See in Reader
40 lines
3.7 KiB
Plaintext
40 lines
3.7 KiB
Plaintext
\id OBA
|
|
\ide UTF-8
|
|
\rem The text in this file was extracted from C:/DCS/Chin, Ngawn/WORD/31. OBADIAH. docx.
|
|
\mt Obadiah
|
|
\h Obadiah
|
|
\mt Obadiah
|
|
\toc1 Obadiah
|
|
\toc2 Obadiah
|
|
\toc3 oba
|
|
\c 1
|
|
\p
|
|
\v 1 Topa Pathian in Edom ngam camcawh in a piak mi thu cu Pathian aunak aw kohten za zo ung. Nohten tho in Edom ngam do tuk hawh un hitin, ngam dang miphun tei lakah thuthang puak tu kamtai hah zo ing.
|
|
\p
|
|
\v 2 Nangmah cu ngam dang miphun tei lak pen sia tik tuk in thu ka khen hang, na minthan nak zawt dem co tuk ci.
|
|
\v 3 Suang kua hol lak lawh ah um in a sang nak mun bel in kei cu lei ah a kon khiasuk thei tuk hum tin a phawk tupa na hih hang, na ngalnak in nangmah zol zo.
|
|
\v 4 Nangman muvanlai bang nangmah le mang polh cop in aksi tei sungah buu na sa ta vang, mahmi umnak mun pen nangmah cu keiman khiasuk tung hitin, Pathian in thupia hi.
|
|
\p
|
|
\v 5 Zan huncan ten nguca misuam tuten na umnak mun ah a hung tale nang muhtei deih mi van te bek ngu haw tuk hima maw. Cabit ngah a thawi tute a hung tale midang ten zui in a thawih tuk tang tik haw tuk hima maw.
|
|
\v 6 Nangmah cu sia zo hima ci maw? Esau cu a thukan in ceknak thuak zo. A sel mi neihnak nasezet zei zo haw hima maw?
|
|
\v 7 Nangmah tuah pawlkom tu hempoh te ngam mawk ah hawlvawk zo. A ngualcam a bawl tuten nangmah zol in neh haw zo. Nangmah tuah a in ei lang khat tute cu na nuai pen thang siah haw zo. Na theihnak bo zo.
|
|
\p
|
|
\v 8 Pathian thupiak mi huncan ten Edom ngam pen cihnak a nei mite hei hihen, Esau mual pen theihnak pha a nei mite hei hihen, keiman siatsuah tung.
|
|
\v 9 Teman khuapi aw, Esau mual pen na hempoh siatsuah tuk thazang ngil nak na neih miten lau haw tuk hi.
|
|
\p
|
|
\v 10 Nang man na nau Jakop thah nak, neh siah bawl sual hang nangmah loli mualpho in a venghawng siatnak ah heng haw tuk hi.
|
|
\v 11 Nang langlam ah a um mi ni, tuipi kulh ngam miphun ten a na dek tute a mat mi ni, ngam dang miphun ten a khuapi kongka sungah tum in Jerusalem khuapi cu kungkhai nak a bawl mi ni in, nangmah a sang tupa hi.
|
|
\v 12 Na nau cu ngam dang miphun a hih mi ni in, a ma thu na zoh tuk kul ma hi. Judah miphun ten siatsuah mi ni in tuangkhawng tuk kul ma hi. Haksat cim thuak mi ni in zawtsak nak awnkam son kul ma hi.
|
|
\v 13 Ka miphun ten haksat cimnak a thuak mi ni in a muhtei umnak mun kongka sungah a luh tum tuk kul ma hi. Haksat nak a thuak mi ni in a muhtei haksat nak zoh kul ma hi. Haksat nak a thuak mi ni in a muhtei neihnak lon sak tuk mi hima hi.
|
|
\v 14 A luat mite kham tuk in pumpelh lamzin ah ding in um pah sin. Haksat thu buai mi ni in, a tang mite ap kul ma hi.
|
|
\p
|
|
\v 15 Itahum titale, Pathian ni cu miphun hempoh tuah nai zo hi. Na bawl mi bang na nelah mi dang ten bawl tuk hi. Na bawl mi thu cu na luhum ah heng tuk hi.
|
|
\v 16 Judah miphun ten a thiangtho mi ka mual hum pen a in eih bang, elkim ah a um miphun hempoh ten in ei in um haw tuk. Ei in hem thah napi in an ei awng ngawl pa bang cang haw tuk hi.
|
|
\p
|
|
\v 17 Zion mual haksat nak pen a luat tu hek khat um haw tuk hi. A thiangtho mi umnak mun in cang tuk hi. Jakop miphun in a co taak mi lei ngam co tuk hi.
|
|
\v 18 Jakop miphun cu mei, Josep miphun cu meialh, Esau miphun cu buak cang in mei noih in a kang ten Esau miphun tang tuk ma hi. Pathian in thupia zo hi.
|
|
\p
|
|
\v 19 Hang lam miphun ten Esau mual hei hihen, lei mun lawn miphun ten Philistine ngam hei hihen, Ephraim lo le Samaria lo hei hihen, Benjamin miphun cu Gilead ngam hei hihen long haw tuk hi.
|
|
\v 20 Matnak a co ten Kanan miphun tei ngam sungah a um mi Isarel miphun hempoh te Zarephath khuapi tian hei hihen, mat co in Shpharad ngam sungah a um mi Jerusalem khuapi te cu hanglam khua hempoh ah hei hihen long haw tuk hi.
|
|
\v 21 Esau mual cu thukhen tuk nunpan tuten Zion mual ah kai haw tuk hi. Uknak ngam vang kumkhua uknak ngam in cang tuk hi.
|