cnw_reg/28-HOS.usfm

\id HOS
\ide UTF-8
\rem The text in this file was extracted from C:/DCS/Chin, Ngawn/WORD/28. HOSEA. docx.
\mt Hosea
\h Hosea
\mt Hosea
\toc1 Hosea
\toc2 Hosea
\toc3 hos
\c 1
\p
\v 1 Judah kumpi Uzziah, Jotham, Ahaz, Hezekiah, Isarel kumpi Joash capa Jeroboam kumpi tei khut sung, Beri capa Hosea nelah a heng mi Pathian awnkam thu a patnak cu,
\s Hosea nupi le a canu le capa te
\v 2 Nang cu hawh in suzuak nui hinmi cate huai in. Itahum titale ngam sung miphun ten Pathian zam san in, sual bawl bet haw zo hitin Hosea nelah thu a cah mi bang,
\v 3 Hosea cu hawh in Diblaim canu Gomer a huai hang, naupai in Hosea in capa hing hi.
\v 4 Pathian in a capa cu Jezreel tin a min sa in. Itahum titale, dawm laih a ngei nung ten Jezreel nunnak a thah mi sual hang, Jehu miphun cu keiman dan tat in Isarel miphun tei uknak tawp tik tung hi.
\q
\v 5 Jezreel hawkluam pen thalcang ka eh tuah ni in mahmi thu cu kim tuk hitin, thupia hi.
\p
\v 6 Mah cengten naupai in canu hing hi. Mahmi canu cu Loluhamah tin a min sa in. Itahum titale, keiman Isarel miphun hehpih nak um ma, ningnat nak um ngawl in vawk khawng tung.
\q2
\v 7 Judah miphun cu hehpih tung hi. Mah naven thalcang, nam, ngalhiam nam, cipuh, cipuh khung ngalkap tuah pan ngawl in a muhtei Topa Pathian tuah pan tung hitin, thupia hi.
\p
\v 8 Loluhamah cu nawi a tawp ten a nu cu naupai leh in capa hing tuk hi.
\q
\v 9 A capa cu Lu-am’mi tin a min sa in. Itahum titale, nohte cu ka miphun hima hi. Keimah vang nang muhtei Pathian hi mang hi.
\q
\v 10 Mah naven Isarel miphun ten ngaisung thei ma hi. Sialzawh ngawl mi tuipi thuanthum philnel zah in tam haw. Nang muhte ka miphun hima hitin a muhtei lakah son mi umnak mun pen hei in a muhte a nung mi Pathian capa hitin, sam co haw tuk hi.
\q2
\v 11 Mah ten Judah miphun te le Isarel miphun te hulawmkhawm phial in kumpi pakhat bek a khaisan nak hang, mahmi ngam sung pen tul haw tuk hi. Jezreel ni cu a thupi zet mi ni in cang tuk hitin, thupia hi.
\c 2
\p
\v 1 Nohtei U le nau te cu ka miphun tih hei in hihen, nang muhtei U nu te cu hehpih huai mi canu tih hei in hihen sam leh un. Isarel miphun te dan tat nak tuah a pat lehnak
\v 2 Nang muhtei nu te tuah thusiamkhawm ta un. A mah cu ka nupi hima hi, keimah vang a pasal ka hih ngawl nak thu sonkhawm ta un. Suzuak nak mitmai vawk in sual bawlnak thu pial hen.
\q
\v 3 A pial ma tale a silh mi puan keiman duhsak in, a hin ni puan a silh ngawl bang thacang in a pawlam ah koih tung. Ngam lak bang in bawl tung. A ko mi lei bang cang tik in dangdum in thi tik tuk hi.
\q
\v 4 A canu le capa te cu suzuak nui hinmi cate a hih hang a muhte keiman hehpih ma, ningna ngawl in um tung.
\q
\v 5 A muhtei nu cu suzuak hi. A muhte nau a pai tik tupa cu zahcak huai mi sual bawl zo hi. A mah vang ka moh, ka tui, ka tuu mul, ka thang khau, ka sathau, ka in mi tui te a pia thei mi ka lawm nui nungah keiman zui tung hitin, son zo hi.
\q
\v 6 Mah hang a mah cu ling a nei mi tuah umm in kham tung. Suah tulnak um tuk ngawl in a elkim ah khantiang tung.
\q
\v 7 A man a lawm tei nungah zui in hil naven pha ma, zei naven mu ngawl in a um ten a pasal lun nelah kei cu hawh leh tung. A tu umnak sang a masa umnak pha saw hitin, son tuk hi.
\q
\v 8 Cang, cabit tui, sathau te keiman pia ing hi tih hei in hihen, Baal pathian piak mi sui le ngun cu a ma nelah keiman tampi tik ing hi tih hei in hihen, a man phawk leh ma hi.
\q
\v 9 Mah hang cangah huncan ten ka cabit tui hei hihen, a mah le mah silh tuk tuu mul le thangkhau hei hihen keiman laksak tung.
\q
\v 10 A tu hei in a lawm tei mai pen keiman a puan hemsak hang mualpho tuk hi. Ka khut pen a kuamah in a mah laksak tuk ma hi.
\q
\v 11 A lungdam nak thu hempoh tuah puai bawlnak, ha thak ni, colhni cingkem nak, mipi hulopkhawm nak hempoh te keiman cawl tik tuk tung.
\q
\v 12 Ka lawm nui piak mi man hitin a son mi cabit huan, theipi huan te keiman siatsuah in ngam lak a can tik hang, ngam sung sahang ten pet in ei haw tuk.
\q
\v 13 Baal pathian te cu ngimnam tui hempoh tuah meihal in, a nalkhaih le a longawh te ok in a lawm nu tei nungah a zui hang, keimah cu phawk ngil in Baal pathian tei khut sung pen a bawl khak mi sual bang, keiman thukhen tung hitin, Pathian in thupia hi.
\q
\v 14 Mah naven, a mah cu keiman hup leh tung. Ngam lak lamzin pen pui naven, nepnak awnkam tuah hilh tung.
\q
\v 15 Ngam lak a langlam pen cabit huan te hei hihen, Achor hawkluam pen muansan nak kongka hei hihen, keiman pia tung hi. A mah cu a kum dawm laih huncan Izip ngam pen a suah tul ten la a sak bang, ngam lak sungah a hen ten lasa tuk hi.
\q
\v 16 Pathian thupiak mi huncan ten nangman keimah cu topa tih hei in sam tuk ma pasal hitin, sam tuk ci.
\q
\v 17 A dang topai minthan nak te a kam pen keiman vawk sak minthan nak te phawk leh ngawlin son leh tuk ma hi.
\q
\v 18 Mahmi huncan ten kei cu a muhtei ca ngam sung sahang, vanhum vano, leihum ah a bop in a vak thei mi ngamsa te tuah pawlkom nak hang thalcang, nam, ngalhiam nam te leihum ah a vawk hang, a mun lau nak um ngawl in hihbu haw tuk hi.
\q
\v 19 Keiman ka ca tuk nangmah a cat ngawl huai tung. Dikcang nak, a dik aman mi thukhen nak, a hehpih itnak bang keima ca in nangmah huai tung.
\q
\v 20 Muantaak nak tuah huai in nangman Pathian cu thei tuk ci.
\q
\v 21 Pathian thupiak mi cu mah huncan ten keiman ngai tung. Vanhum awnkam ngai in a man leipi awnkam cu ngai tuk hi.
\q
\v 22 Leipi vang in cang, cabit tui, sathau tei awnkam thungai in a mun Jezreel awnkam thu ngai haw tuk hi.
\q
\v 23 Mahmi canu te cu anci bang lei ah keima ca vawh tung. Hehpih nak um ma, ningnat nak a um ngawl mi canu cu keiman hehpih tung. Ka mihing a hi ngawl mipa cu nangman ka mihing hitin, keiman son tung. A mun, nang cu ka Pathian hi ci tin, ti tuk hi.
\s A nupi le Hosea a lem lehnak
\c 3
\p
\v 1 Mah cengten Pathian in Isarel miphun te a dang pathian bia in, cabit tui a deih mi Isarel miphun tei sung pen Pathian itnak bang a nupi itnak tuah suzuak numei nu cu hawh in it in hitin, ka nelah a thucah mi bang,
\v 2 Mah numei cu sum hei nga, berly cang homer khat le lang tuah keiman ka tat cengten,
\v 3 Nangman ka ca in ni li huncan ngeipi ngak in um tuk ci. Suzuak tuk ma. A dang pano te vang phial tuk ma. Mah tihcun na bawl tale na ca keiman ngak in um tung hitin, hilh hi.
\p
\v 4 Itahum titale, Isarel miphun te ni tampi kumpi um ma, kumpi ca um ma, biakpiak nak um ma, zuk milim, awmdat um ma, Terah zuk milim um ngawl in um haw tuk hi.
\v 5 Mah cengten Isarel miphun te hung in a muhtei Topa Pathian hei hihen, a muhtei kumpi David hei hihen, zei in tunung ten a hehpih nak co tuk Pathian nelah can tawtok in tai haw tuk hi.
\s Isarel miphun tei lakah thu hilh nak
\c 4
\p
\v 1 Isarel miphun te aw, Pathian thupiak mi ngai un. Pathian ngam sung miphun te tuah thubuai nak nei hi. Itahum titale, a mun muantak nak nei ma, hehpih nak um ma, Pathian cu thei haw ma hi.
\q
\v 2 Tamsiat nak, mi zol nak, mi thah nak, ngukcaak nak, nu le pa sualnak sungah kham nak um ma hi. Mi that in sual bawl betnak tam pi nei haw.
\q
\v 3 Mah hang ngam cu sonsiat co tuk hi. Ngam sung miphun hempoh te tuah ngam sung sahang, vanhum vano te thakiam haw tuk hi. Tuipi sung ngasa te vang bo haw tuk.
\v 4 Mah naven, a kuamah kham tik pah sin. A kuamah thu hilh tik pah sin. Itahum titale, na miphun pih ten thiampi do dal in a bawl mipa bang um haw hi.
\q
\v 5 Mah hang sun huncan ten nang cu bah tuk ci. Zan huncan ten nangmah tuah kamsang vang bah tuk hi. Na nu vang keiman siatsuah tung.
\q
\v 6 Ka miphun te cihnak a dawm hang, sung haw tuk. Nang cu cihnak na vawk hang, ka thiampi hihnak ah heng tik tuk ngawl in nangmah cu keiman that tung. Na Pathian dan thu na phawh ngilh hang, na canu le capa te keiman phawk ngil tung.
\q
\v 7 A mun minthan nak a tam ten keimah sual bawl haw zo. Mah hang a muhtei minthan nak cu mualpho tik tung.
\q
\v 8 Ka miphun tei sual hah biakpiak nak an te ei napi in, a sualnak ngaisung lo thei haw.
\q
\v 9 Mah hang miphun tei sungah a cang mi bang, thiampi tei sungah cang tuk hi. A muhtei nundan te cu keiman cekin a muhtei bawl mi bang a sual thaman pia tung hi.
\q
\v 10 A mun an ei in kham haw tuk ma. A dik ngawl mi nu le pa sualnak a bawl hang, a canu le capa te hing haw ma hi.
\q
\v 11 Itahum titale, thinlung a ngui tik thei mi taksa zuak nak, cabit tui le zu hang a in nak hang Pathian cu zam san haw zo.
\q
\v 12 Ka miphun ten thingtuah thuvai siam thei haw. A muhtei thiangkhut in ngaihsut nak pia thei hi. A thinlung taksa zuak hang, a mun lamzin pial in a muhtei Pathian nelah um ngawl in sual bawl thei haw.
\q
\v 13 Mual lek hum, mual hum ah hei hihen, a lim pha mi oak thingkung phun, Libnah thingkung nuai pen hei hihen, biakpiak nak ngimnam tui meihal thei haw hi. Mah hang, na canu uh ten pano tuah sual in a mo ten suzuak thei haw.
\q
\v 14 Na canu uh ten pano te tuah sual in na mo uh ten suzuak haw naven keiman thukhen mang hi. Itahum titale, pano ten a nupi cu zam san in suzuak te tuah phial thei hi. A mun suzuak te tuah biakpiak nak bawl thei hi. Mah hang cihnak a nei ngawl mite cu sung haw tuk.
\q
\v 15 Isarel miphun aw, su a zuak ta vang Judah miphun cu sual tik pah sin. Gilgal khuapi nek haw ma hen. Beth-aven khuapi ah hawh pah sun. Pathian a nung mi bang tin tamsiat nak bawl pah sun.
\q
\v 16 Isarel miphun cu a dawk thei mi khuila bang do thei hi. A tu in Pathian in a zal mi umnak mun ah tuu no khalh bangin Isarel miphun bawl tuk hi.
\q
\v 17 Ephraim in zuk milim tei lakah peh tuah cih in um hi. A muhte cu mah tihcun um tik poh in.
\q
\v 18 A muhtei an puai huncan ceng zo hi. Kumpi na dek tuten a dik ngawl mi nu le pa sual bawl bet le leng haw zo hi. A nawngkai mi thu deih haw hi.
\q
\v 19 Huih cu a ma ha te tuah thei in tai vawk tuk hi. A mun a muhtei piak mi biakpiak nak hang, mualpho haw tuk hi.
\s Isarel miphun tei lakah thukhen nak
\c 5
\p
\v 1 Thiampi te aw, thei ta un. Isarel miphun te aw, ngai un. Kumpi inn sungah a um mi cate aw, sialsiah ta un. Nohten thukhen nak thuak tuk uh ci. Itahum titale, nohten Mizpah mual ah thangsiah, Tabor mual hum pen siah mi suuk in cang zo.
\q
\v 2 Biakpiak tuk tampi nganhing thah nak hang, a muhtei sualnak tam tik haw. Mah hang, a muhtei venghawng in sual dan tat tung.
\q
\v 3 Ephraim cu keiman thei ing. Isarel cu ka mai pen ngelh in um thei ma hi. A tu tian in Ephraim aw, nang cu sual in Isarel cu a bal nak um hi.
\q
\v 4 A mun sual a bawl le leng hang, a muhtei Pathian nelah pin leh thei haw ma hi.
\q
\v 5 Isarel miphun tei pualthau nak cu a mai pen niamkhiat nak ah heng in, Isarel le Ephraim cu a muhtei sualnak sungah bah in a muhte tuah Judah miphun vang bah tuk hi.
\q
\v 6 Tuu hon le khui hon keng in Pathian zei tuk hawh naven mu haw tuk ma hi. A muhte tuah khen zo hi.
\q
\v 7 A mun Pathian nelpen a co mi thukam cu siatsuah haw zo. Itahum titale, ngam dang miphun te hing haw zo. Ha thak ni a hen ten a muhte tuah a muhtei neihnak siatsuah tuk hi.
\q
\v 8 Gibeah khuapi sungah nekhaza hei hihen, Ramah khuapi sungah lemle hei hihen, tum haw tuk hi. Beth-a’ven khuapi sungah au haw tuk hi. Benjamin miphun aw, nunglam ah zo un.
\q
\v 9 Isarel miphun hinnam te thu hilh ngallin nak piak mi ni in Ephraim cu sia tuk hi. A cang bet tuk mi thu keiman lak ing.
\q
\v 10 Judah kumpi ten lei ngam ngi tuah a thawn bang cang haw tuk hi. Kei cu a muhtei hum ah ka thinuuk nak tui bang buak tung.
\q
\v 11 Ephraim cu bawl siat nak thuak tuk hi. Thukhen nak tawkin sung tuk hi. Itahum titale, a thupiak nak bang nung zo hi.
\q
\v 12 Mah hang keiman Ephraim nelah a pet thei mi lung, Judah miphun sungah a ei thei mi meima bang in cang tuk hi.
\q
\v 13 Ephraim a nat nak hei hihen, Judah in a meima hei a muhten Ephraim in Assyrian kumpi nelah hawh in, Judah in kumpi Jareb nelah hah naven mahmi kumpi ten a muhtei natnak cu tuamlawm thei ma, a meima vang dam thei haw ma hi.
\q
\v 14 Itahum titale, kei cu Ephraim nelah pawpi bang in hihen, Judah miphun sungah pawpi la bang hei in cang tuk hi. Keimah loli pet cat in hawh tung. Hawh in a kuamah in laksak tuk ma hi.
\q
\v 15 A mun a sual phuang haw ma hi. Ka mitmai a zeih lak lawh tian ka umnak mun ah pin kik leh hawh in um tung. Haksat nak hen ten a mun keimah zuamnak tuah zei haw tuk hi.
\s Sualsih nak a nei thei ngawl mi Isarel miphun
\c 6
\p
\v 1 Hung un. Pathian nelah pin leh tuk hung. Nangmah a pet cat ta vang a dankel in cang leh tik tuk hi. Dan tat ta vang liam ma tuam sak tuk hi.
\q
\v 2 Ninih ni bo in kei muhte nung tik in nithum ni ten a thawh leh tik hang, a ma nelah kohten nung tuk ung.
\q
\v 3 Cihnak vang co tuk ung. Pathian thei tuk hil in zei haw tuk hi. Topai suah tul nak cu zing khuavak bang cang tuk hi. Kei muhtei lakah a zu mi nguah bang Topa cu heng tuk hi. Leihum ah a masabel in a zu mi nguah le dawlta nguah bang heng tuk hi.
\q
\v 4 Ephraim aw, na nelah keiman itin hum ka bawl tuk? Nohten a thiangtho mi thinlung cu zinglam meingo bang in hihen, khawma no a tham thei mi dai tui bang cang tuk hi.
\q
\v 5 Mah hang, a muhte kamsang tei hang keimah cu talhtawng khawng zo. Ka muk kam pen a suak mi awnkam thu hangin that zo hi. Ka thukhen nak te a al mi vaknak bang cang zo hi.
\q
\v 6 Biakpiak nak sang hehpih ningnat nak nun tuah hei hihen, meihal biakpiak nak sang Pathian theihnak hei hihen keiman deih saw ing.
\q
\v 7 A mun Adam bang thukhaam palcat haw zo. A umnak mun le ngam pen ka thukam siatsuah haw zo.
\q
\v 8 Gilead khuapi cu sual a bawl tutei umnak mun a hih hang, mihing thisan a luang ke ngiah tampi hi.
\q
\v 9 Misuam thei mihing tampi ten khualzin hawh pa a zoh kuh bangin, thiampi ngualcam phialpih ten Shechem khuapi hawhnak lamzin hei pen mithat thei haw.
\q
\v 10 A thungai in sual cu bawl thei haw hi. A lauhuai mi thu cu Isarel miphun sungah keiman mu zo ing. Mahmi miphun sungah Epharaim cu sual thei hi. Isarel cu a bal nak um hi.
\q
\v 11 Mah bek sial ngawl Judah miphun aw, a mat mi ka miphun te ka pui leh ten cangah huncan cu nangma ca koih in um zo hi.
\c 7
\p
\v 1 Isarel miphun liam ma cu dam tik tuk ka bawl ten Ephraim sual le Samaria bawl mi sual thu lang leh hi. A muhte thukam sia zo hi. A sungah nguca lut tum thei hi. A pawlam vang misuam thei mihing tampi ten do thei hi.
\q
\v 2 A bawl hempoh mi sualnak thu cu keiman sialsiah ing hitin, a muhtei thinlung sung pen phawk haw ma hi. A tu hei in mahmi thu cu a mun kil haw zo. Ka mai ah um haw hi.
\q
\v 3 A sia suak mi sual nak hang kumpi hei hihen, zol thu awnkam tuah kumpi te hei hihen lungdam tik haw hi.
\q
\v 4 Mahmi a venghawng in a dik ngawl mi nu le pa sualnak tuah a sual tu a hih hang, mei koih mi moh cu meikam tuah bang ve hi. Moh sial cop in a polh lak lawh tian mei cu alh tik ngawl in um hi.
\q
\v 5 Ohtei kumpi kum sial bawl mi puai ni in kumpi ten cabit tui ngui kham zet a um hang, kumpi in sumsial ngawl nak a bawl thei mite cu sang thei hi.
\q
\v 6 A thungai in a mun zo kuh a um laih tak a muhtei thinlung cu meikam bang bawl haw zo hi. A muhtei moh cu zankhua hihbu ta vang zinglam huncan tian a alh mi meikam bang alh in um hi.
\q
\v 7 A venghawng in bah haw zo. Keimah a sam tu pakhat no hei um ma.
\q
\v 8 Ephraim cu ngam dang miphun te tuah phial in um hi. A mitmai langkhat bek em in a let ngawl mi mohpheng hi.
\q
\v 9 A man sialsiah ngawlin tuipi kulhnak ngam miphun ten a thangzang ngilnak ei haw zo. A man theihnak nei ngawlin luhum ah sam puak pak tampi um zo.
\q
\v 10 Isarel pualthau nak cu a mai pen niamkhiat nak ah heng naven, a mun a muhtei Topa Pathian nelah pin leh haw ma hi. Haksat nak a heng ta vang, Pathian zei haw ma hi.
\q
\v 11 Ephraim cu theihnak nei ma hi. A sil mi khulo tuah bang ve hi. Izip ngam sam thei hi. Assyria ngam ah tai thei hi.
\v 12 A hawhnak hempoh ah ka suuk tuah a muhte awk kha tuk hi. Vanhum vano te leihum ah khia tuk hi. A muhtei pawlkom dunnak za tuk tian keiman thu hilh tung.
\q
\v 13 A muhte cu ka nel pen suak tul in a vah kawi hang, thupha co haw ma hi. Keimah sual a bawl hang, siatsuah tuk in cang haw tuk hi. A muhte cu keiman teng ta vang ka langlam pen zol thu awnkam son haw tuk hi.
\q
\v 14 A mun ihkhun zau nak hum pen a kap ta vang, hehpih nak thinlung tuah keimah au haw ma hi. Cang, cabit tui ngah tuk hulawmkhawm in keimah do haw hi.
\q
\v 15 A muhte cu keiman thu hilh in kho tik naven, ka langlam pen a pha ngawl mi ngaihsut nak ngai sung haw zo.
\q
\v 16 Phatnak um haw ma. A sia thei mi thalcang bang um haw. Kumpi te a zotsak haw hang, nam tuah that in Izip ngam miphun tei mawhsiat nak thuak haw tuk.
\s Huih anci vawhin simpei huih cangat tuk hi
\c 8
\p
\v 1 Lemle tum in. Ngal ten muvanlai bang Pathian inn ah hung tuk hi. Itahum titale, a mun ka thukhaam siatsuah in ka dan thukham palcat haw zo.
\q
\v 2 Mah naven a mun kohtei Pathian, kohte cu Isarel miphun hih hang nangmah thei ung hitin, ka nelah au haw hima maw.
\q
\v 3 Isarel miphun in a pha mi a vawk hang, ngal tei bawl siatnak thuak tuk hi.
\q
\v 4 A muhte cu ka thupiak nak um ngawl in a ma thu kumpi te khaisang haw hi. Ka theih ngawl in kumpi te pia haw zo. Phatnak um tik tuk ngawl in sui le ngun van le a ma ca tuk zuk milim te bawl haw zo.
\q
\v 5 Samaria aw, na khui no cu zam san in. A bia tu hempoh te ka thinuuk suak hi. A mun ituk huncan tian thianlim nak thu pha thei ngawl in um tuk uh cim?
\q
\v 6 Mahmi khui no cu Isarel miphun ngaihsut nak hang cang hi. Khut suai thiamnak tuah a bawl hang pathian hima hi. A thuangai in Samaria khui no cu a tum a tang in keh tuk hi.
\q
\v 7 Huih anci vawh in simpei cang at haw tuk. Cangkung um ma hi. A ngui pen moh ngawivam suak tuk ma hi. A suak ta vang tuipi kulh nak ngam miphun ten ek tuah sak khawng haw tuk hi.
\q
\v 8 Isarel miphun cu thawn in nim khawng zo. A kuamah hi deihnak neih ngawl mi van bang, ngam dang miphun sungah um haw tuk.
\q
\v 9 Assyria ngam ah hawh cawm haw zo. Ephraim in a ma ca pakhat bek a um mi laak ngilo bang a hih hang, a lawm tei lakah a mah le mah zuak zo.
\q
\v 10 Ngam dang miphun tei nelah a mah le mah zuak naven, a muhtei lakah hulawm tik tung. A ngei ngawl in kumpi tei puak mi van cu cim zet in pua haw tuk.
\q
\v 11 Ephraim in biakpiak nak tampi sual ca tuk a bawl hang, biakpiak nak taitan te a ma sual hitin, ngaisung tuk hi.
\q
\v 12 Ka dan thukham a lamdang mite cu a ma ca in keiman ngan zo ing. Mah naven a sia suak mi hitin, a man ngaisung zo hi.
\q
\v 13 Keimah tuah a seng mi biakpiak nak a piak mi a muhte pia in a mah loli in ei tuk hi. Pathian in a muhte co ma hi. A muhtei sual te phawk cih paih in a cek hang, a muhte Izip ngam ah hawh leh haw tuk hi.
\q
\v 14 Isarel in a mah a bawl tu Topa cu phawk ngil in biakinn te sa thei hi. Judah in a kho mi khuapi tam tik thei hi. Mah naven keiman mahmi khuapi te meihal in biakinn te meikang tuk hi.
\s Isarel miphun te dan a tatnak
\c 9
\p
\v 1 Isarel miphun aw, miphun dang te bang lungdam tha tui in lam pah sin. Na Pathian bia ngawl in a dang pathian tuah sual zo ci. Cangcil nak lolai a um hempoh pen sual thaman deih thei hi.
\q
\v 2 Cangcil nak lolai tuah pumcawm tuk ma hi. Cabit ngawinak khuk tuah pumcawm tuk ma hi. Cabit tui a thak vang, a muhtei muansan nak bang suak tuk ma hi.
\q
\v 3 Ephraim miphun ten Pathian lei ngam ah um ngawl Izip ngam ah hawh leh in, Assyria ngam sung pen a thiangtho ngawl mi an ei haw tuk hi.
\q
\v 4 Cabit in tuk biakpiak nak cu Pathian nelah bawl haw ma hi. Biakpiak nak deih haw ma hi. Biakpiak nak sa cu mithi zui in kah nak a nei tutei an bang a hih hang, an a ei tu hempoh te a thiangtho ngawlnak mun ah heng haw tuk hi. A muhtei an cu a mun ei haw ta hen. Pathian inn sungah khum tum haw ma hen.
\q
\v 5 A thiangtho puai ni, Pathian ca ken mi puai ni ten nohten itihbang bawl tuk uh cim?
\q
\v 6 Siatnak sung pen a muhte tul haw zo. Izip ngam sungah khawm in, Memphis khuapi sungah phum haw tuk hi. Ngun van bawl mi umnak mun biakinn te, lingkung nam kim in khuh tuk hi.
\q
\v 7 Thukhen nak huncan heng zo. Sual thukhen nak huncan heng zo. Isarel miphun ten thei tuk hi. Kamsang cu sil zo. Hawvang mihing cu sil zo. Na nelah sualnak a ngeng zet bang, siatsuah nak nasezet thuak tuk ci.
\q
\v 8 Ephraim ngalvil tu cu Pathian lam ah um hi. Kamsang a bawl nak hempoh pen muksu pai thang hi. A Pathian inn ah haksat nak um hi.
\q
\v 9 Gibeah khuapi uknak sung bangin a mun mah le mah bal tik haw zo. A muhtei sual cu phawk in a sual bawl mite cek tuk hi.
\q
\v 10 Ngam lak cabit ngah bang Isarel miphun cu keiman tawk ing. Nohtei pu le pa te a masabel a min mi theipi ngah bang keiman mu ing. Baal-pe’or pathian nelah hawh in mahmi mualpho nak ca a mah le mah ap in a muhtei deihnak bang a nawngkai mi in cang haw hi.
\q
\v 11 Ephraim minthan nak cu vano bang leng tuk hi. Nauhin nak, naupai nak, nauneih nak um tuk ma hi.
\q
\v 12 Canu le capa te cawm naven pakhat no hei tang ngawl in keiman lonsak tung. A muhte ka zamsan ten thupha um haw tuk ma hi.
\q
\v 13 Ephraim cu Tyre khuapi bang daihnak sungah um bang naven, a canu le capa te mithat pai khut sungah ap tuk hi.
\q
\v 14 Pathian aw, pia in hi. Itihbang in pia tuk hum? Nau pai nak a nei ngawl mi von, nawi tui a suak ngawl mi nawi cu pia in.
\q
\v 15 Gilgal khuapi pen a muhtei bawl mi sual a um hang, mahmi umnak sungah a muhte keiman hua ing. A muhtei sual bawl hang ka inn pen hawl vawk tung. Mah cengten a muhte it leh tung mang hi. A muhtei kumpi hempoh mi do thei mite haw hi.
\q
\v 16 Ephraim cu a khenkhak nak a thuak hang a zung ko in a ngah cu ngah thei ma hi. Ca hing naven a ihbel mi a cate keiman that tung.
\q
\v 17 Ka Pathian awnkam thu a ngaih ngawl hang, zam san in a mun ngam dang miphun tei lakah vak kaw kawi in um haw tuk hi.
\c 10
\p
\v 1 Isarel cu ngah tampi a ngah mi cabit kung hi. A ma thu in ngah thei hi. A ngah tampi a pung bang miphun te biakpiak nak taitan vang tam tik hi. A muhtei ngam a pha mi bang a pha mi zuk milim te bawl haw zo.
\q
\v 2 A mun thinlung panih nei hi. Sual dantat nak thuak cop haw tuk. A muhtei biakpiak nak taitan te, nangmah loli subal in zuk milim te siatsuah tuk.
\q
\v 3 Kohten Pathian lau ngawlnak hang kumpi um ma hi. Kumpi um ta vang, kei muhtei ca itihbang bawl tuk hum tin son paih haw tuk hi.
\q
\v 4 A muhtei thukam bawl mi awnkam bek a hih hang, pawlkom nak bawl ten zol thu awnkam bek son thei haw. Thukhen nak thu cu lo bial hum pen thingkha ceh bang po tuk hi.
\q
\v 5 Samaria khua miten Beth-a’ven khui no lau haw tuk hi. Mahmi khui no cu mihing hempoh ten a kah hang, thiampi te can tawtok haw tuk. Itahum titale, mahmi minthan nak a lonsak hang,
\v 6 Khui no tuah Assyria ngam ah a ken cengten, kumpi Jared nelah pia haw tuk hi. Ephraim cu min sia in, Isarel cu a ma ngaihsut nak hang mualpho tuk hi.
\q
\v 7 Samaria cu sia zo. Samaria kumpi cu tui phuan bek in cang zo.
\q
\v 8 Isarel sualnak mun A’ven khuapi mual te cim in, lingkung nam kim ten a muhtei biakpiak nak taitan te khuh haw tuk hi. Khuapi sung miten mual te aw, kei muhte delh in hi. Mual te aw, kei muhtei hum ah cak suk un hitin, sam haw tuk hi.
\q
\v 9 Gibeah khuapi uknak sung pen sualnak a ngeng mi sang in Isarel sual cu ngeng saw hi. Mahmi khuapi ah ding haw hi. Gibeah khuapi pen a thiangtho ngawl miphun ten ngal a do ten sung haw ma hi.
\q
\v 10 Keiman ka thu in a muhte thukhen tung. A muhtei sualnak panih hang khih in a um ten, a muhtei a langlam pen mihing tampi hulawmkhawm haw tuk hi.
\q
\v 11 Ephraim leng in cangcil nuam mi khui la no a hi ta vang keiman kolhhak ka puak tik ten, Ephraim in lamnak a co hang, Judah cu lo let in Jakop cu leikhal vat keh in um tuk hi.
\q
\v 12 A ma ca dikcang nak anci vawh in hehpih nak a ngah at un. Bawl laih ngawl mi lo cu let un. Pathian cu heng in nang muhtei hum ah dikcang nak nguah a zu tian Topa zeihnak huncan heng zo hi.
\q
\v 13 Nohten sualnak anci vawh nuam in lo lehnak hang sual nak cang at uh ci. Zol thu an ngui a ngah ei uh ci. Itahum titale, a ngaihsut deh le phetnak tuah a ma sungah ngalkap tampi te muang thei hi.
\q
\v 14 Mah hang na miphun ten buai haw tuk hi. Beth-ar’bel khuapi cu Shalman kumpi ngaldo a siatsuah bang, na ngalbuk nak inn pi hempoh te siatsuah haw tuk hi. Na nu cu ca no te tuah leipi ah sawhcih nak thuak haw tuk hi.
\q
\v 15 Mah tihcun Beth-el in nang muhtei sualnak a tam hang, nang muhtei sungah bawl tuk hi. Zinglam huncan a bo bang, Isarel kumpi cu that tuk hi.
\s Isarel cu Pathian ihnak
\c 11
\p
\v 1 Isarel cu a kum dawm laih keimah it in ka capa cu Izip ngam pen sam zo hi.
\q
\v 2 A muhte a sam tu a nelpen hawh haw zo. Baal pathian bia in zuk milim te ngimnam tui meihal haw.
\q
\v 3 Ephraim cu ka khut len hawh thei tuk in hilh ing. Mah naven ka cingkep hehpih nak thei ngawlin um hi.
\q
\v 4 Keiman a muhte itnak khau tuah keimah dok hi. Khanguh bulah kolhak thawn in a muhte sa tuah cawm ing.
\q
\v 5 A ma nelah pin leh ma hitin a man a el hang, Izip ngam ah hawh leh pah sun. Assyria kumpi in a muhte uk tuk hi.
\q
\v 6 Nam haksat nak cu a muhtei umnak khuapi hum ah heng in kumpi te siatsuah tuk hi. A muhtei ngaihsut nak hang hei in siatsuah tuk hi.
\q
\v 7 Ka miphun ten ka nelpen lam zin pial le leng haw. A sang bel mi Pathian nelah sam ta vang, mahmi Pathian cu a kuamah in thangphat nuam haw ma hi.
\q
\v 8 Ephraim aw, keiman nangmah cu itihbang in zam san thei tuk hum? Isarel aw, nang cu a kon ap thei hum? Nangmah cu Ad’mah khuapi bang itihbang cang tik thei tuk hum? Ze’bo’im khuapi hihnak ah a kon pia thei tuk hum? Kei cu thinlung thek in hehpih lainat nak thinlung nei ing.
\q
\v 9 A nasezet thinuuk nak a suak mi bang bawl nuam mang hi. Ephraim cu vei tampi siatsuah nuam mang hi. Kei cu mihing hi ngawl in Pathian ing. Khuapi sungah a um khuapi mi hi ngawl ta vang, nang muhtei sungah um in a thiangtho mi Pathian ing.
\q
\v 10 A mun Pathian nungah zui haw tuk hi. Pawpi bang hawk tuk hi. A hawk ten canu le capa ten nitum nak lam pen a man lang in tai haw tuk hi.
\q
\v 11 Kawllit bang Izip ngam pen hihen, khulo bangin Assyria ngam pen hihen, a man lang tai haw in a muhtei umnak mun kel ah keiman umnak pia tung hitin, Pathian in thupia hi.
\s Isarel miphun tei sual
\q
\v 12 Ephraim cu zol thu awnkam tuah in hihen, Isarel cu zol nak tuah in hihen keimah noksak thei hi. Judah vang Pathian nelah a thiangtho a hih hang, muantaak nak thu Pathian nelpen pial in vak kawkawi thei hi.
\c 12
\p
\v 1 Ephraim in huih cawm thei hi. Nisuah nak lam huih zui thei hi. Nisial zol thu awnkam le siatnak thu tam tik thei hi. Assyria miphun te tuah pawlkom napi in Izip ngam ah sathau la tuk in hawh thei hi.
\q
\v 2 Pathian cu Judah miphun tuah thu buai eldun nak um hi. Jakop nundan te cekin a bawl mi bang sual dan tat tuk hi.
\q
\v 3 Jakop cu a nui pum sung pen a U ke cawk len hi. Thazang ngilnak a neih hang Pathian do hi.
\q
\v 4 Vancung mi do in neh hi. Kap in hehpih kun hi. Vancung ngalkap Topa Pathian cu Bethel khuapi pen a muh hang, kohtei ca in hilh zo hi.
\q
\v 5 Pathian tihmi min cu Pathian minthan nak min hi.
\q
\v 6 Mah hang, na Pathian nelah pin leh in. Hehpih nak thu, dikcang nak thu cingkem in na Pathian a cat ngawl in muang in.
\q
\v 7 A mah cu sum bawl tu hi. A pha ngawl mi cuai mang thei hi. Mi dang te bawl siat tuk in a deihnak nei hi.
\q
\v 8 Mah naven, Ephraim in kei cu sum ngah thei ing. Neihnak van te khawl zo ing. Zuamnak hempoh sungah sual um ma hi. Sual palcat nak cu zei in mu ma hitin, son tuk hi.
\q
\v 9 Keimah Pathian in nang cu Izip ngam pen pan tu na Pathian ing. A thiangtho mi puai bawl laih tak a um theih mi bang deu buk sungah um leh tuk hi.
\q
\v 10 Keiman kamsang tei lakah thuphuan pia zo ing. Muhnak tampi lak zo ing. Kamsang tei hang tehkip nak tampi koih zo ing.
\q
\v 11 Gilead ngam pen sualnak um hi. Ngam sung miphun hempoh ten phat nak nei haw ma zo. Gilgal khuapi sungah khui te biakpiak nak bawl in, biakpiak nak taitan te lo lehnak mun ah leivun a hel tampi bang um haw hi.
\q
\v 12 Jakop cu Syria ngam ah tai hi. Isarel cu zi nei tuk sila na dek in tuu hon te khal hi.
\q
\v 13 Pathian in kamsang hang Isarel cu Izip ngam pen pan kamsang bawlnak tuah cingkem hi.
\q
\v 14 Ephraim in a thinuuk tuk sosuah zo hi. Mah hang mihing nunnak a thah mi sual cu a ma nelah heng tuk hi. A mawhsiat nak sual cu a Topan pia leh tuk hi.
\s Isarel hum ah Pathian thinuuk nak
\c 13
\p
\v 1 Ephraim cu a ot tul ten midang ten lau thei hi. A mah cu Isarel miphun sung pen sunglawi hi. Mah cengten Baal pathian tuah a sual hang thi hi.
\q2
\v 2 A tu in vei tampi a sual bet hang, a theihnak khut tuah zuk suai thiam mi saza cu ngun zuk milim te a ma ca tuk bawl in, mihing biakpiak nak nei in khui zuk milim nam haw hi.
\q
\v 3 Mah hang, a muhte cu zinglam meingo bang in hihen, khawma no in a tham thei mi dai nguah tui bang in hihen, cangcil nak lolai pen simpei huih a theu mi cangvai bang in hihen, meikam sung pen a suak mi meikhu bang cang haw tuk hi.
\q
\v 4 Mah naven keimah Pathian in nangmah cu Izip ngam pen pan tu na Topa Pathian ing. Keimah sial ngawl a dang Pathian thei ma zo ci. Keimah sial ngawl nun pan thei tu Pathian um ma hi.
\q
\v 5 A ko zet mi umnak mun ngam lak pen hei in, keiman nangmah thei ing. Hampa dawn umnak mun pen kham pek in ei haw hi.
\q
\v 6 A kham ten ngalnak thinlung a neih hang, keimah cu phawk ngil haw zo.
\q
\v 7 Mah hang, a muhtei sungah kei cu pawpi bang cang tung. Lamzin bul pen a zo kuh tu tavang bang a muhte zokuh tung.
\q
\v 8 A ca pai mi vompi bang a muhte keiman muak in a muhtei thinkhuh a tuam tu cu botkek tung. Pawpi nu bang tawhnak mun pen keiman pet in ei tung. Ngam sung sahang a hih hang, a tum a tang in botkek tuk hi.
\q
\v 9 Isarel aw, nangmah nunpan thei tupa keimah na do hang phatnak um ma hi.
\q
\v 10 Na kumpi cu i lai ah um hum? Na umnak khuapi hempoh sung pen nunpan hen. Na thukhen tute i lai ah um haw hum?
\q
\v 11 Kumpi le kumpi te pia in hitin na nget hang, ka thinuuk suakin kumpi pia zo ing. Thinuuk nak na siazet suak leh in kumpi that tung.
\q
\v 12 Ephraim bawl mi sual cu keiman cun in a sualnak khawl zo hi.
\q
\v 13 A mah cu nauhing tu numei bang haksat cimnak a thuak tuk huncan nai zo. A sil mi miphun hi. Nau hin nak kongka ah ngeipi um hi.
\q
\v 14 A muhte cu thihnak ngam huham pen keiman pan tung. Thihnak kumpi khut pen tan tung. Thihnak kumpi aw, nang cu pulhnat thuak tik tung. Thihnak ngam aw, na nelah siatnak heng tik tung. Sual sihnak thu cu ka mit sung pen tham tuk hi.
\q
\v 15 Na U le nau tei sung pen ngah tampi ngah thei naven, nisuah nak huih heng tuk hi. Pathian huih cu ngam lak pen heng in a ciktui khuk kang tuk hi. A van koih nak innpi sung pen van pha a neih mi hempoh te ngal ten lonsak tuk hi.
\q
\v 16 Samaria khuapi in a Pathian a do hang sia tuk hi. Khuapi mite nam tuah bah in thi haw tuk hi. Naupang te leihum ah a sawh cihnak hang in hihen, naupai numei ten von ah nak hei hihen thuak haw tuk hi.
\s Sualsih nak thu pen mui cu thupha ah
\c 14
\p
\v 1 Isarel aw, na bawl sual hang phatnak um ma, na Topa Pathian nelah pin in.
\q
\v 2 A thu awnkam keng Pathian nelah pin leh in kohtei sungah a um mi sualnak hempoh te vawk sak in. Hehpih nak tuah kei muhte sang in. Kohten kam tuah biakpiak nak bawl tuk ung.
\q
\v 3 Assyria kumpi in kei muhte pan tuk ma hi. Kohten cipuh ngalkap bawl ma. Nang cu kohtei Pathian hi ci tin, mai khut tuah bawl mite cu son leh tuk ma hi. Itahum titale, nu le pa a nei ngawl mite cu na nelpen a hehpih nak co thei haw hitin, son un.
\q
\v 4 Ka thinuuk a dai zo hang, a muhtei thukam pelhnak cu lem tung. A muhte cu a cat ngawl in it tung.
\q
\v 5 Kei cu dai nguah tui bang Isarel hum ah um tung. A mah cu vukpak bang ngo tuk hi.
\q
\v 6 A zik dawn te vang a kak tawt in olive thingkung bang in mawi tuk hi. Lebanon ngam lak bang ngimnam tui tuk hi.
\q
\v 7 Mahmi thingkung a lim nuai ah a um miten lepleh nak thak co in cang te bawl leh haw tuk hi. Cabit kung te vang tampi nei in, Lebanon cabit tui bang minthang haw tuk hi.
\q
\v 8 Kei cu zuk milim te tuah itihbang seng hum tin, Ephraim in son leh tuk hi. A ma awnkam vang keiman ngai in a mah zo tung. A hing dimdem mi caak kung bang a hih hang, nang cu ka hehpih nak hang ngah tampi tuah dim tuk ci.
\q
\v 9 A kon cihnak nei hum? A man hi thu cu thei tuk hi. A kon theihnak pha nei hum? A man hi thu cu thei tuk hi. Pathian lamzin hempoh cam hi. Midik cang miten zui haw tuk hi. Mi sual ten, mahmi lamzin pen khengkha in bah haw tuk hi.