See in Reader
1012 lines
92 KiB
Plaintext
1012 lines
92 KiB
Plaintext
\id MRK
|
||
\ide UTF-8
|
||
\rem The text in this file was extracted from C:/DCS/Chin, Ngawn/WORD/41. MARK. docx.
|
||
\h Mark
|
||
\mt Mark
|
||
\toc1 Mark
|
||
\toc2 Mark
|
||
\toc3 mrk
|
||
\s Messiah
|
||
\c 1
|
||
\p
|
||
\v 1 Pathian capa Zisuh a sunglawi mi thuthangpha a pat nak cu hi tihbang in hi.
|
||
\p
|
||
\v 2 “Zo un. Na lamzin bawl sak in ka nungzui tu cu na mai ah hah ing.
|
||
\q
|
||
\v 3 Hampa lakah au mipa’i aw cu Pathian lamzin bawl ta un. Topai lamzin te camzet tik ta un hi” tin, kamsang Isaiah Laithiangtho sungah ngat mi bang,
|
||
\v 4 Johan cu hung in hampa lakpen baptisma pia in sual ngaihdam hehpih nak ca sualsih nak tuah a seng mi baptisma thu phuang hi.
|
||
\v 5 Mah ten, Judah ngamsung mihing hempoh le Jerusalem khua mi hempoh te Johan nelah hawh in, a muhtei sualnak hempoh te phuang in Jodan nguntui pi Johan nelpen baptisma la haw hi.
|
||
\v 6 Johan cu kalauk mul tuah bawl mi puan silh in, a taipen savun taipom pom in, khau le khuaitui ei in um hi.
|
||
\p
|
||
\v 7 Johan in, “Kei mah sang ngeng saw mipa cu ka nungpen heng tuk hi. A kedam tuap mi zo in a khau duk tuk hei tak mang.
|
||
\v 8 Kei cun nohte tui ah baptisma pia ing hi. A man hawvang thiangtho tuah nohte cu Baptisma pia tuk hi” tin, ti hi.
|
||
\s Zisuh baptisma lak nak
|
||
\p
|
||
\v 9 Mahmi ni huncan in Zisuh cu Kallile ngam Nazareth khua ah heng in, Jodan ngun tuipi pen Johan nelah baptisma la hi.
|
||
\v 10 Mah cengten tuisung pen a suah tul leh ten, vanhum hong in hawvang thiangtho cu khulo bang in a ma humah a tolhsuk mi cu mu hi.
|
||
\v 11 Vanhum pen, “Nang cu ka ihmi ka capa hi ci. Na nelah ka lungdam nak um hi” tin, aw suak tul hi.
|
||
\s Sual loih a tawhnak
|
||
\p
|
||
\v 12 Mah cengten, hawvang thiangtho in Zisuh cu hampa lakah hawh pih tik hi.
|
||
\v 13 Mah ten, Zisuh cu hampa lakah ni sawmli le zan sawmli ngamko lakah Saihtan pa’i sualloih cu thuak hi. Sahang ngamsa te tuah um ten in vancung miten tuamlawm haw hi.
|
||
\s Kalilee ngamah nadeh nak
|
||
\p
|
||
\v 14 Johan thawngtaak cengten, Zisuh cu Kallile ngamah hawh in Pathian thuthangpha sunglawi phuang hi.
|
||
\v 15 A hun kim zo, Pathian uknak ngam nai zo. Sualsik un. Thuthangpha a sunglawi um un hi” tin phuang hi.
|
||
\s Nungzui tu masabel te
|
||
\p
|
||
\v 16 Kallile tuipi mawkah a hen laih tak ngasa man tu Simon le a nau Andru te cu tuipi sungah suukvawk in a um lih haw cu mu hi.
|
||
\v 17 Zisuh in, “Ka nung ah zui un. Nohte cu mihing man tuin cang tik tung hi” tin, a muhtei lakah thupia hi.
|
||
\v 18 A muhten a suuk zam in a nungah zui paih haw hi.
|
||
\v 19 Dawmlaih no hawh bet in, Zebadi capa James le a nau Johan te mu hi. A muhte cu hawmkuang sungah suuk te dah in um li haw hi.
|
||
\v 20 Topa’n a muhte a sam bek ten a mun a pa Zebadi cu mihing a cial mite tuah hawmkuang sungah zam san in, a nungah zui haw hi.
|
||
\s Khuasia a hawlvawknak
|
||
\p
|
||
\v 21 Mah cengten, a muhte cu Kapernuam khua sungah lut tum haw hi. Colhni in Topa cu pumkhawm nak sungah tum vawk pul in, thu hilh hi.
|
||
\v 22 Mah ten, mipi ten thu hilh nak a neih mi cu thasiah zet in um haw. Itahum titale, Topa cu Daan thiam mite bang kha ngawl in thu neih nak a nei mite bang a muhte thu hilh hi.
|
||
\v 23 Mahmi huncan hei pen a muhtei pumkhawm nak ah a thiangtho ngawl mi khuasia vei pa um hi.
|
||
\v 24 Aw Nazareth khua mipa Zisuh, Topa cu kohte tuah i seng khaknak um kaw? Kei muhte siatsuah tuk in hung cim? Topa cu a kua kaw tih cu thei ing. Pathian mithiangtho pa hi ci” tin, ti hi.
|
||
\p
|
||
\v 25 Zisuh in, daiden no um in. Hi pai sung pen tul in hi” tin, thupia hi.
|
||
\v 26 Mah ten, khuasia in a mah cu khikpek a caih tik cengten, aw ngengpi tuah au thah in a ma sung pen tul ta hi.
|
||
\v 27 Mihing hempoh ten thasiah zet in, “Hi thu cu itihbang kaw? Thuneih nak huham a tel mi hilhnak thak hima maw. Khuasia te hei thu neihnak huham tuah thupia in a mun a thungai haw hima maw” tin pakhat le pakhat sonkhawm li haw.
|
||
\v 28 Mah tihcun, Topai thu cu Kallilee ngamsung hempoh ah thakhat thu in thangkhawng ta hi.
|
||
\s Mina te a dam tik nak
|
||
\p
|
||
\v 29 Mah cengten, a muhte pumkhawm nak pen tul vawk paih in James le Johan te tuah Simon le Andru tei inn ah hawh haw hi.
|
||
\v 30 Simon sung nu cu tidam ngawl in zaunak ihkhun ah zau hitin man lang zet in son haw hi.
|
||
\v 31 Topa cu heng in mah numei nui khut pen len phongto in, mahmi nu cu tidam nak co in mikhual cawm nak bawl sak hi.
|
||
\p
|
||
\v 32 Taklam dainem hun heng ni a tum ten, mihing tampi in tidam ngawl te le khuasia vei mi hempoh te a nelah hawh pih haw hi.
|
||
\v 33 Khua sung mi hempoh te kongka bul ah hulawmkhawm in um haw.
|
||
\v 34 Topan natnak zem phunkim nei tidam ngawl mite tidam nak pia in khuasia tampi hawlvawk hi. Khuasia ten Topa cu a theih haw hang, Topa’n a muhte ot theih nak thu pia ma hi.
|
||
\s Kalilee ngamah thu hilh nak
|
||
\p
|
||
\v 35 Zinglam khua vak deuh laih ngawl Topa cu tho in mihing um ngawl miveng nak ah hawh in, mah lai mun pen thungen hi.
|
||
\v 36 Simon le a ngualcam ten Topa cu zei haw;
|
||
\v 37 Topa cu a muh haw ten mitam pi ten Topa nangmah zei haw hi” tin, ti haw hi.
|
||
\p
|
||
\v 38 Topa’n, “Piam le pam ah um mi khuapi dang te ah hei thu hilh tuk in mahmi khuapi khuano te ah ohten hawh nung hi. Itahum titale, Kei cu a mutei ca hung ing hi” tin, thupia hi.
|
||
\v 39 Mah cengten, Topa cu Kalilee ngamsung hempoh ah hawh in pumkhawm nak mun ah thu hilh in, khuasia te hawl vawk hi.
|
||
\s Phak nat nei mite dam tik nak
|
||
\p
|
||
\v 40 Mi phak pakhat cu a nelah khukdin in, “Topa aw na deih nak a um tale dam tik thei ci” tin, ngen hi.
|
||
\p
|
||
\v 41 Topan hehpih nak thinlung a neih hang a khut zaak mah mipa cu zen in, “Ka deih nak um hi. Tidam nak co ten hi” tin, thupia hi.
|
||
\v 42 Mah a ngei ngawl in a phak nat nak te pai in a mah cu tidam nak co hi.
|
||
\v 43 Topa’n, “A kuamah lakah son tuk ngawl in ngallin nak pia hi.
|
||
\v 44 Thiampi tei lak bek ah hawh in nangmah le nangmah lak in. Midang tei lakah theihpih tik tukin, tidam nak na co ngah hang Mosi thucah nak neihmi biakpiak nak te bawl in hi” tin likhap in manlang zet hawh tik haw hi.
|
||
\v 45 A mah cu hawh in awnthei zet mipa a hih hang, mahmi thu cu muntih kim ah thang tik hi. Mah hang, Topa cu khuapi sunglam ah langciang zet lut ngam leh ngawl toh in, khua pi pawlam bek ah um in, mun tih kim pen a ma nelah heng haw hi.
|
||
\s Sual ngaihdam thu
|
||
\c 2
|
||
\p
|
||
\v 1 Ni dawm laih a ngei nungten Topa cu Kapernuam khua ah hawh leh hi. Inn ah Topa um hi tih a zak hang;
|
||
\v 2 Mihing tampi te hulawm khawm in, inn kongka mai ah hei umnak tong ma zo hi. Topa cu a muhtei lakah thu hilh hi.
|
||
\v 3 Mah ten, khut le ke a thi mi pakhat cu mihing pali te pua tik in a nelah pua haw hi.
|
||
\v 4 Mihon tampi a um hang, a mah cu Topai nelah zuan tuk cang thei ngawl in Topai umnak humta innkul khuh subal in, mina le a zau nak cu khia suk haw hi.
|
||
\v 5 Zisuh in a muhtei upnak a muh ten khut le ke thi mipai nelah, “Ka capa na sualnak luat tik zo hi” tin, thupia hi.
|
||
\p
|
||
\v 6 Mah lai mun ahcun khunkhawm nak a nei tu Daan thiam saza hek khat ten,
|
||
\v 7 “Hi pa’n Pathian cu sual palcat in ita hih tihbang ti hum. Pathian sial ngawl a kon sual ngaihdam theih nak nei hum tin” a thinlung sung pen ngaisung haw hi.
|
||
\p
|
||
\v 8 A muhtei thinlung sung pen mah tihbang ngaihsut nak a um mi cu Zisuh in a thinglung hawvang tuah a theih cih paih ten, nohtei thinlung sung ah ita mah tihbang ngaihsut nak nei uh cim?
|
||
\v 9 Khut le ke a thi mipa cu ita awnkam awnpaih thei hum? ‘Na sualnak luat zo hi’ tin sonbaih tukmi maw. ‘Tho in. Na zaunak pua in hawh ten hi’ tin sonbaih saw tuk hum?
|
||
\v 10 Mi capa cu leihum ah sual nak te ngaihdam thu nohten thei tukin” tho in.
|
||
\v 11 Na zau nak pua in na inn ah pin ten tin, “Nangmah cu Kei man thupia ing hi” tin, khut le ke thi pa cu thupia hi.
|
||
\p
|
||
\v 12 A man thakhat tho a zau nak pua in mipi mai pen hawh tul hi. Mah mipi te cu ambek um haw in, “Kohten hih tihbang veikhat hei mu awng ma ung hi” tin, Pathian minthan nak thangphat haw hi.
|
||
\s Levi a sam nak
|
||
\p
|
||
\v 13 Topa cu tuipi mawk lam ah hawh leh in mipi te a nelah a hen haw hang, a muhte thu hilh hi.
|
||
\v 14 Veikhat cu lamzin a hawh laih tak siahkhon nak mun ah a khung li mi Al-phae’us capa Levi cu mu in, “Ka nungah zui in hi” tin a tih ten a mah cu ding in a nungah zui hi.
|
||
\p
|
||
\v 15 Topa cu Levi inn sungah khung in an ei a um laih tak siahkhon mite le mi sual ten, Topa le a nungzui te tuah an eih nak cabuai ah khungkhawm haw. Mihing tampi ten a nungah zui haw.
|
||
\v 16 Topa’n mi sual te, siahkhon tute tuah ei ngel in a um haw mi cu Farasi mitei lak sung pen Daan thiam saza ten mu in, “A mah cu ita siahkhon tu mi sual te tuah in ei thei hum” tin, nungzui tei lakah thu dong haw.
|
||
\p
|
||
\v 17 Zisuh in mahmi awnkam a zak ten, “Tidam nak a nei tuten sithiam saza te kin haw ma hi. Tidam nak a nei ngawl mite bek in kin haw hi. Dikcang nak a nei mite sualsik tukin hung mang hi. Mi sual te sam tuk in hung ing hi” tin, thupia hi.
|
||
\s Ancan nak tuah seng mi thudot nak
|
||
\p
|
||
\v 18 Johan nungzui te le Farasi te cu ancang haw hi. Mihing tampi ten Zisuh nel ah nek in, “Johan nungzui te le Farasi tei nungzui te cu ancang haw naven, Topai nungzui tute ita ancang haw ma hum” tin, thu dong haw hi.
|
||
\p
|
||
\v 19 Zisuh in, “Mo pai ngualcam te mopa tuah a um ngel laih in ancang haw ma hi.
|
||
\v 20 Mah naven, mopa cu a muhtei lakpen sam tuk huncan heng tuk hi. Mahmi ni huncan a hen ten a muhte cu ancang haw tuk hi.
|
||
\v 21 A kuamah in puansia cu puanpha tuah a dah tu um ma hi. Mah tihbang in a dah ta bang a hin, a thak dah nak in puansia cu kaikon in a balnak cu bal kek dedeuh tuk hi.
|
||
\v 22 Cabit tui a thak umm mi vang a kuamah in savun thawllun ah koih nak a nei tu um ma hi. Mah tihbang in a bawl tale cabit tui umm cu savun thawl keh tik in cabit tui le savun thawl hei sia cih tuk hi. Cabit tui thak cu savun thawl thak ah koih ta un hi” tin, thupia hi.
|
||
\s Colhni Topa
|
||
\p
|
||
\v 23 Colhni in Topa cu sangvut cang lo ah a hawh laih tak nungzui tuten cangngui zut in khualzin haw hi.
|
||
\v 24 Mah ten Farasi ten, “A mun phalnak a neih ngawl mite ita bawl haw hum” tin, Topa cu thu dong haw hi.
|
||
\p
|
||
\v 25 Topa’n, “David cu a nelah eihtuk a um ngawl hang a mah tuah a um mite ningkial a um haw ten, i bawl haw hum tih cu sial awng ma ci maw?
|
||
\v 26 A mah cu thiampi Abithial khut sung Pathian biak inn sungah luttum in thiampi te sial ngawl a kuamah eihphal ngawl mi a mai pen moh cu ei in, a mah tuah a um ngel mite vang pia hi” tin, thupia hi.
|
||
\v 27 Mah bek sial ngawl colhni cu mihing ca hi. Mihing cu colhni ca tuk hima hi.
|
||
\v 28 Mah a hih hang, mi capa cu colhni Topa hi” tin, thupia hi. Khut langkhat lam a thi mipa a dam tik nak.
|
||
\c 3
|
||
\p
|
||
\v 1 Topa cu pumkhawm nak sungah luttum leh in mah lai mun ah khut langkhat lam a thi mipa um hi.
|
||
\v 2 Mi tampi ten Topai sual zei nuam in colhni in tidam ngawl pa dam tik ma maw tih cu zo leng haw hi.
|
||
\v 3 Topa’n khut langlam a thi mipa cu, “Mipi mai pen ding to in hi” tin, thupia hi.
|
||
\v 4 Mah cengten, colhni in phatnak bawl pha tuk maw, siat nak bawl pha tuk hum? Nunnak pat tuk maw, thah aa zam tuk ii bang pha saw hum tin a dot ten a mun meng den haw hi.
|
||
\v 5 Mah ten, Topa cu thinuuk in a elkim mihing hempoh zo hi. A muhte cu thinlian ngeh a hih taak, Topa cu a lungsia in a khut thi pa cu, “Na ban zaak in hi” tin, thupia hi. A khut thi mipan a ban zaak in a zak bek ten a khut cu dam hilhial cih ta hi.
|
||
\v 6 Farasi te pumkhawm nak pen a tul ceng bek ten, Topa cu that nuam in a humah sualnak zei in Herod nungzui te tuah thusiamkhawm haw hi.
|
||
\s Mi honpi tei lakah na a dehnak
|
||
\p
|
||
\v 7 Zisuh cu a nung zui te tuah tuipi lam ah kik leh in Kallile ngam mi tampi ten a nungah zui haw.
|
||
\v 8 Zudia ngam, Jerusalem khua, Idumia khua, Jodan ngun ngal lam te, Tura le Sidon khua elkim pen mi honpi te cu Topai bawl mi hempoh zak nak a neih hang, a nel ah hawh haw hi.
|
||
\v 9 Mipi ten a mah a nawkvawk khak theih ngawl nak tuk in a nungzui te hawmkuang koih ham tik hi.
|
||
\v 10 Itahum titale, Zisuh in mihing tampi a dam tik hang, nat nak a vei mi hempoh ten a mah zen nuam in he le heh tin saih dun in nek tutuh haw hi.
|
||
\v 11 A nawngkai mi khuasia ten Zisuh cu a muh haw ten a mai ah bopkhup in, “Topa cu Pathian capa hi ci” tin, au li haw hi.
|
||
\v 12 Topa’n, a ma thu cu a kuamah theih tuk ngawlin na siazet ngallin nak pia hi.
|
||
\s Nungzui tu heinih
|
||
\p
|
||
\v 13 Mah cengten, Topa cu mual hum ah hawh in samnak a neih mite cu a nelah hawh haw.
|
||
\v 14 Topa tuah umngel langkhat tuk in hihen, thu hilhnak, tina dam tik nak;
|
||
\v 15 Khuasia te hawlvawk zawhnak tuk huham nei tuk in mihing heinih te cu thupia hi.
|
||
\v 16 Pita tin min thak piak mi Simon;
|
||
\v 17 Kekcang tin a sullam neimi Boanerkes tin Topai min piak mi Zebedi capa Jeim le a nau Johan,
|
||
\v 18 Andru le Filip, Bathawlawme, Mahte, Thomas, Alfea capa Jeim, Thadeu, Kana mi Simon le
|
||
\v 19 A mah zuak tu Judas Isakaliot hi.
|
||
\s Zisuh le Beelzabuk
|
||
\p
|
||
\v 20 Mah cengten, Topa cu inn sungah lut tum in mipi te hulopkhawm nak a neih leh haw hang an hei ei thei haw ma hi.
|
||
\v 21 Topai inn kuapih ten a zak haw ten, Topa cu a lungam zo hitin man tuk in hawh haw.
|
||
\p
|
||
\v 22 Jerusalem khua pen a hung mi Daan thiam saza ten, “A mah cu Beelzabup nei mipa hi. Khuasia min suang in khuasia hawlvawk hi” tin, ti haw hi.
|
||
\p
|
||
\v 23 Topa’n a muhte sam tehkip nak mang in, Saihtan le Saihtan itin hawlvawk tuk hum?
|
||
\v 24 Uknak ngam a lem ngawlin a khen mi a hitacun kho tuk ma hi.
|
||
\v 25 A lem ngawl mi innkua vang kho tuk ma hi.
|
||
\v 26 Saihtan in a mah le mah do in a khen a hitale, kho ngawlin siatnak ah heng tuk hi.
|
||
\v 27 Thazang ngilnak a nei ngalhang pa cu a masa ken tale a kuamah innsung ah lut tum in a van te laksak ngam tuk ma hi.
|
||
\s Hawvang thiangtho zotsak nak
|
||
\v 28 Nohtei lakah thungai in hilhnak ka neih mi cu mihing ten a muhtei sualnak le Pathian hum ah a zotsak ot sual nak hempoh te luatnak co tuk uh ci.
|
||
\v 29 Mah naven, Hawvang thiangtho a son sia tute cu sualzah nak ngah haw tuk ma hi. Kumkhua sual dantat nak thuak haw tuk hi.
|
||
\p
|
||
\v 30 Mah tihbang in a tih nak cu a mun, “Topa cu a nawngkai khuasia vei mipa hi” tin, ti haw hi.
|
||
\s Unau ngangai a hihnak
|
||
\p
|
||
\v 31 Mah laih tak Topai nu le a nau te heng inn pawlam ah ding in, mihing pakhat hah in Zisuh cu sam haw.
|
||
\v 32 Elkim ah a khung miten, a nu le a U nau ten Topa cu zei in a pawlam ah um haw hitin a tih ten,
|
||
\v 33 Topa’n, “Ka nu, Ka nau te cu a kua te hum” tin a dot kik leh ten,
|
||
\v 34 A elkim piam le pam zo in, hi te cu Ka nu, Ka nau te hi.
|
||
\v 35 Pathian deihnak bang a nung mite cu Ka U, Ka nau, Ka nu te hi” tin, ti hi.
|
||
\s Anci vawh a tehkip nak
|
||
\c 4
|
||
\p
|
||
\v 1 Topan tuipi mawkah thuhilh nak a neih leh ten, mi tampi te a nelah hulop khawmnak a neih haw hang, tuipi hum hawmkuang sungah khung hi. Mipi te cu tuipi mawk mual hum ah um haw.
|
||
\v 2 Mah laih tak Topan thu tampi hilh in tepkip nak tuah thu hilh hi. Topan mah tihbang in thu hilhnak a neih ten,
|
||
\v 3 “Ngai un! Anci vawh tupa’n anci vawh tuk in hawh hi.
|
||
\v 4 Anci a vawh laih tak anci pawl khat te lamzin bul ah cu in, vano te heng in khul khawng hi.
|
||
\v 5 Anci hek khat te leidawm suangtam umnak ah cu in, thakhat in po to hi.
|
||
\v 6 Mah naven, ni suak tul ten ni sa thuak zo ngawl in a zung man ngawl hang thim in ko ta hi.
|
||
\v 7 Anci hek khat te lingkung lakah cu in, lingkung ten dep in a cang nei thei ma hi.
|
||
\v 8 Anci hek khat te lei ngam pha humah cu pha zet po khangto in a let sawmthum, a let sawmluk, a let zakhat tian in ngah hi” tin, thupia hi.
|
||
\v 9 “Zak nak beng a nei ten za ta un hi” tin, thupia hi.
|
||
\s Tehkip a mannak hi thubul pi
|
||
\p
|
||
\v 10 Topa a mah bek a um laih tak a nungzui tu heinih ten thu tehkip nak cu dong haw hi.
|
||
\v 11 Topa’n, “Nohtei lakah Pathian uknak ngam tuah seng thuthup a sel mi theihnak tuk thu pia zo hi.
|
||
\q
|
||
\v 12 A pawlam ah a um miten mu haw in sumsial ngawl nak tuah mu in za haw naven, a tihnop nak a theih ngawl hang a nun can ziaza thek ngawl in sualzah ngaihdam nak um tuk ngawl tian, a muhtei humah a hilhnak mi hempoh tehkip nak tuah in hilh hi.
|
||
\s Anci vawhtu pai tehkip a hilhcian nak
|
||
\p
|
||
\v 13 Nohten hi tehkip nak te hei theihnak na nei uh ma tacun, tehkip nak hempoh te itihbang in theihnak nei thei tuk uh cim?
|
||
\v 14 Anci vawh tupa’n a vawh mi cu Pathian thu hi.
|
||
\v 15 Lampi hum ah anci a cu mite Pathian thu za haw naven, Saihtan cu thakhat heng in thinlung sungah vawh mi Pathian thu cu laksak thei hitin, a tihnop nak hi.
|
||
\v 16 Suang tam nakah a cu mi anci te cu Pathian thu za in lungdam nak thinlung tuah sang paih haw naven,
|
||
\v 17 A thinlung sungah a zung man ngawl in dawmlaih no bek a kho hang, bawlsiat nak le haksat nak a thuak ten thakhat thu in sia leh thei mite a tih nuamnak hi.
|
||
\v 18 Ling lak a cu mi anci te cu Pathian thu za haw naven,
|
||
\v 19 Leihum thu hang lungmu tam nak le sum le pai deih nak hang zolnak le leihum duhhop nak, hazaak nak te a thinlung sung ah tum in Pathian thu cu dep in a ngah nei thei ma hi.
|
||
\v 20 Lei ngampha hum ah a cu mi anci cu Pathian thu za in phazet no sang in, lungdam nak tuah a let sawmthum, a let sawmluk, a let zakhat in ngah haw hi.
|
||
\s Vaknak mandan
|
||
\p
|
||
\v 21 Topa’n, “Mei vak nak cu khung nuai ah koih ngawl in kho nuai, zaunak nuai ah sinkhup in ken tuk mi maw?
|
||
\v 22 A lang ngawl nak ah a um mi hempoh te lang ciang khawng tuk laih hi. Sel in ipnak neih mi hempoh te vang lang tuk hi.
|
||
\v 23 Zak nak beng a nei mi hempoh ten thei haw ta hen” tin, thupia hi.
|
||
\v 24 Zisuh in, “Nohtei zak mi thu cu ngalling ta un. Nohtei tehnak neih mi bang, nohtei ca tuk teh nak neihmi piak nak um tuk hi.
|
||
\v 25 Itahum titale, a nei mite cu piak bet in um tuk hi. I mah a nei ngawl mite cu a neih sa mite hei a ma nelpen laksak co tuk hi” tin, thupia hi.
|
||
\s A khangto mi anci tehkip nak
|
||
\p
|
||
\v 26 Topa’n, “Pathian uknak ngam cu leihum ah mihing pakhat anci vawh tuah bang ve hi.
|
||
\v 27 A mah cu sun le zan hihbu hi. A khanlawh ten anci cu a men tul in po to zo hi. Mahmi cu itihbang khangto hum tih cu thei ma hi.
|
||
\v 28 Leipi in a ma thu in a ngah ngah tik in a masa a kung, mah cengten a ngui, mah lai a ngui sung pen a cang piang tik hi.
|
||
\v 29 Cangsan cengten ancang te phio tuah at hi. Itahum titale, cangsih hun zo toh hi” tin, thupia hi.
|
||
\s Ankam ci cang tehkip nak
|
||
\p
|
||
\v 30 Mah bek sial ngawl Topa’n, “Pathian uknak ngam cu ii tuah tehkip tuk hing ngim? I thu tuah tehkip nak tuah lak tuk hing ngim?
|
||
\v 31 Ankam ci tuah bang ve hi. Ankam ci cu leisung anci cin mi hempoh anci lakpen a neu bel mi anci hi.
|
||
\v 32 Anci cu cingin a khantoh ten hampa kung hempoh sang ngeng saw in van ah a leng mi vano ten a limbel in bu sa tham tuk tian ngeng zet mi a kang kak te suak hi” tin, thupia hi.
|
||
\p
|
||
\v 33 Topa’n mah tihbang mi tehkip nak tampi tuah mihing ten zak nak nei thei tuk in, Pathian thu cu a muhtei lakah hilh hi.
|
||
\v 34 Tehkip nak um ngawlin a muhtei lakah thuhilh ngawlin um awng ma hi. Mah naven, a um mi thu hempoh te mi vengnak mun pen a nungzui tei lakah cel zet in hilh hi.
|
||
\s Huihpi theu ten Pathian thu a ngaihnak
|
||
\p
|
||
\v 35 Mah taklam in Zisuh cu, “Tuipi mawk lamah hawh nung hi” tin, a nungzui tutei lakah thupia hi.
|
||
\v 36 Mipi te a muh ten zam san in hawmkuang sungah a um mi Zisuh cu sam haw hi. A dang hawmkuang tampi te a muhtei lakah um bok hi.
|
||
\v 37 Mah laih tak in huihpi nasezet theu hi. Huihpi nasezet theu in tuipi a cawk hang hawmkuang cu tui tuah dim hi.
|
||
\v 38 Topa cu hawmkuang tawlam lukham humah hihbu leng hi. Nungzui ten Topa cu phong in, aw a nung mi Pathian siatnak ah hen mi cu nopmawh nak imah thinlung nei ma ci maw” tin, ti haw hi.
|
||
\p
|
||
\v 39 Topa cu tho in, dap den no um un, huihpi le tuipi te thu hilh in huihpi cu dapden in dai no um hi.
|
||
\v 40 Topa’n nohten, “Hi zah takin lau nak nei uh cim? Ita upnak nei ngawlin um uh cim tin” dong hi.
|
||
\p
|
||
\v 41 A mun nasezet lau in, “Hi pa cu itihbang mihing nen tim, huihpi le tuipi poh cawm in a thu ngai thei cu tin” pakhat le pakhat son li haw hi.
|
||
\s Khuasia a hawlvawk nak
|
||
\c 5
|
||
\p
|
||
\v 1 Tuipi ngal Kadara ngamah heng haw in, Zisuh cu hawmkuang sungpen a tolk suk bek ten;
|
||
\v 2 A nawngkai a dindeih huai khuasia vei tupa cu mithi khan sung pen tuul in Topa cu muak hi.
|
||
\v 3 Mah mipa cu mithi khanah a um thei mipa hi. A mah cu a kuamah in thik khau tuah ken thei ma hi.
|
||
\v 4 Itahum titale, a mah cu thik khau tuah ken in kolbulh le leng haw naven, a man thik khau te cat tik in a ke te a tum a tang tawng in a keh tik theih hang, a kuamah in a mah neh zo haw ma hi.
|
||
\v 5 A mah cu mithi khan ah hei hihen, mual hum ah hei hihen, a sun a zan au in suangtum tuah a mah le mah at in na tik thei hi.
|
||
\v 6 A man Zisuh cu khuala pi pen a muh bek ten tai in, Topa cu bia hi.
|
||
\v 7 “A sang belah a um mi Pathian capa Zisuh, Topa le keimah cu itin peh tuah nak um hum? Keimah bawlsiat tuk ngawl in Pathian suang in Topa aw hehpih poh in hi” tin ngingzet au in, ti hi.
|
||
\v 8 Mah tihbang a aunak cu Topan a mah cu, “A nawngkai a dindeih huai mi khuasia hi pai nelpen tul in hi” tin, a tih hang hi.
|
||
\p
|
||
\v 9 Topa’n, “Na min a kua kaw tin” a dot ten, ka min cu Legion ing. Kohte cu mi tampi ka hih uh hang hi” tin, ti hi.
|
||
\v 10 Mah ngam pen mundang ngam ah hawlvawk tuk ngawl in Topai nelah hehpih kun hi.
|
||
\v 11 Mah lai mun elkim ah a um tu mual hum ah vok hon pi khal in um li hi.
|
||
\v 12 Khuasia ten, “Vok sungah tum tuk in hah poh in hi” tin, ngen haw.
|
||
\v 13 Topa’n phal nak thu a piak paih hang, a nawngkai a dindeih huai mi khuasia te tul in vok tei sungah tum haw hi. Vok thawngnih laih cu liangkham lakpen tuipi sungah dawk in tuipi sung pen thi khawng haw hi.
|
||
\v 14 Vok khal ten khua sungah le ngam sung hempoh ah a piang mi thu te hilh in thang tik haw hi. Mi tampi ten, mahmi thu a piang zo tuk in hawh haw.
|
||
\v 15 Zisuh nelah a hen haw ten Ligion khuasia vei pa cu puansilh in, a thinlung umdan kel no tuah khungli a muh ten, lau haw hi.
|
||
\v 16 Khuasia vei mipa lakah hei hihen, vok tei lakah hei hihen, a piang mi thu muh nak a nei tute cu a nungpen a hung mitei lakah hilh haw hi.
|
||
\v 17 A muhtei ngam pen tul tukin, Topai nelah kun haw hi.
|
||
\p
|
||
\v 18 Hawmkuang sungah a luhtum ten, khuasia vei awng tupa cu Topa tuah um ngel langkhat tuk in ngen hi.
|
||
\v 19 Mah naven, Topan phal ma hi. “Na inn, na innkua tei lakah hawh in na hum ah Pathian bawl mi hempoh le nangmah a hehpih nak thu te a muhtei lakah hilh hi” tin, thupia hi.
|
||
\v 20 Mah ten a mah cu tul in a ma humah Zisuh bawlnak a neih mi hempoh te Dekapolis ngamah a hilh hang, mi hempoh ten lamdang sa haw.
|
||
\s A nung leh mi numei naupang nu le tidam nak co tu numei
|
||
\p
|
||
\v 21 Mah cengten, Zisuh cu hawmkuang tuah tuipi mawk lam ah hawh leh in mi tampi te a nelah hulawm khawm haw hi. Topa cu tuipi mawk lamah a um laih tak in;
|
||
\v 22 Pumkhawm nak uktu Zairu cu Zisuh nelah hawh in a muhten a ke bulah bop in, “Ka canu thi awndiak toh hi.
|
||
\v 23 Mah naven, Topa cu hung in a mah pan tuk a humah khut suan tacun nung tuk hi” tin, hehpih ngen hi.
|
||
\v 24 Mah hang, Topa cu a mah tuah langkhat in hawh ngel haw hi. Mi tampi ten a nungah zui in, Topa cu nawk kha phuphut haw hi.
|
||
\p
|
||
\v 25 Mah laih tak kum heinih sung thi tul in a vei tu numei um hi.
|
||
\v 26 Si thiam mi tampi tei lakah nasezet haksat thuak in a muhtei neihnak hempoh te bo zo naven, nemcuam nak a co ngah ngawl bek sial ngawl luai sesem in nat nak a nei mi numei pakhat cu,
|
||
\v 27 Zisuh thu a zak ten, “Topai puancep no ka zen ngah hei tidam nak co tung hi” tin tiin,
|
||
\v 28 Mi tampi tei lakpen, Topai nungah hawh in a puan cep no cu zen ngah hi.
|
||
\v 29 Mah a ngei ngawl in a thuak nak neih mi thi tul cu kang hi. Mah a vei nak pen dam zo ing hitin a mah loli in thei hi.
|
||
\p
|
||
\v 30 Zisuh in a nel pen huham a tul mi cu a theih paih ten mipi tei lamah hekin, “Ka puan cep a kon zen hum” tin, ti hi.
|
||
\p
|
||
\v 31 Nungzui ten, “Topa nawk kha li tu mihing tampi te muh thah leng napi in, “Keimah a kon zen kha hum’ tin, Topai nelah ti haw hi.
|
||
\p
|
||
\v 32 Mah naven, Topa’n mah tihbang a zen kha tu cu mu nuam in a elkim zo kawkawi hi.
|
||
\v 33 Mah laih tak numei nu cu a mah nel pen a piang mi thu te a theih hang, lau thah zet can tawtok in, Zisuh nelah hawh a mai ah bop in a piang mi thu hempoh hilh khawng hi.
|
||
\v 34 Topa’n Ka canu aw, na upnak in nang cu dam tik zo. Thinnop no hawh in na tidam ta hen hi” tin, ti hi.
|
||
\p
|
||
\v 35 Mah tihcun Topa’n a tih laih tak pumkhawm nak biakinn thu nei tupai inn pen mihing tampi te heng in, “Na canu thi zo hi. Saza pa cu noksak nak bawl bet li tuk laih cim” tin, ti haw hi.
|
||
\p
|
||
\v 36 Zisuh in mahmi awnkam a zak ten, “lau pah su un. Upnak pakhat no bek nei ta un hi” tin, pumkhawm nak thu nei tupai nelah thupia hi.
|
||
\v 37 Pita, Jeim, Jeim hi nau Johan sial ngawl a kuamah in zui pah sun.
|
||
\v 38 Pumkhawm nak inn ah heng in mi thawm nei zet a um haw mi hei hihen, a muhten,
|
||
\v 39 Inn sunglam ah tum in ita hi tihbang in kap li uh cim?
|
||
\v 40 Numei nu cu thi ma hi. A hihbu hi” tin a tih ten, mithi ngal ten nautat in nuihsan thong haw hi. Mah hang, Zisuh in thingal hempoh te hawlvawk in pawlam ah tul tik hi. Zairu tei nupa le a pui mi nungzui pathum te tuah bek in numei nui um nak ah tum haw hi.
|
||
\v 41 Zisuh in numei nui khut pen len in, “Talithakumi tin” thupia hi. Talithakumi a tinop nak cu numei nui nelah nangmah otpih ing tho in hi” tin, a tihnop nak hi.
|
||
\v 42 A tih celh bek ten numei nu no cu ding to paih in lam ciah hi. A mah cu kum heinih laih hi. Mi hempoh ten lamdang sa in um haw.
|
||
\v 43 Mah thu a piang mite cu kuamah nelah son tuk ngawl in nasezet hilh hi. Mah cengten, mahmi nu cu a eih tuk an pia un hi” tin, thuapia hi.
|
||
\s Nazareth khua pen a nial haw nak
|
||
\c 6
|
||
\p
|
||
\v 1 Zisuh cu mah lai mun pen thawn in a nung zui tuten a ma suahnak ngam lamah hawh pih haw.
|
||
\v 2 Colhni a henten pumkhawm nak inn ah thu hilh hi. Mi tampi ten a thu hilh zak nak a neih haw ten, lamdang sazet in, “Hi pan hi thu te ilai pen ngah hum? Hi pai cih nak cu itihbang cihnak hum? A khut in na lamdang hi zong itihbang in bawl thei hum?” tin son li haw.
|
||
\v 3 A mah cu lettama hima maw? Mary capa hima maw? Jeim, Zoses le Judah le Simon tei U hi’ tin, son li haw. A suahpih numei te vang, hi lai hah um haw poh hi’ tin lungkim ngawl in son li haw hi.
|
||
\p
|
||
\v 4 Zisuh in, “Kamsang pan a khua le tui a miphun pih le a inn kua sung pen minthan nak ngah ngawl in, mun dang ngam pen minthang ngawlin um awng ma hi” tin, thupia hi.
|
||
\v 5 Topa’n tidam ngawl mitei hum ah khut nga in tidam tik nak sial ngawl, mah lai mun pen na lamdang imah bawl thei ma hi.
|
||
\v 6 Topa’n a muhtei up ngawl nak hang, lamdang sa zet hi. A elkim ah a um mi khua te ah hawh in, Pathian thu hilh in vak kaw kawi hi.
|
||
\s Nungzui tu heinih a hah nak
|
||
\p
|
||
\v 7 Mah cengten, Topa’n a nungzui heinih te sam in panih kop hah nak nei in a muhtei lakah a nawngkai a dindeih huai mi khuasia te hawl vawk theih nak thu pia hi.
|
||
\v 8 Mah bek sial ngawl, lam lak pen na man tuk uh mi thiangkhut sial ngawl a dang i mah keng tuk ngawl in le eih tuk ancang te, tawngphu le tangka te imah keng pah su un.
|
||
\v 9 Kedam bek bulh un. Angki silh thuah tuk keng pah su un” tin, kham hi.
|
||
\v 10 Nohten, na tum nak masak tei inn ah um leng in a khua sung pen mundang ah na thawn leh uh tian na um ta un.
|
||
\v 11 Mun khat ah na thu hilh uh te ngai nuam ngawlin a kik haw tale na tul uh ten, a muhtei theihpih nak tetti tuk in nohtei ke phalh hum pen leivul te thingseuh un. A thungai in hilh tung. Thukhen nak ni ten, mah khua pi cu Kommorah le Sadom khua te sang thuak saw haw tuk hi” tin, thupia hi.
|
||
\v 12 Nungzui tute hawh tul in sualsih nak thu te hilh haw hi.
|
||
\v 13 A mun khuasia tampi te hawl vawk in, tidam ngawl mi tampi te sathau thih in dam tik haw.
|
||
\s Baptistma pia tu Johan thihnak
|
||
\p
|
||
\v 14 Zisuh minthan nak a ngah hang Herod kumpi pan a thu za hi. Baptisma pe tu Johan cu a thih nak pen tho leh zo hi. Mahmi thu hang huham te lak thei hi” tin, ti haw hi.
|
||
\v 15 Mi hek khat ten hi pa cu Elijah hi” tin, ti haw hi. Mi hek khat ten a mah cu Pathian kamsang pa hi” tin, ti haw hi.
|
||
\p
|
||
\v 16 Herod in a theih ten, “Hi pa cu a ngawng pen talh nak ka neih mi Johan hi. Thih nak pen tholeh zo hi” tin, ti hi.
|
||
\p
|
||
\v 17 Mah tin son mi thu cu Herod in a nau Filip nupi Herawdias lonsak mah numei thu hang hah in, Johan cu man in thawng sungah koih hi.
|
||
\v 18 Itahum titale, “Johan in Herod cu na nau Filip zi na lak sak cu dan thu tuah kaih ma hi” tin, thupia hi.
|
||
\v 19 Mah hang, Herawdias in Johan hua zet in that nuam hi. Mah naven, that thei ma hi.
|
||
\v 20 Itahum titale, Herod in Johan cu thu man, mi dik cang hitin a theih tak lau zet in a mah cingkep nak a neih bek sial ngawl Johan hi awnkam theihnak a neih ten a thinlung noksak zet naven, lungdam tha tui nak tuah a thu ngaih nak a neih hang, mah numei nu cu huncan pha ngah thei ma hi.
|
||
\p
|
||
\v 21 Mah cengten, Herod hincam kum sial a bawl mi puai ni ah bawi Upa te, ngalkap U pa te le Kalilee ngam sung U pa tei ca tuk a bawl laih tak in,
|
||
\v 22 Herawdias canu cu hawh tum in lam hi. Herod le a puai sim tu pawl hempoh lungdam tik hi. Mah ten Herod in, “Na deih mi hempoh ngen in pe tung hi” tin, khanglai no nelah ti hi.
|
||
\v 23 Na nget mi hempoh ka uuknak ngam khenlang tian hei in pe tung hi” tin, thutiam hi.
|
||
\p
|
||
\v 24 Mah khanglai no cu tuul in a nui nel ah i bel ngen tung kaw tin a dot ten, a nun baptism a pia tu saza Johan lu cu ngen in hi” tin a don leh ten,
|
||
\v 25 Khanglai no cu kumpi pai nelah lut tum vawk paih in, baptisma pia tu saza Johan lu cu dalkuang sungah koih in a man lang thei tawp pia tuk in ngen ing.
|
||
\v 26 Kumpi pa cu lungsia em naven, thutiam nak hei hihen a ngualcam tei mitmai hei hihen, zoh nak a neih hang mah khanglai no hi nget mi cu el ngam ngawl in;
|
||
\v 27 A lu cu la ta un hitin thupia mihing pakhat hah in Johan lu cu a talh cengten,
|
||
\v 28 Mah a lu dalkuang sungah koih in a cawi mi khanglai no cu pia hi. Mahmi khanglai no in mahmi cu a nui lakah pia hi.
|
||
\v 29 Johan nungzui tuten mahmi thu a zak haw ten hawh in a luang la in, than sung ah vui haw hi.
|
||
\s Mihing thawngnga a cawm nak
|
||
\p
|
||
\v 30 Nungzui ten Zisuh nelah a hen khawm leh haw ten, a muhtei bawl mi hempoh le thu hilh nak hempoh te hilh leh haw hi.
|
||
\v 31 Topan hung un. Ngam veng nak ah hawh nung hi. Tha dim tuk in cawl hih nung hi” tin, thupia hi. Itahum titale, mi tampi te vah nak a neih haw hang nungzui te an ei tuk hei huncan a ngah haw ngawl hang hi.
|
||
\v 32 Mah hang, hawmkuang cu khung in ngam veng nak lam ah hawh haw hi.
|
||
\v 33 A hawh haw mi cu mihing tampi in a muhten Topa tih a theih ten, khua hempoh mihing te a tai thah hung in a nungzui tute sang heng ma saw haw hi.
|
||
\v 34 Zisuh cu hawmkuang sung pen tolh in mi tampi te a muh ten, a muhte cu tuukhal tu nei ngawl mite bang um haw hang, a muhtei hum ah hehpih nak tuah thu tampi hilh hi.
|
||
\p
|
||
\v 35 Khuathim zo hang nungzui te Topai nelah hawh haw hi. “Hi lai mun cu mihing tei um ngawl nak mun a hih hang, hun le can vang khuanu zo hi.
|
||
\v 36 Nungzui te cu elkim khua hempoh ah hawh in a eih haw tuk lei tik tuk in, a muhte hah in hi” tin, ti haw hi.
|
||
\p
|
||
\v 37 Mah naven, Topan a muhtei eih tuk nohten pia ta un hi” tin, thupia hi. Nungzui ten, ngun tangka zanih tuah moh lei tuk hawh in, a muhtei eih tuk pia tuk maw tin” don leh haw hi.
|
||
\p
|
||
\v 38 Topan, “Nohten moh ii zong nei laih uh kam? Hawh in zo ta un hi’ tin, a muh tei lakah ti hi. A mun, theihnak a neih cengten, “Moh panga le ngasa panih um hi” tin, ti haw.
|
||
\v 39 Mah cengten, Topan mipi te cu hampa humah a pawl a pawl in khung tik hi.
|
||
\v 40 A muhte cu pawlkhat ah mihing zakhat, sawmnga pawlkhat, a pawl a pawl in a khun celh ten,
|
||
\v 41 Topan moh panga le ngasa panih la vanhum lam zo in lungdam nak thu a hilh cengten, moh cu bot hem sem tuk in a nungzui te cu pia hi.
|
||
\v 42 Mi hempoh ten khampek in ei haw hi.
|
||
\v 43 Moh le ngasa bot hem in a keh a kham bang a cawm leh haw ten, bawm heinih kim hi.
|
||
\v 44 Moh a ei tu mipum pano sial ten, mihing thawngnga kim hi. Tui hum ah a hawh nak
|
||
\v 45 Mah cengten, Topan nungzui tute cu hawmkuam sungah kai cih vawk paih tik in, tuipi ngalkhat Bet-sai-da khua lamah hawh ham tik hi.
|
||
\v 46 Mipi te tuah khennak a neih cengten, Topa cu thungen tuk in mual hum ah kai hi.
|
||
\v 47 Taaklam nitum ceng dainem huncan a hen ten, hawmkuang cu tuipi laizang ah um hi. Topa cu mual hum ah thungen in a mah bek um hi.
|
||
\v 48 Huihpi cu theu kik in hawmkuang hot te a cawl hang nungzui ten Topa cu mu in, zingkhua vak tuk kuan nazi pali pawl Topa cu a nungzui tutei nelah hawh tuk in, tuipi hum ah a ke tuah bek in na hawh li hi.
|
||
\v 49 Nungzui ten tuipi humah Topa ke tuah a hawh lih mi cu mithi hawvang sa in lau zet in au haw hi.
|
||
\v 50 A mu veng hawng Topa cu mu in lau zet um haw. Topan otpih paih in lungthiang no um ta un. Lau pah su un hi” tin, thupia hi.
|
||
\v 51 Hawmkuang hum pen a muhtei umnak munah a kai toh ten, huihpi theu ngawl in tawp hi. A mun nasezet lamdang sa haw hi.
|
||
\v 52 Itahum titale, a lungmu haw khoh lei ta in lungmu ngeng a hih haw taak cu a moh eihnak thu te hei ngaihsung ngawl in a um haw hang hi.
|
||
\s Kenasaret khua pen tina dam tik nak
|
||
\p
|
||
\v 53 Mah cengten, tuipi mawk lamah hawh in Kenasaret khua ah hawmkuang cu cawl haw hi.
|
||
\v 54 Hawmkuang sung pen tolh haw in mipi ten Topa cu a theih paih haw hang;
|
||
\v 55 Mah lai umnak hempoh te tai kawkawi haw in Zisuh um nak a theih haw ten, tina hempoh te a zau nak a kiden puacih in Zisuh nelah hawh pih haw hi.
|
||
\v 56 Khuapi, khuano a hen nak mun hempoh ah nat nak a nei mi hempoh te lamzin bulah koih in, a puancep a zen kha nuam tian in ngen haw. A puancep a zenkha tu hempoh ten dam nak co haw.
|
||
\s Tang laih Upa tei Dan
|
||
\c 7
|
||
\p
|
||
\v 1 Mah laih tak Farasi te le Jerusalem khua pen a heng mi Daan thiam hek khat te Topai nelah hulawm khawm haw in,
|
||
\v 2 Nungzui tu hekkhat te a khut bal som ngawl in an eih a muhten mawhsiat haw hi.
|
||
\v 3 Farasi te pepan in Judah miphun ten tang laih U pa tei dan zui in, khut som ngawlin an ei haw ma hi.
|
||
\v 4 Thilzuak nak mun pen a pin kik leh haw ten vang khut som ngawl in an ei haw ma hi. Mah bek sial ngawl khuat, bel, keu som dan, tuibel som dan te le dalkuang som dan te cu zui in mang haw.
|
||
\v 5 Mah ten, Farasi te le Daan thiam miten na nungzui tute ita tang laih U pa tei thukham bang zui ngawl, khut som ngawl in an ei haw hum tin Topai nelah dong haw hi.
|
||
\p
|
||
\v 6 Topan, Isaiah cu mipha tiam hem thei mi nang muhte tuah seng in kamsang a bawlnak cu man zet hi. Hi mihing ten a kam pawleu bek in Keimah U pat haw hi. Mah naven, a muhtei lungmu ngangai cu Keimah tuah kang zet hi.
|
||
\q
|
||
\v 7 Phat nak nemcuam nak neu no hei um ngawl a thupi nak i mah um ngawl in keimah bia haw hi’ tin a ngat mi bang in,
|
||
\v 8 Not ten, Pathian thukham te lawl in, mihing tei dan thukham te zui uh ci” tin, thupia hi.
|
||
\v 9 “Nohten, a peh thuah in dan zui mi kho tik tukin, Pathian thukham a mawi zet mi cu vawk zo uh ci.
|
||
\v 10 Itahum titale Mosi in, “Na nu le pa U pat in. Nu le pai hum ah awnkha a hah ten thihnak dan thuak ta hen hi” tin, ti hi.
|
||
\v 11 Mah naven, nohte cu mihing pakhat in Ka nelpen a nu le pa cu na man theih mi sum koban in cang ta hen hi” tin, ti hi.
|
||
\v 12 Mah mipa cu a nu le pai humah imah a bawl thei ngawl nak tuk kham in,
|
||
\v 13 Nan muhtei piakdun saw lawn mi dan thu hang Pathian awnkam thu cu vawk zo uh ci. Mah tihbang mi thupi te vang bawl zo uh ci” tin ti hi.
|
||
\s A sunglam pen a tul mi cu mihing se tik thei
|
||
\v 14 Mah laih tak Topan a nelah mipi te sam in, “Nohtei venghawng ka awnkam ngai in thei ta un.
|
||
\v 15 Mihing tei a pawlam pen mihing thinlung sung ah tum in, mihing a bal tik thei mi pakhat no hei um ma hi. Mihing tei a sung pen a tul mi bek in mihing se tik thei hi.
|
||
\v 16 Beng a nei ten za ta un hi” tin, thupia hi.
|
||
\v 17 Topa cu mipi tei lakpen tul in inn sungah a luh tum ten, nungzui ten mah tehkip nak thu cu Topai nelah dong haw hi.
|
||
\v 18 Mah ten, Topan nohten theihnak imah nei ma uh cim? Mihing sungah tum in a se tik thei mi i mah um ma hi tih mi cu thei ma laih uh cim? A pawlam pen mihing sungah a tum mi hempoh cu thinlung sungah tum ma hi.
|
||
\v 19 Pumpi sung ah tum in pawlam ah tul vawk hi. Hi thu te cu an hempoh a thianglim hi tih thei ma uh cim?
|
||
\v 20 Mihing tei sung pen a tul mite cu mihing a se tik thei mi hi.
|
||
\v 21 Mihing tei thinlung sung pen a pha ngawl ngaihsut nak, nu le pa sual nak, a dik ngawl mi nu le pa sual nak, mi thah nak, ngukcak nak,
|
||
\v 22 Duhhop nak, iksik nak, mi zol nak, a se suak deih nak, mi iik nak, pualthau nak, thukhen thiam ngawl in sil nak,
|
||
\v 23 Hi a se suak thil nate cu a sunglam pen tul in mihing se tik thei hi” tin, thupia hi.
|
||
\s Syria, Phonisia numei nui upnak
|
||
\p
|
||
\v 24 Mah ten, Topa cu mah lai mun pen tul in Tura le Sidon ngam sungah hawh in, inn pakhat ah lut tum hi. A kuamah hi theih tuk ngawlin deih naven ngelh in um theih ma hi.
|
||
\v 25 Khuasia vei mi numei no pakhat in, Topa’i thu cu a theih bek ten hawh paih in a ke bul ah bop hi.
|
||
\v 26 Mah numei nu cu Syria ngam Phonisia mi Grik hi. Mah numei nu cun a ca nu’i sung pen khuasia hawlvawk tuk in, Topai nelah kun hi.
|
||
\v 27 Zisuh in, “Ca ten an kham hih ma sa haw ta hen, ca tei an eih tuk lak sak in uico paih cu mawi ma hi” tin, thupia hi.
|
||
\p
|
||
\v 28 Numei nu in man zuh hi Topa aw. Uico te cu catei an thial cabuai nuai ah a um mite cu ei haw ma maw tin, don hi.
|
||
\p
|
||
\v 29 Zisuh in, “Mahmi awnkam hang pin ten hi. Khuasia cu na ca nu nelpen tul zo hi” tin, thupia hi.
|
||
\v 30 Mah ten numei nu cu a inn ah pin in, a ca nu cu zau nak ihkhun hum ah zap in khuasia cu tul ceng zo a hih nak thu mu hi.
|
||
\s Thil hempoh pha zet no a bawl nak
|
||
\p
|
||
\v 31 Tura ngam pen a thawn cengten, Sidon khua tawnvawk in Dekapolis ngam tuah a seng mi ngamlai pen pan Kallile ngam tian ah hawh hi.
|
||
\v 32 Mah ten, bengbul awn thei ngawl mihing pakhat cu a nelah hetpih haw in, a ma humah khut nga tukin Topa cu kun li haw hi.
|
||
\v 33 Zisuh in mah mipa cu mipi tei lakpen sam in miveng nak mun ah hawh pih in a khut zung cu a beng awngpen tawktum sak a cilsiak in a lei tuah ben tum hi.
|
||
\v 34 Mah cengten, van lam zo to huisa in Effatha” tin, thupia hi. Efftha a tih nop cu hong ta hen, a tihnak hi.
|
||
\v 35 A ngei ngawl a beng vang leh paih in a lei vang phe leh in cel zet awn leh thei hi.
|
||
\p
|
||
\v 36 Zisuh in hi thu cu a kuamah nelah son tuk ngawl in a muhtei nelah ti hi. Mah naven, a muhtei lakah hilh nak te nei naven, a mun son nuam de deuh haw hi.
|
||
\v 37 Mihing hempoh ten nasezet lamdang sa haw. “Topan thil hempoh te khawthu zet in bawl zo. Bengbul te thu za leh tik in awnthei ngawl miten awn leh tik thei cu tin” son, li haw hi.
|
||
\s Mihing thawngli an do nak
|
||
\c 8
|
||
\p
|
||
\v 1 Mahmi ni in, mi tampi te hulopkhawm leh haw. A muhtei lakah an eih tuk a neih leh ngawl toh hang, Zisuh in a nungzui te sam in;
|
||
\v 2 Zisuh in hi mipi te hehpih ing. A muhte cu nithum sung Keimah tuah um langkhat haw hi. Eih tuk imah nei haw ma hi.
|
||
\v 3 A hekkhat te ngamkhua lapi pen a heng mite a hih haw hang, a muhte imah cawm ngawl in a muhtei inn ah pin kik in um tik tale a muhte lamlak lawh pen tha bo in um haw tuk hi” tin, thupia hi.
|
||
\p
|
||
\v 4 Nungzui ten, hih tihbang ngam sung pen hi mipi te itihbang in an kham zet cawm thei tuk hum tin a tih haw ten,
|
||
\v 5 Zisuh in, “Nohten moh izong nei uh kam tin dong in moh phangsa lih um hi” tin, ti haw hi.
|
||
\v 6 Mah ten, mipi te leihum ah khung tik un hi” tin, thupia hi. Moh phang salih la in lungdam thu a hilh cengten, moh cu bot hem mipi tei mai pen sem tukin a nungzui tute pia hi.
|
||
\v 7 Ngasa dawmlaih no bek a um hang, lungdam nak a hilh cengten mipi te sem tuk in thupia hi.
|
||
\v 8 A mun khamzet a eih ceng haw ten, a themkeh a val te a cop leh haw mi cu bawm salih dim kham bang haw hi.
|
||
\v 9 A ei tu cu mihing thawngli pawl um haw hi. Mah cengten, Topan mihing te a hah leh cengten,
|
||
\v 10 A nungzui tute tuah hawmkuang hum ah kaih cih paih in, Dalmanutha khua ah heng haw hi.
|
||
\s A lamdang thahsiah huai bawl tukin a nget haw nak
|
||
\p
|
||
\v 11 Mah cengten Farasi te tul Topa tuah el dun in Topa cu noksak cul nuam nak a neih hang, vanhum pen lamdang thasiah huai te ngen haw hi.
|
||
\v 12 Hi thu dot nak hang Zisuh in a thinlung sung pen huisa in, hi miphun ten a lamdang thasiah huai te ita ngen haw hum? A thungai in hilh nak ka neih mi cu hi miphun tei lakah a lamdamg thasiah huai lak tuk ngawl in a hilh cengten,
|
||
\v 13 A muhtei um nak mun pen tul hawmkuang sungah hawh in tuipi ngalkhat lam ah hawh leh hi.
|
||
\s Farasi te le Herod naman
|
||
\p
|
||
\v 14 A nungzui tuten moh laak tuk cu a phawh ngilh haw hang, hawmkuang hum ah moh pakhat no bek cu um hi.
|
||
\v 15 Mah ten Topa’n, “Farasi tei naman le Herod naman te ngalling ta un hi” tin, thupia hi.
|
||
\p
|
||
\v 16 Nungzui ten, a muhtei lakah moh a ken ngawl nak hang hitin pakhat le pakhat sonkhawm li haw.
|
||
\p
|
||
\v 17 Mah tihbang in a son lih haw mi cu Zisuh in a theih ten, noh ten moh na ken uh ngawl hang ita son khawm li uh cim? A tu tian na thinlung sung ah khum in thei thei ma laih uh cim? Nohten thinlung khoh in um laih uh cim?
|
||
\v 18 Nohten mit nei leng napi in khua mu ma uh cim? Beng nei leng napi in thu za ma uh cim?
|
||
\v 19 Moh phangnga cu mihing thawngnga ca bot kek ka um laih moh them a keh te bawm izong cawm leh haw hum tih thu a dot ten a mun bawm heinih hi” tin, don leh haw hi.
|
||
\p
|
||
\v 20 Moh phang salih cu mihing thawngli ca bot kek ka um laih in moh them a keh te bawm izong cawm leh haw hum tin a dot ten a mun bawm salih tin, don leh haw hi.
|
||
\p
|
||
\v 21 Zisuh in, “Nohten theihnak nei thei ma laih uh cim” tin, thupia hi.
|
||
\s Mitcaw pa a dam tik nak
|
||
\p
|
||
\v 22 A muhte cu Betsaida khua ah a hen haw ten micaw pakhat cu a nelah hen haw in, Zen poh in tin kun li haw hi.
|
||
\v 23 Mah ten, Zisuh in mitcaw pa cu a khut pen len in dai paw leu lam ah hawhpih hi. A mit ah cilsiak, a humah a khut nga in na muh theih mi um maw tin, dong hi.
|
||
\p
|
||
\v 24 Mitcaw pan zo to in, “Mihing te thingkung thawn bang mu ing hi” tin, ti hi.
|
||
\p
|
||
\v 25 Mah ten, Topa’n a mit humah a khut nga leh in van zo to tik hi. A man i hempoh ciang sise no in mu thei hi.
|
||
\v 26 Zisuh in, khua sungah tum pah sin. Khuasung mi a kua mah lakah hilh pah sun hi” tin, thupia hi.
|
||
\s Zisuh cu Khrih a hihnak Pita phuang
|
||
\p
|
||
\v 27 Mah cengten, Zisuh nungzui te tuah Kaisaria ngam Filipi ngam lam ah a hawh laih tak lampi pen Zisuh in, “Kei hi a kua tin ti haw kaw” tin, a nungzui tei lakah dong hi.
|
||
\p
|
||
\v 28 Mi hek khat ten, “Baptisma pe tu Johan hi” tin, ti haw. A hek khat ten Elijah tin, ti haw. A hek khat ten Pathian kamsang pakhat hi” tin, a nung zui ten don leh haw hi.
|
||
\p
|
||
\v 29 Zisuh in, “Keimah cu a kua hum tin a dot leh ten Pita in, Topa nang cu Khrih hi ci” tin, ti hi.
|
||
\v 30 Topai thu cu a kua mah son tuk ngawl in nungzui tei lakah ngallin nak pia hi.
|
||
\s Thihnak pen a thawh leh nak thu a hilh ham nak
|
||
\p
|
||
\v 31 Mah bek sial ngawl in mi capa cu haksat nak tampi thuak tuk hi. Thiampi U pa te le Daan thiam saza tei deih ngawl in nial nak te hei hi hen, thah nak thu hei hihen thuak tuk hi. Ni thum lawi ten tho leh tuk hi tih mi thu te nungzui tei lakah hilh hi.
|
||
\v 32 Mah tihcun cel zet a hilh hi. Pita in Zisuh cu mun dang ah sam in mawhsiat hi.
|
||
\v 33 Zisuh in a nungzui te hek kik zo in, “Saihtan pa aw, Ka nung pen tai ten hi. Nang cu Pathian thu na thinlung sungah cam leng ngawl in, mihing thu bek ngaisung in um ci” tin, Pita cu liat hi.
|
||
\s Na thing lamteh pua in
|
||
\v 34 Mah laih tak Topa’n a nungzui te le mipi te sam in a kua a bang, Ka nungah zui nuam tale mah le mah el a thinglamteh pua in ka nungah zui tuk hi.
|
||
\v 35 Mi pakhat in a nunnak pan tuk in deih hi. A mah cu a nunnak sung tuk hi. Mi pakhat cu kei ma hang in hihen, thuthangpha hang in hihen, a nun nak bo hi. Mah mipa cu nun nak co tuk hi.
|
||
\v 36 Itahum titale, mi pakhat in vanhang nuai leihum hempoh ukin a nei ta vang, a hawvang nunnak a sung tik tale a nem cuam nak i hum a neih tuk.
|
||
\v 37 A hawvang nunnak cu a neihnak tuah tan thei tuk maw?
|
||
\v 38 Sawnsawt mi hi miphun siasuak tei lakpen mi pakhat in keimah hei hihen, ka awnkam hei cu zak ca pih hi. Mihing capa cu a pai minthan nak keng in a mithiangtho vancung mite tuah a hen ten, mah mipa cu zahcak pih bok tuk hi.
|
||
\c 9
|
||
\p
|
||
\v 1 Mah cengten Zisuh in, “Nohtei lakah thungai in ka hilh mi Pathian uknak cu huham tuah a umnak thu hi lai munpen a um mi hekkhat ten a muh laih ngawl in, thihnak ah heng haw tuk ma laih hi” tin, thupia hi.
|
||
\s Mel a thek nak
|
||
\p
|
||
\v 2 Ni luk a lawi ten Zisuh in Pita, Jeim, Johan te bek sam in a muhte mual sang humah a tuamtum no hawhpih hi. A muhtei mai pen a danglam in mel thek hi.
|
||
\v 3 A muhtei mai pen a mel thek in a puan silh cu leihum puansawp thiam tawp tei tih theih ngawl mi vuukpak bang in nasezet ngo hi.
|
||
\v 4 Mosi le Elijah cu lang in Zisuh tuah otpih un li in um haw hi.
|
||
\v 5 Mah laih tak Pita in, “Topa aw, hi lai tawk mun ah umnak mun pha hi. Topa nangma ca buuk pakhat, buuk pathum sak sak tuk ung hi” tin, Zisuh nelah ti hi.
|
||
\v 6 Nungzui ten lau leita in Pita cun imah ot tuk a theih ngawl hang hitin, ti hi.
|
||
\p
|
||
\v 7 Mah laih tak meingo pi in a muhte uap paih in, “Hi mipa cu ka ih bel mi ka capa hi. A thu piak mi ngai ta un hi” tin, meingo sung pen aw suak hi.
|
||
\v 8 Mah ceng bek ten a elkim zo kawkawi in a kuamah mu haw ma hi. Zisuh bek mu haw hi.
|
||
\p
|
||
\v 9 Mual hum pen a tolhsuk leh haw ten, Zisuh in mihing capa cu a thihnak pen a thawh leh lak lawh na muh uh mi cu kuamah nelah son pah su un hitin, nasezet in kham hi.
|
||
\v 10 Nungzui tuten mahmi awnkam cu a thinlung sungah cing leng haw in, thihnak pen thawh leh nak cu a kua a tih nopnak hum tin pakhat le pakhat sonkhawm in dong li haw hi.
|
||
\v 11 Mah laih tak nungzui tuten, “Elijah cu masa in heng tuk hi” tin Daan thiam ten ita son hum tin, Topa cu thu dong haw hi.
|
||
\p
|
||
\v 12 Topa’n, “Elijah cu a masa heng in thil hempoh lepleh nak a neih tuk mi cu a man mi hi. Mah hang, mi capa vang haksat nak tampi thuak in vawk tuk hi” tin, Laithiangtho sungah ngan zo hi.
|
||
\v 13 Mah naven, nohtei nelah thungai in ka hilh mi Elijah cu heng zo hi. Mihing te vang a mah tuah peh tuah un in, Laithiangtho sungah a ngat mi bang a ma humah bawl nuam mi hempoh bawl zo hi” tin, thupia hi.
|
||
\s Khawsia neh tu upnak huham
|
||
\p
|
||
\v 14 Mah cengten, a muhte cu nungzui tu a dang tei umnak mun ah kik leh in, mi tampi te nungzui ten kilcih in, Daan thiam te tuah thu eldun in a um li haw mi cu mu haw.
|
||
\v 15 Mipi hempoh ten Zisuh cu a muh haw ten lamdang sa muak tuk in tai tul haw hi.
|
||
\v 16 Zisuh in nungzui tei lakah, “Noh ten a muhte tuah i thu te son khawm uh cim” tin, dong hi.
|
||
\p
|
||
\v 17 Mah laih tak mipi tei lak pen mi pakhat in awn thei ngawl in khawsia vei mi ka capa Topa nangma nelah hun pih ing hi.
|
||
\v 18 Khawsia in a mat nungsang a mah cu tupok, a kam pen cilphuan suak, a ha ngawi khik pek in um thei hi. Mah hang, Topai nungzui tei lakah mah khawsia cu hawlvawk tukin hehpih kun na veng, a mun hawlvawk thei ma ung hi” tin, ti haw hi.
|
||
\p
|
||
\v 19 Topa’n, “Upnak nei ngawl mite aw, nang muhte tuah i tuk huncan tian um tuk laih hum? Nohten ituk tian thinsau kul tuk laih hum? A mah cu ka nelah hunpih ta un hi” tin, Zisuh in thupia hi.
|
||
\v 20 Mah laih tak a mun naupang cu a nelah hawhpih haw in, khawsia in Zisuh a muh bek ten naupang pa a caih tik hang, naupang cu leihum ah tupok, a kam pen cilphuan tul in taal li thong hi.
|
||
\v 21 Topa’n, “Hi tihbang in a nat sawng ii can ngei toh hum” tin, naupang pai nelah dong hi.
|
||
\v 22 Khawsia in a mah thi tik tukin mei sungah hei hihen, tuipi sungah hei hihen, a tu le tu in vawk thei hi. Mah hang, na bawl theih nak a um tacun hehpih nak tuah bawl sak poh in hi” tin, kun hi.
|
||
\p
|
||
\v 23 Topa’n, na bawl thei tale tin ti si maw! Um tutei ca thil hempoh cang thei hi” tin, thupia hi.
|
||
\p
|
||
\v 24 Naupang hi pan, “Keiman um ing. Ka up ngawl nak te bawm in hi” tin thakhat au in um ing, Topa aw.
|
||
\p
|
||
\v 25 Zisuh in mitam pi te tai li cu a muhten a nawngkai mi khawsia liat in, bengbul awnthei ngawl mi khawsia, naupang sung pen tul in. Lut tum leh toh pah sin tin thupia ing hi” tin, khawsia cu liat in a tih hang,
|
||
\v 26 Khawsia cu au in naupang cu nasezet caih tik in tul hi. Naupang pa cu mithi bang in um hi. “Thi zo hi” tin, mitam pi ten son haw hi.
|
||
\v 27 Zisuh in a khut pen len in a phot toh ten a mah cu tho hi.
|
||
\p
|
||
\v 28 Inn sungah a luhtum cengten nungzui tuten, “Kohten ita khawsia hawlvawk thei ma hum” tin, dong kuh den haw hi.
|
||
\p
|
||
\v 29 Topa’n thunget nak, ancan nak sial ngawl cun itihbang hei in hawlvawk theih nak um ma hi’” tin, thupia hi.
|
||
\s A thihnak tuk thu veinih nak a hilh hamnak
|
||
\p
|
||
\v 30 Mah lai pen tul in Kallile ngam sungah a hawh laih tak a kuamah thei tik nuam ma hi.
|
||
\v 31 Itahum titale Topan nungzui tutei lakah a hilh mi, “Mi capa cu mitei khut sungah ap tuk in hihen, thih nak hei hihen thuak tuk hi. Mah naven, a thih ceng nithum lawi ten a mah cu tho leh tuk hi” tin a tih hang hi.
|
||
\v 32 Nungzui ten mahmi awnkam thei thiam ngawl in Topai nelah dong ngam haw ma hi.
|
||
\s A kua ngeng bel hum
|
||
\p
|
||
\v 33 A muhte cu Kapernuam khua ah heng haw. Inn sungah a um laih tak Topan nungzui tei lakah, “Nohten lamzin pen ithu te eldun uh kam” tin, dong hi.
|
||
\v 34 A mun, daiden no um haw. Itahum titale, a kua ngeng saw hum tin lamzin pen pakhat le pakhat nial dun haw hi.
|
||
\v 35 Mah laih tak Topa cu khung in nungzui tu heinih te sam in, “A kua a bang in a masa bel a cang nuam mite cu dawlta tuk hi. Ihempoh nadek tu sila in a suah masa kul hi” tin, thupia hi.
|
||
\v 36 Mah cengten, Topan naupang pakhat sam a muhtei um nak laizang ah ding tik a mah cu pompai in,
|
||
\v 37 Mihing pakhat in ka min suang in, “Hi tihbang naupang pakhat co hi. A mah cu lungkim nak tuah co mipa hi. Kei mah lungkim nak tuah a co tupa cu kei mah bek lungkim in a co mi hima hi. Kei mah hah tupa hei lungkim in a co tupa hi” tin, thupia hi.
|
||
\s Ohtei lam ah a um tupa hi
|
||
\p
|
||
\v 38 Johan in, “Topa aw, eimuhte tuah langkhat zui ngawl in na min suang in khawsia hawlvawk a nei tu pakhat mu ung. A mah cu eimuhte tuah a zui ngawl hang a mah cu kham ung hi” tin, ti haw hi.
|
||
\p
|
||
\v 39 Zisuh in, “A mah cu kham pah su un. Ka min suang huham lak in keimah cu baihno in mawhsiat thei tu pakhat no hei um ma hi.
|
||
\v 40 Nohtei ngal lam ah a um ngawl mipa cu ohtei lamah um hi.
|
||
\v 41 Nohte cu Khrih tuah a seng mi uh ci tin ka min suang mihing pakhat in tuidai haikhat no pia hi. A mah cu thupha co ngawlin um tuk ma hi” tin, thungai in hilh ing.
|
||
\s Zisuh ngallin piak nak
|
||
\v 42 Kei mah upnak a nei tu hi naupang pakhat cu mi pakhat in sual tik hi. A mah cu a ngawngah an den nak sum khaih in tuipi sungah vawknak thuak a hin, a ma ca pha saw tuk hi.
|
||
\v 43 Na khut in sualnak a bawl tale na khut cu talh in.
|
||
\v 44 Lungno thi tih um ngawl nak, meipi mit tih um ngawl hell sungah khut kim no a hen tuk sang, khut tawng in nunnak ngam sungah tum mi cu pha saw hi.
|
||
\v 45 Na ke in sualnak a bawl tale na ke cu talh in.
|
||
\v 46 Ke kim no in lungno thi tih um ngawlnak, meipi mit tih um ngawl hell sungah a hen tuk sang ke tawng in nunnak ngam sungah tum mi cu pha saw hi.
|
||
\v 47 Na mit in sualnak a bawl tale na mit cu khek let in.
|
||
\v 48 Lungno thi tih um ngawl nak, meipi mit tih um ngawl hell sungah mit kim no in a hen tuk sang, mit pakhat no tuah Pathian uknak ngam sungah tum mi cu pha saw hi.
|
||
\v 49 Itahum titale, mi hempoh te meipi tuah cisawh mi bang thuak haw tuk laih hi.
|
||
\v 50 Ci cu pha hi. Mah naven, alnak a tham tale alnak cu itin ngah leh tuk hum? Noh ten nang muhtei sungah ci cu nei tek in pakhat le pakhat a lem no in na um ta un hi” tin, thupia hi.
|
||
\s Nupi maak nak tuah seng mi hilh nak
|
||
\c 10
|
||
\p
|
||
\v 1 Mah cengten Topa cu mah lai mun pen tul in Judah ngam le Jodan ngun tuipi ngalkhat lamah heng in, mitam pi te a nelah hulawmkhawm leh haw hi.
|
||
\v 2 Farasi te a nelah heng in, mi pakhat in a zi maa nuam tale maak nak tuk in a dan um ni maw tin dong haw hi.
|
||
\p
|
||
\v 3 Zisuh in, “Mosi in nohtei lakah itin thupiak nak nei kaw” tin, don leh hi.
|
||
\p
|
||
\v 4 A mun, “Maak nak lai cu pia in a zi cu maa tuk Mosi in thupiak nak nei hi” tin, ti haw hi.
|
||
\p
|
||
\v 5 Zisuh in, “Na lungkhoh uh hang Mosi in mahmi thukham cu ngan hi.
|
||
\v 6 Pathian in van le lei a bawl penpan in pano le numei bawl hi.
|
||
\q
|
||
\v 7 Mahmi thu hang pano in a nu le pa cu zam in a nupi tuah um ngel ta hen.
|
||
\q
|
||
\v 8 A mu panih cu pumkhat sakhat haw tuk hi.
|
||
\v 9 Mah hang, Pathian kom in sihtuah sa mite cu a kuamah khensak pah sun hi” tin, thupia hi.
|
||
\p
|
||
\v 10 Nungzui te inn sungah a um laih tak hi thu cu Topai nelah dong leh haw hi.
|
||
\v 11 Topa’n, a zi cu maa in, zi dang a huai leh tupa cu mahmi numei humah nu le pa sual nak a bawl tupa hi tuk hi.
|
||
\v 12 Numei in a pasal cu maa in, pasal dang a nei leh tale nu le pa sualnak a bawl nu hi tuk hi” tin, thupia hi.
|
||
\s Naupang te thupha piak nak
|
||
\p
|
||
\v 13 Mah laih tak naupang te a khut tuah zen tuk a nelah hawhpih haw hi. A nungzui tuten a hawhpih mi naupang te cu kham in liat haw hi.
|
||
\v 14 Zisuh in a muhten, a thinuuk in hi naupang te ka nelah hung haw ta poh hen, kham pah su un. Itahum titale, Pathian uknak ngam cu a mu ta hi.
|
||
\v 15 Nohtei lakah thungai in hilh tung. Pathian uknak ngam cu naupang pakhat bang co nak a nei ngawl mipa cu mahmi ngam sungah ituk mah ten lut tum thei tuk ma hi” tin, thupia hi.
|
||
\v 16 Mah ceng ten, Topa’n naupang no cu pom in a muhtei humah khut nga in, thupha pia hi.
|
||
\s Milian Tangval pa
|
||
\p
|
||
\v 17 Topa cu lamzin a hawh laih tak mi pakhat cu Zisuh nelah hawh tuk in tai li hi. Zisuh nelah a henten a mai ah khuk din in mi pha saza pa aw, kumkhua nun nak ka co theih nak tuk i bel bawl kam nang tin dong hi.
|
||
\p
|
||
\v 18 Zisun in, “Keimah mi pha tin ita sam thei cim? Pathian pakhat sial ngawl a kuamah mipha um ma hi.
|
||
\v 19 Thukham te thei ma ci maw? Nu le pa sual nak bawl pah sin. Mi that pah sin. Nguca pah sin. A man ngawl mi theih pih nak tetti nei pah sin. A neih nak a man ngawl in long pah sin. Na nu le pa U pat in hi” tin, thupia hi.
|
||
\p
|
||
\v 20 Milian tangval pan saza pa aw, mahmi thukham hempoh ka naupang laih pen pan zui zo ing.
|
||
\p
|
||
\v 21 Zisuh in a mah cu zo in itnak thinlung tuah, “Pakhat na sap mi um laih hi. Hawh ten na, na neih mi hempoh zuak in mi zawng te pe in. Mah tihbang in na bawl tale vancung uknak co tuk ci. Mah cengten, ka nungah zui in hi” tin, thupia hi.
|
||
\v 22 Tangval pa cu milian hausa a hih hang, mahmi awnkam a theih ten mit mai sia thinnop ngawl in hawh ta hi.
|
||
\s Milian pa le Pathian uknak ngam
|
||
\p
|
||
\v 23 Zisuh in a elkim te zo kawkawi in, mi lian tei Pathian uknak ngam tum tuk cu izah tak in haksa hum” tin, nungzui tei lakah thupia hi.
|
||
\v 24 Nungzui tuten mahmi awnkam cu lamdang sa zet haw hi. Zisuh in, “Ka ih mite aw, Pathian uknak ngam tum tuk cu izah takin haksa hum.
|
||
\v 25 Kala-uuk hio kua sungah tum en baih saw tuk hi. Sum ngah thei mipa cu Pathian uknak sungah tum tuk cu haksa em hi” tin, hilh bet in thupia hi.
|
||
\p
|
||
\v 26 Mah laih tak a nungzui tuten lamdang sa ngangai in, “Mah tihbang a hi tacun, a kua te nunpat nak co thei haw tuk hum” tin, pakhat le pakhat son li haw hi.
|
||
\p
|
||
\v 27 Zisuh in a muhte zo in, “Hi thu te mihing tei ca cang thei ma naven, Pathian in tih theih ngawl mi nei ma hi. Pathian cu ihempoh thil tih theih ngawl mi nei ma hi” tin, thupia hi.
|
||
\p
|
||
\v 28 Mah laih tak Pita in, koh ten ka neih sa hempoh zam in nang mah zui ung hi’ tin, ti hi.
|
||
\p
|
||
\v 29 Zisuh in thu ngai in hilh tung. Mi pakhat in kei ma hang in hihen, thuthangpha hang in hihen, inn le lo, U le nau a nu le pa a zi le ca te pakhat cu zamsan hi.
|
||
\v 30 A mah cu a let zakhat ngah in, a tu hun in bawlsiat nak te le inn le lo a U le nau, a nu le pa, a zi le ca te hei hihen, tu nungten kumkhua nunnak hei hihen co ngah tuk hi.
|
||
\v 31 Mah naven, a dawlta te masa leh haw tuk hi. A masa te dawlta leh haw tuk hi” tin, thupia hi.
|
||
\s A thih nak tuk thu veithum nak a hilh hamnak
|
||
\p
|
||
\v 32 A muhte Jerusalem ah hawh in, lamzin pen Zisuh cu a nungzui tei mai ah a hawh lih laih tak a mun lamdang sa zet in lau nak thinlung tuah zui haw hi. Mah ten, Topa’n a nungzui heinih te sam leh in, ohten Jerusalem khua lam ah a tuin hawh li hung hi.
|
||
\v 33 Mi capa cu thiampi U pa, Daan thiam saza tei khut sungah heng tuk laih hi. A mun a thih nak tuk thukhen cengten, miphun dang tei khut sungah ap haw tuk hi.
|
||
\v 34 A mun mi capa cu nuihsat nak, vah nak, cil siak nak, zawtsak thah nak bawl haw tuk hi. Ni thum lawi ten tho leh tuk hi” tin, a ma nel ah a heng tuk mi thu te a nungzui tei lakah hilh hi.
|
||
\s Jeim le Johan tei nget mi
|
||
\p
|
||
\v 35 Mah laih tak Zebadi capa Jeim le Johan cu a nelah hawh haw in, “Saza pa aw, nangma nelah kohtei deihnak hempoh bawl sak in hi” tin, ti haw hi.
|
||
\p
|
||
\v 36 Topa in, “Kei man nohtei humah ka bawl tuk mi na neih uh a ii um hum tin, dong hi.
|
||
\p
|
||
\v 37 Topa aw, “Na minthan nak a hen ten ka panih uh in na taklam ah pakhat, na veilam ah pakhat khun theih nak tuk thupia in hi” tin, ngen haw hi.
|
||
\p
|
||
\v 38 Zisuh in na dot uh mi hei thei ma uh ci. Ka in tuk khuat hai in zo ni uh cim maw. Ka thuak tuk baptisma thuak zo ni uh cim” tin, a dot ten,
|
||
\v 39 A mun, kohten zo tuk ung hi” tin, don leh haw hi. Zisuh in, “Ka in mi khuat hai cu nohten in tuk uh ci. Ka co mi baptisma vang nohten co tuk uh ci.
|
||
\v 40 Mah naven, ka taklam khut le ka veilam khuat ah khun nak thu ken pia mang hi. Mah lai mun cu a ngah tuk in a bawlsa mitei ca bek hi” tin, thupia hi.
|
||
\v 41 A dang nungzui tu heikhat ten a zak haw ten, Jeim le Johan tei humah thinuuk haw hi.
|
||
\v 42 Zisuh in a muhte cu sam in na theih uh nak bang in leihum kumpi ten uknak bawl thei haw hi. Upa na dek tuten thu neihnak nei thei haw hi.
|
||
\v 43 Nohten, mah tihbang thu neih nak bawl pah sun. Nohtei lakpen U pa a dek nuam mipa cu nohtei sila na deh nak kul tuk hi.
|
||
\v 44 Nohtei lakpen lamhuai tu a suak nuam tu cu mi hempoh tei sila a suah kul tuk hi.
|
||
\v 45 Itahum titale, mi capa cu midang te a na deh sak tik tuk in hung ma hi. Mi dang tei na deh sak tu tuk in le mi tampi tei nunpan tu tuk in a nun nak pia tuk in hung hi’ tin, thupia hi.
|
||
\s Mitcaw khua a muh leh nak
|
||
\p
|
||
\v 46 Mah cengten, a muhte cu Jeriko khua ah heng haw. Topa cu a nungzui tute tuah mitam pi ten zui in mah lai khua pen a thawn haw laih tak, Timeu capa Baltimeu mitcaw pa cu lamzin elah khutdawh ngen in khung leng hi.
|
||
\v 47 Nazareth khua mi Zisuh um tih thu a zak ten, “David capa Zisuh, keimah hehpih poh in hi” tin, au hi.
|
||
\p
|
||
\v 48 Mi tampi ten a mah cu daiden no um tuk in liat haw. Mah naven a man, “David capa kei hehpih poh in hi” tin, nging de deuh in au hi.
|
||
\p
|
||
\v 49 Zisuh cu ding in, “A mah cu sam un hi” tin, thupia hi. Mi pi ten, mitcaw pa cu sam in laupah sin. Tho in. Topa’n nangmah cu sam hi” tin, ti haw hi.
|
||
\v 50 Mah mitcaw pa cu a puan a silh cengten, tho in Zisuh nelah hawh hi.
|
||
\p
|
||
\v 51 Zisuh in, “Na hum ah ka bawl tuk ii deih cim tin, dong hi. Mitcaw pan, “Saza pa aw” ka mit vak tuk in bawl sak tik nuam ing hi” tin, ti hi.
|
||
\p
|
||
\v 52 Zisuh in, Tho in, hawh ten na upnak in dam tik zo hi” tin thupiak a ngei ngawl in a mit vak in lamzin pen a nung ah zui hi.
|
||
\s Thangphat nak co in Jerusalem ah a tum nak
|
||
\c 11
|
||
\p
|
||
\v 1 Jerusalem khua el Olive mual bul ah a um mi Betfake khua le Batani khua ah heng in, nungzui panih cu hah hi.
|
||
\v 2 “Nohtei mai ah a um mi khua ah hawh ta un. Mahmi khua ah na hen uh ten, a kuamah hi khun awng ngawl lakno khau khih nohten muh paih tuk uh ci. A khau duuk in ka nelah hunpih un.
|
||
\v 3 Mi ten, “Ita hitin bawl uh cim tin nohtei lakah a ti haw tale, “Topa’n kin hi” tin, don leh ta un. Mah tihbang in na don uh tale a man pia paih tuk poh hi” tin, thupia hi.
|
||
\p
|
||
\v 4 Nungzui te hawh in lamzin kongka bul ah khaukhih mi laakno a muh haw ten laak khau cu duuk haw.
|
||
\v 5 Mah lai mun ah ding leng in a um mi hek khat ten ita laak khau duuk uh cim tin a ti haw tale,
|
||
\v 6 Zisuh hilh nak bang nungzui ten a don leh haw ten a mun duh phal haw hi.
|
||
\v 7 Mah cengten, laakno cu Zisuh nelah hawh pih in a muhtei silh mi puan cu laakno hum ah a phah cengten, Topa cu mahmi laakno humah khung hi.
|
||
\v 8 Mi tampi ten, a muhtei silh mi puan cu lamzin humah phah haw. Mi hekkhat ten thingkang ceh te phuk in phah haw hi.
|
||
\v 9 A mai ah le a nung pen a zui tuten, “Hosana” Pathian min tuah a heng mipa cu minthan nak thupha um ta hen.
|
||
\q
|
||
\v 10 A heng tuk laih mi ohtei pa David uknak ngam cu thupha um ta hen. Van a sang bel nak ah a min thang ta hen” tin, au haw hi.
|
||
\p
|
||
\v 11 Mah tihcun, Zisuh cu Jerusalem khua sung ah hihen, biakinn sungah hei hihen tum in thil na hempoh a zoh cengten khuathim hang, nungzui tu heikhat te tuah Betani khua ah hawh haw hi.
|
||
\s Ngah a nei ngawl mi Theipi kung
|
||
\v 12 A zingten, Batani pen a pin kik leh haw ten Topa cu a ning kial hi.
|
||
\v 13 Mah laih tak a ceh te hing dimdem in a um mi theipi kung pakhat cu a matan khuala thim pen mu in, theipi a ngah huncan a hen ngawl laih hang, mahmi theipi kung cu a ngah um bel tuk hei tin hawh in a hen ten, a ceh bek mu hi.
|
||
\v 14 A tu pepan in, ‘Na ngah a kuamah in ei pah su hen hi” tin, thupia hi. Nungzui ten za bok haw.
|
||
\s Biakinn a thianlim tiknak
|
||
\p
|
||
\v 15 A muhte Jerusalem khua ah a hen haw ten, Zisuh cu biakinn pi sung ah a tum cengten, biakinn sungah sum zuak nak a nei tute hawlvawk cabuai khunnak le khulo zuak tei khunnak sawn vawk hi.
|
||
\v 16 Mah bek sial ngawl biak inn sung tawnvawk in thil van te pua tuk cu a kua mah phal ma hi.
|
||
\v 17 “Ka inn cu miphun nam kim tei thunget nak tuk inn tin sam haw tuk hi’ tin, Laithiangtho sungah ngan hima maw. Mah naven, nohten mahmi inn pi cu nguca misuam tei buknak in cang tik uh ci” tin, liat hi.
|
||
\p
|
||
\v 18 Thiampi U pa te le Daan thiam ten mahmi thu a zak haw ten, Topa thah theih nak tuk dan zei haw hi. Itahum titale, mi tampi ten Topai hilh nak a neih mi cu lamdang sa in thangphat nak a neih haw hang, a mun Topa cu lau haw hi.
|
||
\v 19 Taaklam khua thim tuk kuan a hen ten Zisuh le a nungzui te cu khua pawlam ah tuul haw.
|
||
\s Theipi kung a ko nak
|
||
\p
|
||
\v 20 A zing ten lamzin a hawh laih tak theipi kung cu a zungpe pan ko in a um mi cu mu haw.
|
||
\v 21 Mah laih tak Pita in phawk leh in, ‘Saza pa aw’ zo in hi. Topa tam nak neih mi theipi kung cu ko zo hi” tin, ti hi.
|
||
\p
|
||
\v 22 Zisuh in, “Nohten Pathian upnak nei ta un.
|
||
\v 23 Thu ngai in hilhnak ka neih mi cu mi pakhat in up sual nak thinlung nei ngawl in, a tihnak bang in cang tuk hitin um in, hi mual um nak pen thawn in tuipi sungah cak hen’ tin a tih ten a tihbang in cang tuk hi.
|
||
\v 24 Mah hang, nohtei lakah ka hilh mi cu nohten thu na nget uh ten na nget mi hempoh ngah zo ing hitin, upnak nei ta un. Mah ten, nohtei ca na tihnak bang in cang tuk hi.
|
||
\v 25 Nohten a ding thah thunget nak na neih uh ten pakhat le pakhat hum ah lungkim ngawl nak a um tale a muhtei sual nak te na zah ta un.
|
||
\v 26 Vancung khua ah a um nohtei pan nang muhtei sual nak zah bok tuk hi” tin, thupia hi.
|
||
\s Zisuh thu neih nak a dot mi
|
||
\p
|
||
\v 27 Jerusalem khua ah a muhte heng leh haw hi. Topa cu biak inn tual hawhnak humah a vah kawkawi laih tak thiampi U pa te, Daan thiam te le Upa te a nelah hawh haw.
|
||
\v 28 Topa cu hi thu te a koi thu piaknak in bawl cim tin a dot haw ten,
|
||
\v 29 “Zisuh in thu pakhat dong hih tung. Nohten na hilh thei uh tale hi thu te a koi thu in bawl hing ngim tih cu hilh tung hi” tin, thupia hi.
|
||
\v 30 Johan baptisma cu Pathian lakpen maw, mihing tei lakpen heng hum. Hi thu dot nak cu don un hi” tin, thupia hi.
|
||
\v 31 A mun pakhat le pakhat ngaisung in, Pathian lakpen hung hitin don tale nohten Johan cu ita um ma nge uh cim” tin, ti tuk hi.
|
||
\v 32 Mihing lakpen tin a don uh tale mihing te lau haw hi. Johan cu kamsang a man hi tih cu mitam pi ten ngaisut haw hang, pakhat le pakhat ngaisung in um li haw hi.
|
||
\v 33 Mah hang, kohten thei ma ung hi” tin, Zisuh nelah don leh haw hi. Zisuh in, mah bang bok in hi thu te cu a koi thu in bawl hing ngim tih cu hilh tuk mang hi” tin, thupia hi.
|
||
\s Cabit huan nei tupa tehkip nak
|
||
\c 12
|
||
\p
|
||
\v 1 Mah cengten Zisuh in thu tehkip nak tuah a muhtei lakah thu hilh hi. “Mihing pakhat in a huan ah cabit phut in a sen huan uum hi. Cabit ngah a ngawi nak tuk lei co taitan a dawh cengten, a huan bung tuk huan bung te cial in a mah cu ngam khua lapi ah khualzin tul hi.
|
||
\v 2 Cabit ngah hun ten a huan na dek tutei lakpen a cabit huan pen a suak mi la tukin a na dekpa pakhat tik hi.
|
||
\v 3 A huan bun lawh tu ten a dum nei tupai a tiik mipa cu vat dem in khut thacang pin tik haw hi.
|
||
\v 4 A nungten na dek tu pakhat hawh leh tik in huan cing tuten suang tuah sep a lu pen a khak hang, zah huai in pin tik haw hi.
|
||
\v 5 A dang na dek tu pakhat hawh leh leu tik in a mah cu that haw hi. A dang na dek tu tampi hawh tik naven, hek khat te cu vat dem in a hek khat te cu that haw hi.
|
||
\v 6 A ih bel mi a capa bek um zo hi. Huan nei tupan, “A mun ka capa cu U pat tuk hi” tin, tiin a dawltawp nakah a capa cu a muhtei lakah hawh tik hi.
|
||
\p
|
||
\v 7 Mah naven huan na dek tuten, “Hi mipa cu lo co tupa hi. Hung un. A mah cu that tuk hung. Mah tin a bawl uh tale a lo le lam te ohten co ngah tuk hung tin pakhat le pakhat siam li haw hi.
|
||
\v 8 A mah cu man in a thah cengten, cabit huan pawleu lam ah vawk haw hi.
|
||
\v 9 Mah tihbang a hih hang, cabit huan nei tupan itihbang bawl tuk hum? A mah cu hawh in huan na dek tute thukhen nak a neih cengten, mahmi huan cu midang tei lakah pia tuk hi.
|
||
\v 10 Inn sa tutei lawl mi suang cu a ningkil khuam mawk lam a het tu suang in cang hi. Mahmi cu Pathian na deh hi.
|
||
\q
|
||
\v 11 Ohtei mai ah vang a lamdang mi hi tih awnkam cu Laithiangtho sungah nohten sial awng ma uh ci maw” tin, ti hi.
|
||
\p
|
||
\v 12 A mun a muhte camcawh in hi tehkip nak awnkam a hilh mi cu a theih haw ten, Topa cu man tuk in ngaisung haw hi. Mah naven, mipi te a lau haw hang, Topa cu zam san in hawh haw ta hi.
|
||
\s Pathian le Sizal kumpi
|
||
\p
|
||
\v 13 Mah cengten, a muhtei awnkam pen a tuul mi bang Topai sual zei thei tuk in Farasi te le Herod mihing hekkhat te a ma nelah hawh tik haw hi.
|
||
\v 14 A muhte heng in Topa cu, “Saza, saza pa aw thu dik a man a neih hang, a kuamah lau ngawl mihing tei mitmai zo ngawl na um nak thu koh ten thei ung. Pathian thu dik lamzin bangin hilh hi. Sizal kumpi siah piak tuk cu mawi maw, mawi ma hum?
|
||
\p
|
||
\v 15 Pe tuk ung maw pe tuk ma kaw” tin dong haw hi. Topan a muh ten thei ngawl bang a um hem haw mi cu a theih ten, nohten ita keimah sual zei li uh cim. Ka zoh tukin tangka piakhat pia un hi” tin, ti hi. Tangka piakhat cu a muhten la in pia haw hi.
|
||
\v 16 “Hi mel, hi min a koi mel in a koi min hum” tin a dot ten a mun, “Sizal kumpi pai mel le min hi” tin, don haw hi.
|
||
\p
|
||
\v 17 Zisuh in, “Sizal kumpi pai sum cu Sizal na pe un. Pathian sum cu Pathian pe un hi” tin, a tih mi cu a mun lamdang sa zet in um haw hi.
|
||
\s Sadusi te le Thawh lehnak
|
||
\p
|
||
\v 18 Thawh lehnak um ma hitin upnak nei tu Sadusi te a nelah heng haw,
|
||
\v 19 “Saza pa aw, mihing pakhat ca nei ngawl thi in a zi zam hi. A nau pan a U hi zi cu a miphun pai tuk ngawl mahmi numei huai tuk, Mosi in kohte thu pia zo hi.
|
||
\v 20 U nau salih um hi. A U pa bel cu zi nei in ca cawi man ngawl in thi hi.
|
||
\v 21 A U hi zi cu a naupa U pa saw in huai in, ca cawi man ngawl in thi le leu hi.
|
||
\v 22 Mah bang bok leng in a nau pathum nak pen pan in a nau siah U nau salih ten, mahmi numei nu cu huai in ca cawi man ngawl in zam haw hi. A dawl bel ten mah numei nu vang thi ta hi.
|
||
\v 23 Mah hang, thawh lehnak huncan ten a muhte a thawh leh haw ten, mahmi numei nu cu a koi nupi in cang tuk hum” tin, dong haw hi.
|
||
\p
|
||
\v 24 Zisuh in, “Nohten Laithiangtho hei hihen, Pathian huham hei na theih uh ngawl hang, a sual mi upnak nei uh ci” tin, don hi.
|
||
\v 25 Itahum titale, mihing te cu a thi mitei lak sung pen thawh lehnak a neih haw ten, pano ten zi huai nak um ma hi. Numei ten pasal nei tuk ma hi. Vancung mite bang haw tuk hi.
|
||
\v 26 A thi mitei thawh leh nak cu Pathian in, ‘Kei cu Abraham Pathian, Isak Pathian, Jakop Pathian ing hi” tin, Mosi nelah thu a piak mi cu Mosi thukham sungah nohten sial kha awng ma uh cim maw?
|
||
\v 27 Pathian cu a thi mitei Pathian hima hi. A nung mitei Pathian hi. Mah hang, nohte cu nasezet in sual uh ci” tin, ti hi.
|
||
\s A ngengbel mi thukham panih
|
||
\p
|
||
\v 28 Mah tihbang thu a eldun lih haw mi cu Daan thiam pakhat za in, Topa’n a mawi no tuah a don kik leh nak a theih ten a nelah hawh in, “Thukham hempoh sung pen a ngeng bel mi thukham a ii hum” tin, Zisuh cu dong hi.
|
||
\p
|
||
\v 29 Zisuh in, “Thukham hempoh sung pen a ngeng bel mi thukham cu Isarel miphun te aw ngai un. Ohtei Topa, Pathian cu pakhat bek hi.
|
||
\v 30 Na Pathian cu na thin lung hempoh le na ngaihsut nak hempoh, thazang na neih mi hempoh tuah it in. Hi thukham cu a pakhat nak thukham hi.
|
||
\v 31 Mah bek sial ngawl na pumpi na ih bangin na inn nel te it in. Hi thukham panih te sang a ngeng saw mi thukham dang um leh ma toh hi” tin, don hi.
|
||
\p
|
||
\v 32 Daan thiam ten saza pa aw, “A thungai pha zet in Topan hilh zo hi. Pathian pakhat bek um hi.
|
||
\v 33 Pathian pakhat bek sial ngawl Pathian dang um ma hi. Pathian cu na thinlung hempoh, na ngaihsut nak hempoh le thazang ngilnak na neih mi hempoh tuah itnak, na pumpi na ih bang in na inn nel te it in. Mei hal biakpiak nak le sangawh biak nak sang pha saw hi” tin, ti hi.
|
||
\p
|
||
\v 34 Hih tihbang a ngaihsut thiam nak tuah a don leh nak Zisuh in a theih ten, “Nang cu Pathian uk nak ngam tuah khuala ma ci” tin, thupia hi. Mah nung siah a kuamah in a thu dong ngam leh haw ma hi.
|
||
\p
|
||
\v 35 Mah ten, Zisuh cu biakinn ah thu hilhnak a piak laih tak in, “Khrih cu David capa hitin Daan thiam saza ten ita ti thei haw hum?
|
||
\v 36 David awnkam pen Kumkhua Pathian in na ngal ten na ke nuai ah a koih lak lawh ka taklam khut ah khung in hitin ka Topai nelah hawvang thiangtho in, ti hi.
|
||
\v 37 Mah tihcun David in Topa hitin a sam tale itihbang a capa in cang thei tuk hum” tin, ti hi. Mi tampi ten Zisuh thuhilh cu lungdam nak thinlung tuah ngai haw hi.
|
||
\s Dan thiam te cingcai tukin thupiak nak
|
||
\p
|
||
\v 38 Mah tihcun thu hilhnak a neih laih tak Daan thiam mite cu cingcai ta un. A mun angki cualpi silh in, khua sung a vah nuam ten hei hihen, thil van zuak nak pen mitei U pat co nuam in le muahnak te deih haw hi.
|
||
\v 39 Puai bawl nak, pumkhawm nak mun ah mi hempoh tei muh theih tuk in a sang bel mun ah khung nuam haw hi.
|
||
\v 40 A muhte cu mizawng meivong tei inn le lo celkang tu hi haw hi. A thunget haw ten, imah sual nei ngawl bangin ngei zet ngen thei haw hi. A muhte cu nasezet cim nak thuak haw tuk hi” tin, ti hi.
|
||
\s Meivong nui piak nak
|
||
\p
|
||
\v 41 Mah cengten, Zisuh in sumkhiak nak kuang mai ah a khun laih tak in mi tampi ten sum khiak nak kuang sungah sum a khiak haw te cu zo hi. Sum ngah thei mihing tampi ten tampi khia haw hi.
|
||
\v 42 Mizawng meivong nu pakhat cu heng in pengcih panih khia hi.
|
||
\v 43 Topa’n a nungzui te sam in, “Thu ngai in hilh ing. Sum kuang sungah a khia mi hempoh te sang, mizawng meivong nui khiak mi cu tam bel hi.
|
||
\v 44 Itahum titale, a muhte cu a hauhsak nak sung pen kaisuah in khia haw. Mah mizawng meivong nu cu zawng em naven, a eih tuk hei ngai sung ngawl in a neih calam khia hi” tin, thupia hi.
|
||
\s Biakinn a siat nak tuk thu a hilhham nak
|
||
\c 13
|
||
\p
|
||
\v 1 Zisuh cu biakinn sung pen a tul laih tak nungzui tu pakhat in, “Saza pa aw zo in. A ngeng zet mi suang te tuah a mawi zet inn sak mi hima maw” tin, ti hi.
|
||
\p
|
||
\v 2 Zisuh in, “Hi a ngeng zet mi suang tuah sak mi cu nang man a tun mu thei ci. A suang te pakhat nung pakhat thuah dun ngawlin cim belh tuk laih hi” tin, ti hi.
|
||
\s Leihum bo nak tuk a sialsiah nak te
|
||
\p
|
||
\v 3 Mah cengten, Olive mual hum ah biakinn lam hek in a khun laih tak Pita, Jeim, Johan, Andru ten,
|
||
\v 4 “Hi thu te ituk huncan ten heng tuk hum, hi thu hempoh te cangkim no a heng tuk mite cu koh tei lakah hilh in hi” tin, Topai nelah dong kuh haw hi.
|
||
\p
|
||
\v 5 Zisuh in, “A kua mah hi zol theih ngawl nak tuk cingcai in um ta un.
|
||
\v 6 Mihing tampi ten ka min tuah hung in kei cu a mah toh ing hi” tin ti haw tuk hi. Mi tampi te zol haw tuk laih hi.
|
||
\v 7 Nohten ngaldo un nak thawm na theih uh ten lau pah su un. Hi thu te heng tuk hi. Mah naven, hun tawp nak hima laih hi.
|
||
\v 8 Miphun pakhat le pakhat, ngamkhat le ngamkhat do un haw tuk, mun tih kim ah hinhing nak le ningkial pamtung nak te cang tuk hi. Hi thu te cu haksat a pat nak tuk hi.
|
||
\s Hatsat nak thuak tuk thu a hilhham nak
|
||
\p
|
||
\v 9 Na pumpak tek in cingcai ta un. Itahum titale, nohte cu thukhen nak zungah ap haw tuk hi. Pumkhawm nak mun pen vah co tuk uh ci. A muhtei lakah theihpih nak tetti a cang mi thu, nohten ngam uktu le kumpi tei mai ah kei ma hang heng tuk uh ci.
|
||
\v 10 Thuthangpha cu a masa in miphun hempoh tei lakah phuang tuk hi. Nohte zung inn ah ap tuk hawh nak a neih haw ten, itihbang don tuk tih mi lau pah sun.
|
||
\v 11 Ngaisung ham masa in um pah sun. Mahmi huncan nazi ten nohtei lakah hilhnak a neih mi bek cu don un. Itahum titale, a hilh tupa cu nohtei ot cawm theih mi hima hi. Hawvang thiangtho in na don nak tuk uh hilh tuk hi.
|
||
\v 12 Mah huncan ten unau pakhat le pakhat thihnak tian zuak dun haw tuk laih hi. Pa ten a capa, capa canu ten nu le pa te do in thihnak tian bawl se dun haw tuk hi.
|
||
\v 13 Mi hempoh ten ka min hang hua haw tuk hi. Mah naven, a dawltawp tian a thuak zo ten nunpat nak co tuk hi.
|
||
\s Haksat nak pi
|
||
\p
|
||
\v 14 Kamsang Danial hilhnak bang, a dindeih huai siat nak cu a um awng ngawl nak mun ah a din mi nohten na muh uh ten, Laithiangtho a zo tuten theih thiam nak nei haw ta hen. Mah tihbang na mu uh tale Judah ngam ah a um mite cu mual hum ah tai haw ta hen.
|
||
\v 15 Inn kul hum ah a um mipa cu inn sungah tolh ma hen. Inn sungah thil pakhat la tuk in tum ma hen.
|
||
\v 16 Lo ah a um miten a puan la tuk inn ah pin pah su hen.
|
||
\v 17 Mah hun laih tak naupai numei te le naumom nei numei ten cim nak thuak haw tuk hi.
|
||
\v 18 Nohtei tai mi huncan cu phalbi hun can heng tuk ngawl in thungen un.
|
||
\v 19 Itahum titale, Pathian bawl mi leipi po pat pen pan in a tu ni tian a heng awng ngawl mi hi. Tu nung ten vang a heng leh tuk ngawl toh mi nuncim thuak nak a haksa bel cu mah hun ten heng tuk hi.
|
||
\v 20 Mahmi huncan cu Topa Pathian in hun can a ngei tik tale a kuamah luat thei tuk ma hi. Mah naven a ten sa mitei ca a huncan com tik tuk hi.
|
||
\v 21 Mah laih tak mi pakhat in hi lai hah Zisuh um hi. Mah lai ah Zisuh um hi’ tin a ti ta vang sang pah sun.
|
||
\v 22 Itahum titale, zol thu son thei kamsang te le Khrih ing hi tin zol thu son thei heng tuk hi. Mah ten, a mun Pathian tensa mite cawm in, lamzin a pialh tik theih nak tuk in a lamdang thasiah huai nate bawl haw tuk hi.
|
||
\v 23 Mah a hih hang, nohten cingcai in na um ta un. Hi thu a um mi hempoh te hilh ham zo ing.
|
||
\s Mi capa a tolh suk leh nak
|
||
\p
|
||
\v 24 Mah naven, mahmi huncan haksat bo cengten ni cu thim in, ha de in a vak nak pia leh tuk ma toh hi.
|
||
\q
|
||
\v 25 Vanhum aksi te cak tuk. Vanhum thu neihnak hempoh hing tuk hi.
|
||
\v 26 Mah laih tak mi capa cu a minthan nak tuah meingo khung in a tolhsuk mi cu mu haw tuk hi.
|
||
\v 27 Mah ten, mi capa in a vancung mite tiik in a tensa mi hempoh te vanhang nuai ningli leipi mawk pen vanhum mawk tian sam khawm tik tuk hi.
|
||
\s Theipi kung a tehkip nak
|
||
\p
|
||
\v 28 Theipi kung pen tehkip nak cu ngaisung leng ta un. Theipi kang pen a ceh hing no te a tawt ten khuakhal huncan nai zo hitin, nohten thei uh ci.
|
||
\v 29 Mah bang bok nohten hi thu a heng mite na muh uh ten, A mah cu kongka bul ah heng zo hitin, na thei ta un.
|
||
\v 30 A thu ngai in hilh nak ka neih mi hi thu hempoh a cang laih ngawl in hi khang miphun te tham tuk ma hi.
|
||
\v 31 Van le leihum pi cu tham tuk laih hi. Ka awnkam cang cu ituk mah ten tham tuk ma hi.
|
||
\s Mah ni, a hun can a kua mah in thei ma
|
||
\v 32 Mahmi ni hun le can a nazi cu ka pa sial ngawl a kuamah in thei ma. Vanhum ah a um mi vancung mite hei in thei ma. Capa hei in thei ma hi.
|
||
\p
|
||
\v 33 Mahmi a hun le can cu ituk ten heng tuk hum tih mi noh ten theih nak na neih uh ngawl hang, cingcai thungen in na ngak un.
|
||
\v 34 Tehkip nak in mihing pakhat cu ngam dang hawh tuk ngaisung in a inn cu na dek tu sila tei lakah ap in, a muhtei deh le bawl tuk mi na cu pia ta in inn ngak tute pha tak zet na ngak un hitin, thupia hi.
|
||
\v 35 Mah a hih hang, inntek pa cu taklam ten heng tuk maw, zan ngil ten heng tuk maw, ak masa khuang ten heng tuk maw, zing vak ten heng tuk maw, ituk hun can ten heng tuk hum tih cu nohten theih ham nak na neih uh ngawl hang cingcai no in ngak un.
|
||
\v 36 Mah ahima tale, phawhkhak ngawl laih tak heng in na hihbuh laih tawk tuk hi.
|
||
\v 37 Cingcai no in ngak ta un tin nohtei lakah hilh nak ka neih mi bang mi hempoh tei lakah hilh ing hi” tin, ti hi.
|
||
\s Zisuh that tukin a ngaihsut nak
|
||
\c 14
|
||
\p
|
||
\v 1 A ninih lawi ten kaltan puai le naman sawh ngawl moh puai um hi. Thiampi U pa te le Daan thiam saza ten Zisuh cu itih bang zol nak tuah man in that thei tuk hung kaw tin thu siam li haw hi.
|
||
\v 2 Mah naven, mi tampi ten hauhdun nak le tot dun nak um kha sual kawn tin, puai ni sung mat tuk ngawl in son haw hi.
|
||
\s Bethani khua pen Zisuh Luhum ah ngimnam tui thau a leih nak
|
||
\p
|
||
\v 3 Zisuh cu Bethani khua miphak Simon inn ah khung in an a eih laih tak, numei nu pakhat in a man pha bel pak namtui zimui suangngo bung te keng, mah suangngo bung te sukeh in Topai luhum pen leih hi.
|
||
\v 4 A elah a um mi hek khat ten, “Ita zimui tibang in mang zau thong nge cim?
|
||
\v 5 Hi pak namtui zimui cu za le sawmnga in dawl ah zuak in mizawng te pia a hin, pha saw tuk hi” tin numei nu cu son siat li haw.
|
||
\p
|
||
\v 6 Zisuh in, “Numei in a bawl nuam mi cu bawl ta poh hen. Ita sonsak kha li uh cim. A man ka nelah a pha bel mi nate bawl zo hi.
|
||
\v 7 Mizawng te cu a cat ngawl in nohtei lakah um tuk hi. Nang muhtei deih nak bang, a muhtei lakah hehpih nak bawl thei uh ci. Kei cu a cat ngawl in nang muhte tuah um le leng tuk mang hi.
|
||
\v 8 Hi numei nu cu a bawl theih tawk in bawl zo hi. Ka luang pumpi vui in, pak namtui zimui noih sak ham zo hi.
|
||
\v 9 Nohtei lakah thu ngai in hilh tung. Leihum pen Pathian thuthangpha hilh nak hempoh ah mah numei nu phawh leh nak tuk in a bawl mi thu hilh tuk laih hi” tin, ti hi.
|
||
\p
|
||
\v 10 Mah laih tak nungzui tu heinih tei lakpen Judah Iskaliot cu Zisuh zuak tukin, thiampi U pa tei lakah hawh hi.
|
||
\v 11 A mun, hi thu a zak haw ten lungdam zet in tangka pia tuk ung hitin, thu tiam haw. Mah hang Judah in a muhtei lakah Zisuh a zuak ngah theih nak tuk in, zei li haw hi.
|
||
\s Kaltan puai takeih
|
||
\p
|
||
\v 12 Kaltan puai tuuno thah ni, naman sawh ngawl moh puai a nikhat nak ah a nungzui ten Kaltan puai takeih ei tuk in, i lai mun pen bawl an pha tuk hum tin Topa nelah dong haw.
|
||
\p
|
||
\v 13 Topa’n a nungzui tu panih hah in, “Nohten khuapi sungah hawh ta un. Tui bel pua tu cu tawk tuk uh ci. A ma nungah zui ta un.
|
||
\v 14 A ma tum nakah zui un, kei cu ka nungzui tute tuah kaltan puai an eih nak nei tu mikhual tei khan, i lai ah hum tin saza pan dong tik hi” tin, inn tek pa cu hilh ta un.
|
||
\v 15 A man a bawl ham sak humta khan cu lak tuk hi. Mah hum ta khan ah kei ma ca tuk bawl ham ta un hi” tin, ti hi.
|
||
\v 16 Nungzui te cu hawh in khua sungah a tum ten, a awnkam bang kaltan puai cu bawl ham haw hi.
|
||
\p
|
||
\v 17 Taaklam huncan a hen ten, Topa cu a nungzui tu heinih te tuah hawh haw hi.
|
||
\v 18 Mah tihcun cabuai humah an ei a um laih tak, “Nohtei lakah Zisuh in thu ngai in hilh ing. Kei mah tuah an ei langkhat mi pakhat in kei mah zuak tuk hi” tin, ti hi.
|
||
\p
|
||
\v 19 A muhte cu thinnop po ngawl in kei mah ing maw, Topa tin pakhat nung pakhat thu dong haw hi.
|
||
\p
|
||
\v 20 Topa’n, nungzui tu heinih sung pen keimah tuah an ka sawh pih pa hi tuk hi.
|
||
\v 21 Laithiangtho bangin mi capa cu hawh tuk hi. Mah naven, mi capa zuak tupa cu thupha co ma hi. A mah cu a nui pum sung pen a hing ngawl saw ta a hin pha saw tuk hi” tin, ti hi.
|
||
\s A masa bel takeih
|
||
\p
|
||
\v 22 An ei a um laih tak Zisuh in moh cu la in lungdam thu a hilh cengten moh cu bot hem in, hi moh cu ka pumpi taksa hi. La in na ei ta un hi” tin tiin, a nungzui te pia hi.
|
||
\v 23 Khuat hai vang cu la in lungdam thu a hilh cengten, a muhte pia in a veng hawng in, in haw hi.
|
||
\v 24 Topa’n, hi khuat hai cu thukham thak tuah seng in mi tampi tei ca a luang mi ka thisan hi.
|
||
\v 25 Thu ngai in hilh ing. Hi cabit a thak cu Pathian uk nak ngam ah cabit thak ka in leh lak lawh a tupen pan in in leh tuk ma toh ing hi” tin, ti hi.
|
||
\p
|
||
\v 26 Mah cengten, a mun thangphat nak la a sak cengten Olive mual hum ah hawh haw hi.
|
||
\s Pita nialnak tuk thu a hilh hamnak
|
||
\v 27 Mah laih tak, “Zisuh in Laithiangtho sung a bang in, Tuukhal pa cu that in a tuu te taikek khawng haw tuk laih hi’ tin ngat mi bang, tu ni taak in nohtei veng hawng keima hang thinkham in um tuk uh ci.
|
||
\v 28 Mah naven, ka thawh leh cengten nohtei mai ah a um Kallilee ngam ah hawh tung hi” tin, thupia hi.
|
||
\p
|
||
\v 29 Pita in, “Hi midang hempoh thinkham in a um haw ta vang, kei cu thinkham him tuk mang hi” tin, ti hi.
|
||
\p
|
||
\v 30 Zisuh in, “Thu ngai in hilh ing. Tu ni zan ak veinih a khuang laih ngawl in, veithum tian nial tuk ci” tin, ti hi.
|
||
\p
|
||
\v 31 Pita in, “Topa tuah thi ta vang Topa cu nial tuk mang hi” tin khoh zet in don hi. A veng hawg in hi tihbang ten ngeh cun don haw hi.
|
||
\s Ketsemani Huandum ah Thunget nak
|
||
\p
|
||
\v 32 Mah cengten, Ketsenmani huan ah hawh haw. Topa’n, “Thu ka nget laih in nohte hi lai mun ah na khung leng un hi” tin, nungzui te ti hi.
|
||
\v 33 Pita, Jeim, Johan te sam in lau nak le thasiat nak ah heng haw hi.
|
||
\v 34 Mah laih tak thihnak tham tian lungkham nak um hi. Hi lai mun pen ngak un hi” tin, a muhte cu ti hi.
|
||
\v 35 Mah ten a mai ah dawm laih no hawh in lei humah bop in, ka pa aw,
|
||
\v 36 “Topan ihempoh ti thei hi. Hi khuathai ka nelpen pial tik in hi. Mah naven, keima deih nak bang hi ngawl in na deih nak bang hi ta hen” tin, Zisuh in thu a net cengten,
|
||
\v 37 A nungzui tei lakah a hawh leh ten a nungzui te hihbu khawng a um haw hang, Simon hihbu cim maw, nazi pakhat sungno hei ngak thei ma cim maw?
|
||
\v 38 Sualsoh nak sungah tum kha tuk ngawl in thu ngetnak tuah ngak un. Na hawvang in nuam em naven, pumpi taksa cu tha nem hi” tin, Pita nelah ti hi.
|
||
\v 39 Mah ten, Zisuh cu hawh leh leu in a masa a nget sa bang in ngen le leu hi.
|
||
\v 40 Mah ten, a nungzui tutei lakah a kih leh ten a nungzui te cu hihbu tawk leh leu hi. A mun Topai lakah itin son tuk hum tih hei thei haw ma hi.
|
||
\v 41 A veithum tian a muhtei um nak mun ah a kih leh ten, a tun hihbu in dai den no na um ta un na tawk em tuk toh poh hi. Mi capa cu mi sual tei khut sungah zuak nak tuk hun heng zo.
|
||
\v 42 Tho un. Hawh tuk toh hung. Kei mah zuak tupa cu heng zo hi” tin, ti hi.
|
||
\s Judah nam in a thut nak
|
||
\p
|
||
\v 43 Mah tihcun Topan a tih lih laih tak nungzui tu heinih sung pen Judah Isakariot cu thiampi U pa, Daan thiam saza te, U pa tei tik mi mipi te cu nam le ngolh tawng te cawi in heng cop paih haw.
|
||
\v 44 Topa zuak tupan ka nap mipa cu Zisuh hi. A mah cu man in him no in hawh pih ta un hi” tin a muhtei lakah tiap teh nak a piak bang in;
|
||
\v 45 A mah cu heng in, Topai bul ah heng cih paih in saza pa aw, saza pa aw tin” tiin, nam hi.
|
||
\v 46 A muhte heng in Topa cu man haw.
|
||
\v 47 A bul ah a ding tu pakhat in a nam cu dawk in thiampi pai sila na dek tu pakhat pai beng sat vawk hi.
|
||
\p
|
||
\v 48 Zisuh in, misuam nguca te mat mi bang, kei mah man tuk in nam le ngolhtawng te cawi in um uh cim maw.
|
||
\v 49 Kei cu biakinn sungah nisial thu hilh, nohtei lakah ka um laih in nohten kei mah man ma uh ci.
|
||
\v 50 Hi thu te cu Laithiangtho a kim nak tuk hi” tin, a muhtei lakah ti hi.
|
||
\p
|
||
\v 51 Mah laih tak nungzui tuten Topa cu zam san in tai haw ta hi. Tangval pakhat cu puan pakhat bek no silh a nungpen zui in, tangval no cu man haw hi.
|
||
\v 52 A mah vang puan no cu zam san a thacang tangval tei khut sung pen tai tul hi.
|
||
\s Thukhen nak zungah a hawhpih nak
|
||
\p
|
||
\v 53 Mah cengten a mun Zisuh cu thiampi pai nelah hawh pih haw. Thiampi U pa te, U pa te le Daan thiam saza te cu hulawm khawm haw.
|
||
\v 54 Pita cu thiampi tei inn mai huan sung tian Topai nung khua la zet ngawl pen zui in, a kiltu ngalkap te tuah khung in mei awi haw hi.
|
||
\v 55 Thiampi Upa te le thukhen tu hempoh ten, Zisuh thah theih nak tuk a hum ah thu zei li haw naven, mu zo haw ma hi.
|
||
\v 56 Mi tampi ten thuman ngawl nak lang tik haw naven, a muhtei son nak a neih mite a bang ve mi um ma hi.
|
||
\v 57 Mah ten, mi hek khat ten ding to in Topai langlam pen thu man ngawl mi son haw in,
|
||
\v 58 “Hi biakinn pi cu phelet in mihing tei khut tuah bawl ngawl mi biakinn pakhat sa tung hi” tin, a tih mi cu kohten thei zo ung.
|
||
\v 59 Mah naven, a muhtei son mi tuah bang ve ma hi.
|
||
\p
|
||
\v 60 Mah laih tak thiampi pan a muhtei mai pen ding to in, kamkhat no hei don tuk ma cim maw. Hi miten itihbang in thu son hum tih mi cu Zisuh a dot ten,
|
||
\v 61 Zisuh in, kamkhat no hei don ngawl in daiden no um hi. Thiampi pan nang cu Khrih tihmi thupha nei mi Pathian capa a man ngangai cim tin, dong leh leu hi.
|
||
\p
|
||
\v 62 Zisuh in, “Man zuh hi. Tu nung ten mi capa cu huham tuah a taklam khut ah khun nak a neih ten, meingo khung in a tolhsuk ten mu tuk laih uh ci.
|
||
\p
|
||
\v 63 Mah ten, thiampi pan a puan silh cu botkek in thudang theih pih tuk ii kul leh toh hum?
|
||
\v 64 Pathian palcat in sonnak a neih mi cu nohten za zo uh ci. I tihbang in ngaihsut nak nei laih uh cim tin dong in, Topa cu a thih tak thu cu a mu veng hawng in thukhen haw.
|
||
\p
|
||
\v 65 Mah ten, mi hek khat ten Topa cu cilsiak in, a mit mai ken in Topa cu sawh in, “Zo in hi” tin, ti haw hi. Ngalkap a cing tuten Topa cu sam in vat haw hi.
|
||
\s Zisuh cu Pita nialnak
|
||
\p
|
||
\v 66 Pita cu inn mai nuai lamah a um laih tak thiampi tei sila na dek tu pakhat hung in,
|
||
\v 67 Pita cu mei awi khung leng a muhten a mah cu zo cangcian in, “Nangmah vang Nazareth khua pa Zisuh ngaulcam pa ci” tin a tih ten;
|
||
\v 68 Pita in, “Na son lih mipa cu thei kha mang hi” tin a nial cengten, inn mai ah a hawh tul ten ak cu khuang hi.
|
||
\p
|
||
\v 69 Sila numei nu in mu le leu in a el ah a ding mitei lakah, “Hi mipa vang a ngualcam a phialpih pa bok hi” tin, a tih ten Pita in nial leh leu hi.
|
||
\p
|
||
\v 70 Mah a ngei ngawl in a bul ah ding miten a phialpih mi a ngualcam ci” tin, ti hi. “Nang cu Kallile mihing ci. Na otkam vang bang ve hi” tin, Pita cu ti haw hi.
|
||
\p
|
||
\v 71 Pita in, “Nohtei sonlih mipa cu kei thei kha mang hi” tin thutiam kam nak a celhten, ak cu khuang leh leu hi.
|
||
\p
|
||
\v 72 Zisuh in, “Ak veinih a khuang laih ngawl in, veithum tian nial tuk ci” tin, a tih mi awnkam cu Pita in a phawh leh hang, nging zet in kap hi.
|
||
\s Zisuh Pilat kumpi pai nelah hawhpih nak
|
||
\c 15
|
||
\p
|
||
\v 1 A zing khua vak bek ten thiampi U pa te, Daan thiam saza te pen pan thukhen tu hempoh te tuah thuson khawm paih haw in, Zisuh cu ken in Pilat kumpi pai nelah hawhpih haw.
|
||
\v 2 Pilat in, “Nang cu Judah kumpi ngai cim” tin Topa cu a dot ten, kumpi pa na tih bang in hi zuh ing hi” tin, ti hi.
|
||
\v 3 Thiampi U pa ten, Topa cu mawhsiat nak tampi nei haw.
|
||
\p
|
||
\v 4 Pilat kumpi pan kamkhat no hei don leh tuk ma cim maw? Nangmah itihbang in sonsiat haw hum tih cu zo in hi” tin, ti hi.
|
||
\v 5 Mah naven, Zisuh in i mah don leh nak thu a neih ngawl hang, Pilat kumpi pan lamdang sa zet hi.
|
||
\s Zisuh maw, Barabas
|
||
\p
|
||
\v 6 Pilat kumpi pa cu puai a um sial ten thawngta mite suah nak thu piak mi um hi.
|
||
\v 7 Mah hun laih tak mithat sual nak hang, Barabas pakhat cu mi do nak nei mite tuah thawngta in um hi.
|
||
\v 8 Mipi te heng in bawl nak a neih mi bang, a muhtei ca bawl sak tuk in ngen haw hi.
|
||
\v 9 Pilat kumpi pan, “Nohten Judah kumpi luat tik nuam uh cim maw tin” a muhtei lakah dong leh leu hi.
|
||
\v 10 Mah tihbang in a dot nak cu thiampi Upa ten huat nak thinlung tuah Zisuh a zuak nak thu Pilat in a theih hang hi.
|
||
\v 11 Pilat kumpi pan Zisuh cu hah ngawl in Barabas hah tuk in thiampi U pa ten mipi tei lakah sosuah hi.
|
||
\v 12 Mah laih tak Pilat kumpi pan, “Mah a hitale Judah tei kumpi hitin sam mipa cu itin bawl tuk hum tin” a dot leh ten,
|
||
\v 13 A mun, “A mah cu thinglamteh humah khencih un hi” tin au haw hi.
|
||
\p
|
||
\v 14 Pilat kumpi pan, Ita hum? A ii sual bawl hum tin a dot ten, a mah cu thinglamteh humah khencih ta un hi” tin, mipi ten au de deuh haw hi.
|
||
\v 15 Pilat kumpi pan mipi tei thinnop thei tukin deihnak a neih hang, Barabas cu hah hi. Zisuh cu vat in thinglamteh hum ah that tuk in ap hi.
|
||
\s Zisuh cekpan a bawl haw nak
|
||
\p
|
||
\v 16 Mah laih tak ngalkap te cu Prae-torium tin sam mi thukhen nak zungah hawhpih in, ngalkap hempoh te hulawm khawm tik in Topa cu puansan dup silh tik hi.
|
||
\v 17 Thikling kumpi lukhu khu tik haw hi.
|
||
\v 18 “Judah miphun tei kumpi, Topa cu thupha um ta hen” tin, ti haw hi.
|
||
\v 19 A lu pen vat cilsiak a mai pen khukdin in bia haw.
|
||
\v 20 Mah tihcun Topa cu nuihsan cekpan a bawl cengten, puansan dup duk in Topai silh mi puan cu silh leh tik in thinglamteh humah taak tukin hawh pih haw.
|
||
\s Thinglamteh humah taak nak
|
||
\v 21 Alekzanda le Rufus ii pa Kurene ngam mi pakhat Simon tihmi khua no pen hung in lamzin ah hawh li mi cu a mun tawk in, Topai puak mi thinglamteh cu nehsiah nak tuah pua tik haw hi.
|
||
\p
|
||
\v 22 Lunguh mual tin a tihnop nak nei mi Gol’go-tha um nak mun ah Topa cu hawhpih haw.
|
||
\v 23 Mulan tuikha le cabit tui tuah helh in, in tik haw hi. Mah naven, Topan in ngawl in um hi.
|
||
\v 24 Mah laih tak a mun, Topa cu thinglamteh humah khencih in a puan te me sawk in sem haw hi.
|
||
\v 25 Topa cu thinglamteh hum ah a khetcih ceng a hun cu zinglam nazi kua ten hi.
|
||
\v 26 Judah kumpi pa tin a luhum ah zotsak nak laingan haw.
|
||
\v 27 Topa tuah nguca misuam panih te a taklam ah pakhat, a veilam ah pakhat cu thinglamteh humah taak haw.
|
||
\v 28 Mah tihcun mi sual panih te tuah sialcih in um mi Laithiangtho a kim nak tuk hi.
|
||
\v 29 Lamzin ah hawh nak a nei miten a lu sat nuihsan in, “Eheu biakinn phelet in nithum sung sa leh tupa tin;
|
||
\v 30 Thinglamteh hum pen tolh in nangmah le nangmah pan cop in hi” tin, Topa cu zotsak nautat nak tuah son li haw.
|
||
\p
|
||
\v 31 Mah bang bok thiampi U pa ten Daan thiam te tuah Topa cu cekpan bawl in, “A man midang te nunpat nak nei naven, a mah le mah pan thei ma hi.
|
||
\v 32 Ohten mu in up theih nak tuk Isarel kumpi a himi Khrih cu thinglamteh humpen a tun tolhsuk in tin pakhat le pakhat cekpan bawl in son li haw hi. Topa tuah thinglamteh humah a taak miten sonsiat hi.
|
||
\s A thihnak
|
||
\p
|
||
\v 33 Sun laih tak huncan pen pan na zi pathum tian leihum hempoh khuathim hi.
|
||
\v 34 Taaklam nazi pathum a kim ten Zisuh in, “Eloi! Eloi! Lama Sakbaktani tin nging zet in au hi. A tihnop nak cu Ka Pathian, Ka Pathian ita Kei mah zam san nge cim” tin a tihnop nak hi.
|
||
\v 35 Mahmi aw cu hek khat ten a zak ten a man Elijah cu sam hi” tin, ti haw hi.
|
||
\p
|
||
\v 36 Mihing pakhat cu tai in tuihup nak tuah cabit tui thuk sungah a nip celhten, pumpeng lek humah thiat in, Topa cu in tik tuk in pia to hi. Elijah in a mah cu khia suk tuk in a hung le hung ngawl zo hih nung ei tin” ti haw hi.
|
||
\v 37 Zisuh in aw nasezet nging au in thi hi.
|
||
\p
|
||
\v 38 Mah laih tak biakinn sung puankhan dan kalaka pi cu a humpen pan a nuailam tian khennih suah in bal kek hi.
|
||
\v 39 Mah tihbang au in a thihnak cu a mai ah a ding mi ngalbawi in a muhten a thungai in, “Hi mipa cu Pathian capa ngangai hi” tin, ti hi.
|
||
\v 40 Numei hek khat ten khuala thim pen mah lai um nak cu zo in um li haw.
|
||
\v 41 Mahmi numei tei lakpen Topa cu Kallile ngam ah a um laih tak a nungah zui in an vak nak a nei tu Makdalen khua mi Mary le Salome te Jerusalem khua ah a zui tu a dang numei te vang tel haw.
|
||
\s Zisuh phumnak
|
||
\p
|
||
\v 42 Mahmi ni cu ngallin ham nak ni a hih hang taaklam ten,
|
||
\v 43 Minthang U pa Arimate khua mi Josep cu Pathian uknak ngam ngai sung tupa a hih nak bang, Pilat kumpi pai nelah lau nak imah nei ngawl tum in, Zisuh luang cu ngen hi.
|
||
\v 44 Zisuh cu Pilat kumpi pan a tun thi zo maw tin lamdang sa ngalbawi pa sam in, Zisuh a thi ngai le thi ngai ngawl dong tik hi.
|
||
\v 45 Ngalbawi pai lakpen a man mi thu theih nak a neih ten a luang cu Josep pia hi.
|
||
\v 46 Josep in Topa cu khia suk in puanngo a leisa mi puangnem no tuah tuam in, a ma khan tuk suang kua vih ah koih in khan kongka cu suang tumpi lumlet in delh hi.
|
||
\v 47 Makdalen khua Mary, Zawses nu Mary in i lai mun ah vui haw hum tih cu zo leng haw hi.
|
||
\s Zisuh thawh leh nak
|
||
\c 16
|
||
\p
|
||
\v 1 Colhni bo cengten Makdalen khua Mary, Jeim hi nu Mary le Salome ten Zisuh luang noih tuk in paknam ngimtui lei haw.
|
||
\v 2 Ni salih sung pen ni masabel ni zinglam nisuak tung in khan ah hawh haw.
|
||
\v 3 Numei ten, than kongka khah mi suang cu a kon lumlet vawk hum tin pakhat le pakhat a son cengten zo in, suang lumlet in a um mi cu mu haw hi.
|
||
\v 4 Mahmi suangpi nasezet in a ngeng mi suang hi.
|
||
\v 5 Numei ten khan kongka tian hawh in a zoh ten, tangval pakhat cu puanngo angki silh in a taklam ah khung a muh ten, a mun lau zet in um haw.
|
||
\p
|
||
\v 6 A man lamdang sa in lau pah su un. Thinglamteh hum ah a thah haw mi Nazareth khua Zisuh cu tho leh zo. Hi lai mun ah um ma zo. A luang koih nak mun lam ah zo ta un.
|
||
\v 7 Nohtei mai Kallile ngamah a hawh mi cu Pita penpan a nungzui tutei lakah hawh in hilh ta un. Mah lai mun ah a hilh ham sa bang, nohten a mah cu mu tuk uh ci” tin, ti hi.
|
||
\p
|
||
\v 8 Numei te khan sung pen tul hing tawtok lamdang sa zet in tai haw. A mun a lau haw hang a kua mah hei ot pi dun haw ma hi.
|
||
\s A tho leh tu Zisuh langnak
|
||
\v 9 Topa cu ni salih sung pen ni masa bel ni zingtung no a thawhleh cengten, khawsia ngilo salih nei a dam sak mi Makdalen khua Mary nelah a masa belin lang hi.
|
||
\v 10 Mary cu hawh in Topa tuah um ngel mite thasia a kap lih laih tak a muhtei lakah mahmi thu cu hilh hi.
|
||
\v 11 Topa cu a nung mi a hih nak hei hihen, Mary in Topa a muh nak hei hihen, a mun a zak ten sang haw ma hi.
|
||
\p
|
||
\v 12 Mah cengten, nungzui tu panih te cu ngamsung ah a vah laih tak haw in Topa cu a mel dang sa in lang leh leu hi.
|
||
\v 13 A muhte cu kikleh a dang nungzui tei lakah mahmi thu hilh naven sang ngawl in um haw.
|
||
\s A ngengbel mi na deh tik nak
|
||
\p
|
||
\v 14 Mah cengten, nungzui tu heikhat te cabuai ah a khun laih tak Topan a pumpi cu lak in thawhleh nak nei tu Topa a mu tutei awnkam a up ngawl hang, a muhtei a up theih ngawl mi thinlung, thinlian nak lungmu te hilh in a liat cengten,
|
||
\v 15 Nohten hi leihum hempoh ah hawh in mi hempoh tei lakah thuthangpha hilh ta un.
|
||
\v 16 Upnak nei in baptisma a co tute cu nunpat nak ngah haw tuk hi. A um ngawl tute cu sual thukhen nak co haw tuk hi.
|
||
\v 17 A um tutei humah a cang tuk mi thu te cu ka min suang in khawsia te hawl vawk ta un. Awnthak ngamdang awn tuah thu hilh thei tuk uh ci.
|
||
\v 18 Ngul te man tuk uh ci. Thi tik thei mi ngu te na in ta vang, haksat nak pen luat tuk uh ci. Ti na dam ngawl mitei humah a khut nga in dam tik haw tuk hi” tin, thupia hi.
|
||
\s Vanhum a kai nak
|
||
\p
|
||
\v 19 Mah tihcun Topan Pathian in nungzui tei lakah thu a hilh cengten, vanhum ah la to in Pathian taklam ah khung hi.
|
||
\v 20 Nungzui tute vang thawn in Pathian bopnak hang in hihen, a muhtei lakah na lamdang bawl nak tuah a mu hum ah na dek khua tih kim ah Pathian thu hilh in, a thu hilh nak haw te kho tik hi.
|