cnw_reg/44-JHN.usfm

\id JHN
\ide UTF-8
\rem The text in this file was extracted from C:/DCS/Chin, Ngawn/WORD/43. JOHN. docx.
\mt Johan
\h John
\mt John
\toc1 John
\toc2 John
\toc3 jhn
\c 1
\p
\v 1 A pat pen pan in thu um hi. Thu cu Pathian tuah um kawm hi. Thu cu Pathian hi.
\v 2 Mahmi thu cu a pat pen pan in Pathian tuah um kawm hi.
\v 3 Mahmi thu cu ihempoh bawl hi. A bawl mi hempoh a ma sung pen a cang ngawlmi pakhat no hei um ma hi.
\v 4 A thu sungah nunnak um hi. Mahmi nunnak sungah mihing tei vak nak hi.
\v 5 A vak nak cu khuathim sungah vak in, khuathim in neh zo ma hi.
\p
\v 6 Johan tin minsam nak a nei mi pakhat cu Pathian in hah hi.
\v 7 A mah cu mihing hempoh ten a ma hang upnak co tuk in, a man vak nak thu theihpih tuk in theihpih tu tetti in cang hi.
\v 8 A mah cu vak nak hima hi. Vak nak thu theihpih nak tetti tuk bek in a heng mi hi.
\p
\v 9 A man ngangai mi vak nak cu hi leihum ah heng in, mi hempoh tei lakah vak nak pia tupa hi.
\v 10 Topa cu hi leihum ah um in hi leihum cu Topai hang a cang mi naven, hi leihum in Topa cu thei ma hi.
\v 11 Topa cu a suah nakah heng naven, a miphun ten a mah cu sang ngawl in um haw hi.
\v 12 A mah co in a sang tu hempoh Topa a um te Pathian capa hih nak pia hi.
\v 13 Mah a cate cu miphun tuah a seng mi hinnak nei mi ca hima hi. Pumpi taksa deihnak tuah in hihen, mihing tei deihnak thu hang in hihen, a hing mi hima hi. Pathian hang bek in hin mi hi.
\p
\v 14 Thu cu mihing tisa cang in hehpih nak hei hihen, thukam tuah hei hihen, cangkim in ohtei lakah a um hang, Pa in capa a neih ca lam cu a minthan nak tuk ohten mu zo hung.
\v 15 Johan in mahmi Topai thu cu theihpih nak tuah au nak a neih mi cu, “Ka nungpen a heng tupa cu ka pian laih ngawl a um zo hang, keimah sang in ngeng saw hitin a tih ten, mah mipa a tihnak hi” tin theihpih nak tuah phuang hi.
\v 16 A cangkim nak te cu a hehpih nak pakhat nung pakhat bet in a hehpih nak cu ohtei venghawng in co zo hung.
\v 17 Itahum titale, thukham cu Mosi khut sungah pia hi. A hehpih nak thu le thudik cu Zisuh Khrih hang hi.
\v 18 Pathian cu a kua mah in mu awng ma naven, a Pai ang sungah a um mi a neih calam capa cu Pathian in lang tik zo hi.
\s Baptisma pe tu Saza Johan theihpih tetti a phuannak
\p
\v 19 Judah miten nang a kua kam tin Johan cu dong tuk in thiampi te le Levi mite Jerusalem khua pen a hawh tik ten, Johan in theihpih nak tetti a neih mi cu;
\v 20 Kei cu Khrih ka hih ngawl nak sel mi imah um ma. Ciang zet hilh ing.
\v 21 A mun, “Mah ahitale nang cu a kua kam? Elijah cim maw tin dong leh leu haw. Johan in, “Kei cu Elijah hi mang hi” tin, ti hi. “A mah cu kamsang pa maw tin a dot leh leu haw ten, mah kha mang hi” tin, don leh hi.
\v 22 A mun, “Nang cu a kua nge cim? Ohte a hah tu a muhtei lakah a don leh theih nak tuk nang ma thu itin hilh leh tuk cim” tin, ti haw hi.
\v 23 Johan in, “Kei cu kamsang Isaiah hilh mi bang, Topa Pathian lamzin te cam tik ta un hi’ tin ngamlak pen aunak aw cu a ma aw hi” tin, ti hi.
\p
\v 24 A sila te cu Farasi te hi.
\v 25 A mun, nang cu Khrih vang hi ngawl Elijah vang hima ci. A mah cu kamsang a hih ngawl nak a man a hitale, ita baptisma pia hum” tin, thu dong leh leu haw hi.
\v 26 Johan in kei cu tui sungah baptisma pia ing. Nohtei lakah nohten theihnak na neih uh ngawl mipa pakhat ding hi.
\v 27 A mah cu ka nungpen heng naven, keimah sang ngeng saw hi. A kedam khau duhsak tuk hei in taak mang hi” tin, don leh hi.
\v 28 Johan in baptisma a piak nak Jodan ngun ngal khat lam Bethani khua ah hi thu te a cang mi hi.
\s Pathian tuuno
\p
\v 29 A zingten Zisuh a hun lih mi cu Johan in a muh ten, hi leihum sual a laksak tu Pathian tuuno cu zo un.
\v 30 “Ka um laih ngawl in a um zo hang, keimah sang a ngeng saw mipa cu ka nungpen a heng mipa hi” tin, ka tih ten a mah tihnop nak hi.
\v 31 A pat in a mah cu thei mang hi. Mah naven, a mah cu Isarel miphun tei lakah lang tuk in kei cu tui tuah baptisma pia in hung ing hi” tin, ti hi.
\v 32 Mah bek sial ngawl Hawvang cu vanhum pen khulo bang heng suk a ma hum ah a kop mi cu mu ing.
\v 33 A pat in a mah cu thei mang. Tui ah baptisma pia tuk in keimah a hah tupa cu mihing pakhat hum ah hawvang heng suk in a kop na muhten, a man hawvang thiangtho tuah baptisma a pia tupa hi” tin, a tih mi bang,
\v 34 Keiman mu in a mah cu Pathian capa a hihnak thu theihpih tu hi” tin, Johan in ti hi.
\p
\v 35 A zingten Johan cu a nungzui tu panih te tuah ding in;
\v 36 Zisuh a hen cu a muh ten Pathianii tuuno cu zo un hi” tin, ti hi.
\v 37 Nungzui panih ten mahmi awnkam a zak ten Zisuh nungah zui haw.
\v 38 Zisuh nung hek kik leh in a mun a zui haw mi cu a muh ten, “I deih uh cim” tin dong hi. A mun, “Saza pa aw” Topa cu i lai ah um nge cim” tin, dong haw. Rabi a tihnop nak cu saza pa tih nak hi.
\v 39 Zisuh in, “Hung un, nohten mu tuk uh ci” tin, a thupiak nak bang a mun zui in a umnak cu mu haw. Mahmi ni in Topa tuah um ngel haw hi. Mah huncan cu taklam nazi pali pawl tuk hi.
\p
\v 40 Johan awnkam za in a nungah a zui tu panih sung pen pakhat cu Simon Pita naupa Andru hi.
\v 41 A mah cu a U Simon Pita in a masa a muh ten, “Kohten Messiah mu zo ung hi” tin a tih ten,
\v 42 A mah cu Zisuh nelah hawh pih haw hi. Messiah tih mi cu Khrih a tihnop nak hi. Zisuh in a mah cu zo in, nang cu Jona capa Simon hi ci. Nang cu Kefas tin sam haw tuk hi” tin, thupia hi. Kefas tih mi cu Pita tin a tihnop nak hi.
\s Fillip le Nathanael
\p
\v 43 A zingten Kallile ngam ah hawh tuk in a deih nak um hi. Mah laih tak Filip cu mu in ka nungah zui in hi” tin, ti hi.
\v 44 Fillip tih mi cu Andru le Pita tei suah nak Betsaida khua pen a heng mipa hi.
\v 45 Filip cu Nathanael a muh ten Mosi thukham sungah hei hihen, kamsang tei Laithiangtho ah hei hihen, ngatnak a neih mi Josep capa, Nazareth khua mi Zisuh cu kohten mu zo ung hi” tin, ti hi.
\v 46 Nathanael in, “Nazareth khua pen a pha mi thil pakhat no hei suak tuk ma hi a tih ten” hung in na zo in hi” tin, ti hi.
\v 47 Zisuh in a ma nelah Nathanael a hun cu a muh ten, zo in hi. Isarel miphun a man mi hi. A mah nelah lupbah nak um ma hi” tin, a mah cu camcawh in ti hi.
\v 48 Nathanael in Topa cu itihbang thei tuk ung kaw tin a tih ten, “Zisuh in Filip cu a sam laih ngawl in, nangmah theipi kung nuai na um laih mu zo ing hi” tin, a don leh ten,
\v 50 Zisuh in, “Theipi kung nuai pen muh nak ka neih zo hang nangman um cim maw? Mah bek sial ngawl nang cu a nasezet mi thu te mu tuk laih ci” tin thu a piak cengten,
\v 51 “Nohtei lakah thungai in hilh ing. Vanhum cu hong in Pathian vancung miten, mi capa humah kai tuak tolh suk tuak a um mi cu nohten muh tuk laih uh ci” tin, ti hi.
\s Kana khua pen mopuai nak
\c 2
\p
\v 1 Nithum lawi ten Kallile ngam Kana khua ah mopuai a bawl laih tak mah mopuai nak ah Zisuh nu Mary um hi.
\v 2 Zisuh le a nungzui tute cu mah lai mopuai ah sam haw.
\v 3 Cabit tui bo in Zisuh nu’n, “Cabit tui um ma zo hi” tin, ti hi.
\v 4 Zisuh in, “Numei nu aw, nang cu kei mah tuah i seng kha hum? Ka hun le can heng ma laih hi” tin, ti hi.
\v 5 A nun, “A bawl tik mi hempoh bawl ta un hi” tin, a sila na dek tutei lakah ti hi.
\p
\v 6 Judah dan bang thianlim nak tuk in kalan kul, sawmthum hawng a tham tuk mi suang tuibul paluk koih mi um hi.
\v 7 Zisuh in, “Hi tuibel te cu tui than un hi” tin, a sila na dek tu te a tih ten a mun tuibul a ngawng tian cu than haw hi.
\v 8 A tu suak in puai uktu tei lakah koih tum ta un hi” tin, a thupiak mi bang koih tum haw hi.
\p
\v 9 Puai uktu pan cabit tui a can tik mi cu tep in mahmi tui suah nak a nei tu sila na dek tuten cabit tui cu ilai pen a ngah haw hum tih mi thei haw naven, puai uktu pan thei ngawlin mohuai tupa sam in;
\v 10 A masa in cabit tui uuk zet pia in khampek in cengten, a pha ngawl mi cabit tui cu piak leh dan cu um hi. Nang cu a pha mi cabit tui a tu tian koih mi nei laih cim” tin, ti hi.
\v 11 Mah tihcun Zisuh in, a masa in a lamdang nate Kallile ngam, Kana khua pen bawl in a minthan nak lang tik hi. A nungzui tuten Topa cu um haw hi.
\v 12 Mah cengten, a nu pen pan a nau a nungzui tute tuah Kapernaum khua ah hawh haw hi. Mah lai khua ah ngeipi um ngawl in;
\s Biakinn a thianlim tiknak
\v 13 Judah mitei Kaltan puai a nai zo hang Jerusalem khua ah hawh hi.
\v 14 Biakinn sungah tuu, khui, khulo, va no a zuak mite hei hihen, sum bawl tutei khun nak te hei hihen a muhten;
\v 15 Vat tuk in khauneu te a bawl cengten a mu veng hawg in hihen, tuu, khui te hei hihen, biakinn pen hawl vawk in sum bawl tutei khunnak te liplet in sawnvawk hi.
\v 16 Khulo zuaknak a nei tute vang, “Hi thil nate la ta un. Ka pai inn cu thilzuak nak in cang tik pah sun hi” tin, ti hi.
\v 17 Topai inn sung cu thinkham nak nasezet a neih mi thinlung kei man ei ing hi” tin, Laithiangtho a heng mi cu mahten a nungzui tuten thei haw hi.
\p
\v 18 Judah miten, “Nang cu hitin na bawl tale a lamdang nate kohtei lakah lak tuk cim” tin, ti haw hi.
\v 19 Zisuh in, “Hi biakinn pi cu phelet un. Nithum sung in sa leh tung hi tin, don leh hi.
\v 20 Judah miten, “Kum sawmli kumluk sung hi biakinn sa haw. Nang cu nithum sung bek in sa tuk cim” tin, ti haw hi.
\v 21 Mah tihcun ti in a ma pumpi biakinn camcawh in ti hi.
\v 22 Mah hang, thihnak pen a thawh leh cengten mahmi awnkam cu a nungzui ten a theih haw ten, Laithiangtho hei hihen, Zisuh thu hei hihen um haw hi.
\p
\v 23 Kaltan puai sung Zisuh cu Jerusalem khua ah um in, laknak a neih mi a lamdang thasiah huai thu te mihing tampi ten a muh hang, Topa cu um haw hi.
\v 24 Mah naven, Zisuh in a muhtei lakah a mah cu ap ma hi. Itahum titale, mihing hempoh ten thei hi.
\v 25 Mihing sungah a um mi hempoh a theih hang, mihing ten theihpih nak thu nei tuk in a kua mah in deih ma hi.
\s Zisuh le Nicodemas
\c 3
\p
\v 1 Farasi tei sung pen Nicodemas tih mipa cu Judah miphun tei U pa pakhat hi.
\v 2 A mah cu zanlam huncan ten Zisuh nelah hung in, “Saza pa aw, Topai lak nak neih mi a lamdang Pathian thupiak um ngawl in a kua mah in lak nak a neih theih ngawl mi suang in, Topa cu Pathian nel pen a heng mi saza pa hihnak thu cu thei ung hi” tin, ti hi.
\v 3 Zisuh in, “Veinih hinnak a co ngawl mite cu Pathian uknak ngam mu haw tuk ma hi” tin, ti hi.
\p
\v 4 Nicodemas in, “Kum U ham pai hinnak cu itihbang hing thei tuk hum? Nui pum sungah tum kik leh in hing tuk maw” tin, ti hi.
\v 5 Zisuh in, tui le hawvang tuah hinnak a co ngawl mi cu Pathian uknak ngam ah tum haw tuk ma hi” tin, thungai in hilh ing.
\v 6 Mihing thi le sa tuah hinnak a nei mite cu mihing thi le sa hi. Hawvang thiangtho tuah hin mi cu hawvang hi.
\v 7 “Nohten hinthak nak co tuk uh ci” tin, ka tih mi cu lamdang sa him pah su un.
\v 8 Huih cu a deihnak mun ah theu hi. Nangman a aw cu na za ta vang, i lai mun pen heng in i lai mun ah theu hum tih cu thei ma ci. Hawvang thiangtho tuah hinnak a nei mi hempoh mah tihbang bok hi” tin, don leh hi.
\p
\v 9 Nicodemas in, “Hi thu te itihbang in cang thei tuk hum” tin, don leh hi.
\v 10 Zisuh in, nang cu Isarel mitei lakpen hilh tu saza hi napi in hi thu te thei ma cim maw?
\v 11 Thungai in hilhnak ka neih mi cu kohten theih nak ka neih mi thu son ung. Mahmi muh nak thu vang theihpih nak tetti nei ung. Mah naven, kohtei theihpih nak cu nohten sang thei ma uh ci.
\v 12 Leihum thu son in nohten na um uh ma tale vanhum thu sonnak ka neih ten itihbang in sang thei tuk uh cim?
\v 13 Vanhum pen tolhsuk in vanhum ah a um mipa bek sial ngawl a kua mah vanhum ah a kai tu um ma hi.
\v 14 Mosi in ngam lak ah ngul a tak bang, mi capa cu tak in um tuk hi.
\v 15 Itahum titale, capa a um tu hempoh te siatnak ah heng ngawl in kumkhua nunnak co tuk in hi.
\p
\v 16 Pathian capa a um tu hempoh siatnak heng ngawl in, kumkhua nunnak co tuk in Pathian in capa a neih calam cu pia in leihum mite it hi.
\v 17 Leihum mitei sual thukhen tuk Pathian in a capa cu hi leihum ah hah ma hi. Leihum miten Topai hang nunpat nakah heng tuk in hah hi.
\v 18 Capa a um tute cu sual thukhen nak co tuk ma hi. A um ngawl tute cu Pathian capa a neih calam a up ngawl nak hang, a tu hei in sual thukhen nak co hi.
\v 19 Sual thukhen a co nak thu cu, vak nak cu hi leihum ah heng in mihing ten a pha ngawl mi nuncan ziaza tuah a ngamtat nak hang, vak nak sang in khuathim cu deih saw haw hi.
\v 20 A ngamtat siasuak in a ngamta mi hempoh ten vak nak cu mu nuam ngawl in a muhtei ngamtat nak ah a sual te lang tuk ngawl in vak nak sungah hawh haw ma hi.
\v 21 Thudik le thuman tuah a nung tute cu a muhtei ngamtat nak te Pathian hang a ngamtat nak te lang tuk in vak nak sungah hawh hi” tin, ti hi.
\s Zisuh le baptisma pe tu saza Johan
\p
\v 22 Mah cengten, Zisuh in a nungzui te tuah Judah ngam khua no ah hawh in mah lai mun ah a nungzui te tuah um in baptisma cu pia hi.
\v 23 Johan in Salim khua bul Anon umnak ah tui tampi a um hang, baptisma cu pia in mihing tampi te hung in baptisma la haw hi.
\v 24 Johan cu thawnginn sungah heng ma laih hi.
\p
\v 25 Mah laih tak Johan nungzui tuten thianlim nak thu sihsan in, Judah mihing te tuah thuson khawm in eldunnak a neih haw ten,
\v 26 Johan nelah hung in, “Saza pa aw zo in Jodan ngun ngalkhat lamah Topa tuah um in, Topai theih pihnak tetti a piak mipa cu baptisma piak in um hi. A nelah mi hempoh hawh haw hi” tin, ti hi.
\p
\v 27 Johan in, vanhum pen piak nak a um ma tale mihing ten imah tih thei ma hi. Kei cu Khrih hi mang hi.
\v 28 Khrih mai ah a hawh tupa ing hi” tin, ka tih mi nohte cu kei mah theih pih nak tetti a nei tute hi uh ci.
\v 29 Mo nu cu mo nei tu a tangval pai ca bek hi. Mohuai tupai bulah um in a ma awnkam zak nak a nei tu a ngualcam cu mohuai tupai aw a zak ten lungdam nak um hi. Mah bang bok ka lungdam nak tuah dim hi.
\v 30 Mahmi Topa cu khangto tuk hi. Kei cu kiamsuk in um tung hi” tin, ti hi.
\s Vanhum pen a heng mi
\p
\v 31 Vanhum pen a heng mipa cu i hempoh pen a cungnung a sang bel mi hi. Leihum pen a heng mi cu leihum tuah seng in leihum thu son thei hi. Vanhum pen a heng mipa cu i hempoh pen a cungnung a sang bel mi hi.
\v 32 Na muh mi le na zak mi hempoh te theihpih nak tetti nei hi. Mah theihpih nak cu a kua mah in sang thei haw ma hi.
\v 33 Theihpih nak thu a co tute cu Pathian thukam cing tu hi” tin, tacik khen hi.
\v 34 Pathian hah mipa cu Pathian awnkam thu phuang hi. Itahum titale, Pathian in hawvang a tehnak nei ngawl in pia hi. Pa in capa it in i hempoh te capa hi khut sungah ap zo.
\v 35 Capa a um tute cu kumkhua nunnak co hi.
\v 36 Capa a kik tute cu nunnak mu tuk ma hi. A ma hum ah Pathian thinuuk nak um hi” tin, Johan in hilh hi.
\s Zisuh le Samaria numei
\c 4
\p
\v 1 Zisuh in a mah le mah baptisma pia cop ma hi. A nungzui tute bek pia haw naven,
\v 2 Zisuh in Johan sang mihing tam saw a nungzui cang tik in, baptisma a piak nak thu Farasi ten za haw zo hi” tin, Topa Pathian in a theih ten;
\v 3 Judah ngam pen tul in, Kallile ngam ah a hawh leh laih tak in;
\v 4 Samaria ngam cu tawnvawk hi.
\v 5 Jacob in a capa nelah a piak mi lo pakhat bulah Samaria ngamsung um Saikhar a tih haw mi khua ah heng hi.
\v 6 Mah lai mun ah Jacob tui khuk tih mi um hi. Zisuh cu khualzin a cawl hang, tui khuk bulah khung hi. Mahmi huncan cu sun nazi heinih pawl hi.
\p
\v 7 Samaria numei nu pakhat cu tui cawi tuk heng in, Zisuh in ka in tuk tui pia in hi” tin, ti hi.
\v 8 Itahum titale, a nungzui te an eih lei tuk in khua sungah ah a hawh laih tak sung hi.
\p
\v 9 Numei nu in, nang cu Judah mihing hi napi in Samaria numei a himi keimah ita in tuk tui ngen thei cim” tin, ti hi. A tih nuam mi cu Judah miten Samaria mite tuah pawlkom dunnak um ma hi.
\p
\v 10 Zisuh in Pathian hehpih nak hei hihen, ka in tuk tui pia in hi” tin, thupia tupa cu a kua hum tih hei hihen, na thei tale a mah cu ngen in a man nangmah cu nunnak tui pia tuk hi” tin, ti hi.
\p
\v 11 Numei nu in Topa nang cu tui cawi tuk mah um ngawl, tui khuk vang thuk zet in nunnak tui cu itihbang ngah thei tuk hum?
\v 12 Hi tui khuk cu kohtei pa Jakop tui khuk kohte a piak mi hi. A mah penpan a cate le a nganhing hempoh ten hi tui khuk in haw. Topa nang cu mah sang in ngeng saw cim maw” tin, ti hi.
\p
\v 13 Zisuh in, hi tui a in tute cu a dang dum leh haw tuk.
\v 14 Ka piak mi tui a in tute cu a dang dum tih um tuk ma hi” tin, ti hi. Ka piak mi tui cu a ma nel pen kumkhua nunnak tuk a luang mi ciktui nung in cang tuk hi” tin, ti hi.
\p
\v 15 Numei nu in, “Topa aw, ka dang dum nak pen hihen, hi lai mun ah heng in tui cawi nak pen ka luat theih nak tuk mahmi tui cu pia in hi” tin, ngen hi.
\p
\v 16 Zisuh in, hawh ten. Na pasal cu sam in na, hi lai mun ah hung in hi” tin, ti hi.
\p
\v 17 Numei nu in kei pasal nei mang hitin a tih ten, Zisuh in pasal nei mang hi” tin, na tih cu a man mi thu hi.
\v 18 Itahum titale, nang cu pasal panga nei awng zo ci. A tuin nangmah tuah um kawm mipa cu na pasal hima hi. Hi thu te a man hilh zo ci” tin, ti hi.
\p
\v 19 Numei nu in, “Topa aw, nang cu kamsang na hihnak thei ing.
\v 20 Ka pu le pa ten hi mualah biaknak a neih awng haw mi um hi. Jerusalem khua bek ah biak nak um hitin, nohten son thei uh ci” tin, a tih ten;
\v 21 Zisuh in, “Numei nu aw, ka awnkam um in. Hi mual ah hung leh ngawl toh in Jerusalem khua ah hawh ngawl in Pa a mah bek biaknak huncan heng awndiak zo hi.
\v 22 Nohten mah le mah theih nak a um ngawl mi biaknak nei zo uh ci. Kohten mah le mah theih nak neih mi biaknak nei zo ung. Itahum titale, Judah mitei lakah nunpat nak thu um hi.
\v 23 Biakpiak nak a nei tu hempoh in Pa Pathian cu hawvang tuah in hihen, thudik hei in hihen, biak tuk huncan heng in a tu hei in heng zo hi. Mah tihbang in biakpiak nak a nei tute cu Pathian deih nak um hi.
\v 24 Pathian cu hawvang hi. Pathian a bia tu ten hawvang tuah hei in hihen, thudik tuah tuah hei in hihen, biak tuk mi hi” tin, ti hi.
\p
\v 25 Numei nu in, Messiah heng hitin thei ing hi. A hennak a neih ten ohtei lakah i hempoh hilh tuk hi” tin, ti hi. Messiah a tihnop nak cu Khrih a tihnop nak hi.
\p
\v 26 Zisuh in na otpih lih mi kei mah cu Messiah ing hi” tin, ti hi.
\s Cang at tuk huncan heng zo
\p
\v 27 Mah laih tak a nungzui te heng in mah numei nu tuah a otpih dun li haw cu lamdang sa in um haw. Mah naven i deih nak um hum? Mahmi numei nu tuah, “Ita otpih dun hum’ tin a kua mah in dong ngam haw ma hi.
\p
\v 28 Mahmi numei nu in tui bel cu zamsan khua sung ah hawh in;
\v 29 “Ka bawl mi hempoh pholhsuah tupa cu hung in zoh un. A mah cu Khrih ngen hi pang nen tih maw” tin mi tampi tei lakah a tih ten,
\v 30 A mun khua sung pen tul in a nelah hawh haw.
\p
\v 31 A hen laih ngawl in a nungzui tuten, “Saza pa aw, an eih nak nei hih in tin a kut ten,
\v 32 Nohtei theih ngawl mi, “Ka an eih tuk um hi” tin, ti hi.
\v 33 Mah hang a nungzui tuten, “Mihing pakhat in an eihtuk a selh mi hima maw” tin pakhat le pakhat dong un haw;
\v 34 Zisuh in, “Kei mah a hah tupai deih mi bawlnak, a na celh tian na deh cu ka eih tuk mi an hi.
\v 35 A tu pen pan hali val a luan ten, cang ah nak hun heng tuk toh hi” tin, nohten son thei ma uh cim maw? Ka hilh mi cu cang ah nak tuk lo te a tu hei in san pimpem in a um mi cu zo hih un.
\v 36 Cang at tupan a thaman ngah in kumkhua nunnak ca ancang te khawl ham zo hi. Mah ahima tale, anci vawh tupa le cang at tute cu lungdam haw tuk hi.
\v 37 Pakhat pan anci cu vawh hi. Pakhat pa cu cangat hi’ tin, tih mi awnkam cu hi lai pen a man mi hi.
\v 38 Nohten lo na bawl nak mun pen cang at tuk nang muhte kei man hawh tik ing. Midang te vang lo bawl in nohten a muhtei na deh nak sungah tum uh ci” tin, ti hi.
\p
\v 39 “Ka bawl mi hempoh a man pholhsuah khawng zo hi” tin, theihpih nak neih mi thu awnkam hang, mah lai khua ah a um tu Samaria miten Zisuh cu um haw hi.
\v 40 Mah hang, Samaria miten a nelah a hen ten a muhtei umnak ah um tuk in ngen haw hi. Mah lai ah cun ninih um hi.
\v 41 Midang ten a thu awnkam hang um in;
\v 42 Mah numei nu cu, “A tuin kohten upnak ka neih uh mi cu na awnkam hang bek upnak hima hi. Awnkam thu cu pumpak loli zak nak hang, a mah cu leihum mite nunpan tu Topa Khrih a man ngangai a hihnak thu cu thei zo ung hi” tin, ti haw hi.
\s Kallilee ngam miten Zisuh a muah nak
\p
\v 43 Ninih a lawi ten Topa cu mah lai mun pen tul in Nazareth khua tawn ngawl in Kallilee ngam ah hawh hi.
\v 44 Itahum titale, kamsang pa cu a suahkeh nak ngam ah minthan nak a um ngawl thu Zisuh a mah loli in theihpih nak tetti nei hi.
\v 45 Kallilee ngam ah a hen ten, Kallilee miten Topa cu um in sang haw hi. Itahum titale, a muhte cu Jerusalem khua puai a bawlnak ah a hawh ten, mahmi puai nak sungah a bawl mi hempoh te mu haw zo hi.
\p
\v 46 Tui cu cabit in a cang nak mun, Kallile ngam Kana khua ah hawh leh hi. Kapernaum khua ah uktu bawi pakhat capa cu dam ngawl in um hi.
\v 47 Zisuh in Judah ngam pen Kallile ngam ah a hen nak cu uktu bawipan a zak ten, a nelah hawh in a thikuan litoh mi a capa nelah hawh in a nat nak te dam tik tuk in ngen hi.
\v 48 Zisuh in, “Nohten a lamdang thu te muhnak na nei uh ma tale um nak nei haw ma hi tin a tih ten,
\v 49 Topa aw, “Ka capa a thih laih ngawl in hung poh in hi” tin, uktu bawipan ti leh leu hi.
\v 50 Zisuh in hawh ten hi. Na capa dam zo hi” tin, ti hi. Mahmi uktu bawi pan Zisuh awnkam cu um in hawh hi.
\v 51 Lamzin ah a hawh laih tak a sila na dek tuten muak in a capa tidam nak a ngah mi thu son haw.
\v 52 Mah ten, a capa a dam huncan cu a sila na dek tute a dot ten, a mun zansun taklam nazi pakhat ten a nat nak dam hi” tin, ti haw hi.
\v 53 Mahmi huncan ten, “Na capa cu dam zo hi” tin, Zisuh tih mi huncan a hih nak cu a pan thei in, a mah pen pan a innsung sang hempoh ten um haw hi.
\v 54 Hi thu te Zisuh in Judah ngam pen Kallilee ngam ah a hawh cengten a lak mi a lamdang a veinih nak a bawl mi hi.
\s Bethsaida tui khuk pen mina a dam tik nak
\c 5
\p
\v 1 Mah cengten, Judah tei puai bawl laih tak Zisuh cu Jerusalem khua ah hawh hi.
\v 2 Jerusalem tuu kongka bulah Hebru awnlai tuah Bethsaida tuikhuk tih mi um hi. Mahmi tui khuk elkim ah khunnak saupi panga a dim in um hi.
\v 3 Mah tui bul elkim khunnak sau pi hum ah mitcaw, khelbai, pumpi ngawm kiukeu mite penpan in tidam ngawl mi hempoh ten tui phia cu muansan nak nei in um haw hi.
\v 4 Itahum titale, huncan a kim ten vancung mi cu tuikhuk ah heng in tuipi hing thei hi. Mah tihcun tui a phia ten a masa in a pek thei mite cu itihbang nat a nei ta vang, a nat nak dam hi.
\v 5 Mah laih tak kum sawmthum le kumliat sung nat nak a vei tu pakhat cu tui khuk bul ah um hi.
\v 6 Mah mipa zap in a um mi cu Zisuh in a muh ten ngeipi zo hi tih a theih ten, “Dam nuam a cim” tin dong hi.
\v 7 Tidam ngawl tupan, “Topa aw, tui a phia ten tui khuk sungah kei mah sawnvawk tu um ma hi” tin, ti hi. Pek tuk ka um laih tak midang ten ka mai pen cuh in pek haw hi” tin, don leh hi.
\v 8 Zisuh in tho in. Na puantom pua in hawh ten hi” tin, ti hi.
\v 9 A ngei ngawl in a mah cu damnak ngah in a puantom te pua in hawh hi.
\v 10 Mahmi ni cu colhni hi. Mah hang, Judah miten tuni cu colhni hi. Puantom puak dan ma hi” tin, tidam nak co tupa nelah ti haw hi.
\v 11 A man, kei mah tidam tik tupa’n na puantom pua in hawh ten hi” tin, don leh hi.
\v 12 Judah miten na puantom pua in hawh ten hi” tin, na nelah a son tupa cu a kua hum” tin, dong haw.
\v 13 Mah mipa cu a kua hum tih tidam nak co tupan thei ma hi. Itahum titale, mah lai munah mi hulawm in a um haw hang Zisuh cu a lang ngawl in tul kuh den hi.
\p
\v 14 Mah cengten, Zisuh cu biakinn ah a mah a muhten nang cu tidam nak co zo ci. Hi sang a sia saw haksat nak pen luat tuk in sual bawl leh toh pah sin hi” tin, ti hi.
\v 15 A mah cu hawh in a mah tidam tik tupa Zisuh a hih lam Judah mitei lakah son hi.
\s Pa le capa U pat nak
\p
\v 16 Zisuh in hi thu te colhni in a bawl hang, Judah miphun ten bawlsiat tuk in um haw hi.
\v 17 Zisuh in, “Ka pa cu a tu ni tian na deh nak a neih hang, keimah vang na deh nak nei ing hi” tin, don leh hi.
\v 18 Mah hang, colhni siatsuah a hih bek sial ngawl Pathian cu ka pa tin sam in a mah le mah Pathian tuah tehkip nak a neih hang, Judah miten Topa cu that tuk in ngaisung haw.
\p
\v 19 Zisuh in, nohtei lakah thungai in ka hilh ka pai bawl mi nate cu capa in muh nak a neih hang bawl hi. A ma thu i mah a bawl theih mi um ma hi. Ka pai bawl mi hempoh capa in bawl thei hi.
\v 20 Ka pa in capa a ih hang, a bawl mi hempoh capa nelah hilh hi. Nohten a lamdang na te nei tuk in, hi sang ngawl in a na se saw mi nate capa nelah in hilh tuk hi.
\v 21 Ka pan mithi sa te tho leh tikin, mah bang bok capa in a deihnak a neih mite nung tik hi.
\v 22 Mi hempoh ten ka pa cu U pat nak a piak bang in,
\v 23 Capa cu U pat tuk in ka pa in a kua mah thukhen ma hi. Thukhen nak thu a piak mi hempoh capa nelah ap in pia zo hi. Capa U pat ngawl mite cu capa hahnak a nei tu ka pa cu U pat ngawl mite hi.
\s Kum khua nunnak le thukhen nak
\v 24 Nohtei lakah thungai in ka hilh mi ka awnkam thu ngai in, kei mah hah tupa a um tute kumkhua nunnak co in, sual thukhen co ngawl in thihnak pen nunnak a nei mite hi.
\p
\v 25 Thungai in ka hilh mi cu mithi sa ten Pathian capa awnkam za in, zak nak a nei tute cu nunnak a co tuk huncan heng in, a tu hei in heng zo hi.
\v 26 Itahum titale, ka pan a ma nunnak a neih mi bang capa in a nunnak a nei mite cu pia tuk hi.
\v 27 Capa cu mihing capa a hih hang, thukhen nak vang ap in pia hi.
\v 28 Hi thu te lamdang sa in um pah sun. Khanmual ah a um mi hempoh ten capa hi aw cu za in;
\v 29 A suah tulnak tuk huncan heng tuk hi. A pha mi ngamtat a nei tute cu nunnak tuah a seng mi thawh leh nak hei hihen, mi sual ngamtat pha ngawl mite cu sual thukhen tuah a seng mi tho leh nak ah hei hihen, suak tul haw tuk hi.
\p
\v 30 Kei ma thu in i mah bawl thei mang hi. Kei cu zaknak bang in thukhen ing. Thukhen nak ka neih mite vang a man mi thu tuah a bang ten hi. Itahum titale, kei cu mah le mah deihnak zui ngawlin kei mah hah tu ka pai deihnak zui ing.
\s Zisuh in theihpih nak neihmi thil pali
\v 31 Keima thu theihpih nak tetti a um tale theihpih nak tetti cu kho ma hi.
\v 32 Kei ma thu theihpih nak tetti a nei tu pakhat um laih hi. A theihpih nak tetti cu a man mi hi tih cu thei ing.
\v 33 Nohte cu Johan nelah a hah mite uh ci. A mah cu thudik thu lamah theihpih nak tetti nei zo hi.
\v 34 Mah naven, mihing piak mi theihpih nak tetti cu kei man co mang hi. Nohten nunpat heng tuk in hi awnkam thu te hilh ing.
\v 35 Johan cu a vak mi meikhuat hi. Nohte cu a vaknak sungah dawm laih no lungdam nuam uh ci.
\v 36 Johan theihpih nak tetti sang in a ngengsaw mi theihpih nak tetti cu keiman nei ing. Na deh nak ka neih mi nehnak tuah celhtian ka nelah ka pai piak mi nate vang, a tun bawl nak ka neih mi thil te hei ka pa in kei mah a hah nak thu cu theihpih nak tetti nei haw.
\v 37 Kei mah a hah tu ka pa in kei ma lamah theihpih nak tetti nei hi. Ka pai awnkam aw cu nohten za ma uh ci. A mel vang nohten mu ma uh ci.
\v 38 A thu nung cu nohtei sungah um ma hi. Itahum titale, hahnak a neih mipa cu nohten um ngawl in um uh ci.
\v 39 Nohten Laithiangtho tuah nunpat nak ngah tuk ung hi” tin, ngaihsut nak tuah nohten Laithiangtho cu pha tak zet zo uh ci. Mahmi Laithiangtho hei keimah theih pih tu tetti hi.
\v 40 Nohten nunpat nak co tuk ka nelah hung tuk in deih ma uh ci.
\v 41 Mihing tei piak mi minthan nak co mang hi.
\v 42 Mah naven, Pathian itnak cu nohtei lakah a um ngawl mi cu thei ing.
\v 43 Kei cu ka pai thu neihnak tuah heng ta vang nohten keimah sang ngawl in um uh ci. Midang ten a muhtei thuneih nak tuah a heng tale a mah cu sang haw tuk hi.
\v 44 Pakhat le pakhat piak mi minthan nak bek co in, Pathian piak mi minthan nak hei deih ngawl mi nohten itihbang in um thei tuk uh cim?
\v 45 Ka pai mai pen kei man nohte sonsiat tuk hitin ngaisung pah sun. Nohte sonsiat nak a nei tu pakhat um laih hi. A mah cu nohtei muan mi Mosi hi.
\v 46 Nohten Mosi awnkam na um uh tale ka awnkam thu um ngawl in um thei tuk ma uh ci. Itahum titale, Mosi in keima thu cu ngan hi.
\v 47 A ngat mi thu nohten na um uh tale ka awnkam thu cu itin um thei tuk uh cim” tin, Judah mitei lakah thupia hi.
\s Mihing thawngnga ancawm nak
\c 6
\p
\v 1 Mah cengten, Zisuh in Kallilee tuipi (Tiberias tuiting) a tih haw mi Kallilee tuiting pi cu tawn hi.
\v 2 Tidam nak a nei ngawl mitei lakah a bawl mi na lamdang thu te a muh haw hang, a nungah zui haw hi.
\v 3 Zisuh cu mual hum ah kai in a nungzui tute tuah khung langkhat haw.
\v 4 Mah ten, Judah mitei kaltan puai huncan heng awndiak zo hi.
\v 5 Zisuh cu zo in mihing tampi te a nelah a hawh lih haw mi cu a muhten Filip in, hi a muhtei an eih tuk moh cu i lai ah lei tuk hum tin dong hi.
\v 6 Mah tin a dot ten, a man itin bawl tuk hum tih thei leng napi in Filip cu cul tuk bek in dong hi.
\v 7 Fillip in, a muhte cu moh themno ten pia in, sawmnga man moh a um ta vang tham cuang tuk ma hi” tin, don leh hi.
\v 8 Simon Pita nau Andru tih mi a nungzui tupan;
\v 9 “Moh pa nga le ngasa panih a keng tu naupang pakhat um hi. Mah naven, mihing hi zah loli tam a um haw hang, mahmi moh panga le ngasa panih cu a i son tham tuk hum” tin, ti hi.
\v 10 Zisuh in mihing tampi te khung tik un hi” tin, ti hi. Mah lai mun cu hampa cam sah a um hang, mihing thawngnga te cu khung haw hi.
\v 11 Zisuh in moh cu la in lungdam nak thu a hilh cengten, a nungzui tutei lakah sem in a nungzui tuten khun nak a nei tute cu sem saw lawn haw hi. Mah bang bok ngasa panih cu a muhtei deihzah in sem haw.
\v 12 A mun khampek a eih cengten Topan pakhat no hei tham thong tuk ngawl in a themkeh a val te cu khul khawng leh un hi” tin, a nungzui tutei lakah thupia hi.
\v 13 A khambang haw te khul leh khawng in moh panga a them keh mi cu khul leh in kho heinih a dim ngah haw.
\v 14 Mah tihcun Zisuh in na lamdang te a lak mi cu mihing tampi ten a muh ten, a mah cu hi leihum ah a heng mi kamsang a man mi hi” tin, ti haw hi.
\v 15 A mun Topa cu kumpi hihnak ah koih tuk in ngaisung haw naven, Zisuh in a theih ten a mah no bek in mual hum ah hawh leh hi.
\s Tui humah a hawh nak
\p
\v 16 Taaklam huncan a hen ten a nungzui tute cu tuiting pi um nak ah hawh hawmkuang sungah kai in, tuipi ngalkhat lam ah a um mi Kapernaum ah hawh haw.
\v 17 Mah laih tak khuathim zo hang, Zisuh cu a muhtei umnak mun ah heng ma laih hi.
\v 18 Huihpi cu nasezet theu tuipi cawk in um hi.
\v 19 Peng thum hawng tuk hawmkuang a cawh nung ten, Zisuh cu tuipi hum ah hawh in hawmkuang el lam ah a hawh lih mi cu a nungzui tuten a muh ten lau haw.
\v 20 Mah naven, Topa’n lau pah su un. Keimah ing hi” tin, ti hi.
\v 21 Mah laih tak a nungzui tuten lungdam nak tuah Topa cu hawmkung sungah sam haw hi. Hawmkuang cu a hen nuam nak mun ah a ngei ngawl in heng hi.
\s Nunnak moh
\p
\v 22 A zingten tuipi ngalkhat lam ah a um mihing tampi te cu;
\v 23 Topa Pathian in lungdam nak thu a hilh cengten, mi tampi te moh eih nak mun pen a khua la ngawl, Tiberias khua pen a dang hawmkuang neu a heng ta vang, zansun in a nungzui te tuah a khun mi hawmkuang sial ngawl, hawmkuang dang i mah a um ngawl hei in hihen, Zisuh in mahmi hawmkuang sungah a nungzui te tuah khung ngawl in a nungzui tute bek a hawh mi cu a muh haw ten,
\v 24 Mah lai ah Zisuh penpan a nungzui tute um ngawl tih a theih haw ten, a zing ten hawmkuang cu khung in Zisuh zei tuk in Kapernaum khua ah hawh haw.
\v 25 Tuipi ngalkhat lam pen mu haw in, “Saza pa aw, ituk hun in hi lai mun ah hawh kam” tin, dong haw hi.
\v 26 Zisuh in, thungai in hilh ing. Nohte cu a lamdang thu te na muh uh hang kei mah a zei mite hima uh ci.
\v 27 Moh khampek na eih uh hang zei uh ci. A sia thei mi an eih ngah tuk bek in zuam pah sun. Mi capa in nohte pia in kumkhua nunnak a kho thei mi an ei tuk zuam saw un. Mahmi capa cu Pa Pathian tacik khet nak a co tupa hi” tin, ti hi.
\v 28 A mun, Pathian deihnak bang ngamta tuk in itihbang bawl tuk hum” tin, dong haw hi.
\v 29 Zisuh in, Pathian deih nak bang nung tuk hi” tin thupia hi.
\v 30 A mun, kohte cu a mit tuah mu in Topa upnak tuk thu i lamdang nate lak cim? I na bawlnak nei kam?
\v 31 Laithiangtho a heng mi bang, a muhtei eihtuk vanhum pen moh cu pia hi” tin a heng mi bang, kohtei pu le pa ten ngamlak pen manah moh cu ei hi” tin, ti haw hi.
\v 32 Zisuh in thungai in ka hilh mi cu Mosi in vanhum moh cu nohtei lakah pia ma hi. Ka pa bekin vanhum moh cu nohtei lakah pia hi.
\v 33 Pathian moh cu vanhum pen heng in leihum mitei lakah nunnak a piak mi moh hi” tin, ti hi.
\v 34 “Topa aw, mahmi moh cu a cat ngawl kohte pia in hi” tin, ti haw hi.
\v 35 Zisuh in, kei cu nunnak moh ing. Ka nelah a heng tute cu a ningkial leh tuk ma hi. Keimah a um tu cu a dang dum leh tuk ma hi.
\v 36 Mah naven, nohten kei mah cu mu leng napi in upnak nei ma uh ci” tin, ti zo hi.
\v 37 Ka pai piak mite cu ka nelah hung haw tuk hi. Kei nelah a hung mite cu keiman kik hihim tuk mang hi.
\v 38 Itahum titale, ka deihnak na dek tuk ngawl in Keimah a hah tupai deihnak na dek tuk in vanhum pen heng ing.
\v 39 Keimah a hah tupai deih nak ka nelah a piak mitei lak pen pakhat no hei thamthong tik ngawl in, ni dawlta bel ten a mu veng hawng tho leh tik tuk in hihen;
\v 40 Capa cu mu in a um tu hempoh kumkhua nunnak co tuk in hihen a deihnak um hi. Keiman ni dawl tabel ni ten, a muhte tho leh tik tung hi” tin, ti hi
\s Vanhum pen a heng mi moh
\v 41 Zisuh in, “Kei cu vanhum pen a heng mi moh ing hi” tin, a tih hang Judah miten,
\v 42 A mah cu Josep capa Zisuh hima maw. A nu cu ohten thei ma hung maw. Kei cu vanghum pen a heng mi ing hi” tin, a man itihbang in son thei hum tin a sual zei haw hi.
\v 43 Zisuh in, Kei mah cu pakhat le pakhat in sonsiat sual zei pah sun.
\v 44 Keimah a hah tu ka pa in sosuah nak a nei ma ta a kuamah ka nelah heng thei tuk ma hi. A hung mi te cu ni dawlta bel ni ten kei man tho leh tik tung.
\v 45 Kamsang tei ngat mi lai sungah mahmi a mu veng hawng cu Pathian thu hilhnak a nei mite haw hi” tin, a heng mi bang, Ka pai nel pen za in thu a ngai tu hempoh ka nelah hung haw tuk hi.
\v 46 Mah tin ka tih ten, Pathian nelpen a heng mi pa sial ngawl mi pakhat in ka pa cu mu zo hitin a tihnop nak hima hi. A heng suk mipa cu ka pa mu zo hi.
\v 47 Thungai in ka hilh mi keimah a um tupa cu kumkhua nunnak ngah hi.
\v 48 Kei cu nunnak moh ing.
\v 49 Nohtei pu le pa te ngam lak pen manah cu ei in thi haw.
\v 50 Vanhum pen a heng mi moh a ei tu cu thihnak pen luat tuk hi.
\v 51 Kei cu vanhum pen a heng mi moh ing. Hi moh a ei tu cu kumkhua nung tuk hi. Ka piak mi moh cu hi leihum mitei nunnak tukin a piak mi ka taksa hi” tin, ti hi.
\p
\v 52 Mah ten, Judah miten hi mipan a ma taksa ohtei eih tuk in itin pia thei tuk hum” tin, eldun haw hi.
\v 53 Zisuh in, thungai in ka hilh mi cu mi capa hi taksa ei ngawl in a thisan in ma tale nohtei lakah nunnak um ma hi.
\v 54 Ka taksa cu ei in ka thisan a in tu cu kumkhua nunnak ngah hi. A mah cu ni dawlta bel ten keiman tho leh tik tung.
\v 55 Ka taksa cu eih tuk in pha hi. Ka thisan vang in tuk in pha hi.
\v 56 Ka taksa thisan a in tupa cu ka sungah um hi. A mah cu ka nelah um hi.
\v 57 A nung mi ka pan kei mah hah in kei cu ka pai hang a nung mi ka hih bang, keimah eih nak a nei tu vang keima hang nung haw tuk hi.
\v 58 Hi moh cu vanhum pen a heng mi moh hi. Nohtei pu le pa ten manah cu ei in a thih haw bang hima hi. Hi moh a ei tu cu kumkhua nung tuk hi” tin, ti hi.
\v 59 Kapernuam khua pumkhawm nak pen thu a hilh laih tak in thupia hi.
\s A nungzui a tam saw ten Zisuh a zamsan nak
\p
\v 60 A nungzui tutei lakpen a tam saw in a zak ten, “Hi awnkam cu haksa zet mi hi. A kon a thungai zo tuk hum” tin, ti haw.
\v 61 Mah tihcun a nungzui tei sonsiat a sual zeih nak haw te Zisuh in a theih ten, hi thu awnkam hang nohten thinkham in um uh cim maw.
\v 62 Mi capa cu a masa a um nakah a hawh leh tale itihbang in ngaisung uh cim?
\v 63 Hawvang bek nung tik hi. Taksa pumpi in thil tih theih nak nei ma hi. Ka hilh mi awnkam cu hawvang a hih hang nunnak hi.
\v 64 Mah naven, nohtei lakpen um ngawl tu hek khat um hi.
\v 65 Mah hang, ka pa in thupiak nak nei ma ta a kuamah ka nelah hung thei tuk ma hi” tin, son zo ing. Mah tihbang a tihnak thu cu a kua ten up ngawl nak nei hum tih hei hihen, a kon Topa cu apnak nei tuk hum tih mi hei hihen, Zisuh in a pat pen pan in thei zo.
\p
\v 66 Mah huncan pen pan in a nungzui tei lakpen a tam saw in, Topai nungah zui leh ngawl in nung kik haw ta hi.
\v 67 Mah hang, Zisuh in a nungzui heinih tei lakah nohten taisan nuam uh cim tin a dot ten,
\v 68 Simon Pita in, “Topa aw, kohten a koi lak ah hawh tuk ung kaw? Kumkhua nunnak tuah a seng mi awnkam cu Topai nelah um hi.
\v 69 Topa cu Khrih hi tih mi nunnak a nei tu Pathian capa a hih nak cu kohten upnak, theihnak tuah um ung hi” tin, ti hi.
\v 70 Zisuh in a nungzui tu heinih te cu ka ten mi hima maw? Mah naven, nohtei sungah ngal pakhat cu um hi” tin, ti hi.
\v 71 Mah tin a tih ten a nungzui tu heinih sung pen Topa ap tu Simon capa Judah Iskaliot a tihnuam nak hi.
\s Zisuh a nau ten a up haw ngawl nak
\c 7
\p
\v 1 Mah cengten, Zisuh cu Kallilee ngamsung hempoh ah vak kawkawi hi. Judah miten Topa cu that tuk a ngaihsut nak hang, Judah ngam sungah vak kawkawi tuk a deihnak um ma hi.
\v 2 Mah hang, Judah mitei kaltan puai heng tuk kuan ten;
\v 3 A nau ten na bawl mi thu te a nungzui tuten mu tuk in, hi lai mun pen tul in Judah ngam ah hawh in hi.
\v 4 Minthan nak a deih tute cu pakhat hei selcip in bawl mi um ma hi. Hi thu te bawlnak na nei tale hi leihum ah mah le mah langciang zet lak in hitin;
\v 5 A up haw ngawl hang Zisuh nelah son haw.
\v 6 Zisuh in, “Ka huncan heng ma laih hi. Nohten i hempoh ah huncan a man sa in um un.
\v 7 Hi leihum miten nohte cu hua thei ma hi, kei mah cu hua haw tuk hi.
\v 8 Itahum titale, kei cu a muhtei ngamtat siasuak te thei ing. Mahmi puai ah nohte hawh ta un.
\v 9 Kei cu hawh tuk ma laih ing. Ka huncan a kim laih ngawl hang, Kallilee ngam ah um ing.
\s A kho ngawl mi deubuk puai nak ah Zisuh thu hilhnak
\p
\v 10 Puai nak munah U nau te a hawh cengten, Topa cu mah puai nak mun ah lang ngawl in hawh kuh den hi.
\v 11 Mahmi puai nak ah Judah miten Zisuh cu i lai ah um hum tin dong in zei haw.
\v 12 Mihing hulopkhawm nak a nei miten Topai thu hang buai zet in um haw. Mi hekkhat ten, a mah cu mipha pa hi tih hei in hihen, a hekkhat ten mipha kha ma hi, mihing tampi a zol tu hi tih hei in hihen, son haw hi.
\v 13 Mah naven, Judah mihing te a lau hang a kuamah in ciangkoh son ngam haw ma hi.
\p
\v 14 Mahmi puai a bawl laih tak Zisuh cu biakinn sungah hawh in thu hilh hi.
\v 15 Judah miten lamdang sa in, “Hi pa cu laicun nak nei ngawl itihbang in theih nak nei hum tin, son haw hi.
\v 16 Zisuh in, hilhnak ka neih mi thu cu kei ma thu hima hi. Keimah hahnak a nei tupai thu hi.
\v 17 A ma deihnak ah a zui nuam mipa’n, hi thu cu Pathian lakpen a heng mi thu maw, keiman kei ma deihnak bang phuang maw tih mi cu khenkhuai thiam tuk ci.
\v 18 A ma deih nak thu a hilh tupa cu a minthan nak zei hi. A mah hah tupai minthan nak a zei tupa cu up huai tak mi hi. A ma cu zolthu um ma hi.
\v 19 Mosi in thukham cu nohtei lakah pia hima maw. Mahmi thu cu nohtei lak pen a zui tu pakhat no hei um ma uh ci. Kei mah that tuk in ita zei thei uh cim” tin, ti hi.
\v 20 Mi tampi ten, “Nang cu khuasia vei mipa hi ci. Nangmah that tuk in a kon zei haw hum” tin, ti haw hi.
\v 21 Zisuh in, ka bawl mi thil pakhat cu nohten lamdang sa in um uh ci.
\v 22 Mosi in vun lek talh nak thu nohtei lakah pia hi. Mah tin tih ten Mosi nelpen a masa in co mi hitin a tih nopnak hima hi. Pu le pa tei lak pen na co ngah uh mi hi. Mah hang, colhni in nohten vun lek talh nak pia uh ci.
\v 23 Mosi thu sia tuk ngawl in mihing cu colhni ten vun lek talh nak na nei uh tale kei cu colhni in mi pakhat a pumpi veng hawng dam tik hang, nohten ka hum ah thinuuk uh cim maw.
\v 24 Mitmai bek zo in thukhen pah sun. Thuman tuah thukhen ta un hi” tin, ti hi.
\s Khrih a hihnak thu
\p
\v 25 Mah laih tak Jerusalem khua sung mi hekkhat ten, hi pan a muhte that tuk in a zei tupa hima maw?
\v 26 Zo in. A mah cu langzet thu hilh in i mah kham ngawl in um haw. A mah cu Khrih a hihnak thu U pa ten a man in thei haw toh maw?
\v 27 Mah naven, hi mipa cu a i lai pen heng hum tih cu kohten thei ung. Khrih a hen ten, i lai pen heng hum tih cu a kua mah in thei ma hi” tin, ti haw hi.
\v 28 Zisuh in, “Nohten keimah cu thei uh ci. Keimah vang i lai pen heng hum tih cu thei uh ci. Mah naven, kei cu kei ma thu in heng mang hi. Kei mah hah tupai thukam nak tuah dim ing hi. Nohten a mah cu thei ma uh ci.
\v 29 Kei cun thei ing. Itahum titale kei cu a mah nelpen a heng mi ka hih hang, a man kei mah hah hi” tin, ti hi.
\v 30 Topa man tuk in ngaisung haw. Mah naven, Topai huncan a hen ngawl laih hang a kua mah in man thei ma hi.
\v 31 Mihing tampi tei lak pen a tel miten a up nak hang, “Khrih cu a hen leh ten, a lak mi na lamdang te sang, a tam saw mi na lamdang thu te lak tuk hi” tin, ti haw hi.
\v 32 Mah tihcun mihing tampi ten a son mi Farasi ten a zak ten, thiampi U pa te tuah thuson khawm haw in Topa cu man tuk in ngalkap te hah haw hi.
\v 33 Zisuh in kei cu nang muhte tuah dawm laih no um in kei mah hah tupai nelah hawh tung. Nohten kei mah cu zei leh tuk uh ci.
\v 34 Zei ta vang mu tuk ma uh ci. Ka umnak mun ah nohten heng theih ma laih uh ci” tin, ti hi.
\v 35 Judah miten, “Kohten mu tuk ngawlin a mah cu i lai mun ah hawh tuk hum? Gential mitei lakpen ngam hempoh a um mitei lakah hawh in, Gential miphun lakah thu hilh tuk hi.
\v 36 Nohten kei mah cu zei tuk laih uh ci. Zei ta vang mu tuk ma uh ci. Ka um nak mun ah nohte heng thei tuk ma uh ci tih mi awnkam cu itihbang a tihnop nak hum tin pakhat le pakhat in son, li haw hi.
\s Hawvang thiangtho pia tung hitin thukam nak
\p
\v 37 Mahmi puai a bawl laih tak ni dawl bel ni in Zisuh cu ding in, “Au nak a neih mi cu dang a dum tu um tale ka nelah hung in, in hen.
\v 38 Kei mah a um tute cu Laithiangtho bang nunnak a luang mi ciktui nung in cang tuk hi” tin, ti hi.
\v 39 Mah tin a tihten, um tuten a co haw tuk laih mi hawvang thiangtho camcawh in ti hi. Zisuh cu minthan nak a lang ngawl laih hang, hawvang thiangtho pia ma laih hi.
\s Zisuh hang mitam pi te a khen kek nak
\v 40 Awnkam thu zak nak a nei tu hempoh ten, “A mah cu a heng tuk laih mi kamsang a man mi hi” tin, ti haw hi.
\v 41 Mi hekkhat ten, “A mah cu Khrih tin” ti, haw hi. A hekkhat ten, “Khrih cu Kallilee ngam pen suak tuk maw.
\v 42 Khrih cu David miphun David um nak mun Bethlehem khua mi hi tuk hitin Laithiangtho sungah a heng mi hima maw” tin, ti haw hi.
\v 43 Mah tihcun mitam pi te khen kek khawng in, a hekkhat ten Topa cu man nuam in um haw.
\v 44 Mah naven, a kua mah in man haw ma hi.
\s Zisuh thu a nial dun haw nak
\p
\v 45 Mah laih tak ngalkap a cing tute cu thiampi U pa, Farasi tei lakah kik leh in mahmi U pa ten ita a mah cu hawhpih haw ma maw” tin, dong haw hi.
\v 46 Ngalkap a cing tuten, “A mah bang a kua mah in son awng haw ma hi” tin, don leh haw hi.
\v 47 Farasi ten, “Nang muhte hei zol co hima uh ci maw.
\v 48 Upa te le Farasi ten a mah upnak nei tu pakhat no bek um toh hung maw.
\v 49 Thukham a thei ngawl mi hi mihing tampi te tamsiat nak a co tute hi haw ma maw” tin son haw hi.
\v 50 Zan huncan ten a nelah a hawh awng tu mahmi U pa sung pen a tel mi Nicodemas in,
\v 51 Ohtei thu cu mihing cek ngawl in a na dehnak a theih laih ngawl a masa in thukhen thei ma maw tin a tih ten;
\v 52 A mun, nangmah vang Kallilee mite hi cim maw. Cek hih un. Kallilee ngam pen kamsang a piang awng ngawl nak thu ngaisung ta un hi” tin a tih cengten,
\v 53 A mu venghawng a inn tek ah pin haw ta hi.
\c 8
\p
\v 1 Zisuh cu Olive mual hum ah hawh hi. Zingtung no biakinn ah hawh leh in mihing tampi ten a nelah hawh haw.
\s Nupa sual palcat nak neimi numei
\v 2 Topa cu khung in thu hilhnak te a neih laih tak,
\v 3 Sualnak a bawl tu numei nu pakhat mu in, Dan thiam saza te le Farasi te sam in a mu laizang ah koih in,
\v 4 “Saza pa aw, hi numei nu cu sualnak a bawl lih laih tak in mu ing.
\v 5 Mah tihbang mi numei cu suang tuah sehhup tuk hi” tin, Mosi in kohtei lakah thukham pia hi. Mah hang, Topa aw itihbang thupiak nak nei cim” tin, dong haw.
\v 6 Mah tihcun a tih haw ten, Topai sual cu zei nuam in a tih haw nak hi. Zisuh in a nuai lam ah zo suk in, a khut mikawk tuah leihum ah laingan in um hi.
\v 7 A mun a dot bet thuah leh haw ten, Zisuh cu ding to in nohtei lakpen sual a nei ngawl miten a mah cu suang tuah a masa bel sep hen hi” tin, thu a piak cengten;
\v 8 Veikhat zo suk leh in leihum ah laingan bet leh hi.
\v 9 A mun mahmi awnkam a zak haw ten, kum U ham te penpan pakhat nung pakhat hawh in, Zisuh a mah pakhat bek a lai zang ah a um tu numei nu tuah tang hi.
\v 10 Mah laih tak Zisuh cu ding to in numei nu aw, nangmah sual zei tute ilai ah um haw kaw? Na sual nak a kua mah in khensak nuam haw ma maw tin, dong hi.
\v 11 Numei nu in, “A kua mah in khensak nuam haw ma hi” tin, Topai nelah ti hi. Kei vang in na thu cu khen sak tuk mang hi. Hawh ten na, tunung ten sual bawl leh toh pah sin hi” tin, ti hi.
\s Leihum vaknak
\p
\v 12 Veikhat cu Zisuh in, “Kei cu hi leihum vaknak ing hi. Ka nungah a zui tu cu khuathim sungah hawh tuk ma hi. Nunnak hi vaknak co tuk hi” tin, ti hi.
\v 13 Farasi ten, “Nang cu a ma thu theihpih nak tetti nei ci. Theihpih nak tetti na neih mi cu kho ma hi” tin, ti haw hi.
\v 14 Zisuh in, “Kei cu theihpih nak tetti ka nei ta vang, theihpih nak ka neih mi tetti cu kho hi. Itahum titale, kei cu ilai mun pen heng hum tih mi hei hihen, ilai mun ah hawh hum tih mi hei hihen thei ing. Nohten thei ma uh ci.
\v 15 Nohten lei thisa hihnak tuah thukhen thei uh ci. Kei cun a kuamah thukhen mang hi.
\v 16 Kei man thukhen naven, ka thukhen nak kho hi. Itahum titale, kei cu pakhat bek um mi hi mang hi. Kei mah hah tu ka pa cu keimah tuah um hi.
\v 17 ‘Theihpih nak tetti a nei tu mihing panih tei awnkam cu kho hi’ tin nohtei thukham laibu sungah ngan hi.
\v 18 Kei cu kei ma thu theihpih nak tetti nei tupa ing. Kei mah hah nak nei tu ka pa cu kei ma thu th eihpih nak tetti nei hi” tin, ti hi.
\v 19 A mun, “Na pa cu a lai ah um hum tin dong haw. Zisuh in, nohten kei mah thei ma uh ci. Kei mah na thei uh tale ka pa vang thei bok tuk uh ci” tin, ti hi.
\v 20 Biakinn sungah thu hilhnak a neih laih tak hi awnkam cu sumkhawl nak inn pen thupia hi. Topai huncan a hen laih ngawl hang, a kua mah in Topa cu man haw ma hi.
\s Hi leihum pen a suah tul nak tuk thu a hilh ham nak
\p
\v 21 Veikhat cu Topa in kei cu hawh tuk toh ing. Nohten kei mah zei tuk uh ci. Na sualnak sungah thi tuk uh ci. Ka hawhnak tuk mun ah nohten heng thei tuk ma uh ci” tin, ti hi.
\v 22 Judah miten a mah cu ka hawh nak mun ah nohten heng thei tuk ma uh ci” tin a tih ten, Topa nang mah le nangmah thatcop tuk cim maw “tin, ti haw.
\v 23 Zisuh in, nohte cu nuailam tuah a seng mite hi uh ci. Kei cu humlam tuah a seng mi ing hi. Nohte cu leihum mite hi uh ci. Kei cu leihum mi hi mang hi.
\v 24 Mah hang, nohten na sualnak hang thi tuk uh ci” tin, thupia ing. Keiman a ma hihnak thu cu nohten na um uh ma tale na sualnak sungah thi tuk uh ci” tin, ti hi.
\v 25 A mun, “Nang cu a kua nge cim a dong tale Zisuh in kei cu nohtei lakah son le leng mi bang, kei mah ing hi.
\v 26 Nohtei thu tuah ka son nuam mi thukhen nak bawl tuk tampi um hi. Mah naven, kei mah hah tupa cu thukam a dim in nei hi. A ma nelah zak nak ka neih mi bek cu hi leihum ah hilh ing hi” tin, ti hi.
\v 27 A pa camcawh in a tih mi cu a mun thei zo haw ma hi.
\v 28 Mah hang Zisuh in, “Nohten mi capa cu a taak haw ten a ma hihnak hei hihen, ka deihnak thu in imah bawl nak ka neih ngawl bang, ka pai dan a piak mi bang hilhnak ka neih mi hei hihen, nohten thei tuk uh ci.
\v 29 Kei mah a hah tupa cu kei mah tuah um kawm hi. Kei mah bek um tuk in ka pan zamsan tuk ma hi. Itahum titale, a deihnak bang a cat ngawl bawl hi” tin, ti hi.
\v 30 Mahmi thu a piak laih tak in mihing tampi ten um haw hi.
\s Thudik thu le suah caknak
\p
\v 31 Mah laih tak Zisuh in, “Nohten ka thuhilh nak na kho uh tale ka nungzui tu a man nga ngai mi hi tuk uh ci.
\v 32 Thudik thu a theih haw hang, mahmi thu in nohten luat tuk hi” tin, a um tu Judah mitei lakah thupia hi.
\v 33 Judah miten, “Kohte cu Abraham miphun ung hi. A kua mah nelpen veikhat no hei sila in um awng ma ung. “Luat nak co tuk ung hitin, nangman itin son thei cim tin dong haw hi. Zisuh in thungai in ka hilh mi cu;
\v 34 Sual a bawl tu hempoh te sual hi sila hi.
\v 35 Sila tih mi cu inn ah um le leng awng ma hi. Capa tih mi cu a cat ngawl in um hi.
\v 36 Mah hang, capa in nohte a luat tik tale nohten a thungai luat nak co tuk uh ci.
\v 37 Nohte cu Abraham miphun te hi uh ci tih mi cu kei man thei ing. Mah naven, ka thu hilh mi cu nohtei lakah umnak mun a co ngawl hang, nohten kei mah that tuk in zei uh ci.
\v 38 Kei cu kapai nelpen muh nak ka neih mi bang hilh ing. Nohten nohtei pai nelpen muh nak na neih uh mi bang bawl uh ci” tin, ti hi.
\v 39 A mun “Abraham cu kohtei pa hi” tin, ti haw hi. Zisuh in, “Nohte cu Abraham ca ngai na hi uh tale Abraham bawl mi bang bawl tuk uh ci.
\v 40 Pathian nelpen a zak mi thudik thu nohtei lakah a hilh tupa cu kei mah that tuk in, nohten a tuin ngaihsut nak nei uh ci. Abraham cu mah tihbang in bawl ma hi.
\v 41 Nohten nohtei pai bawl mi bang bawl uh ci” tin, ti hi. A mun, “Kohten zuanzam in suzuak miphun kha ma ung hi” tin, ti haw. Pathian pakhat bek, kohten pa khat bek nei ung hi” tin, ti haw.
\v 42 Zisuh in, Pathian cu nohtei pa ngai a hi tacun, nohten kei mah it tuk uh ci. Itahum titale, kei cu Pathian nelpen a heng mi ing hi. Kei ma thu in heng mang hi. Pathian in kei mah cu hah hi.
\v 43 Ita ka awnkam za thei ma uh cim? Ka thu cu nohten up theihnak na neih uh ngawl hang, theih thiam nak nei thei ma uh ci.
\v 44 Nohten nohtei pa a himi Dawihmang pai nelpen a heng mite hi uh ci. Nohtei pai deihnak ah vang zui thei uh ci. Dawihmang pa cu a pat penpan mi that tupa hi. A ma sungah thudik um ma hi. A mah cu zolthu sonnak a neih ten a hih nak bang son hi. Zol thu son in a ngamta tupa hi. Zol thu son tutei pa vang na hi bok hi.
\v 45 Kei cu thudik awnkam hilhnak ka neih hang, nohten um ma uh ci.
\v 46 Ka nelah sual a umnak thu cu nohtei lakpen a kon hilhnak nei hum? Thudik thu awnkam hilhnak ka neih mi a ngai a hitale ita nohten um thei ma uh cim?
\v 47 Pathian tuah a seng mite cu Pathian awnkam ngai thei haw. Nohte cu Pathian tuah seng mite na hih uh ngawl hang, a thu ngai ma uh ci” tin, ti hi.
\s Zisuh le Abraham
\v 48 Judah miten, “Nang cu Samaria mite hi ci. Khawsia vei mipa vang hi ci tin, kohtei son mi awnkam cu a khawthu a mawi mi hima maw tin” tin don leh haw.
\v 49 Zisuh in, “Kei cu khawsia vei mipa hi kha mang hi. Ka pai khaisan mipa ing hi. Nohten kei mah zawt dem uh ci.
\v 50 Kei cu ka minthan nak zei kha mang hi. Ka minthan nak zei in thukhen nak nei tupa um laih hi.
\v 51 Thungai in ka hilh mi ka awnkam thungai tute cu thihnak pen a cat ngawl luat tuk hi” tin, ti hi.
\v 52 Judah miten, “Nang cu khawsia vei ci tih mi a tuin kohten thei ung. Abraham pen pan kamsang te thikhawng zo hi. ‘Nang man, ka awnkam a ngai tupa cu thihnak pen a cat ngawl luat tuk hi” tin, ti ci.
\v 53 Kohtei pa Abraham sang in nang cu ngeng saw cim maw? Nang mah le nang mah a kua hing ngim tih ngaisung awngma ci maw” tin ti haw.
\v 54 Zisuh in, “Kei cu ka minthan nak lak tale ka minthan nak cu a thupi nak um tuk ma hi. Ka pa cu kei ma minthan nak lang tik tu hi. Mahmi Pathian cu kohtei Pathian hi” tin, nohten sam thei uh ci.
\v 55 Mah naven, mahmi Pathian cu nohten thei ma uh ci. Kei cun thei ing. Kei man thei mang hitin ka ti tale nang muhte bang zol thu son mipa in cang tung hi. Mahmi Pathian cu kei man thei ing. Pathian awnkam vang ngai hi.
\v 56 Nohtei pa Abraham cu ka hen leh tuk mi huncan mu tuk in nasezet a deih nak um hi. Muh nak a neih ten lungdam hi” tin, ti hi.
\v 57 Judah miphun ten, “Na kum cu kum sawmnga hei kim ngawl in nang Abraham cu mu awng zo cim” tin, ti haw hi.
\v 58 Zisuh in, “Nohtei lak thungai in ka hilh mi cu Abraham hi um laih ngawl in kei cu um zo ing hi” tin, ti hi.
\v 59 Mahten Topa cu suang tuah sep tuk suang khul in um haw. Zisuh in pial in a muhtei laizang ah tawn in biakinn sung pen hawh tul ta hi.
\s Sensuah mitcaw pa a dam tik nak
\c 9
\p
\v 1 Zisuh cu lamzin ah a hawh laih tak a sensuah pen pan mitcaw pakhat mu hi.
\v 2 A nungzui tuten, “Saza pa aw, hi pa cu a koi sual hang mitcaw hum? A ma sual nak hang a mitcaw maw? A nu le pa tei sual hang a mitcaw hum” tin, thu dong haw.
\v 3 Zisuh in, “A ma sualnak hang hima hi. A nu le pa tei sual hang hima. Pathian minthan nak lang tuk in hi.
\v 4 Keimah hah tupa a ma na deh nak cu sun huncan ah hei hihen deh tuk hi. A kuamah deh theih ngawl mi zan huncan ten heng tuk laih hi.
\v 5 Kei cu leihum ah um laih hei in hi leihum vaknak ing hi” tin, ti hi.
\v 6 Leihum ah cilsiak a cil tuah taklei bawl in, mitcaw pai mit ah taklei noih in hawh ten hi.
\v 7 “Siloam tuiting pi ah na mit som ten hi” tin ti hi. Siloam a tihnop nak cu hah nak a co tupa tih nak hi. Mah mipa cu hawh in a som ten, a mit cu khua mu leh hi.
\v 8 A mah cu khutdawh ngenpa a hih nak cu a inn nel te pen pan muh nak a nei tuten, hi pa cu khung leng in khutdawh ngenpa khi hima maw” tin, ti haw.
\v 9 Mi hekkhat ten, mah zuh hi tin ti haw hi. A hekkhat ten, a mah tuah bang ve mipa hi. A man, kei cu mah mipa khi toh ing hi” tin, hi.
\v 10 A mun, a kon na mit vak tik hum tin a dot haw ten,
\v 11 A man, “Zisuh tih mipan taklei bawlin ka mit ah a noih cengten, Siloam tuiting pi um nak ah hawh in, na mit cu som in tin a tih nak bang ka som ten ka mit khua mu ing hi” tin, ti hi.
\v 12 Mitam pi ten a mah cu ilai ah um hum tin a dot haw ten a man thei mang hi” tin, ti hi.
\s Mit khua mu leh tupai theihpih nak thu a neih mi
\p
\v 13 Mi tampi ten, mitcaw awng mipa cu Farasi tei lakah hawh pih haw.
\v 14 Zisuh in taklei bawl in a mitvak tik ni cu colhni hi.
\v 15 Veikhat cu Farasi ten a kon na mit vak tik hum tin a dot ten, “A man ka mit cu taklei noih in ka som ten mit vak hi” tin, ti hi.
\v 16 Farasi hekkhat ten, a man colhni cu cingkem ma hi. Pathian hah mipa hima hi” tin, ti haw hi. A hek khat ten, misual in hih tihbang a lamdang nate itihbang bawl thei hum” tin, ti haw hi. Mah tihcun lemdun ngawl in pakhat le pakhat khendun in um haw.
\v 17 Veikhat cu mitcaw awng mipa, “Na mit a vak tik tupa cu a kua hum” tin, a dot leh haw ten, “Kamsang pa hi” tin, ti hi.
\v 18 A mah cu tu masuan mitcaw in, mah cengten a mit khua mu leh mi cu Judah miten a up ngawl hang a nu le pa te sam in;
\v 19 Hi pan nohtei son mi bang a nui pumsung pen mitcaw mi nohtei ca ngangai maw. A man ngai a hitale ita a tun khua mu thei hum tin dong haw.
\v 20 A nu le pa ten, “Hi pa cu kohtei capa a man mi hi tih hei in hihen, nui pumsung penpan mitcaw a hih nak hei hihen, kohten thei ung.
\v 21 Itahum titale, a tun mit vak in a um mi hei hihen, a kon a mit vak tik hum tih hei hihen, kohten thei ma ung. A mah cu a kumvang ham zo. A mah dong ta un. A ma thu cu a man hilh tuk hi” tin, don leh haw.
\v 22 Mah tihbang a hilh mi thu cu Zisuh in Khrih a hih nak a phuang tute cu pumkhawm nak biakinn pen hawl vawk tuk tin, Judah miten thusiam khawm zo haw hi.
\v 23 Mah hang, a nu le pa ten, “A mah cu a kum vang kim zo. A mah dong ta un hi” tin Judah mite lau in hilh haw hi.
\v 24 Mah hang, mitcaw awng mipa cu a veinih nak sam in, “Pathian thangphat in hi. A mah cu misual a hih nak thu cu kohten thei ung hi” tin, a tih haw ten;
\v 25 A man, “Misual le misual ngawl cu ken thei mang hi. Kei cu mit caw awng pa hi naven, a tun mitvak nak thu pakhat theih nak nei ing hi” tin, ti hi.
\v 26 Veikhat cu a mun, a mah cu nohtei lakah itin bawl hum? Na mit cu a kon vak tik hum tin a dot haw ten veikhat hilh zo ing. Nohten beng tuah za ma uh ci.
\v 27 Ita nge za bet leh nuam uh cim? A nungzui nuam uh cim maw tin dong hi.
\v 28 A mun, nang cu a ma nungzui hi ci. Kohte cu Mosi nungzui tute ung.
\v 29 Pathian in Mosi nelah a thupiak awng mi cu kohten thei ung. A mah cu a lai pen heng hum tih mi cu thei mang hi” tin, zotsak nak tuah a tih haw ten;
\v 30 “A man ka mit vak tik naven ilai pen heng hum tih mi cu nohten na theih uh ngawl mi cu a lamdang nak um hi.
\v 31 Pathian in misual tei awnkam thu a ngaih ngawl nak cu kohten thei ung hi. Pathian U pat in a deihnak ah a zui tu a hitale a ma awnkam thu cu ngai tuk hi.
\v 32 A nui pumsung pen pan mitcaw pan mit vak tik tukin thil tih theihnak cu leipi a po pat pen za awng mang hi.
\v 33 A mah cu Pathian hah mipa a hima tacun imah bawl thei ma hi” tin, ti hi.
\v 34 A mun, nang cu na sensuah penpan na pumpi cingah sual thah leng napi in kohte thu hilh ci tin a tih haw cengten, a mah cu pumkhawm nak pen hawl vawk haw hi.
\s Hawvang mitcaw mi Farasi te
\p
\v 35 A hawl vawk nak thu cu Zisuh in a zak ten a muhte tawk in, “Nang cu Pathian capa um cim maw” tin, dong hi.
\v 36 A man, “Topa aw a mah ka up theih nak tuk Pathian capa cu a kua hum tin a dot ten,
\v 37 Zisuh in, “Nang cu a mah na muh awng bek sial ngawl nangmah otpih tupa cu Pathian capa hi” tin, ti hi.
\v 38 Topa aw, kei man um ing hi” tin, ti in bopkhup in bia hi.
\v 39 Mah ten, “Zisuh in mitcaw pa cu mit vak tik tuk in hihen, mit vak mipa cu mitcaw tik tuk in hihen, kei cu thukhen tuk in hi leihum ah heng ing hi” tin, ti hi.
\v 40 A nelah a um mi Farasi hekkhat ten mahmi awnkam a zak ten, “Kohte cu mitcaw te maw” tin, dong haw.
\v 41 Zisuh in, “Nohte cu mitcaw a man na hi uh tale sualnak um ma hi, “Kohten khua mu thei ung hi” nohten a tuin na son zo uh hang, nohtei lakah sualnak um hi” tin, ti hi.
\s Tuu le tuukhal tu a tehkip nak
\c 10
\p
\v 1 Thungai in nohtei lakah ka hilh mi cu tuu huan sung kongka pi pen tum ngawl in, a danglam zin pen kalvawk in a tum tute cu nguca misuam damiah hi.
\v 2 Tuukhal tupa cu kongka pi pen tum thei hi.
\v 3 A mah cu kongka cing tuten honsak thei hi. A ma aw cu tuu ten ngai haw. A man a tuu te a min tuah sam in a pawlam ah hawhpih thei hi.
\v 4 A tuu te a pawlam ah a tul pih ten tuu tei mai ah hawh in tuu ten a ma aw a theih haw hang zui haw.
\v 5 A mah tuah a seng kha ngawl mitei aw cu a theih ngawl hang, a seng kha ngawl mipai nung ah zui ngawl in tai haw tin, ti hi.
\v 6 Mahmi a tehkip nak cu Zisuh in a hilh ten, mipi te thupiak nak a neih mi awnkam a tihnop nak thei thiam haw ma hi.
\s Tuukhal pha
\p
\v 7 Mah hang veikhat cu Zisuh in, thungai in hilhnak a neih mi kei cu tuu luh nak kong ka ing hi.
\v 8 Ka ma suan ah a heng mite cu nguca damiah te hi. A muhtei aw cu tuu ten ngai haw ma hi.
\v 9 Kei cu kongka pi ing. Ka nelpen a lut tum mite cu haksat nak pen luat in a tul le a tum nak ah hampa hingdim dem no mu tuk hi.
\v 10 Nguca ten ngukcak nak, thah nak, siatsuah tuk in heng thei hi. Kei cu tuu tei nunnak luat tik tuk bek sial ngawl, nunnak a kim pia tukin hung ing.
\v 11 Kei cu tuukhal pha ing. Tuu khal pha in a tuu tei ca a nunnak pia hi.
\v 12 Tuu nei ngawl cu a khalh tuk tuu um ma hi. Tuukhal cialcop ten cingne te heng a muhten, tuu te cu zam in taisan thei hi. Cingne in, tuu te long in thamkek tik hi.
\v 13 Cialcop cu cial mi a hih hang, tuu tei phatnak tuk thu imah sumsial ngawl taisan thei hi.
\v 14 Kei cu tuukhal pha ing. Ka pa in kei cu a theih hang keiman kapa cu thei ing. Ka tuu ten kei mah thei haw.
\v 15 Kei cu tuu tei ca ka nunnak pia ing.
\v 16 Hi tuu huan sungah a lut tum ngawlmi a dang tuu te nei laih ing. Mahmi tuu te vang sam tuk laih ing. A mun, ka aw thei in tuu huan pakhat ah tuu khal tu pakhat bek um tuk hi.
\v 17 Ka nunnak pia in ka nunnak la leh tuk laih a hih hang, ka pa in kei mah it hi.
\v 18 Ka nunnak cu a kua mah in lonsak thei tuk ma hi. Ka phal nak bang ka nunnak pia ing. Nunnak ka piak mi le ka nunnak a lak leh tuk laih mi thu cu ka nel ah um hi. Mahmi thu neihnak cu kapa’n pia zo hi” tin, ti hi.
\p
\v 19 Mahmi awnkam hang, Judah miten veikhat khen kek haw hi.
\v 20 Mi tampi ten, a mah cu khawsia vei hang a sil hi. A ma awnkam cu ita ngai cim” tin, ti haw hi.
\v 21 A hekkhat ten, a ma awnkam cu khawsia vei mipai awnkam hima hi. Khawsia vei mitcaw miten mit vak tik thei maw” tin, ti haw hi.
\s Biakinn apnak puai ah Zisuh a hawhnak
\p
\v 22 Phalbi huncan a hih hang, biakinn apnak puai cu Zisuh in Jerusalem khua ah hawh hi.
\v 23 Zisuh in biakinn bul Solomon inn pawlam maisap ah a hawh laih tak in,
\v 24 Judah mihing ten Topa cu kilcih haw in nang cu ituk huncan tian kei muhte up sual nak pe tuk cim? Khrih na hi ngai tale ciangkoh son in hi” tin, ti haw hi.
\v 25 Zisuh in hilh zo ing. Nohten um ma uh ci. Kapai thupiak nak tuah bawl mi nate cu keimah theihpih tute haw hi.
\v 26 Mah naven, nohten um ma uh ci. Ita um ma hum titale, nohte cu ka tuu tei sungah telnak um ma hi. Ka hilh sa mi bang;
\v 27 Ka tuu ten ka aw thei in ka nungah zui haw. Mahmi tuu te thei ing.
\v 28 Kumkhua nunnak vang pia ing. Mahmi tuu te siatnak pen a cat ngawl luat tuk hi. Ituk mah ten mahmi tuu te cu ka khut pen lonsak thei tuk ma hi.
\v 29 Mahmi tuu te cu ka nelah apnak a nei tu kapan i hempoh te sang ngengsaw a hih hang, a kuamah in mahmi tuu te cu kapai khut sung pen lonsak thei tuk ma hi.
\v 30 Kei cu kapa tuah pumkhat sakhat hi” tin, ti hi.
\v 31 Mah laih tak Judah miten Topa cu suang tuah sep tuk in suang khul leh leu haw hi.
\v 32 Zisuh in, kei cu kapai thupiak nak tuah thilpha te nohtei lakah lak zo ing. Mahmi thu sung pen ithu hang kei mah suang tuah sep haw hum” tin, a dot ten,
\v 33 Judah miten, “Thilpha bawl hang suang tuah sep tuk ma hi. Nang cu mihing hi napi in Pathian hihnak tiam hem in, Pathian palcat nak awnkam hang suang tuah sep tuk ung hi” tin, ti haw hi.
\v 34 Zisuh in, “Nohte vang Pathian te hi uh ci. Kei man hilh hi” tin, nohtei dan thukham laibu sungah a heng mi hima maw.
\v 35 Pathian thuphuan nak a co tute cu Pathian tin sam hei in hihen, Laithiangtho lawl tuk ngawl hei in hihen;
\v 36 Ka pan thiangtho tik in, hi leihum ah a hah tupa’n, “Kei cu Pathian capa ing hi” tin, a tih ten nang cu Pathian palcat in na son hang tin a mah cu nohten son tuk mi maw?
\v 37 Kei man kapai na cu ka bawl ma tale kei mah um pah sun.
\v 38 Bawl nak ka nei tale kei mah na um uh ngawl vang mahmi thu cu um un. Mah tihbang na um tale kapa cu ka nelah um hi tih hei in hihen, um in thei ta un hi” tin, ti hi.
\v 39 Mah ten, Topa cu man tuk zei leh leu in a muhtei khut sung pen luat in hawh tul haw ta hi.
\s Jodan ngun ngalkhat pen mi tampi te Zisuh a up haw nak
\p
\v 40 Johan in baptisma a masa in a piak nak mun Jodan ngun ngalkhat lam ah hawh leh in mah lai munah um hi.
\v 41 Mihing tampi te a nelah hung in Johan in a lamdang nate lak ma hi. Mah naven, hi mipai thu cu Johan a hilh mi hempoh man hi” tin, a son hang;
\v 42 Mah lai mun pen mihing tampi ten Topa cu um haw.
\s Bethani khua pa Lazarus a thihnak
\c 11
\p
\v 1 Mah laih tak Mary le a U Martha tei um nak Bethani khua Lazarus tih mipa cu tidam ngawl in um hi.
\v 2 Tidam ngawl in a um Lazarus U nu Mary in Topa Pathian cu pak namtui noih in a ke a sam tuah huksak tu Mary hi.
\v 3 Mah hang, mah numei U nau panih tei lakah mihing hah in Topa Pathian a ih zet mipa tidam ngawl in um hi” tin, ti haw.
\v 4 Mahmi thu Zisuh in a zak ten a nat nak cu thih nat hima hi. Pathian minthan a lang tuk mi nat hi. A nat nak hang, Pathian capa a minthan nak lang tik tuk hi” tin, ti hi.
\v 5 Zisuh in Martha cu a nau nu hei hihen, Lazarus hei hihen it hi.
\v 6 Lazarus cu na hi tih a zak ten hawh ngawl in mah lai mun ah ninih um hi.
\v 7 Mah cengten a nungzui tei lak Judah ngamah veikhat hawh leh tuk hung hi” tin, ti hi.
\v 8 A nungzui tuten, “Saza pa aw, Judah miten a tu hei in suang tuah sep nuam haw napi in, mah lai munah hawh leh nuam laih cu” tin, ti haw.
\v 9 Nikhat sung sun huncan nazi heinih hima maw. Mihing ten sun huncan in hawh tale khuavak nak a muh uh hang bah tuk ma hi.
\v 10 Zan huncan ten a hawh uh tale khua vak um ngawl hang, bah thei hi” tin a tih leh cengten,
\v 11 Ohtei ngualcam pa Lazarus cu a hihbu hi. A mah phong tuk in hawh tung hi” tin, ti hi.
\v 12 A nungzui ten Topa a hihbu a hi tacun dam tuk hi” tin, ti haw hi.
\v 13 Zisuh in Lazarus a thih nak thu camcawh in thupia naven, a cawlum a hihbuh a hihnak thu a tih ten a nungzui tuten ngaisung haw hi.
\v 14 Mah hang Zisuh nelah a mun, “Lazarus cu thi zo hi” tin, ti haw.
\v 15 Mah naven, nohten upnak nei tuk in mah lai munah kei mah ka um ngawlnak cu nohtei ca lungdam ing. A tun a ma nel ah hawh ten nung hi” tin, ti hi.
\v 16 Mah ten Did-ymus a tih mi Thomas in, Topa tuah thi ngel tuk hung hi” tin a nungzui pih te cu hilh hi.
\s A thawh leh nak le nun nak
\p
\v 17 Zisuh a hen ten Lazarus cu a phum zo sawng than sungah nili kim zo hi.
\v 18 Bethani khua cu Jerusalem khua pen pengnih laih khua la hi.
\v 19 Martha le Mary tei ningpa a thih hang a muhte tohpih tuk in Judah mi tampi te heng haw hi.
\v 20 Zisuh a hennak thu cu Martha in a zak ten Topa cu muak tuk in hawh hi.
\v 21 Mary cu inn ah um hi. Martha cu Topa na um ta en ka ningpa thi tuk ma hi.
\v 22 A tu a thi in a um ta vang, Topa Pathian thunget nak bang Pathian in pia tuk hi tih cu keiman thei ing hi” tin, ti hi.
\v 23 Zisuh in, na ningpa cu tho leh tuk hi” tin, ti hi.
\v 24 Martha in, nidawl bel ni thawh leh nak huncan ten a mah cu tho leh tuk hi” tin, thei ing.
\v 25 Zisuh in kei cu thawh leh nak le nunnak ing. Kei mah a um tute cu a thi ta vang nung tuk hi.
\v 26 Kei mah cu um in a nung tu hempoh thihnak pen a cat ngawl luat haw tuk hi. Ka awnkam upnak nei cim” tin a dot ten, Martha in um ing hi Topa aw.
\v 27 Topa Khrih a hih nak cu hi leihum ah a heng tuk laih mi Pathian capa Khrih a hihnak um ing hi” tin, ti hi.
\s Zisuh mit hitui cak nak
\v 28 Mah tin a tih cengten, Martha cu hawh in a nau Mary nelah, “Hilh tu saza pa heng zo hi. Nang mah sam hi” tin, son kuh den hi.
\v 29 Mary in mahmi awnkam a zak ten manlang zet ding in a nelah hawh hi.
\v 30 Mah ten, Zisuh cu khua sungah luttum ma laih hi. Martha muahnak ah um hi.
\v 31 Mah hang, tohpih nei in Mary te tuah inn sungah a um tu Judah miten Mary manlang zet ding in a hawh tul mi cu mu in, kap tuk in khan mual lamah hawh zo hi” tin, ti in a nungpen zui haw.
\v 32 Mary in Zisuh um nak mun ah a hen ten, Topa cu mu a kebul ah bopkhup in, “Topa aw, nangmah na um ta en ka ningpa thi tuk ma hi” tin, ti hi.
\v 33 Mary penpan a zui tu Judah mite a kah haw cu Zisuh in a muh ten, a lungzul thinkham in a um ten,
\v 34 A luang ilai mun ah koih uh cim tin a dot ten a mun Topa aw, hung in zo in hi” tin, ti haw hi.
\v 35 Zisuh cu kap hi.
\v 36 Judah miten zo un. Lazarus cu it ung hi” tin, ti haw hi.
\v 37 A hekkhat ten, “Mitcaw te khua mu leh tik tu Topa’n, Lazarus cu thi tuk ngawl in thil tih theihnak nei ngawl ol hi” tin, son haw.
\s Lazarus a thawh leh tik nak
\v 38 Zisuh in a lungzul nak thinlung tuah khanmual ah hawh hi. Mahmi cu lei cawh mi khuk hi. Mahmi cu suang tuah a khah haw mi hi.
\v 39 Zisuh in, “Suang cu thawn in hi” tin, ti hi. A thi zo mipai U nu Martha in Topa aw, a tu cun nam tuk toh hi. Nili kim zo hi” tin, ti hi.
\v 40 Zisuh in, na up nak in Pathian minthan nak mu tuk ci. Kei man hilh zo ma ing maw” tin, ti hi.
\v 41 Mah ten, a thisa mipai than pen suang te thawn hi. Zisuh in, vanhum lam zo to in Ka pa aw, Topa ka thunget nak na ngaih hang lungdam nak tampi nei ing.
\v 42 Topan ka thunget a cat ngawl a ngaihnak cu kei man thei ing. Mah naven, Topa’n kei mah a hah nak cu kil pimpem in a um tu hempoh ten a up theih nak haw tuk, a mun thupha co tuk in hitibang in keiman thupia ing hi” tin, a tih cengten;
\v 43 Lazarus tho in hi” tin, aw nging zet tuah au hi.
\v 44 Mah ten, a thisa mipa cu a khut le ke pen puan tuam in a mit mai vang pavua tuah tuam in tho hi. Zisuh in, a tuamnak te cu duksak un hi” tin, ti hi.
\s Zisuh that tukin a ngaihsut haw nak
\p
\v 45 Mah ten, Mary nel ah a heng mi Judah miten Zisuh na deh a muh haw ten, Topa cu um haw hi.
\v 46 A hekkhat ten Farasi tei lakah hawh in, Zisuh na deh nak a bawl te hilh saw lawn haw.
\p
\v 47 Mah ten, thiampi U pa te le Farasi ten thukhen nak zungah hulawmkhawm tik haw in, a man a lamdang nate bawlnak tampi a neih hang, ohten itihbang in bawl tuk hung kaw?
\v 48 A mah cu hi tihbang hah thong in a um uh tale mihing hempoh ten um khawng haw tuk hi” tin, ti haw hi.
\v 49 A muhtei sungah a tel bok mi mahmi kum in thiampi hihnak nei tu Kaiafas tih mipan, nohten imah thei ma uh ci.
\v 50 Judah miphun hempoh a siatsuah khawng tuk sang, mihing pakhat cu mihing tampi tei ca thihnak tuk pha saw mi cu nohten ngaisung awng ma uh cim maw” tin, ti hi.
\v 51 Mahmi awnkam cu a deih nak thu men thong in a son mi hima hi. Mahmi kum in thiampi hih nak a nei tu Zisuh cu a miphun tei ca thi tuk hi tih mi hei hihen;
\v 52 A miphun ca bek sial ngawl mun hempoh ah a um tu Pathian ca te cu munkhat ah hulawmkhawm tik in thi tuk tih hei in hihen, kamsang theihnak tuah hilh hi.
\v 53 Mahmi ni penpan Topai nunnak that tuk in ngaisung khawm haw.
\p
\v 54 Mah hang, Zisuh in Judah miphun lakah lang zet hawh leh ngawl toh in, mah lai umnak munpen tul in ngam lak tuah a nai mi Efaraim khua ah hawh in a nungzui te tuah um hi.
\v 55 Judah kaltan puai a hen kuan ten, mihing tampi te a muhtei thianlim nak tuk puai a bawl laih ngawl in mun hempoh pen Jerusalem khua ah hawh haw.
\v 56 A mun Zisuh zei in, ka ngualcam te aw itin ngaisung uh cim? A mah cu puai nak mun heng ma maw tin biakinn ah ding in pakhat le pakhat dong un haw.
\v 57 Mah ten, a kon Zisuh um nak mun thei in, a mah man tuk lak un hitin thiampi U pa te le Farasi te hilh ham haw zo hi.
\s Zisuh ke sathau ngimnam tui noih nak
\c 12
\p
\v 1 Kaltan puai niluk a sam laih in a thisa zo toh mi thihnak pen a tho leh Lazarus umnak mun Bathani khua ah Zisuh heng hi.
\v 2 Mah hang, a mun puai bawl in Martha cu mikhual an do in Lazarus cu Topa tuah an eih langkhat nak a nei tupa hi.
\v 3 Mah laih tak Mary cu thilman pha nardu sathau a ngek tikal sawmthum keng in, Zisuh ke a noih cengten a sam tuah huksak in a sathau namtui cu innsung hempoh a dim nam hi.
\v 4 A nungzui nak ah a tel bok mi a hih hang, Topa ap tu Simon capa Judah Isakaliot in,
\v 5 Mahmi sathau namtui cu sawmthum tuah zuak in mizawng te ita pia ma cim” tin, ti hi.
\v 6 Mah tihbang in a tih ten, mizawng te hehpih nak tuah a tih mi hi ngawl in a mah cu nguca hi napi, nungzui tei man tuk sum bawm keng in a sawh kuh theih hang in son hi.
\v 7 Zisuh in, hi numei nu cu um ta poh hen. Ka luang phum tuk a bawl mi huncan tian a man hi sathau cu kem zo hi.
\v 8 Mizawng te cu nohtei lakah a cat ngawl in um le leng tuk hi. Kei cu a cat ngawl in um tuk mang hi.
\s Lazarus vang that tuk a ngaihsut haw nak
\p
\v 9 Mah lai munah Zisuh um hi tih Judah mi hempoh in a theih ten, Topa hang heng kha ma ung. Thihnak pen a tho leh tu Lazarus zo tuk in heng ung.
\v 10 Mah tihcun Judah mi tampi te Lazarus hang in heng haw.
\v 11 Zisuh cu a up haw hang, thiampi U pa ten Lazarus vang that tuk in ngaisung haw.
\s Jerusalem khua sungah a luh tum nak
\p
\v 12 A zingten, Zisuh cu Jerusalem khua ah heng tih cu puai nak ah a heng tu mi tampi in a zak haw ten;
\v 13 Tumceh tuah Topa muak tuk in hawh tul haw hi. Hosana Topa Pathian min tuah a heng tu Isarel kumpi cu muicu thupha um ta hen” tin, au haw hi.
\p
\v 14 Laithiangtho a heng mi bang,
\v 15 “Zion canu capa te aw, lau pah sun. Nohtei kumpi pa cu laakno khung in, nohtei umnak mun ah a hung li mi cu zo un hi” tin a ngat mi bang, Zisuh in laakno mu in khung hi.
\p
\v 16 Mahmi thu cu a nungzui tuten a pat in a thei ngawl vang, Topa cu camcawh in mah tihbang a ngat mi bang in hihen, Topan a muhtei lakah a bawl mite hei hihen, minthan nak a neih cengten theih nak tuah phawk leh haw hi.
\v 17 A nung ah a zui tu mitam pi ten, Lazarus cu than sung pen sam in thihnak pen a thawh leh tik nak thu cu theihpih nak tetti nei haw hi.
\v 18 Mah a lamdang mi na lak hitin mitam pi ten thu a zak haw ten, khual muak tuk in hawh tul haw hi.
\v 19 Farasi a muhten thil tih theihnak imah nei ma hi. Hi leihum cu a ma nung ah zui haw hi” tin, son haw.
\s A thihnak tuk thu a hilhham nak
\p
\v 20 Puainak mun pen bia tuk in a heng mitei lakpen Grik miphun hekkhat um hi.
\v 21 A muhte cu Kallile ngam Bethsaida khua Filip nelah hawh in, “Sapa aw kohten Zisuh mu nuam ung hi” tin, ngen haw hi.
\v 22 Fillip cu hawh in Andru nelah a hilh cengten, a panih in Zisuh nelah hawh haw.
\v 23 Zisuh in, mi capa cu a minthan nak tuah heng zo hi.
\v 24 Thungai in ka hilh mi leihum ah a cu mi anci cu a muat ma tale pakhat bek um hi. A sia tale tampi ngah thei hi.
\v 25 A nunnak a sahelh tute cu thi tuk hi. Hi leihum pen a nunnak a hua tute cu kumkhua nunnak cingkem tute hi.
\v 26 Kei ma na dehnak a nei tu a hi tale ka nungah zui tuk hi. Ka na a dek tupa a hi tacun ka umnak ah um tuk hi. Ka na deh nak a nei tu a hi tacun a mah cu Kapan pahcawi tuk hi.
\v 27 Kei cu a tuin thinkham ing. Itihbang in kalsuan tuk hum? Mah huncan ten kei mah pan in hi ka pa tin ti tung maw. A thu a um hang bek in mahmi huncan heng zo hi.
\v 28 “Kapa aw, na min cu pahcawi nak um ta hen” tin ti hi. Mah ten vanhum pen aw cu kei man pahcoih zo ing. Pahcoih nak heng leh tuk hi” tin, ti haw hi.
\v 29 A elkim ah a um mitam pi in a zak ten, “Vanthum hi” tin, ti haw. A hekkhat ten Topai nelah vangcung mi in hilh hi” tin haw hi.
\v 30 Zisuh in, mahmi aw cu ka ca tuk a heng mi hima hi. Nohtei ca in heng hi.
\v 31 A tuin hi leihum cu thukhen nak thuak hi. A tuin hi leihum uktu kumpi te a pawlam ah hawl vawk co tuk hi.
\v 32 Kei mah vang leihum pen taaknak thuak tale mihing hempoh huup tung hi” tin, ti hi.
\v 33 Mah tin a tih ten a thih tuk dan a limlak nak pia hi.
\v 34 Mi tampi ten, “Khrih cu kumkhua kho tahen hi” tin, thukham laibu sungah a hen nak thu cu kohten thei zo ung. Mah tin a hitale, mihing capa cu a taaknak thuak tuk hi’ tin, ita nang ti thei cim tin dong haw hi.
\v 35 Zisuh in, vak nak cu nohtei lakah dawmlaih no bek um hi. Vak nak a um sung cu hawh un. Mah ahima tale, khuathim in nohte pha tuk hi. Khuathim sungah a hawh tute cu a koi nelah hawh hum tih thei ma hi.
\v 36 Vak nak a um laih vak nak ca hi tuk in vak nak cu um un hi” tin, ti hi. Mah tin a tih celhten Zisuh cu hawh tul a muhte pial in um hi.
\s Isaiah hilh ham mi a kimnak
\v 37 Zisuh in a lamdang na tampi te a muhtei lakah lak naven a mun um cuang haw ma hi.
\v 38 Kamsang Isaiah a hilh awng mi cu Pathian aw, kohtei hilh mi thuthangpha cu a kon um haw tuk hum? Pathian khut cu a koi nelah a minthan nak nei hum tih mi awnkam a kim nak tuk hi.
\p
\v 39 Kamsang Isaiah a hilh leh mi cu;
\v 40 A mun khua muh nak mit nei ngawl in a thinlung in thei thiam ma, nun thek nak nei ma, a muhtei nat nak cu tidam nak pia tuk ngawl in a muhte mit caw tik hi. A muhtei thinlung mit vang thim tik hi tihmi awnkam hang a mun um thei haw ma hi.
\p
\v 41 Isaiah in a minthan nak mu in hitin a thu hilh hi.
\v 42 Mah naven, U pa tampi ten a mah cu um haw hi. Pumkhawm nak mun pen Farasi ten hawl vawk tuk a lau nak hang lang zet in phuang ngam haw ma hi.
\v 43 Itahum titale, Pathian piak mi minthan nak sang mihing tei piak mi minthan nak cu deih saw haw hi.
\s Hi leihum ah a hennak thu
\p
\v 44 Zisuh in, “Keimah a um tu cu kei mah bek um ngawl in keimah a hah tupa um un hi.
\v 45 Keimah cu zo in a mu tupa cu keimah a hah tupa mu hi.
\v 46 Keimah a um tu hempoh ten khuathim sungah um ngawl in, kei cu vak nak tuah hi leihum ah heng zo ing.
\v 47 Ka awnkam a za tupan um ngawl in a um tale a mah cu kei man sual thukhen sak tuk mang hi. Leihum mitei sual thukhen tuk in kei cu hung mang hi. Leihum mite nunpan tuk in hung ing.
\v 48 Keimah lawl in ka awnkam thu a ngai ngawl tupa cu sual thukhen tupa um laih hi. Ka hilhnak thu te hei ni dawlta bel niten a mah cu sual thukhen nak co tuk hi.
\v 49 Itahum titale, kei cu keima thu in hilh mang hi. Keimah a hah tu ka pa in itihbang keiman hilh tuk hum tih mi cu thukham pia zo hi. Ka pai thukham cu a kumkhua nung hi tih cu thei ing.
\v 50 Mah hang, a hilh mi hempoh te kapai thupiak sa bang kei man hilh ing hi” tin, au in ti hi.
\s A nungzui tutei ke a somsak nak
\c 13
\p
\v 1 Kaltan puai a bawl laih ngawl Zisuh in leihum pen a pai nelah hawh in a hennak tuk thu a theih hang, hi leihum ah a um mihing te a ihnak cu a tawp tian it hi.
\v 2 Topa apnak tuk thu Dawihmang pan Simon capa Judah Isakaliot thinlung sungah ngaihsut nak pia hi Mah ten tak eih an eih laih tak in;
\v 3 Ka pa in i hempoh a ma khut sungah apnak a piak hang in hihen, a mah cu Pathian nelpen a hen hang in hihen, Pathian nelah a hawh tuk mi hei hihen, Zisuh in theihnak a neih mi bang,
\v 4 Cabuai pen ding in a puan silh duuk pavua la in a tai het hi.
\v 5 Mah cengten, tui cu kuangkum ah sung in a nungzui tei ke somsak in, a tai het pavua tuah huuksak hi.
\v 6 Simon Pita nelah a hen ten a nungzui pa in, “Topa aw, Topa ka ke somsak tuk cim” tin, dong hi.
\v 7 Zisuh in, “Nang cu ka bawl mi nate a tuin thei ma laih ci. Tu nung ten thei leh tuk ci” tin, ti hi.
\v 8 Pita in, “Topa aw ka ke cu somsak ngawn pah sin hi” tin, ti hi. Zisuh in, kei man ka som ma tale nang cu kei mah tuah peh unnak um ma hi” tin, ti hi.
\v 9 Pita in, “Topa aw, ka ke bek som pah sin. Khut hei hihen, lu hei hihen, som in hi” tin, ti leh hi.
\v 10 Zisuh in, tibual cengten ke som nak sial ngawl som sak tuk a thu um ma hi. A pumcing in thiangtho hi. Nohten thiangtho naven a hekkhat ten thiangtho ma hi” tin, ti hi.
\v 11 Topa ap nak a nei tupa cu a theih hang, nohtei sung pen hekkhat thiangtho ma hi” tin, ti hi. Ke som sak a tinop nak
\v 12 Mah tihcun a muhtei ke cu a som cengten puan silh leh khung in nohtei lakah ka bawl mi nate thei uh cim?
\v 13 Nohten keimah cu saza pa tih hei in hihen, Topa aw tih hei in hihen sam thei uh ci. Mahmi awnkam cu a man mi thu hi. Itahum titale, nohten samnak na neih uh bang kei cu a man ing hi.
\v 14 Kei cu Topa le saza pa hi napi in, nohtei ke ka som sak tale nohten pakhat le pakhat ke cu som sak tuk uh ci.
\v 15 Kei man nohtei lakah ka bawl bang nohten bawl bok tukin theihpih nak tetti lak zo ing.
\v 16 Thungai in ka hilh mi cu sila in a Topa sang in ngengsaw thei ma hi. Nungzui tu a hah mite vang, a Topa sang in ngeng saw thei ma hi.
\v 17 Hi thu te nohten thei in, theihnak neih mi bang zui le man nak a nei tu ten thupha co haw.
\v 18 Nohtei veng hawng camcawh in son nak ka neih mi hima hi. Ka ten mite cu kei man thei ing. Laithiangtho a kimnak tuk thu kei mah tuah ankuang kilpa in keimah a ke tuah sik vawk tu hi.
\v 19 Mah tihbang thu a hen hang a mah a son mi cu nohten upnak nei tuk in, a heng laih ngawl in a tu hei in nohten lakah hilh ham ing hi.
\v 20 Thungai in ka hilh mi ka hah mipa a co tu cu kei mah co hi. Keimah a co tupa cu keimah a hah tupa a co tu hi” tin, ti hi.
\s Judah ap tukin a hilhnak
\p
\v 21 Mah tihcun Zisuh in a tih cengten, thinkham lungkham nak um hi. Thungai in ka hilh mi cu nohtei lakpen mihing pakhat in keimah ap tuk hi” tin, theihpih nak tetti tuah thupia hi.
\v 22 A kua camcawh in a tih hum tih mi cu a nungzui tuten ngaisung in pakhat le pakhat zo un in um haw.
\v 23 Zisuh a it tu a nung zui tei sung pen pakhat cu Topa ang sungah a khun hang,
\v 24 A kua bel camcawh a son hum tih mi thu dong tuk in Simon Pita in a nungzui tupa cu theihnak pia hi.
\v 25 A nungzui tute cu Zisuh ang sungah a khun laih tak, “Topa aw a kua hum hi” tin, dong hi.
\v 26 Zisuh in, “A mah cu moh bothem keiman cop in ka piak mipa hi” tin a hilh cengten, moh bothem cu a cop cengten pia in Simon capa Judah Isakaliot cu pia hi.
\v 27 A man moh bothem cu a lak cengten, Saihtan pa cu a ma sung ah lut tum hi. Zisuh in, na bawl mi cu a man lang thei tawp bawl in hi” tin, a ma nelah thupia hi.
\v 28 Ita mah tihbang thupiak mi cu cabuai ah a khung tu a kua mah in thei haw ma hi.
\v 29 Hek khat ten, Judah Isakaliot cu sumbawm a puak hang hi puai ah ohtei ca lei tuk mite hei hi hen, mah ahima tale mizawng cangah tei ca pakhat pia in hi tih hei in hihen, Zisuh in ti hi” tin, ngaisung haw.
\v 30 Judah Isakaliot in moh pakhat cu a lak cengten manlang zet tul in hawh ta hi. Mahmi huncan cu zan huncan hi.
\s Thukham thak
\p
\v 31 A hawh cengten, Zisuh in a tuin mi capa cu minthan nak lang tik zo hi. Pathian in mi capa hang minthan nak lang zo hi.
\v 32 Pathian cu mi capa hang, a minthan nak a lang a hitale Pathian cu Topa hang a minthan nak lang tuk hi. Huncan a ngei ngawl in a minthan nak lang tuk hi.
\v 33 Ka ih mite aw, kei cu nohte tuah dawm laih sung no bek um tuk hi. Nohten keimah zei tuk uh ci. Ka hawhnak munah nohten heng thei ma uh ci tin, Judah mitei lakah ka hilh mi bang a tuin nohtei lakah hilh ing.
\v 34 Nohte pakhat le pakhat it nak nei ta un. Kei man nohte ihnak ka neih bang, pakhat le pakhat it dun nak na nei ta un hitin, thukham thak cu keiman pia ing.
\v 35 Nohte cu pakhat le pakhat it dun nak na nei uh tale mi hempoh ten itnak cu suang in nohte cu ka nungzui tu hih nak thei haw tuk hi” tin, ti hi.
\s Pita elnak tuk thu a hilh ham nak
\p
\v 36 Simon Pita in Topa aw, Topa aw i lai mun ah hawh tuk cim tin a dot ten, Zisuh in ka hawhnak munah nang cu a tuin zui thei ma laih ci. Tu nung ten zui tuk ci” tin, ti hi.
\v 37 Pita in Topa aw, kei cu nangmah tuah a tuin ita zui thei ma hum? Topa nang ma ca in ka nunnak pia ing hi” tin a tih ten,
\v 38 Zisuh in kei ma ca na nunnak pia tuk cim maw? Thungai in ka hilh mi cu ak khuang laih ngawl in nang cu veithum tian kei mah el tuk ci” tin, thupia hi.
\s Lamzin, thudik thu le nunnak
\c 14
\p
\v 1 Veikhat cu Zisuh in, nohte thinkham in um pah su un. Pathian cu um un. Keimah vang um un.
\v 2 Ka pai inn ah umnak khan tampi um hi. A um ma tale a um ngawl nak thu, nohtei lakah son ngawlin um mang hi. Nohtei umnak bawl tuk in hawh ing.
\v 3 Kei cu hawh in nohtei umnak ka bawl cengten, hung leh in nohte um tik tuk in nohte ka nelah pui tung hi.
\v 4 Kei cu i lai ah hawh hum tih hei hihen, lamzin hei hihen, nohten thei uh ci” tin, ti hi.
\v 5 Thomas in, Topa aw nang cu i lai mun ah hawh tuk cim tih mi kohten ka theih uh ngawl hang, lamzin cu itihbang thei tuk hum” tin, a dot ten;
\v 6 Zisuh in Kei cu lamzin ing hi. Thudik vang hi ing. Nunnak vang hi ing. Kei mah a um ngawl tute cu a kua mah Ka pai nelah heng tuk ma hi.
\v 7 Nohten Kei mah na thei uh tale Ka pa cu thei ngawl in um tuk ma uh ci. A tu penpan Ka pa cu thei zo uh ci” tin, ti hi.
\v 8 Fillip in, “Topa aw, na pa lak in hi. Mah tihcun na lak ta le kohtei deihnak cangkim tuk hi” tin, ti hi.
\v 9 Zisuh in, “Filip cu hi tihzah huncan tian kei cu nang muhte tuah um ngel in nang cu Kei mah thei ma laih cim? Keimah a mu tute cu Ka pa mu hi. Mah a hitale, na pa cu kei muh lak in hi” tin, nang man ita ti thei cim?
\v 10 Kei cu Ka pai sungah um ing hi tih hei in hihen, Ka pa cu Keima sungah a um mi cu nangman um ma cim maw? Ka hilh mi thu cu Kei ma thu in Ka hilh mi thu hima hi. Ka bawl mi nate cu Ka nelah a um mi Ka pai bawl mi hi.
\v 11 Kei cu Ka pai sungah um in, Kapa cu Keima sungah a um mi thu cu um un. Ka awnkam na um ma tale Ka na deh nak te suangin um un.
\v 12 Thungai in Ka hilh mi cu Kei mah a um tupa cu Ka bawl mi nate bawl tuk hi. Mah sang a ngeng saw mi nate vang bawl tuk hi. Itahum titale, Kei cu Kapai nel ah hawh in;
\v 13 Nohte cu Ka min suang in thunget nak bang bawl tung hi. Itahum titale, Ka pa cu capa hang minthan nak co tuk hi.
\v 14 Nohten Ka min suang in pakhat thu na nget uh ten na nget bang in ngah tuk uh ci. Hawvang thingtho pia tung hitin thukam
\v 15 Kei mah na it tale Ka thupiak mite zui tuk uh ci. Keiman Ka pai nelah ngen in;
\v 16 Kei man Kapai nelah Ka nget mi cu Ka pa in midang te bawm tu tuk pakhat cu nohte tuah a cat ngawl um tukin nohtei lakah pia ing.
\v 17 Mahmi hawvang thiangtho cu hi leihum miten a muh haw ngawl hang, um thei haw ma hi. Mahmi hawvang thiangtho cu nohte tuah um langkhat in, nohte tuah a um langkhat hang nohten thei uh ci.
\v 18 Keiman nang muhte nu le pa nei ngawl te bang zam san thong tuk mang hi. Nohte cu ka nelah hung tuk laih uh ci. Pa le capa le Hawvangthiangtho
\v 19 Dawmlaih no a ngei nungten, hi leihum miten Kei mah cu mu haw tuk ma toh hi. Nohten mu tuk uh ci. Kei cu a nung mi Ka hih hang, nohten nunnak co ngah bok tuk uh ci.
\v 20 Kei cu Ka pai nelah umnak hei hihen, nohte cu Kei mah tuah umnak hei hihen, mahmi niten nohten thei tuk uh ci.
\v 21 Ka thukham te co in a zui tute cu Kei mah a it tute hi. Kei mah a it tute cu Ka pan it tuk hi. Kei man, a mah cu it in a mah loli lang tuk hi” tin, ti hi.
\v 22 Judah Isakaliot hi ngawl a dang Judah in, “Topa cu hi leihum tei lakah lang ngawl in kohtei lakah a lang mi cu ita hum” tin, dong hi.
\v 23 Zisuh in, “Kei mah a it tute cu Ka thu ngai tuk hi. Ka pa in a mah cu it hi. Ohte vang a ma nelah hawh in um tuk hung hi.
\v 24 Kei mah a it ngawl tute cu ka awnkam thu ngai ma hi. Nohtei zak mi awnkam cu ka awnkam hima hi. Kei mah a hah tu Kapai awnkam hi.
\p
\v 25 Kei cu nang muhte tuah um lang khat laih in hi awnkam hilh zo ing.
\v 26 Kapa in kei ma hang a hah mi hawvang thiangtho cu nohtei lakah i hempoh hilh tuk in, Ka hilh mi hempoh awnkam te cinken theih nak cu nohtei lakah pia tuk hi.
\v 27 Daihnak cu nohtei lakah koih zo ing. Keima daihnak cu nohtei lakah pia ing. Leihum mitei piak mi bang pia mang hi. Nohten thinkham, launak nei ta pah su un.
\v 28 Kei cu a tuin ka hawh ta vang, nohtei lakah hung leh tung hitin ka hilhmi awnkam cu nohten za zo uh ci. Nohten kei mah na it uh tale Kapai nelah ka hawh tuk cu lungdam tuk uh ci. Itahum titale Kapa cu kei mah sang ngeng saw hi.
\v 29 Mahmi thu te a hen ten, nohten upnak nei tukin a hen laih ngawl a tu hei nohtei lakah hilh ing.
\v 30 A tu penpan in kei cu nohte tuah tampi otpih nak um ma hi. Itahum titale, hi leihum uknak nei tu kumpi pa hung li hi. Hung naven, ka humah thu neihnak imah nei ma hi.
\v 31 Kei cu Kapai itnak hei hihen, Kapai thu hilh bang Ka bawl mi hei hihen, leihum mitei theih tuk in hi. Hi lai mun pen ding in hawh tuk hung hi.
\s Cabit kung le cabit kang a tehkip nak
\c 15
\p
\v 1 Kei cu cabit kungpi ing hi. Kapa cu huan nei tupa hi.
\v 2 Kei mah tuah pehzom nak ngah a ngah ngawl mi a kangkak hempoh sat tawng hi. A ngah mi a kangkak hempoh ngah sesem tik tuk heuh in puah hi.
\v 3 Nohten Ka hilh mi thu hang a tu hei in thiangtho zet um uh ci.
\v 4 Kei ma sungah um un. Kei cu nang muhte tuah um tung. Cabit kang cu a kungpi tuah pehzom nak a um ma tale a ma thu in ngah a ngah thieih ngawl bang, nohten ka sung na um ma tale ngah thei ma uh ci.
\v 5 Kei cu cabit kungpi ing. Nohte cu a kangkak te hi uh ci. Mi pakhat in ka sungah um in keimah vang a ma sungah um ing. A mah cu tampi ngah thei tuk hi. Keimah tuah pehzom unnak a um ma tale nohten imah bawl thei ma uh ci.
\v 6 Keima sungah a um ngawl mite cu a ko mi a kang bang a pawlam ah vawk co tuk hi. Mah tihbang mi a kang te cu mihing ten hulopkhawm in meipi sungah a vawk hang, meipi in kang haw ta hi.
\v 7 Nohten ka sungah um in ka awnkam thu nohtei sungah a um tale nohtei nget mi hempoh ngah tuk uh ci.
\v 8 Nohten ngah tampi na ngah uh hang, Ka pai minthan nak lang in nohten Ka nung zui ngangai in cang tuk uh ci.
\s Khrih itnak
\v 9 Kapa in Keimah a ih bang, Keiman nohte it ing. Keima itnak sungah um un.
\v 10 Kei cu Kapai thukham te cingkem in Kapai itnak ah Ka um bang in, nohten Ka thukham na zui uh tale Ka itnak sungah um tuk uh ci.
\v 11 Nohtei lakah ka lungdam nak kho tuk in hihen, nohtei lungdam cangkim tuk in hihen, hi awnkam cu nohtei lakah hilh ing.
\v 12 Ka thukham cu nang muhte itnak ka neih bang, nohten pakhat le pakhat itnak nei ta un.
\v 13 Na ngualcam tei ca a nunnak piak mi sang a sunglawi saw mi itnak cu a kua ma nel ah um ma hi.
\v 14 Nohten Ka thukham piak mi hempoh na zui uh tale Ka ngualcam hi uh ci.
\v 15 A tu penpan nohte cu sila tin sam leh tuk ma toh ing. Sila tih mi cu a topai deh le bawl mi thei ma hi. Nohte cu ka ngualcam tin sam ing. Itahum titale, Kei cu Kapai nel pen zaknak Ka neih mi hempoh nohtei lakah hilh ing.
\v 16 Nohten Kei mah cu teng ma uh ci. Keiman nohte Ka ten hang, nohte cu hawh ta un na a ngah tampi ngah tuk Ka min suang Ka pai nelah na nget mi hempoh ngah tuk in nohte pia zo ing.
\v 17 Nohten pakhat le pakhat itnak nei ta un hi tih mi hi thukham cu nohtei lakah pia ing.
\s Leihum mitei huat co tuk a hilhnak
\v 18 Leihum miten nohte a hua tale nang muhte a huat laih ngawl Kei mah hua haw zo hi tih cu thei ta un.
\v 19 Nohten hi leihum mite tuah pehtuah unnak a um tale leihum miten a muhte tuah pehtuah unnak neih mi nang muhte cu it haw tuk hi. Nohte cu leihum tuah pehtuah unnak um ma hi. Keiman nohte cu hi leihum pen Ka ten zo hang, leihum miten nohte cu hua haw hi.
\v 20 Sila cu a topa sang in ngeng saw ma hi tih cu Ka hilh sa mi awnkam phawk ta un. A mun keimah a bawl sia haw tale nohte vang bawlsi nak co bok tuk uh ci. Ka thu a ngai tale Ka thu cu ngai bok haw tuk hi.
\v 21 A mun Keimah hah tupa a theih ngawl hang, Ka min in nohtei lakah hi thu hempoh te bawl haw tuk hi.
\v 22 Kei mah hung in a muhtei lakah hilh ma ta a muhtei lakah sual um ma hi. Mah naven, a tu cun a muhtei sual cu sel thei haw ma hi.
\v 23 Keimah hua tu cu kapa hua tu hi.
\v 24 Kei cu midang tei a bawl awng ngawl mi na, a muhtei mai pen bawl nak Ka nei ma tale a muhtei lakah sual um ma hi. A tu cun, a muhtei sual te mu in Keimah le Kapa cu hua haw hi.
\v 25 Mah tihbang a hitale, a thu imah um ngawl Keimah hua haw hi” tin, a muhtei thukham laibu ah a ngat mi awnkam kim tuk in hi.
\v 26 Kapai nel pen tul in thudik thu tuah a dim mi hawvang thiangtho tih mipan nohtei lakah Ka hah mi hawvang thiangtho a hen ten, Ka thu cu theihpih nak tetti nei tuk ci.
\v 27 Nohten a pat pen pan Keimah tuah na um uh hang, theihpih nak tetti nei tuk uh ci.
\c 16
\p
\v 1 Nohten thinkham tuk ngawl in hi thu hilh ing.
\v 2 Leihum miten nohtei pumkhawm nak mun pen hawl vawk tuk hi. Nang muhte a that tupa cu a mun Pathian biakpiak nak bawl ing hi” tin a ngaihsut huncan heng awn zo.
\v 3 Ka pa thei ma, keimah vang a theih ngawl hang mah tihbang in bawl haw tuk hi.
\v 4 Mah huncan a hen ten, hi tihbang Ka hilh mi thu te nohten na phawh leh nak tuk a tu hei in hilh ing. A pat pen pan nohte tuah um ngel langkhat ten, hi tihbang in hilh ma laih ing.
\s Hawvang thiangtho na dehnak
\v 5 Keimah a hah tupai nelah a tun hawh tuk toh Ka hih hang, i lai mun ah hawh tuk hum tih cu nohten dong ma uh ci.
\v 6 Hi thu hempoh te Ka hilh zo hang nohten thasia zet um uh ci.
\v 7 Thungai in Ka hilh mi cu Ka hawh tale nohtei ca phat nak um tuk hi. Itahum titale, hawhnak Ka nei ma tale hawvang thiangtho cu nohtei lakah heng tuk ma hi. Ka hawh tale a mah cu nohtei lakah hah tung hi.
\v 8 Hawvang thiangtho a hen ten sual bawl mi hei hihen, sual thukhen nak hei hihen, leihum mitei lak ah ciangzet in hilh tuk hi.
\v 9 Keimah a up haw ngawl hang a sual bawl cu lak tung.
\v 10 Kei cu Kapai nelah hawh tuk ka hih hang, nohten Keimah na muh leh tuk uh ngawl hang sual a um ngawl mi cu hilh tung.
\v 11 Hi leihum uktu kumpi cu sual thukhen nak a thuak hang sual thukhen nak hilh tung.
\v 12 Nohtei lakah Ka hilh tuk awnkam tampi naven nohten a tuin thuak zo ma uh ci.
\v 13 Thudik tuah a dim mi Hawvang thiangtho a hen ten, thudik thu cu nohtei lakah a venghawng in hilh tuk hi. Mahmi Hawvang thiangtho cu a ma thu in hilh tuk ma hi. Zaknak a neih mi hempoh hilh tuk hi. A heng tuk laih mi thu te vang nohtei lakah hilh tuk hi.
\v 14 A mah cu Ka minthan nak lang tik tuk hi. Itahum titale, Keimah tuah a seng mite keng in nohtei lakah hilh tuk hi.
\v 15 Ka pa tuah a seng mi hempoh te Keimah tuah seng hi. Mah hang, Keimah tuah a seng mite keng in nohtei lakah hilh tung hi” tin, keiman hilh ing.
\s Thasiat nak pen lungdam nak ah
\v 16 Huncan a ngei nung ten, nohten Keimah cu mu leh tuk ma toh uh ci. Huncan khat a ngei leh ten keimah muh leh tuk uh ci. Itahum titale Kei cu Ka pai nelah hawh tung hi” tin, ti hi.
\v 17 A nungzui hekkhat ten huncan khat a ngei nungten, Keimah cu mu tuk ma uh ci. Huncan khat no a ngei nung leh ten, Keimah cu mu leh tuk uh ci tih hei in hihen, Kei cu Ka pai nelah hawh tung hi tih hei in hihen, a tih mi thu cu itih bang hum?
\v 18 Dawmlaih no tin a tih cu a tihnop nak i hum? A tih mi thu cu kohten thei ma ung hi” tin, pakhat le pakhat son haw hi.
\v 19 A nungzui tuten dong nuam tih mi Zisuh in a theih ten, huncan khat no a ngei nungten nohten Keimah muh leh tuk ma toh uh ci. Huncan khat no a ngei nung leh ten, Keimah cu mu leh tuk uh ci Ka tih mi thu cu nohten pakhat le pakhat ngaisung uh cim maw?
\v 20 Thungai in Ka hilh mi cu nohten kah nak nei tuk uh ci. Leihum miten lungdam in um haw tuk. Nohten thasiat nak a um ta vang, mahmi thasiat nak cu lungdam nak in heng leh tuk hi.
\v 21 Mi nu in capa hinnak a neih laih tak nau hinnak huncan a kim hang thasiat nak um hi. A hin cengten hi leihum ah mihing pakhat a hinnak hang lungdam in hatsat thuak nak te phawk ngil thei hi.
\v 22 Mah bang bok a tuin thasiat nak a um ta vang, nang muhte Ka muh leh hang nohtei thinnop nak cu um leh tuk hi. Mahmi lungdam nak cu a kua man long in siatsuah thei ma hi.
\v 23 Mahmi ni in nohten Keimah dong leh tuk ma toh uh ci. Thungai in Ka hilh mi cu nohten Ka min suang in Kapai nelah thunget mi hempoh Kapan pia tuk hi.
\v 24 A tu tian Kamin suang in nohten imah ngen ma laih uh ci. Nohtei lungdam nak thu kim tik tuk in ngen ta un. Mah tihbang in na ngen uh ta le ngah tuk uh ci.
\s Leihum a neh nak
\p
\v 25 Hi thu te tehkip nak tuah hilh ing. Tehkip nak tuah hilh ma ta, Kapa tuah a seng mi thu te nohtei lakah ciangzet in hilhnak huncan heng tuk laih hi.
\v 26 Mah huncan a hen ten nohte cu Ka min suang in thungen tuk uh ci. Nohtei ca Kapai nelah ngetsak tung hi tin Keiman ti mang hi.
\v 27 Itahum titale, nohten Keimah cu it in Pathian nel pen a heng mi Keimah cu na up uh nak hang, Ka pa a mah loli in nohte cu it hi.
\v 28 Kei cu Kapai nelpen tul in hi leihum ah heng zo ing. Hi leihum pen tul leh in Kapai nelah ah hawh tung hi” tin, thupia hi.
\v 29 A nungzui tuten, Topa’n a tu cun tehkip nak son leh ngawl toh in ciangzet in hilh hi.
\v 30 Ihempoh a theih hang in hihen, a kuamah in Topa thu dong tuk ngawl in a tun ohten thei zo hung hi. Ohten hi thu sihsan in Topa cu Pathian nelpen a heng mi hi tih cu um ung hi” tin, ti haw hi.
\v 31 Zisuh in a tuin um toh uh cim maw?
\v 32 Nohten khen kek Keimah vo cang zam san in, nang muhtei inntek ah na hawh nak huncan heng in a tu hei in heng zo hi. Mah naven, Keimah bek um mang hi. Kapa cu Keimah tuah um hi.
\v 33 Nohte cu Keima hang daihnak co tuk in hilh zo ing. Nohte cu leihum ah hatsat nak thuak tuk uh ci. Mah naven, lau pah sun. Kei cu leihum neh zo ing hi” tin, ti hi.
\s Zisuh thunget nak
\c 17
\p
\v 1 Mah tihcun thu a piak cengten, Zisuh in vanhum zo in Kapa aw Ka huncan heng zo hi.
\v 2 Capa khut sungah na piak mi hempoh tei lakah kumkhua nunnak pia tuk in, mi hempoh uknak a nei tu huham cu capa nelah na piak mi bang capa in na minthan nak lang tik tuk in capa minthan nak cu lang tik in hi.
\v 3 Kumkhua nunnak tih mi pakhat bek a man mi Pathian cu Topa hei hihen, a hah mi Zisuh Khrih hei hihen theih ciangnak khi hi.
\v 4 Kei cu leihum ah Topai minthan nak lang tik zo ing. Topai piak mi deh le bawl tuk cu ceng zo ing.
\v 5 Kapa aw, leipi a um laih ngawl in na nelah Ka co mi minthan nak tuah a tu hei in kei cu na nelpen minthan nak lang tik in.
\s A nungzui tei ca thunget nak
\v 6 Hi leihum pen teng in Ka nelah na piak mi hempoh te Topai min thannak lang tik zo ing. A muhte cu Topai neih mite a hih haw hang, Ka nelah pia hi. A muhte vang Topai thu awnkam zui in kem haw hi.
\v 7 Ka nelah na piak mi hempoh te Topai nelpen a hih nak thu cu a mun a tuin thei haw hi.
\v 8 Itahum titale, ka nelah na piak mi hempoh a muhte Kei mah pia in a mun a co hang, Kei mah cu a ma nel pen heng tih a theih haw bang Topa’n Keimah hah hi tih mi cu um haw hi.
\v 9 A muhtei ca thungen ing. Leihum mitei ca thungen mang hi. Ka nelah a piak mite cu Topai mihing a hih hang, a muhtei ca thungen ing.
\v 10 Keimah tuah a seng mi hempoh Topa tuah a seng mite hi. Topa tuah a seng mi hempoh te vang, Keimah tuah seng in a ma thu hang Ka minthan nak lang hi.
\v 11 A tu penpan Kei cu hi leihum ah um mang hi. A muhte cu hi leihum ah um haw tuk laih hi. Kei cu na nel ah hawh tung. A thiangtho mi Kapa, nangmah le Kei cu pumkhat a hih bang Ka nelah na piak mi a muhte cu Topai min sungah kho tik in hi.
\v 12 Kei cu hi leihum ah a muhte tuah um kawm lang khat sung hempoh, a muhte Topai min sungah kho tik zo hi. Ka nelah na piak mi hempoh kem zo ing. A muhtei lakpen siatnak capa pakhat bek sial ngawl a kuamah siat nak ah heng tuk ma hi. A ma siatnak ah a hennak thu cu Laithiangtho a kim nak tuk hi.
\v 13 A tuin Kei cu Topai nelah hawh tuk toh Ka hih hang, a mun Keimah a muan hang lungdam nak cangkim a neih theih haw nak tuk hi thu te leihum pen hilh ing.
\v 14 Topai thu cu a muhtei lakah pia zo ing. Kei cu hi leihum tuah a seng unnak a um ngawl bang, a muhte vang a seng unnak a um ngawl hang, leihum miten a muhte hua hi.
\v 15 A muhte cu hi leihum pen laksak tuk in thungen mang hi. Siatnak lakpen hup le pan tuk bek in ngen ing.
\v 16 Kei cu hi leihum mite tuah pehtuah unnak Ka neih ngawl bang, a muhte vang pehtuah unnak nei haw ma hi.
\v 17 Topan thudik thu tuah a muhte thiangtho tik in. Topai thu cu thudik thu hi.
\v 18 Topa’n Kei cu hi leihum ah a hah mi bang, Kei man a muhte vang hah ing.
\v 19 Thudik thu tuah a muhte thianglim thei tuk in, Kei cun a muhtei ca mah le mah thianglim tik ing.
\s Umtu hempoh tei ca thunget nak
\v 20 A muhtei ca bek thungen mang hi. A muhtei hilh hang, Keimah umtu hempoh tei ca thungen ing.
\v 21 Topa’n Keimah a hah mi cu a up theih nak tuk a mu venghawng pumkhat cang in, Kapa, nang cu Ka nelah um in Keimah vang nangma nelah Ka um bang bok a mu venghawng in ohtei sungah pumkhat cang tuk in thungen ing.
\v 22 Ohte cu pumkhat a hih bang Kei cu a muhtei lakah um in,
\v 23 Topa vang, Ka nelah a um hang a muhte pumkhat cang in pumkhat sungah cangkim tuk in hihen, Topa’n Keimah a hah nak thu le Keimah a ih bang a muhte vang a ihnak thu cu leihum miten thei tuk in hihen, Topan Ka nelah a piak mi minthan nak cu Keiman a muhtei lakah pia zo ing.
\v 24 Kapa aw, Topa cu hi leipi um laih ngawl in Keimah cu itin Ka nelah na piak mi minthan nak cu Ka nelah na piak mi a mun mu thei tuk in, Ka umnak mun ah um kawm lang khat tuk deih ing.
\v 25 Thuman nei mi Kapa aw, leihum miten Topa a thei ngawl vang Keiman thei ing. Topa in Keimah a hahnak thu cu a mun thei haw zo.
\v 26 Topa’n Keimah a it nak cu a muhtei lakah um tik tuk in hihen, Topai min cu Keiman a muhtei lakah hilhnak Ka neih zo hang a cat ngawl in hilh tung hi” tin, ti hi.
\s Zisuh ap nak
\c 18
\p
\v 1 Mah tihbang a thu piak cengten, Zisuh cu a nungzui tute tuah Kidron tui ngalkhat lamah hawh in, mah lai munah a um mi huan sungah tum hi.
\v 2 Mah lai munah Zisuh in a nungzui tute tuah hawh le leng in Topa ap nak a nei tu Judah Isakaliot in mah lai mun a theih hang;
\v 3 Ngalkap honkhat te hei hihen, thiampi U pa te le Farasi tei hah mi tangval te sam in mei inn, meilah te de in, ngalhiam nam te cawi in heng haw hi.
\v 4 Zisuh in Topai nelah a heng tuk mi thu hempoh te thei in, a hung mitei lakah hawh in a kua hum na zeih uh tin, dong hi.
\v 5 Nazareth khua mi Zisuh zei ung hitin a tih ten, Zisuh in Kei mah toh ing hi” tin, ti hi. Topa ap tu Judah Iskaliot vang a muhte tuah ding langkhat hi.
\v 6 Kei cu mah mipa ing hitin a tih cengten, a nunglam kik in leihum ah lum haw.
\v 7 A kua zei uh kam tin a dot leh ten, Nazareth khua mi Zisuh zei ung hi” tin, a mun ti haw.
\v 8 Zisuh in, Keimah ing hitin hilh zo ing. Mah hang, Keimah na zei uh a hitale a muhte te cu hawh haw ta hen hi” tin, ti leh hi.
\v 9 Topa’n Ka nelah a piak mitei lakpen a kua mah siatnak heng tuk ma hi tihmi thu kim tuk in hi” tin, hitihbang cun thupia hi.
\v 10 Mah laih tak Simon Pita in nam a ken mi cu dok in thiampi sila pa cu a taklam beng sat tawng hi. Mah sila pai min cu Malakhuh hi.
\v 11 Zisuh in, “Nam cu a kawng sungah koih in. Kapa in Ka nelah a piak mi khuat cu in tuk ma ing maw” tin, Pita nelah ti hi.
\s Zisuh cu Annas nelah a hawh pih nak
\p
\v 12 Mah ten ngalkap honkhat, ngalkap bawi uktu le Judah tangval ten Zisuh cu man in ken haw, Annas kumpi pai nelah a masa in hawh pih haw.
\v 13 Annas kumpi pa cu mahmi kum in thiampi ngeng Kaiafas sungpa hi.
\v 14 Mah Kaiafas cu mihing pakhat in mihing tampi te a siat sang pha saw hi” tin, Judah mite tuah thuson tupa hi.
\s Zisuh cu Pita elnak
\p
\v 15 Simon Pita le a dang nungzui tu pakhat cu Zisuh nungah zui haw. Mahmi a nungzui tupa cu thiampi pai a theih zet mipa a hih hang, Zisuh tuah thiampi ngeng bel pai inn mai ah tum hi.
\v 16 Pita cu a pawlam kongka bulah ding hi. Mah hang, thiampi ngengbel pa le a mel theih zet mi a nungzui tupa cu tul in, kongka cing tu numei nu a hilh cengten Pita cu sam tum hi.
\v 17 Kongka cingtu numei nu in Pita nelah, “Nang cu a nungzui tu a tel mipa hima cim maw” tin a tih ten, mah kha mang hi” tin, Pita in el hi.
\v 18 Mah laih huncan cu khuasik huncan a hih hang, sila na dek tute le tangval te mei pualpi awi in um haw hi. Pita cu a muhte tuah ding ngel lang khat in mei awi hi.
\s Zisuh cu Annas in thudong
\p
\v 19 Mah laih tak thiampi ngeng pa cu a nungzui tute hei hihen, a thu hilhnak tuah hei in hihen sihsan in Zisuh cu thu dong hi.
\v 20 Zisuh in Kei cu leihum ah lang zet in thu hilh zo ing. Judah tei pumkhawm nak ah hei hihen, biakinn ah hei hihen, a cat ngawl in thu hilhnak pia zo ing. Lang zet in hilh zo ing.
\v 21 Ita Keimah thu dong uh cim? Kei cu itihbang in hilh tuk hum tih mi cu a za tu hempoh te dong ta un. Ka hilh mi thu cu a mun thei haw hi” tin, ti hi.
\v 22 Mah tihbang in a tih ten a bul ah a ding tu tangval pakhat in, nang cu thiampi ngengbel pa hi tihbang in don leh tuk mi maw” tin, ti in Zisuh cu vat hi.
\v 23 Zisuh in, “Ka awnkam a man ma tale a man ngawlnak thu son un. A man tale Keimah ita vat uh cim” tin, ti hi.
\v 24 Annas in Topa cu a khau khih sa bang thiampi ngeng bel Kaiafas nelah puak hi.
\s Zisuh cu Pita in a el leh nak
\p
\v 25 Simon Pita cu ding in mei awi a um laih tak a hek khat ten, “Nang cu a nungzui ah a tel mipa hima cim maw tin a dot ten, mah kha mang hi” tin, Pita in el hi.
\v 26 Pita hi beng sah tawng mipai ngualcam thiampi ngeng bel sila pakhat in, nang cu huan sung pen Zisuh tuah munkhat in na um uh mi cu kei man mu awng zo ma ing maw tin a tih ten;
\v 27 Pita in el leh leu hi. Mah a ngei ngawl in ak khuang hi.
\s Zisuh cu Pilat kumpi pai nelah a hawhpih nak
\p
\v 28 Zinglam huncan a henten, Zisuh cu Kaiafas nelpen kumpi tei zungkhan ah hawh pih haw. A muhte cu a thiangtho mi kaltan puai ei tuk in zungkhan sungah tum ngawl in um haw hi.
\v 29 Mah hang, Pilat kumpi cu a muhtei umnak ah tul in, hi pai humah i sual um hum tin a dot ten;
\v 30 A mah cu mipha ngawl a hima tacun, kohten na nelah ap tuk ma ung hi” tin, ti haw hi.
\v 31 Pilat kumpi pan a mah loli hawhpih in nang muhtei thukham bang thukhen ta un hi” tin, ti hi. Judah miten, kohten a kuamah thahnak thu nei ma ung hi” tin, ti haw hi.
\v 32 Mah tin a tih ten, Zisuh in a kon a thihnak tuk thu a piak mite cu a cangkim nak tuk thu hi.
\p
\v 33 Mah hang, Pilat kumpi cu zungkhan sung ah tum leh in Zisuh a sam cengten, “Nang cu Judah kumpi a man cim” tin, dong hi.
\v 34 Zisuh in kumpi pa aw, “Nangma thu in dong cim maw, mah ahima tale midang ten Kei ma thu hilh zo haw maw” tin, dong hi.
\v 35 Pilat kumpi pa’n kei cu Judah kumpi hi ing maw? Na miphun te tuah thiampi U pa ten nangmah cu ka nelah ap haw zo hi. Nang man itihbang in bawl cim tin a dot ten;
\v 36 Zisuh in, “Ka uknak ngam cu hi leihum tuah seng ma hi. Ka uknak ngam cu hi leihum tuah a seng tacun, Kei cu Judah tei khut sungah heng ngawl in Ka mihing ten do haw tuk hi. A tucun Ka uknak ngam cu hi umnak mun ngam tuah in seng kha ma hi” tin, ti hi.
\v 37 Pilat kumpi pan, “Mah tin a hitale nang cu kumpi a man ngai cim” tin a dot ten, Zisuh in kumpi pa aw, “Na tihnak bang Kei cu kumpi a man ing hi. Thudik thu sungah theihpih tuk in Kei cu hing in, leihum ah hung zo ing. Thudik thu tuah a seng mi hempoh ten Ka thu awnkam ngai haw hi” tin, ti hi.
\v 38 Pilat kumpi pan, “Thudik thu cu itihbang kaw” tin a dot cengten, Judah mitei umnak ah hawh in, “A ma nelah a sualnak imah mu mang hi.
\v 39 Kaltan puai ah mihing pakhat cu nohtei lakah hahnak dan a um hang, Judah kumpi pa cu hah nuam uh cim” tin, a dot ten;
\v 40 Mipi ten, “A mah cu hah nuam ma ung hi” tin, don leh haw hi. Barabas cu misuam damiah hi.
\s Cekpan zotsak nak thuak
\c 19
\p
\v 1 Mah ten Pilat kumpi pan Zisuh cu hawh tulpih in a vah cengten;
\v 2 Ngalkap ten ling tuah tah mi lukhu a lu ah khu tik in, a sandup mi puan a silh cengten;
\v 3 “Judah kumpi, Topa cu thupha um ta hen hi” tin, ti in vat haw.
\p
\v 4 Pilat kumpi pan, a ma sual cu imah a muh ngawl nak thu nohtei thei tukin, a mah cu nohtei umnak ah suahtul ing hi” tin, ti hi.
\s That tuk in thukhen nak
\v 5 Mah ten, Zisuh cu ling lukhu le puansan silh in a pawlam ah hawh tul hi. Pilat kumpi pan a mah cu, “zo ta un hi” tin, ti hi.
\p
\v 6 Thiampi U pa te le tangval ten a mah cu, “Thinglamteh humah that un, thinglamteh humah that un hi” tin, au haw hi. Pilat kumpi pan nohten a mah cu hawh pih in thinglamteh humah that ta un. Kei cun a sual mu mang hi” tin, ti hi.
\v 7 Judah miten a mah cu Pathian capa ing tin a tih hem hang, “Kohtei lakah a um mi dan thu bang thih a tak mi hi” tin, ti haw hi.
\v 8 Mahmi thu cu a zak ten Pilat kumpi pa’n a lau de deuh hang, a zungkhan sungah tum leh in;
\v 9 Zisuh nelah, “Nang cu ilai pen heng cim” tin a dot ten kamkhat no hei don leh ma hi.
\v 10 Pilat kumpi pan, “Ka awn don tuk ma cim, Kei cu nangmah thinglamteh hum ah that tuk hei in hihen, luat tuk hei in hihen, thu neihnak neih mi cu thei ma cim maw” tin, ti hi.
\v 11 Zisuh in, “Humlam pen piak nak a um ma ta cun, kumpi pa’n Kei cu ituk mahten thuneih nak um ma hi. Mah hang, Keimah kumpi pai khut sungah ap tupa cu a sual nak ngeng saw um hi” tin, ti hi.
\v 12 Mah penpan Pilat kumpi pan Topa cu luat tuk in zei hi. Judah miten, a mah a luat tale nang cu Sizal kumpi pai ngualcam hima ci. Kumpi na dek tute cu Sizal kumpi do tute hi” tin, ti haw hi.
\p
\v 13 Mahmi thu a zak ten, Pilat kumpi in Zisuh cu a pawlam ah hawh pih in, Hebru awnlai tuah Gabbatha min a neih hang, suangphah tin samnak neihmi mun thukhen nak humah khung hi.
\v 14 Mahmi ni huncan cu kaltan puai ca bawl mi ni hi. A huncan cu sun laih tak pawl hi. Pilat kumpi pan nohtei kumpi pa cu zo ta un hi” tin, Judah mitei lakah a tih ten;
\v 15 A mah cu suah tul un. Suah tul un. Thinglamteh humah that un hi” tin, mipi ten au haw hi. Pilat kumpi pan, nohtei kumpi pa cu thinglamteh humah that tuk maw tin a dot leh ten, thiampi U pa ten, “Kohten Sizal kumpi sial ngawl kumpi dang a kua mah nei ma ung hi” tin, don leh haw hi.
\s Thinglamteh hum ah a thah nak
\v 16 Mahten Pilat kumpi pan Zisuh cu thinglamteh hum ah that tuk in a muhtei khut sungah a ap ten, a mun Topa cu sam tul in hawh pih haw.
\p
\v 17 Thinglamteh cu Topa a mah loli pua in, lu nguh umnak mun tihmi ah hawh pih haw. Mah lai mun cu Hebru awnlai in Golgotha tin sam hi.
\v 18 Mah lai mun ah Topa cu midang panih te tuah thinglamteh humah taakcih haw hi. Mah a mu panih tei a laizang ah Zisuh taak haw.
\v 19 Pilat kumpi cu lai ngan in thinglamteh humah khencih hi. Lai a ngat mi cu, “Judah kumpi, Nazareth khua mi Zisuh” tin, ngan hi.
\v 20 Zisuh thinglamteh humah a taak nak mun cu khuapi tuah a nai hang, mah lai cu Hebru awnlai, Grik awnlai le Latin awnlai (Rome) tuah ngat mi a hih hang, Judah miten sial haw hi.
\v 21 Mah hang, Judah thiampi U pa ten Pilat kumpi nelah hawh tum in, Judah kumpi pa tin ngan pah sin. Kei cu Judah kumpi ing hi” tin, a ma tih mi cu ngan in hi” tin, a tih haw ten;
\v 22 Pilat kumpi in, “Ka ngat sa mi cu ngan zo ing hi” tin, don leh hi.
\p
\v 23 Ngalkap ten thinglamteh humah a taak cengten, a puan cu khen li khen in pakhat ten in la haw hi. Sungta angki cu a khuinak um ngawl in a hum lam pen a nuailam tian tahmi angki a hih hang;
\v 24 A mun, botkek pah su un. A kon congah tuk hum tih mi cu kungkhai camcawh tuk hung hi” tin, sonkhawm haw. Laithiangtho a heng mi bang, a mun ka angki cu kungkhai camcawh nak a bawl tuk thu kim tuk in, ngalkap ten mah tihbang bawl haw hi.
\p
\v 25 Zisuh thinglamteh bulah a nu le a nui nau, Klopas zi Mary le Magdalen khua Mary te ding haw hi.
\v 26 Mah laih tak a nu le a ihzet mi a nungzui tute a bulah a din mi cu Zisuh in a muhten, a nui nelah numei nu aw, na capa cu zo in hi tih hei in hihen;
\v 27 A nungzui tutei lakah na nu cu zo ta un hi tih hei in ti hi. Mah lai huncan penpan a nungzui ten a nu cu a inn ah hawh pih haw hi.
\s A thihnak
\p
\v 28 Mah cengten Laithiangtho a kim nak tuk a na deh hempoh a celh nak te a theih ten, Ka dangdum hi” tin, ti hi.
\v 29 Mah lai munah cabit-thuk uum a dim bel pakhat um in, a mun cabit-thuk umm cu a hup thei mi (hyssop) lekah koih in a kam ah tulh to haw.
\v 30 Zisuh in cabit thuk a in cengten, Cengzo ing hi” tin, a lukun in thi hi. A naakpen ceituah a sutnak
\v 31 Mahmi ni cu ngallin ham nak ni a hih hang, a zingten a sunglawi mi colhni a hih hangin Judah miten a luang cu colhni in thinglamteh humah um tuk deih ngawl in Pilat kumpi pai nelah tum in, a ke ektuah in a luang la tuk in ngen haw hi.
\v 32 Mah ten ngalkap te hawh in Topa tuah thinglamteh hum ah a taak haw mi panih tei ke cu ektuah haw.
\v 33 Zisuh thi zo tih a muh haw ten a ke cu ektuah ngawl in;
\v 34 Ngalkap pakhat in a naakpen cei tuah sun in thisan le tui tul cih hi.
\v 35 Mahmi thu a mu tu ten theihpih nak tetti nei hi. A theihpih nak vang man hi. Nohten upnak tuk a man zet in a hilhnak thu a man thei hi.
\v 36 Mahmi thu cu a nguhte ek tuk ma hi’ tin Laithiangtho a kim nak tuk hi.
\v 37 Laithiangtho a heng leh mi cu a mun a muhtei sutnak a neih mipa cu mu leh haw tuk hi” tin, ti hi.
\s Zisuh phumnak
\p
\v 38 Mah cengten Arimathea khua mi Josep in Judah mite a lau hang, a thupno a nungzui in Pilat kumpi pai nelah tum Zisuh luang la tuk in ngen hi. Pilat kumpi pan a piak ten a mah hawh in Zisuh luang cu la hi.
\v 39 Mah ma suan in zanlam ten Zisuh nelah a hawh tu Nikodamas in, Myrrh le aloes paknam tui tawhhel mi cuaikul hawng keng in hung hi.
\v 40 A mun Zisuh luang cu la in Judah mitei phum nak tuah a seng mi a bawl hamnak dan bang paknam tui puan tuah a luang cun haw hi.
\v 41 Thinglamteh a taak nak munah huan um hi. Mah huan ah cun pakhat no hei a phum laih ngawl mi khan thak pakhat um hi.
\v 42 Judah mitei ngallin hamnak ni a hih hang, a bul ah a um mi khan sungah a luang cu koih haw.
\s A thawhleh nak
\c 20
\p
\v 1 Ni salih sung pen ni masa bel ni, vak tuk kuan zingtung no Magdalen Mary cu khanmual lam ah hawh in than kongka delh mi suang thawn hi tih cu a muh ten;
\v 2 Simon Pita le Zisuh a it tu a nungzui dang tei lakah hawh in khan pen, “Topa cu la haw zo hi. I lai munah koih haw hum tih cu thei mang hi” tin, ti hi.
\p
\v 3 Mah ten Pita le a dang a nungzui tute tul in khan lam ah hawh haw hi.
\v 4 Mah a mu panih cu munkhat no a tai lih laih tak a dang nungzui tuten Pita cu makhelh in khan ah a masa a heng in a zoh suk ten;
\v 5 Puan bek a muh ten tum ngawl in um hi.
\v 6 Simon Pita in a nungah zui in a hen ten, khan sung ah tum in puan bek a um mi hei hihen;
\v 7 A lu cun nak pavua cu puan tuah munkhat no ah um ngawl in a dang tum no zial in a um mi cu mu hi.
\v 8 Mah ten than sung ah a heng masa mi nungzui tu a dang te tum in a muh haw ten um hi.
\v 9 Topa cu thihnak pen tho leh tuk hi tih mi Laithiangtho thu cu a nungzui tuten thei haw ma laih hi.
\v 10 Mah cengten a mu panih cu a muhtei inn ah pin haw ta hi.
\s Magdalen khua mi Mary nelah Topa a lang nak
\p
\v 11 Mary cu than pawlam pen kap in ding hi. Mah tihcun kapthah in than sung a zoh ten;
\v 12 Vancung mi panih puan ngo zet silh in Zisuh luang koih nak ah ding in, a lu lam ah pakhat, a ke lam ah pakhat a khung mi cu mu hi.
\v 13 A mun, “Numei nu aw, ita kap li nge cim” tin a dot ten, “Mary in ka Topa laksak haw ta hi. A lai ah koih haw hum tih mi thei mang hi” tin, ti hi.
\v 14 Mah tin a tih cengten a nunglam ah hek in Zisuh ding leng cu mu naven Zisuh a hih lam thei ma hi.
\p
\v 15 Zisuh in, “Numei nu aw, ita kap li nge cim? “A kua zei uh cim” tin dong hi. Mary in nang man a mah na la ngai tale a lai ah koih cim tih mi ka nel ah hilh in. A mah cu kei man la tung hitin a mah cu huan cing tupa hi” tin, ngai sung in ti hi.
\p
\v 16 Zisuh in, “Mary tin a sam ten, Mary cu a nung hek kik in, “Saza pa” tin, don hi. Rabbi tih mi cu saza pa a tihnop nak hi.
\p
\v 17 Zisuh in, kei mah kawi hih pah sin. Kei cu Kapai nelah hawh ma laih ing. Ka nau tei umnak munah hawh ten hi. Kapa cu nohtei pa, Ka Pathian cu nohtei Pathian nelah ka kai nak tuk thu hilh ta un hi” tin a tihbang;
\v 18 Magdalen khua mi Mary cu hawh in, “Topa a muh nak thu hei hei hihen, mah tihbang a tih mite hei hihen, a nungzui tutei lakah hilh hi. A nungzui tei lakah Topa a laknak
\v 19 Ni salih sung pen ni masa bel ni zanlam hun can a hen ten, Judah mite a lau hang kongka te khak in, a nungzui tute pumkhawm nak munah Zisuh cu heng a laizang ah ding in, nohtei lakah daihnak um ta hen hi” tin, ti hi.
\v 20 Mah tin a tih cengten, a khut le a naak cu lak hi. A nungzui tuten Topa a muhten lungdam haw hi.
\v 21 Zisuh in, “Nohtei lakah daihnak um ta hen” tin, thupia leh leu hi. Ka pa in Keimah a hah bang, nohte cu Keiman hah ing hi” tin, ti hi.
\v 22 Mah tin a tih cengten a muhtei humah huihsem in hawvang thiangtho co ta un.
\v 23 Mihing pakhat sual na zah uh tale a sual nak mai tuk hi. Mi pakhat cu sual zah nak a um ma tale a sual zah nak um ma hi” tin, ti hi.
\s Zisuh muh bek ten um tu Thomas
\p
\v 24 Mah tihcun Zisuh a hen ten a nungzui tu heinih sung tel mi Didymas tin min nei mi Thomas cu a nungzui tute tuah um ma hi.
\v 25 A mun, kohten Zisuh cu mu zo ung hi” tin, Thomas nelah a son haw ten, “Thomas in a khut pen cikkut khetnak mu ngawl in le a naak a sut nak haw ka zen teh ma ta kei man um thei mang hi” tin, ti hi.
\p
\v 26 Mah cengten, niliat niten a nungzui tute cu a sungah um haw in Thomas vang um bok hi. Kongka te a khah laih tak Zisuh cu heng a laizang ding in, “Nohtei lakah daihnak um ta hen” tin, ti hi.
\v 27 Mah laih tak Thomas nelah na khut zung tuah hi lai tawk zen in, ka khut zo in hi. Na khut dang to in ka naak cu zen teh in. Up sualnak nei pah sin. Um in hi” tin, ti hi.
\p
\v 28 Thomas in, ka Topa, ka Pathian tin don leh hi.
\p
\v 29 Zisuh in, nang cu Keimah muh hang um ci. Keimah mu ngawl in a um tute cu thupha co mite haw hi” tin, ti hi.
\s Hi Laithiangtho tuptah mi
\p
\v 30 Hi laithiangtho sungah a ngat ngawl mi a lamdang na tampi te Zisuh in a nungzui tutei mai ah lak hi.
\v 31 Zisuh Khrih Pathian capa a hihnak cu nohten um tukin, mah tihbang um in a min hang nunnak co tuk in, hi thu te ngan hi.
\s Tiberias Tuipi bulah Topa a lang nak
\c 21
\p
\v 1 Mah cengten Zisuh in Tiberias tuipi bul a nungzui tutei lakah Topa pumpi cu lang hi. A lang nak a thu cu;
\v 2 Simon Pita le Didymas tihmi Thomas, Kallilee ngam Kana khua mi Nathanael, Zebedi capa panih, a dang a nungzui tu panih te munkhat no ah um haw.
\v 3 Simon Pita in, “Kei cu ngasa man hawh tung hi” tin a tih ten, a mun kohte vang zui bok tuk ung hi” tin, hawh haw. Hawmkuang sungah luttum paih in a zan ngasa pakhat no hei ngah haw ma hi.
\p
\v 4 Zinglam hun a hen ten Zisuh cu tuipi mawk ah ding hi. Mah naven Zisuh tih cu a nungzui tuten thei haw ma hi.
\v 5 Zisuh in, “Ka ih mite aw, eih tuk pakhat nei ma uh cim maw tin a dot ten, um ma hi tin don haw hi.
\p
\v 6 Veikhat cu Zisuh in, “Hawmkuang taklam ah suuk vawk tik hi. Mah tihcun na vawk uh tale ngah tuk uh ci” tin, a tih nak bang a mun a suuk cu vawk in ngasa tampi ngah in a suuk hei dok zo haw ma hi.
\p
\v 7 Mah laih tak Zisuh itnak a nei tu a nungzui tuten, ohtei Topa hi” tin, Pita nelah ti hi. Topa a hih nak thu Pita in a zak ten, a puan silh ngawl in a humta angki cu a tai ah het in tuipi sungah dawk hi.
\v 8 A nungzui tu a dang ten a khuala zet ngawl lam sawmnga hawngah a um hang, ngasa le suuk cu dok thah in hawmkuang khung in hung haw.
\v 9 Mual hum ah a hen haw ten meiling pi hei hihen, ngasa em sa te hei hihen, moh hei hihen mu haw hi.
\p
\v 10 Zisuh in, “A tuin na ngah uh mi ngasa hekkhat cu keng un hi” tin, ti hi.
\v 11 Simon Pita cu hawmkuang hum ah kai in ngasa za le sawmnga pathum a dim in a um mi suuk cu mual hum ah dok hi. Mah tihbang tam naven suuk cu a bal nak imah um ma hi.
\v 12 Zisuh in, “Hung un na zing eih an ei un hi” tin, ti hi. Topa a hihnak thu cu a nungzui tuten a theih haw hang, Topa cu, “A kua hum tin a kuamah in dong ngam ngawl” um haw.
\v 13 Zisuh cu heng in moh le ngasa a lak cengten a muhte pia hi.
\v 14 Mah tin a laknak cu Zisuh in a thawh leh cengten, a nungzui tei lakah a pumpi tuah veithum lak hi.
\s Pita cu veithum thu a dotnak
\p
\v 15 Zing an a eih cengten Zisuh in, “Jonah capa Simon aw, a muhtei itnak sang in nang cu Keimah it saw cim maw” tin, dong hi. Pita in it ing hi Topa aw, “Topa ka ihnak cu nangman thei ci tin a tihten, Ka tuu te cawm in hi” tin, ti hi.
\p
\v 16 Veikhat cu Zisuh in, “Jonah capa Simon nang cu kei mah it cim” tin, a veinih nak a dot leh ten it ing hi Topa aw. Topa cu ka it le it ngawl cu nangman thei ci tin a tih ten, “Ka tuu te kem in hi” tin, ti hi.
\p
\v 17 Zisuh in, “Jonah capa Simon, nang cu kei mah it ngai cim” tin, a veithum nak a dot ten, nang cu kei mah it cim tin veithum tian na dot hang, Pita cu a thin na in, “Topa aw, nang cu i hempoh thei ci. Topa ka ih nak cu nangman thei ci” tin, a tih ten Zisuh in Ka tuu te cawm in hi.
\v 18 Thungai in ka hilh mi nang cu khangno na hih laih in nangmah le nangmah tai het in na deihnak munah hawh thei ci. Nang cu na teek ten na khut panih zap in, midang ten nangmah cu na tai pen het in na deihnak ah sam in hawh pih tung hi” tin, ti hi.
\p
\v 19 Mah tihbang naven mah tih bang mi thihnak hang, Pita in Pathian minthan nak lang tik tuk in pia hi. Hi thu te a hilh cengten Ka nungah zui in hi tin, Pita cu thupia leh leu hi.
\p
\v 20 Pita cu a nunglam a zoh kik ten Zisuh it tu a nungzui tute a nungpen a zui mi cu mu hi. Mahmi nungzui tu cu Topa takeih a neih laih Zisuh ang sungah zuan in, Topa Pathian ap tupa cu a kua hum” tin, a dong awng tupa vang na hi bok hi.
\v 21 Mah a nungzui tupa cu Pita in a muhten Pita in, “Topa Pathian a mah cu a kua hum” tin, Zisuh nel ah dong hi.
\p
\v 22 Zisuh in, “Ka hen leh lak lawh tian a ma nunnak nei tukin ka deihnak a um tale nang cu a kua tuah seng kam? Nang cu ka nungah zui in hi” tin, ti hi.
\p
\v 23 Mah hang, “A nungzui tu thi tuk ma hi” tih mi thu cu U le nau tei lakah thangkhawng zo hi. Mah naven, a mah cu thi tuk ma hi” tin, Zisuh in ti ma hi. Ka hen leh lak lawh tian a nunnak nei tuk in, ka deihnak a um tale nang cu a kua tuah seng kam” tin, ti hi.
\s Dawlkhup nak
\p
\v 24 Hi thu te theihpih nak tetti tuah ngat mipa cu a nungzui tute hi. A mah theihpih nak tetti a man mi thu te vang ohten thei hung hi.
\v 25 A theihpih nak tetti a man mi thu cu ohten thei zo hung. Zisuh bawlnak neih mi a dang te um laih hi. Mahmi thu a um mi hempoh te a tuam no ngan tale leipi tham ngawl tian in Laithiangtho tampi tuk hitin, ngaisung ing hi.