cnw_reg/33-MIC.usfm

\id MIC
\ide UTF-8
\rem The text in this file was extracted from C:/DCS/Chin, Ngawn/WORD/33. MICAH. docx.
\mt Mikah
\h Mikah
\mt Mikah
\toc1 Mikah
\toc2 Mikah
\toc3 mic
\c 1
\p
\v 1 Judah kumpi Jotham, Ahaz, Hezekiah kumpi khut sung pen Morasth khua mi Mikah cu Samaria khuapi le Jerusalem khuapi ca a co mi Pathian awnkam thu cu,
\v 2 Miphun hempoh te aw, ngai un. Ngam le ngam sung miphun hempoh te aw, Topa Pathian tih mi a thiangtho mi biakinn sung pen Pathian cu nohtei a langlam pen theihpih tuk hi.
\q
\v 3 Pathian cu a umnak mun pen tul in a sang mi lei ngam umnak mun te pal tuk hi.
\q
\v 4 Mei mai pen phazawngden bang in hihen, liang kham pi pen a luang mi tui bang in hihen, a mai pen mual te zung in, munlawn te vang khi haw tuk hi.
\q
\v 5 Mahmi thu cu Jakop in palcat in Isarel miphun sual hang heng hi. Jakop palcat mi sual cu i tihbang hum? Samaria khuapi hima maw? Judah khuapi a sangnak mun cu i lai ah hum? Jerusalem khuapi sungah um hima maw?
\q
\v 6 Mah hang, Samaria khuapi cu lo sung pen lei ngam zuk bang in hihen, cabit huan phutnak bang cang tuk hi. Khuapi khantian suang te hawkluam sungah vawk in, khuapi khantian nak a zung te liplet tuk hi.
\q
\v 7 Zuk milim hempoh ektuah tuk hi. Midang te thacial in a ngah mi hempoh meihal tuk hi. A sual mi pathian hempoh vawk tuk hi. Suzuak in neihnak a zeih hang, a neihnak cu suzuak nui khut sungah heng leh tuk hi.
\s Ninaveh khuapi ah Jonah a hawhnak
\q
\v 8 Mah hang kei cu kap tung. Puan silh duuk thacang in vak tung. Ngam ui bang ham in, kalauk vano bang khuang tuk hi.
\q
\v 9 A thuak mi liam ma cu dam thei ma hi. Judah tian a lawn hang, ka miphun umnak mun Jerusalem khuapi kongka bul ah heng zo.
\q
\v 10 Gath khuapi sungah thuthang phuang pah sun. Kap hihim pah sun. Beth-le’aphrah khuapi leivul ah bual in um haw hen.
\q
\v 11 Shaphir numei aw, puan cu duuk in mualpho nak tuah hawh in. Zaanan khuapi canu a kahnak hang tul ma hi. Beth-ezel khuapi in nang muhtei caamnak tuk thu pia ma hi.
\q
\v 12 Maroth khuapi canu in a pha mi cu deihnak tuah ngak in um hi. Itahum titale, Pathian nel pen haksat dan tat nak cu Jerusalem khuapi kongka bul ah heng zo.
\q
\v 13 Lachish khuapi canu aw, a man lang mi cipuh leng pen lam in hi. Nang cu Isarel palcat sualnak co in, Zion canu te sualnak lamzin lak zo ci.
\q
\v 14 Mah hang nang cu Gath ngam Moresth khuapi ah laksawng pia tuk hi. Achzib khua miten Isarel kumpi te zol haw tuk hi.
\q
\v 15 Maresah khua mi canu aw, na neihnak lo a co tupa cu keiman sam tung. A mah cu Isarel minthan nak, Adullam khuapi ah heng tuk hi.
\q
\v 16 Deih awh huai mi na canu le capa te matnak a co hang, a muhtei ca na lu sam met kolh um in hi. Mulukolh bang na lukolh in bawl in.
\s Mihing ngaihsut le Pathian ngaihsut
\c 2
\p
\v 1 Sual bawl tuk in ihkhun zaunak humpen a pha ngawl mi ngaihsut nak ngai sung in, zing khuavak ten huncan a ngah mi bang a bawl thei tu mite cu thupha um ma hi.
\q
\v 2 Midang tei inn le lo hawzak nak hang nehsiah long in mihing le a ma inn hei hihen, mi U pa le a neih nak lo co mite hei hihen lonsak in bawl siat thei hi.
\p
\v 3 Mah hang, Pathian thupiak mi nohten a ngawng cu hah ngawl in, a lu dang thei ngawl mi haksat nak dan cu mah tihbang mi inn sungsang a langlam pen keiman ngaisung ing. A pha ngawl huncan in cang tuk hi.
\q
\v 4 Mahmi huncan ten nohtei a langlam pen tehkip nak awnkam mang in, a nasezet mi kahnak awnkam tih mi cu kohte sia khawng zo hi. Ka miphun tei co tuk mi cu thawn in ka khut pen lon sak zo. Kei muhtei lo ngam te vang lon sak in midang te pia zo.
\q
\v 5 Mah hang, Pathian mipi ten nang muhtei co tuk mi cu khau tuah a teh tu um ma hi.
\s Kamsang sual te
\q
\v 6 Kamsang bawl te aw, kamsang bawl pah sun. A mun mualpho tuk in kamsang bawl haw ma hi.
\q
\v 7 Pathian hawvang kham nak co maw? Hi thu te bawl hitin Isarel miphun a dot ten, dikcang nak tuah a nung tupa cu ka awnkam hang phat nak co hima maw?
\q
\v 8 Ni dang laih penpan ka miphun ten ngaldo nak hang tho haw zo. Ngal donak mun pen pin in haksat nak lau ngawl in a hawh tutei a pawlam silh mi puan le a sunglam silh mi puan cu lonsak thei haw hi.
\q
\v 9 Ka miphun tei nupi te a mun a nop mi umnak mun pen hawl vawk in a catei lak pen ka minphat nak a cat ngawl in lon sak haw zo.
\q
\v 10 Tho in hawh un. Hi ngam cu nohtei daihnak mun hima hi. Hi umnak mun a bal hang nasezet in sia tuk hi.
\q
\v 11 A deihnak ah zui in zol thu a mang tupan kei cu kamsang bawlin cabit tui thu le zuhang thu cu hilh tung hitin, a ti tale mah mipa cu hi miphun tei kamsang cang tuk hi.
\s Suak ca tuk ngallin piaknak
\q
\v 12 Jakop aw, keiman na miphun hempoh te hei hihen, a tang mi Isarel miphun hempoh tei hei hihen, hulawmkhawm le leng tik tung. Tuu huan pen tuu te bang in hihen, hampa dawn umnak munpen tuu hon bang in hihen, a muhte cu keiman kem tung. Mihing tampi hang aw nging tuk hi.
\q
\v 13 Nehnak a hong tupa cu a muhtei mai pen hawh hi. A muhte vang nehnak hong in kongka pi pen hawh haw hi. A muhtei kumpi cu a muhtei mai ah hawh in Pathian in lamhuai hi.
\s Lamhuai tute le kamsang te mawhsiat a thuaknak
\c 3
\p
\v 1 Ka hilh mi thu cu Jakop miphun kumpi Isarel miphun uktu te aw, ngai un. Nohten a dik aman mi thukhen nak cu theih kul hima maw?
\q2
\v 2 Phatnak hua in sual bawl nuam ten midang tei vun hei hihen, a nguh ah a kop mi taksa hei hihen, laksak in,
\v 3 Ka miphun tei taksa ei a vun khok in a nguh te ektuah tuihang bel sungah huan mi a taksa, bel sungah huan mi sa te bang a nguh taksa te satcen napi in,
\v 4 Nohten Pathian cu na sam uh ta vang ngai tuk ma hi. Sual a bawl haw mi bang, mahmi huncan ten mitmai pial tuk hi.
\p
\v 5 Ka miphun te sual tik in kham pek a eih ten daihnak thu um hitin au in a cawm thei ngawl mite cu ngal do tuk bawl in kamsang a bawl tute aw,
\v 6 Nohten muhnak mu thei tuk ngawl in zan hun heng tuk hi. A heng tuk laih mi thu phuang thei tuk ngawl in khuathim in cang tuk hi. Kamsang tei sungah ni tum tuk hi. Sun huncan hei in khuathim in khuh tuk hi.
\q
\v 7 Mah ten kamsang te mualpho haw tuk. A heng tuk laih a phuang tuten thinkham in um haw tuk. Pathian in a dot ngawl hang, a muhtei venghawng in a kam cu hup haw tuk hitin, Pathian in thupia hi.
\q
\v 8 Kei cu Jakop miphun sual palcat nak, Isarel miphun sual bawl cu a muhtei lakah hilh thei tuk in, Pathian hawvang hang huham, theihnak, thazang ngilnak tuah dim hi.
\q
\v 9 Dikcang zet thukhen nak hua in dan thukham hempoh siatsuah hang,
\v 10 Mi thahnak thu tuah Zion khuapi hei hihen, a thiangtho ngawl mi thu tuah Jerusalem khuapi hei hihen, a kem tu Jakop miphun kumpi Isarel miphun uktu te aw, ngai un.
\q
\v 11 Kumpi ten laksawng ngah tuk bek in thukhen thei hi. Thiampi ten a man co tuk bek in hilh thei haw. Kamsang ten sum ngah tuk bek in a heng tuk laih mi thu phuang thei haw. Mah naven Pathian bel in Pathian cu ohtei sungah um hima maw, haksat nak heng thei ma hitin, son thei haw hi.
\q
\v 12 Nang muhtei hang Zion mual cu lo bang leh nak co tuk hi. Jerusalem khuapi vang siatsuah mi lei ngam zuk te in cang tuk hi. Biakinn mual vang ngam lak bang cang tuk hi.
\s Pathian mual
\c 4
\p
\v 1 Ni dawl bel huncan ten Pathian inn sak mual cu mualpi le mualneu hum ah khaisang in um tuk hi. Mihing hempoh te mahmi mual ah hulawmkhawm haw tuk hi.
\p
\v 2 Miphun tampi te vang hung un. Pathian mual hum Jakop miphun tei Pathian inn ah kai tuk hung. Lamzin te lak in a hilh hang kohten a ke ngiah zui tuk ung hitin, khualzin hawh thah in son haw tuk hi. Thudik cu Zion mual pen hei hihen, Pathian awnkam thu cu Jerusalem khuapi pen hei hihen heng tuk hi.
\q
\v 3 Pathian cu mihing tampi sung pen thukhen in, khua pi pen thazang ngilnak a nei miphun te thu a hilh hang, a muhtei nam ngal hiam te lo leh nak ha in cang tik tuk in hihen, ceipi te cu phio cang tik tuk in hihen, su pek in bawl haw tuk hi. Ngam khat le ngam khat ngal do ngawl in, ngal do thiam nak vang cung leh haw tuk ma toh hi.
\q
\v 4 Mihing hempoh ten a neih mi cabit kung, a neih mi theipi kung nuai ah khung haw tuk hi. A lau tik tu pakhat no hei um tuk ma hi. Vancung ngalkap Topa Pathian awnkam suak a thupiak mi um hi.
\q
\v 5 Miphun hempoh ten mah tuah a seng mi Pathian min cu bel in zui thei haw. Kohten, mah tuah a seng mi Topa Pathian min cu a cat ngawl bel in zui tuk ung.
\s Pathian ngaisut tuptah nak
\q
\v 6 Pathian thupiak mi huncan ten khel bai pa cu keiman sam tung. Hawlvawk a co mipa ka bawl siat awng mite keiman hulawm tik tung.
\q
\v 7 Khel bai pa cu keiman tang tik tung. A khuala pi ah hawlvawk a co tupa cu a thawmngeng miphun cang tik tuk in keiman thukhen tung. Pathian in Zion mual hum pen a muhte cu a tu le a kumkhua a cat ngawl in uk tuk hi.
\q
\v 8 Tuu hon umnak innpi aw, Zion canu tei a kho mi umnak mun a masa in thuneih uknak heng tuk hi. Uknak ngam cu Jerusalem canu tei khut sungah heng leh tuk hi.
\q
\v 9 A tu in nang cu ita aw nasezet tuah au nge cim? Na nelah kumpi pakhat no hei um ma maw? Ngaisut nak a pia thei tu bawi U pa tham zo maw? Nau hing numei bang nang cu haksat cimnak thuak ma cim maw?
\q
\v 10 Zion canu te aw, nauhing numei bang haksat cimnak thuak in capa hing tuk thasuah in. A tu in nangmah cu khuapi sung pen tul in lo sungah um tuk ci. Babilon khuapi tian hawh tuk ci. Mahmi khuapi sung pen luat tuk ci. Mahmi khuapi sungah Pathian in nangmah cu ngal tei khut sung pen tan tuk hi.
\q
\v 11 A tu in miphun hempoh ten Zion khuapi cu bal hih ta hen. A ma nelah kohtei deihnak kim tik hen hitin, na langlam pen hulawm in son haw.
\q
\v 12 Mah naven Pathian thinlung thei ngawl in a ngaihsut nak thei thiam haw ma hi. Cangtel te cu cangcil nak mun ah hulopkhawm bang a muhte cu hulawm in koih tuk hi.
\q
\v 13 Zion canu te aw, tho in cil un. Na ki cu thik tuah in hihen, na ketin te dal tuah in hihen, keiman ceng tik tung. Nangman miphun hempoh te zan zet in cil pek tuk ci. A muhtei sungah a um mi hauhsak neih nak la in leihum hempoh uktu Topa Pathian pia tuk hi.
\s Bethlehem khuapi pen uktu pakhat
\c 5
\p
\v 1 A tu in ngalkap Upa canu te aw, hulawm in ngal donak bawl un. Eimuhte kil haw zo. Isarel kumpi capa cu tingngolh tuah vat haw zo.
\q
\v 2 Bethlehem Ephrathah khuapi aw, uktu Judah ngam sung pen nang cu khuapi neu a pha ngawl bel na hi ta vang, Isarel uktu Topa cu keima ca na sung pen heng tuk hi. Mahmi Topa cu leipi a po pat penpan in a heng mi Topa hi.
\q
\v 3 Mah hang nau hin haksat nak a thuak tu numei in a hin laih ngawl in hihen, Isarel mipun te tuah a tang mi U le nau te a thawn laih ngawl in hihen, a muhte zam san tuk hi.
\q
\v 4 Mahmi Topa cu ding in Pathian huham tuah in hihen, a Topa Pathian huham tuah in hihen, a tuu hon te cawm tuk hi. A muhte vang um haw tuk hi. Itahum titale, mahmi Topa cu leihum a bo tian ukin daihnak thu in cang tuk hi.
\q
\v 5 Assyria mihing cu kohtei ngam ah hung in biakinn te a pal ten tuu khal tu mihing salih te le U pa liat te cu kohtei sungah heng in,
\s Suahcak nak le siatsuah nak
\v 6 Nam ngalhiam tuah Assyria ngam hei hihen, khuapi kongka bul a sung pen Nimrod uknak ngam hei hihen, a siatsuah hang kei muhtei ngam ah hung in kohtei ngam sungah a pal tu Assyria miphun tei khut sung pen kei muhte pan tuk hi.
\q
\v 7 A tang mi Jakop miphun ten ngam dang miphun tampi tei sungah um in Pathian piak mi dai tui bang in hihen, mihing ngak ngawl mihing tei deihnak ah a zui ngawl mi nguah tui bang cang haw tuk hi.
\q
\v 8 A tang mi Jakop miphun cu ngam dang miphun tampi sungah a um hang ngam lak sahang tei sung pen pawpi bang in hihen, tuu hon sung pen pawpi la te bang cang haw tuk hi. Pawpi a tum ten a kuamah tum thei ngawl cil pek pet in ei thei hi.
\q
\v 9 Na ngal tei lam ah a um mite do in na ngal hempoh te sung haw tuk hi.
\q
\v 10 Pathian thupiak mi huncan ten cipuh te cu na lo pen, keiman that in na leng te vang siatsuah tung.
\q
\v 11 Na ngam sung pen khuapi khan tian te keiman siatsuah in nang muhtei ngalbuk nak innpi hempoh siatsuah tung.
\q
\v 12 Na ngam sung pen dawih thiam mite keiman that in na nelah khutlam zo thu hilh thei mi um tuk ma hi.
\q
\v 13 Supek in bawl mi zuk milim te cu na mai pen keiman siatsuah in na khut tuah bawl mi cu nangman bia leh tuk ma ci.
\q
\v 14 Asherah kung te vang na mai pen keiman bot in, na khuapi te keiman siatsuah tung.
\q
\v 15 Ka awnkam a ngai ngawl tu ngam dang miphun te nasezet ka thinuuk suak hang sual dan thukhen tung.
\s Isarel miphun tei sual palcat nak le sual dan tatnak
\c 6
\p
\v 1 Pathian thupiak mi cu ngai un. Tho in mualpi tei mai pen thubuai a tawh hang, mualneu ten na awnkam thu ngai haw hen.
\q
\v 2 Mual te, a kho mi lei zung te aw, Pathian thubuai thu cu ngai ten un. Pathian cu a miphun te tuah thubuai el um hi. Isarel miphun tuah thu son khawm in eldun tuk hi.
\q
\v 3 Ka miphun aw, nangman keimah itihbang in bawl awng cim? Itihbang bawl siat awng cim? Ka lang lam pen theihpih in.
\q
\v 4 Nangmah cu Izip ngam pen keiman pui zo ing. Sila thuaknak mun pen tan zo ing. Na mai ah Mosi, Aaron, Miriam te keiman hah zo ing.
\q
\v 5 Ka miphun aw, Shittim khuapi le Gilgal khuapi lak lawh pen Moab kumpi Balak ngaihsut nak hei hihen, Bor capa Balaam hilh mi awnkam hei hihen phawk in. Mah tihcun na phawk tale Pathian dikcang nak thei tuk ci.
\q
\v 6 Kei cu Pathian mai ah biakpiak nak tuah nek in a sang bel mi Pathian mai ah bia tuk maw? Meihal biakpiak le sonbang a um ngawl mi khui no cu keng in nek tuk maw?
\q
\v 7 Pathian in tuu cang thawngkhat (1,000), sathau nguntui thawngsawm (10,000) cu lungkim tuk maw? Ka sual palcat nak hang ka capa U pa bel hei hihen, ka thinlung hawvang sual hang ka ang cawi laih nau momno hei hihen pia tung maw?
\q
\v 8 Ngualcam pa aw, a pha mi lamzin lak zo hi. Thudik bawlnak, hehpih itnak, na Pathian mai pen niamkhiat nak tuah nunnak sial ngawl a dang biakpiak tuk Pathian in ngen maw?
\s Isarel miphun tei palcat nak le sual dan tatnak
\q
\v 9 Pathian awnkam thu in khuapi cu sam hi. Cihnak a nei mipan a min cu lau hi. Thu hilhnak hei hihen, thukhen tupa cu a kua hum tih hei hihen thungai un.
\q
\v 10 Mipha ngawl tei inn sungah phat ngawlnak tuah zeih mi neihnak le a nawngkai mi taang, kho a neu um laih maw.
\q
\v 11 A dik aman ngawl mi cuai le a ngit mi dip a um mi khuapi cu a thiangtho mi khuapi hitin, keiman sialsiah tung maw?
\q
\v 12 Khuapi sung milian hausa ten nehsiah nak bawl in co ngah thei haw. Mizawng haksa miten zol thu mang thei haw. A muhtei muk kam ah a um mi lei cu zol thu hi.
\q
\v 13 Mah hang na sualnak in nangmah dan tat tuk in nasezet na tik tung.
\q
\v 14 An na ei ta vang kham tuk ma ci. Ningkial nak thuak tuk ci. Nangmah a pom ta vang la in hawh tuk ma hi. La in a hawh pih mite vang ngal nam haksat nak ah keiman ap tung.
\q
\v 15 Anci vawh ta vang cang at tuk ma hi. Olive a ngawi ta vang sathau noih tuk ma hi. Cabit ngah a ngawi ta vang cabit tui in tuk ma hi.
\q
\v 16 Itahum titale, nang cu Omri kumpi bawl mi dan thu kham hei hihen, Ahab kumpi miphun nuncan ziaza hei hihen, a cingkep hang a muhtei sosuah nak ah zui thei ci. Mah hang nangmah cu keiman that in khuapi mite a liatnak thu in a can tik hang, nang cu ka miphun tei mawhsiat nak thuak tuk ci.
\s Isarel miphun tei haksat cim nak
\c 7
\p
\v 1 Kei cu thupha um ma hi. Khal huncan ten thoih mi theipi ngah bang in hihen, zui in khon mi cabit ngah a sang bang um ing. Eih tuk cabit bawk um ma zo. A masa in a min mi theipi ngah cu keiman ngai ing.
\q
\v 2 A pai ngam sung mi hempoh tham khawng haw zo. Midik cang pakhat no hei um ma. Mihing hempoh ten mi that tuk in zokuh thei hi. Pakhat le pakhat thang tuah man thei hi.
\q
\v 3 Sual cu zuam nak tuah bawl tuk in a masa in um haw hi. Kumpi in laksawng cu ngen thei hi. Thukhen tupa cu nawhthuh ei thei hi. Midang sang a ngeng saw mipa cu a pha ngawl mi hampum nak lang tik thei hi. Mah tihcun thu buai tik tuk in bawl thei haw.
\q
\v 4 A pha bel mipa cu lingkung bang hi. A dikcang bel mipa cu ling huan sang haksa saw hi. Na ngalvil tuten ngallin a piak mi ni, nangmah thukhen nak na thuak mi ni cu heng zo. Nok sak bawl siat nak huncan hi.
\q
\v 5 Na ngualcam pa cu sang pah sin. Lamhuai tupa cu muang pah sin. Na ang sungah a zau mi na nupi cu um pah sin, na muk kam kongka cu hup in.
\q
\v 6 Itahum titale, capa in a pai minphat nak siatsuah tuk hi. Canu in a nu hei hihen, a mo nu cu a tek nu hei hihen, haudun tuk hi. A inn sung sang te vang a ngal in cang haw tuk hi.
\q
\v 7 Kei cu Pathian muang tung. Keimah pan tu Pathian bel tung. Ka Pathian in ka awnkam thu ngai tuk hi.
\s Isarel miphun te pin leh tuk hi
\v 8 Ngualcam ka ngal pa aw, ka hum ah ultun lungdam nak bawl pah sin. Ka bah ta vang tho leh tung. Khua thim sungah khung ta vang Pathian cu ka vak nak hi tuk hi.
\q
\v 9 Keiman Pathian cu sual hang a thinuuk nak thuak ing. Ka thu cek in thukhen cat laih ngawl tian, keiman thuak ing. Keimah cu vaknak sungah suah in umnak mun a piak hang, dikcang nak keiman mu tung.
\q
\v 10 Na Topa Pathian cu a lai ah um hum hitin a dong tu ka ngal pan mahmi thu cu mu in mualpho tuk hi. A ma nelah ka thin dai tuk hi. A mah cu lamzin pen cinciak pal nak thuak tuk hi.
\q
\v 11 Na khuapi khantian sak mi huncan heng tuk hi. A thuneih nak huham bo tuk hi.
\q
\v 12 Mahmi huncan ten Assyria ngam le izip khuapi hei hihen, Izip ngam le ngun tuipi lak lawh pen hei hihen, tuipi mawk mun hempoh ah hei hihen, mual mawk mun hempoh hei hihen, na nelah hung haw tuk hi.
\q
\v 13 Mah tihbang a cang laih ngawl in ngam sung miphun hempoh tei bawl sualnak hang, uknak ngam cu mi thawmveng in cang tuk hi.
\s Thunget nak le thangphat nak
\q
\v 14 Topai mihing tih mi ngualcam um ngawl in, ngam lak Carmel mual hum ah a um mi a lo co tuu hon te cu tuukhalh nak ngolh tuah kem in. Tang laih huncan a um bang, Bhashan ngam le Gilgal ngam ah a khalh nak thu pia in.
\q
\v 15 Nangman Izip ngam pen suah tul ni in na muh mi bang, mangbangza thu te keiman lak leh tung.
\q
\v 16 Miphun hempoh ten ka miphun tei sungah a um mi huham mu in amthong, a muhtei muk kam cu khut tuah hup in bengbul haw tuk hi.
\q
\v 17 Ngul bang leivul liak in, tenghol bang kua sung pen lam in tul haw tuk hi. Kohtei Topa Pathian hei hihen, nangmah hei hihen lau tuk ung.
\q
\v 18 Sual nak pen a luat tu, a tang mi lo co miphun tei sual palcat nak te a ngaidam tu, a hehpih nak sungah a nop nak hang a cat ngawl a thinuuk ngawl mi Topa bang Pathian a dang um maw?
\q
\v 19 Topan kei muhte a hehpih leh hang, kohtei sualnak hempoh cil pek tuk hi. Kohtei sualnak hempoh a thuk zet mi tuipi sungah vawk tuk hi.
\q
\v 20 Tang laih huncan penpan pu le pa tei lak ah thukam mi bang, Jakop sungah thudik ngak in, Abraham nelah hehpih nak thukhen tuk hi.