cnw_reg/41-MAT.usfm

\id MAT
\ide UTF-8
\rem The text in this file was extracted from C:/DCS/Chin, Ngawn/WORD/40. MATTHEW. docx.
\mt Matthew
\h Matthew
\mt Matthew
\toc1 Matthew
\toc2 Matthew
\toc3 mat
\s Zisuh Khrih suahkehnak cazin
\c 1
\p
\v 1 Abraham ca le David ca tei sung suak Zisuh Khrih miphun cazin cu,
\v 2 Abraham ca Isak, Isak ca Jakop. Jakop ca Judah le a U le nau te hi.
\p
\v 3 Judah in Tama nel pen ca Phares le Zara cawi. Hezazung ca Aram.
\p
\v 4 Aram ca Aminadab. Aminadab ca Na as. Na as ca Salmon.
\p
\v 5 Salmon in capa Bozah hing hi. Bozah in Ruth nelpen capa Obed hing hi. Obed in capa Jessi hing hi.
\p
\v 6 Jessi in capa David hing hi. David in Uriah nupi tuah capa Solomon hing hi.
\p
\v 7 Solomon in capa Ro-boam hing hi. Ro-boam in capa Abijah hing hi. Abijah in capa Asa hing hi.
\p
\v 8 Asa in capa Joshaphat hing hi. Joshaphat in capa Joram hing hi. Joram in capa Ozi as hing hi;
\v 9 Ozi as in capa Jotham hing hi. Jotham in capa Ahaz hing hi. Ahaz in capa Hezekiah hing hi.
\p
\v 10 Hezekiah in capa Manaseh hing hi. Manaseh in capa Amon hing hi. Amon in capa Josiah hing hi.
\p
\v 11 Babilon ah a thawn tuk ten Josiah in ca Jechonias le a u le nau te hing hi.
\p
\v 12 Babilon ah a thawn cengten Jechonias in capa Salathi-el hing hi. Salathi-el in capa Jerubabel hing hi.
\p
\v 13 Jerubabel in capa Abuid hing hi. Abuid in capa Eliakim hing hi. Eliakim in capa Azor hing hi.
\p
\v 14 Azor in capa Sadoc hing hi. Sadoc in capa Achim hing hi. Achim in capa Eli-ud hing hi.
\p
\v 15 Eli-ud in capa E-lea zar hing hi. E-lea zar in capa Matthan hing hi. Matthan in capa Jakop hing hi.
\p
\v 16 Jakop in capa Josep hing hi. Josep cu Marry hi pasal Joseph in Khrih tin sam mi Marry nel pen hing hi.
\p
\v 17 Mah hang Abraham pen David tian khang hei li, David pen Babilon tian cu khang hei li, Babilon a thawn nak haw pen Khrih a hin tian cu khang hei li hi.
\s Zisuh hinnak
\p
\v 18 Zisuh Khrih hinnak thu cu hi tihbang in hi. Topai nu Marry cu Joseph tuah hamdun nak bawl in, a neihdun deuh laih ngawl hawvang thiangtho hang capai hi.
\v 19 A pasal Joseph cu midik a hih hang a zahcak tuk phal ma hi;
\v 20 A mah cu zam kuh den tuk in ngaisung hi. Mah naven, hi thu te a ngaihsut laih tak in Pathian vancung mi a nelah mang in lang tik in, “David capa Joseph, Marry cu na nupi in huai tuk cu lau pah sin.
\v 21 Itahum titale nau a pai mi cu Hawvang thiangtho hang a cang mi hi. A man capa hing tuk hi. Mahmi capa cu a miphun tei sualnak pen pan tu tuk a hih hang, a min cu Jesuh tin sam haw tuk hi” tin, ti hi.
\v 22 Hi thu a cang mi hempoh te kumkhua a nung mi Pathian in;
\v 23 “Zo in, khanglai him in capai in capa hing tuk hi. A capa min cu Emanuel tin sam tuk hi” tin, Pathian kamsang tei hilhmi a kimnak tuk hi. (Emanuel tihmi cu ‘Ohte tuah um langkhat tu Topa Pathian tihnak hi.
\v 24 Josep cu a hihbu in a khanlawh ten a ma nel ah Pathian vancung mi tei hilhnak bang;
\v 25 Marry cu a nupi tuk in huai hi. Mah naven capa a hin laih ngawl sung hempoh Marry tuah pawl dun haw ma hi. A capa min cu Zisuh tin sam hi.
\s Micip tei hennak
\c 2
\p
\v 1 Herod kumpi khut sung Judah ngam Betlehem khua ah Zisuh a hin cengten, nisuah nak ngampen micip te Jerusalem khuapi ah heng haw hi.
\v 2 Judah tei kumpi hinnak mun ilai ah hum? Nisuah nak ngamah a ma aksi cu kohten ka muh uh hang, a mah bia tukin hung ung hi’ tin, dong kan haw hi.
\v 3 Mahmi awnkam a theih haw ten, Herod kumpi cu can tawtawk in lau hi. Jerusalem khua sung hempoh ah can tawtawk in um haw.
\v 4 Mahten kumpi pan thiampi U pa te le mipi tei lak pen dan thiam hilh tute khawm tikin, Khrih cu ilai mun pen hing tuk hum tih cu a mun dong haw.
\v 5 A mun, “Judah ngam, Betlehem khuapi ah tin ti haw. Itahum titale;
\v 6 ‘Judah ngam Betlehem khuapi, Judah uktu khuapi sung pen a neu no mi hima ci. Itahum titale, ka miphun Isarel te uktu, lamhuai tu pakhat na sung pen suak tuk hi’ tin, Pathian kamsang tei ngatsa bang in hilh haw hi.
\p
\v 7 Mah celhten, Herod kumpi pan micip te samkuh den in aksi a lang huncan cu a muh tei lakpen phazet no a dot cengten;
\v 8 “Hawh ta un na nauno cu phazet no zei ta un. Na tawh uhten keimah vang hawh in a mah ka biak theih bok tuk in, ka nelah thu thei leh tik un hi” tin thucah ta in a muhte cu Betlehem ah hawh tik hi.
\v 9 A mun kumpi pai thucah nak ngai in tul haw hi. Ni suah nak ngampen a muh haw mi aksi cu nauno umnak munah heng in colhnak a neih lak lawh tian a muhtei mai ah hawh hi.
\v 10 A mun mahmi aksi a muh hawten lungdam thatui zet in um haw.
\v 11 Inn sung ah tum in a nu Marry le nauno cu a thil te hong in sui, frankinsen, le zimui laksawng te nauno na pia haw.
\v 12 Mah cengten, Herod kumpi pai nelah kik leh tuk ngawl in a mang in thuphuan a ngah hang, a danglam tawn in a mu ngam ah pin haw hi.
\s Izip ngamah a tainak
\p
\v 13 A muhtei tul cengten Pathian vancung mi in Joseph mang ah lang in, “Tho in, nauno le a nu cu sam in Izip ngam ah tai in nangmah thu hilhnak ka neih leh lak lawh tian, mah lai ngam ah um in. Itahum titale Herod kumpi pan nauno zei that tuk in ngaisung li hi” tin, hilh hi.
\v 14 Mahten Joseph cu tho in zan hun laih ta vang nauno le a nu cu sam in Izip ngamah a tul celh haw ten;
\v 15 Herod kumpi pai thih lak lawh tian mah lai ngamah na um haw. Hi thu te, “Ka capa cu Izip ngam pen keiman sam zo ing hi” tin, Pathian kamsang lakpen Pathian thupiak mi a kimnak tuk thu hi.
\s Naupang te a thahnak
\p
\v 16 Mah cengten Herod kumpi pa cu micip ten imah sumsial ngawl tih a theih ten, thinuuk zet in micip tei lakpen pha zet no a dot haw mi huncan bang in Betlehem khuapi le a elkim ah a um kumnih nuai siah naupang hempoh that tik hi.
\v 17 Kamsang Jerimiah hilh awng mi cu;
\v 18 Mah ten, “Rama khua ah nasezet kahnak le khaw ngaihnak aw zak hang, Rachel cu a naupang tei hang kap in a naupang te a neih leh ngawl toh ten thazang piak tuk deih ma hi” tin, tih mi thu cu mah huncan in heng hi.
\s Nazareth khuapi ah a umnak
\p
\v 19 Herod kumpi pa a thih celh ten, Pathian vancung mi in Izip ngam ah a um mi Joseph nelah mang in hilh leh hi;
\v 20 “Tho in. Nauno le a nu Marry cu sam in Isarel ngam ah kik leh un.
\v 21 Itahum titale nauno hi nunnak lak sak that nuam in a zei tute thi khawng haw zo” tin, ti hi.
\v 22 Mah ten Joseph cu tho in nauno le a nu Marry te tuah Isarel ngam ah kik leh haw. Mah naven Ar-che-la’us cu a pa Herod kumpi ai in Judah ngam sung uk hi tih a theih ten, mahmi ngam ah hawh tuk cu lau hi. A mang in thuphuan a ngah hang Kalilee ngam sungah hawh haw;
\v 23 Nazareth khua tin sam mi ah hawh in um haw. Itahum titale, “Topa cu, Nazareth khua mi tin sam haw tuk laih hi” tin, Pathian kamsang tei thu hilh ham mi a kim nak hi.
\s Baptisma Johan a hennak
\c 3
\p
\v 1 Mahmi nikhua huncan in baptisma pia tu saza Johan heng hi.
\v 2 Van cung uknak ngam a nai zo hang na sualnak uhte sik un” tin, Judah ngamsung ah hilh hi.
\v 3 Pathian kamsang Isaiah in, “Ngam lakpen a au mi aw cu Pathian lamzin lem un. Topai lamzin te cam tik un” tin, a tih mi cu a ma thu a tihnop nak hi.
\p
\v 4 Johan cu kalauk mul tuah bawl mi van silh in, a elpen savun taipom tuah het hi. A an cu khau le ngamlak khuaitui te hi.
\v 5 Mahten Jerusalem khuapi, Judah ngam sung hempoh le Jodan nguitui elkim ah a um mi hempoh Johan nelah hawh in;
\v 6 A muhtei sual te phuang in Jodan nguntui a ma nel ah baptisma la haw hi.
\v 7 Mah hang, a ma Baptisma nak co tuk in Farasi le Sadusi mi tampi te hung bok haw a muhten Johan in, “Ngulsia miphun te a heng tuk laih mi thinuuk nak pen tai tuk a kon nohte ngallin nak pia hum?
\v 8 Mah hang, sualsih nak tuah cotak mi nuncan ziaza tuah nung ta un.
\v 9 ‘Ohten a pa Abraham um hi’ tin nohtei thinlung sung pen hei in ngaisung pah sun. Nohtei lakah ka hilh mi cu Pathian in Abraham ca in canu, capa te hi suang tei sung pen bawl thei hitin, a thungai in ti ing.
\v 10 Heipi cu thingkung bulah koih in um zo. Ngahpha a ngah ngawl mi thingkung hempoh phuk in mei sungah vawk haw tuk hi.
\v 11 Keiman nohte sualsih nak tuk tui ah baptisma pia ing. Mah naven, keimah sang a ngeng saw mi pa cu ka nung pen hung tuk hi. Kei cu a kedam duk tuk hei in tak mang hi. A mah cu hawvang thiangtho le mei tuah nang muhte baptistma pia tuk hi.
\v 12 A khut ah lawhphek cawi in a cangcil nak ciang pilpial a kuih celh ten, a cangcang te bemsung ah koih in cangsi te a mit thei ngawl mi mei tuah hal kang tuk laih hi” tin, ti hi.
\s Zisuh baptisma a lak nak
\p
\v 13 Mah huncan in Zisuh cu Johan nelah Baptisma la tuk in, Kalilee ngampen Jodan ngun Johan nelah heng hi.
\v 14 Mah naven Johan in nial in, “Keimah saw Topa na lakah baptisma lak tuk saw mi si tin Topa ka lak ah heng thong cim” tin, ti hi.
\v 15 Jesuh in, “A tuin pia toh in. Itahum titale ohten dikcang nak hempoh hi tibang in cangkim tik tuk mi hi” tin, ti hi. Mahten Johan in lungkim in pia hi.
\v 16 Zisuh baptisma ceng in tui sungpen a thawh toh leh ten vanhum cu hong in Pathian hawvang cu khulo bang heng in Topai humah a kop mi cu mu hi.
\v 17 “Hi pa cu Ka deih bel mi le Ka ih bel mi Ka capa hi” tin, Vanhum pen aw heng hi. Sualsoh a tawhnak.
\c 4
\p
\v 1 Mah cengten Zisuh cu Dawihmang pai sualsoh nak thuak tuk in, Hawvang hi lamhoih nak hang hampa lakah in hawh pih hi.
\v 2 Ni sawmli le zan sawmli ancang in a ningkial zet hi.
\v 3 Mah ten sualsoh tupa cu nek in, “Pathian capa ngangai na hitale hi suang cangho cang tuk in thupia in hi” tin, ti hi.
\p
\v 4 Topa’n, “Mihing te moh (an) bek in nunnak hima hi. Pathian kam pen a tul mi hempoh tuah in a nung mi hi’ tin Laithiangtho sungah ngan hi” tin, thupia hi.
\p
\v 5 Mahten, Dawihmang pan Topa cu a thiangtho mi khuapi ah hawh pih in Biakinn kul a lek ah ding in;
\v 6 “Pathian capa ngangai na hi tale a nuai lam ah pek suk in. Itahum titale ‘Pathian vancung miten na ca in a koihsak zo hang, na ke te suang hei tok kha ngawl in a mun nang cu a khut tuah dom haw tuk hi” tin, ti hi.
\p
\v 7 Zisuh in na Pathian culpah sin hi’ tin thukhaam sungah ngan zo hi” tin, thupia hi.
\p
\v 8 Dawihmang pan Topa cu mualsang zet hum hawh pih leh leu in, leihum hempoh le hauhsak nak te lak in;
\v 9 “Keimah bopkhup in na bia tale hi thil hempoh te nangmah pia tung” tin, ti hi.
\p
\v 10 Zisuh in, “Dawihmang pa tai ten hi. Na Topa Pathian bia in na, Pathian bek cu bia in hi” tin thukhaam sungah ngat in um hi.
\p
\v 11 Mah ten Dawihmang pa cu Topa’i nelpen tai in, vancung miten nek in Topa cu tuamlawm haw hi.
\s Kalilee ngam sungah na a dehnak
\p
\v 12 Johan thawng taknak thu cu Zisuh in a theih ten, Kalilee ngam ah hawh hi.
\v 13 Mah cengten Nazaret khua cu let vawk in tuipi bul elkim lam ah a um mi Kapernuam khua ah heng hi. Mah khuapi cu Zabalun le Naptali tei umnak ngam tuah a seng mi ah um hi.
\v 14 Itahum titale Pathian kamsang Isaiah a hilh mi thu kimnak tuk in hi.
\q
\v 15 A hilh mi thu cu, “Zabalun ngam le Naptali ngam tuipi bul hempoh Jodan ngun ngalkhat lam miphun dang Kalilee ngam;
\v 16 Khua thimnak ngam sungah a um miten nasezet vaknak mu haw in, thihnak ngam sungah khuhcih in a um mitei nel ah vaknak heng zo hi” tin, phuan mi hi.
\p
\v 17 Mah huncan pen pan in Zisuh cu, “Vanhum uknak ngam heng awn zo sualsik un hi” tin, thu hilh pan hi.
\s Amasa bel a nungzui tute
\v 18 Kalilee tuipi lamah a vah lih laih tak in U nau panih Simon tin sam mi Pita le a nau Andru te ngasa man li haw in, tuipi sungah suuk vawk in a um lih haw cu mu hi.
\v 19 Topan, “Ka nungah zui un. Nohte cu mihing man tu tukin cang tik tung hi” tin a tihten;
\v 20 A mun a suuk haw te zam in a nungah zui cih nom haw hi.
\v 21 Mah laimun pen hawh vawk in a dang U nau panih Zebadi ca Zeim le a nau Johan te cu a pa Zebadi te tuah hawmkuang sung ah a muhtei suuk a bawl lih haw cu mu in a muhte sam hi.
\v 22 A mun hawmkuang le a pa cu zamsan in a nungah zui haw.
\s Thuhilh thah in ti na te a dam tiknak
\p
\v 23 Mah cengten, Topa cu Kalilee ngam sung hempoh ah vak in pumkhawm nak munah thu hilhin, vanhum uknak ngam tuah a seng mi thuthang pha hilh in mihing tei lakah a um mi natnak phun kim dam ngawl mi hempoh dam tik hi.
\v 24 Mahten Topai thu cu Siria ngam sung hempoh ah dim in mihing tei thuak mi natnak hempoh te, khawsia vei, dawih vei, lungmit thihtun caihnat nak le pumpi zawng te le dam ngawl hempoh te a nel ah hetpih haw in, Topan a muhte dam tik hi.
\v 25 Mah hang Kalilee ngam Dikapolis, Jerusalem khuapi, Judah ngam le Jodan ngun ngalkhat lam pen mi tampi in a nung ah zui haw hi.
\s Mual hum thu hilhnak
\c 5
\p
\v 1 Zisuh in mihon tampi te a muhten mualhum ah kaito in khung hi. Nungzui tuten a nelah zuan haw hi.
\v 2 Mahten a muh tei lakah thu hilh pan hi.
\s Thupha muicu co te
\q
\v 3 Thinlung hawvang thanem mite cu thupha muicu co mite hi. Itahum titale vanhum uknak ngam cu a muh tei uknak ngam hi.
\q
\v 4 Thinkham lungmu tam in a um mite cu thupha muicu co haw tuk hi.
\q
\v 5 Niamkhiat mite cu thupha muicu co haw tuk hi. Itahum titale a muhte cu hi leihum ngam lo co haw tuk hi.
\q
\v 6 Dikcang nak dang a dum mite cu thupha co haw tuk hi. Itahum titale a muhte cu thupha a dim in co haw tuk hi.
\q
\v 7 Mi hehpih thiamnak a nei thei mite cu thupha co haw tuk hi. Itahum titale hehpih nak co haw tuk hi.
\q
\v 8 Thinlung a thiang mite cu thupha co haw tuk hi. Itahum titale a mun Pathian cu mu haw tuk hi.
\q
\v 9 Pakhat le pakhat hauhdun nak pen daihnak le lem nak a bawl thei tute cu thupha co haw tuk hi. Itahum titale a muhte cu Pathian cate tin sam co haw tuk hi.
\q
\v 10 Dikcang nak hang bawl siatnak a thuak tute cu thupha muicu co haw tuk hi. Itahum titale vanhum uknak ngam cu a muhtei ngam hi.
\p
\v 11 Keima hang sonsiat nak tawk in phat ngawlnak phunkim, a man ngawlmi sonsiat nak na tawh uhten thupha muicu a co mite hi uh ci.
\v 12 Lungdam thatui nak tuah um ta un. Itahum titale vanhum ah nohtei laksawng ngeng zet hi. A muhte cu nohtei mai pen kamsang te vang mah tihbang bok in bawl siatnak nei haw zo hi.
\s Leihum ci, Leihum vaknak
\p
\v 13 Nohte cu leihum ci hi uh ci. Mah naven, alnak a um ma tale itihbang in al leh thei tuk hum? I mah man leh theih ngawl toh a hih hang, pawlam ah vawkin mitei cilpek tuk bek tang thong hi.
\v 14 Nohte cu hi leihum vaknak hi uh ci. Mual hum ah a um mi khuapi cu sel theih ma hi.
\v 15 Mei vak ta in khokhup tih um awng kel ma hi. Mei vak nak hum bek ah koih nak a neih haw hang, innsung hempoh vak nak pia thei hi.
\v 16 Mah bangbok in miten nang muhte a muh tei phatnak a muh haw ten, vanhum ah a um mi nohtei pai minthan nak cu thangphat pahcoih tuk in nohtei vaknak cu a muhtei mai ah vak ta un.
\s Daan thu kim tik tu Khrih
\p
\v 17 Daan thukham le Pathian kamsang tei hilh mi thu lawl tuk in hung hitin, ngai sungpah sun. Siat suah tuk hi ngawl sawn in kim tik tukin hung saw ing.
\v 18 Nohtei lakah thu ngangai in ka hilh mi lei le van a bo ngawl laih sung thil hempoh a kim khawng lak lawh Daan thu sung awnkam cang pakhat no hei tham thong tuk ma hi.
\v 19 Mah hang, hi Daan thu sung pen a neu bel pakhat cu siatsuah in midang te vang, mah tihbang bok a hilh te cu vanhum ngam pen a neu bel mi hitin, sam co tuk hi. Mah naven, mahmi Daan thu cu mang in a hilh tute cu vanhum ngampen a ngeng bel a sunglawi mi tin, sam co tuk hi.
\v 20 Thu ngangai in nohtei dikcang nak cu Daan hilh tute le Farasi te sang na pha saw uh ma tale nohte vanhum ngam ah lut awn nai sai tuk ma uh citin, nohtei nel ah hilh ing.
\s Mi thahnak tuah seng in a hilh mi
\p
\v 21 ‘Mithat pah sin. Mi na that tale sual thukhen nak co tak hi tih cu nidang laih cawng in nohtei lak ah a hilh mite thei zo uh ci.
\v 22 Mah naven, nohtei lakah Ka hilh mi cu na U nau tei lak ah thinuuk nak a nei mi hempoh thukhen nak thuak tak hi him haw hi. Ma’i U le nau te imah ma ci” tin a titu te cu thukhen nak khut ah a cotak mite hi. “Mi sual” tin tih co mipa cu Hell mei nimpi haksat nak a thuak tak hi him hi.
\v 23 Mah hang, biakpiak na bawl mite na bawl laih tak in na U le nau ten a nel ah sual not mi pakhat um hitin na ngai sung tale;
\v 24 Biakpiak nak hempoh te biakpiak nak taitan mai ah zam hih in na, na U nau tei nel ah hawh leh in a mah tuah lemnak na bawl hih in. Mah cengten, kik leh in biakpiak nak na bawl tuk mite bawl leh in.
\v 25 Thukhen nakah na ngalpa tuah langkhat no na hawh ngel ten a mah tuah lemnak a man lang in bawl un. Mah tin na bawl uh ma tale na ngal pan nangmah cu thukhen tupai lak ah ap in, thukhen tupan thawngcing tutei lakah a ap hang, nang cu thawnginn sungah khum tawk tuk ci.
\v 26 Na nel ah thu ngangai in hilh ing. Dantat nak sum a piak leh lak lawh mah lai mun pen ituk mah ten suak tuk ma ci.
\s Sunglam thiangtho tuk in a hilhnak
\p
\v 27 Nu le pa sualnak bawl pah sin tih mi cu nohten thei zo uh ci.
\v 28 Mah naven, nohtei nel ah ka hilhmi cu numei nu pakhat sualnak thinlung tuah a zo tu hempoh a thinlung sungah mahmi numei nu tuah sual haw zo.
\v 29 Na mit taklam in sualnak a bawl tale khek let in. Itahum titale na pumpi veng hawng hell sungah a hen tuk sang, na taksa khenkhat a siat cu pha saw hi.
\v 30 Mah bang bok na khut taklam in sualnak a bawl tale na khut cu talh in. Na pumpi venghawng hell ngam pen a thuak sang na khut talh cu pha saw hi.
\s Nupa khendun nak tuah a seng mi thu hilhnak
\v 31 ‘A nupi khen tu pa cu a nupi nel ah khennak lai pia hen’tin ti hi.
\v 32 Mah naven, nohtei lakah ka hilhmi cu nu le pa sual bawlnak sial ngawl a nupi pua tu hempoh, mahmi a nupi cu sual tik hi. A pautsa mi a nupi tuah a neidun leh tale sualnak in na cang tik hi.
\s Thukam bawlnak tuah a seng mi thu hilhnak
\p
\v 33 Aman ngawl mi thuson nak te bawl ngawl in, na bawlsa mi thukam te Pathian mai ah cingkep tuk mi hitin, ni dang laih thukham a son awng mi cu nohten thei zo uh ci.
\v 34 Mah naven, nohtei lakah ka hilhmi tamsiat nak bawl hi him pah sun. Vanhum sal in tamsiat nak na bawl pah sin. Vanhum cu Pathian khunnak tohkham hi.
\v 35 Leipi sal in tamsiat nak hei nei pah sin. Itahum titale leipi cu Topai ke ngaknak hi. Jerusalem khuapi sal in tamsiat nak bawl pah sin. Itahum titale mahmi khuapi cu thawmngeng nak nei mi kumpi khuapi hi.
\v 36 Na sam zangkhat no hei ngo tik theihnak, hang tik tuk in tih theih nak nei ma ci.
\v 37 Mah hang, a man mi thu cu a man mi hitin a man ngawlmi cu man ma hitin son ta un. Mah sang in a tamsaw mi awnkam cu phat ngawlnak tuah a seng mi hi.
\s Phuzul leh nuamnak thu a hilh mi
\p
\v 38 Na mit langkhat a khek tale a mit langkhat khek leh bok ta hen. Na ha, a ek tuah tale a ha ektuah leh bok ta hen tihmi cu nohten thei zo uh ci.
\v 39 Mah naven, nohtei nel ah ka hilh mi cu mi pha ngawl mi sual te do pah su un. Na biang langkhat a beng tute cu na biang a langlam dawh bet in.
\v 40 Na angki a lonsak nuam haw tale pia ten hi.
\v 41 Mi pakhat in nangmah nehsiah nak tuah pengkhat khualzin tuk el theih ngawl in a tik lo tu a um tale, a mah tuah pengnih hawh ngel ta un.
\v 42 Thil a ngen tute cu pia in. Sumpu nuam te vang kik pah sin.
\s Ngal te it in
\p
\v 43 Nangmah tuah a seng mi pa cu it in. Na ngal te hua in tihmi thukhaam cu nohten thei zo uh ci. Mah naven nohte ka hilhmi cu;
\v 44 Nohtei ngal te cu it in, nangmuh bawlsiat tutei ca thunget sak un.
\v 45 Mah bek ten vanhum ah a um mi pai cate hi tuk uh ci. Itahum titale Topa cu mipha ngawl mi le mipha tei humah a ni suak tik in, midik le midik ngawl mitei humah nguah zu tik hi.
\v 46 Nohten nangmuh a it tute bek na it dun uh tacun, nohtei nel ah ii nemcuam nak um tuk hum? Siahkhon tupan mah tih bangbok in bawlnak nei bok hima maw?
\v 47 Mah bek sial ngawl nohten nangmuh tei U le nau te bek na otpih uh tacun, itibang in a lamdang nak te bawl thei cuang tuk uh nge cim? Pathian thei ngawl te hei in, mah tihbang te bawl bok haw poh ma maw?
\v 48 Mah hang, vanhum ah a um mi nohtei pa cu cangkim nak a neih bang, nohte vang cangkim nak nei tuk uh ci.
\s Piaknak thu tuah seng in thuhilh mi
\c 6
\p
\v 1 Nohtei dikcang nak cu mitei muh theih tukin, mitei mai ah na bawl tuk uh ngawl mi thu te cu na ngalling ta un. Mahtin na bawl uh ma ta, vanhum ah a um mi nohtei pai lakpen thupha te nohten co tuk ma uh ci.
\v 2 Mah hang, piaknak na neih uh ten mipha tiamhem te cu mihing tei thangphat pallop nak co nuam in, puai bawlnak lamzin ah a muh tei maipen lemle tum tik mi bang in bawl pah sun. Nohtei lakah a thu ngai in ka hilhmi cu a mun mai nemcuam nak co zo haw hi.
\v 3 A lu na piak ten na piak mi lang tik him ngawl in na taklam khut tuah na piak mi cu na veilam khut hei thei tik pah sin.
\v 4 A langciang ngawl mi thu-ip sel a mu tu na pan nang cu laksawng pia tuk hi.
\s Thunget nak tuah seng in a hilh mi
\p
\v 5 Thu na nget uh ten mipha tiamhem te bang in bawl pah sun. Itahum titale a muhte cu mitei muh theih tukin pumkhawm nak biakinn pen le lamkhawm nak lamkak ah ding in thunget nak deih haw hi. Nohtei lakah thungai in hilh ing. Nohten, mai nemcuam nak co zo uh ci.
\v 6 Thu na nget uh ten, na inn sungkhaan ah lutin kongka khak in a lang ngawlnak munah a um mi na pai lakah ngen un. A langciang ngawl mi thu-ip a mu tu na pan nang cu laksawng pia tuk hi.
\v 7 Nohten thunget nak na neih uh ten um ngawl tute bang in imah thupi ngawl awnkam tuah sal thuah pah sun. A mun tampi awnkam a sal haw ten a muhtei deihnak kim tuk hitin ngaisung haw hi.
\v 8 Mah hang, mah tihbang in bawl pah sun. Itahum titale nohtei pan nohtei thunget nak na neih laih ngawl in nohtei kul mite thei ham zo hi.
\s Thunget nak
\p
\v 9 Mah hang, hi tibang in thungen ta un. Vanhum ah a um mi koh teipa, na min Upat nak um ta hen.
\q
\v 10 Na uknak heng ta hen. Vanhum deihnak a kim bang in leihum ah kim tik bok in.
\q
\v 11 Kohtei nisial kulmi an pia in.
\q
\v 12 Kohtei hum ah sualnak a nei tute kohten ka ngaidam uh bang in, kohtei sualnak vang ngaidam bok in.
\q
\v 13 Sualsoh nak ah tel tuk ngawl in, phat ngawlnak pen kohte pan in. Uknak le huham le sunloih nak cu kumkhua pen kumkhua na nelah um ta hen. Amen.
\v 14 Nohten midang tei sualnak na ngaihdam bang bok in, vanhum ah a um mi nohtei pan nohtei sualnak ngaidam bok tuk hi.
\v 15 Mah naven, nohten midang tei sualnak na ngaidam uh ma ta, nohtei pan nohtei sual nak te ngaidam bok tuk ma hi.
\s Ancang thu tuah seng in a hilhnak
\p
\v 16 Nohten an na can uhten mipha tiamhem te bang mitmai sia in um pah sun. Itahum titale a muhte a muh haw ten ancang ung tin mipi tei mai ah lang tuk in mitmai sia in um haw hi. Nohtei lakah thu ngai in hilh ing. A mun a muhtei thupha laksawng co haw hi.
\v 17 Mah naven, ancan nak na neih uhten ancang ing tin mipi tei mai ah lang tik ngawl in, mitei muh theih ngawl nak mun ah na mai phiat in na lu sathau thih un.
\v 18 Mah naven, ancang ing tin mipi mai ah lang tik ngawl in a lang thei ngawlnak ah a um tu na Pathian mai bekah lang tuk in na lu cu sathau thih in na mai phiat in. A lang ngawl nak mun a mu tu na pan nang cu laksawng pia tuk hi.
\s Vanhum ah lo khawlnak
\p
\v 19 Sal le nget hi eih theih ngawl mi le nguca tei suk bal theih mi hi leihum ah na lo uh te khawl pah sun.
\v 20 Sal le nget tei siatsuah theih ngawl, nguca tei suk bal theih ngawl mi vanhum ah nohtei ca tuk na lo cu khawl ta un.
\v 21 Itahum titale na lo umnak mun ah na thinlung um bok hi.
\v 22 Mit cu pumpi vaknak mei hi. Mah hang, na mit a pha tale na pumpi veng hawng vak tuk hi.
\v 23 Mah naven na mit a sia ta, na pumpi veng hawng thim tuk hi. Mah hang, na lakah um mi vaknak cu a thim ta, mahmi thimnak cu izah takin thim tuk hum?
\v 24 A kuamah in To panih sila in um thei ma hi. Itahum titale a man pakhat hua in, pakhat cu deih tuk hi. Mah ahima tale, pakhat pa cu thukam nei in, pakhat saw cu imah sumsial ngawl in um tuk hi. Nohten Pathian le hi leihum hauhsak nak te langkhat in na dek ngel thei tuk ma uh ci.
\s Laupah sun
\v 25 Mah a hih hang, nohtei lakah ka hilh mi cu nohtei nuncak nak tuk ite ei in, ite in tuk nen tim tih hei hihen, nohtei taksa pumpi ca ite silh tuk nen tim tih te vang laupah su un. Nunnak cu an sang thupi saw ma maw? Taksa pumpi cu silh le cen tuk sang in thupi saw ma maw?
\v 26 Vanhum vano te khi ngaisung ta un. Mahmi vano ten ancing haw ma. Ankung te cawmin, bem sungah koih tih vang um awng ma. Mah naven, vanhum ah a um mi nohtei pan vano te cawmpoh hi. Nohte cu mahmi vano te sang thupi man nei saw ma uh ci maw?
\v 27 Nohtei lakah a kua kaw lau nak hang, mah hi nunnak tongkhat no hei sau tik thei uh cim?
\v 28 Silh le cen tuk ca in ita lau li uh kam? Hampa lak ah a um mi pak te itin khang haw hum tih cu zo in, ngai sung ta un. A mun na vang dek haw ma. Pat vang kai haw ma hi.
\v 29 Mah naven, nohtei lakah ka hilhmi cu a ma huham minthan nak a nei Solomun silh mi puan cu pakbom khat no hei bang zo ma hi.
\v 30 Upnak dawm nei mite aw, tu ni in nung ta vang zingten meikam sungah vawk tuk mi hampa kung no hei Pathian in hi zahtak in a ngaihsut sak tale nohte hi sang pha saw in silh le cen tuk te ngaihsut sak tuk poh ma maw?
\v 31 Mah hang, ikaw ka eih tuk, ikaw ka silh tuk, ikaw ka in tuk tin laupah su un.
\v 32 Itahum titale miphun dang ten, hi thu hempoh zuamnak tuah zei thei haw hi. Mah naven, vanhum ah a um Pathian nohtei pa’n hi thu hempoh nohtei kul mi theihsak khawng hi.
\v 33 Pathian ngam le a diknak cu zei ma sa in na, mahten hi thu hempoh te nohtei lakah piak bet in um tuk hi.
\v 34 Mah hang, zingca tuk in lau pah su un. Itahum titale zingten tihmi huncan in a ma ca lau nak nei tuk hi. Nikhat sung a tawh uh mi thusia te cu mahmi ni ca in tawk zo hi.
\s Midang te thukhen pah sin
\c 7
\p
\v 1 Nohten thukhen na thuak uh ngawl nak tuk in midang te thukhen sak pah su un.
\v 2 Itahum titale nang muhtei thukhen bang bok in, nohten thukhen nak tawk bok tuk uh ci. Nohten cuai na teh bang bok nohtei ca cuai teh in um bok tuk hi.
\v 3 Na mit sungah thingtum a um mi hei theicop ngawl in, na U nau tei mit sung ah a um mi buak them no cu aita mu thei kam?
\v 4 Na mitsung ah thingtum pi um thah leng napi in na U le nau tei lak ah, “Na mit sung a buak them no kheksak nang tin itin kaw na tih ngam?
\v 5 Mipha tiam hem thei pa, na mit sung thingtum cu khek masa in na, mah celhten na Unau pai mit sung buak them no kheksak tuk mi cu ciangzet in mu thei tuk ci.
\v 6 A thiangtho mite cu uico pia pah sun. Na suang manpha te vok mai ah koih pah sun. Mahmi suang manpha te cu a ke tuah cilpek in nunglam ah a hek kik leh ten, nangmuh te pet kha tuk hi.
\s Ngen un, zei un, kiu un
\p
\v 7 Ngen un, na ngen uh tale ngah tuk uh ci. Zei un, nohten mu tuk uh ci. Kiu un na hot sak tuk hi.
\v 8 Itahum titale a ngen tu hempoh in ngah haw. A zei tu ten tawk haw. Kongka a kiu te vang hotsak tuk hi.
\v 9 Nohtei lakpen a kon na ca uh te moh a nget haw ten suang pia tuk uh ci maw?
\v 10 Mah ahima tale ngasa a nget ten ngul pia cim?
\v 11 Noh mipha ngawl te hei in na canu le capa tei lakah a pha mi laksawng piak tuk kul hi tih na thei uh tale vanhum ah a um mi nohtei pa’n a ma nelah a ngen tute cu a pha mi thil saw pia tuk hima maw?
\v 12 Mah hang, miten na hum ah a bawl nuam bang bok nohten mitei hum ah na bawl bok ta un. Mah tihbang in bawl mi cu Daan thukhaam le Pathian kamsang tei son mi thu bul pi hi.
\s Kongka neu le kong zal
\p
\v 13 Kongka neu pen tum un. Itahum titale siatnak kongka cu zal in, a lut tum tu tampi hi.
\v 14 Nunnak lampi kongka a neu hang a lut tum tu dawm no bek hi.
\p
\v 15 Pathian kamsang sual te ngal ling un. A muhte cu cingne tuuphaw khu in, nohtei lakah a heng haw ta vang a sunglam haw cu cingne hang bang haw hi.
\v 16 A muhtei a ngah in nohten thei tuk uh ci. Lingkung pen cabit ngah, cabit kung pen thei ngah te thawi awng uh cim?
\v 17 Mah bang bok a pha mi thingkung hempoh ten a pha mi ngah ngah thei tuk hi.
\v 18 A pha mi thingkung in a pha ngawl mi ngah cu ngah thei ma hi. A pha ngawlmi thingkung vang a pha mi ngah cu ngah thei ma hi.
\v 19 Ngah pha a ngah ngawl mi hempoh phuk in mei sungah vawk co tuk hi.
\v 20 Mah hang, a muhtei ngah a ngah mi bang nohten a muhte cu thei tuk uh ci.
\v 21 ‘Topa, Topa’ tin keimah a sam tu hempoh vanhum uknak ngam tum tuk ma hi. Vanhum ah a um mi ka pai deihnak a bawl tute bek lut tum haw tuk hi.
\v 22 Mahmi ni ten, mi tampi ten, Topa, Topa kohten na min hang kamsang tei thu te hilhin, na min tuah khuasia hawl vawk in na min hang huham thil tih theihnak tampi te bawl ung hi’ tin, ka nel ah ti haw tuk laih hi.
\v 23 Mah hun can ten a muhte cu, “Nohte ken thei kha mang. Thuman ngawl in na dek tu te ka nel pen tul ta un hi” tin, ti tung hi.
\s Innsa tu panih
\p
\v 24 Mah hang ka hilh mi thu te za in a mang tu hempoh suang hum ah inn sa micip pa tuah na bang ve hi.
\v 25 Nguah zu nguntui luun huih nasezet a theu hei in, suang hum ah inn a sak hang mahmi inn cu cim ma hi.
\v 26 Ka hilh mi thu te za in a zui ngawltu hempoh philnel hum ah inn sa misil pa tuah bang ve hi.
\v 27 Nguah zu nguntui pi luun in huihpi a theu ten mahmi inn cu cim ta hi. Mahmi inn cim cu nasezet hi” tin, ti hi.
\p
\v 28 Hi thu te Zisuh in a hilh cengten, mihon tampi in Topai hilh mi thu cu ambek in um haw.
\v 29 Itahum titale Topa cu a muh tei Daan hilh tu saza te bang ngawl in thuneih nak tuah hilh hi.
\s Miphak dam tiknak
\c 8
\p
\v 1 Zisuh cu mualhum pen tolh suk in mi tampi ten a nungah zui haw.
\v 2 Mahten miphak pakhat a nel ah hung Topa cu bia in, “Topa Pathiain na deihnak a um tale keimah dam tik thei ci” tin, ti hi.
\p
\v 3 Topan a khut zakin mahmi tidam ngawl pa cu zen in, “Ka deihnak um hi. Damnak co ten hi” tin, thupia hi. Huncan a ngei ngawl in miphak pa cu damnak co hi.
\v 4 Mah ten Zisuh in, “A kuamah lakah son tuk ngawlin” thucah hi. Thiampi tei lak bek ah hawh in, nangmah loli laknak na neih cengten, mipi tei mai ah theihpih nak thu nei tuk in Mosi thu piak mi Dan bang biakpiak nak bawl in hi” tin, a ma nel ah thupia hi.
\s Ngal bawi pakhat hi upnak
\p
\v 5 Mahten, Topa cu Kapernuam khua a hen ten ngal bawi pakhat cu Zisuh nel hung in;
\v 6 “Topa Pathian ka na dektu pakhat cu tizawng natnak nasezet vei in inn ah zau leng thong hi” tin hehpih kun in hilh hi.
\p
\v 7 Zisuh in, “Keimah hung in dam tik tung hi” tin a tih ten;
\v 8 Ngal bawi pan, “Topa Pathian ka inn sungah Topa heng in hehpih co tak mang. Thupia poh in ka na dek tupa cu dam tuk poh hi.
\v 9 Hi bang in a tihnak cu kei mah vang uknak nuai ah um mi ka hih hang, ka khut nuai ah vang ngalkap te um hi. Mi pakhat hawh ten tin ka tih ten hawh hi. A dang pakhat cu ka nelah hung in tin ka tih ten hung hi. Ka sila pa cu hi dek in hi ka tih ten a man dek hi’ tin, ti hi.
\p
\v 10 Mahmi awnkam cu Zisuh in a zak ten amzet in a nungzui tutei lakah, “Nohtei lakah thungai in hilh ing. Izahtak in upnak ngeng a nei mi Isarel miphun sungah pakhat no hei mu ma laih ing.
\v 11 Nohte ka hilh mi cu mi tampi ten nisuah nak lam pen le nitum nak lam pen heng in vanhum ngamah Abraham, Isak, Jakop te tuah ankuang kil langkhat haw tuk hi.
\v 12 Uknak ngam sung mite cu kahnak, hacang ngawinak mun a pawlam umnak khua thimpi sungah khiak tawk haw tuk hi” tin, a nungzui tu mipi tei lakah thupia hi.
\v 13 Mah cengten Zisuh in ngal bawipa cu, “Pin ten na upnak bang in damzo hi” tin, ti hi. Mahmi huncan kek ten a sila pa cu dam hi.
\s Mi tampi te a dam tiknak
\p
\v 14 Mah cengten, Zisuh in Pita inn ah a hen ten Pita hi sungnu cu tina in ihkhun hum ah a zau leng mi cu mu hi.
\v 15 Topa’n a khut cu zen in damnak a co hang, tho in Topa cu khual vak thei hi.
\v 16 Taaklam hun can a hen ten khuasia dawih vei te a nelah hetpih haw in, Topa’n mahmi khuasia te cu a awnkam bek in hawl vawk hi. Tidam ngawl mi hempoh te vang dam tik hi.
\v 17 Hi thu te cu, “Topan ohtei thanem nak te laksak in ohtei natnak te lasak zo hi” tin kamsang Isaiah hi awnkam a kimnak thu hi.
\s Zisuh nungah zui haw
\p
\v 18 Zisuh in a elkim ah mipi te a muhten tuipi ngalkhat lamah hawh tuk in thupia hi.
\v 19 Mahte in Dan thiam mi pakhat heng in, “Saza pa na hawhnak hempoh ah zui tung” tin, ti hi.
\p
\v 20 Zisuh in, “Cingne ten kua nei haw. Van a leng mi vano ten bu nei haw. Mi capa cu lukhiak nak tuk hei nei ma hi” tin, thupia hi.
\p
\v 21 A dang nungzui tu pakhat in, “Topa, Pathian nelah masa in ka pa phum hih ta nang” tin, ti hi.
\p
\v 22 Zisuh in ka nungah zui in, mithi te cu mithi le mithi phum haw ta hen tin” thupia hi.
\s Pathian awnkam cu huihpi ten ngai hi
\p
\v 23 Mah cengten, Topa cu hawmkuang humah khung in nungzui tu ten a nungah zui haw.
\v 24 Mahte in tuipi cu huihpi nasiazet a theu hang, hawmkuang cu tui cawkpi in sawnvawk kawkawi nim awndiak in um hi.
\v 25 Mah naven, Zisuh cu hihbu hi. Nungzui tuten Topa cu phong in, “Topa, Pathian pan in hi.
\p
\v 26 Mah ten Topan, “Upnak thanem mite aw, ita launak nei thei uh kam” tin a tih celhten tho in huihpi le tuipi cu thuhilh in, dap den no cawl ta hi.
\p
\v 27 Mahmi cu a mun amzet in, “Hipa hi a kua him? Huihpi le tuipi te hei in a thungai haw si” tin, son li haw hi.
\s Khuasia te a hawl vawknak
\p
\v 28 Mah cengten, Topa cu tuipi langlam ngalkhat ah a um mi Gadara ngam a hen ten, khuasia vei mihing panih cu than sung pen tul in Topa cu muak haw. A muhte cu huatsuak lauhuai zet a hih haw hang, mah lai lamzin cu a kua mah in tawn ngam haw ma hi.
\v 29 A mun, “Pathian capa, Topa nang tuah kohte itin seng kha hum? Huncan a kim laih ngawlin keimuh te bawlsiat tukin hi lai ah maw na hun” tin, ti haw hi.
\p
\v 30 A muhte tuah khuala zet ngawlnak mun pen vok honpi khalh nak um hi.
\v 31 Topan, “Kei muhte hawl vawk tuk tale vok tei sungah tum tukin kun haw.
\p
\v 32 Topan, “Tul ta un” tin a tih ten a muhte cu tul vok tei sungah tum in vok honpi te cu lianglak mualpen dawkvawk in tuipi sungah thi haw ta hi.
\v 33 Vok khal tu te cu khua sunglam ah tai haw in khuasia vei mitei thu a pat pen pan a cang mi thu hempoh son haw hi.
\v 34 Mah ten, Zisuh cu tawk tuk in khuasung mi hempoh te tul in, Topa cu a muh haw ten a muh tei umnak ngam pen tul tukin hehpih kun haw hi.
\s Sual ngaihdam nak thu
\c 9
\p
\v 1 Mah cengten, Topa cu hawmkuang sungah khung in tuipi langlam a mu khua ah kik leh hi.
\v 2 Khut ke thi in ihkhun hum ah a zau leng mihing pakhat cu a nelah hetpih haw hi. Zisuh in a muhtei upnak a muh ten khut ke thi mi tizawng pa cu, “Ka capa lau pah sin. Na sualnak te ngaihdam co zo ci” tin, thupia hi.
\p
\v 3 Mah ten Dan hilh thiam hek khat ten, “Hi pa cu Pathian zotsak awnkam hi” tin, pakhat le pakhat na son li haw hi.
\v 4 Zisuh in a muhtei ngaihsut nak te a theih ten, “Ita nohten phat ngawlnak te ngaisung thei uh cim?
\v 5 Nohtei sualnak ngaihdam zo hi” tin tih tuk mi le tho in hawh ten tih mi maw a baih saw?
\v 6 Mah naven, mi capa cu leihum mitei sual a ngaihdam nak neih mi thu thei tuk in” tin a tih ten tizawng pa cu, “Tho in na puantom te la in na inn ah pin ten” tin, thupia hi.
\v 7 Mah ten, ti zawng pa cu tho in a inn ah pin hi.
\v 8 Hi thu thei in a mu tu mipi hempoh in lamdang sa zet in, hi tih loli thu neihnak petu Pathian minthan nak cu thangphat haw.
\s Mahte a samnak
\v 9 Mah cengten, Zisuh cu mah laimun pen tulin a hawh laih tak siahkhon nakah a khung mi Mahte tin sam mipa mu in, “Ka nungzui in” tin a tih ten Mahte cu tho in Zisuh nung zui hi.
\p
\v 10 Mah cengten, Topa cu innsung an eih nak ah a khun laih tak siahkhon tu te le misual te heng in, Topai nungzui nak a nei tute tuah an ei langkhat haw hi.
\v 11 Hi thu hempoh Dan thiam ten a muh hawten nungzui tei lakah, “Na saza pa uh cu ita siah khon misual te tuah an ei langkhat thei kaw’tin, thu dong haw hi.
\p
\v 12 Topan mahmi thu a theih ten, “Tidam miten sithiam te le sibawi kul haw ma hi. Tidam ngawl mite bekin kul haw hi.
\v 13 Kei cu nganhing biakpiak nak sang in hehpih lainat nak tuah bawl mi cu ka deihmi hi tih mi thukhaam thei tukin, hawh in na cung ta un. Midik mite sual sik tukin kei cu hung mang hi. Mi sual te sam tukin hung ing hi” tin, thupia hi.
\p
\v 14 Mahten Johan nungzui tu te cu a nelah heng in, “Keimuh tele Farasi te cu a tule tu in ancan nak bawl ung. Mah naven, Topai nungzui tu te ita ancang haw ma hum” tin, dong haw hi.
\p
\v 15 Zisuh in, “Mo pai U le nau hempoh Mopa tuah a langkhat sung thinkham lungkham in um thei haw ni maw? Mah naven, Mopa cu a muhtei lakpen a sam nak tuk ni le huncan heng tuk laih hi. Mah ten, a muhte ancang leh haw tuk laih hi.
\v 16 A kuamah in a sia a bal cu puan thak tuah dah leh tu um ma hi. Itahum titale a dah lehnak puan cu con in a bal nak sa cu bal kek dedeuh tuk hi.
\v 17 Sabit uamtui a thak cu savun thawl lun sungah thun awng ma hi. Mah hang, savun thawl keh in sabit tui zung tul in savun thawl vang sia tuk hi. Sabit uam thak a tui cu savun thawl thak bek sungah thun tuk mi hi. Mah tihbang in thun tale a panih in sia tuk ma hi” tin, thupia hi.
\s Naupang nu a nun lehnak le Numei nui damnak
\p
\v 18 Topan hi thu hempoh a son laih tak U pa pakhat heng in Topa cu bia in, “Ka canu a tuin thi zo hi. Mah naven, Topa heng in a ma humah khut na nga ta cun nung leh tuk poh hi” tin, ti hi.
\v 19 Mah hang, Zisuh cu ding in a nungah zui hi. Nungzui tuten zui bok haw hi.
\p
\v 20 Mah ten, kum heinih thisuak in a na mi numei nu pakhat cu;
\v 21 “Topa na vansilh no tokkha hei in natnak dam tung hi” tin, a thinlung sungno pen ngaisung in “Topai nungah zui in a puancep no zen hi.
\p
\v 22 Zisuh cu nung hek kik leh in numei nu a muhten, “Ka canu lau pah sin. Na upnak hang dam zo ci” tin, thupia hi. Mah a tih ceng bek ten numei nu cu dam hi.
\v 23 Mah cengten, Zisuh cu mahmi Upa pai inn ah heng in tum theih a nging thei te tuah mitam pi lung cek cuk a um lih haw mi cu a muhten;
\v 24 “Tul khawng un. Naupang nu cu a thi kha ma hi. A hihbu hi” tin, ti hi. Mahte in a mun Topa cu nuihsan haw.
\v 25 Mah naven, Topan mipi te pawlam a tul khawng tik cengten, innsung ah lut tum in naupang nui khut len in numei nu cu tho hi.
\v 26 Hi thu cu mah lai ngamsung hempoh ah thang khawng hi.
\s Mitcaw khuamu thei ngawl hempoh khua mu leh thei haw
\p
\v 27 Mah lai mun pen Zisuh a tul laih tak mitcaw panih ten, “David capa, kohte hehpih poh in hi” tin, au in Topai nungah zui haw.
\p
\v 28 Innsung ah a luh tum ten, mahmi mitcaw panih te cu a nelah heng haw hi. Zisuh in, “Hi thu te keiman dam tik thei hi tin nohten upnak nei uh cim” tin a dot ten a mun, “Um ung hi Topa Pathian” tin don, leh haw.
\p
\v 29 Mah ten, Zisuh in a muhtei mit cu zen in, “Nohtei upnak bang in dam tahen” tin a tih ten;
\v 30 A mun khua muh leh haw hi. Zisuh in a kua mah thei tik pah sun tin ngal ling un hi” tin, a muhtei lakah nasazet likhap in kham hi.
\v 31 Mah naven, a muhte hawh tul in Topa cu mahmi ngamsung hempoh ah thang khawng tik haw hi.
\s Khuasia a hawl vawknak
\p
\v 32 A muhtei tul cengten, khuasia vei mi pakhat cu a nelah hunpih haw hi.
\v 33 Khuasia a hawl vawk cengten, mahmi awnthei ngawlpa cu awn leh thei hi. Mipi ten thasiah zet in, “Isarel ngam sungah hi tibang in a cang mi thu te mu awng ma ung hi” tin, ti li haw hi.
\p
\v 34 Mah naven Farasi ten, “Amah cu khuasia uktu te suang in khuasia cu hawlvawk hi” tin, ti li haw.
\s Ankung cawm tupa
\p
\v 35 Zisuh cu khuapi, khuano hempoh ah khual zin kawkawi in a muhtei pumkhawm nak inn ah thu hilh in, vancung uknak thuthang pha hilh in natnak hempoh te dam tik hi.
\v 36 Zisuh in mipi te a muhten, a muhte cu tuucing tu nei ngawl tuu te a zamsan mite bang haw hi.
\v 37 Mahten, Zisuh in cang ah tuk tampi um hi. Cang at tu dawmno bek um hi.
\v 38 Mah hang, cangat tu tuk na dek tute hah tuk in cang at tupai nelah thu ngen ta un hi” tin, nungzui tei lakah thupia hi.
\s Nungzui tu heinih a hahnak
\c 10
\p
\v 1 Zisuh in nungzui tu heinih te sam in hawvang siasuak khuasia te hawl vawk theihnak le natnak hempoh dam tik theihnak huham pia hi. Mahmi khuasia te hawl vawk theihnak le natnak hempoh damtik theihnak pia hi.
\v 2 Nungzui tu heinih tei min cu a masa bel in Simon le a nau Andru,
\v 3 Zebadi capa Zeim le a nau Johan, Filip le Balthulumeu, Thomasi, le siahkhon tu
\v 4 Mahte, Alfiasi capa Zeim le Thadaeus, phun le nam tangtu Simon le Zisuh zuak tu Judah Isikariot te hi.
\p
\v 5 Zisuh in a nungzui te hah in thu a cah mi cu: “Miphun dang tei hawh nak lamzin ah hawh pah su un. Samaria ngam tei khuapi sung vang tum pah sun.
\v 6 Isarel miphun a pai mi tuu tei lak bekah hawh un.
\v 7 Nohten na hawh uhten, ‘Vancung uknak nai zo hi’ tin, hilh ta un.
\v 8 Tina dam ngawl te dam tik ta un. Mithi te vang tho tik ta un. Khuasia te hawl vawk ta un. Nohten a thawnthong in na ngah uh hang, a thawnthong in pia ta un.
\v 9 Na tawngphu sungah sui, tangka, dal tangka pua pah sun.
\v 10 Khual na zin uh ten tawngphu, angki val, kedam le thiangkhut te keng pah sun. Itahum titale na dek tuin a ma eih tuk cu co taak hi.
\v 11 Khuapi khuano hihen, na luhtum uh ten mahmi khuano ah a kon co tak hum tih mi cu zei in dong in, mah khuapi khuano pen na thawn tul leh lak lawh a ma inn ah cam un.
\v 12 Inn sungah na luhtum uhten daihnak thupha um tahen’tin, ti un.
\v 13 A cotaak haw tacun nohtei daihnak thupha cu a muhtei lakah heng tuk hi. A co tak haw ma tacun, nohtei lakah heng leh tuk hi.
\v 14 A kua mah deih ngawl nohtei thu ngai ngawl in um hi. Mahmi umnak inn pen hei hihen, khuapi pen na tul laih tak nohtei kephalh hum ah leivul thing ta un.
\v 15 Nohtei lakah thu ngangai in hilh ing. Thukhen nak ni ten Sadom le Komorah tei khua sang thuak saw haw tuk.
\s Bawlsiat nak thuak tuk thu a hilh hamnak
\p
\v 16 Ngai ten un, cingne honpi lakah tuu te hah bang nohte cu hah ing. Mah hang, ngul bang cip un na, khulo bang nun nem un.
\v 17 Ngal ling ta un. Itahum titale, a mun nohte cu thukhen nak mun ah hen haw tuk hi. Pumkhawm nak inn te pen bawlsiat in vah te tawk tuk uh ci.
\v 18 Keima hang, kumpi uktu tei mai ah sam co tuk uh ci. Mah tihcun nohte cu a muhte tuah miphun dang tei lakah theihpih nak tetti in cang tuk uh ci.
\v 19 Thukhen nak a het pih haw ten, itin don tuk hum tih mi cu lau pah sun. Na don nak tuk awnkam cu a ngei ngawl in nohten co tuk uh ci.
\v 20 Itahum titale nohtei ot leh tuk mi thu cu nohte kha ngawl sawn in, nohtei sung pen na pa uh hi Hawvang thiangtho in hilh hi.
\v 21 Mahten, U nau suahpih laicin pakhat le pakhat hei hihen, a pa in a canu le capa te vang thihnak ah ap haw tuk. Canu le capa ten do dun in that haw tuk.
\v 22 Mi tampi te ka min hang, nang muhte hua haw tuk. Mah naven a tawp tian a kho leng mite cu nunpat nak co haw tuk.
\v 23 Khuapi pakhat ah nohte bawlsiat nak a neih haw ten a dang khuapi ah thawn un. Nohtei nelah thungai in ka hilh mi cu Isarel khuapi te nohtei hen laih ngawl in mi capa heng tuk hi.
\p
\v 24 Nungzui pa cu hilhtu (Saza pa) sang sang saw ma hi. Sila te vang a Topa sang sang saw ma hi.
\v 25 Nungzui tute a hilh tu saza pa bang in hihen, sila pa vang a Topa bang bok tacun cangkim zet poh hi. Inntek pa cu Belzabuk tin a sam haw tale a innkua ten sam dedeuh haw tuk hi.
\s Pathian launak
\v 26 Mah hang, a muhte cu laupah sun. Itahum titale khuhmi hempoh honsak tuk laih hi. A limbu nak hempoh te vang lang khawng tuk laih hi.
\v 27 Nohtei lakah khuathim tin ka son mite cu khuavak hitin, son ta un. Na beng in thuzaak mite cu innkul humpen au ta un tin, ti hi.
\v 28 Taksa pumpi that in hawvang a that thei ngawl mite cu lau pah sun. Taksa pumpi le hawvang hell sungah siatnak a pia thei mipa bek cu lau saw ta un.
\v 29 Paihsan piakhat in kawllit panih lei thei hi. Mah naven, nohtei pai thupiak nak um ngawl in mahmi kawllit pakhat no hei lei ah cak tuk ma hi.
\v 30 Nohtei lu samzang hempoh hei sial khawng hi.
\v 31 Mah hang lau pah su un. Nohte cu kawllit te sang thupi man nei saw uh ci.
\s Khrih a phuannak
\v 32 Mi pakhat in mipi mai ah keimah a ihnak a phuang tul ngam tale keiman vanhum ah a um mi kapai maipen amah cu phuang tung.
\v 33 Mah naven, mipi tei mai pen a nial tute cu keiman vanhum ah a um mi kapai maipen nial bok tung.
\p
\v 34 Hi leihum ah lemnak heng tukin hung hitin ngaisung pah sun. Lemnak le daihnak bawl tuk heng ngawl in nam keng in hung ing.
\v 35 Pa le capa, nu le canu, mo le a tek nu do dun khen kek tuk hung ing.
\v 36 Mi pakhat ngal te vang a innkua sung pen cang tuk laih hi.
\v 37 Mi pakhat in keimah a ihnak sang, a nu le pa it saw hi. Mah tihbang mipa cu ka nungzui tuk tak ma hi.
\v 38 A thinglamteh pua in ka nung a zui ngawl tute vang ka nung zui tuk tak haw ma hi.
\v 39 A nunnak bek a mu tute cu thi haw tuk hi. Ka ca in nunnak a pia ngam te cu nunnak mu haw tuk hi.
\s A co ngah tutei thupha
\p
\v 40 Nangmuh khualcam nak a phal tute cu kei mah khualcam nak a phal tute hi. Keimah khualcam a phal mite vang keimah hah tupa khualcam tuah na bang ve hi.
\v 41 Pathian kamsang tihmi min suang in Pathian kamsang te khualcam phalnak a nei tu cu Pathian thupha co haw tuk hi. Mi dikcang pai min suang in mi dikcang te khualcam a phal tute vang dikcang nak tuah a seng mi thupha co haw tuk hi.
\v 42 Nohtei lakah thu ngangai ka hilh mi cu nungzui tu tih mi min suang in a neu bel sung pen mi pakhat in tuidai haikhat no a pia tu cu thupha co ngawl in um hihim tukma hi’ tin, thupia hi.
\s Baptisma a pe tu Johan thu
\c 11
\p
\v 1 Zisuh in nungzui tu heinih te thu a cah cengten, khuapi sungah thuthangpha phuang in le thu hilh tukin mah lai mun pen tul hi.
\v 2 Johan in Khrih na dehnak te thawnginn sung pen a zak ten a nungzui tute hah in;
\v 3 Topa cu a thungai in heng mi maw? Mah ahima tale midang ngah kul laih ni maw” tin, dong tik hi.
\p
\v 4 Zisuh in a muhtei lakah, “Nohtei zak mi na muh uh mi hempoh te hawh in Johan nel-ah hilh ta un.
\v 5 Mitcaw ten khua mu haw, khelbai ten vak thei in miphak ten damnak ngah haw. Beng bul ten thu za in, mithi te tholeh haw. Mizawng cangah ten lungdam nak thuthangpha za haw.
\v 6 Keima hang thinkham nak a nei mite cu thupha co haw tuk hi” tin, thupia hi.
\p
\v 7 A muhtei pin cengten, Zisuh in mipi tei lakah Johan thu tuah seng in a tih mi cu, “Nohten i zo tuk in hampa lak ah hawh uh kam? Huih theu ten pumpeng maw na zoh tuk uh.
\v 8 Mah ahitale i zo tuk in kaw na hawh lih uh cu! Puannem silh pa zo tukin maw? Puannem no a silh tute cu kumpi inn-ah um haw hi.
\v 9 Mah ahitale i bel zo tuk in hawh uh kam? Pathian kamsang maw? Mah e, na tihmi cu a man mi hi. Pathian kamsang te sang ngeng saw hi” tin, nohtei lakah hilh ing.
\v 10 “Zo un, na hawh nak lamzin a bawl tu na mai ah ka thuthangpha phuang tu hah tung hi” tin, Laithiangtho sungah a ngat haw mi cu hi mipai thu hi.
\v 11 Nohtei lakah thungai in hilh ing. Numei tei sung pen a hing mi Baptisma pia tu saza Johan sang ngeng saw kuamah um ma hi. Mah naven, vanhum uknak ngamah a neu bel mipa cu a mah sang ngeng saw hi.
\v 12 Baptisma pe tu Johan khut sung pen a tu tian vanngam cu nawk lo tum in le cuhdun in tum haw.
\v 13 Itahum titale, Pathian kamsang tei thu le Dan laibu hempoh ah Johan tian cu Pathian kamsang ten hilh haw hi.
\v 14 Nohten, Ka awnkam thu na ngai uh tacun, Hi pa cu a heng tuk laih mi Elijah hi.
\v 15 Beng a nei mi hempoh ten za ta un.
\v 16 Mah naven, hi miphun te i thu tuah tehkip tuk hum? Puainak mun ah a khung thei mi naupang ten a ngualcam tei lakah au in;
\v 17 Kohten, nohtei ca a nging thei te tum li ta vang, nohten lam ma uh ci. Kahnak late phuah in sa li ta vang, noh ten kap ngawl in a son mi naupang te le hi miphun te tuah bang ve hi.
\v 18 Itahum titale, Johan cu heng in an ei ngawl a um hang, “A mun khuasia vei pa” tin, sam haw hi.
\v 19 Mi capa cu an ei in a um ten longaak pa, sabit tui in thei pa cang in siahkhon tu te le misual tei phialpih ngualcam in cang hitin, ti leleu uh ci. Mah naven, cihnak le dikcang nak thu cu dehnak in langtik hi” tin, thupia hi.
\s Sualsih nak nei ngawl mi khuapi
\p
\v 20 Thasiah huai tampi a bawlnak khuapi ten sualsih nak a neih nuam haw ngawl hang, Topan mahmi khua te cu mawhsiat in;
\v 21 Kho-ra-zin khuapi te aw thupha muicu co tuk ma uh ci. Betsaida khuapi nang cu thupha co tuk ma ci. Itahum titale nohtei lakah a bawl mi thasiah huai a lamdang te, Tai-ar khuapi le Sidon khua ah ka bawl ta a hin, thangkhau puansilh vut bual in sualsih nak bawl ceng haw tuk toh hi.
\v 22 Mah naven, nohtei lakah ka hilh mi cu thukhen nak ni ten Tai-ar khua le Sidon khua te sang thuak saw tuk uh ci.
\v 23 Kapernuam nang cu van khong tian minthan nak na co ta vang, hell ngam leng ah cak tuk ci. Itahum titale, na bawl mi thasiah huai a lamdang te Sadom khua ah na bawl ta en, mahmi khuapi cu tu ni tian um leng tuk laih hi.
\v 24 Mah naven, nohtei lakah a hilh mi thukhen nak ni ten Sadom khua sang thuak saw tuk uh ci” tin, thupia hi.
\s Daihnak piatu Pathian
\p
\v 25 Mah laih tak Zisuh in, “Van le lei uktu kapa, Topan micip te le mithiam tei lakah hi thu te sel in, naupang tei lakah a lang tik hang Topa cu thangphat ing.
\v 26 Mah tihbang deihnak a um hang, a man mi hi kapa.
\v 27 Kapa, Pathian in na hempoh ka lakah ap khawng zo. Kapa sial ngawl a kua mah in capa thei haw ma. Pa vang capa hi theihpih mite sial ngawl midang kuamah in thei bok ma hi.
\v 28 Vanngit pua in thincawl lungkham mite aw, ka nelah hung un, colhdam nak pia tung.
\v 29 Kei cu nun nem le niamkhiat nak thinlung nei ing. Ka kolhaak cu pua in ka nel pen cung in. Nohten thinglung colhdam nak co tuk uh ci.
\v 30 Itahum titale, “Ka kolhaak cu puak nop in ka van te vang zang no hi” tin, thupia hi.
\s Sabbath ni Topa
\c 12
\p
\v 1 Zisuh cu colh ni in sangvut cinnak lo ah heng in nungzui tute a ningkial haw hang, cang-cang zut in na ei haw.
\v 2 Farasi ten a muh haw hang, Topai nungzui te colh-ni in bawl tuk ngawl mite bawl haw tin a tih-lih haw ten,
\v 3 Topan a ngualcam David cu a ngualcam te tuah ningkial zet in a um ten,
\v 4 Pathian inn-sungah lut tum a mah le a ngualcam te eih phal ngawl, thiampi te bek eih-mi moh cu ei haw hi.
\v 5 Thiampi te vang biak innsung ah colhni ten cawl ngawl in a palcat ta vang, sual haw ma hi tihmi Dan-thu sial awngma uh ci maw?
\v 6 Nohtei lakah ka hilh mi thu cu biakinn sang ngeng saw mi pa um hi.
\v 7 Nganhing biakpiak bawlnak sang hehpih lainat nak saw khi deih ing hi” tin, Laithiangtho in ithu son nuam hum tih cu nohten na thei uh tale, sualnak a nei ngawl mitei sual thukhen sak tuk ma uh ci.
\v 8 Itahum titale, mi capa cu colh ni uk tu hi” tin, thupia hi.
\s Khut langkhat thi pa dam tik nak
\p
\v 9 Topa cu mah lai khuapen tul in pumkhawm nak inn sungah tum hi.
\v 10 Mah lai pen khutzawng-pa, pakhat a muhten Topa cu sual a zeih nuam haw hang, “Colh ni” in tidam tik cu Dan thu deihnak um maw” tin, thu dong haw.
\p
\v 11 Topan “Nohtei lakpen mi pakhat in tuu pakhat nei in mahmi tuu cu colhni in khuk sungah a cak kha bang a hin la leh ngawl in um ni maw?
\v 12 Mihing cu tuu sang man nei saw ma maw? Mah hang, colh ni in thilpha bawl mi cu Dan tuah a kaihmi hi” tin, thupia hi.
\v 13 Mah khut zawngpa cu “Na khut zaak in” tin, ti hi. A man a khut zak in a langkhat lam bang in dam hi.
\v 14 Mahten, Farasi te heng in Topa cu itin thah theih tuk hum tin thusiam khawm haw hi.
\s Pathian na dehnak
\p
\v 15 Zisuh in hi thu te a theih ten mah lai mun pen tul in mi tampi ten a nungah a zui haw hang, a muh tei natnak hempoh te dam tik hi.
\v 16 Zisuh in a ma thu thei khawng tuk ngawl in ngallin nak pia hi.
\v 17 Mahmi thu cu Pathian kamsang Isaiah hi tihmi a kimnak tuk thu hi.
\q
\v 18 Thupiak mi cu, “Zo un, hi mipa cu ka na dek tu tuk in ka ten mi ka thinlung hawvang deih mi ka ih-mi capa hi. A hum ah ka hawvang kho tik tung. A mah cu miphun hempoh tei lakah bangten in thukhen sak tuk laih hi.
\q
\v 19 A mah cu eldun in au nak bawl tuk ma hi. A aw vang lamzin lakpen a kuamah in thei tik tuk ma hi.
\q
\v 20 Thudik cu nehnak tuah a hen theihnak tuk in, a mah cu cilpek mi pumpeng kung hei ek-tuah tuk ma, meikhu hei cuhmit tuk ma hi.
\q
\v 21 Miphun dang ten a min muansan upnak nei haw tuk hi” tin, thupia hi.
\s Zisuh le Beelzabuk
\p
\v 22 Mah ten khuasia vei mitcaw pakhat cu a nelah hawhpih haw in, Topan mahmi pa cu damnak a piak hang awnthei in khua mu leh hi.
\v 23 Mah ten mi honpi ten lamdang sazet, “Hi pa cu David capa ngangai nen tih maw” tin, ti haw.
\p
\v 24 Farasi ten a theih haw ten, “Hi pa cu khuasia bawi Beelzabuk min suang in khuasia te a hawlvawl mi hi” tin, ti haw hi.
\p
\v 25 Mah naven, Zisuh in a muhtei ngaihsut nak te a theih hang” mah le mah lemdun ngawlin khenkek tale siatnak ah heng tuk hi. Khuapi, khuano hihen, innsung sang tek ah vang kho tuk ma hi.
\v 26 Saihtan in Saihtan a hawlvawk tacun a mah le mah do un in khenkek tuk hi. Mah hang, itin kaw a ngam cu a kho thei tuk?
\v 27 Beelzabuk suang in khuasia hawlvawk ka hi tale a ca haw te a kua suang in hawlvawk haw hum? Mah hang, a muhte cu nangmuh thukhen tute hi haw tuk hi.
\v 28 Mah naven Pathian hawvang suang in khuasia te ka hawlvawk a hitale Pathian uknak ngam cu nohtei lakah heng zo hi.
\v 29 Thangil ngalhang pa cu a masa kencih ma tale a kua in thangil ngalhang pai inn-ah luttum thei tuk hum? Thangil ngalhang pa cu a ken cengten a inn subal in lonsak thei tuk hi.
\v 30 Keima lam ah a um ngawl mite cu keimah a do tute haw hi. Keimah tuah a kom ngawl mite mundang ah khen kek tik tupa hi.
\s Hawvang thiangtho sonsiat nak
\v 31 Mah hang nohtei lakah ka hilhmi cu mihing ten Pathian sonsiat nak le sual namkim pen ngaihdam nak thu mihing ten co thei hi. Hawvang thiangtho sonsiat sual cu ngaihdam theih nak thu mihing ten co thei haw ma hi.
\v 32 Mi capa sonsiat donak te ngaihdam nak a um ta vang, Hawvang thiangtho do in sonsiat mi cu a tu a nun nak pen hei in hihen, a heng tuk laih mi a nunnak ah hei hihen, ngaihdam nak um ma hi.
\v 33 A kung cu a ngah in a theih uh bang bok in a ngah pha tale a kung pha hi tih thei ta un.
\v 34 Ngulsia phun te aw, noh misual ten thilpha itin kaw na sontheih tuk uh. Itahum titale, thinlung sung pen a dim a val te kampen tul li hi.
\v 35 Mipha ngawl ten a pha mite thilpha koih nak pen suak tul hi. Mipha ngawl ten a pha ngawlmi sung pen suaktul bok hi.
\v 36 Nohtei lakah ka hilhmi cu mihing ten thupi ngawl a ot uh nak hang, thukhen nak ni ten thei ciang leh khawng tuk hung hi.
\v 37 Itahum titale, na awnkam uh bang in sual thukhen nak co leh tuk ci’tin, thupia hi.
\s Jonah
\p
\v 38 Mah cengten, Dan hilhtu saza hekkhat te le Farasi ten, “Saza pa kohten na lakpen lamdang thasiah huai te mu nuam ung hi” tin, Topai nelah ti haw.
\p
\v 39 Topan, mipha ngawl miphun te aw, lamdang thasiah huai na ngen uh ta vang Pathian kamsang Jonah na lamdang thasiah huai sial ngawl a lamdang thasiah huai lak tuk um ma hi.
\v 40 Itahum titale, Jonah cu ngapi pum sungah nithum le zanthum a um bang bok in mi capa vang leipi sungah nithum le zanthum um tuk hi.
\v 41 Thukhen nak a neihten Ninaveh khuaten, hi miphun tuah munkhat ah tho kawm in, hi miphun tei sualnak te tang tik haw tuk laih hi. Itahum titale, a muh te cu Jonah hilhnak hang sualsik haw hi. Zo un. Hi lai ah Jonah sang ngeng saw pa um hi.
\v 42 Thukhen nak ni a hen ten hanglam ngam pen kumpi nu cu hi miphunte tuah tho ngel in, mahmi miphun tei sualnak lang tik tuk hi. Itahum titale, a mah cu Solomon hi cihthiam nak awnkam te ngai in leipi mawk pen hung tuk hi. Zo un. Hi lai ah Solomon sang ngeng saw um hi.
\s A nawngkai mi khuasia a hen kik lehnak
\v 43 Khuasia cu mihing sung pen a tul tale ngamko lakah vak kawkawi in colhnak tuk mun zei hi.
\v 44 Mah naven, zei in a muh ngawl ten ka tul nak inn ah kik leh tung hi” tin, kik leh in mahmi um nak tuk lawng hilhial buakphiah siuhseuh a um mi cu mu hi.
\v 45 Mah naven, mah lai ah hawh in a mah sang sehuai saw khuasia salih te le a mah tuah in tum haw. Mahmi pa cu a masa te sang sehuai saw hi. Mipha ngawl mah miphun tei lakah mah tihbang bok cang tuk hi” tin, thupia hi.
\s U le nau suahpih ngangai
\p
\v 46 Topa cu mihonpi tei lakah thuhilh laih tak Topa a nu le a nau ten Topa cu otpih nuam haw hang, pawlam ah ding leng haw.
\v 47 Mah ten mi pakhat in, “Topa a nu le a nau ten Topa otpih nuam in pawlam ah ding leng haw” tin, ti hi.
\p
\v 48 Topan, “A kua ka nu a, a kua te kaw ka U le nau te hum” tin, a nel ah a hilh tupai lakah don leh hi.
\v 49 Mah cengten, a nungzui tu tei lamah a khut zakin hi mite cu ka nu, ka U le nau te hi.
\v 50 Itahum titale, vanhum ah a um mi ka pai deihnak a bawl tute cu ka U, ka nau, ka-nu hi” tin, thupia hi.
\s An ci vawh pa a tehkip nak
\c 13
\p
\v 1 Mahmi ni leng in Zisuh cu inn pen tul in tuipi mawk lam ah a khun laih tak,
\v 2 Mihon tampi te a nel ah a hen khawm haw hang, Topa cu hawmkuang sungah lut tum in khung hi. Mi hon tampi te cu mual hum ah khung haw hi.
\v 3 Mah ten Topan thu tampi tehkip nak tuah a muhte a hilh mi cu, “ngai un. An ci vawh tupa cu an ci vawh tuk in tul hi.
\v 4 Mahmi an ci a vawh laih tak an ci hek khat te lampi ah a cuk hang, vano te heng in mahmi an ci te ei khawng hi.
\v 5 A hek khat te cu leidawm no suangkhol lakah cuu in, lei ngam a dawm hang ankung te po paih hi.
\v 6 Mah naven, nisuak tul in ni sa a thuak ten thim in ko ta hi.
\v 7 A hek khat te ling lak ah cuu in lingkung ten dep hi.
\v 8 A hek khat te cu leipha nak mun ah cuu in let sawmthum, a let sawmluk, let zakhat pung in ngah hi.
\v 9 Beng a nei miten za haw ta hen’tin, thupia hi.
\s Tehkip nak thu
\p
\v 10 Nungzui tute a nel ah heng in, “Topa ita nge a muhtei lakah tehkip nak thu na son cu” tin, ti haw hi.
\p
\v 11 Topan, “Nohtei lakah vanhum ngam uknak thu sel mite theihnak pia ta vang a muhte theihnak thu a piak khak ngawl hang hi.
\v 12 Mi pakhat in hausa thei hi. Mahmi pan a hauhsak nak tam sesem thei tuk in pia tuk laih hi. Mi pakhat cu zawng zet hi. A neih nak hempoh te laksak co tuk hi.
\v 13 Hi thu hang a muhtei lakah thu tehkip nak tuah ka hilh mi hi. Itahum titale, a mun zo li haw naven, mu haw ma, za haw naven thei haw ma hi.
\p
\v 14 Kamsang Isaiah hilh ham mi cu a muhtei lakah kim hi. A hilhmi thu cu, “Nohten za leng napi in thei thei hihim ma uh ci, zo napi in mu thei him ma uh ci.
\q
\v 15 Itahum titale a muhtei thinlung cu sia suak zet, beng le bul, a mit te le khua mu ngawl in um hi. Mah ahima tale a mun mit in mu, beng in thei in a thinlung thek nak a neih haw hang, a muhte dam tik tung” tin, ti hi.
\v 16 Mah naven, nohtei mit in mu in, beng in na zak uh mi na theih uh hang thupha um hi.
\v 17 Nohtei lakah thungai in ka hilh mi cu nohten na muh uh mi thu te, kamsang te le dikcang nak a nei mi tei muh theih tuk in deihnak um naven mu haw ma hi. Nohtei zak mi thu te theihnak nei tuk in deihnak a um ta vang thei haw ma hi.
\s An ci vawh tupai tehkip a hilhcian nak
\v 18 An ci vawh tupai tehkip nak a sullam a tihnop nak cu ngai ten un.
\v 19 Lampi ah an ci cu vanhum uk nak za in a thei ma tale khuasia ten a thinlung sung in an ci te laksak leh thei hitin, a tihnop nak hi.
\v 20 Suang khol umnak ah anci cu thuzaak nak nei in lungdam nak thinlung tuah a co ngah cop mite a tihnop nak hi.
\v 21 Mah naven, Topan a zung man ngawl tak cu ngeikho ma hi. Pathian thu hang zawn le ngaunak a hima tale, bawlsiat nak a hen ten thinkiam paih haw hi.
\v 22 Lingkung lakah anci a cuu tih mi cu Pathian thu thei naven leihum haksat nak hang, lau nak le haksak zol nak ten thuthangpha kham in a ngah ngah thei ngawl mite a tihnop nak hi.
\v 23 Lei ngam pha hum ah a cuu mi an ci cu Pathian thu za in a thei mite hi. Mah tihbang mite cu a thungai in a ngah ngah in, hekkhat cu let sawmthum, a let sawmluk, a let zakhat pung in a ngah ngah thei hi” tin, thupia hi.
\s Sangvut le hampa ci tehkip nak
\p
\v 24 Tehkip nak dang a piak mi cu, “Vanhum uknak ngam cu lo sung ah anci pha tuah bang ve hi.
\v 25 Mah naven, mihing te a hihbuh laih tak a ngal te heng in anci pha te tuah a bang ve mi hampa ci cang te lo sung ah hawh in vawh haw hi.
\v 26 An kung te po a ngui te a tul ten hampa ci te vang lang khawng ta hi.
\v 27 Mahten, lo nei tu pai na deh tuten lo nei tu inn tek pai nelah hawh in, “Topa aw, lo sungah anci a pha bek vawh ta ma maw? Hampa kung te i lai pen po haw nen tim” tin, dong haw hi.
\p
\v 28 Lo nei tupan, “Hi te cu ngal tei bawl mi hi” tin, thupia hi. Mahten a na dek tuten mah a hitale kohten hawh in hampa te bot ni ung maw tin dong haw.
\p
\v 29 Mah naven, lo nei tupan bot ngawn pah sun. Hampa kung te na bawh uh ten sangvut kung te bot kha tuk lauhuai em hi.
\v 30 An kung te ah hun tian a panih in khang ngel hih ta poh hen. An kung te ah huncan a hen ten, hampa kung te a masa bot in, meihal kang tukin a lom in ken un. Sang vut cang te cu ka beem sung ah koih un” tin tiin, lo nei tu inntek pai tih nak bang in’ tin, ti hi.
\p
\v 31 Topan tehkip nak a piak leh mi cu, “Vanhum uknak ngam cu ankam ci cang tuah na bang ve hi. Mah mi ankam ci cang cu la in a lo sungah a vawh ten,
\v 32 Mahmi ankam ci cang cu anci dang hempoh te sang neu saw hi. Mah naven, khangto in a um ten a dang ceh hing an ngah te sang ngeng saw in a kangkak te ah vanhum a leng mi vano te heng in busa tham thei tuk tian a kung cang hi” tin, thupia hi.
\v 33 A dang tehkip nak a son leh mi vanhum uknak ngam cu naman tuah bang ve hi. Numei nu in naman cawi in, cang ngawivam tangthum (3) sungah a lawi hang, cang ngawivam te polh tik thei hi” tin, thupia hi.
\p
\v 34 Zisuh in hi thu tehkip nak te mi honpi tei nel ah hilh hi. Tehkip nak um ngawl in hilh awng ma hi.
\v 35 Mah a hih hang, Pathian kamsang tih mi cu ka kam pen a tul mi tehkip nak te hilh ing. Leipi a pian penpan a sel mi thu hempoh lang tik tung tin a son awng mi thu te a kim nak tuk hi.
\s Sang vut le hampa kung a tehkip thu hilhcian nak
\p
\v 36 Mah cengten, Zisuh in mipi te zam in inn sungah lut tum hi. Nung zui tuten a nel ah nek haw in, “Lo sung ah hampa kung tehkip nak te kei muhte hilh in hi” tin, ti haw hi.
\p
\v 37 Mah ten Topa in, “A pha mi anci vawh tu cu mi capa hi,
\v 38 Lo cu hi leihum hi. A pha mi anci cu vanhum uknak sung a cate hi. Hampa kung cu Dawihmangpa hi.
\v 39 Hampa kung anci vawh tu ngalpa cu Dawihmang pa hi. Ankung cop hun can cu leipi bo ten tuk hi. Ankung cawm a at tu tuk cu vancung mite tuk hi.
\v 40 Mah hang, hampa kung te bot in mei ah a hal haw bang, leihum pi hun bo in a tawp ten vang mah tih bang bok tuk hi.
\v 41 Mi capa in vancung mite hah in a muhtei sual bawl tik tu te le thilpha ngawl a bawl tu hempoh te a uknak sung pen a pawlam ah vawk tuk hi.
\v 42 Kah nak le ha ngawinak mun meipi sungah vawk haw tuk hi.
\v 43 Mah ten, midik te cu a muhtei pai uknak ngam sungah ni bang in vak haw tuk hi. Beng a nei tuten za haw ta hen.
\s Van sel neih mi le a man nei mi thil tehkip nak
\p
\v 44 Vanhum uknak ngam cu lo sungah thil sel mi tuah bang ve hi. Mahmi thil sel a mu tupan a sel leh cengten, lungdam zet hawh in a neihmi hempoh zuak in mahmi lo cu lei hi.
\v 45 Vanhum uknak ngam cu kep suang manpha zei tupa tuah bang ve hi.
\v 46 A mah cu thilman pha kep suang pakhat a muh ten, hawh in a neihmi thil hempoh zuak in mahmi kep suang cu lei hi.
\s Ngasa mat nak suuk tehkip
\p
\v 47 Vanhum uknak ngam cu lo sungah koih mi ngasa phunkim mat nak suuk tuah bang ve hi.
\v 48 Ngasa dim in a um ten ngasa man tuten mual hum ah dok in khungthah a pha mi ngasa te cu,
\v 49 Mah bang bok leihum hun a bo ten vancung mite tolhsuk in, dikcang nak a nei tutei lak pen mipha ngawl mite khen tum in,
\v 50 Mei pi sungah vawk haw tuk hi. Mah lai mun cu kah nak le hacang ngawi nak hi.
\p
\v 51 Hithu hempoh nohten thei khawng uh cim tin dong hi. Nungzui ten” thei ung hitin don leh haw hi.
\p
\v 52 Topan, vanhum uknak ngam thu hilh nak neihmi Dan hilh thiam saza hempoh te a muhtei neih mi sung pen a thak le a lun te pholhsuah mi inn tek pa tuah bang ve hi” tin, thupia hi.
\v 53 Zisuh in hi thu tehkip nak te a hilh cengten mah lai mun pen na tul ta hi.
\s Nazaret khua tei san ngawlnak
\p
\v 54 Mah cengten, Topa cu a mu umnak khua ah heng in pumkhawm nak inn ah mipi te thuhilh hi. Mah ten mipi ten lamdang sa zet a um haw hang, hi mipai cihnak le huham te i lai pen ngah hum?
\v 55 A mah cu lettama pai capa hima maw? A nu cu Mary tihmi khi hima maw? A nau te cu Jakop, Josep, Simon le Judah hima maw?
\v 56 A cel nu te vang eimuhte tuah um ngel li mite khi hima maw? Mah ahitale, hi pa cu thil hempoh te i lai pen ngah nen tim” tin, son li haw.
\v 57 Topa cu sang thei haw ma hi. Zisuh in, Pathian kamsang cu a umnak khua le inn pen ituk mah ten minthan nak ngah ngawl in a dang umnak mun pen minthan nak nei hi” tin, a muhtei lakah thupia hi.
\v 58 Khua sung miten a up haw ngawl hang, mah lai mun pen a lamdang huham te lak ma hi.
\s Baptisma pia tu saza Johan thu
\c 14
\p
\v 1 Mah laih tak uktu Herod cu Zisuh thu a zak ten;
\v 2 A mah cu baptisma pia tu saza Johan hi. A mah cu a thi mitei lak pen tho leh hi. Mah hang, a lamdang huham te bawl thei hi” tin, ti hi.
\p
\v 3 Itahum titale a U nau Filip nupi He-ro’di-as thu hang, Johan cu man-in thawnginn-ah khia hi.
\v 4 Itahum titale Johan in, “Nangman mahmi numei nu long tuk cu Daan thu tuah lemcang ma hi” tin, Herod a hilh hang hi.
\v 5 Herod in Johan that nuam naven mipi te lau hi. Itahum titale, a mun Johan cu kamsang pakhat in a ngaihsut haw mi hi.
\p
\v 6 Mah cengten, Herod hincam puai a hen ten He-ro’di-as ca-nu cu lam in Herod hi thinlung khengkha tik hi.
\v 7 Mah hang Herod in na nget mi hempoh pia tung hi” tin, thukam hi.
\v 8 Mahmi nu-mei naupang nu’n a nui sosuah nak bang, “Baptisma pia tu Johan lu cu dal kuangdai hum ah keimah pia in” tin, thukam bawl hi.
\v 9 Kumpi pa cu a thinnop zet a um ta vang thukam bawl mite hei hihen, a muhte tuah munkhat in an kuangkil langkhat mi puai nak ah a um mipi tei mitmai zo in pia tuk in thu a piak ten;
\v 10 Thawnginn sungah Johan lu cu talhtawng tik hi.
\v 11 Mah cengten, Johan lu dalkuang dai sungah koih mi cu cawi in numei naupang no pia in, mahmi naupang numei nu in a nui lakah cawi in hawhpih hi.
\v 12 Mah ten Johan nungzui tute heng in a luang la in vui haw ta hi. Mah cengten, Zisuh lakah hawh in son haw.
\s Mihing thawngnga an do nak
\p
\v 13 Zisuh in mahmi cu a theih ten mah lai pen tul hawmkuang khung in, hampa lak miveng nak mun ah hawh hi. Mi hon tampi ten a theih haw ten, khuapi pawlam ah tul in a nung pen ke tuah zui haw.
\v 14 Topa cu hawmkuang pen tolh in, mihon tampi mu in a muh tei hum ah hehpih nak a neih hang dam ngawl mite dam tik hi.
\v 15 Mahmi ni taklam ten nungzui tute a nel ah hawh in, “Hi lai mun cu mihing um ngawl nak a hih toh hang, khua vang thim zo. Mipi te khua sunglam ah hawh in a muhtei eih tuk te lei tuk in a muhte tik in hi” tin, ti haw hi.
\p
\v 16 Mah naven Zisuh in, “A muhtei hawh tuk cu phal ma hi. Nangmun a muhtei eih-tuk pia un” tin, nungzui tei lakah thupia hi.
\p
\v 17 Nungzui tuten, “Kohten hi lai ah moh panga le ngasa panih sial ngawl imah um ma hi” tin, Topai nel ah don leh haw hi.
\p
\v 18 Topan, “Mahmi moh panga le ngasa panih cu ka lak ah pia un” tin, thupia hi.
\v 19 Mah cengten, mipi te cu hampa cam humah khung tik in moh panga le ngasa panih la in vanhum lam zo in lungdam thu a son cengten, moh cu bot kek in nungzui tute pia hi. Nungzui ten mipi te sem haw hi.
\v 20 Mipi ten ei in khampek haw hi. A eih celhten, a val mi muk cu khon in bawm hei nih dim hi.
\v 21 A ei tute cu numei le naupang tel ngawl in pano thawngnga hawng kim haw hi.
\s Tuipi humah a hawhnak
\p
\v 22 Mah cengten, Topan nungzui tute tuah hawmkuang sungah kaicih vawk haw in tuipi ngalkhat langlam ah hawh ham tik in, mipi te vang pin khawng tik hi.
\v 23 Mipi tei pin cengten, Topa cu thungen tuk in mual hum ah a mah bek hawh hi. Ni taklam huncan a hen ten mah lai mun ah Topa a mah bek um hi.
\v 24 Mah laih tak hawmkuang cu tawkmawh khua la heng zo hi. Mah ten, huihpi na siazet a theu hang, tuicawk pi hi sehvawk kaw kawi thuak haw hi.
\v 25 Zinglam vak tuk kuan ten, Topa cu tuipi hum ah hawh in a muhtei lak ah nek li hi.
\v 26 Nungzui tuten tuipi humah Topa hawh li a muh haw ten can taw tok lau in, “Thila” hitin, lau thah zet in au haw.
\p
\v 27 Zisuh in lau pah sun. Kei mah ing hi. Lau pah sun” tin, a muhtei lakah thupia hi.
\p
\v 28 Mah laih tak Pita in, “Topa Pathian, Topa ngai na hitale Topai nelah le tuipi hum ah ka hawh theih bok nak tuk in thupia in hi” tin, ti hi.
\p
\v 29 Topan, “Hung in hi” tin a tih ten, Pita cu hawmkuang pen tolh in tuipi hum ah hawh in Zisuh nelah hawh hi.
\v 30 Mah naven, huihpi theu na sia zet a muhten lau in a um laih tak, “Topa Pathian, kei mah pan in hi” tin, au hi.
\p
\v 31 Mah laih tak Zisuh in a khut zaak to cih paih in Pita cu a khut tuah len in upnak dawm nei pa, “Ita muankhom nak nei ma cim” tin, thupia hi.
\p
\v 32 Mah cengten, a muhte cu hawmkuang sungah khung leh in huihpi cu cawl ta hi.
\v 33 Mah ten hawmkuang hum ah a um miten Topa cu bia in, “Topa cu Pathian capa ngangai hi ci” tin, ti haw hi.
\s Kenesaret khua ah tidam tik nak
\p
\v 34 Mah cengten, a muhte cu tuipi hum tawn in Kesanaret khua ah heng haw.
\v 35 Mah lai mun ah a um miten Topa cu a theih haw laih hang, mah lai elkim hempoh ah a mihing hah in dam ngawl mi hempoh a lakah pui haw hi.
\v 36 A muhtei lakah Topai puancep no tawngkha tuk in phal nak ngen haw. A tawngkha tu hempoh tidam nak co haw.
\s Pu le Pa tei Daan thu
\c 15
\p
\v 1 Mah ten, Jerusalem khua Farasi te le Daan hilh tu saza te Zisuh nel ah heng in,
\v 2 “Nungzui tuten ita pu le pai Daan palcat khawng thei haw hum? Amun an a eih haw ten a khut som haw ma hi” tin, ti haw hi.
\p
\v 3 Topan, “Nohten Daan te suang in Pathian thukham ita palcat uh cim?
\v 4 Pathian thukham cu nu le pa U pat in. Mi pakhat in a nu le pa awnkam tuah sual bawl hi. A mah cu thah co tuk” tin, thupia hi.
\v 5 Nohten, a kua a bang a nu a himatale a pa cu ka co vo laksawng in cang ta hen tin, ti uh ci.
\v 6 A man a nu le pa hei U pat tuk kul ma poh hitin, ti hi. Mah tihcun, nohten a muhtei Daan thu hang, Pathian thu awnkam vawk uh ci.
\v 7 Thu im thei mi nang muhte tuah seng in Pathian kamsang Isaiah in;
\v 8 Hi miphun ten a kam bek in keimah U pat haw. Mah naven, a muhtei thinlung cu keimah tuah khua la zet hi.
\q
\v 9 A mun mihing tei daan piak mi hilh dun in, keimah a biak haw mi cu imah thupi nak um ma hi’ Pathian kamsang hilh mi cu man nga ngai hi” tin, thupia hi.
\s Sunglam pen a tul mi sualnak
\p
\v 10 Mah cengten Topan mipi te a ma nel ah sam in, “Thu ngai in thei thiam ta un.
\v 11 Sunglam ah a lut-tum mite cu mihing sual tik ma hi. Sunglam pen a tul mi in mihing sual tik saw hi” tin, thupia hi.
\p
\v 12 Mah laih tak nungzui tute a nel ah hung in, “Farasi ten a thu hilh mi a theih haw ten, lungkim ngawl in do haw tuk hi tih mi Topa nang thei a cim” tin, dong haw.
\p
\v 13 Topan, “Vanhum ka pai phut ngawl mi thingkung hempoh a zung te hei tang ngawl in bot khawng tuk laih hi.
\v 14 A muhte cu um hih haw ta hen. A muhte cu mitcaw lamhuai tute haw hi. Mitcaw miten lamhoih nak a nei haw tale a panih in khuk sungah cak haw tuk hi” tin, thupia hi.
\p
\v 15 Pita in, mahmi tehkip nak kohtei lakah hilh in hi” tin a tih ten,
\v 16 Topan, “Nohten a tu tiang thei thei ma uh ci maw?
\v 17 Sunglam ah a luttum mi hempoh cu pumpi sungah heng in, mah cengten pumpi pawlam ah tulvawk hi” tih mi thei ma uh cim?
\v 18 Sunglam pen a suak mi cu thinlung pen tul in mihing te sual tik hi.
\v 19 Itahum titale, phat ngawl nak a ngaihsut mi thahnak, nu le pa sualnak, a dik ngawl mi nu le sual nak, ngukcak nak, zol thu son nak, mi sonsiat nak te thinlung sung pen a tul mi hi.
\v 20 Hi thu hempoh mihing sual tik tute hi. Mah naven, khut som ngawl in an eih cu mihing sualnak ah heng tik ma hi” tin, thupia hi.
\s Kanan numei upnak
\p
\v 21 Zisuh cu mah lai khua pen tul in, Tai-ar le Sidon ngam lamah hawh hi.
\v 22 Mah ten, mah lai mun pen Kanan numei nu pakhat hung in, “Topa Pathian, David capa keimah hehpih poh in. Ka ca nu khuasia vei in nasezet um hi” tin a au ten, kam khat no hei don leh ma hi.
\p
\v 23 Mah ten nungzui tute a nel ah hung in, “Hi numei nu in ka nung uh pen zui in a au het lih hang, a mah pin leh tik ngawn va le tin” ti haw hi.
\p
\v 24 Topan, “Kei cu Isarel miphun a pai mi tuu tei lak bek ah sial ngawl, miphun dang tei lakah hah mi kha mang hi” tin, thupia hi.
\p
\v 25 Mah naven, mah numei nu hung in Topa cu bia hi. “Topa Pathian, keimah bawm in hi’ tin, ti hi.
\p
\v 26 Canu le capa tei eih tuk an la in uico no te piak cu pha tuk ma hi’ tin, don hi.
\p
\v 27 Mah numei nu in, “Mah zuh hi Topa Pathian, mah naven uico no te poh hei in a mah nei tutei cabuai pen a cak mi an thial te ei haw hi” tin, ti hi.
\p
\v 28 Mah ten Zisuh in, “Numei nu aw, na upnak ngeng zet hi. Na deih nak bang cang ta hen” tin a tih ten, numei nui ca nu cu mahmi huncan ten damnak ngah hi.
\s Mi tampi te tidam tiknak
\p
\v 29 Zisuh cu mah lai mun pen tul in Kalilee tuipi mawk a hen ten, mual hum ah kai in mah lai mun ahcun khung hi.
\v 30 Mah ten, mi tampi khelbai, mitcaw, tizawng, awnthei ngawl te le a dang natnak a nei tampi te pui in, Zisuh kebul koih in Topan a muhte dam tik hi.
\v 31 Mipi ten awnthei ngawl te awnthei in hihen, khut zawng kezawng ten dam, khelbai ten vak thei in, mitcaw ten khua mu thei haw tih a muh haw ten lamdang sa zet Isarel mitei Pathian cu thangphat haw.
\s Mihing thawngli an vak
\p
\v 32 Zisuh in nungzui te sam in, “Hi mipi te cu hehpih ningnat nak nei ing. Itahum titale a muhte cu keimah tuah nithum sung um ngel in, in le eih tuk imah nei haw ma hi. A muhte imah cawm ngawl pin leh tik thong tuk cu deih mang hi. Mah tihbang pin leh tik a hin, a muhte lamzin pen tha bo khawng haw tuk hi” tin, thupia hi.
\p
\v 33 Nungzui ten, “Kohten mihing hi zong ngai tam mipi te khampek in eih tuk mi moh cu hampa lakpen, itin kaw ka ngah theih tuk uh” tin, ti haw hi.
\p
\v 34 Zisuh in, “Nohtei lakah moh i zong kaw na neih uh” tin a dot ten a mun, “Moh salih le ngasa dawm no bek um hi” tin, don leh haw hi.
\v 35 Mah ten, Topan mipi te leihum ah khung tik in;
\v 36 Moh salih le ngasa dawm laih no cu la in lungdam thu a son cengten, hi moh te cu botkek in nungzui te pia hi. Nungzui tuten mipi te pia haw hi.
\v 37 Mipi te cu khampek ei haw in, a tang laih mi a thial te a khul leh haw ten bawm salih a dim ngah haw.
\v 38 A ei tu hempoh cu numei le naupang sial ngawl pa no thawngli kim hi.
\v 39 Mah mipi tei pin cengten hawmkuang khung in Makadala khua ah heng hi.
\s Lamdang thasiah huai bawl tuk ngetnak
\c 16
\p
\v 1 Mahten, Farasi te le Sadusi ten Topa cu sualsoh cul nuam in hung haw. Vanhum pen a cang mi lamdang thasiah huai te lak tuk in ngen haw.
\v 2 Topan, “Nohten tak-lam huncan a hen ten, “Van cu san in ni khua pha tuk” tin, ti thei uh ci.
\v 3 Zinglam ten mei ngo uap san pempum in a um ten, tu ni cu huihpi theu tuk tin ti thei uh ci. Thu-im thei mi nohten van zo in thukhen khuai ta vang hun le can a lamdang thasiah huai te thei thei ma uh ci.
\v 4 Muan tak ngawl zuanzam in le sualnak bawl miphun te na lamdang thasiah huai na ngen uh ta vang, Pathian kamsang Jonah thasiah huai sial ngawl imah na lamdang lak tuk um ma” tin, a don kik cengten a muhtei um nak mun pen tul in hawh haw ta hi.
\s Farasi le Sadusi tei naman
\p
\v 5 Nungzui tute tuipi ngalkhat lamah a hawh haw ten, moh ken tuk cu phawk ngil haw hi.
\v 6 Mah ten Zisuh in, “Farasi le Sadusi tei naman cu a cuang in cingcai tuk kul hi” tin, thupia hi.
\p
\v 7 Nungzui tuten, “Ohten moh a ken uh ngawl hang hi” tin, pakhat le pakhat thu son khawm li haw hi.
\p
\v 8 Mah tihbang a sonlih haw cu Zisuh in a theih ten, “Upnak dawm nei mite aw, nohten moh na ken uh ngawl hang pakhat le pakhat mawhsiat dun li uh kam?
\v 9 Nohten theih thiam thei ma uh cim? Moh panga cu mihing thawngnga ei in, bawm ii zong cawm khawm leh uh cim?
\v 10 Moh salih cu mihing thawngli ei in bawm ii zong kaw na cop uh tih mi thei leh ma zo uh cim?
\v 11 Moh thu tuah seng in nohtei lakah ka son ngawl nak thu ita thei thiam thei ma uh cim? Farasi le Sadusi tei naman te cingcai ta un hi” tin, thupia hi.
\v 12 Mah ten, nungzui tute cu Topan moh naman a sonnuam mi hi ngawl in, Farasi le Sadusi tei thu hilh te cingcai tuk in a son mi hi tih cu thei haw hi.
\s Zisuh Khrih a hih nak thu Pita hi phuan suahnak
\p
\v 13 Mah cengten Zisuh cu Sisaria Filipi tei umnak khua ah heng hi. Topan nungzui tei lakah, “Mitei sonlih haw mi capa cu a kua kaw tin thu a dot ten;
\v 14 “Mi hek khat ten, Topa cu Baptisma piatu saza Johan tih hei in hihen, a hek khat ten Elijah, a hek khat ten Jerimiah penpan Pathian kamsang pakhat hi” tin, ti haw.
\p
\v 15 Zisuh in, “Nohten keimah hi a kua tuk in um uh kam?” tin a dot ten,
\v 16 Simon Pita in, “Topa nang cu a nung mi Pathian capa Khrih hi ci” tin, ti hi.
\p
\v 17 Mah ten Zisuh in, “BarJonah Simon na hum ah thupha um hi. Itahum titale, hi thu te cu thi le sa in a hilh mi hi ngawl in vanhum ah a um kapai phuan tik mi hi.
\v 18 Na nelah ka hilh mi nang cu Pita hi ci. Hi suang hum ah ka Kohhran din tung. Mahmi Kohhran cu thihnak kongka ten neh tuk ma hi.
\v 19 Vanhum uknak tawhcang pia tung hi. Nang cu leihum pen hetcip in kennak neihmi hempoh leihum pen hei hetcip ken in um bok tuk hi. Leihum pen luat in a um mi hempoh vang vanhum pen luatnak co in um tuk hi” tin, thupia hi.
\v 20 Mah cengten Topa’n a mah cu Khrih hih nak thu a kuamah son tuk ngawl in a nungzui tei lakah thupia hi.
\s Zisuh in thinglamteh hum ah thi in a thawhleh nak tuk a hilh-hamnak
\p
\v 21 Mah huncan pen pan Zisuh a mah cu Jerusalem ah hawh in kum U ham te, thiampi U pa te tuah in le Daan hilhtu saza tei khut sung pen haksat nak tampi a thuak hang, thihnak thuak in nithum lawi ten a thawhleh tuk thu nungzui tutei lakah hilh pan hi.
\p
\v 22 Mah ten, Pita in Topa sam in Topai nelah mah tihbang thu ituk mahten piang ma tahen’ tin, ti hi.
\p
\v 23 Topa’n zo kik leh in Pita cu, “Saihtan pa ka nel pen tai ten. Nang cu ka ca siatnak le bah nak thu hi. Nang cu Pathian tuah a seng mi thu te ngaisung ngawl in mihing te tuah a seng mi te bek ngaisung ci’tin, thupia hi.
\s A thinglamteh a puaknak
\v 24 Zisuh in a nungzui tei lakah mi pakhat in ka nung a zui nuam a hitale mah le mah a deihnak zam in, a thinglamteh pua ka nungah zui tuk hi.
\v 25 Itahum titale, a nunnak a pan cop nuam mite cu a nunnak sung tuk hi. Keima hang a nunnak a pia ngam mite cu nunnak mu haw tuk hi.
\v 26 Mihing pakhat in leihum buppi a nei ta vang a hawvang a sung ta cun i nemcuam tuk hum? Mihing ten thil pakhat pia in a nunnak hawvang lei leh thei ni maw?
\v 27 Itahum titale, a vancung mite tuah a pai minthan nak keng in heng tuk hi. Mah ten mihing hempoh a muhtei deh man laksawng pia tuk hi.
\v 28 Nohtei lakah a thungai in mi capa cu uknak ngam kho in a tolh suk mi thu hi umnak munah a ding mi hek khat ten a muh laih ngawl in thihnak ah heng haw tuk ma hi” tin, thupia hi.
\s Mel theknak
\c 17
\p
\v 1 Niluk a kim cengten Zisuh in Pita, Jakop le a nau Johan te zawm in mual sang humah a tuam tum no sam hi.
\v 2 Mah ten, Topa cu a muhtei mai pen mel thek in a mai cu ni bang vak in a silh mi puan al cu vak sise ngo hi.
\v 3 Mosi le Elijah te vang a muhtei mai ah lang bok in Pita in, “Topa tuah otpih dun in um li haw hi.
\v 4 Mah laih tak Pita in, “Topa Pathian, hi lai mun ah ohtei ca um nak tuk pha hi. Topa na deihnak a um ta le hi laimun ah buk pathum cu Topa nangma ca pakhat, Mosi ca pakhat, Elijah ca pakhat, kohten saknak neih sak tuk ung hi” tin, Zisuh nel ah ti haw hi.
\p
\v 5 Mah tihcun Pita in a tih laih tak meingo in a muhte uap in meingo sung pen aw cu, “Hi pa cu ka ih zet mi ka capa hi. A ma awnkam na ngai ta un hi” tin, meingo sung pen aw suak hi.
\p
\v 6 Nungzui tuten a theih haw ten bopkhup in lau zet haw.
\v 7 Zisuh a hen ten a muhte zen in, “Tho un na lau pah su un” tin, thupia hi.
\v 8 A mun a zoh ten Zisuh sial ngawl a kua mah a dang mu haw ma hi.
\p
\v 9 Mah cengten, mual hum pen a tolh suk leh haw laih tak Zisuh in, “Mi capa cu a thi mitei lakpen a thawh leh laih ngawl in hi muhnak te a kua-mah nel ah son pah sun hi” tin, a muh tei lakah thupia hi.
\p
\v 10 Mah ten nungzui tuten, “Mah ahitale Elijah cu a masa in heng tuk hitin Daan thu hilhtu saza ten ita son haw kaw” tin, Topa cu dong haw hi.
\p
\v 11 Topan, “Elijah cu heng in ii hempoh tundin leh tuk mi cu a man mi hi.
\v 12 Mah naven, nohtei lakah ka hilh mi Elijah cu heng zo hi. Man naven, mihing ten a mah cu thei ngawl in a ma hum ah a bawl nuam mite bawl ceng khawng zo. Mah bang bok mi capa vang a muhtei khut ah haksat nak thuak tuk toh hi” tin, don leh hi.
\v 13 Mah ten, nungzui tuten Baptisma pia tu Johan cu sihsan in nungzui tuten Topai thupiak nak thu theih thiam haw hi.
\s Zisuh in khuasia vei naupang a dam tiknak
\p
\v 14 Mi tampi tei umnak ah a hen haw ten mi pakhat cu Zisuh nel ah hung a mai pen khuk din in,
\v 15 Topa Pathian, ka ca pa hehpih nak tuah bawm poh in. A mah cu caihnat, thihtun in na sia zet thuak hi. Mei sungah hei hihen, tui-sungah hei in hihen, a tu le tu in lumbah le lem thei hi.
\v 16 Nungzui tei lakah hetpih in a mun dam tik theihnak pia thei haw ma hi” tin, ti hi.
\p
\v 17 Zisuh in upnak nei ngawl zuanzam miphun, kei cu nohte tuah ituk huncan tian sup in thuak tuk laih nen tim? Nuapang pa cu ka nelah hetpih ta un hi” tin, thupia hi.
\v 18 Zisuh in khuasia pa cu thu a piak ten, khuasia pa cu naupang sung pen tai tul in naupang pa cu mah huncan penpan in dam hi.
\p
\v 19 Mah ten, nungzui tu a muhte bek Zisuh nelah hawh in, “Ohten khuasia te ita hawlvawk thei ma hum” tin, dong haw hi.
\p
\v 20 Topa’n, “Nohten upnak na neih uh ngawl hang hawlvawk thei ma uh ci. Nohtei lakah thungai in ka hilh mi cu nohten ankam ci tia upnak na nei uh ta, hi mualpi thawn hen tin ti tale mahmi mual cu thawn tuk hi. Upnak nei tale nohtei bawl theih ngawl mi um ma hi.
\v 21 Mah naven, mah tihbang khuasia te cu ancang thunget nak um ngawl in hawlvawk theih ma hi’ tin, thupia hi.
\s A thihnak tuk thu a hilh-ham veinih nak
\p
\v 22 Kalilee ngamah a um haw laih tak Zisuh in mi capa cu mihing tei khutsung ah apnak heng awn diak zo hi.
\v 23 A mun a mah cu that haw tuk hi. Mah ceng nithum lawi ten a mah cu tholeh tuk hi” tin, tiin nungzui tute thasia zet haw hi.
\s Biakinn siah piaknak
\p
\v 24 Kapernuam khuapi ah a nungzui te a hen haw ten Biakiin siahkhon tute cu Pita nel ah hung in, “Nohtei saza pan Biakinn siah pia maw tin, donghaw hi.
\p
\v 25 Pita in pia ung hi’ tin a don leh cengten inn sungah luttum in Zisuh in, “Simon nang itin ngaisung kam? A ca tei lakpen maw, midang tei lakpen kaw” tin a dot ten, midang tei lak pen siahkhon haw hi” tin, Pita cu kham in dong hi.
\p
\v 26 Pita in midang tei lakpen khon hi” tin, a tih ten Zisuh in, “Mah ahitale a cate cu luatnak co haw tuk hi.
\v 27 Mah naven, a muhte sual tik tuk ngawl in tuipi tingnak lamah hawh in ngasa siah tik hi. A masabel na ngah mi cu la un na, mahmi ngasa kam na kau uh ten paihsan piakhat cu mu tuk uh ci. Mahmi cu la un na, keimah le nangma ca a muhte pia in hi” tin, thupia hi.
\s A kua ngeng bel kaw
\c 18
\p
\v 1 Mah ten nungzui tute Zisuh nelah nek in, vanhum ngam uknak ah a kua ngeng bel tuk kaw” tin, thu dong haw hi.
\p
\v 2 Mah ten, Topan naupang pakhat sam in, a muhtei a laizang ah ding tik in;
\v 3 Nohtei lakah thungai in hilh ing. Nohten thinthek in naupang te bang na um uh ma tale vanhum ngam co tuk ma uh ci.
\v 4 Mah hang, hi naupang pa bang mah le mah a niamkhiat tu mite cu vanhum uknak ngamah a ngeng bel mi hi.
\v 5 Mah ten ka min in hi naupang no a co tute cu keimah a co tute hi.
\v 6 Mah naven, keimah a um tu hi naupang no pakhat cu mi pakhat in sual tik hi. Mah mipa cu an dennak sum ok in a thuk zet mi tuipi sungah khia a hin, a ma ca pha saw tuk hi.
\p
\v 7 Sualnak thu a um hang, hi leihum mite thupha nei haw ma hi. Sualnak thu cu um tuk hi. Mah naven, sualnak thu a piang tik tupa cu thupha um ma hi.
\v 8 Na khut le ke in nangmah a sual tik tale na khut le ke cu talh in. Khut le ke kim in kumkhua meipi sungah na thuak tuk sang, pumpi cangkim ngawl in nunnak ah luhtum mi cu pha saw hi.
\v 9 Na mit in nangmah a sual tik tale na mit cu khek in. Mit langnih kim in hell ngam ah na thuak tuk sang, mit langkhat tuah nunnak ah tum tuk mi cu pha saw hi.
\s A pai mi tuu tehkip nak
\v 10 Nohten hi naupang no tei sung pen mi pakhat zotsak nautat nak bawl tuk ngawl in cingcai ta un. Ka hilh mi thu cu a muhtei vancung miten vanhum ah a um mi ka pai mit mai a cat ngawl in mu haw tuk hi.
\v 11 Mah bek sial ngawl mi capa cu a pai mite nunpan tuk in hung hi.
\v 12 Nohten itin ngaisung uh cim? Tuu zakhat nei pan tuu pakhat cu lampial in a pai tale mahmi pan sawm kuah le kuah te zam in, lamzin pial a pai mi tuu pakhat zei in hawh thei ma maw?
\v 13 A muh cengten, a pai ngawl mi tuu sawm-kuah le kuah lakpen lungdam nak a neih mi sang mahmi tuu pakhat cu lungdam nak um saw hitin, thungai in hilh ing.
\v 14 Mah bang bok vanhum ah a um mi nohtei pan hi naupang no pakhat a siat tuk cu deih ma hi.
\s U le nau sual te thu hilhnak
\p
\v 15 Mah hang na U nau ten nangmah sual a bawl tale a muhtei panih bek lakah hawh in a sual nak te thu hilh in. A man na thu hilhnak a ngai tale U le nau co ngah zo ci.
\v 16 Na thu hilhnak a ngai ma tale mihing panih pathum theihpih nak thu nei in awnkam hempoh kho tik tuk in, nangmah tuah mihing pakhat panih sam in.
\v 17 A man a muhtei thu imah sum sial ma tale Kohhran ah hilh un. Kohhran tei thu hilhnak imah a sumsial ma tale Pathian thei ngawl tute bang in hihen, siahkhon tute bang in hihen na ngaisung ta un.
\v 18 Nohtei lakah thungai in hilh ing. Leihum pen hetcip ken in a um hempoh te vanhum pen hetcip ken hi bok tuk hi. Leihum pen hah mi cu vanhum pen hah hi bok tuk hi.
\v 19 Nohtei lakah thungai in ka hilh mi cu nohtei lakah mihing panih in lungkim thunget nak a nei tale a nget mi hempoh vanhum ah a um kapan pia tuk hi.
\v 20 Itahum titale, mihing panih pathum in mun pakhat ah ka min suang in pumkhawm haw. Mah lai mun a muhtei umnak ah keimah um ing hi” tin, thupia hi.
\s Ngaihdam nak co ngawl mi na dek tu tehkip nak
\p
\v 21 Mah ten, Pita cu Topai nelah nek in ka U nau pan ka humah sual a bawl tale vei izong tiang kaw ka ngaihdam tuk? Vei salih tian maw’ tin, dong hi.
\p
\v 22 Zisuh in vei salih tian ti ngawl in vei sawmsalih hi let salih tian ngaidam tuk’tin, thupia hi.
\v 23 Mah-hang, vanhum uknak ngam cu a sila ten cazin la tuk in a nei mi kumpi tuah bang ve hi.
\v 24 Cazin a laak laih tak tangka a thawng a za in leibat nei mipa cu a mai ah hunpih haw hi.
\v 25 A mah cu leibat a loh theih ngawl hang, a mah le a zi le catei neihmi hempoh zuak in a leibat lohta hen” tin, a kumpi pan thupia hi.
\v 26 Mah ten, mah a sila cu bopkhup a Topa bia in, “Keimah hehpih ngaihdam in tin ti hi. Ka leibat hempoh loh tung hi” tin, ngen hi.
\v 27 Mahmi sila pai Topa cu hehpih nak thinlung tuah a mah cu zah in, a leibat a neih mi hempoh lohsak hi.
\v 28 Mah naven, mah sila pa cu tul in a nelah tangka zakhat leibat a nei tu sila pa tawk a mah cu man a longpen san in, na bat mi tangka keimah pia in hi” tin, ti hi.
\p
\v 29 Mah ten, a sila pa cu bok in keimah ngaihdam in hi. Ka lei bat cu loh tuk poh ing hi” tin, ngen hi.
\v 30 Mah naven, a man ngaidam thei ngawl in mahmi sila pa cu leibat a piak leh theih lak lawh, thawnginn sungah khum hi.
\v 31 Mahmi thu te a dang sila ten thei in a lungmu sungah nop him ngawl in a bawl mi hempoh a muh tei Topai nelah hilh haw hi.
\p
\v 32 Mah ten Topan, mahmi sila pa cu sam in sila pha ngawl pa na leibat hempoh ka nelah hehpih na kut hang, na ca tuk lohsak khawng ing.
\v 33 Nangmah ka ngaihdam bang bok nangman na ngualcam sila pa hehpih tuk in kun hima maw” tin, thupia hi.
\v 34 Kumpi pa cu a thinuuk leibat a neihmi a loh leh theih lak lawh thawnginn sung thu nei tutei khut ah ap ta hi.
\v 35 Nohten U nau pakhat le pakhat thinlung tak in a sualnak na ngaidam uh matale vanhum ah a um mi kapa in mah tihbang bok nohte cu thukhen tuk hi” tin, thupia hi.
\s Nupa khehnak tuah seng in a hilhmi thu
\c 19
\p
\v 1 Zisuh in thuthangpha a hilh cengten, Kalilee ngampen tul in Jodan ngun ngalkhat lamah a um Judah tei ngam mawk ah heng hi.
\v 2 Mi tampi ten a nungah a zui haw hang, Topan mah laimun pen a muhte dam tik hi.
\p
\v 3 Mah ten, Farasi hek khat ten sualsoh cul nuamnak tuah a nel ah hung in, “Mihing te ithu bang thu ah a nupi tuah khennak cu dan thukham tuah kaih maw” tin dong haw hi.
\p
\v 4 Topan a pat in bawl mi pano le numei panih bek bawl hi.
\v 5 Mahmi thu hang, pano in a nu le pa cu zam in a nupi tuah um ngel langkhat in a muhtei panih cu pumkhat in cang haw tuk hi” tin a tih awng mi thu nohten sial awngma uh cim?
\v 6 Mah hang, a muhte cu panih hi leh ngawl toh in pumkhat cang haw zo. Mah hang, Pathian kom mi cu mihing ten khensak ma hen hi” tin, thupia hi.
\p
\v 7 Farasi miten, “Mah ahitale khennak lai pia in nupi mak nak tuk, ita Mosi kham nak dan thu te pia hum” tin, dong haw hi.
\p
\v 8 Topan, “Nohtei lungmu hang Mosi in nohtei lakah nupi mak thei tukin thupia hi. Mah naven, a pat penpan in mah tihbang bawl mi hima hi.
\v 9 Mah hang, nohtei lakah ka hilh mi dan thu tuah kaih ngawl in sualnak na bawl uh hang hi ngawl in na nupi uh pua in, nui mei dang te a nei leh tu cu nu le pa sualnak a bawl tu hi” tin, thupia hi.
\p
\v 10 Nungzui tuten, “Nu pi le pasal tei peh dunnak cu mahtih bang a hi tacun, nupi nei ngawl in a um cu pha saw hi” tin, ti haw hi.
\p
\v 11 Topan, “Hi thu cu mi hempoh ten ngah thei ma hi.
\v 12 Itahum titale nui pum sung pen hei zi nei ngawl in a hing mi tampi haw hi. Mah hang, zi neih theih nak zam san in a um mihing tampi um haw hi. Vanhum uknak ngam ca zi nei theihnak te vang zamsan in a um tute hei na um bok haw hi. Hi thu te pomnak a nei tuten pom haw ta hen” tin, thupia hi.
\s Naupang te thupha piaknak
\p
\v 13 Mah ten naupang tei hum ah khutsuan thunget sak tuk in a nel ah pui haw hi. Nungzui tuten a muhte liat haw hi.
\v 14 Zisuh in, “Naupang te cu um haw ta poh hen. Ka nelah a hun haw cu kham pah su un. Itahum titale, vanhum uknak ngam cu hi tihbang mitei umnak ngam hi” tin, thupia in;
\v 15 A muhtei hum ah khutsuan cengten mahlai mun pen tul ta hi.
\s Hausa khangno milian pa
\p
\v 16 Mah cengten, mi pakhat cu a nelah hung in, “Saza pa aw kumkhua nunnak ngah tukin ii thilpha te bawl tung kaw” tin, dong hi.
\p
\v 17 Topan, “Phatnak thu tuah seng in ita kei dong kam? Pathian pakhat bek mipha hi. Kumkhua nunnak na co nuam tale thukham te zui in” tin, thupia hi.
\p
\v 18 Mahmi hausa pa’n ii thukham te tin a dot leh ten Zisuh in, “Mi that pah sin! Nu le pa sual bawlpah sin. Nguca pah sin. A man ngawl mi theihpih nak tetti bawl pah sin.
\v 19 Nu le pa U pat in. Nangmah tuah a seng mite cu nangmah na ih bang it in hi’ tin, thupia hi.
\p
\v 20 Mah khangno pan, “Hi thu hempoh te zui le bawl nak nei khawng zo ing. I te sam laih kaw tin dong hi.
\p
\v 21 Zisuh in cangkim nakah na heng nuam tale hawh in, na neih mi hempoh zuak khawng in mizawng te pia in. Mah tihbang na bawl tale nang cu vanhum thil neihnak te co ngah tuk ci. Mah cengten, ka nungah zui in hi” tin, thupia hi.
\v 22 Mahmi khangno pa cu milian hausa a hih hang, mahmi awnkam theih nak a neih ten thasia zet in tul ta hi.
\s Mlian hausa pa le Van ngam
\p
\v 23 Mah ten Zisuh in, “Nohtei lakah thungai in ka hilh mi, milian hausa pa cu Vanhum ngam ah a luh tuk haksa hi.
\v 24 Nohtei lakah ka hilh leh mi cu milian pan vanhum uknak ngam ah a luh tuk sang, kala-uk hio awng sungah luhtum cu baih saw tuk hi” tin, nungzui tei lakah thupia hi.
\p
\v 25 Nungzui tuten mahmi awnkam a theih ten lamdang sa zet in, “Mah-ahitale a kua te nunpat nak co haw tuk hum” tin, son haw hi.
\p
\v 26 Mah naven, Zisuh in a muhte a zoh ten, “Hi thu te cu mihing tei ca cang thei ma naven, Pathian in na hempoh cu cang thei hi” tin, thupia hi.
\p
\v 27 Mah ten Pita in, “Ohten a neih mi na hempoh te zamsan in Topai nungah zui haw. I thu te nem cuam nak co haw tuk hum” tin, dong hi.
\p
\v 28 Zisuh in, “Nohtei lakah thungai in ka hilh mi cu na hempoh a thak in a bawl huncan ten, mi capa cu a minthan nak tuah a dim mi kumpi tokham hum ah a khun ten, ka nung ah a zui tu nang muhte vang tohkham khun nak hei-nih hum ah khungin Isarel miphun nam heinih ten thukhen haw tuk hi.
\v 29 Ka min hang inn hei hihen, U le nau te hei hihen, canu capa hei hihen, lo ngam te hei hihen, a zamsan tute cu let zakhat thupha co in kumkhua nunnak lo co haw tuk hi.
\v 30 Mah naven, a masa bel mite cu dawlta bel in cang haw tuk hi. Dawlta te cu a masa bel in cang haw tuk hi.
\s Cabit huan na deh tute a tehkip nak
\c 20
\p
\v 1 Vanhum uknak ngam cu cabit huan na dek tute tha cial in, zing tung khua-ma no tul huan nei tupa tuah bang ve hi.
\v 2 A mah cu nikhat ah piakhat tuah na dek tute a lungkim cengten, cabit huan ah cun hen hi.
\v 3 Mah cengten, a mah cu zinglam nazi kuah hawng ten hawh in, mi dang te na dek ngawl in thilvan zuaknak mun ah ding in a um mite a muhten,
\v 4 Mahmi a muhte cu, “Nohte cabit huan ah hawh ta un. Na deh thaman co tak mi pia tung hi” tin a tih hang a mun hawh haw hi.
\v 5 Sun huncan le sunkai na zi pathum hun can ten vang a masa a hawh mite bang in bawl hi.
\v 6 Nazi heikhat ten vang a tul leh ten midang te ding li in a um haw mi cu a muh ten, “Ita na deh ngawl in hi-lai munah sun nilui ding in uh cim” tin dong hi.
\p
\v 7 A mun, “A kuamah in kohte tha cial ngawl hang tin a don haw ten huan nei tupan, “Nohte vang cabit huan ah hawh ta un hi” tin, ti hi.
\v 8 Taklam huncan a hen ten cabit huan nei tupan, “Na dek tute sam in khawnu bel in a hawh tute, a muhtei na deh tha man pia in hi” tin, na cingkem tu cu thu cah hi.
\p
\v 9 Mah ten taklam nazi panga hawng ten thacial mite heng in piakhat ten co haw hi.
\v 10 Amasa bel thacial mite vang heng in a mun a val ngah tuk ngaisung haw hi.
\v 11 Mahmi sum cu a co ngah haw ten, a mun
\v 12 Dawlta bel in a heng mite cu nazi pakhat sung bek na deh haw naven, sun nilui na dek ni sa cim nak a thuak mi kei muhte tuah bang ten cang tik hima maw” tin, cabit huan-nei tupai nel ah lungkim ngawl nak son haw hi.
\p
\v 13 Mah naven, huan nei tupan a muhtei sung pen mi pakhat in, “Ngualcam pa aw, na hum ah thu man ngawl in ka bawl mi um ma hi. Nang cu keimah tuah piakhat in lungkim hima ci maw.
\v 14 Na co vo thaman la in hawh in. Nangmah ka piak mi bang khawnu bel in a heng tupa vang pia tung hi.
\v 15 Ka neihmi van tuah ka bawl nuam mi thu te ka bawl theihnak tuk um ma maw? Mah ahima tale, thinlung pha ka neih hang, huat nak neih mi um maw’ tin ti hi.
\v 16 Mah bang bok khawnu in a heng mite cu a masabel a hih haw hang, a masa te cu dawlta haw tuk hi’ tin, thupia hi.
\s A thihnak tuk thu veithum a hilh hamnak
\p
\v 17 Zisuh in Jerusalem khuapi ah a hawh laih tak lamzin pen, nungzui tu heinih te a tuamtum no sam hi.
\v 18 “Ngai ten un. Ohte cu Jerusalem ah hawh hung hi. Mi capa cu thiampi U pa te le Daan thiam hilhtu saza tei lakah ap haw tuk laih hi. A mun, a mah cu thihnak thuak tuk in thukhen haw tuk hi.
\v 19 Zotsak cekpan bawlnak, vah thuaknak le thinglamteh humah taak bawlsiat in miphun dang tei khut sungah ap haw tuk hi. Mah naven, nithum ten a mah cu tholeh tuk hi” tin, thupia hi.
\s Jakop le Johan nu tei hehpih ngetnak
\p
\v 20 Mah ten Zabadi caten a nu cu a cate tuah a nel ah hung in, bopkhup bia in thil pakhat Topai nelah ngen hi.
\p
\v 21 Topan, “I thu deih kam tin a dot ten numei nu in, “Ka capa panih te cu Topai uknak ngam taklam khut ah pakhat, veilam ah pakhat khunnak nei thei tuk in thupia in hi” tin, ngen hi.
\p
\v 22 Mah naven Zisuh in,” I thu ngen uh cim tih mi nohten thei ma uh ci. Ka in tuk mi khuathai nohten in thei uh cim” tin a dot ten a mun, “Kohten in thei ung hi” tin, don leh haw hi.
\p
\v 23 Topan, “Ka khuat hai cu nohten in tuk uh ci. Ka co mi baptistma vang nohten co tuk uh ci. Mah naven Ka taklam, veilam ah khunnak keiman pia tuk mang hi. Mahmi umnak tuk mun cu ka pai bawl mi a muhtei ca bek hi” tin, thupia hi.
\v 24 Nungzui tu heinih ten mahmi thu a theih haw ten, a U nau panih te cu thinuuk in um haw hi.
\v 25 Zisuh in a muhte sam in nohtei theih mi bang leihum kumpi ten uk thei haw hi.
\v 26 Uk tu U pa ten thu nei thei haw hi.
\v 27 Nohten mah tihbang in bawl pah sun. Mi capa cu midang tei sila tuk in hung ma hi.
\v 28 Midang tei sila tuk in hihen, a nunnak pia in mihing tei nunnak tan tuk in hihen, a hunnak hang, nohtei lakpen uktu Upa a dek nuam tuten nohtei sila in hihen, nohtei lakpen hotu lamhoih dek nuamnak nei tute vang nohtei sila cang ta hen hi” tin, thupia hi.
\s Mitcaw panih mit vak lehnak
\p
\v 29 Mah cengten, a muhte cu Jerikho khuapi pen hawh tul in mi tampi ten a nungah zui haw.
\v 30 Mah laih tak lamzin bul ah khung mitcaw panih ten Zisuh hawhnak thu a theih haw ten, “Topa Pathian, David capa kei muhte hehpih poh in hi” tin, au haw hi.
\v 31 Mipi ten, a muhte daiden no um tuk in liat haw. Mah naven a mun, ‘Topa Pathian David capa kei-muh hehpih in hi’ tin, nging sesem in au haw hi.
\p
\v 32 Mah ten Zisuh cu ding a muhte sam in, “Nohtei ca in ii thu bawl tik nuam uh cim” tin, dong hi.
\p
\v 33 A mun, “Kohtei mit vak tik in Topa Pathian” tin, ti haw hi.
\v 34 Zisuh cu hehpih nak thinlung nei in a muhtei mit cu zen hi. Mah a ngei ngawl in a muhte cu mit vak khua mu in a nungah zui haw hi.
\s Lungdam nak tuah Jerusalem khuapi sungah a luh tum nak
\c 21
\p
\v 1 A muhte cu Jerusalem bul-ah heng in, Olive mual bul Beth-pha khua ah a hen haw ten, Zisuh in nungzui tu panih hah in;
\v 2 Na mai ah a um mi khua sungah hawh ta un. Mahmi khua ah khau khih leng in a um mi Laak nu le laak no cu nohten mu paih tuk uh ci. Laak khau khih cu duuk in ka nelah hetpih un.
\v 3 Mi dang ten nohte thu pakhat dot nak a um tale, “Topa Pathian in kin hi’ tin hilh un. Mah tihbang in hilhnak a um tale mahmi cu manlang zet in kuat haw tuk hi” tin, thucah hi.
\p
\v 4 Hi thu a piang mite cu “zo un. Nohtei kumpi cu laak nu le laak no khung in;
\v 5 Thinlung nem no in nohtei lakah heng hi’ tin, Zion canu tei lakah hilh un hi” tin, kamsang awnkam a cangkim tuk mi thu hi.
\p
\v 6 Nungzui tuten hawh in a thupiak mi bang bawl haw.
\v 7 A mun laak nu le laak no keng in mahmi laak hum ah van te phah in, Topa cu mahmi laak hum ah khung hi.
\v 8 Mipi ten a muhtei silh laih puan te vang lamzin hum ah phah haw. Mi hek khat ten thing kang no te phuk in, lamzin hum ah phah haw hi.
\v 9 Topai mai pen a hawh tu mipi te le a nungpen a zui tu mipi ten, “David capa cu (Hosana) thangphat nak um ta hen. Kumkhua Pathian min tuah a heng mipa cu thupha um ta hen. A sangbel mi um nak mun ah (Hosana) thangphat nak um ta hen” tin, au haw hi.
\p
\v 10 Mah tihcun, Topa cu Jerusalem khua sungah lut in khuasung hempoh thawmvang na sia zet hang “Hi pa cu a kua kaw” tin, dong haw.
\p
\v 11 Mipi ten, “Hi pa cu Kalille ngam Nazareth khua pen kamsang Zisuh hi” tin, ti haw hi.
\s Biakinn thiangtho tik
\p
\v 12 Zisuh cu biakinn sungah lut tum in, biakinn sungah thilvan a zuak tu hempoh hawlvawk in sum heh nak a nei mi cabuai te le khulo a zuak mitei khunnak te liplet in,
\v 13 A muhtei lakah, “Ka inn cu thunget nak inn tin sam tuk hi” tin, Laithiangtho sungah ngan naven, nohten mahmi cu misuam tei umnak in cangtik zo uh ci” tin, thupia hi.
\s Naupang ten Zisuh thangphat piaknak
\p
\v 14 Mah cengten biakinn sungah mitcaw te le khelbai ten a nel ah heng in Topan a muhte dam tik hi.
\v 15 Mah naven, thiampi Upa te le Daan lam a thiam miten, Topai bawl mi a lamdang na deh nak te hei hihen, “David capa cu (Hosana) thangphat nak um ta hen hi” tin, biakinn sungah naupang tei aunak te vang muh nak a neih ten thinuuk haw in;
\v 16 “Hi naupang tei a son mite za cim” tin Zisuh cu thu dong haw hi. Zisuh in, “Za ing hi. ‘Naupang te le naumom nawi in laih tei kam pen thangphat nak cu Topai bawl mi hi tih a ngat mi cu nohten sial awng ma uh cim maw” tin, a muhte cu thupia hi.
\p
\v 17 Mah cengten, Topan a muhte zam in khua sung pen hawh tul ta hi. Bathani khua ah heng in mah lai khua ah caam hi.
\s Ngah nei ngawl mi theipi kung
\p
\v 18 Zingtung khua ma zet a kih leh laih tak Topa cu a ningkial hi.
\v 19 Mah laih tak lamzin bulah theipi kung khat cu mu in mahmi theipi kung umnak mun ah hawh in, mahmi theipi kung a ceh sial ngawl a dang a muh ngawl hang mahmi theipi kung cu, “A tu pen pan a cat ngawl in ngah tohpah sin hi” tin, thupia hi. Mahmi thei pi kung thi cop in ko ta hi.
\p
\v 20 Nungzui tuten mah a cang mi thu a muh ten mangbangzet in, “Theipi kung cu ita hang thicop in ko hi” tin, ti haw hi.
\p
\v 21 Zisuh in, “Nohtei lakah thu-ngai in hilh ing. Nohten upnak tuah thin-ceh mawh nak um ngawl in, hi theipi kung bawl mi bang na bawl uh theih bek sial ngawl, hi mualpi vang thawn in tuipi sungah thawn hen’ tin na ti uh hei in, na tih nak bang cang tuk hi.
\v 22 Nohten thunget nak na neih uh ten upnak tuah na nget uh mi hempoh nohten ngah tuk uh ci” tin, thupia hi.
\s Zisuh thuneih a dot nak
\p
\v 23 Mah cengten, biakinn sungah lut in thu a hilh laih tak thiampi Upa te le mipi tei lakpen Upa te a nelah heng in, “Nang hi thu te a koi thuneih nak in bawl cim? Mahmi thuneih nak cu a kon pia kaw” tin, thudong haw hi.
\p
\v 24 Zisuh in nang muhte thudot nak pakhat nei hih tung. Nohten ka nel ah na don leh thei uh tale hi thu te a koi thuneih nak tuah bawl in, ka neih mi thu cu nohtei lakah hilh tung hi.
\v 25 Johan Baptisma cu ilai pen heng kaw? Vanhum pen in a heng mi maw? Mah ahima tale, mihing tei lakpen a heng mi kaw” tin, dong hi. Mahten a mun thusiam khawm in, “Vanhum pen a heng mi hi’ tin a hilh uh ta le a man, “Mah ahitale Johan cu um ma uh cim” tin, ti tuk hi.
\v 26 Mihing tei lakpen a heng mi hi’ tin ohten a hilh uh ta le mipi te lau hi. Itahum titale a mu venghawng in Johan cu kamsang pakhat in ngaisung haw hi” tin, son haw hi.
\v 27 Mah hang a mun, “Kohten thei ma ung hi” tin Zisuh nelah don leh haw. Mah cengten Zisuh in, “Keimah vang hi thu te, i thuneih nak tuah bawl mi hum tih mi cu nohtei lakah hilh tuk mang hi.
\s Capa panih tehkip nak
\v 28 Nohten itin ngaisung uh cim? Mi pakhat in capa panih nei hi. A man a capa Upa saw pakhat nelah hawh in, ‘Ka capa, tu ni cabit huan ah hawh in na deh in hi” tin, ti hi.
\p
\v 29 Mahmi a capa in, “Hawh tuk mang hitin don naven dawl lam ten a thinlung thek in hawh hi.
\p
\v 30 A pa cu a dang capa nelah hawh in, a capa pakhat nelah a tih bang leng in ti hi. Mahmi a capa in, ‘Aw, hawh nang maw pa aw” tin don naven hawh ngawl in um hi.
\v 31 Mahmi a capa panih tei lak pen a kon a pai deihnak bawl hum” tin, a mun a pakhat nak a capa hi” tin, don haw hi. Zisuh in, “Nohtei lakah thungai in ka hilh mi cu siahkhon tute le zuanzam su zuak te nang muhte sang masa saw in Pathian uknak ngam ah tum haw hi.
\v 32 Itahum titale, Johan in dikcang nak lamzin tuah nohtei lakah heng naven nohten a mah cu um ma uh ci. Siahkhon tute le zuanzam suzuak tuten a mah cu um haw hi. Nohten mah a cang mi thu cu mu napi in, mah cengten nohten sualsik ngawl in a mah cu um ma uh ci.
\s Cabit huan nei tupa a tehkip nak
\p
\v 33 A dang tehkip nak a neih mi cu ngai hih un. Huan nei tu pakhat um hi. A mah cu cabit huan cing in, huan sendai khah huan sung pen cabit ngah tohkeh nak khuk lai in khua zoh nak tuk inn sa hi. Mah cengten mahmi huan na dek tuten huan cu sap in ngam dang khuala pi ah khualzin hi.
\v 34 A ngah tuk huncan a hen ten cabit huan pen a suak mi cabit ngah te lo tuk in, na deh nak a nei tute huan-cing tu umnak ah hah hi.
\v 35 A mun huan na dek tutei sila te man in, pakhat cu vat, pakhat cu that in, pakhat cu suang tuah sep haw hi.
\v 36 Mah cengten a masa sang in a tam saw a dang na dek tute hah leh in, huancing tuten a masa in a bawl mi bang leng in bawl haw hi.
\v 37 Huan nei tupan, ‘A mun ka capa cu U pat tuk hi’ tin tiin a dawl bel ten a capa cu huancing tutei lakah hah hi.
\p
\v 38 Mah naven, huancing tuten a capa a muh ten, ‘Hi pa cu lo-co tupa hi. Hung un hi, a mah cu that in, a neih mi lo te lonsak tuk hung hi’ tin pakhat le pakhat sonnak a neih cengten,
\v 39 A mah cu man in cabit huan pawlam ah dok tul in that haw hi.
\v 40 Mah hang cabit huan nei tupa a hen leh ten, mahmi huancing tute itin bawl tuk kaw” tin, dong hi.
\p
\v 41 A mun, “Mah misual te cu nasezet thukhen tuk hi. A ngah-ngah huncan ten a mah cu a ngah piak tuk, mi dang huan cing tuk te zawng leh tuk hi’ tin, don hi.
\p
\v 42 Zisuh in, “Innsa tutei vawk mi suang cu inn-ningkil sangbel suang in cang hi. Hi thu cu Pathian bawl mi thu hi. Ohtei mai pen a lamdang mi hi’ tin Laithiangtho sungah sial awng ma uh ci maw?
\v 43 Mah hang, nohtei lakah ka hilh mi cu Pathian uknak ngam cu nohtei lakpen laksak in, mahmi uknak ngam a ngah-ngah tuk miphun tei lakah pia tuk hi.
\v 44 Mahmi suang humah a cak tupa cu a tum a tang in tawng tuk hi. Mahmi suang cu mi pakhat hum ah a cak ta le mahmi pai ca tamkeh belh tuk hi’ tin, thupia hi.
\v 45 Thiampi Upa te le Farasi ten Topai tehkip nak thu a theih ten, a muhtei thu a son nak hitin theih nak a neih haw hang, Topa cu man tuk in ngaisung haw hi.
\v 46 Mah naven, mipi ten Topa cu kamsang pakhat in a ngaihsut haw hang a mun mihing lau haw hi.
\s Mopuai a tehkip nak
\c 22
\p
\v 1 Zisuh in tehkip nak tuah a muhtei lakah a hilh mi cu;
\v 2 “Vanhum uknak ngam cu a capa tuk mopuai nak a bawl tu kumpi pakhat tuah bang ve hi.
\v 3 Kumpi pai sam mite sam tuk in na dek tute a tik ten a mun hawh nuam haw ma hi.
\v 4 A man a dang na dek tute, ‘Puai ka do nak bawl zo ing. A thau zet mi khui-la nganhing te that zo ing. I hempoh ngalling zo ing. Mopuai nak ah hung un hi’ tin a sam mite hilh ta un hi’ tin, thucah in hawh tik hi.
\v 5 Mah naven, a mun imah sumsial ngawl in mi pakhat in a mu lo ah hei hihen, a dang pakhat cu a ma sum bawl nakah hei in hihen, hawh ta hi.
\v 6 A dang a tang mi Kumpi pai na dek tute vang man in bawlsiat that haw hi.
\v 7 Mah ten, Kumpi pa cu a thinuuk a ngalkap te tik in mithah a bawlsiat mite that tuk in a muhtei khuapi hal kang tik hi.
\v 8 Mah cengten a na deh tute, ‘Mopuai nak ah a man sa ngal-ling piupeu zo naven, a sam mite a co tak ngawl hang;
\v 9 Lamzin khawm nak ah hawh in a muh mi hempoh mopuai nak ah sam un hi’ tin, thupia hi.
\v 10 Mah ten, na dek tuten lamzin ah hawh in misual, mipha hei hihen, a muh mi hempoh hulawm khawm tikin mopuai nak cu mikhual tampi tuah in dim hi.
\v 11 Kumpi pan puai bawlnak mikhual te zo tuk in a hawh ten, mah lai mun ah mo puan silh ngawl mi pakhat a muhten;
\v 12 Ngualcam pa aw, mopuan silh ngawlin ita lut tum thei kam tin thu dong hi. Mah ten, a man meng den in um hi.
\v 13 Mah ten, Kumpi pan mah mipai khut le ke ken in a mah cu pawlam khuathim nak ah hawhpih un hi’ tin, thupia hi. Mah lai umnak mun cu kah nak le hacang-ngawi nak um tuk hi’ tin, na dek tutei lakah thupia hi.
\v 14 Itahum titale, sam nak a co tu tampi haw naven a ten mite dawm no tuk hi’ tin, thupia hi.
\s Pathian le Sizal kumpi
\p
\v 15 Mah ten, Farasi te hawh tul in ohten a ma awnkam ngaisung in mat theihnak tuk thuvaisiam haw hi.
\v 16 Mah cengten a muhtei nungzui tute Herod mihing te tuah Topai nel ah hah in, “A nung mi Pathian, Topa nang cu thudik thu man nei mi hi ci. A kua mah lau ngawl, mihing tei mit mai zo ngawl Pathian thudik lamzin a man zet hilhnak thu kohten thei zo ung.
\v 17 Mah hang, nang itin ngaisung cim tih mi kohtei lakah hilh in. Sizal kumpi pa siah pia tuk maw, pia tuk ma kaw tih mi kohtei lakah thei leh tik in hi” tin, ti haw.
\p
\v 18 Mah naven, Zisuh in a muhtei phat ngawlnak te thei in thu ip nak son thei mite aw, ita kei mah sualsoh in cul thei tuk uh cim?
\v 19 Siahpiak tuk paihsan piakhat lak in hitin tiin, paihsan piakhat cu lak haw hi.
\v 20 Topa’n, “Hi zuk lim hi a koi kaw, a koi awnlai kaw tin thu a dot ten;
\v 21 A mun, Sizal zuk lai hitin don leh haw. Topa’n, “Mah ahitale Sizal kumpi pa tuah a seng mite cu Sizal kumpi pia in, Pathian tuah a seng mite cu Pathian pia un hi” tin, thupia hi.
\v 22 A mun, mahmi awnkam a theih haw ten thasiah zet in Topai nel pen tai tul haw ta hi.
\s Sadusi te le Thawhleh nak
\p
\v 23 Mahmi ni leng in thawh lehnak um ma hitin son tu Sadusi te Topai nel ah heng in;
\v 24 Saza pa, mi pakhat in ca cawi ngawl in a thi tale a nau pa in a U hi nupi luah in a U hi ci-khaih cang tik tuk tin, Mosi in thupia hi.
\v 25 Kohtei lakah U nau salih um in Upa bel pa cu ca cawi man ngawl in thi hi. A nupi cu a nau tei lakah um tik hi.
\v 26 Mah-bang bok pakhat nung pakhat a nupi cu a nau tei lakah nei tik in thi khawng haw ta hi.
\v 27 A dawl bel ten mahmi nu vang thi hi.
\v 28 Mah ahitale, thawh lehnak huncan ten numei nu cu mahmi salih tei lakpen a koi nupi in cang tuk kaw? Itahum titale a mu venghawng mahmi numei tuah nei haw hi’ tin, thudong haw hi.
\p
\v 29 Zisuh in, “Nohten Laithiangtho hei hihen, Pathian huham hei hihen, thei ngawlin ngaisung sual uh ci.
\v 30 Itahum titale, thawh leh nak huncan ten mihing te huaidun nak um ngawl in Vanhum ah a um mi vancung mite bang tuk hi.
\v 31 A thi mitei thawh lehnak tuah seng in Pathian in;
\v 32 “Kei cu Abbraham Pathian, Isak Pathian, Jakop Pathian ing hi” tin, a tihmi nohten sial awng ma uh ci maw? Pathian cu a thi mitei Pathian hi ngawl in a nung mitei Pathian hi’ tin, thupia hi.
\v 33 Hi thu cu mipi ten a zak ten, Topai thuhilh nak a neih mite thasiah zet in thangphat pahcawi haw.
\s A ngeng bel mi thukham panih
\p
\v 34 Sadusi tei awnkam dai den no um tik thu Farasi ten a theih haw ten, munkhat ah hulopkhawm nak nei haw.
\v 35 A muhtei lakpen dan thiamnak nei mi pakhat in Topa cu cul nuamnak a neih hang;
\v 36 Saza pa aw, thukham sung pen i thukham ngeng bel kaw’ tin, thu dong hi.
\p
\v 37 Topa’n kumkhua, “Na Topa Pathian cu na thinlung hempoh tuah in le na cihthiam nak hempoh tuah na it in.
\v 38 Mahmi thu cu a ngeng bel mi thukham pakhat nak hi.
\v 39 A panih nak thukham cu mah bang bok na elkim ah a um mite cu nangmah na ih bang na it in hi” tin, thupia hi.
\v 40 Thukham Laithiangtho le kamsang Laithiangtho hempoh thukham panih hum ah um hi’ tin, thupia hi.
\s Khrih tuah a seng mi thudot nak
\p
\v 41 Mah cengten, Farasi te hulopkhawm nak a neih laih tak Zisuh in;
\v 42 “Nohten Khrih tuah seng in itin ngaisung uh cim? A mah cu a koi capa kaw’ tin a dot ten a mun, David capa hi” tin, don haw hi.
\p
\v 43 Mah ahitale, David a mah cu Hawvang thiangtho hang, “Topa’ tin sam in;
\v 44 ‘Pathian in ka Topa cu na ngal ten a ke nuai ah ka koih lak lawh ka taklam khut ah khung hi” tin, a tih mi cu itihbang hum?
\v 45 Mah tihcun, David in Khrih hitin a sam tale Khrih cu itihbang a capa in cang thei tuk kaw” tin, thupia hi.
\v 46 Mah ten, Topai awnkam khat no hei don thei haw ma hi. Mah ni pen pan a kuamah in Topa cu thudong ngam haw ma hi.
\s Mipha tiam hem te sonsiat nak
\c 23
\p
\v 1 Mah cengten, Zisuh cu mipi te le a nungzui tutei lakah a thu hilh mi cu;
\v 2 “Dan thiam saza te le Farasi ten Mosi khunnak hum ah khung haw hi.
\v 3 Mah hang, nohtei lakah a muhtei hilh mi thu hempoh zui le man nak tuah cingkem un. Mah naven, a muhtei bawl mi bang bawl pah sun. Itahum titale, a mun hilhnak a nei ta vang zui le man nak nei haw ma hi.
\v 4 A mun a ngit zet mi vante pua in midang tei ko humah suan thei haw hi. A mun a khut-leek no tuah hei in thawn nuam haw ma hi.
\v 5 A mun, a muhtei bawl mi hempoh mihing tei muh tuk bekin bawl haw. Itahum titale, a mun a muhtei laksawng nasezet bawl in, puansilh pakbom te cualzet koih haw hi.
\v 6 Puai bawlnak mun ah hei-hihen, pumkhawm nak biakinn ah hei hihen, a sunglawi mi khunnak ah hei hihen;
\v 7 Thil zuaknak mun pen Upat muah nak hei hihen a mun Rabbi, “Saza pa tih hei in mihing tei sam co tuk in deih haw hi.
\v 8 Nohte cu Rabbi, ‘Saza pa tin samnak hei nei pah sun. Itahum titale, nohtei saza pa pakhat bek um in nohtei venghawng cu U le nau te hi uh ci.
\v 9 Hi leihum pen a kua mah in pa ti pah sun. Itahum titale, a nung mi nohtei pa cu vanhum ah um hi.
\v 10 Nohte lamhuai tu saza pa tih hei in sam pah sun. Khrih pakhat bek cu nohtei saza pa hi.
\v 11 Nohtei lakah a ngeng bel mipa cu nohtei na dek tu in cang tuk hi.
\v 12 Mah le mah uangkho mipa cu zahcak mualpho nak co in, mah le mah niamkhiat mipa cu thangphat pah cawih nak co tuk hi.
\p
\v 13 Mipha tiamhem thei mi Dan thiam saza le Farasi te aw, nohte cu thupha co nak um ma uh ci. Itahum titale, nohten vanhum uknak kongka cu mihing tei mai pen kham in, nang mu pumpak loli hei tum ngawl in, luhtum nuam nak a nei mite vang kham uh ci.
\v 14 Mipha tiamhem mi Dan thiam saza le Farasi te aw, nohte cu thupha co nak nei ma uh ci. Itahum-titale nohten meivong tei inn lonsak in thunget sak nak ngei pi bawl hem thei uh ci. Nohten thupha co ma uh ci. Nohte cu na sia zet in sual thukhen nak thuak tuk uh ci.
\v 15 Mipha tiamhem thei Dan thiam saza le Farasi te aw, thupha co nak um ma uh ci. Itahum titale nohten mi pakhat cu Judah biaknak ah tum thei tukin, tuipi le mual hum ah vak kaw kawi in sakhua biaknak ah a luh haw ten, mah mipa cu nang muhte sang letnih a sia saw mi Hell ngam mite in cang tik uh ci.
\p
\v 16 Mitcaw lamhuai tute aw, nohte cu thupha co ma uh ci. Nohten, a kua a bang biakinn sal in tamsiat nak nei tale kho tuk ma hi. Biakinn sui cu sal in tamsiat nak bawl ta le kho tuk hitin, nohten son uh ci.
\v 17 Misil mitcaw te aw, ithu minthan nak nei saw hum? Hi sui cu maw, a hima tale mahmi sui cu a thiangtho tik thei mi biakinn saw kaw?
\v 18 Mah bek sial ngawl nohten biakpiak nak taitan sal in tamsiat tale kho tuk ma hi. Biakpiak nak hum ah a um mi cu sal in tamsiat tale kho tuk hitin, son thei uh ci.
\v 19 Misil mitcaw te aw, ithu sunglawi saw hum? Mah mi biakpiak nak sunglawi saw maw. Mahmi biakpiak nak a thiangtho tik thei mi sunglawi saw hum?
\v 20 Mah hang biakpiak nak taitan cu sal in tamsiat tale biakpiak nak taitan pen pan biakpiak nak hum ah a um mi hempoh sal in tamsiat nak um hi.
\v 21 Biakinn cu sal in tamsiat tale biakinn penpan biakinn ah a um mipa cu sal in tamsiat nak um hi.
\v 22 Vanhum cu sal in tamsiat tale Pathian khunnak hei hihen, khunnak hum ah a khung tupa Pathian hei hihen, sal in tamsiat nak um hi.
\p
\v 23 Mipha tiamhem mi Daan thiam saza le Farasi te aw, nohte cu thupha co nak nei ma uh ci. Itahum titale nohte cu lenmui, samung sapa (anise le Cummini), ziza te sawm ah pakhat piak nak nei uh ci. Mah naven, thukham thu sung pen a thupi saw mi dikcang nak, hehpih lainat nak le thukam cingkep nak te zamsan uh ci. Hi thu te bawlnak neih tuk a hih hang, a hum pen son mi thu te zamsan thong men tuk mi hima hi.
\v 24 Mitcaw in lamhuai tute aw, nohten tholung pakhat no hei um tuk ngawl tian tui zeet in bawl na ven kala-uk thon in hemcih uh ci.
\p
\v 25 Mipha tiam hem thei mi Dan thiam saza le Farasi te aw, nohten thupha co ma uh ci. Itahum titale nohte cu thunngo nut mi khuat-hai le pakan te a pawlam thiangtho naven, a sunglam cu thuman ngawl thil-cuhdun londun sak nak a dim tuah um uh ci.
\v 26 Mitcaw khua mu ngawl mi Farasi te aw, khuathai sunglam a masa thiangtho in um tik un. Mah tin bawl tale mahmi a pawlam vang thiang tho tuk hi.
\p
\v 27 Mipha tiamhem thei Dan thiam saza le Farasi te aw, nohten thupha co ma uh ci. Itahum titale, nohte cu thunngo nut mi mithi khan bang uh ci. Mahmi mithi khan te cu a pawlam pen mawi zet in lang naven, a sunglam pen mithi nguh te le a nawngkai a bal nam kim tuah dim hi.
\v 28 Mah bang bok nohte vang a pawlam mihing tei lakpen dikcang nak neih mi cu um bang naven, a sunglam ah mipha tiam hem nak le thu man ngawl a dim in um uh ci.
\p
\v 29 Mipha tiam hem thei mi Dan thiam saza te le Farasi te aw, nohte cu thupha co ma uh ci. Itahum titale kamsang te pen pan dikcang nak a nei mitei thankhuk sung le a nguh koih nak bel te bawl nak hang;
\v 30 Kohten ka pu le pa tei khut sungah um tale kamsang te thahnak a nei mitei ngualcam hi tuk ma ung hi’ tin, son haw hi.
\v 31 Mah tihcun nohten kamsang te thahnak neih mi a muhtei miphun hihnak thu nang muhtei bulpak in theihpih nak tetti nei uh ci.
\v 32 Nohten nohtei pu le pa tei sualnak te dim tukin belh bawm bet ta un.
\v 33 Ngulsia suak miphun te aw, nohte cu Hell pen sual thukhen nak thuak in iitihbang luat nak co thei tuk uh cim?
\v 34 Mah hang, kei cu kamsang te, cihnak a nei mite le Dan thiam saza te cu nohtei lakah hah tung hi. Mahten nohte cu nang muhtei sung pen mi hekkhat te that in, thinglamteh hum ah that haw tuk hi. Mi hekkhat te pumkhawm nak biakinn ah bawlsiat vah nak te thuak in, khua khat nung khua khat ah hil in bawlsiat haw tuk hi.
\v 35 Mah a hih hang dikcang nak a nei mi Abel thisan penpan, Biakinn le biakpiak nak taitan lak lawh ah nohtei theh mi Balak capa Zakhariah thisan tian leihum ah lei in a thuak tu dikcang nak a nei mitei thisan leibat neih mi hempoh, nohtei luhum ah heng tuk hi.
\v 36 Nohtei lak ah thungai in hilh ing. Hi thu hempoh hi miphun tei hum ah heng tuk hi.
\s Jerusalem khua ca a kah nak
\p
\v 37 Jerusalem khuapi aw, Jerusalem khuapi kamsang te that in nohtei umnak mun ah a hah mite vang, suang tuah sephum le leng uh ci. Akpi in a no te a ha nuai ah uap bang, kei man nohtei canu le capa te cingkem tuk in vei tampi deih ing.
\v 38 Mah naven, nohten deih ma uh ci. Zo un. Nohtei inn cu mihing tei um ngawlnak mun in nohtei lakpen zamsan co tuk laih hi.
\v 39 Nohtei lakah hilhnak ka neih mi cu, ‘Pathian min in a heng mipa cu thupha mui cu um ta hen’ tin nohtei aunak na neih lak lawh tian a tu penpan nohten kei cu muh leh tuk ma toh uh ci” tin, thupia hi.
\s Biakinn siatnak tuk thu a hilh hamnak
\c 24
\p
\v 1 Zisuh cu Biakinn pen a tul laih tak nungzui tuten Biakinn saknak te lak tuk in a nel ah nek haw.
\v 2 Zisuh in, “Hi thu hempoh nohten mu zo ma uh cim maw? Nohtei lakah thungai in hilh tung. Siat suah suk bal nak um ngawlin suang pakhat a dang suangtum hum ah pakhat no hei um tuk ma hi” tin, thupia hi.
\s Leipi a bo nak tuk thu
\p
\v 3 Mah cengten, Olive mual hum ah Topa a khun laih tak nungzui tuten a nel ah nek haw in, “Mahmi thu te ituk hun ten a cang tuk mi hihen, Topai hun suk leh nak tuk huncan le leipi bo nak huncan cu itih bang cang tuk hum tih hei hihen, kohtei lakah hilh in hi” tin thudong kuh den haw hi.
\p
\v 4 Zisuh in, “A kua mah in nohte zol tuk ngawl in cingcai ta un.
\v 5 Itahum titale mitam pi ten, ‘Kei cu Khrih ing hi’ tin tiin, Khrih hih nak tiamhem in langnak a neih haw hang, mi tampi ten zol haw tuk hi.
\v 6 Nohten ngaldo nak thu hei hihen, ngaldo nak tuk thuthang hei hihen, thei tuk uh ci. Mah naven, lau ngawl in cingcai ta un. Hi thu te cang tuk hi. Mah naven, a tawp nak hima hi.
\v 7 Miphun pakhat le pakhat, ngamkhat le ngamkhat do dun in mun tih kim ah ningkial pamtung nak le a lawhdun thei mi nat tampi heng in, leipi hinhing nak te um tuk hi.
\v 8 Mahmi thu hempoh cu haksat a pat nak hi.
\s Bawlsiat nak thuak tuk mi thu a hilh hamnak
\v 9 Mah huncan ten mi tampi in nohte bawlsiat nak thah tuk in ap haw tuk hi. Ka min hang miphun hempoh ten hua haw tuk hi.
\v 10 Mah huncan ten mi tam saw ten dan palcat thinkham pakhat le pakhat ap in huadun haw tuk hi.
\v 11 Kamsang sual tampi te heng in mihing tampi zol haw tuk hi.
\v 12 Thuman ngawl na deh nak te a tam hang, mi tampi te itnak um tuk ma hi.
\v 13 Mah naven, a tawptian a thuak zo tute cu nunpat nak co tuk hi.
\v 14 Miphun hempoh tei lakah theihpih nak a nei tu tetti cang tuk in, leihum ngam hempoh ah thuthangpha tuah a seng mi cu phuang tuk hi. Mah cengten hunbo nak heng tuk hi.
\s Haksat nak pi
\p
\v 15 Mah hang, kamsang Danial phuan mi bang siatsuah thei a dindeih huai mi thil cu, a thiangtho mi umnak mun ah a ding mi cu nohten na mu uh tale Laithiangtho a zo tuten thei haw ta hen.
\v 16 Mah tihbang in muhnak nei tale Judah ngam ah a um miten mual hum ah tai haw ta hen.
\v 17 Innkul hum ah a um mipa cu innsung van te la tukin tolhsuk ma hen.
\v 18 Lo sungah a um mipa vang na silh mi puan van la tuk in nunglam ah zo kik pah sin.
\v 19 Mahmi ni in naupai te le nau nawi tulh nei laih nupi te cu haksa zet haw tuk hi.
\v 20 Nohtei tai tulnak tuk huncan cu phalbi hun le colhni hun cang tuk ngawl in thungen un.
\v 21 Itahum titale, leipi pianpat in a tuni tian a cang awng ngawl mi tu nung ten vang a cang awng tuk ngawl a nasia zet haksat nak cu mah hun can ten heng tuk hi.
\v 22 Mahmi ni huncan te com ma a hitacun a kua-mah luat thei haw tuk ma hi. Mah naven a tensa mitei ca mahmi ni cu com tik tuk hi.
\v 23 Mah ten, mi pakhat in hi lai ah Khrih um hi, ‘mah lai ah um hi’ tin a ti haw ta vang sang pah sun.
\v 24 Itahum titale, Khrih tiamhem mite le kamsang sual te heng in a tensa mite hei a zol thei tale na sia zet a lamdang thasiah huai a bawl thei mite lak haw tuk hi.
\v 25 Mahmi thu te hilh ham zo ing.
\v 26 Mah hang, a mun Khrih cu ngamlak ah um hitin a ti ta vang hawh in zo pah sun. ‘Innkhan sungah um hi’ tin, a ti ta vang sang pah sun.
\v 27 Khuaphelep cu ni-suah nak pen lep in ni-tum nak lam tiang a vak bang mi capa cu heng suk tuk hi.
\v 28 A thisa tei umnak mun ah mulukolh te hulawm khawm haw tuk hi.
\s Mi capa a tolh suknak
\p
\v 29 Mahmi haksat nak a celhten, ni vak nak cu thim in hade in vak nak pia tuk ma toh hi. Aksi te vang vanhum pen cak in vanhum pi huham in hinglet tuk hi.
\v 30 Mah cengten, mi capa a lamdang thil tih theih nak cu vanhum pen lang tuk hi. Leihum mihing hempoh kap in, mi capa cu huham a thawmngeng nak tuah meingo khung in a hensuk nak cu mu haw tuk hi.
\v 31 Mi capa in a vancung mite hah in lemle nging zet tum tik in a muhte cu a tensa mite nisuah, nitum, saklam hanglam pen hulawmkhawm haw tuk hi.
\s Theipi kung a tehkip nak
\p
\v 32 Theipi kung a tehkip nak pakhat cu ngaisung ten nung. Theipi kung cu a kang no le a ceh dawn no te a tawt ten khuakhal huncan nai zo hitin, nohten thei uh ci.
\v 33 Mah bang bok mahmi thu hempoh nohten na mu uh tale mi capa cu kongbiang bul ah heng zo hi tih cu thei ta un.
\v 34 Nohtei lakah thungai in ka hilh mi cu, hi miphun te a bo laih ngawlin mahmi thu hempoh cang tuk hi.
\v 35 Van le leihum a kho ngawl ta vang ka awn kamcang kho tuk hi.
\s Mah ni, mah huncan a kua mah in thei ma
\v 36 Mahmi huncan nazi a kua mah in thei ma hi. Vancung mite vang in thei ma. Ka pa pakhat bek in thei hi. Capa vang in thei ma hi.
\v 37 Mi capa a hunsuk leh nak tuk cu Noah huncan bang tuk hi.
\v 38 Tui hautung laih ngawl in Noah cu tembaw sungah a luhtum tian mihing te in le ei, huaidun nak te nei haw;
\v 39 Tuihau tung cu heng in mihing tampi te thih nak tiang heng, imah sumsial ngawl in um haw. Mi capa a hunsuk tuk ten vang mah tih bang leng tuk hi.
\v 40 Mah ten, lo ah um mi mihing panih sung pen pakhat la in pakhat cu zam tuk hi.
\v 41 Sumdeng numei panih sung pen pakhat la in pakhat cu zam tuk hi.
\v 42 Mah a hih hang, cingcai in ngak un. Nohtei Topa ituk ni hun can ten heng suk tuk hum tih cu nohten thei ma uh ci.
\v 43 Inntek pa’n nguca a hen tuk a thei tacun, cingcai nak tuah pang in a inn cu sukbal tuk ma hi tih cu nohten thei ta un.
\v 44 Mah hang, mi capa cu nohtei theih ngawl huncan ten heng tuk a hih hang, nohten a man sa in um ta un.
\s Thukam nak le cihnak a nei mi sila
\p
\v 45 A inntek pa’n innkua pih tei lakah huncan a kim ten, in le eih bawl tuk in a muhtei hum ah uktu piak mi thukam le cihnak nei mi sila cu a kua hum?
\v 46 Mah sila pa cu hi tihbang bawlnak a neih mi cu a Topan pin leh in a muh ten mahmi sila pa cu thupha muicu co hi.
\v 47 Nohtei lakah thungai in ka hilh mi cu Topa’n, a neih mi thil hempoh cingkem tukin a sila pa cu ap tuk hi.
\v 48 Mah naven, mi pha ngawl sila pa cu a thinlung sung pen, ‘Ka Topa cu ngeipi um tuk poh hi’ tin tiin;
\v 49 A muhtei sila na deh nak nei tu cu a ngui thei kham theih te in le ei in vatdun dengun a um tale;
\v 50 Mah na dek tu sila pan a Topa cu a muansan mi ni, a theih ngawl laih heng in;
\v 51 A mah cu sual dantat nak na sia zet pia in, mipha tiamhem thei mite tuah munkhat ah um tuk hi. Mah lai um nak mun cu kah nak le hacang ngawinak ah um tuk hi.
\s Khanglai him sawmkhat
\c 25
\p
\v 1 Mah ten, vanhum uknak cu mohuai tupa muak tuk in mei khuat keng mi khanglai him mo muak tu tuah bang ve hi.
\v 2 Mah mo muak tutei sung pen panga cu micip te hi. Panga lam cu a sil te hi.
\v 3 Misil ten meikhuat bek keng in zinen keng haw ma hi.
\v 4 Micip ten meikhuat tuah thawl sungah zinen vang keng haw hi.
\v 5 Mohuai tupa a vai dawl hang, mo muak tute hihbuh in zau haw.
\v 6 Zanngil ten, ‘zo un. Mohuai tupa cu heng zo hi. A mah muak tuk hawh un hi’ tih mi aw au nak a neih ten;
\v 7 Khanglai him hempoh tho in a muhtei meikhuat tek cu bawl haw hi.
\v 8 A sil miten kohtei meikhuat mit ta hi. Nohtei zinen dawmlaih pia un hi’ tin, micip tei lakah ngen haw.
\p
\v 9 Mah naven micip miten, “Mah tin a hitacun nang mu ca le kei muhtei ca tham tuk ma hi. Zinen zuak tei lak bek ah hawh ta un, nang muhtei ca lei ta un hi’ tin, don leh haw hi.
\v 10 A muhtei zinen a lei sung mohuai tupa heng in, a mansa in um mi mo muak tute cu mo pa tuah puai bawl nak sungah a luhtum cengten kongka pi cu khak haw hi.
\p
\v 11 Mah cengten, a tang laih mi mo muak tute heng in Topa aw, “Topa aw, Topa aw kei muhte kong hon in hi” tin, ti haw hi.
\p
\v 12 Mohuai tupan thungai ka hilh mi cu nohte ken thei kha mang hi’ tin, don leh hi.
\v 13 Mah hang, mi capa a hensuk nak tuk huncan nazi nohten na theih uh ngawl hang, cingcai in ngak ta un.
\s Talen tehkip nak
\p
\v 14 Itahum titale, vanhum uknak ngam cu mi pakhat in ngamdang ah hawh tuk ngaisung a na dek tute sam in, a neih mi thil te ap hi.
\v 15 A muhtei thil tih theihnak a neih tek haw bang, mi pakhat nelah talen panga pia hi. Pakhat cu talen panih, pakhat nelah talen pakhat ap in hawh cih vawk ta hi.
\v 16 Talen panga co tupa cu hawhcih vawk paih in, mahmi sum tuah sum bawl in talen panga a pung ngah hi.
\v 17 Mah bang bok talen panih co ngah tupa’n, talen panih a pung ngah bet hi.
\v 18 Talen pakhat co ngah tupa cu hawh in leikhuk co in a Topai sum cu sel hi.
\v 19 Huncan tawkmawh a ngei nungten, mah a sila tei Topa cu heng in a muhtei cazin la hi.
\v 20 Mahten talen panga co ngah tupa nek in talen panga cu ap hi, “Topa aw, Topa aw, kei cu talen panga pia ci. Zo in. Talen panga a pung co bet ing hi” tin, ti hi.
\p
\v 21 A Topa’n thukam a nei mi sila na deh pha nei ci. Nang cu thil neuno ah thukam cingkem zo ci. Thil tampi te cingkep nak nangmah pia tung hi. Na Topai lungdam nak ah tel tum ten hi’ tin, ti hi.
\p
\v 22 Talen panih co ngah tupa vang nek in, ‘Topa, Topa aw, zo in. Kei cu talen panih ap ci. A dang talen panih co ngah bet ing hi’ tin, ti hi.
\p
\v 23 A Topan thukam a nei mi sila na deh pha nei ci. Nang cu thil neuno ah thukam cingkem ci. Thil tampi te cingkep nak nangmah pia tung hi. Na Topai lungdam nak ah tel tum ten hi’ tin, ti hi.
\p
\v 24 Talen pakhat co ngah tupa cu heng in, ‘Topa, Topa aw ankung cin ngawlnak munpen ankung cawm in, anci thehnak um ngawl mi ankung cop hat sat nak thei ing.
\v 25 Mah hang launak tuah mundang ah hawh in, Topai sum cu leisung ah sel ing. A tuin Topa na neihmi thil cu um hi’ tin, ti hi.
\p
\v 26 A Topa’n, ‘Mipha ngawl thazawng sila pa, kei cu ankung cinnak um ngawl pen an cawm in anci theh ngawlnak munpen ankung cop theihngawl nak theihmi cu a man tale,
\v 27 Ka sum cu sumkhang bawl tupai khut sungah ap tung hi. Mah tihcun bawl tale ka pin leh ten ka sum cu a khang tuah co tung hi.
\v 28 Mah hang, talen pakhat cu a nelpen la in talen sawmkhat nei tupa cu pia ta un.
\v 29 Itahum titale, a co ngah mi hempoh piak bet in um tuk, a muhte cu nei nung hausa in um tuk hi. Mihek khat ten zawngzet in a neih ca lam te vang laksak in um tuk hi.
\v 30 Nemcuam nak bawl ngawl mi sila pa cu a pawlam khuathim sungah vawk ta un. Mah laih ah cun kahnak le hacang ngawi nak um tuk hi’ tin, ti hi.
\s Tuu le Kel
\p
\v 31 Mi capa cu a minthan nak huham le vancung mite tuah a tolhsuk leh ten, huham thawmngeng nak tuah a dim mi a khunnak humah khung tuk hi.
\v 32 A mai ah miphun hempoh hulawmkhawm tik tuk hi. Tuukhal tupan Tuu le Kel cu a tuamtum no khenkhuai nak a neih mi bang, mi hempoh a tuamtum in khen tuk hi.
\v 33 Tuu te cu taklam ah, kel te cu veilam ah koih tuk hi.
\v 34 Mah ten taklam ah a um mite cu kumpi pan, Ka pai nelpen thupha muicu a co mite aw, leipi popat pen pan in nohtei ca tuk bawl mi ngam ah hawh in lo co ta un.
\v 35 Itahum titale, ningkial in ka um ten nohten cawm uh ci. Dangdum in ka umten nohten in tuk tui pia uh ci. Mikhual in ka um ten nohten muak in cawm uh ci.
\v 36 Vansilh tuk nei ngawl pumpi thacang ka umten, nohten Ka silh tuk pia uh ci. Dam ngawl ka umten, veh in zoh uh ci. Thongta in ka umten, nohten ka nel ah hawh in veh uh ci’ tin, thupia hi.
\p
\v 37 Mah ten midik cang miten, ‘Topa, Pathian, kohten ituk in Topa ningkial cu mu in cawm le vak ung kaw? Mah ahima tale, dangdum nak te mu in ituk ten Topai in tuk tin pia awng hum?
\v 38 Mikhual tin ituk ten mu in mikhual cawm nak kohten Topa cu bawl awng ung maw? Vansilh tuk nei ngawl in pumpi thacang ituk in koh ten mu in, Topa cu silh tik awng ung kaw?
\v 39 Topa dam ngawl in hihen, ituk ten mu in Topai nelah hawh awng ung kaw’ tin, kumpi pai nelah don leh haw tuk hi.
\p
\v 40 Kumpi in, ‘Nohtei lakah thungai in hilh ing. Ka U le nau tei lakpen a neu bel pakhat bawl mi hempoh keimah na bawl nak hi’ tin, don leh tuk hi.
\v 41 Mah cengten, kumpi pa cu veilam ah a um mite vang, ‘’tamsiat a co mite ka nelpen tulin Dawimang le Satan nung zui tei ca bawl mi kumkhua meipi sungah hawh ta un.
\v 42 Itahum titale, ningkial in ka umten nohten ka eihtuk pia ma uh ci. Dangdum in ka um ten, nohten in tuk tui pia ma uh ci.
\v 43 Mikhual in ka umten, nohten keimah muak ma uh ci. Silh tuk nei ngawl pumpi thacang ka umten, nohten ka silhtuk pia ma uh ci. Damngawl in ka umten le thawnginn sungah ka umten, nohten keimah zo ma uh ci’ tin, thupia tuk hi.
\p
\v 44 Mah ten a mun, ‘Topa Pathian, kohten ituk ten Topa ningkial in hihen, dangdum nak hei hihen, mikhual hihnak in hihen, silhtuk nei ngawl pumpi thacang in hihen, dam nak hei in hihen, thawngta hei in hihen, mu in Topa cu cawm le vak ngawl in um awng ung maw’tin don leh haw tuk hi.
\p
\v 45 Kumpi pa’n, ‘Thungai in hilh ing. A neubel tei lakpen mi pakhat lakah nohtei bawlnak na neih uh ngawl mi hempoh, keimah bawl ma hi’ tin, don leh tuk hi.
\v 46 Mah ten, a muhte cu kumkhua sual thukhen dantat nak thuak haw tuk hi. Mi dikcang te kumkhua nunnak ah hawh haw tuk hi’ tin, thupia hi.
\s Zisuh that tuk in ngaihsut nak
\c 26
\p
\v 1 Zisuh in mahmi thu awnkam hilhnak a neih cengten nungzui tei lakah;
\v 2 “Kaltan puai hennak tuk ninih bek a sap cu nohten thei uh ci. Mah ten mi capa cu thinglamteh humah thah tukin ap haw tuk hi” tin, thupia hi.
\p
\v 3 Mah ten thiampi U pa te le mipi tei lakpen kum U ham Kai-aphas tin sam mi thiampi ngeng huan sungah hulawm in;
\v 4 Zisuh cu ngaisung kuhden man that tukin thuvai siamkhawm haw hi.
\v 5 Mah naven a mun, “Mipi te lungcek cuk authawm cang tuk a lau hang, puai sung man tuk ngawl in” son haw hi.
\s Bethani khua ah a lupen ngimnam tui sathau thihnak
\p
\v 6 Bathani khua ah phaknat a nei mi Simon inn ah Zisuh a um laih tak in;
\v 7 Man a neizet mi sathau ngimnam tui suangngo thawlkhat cu numei nu pakhat in a nel ah keng in cabuai humah a khung tu, Topa cu a luhum pen mahmi sathau ngimnam tui leih hi.
\v 8 Nungzui tuten mah a bawl mi a muhten thinuuk in, “Ita hi tihbang a thupi nak um ngawl in mang zauthong thei cim?
\v 9 Hi sathau ngimnam tui cu man tam zet zuak in mizawng cangah te piak cu pha saw hi” tin, ti haw hi.
\p
\v 10 Zisuh in a theih ten, “Hi numei nu ita thinkham nak pia uh cim? A thungai in a mah cu ka ca in thil pha bawl hi.
\v 11 Itahum titale mizawng cangah haksa te cu nohte tuah a cat ngawl in um tuk hi. Kei cu nohte tuah a cat ngawl in um tuk ma hi.
\v 12 Hi numei nu’n sathau ngimnam tui ka hum ah a leihnak cu Keimah phumnak tuk in bawl nak a neih mi hi.
\v 13 Nohtei lakah thungai in hilh ing. Leihum hempoh ah a pha mi thuthang hilhnak hempoh, numei nui bawlnak a neihmi thu te vang numei phawh leh nak tuk in son haw tuk hi’ tin, thupia hi.
\p
\v 14 Mah cengten, nungzui tu heinih sung pen pakhat Judah Isakaliot cu thiampi U pa tei lakah hawh in;
\v 15 “Zisuh cu nohtei khut sungah ap tale nohten keimah sum ii zong pia tuk uh kam?” tin a tih ten a mun Judah cu sum sawmthum pia tuk in lungkim haw.
\v 16 Mah huncan penpan Judah in Topa ap tuk in huncan pha zei hi.
\s Kaltan puai tak eih
\p
\v 17 Naman sawh ngawl moh puai nikhat nak ni nungzui te Zisuh nel ah heng in, “Kaltan puai tak eih cu Topa’n mang tuk in ii lai mun pen kohtei ca bawl nuam cim” tin, thudong haw.
\p
\v 18 Topa’n, “Khuapi ah hawh in mi pakhat nelah, ‘Ka huncan nai zo hi. Na innah ka nungzui te tuah kaltan puai cu keiman do tung hitin, mah mipa cu hilh ta un hi” tin, thupia hi.
\v 19 Mah hang nungzui tuten Zisuh thucah nak bang kaltan puai cu bawl haw.
\p
\v 20 Zanlam huncan a hen ten, Topai nungzui tu heinih te tuah an eihnak cabuai ah khung haw hi.
\v 21 A muhtei an eih laih tak Topa’n, “Nohtei lakah thungai in hilhnak ka neih mi cu nohtei lakpen mi pakhat in keimah zuak tuk hi” tin, thupia hi.
\p
\v 22 Mah ten, nungzui te thinnop po ngawl a um haw hang, “Topa keimah ing maw’ tin Topai nelah pakhat nung pakhat in dong haw.
\p
\v 23 Topa’n keimah tuah pakan sungah a sawk tupa’n keimah zuak tuk hi.
\v 24 Mi capa cu a ma thu tuah seng in Laithiangtho sungah ngat mi bang, mi capa cu hawh tuk hi. Mah naven mi capa a zuak tupa cu thupha co ma hi. A mah cu a hing ngawl saw ta an a ma ca pha saw tuk hi” tin, thupia hi.
\p
\v 25 Mah ten Topa zuak tu Judah Isakaliot in, “Saza pa aw, keimah ing maw tin a dot ten, “Na tihnak bang hi zuh ci’ tin, thupia hi.
\s Amasa bel Topa taakeih puai
\p
\v 26 Mah cengten a muhte cu an ei a um laih tak, Zisuh in moh cu la in lungdam thu a hilh cengten moh cu bot kek in, a nungzui te pia hi, “La in ei un. Hi moh cu ka pumpi taksa hi’ tin, thuapia hi.
\v 27 Khuathai vang la in lungdam thu a hilh cengten a muhte sem in, “Nohtei venghawng in hi khuathai cu in ta un.
\v 28 Hi khuathai cu thukham thak tuah a seng mi sual ngaihdam hehpih nak tuk in mi tampi tei ca a luang mi ka thisan hi.
\v 29 Nohtei lakah ka hilhmi thu cu ka pai uknak ngam ah nohte tuah a thak in tuk mi hun le can ni tian in a tu pepan, cabit ngah pen a piang mi a tui cu in leh tuk ma toh ing hi” tin, thupia hi.
\p
\v 30 Mah cengten, a mun thangphat nak lasa in Olive mual hum ah hawh haw hi.
\s Piter elnak tuk thu a hilh hamnak
\v 31 Mah ten Zisuh in, “Kei cu Laithiangtho sungah ngat mi bang Tuukhal pa cu that in, tuu te vakvai thamkek khawng tuk laih hi ‘tin a ngat mi bang, tuni tak ten nohtei venghawng keima hang thinkham in um tuk uh ci.
\v 32 Mah naven, thawh lehnak ka neih nung ten Kalillee ngam ah nohte sang heng ma saw tung hi” tin, thupia hi.
\p
\v 33 Mah ten Pita in, “Topa hang thinkham ta vang kei cu ituk mahten thinkham tuk mang hi” tin, ti hi.
\p
\v 34 Zisuh in, “Na nelah thungai in ka hilh mi cu tuni zan ak khuang laih ngawl in nang cu keimah veithum tiptep el tuk ci” tin, thupia hi.
\p
\v 35 Pita in, “Kei cu Topa tuah thi ta vang Topa cu ituk mahten el tuk mang hi” tin, ti hi. Nungzui tu hempoh ten mah tihbang bok in ti haw hi.
\s Gesmani huan ah thunget nak
\p
\v 36 Mah cengten, Zisuh cu a muhte tuah Gesmani tin sam mi umnak ah heng haw. Topa’n nungzui tutei lakah, “Kei cu mah lai mun ah hawh in thunget laih tak hi lai mun ah khung hih un hi” tin a thupiak cengten;
\v 37 Pita le Zebadi capa panih cu sam hi. Mah ten, Topa cu thinkham nak le thasiat nak a um hang;
\v 38 “Ka hawvang cu thi tuk tian thinkham nak um hi. Hi laimun ah um hih un, keimah ngak un hi” tin, thupia hi.
\v 39 Mah cengten, dawmlaih no hawh bopkhup in, “Kapa aw a cang thei ta le hi khuaihai cu kan nelpen pial thei tuk a hi tale pial tik in. Mah naven keima deihnak in cang tik pah sin. Topa na deihnak bang hi tahen” tin, thungen hi.
\v 40 Mah ten, nungzui tutei lakah kik leh in a muhte hihbu a um haw mi cu a mun Pita nelah, “Nohten nazi pakhat sung no hei keimah ngak tukin cingcai nak tuah ngak thei ma uh cim maw?
\v 41 Sualsoh nakpen luat thei tuk in thunget nak tuah ngak ta un. Thinlung hawvang in deih naven, pumpi taksa thanem hi” tin, thupia hi.
\v 42 A veinih nak hawh leh in, “Kapa aw, hi khuaihai in ngawl pial thei tuk in a cang thei ma tale Topa na deihnak bang hita hen” tin, thungen hi.
\v 43 Mah cengten nungzui tei lakah kik leh in a muhte cu a mit hei hakto zo ngawl hihbu a muhten;
\v 44 A muhte cu zamden veikhat hawh leh in a thunget nak bang leng in veithum thungen thuah bet hi.
\v 45 Mah cengten Topa cu nungzui tei lakah kik leh in, “A tutian hihbuh ci in um laih uh cim? Zo un. Mi capa cu misual tei khut sungah apnak heng zo.
\v 46 Tho un. Ohte hawh tuk toh hung. Keimah ap tupa heng zo hi” tin, thupia hi.
\s Judah in a thut in nam
\p
\v 47 Mah tihbang a tih laih tak nungzui tu heinih sung pen Judah tihmi pa cu heng hi. Thiampi U pa te le mipi tei lakpen kum U ham tei hah mi mihon tampi te vang ngolh, nam te cawi in a mah tuah heng haw.
\v 48 Topa ap tupa’n, “Thut in apnak ka neih mipa cu a mah toh hi. A mah cu man ta un hi” tin, theihnak tuk a bawl mi cu a muhtei lakah hilh ham zo hi.
\v 49 Mah hang a mah cu Zisuh nelah heng cop paih in, “Thupha um ta hen Saza pa’ tin tiin Topa cu thut in nam hi.
\p
\v 50 Zisuh in ngualcam pa aw hen nak thu na neih mite bawl in hi” tin, thupia hi. Mah ten, mihing te heng in Zisuh cu man haw.
\v 51 Mah laih tak Zisuh tuah um lang khat mitei lakpen mihing pakhat in, a namkawng sung pen nam cu doktul a khut dang in, thiampi na dek tu sila pa sat in a beng tawng hi.
\v 52 Zisuh in mah mipa cu, “Na nam a um nak a kawng sungah koih leh in. Itahum titale, nam a mang tu hempoh nam tuah siatnak co tuk hi.
\v 53 A tu hei in ngalkap bu heinih sang a tam mi vancung mite ka nel ah hah tuk in, thu kapai nel ah thunget theihnak ka neihmi cu ngaisung thei ma cim?
\v 54 Mah tihbang a hitale, hi tihbang in cang tuk hitin a son mi Laithiangtho te itihbang cangkim nakah heng thei tuk hum” tin, thupia hi.
\v 55 Mah laih tak Zisuh cu mihon pi tei lakah, “Nohte cu misuam te mat mi bang ngolhte, nam te cawi in keimah man tuk heng ma uh ci maw? Kei cu nisial biakinn sung ah khung in, thu hilh ta vang nohten keimah man ma uh ci.
\v 56 Mah naven, hi thu hempoh a piang mi cu kamsang Laithiatngtho a kimnak tuk hi” tin, ti hi. Mah ten, nungzui tu hempoh ten Topa cu zam in taisan haw.
\s Thukhen nak heng
\p
\v 57 Zisuh a man tute cu Daan thiam Saza te le kum U ham tei hulop nak mun thiampi Kaiaphas nelah Topa cu hawh pih haw.
\v 58 Pita vang thiampi pai huan sung tian Topai nungpen khuala zet ngai kang ngawl in zui hi. A dawlta bel ten ithu cang hum tih mu tuk a sungah luttum in na dek tute tuah khung hi.
\v 59 Thiampi Upa te le khonsil U pa hempoh ten Zisuh that tuk in, a man ngawl mi theihpih nak tetti te zei naven mu zo haw ma hi.
\v 60 A man ngawl mi theihpih nak tetti tampi heng naven theihpih nak tetti mu zo haw ma hi. A dawlta bel ten mihing panih heng in;
\v 61 Hi mipa’n, “Pathian biakinn phia let in nithum sung sa ceng leh tung hi’ tih mi theihpih nak tetti cu nei haw.
\p
\v 62 Mah ten, thiampi U pa cu ding to in, “Kamkhat no hei don tuk ma cim? Hi miten na langkhat lampen theihpih nak tetti a neih haw mi cu itihbang kaw tin” Topa cu dong hi.
\v 63 Mah naven, Zisuh cu daiden no in um hi. Thiampi U pa ten, “Nang cu Pathian capa Khrih na hih le hih ngawl, kohtei lakah hilh tuk in a nung mi Pathian min cu sal in thukam tik hi” tin a tih ten;
\v 64 Na tihnak bang in man hi. Mah bek sial ngawl nohtei lakah ka hilhmi cu tunung ten mi capa cu huham tuah a dim mipai taklam khut ah khung in, vanhum meingo khung in a hen tuk cu nohten mu tuk uh ci” tin, thupia hi.
\p
\v 65 Mah ten, thiampi U pa silh mi puan cu botkek in, “Hi pa cu Pathian zawnsak hi. Ithu theihpih bet kul tuk um laih uh cim? Pathian zotsak awnkam a neih mi cu a tu hei in nohten za zo uh ci.
\v 66 Nohten itihbang in ngaisung uh cim” tin a dot ten, a mun hipa cu thih nak thuak tak hi” tin, don haw.
\v 67 Mah cengten, a mun Topai mai cu cilsiak in Topa cu a khuttum tuah sawh haw. Mi hek khat ten, Topa cu vat in;
\v 68 “Khrih aw, nangmah a vat tute cu a kua te kaw tih mi kamsang bawl in hilh in hi” tin, ti haw hi.
\s Zisuh cu Pita elnak
\p
\v 69 Pita cu inn pawlam huan sung ah khung hi. Mah ten, na dek tu numei pakhat cu a ma nel ah heng in, “Nangmah vang Kallile ngam mi Zisuh tuah um ngel langkhat uh ci” tin, ti hi.
\p
\v 70 Mah naven Pita in, “Na son lih mi thu cu ken thei kha mang hi” tin, mi hempoh mai pen el hi.
\p
\v 71 Mah cengten, kongka lam ah tul in a dang na dek tu numei pakhat in Pita a muhten, mah laimun ah a um miten, “Hi mipa cu Nazaret khua Zisuh tuah a um langkhat pa hi” tin, ti hi.
\p
\v 72 Pita in, “Mah mipa cu kei thei kha mang hi” tin, liat in el hi.
\p
\v 73 Mah ceng a ngei ngawl a bulah ding tute cu Pita nelah hawh in, “A thungai in nangmah vang, a muhtei lakpen a tel mi pakhat ci. Itahum titale, na awnkam na thu langciang zet tik hi” tin a son haw laih tak in;
\v 74 Pita in mah mipa cu kei kha mang hi, thukam nak bawl in a tih bek ten ak cu khuang hi;
\v 75 Mah ten Pita cu, “Ak khuang laih ngawl in nang cu keimah veithum el tuk ci” tin, Zisuh tihmi awnkam cu a phawk leh ten a pawlam ah tul in nasezet kap hi.
\s Zisuh cu Pilat kumpi pai nelah a hawh pih nak
\c 27
\p
\v 1 Khuavak huncan a hen ten, thiampi U pa te le mipi tei lakpen kum U ham hempoh ten Zisuh cu thihnak dantat tukin thusiamkhawm haw.
\v 2 Mah cengten, Topa cu ken in Pilat mai ah ap haw.
\s Judah in a mah le mah thukhen nak
\p
\v 3 Topa ap tu Judah in Topa sual thukhen nak thu a muhten thinnop ngawl in thiampi U pa te le khanghaam Upa tei lakah tangka sawmthum pia kik leh in;
\v 4 “Kei cu sual zo ing. Sualnak a nei ngawl mipai thisan ap zo ing hi” tin, ti hi. A mun ohte tuah itin seng kha hum? A sualnak cu mah le mah son cawm tuk mi hi” tin, ti haw hi.
\v 5 Mah ten, a man mahmi sum cu biakinn sungah vawkin mundang ah hawh khaungui awkin thi hi.
\v 6 Thiampi Upa ten mahmi sum cu la in, “Thisan man sum a hih hang, sumkhawl nak sungah koih pah sun hi” tin, ti hi.
\v 7 Thuvai siamkhawm nak a neih cengten, mikhual tei mithi khanmual tuk in bel bawl tupai lo cu mahmi sum tuah lei haw.
\v 8 Mah hang, mahmi lo cu tuni tian thisan lei mi hi” tin, ti hi.
\v 9 Mah ten, a mun a man talh haw mi sum cu Isarel miphun tei man a talhsak haw mi sum sawmthum cu lak in Pathian in ka nelah hilh mi bang in;
\v 10 Bel bawl tupai lo ngam tuk in mahmi sum pia haw hi” tin, kamsang Jerimiah nel ah a hilh mite kimnak tuk in a heng mi hi.
\s Kumpi pai nelah a hennak
\p
\v 11 Zisuh cu kumpi mai ah ding in kumpi pa’n, “Nang cu Judah kumpi hi cim’tin, dong hi. Zisuh in, “Na tihnak bang hi zuh ing hi” tin, ti hi.
\p
\v 12 Mah naven, thiampi U pa te le kum khangham tei sonsiat nak a co ten, Topa’n kamkhat no hei don ma hi.
\v 13 Mah ten, Pilat kumpi pa’n Topa cu, “Na langkhat lampen hizah tian theihpih nak a neih haw mi cu thei ma ci maw” tin, ti hi.
\v 14 Mah naven, Topa’n awnkam khatno hei don ngawl in a um hang, kumpi pan thasiah ngangai hi.
\s Zisuh maw, Barnabas
\v 15 Kumpi pa cu mahmi puainak ah mipi tei ca a muhtei deih mi thawngta pakhat luatnak a piak mi um hi.
\v 16 Mah huncan laih Barnabas tin sam mi minthang pakhat thawngta um hi.
\v 17 Mah a hih hang, mihing te hulopkhawm nak a neih haw ten Pilat kumpi pa’n, “Nohtei ca a kua luat tik nuam uh cim? Barnabas maw, mah ahima tale Khrih tin sam mi Zisuh kaw” tin, a muhte dong hi.
\v 18 Mah tihbang in thudot cu a mun iksik nak le huatnak thinlung tuah apnak thu Pilat in a theih hang hi.
\p
\v 19 Pilat kumpi pa cu thukhen nak humah a khun laih tak a nupi in a nel ah mi pakhat hah in, “Nang cu dikcang nak a nei mipa tuah ituk mah ten seng kha pah sin. Itahum titale, a ma hang tuni ka mang ah thinlung haksat nak tampi nei ing hi” tin, thucah hi.
\p
\v 20 Thiampi Upa te le mipi ten Barnabas cu ngen in Zisuh cu thukhen tuk in ti haw hi.
\v 21 Pilat kumpi pa’n, “Hi panih tei lakpen nohtei ca a kua luat tik nuam uh cim” tin a dot ten, a mun “Barnabas” tin, ti haw hi.
\p
\v 22 Pilat kumpi pa’n, “Mah tin ahitale Khrih tin sam mi Zisuh cu itin bawl tuk kaw” tin a dot leh ten a mun thinglamteh humah thahnak thuak tahen hi” tin, ti haw.
\p
\v 23 Pilat kumpi pa’n, “Itahum? A man i sualnak bawl hum tin a dot leh ten a mun, ‘Amah cu thinglamteh humah taak in that ta un hi” tin, au haw.
\p
\v 24 Pilat kumpi pa’n imah thupi nemcuam nak um ngawl, lung cek cuk thinuuk nak a neih haw mi cu a muhten mipi tei mai ah tui cu la in khut som nak a neihten, “Hi pai thisan cu keimah tuah seng kha ma hi. Hi thu cu nohten a thuson tuk uh ci” tin, ti hi.
\p
\v 25 Mihing tampi ten, “A thisan cu kei muhte le kohtei tu le canawn humah heng tahen” tin don leh haw.
\v 26 Mah ten, Pilat kumpi pan a muhtei ca Barnabas cu luat nak pia hi. Zisuh cu thikling ngolhtuah a vahtik cengten, thinglamteh humah taak tuk in ap hi.
\s Zisuh cu cekpan nautat in a bawl hawnak
\p
\v 27 Mah cengten, kumpi pai ngalkap ten zung sungah hawhpih in ngalkap bukhat cu Topai nelah hulawm tikin;
\v 28 Topai silh mi van te duk in puansan cu Topa silh tik haw.
\v 29 Ling lukhu cu a luhum ah khu tik haw. Pumpeng kang pakhat a taklam khut ah cawi tikin, Topai mai ah khukdin in, “Judah miphun tei kumpi, thupha um tahen, tin cekpan zotsak in son haw.
\v 30 Mah cengten, Topa cu pumpeng kungkang ko la in a lupen vat haw.
\v 31 Mah tihbang in Topa cu cekpan zotsak nak a bawl cengten puansan silh cu duk in, Topai van cu a silh leh tik ten, thinglamteh humah taak tuk in Topa cu hawhpih haw.
\s Thinglamteh humah a taaknak
\p
\v 32 A muhtei hawh tul laih tak Simon tih mi Cy-re-ne khuapa pakhat tawk in Topai thinglamteh cu pua lo tik haw.
\v 33 Mah tihcun lu nguh umnak mun tin sam mi Kalgotha tih mi umnak munah a hen hawten;
\v 34 A mun, Topa cu sikha tuah tohhel mi cabit tui uum cu pia haw hi. Tepteh in in nuam ngawl um hi.
\v 35 Mah ten, a mun Topa cu thinglamteh humah taak in Topai silh mi van te cu me sawk in sem haw.
\v 36 Mah cengten, mah lai mun ah khung in Topa cu ngak haw hi.
\v 37 Topai lu hum ah, “Hi pa cu Judah miphun tei kumpi Zisuh hi” tin, ngat mi cu taak haw hi.
\v 38 Misuam panih te vang Topa tuah langkhat in a taklam ah pakhat, a veilam ah pakhat, thinglamteh humah taak haw.
\v 39 Lamzin a hawh tu hempoh ten biakinn cu phialet in saleh thei pa nangmah le nangmah pan in.
\v 40 Pathian capa man ngai na hitale thinglamteh humpen tolhin hi” tin, a mun a lu thing in zotsak nak awnkam tuah son haw hi.
\p
\v 41 Mah bang bok thiampi ngeng, Daan thiam saza, U pa hempoh ten hipa cu mi dangte nunpat thei hi.
\v 42 Mah naven, a mah le mah nunpat cop thei ma hi. Isarel kumpi a hitacun a tuin thinglamteh humpen tolhsuk hen. Tolhsuk nak a nei tale kohten a mah cu um tuk ung.
\v 43 A mah cu Pathian muannak nei awng hi. Pathian deihnak a um tale a tu loli in a mah cu nunpan hen. Itahum titale, “Kei cu Pathian capa ing hi’ tin, son haw hi.
\v 44 Topa tuah munkhat in thinglamteh humah taak mi misuam tuten, Topa cu mah tihbang zotsak in nautat haw hi.
\s A thihnak
\p
\v 45 Sun laih tak penpan taklam nazi pathum tian leihum buppi cu khuathim in um hi.
\v 46 Taklam nazi pathum ten Zisuh in E’li, E’li, la’ma sa-bach’tha-ni” tin ngingzet in au hi. A sullam cu ka Pathian, ka Pathian, ita kei zam san nge cim’tin, a tih nopnak hi.
\p
\v 47 Mah lai mun ah a ding li mi hekkhat ten a zak ten, “Hi pa cu Elijah sam hi” tin, ti haw hi.
\p
\v 48 Mihing pakhat cu manlang zet tai tuiphuan cu la in tuithuk tuah dim tik in mahmi cu pumpeng kang hum ah koih in Topa cu in tik hi.
\v 49 Mah naven midang ten, “Um ta poh hen. Elijah cu a mah nunpan tuk in hung le hung ngawl cu ohten zo tuk hung hi” tin, ti haw hi.
\v 50 Mah cengten, Zisuh cu ngingzet aunak a neih cengten a nunnak bo ta hi.
\p
\v 51 Mah ten, biakinn sung puankhan zak mi kalaka cu a hum lampen a nuailam tian khennih suah in balkek hi. Leipi cu hing in suangte khi keh let khawng hi.
\v 52 Than khuk te vang palh let hong in, hihbu sa mithiangtho tampi tei pumpi cu tho leh haw hi.
\v 53 Zisuh a thawh leh cengten a muhte cu than sung pen tholeh haw in, a thiangtho mi khuapi sungah luttum in mi tampi tei lakah lang haw hi.
\v 54 Ngalkap bawi penpan Zisuh a cing tute cu hinhing nak tuah a cang mite a muh haw ten nasezet lau in, “Hi pa cu Pathian capa ngangai hi” tin, ti haw hi.
\v 55 Zisuh a cawm tu Kallile ngam pen a nungah zui tu numei tampi te vang mah lai munah um in khuala pi pen zo haw hi.
\v 56 Mahmi numei tei lakpen Mag-da-le ne khua mi Mary, Zeim le Josep tei nu Mary le Zebedi tei nu te vang tel bok haw hi.
\s Zisuh phumnak
\p
\v 57 Taklam huncan a hen ten Ar-i-ma thae’a khua pen Josep tih mi milian pa cu Zisuh nungzui a hih bang in,
\v 58 Pilat kumpi pai lakah lut tum in Zisuh luang cu ngen hi. Pilat kumpi pan a luang pia tuk in thupiak nak nei hi.
\v 59 Josep in a luang cu la in puanngo tuah a tuap cengten.
\v 60 Suangkua vihmi a ma thanthak sungah koih hi. Suang ngengpi tuah kongka cu delh in pin leh hi.
\v 61 Mag-da-le ne khua mi Mary le a dang Mary te vang mah lai mun ah um in than kongka mai ah khung haw hi.
\s Than khuk a cin hawnak
\p
\v 62 A tuangtip nak a neih mi ni luan in, a zingten thiampi U pa te le Farasi te cu Pilat kumpi nelah hulawmkhawm in;
\v 63 “Topa aw, mizol thei tupan a nun laih, ‘Kei cu nithum lawi ten tholeh tung hi” tin sonnak a neihmi cu kohten thei laih ung.
\v 64 Mah hang, nithum a kim tian thancing tukin thupia in. Mah ahima tale, a nungzui tute zan hun ten hung in a luang ngu in, ‘A mah cu a thi mitei lakpen tho zo hi” tin, mipi tei lakah son haw tuk hi. Mah ten, a dawlta zolnak cu a masa in zolnak sang na se saw tuk hi” tin, ti haw hi.
\p
\v 65 Pilat kumpi pa’n, “Nohtei lakah a cing tu ngalkap nei ma uh cim. Hawh ta un, nohtei tih theih tawk himno a um theih nak tukin cing ta un hi” tin, ti hi.
\v 66 Mah ten, a muhte hawh in suang tumpi cu tacik khenin, a cing tu ngalkap te koih in than cu cing tik haw hi.
\s Thawh lehnak
\c 28
\p
\v 1 Colhni bo in, ni pikhat sung pen ni masabel ni, zingtung khuavak susup tuk huncan ten Mag-da-le ne Mary le a dang Mary ten, than cu zo tukin hawh haw.
\v 2 Mah laih tak nasezet hinhing hi. Itahum titale Pathian vancung mite cu vanhum pen tolhsuk in, than kongka pit nak neih mi suang cu lumlet in mahmi suanghum ah khung hi.
\v 3 A mit mai cu khuaphelep bang a hih hang, a silhmi puan cu vuk bang in ngo hi.
\v 4 A cing tuten vancung mite a lau haw hang, can tawtok mithi bang um haw hi.
\v 5 Mah ten vancung miten numei tei lakah, “Lau pah su un. Nohten thinglamteh hum ah taak mi Zisuh cu zei in um li uh ci tih cu thei ing.
\v 6 Topa cu hi lai ah um leh ma zo. Itahum titale, a thupiak mi bang tholeh zo hi. Topa phumnak neih mi umnak cu hawh in zo ta un.
\v 7 Mah cengten manlang zet hawh in thihnak pen a thawh lehnak thu cu nungzui tei lakah hilh ta un. Nohtei mai ah a um mi Kallile ngamah heng zo. Mah lai ah nohten Topa mu tuk uh ci” tin, hilh ta un. A tun nohtei lakah hilh zo ing hi” tin, ti hi.
\p
\v 8 Mahmi numei ten lau haw naven nasezet lungdam in, thanmual ah manlang zet hawh in nungzui tei lakah mahmi thuthangpha hilh tuk in tai haw hi.
\v 9 Mah ten, Zisuh cu a muhte tuah tawk un haw in, “Thupha um tahen” tin, ti hi. A mun zuan in, Topai ke pen pom bopkhup in bia haw hi.
\v 10 Mah cengten Zisuh in, “Lau pah su un. Hawh ta un, ka U le nau te Kallile ngamah hawh tuk in, hi thuthang awnkam hilh ta un. A muhte cu mah lai pen keimah mu haw tuk hi” tin, thupia hi.
\s Ngalkap te zol tukin a nawhthuh nak
\p
\v 11 Mah numei te a hawh laih tak a cing tu ngalkap hek khat te vang khuasung ah heng in, a piang mi thu hempoh thiampi U pa tei lakah hilh haw hi.
\v 12 Mah ten, thiampi Upa ten kum U ham Upa te tuah hulawmkhawm thuvaisiam ngalkap te sum tampi pia in;
\v 13 “Zan lam huncan kei muhtei hihbuh laih tak a nungzui tute heng in a luang cu ngu haw hi” tin, ti haw hi.
\v 14 Mahmi thu cu kumpi ten a thei tale zol tuk hung, nohtei sual um tuk ngawl in bawl tuk hung hi” tin, ti haw hi.
\v 15 Mah ten, ngalkap ten sum cu la in a muhtei lakah a hilh mi bang bawl haw hi. Mah tihcun, mahmi thu cu Judah miten tuni tian son laih hi.
\s A ngengbel mi na a deh tiknak
\p
\v 16 Mah cengten, nungzui tu heikhat te cu Kallile ngam ah hawh in a muhtei lakah Zisuh thucah nak a neih mi mual hum ah kai in Topa cu mu in bia haw.
\v 17 Mah naven, mi hek khat ten sang thei haw ma hi.
\v 18 Mah ten Zisuh cu a muhtei lakah zuan in, “Van le leihum hempoh ah a um mi thu neihnak te ka nelah ap zo.
\v 19 Mah hang, nohte cu hawh in miphun hempoh ka nungzui cang tik in, Pa, Capa, Hawvang thiangtho min in baptisma pia ta un.
\v 20 Nohtei lakah thukham ka piak mi hempoh cingkem tuk in thu hilh ta un. Keiman leipi a bo tian, nohtei lakah a cat ngawl in um tung hi” tin, nungzui tutei lakah thupia hi.