i son tuk um laih hum?
\v 23 Mah bek sial ngawl, a minthan nak tuk a bawl ham mi lainat nak tuah a seng mi leibel te a minthan nak tam sesem lang tuk in bawl mi a hi tale, i son tuk laih hum?
\v 24 Pathian in, ohte a lainat tuah a seng mi leibel hihnak in Judah miphun te bek sial ngawl miphun dang te vang sam hi.
\v 25 Hosea Laithiangtho sungah, “Ka minphun a hi ngawl mite cu ‘Ka miphun’ tih hei in hihen, itnak ka neih ngawl mite itnak nei ing hi” tin, sam tung hi.
\q
\v 26 Nohten ka miphun hima uh ci tin a tih haw mi mah laipen hei in nohte cu ‘A nung mi Pathian cate uh ci tin samnak co tuk uh ci’tin a tihnak bang in hi.
\p
\v 27 Isaiah in Isarel miphun te tuah seng in Isarel miphun te tuipi thuanthum philnel a tam bang naven a tang mite bek nunpat nak co tuk hi.
\q
\v 28 Itahum titale, Pathian thupiak mi cu hi leihum ah cangkim tik in a dik a man in thukhen tuk hi” tin, ti hi.
\p
\v 29 Mah bang bok Isaiah in Pathian cu ohtei ca miphun a tang tik ma tale ohte cu Sadom khuapi bang cang in Komorah khuapi tuah bang zo hung hi.
\s Isarel miphun tei sualnak
\p
\v 30 Mah hang, itin son tuk hum tih mi cu dikcang tuk in zuamnak a nei ngawl mi miphun dang ten dikcang nak co ngah haw zo. Mah tin tih ten, upnak hang co ngah nak neih mi dikcang nak hi.
\v 31 Dikcang nak tuah a seng mi thu co ngah tuk in a zuam tu Isarel miphun ten dikcang nak heng ban haw ma hi.
\v 32 Ita heng ban haw ma kaw? Upnak tuah zui ngawl in dan thukham tuah a zui haw hang heng thei haw ma hi.
\v 33 Laithiangtho a heng mi bang a bah thei mi suang, a sual tik thei mi suang cu Zion mual hum ah koih zo hi. Mahmi suang a um tute cu zahcak nak um tuk ma hi” tin, ti hi.
\s Upnak tuah co mi nunpat nak
\c 10
\p
\v 1 U le nau te aw, Isarel miphun te nunpat nak co tuk in thinlung deihnak ka neih hang, Pathian nelah thungen ing.
\v 2 A mun Pathian thu a kinmawh theihnak tuk in a muhtei ca theihpih nak tetti nei ing. Mah naven a mun a man mi cihnak nei haw ma hi.
\v 3 A mun Pathian dikcang thu cu thei ngawl in a dikcang nak kho tik tuk a zeih haw hang, Pathian dikcang nak thu lungkim haw ma hi.
\v 4 Umtu hempoh te dikcang nak ah heng thei tuk in dan thukham cu Khrih hang cangkim nak um hi.
\v 5 Mosi in, mahmi thukham zui nak hang nung tuk ci tin dan thukham tuah a seng mi dikcang nak thu cu camcawh in ngan hi.
\v 6 Upnak tuah a seng mi dikcang nak thu tih mi cu;
\v 7 Vanhum ah a kua kai tuk hum? ‘Sonzawh ngawl a thuknak sungah a kua tum suk tuk hum tin, thinlung sungno hei in ngaisung pah sin hi” tin, ti hi. Mah tih ten Khrih cu pui to in vanhum ah a kua kai tuk hum? Khrih cu thihnak pen tho leh tik tuk in leithuk sungah a kua tum suk tuk hum” tin a tihnop nak hi.
\v 8 Mah bek sial ngawl itin son laih hum? Pathian thu cu nohte nai ah um hi. Na kam pen hei in hihen, na thinlung ah hei hihen um hi” tin, ti hi. Mah tin a tih ten, kohtei hilh mi upnak thu a tihnop nak hi.
\v 9 Na kam pen Topa Zisuh cu phuang in na thinlung sung pen Pathian in a mah cu a thi mitei lakpen tho leh tik zo hitin na um tale nunpat nak co tuk ci.
\v 10 Dikcang nak ah heng tuk in thinlung tuah up tuk mi hi.
\v 11 Nunpat nak co tuk in kam tuah phuan suah tuk mi hi. Laithiangtho a heng bang, mahmi suang a muang tute cu zahcak nak um tuk ma hi” tin, ti hi.
\v 12 Judah miphun, Grik miphun tih um ngawl in mi hempoh uktu Topa pakhat bek um hi. Topai nelah thungen tu hempoh ten hehpih nak tampi co hi.
\v 13 Itahum titale, Topa Pathian thunget nak a nei tu hempoh ten nunpat nak ah heng haw tuk hi.
\s Thuthangpha zak nak hang up nak
\v 14 Mah hang na um ma tale itin thungen thei tuk hum? Thuthangpha zaknak um ma tale itin um thei tuk hum? Hilh tu a um ma tale itin za thei tuk hum?
\v 15 Mihing a hah ma tale itin hilh thei tuk hum? Mah bang bok Laithiangtho a heng mi cu daihnak le lungdam nak thuthangpha hilhtu tei ke cu izah tak in mawi hum” tin, ti hi.
\p
\v 16 Mah naven, mi hempoh ten lungdam nak thuthangpha um haw ma hi. Kamsang Isaiah in, Topa aw, kohtei hilh mi thuthangpha cu a kon upnak nei hum” tin, ti hi.
\v 17 Mah hang, upnak cu zaknak hang hi. Zaknak vang Pathian thu awnkam hang hi.
\v 18 Mah hang, mi hempoh ten zaknak nei ngawlin um haw zo maw. A thungai in zaknak nei khawng haw zo. “A muhtei aw cu ngam hempoh ah thang in a muhtei awnkam cu leipi mawk tian heng zo.
\p
\v 19 “Ka son leh mi cu Isarel miphun ten hi thu thei haw ma maw. Mosi in sontham ngawl mi miphun hang, nohte cu sonsiat nak thinlung nei tuk in hihen, cihnak a nei ngawl miphun hang thinuuk tik tuk in hihen, bawl tung hi” tin, hilh ham zo hi.
\p
\v 20 Isaiah in ngalhang zet a tih mi cu kei mah a zei ngawl miten kei mah mu haw zo. Keimah thu dot nak a nei ngawl mitei lakah lang zo ing hi” tin, ti hi.
\p
\v 21 Isarel mite a hilh leh mi cu thungai ngawl miphun tei lakah sun nilui ka khut phalh zo ing hi” tin, ti hi.
\s Hehpih nak tuah a seng mi a tennak
\c 11
\p
\v 1 Mah a hitale, Pathian in a miphun te lawl in vawk zo maw tin a dot ten, vawknak um ma hi” tin, ti hi. Kei mah hei Isarel miphun ing. Abraham miphun, Benzamin cikhaih ing.
\v 2 Pathian in a tensa mi a miphun te vawk ma hi. Kamsang Elijah in Pathian aw, a mun Topai kamsang mite that haw zo.
\v 3 Pathian aw, a mun Topai kamsang te that in biakpiak nak taitan dawh te siatsuah khawng haw zo hi. Kei mah pakhat bek tang in ka nunnak hei that tuk in zei haw hi” tin, ti hi.
\v 4 Mah hang, Pathian in a ma nelah itin don leh hum? Baal mai ah khuk a din ngawl mihing thawngsalih te kei ma ca koih zo hi” tin, ti hi.
\v 5 Mah bang bok a tu hun can ah hei a hehpih nak hang a ten mi a tang um laih hi.
\v 6 Hehpih nak tuah a co tale a deh le bawlnak hang hima hi. Bawlnak um tale deh le bawl nak neih mi cu deh nak hima hi.
\v 7 Mah ahitale itin hum? Isarel miten a zeih mi cu mu haw ma hi. Tensa mite bek in mu haw hi. A tang mite cu khuathim in sinkhup hi.
\v 8 Mah bang bok Laithiangtho a heng bang Pathian in hihbuh nuamnak thinlung hei hihen, khua mu thei ngawl mitcaw bang in hihen, thu za thei ngawl bengbul bang in hihen, a muhtei lakah pia zo hi” tin, ti hi. Mahmi Laithiangtho cu tu ni tian cangkim hi.
\p
\v 9 David in a muhtei cabuai cu a muhtei thang hei in hihen, humkua hei in hihen, suih bah sualnak hei in hihen, thuak tak mi sualnak hei in cang ta hen.
\q
\v 10 A mun khua mu thei ngawl a mit thim haw tahen. A muhtei ngumzang te vang a cat ngawl in bawngkut le leng ta hen” tin, ti hi.
\s Miphun dang tei lakah a heng mi nunpat nak
\p
\v 11 Mah ahitale, Isarel miphun te bah in a um tuk tian lum haw zo maw tin dong tale bah in um haw ma hi. A muhtei thinlung thazang ngahnak tuk in, a muhtei lupbah nak hang hehpih nunpat nak cu miphun dang tei lakah heng hi.
\v 12 A muhtei bahnak cu leihum mitei khantoh nak hei in hihen, a muhtei sunnak cu miphun dang tei khantoh nak hei in hihen, a bawl tale a muhtei cangkim nak cu bawlphat nak nei sesem tuk hima maw?
\v 13 Mah tin tih ten kei cu miphun dang te tuah a seng mi nungzui tu ka hih bang, mahmi nungzui hihnak cu khaisang in;
\v 14 Ka miphun pih tei thinlung pakhat thu heng tik in, a muhtei sung pen mi hekkhat te nunpat nak co tuk in miphun dang nohtei lakah ti ing hi.
\v 15 A muhte a lawl nak cu leihum mitei pawlkom nak a hitale, a muhte a hilh nak thu cu thihnak pen a tho leh bang in cang tuk hima maw.
\v 16 Masabel in moh cop mi a thiangtho tale a pungsung hempoh thiangtho tuk hi. A zung thiangtho tale a kangkak te vang thiangtho tuk hi.
\v 17 A hekkhat kangkak te ektuah vawk in a sia tanluan kung tih mi nangmah cu a humpen a peh hang, a kangkak te le tanluan zung hei hihen, a thau hei hihen pehtuah nak a um tale ektuah in lawl mi a kangkak te cu mawhsiat ultun nak nei pah sin.
\v 18 Tuangkhawng tale nang cu a zungbawm tu hima ci. A zung bek in nangmah bawm hi.
\v 19 Kei mah tuah peh tuk in, a kang te ektuah in hitin titale a thungai in ektuah co tuk ci.
\v 20 Upnak neih ngawl hang a muhte ehtuah co in, nang cu upnak bek hang kho ci. Ngalnak thinlung nei pah sin. Launak thinlung nei in.
\v 21 Itahum titale, Pathian in a um sa mi kangkak te a pamhei ma tale nohte cu pamhei tuk maw.
\v 22 Mah hang, Pathian na se zet thukhen nak a neih mi le a hehpih nak te zo leh ta un. Na sezet thukhen nak cu a bah mitei hum ah um in Pathian hehpih nak cu mahmi hehpih nak tuah a kho tale na humah um hi. Pehtuah nak a um ma tale nang cu sahtan tawk tuk ci.
\v 23 A muhtei up ngawl nak cu a vawk tale a kung ah peh in phut leh theih nak co haw tuk hi. A muhte peh tuah in phut leh tuk cu Pathian in bawl thei hi.
\v 24 Itahum titale, a siasa mi tanluan kung pen nang cu sat tawng in, a pha mi tanluan kung ah a hihnak bang ngawl pehin phut tale kangkak umsa a muhte cu mahmi tanluan kungah peh in phut mi cu a kangkak peh tuah pal thei saw tuk ma maw?
\s Isarel miphun hempoh tei nunpat nak
\p
\v 25 U le nau te aw, nohten nangmuh le nangmuh micip ing hitin ngaisung tuk ngawl in, hi thu-thup sel mi te thei tuk ngawl cu deih mang hi. Thuthup sel mite cu Isarel hekkhat lungkhoh nak a nei mitei ca miphun dangte cangkim nak ah a hen tian khuathim in khuh hi.
\v 26 Mah tihbang cun Laithiangtho in Isarel mi hempoh nunpat nak co haw tuk hi. Laithiangtho in, nunpan tu Topa cu Zion mual hum ah heng in, phat ngawl nak sual cu Jakop miphun tei lakpen pial tik tuk hi.
\q
\v 27 A muhtei sual cu lawl sak nak ka neihten a muhtei lakah ka piak mi thukhaam hi” tin, Laithiangtho ngat mi bang in hi.
\p
\v 28 Thuthangpha bang nohte cu a muhtei ca ngal in cang naven, tennak bang tang laih pu le pa tei thu hang a ih mite hi haw hi.
\v 29 Itahum titale, Pathian samnak a neih mi hehpih nak cu thukam pelh leh tih um ma hi.
\v 30 Nohte cu huncan khat laih Pathian awnkam thu ngai ngawl a tuin a muhtei thu ngaih ngawl hang, lainat nak co uh ci.
\v 31 Mah bang bok nohtei co mi lainat nak hang, a muhte vang lainat nak co tuk in a mun a thu ngai haw ma hi.
\v 32 Pathian in mi hempoh lainat nak co tukin, mi hempoh ten a thu ngai ngawl in um hi.
\q
\v 33 Pathian cihnak le theihnak cu zalzet in thuk zet hi. Thukhen nak te a kua mah in cek thei haw ma hi. A hawhnak lamzin zui in zei ta vang muh bat le theih zawh ma hi.
\q
\v 34 Pathian thinlung cu a kon thei hum? A nung mi Pathian tuah a kon thusiam ngel awng hum?
\q
\v 35 Lungdam thu hilh tukin a nung mi Pathian nelah a kon lungdam thu hilh ma sa awng hum?
\p
\v 36 Ihempoh cu Topai sungpen hihen, Topai hang in hihen, Topai ca tuk hi. A cat ngawl in minthan nak um tahen. Amen.
\s Hawvang tuah a seng mi biakpiak nak
\c 12
\p
\v 1 Mah hang U le nau te aw, Pathian hehpih nak hang nohtei lakah ka sosuah nuam mi nohtei pumpi taksa cu Pathian deih mi a thiangtho a nung mi biakpiak nak nei ta un. Mahmi cu nohtei hawvawng tuah a seng mi biakpiak nak hi.
\v 2 Nohten leihum mite bang um pah sun. A pha deih awh a cangkim mi Pathian deihnak te i hum tih cung thei tuk in, thinlung thak lepnak tuah nundan thek un.
\p
\v 3 Nohten nang muhtei ngaihsut nak sang a val ngaisung ngawl in, Pathian in mi hempoh tei lakah upnak a piak zo bang a deihnak ngaihsut tuk mi cu hehpih nak ka co mi suang in, nohtei lakah a um mi hempoh thu cah ing hi.
\v 4 Tehkip nak in pumpi taksa khen tampi a um bang, mahmi khen tampi ten bawl tuk pakhat bek a neih ngawl bangin;
\v 5 Mah bang bok a tam saw ohten Khrih sungah pumkhat hihnak hang taksa khenkek mite hi hung hi.
\v 6 Mah a piak mi hehpih nak bang ohten laksawng khen tampi co tu a hih uh hang, kamsang tu a um tale upnak a co ngah mi bang kamsang bawl hen.
\v 7 Hilhtu saza a um tale hilh tu saza hihnak bawl hen. Sila na dehnak a ngah tuten sila na dehnak nei ta hen.
\v 8 Thu sosuah thiamnak a co tupan sosuah nak na dek ta hen. Piaknak a co ngah tupan phalnak thinlung tuah pia hen. Lamhoih thiamnak a co tupan teimak nak thazang tuah lamhuai hen. Hehpih bop thiamnak a co tuten lungthiang no bawm hen.
\s Khrihstian tei thinlung
\p
\v 9 Itnak thinlung cu bawl hem um ma hi. Thilpha ngawl te hua in a pha mi nate khim zet len hi.
\v 10 U le nau suahpih laicin te itnak thinlung tuah pakhat le pakhat ngaina dun in, maizah U pat nak sungah midang te a mah sang thupi saw hi” tin ngaisung un.
\v 11 Teima thazang suah thazawng ngawlin, hawvang thu ah thinlung sikhat in Pathian na dek ta un.
\v 12 Muansan nak sungah lungdam un. Haksat nak a hen ten thinsau nak tuah thuak lo ta un. Thunget nak a catngawl in bawl un.
\v 13 Mi thiangtho te a haksat ten pia ta un. Khual zin cawmnak teima in bawl un.
\v 14 Nangmuh a bawlsiat tutei ca thupha pia ta un. Tamsiat ngawlin itnak sawn lang tik ta un.
\v 15 Lungdam mite tuah lungdam nak hei hihen, a kap mite tuah kahnak hei hihen na bawl ta un.
\v 16 Pakhat le pakhat thinlung khat in na um ta un. Ngalnak thinlung nei pah sun. Niamkhiat mite tuah phialdun ta un. Nangmah le nangmah cihnak nei ing hi” tin, ngaisung pah sin.
\v 17 A kua mah hum ah phat ngawlnak tuah phuzul leh pah sun. Mi hempoh tei mai ah a pha a mawi mi nun nei tuk in ngaisung ta un.
\v 18 Nohten a cang thei tawp in mi hempoh te tuah a lem dun no na um ta un.
\v 19 Ka ih mite aw, midang ten nohtei lakah sual a bawl tale nangmah loli in phulzul leh pah sin. A thinuuk haw ta hen. Laithiangtho sungah Kei cu sual thukhen nak nei ing. A sual tha man bang keiman pia tung hi” tin, Pathian in thupia hi.
\q
\v 20 Mah hang, na ngalte a ning kial tale an pia in. Dang a dum tale in tuk tui pia in. Mah tin na bawl tale a luhum ah meiling seh tuk ci.
\p
\v 21 Siatnak cu nehnak pia ngawlin, a pha in a sia cu neh in.
\s Uktu tei bawl tuk mi na
\c 13
\p
\v 1 Uktu tei uknak thu cu mi hempoh in a thu ngai ta hen. Itahum titale Pathian in thu neih nak a pia ma tale, uk tutei thuneih nak um ma hi. Uktu hempoh Pathian piak mi hi.
\v 2 Mah hang, uk tutei thu a do tu cu Pathian thukhen nak do tupa hi. Mah tihbang in a do tu cu sual thukhen co tuk hi.
\v 3 Uk tuten ziaza pha a nung mitei ca lau tuk um ma naven, nuncan ziaza pha ngawl miten lau tuk hi. Uk tutei thu ngai ngawl in um nuam cim maw? Nuncan ziaza pha in nung in. Mah tihbang na bawl tale uk tutei pahcoih nak co tuk ci.
\v 4 Itahum titale, a mah cu nanngma nelah phatnak bawl tuk Pathian na dek tu sila te hi. Nuncan ziaza phat ngawlnak a bawl tale lau ta hen. Uk tupai a cawi mi nam cu a thupi ngawl in cawi ma hi. Nuncan ziaza a pha ngawl mite thukhen in, thukhen nak pia thei mi Pathian na dek tu sila te hi.
\v 5 Mah hang, thukhen launak bek in Kumpi thu nei tutei uknak cu lungkim tuk mi hi. Mah le mah thei thiam in a thu ngaih tuk mi hi.
\v 6 Mahmi thu hang siah pia ta un. Kumpi uk tute cu Pathian na cingkem tu a hih hang, a cat ngawl in a na dek ta un.
\v 7 Mah hang, na pumpak tek in piak nak nei ta un. Siah piak taak mite cu siah pia in hihen, siahkhon tuk a taak mite siah pia tuk hei in hihen pia ta un. Lau a taak mite cu lau un. Upat a taak mite cu U pat un.
\s Dan thukham a cangkim mi itnak
\p
\v 8 Pakhat le pakhat itnak sial ngawl leibat imah nei pah sun. Midang a it tu cu dan thu a cangkim nei zo hi.
\v 9 Itahum titale, nu le pa sual bawl pah sin, zol thu son pah sin, mi thil huaza in deihnak nei pah sin tihmi thukham penpan thukham dang hempoh nangmah tuah a seng mipa cu nangmah na ih bang bok in it in hi tihmi thukham pakhat ah a tel mi hi.
\v 10 Itnak a nei tu cu a mah tuah a seng kha ngawl mipai phatnak siatsuah tuk ma hi. Mah hang, itnak cu dan thukham zui mi cangkim nak hi.
\p
\v 11 Mah bek sial ngawl ohte nunpan a hehpihnak cu ohtei upnak a pat mi ni sang, a tuin nai saw a hihnak hang hi.
\v 12 Zan hun bo in, zinglam hun heng awndiak toh a hih hang, a tuin hihbuh nak pen thawh hun heng zo hi” tin ohten thei in khuathim nuncan ziaza te zamsan in, vaknak ngalthuam vansilh in na dek tuk hung hi.
\v 13 Puai bawlnak, a ngui thei kham thei in nak, a dik ngawl mi nu le pa sualnak hei hihen, huuknak le lannak thinlung zui nak hihen, hauhdun nak le iksik nak ah hihen ngamta ngawl in, sun huncan bang a zohmawi mi nunnak tuah kalsuan ta un.
\v 14 Topa Zisuh Khrih thuam vansilh ta un. Thi le sa deihnak kim tik tuk in ngaisung pah sun.
\s Umtu pakhat le pakhat phialdun nak
\c 14
\p
\v 1 Upnak thanem mite cu na saang ta un. Mah naven, buai nak le hauhdun nak a heng tik thei mi thu sonkhawm pah sun. An hempoh te eih theih hitin mi hekkhat ten um haw.
\v 2 Thanem miten thingthei ceh hing bek ei haw.
\v 3 An phun nam kim a ei tuten, a ei ngawl tute sumsial ngawl in um pah su hen. A ei ngawl miten a ei tu te vang thukhen sak pah su hen. Itahum titale, Pathian in saang zo hi.
\v 4 Midang te thukhen tu nang cu a kua nge cim? A mah cu a Topai thukhen nak sual ngaihdam nak, sual dantat nak bek co hi. A mah cu sual ngaihdam nak co tuk hi. Itahum titale, sual ngaihdam thei tu Pathian in bawl thei hi.
\v 5 Mi pakhat in nikhat cu a dang nikhat sang thupi saw hitin ngaisung thei hi. Mi pakhat in ni hempoh cu bang ten poh hitin ngaisung hi. Mi hempoh in a muhtei ngaihsut nak thinlung sungah upnak a dim nei ta hen.
\v 6 Ni khat cingkep nak a nei tupa cu Pathian ca cingkem hi. Nikhat cingkep nak a nei ngawl mipa vang Pathian suang in cingkem ma hi. Eihnak a nei mi in Pathian ca ei hi. Eihnak a nei ngawl miten Pathian ca ei ngawl in lungdam nak Pathian nelah san hi.
\v 7 Ohtei lakpen a ma ca in a nung mi pakhat no hei um ma hi. A ma ca a thi tu vang a kua mah um ma hi.
\v 8 A nung uh tale Topai ca nung in, a thi uh tale Topai ca in thi hi. Mah hang, nun hihen, thih hihen, Pathian tuah seng hi.
\v 9 Itahum titale, Khrih in a thi mite hei hihen, a nung mite hei hihen, uktu Topa cang tuk in a thih nungten tho leh zo hi.
\v 10 Mah ahitale, nang ita na suahpih lacin te thukhen thei kam? Na U le nau suahpih laicin te ita sumsial ngawlin bawl thei kam? Ohtei venghawng Khrih thukhen nak tokham mai ah heng khawng tuk hung hi.
\v 11 Laithiangtho a heng mi bang a nung mi ka hih hang, ka mai pen mi hempoh khukdin haw tuk hi. “Pathian in mi hempoh a kam pen thukam phuansuah nei tuk hi” tin, Pathian in ti hi.
\p
\v 12 Mah hang, ohtei venghawng in Pathian thukhen nak co tuk hung hi.
\s Itnak tuah deh le bawlnak
\p
\v 13 Mah hang, a tu penpan ohten pakhat le pakhat thukhen ngawlin um tuk hung hi. U le nau pakhat le pakhat a bah thei mi sualnak cang tuk ngawl in thukhen ta un.
\v 14 An hempoh a ma hihnak bang in a nawngkai ngawl thu keiman Topa Zisuh cu a man mi theihnak ka neih hang, upkho muannak nei ing. Mah naven, pakhat cu a nawngkai hi tin a ngaisung tu tei ca thiangtho ma hi.
\v 15 An eih thu hang na U le nau te lungik nak le thinnat nak na suak tik tale nang cu itnak tuah a nung ca mi hima ci. Khrih thihnak le a hehpih nak a co tu cu an na eih hang sia tik pah sin.
\v 16 Nohtei ca a pha mite mawhsiat nak in cang tik pah sun.
\v 17 Pathian uknak ngam cu in le eih nak ah um ma hi. Dikcang nak, daihnak, hawvang thiangtho tuah co mi lungdam nak ah um hi.
\v 18 Mah tihbang nung in Khrih na dehnak a nei tu cu Pathian mai pen a deihawh mi mihing tei pahcoih taak mi hi.
\v 19 Mah hang daihnak hei hihen, pakhat le pakhat khantoh nak ah hei hihen a seng mite cu zuam ten tuk hung.
\v 20 An hang Pathian na dehnak cu siatsuah pah sin. An hempoh thiangtho hi. Mah naven, midang tei bahnak tuk a ei tu cu sual um hi.
\v 21 Ciik eihnak, cabit tui in nak thu penpan U le nau bahnak tuk thu, sualnak thu, thanem thei mite pial in.
\v 22 Nang cu upnak na nei tale Pathian mai bekah um tik in. A man mi hi tin na co ngah mi na thinlung a thiangtho mi cu muicu thupha um hi.
\v 23 Lungik nak thinlung tuah ei tale upnak thinlung nei ngawl in a eih hang, thukhen nak co tuk hi. Upnak thinlung tel ngawl in deh le bawl mi hempoh sual hi.
\s Khrih nun bang in kal suannak
\c 15
\p
\v 1 Mah a hih hang, thazang a nei ohten na deihnak ah zui ngawl in thanem mitei thanau nak cu bop tuk kul saw hi.
\v 2 Ohtei venghawng in a mah tuah a seng mipai khantoh nak pia tuk a phatnak zo in, a deihnak ah zui ta un.
\v 3 Itahum titale, Khrih cu a ma deihnak ah zui ma hi. Laithiangtho a heng mi bang mawhsiat nak thuak hi. “Topa mawhsiat nak a nei mitei awnkam cu kei ma humah heng hi” tin, Laithiangtho sungah um hi.
\v 4 Ohten Laithiangtho sungah a um mi suupnak le thazang piaknak tuah ohtei lakah muansan nak nei tuk in hi.
\v 5 Nohten ohtei Topa Zisuh Khrih Pa Pathian pakhat a hihnak cu kam tuah thangphat tuk in;
\v 6 Zisuh Khrih deihnak bang pakhat le pakhat thinlung khat um thei tuk in suupnak, daihnak kumpi, Pathian in a hehpih bopnak nei ta hen.
\p
\v 7 Khrih in Pathian minthannak lang tik tuk in nang muhte a co nak a neih mi bang, nohten pakhat le pakhat co ta un.
\v 8 Thu hilh nak ka neih bet leh mi cu Zisuh Khrih in Pathian thudik thu lang tik tuk in pu le pa tei thukam nak a neih haw mite kho tik tuk in;
\v 9 Vun lek talhnak a co mi na dehnak nei hi. Grik miten, Pathian hehpih nak cu a lamdang in thangphat haw tuk hi. Mah bang bok Laithiangtho a heng mi bang in Grik miphun sung pen keiman a min thangphat nak lasa tung hitin, heng hi.
\p
\v 10 Mah ten, “Miphun dang hempoh te aw, Pathian miphun te tuah lungdam un hi” tin, ti hi.
\p
\v 11 Mah cengten, miphun hempoh te aw, Topa cu thangphat un hi” tin, ti hi.
\p
\v 12 Isaiah in, “Jeesi in a zung po tuk hi. Mi phun dang hempoh te uk tuk in a heng mipa hi tuk hi. A mah cu miphun dang ten muang haw tuk hi” tin, ti hi.
\p
\v 13 Nohten hawvang thiangtho huham tuah muansan nak dim tik tuk upnak thinlung nei in lungdam nak le daihnak cangkim a dim nei tuk in muansan nak kumpi, Pathian in hehpih bopnak nei ta hen.
\s Thuthangpha tuah a seng mi Paul na dehnak
\p
\v 14 Ka U le nau te aw, nohten a pha mi ngaihsut nak thinlung a dim theihnak phunkim tuah dim in, pakhat le pakhat ngallin thu hilh nak nei thei tuk uh ci tih cu um ing.
\v 15 Mah naven, miphun dang tei ca kei cu Khrih Zisuh na dehnak nei tu tuk cang tik in;
\v 16 Pathian thuthangpha tuah a seng mi thiampi na dehnak dek tikin, miphun dang te hawvang thiangtho tuah a thiang tho co mi deihawh biakpiak nak cang tik in, ka nelah Pathian apnak a piak mi a hehpih nak hang nohte cu ngallin nak pia leh tuk a hekkhat thu ah ngalhang zet laikuat ing.
\v 17 Mah hang, Pathian tuah a seng mi thu cu Khrih Zisuh hang ultun tuangkhawng tuk mi um hi.
\v 18 Itahum titale, miphun dang thu zui tuk in Khrih in keimah cu mang in, a thu-awnkam tuah a bawl hang in hihen;
\v 19 A lamdang thasiah huai te huham tuah hei hihen, Pathian hawvang huham tuah hei in hihen, a bawl mi na tei lak pen sial ngawl i thu hei ngalhang zet son ngam mang hi. Mah hang, kei cu Jerusalem khua pen pan IIIyricum ngam piam le pam hempoh ah Khrih thuthangpha hilh khawng zo ing.
\v 20 Mah tin thu hilhnak cu kei man midang tei innsak sa humah sa ngawl in, Khrih thuthangpha cu zaknak a nei ngawl mitei umnak munah zuamnak thinlung nei ing.
\v 21 Mah bang bok “Laithiangtho sungah a muhtei thu cu a kua mah in hilhnak a nei ngawl vang, a muhten mu haw tuk hi. Thu zaknak a nei awng ngawl miten thei haw tuk hi” tin, ti hi.
\s Rom khua ah hawh tuk in Paul ngaihsut nak
\p
\v 22 Mah hang, nohtei lakah hawh thei tuk ngawl in kei mah khamnak tampi um hi.
\v 23 A tu cun hi umnak munah na dehnak ka neih leh ngawl toh hang, nohtei umnak ah hawh tuk in kum tampi huncan deihnak a um bang;
\v 24 Spain ngamah ka hawh ten, lamzin pen nang muhte tawk in nang muhte tuah phialdun in lungkim nak tampi neih nungten, mah lai ngam ah nohtei hetnak hang lungdam ing hitin muansan nak nei ing.
\v 25 A tuin kei cu mi thiangtho tei na dek tuk in Jerusalem khua ah hawh tung.
\v 26 Itahum titale, Mecidonia mite le AKhaia te cu Jerusalem khua a um mi thiangtho tei lakpen mizawng haksa te bopnak pia in, thinlung phalnak a nei mite hi.
\v 27 A mun phalnak thinlung ngai a neih haw bang a muhtei humah leibat siah tute vang na hi haw. Itahum titale, miphun dang ten a muhtei hawvang thu lam te piaknak a nei haw tale leihum muh theih mi tuah a seng hang a muhtei na bawlsak tuk cu kul hi.
\v 28 Mah hang hi nate celhtian dek in, hi a lu te cu a muhtei lakah phazet no apnak neih cengten, nohtei umnak cu tawn vawk in Spain ngamah hawh tung.
\v 29 Nohtei lakah ka henten, Khrih i thupha muicu a dim tuah heng tuk mi cu thei ing.
\p
\v 30 Kei cu Pathian deihnak bang lungdam nak thinlung tuah nohtei umnak mun ah heng in, nang muhte tuah daihnak co ngel tuk in;
\v 31 Judah ngam um ngawl tutei lakpen luatnak co ngah tuk in Jerusalem khua ah na dehnak ka neih mi cu mi thiangtho tei mai pen deihawh co taak mi a hih hang;
\v 32 Pathian deihnak hang lungdam nak thinlung tuah nohtei lakah daihnak hengin nang muhte tuah daihnak co in zuaamnak tuah kei ma ca Pathian nelah thungen un.
\v 33 Daihnak kumpi Pathian cu nohtei lakah a cat ngawl in um le leng ta hen. Amen.
\s Otpih nak awnkam
\c 16
\p
\v 1 Cen-chre-a khua ah a um mi kohhran Upa na dehnak a nei tu, ohtei celnu Fibi cu nohtei lakah ap ing.
\v 2 Mi thiangtho ten bawlnak neih tuk a kul mi bang, Pathian zo in a mah cu na saang ta un. A mah cu bopnak a kul mi hempoh ah bawm ta un. Itahum titale, a mah cu mi tampi te hei hihen, kei mah hei hihen a bawm tu hi.
\p
\v 3 Kei mah tuah Zisuh Khrih na dehnak a nei tu Priscilla le Akuila te otpih nak awnkam nei ta un.
\v 4 A mun ka nunnak tuk a muhtei ngawngah tawng co tukin a cingkem tute haw hi. Kei mah pakhat bek sial ngawl miphun dang tei kohhran hempoh ah a mun lungdam thu hilh haw.
\p
\v 5 A muhtei inn ah a um mi kohhran te vang otpih nak awnkam nei haw. Asia ngam ah Khrih ca a masa bel ngah mi ka ihbel Epinetas cu muahnak awnkam nei ta un.
\p
\v 6 Ohtei na deh zuamnak tuah a bawlsak tu Mary cu muahnak awnkam nei ta un.
\p
\v 7 Kei mah tuah thong tangta langkhat, ka miphun Andrunikas le Junias cu muah nak awnkam nei ta un. A muhte cu nungzui tutei lakpen minthang mite haw hi. Kei mah sang masa saw in Khrih a um tute hi.
\p
\v 8 Topai sungah ka ihmi capa Empliatas cu otpih nak awnkam nei ta un.
\p
\v 9 Khrih na ka dehpih Urbanas le ka ihmi capa Stachys te otpih nak awnkam nei ta un.
\p
\v 10 A nungzui ngangai tu Apelles le Atristobulus tei innkua te vang otpih nak awnkam nei ta un.
\p
\v 11 Ka miphun pih Herodian cu otpih nak awnkam nei ta un. Topai sungah um mi Nacrcissus tei innkua vang otpih nak awnkam nei ta un.
\p
\v 12 Topai sungah na deh zuamnak a nei mi Trifena le Trifusa te otpih nak awnkam nei ta un. Topai sungah nasezet zuamnak a nei tu ka ihmi Persis cu otpih nak awnkam nei ta un.
\p
\v 13 Topai na dehnak ah tennak a co tu Ru’fus le a nu cu otpih nak awnkam nei ta un.
\p
\v 14 A-sinkritis, Flekon, Hermes, Patrobas, Hermas le a muhte tuah a um mi U le nau te otpih nak awnkam nei ta un.
\p
\v 15 Filolokus, Julia, Nerias le a muhte tuah um ngel mithiangtho te otpih nak awkam nei ta un.
\p
\v 16 Pakhat le pakhat a thiangtho thut dunnak tuah otpih nak awnkam nei ta un. Khrih kohhran hempoh ten nang muhte otpih nak awnkam nei haw hi.
\s Ngallin piaknak
\p
\v 17 U le nau te aw, nohtei co ngah sa mi hilhnak te do in khenkek nak le sualnak ah a cang thei mite cu sialsiah in pial ta un hi tin nohtei lakah ngallin nak pia ing.
\v 18 Itahum titale, mah tihbang a muhte cu ohtei Topa Khrih na dek ngawlin, a muhtei pumpi ca bek na dehnak, leihum awnkam naldudul neemlawt nak tuah thinlung pha mite cu zol thei haw hi.
\v 19 Nohtei upnak thu na zui uh mi cu mi hempoh tei lakah thang zet a hih hang, lungdam ing. Mah naven, nohten a pha mi thu cu cihnak nei tuk in hihen, a sia mi thu cu sual nei tuk ngawl in hihen, keiman deihnak um hi.
\v 20 Daihnak kumpi Pathian in huncan a ngei ngawl in, Satan cu nohtei ke nuai ah cilpek tuk hi. Ohtei Topa Zisuh a hehpih nak cu nohtei lakah um ta hen.
\p
\v 21 Kei mah tuah na deh langkhat nak a nei tu Timote cu ka miphun pih Lukius, Jason, Sosipater ten nohte cu otpih nak awnkam nei haw hi.
\v 22 Hi lai ngat nak a neihsak tu kei mah Tertias cu Pathian zo in nang muhte otpih nak awnkam nei ing.
\v 23 Kei mah hei hihen, kohhran sungtel mite hei hihen, khualcam an cawm nak a nei thei mi Gaius, khuapi sung lai ngan tu Erastas, nohtei nau pa Quatas te otpih nak awnkam nei haw hi.
\v 24 Ohtei Topa Zisuh Khrih a hehpih nak cu nohtei humah a cat ngawlin um ta hen. Amen
\v 25 Hilhnak ka neih mi Zisuh Khrih thuthangpha phuan nak hang in hihen;
\v 26 Kum ngeipi selcip nak hei hihen, a tu cun Pathian thupiak nak bang in kamsang Laithiangtho sungah a lang zo hang, upnak tuah a seng mi thu zui tuk in miphun hempoh tei lakah theih tik mi thuthup selcip cu pholhsuah let hei in hihen, nohte a kho tik thei tupa hi.
\q
\v 27 Cihnak tuah a dim mi a mah pakhat bek Pathian in Zisuh Khrih hang, a tu le a kumkhua a min thangphat nak um ta hen! Amen