cnw_reg/37-HAG.usfm

\id HAG
\ide UTF-8
\rem The text in this file was extracted from C:/DCS/Chin, Ngawn/WORD/37. HAGGAI. docx.
\mt Haggai
\h Haggai
\mt Haggai
\toc1 Haggai
\toc2 Haggai
\toc3 hag
\s Pathian inn sa tukin a samnak
\c 1
\p
\v 1 Darius kumpi uknak kumnih, ha luk ha, nikhat ni in kamsang Haggai in Judah khuapi uktu bawi, Shealtiel capa Zerubabel le thiampi ngeng Josedech capa Joshua nelah Pathian awnkam heng in,
\v 2 Vancung ngalkap Topa Pathian thupiak mi huncan heng ma laih hi. Pathian inn sak tuk mi huncan heng ma laih hitin, hi miphun tei son mi cu,
\v 3 Kamsang Haggai nelah Pathian awnkam thu a heng mi cu,
\v 4 Ngualcam te aw, nohten thuahnih tuah a cangkim mi inn sungah um huncan um napi in, inn sia tuah in um tuk maw?
\v 5 A tu in vancung ngalkap Topa Pathian thupiak na zui mi nun dan ziaza ngai sung un.
\q
\v 6 Nohten anci tampi vawh ta vang ankung a ngah dawm no ngah hi. An ei ta vang a kham in ei ma uh ci. In ta vang a kham in in ma uh ci. Puan silh ta vang a lum no silh ma uh ci. Na dek in tha man co tavang, a pha ngawl mi dip sungah khawl uh ci.
\p
\v 7 Vancung ngalkap Topa Pathian thupiak mi cu na nuncan ziaza ngai sung un.
\v 8 Mual hum ah kai in thingta na ken cengten inn cu sa un. Keimah vang lungdam in ka minthan nak lang tuk hitin, Pathian in thupia hi.
\v 9 Nohten tampi ngah tuk hitin ngaisung ta vang ngah mi neihnak um ma hi. Inn na hen ten keiman muut vawk ing. Itahum tin vancung ngalkap Topa Pathian in dong hi. Inn cu a sia um hang in hihen, nohten nang muhtei inn tek ah tai hang hi.
\v 10 Mah hang, nohtei hum ah nguah tui kang in dai tui cak ma hi. Lei vang in ankung a ngah pia ma hi.
\v 11 Leihum ah hei hihen, mual hum ah hei hihen, cang, a hum mi cabit tui, sathau hum ah hei hihen, lei sung pen a suak mi hempoh hum ah hei hihen, na deh mi hempoh hum ah hei hihen, a ko in haksat nak cu keiman cah zo ing hitin, thupia hi.
\p
\v 12 Mah ten Shealtiel capa Zerubabel le thiampi ngeng Josedech capa Joshua penpan a tang mi hempoh a muhtei Topa Pathian thupiak hei hihen, a muhtei Topa Pathian tik mi kamsang Haggai awnkam a ngaih hang, Pathian mai pen lau haw hi.
\v 13 Mah ten Pathian thupiak mi bang Pathian nungzui Haggai in kei cu nang muhte tuah um ing hitin, Pathian thupiak mi cu mihing tampi tei lakah hilh hi.
\v 14 Pathian in, Judah khuapi uktu bawi le Shealtiel capa Zerubabel le thiampi ngeng Josedech capa Joshua penpan a tang mi hempoh a sosuah hang,
\v 15 Darius kumpi uknak kumnih, ha luk ha, ni kulluan li ni in a muhte hung in a muhtei Pathian, vancung ngalkap Topa Pathian inn sung pen na dek haw hi.
\s Inn thak minthan nak thukam
\c 2
\p
\v 1 Ha salih ha, ni kulluan khat ni in kamsang Haggai nelah Pathian awnkam heng in,
\v 2 Nang cu Judah khuapi uktu bawi Shealtiel capa Zerubabel le thiampi Josedech capa Joshua penpan a tang mi hempoh tei lakah na hilh tuk mi cu,
\v 3 Hi inn cu tang laih minthan nak tuah a dim mi a muh awng hang, nang muhtei sung pen a tang mite cu a kua hum? A tu in i mu cim? Tehkip nak bawl ta le nohtei mai pen imah a hi ngawl mi bang hima maw?
\v 4 Mah naven Zerubabel aw, thazang la in hitin, Pathian in thupia hi. Thiampi ngeng Josedech capa Joshua aw, thazang la un hitin, Pathian in thupia hi.
\v 5 Izip ngam pen a tul ten nang muhte tuah ka bawl mi thukhaam awnkam bang, kei cu nang muhte tuah um ing. Ka hawvang cu nang muhtei sungah um hi. Laupah sun hitin, vancung ngalkap Topa Pathian in thupia hi.
\p
\v 6 Vancung ngalkap Topa Pathian thupiak mi huncan a ngei laih ngawl vanhum, leihum, tuipi, mual te cu keiman hing leh tung hi.
\v 7 Miphun hempoh keiman hing tung. Miphun hempoh tei a deihawh mi thu heng in, hi inn cu minthan nak tuah keiman dim tik tung hitin, vancung ngalkap Topa Pathian in thupia hi.
\v 8 Sui le ngun cu keiman co ing hitin, vancung ngalkap Topa Pathian in thupia hi.
\v 9 Sak leh tuk mi inn cu a masa inn sang a minthan nak ngeng saw tuk hitin, vancung ngalkap Topa Pathian in thupia hi. Hi umnak mun sungah daihnak keiman pia tung hitin, vancung ngalkap Topa Pathian thupia hi.
\s Mui cu thupha pia tu Pathian
\p
\v 10 Darius kumpi uknak kumnih, ha kuah ha, ni kulluanli ni in Pathian awnkam cu kamsang Haggai nelah heng in,
\v 11 Vancung ngalkap Topa Pathian in nangman a dik mi thu thiampi nelah na dot tuk mi thu cu,
\v 12 Mihing in a thiangtho sa cu a puan tuah cun in, moh, tuihang, cabit tui, sathau tihbang a um mi an eih tuk pakhat cu mahmi puan tuah a tokkha tale mahmi an eih tuk cu thiangtho tuk hitin a dot ten, thiampi ten, mahmi an eih tuk cu thiangtho ma hitin, don leh haw hi.
\p
\v 13 Haggai in a thi mi luang tuah a thiangtho ngawl mipa cu mahmi thil pakhat a tokkha tale a balnak um tuk hitin a dot ten thiampi ten a balnak um tuk hitin, don leh haw hi.
\p
\v 14 Haggai in hi miphun, hi ngam miphun te ka mai pen mah tihbang in cang haw hi. A muhtei bawl mi hempoh mah tihbang cang haw tuk hi. Ka nelah a piak mi thu cu bal hitin, Pathian in thupia hi.
\p
\v 15 Pathian biakinn sungah pakhat hum ah pakhat koih laih ngawl in, tuni penpan a humlam thu zo leh in ngaisung un.
\v 16 Mahmi huncan ten cang tangkul a suak mi cang pung ah mihing a hen ten kul bek ngah hi. Cabit tui bel sawmnga la tuk in, cabit ngah ngawi nak khuk sungah a hun ten kul bek ngah hi.
\v 17 Nohtei bawl mi hempoh sung pen huih theu in a tawhkhak hang thingkung haksat nak, a tui zung thi in haksat nak tuah keiman dan tat zo ing. Mah naven, nohten ka nelah pin leh ma uh ci tin, Pathian in thupia hi.
\v 18 Pathian biakinn tawphah khuamcawh nak cu ha kuah ha, ni kulluanli ni, tuni penpan mai lam ah zo in ngaisung un. Ngaihsut tuk mi thu cu,
\v 19 Cangbem sungah cang um maw. Um ma. Cabit kung, theipi kung, tale kung, olive kung te a ngah ngah haw ma laih hi. Mah naven, tuni penpan nang muhte keiman pia tung hitin, thupia hi.
\s Pathian tacik khutzung but a himi Zerubabel
\p
\v 20 Mahmi ha ni kulluanli ni in Pathian awnkam thu cu Haggai nelah heng leh in,
\v 21 Nang cu Judah khuapi uktu bawi, Zerubabel hilh mi thu cu keiman vanhum le leihum hing tung.
\q2
\v 22 Uknak ngam tei kumpi tohkham khunnak te liplet in uknak humham a phunphun cu siatsuah tung. Leng le leng khung tu ngalkap hempoh vang liplet tung. Cipuh le cipuh khung tu ngalkap te pakhat le pakhat phuk haw tuk hi.
\p
\v 23 Vancung ngalkap Topa Pathian thupiak mi Shealtiel capa aw, ka sila Zerubabel mah ten nangmah cu keiman la in tacik khut zungbut bang in pia tung hitin, Pathian in thupia hi. Nangmah cu keiman teng zo ing hitin, vancung ngalkap Topa Pathian in thupia hi.