See in Reader
2555 lines
211 KiB
Plaintext
2555 lines
211 KiB
Plaintext
\id ISA
|
||
\ide UTF-8
|
||
\rem The text in this file was extracted from C:/DCS/Chin, Ngawn/WORD/23. ISAIAH. docx.
|
||
\mt Isaiah
|
||
\h Isaiah
|
||
\mt Isaiah
|
||
\toc1 Isaiah
|
||
\toc2 Isaiah
|
||
\toc3 isa
|
||
\c 1
|
||
\p
|
||
\v 1 Judah kumpi Uzziah, Jotham, Ahaz, Hezekiah tei khut sung pen Amoz capa Isaiah cu Jerusalem khuapi pen pan Judah ngam tuah a seng muhnak a co mi cu,
|
||
\s Pathian miphun te a do theihnak
|
||
\v 2 Pathian thupiak hang vanhum aw ngai in, Leipi aw ngai in. Thupiak nak tuah ka cawm mi canu ten keimah do haw zo.
|
||
\q1
|
||
\v 3 Khui hei in a nei tupa thei hi. Laak hei in a mah a nei tu thei hi. Isarel miphun ten keimah thei haw ma hi. Ka miphun ten ngaisung thei haw ma.
|
||
\q1
|
||
\v 4 Mipha ngawl miphun, sualnak a pua tu miphun, phat ngawlnak a bawl miphun hinnam, sual a palcat thei mi canu le capa hima maw? Pathian cu zam san haw zo. Isarel miphun tei a thiangtho mi Pathian cu um ngawl in vawk haw zo. Zamsan in hawh haw zo.
|
||
\q1
|
||
\v 5 A muhte a kon dan tatnak pia tuk hum? A kon thu hilh bet tuk hum? A lu cu liamma bek um hi. Thinlung thazang ngilnak um ma hi.
|
||
\q1
|
||
\v 6 A kephalh lek pen pan a lu tian tidam nak him um ma. Liamma vei, khengkha in ti bumnat nak, meima naikuah bek ngeh um hi. Mahmi natnak cu meh theih ma hi. Puan tuah tuam theih ma hi. Sathau hei noih ma laih hi.
|
||
\q1
|
||
\v 7 Nohtei ngam cu mi thawm veng zet in um hi. Nohtei khuapi te vang kang zo. Nohtei lei ngam te vang, ngamdang miphun ten nohtei mai pen ei haw hi. Ngal tei siatsuah ceng sa mi bang, mihing thawm veng zet um hi.
|
||
\q1
|
||
\v 8 Zion canu te aw, cabit huan deubuk bang in hihen, cangmai lo pen zintun nak khan pakhat bang in hihen, ngaltei kilhmi khuapi bang um hi.
|
||
\q1
|
||
\v 9 Vancung ngalkap Topa Pathian in kohtei sungah dawm laihno hei a tang tik ma tacun, kohte cu Sodom le Komorah khua bang zo ung.
|
||
\q1
|
||
\v 10 Sodom khuapi uktu kumpi te aw, Pathian awnkam thu ngai un. Komorah khuapi te aw, kohtei Pathian dan thu ngai un.
|
||
\q1
|
||
\v 11 Pathian thupiak mi nohtei biakpiak nak a lu cu keimah tuah itihbang seng kha hum? Meihal in biakpiak mi tuu no, thauzet in cawm mi nganhing thau te tuah kei cu thau zo ing. Khui, tuuno le kel tei thisan cu keiman deih mang.
|
||
\q1
|
||
\v 12 Nohten ka mai pen mitmai lak tuk in na hun uh ten, ka thukhen nak a kal tu nohtei sungah mah tihbang mi na cu a kon ngen hum?
|
||
\q1
|
||
\v 13 A thupi nak imah a um ngawl mi biakpiak nak keng leh toh pah sun. Nohtei meihal mi ngimnam tui hempoh keiman hua ing. Hathak ni, colhni, mipi hulopnak ni vang a nawngkai mi hi. A thiangtho ngawl mi sualnak sungah a tel mi pawlkom nak hei sang thei mang.
|
||
\q1
|
||
\v 14 Ka hawvang in nohtei ha thak ni le nohtei puai te hua ing. Keimah noksak tik tu in cang hi. Ngaihthiam nak hang cawl zet ing.
|
||
\q1
|
||
\v 15 Nohten khut na phalh uhten ka mitmai pen pial tung. Tampi thunget nak na bawl uh ten keiman ngai mang. Nohtei khut cu thisan tuah dim hi.
|
||
\q1
|
||
\v 16 Nangmah le nangmah som in thiangtho tik in. Nohtei bawl sual te ka mai pen vawk ta un. Nuncan ziaza a pha ngawl te vang cawl un.
|
||
\q1
|
||
\v 17 Nuncan ziaza pha nung tukin cung ta un. Thudik bawl tuk ngaisung ta un. A kawi mite tuang tik un. Nu le pa a nei ngawl mitei ca thukhen un. Meivong tei thu cing ta un.
|
||
\q1
|
||
\v 18 A tu hung in kei muhte tuah thu ngaisung tuk hung hitin, Pathian in ti hi. Na sualnak te sandup bang ta vang, vukpak bang ngo tuk hi. A muhtei sual cu sandup bang a san ta vang, tuu mul bang ngo tuk hi.
|
||
\q1
|
||
\v 19 Nohten a thiangtho mi thu ngaihnak nei tale lei thupha co tuk uh ci.
|
||
\q1
|
||
\v 20 Mah a hima tale, do in ngalnam tuah thi tuk uh citin Pathian awnkam a suak mi thu um hi.
|
||
\q1
|
||
\v 21 Muantak a um mi khuapi cu itihbang suzuak in um leh hum? A hum pen dikcang zet thukhen nak dim hi. Thudik cu a ma sungah um hi. A tu in mi that tute um haw hi.
|
||
\q1
|
||
\v 22 Na sum vang sal ek kai zo. Na cabit tui vang tui loih in um zo.
|
||
\q1
|
||
\v 23 Na kumpi te do haw zo. Nguca tutei ngualcam in cang haw zo. Mi hempoh in laksawng deih hi. Laksawng nungah zui haw zo. Nu le pa nei ngawl mite le meivong tei thukhen sak ngawl um haw hi.
|
||
\q1
|
||
\v 24 Mah hang Isarel miphun sungah huham a nei tu Pathian, vanhum ngalkap Topa Pathian thupiak mi cu ka langlam ah a um mite a vawk cengten, tongkhen ngo a um mi hempoh vawk tung.
|
||
\q1
|
||
\v 25 Nangmah vang ka let cengten a salkai ek te thiangtho tik in a bal hempoh vawk sak khawng tung.
|
||
\q1
|
||
\v 26 Nangmah thukhen tute le bawi U pa te a masa piaknak a neih mi bang, keiman pia leh tung. Mah cengten na min cu a dik mi khuapi muantaak nak tuah a cingtu khuapi hitin, sam haw tuk hi.
|
||
\q1
|
||
\v 27 Zion khuapi cu thudik tuah in hihen, khuapi mihing hempoh dikcang nak tuah in hihen, tatnak co haw tuk.
|
||
\q1
|
||
\v 28 Sual palcat tupa le sual a bawl tute cu siatnak ah heng in Pathian a zam san mite cu lal haw tuk hi.
|
||
\q1
|
||
\v 29 Nohtei deihnak neih awng mi (oak) thingkung pi hang in mualpho haw tuk. Nohtei tatnak neih awng mi huan hang mitmai sia haw tuk.
|
||
\q1
|
||
\v 30 Itahum titale, a cehvuai mi (oak) thingkung bangin hihen, tui a um ngawl mi huan bangin cang haw tuk.
|
||
\q1
|
||
\v 31 Thazang ngilnak a nei mipa cu khau duan bang in hihen, meivam suah tupa in cang tuk hi. Mahmi a muhtei panih cu mei tuah kang haw tuk. Mahmi mei cu a kuamah in cuh tuk ma hi.
|
||
\s Pathian mual
|
||
\c 2
|
||
\p
|
||
\v 1 Judah ngam le Jerusalem khuapi tuah seng in Amoz capa Isaiah muh mi thu cu,
|
||
\v 2 A dawl bel huncan ten Pathian innsak mi mual cu mualpi le mualneu a lek humah khaisang in um tuk hi. Miphun hempoh mahmi mual hum ah um in hulawmkhawm haw tuk hi.
|
||
\q2
|
||
\v 3 A tamzet mi a mun hung un. Pathian mual, Jakop miphun Pathian inn ah kai tuk hung. Lamzin te lak in ohten a ke ngiah te zui tuk hung hitin, khualzin hawh thah son haw tuk hi. Thudik cu Zion mual pen hihen, Pathian thu cu Jerusalem khuapi pen heng tuk hi.
|
||
\q1
|
||
\v 4 Pathian in miphun hempoh sungah thukhen in mihing tampi te thu a hilhnak hang, a muhtei ngal hiamnam cu lo lehnak thuanha cang tik tuk in hihen, ceipi te cu phio cang tik tuk in suu haw tuk hi. Ngam khat le ngamkhat do dun ngawlin ngaldo thiamnak vang cung leh haw tuk ma toh hi.
|
||
\s Pathian ni
|
||
\q1
|
||
\v 5 Jakop miphun te aw, hung un. Pathian vaknak sungah nung tuk hung.
|
||
\q1
|
||
\v 6 A thungai in na mihing, Jakop miphun te nangman zam san zo ci. Itahum titale, a muhte cu nisuah nak ngam thiamnak tampi a neih hang, Philistine miphun te bang kamsang saza te haw hi. Ngamdang miphun te phial haw hi.
|
||
\q1
|
||
\v 7 A muhtei ngam cu sui le ngun a tampi hang, neihnak sonzawh ngawl tam hi. A muhtei ngam cu cipuh tampi hang cipuh leng sonzawh ngawl in nei hi.
|
||
\q1
|
||
\v 8 A muhtei ngam cu zuk milim tuah dim in a mu khut tuah a bawl mite cu a mun bia in um haw hi.
|
||
\q1
|
||
\v 9 Mah hang, mihing ten niamkhiat in mi hempoh ten niamkhiat nak a nei haw ta vang a muhte ngaidam pah sun.
|
||
\q1
|
||
\v 10 Suang sungah tum in Pathian launak, a minthan huham thawmngeng nak hang leivul sungah sel in.
|
||
\q1
|
||
\v 11 Mahmi huncan ten mihing mitmai cu niamkhiat tuk hi. Mihing tei pualthau ngalnak vang zawt dem tuk hi. Pathian pakhat bek khaisan nak ah heng tuk.
|
||
\q1
|
||
\v 12 Vanhum ngalkap Topa Pathian ni le hun can cu pualthau mi ngal te, mi sunglawi mite khiasuk tuk hi.
|
||
\q1
|
||
\v 13 Lebanon cedar thingkung hempoh hei hihen, Bashan (oak) thingkung hempoh te hei hihen,
|
||
\v 14 Mualsang hempoh te hei hihen, mualbawk hempoh te hei hihen,
|
||
\v 15 A sang zet mi ngalbuk nak hempoh te hei hihen, a kho mi khuapi hempoh te hei hihen,
|
||
\v 16 Tarshish tembaw hempoh te hei hihen, deihawh huai mi muhnak te vang kham sak tuk hi.
|
||
\q1
|
||
\v 17 Mahmi hun le can ten mihing tei pualthau ngalnak zawt dem in, mihing tei a sang mi lungmu cu khiasuk tuk hi. Pathian pakhat bek khaisan nak ah heng tuk hi.
|
||
\q2
|
||
\v 18 Zuk milim hempoh tham khawng tuk hi.
|
||
\q1
|
||
\v 19 Pathian in leipi lau tuk in a thawh ten mahmi Pathian launak, a minthan huham thawmngeng nak hang mipi ten suang sung, leikua sungah lut tum haw tuk hi.
|
||
\q1
|
||
\v 20 Mahmi huncan ten mihing tampi ten a muh le muh bia tuk in a muhtei bawl awng mi ngun milim, sui milim cu bui te, bak tei lakah vawk haw tuk.
|
||
\q1
|
||
\v 21 Pathian in leipi lau tuk in a thawh ten, mahmi Pathian launak huham, a minthan nak huham tuah suang sung, liang lak hawkluam sungah tai tum haw tuk hi.
|
||
\q1
|
||
\v 22 Nal sung pen haihawh thei mihing hempoh muang pah sun. Mah tihbang mipa cu itihbang bawl tuk thu um hum?
|
||
\s Judah ngam le Jerusalem khuapi thukhen nak
|
||
\c 3
|
||
\p
|
||
\v 1 Itahum titale, zo in. Vancung ngalkap Topa Pathian in Jerusalem khuapi le Judah ngam ah um in, thiangkhut, muk le tui hempoh laksak tuk hi.
|
||
\q1
|
||
\v 2 Huham thawmngeng mipa, ngaldo pa, thukhen tupa, kamsang, khutlam a zo thiam, kum U ham,
|
||
\v 3 Kum sawmnga a um mi ngalkap bawi minthan nak a nei tupa, thuvai siampih bawi U pa, phat ngawlnak a thiam mipa, awn thei mipa,
|
||
\v 4 Mahmi ngam sungah naupang te uktu hihnak ah pia in, nawi tui in naupang ten uk haw tuk hi.
|
||
\q1
|
||
\v 5 Mihing tampi ten pakhat le pakhat bawl siatnak thuak haw tuk. Naupang ten kum U ham pa hei hihen, mipha le pha ngawl te hei hihen, zawnsak haw tuk.
|
||
\q1
|
||
\v 6 Mah hang, mihing in a ngualcam U le nau te dok in nang cu silh tuk puan nei laih ci, hung in. Kohte uktu tuk bawl in. Kohtei a cim mite vang lem in hitin a tihten,
|
||
\v 7 A man, kei cu a bawl thei mipa hi mang hi. Ka inn ah moh hei um ma, puan hei um ma hi. Kei cu miphun tei hum ah uktu bawl tik pah sun hitin, ciangkoh in son tuk hi.
|
||
\q1
|
||
\v 8 Jerusalem khuapi cim in Judah ngam cu lal hi. Itahum titale, a muhtei nuncan ziaza cu Pathian deihnak tuah bang ve ngawl, minthan nak a nei mit te do in um haw hi.
|
||
\q1
|
||
\v 9 A muhtei mitmai umdan cu a muhtei langkhat lam ah theihpih nak um hi. A muhtei sualnak sel ngawl, Sadom khua mite bang langzet bawl haw hi. A muhtei hawvang cu thupha um ma hi. Itahum titale, phat ngawlnak a muhtei sungah pia haw zo.
|
||
\q1
|
||
\v 10 Midik cang pa cu thupha um hitin, mah mipa cu hilh in. Itahum titale, a nuncan ziaza phatnak co tuk hi.
|
||
\q1
|
||
\v 11 Mipha ngawl mipa cu thupha conak um ma hi. Phat ngawlnak thu tuah tawk tuk hi. Itahum titale, a muhtei sual thaman pia tuk hi.
|
||
\q1
|
||
\v 12 Ka mihing te, naupang ten bawlsiat haw tuk hi. Numei te hei uk haw tuk hi. Ka mihing te aw, nang muh lamhuai tuten lamzin pial tik haw zo. Nohtei hawhnak lamzin vang siatsuah haw zo.
|
||
\q1
|
||
\v 13 Pathian in a na deh cingkem tuk in tho hi. A miphun te thukhen tung hitin, zuam hi.
|
||
\q1
|
||
\v 14 Pathian in a miphun sung pen kum U pa te hei hihen, uktu te hei hihen, thukhen nak pen muak tuk hi. Nohten ka huan ei zo uh ci. Mizawng ca ngah tei neihnak te long in a muhtei inn sungah khawl hi.
|
||
\q1
|
||
\v 15 Ka miphun te ita bawlsiat uh cim? Mizawng cangah tei mitmai cu ita supek uh cim tin vancung ngalkap Topa Pathian in hilh hi.
|
||
\q1
|
||
\v 16 Pathian thupiak mi Zion canu le capa te aw, lungmu ngeng thinlian nak mit phelep in, ke le ke van te nging tik in kalsuan zingzet in a kalsuan hang,
|
||
\v 17 Pathian in Zion canu le capa te lu nei ngawl in cang tik tuk hi. Pathian in a muhtei puan lawl in mualpho tik tuk hi.
|
||
\p
|
||
\v 18 Mahmi hun le can ten Pathian in a muhtei ke le ke cu zaa pak lukhu, ha thak longawh,
|
||
\v 19 Bengbet khaih, cau te, mai tuam,
|
||
\v 20 Lupawng sui lukhu, sui ke khau, taipom, nal khaih,
|
||
\v 21 Laksawng, khutbut, nalbet,
|
||
\v 22 Sui zaa pak angki, pavua, lukhuh puan silh, tawngpu,
|
||
\v 23 Thalang, sungta angki, luvelh, kalaka te vawk tung hi.
|
||
\q1
|
||
\v 24 Namtui hihnak pen a namsia mi a uih, taipom ai in a kha mi khau, sam ai in lukolh nak, awmdat ai in thangkhau khau, a thuang a mawi mi ai in thiksa nawt in cang tuk hi.
|
||
\q1
|
||
\v 25 Na miphun ten ngalnam tuah in hihen, na ngalkap ten ngaldo nak pen sung khawng haw tuk hi.
|
||
\q1
|
||
\v 26 A luhtum nak kongka pi te kahnak tuah in.
|
||
\c 4
|
||
\p
|
||
\v 1 A mah cu mi thawmveng umnak leihum ah khung tuk hi. Mahmi huncan numei salih ten pano pakhat cu dokin kohten kei muhtei an ei tuk poh ung. Kei muhtei puan tek silh tung ung. Kohten nangma min tuah bek sam tukin kei muhtei zahcak mualpho nak vawk sak in hitin, ti haw tuk hi.
|
||
\s Pathian minthannak a kangkak
|
||
\p
|
||
\v 2 Mahmi huncan ten Pathian hi a zik cu a minthan nak tuah pak tuk hi. A suak ca mi Isarel miphun tei ca in, lei lungpen a suak mi ankung ngah te pha tuk hi.
|
||
\p
|
||
\v 3-4 Pathian in a thukhen mi hawvang, a kang mi hawvang tuah Zion canu le capa tei a bal te somsak in Jerusalem khuapi thisan cu khuapi sung pen a vawk cengten, Zion mualah tang in Jerusalem khuapi sungah a tang, a nung ca cazin a lut mi Jerusalem miphun cu thiangtho haw tuk hi.
|
||
\p
|
||
\v 5 Pathian in Zion mual pen inn a um mi hempoh te le mipi hulopkhawm nak humah sun huncan ten meingo le meikhu tuah in hihen, zan huncan meialh vaknak tuah in hihen, a sunglawi in a bawl mi hempoh ten khuh tuk hi.
|
||
\v 6 Sun huncan ten nisa lim tuk in deubuk, huihpi theu ten him no belhnak mun in cang tuk hi.
|
||
\s Cabit huan la
|
||
\c 5
|
||
\p
|
||
\v 1 Ka ngaihno cabit huan sihsan in, itnak la na mai pen sa hih tung. Lei ngam pha mi mual hum ah ka ngaihno huan pakhat um hi.
|
||
\q1
|
||
\v 2 Lei co in suangpum te a vawk cengten a pha bel mi cabit kung te phut hi. Huan sungah buknak tuk innpi sa in cabit ngawinak tuk khuk co hi. Mahten cabit ngah tuk hitin muansan nak um naven, a mah no a po cawm mi cabit ngah a thuk in cang ta hi.
|
||
\q1
|
||
\v 3 A tu in Judah ngam Jerusalem miphun te thukhen in. Keimah le ka cabit lak lawh pen thukhen in.
|
||
\q1
|
||
\v 4 Ka cabit huan ah keiman bawl thei napi in ka bawl laih ngawl mi thu um laih maw? Cabit ngah tuk hitin muansan nak um naven, a mah no a po cawm mi cabit ngah a thuk in cang ta hi.
|
||
\q1
|
||
\v 5 A tu in ngai un. Ka cabit huan sungah ka bawl tuk mi thu cu nohtei lakah keiman hilh tung. Ka huan cu ka siatsuah hang, midang ten ei haw tuk hi. Khantian te siatsuah sukbal nak hang, midang ten sikpek haw tuk hi.
|
||
\q1
|
||
\v 6 Huan cu keiman siatsuah tung. A kuamah in bawl tuk ma hi. A kuamah in co tuk ma hi. Lingkung phun namkim po tuk hi. Mahmi huan ah vang nguahzu tuk ngawl in keiman thukham pia tung.
|
||
\q1
|
||
\v 7 Vanhum ngalkap Topa Pathian huan cu Isarel miphun hi. A deihmi thingkung no cu Judah miphun hi. Thukhen nak muansan um naven thahnak hei hihen, dikcang nak sungah hei in kahnak hei tawk tuk hi.
|
||
\s Phat ngawlnak tuah thukhen nak
|
||
\q1
|
||
\v 8 Leihum a laizang mun pakhat umnak a um ma tale innkhat nung innkhat hei hihen, lo pakhat nung pakhat ah hei hihihen, a peh tuah thei mite cu thupha um ma hi.
|
||
\q1
|
||
\v 9 Ka bul pen vancung ngalkap Topa Pathian thupiak a thudik um ma tale mihing tamzet cu inn sungah mihing um ngawl in, mi thawmveng umnak in cang tuk.
|
||
\q1
|
||
\v 10 Itahum titale, cabit huan Ekah sawm cu cabit tui kalan luk tian bek cang tik tuk hi. Anci a vawh ten sawmah pakhat bek ngah haw tuk.
|
||
\q1
|
||
\v 11 Zuu in tuk zing khawma no tho in cabit tui tuah kham tuk zan lam huncan tian a bo thei mite cu thupha um ma hi.
|
||
\q1
|
||
\v 12 A muhtei puai ten phaidak, tazaw, khuang, pheveu, cabit tui um thei hi. Pathian na deh nak cu imah sumsial haw ma hi. A khut tuah a bawl mi cu thei haw ma.
|
||
\q1
|
||
\v 13 Mah hang, ka miphun ten cihnak nei ma. Ngal tei mat co hi. Bawi U pa te ningkial in thi haw hi. Mizawng cangah miten dangdum in um haw.
|
||
\q1
|
||
\v 14 Mah hang thihnak ngam in a duhhop nak zal tikin, a kam cu sonzawh ngawl in a kam a kau hang a muhtei minthan nak hempoh aw suah a bawlnak, lungdam nak te phuang khawng zo.
|
||
\q1
|
||
\v 15 Mipha le pha ngawl te zawt dem in pualthau mingal tei mitmai vang sia tik hi.
|
||
\q1
|
||
\v 16 Vancung ngalkap Topa Pathian thukhen nak hang, khaisan nak ah heng haw tuk. A thiangtho mi Pathian dikcang nak hang thiangtho tuk hi.
|
||
\q1
|
||
\v 17 Mah ten tuuno te cu a muhtei nunnak bang cawm tuk hi. Hausa milian neih awng mi, mithawm veng umnak sungah tuuno te ei haw tuk.
|
||
\q1
|
||
\v 18 Haksat nak cu sual bawlnak tuah a dok tu, lengkhau tuah dawh mi bang sualnak ah a dok tute cu thupha um haw ma.
|
||
\q1
|
||
\v 19 A mun Pathian na cu kohten mu tuk a manlang zuam in. Kohten thei tuk in Isarel miphun tei a thiangtho mi Pathian ngaihsut nak cu a bul ah nek in cangkim ta hen tin, son thei hi.
|
||
\q1
|
||
\v 20 A pha ngawl mi cu pha, a pha mi cu pha ma hitin a son thei tupa, vaknak thu cu khuathim, khuathim cu a vak in hihen, a hum cu a kha tin a kha cu a hum tih hei in hihen, a sual in a la thei mite cu thupha co haw tuk ma hi.
|
||
\q1
|
||
\v 21 Kei cu cihnak ei ing hitin a ngaisung thei tupa, thudik tuah cangkim ing hitin a ngaisung thei mite cu thupha co haw ma hi.
|
||
\q1
|
||
\v 22 Cabit tui tampi a in thei tupa, si tuah tohhel in zu a in theihnak thu sungah nasezet a um tute cu thupha co haw ma hi.
|
||
\q1
|
||
\v 23 A mun nawhthuh ei tuk in mipha ngawl te sual dantat ngawl luat tik in midik tei dikcang nak thu sang ngawl in vawk thei hi.
|
||
\q1
|
||
\v 24 Mah hang, mei lei in cangphol kang in mei alh in hampa a ko a kang tik bang, nohtei a zung cu a muat mi thing bang a hih hang a pak vang leivul bang cuan tuk hi. Itahum titale, vancung ngalkap Topa Pathian dan cu vawk haw zo. Isarel miphun tei a thiangtho mi Pathian thuphuan cu imah sumsial ngawl bawl haw zo.
|
||
\q1
|
||
\v 25 Mah hang, Pathian in a miphun te a thinuuk in a muhte a khut zaak in dan a tat hang, mual te hing in a muhtei luang te lamzin ah ek bang cang haw hi. Mah naven a thinuuk nak dai ngawl in a khut zak in um laih hi.
|
||
\q1
|
||
\v 26 Ngam khuala pi ah a um miphun ca a lan phut in leihum hempoh ah a um mite a sosuah hang, a muhte cu a man lang hung haw tuk hi.
|
||
\q1
|
||
\v 27 A muhtei sungah thacawl mi um haw ma hi. Khengkha in a lumbah mi vang um ma hi. Hihbu sung in le hihbu ci in a um mi vang um tuk ma hi. A muhtei taipom het nak zuuk tuk ma hi. Kedam khau vang zuuk tuk ma hi.
|
||
\q1
|
||
\v 28 A muhtei thalcang te hiamzet hi. A thal te vang kau in um haw hi. Cipuh ketin cu suang bang in hihen, lengke te vang simpei huih theu bang in ngai sung haw hi.
|
||
\q1
|
||
\v 29 A muhtei aunak aw cu pawpi hawk bang le pawpi la bang in hawk tuk hi. A kuamah in pan thei tuk ma hi.
|
||
\q1
|
||
\v 30 Mahmi huncan ten a muhte cu tuipi thuanthum aw thum bang nging haw tuk hi. Mahmi ngam cu zoh ten khuathim sahpi, haksat cimnak bek a um hang vanhum vak nak cu tham tuk hi.
|
||
\s Isaiah nelah a tiknak
|
||
\c 6
|
||
\p
|
||
\v 1 Uzziah kumpi a thih kum in, Pathian cu a cungnung bel mi kumpi khunnak hum ah a khun mi cu keiman mu ing. A puan cu biakinn sungah koih bet hi.
|
||
\v 2 Vancung miten tohkham khunnak a lang le langlam pen ding haw. A mun ha paluk a neih hang, a ha panih tuah a mitmai uap, a ha panih tuah a ke uap in a ha panih tuah leng haw hi.
|
||
\v 3 A mun, vancung ngalkap Topa Pathian cu thiangtho, thiangtho, thiangtho hi. Leipi cu a minthan nak tuah dim hitin, pakhat le pakhat au in son haw hi.
|
||
\p
|
||
\v 4 Mah tihcun aunak aw hang, kongka khuam te hing in meikhu tuah inn sungah a dim hi.
|
||
\p
|
||
\v 5 Keimah vang ka nelah thupha um ma hi. Keiman phatnak um ma hi. Itahum titale keiman a thiangtho ngawl mi muk kam nei in, a thiangtho ngawl mi muk kam miphun tei sung um napi in vangcung ngalkap Topa Pathian tihmi kumpi cu ka mit tuah mu zo ing hitin, ti hi.
|
||
\p
|
||
\v 6 Mah ten vangcung ngalkap pakhat in biakpiak nak hum pen, caiceh tuah a lak mi meiling pakhat cu a khut tuah len ka umnak ah leng in,
|
||
\v 7 Ka muk a noih cengten meiling in na muk kam cu tawk zo. Na sualnak laksak zo. Na sualnak vang thiang zo, thiang zo hitin, ti hi.
|
||
\p
|
||
\v 8 Mah cengten Pathian in keiman a kua hah tuk hum? Kohtei ca tuk a kua hawh tuk hum tin thudot nak aw cu ka zak ten keiman keimah um ing. Keimah hah in hitin, ti ing.
|
||
\v 9 Pathian in mahmi miphun umnak mun ah a hawh cengten, nohten za leng napi a tihnop nak thei ngawl in za tuk uh ci. Mu napi in thei thiam tuk ma uh ci.
|
||
\q1
|
||
\v 10 A mun mit tuah mu ma, beng tuah za ma, thinlung in thei ma, a nuncan thek ma, a muhtei natnak ka dam tik laih ngawl tian a muhtei thinlung thim tik in. A muhtei beng vang bul tik in. A mit vang hup in hitin, ti hi.
|
||
\p
|
||
\v 11 Pathian aw, ituk huncan tian ngei tuk hum tin ka dot leh ten, khuapi mihing um ngawl in siatnak, mihing a um ngawl mi inn, leipi cu a thawmveng diudeu tian tuk tin a man don leh hi.
|
||
\q1
|
||
\v 12 Pathian mipi te cu khuala pi umnak mun ah thawn tikin ngam sung pen mihing tampi vawknak a um tuk tian in hihen, mahmi huncan cu ngeipi tuk hi.
|
||
\q1
|
||
\v 13 Mahmi ngam sungah sawm ah pakhat tang laih naven, mah a tang laih mi cu siatsuah bet co haw tuk laih hi. Mah naven cak kung le (oak) kung te cu phuk in thingbul a tang bang, a thiangtho miphun hinnam cu mahmi ngam pen a bul in cang tuk hitin, thupia hi.
|
||
\s Emanuel sialsiah nak
|
||
\c 7
|
||
\p
|
||
\v 1 Judah kumpi Uzziah capa a himi Jotham capa Ahaz khut sung pen Syria kumpi Rezin le Isarel kumpi Remaliah capa a himi Pekah ten, Jerusalem khuapi do tuk ngam thok haw hi. Mah naven a ngaihsut nak pitung haw ma.
|
||
\v 2 Syria ngam cu Epharaim ngam suang hitin David kumpi miphun ten a zak ten, ngamlak thingkung te huihtheu ten a hing bang, kumpi thinlung le ngam sung miphun tei thinlung cu hing tawtok in um haw.
|
||
\p
|
||
\v 3 Mah ten Pathian in Isaiah thu a piak mi cu nangman na capa Shearjashub tuah hawh langkhat in tuikong lo lamzin pi a hum lam, a hum ta tuipi a ting awng tawpnak pen Ahaz kumpi cu muak in tawk tale na son tuk mi cu,
|
||
\v 4 Ngalling in dai denno um in. Meikhu a suak mi thing panih tihmi, Syria kumpi Rezin le Remaliah capa ten nasezet a thinuuk haw naven lau pah sin, thinkham pah sin.
|
||
\v 5 Itahum titale, Syria, Epharaim le Remaliah caten nangmah do in phat ngawlnak ngaisung haw zo.
|
||
\v 6 Ohten Judah ngam a hawh noksak tuk in ohtei ca nemcuam phatnak bawl in, Tabeal capa tihmi lo pen kumpi cu koih tuk hung hi.
|
||
\v 7 Topa Pathian in mahmi ngaihsut nak cu kho tuk ma hi. Mah tihcun cang tuk ma hi.
|
||
\q1
|
||
\v 8 Syria ngam tei lu cu Damaskas khuapi hi.
|
||
\q1
|
||
\v 9 Damaskas tei lu cu Rezin kumpi pa hi. Epharaim ngam tei lu cu Samaria khuapi hi. Samaria tei khuapi lu cu Remaliah capa hi. Mah naven kum sawmluk kumnga sung Epharaim ngam cu ngam in cang ngawl in botkek tuk hi. Nohten na um uh ma tale kho tuk ma hitin, thupia hi.
|
||
\p
|
||
\v 10 Mah cengten Pathian in na Topa Pathian nel pen sialsiah tepteh nak ngen in hi.
|
||
\v 11 A thuk mi umnak mun ah hei hihen, a sang mi humlam umnak mun ah hei hihen, ngen in hitin Ahaz kumpi thu a piak ten,
|
||
\v 12 Ahaz kumpi in keiman ngen tuk mang hi. Pathian cu cul tuk mang hitin, don leh hi.
|
||
\v 13 Mah ten Isaiah in David miphun te aw, ngai un. Nohtei mihing te ciat tik bek sial ngawl ka biak mi Pathian ciat tik tuk uh cim maw?
|
||
\v 14 Mah hang, Pathian a mah loli sialsiah tepteh nak nang muhte pia tuk hi. Zo in. Khanglai him in naupai in capa hing tuk hi. Mahmi capa cu Emanuel tin a min sa tuk hi.
|
||
\v 15 A man phat ngawlnak hempoh te vawkin a pha mi teng thiam tuk in nawitui le khuaitui ei tuk hi.
|
||
\v 16 Mahmi nauno in a pha ngawl mi thu vawk ngawl in a pha mi thu a ten thiam laih ngawl, na lau mi kumpi panih uknak ngam cu zam san nak mun in cang tuk hi.
|
||
\v 17 Epharaim miphun cu Judah miphun tuah a khen mi ni penpan a cang awng ngawl mi ni le huncan cu Pathian in na hum ah hei hihen, na miphun tei hum ah hei hihen, na miphun a bulpi tei lakah hei hihen, heng tik tuk hi.
|
||
\p
|
||
\v 18 Mahmi hun le can ten Izip ngun tuipi a kak nak bulpi ah a um khuai hei hihen a sosuah hang,
|
||
\v 19 A muhte hung in mi thawmveng nak munlawn te, liangkham, hampa lak, hamtawt nak hum ah a venghawng in cawl haw tuk hi.
|
||
\p
|
||
\v 20 Mahmi huncan ten ngun tuipi a langlam ah a um mi Assyria kumpi zawng tuk in, namhiam zet tuah Pathian in na sam le ke mul te met tuk hi. Khamul vang met tuk hi.
|
||
\v 21 Mahmi huncan ten mihing cu khuinu no pakhat, tuu, kel panih a ngul tale,
|
||
\v 22 A muhtei sung pen nawitui tampi a ngah hang nawitui cu ei hi. Ngam sungah a tang mi hempoh cu thawpat le khuaitui bek ei haw tuk hi.
|
||
\p
|
||
\v 23 Mah ten cabit kung thawngkhat a um hang, sum thawgkhat a man nei mi cabit huan hempoh ah lingkung bek in cang tuk hi.
|
||
\v 24 Thal le thalcang te keng in mah lai mun ah cun hawh tuk hi. Leihum hempoh ah lingkung bek ngeh cang tuk hi.
|
||
\v 25 Phailai tuah co in lo hempoh te lingkung hang, a kuamah in nek ngam ngawl khui khalhnak mun, tuu le kel tei palcih nak in cang haw tuk hitin, hilh hi.
|
||
\s Pathian man mi Assyria kumpi
|
||
\c 8
|
||
\p
|
||
\v 1 Mah cengten Pathian in nang man calung ngengpi pakhat na lak cengten, a manlang zet long in siatsuah in hitin a tihnop mi Maher-shalal-hash-baz tihmi laicang cu mihing awnlai tuah ngan in hitin, ka nelah thupia hi.
|
||
\v 2 Mah ten theihpih nak thu nei tik tuk in uptak mi theihpih nak thu, thiampi Uriah le Jeberechiah capa Zakhariah cu keiman sam ing.
|
||
\v 3 Mah cengten keiman kamsang nu cu nek in nau a pai hang capa hing hi. Pathian in, mahmi capa cu Maher-shalal-hash-baz tihmi min sa in hi.
|
||
\v 4 Itahum titale mahmi nauno in nu le pa tin a sam theih laih ngawl in Damasakas khuapi hauhsak nak, Samaria khuapi sung pen a lon mi neihnak cu Assyria kumpi in lonsak tuk hitin, thupia hi.
|
||
\p
|
||
\v 5 Mah cengten Pathian in ka nelah a hilh leh mi thu cu,
|
||
\v 6 Hi miphun ten nem no a hawh mi Shiloah tui a luang cu el in Rezin le Remaliah catei lakah a lungdam hang,
|
||
\v 7 Pathian in mihing tampi a tel mi Assyria kumpi thazang ngilnak a nei mi ngun tuipi tuah a muhte a khuh tik hang, mahmi ngun tuipi luitui lun a luitui luannak leet in,
|
||
\v 8 Judah ngam cu ke sihpal nak hempoh a dim hang ngawng tian khong tuk hi. A ha te vang phalh in leihum hempoh nangman uk tuk ci. Emanuel aw tin, thupia hi.
|
||
\q1
|
||
\v 9 Miphun pih te aw, pawlkom nak bawl in ngai sung ta un. Ngam khua lapi ah a um tu miphun hempoh te aw, ngai ten un. Taipom het in ngai sung ta un. Taipom het in ngai sung ta un.
|
||
\q1
|
||
\v 10 Thuvai siamkhawm ta un. Nohtei ngaihsut nak tham tuk hi. Thukhen ta un. Thukhen nak bang kho tuk ma hi. Itahum titale Pathian cu ohtei lam ah um hi.
|
||
\s Pathian launak
|
||
\p
|
||
\v 11 Hi miphun tei dan a neih mi bang keiman nung tuk ngawl, Pathian a huham lak in keimah thu hilh in thu a piak mi cu,
|
||
\v 12 Pawlkom nak tin hi miphun tei son mi hempoh bang, nohten pawlkom nak son pah sun. A muhtei lau theih mi thu cu lau pah sun. Candalh pah sun.
|
||
\q1
|
||
\v 13 Vancung ngalkap Topa Pathian cu U pat un. Mahmi Pathian bek cu launak tuah um ta un.
|
||
\q1
|
||
\v 14 Mah tihcun bawl tale, mahmi Pathian cu nohtei belhnak mun in cang tuk hi. Mah naven Isarel miphun panih cu lup bah nak suang, sual bawlnak suang, Jerusalem khuapi tei sungah thangsiah nak in cang tuk hi.
|
||
\q1
|
||
\v 15 A mu venghawng lup bah nak, thangawk in matnak ah heng haw tuk hi.
|
||
\q1
|
||
\v 16 Hi theihpih nak thu cu ka nungzui tei lakah cun tuk dan thukham tacik khen in hitin, thupia hi.
|
||
\q1
|
||
\v 17 Jakop miphun sung pen a mitmai a kham sak tu Pathian cu keiman ngak in muang tung.
|
||
\p
|
||
\v 18 Keimah penpan ka nelah Pathian piak mi naupang te um hi. Zion mual hum ah a um mi vancung ngalkap Topa Pathian in, Isarel miphun sungah thasiah huai mangbangza thu cang tik tuk in pia hi.
|
||
\p
|
||
\v 19 A mun nangmah hilh tuk hi. Nelzet mi hawvang te, mizial thiam, khawsia lut te zei pah sun hitin nang muhte a son mi cu mihing ten a muhtei Pathian zei tuk hima maw? A nung mitei thu cu a thi mitei sungah zei tuk maw?
|
||
\v 20 Dan thukham hei hihen, theihpih nak thu a piak mi hei hihen ngai un. A muhtei hilhmi thu cu Pathian thu tuah a bang ve ma tale a muhtei sungah vaknak um ma laih hi.
|
||
\v 21 Cim le khamnak le ningkial nak cu thuak in liam tuk uh ci. Ningkial ten mah le mah cu noksak in a muhtei kumpi te le a muhtei Pathian cu tamsiat haw tuk.
|
||
\v 22 A humlam zo hei hihen, leipi zo hei hihen, haksat cimnak le khuathim pi in um tuk hi. A sah zet mi khuathim pi tawk in, a vak mi umnak mun pen hawlvawk thuak haw tuk hi.
|
||
\s Ohtei ca nauno a hinnak
|
||
\c 9
|
||
\p
|
||
\v 1 Mah naven, haksat cimnak a thuak nungten khuathim pen luat tuk hi. Zabulun ngam uknak le Naphtali ngam uknak cu a masa zawt dem naven tuipi ting bul hawhnak lamzin, Jodan ngun ngal khat lam, ngam dang miphun umnak, Kallile ngam cu minthan nak tuah dim tuk hi.
|
||
\q1
|
||
\v 2 Khuathim sungah a hawh tu mihing hempoh ten nasezet vaknak mu in thihnak ngam sungah a um a muhtei lak sung pen vaknak heng tuk hi.
|
||
\q1
|
||
\v 3 Nangman mihing te pungzai tik in, a muhtei lungdam nak khang tik ci. Ankung cop huncan ten lungdam mi bang in hihen, na mai pen a mun lungdam haw hi.
|
||
\q1
|
||
\v 4 Itahum titale Midian uknak sungah a bawl bang, a muhtei puak mi van a ngumzang ah a thuak mi ngolh hei hihen, bawlsiat tupai ceipi hei hihen, nangman ektuah zo ci.
|
||
\q1
|
||
\v 5 Ngaldo tutei kedam le thisan noih mi van hempoh meihal tuk in cang haw tuk.
|
||
\q1
|
||
\v 6 Itahum titale ohtei ca nau no hing zo. Ohtei lakah capa pia zo hi. A uknak cu a cat ngawl in kho tuk hi. A min cu mangbangza, lemnak bawl tu, huham thawmngeng Pathian, kumkhua pa, daihnak kumpi hitin, sam tuk hi.
|
||
\q1
|
||
\v 7 David kumpi tohkham khunnak hum ah khung in, uknak ngam cu a tu le a kumkhua a cat ngawl, a thukhen nak bang dikcang nak tuah khen a cat ngawl kho tuk in a thuneih nak khang tuk in le daihnak cu a cat ngawl in kho tuk hi. Vancung ngalkap Topa Pathian in a deihnak a ngengzet hang, mahmi thu cengsuak tik tuk hi.
|
||
\s Isarel miphun tei hum ah Pathian thinuuk nak
|
||
\q1
|
||
\v 8 Pathian thuphuan cu Jakop miphun tei lakah hah in Isarel miphun tei hum ah heng tuk hi.
|
||
\q1
|
||
\v 9 Pualthau ngalnak le thinlung khohkhah nak tuah hilh mi Epharaim miphun le Samaria khua mi hempoh ten thei haw tuk hi.
|
||
\q1
|
||
\v 10 Ukkhe te cim naven, kohten suangsuih nak tuah sa tuk ung. Theipi kung te a phuk khawng ta vang, mahmi thingkung te cu cedar kung in theksak khawng tuk hi.
|
||
\q1
|
||
\v 11 Pathian in a muhtei a langlam pen Rezin kumpi ngal te khaisang in, Epharaim miphun ngal te a tho tik hang,
|
||
\v 12 A mai pen Syria miphun, a nung pen Philistine miphun ten kamka in Isarel miphun cu pet haw tuk hi. Mah naven a thinuuk nak dai ngawl a khut zak in um laih hi.
|
||
\q1
|
||
\v 13 Hi miphun te dan tat tupai nelah kik leh ngawlin vancung ngalkap Topa Pathian zei thei ma hi.
|
||
\q1
|
||
\v 14 Mah hang Pathian in a lu le a mei hei hihen, sunpalun le a kang tuah in hihen, nikhat thu sat tawng tuk hi.
|
||
\q1
|
||
\v 15 A lu cu kum U ham le minthan nak a nei mipa hi. A mei cu zol thu a son thei mi kamsang hi.
|
||
\q1
|
||
\v 16 Hi miphun lamzin a huai tuten lamzin pial tuk in huai haw zo. A zui tu hempoh siatnak ah heng haw tuk hi.
|
||
\q1
|
||
\v 17 Mah hang, Pathian in a muhtei sungah a um khangno te cu lungkim ma hi. Nu le pa nei ngawl naupang te le meivong te hehpih ma hi. A mu venghawng sual a bawl tu a pha ngawl mite a hih hang, a pha ngawl mi awnkam son thei haw hi. Mah hang, a thinuuk nak dai ngawl in a khut zak laih hi.
|
||
\q1
|
||
\v 18 Sual cu mei bang kang thei hi. Ling kung phun kim te kang thei hi. Ngam tukhang pi vang meihal nak hang, thingkung te meikhu tuah kai to haw tuk hi.
|
||
\q1
|
||
\v 19 Vancung ngalkap Topa Pathian thinuuk nak hang, leipi cu kang in leipi cu meilap nak thing in cang tuk hi. U le nau pakhat le pakhat sahelh nak um tuk ma hi.
|
||
\q1
|
||
\v 20 A taklam khut tuah phuk tale ningkial tuk hi. A veilam pen a pet tale an kham tuk ma hi. Inn nelpih tei sa cu pet in ei haw tuk hi.
|
||
\q2
|
||
\v 21 Manasseh miphun in Epharaim miphun hei hihen, Ephariam miphun in Manasseh miphun hei hihen pet in ei haw tuk hi. Mahmi panih ten Judah miphun do haw tuk hi. Mah naven, a thinuuk nak dai ngawl in a khut zak laih hi.
|
||
\c 10
|
||
\p
|
||
\v 1 A pha ngawl mi thusuah in thukhen catnak, a muhtei thu sialsiah sa mi thasiat nak lai a ngan tute cu thupha um ma hi.
|
||
\q1
|
||
\v 2 Ningkial mitei lamah thukhen nak pial ngawl in, ka miphun sung pen mizawng ca ngah te taklam khut pen lonsak tuk in hihen, mahmi tukvelh cu a muhtei sa in cang tuk hi. Nu le pa a nei ngawl mitei neihnak te lonsak tuk hi.
|
||
\q1
|
||
\v 3 Keiman zo in thukhen nak huncan, ngam khua lapi pen a heng thei mi siatnak a hen ten, nohten daihnak co tukin a koi nelah tai tuk uh cim? Nohtei hauhsak neihnak te a lai mun ah khawl tuk uh cim?
|
||
\q1
|
||
\v 4 Ka hehpih nak a co ngawl tuten kol a tang mitei nuai ah lukun in bia haw tuk hi. Thahnak a co tu mi hempoh tei nuai ah lum haw tuk hi. Mah naven a thinuuk nak cu dai ngawl in, a khut zak laih hi.
|
||
\s Assyria miphun tei hum ah Pathian thukhen nak
|
||
\q1
|
||
\v 5 Assyria miphun cu thupha um ma hi. Ka thinuuk nak cu ceipi hi. A cawi mi thiangkhut cu dan tatnak ka piak tuk mi hi.
|
||
\q1
|
||
\v 6 Misual miphun umnak ah a mah cu keiman hah tung hi. Ka thinuuk nak co tukin mihon pi te siatsuah lamzin pen cinciak cilpek tuk in a mah cu keiman thucah tung hi.
|
||
\q1
|
||
\v 7 Mah naven, a man a dang ngaihsut nak, a deihnak a dang um hi. A mah cu siatsuah in miphun tampi te that tuk in deih hi.
|
||
\q1
|
||
\v 8 A man a kua son hum tih mi cu ka bawi U pa kumpi te hima maw?
|
||
\q2
|
||
\v 9 Kalno khuapi cu Kalchemish khuapi bang in hihen, Hamat khuapi cu Arpad khuapi bang in hihen, Simaria khuapi cu Damakas khuapi bang hima maw?
|
||
\q1
|
||
\v 10 Samaria zuk milim le Jerusalem zuk milim sang, a pha saw zuk milim a bia mi ngam hempoh ka laksak mi bang in hihen,
|
||
\v 11 Samaria khuapi le a zuk milim te ka bawl mi bang in hihen, Jerusalem khuapi le a zuk milim te keiman bawl tuk hima maw tin, son thei hi.
|
||
\p
|
||
\v 12 Mah naven, Pathian in Zion mual le Jerusalem khuapi sungah na dehnak a colh cengten, Assyria kumpi pualthau ngalnak, ngalnak mitmai tuah zotsak nak cu keiman zo in thukhen tung.
|
||
\v 13 Mahmi kumpi in ka khut thawmlian le ka cihnak tuah keiman bawl thei ing. Kei cu cihthiam theihnak tuah dim ing. Miphun umnak a khen tute cu keiman thawn zo ing. A muhtei neihnak te long zo ing. Kumpi tohkham khunnak hum ah a khung tute cu ngalhang pa bang keiman khiasuk zo ing.
|
||
\q1
|
||
\v 14 Ka khut in vano buu a tawh bang, mihing tei neihnak te tawk zo ing. A zam mi vano tui te a laksak bang, leipi van hempoh keiman laksak zo ing. A kuamah a ha thing ma, kam hei keu ngawl in haam ma hitin a son hang,
|
||
\v 15 Tingngolh a len tupai a thin bang in hihen, a thiangkhut cu a topai dan toh bang in hihen, heipi in a phuk tupa cu zawnsak tuk maw? Luah hawi tupa do in pualthau ngal tuk cim maw?
|
||
\q1
|
||
\v 16 Mah hang, vancung ngalkap Topa Pathian mahmi uktu bawi mithau mitei sung pen a ngawmnak pia tung. A minthan nak nuai ah meikang bang alh in halkang tuk hi.
|
||
\q1
|
||
\v 17 Isarel miphun vaknak cu mei hi. A thiangtho mi Pathian cu meialh in cang tuk hi. Nikhat sungin mahmi kumpi lingkung hempoh te meihal in alh tik tuk hi.
|
||
\q1
|
||
\v 18 Ngamlak minthan nak hei hihen, lo sungpen ankung a suak mi minthan nak hei hihen, a ma pum le hawvang tuah a bo tik hang, mahmi kumpi a nat bang thakiam tuk hi.
|
||
\q1
|
||
\v 19 A tang laih mi ngam sung thingkung te cu naupang ten cazin la thei tuk in dawm laih no bek cang tuk hi.
|
||
\s Isarel miphun a tang mi
|
||
\q1
|
||
\v 20 Mah huncan penpan haksat nak pen luat in a tang mi Isarel miphun le Jakop miphun a muhte bawlsiat tupai sungah muang leh ngawl toh in, Isarel miphun tei a thiangtho mi Pathian cu a thungai in muang haw tuk hi.
|
||
\q1
|
||
\v 21 A tang mi Jakop miphun sung pen a tang mite cu huham thawmngeng a nei mi Pathian nelah pin leh haw tuk hi.
|
||
\q1
|
||
\v 22 Isarel miphun aw, na miphun te tuipi thuanthum philnel zah in a tam ta vang a tang mite bek pin leh haw tuk hi. A thukhen nak cu a dik mi thu tuah khuh tuk hi.
|
||
\q1
|
||
\v 23 Vancung ngalkap Topa Pathian in leihum hempoh a laizang pen thukhen cat nak bawl tuk hi.
|
||
\p
|
||
\v 24 Mah hang vancung ngalkap Topa Pathian thupiak mi cu Zion khuapi ah a um ka miphun, Assyria kumpi hang laupah sun. A tingngolh tuah vat tuk hi. Izip kumpi bawl mi bang a thiangkhut cu na hum ah khuh tuk hi.
|
||
\v 25 Mah naven, dawmlaih a ngei nungten a muhte cu siatnak ah a hen hang, ka thinuuk nak dai in ka thinuuk nak vang pha tuk hi.
|
||
\q1
|
||
\v 26 Vancung ngalkap Topa Pathian in Oreb suang bul pen Midian miphun te a dantat bang in hihen, tuipi cu a thiangkhut tuah a khuh bang in hihen, mahmi kumpi ca haksat nak a bawl hang, Izip uknak sung bang thiangkhut cu dang leh tuk hi.
|
||
\q1
|
||
\v 27 Mahmi huncan ten a van cu na ko hum ah hei hihen, a kolhak a puak mi van cu na ko hum ah hei in suan tuk hi. A thau hang kolhak cu sia hi.
|
||
\q1
|
||
\v 28 Ai-ath khuapi ah heng zo. Migron khuapi tian hei heng zo. Michmash khuapi sungah leng te koih zo.
|
||
\q1
|
||
\v 29 Mual lak lawh te vang kal haw zo. Geba khuapi ah ngiahbuk bawl haw zo. Ramah khuapi cu lau in um hi. Shiloh umnak mun Gibeah khuapi ah tai hi.
|
||
\q1
|
||
\v 30 Gal’lim canu te aw, au un. Lasish khuapi aw, ngai un. Anathoth khuapi cu thupha um hi.
|
||
\q1
|
||
\v 31 Madmenah khuapi cu thawn zo hi. Gebim khua miten luat tuk in tai haw zo.
|
||
\q1
|
||
\v 32 Nob khuapi ah nikhat um cengten Zion canu tei mual, Jerusalem mual cu a khut tuah hing tuk hi.
|
||
\q1
|
||
\v 33 Vancung ngalkap Topa Pathian launak thu le thingkung a sang te siatsuah tuk hi. A sang mi a kangkak te phukin, a kangkak a ngeng te vang khia suk tuk hi.
|
||
\q1
|
||
\v 34 Ngamham tukhang pi cu heipi tuah phukin, Lebanon ngamlak tupi cu huham thawmngeng nak khut tuah bah in um tuk hi.
|
||
\s Jessi a kang tawt
|
||
\c 11
|
||
\p
|
||
\v 1 Jessi miphun a bulpen a kang tawt tuk hi. A zung pen a zikdawn suak in a ngah cu ngah tuk hi.
|
||
\q1
|
||
\v 2 Pathian hawvang cu cihnak le theihnak pia tu hawvang, ngaihsut a thiam mi ngalhan nak a pia tu hawvang, Pathian thei in launak a pia tu hawvang a ma hum ah um tuk hi.
|
||
\q1
|
||
\v 3 A man Pathian launak sungah a um hang, a mit tuah a muh mi bang thukhen ngawl a zaknak bang thukhen ngawl in,
|
||
\v 4 Mizawng haksa cangah tei thu cu a thu bang khen in, niamkhiat nak a nei hi leihum mitei lam ah um in dik cang nak tuah thukhen tuk hi. Leipi cu a thu awnkam thiangkhut tuah dantat in, mi siasuak pa cu a muk kam pen a suak tul mi tuah that tuk hi.
|
||
\q1
|
||
\v 5 Thudik le muantaak nak thu cu na taipom in cang tuk hi.
|
||
\q1
|
||
\v 6 Cingne cu tuu no te tuah um tuk hi. Tavang cu kelno te tuah zau tuk hi. Khuino, pawpi no, a thau tukin cawm miten langkhat hawh in naupang in a muhte pui tuk hi.
|
||
\q1
|
||
\v 7 Khui pi le vom pi cu an ei ngel a cate tuah langkhat in zau haw tuk. Pawpi vang khui bang hampa ei tuk hi.
|
||
\q1
|
||
\v 8 Nau nawi in naupang te vang, ngulsia kua hum pen um mai tuk hi. Nau nawi tawp mite vang munthoh kua sungah a khut sawk tum tuk hi.
|
||
\q1
|
||
\v 9 A thiangtho mi ka mual hum hempoh ah pakhat le pakhat bawl siatnak, siatsuah nak bawl haw tuk ma hi. Itahum titale, tuipi cu a ma umnak munah a lun bang, leipi in Pathian cihthiam theihnak tuah dim tuk hi.
|
||
\p
|
||
\v 10 Mahmi huncan ten Jessi zung cu po in mihing tampi ca phut mi a lan in cang tuk hi. Mahmi a lan cu miphun dang ten zei haw tuk hi. A umnak mun vang a minthan nak lang tuk hi.
|
||
\v 11 Mah huncan ten Pathian in a khut zakin, a tang mi a miphun cu Assyria ngam, Pathros ngam, Izip ngam, Cush ngam, Elam ngam, Shinar ngam, Hamath ngam, tuipi a langlam ah a um ngam hempoh pen pan in bawl leh tuk hi.
|
||
\q1
|
||
\v 12 Ngam dang miphun tei ca a lan a phut hang, hawlvawk mi Isarel miphun te le mun hempoh ah a tham kek mi Judah miphun te leipi ningkil li pen sam in hulawmkhawm tik tuk hi.
|
||
\q1
|
||
\v 13 Ephraim miphun sonsiat nak thinlung cu dai tuk hi. Do nak a nei thei mi Judah miphun te vang ngal dai tuk hi. Ephraim miphun in Judah miphun cu sonsiat tuk ma hi. Judah miphun vang in Ephraim miphun do tuk ma hi.
|
||
\q1
|
||
\v 14 A mun a nunglam pen Philistine miphun te hil in do haw tuk hi. Nisuah nak ngam mitei neihnak cu laksak haw tuk hi. Edom miphun le Moab miphun cu that haw tuk hi. Ammon miphun ten a muhtei uknak co haw tuk hi.
|
||
\q1
|
||
\v 15 Pathian in Izip tuipi lei cu siatsuah tuk hi. Huihpi nasezet a khut tuah ngun tuipi cu hing in, lui tui salih cang tik tukin a lum let hang, mihing tampi ten a ke tuah hawh haw tuk hi.
|
||
\q1
|
||
\v 16 Isarel miphun ten Izip ngam pen a suah tul ten a cang mi bang, Assyria ngam pen a tang mi na miphun tei hawhnak lamzin pi in cang tuk hi.
|
||
\s Thangphat nak late
|
||
\c 12
|
||
\p
|
||
\v 1 Mahmi huncan ten na son tuk mi thu cu Pathian aw, keiman nangmah thangphat tung. Ka nelah na thinuuk ta vang thinuuk nak dai leh in keimah nem in hi.
|
||
\q1
|
||
\v 2 Pathian cu keimah pan tupa hi. Launak thinlung nei ngawlin ngalhang tung. Pathian cu ka thangphat nak, la ka saknak, keimah pan tupa hi.
|
||
\q1
|
||
\v 3 Nohten lungdam nak thinlung tuah nunpat nak tuikhuk sungah cawi tuk uh ci.
|
||
\p
|
||
\v 4 Mah huncan ten Pathian cu thangphat nak lasa haw tuk hi. A na dehnak te mipi tei lakah son haw tuk. A min cu a sunglawi hang thangphat un.
|
||
\q1
|
||
\v 5-6 Pathian cu thangphat nak lasa un. A lamdang cuang mi na dek zo hi. A na deh cu leihum hempoh ah thang ta hen. Zion canu te aw, au un. Lungdam nak tuah au un. Itahum titale Isarel miphun tei a thiangtho mi Pathian cu nangman a laizang pen minthan nak um hitin, son tuk ci.
|
||
\s Babilon khua ah kamsang bawlnak
|
||
\c 13
|
||
\p
|
||
\v 1 Babilon khuapi camcawh in Amoz capa Isaiah a muh mi cu,
|
||
\v 2 Mual ciangnak hum ah a lan phut un. Aw nging zet tuah au un. Na khut thing un. Kumpi miphun umnak mun luhtum nak kongka pi sungah a muhte lut tum haw hen.
|
||
\q1
|
||
\v 3 Ka thianlim tik mite keiman thucah zo ing. Ka piak mi minthan nak hang lungdam tupa, ka ngalkap ten ka thinuuk dai tik tuk in keimah sam zo.
|
||
\q1
|
||
\v 4 A nasezet mi aw bang mualpi hum pen mihing tampi tei aw, hulawmkhawm mi ngam sung miphun tei aw a um bang, vancung ngalkap Topa Pathian in ngaldo tuk in mipi te thukhen tuk hi.
|
||
\q1
|
||
\v 5 Pathian tuah a thinuuk nak ngalhiam nam ten, ngam hempoh siatsuah tuk in ngam khuala pi van mawk pen hung haw tuk hi.
|
||
\q1
|
||
\v 6 Pathian ni huncan a nai zo hang kap un. Huham tuah thukhen tu haksat lauhuai nak bang hung tuk hi.
|
||
\q1
|
||
\v 7 Mah hang, mi hempoh ten a khut tha kiam haw tuk hi. Mi hempoh ten thinkham in lau haw tuk hi.
|
||
\q1
|
||
\v 8 Haksat cimnak tampi thuak haw tuk. Nau hing numei bang haksat cimnak thuak in pakhat le pakhat zo dun amthong in, a muhtei mitmai cu mei alh bang um tuk hi.
|
||
\q1
|
||
\v 9 Mahmi ngam siatsuah in sualnak ngeng a nei mi ngam sung miphun te that tuk in, Pathian ni cu nasezet a thinuuk suak in hung tuk hi.
|
||
\q1
|
||
\v 10 Vanhum aksi ten vaknak pia tuk ma hi. Ni suak cu thim in hade vang a vaknak pia ngawl in um tuk hi.
|
||
\q1
|
||
\v 11 Hi leihum ngam tei sualnak hei hihen, mipha ngawl tei sual bawl nak te hei hihen, keiman cek tung. Mi pualthau mitei ngalnak, keimah bawlsiat tutei sonsiat nak cu keiman khia suk tung.
|
||
\q1
|
||
\v 12 Mihing cu sui a ngek sang man nei saw tukin mizawng haksa pa cu Ophir sui suangman pha sang, man nei saw tuk in keiman bawl tung.
|
||
\q1
|
||
\v 13 Mah hang, vancung ngalkap Topa Pathian thinuuk nak nasezet a suak mi ni ten, vanhum cu keiman thing tung hi. Leipi vang a umnak mun pen thawn tuk hi.
|
||
\q1
|
||
\v 14 Ngam sung mipi ten lau in a tai mi sazuk nu, khal tu nei ngawl tuu te bang mi hempoh ten a miphun mitmai zo in, mi hempoh ten a muhtei ngam ah tai haw tuk hi.
|
||
\q1
|
||
\v 15 A tawh mi hempoh cu thiangkhut tuah dawt tuk hi. Mat a co mi hempoh cu nam tuah that haw tuk.
|
||
\q1
|
||
\v 16 A muhtei canu le capa te a muhtei mai leihum pen sawp haw tuk. A muhtei inn vang laksak in a muhtei nupi te vang siatsuah haw tuk.
|
||
\q1
|
||
\v 17 Zo un. Sum cu thupi sa ngawl in, sui deihnak a nei ngawl mi Medes miphun te a muhtei a langlam pen keiman sosuah tung.
|
||
\q1
|
||
\v 18 Khangno tangval ten a muhtei thalcang tuah kap haw tuk hi. Naupang te ningna haw tuk ma hi. A muhtei mit in naupang te sahelh nak um tuk ma hi.
|
||
\q1
|
||
\v 19 Uknak ngam a sang bel, Chaldean miphun tei minthan nak a himi Babilon khuapi cu Pathian siatsuah mi Sadom le Komorrah bang cang tuk hi.
|
||
\q1
|
||
\v 20 Mahmi khuapi sungah a cat ngawl miphun a peh in a kuamah um tuk ma hi. Mahmi khuapi sungah Arab miphun in deubuk no hei sa tuk ma hi. Tuu khal tuten tuu huan hei bawl haw tuk ma hi.
|
||
\q1
|
||
\v 21 Ngamlak sahang ten, mahmi khuapi sungah zau haw tuk hi. Inn te vang a ham thei mi ngamsa a dim in um haw tuk hi. Kalauk vano te vang um in, zawng te vang lam in um haw tuk hi.
|
||
\q1
|
||
\v 22 Ngam ui te vang biakinn te ah hei hihen, cingne te vang minthan nak innpi te ah hei hihen, ngung in ham haw tuk hi. Mah tihbang mi huncan nai zo hi. Mahmi khuapi nunnak sau um tuk ma hi.
|
||
\c 14
|
||
\p
|
||
\v 1 Itahum titale Pathian in Jakop miphun hehpih in Isarel miphun a ten hang, a muhtei umnak ngam sungah um tuk hi.
|
||
\q1
|
||
\v 2 Ngam dang miphun ten a muhtei phial mi Jakop miphun sungah zei haw tuk hi. Ngam dang miphun a mun, a muhtei umnak mun ah kuat leh haw tuk hi. Isarel miphun ten ngam dang miphun te, Pathian ngam sungah sila le sila numei hihnak ah koih in na tik haw tuk hi. Tu masuan in a mat awng mite cu man leh haw tuk hi. Bawlsiat awng mite vang uk haw tuk hi.
|
||
\p
|
||
\v 3 Mahten Pathian in nangmah a sonsiat nak, thasiat nak, midang tei lakah na deh haksa cim zet in na deh nak pen pan in daihnak a piak ten,
|
||
\v 4 Nang cu Babilon kumpi camcawh in a son mi cu hitin, son tuk hi. Uktu pa cu thi zo. Sui khuapi cu lal in sia zo.
|
||
\q1
|
||
\v 5 Topan mipha ngawl pai thiangkhut le uktu tei thiangkhut hei hihen siatsuah zo hi.
|
||
\q1
|
||
\v 6 A thinuuk nak tuah mi hempoh a cat ngawl dan a tat tu, ngam uknak te a thinuuk nak tuah uktu pa cu bawlsiat nak thuak naven a kuamah in kham ma hi.
|
||
\q1
|
||
\v 7 Leihum hempoh ah daihnak um hi. Thatui zet lasak nak aw tuah au haw hi.
|
||
\q1
|
||
\v 8 Nangmah phuhnak na thuak cengten, cak thingkung le Lebanon cedar thingkung ten kei muhte a phuk tupa cu kai pah sin hitin, nangmah camcawh in lungdam haw hi.
|
||
\q1
|
||
\v 9 Nangmah na hen ten a nuailam thihnak ngam in muak tukin thing tuk hi. Thanmual mite le leihum kumpi hempoh te nangma hang sosuah tuk hi. Ngam hempoh ah a um kumpi hempoh tohkham khunnak pen ding tuk hi.
|
||
\q1
|
||
\v 10 A mu venghawng in nangman kei muhte bang thanau hi ci. Kei muhte tuah bang ve ta hi.
|
||
\q1
|
||
\v 11 Na minthan nak le na tumnging phun kim aw te cu thihnak ngam pen zawt dem zo hi. Na nuai ah lungthan te koih in, na hum pen tenghol te silh in um zo hitin nangmah cu otpih in son haw tuk hi.
|
||
\q1
|
||
\v 12 Zing lam capa Lucifer, nikong hong aksi, nangcu vanhum pen cak suk zo ci. Ngam hempoh bawlsiat tu nangmah cu lei cankim tian phuk co zo.
|
||
\q1
|
||
\v 13 Nangman vanhum ah kei cu kai tung. Pathian aksi hum ah ka tohkham khunnak cu keiman khaisang tung. Saklam pen thuphuan nak mual hum ah kei cu khung tung.
|
||
\q1
|
||
\v 14 Meingo lek hum ah kei cu kai tung. A sang bel mi Pathian bang kei cu um tung hitin, ngaihsung zo ci.
|
||
\q1
|
||
\v 15 Mah naven, nang cu thihnak ngam thankhuk sungah khiak suk co zo.
|
||
\q1
|
||
\v 16 Nangmah a mu tu hempoh ten pha zet zo cikin a ngaihsut cengten, leipi cu hing tik in uknak ngam hempoh a hinglet tupa cu himi pa hima maw?
|
||
\q1
|
||
\v 17 Leihum uknak ngam cu ngamlak cang tik in khuapi te a siatsuah tu, kol a tang mite a ma umnak mun ah a luat leh tik ngawl tupa cu hipa hima maw?
|
||
\q1
|
||
\v 18 Ngam hempoh ah a um kumpi hempoh ten a muhtei inn ah minthan nak nei haw hi.
|
||
\q1
|
||
\v 19 Nang cu a dindeih huai mi thingceh bang, thankhuk sung pen vawk tuk hi. Mithat pa, nam tuah dawh mipa, thankhuk sung pen suang hulopkhawm sungah a koih mite tuah sinkhuh cih in, ke tuah cilpek mi mithi bang hi ci.
|
||
\q1
|
||
\v 20 Midang te tuah tokhel in phumnak co tuk ma ci. Itahum titale a ngam cu siatsuah zo hi. A miphun pih te that zo hi. Sualnak a bawl mitei miphun hinnam cu minthan nak imah um ma hitin, son haw tuk hi.
|
||
\q1
|
||
\v 21 A tu le canawn ten ding ngawlin leipi cu co ma hi, leihum hempoh pen ngal te sosuah thei tuk ngawlin a muhtei ca pu le pai sualnak hang, thahnak bawl haw tuk hi.
|
||
\q1
|
||
\v 22 Vanhum ngalkap Topa Pathian thupiak mi cu keiman a muhtei a langlam pen tho in, Babilon khuapi min tuah a tang mi hempoh hei hihen, a tu le canawn te hei hihen that tuk hitin, Pathian in thupia hi.
|
||
\q1
|
||
\v 23 Mah cengten, keiman mahmi khuapi cu tho kang tei umnak mun, tui hautung umnak mun in cang tik tung. Siatnak buakphiah tuah phiat tung hitin, vancung ngalkap Topa Pathian in thupia hi.
|
||
\s Assyria miphun tei lakah kamsang bawlnak
|
||
\p
|
||
\v 24 Vancung ngalkap Topa Pathian thukam cu ka ngaihsut nak bang cang tuk hi. Ka tuptah nak bang kho tuk hi.
|
||
\q1
|
||
\v 25 Keiman Assyria ngam cu siatsuah tung. Ka mual hum te ah a ke tuah cilpek tuk. Mah tihcun bawl tale a kolhak cu a muhtei lak pen luat tuk hi. A muhtei kolhak cu a ko hum ah cak tuk hi.
|
||
\q1
|
||
\v 26 Leihum hempoh ah mah tihbang ngaihsut nak nei hi. Ngam hempoh hum ah mah tihbang mi khutzak in um hi.
|
||
\q1
|
||
\v 27 Vancung ngalkap Topa Pathian ngaihsut nak cu a kon siatsuah tuk hum? A zak mi khut cu a kon lumlet ngam tuk hum?
|
||
\s Philistine tei lakah kamsang a bawlnak
|
||
\p
|
||
\v 28 Ahaz kumpi a thih kum in a muhmi thuphuan cu,
|
||
\v 29 Philistine ngam hempoh te aw, na tingngolh eknak zo in lungdam pah sin. Mahmi ngul phun sung pen ngulsia suak hing tuk hi. A miphun hinnam vang a leng thei mi mei ngul in cang tuk hi.
|
||
\q1
|
||
\v 30 Mizawng cangah haksa miten ei haw tuk hi. Haksa sonsiat mite cu haksat nak pen luat in, hihbu haw tuk hi. Keiman na zung cu a ko hang that in, a tang mite vang ngulsia suak in that tuk hi.
|
||
\q1
|
||
\v 31 Kongka pi luhtum nak aw, kap in. Khuapi aw, kap in. Philistine ngam hempoh te aw, nang cu ambek in um ci. Saklam pen meikhu tul hi. A huncan a tiap mi cu pakhat bek hi tuk ma hi.
|
||
\q1
|
||
\v 32 Mah tin a hitale miphun tei thuthang kamtai te cu ai tihbang in don leh tuk hum? Zion cu a kho hang, a mizawng cangah haksa miten, mahmi khuapi cu muang haw tuk hi.
|
||
\s Moab miphun tei lakah kamsang bawlnak
|
||
\c 15
|
||
\p
|
||
\v 1 Moab ngam tuah a seng mi thuphuan cu thah mi zan huncan ten Moab ngam Ar khuapi cu siatsuah hi. A thah mi zan huncan ten Moab ngam Kir khuapi cu siatsuah hi.
|
||
\q1
|
||
\v 2 Ngam sung miphun te Bajirt khuapi, Dibon khuapi sung pen a sang nak mun ah kai in kap haw hi. Moab ngam miphun ten Nebo khuapi, Medeba khuapi humpen kap haw hi. A muhtei lu humah sam um ma hi. A muhtei khamul vang melh khawng zo.
|
||
\q1
|
||
\v 3 Lamzin pen thangkhau puan silh in, inn kul hum ah hei hihen, lamzin pi ah hei in a um mi hempoh ten kap in mit hitui tampi luang hi.
|
||
\q1
|
||
\v 4 Heshbon khuapi le Elealah khuapi te vang kap in kah nak aw cu Jahaz khuapi tian in za hi. Moab ngalkap te vang can tawtok thinlung tuah in kap haw hi.
|
||
\q1
|
||
\v 5 Ka thinglung vang Moab ca kap ing. A tai miten khui nu kumthum bang Zoar khuapi tian heng haw hi. Lu-hith mual hum ah mit hitui cakin kai haw hi. Horanam khuapi tian hawhnak lamzin ah vang siatnak aw cu au haw hi.
|
||
\q1
|
||
\v 6 Itahum titale Nimrim tuikuang cu thawm nei ngawl in hampa kung te ko khawng zo. Thingkung no te vang thi khawng zo. Thingkung a hing kungkhat no hei um ma hi.
|
||
\q1
|
||
\v 7 Mah hang a mun a muhtei zeih mi neihnak, neihnak khawl mite huakluam umnak paknem kung pen la tuk hi.
|
||
\q1
|
||
\v 8 Kahnak aw cu Moab ngam sungah dim hi. Kahnak aw cu Eg-laim khuapi tian le Be-er-elim khuapi tian hei hihen heng hi.
|
||
\q1
|
||
\v 9 Itahum titale Dimon khuapi tui tian thisan tuah dim hi. Dimon khuapi hum pen a dang haksat nak hei hihen, luat tukin a tai mi Moab ngam miphun te le a tang laih mi ngam miphun tei hum ah pawpi hei hihen, keiman heng tik tung.
|
||
\c 16
|
||
\p
|
||
\v 1 Lei ngam nei tupai nelah tuuno cu pia un. Sela khuapi pen ngamlak sung hempoh Zion canu tei mual ah pia un.
|
||
\q1
|
||
\v 2 A buu cu zam san a vakvai mi vano bangin Moab canu te cu Anon ngun tuipi tan in tuipi mawkah um haw hi.
|
||
\q1
|
||
\v 3 Ngaihsut nak pia in. Thukhen in. Sun ni vaknak sung pen zan bang na lim cang tik in. Hawlvawk mite cu sel in. A tai mite cu lak pah sin.
|
||
\q1
|
||
\v 4 Moab ngam pen hawlvawk mite cu nangmah tuah um langkhat tik haw hen. Siatsuah tupai khut pen luat tukin a muhte cingkem in. A mah bawlsiat tu um ma hi. Siatsuah tupa um ma zo. Siatsuah tute that zo.
|
||
\q1
|
||
\v 5 Tohkham khunnak vang a hehpih nak sungah kho tuk hi. Thudik tuah dim in tohkham khunnak hum ah a khung tupa cu dikcang nak zei thu buai cu a manlang thukhen in, David kumpi deubuk sung pen thukhen tuk hi.
|
||
\q1
|
||
\v 6 Moab pualthau ngalnak cu kohten thei zo ung. Nasezet pualthau ngalnak hi. Pualthau nak, thinuuk nak suak in imah a thupi nak um ngawl mi tuangkhon nak awnkam son thei hi.
|
||
\q1
|
||
\v 7 Mah hang, Moab in a ma ca in kap tuk hi. Ngam sung miphun hempoh te vang kap haw tuk hi. Kir-hereseth khuapi cu a cim zo hang, nohten kap tuk uh ci. Mahmi khuapi cu dan tatnak nasezet thuak hi.
|
||
\q1
|
||
\v 8 Heshbon lo sung pen ko haw tuk hi. Sibmah cabit kung a zik dawn te vang miphun dang kumpi ten lo haw zo. Mahmi a zik te a masa Jazer khuapi tian heng in ngamlak sungah vak thei haw hi. A khut te vang sau zet in tuipi cu kal thei haw hi.
|
||
\q1
|
||
\v 9 Mah hang, Jazer khuapi ca mit hitui a cak bang Sibmah cabit kung ca in kei cu mit hitui cak tuk hi. Heshbon khuapi le Elealeh khuapi aw, kei cu mit hitui cak in nangmah tui buak tung. Itahum titale, na thing ngah le cang ngui te ngaldo nak aw tuah tawk haw zo hi.
|
||
\q1
|
||
\v 10 Ancang tampi lo sung pen lungdam nak bo tuk hi. Cabit huandum pen lasa haw ma hi. Au haw ma hi. Cabit ngawinak khuk pen cabit ngah a ngawi tupa vang ngawi tuk ma hi. Aunak aw vang keiman tham tik zo ing.
|
||
\q1
|
||
\v 11 Mah hang, ka pum pi cu Moab ngam ca, ka ngil cu Kir-hereseth khuapi ca in phaidak bang nging tuk hi.
|
||
\q1
|
||
\v 12 Mah ten Moab cu a sang mi umnak mun ah a mah le mah cim le kham nak, thungen tuk a thiangtho umnak mun ah luhtum nak cu lang naven, a ngaihsut nak pi tung ma hi.
|
||
\p
|
||
\v 13 Mah tihcun Pathian in Moab hi thu cu a hum pen thupia zo.
|
||
\v 14 A tuin a piak leh mi thu cu na dek tute a sial bang kumthum lawi ten Moab ngam tei minthan nak cu a mihing tampi te tuah zawt demnak ah heng haw tuk. A tang mi a muhte a dawmno hang, thazang ngilnak bo haw tuk hitin, thupia hi.
|
||
\s Damaskas khuapi ca in thuphuan awnkam
|
||
\c 17
|
||
\p
|
||
\v 1 Damaska khuapi tuah a seng mi thuphuan zo in. Damaska khuapi cu khuapi cang tuk ngawlin siatsuah nak a sehpi in cang hi.
|
||
\q1
|
||
\v 2 Aroer khuapi a vawk hang, tuu hon te nei in a kuamah in hawl ngawlin cam haw tuk hi.
|
||
\q1
|
||
\v 3 Epharaim ngam sungah khuapi um tuk ma. Damaska khuapi le a tang mi Syria ngam sungah kumpi thuneih nak um ma hi. A muhte cu Isarel miphun tei minthan nak bangin cang haw tuk hitin, vancung ngalkap Topa Pathian in thupia hi.
|
||
\q1
|
||
\v 4 Mah huncan ten Jakop miphun minthan nak kiam in, thaunak cu ngawmnak in cang tuk hi.
|
||
\q1
|
||
\v 5 Mihing in ankung cang te cawm in an ngah a ngui te khut tuah a sih bang in hihen, Rephaim munlawn pen an ngah a ngui te sih bang in hihen, mahmi thu cu cang tuk hi.
|
||
\q1
|
||
\v 6 Mah naven olive thingkung a hin cengten, a kung lek pen a ngah panih pathum, a ngah pha mi a kang kak pen pum li pumnga a um theih bang an kungcop a tang mi um tuk hitin, Isarel miphun tei Topa Pathian in thupia hi.
|
||
\q1
|
||
\v 7 Mah huncan ten mihing in a mah a bawl tupa cu camcawh in, Isarel miphun sung pen a thiangtho mi Pathian cu mu tuk hi.
|
||
\q1
|
||
\v 8 A khut tuah bawl mi biakpiak nak te sialsiah pah sin. Khut kak tuah na bawl mi Asherim thing kung hei hihen, zuk milim hei hihen ngaisung pah sin.
|
||
\p
|
||
\v 9 Mah huncan ten a kho mi khuapi te Isarel miphun mai pen vawk mi thingkung ngamham a tang mi le thingkung a lek bang a hih hang, mahmi ngam cu mi thawmveng in um tuk hi.
|
||
\q1
|
||
\v 10 Nangmah nunpan tu Pathian in nangmah phawk ngawlin na belhnak suangpi cu na phawh ngawl hang, a pha mi thingkung te le ngam dang pen a zik dawn te phut in,
|
||
\v 11 Mahmi thingkung no te cu khang to tik tukin hihen, a manlang pak tik tuk in hihen, a bawl cengten an cop tuk huncan an kung a ngui te siatsuah in nangman a tham thei ngawl mi thasiat nak nei tuk ci.
|
||
\q1
|
||
\v 12 Tuipi thuanthum awnthawm bang a nging thei mihing tampi sung pen hei hihen, tha ngilnak a nei mi tui tha bang, tha ngilnak a nei miphun sungah thupha um ma hi.
|
||
\q1
|
||
\v 13 Thazang ngilnak a nei mi tui in tha ngilnak a neih bang mihing tampi ten tha ngilnak a nei haw ta vang, a thu hilh nak hang khuala pi ah tai haw tuk hi. Mual hum pen huih theu in a tai vawk mi cangvai bang in hihen, simpei ten a tai vawk thei mi buak bang in hihen, a muhte cilpek haw tuk hi.
|
||
\q1
|
||
\v 14 Zan huncan ten haksat nak heng in, zingkhua a vak laih ngawl tham haw tuk hi. Keimuh a bawlsiat tuten mah tihbang mi neihnak lo co haw tuk hi.
|
||
\s Ethiopia tei lakah kamsang a bawlnak
|
||
\c 18
|
||
\p
|
||
\v 1 Ethiopia ngun tuipi hempoh ah aw a nging thei mi mual a um hang,
|
||
\v 2 Tuipi lamzin tuah in hihen, tui hum pen hawmkuang kho tuah in hihen, thuthang kamtai tute a hah theih mi ngam, ngai un. A haksa a lamdang awnkam aw a lau huai mi thazang ngilnak tuah bawlsiat thei mi nguntui a kak nak lei ngam ah a um miphun tei lakah a man lang mi thuthang kamtai te hawh un.
|
||
\q1
|
||
\v 3 Hi leihum ngam sungah a um leihum mi hempoh te aw, mual hum ah a lan a phut te zo un. Lemle a tum ten ngai un.
|
||
\q1
|
||
\v 4 Pathian in ka nelah thu a piak mi cu ni vaknak sung pen a thiangzet mi huham a um bang, an kung cop huncan khua sa hun ten dai tui tuah a dim mi meingo bang in hihen, kei cu um in ka umnak mun pen zo tung.
|
||
\q1
|
||
\v 5 Cabit ngah thoih huncan a hen laih ngawl a kuhkum te kim in, a pak in a bem a ngah ten a zik te phio tuah talh in a kang kak te sat tawng tuk hi.
|
||
\q1
|
||
\v 6 A muhte cu mual hum ah a um thei mi vano te, ngam sung sahang tei ca vano te khal huncan ten in hihen, sahang hempoh phalbi khuasik ten in hihen, a muhtei hum ah um haw tuk hi.
|
||
\p
|
||
\v 7 Mah ten khohkhah zet a pat penpan a tu tian a lauhuai mi thazang ngilnak tuah a siatsuah thei mi, nguntui a kaknak ah a um miphun cu vangcung ngalkapTopa Pathian min umnak mun Zion mualah, vancung ngalkap Topa Pathian ca laksawng keng haw tuk hi.
|
||
\s Ethiopia ngam tei lakah kamsang a bawlnak
|
||
\c 19
|
||
\p
|
||
\v 1 Izip ngam tuah a seng mi thuphuan zo in. Pathian in a manlang mi meingo khungin Izip ngam ah hung hi. Na mai pen Izip ngam zuk milim te thawn in Izip ngam thinlung cu a ma sung pen a tui zung in um hi.
|
||
\q1
|
||
\v 2 Izip ngam miphun ten pakhat le pakhat do tuk a sosuah hang, a mun U le nau pakhat le pakhat, inn nel pakhat le pakhat, khuapi pakhat le pakhat, ngamkhat le ngamkhat do haw tuk hi.
|
||
\q1
|
||
\v 3 Izip tei thinlung cu a ma sung pen sia tuk hi. A ngaihsut nak vang keiman siat suah tung. A mun zuk milim sungah hei hihen, dawih vei mitei sungah hei hihen, khawsia lut le nam a nei mitei sungah hei hihen, zei haw tuk hi.
|
||
\q1
|
||
\v 4 Izip ngam miphun te cu mi huat suak bawi tei khut sungah ka ap hang, huatsuak haksa mi kumpi pakhat in uk tuk hitin, vancung ngalkap Topa Pathian in thupia hi.
|
||
\q1
|
||
\v 5 Mah ten tuipi kang tuk hi. Ngun tuipi vang kiam in kang tuk hi.
|
||
\q1
|
||
\v 6 Lui tui te vang uih khawng tuk hi. Izip ngun tuipi a kak te vang tui bo in a kang hang, pumpeng kung le thingkung te thim in vuai tuk hi.
|
||
\q2
|
||
\v 7 Ngun tuipi kak a bul le ngun tuipi bulah a po mi hempoh thim in le sia in tham khawng tuk hi.
|
||
\q1
|
||
\v 8 Ngasa man tute vang kap tuk hi. Ngun tuipi ngasa a koih tu hempoh kap in leihum ah suuk a vawk thei miten thinkham tuk hi.
|
||
\q1
|
||
\v 9 Sum bawl tupa le puan tahnak a nei tute van nemcuam nak um tuk ma hi.
|
||
\q1
|
||
\v 10 A suan mite sia in na dek tu hempoh te vang thasia thinkham in um haw tuk hi.
|
||
\q1
|
||
\v 11 A thungai in Zoan kumpi te cu mi sil in cang haw. Pharoah kumpi bawi U pa te cu a pha ngawl mi ngaihsut nak pia haw zo. Kei cu cihnak a nei miphun, tanglaih kumpi miphun hinnam ing hitin Pharoah kumpi pa cu ita son haw hum?
|
||
\q1
|
||
\v 12 A muhte i lai mun ah um haw hum? Na micip te i lai ah um haw hum? Vancung ngalkap Topa Pathian in Izip ngam a langlam pen itin ngaihsut nak nei hum tihmi cu a tuin son haw hen. Lak haw hen.
|
||
\q1
|
||
\v 13 Zoan kumpi te sil haw zo. Noph kumpi te sual haw zo. Izip ngam miphun hinnam uktu U pa te vang sual tik haw zo.
|
||
\q1
|
||
\v 14 Pathian in Izip a laizang pen a ngui a kham mi lungmu a bawl hang, ngui in a kham tupan a luak nak hum ah a lup bang, Izip ngam miphun te a bawl nak hempoh ah sual haw zo.
|
||
\q1
|
||
\v 15 Izip ngam tei lu hei hihen, a mei hei hihen, sunpalun khut hei hihen, a kang hei hihen, a cengsuak thei mi thu imah um ma hi.
|
||
\p
|
||
\v 16 Mahmi huncan ten Izip ngam miphun te numei bang a hih hang, vancung ngalkap Topa Pathian in a muhtei hum ah a khut a thawn ten lau in hing tawtok haw tuk hi.
|
||
\v 17 Vancung ngalkap Topa Pathian in Izip ngam a langlam pen a ngaihsut nak hang, Judah ngam cu Izip ngam sungah lauhuai nak cang tuk hi. Judah ngam tin sonnak bek cu mi hempoh in lau haw tuk hi.
|
||
\v 18 Mah huncan ten Izip ngam sung khuapi panga te, Kanaan awnkam tuah hilh in vancung ngalkap Topa Pathian thukam co haw tuk. Mahmi khuapi sung pen Pathian ca khuapi pakhat cu siatsuah in na khuapi tin sam haw tuk.
|
||
\p
|
||
\v 19 Mah huncan ten, Izip ngam a laizang pen Pathian cu biakpiak nak a lu um tuk hi. Ngam mawk ah vang Pathian ca khuamphut um tuk hi.
|
||
\v 20 Mahmi khuam cu Izip ngam sialsiah tepteh nak in cang tuk hi. Vancung ngalkap Topa Pathian theihpih nak thu in cang tuk hi. Itahum titale a muhte bawlsiat nak a thuak hang, Pathian cu a au haw ten, nunpan tupa a thu cingkem tupai umnak mun ah a hah ten, mahmi Topa in pan hi.
|
||
\v 21 Izip ngam pen Pathian cu a theih hang, mah huncan ten Izip miphun ten Pathian a theih haw ten, a lu piak mi cu ap in bawl haw tuk hi. Pathian mai pen muantaak nak thukam koih in, a koihnak bang bawl haw tuk.
|
||
\v 22 Pathian in Izip ngam dantat in, a dantat mi liam ma cu dam tik tuk hi. A muhte vang Pathian nelah a theknak huncan, a mu kutnak te ngai in a liam mate dam tik tuk hi.
|
||
\p
|
||
\v 23 Mah huncan ten Izip ngampen Assyria ngam tian lamzin pi um tuk hi. Assyria miphun cu Izip ngam ah hei hihen, Izip miphun cu Assyria ngam ah hei hihen hawh in, Izip miphun le Assyria miphun te cu thinkhat lungcun in bia haw tuk hi.
|
||
\v 24 Mah huncan ten Isarel miphun cu Izip ngam miphun tuah hei hihen, Assyria miphun tuah hei hihen kop in, leipi a laizang pen thupha bawl mi miphun pathum nak in cang tuk hi.
|
||
\v 25 Vancung ngalkap Topa Pathian in ka mihing Izip miphun, ka bawl mi Assyria miphun, lo in ka neih mi Isarel miphun cu thupha um ta hen tin, mui cu pia tuk hi.
|
||
\s Izip ngam le Ethiopia miphun tei lakah kamsang a bawlnak
|
||
\c 20
|
||
\p
|
||
\v 1 Assyria kumpi Sargon hah mi ngalbawi Tartan in, Ashdod khuapi ngaldo tuk hawh in mahmi khuapi a thah kum in,
|
||
\v 2 Pathian in nang cu hawh in taipom mi thangkhau puan le kedam duk in hitin, Amoz capa Isaiah thu a piak mi bang, a man puansilh ngawl kedam tuam ngawl in hawh hi.
|
||
\v 3 Pathian in ka sila Isaiah cu Izip ngam le Cush ngam sungah sialsiah nak, mangbangza te lak tuk in kum thum sung puan silh ngawl, kedam tuam ngawl a hawh bang,
|
||
\v 4 Mah bang bok Izip ngam miphun te zahcak mualpho tuk, Assyria kumpi in Izip miphun le Cush miphun U pa naupang te, a puansilh mi le a kedam dukin a khom hei khuh tik ngawl man in kol tang tuk hi.
|
||
\v 5 Ashdod khua miten lau haw tuk hi. A muhtei muan mi Cush ngam hei hihen, tuangkhawng thei mi Izip ngam hei hihen mualpho haw tuk hi.
|
||
\v 6 Mahmi tuipi mawk bulah a um mite vang zo in. Assyria kumpi khut sung pen luat tukin, kohtei muansan mi thu, tai in belhnak mun cu mah tihbang cang ta hima maw. Kohten itihbang luat thei tuk hum tin mah huncan ten son haw tuk hi.
|
||
\s Babilon tei lakah kamsang a bawlnak
|
||
\c 21
|
||
\p
|
||
\v 1 Tui hautung in ngam lak tuah a seng mi thuphuan cu hanglam pen huihtheu bang a lauhuai mi ngam, ngam tukhang pi pen hung hi.
|
||
\q1
|
||
\v 2 A lauhuai mi muhnak cu keiman mu ing. A long thei tupan long in laksak hi. Siatsuah tupan siatsuah hi. Elam miphun te aw, kai un. Media ngam miphun te aw, khuapi cu kil un. Mahmi khuapi hang, midang tei thasiat nak hempoh dai tik tung.
|
||
\q1
|
||
\v 3 Mah hang kei cu elna zet hi. Nauhing numei tei thuak bang haksat cimnak thuak ing. Zak theih tuk ngawlin thuak ing. Khua mu thei tuk ngawl tian in thim hi.
|
||
\q1
|
||
\v 4 Ka thinlung ngui in um hi. A lauhuai mi thu tuah keiman lau ing. Ka lungnop nak zan cu haksat nak tuah dim tik hi.
|
||
\q1
|
||
\v 5 Cabuai bawl zo ing. Ngalvil tu koih zo ing. An ei in um haw. Uktu te aw tho un. Lumphaw cu sathau noih un.
|
||
\p
|
||
\v 6 Itahum titale Pathian in nang cu hawh in ngalvil tu koih in. A muhnak bang son tik in hitin, ka nelah thupia hi.
|
||
\q1
|
||
\v 7 Ngalvil tupan, lengnih, lengnih ten in a hung mi cipuh leng ngalkap bu, laak ngalkap bu, kalauk ngalkap bu te mu in ngallin nak tuah pha zet zo in a ngaih cengten,
|
||
\v 8 Topa aw, kei cu sun huncan ten ngalvil nak innpi hum ah a cat ngawl ding zan khua ngalvil in um ing.
|
||
\q1
|
||
\v 9 A tuin lengnih, lengnih ten in a hung mi cipuh leng khung ngalkap bute cu mu ing hitin, pawpi bang au hi. A man, Babilon khuapi cim zo hi, cim zo hi, a pathian zuk milim hempoh leihum ah keh khawng in um haw zo hitin, au bet hi.
|
||
\q1
|
||
\v 10 Ka cil mi cangcil nak a pawlam ah a cuan mi cang, vancung ngalkap Topa Pathian, Isarel miphun tei Pathian thupiak mi ka zak bangin nohtei lakah keiman hilh ing.
|
||
\s Dumah ngam tei lakah kamsang a bawlnak
|
||
\p
|
||
\v 11 Dumah ngam tuah a seng mi thuphuan cu ngalvil tu aw, zan thu cu itih bang hum? Ngalvil tu aw, zan thu cu itihbang hum tin Se-ir mual hum pen keimah sam hi.
|
||
\q1
|
||
\v 12 Ngalvil tupan, zing huncan heng hi. Zan huncan vang heng hi. Nohten na dong nuam uh tale dong un. Kik leh ta un. Hung leh un hitin, ti hi.
|
||
\s Arab ngam tei lakah kamsang a bawlnak
|
||
\p
|
||
\v 13 Arab ngam tuah a seng mi thuphuan cu khual a zin mi Dedamim miphun te aw, nohten Arab ngamlak pen zan cu bo tik tuk uh ci.
|
||
\q2
|
||
\v 14 Tema ngam mite aw, dang a dum mi ca in tui la un. A tai mipa cu moh tuah muak ta un.
|
||
\q1
|
||
\v 15 Itahum titale, a muhte cu ngalhiam nam pen luat tuk in hihen, a suah tul mi nam, a kau mi thalcang, a haksa mi ngaldo thu pen hei hihen, tai haw tuk hi.
|
||
\p
|
||
\v 16 Pathian in ka nelah thu a piak mi cu na dek tu a sialnak bangin kumkhat ah Kedar minthan nak hempoh tham tuk hi.
|
||
\v 17 A tang mi Kedar miphun thalcang keng tu ngalkap te dawm no haw tuk hitin, Isarel miphun tei Topa Pathian in thupia hi.
|
||
\s Jerusalem thuphuan mi awnkam
|
||
\c 22
|
||
\p
|
||
\v 1 Munlawn muhnak tuah a seng mi thuphuan cu na khuapi hempoh in innkul hum ah kai tuk in ai thu heng hum?
|
||
\q1
|
||
\v 2 A hum pen awnthawm nging a tam hang, lungbuk a um thei mi khuapi, lungdam mi khuapi, na mithi luang te ngalnam hang thi haw hima maw?
|
||
\q1
|
||
\v 3 Ngaldo nak munpen thi haw ma hi. Uktu hempoh te tai haw zo. Thalcang a kap thiam mitei khut sungah kencih in um haw zo. Na mihing tawh hempoh te khuala pi ah a tai haw ta vang, munkhat ah kencih in um haw zo.
|
||
\q1
|
||
\v 4 Mah hang, ka hilh mi cu keimah zo pah sun. Nasezet kap tuk hi. Ka miphun numei a siat hang, ka thindai tuk in zuam pah sun.
|
||
\q1
|
||
\v 5 Vancung ngalkap Topa Pathian munlawn pen a muhnak hawkluam pen thu a khen ten haksat cim thuaknak huncan, bawlsiat noksak nak huncan, khuapi khantian subal in mual te samnak huncan heng zo.
|
||
\q1
|
||
\v 6 Elam miphun in thalcang keng in leng khung tu ngalhang, cipuh khung ngal hang te tuah hung hi. Kir miphun in lumphaw suah tuk hi.
|
||
\q1
|
||
\v 7 A sunglawi bel mi munlawn te leng tuah dim hi. Cipuh khung ngalhang ten, khuapi luh tumnak kongka pi mai ah ngiahbuk bawl in um haw hi.
|
||
\q1
|
||
\v 8 Judah ngam cu a hon hang, nangman mahten ngalthuam a kim khawlnak mun ngamlak kumpi inn ah zo tuk ci.
|
||
\q1
|
||
\v 9 David khuapi a cim mite cu na miphun ten sialsiah tuk hi. A nuai ta tuikuang pi pen a suak mi tui cu hulawm tik haw tuk.
|
||
\q1
|
||
\v 10 Jerusalem khuapi sungah a um mi inn te sial haw tuk. Khuapi khantian nak te lemleh nuam in inn te subal haw tuk.
|
||
\q1
|
||
\v 11 Tuikuang lun pen a suak mi tui hulop nak mun cu khuapi khantian a thuahnih nak a lak lawh pen bawl haw tuk. Mah naven hi thu a khen tupa cu nohten zo ngawl um thei uh ci. Tanglaih in a bawl mipa cu sumsial ngawl um thei uh ci.
|
||
\q1
|
||
\v 12 Mah huncan ten kahnak, sam talhnak, thangkhau puan silh tukin vancung ngalkap Topa Pathian in a sosuah ta vang, zo in hi.
|
||
\q1
|
||
\v 13 Lungdam nak thu, tuu le khui te a thahnak, sa eihnak, cabit tui in nak, sual bawl in ohten ei tuk hung hi, in tuk hung hi, zingten thi tuk hung hitin son haw hima maw.
|
||
\q1
|
||
\v 14 Vancung ngalkap Topa Pathian in ka bulpen thu a phuan mi cu a thungai in nohtei sual cu nohtei thih lak lawh tian thuson sak tuk ma hitin, vancung ngalkap Topa Pathian in thupia hi.
|
||
\p
|
||
\v 15 Vancung ngalkap Topa Pathian thupiak mi cu van kem uktu, kumpi innpi uktu Shebna inn ah a hawh cengten,
|
||
\v 16 A sangnak mun ah a thankhuk bawl in a ma umnak suang sui in a bawl tupa, nang cu hi umnak munpen thankhuk cu nangma ca bawl tik tukin hi umnak tuah i tin seng kha cim? Hi umnak ah a um mitei sung pen a kua tuah seng hum?
|
||
\q1
|
||
\v 17 Pathian hawlvawk nak nasezet tuah nangmah hawlvawk tuk hi. Nangmah cu a thungai man in,
|
||
\v 18 Lum buabual cang in, saili an bang a zal mi ngam ah kap tuk hi. Nang cu mahmi ngam sung pen thi tuk ci. Mahmi ngam sung pen minthan nak leng ten, na miphun mualpho nak cang tik haw tuk.
|
||
\q1
|
||
\v 19 Keiman na thu la tung. Na umnak mun ah nangmah koih tuk.
|
||
\p
|
||
\v 20 Mah huncan ten ka sila, Hilkiah capa Eliakim cu keiman sam in,
|
||
\v 21 Na puan cu silh tik haw tuk hi. Na taipom tuah khaisang in na uknak thu a ap cengten, a man Jerusalem khuapi, Judah miphun tei pa in cang tuk hi.
|
||
\v 22 David miphun tei kongka tawh cu a ko hum ah keiman koih in, a mah cu a kuamah in khahsak thei tuk ngawl in hong tuk hi. A kuamah hon theih tuk ngawlin khak tuk hi.
|
||
\v 23 A kho mi umnak mun ah dawh mi tungtul bang a mah cu keiman kho tik tung.
|
||
\v 24 A mah cu a pai inn pen minthan nak tohkham in cang tuk hi. A pai inn sungah a um mi minthan nak, miphun hinnam, a pha a sia, khuathai maihum hempoh, bel hempoh te a nelah dok haw tuk.
|
||
\p
|
||
\v 25 Vancung ngalkap Topa Pathian thupiak mi cu mahmi huncan ten a kho mi umnak ah a masa in a dawh mi tungtul cu a umnak munpen thawn in phuhnak co tuk hi. Amah a dok tu neihnak vang, phuhnak co tuk hitin, Pathian in thupia hi.
|
||
\s Tyre khuapi ca thuphuan awnkam
|
||
\c 23
|
||
\p
|
||
\v 1 Tyre khuapi tuah a seng mi thuphuan cu Tar-shish tembaw te aw, kahnak nei ta un. Khuapi cu inn um ma hi. Camnak tuk a um ngawl tian in siatsuah zo. Chittim ngam pen thuthang za ing.
|
||
\q1
|
||
\v 2 Tuipi a tan thei mi Zidon sum bawl tute a khangto tik tu tuipi bulah a um tute aw, ambuk ngongcih in um ta un.
|
||
\q1
|
||
\v 3 Tuipi tampi muang in a um mi Sihor anci, ngun tuipi ankung a ngah ngui cu mahmi khuapi in siah ei in, ngam hempoh tei man mi in cang zo hi.
|
||
\q1
|
||
\v 4 Zidon khuapi aw, zahcak nak nei in. Itahum titale tuipi tihmi tuipi khuapi ten, kei cu naupai ngawl, nau hing ngawl, tangval le khanglai te cawm pah sin hitin, son hi.
|
||
\q1
|
||
\v 5 Izip ngam mipi ten Tyre khuapi thuthang a zak ten mahmi thuthang hang, thinkham zet in um haw tuk.
|
||
\q1
|
||
\v 6 Tar-shish khuapi ah hawh ta un. Tuipi bulah a um mite aw, kap ta un.
|
||
\q1
|
||
\v 7 Hi khuapi cu tanglaih huncan penpan a um hang, nohtei lungdam nak khuapi maw. Ngam khualapi ah cam tukin a muhtei ke tuah hawh haw hi.
|
||
\q1
|
||
\v 8 Tyre khuapi cu sui lukhu a pia thei mi khuapi a hih hang, a sum bawl tuten kumpi capa, zuak in a lei tuten leihum uktu bawi cangin mahmi khuapi a langlam pen a kon hi ngaihsut nak ngaisung hum?
|
||
\q1
|
||
\v 9 Vancung ngalkap Topa Pathian in a neihmi hempoh minthan pualthau nak cu mualpho tik tukin, leihum uktu bawi hempoh te zawt dem tuk in hihen, mah tihcun ngaisung hi.
|
||
\q1
|
||
\v 10 Tar-shish khuapi canu te aw, tuipi mawk te cim zo. Ngun tuipi bang ngam sungah khang in hi.
|
||
\q1
|
||
\v 11 Ngalpan tuipi hum ah a khut zak in uknak ngam hempoh te hing hi. Kanaan ngam sungah a kho mi umnak mun hempoh siatsuah tuk in Pathian thupiak nak um hi.
|
||
\q1
|
||
\v 12 Bawlsiat nak a thuak tu khanglai him Zi-don khuapi canu aw, nang cu lungdam nak um leh tuk ma toh hi. Tho in. Chittim ngam ah hawh in. Mahmi umnak mun ah vang daihnak um tuk ma hitin, thupia hi.
|
||
\q1
|
||
\v 13 A humpen a um ngawl ten Chaldean miphun tei umnak ngam cu zo in. Mahmi ngam cu Assyria kumpi in ngam lak khuk sungah a um mitei umnak tuk din hi. Mahmi ngam miphun ten inn ngengpi a sak hang, Tyre innpi te le khuapi te vang siatsuah hi.
|
||
\q1
|
||
\v 14 Tar-shish tembaw te aw, kahnak nei ta un. Nohtei khuapi sia khawng zo.
|
||
\p
|
||
\v 15 Mahmi huncan ten Tar-shish khuapi cu kumpi uk a saunak kum sawmsalih sung a kuamah in phawk tuk ma hi. Kum sawmsalih a bo ten, suzuak numei nu cu lasa bang Tyre khuapi nelah lasa tuk hi.
|
||
\q1
|
||
\v 16 A kuamah phawh ngawl mi suzuak nu phaidak keng khuapi sungah vak kawkawi in. Midang ten nangmah phawk tuk in a mawi mi aw tuah tum in la tampi sa in.
|
||
\p
|
||
\v 17 Kum sawmsalih a bo ten, Pathian in Tyre khuapi zo tukin hung tuk hi. A ma sap mi ah hek kik leh in leihum uknak ngam hempoh ah a pha ngawl a thiangtho ngawl mi sual bawl tuk hi.
|
||
\v 18 Mah naven a sum bawlnak, a ngah mite Pathian ca thiangtho tuk hi. Zei in khawlnak bawl tuk ma hi. Sum a bawl mi neihnak cu Pathian mai ah a um tu a muhtei ca a hih hang, a mun kham pek ei in a kho mi puan silh haw tuk hi.
|
||
\s Leihum pi Pathian thukhen nak
|
||
\c 24
|
||
\p
|
||
\v 1 Zo in. Pathian in leihum pi ko tik tukin bungkhup a vawk hang, ngam sung mipi hempoh tham kek tik hi.
|
||
\q1
|
||
\v 2 Mah ten thiampi in haksa mite bang in hihen, Topa sila bang in hihen, Tonui sila nu bang in hihen, sum bat pia tupan sum ba tupa bang in hihen, a zuak tupan a lei tupa bang in hihen, sum khang a ei tupan sumkhang pia tupa bang cang tuk hi.
|
||
\q1
|
||
\v 3 Ngam sung hempoh ah zalen in siatsuah tuk tihmi thu Pathian in thupia hi.
|
||
\q1
|
||
\v 4 Ngampi sonsiat nak hang, vuai in um hi. Leihum cu thazang kiam in vuai in um hi. Minthan nak a nei mi ngam sung mite thazang kiam haw hi.
|
||
\q1
|
||
\v 5 Ngam sung miten dan thukham palcat nak, a thupiak a theknak, kumkhua thukam a siatsiah nak thu hang, ngam pi cu bal tik hi.
|
||
\q1
|
||
\v 6 Mah hang, tamsiat nak thu ngam sungah dim zo. Ngam sung mipi hum ah sualnak heng zo. Mah hang, ngam sung mipi halkang in a tang mite dawm no hi.
|
||
\q1
|
||
\v 7 Cabit tui a thak cu kang zo. Cabit kung vang vuai zo. Lungdam tu hempoh ten kap haw zo.
|
||
\q1
|
||
\v 8 A zaknop mi khuang tum aw vang cawl zo. Lungdam tupai aw um ma zo. A zak nop mi phaidak aw vang cawl zo.
|
||
\q1
|
||
\v 9 Lasa in cabit tui in haw ma hi. Zu a in tu hempoh ten a kam kha haw tuk.
|
||
\q1
|
||
\v 10 Zalen mi khuapi cu cim zo. A kuamah lut tum tik ngawlin a inn haw te khak khawng haw zo.
|
||
\q1
|
||
\v 11 Cabit a bo hang, khualzin nak lamzin pen kah nak um hi. Lungdam nak vang tham khawng zo. Ngam hempoh ah a zaknop mi aw vang cawl zo.
|
||
\q1
|
||
\v 12 Mi thawmveng nak cu khuapi sungah tang hi. Khuapi sung luhtum nak kongka pi vang vat keh in cim zo.
|
||
\q1
|
||
\v 13 Mah tihcun ngampi sung a lai ah ngam sung mipi te um haw naven Olive thingkung cu hingin, a ngah ngah mi bang in hihen, cabit ngah thoih cengten a tang mi khul bang in cang tuk hi.
|
||
\q1
|
||
\v 14 A mun au in lungdam nak tuah lasa haw tuk. Pathian thangphat nak aw tuah tuipi a langlam pen nging haw tuk hi.
|
||
\q1
|
||
\v 15 Mah hang, nisuah nak lam pen Pathian hei hihen, tuipi ngalkhat lam ngam dang miphun tei sungah Isarel miphun tei Topa Pathian min tuah in hihen thangphat un.
|
||
\q1
|
||
\v 16 A thiangtho mipa cu minthan nak um ta hen tin leihum hempoh pen lasak nak aw cu kohten za ung. Kei cu haksa zet ing. Haksa zet ing. Thupha um ma hi. Laksak longdun miten longdun in um haw. Longdun miten hangzet in cuh haw.
|
||
\q1
|
||
\v 17 Ngamsung mipi te aw, a lauhuai mi leikhuk, thang siahnak sungah heng zo.
|
||
\q1
|
||
\v 18 A lauhuai mi thu pen a tai tupa cu leikhuk sungah cak tuk hi. Leikhuk sung pen a lau tupa cu thang sungah awk tuk. Vanhum kongka hong in leihum a zungpi vang hing tuk.
|
||
\q1
|
||
\v 19 Leihum pi hempoh khi in keh zo. Leipi cu a venghawng in cim khawng zo. Leihum pi cu nasezet hing hi.
|
||
\q1
|
||
\v 20 Leipi cu zukham pa bang hoi kawkawi in um hi. Nau luai bang hing hi. A sual cu a ma hum ah a ngit zet hang, ngam pi cu bah tuk hi. Tho leh thei tuk ma hi.
|
||
\q1
|
||
\v 21 Mah huncan ten Pathian in a sangnak munpen a sang mi hempoh hei hihen, leihum kumpi hempoh hei hihen, zo in thukhen tuk hi.
|
||
\q1
|
||
\v 22 A muhte cu khuk sung pen munkhat ah hulawmkhawm kennak, thonginn sungah kol bulhnak te thuak in um haw tuk. Ni tampi a bo cengten thukhen nak thuak haw tuk.
|
||
\q1
|
||
\v 23 Hade vang a mitmai tham tuk hi. Ni vang mualpho tuk hi. Itahum titale, vancung ngalkap Topa Pathian in Zion mual hum pen Jerusalem khuapi sungah kumpi na dekin kum U pa a muhtei mai pen minthan nak co tuk hi.
|
||
\s Pathian thangphat nak
|
||
\c 25
|
||
\p
|
||
\v 1 Pathian aw, nang cu ka Pathian hi ci. Na min cu thangphat ing. Mangbangza thu te bawl zo ci. Tanglaih na ngaihsut nak thawn ngawlin muantaak nak thu kho hi.
|
||
\q1
|
||
\v 2 Khuapi cu buak sehnak, a kho mi khuapi subal zo. Ngam dang miphun tei umnak biakinn cu khuapi cang ngawl in sa leh thei tuk ngawl thukhen zo.
|
||
\q1
|
||
\v 3 Mah hang, thazang ngilnak a nei miphun in nangmah cu thangphat haw tuk. A lauhuai miphun tei umnak khuapi in nangmah lau haw tuk.
|
||
\q1
|
||
\v 4 Nang cu mizawng haksa mitei belhnak mun, dang a dum ningkial mitei thubuai nak a hen ten belhnak hi ci. Khantian nak a theu mi huihpi theu bang a lauhuai mitei thinuuk nak a suak ten huihpi theu a luatnak mun vaknak a lim in cang hi.
|
||
\q1
|
||
\v 5 A ko mi umnak munpen ni a sa bang, ngam dang miphun tei aunak awnthawm cawl tik tuk hi. Meingo sah pi tuah ni a sat nak a tham bang, launak a nei mitei lasak nak aw tham tuk hi.
|
||
\q1
|
||
\v 6 Vancung ngalkap Topa Pathian in a thau mi an eih tuk, cabit tui kumlun pha zet in zet mi cabit tui a lun cu mi hempoh ca hi mual hum pen puai pi cu thukhen tuk hi.
|
||
\q1
|
||
\v 7 Mi hempoh tei mai tuap mi hei hihen, miphun hempoh hum ah phalh in a khuh nak hei hihen co tuk hi.
|
||
\q2
|
||
\v 8 Thihnak hei sia lal tik tuk hi. Pathian in a mai mit hitui hemmpoh huu tuk hi. Na miphun tei thuak mi mawhsiat nak vang leihum hempoh pen vawk tuk hitin, Pathian thupiak mi um hi.
|
||
\p
|
||
\v 9 Mahmi huncan ten zo un. Hi mipa cu ohtei muansan mi Pathian hi. Ohte pan tuk hi. Nunpat a hehpih nak hang ohten lungdam tuk hung tin, son haw tuk.
|
||
\q1
|
||
\v 10 Itahum titale Pathian khut cu hi mual hum ah cawl tuk hi. Cangphol cu khui ek ciak sungah bawlsiat nak a thuak bang, Moab ngam cu a ma sung pen bawlsiat nak thuak tuk hi.
|
||
\q1
|
||
\v 11 Tuivat tupan tui vat tuk a khut a zak bang, Moab pualthau ngalnak le a khut thazang cu hah tuk hi.
|
||
\q1
|
||
\v 12 Nohtei khuapi khantian nak innpi a lek cu subal in lei cankim bawlsiat nak hang, leivul sungah koih tuk hi.
|
||
\s Thangphat nak la
|
||
\c 26
|
||
\p
|
||
\v 1 Mah huncan ten Judah ngam cu lasa tuk hi. Ohtei sungah a kho mi khuapi um hi. A hehpih nunpat nak innpi, awmdat in cang tuk hi.
|
||
\q1
|
||
\v 2 Thudik cingkem tu midik cang miphun cu lut tum kongka te hong in.
|
||
\q1
|
||
\v 3 Thinlung a thiangtho mipan nangma sungah a belh hang, daihnak bek a um tuk mi thu cingkem tuk hi.
|
||
\q1
|
||
\v 4 Pathian sungah a cat ngawl bel un. Pathian cu kumkhua belhnak mun hi.
|
||
\q1
|
||
\v 5 A sangnak mun ah a um tute cu zawt dem hi. A sunglawi mi khuapi subal in leipi cankim tian khiasuk in leivul ah a koih hang,
|
||
\v 6 Cilpek nak thuak tuk hi. Mizawng haksa pa le ningkial dangdum miten cilpek haw tuk.
|
||
\q1
|
||
\v 7 Midik cang pan a dik mi lamzin ah hawh thei hi. A dik mi Pathian aw, nang cu midik cang pai hawh nak lamzin bawl sak ci.
|
||
\q1
|
||
\v 8 Pathian aw, kohten thudik lamzin ah hawh in nangmah muansan nak tuah na minthan min cu thinlung sung pen kin in um ung.
|
||
\q1
|
||
\v 9 Zan huncan ten ka thinlung tuah nangmah kin ing. Zinglam huncan ten ka sunglam hawvang tuah nangmah zei ing. Leihum ah buainak thu na khen ten leihum miten a dik mi thu cung haw hi.
|
||
\q1
|
||
\v 10 Mipha ngawl pan hehpih nak a co ta vang, thudik cung thei ma hi. Thudik zui nak ngam hei pen sualnak bawl in, Pathian minthan nak cu imah sumsial thei haw ma hi.
|
||
\q1
|
||
\v 11 Pathian aw, na khut dang ta vang a mun mu ngawl in um haw. Mah naven, na mihing tei ca thinlung a neihnak thu cu a muhten mu in mualpho haw tuk. Na ngal hempoh te meikang tuk hi.
|
||
\q1
|
||
\v 12 Pathian aw, nangman kohte daihnak pia tuk ci. Itahum titale kohtei thu hempoh kohtei ca in bawl ci.
|
||
\q1
|
||
\v 13 Kohtei Topa Pathian, nangmah sialngawl a dang bawi hempoh ten kohte uk haw zo. A tu in, na min tuah bek thangphat tuk ung.
|
||
\q1
|
||
\v 14 Mahmi bawi te thi haw zo. Nung leh haw ma hi. Thanmual mite a nun leh nak um ma hi. A mun na thukhen nak siatsuah in a muhte sialsiah nak tuk imah um tuk ngawl in vawk zo.
|
||
\q1
|
||
\v 15 Pathian aw, kohtei miphun pungzai tik zo ci. Kohtei miphun a pungzai hang, minthan nak um hi. Uknak ngam zal tik zo ci.
|
||
\q1
|
||
\v 16 Pathian aw, a mun haksat cimnak a thuak ten nangmah zei haw. Thu na hilhten, thunget nak awnkam buaksuk zo haw.
|
||
\q1
|
||
\v 17 Naupai numei cu nau hinnak tuk nai in haksat cimnak thuak a au bang in Pathian aw, kohten na mai pen cang zo ung.
|
||
\q1
|
||
\v 18 Kohten naupai haksat cimnak thuak naven huih hing bang cang zo ta ung. Ngam sung mipi te nunpat nak ah heng haw ma. Kohten hi leihum mite hing tik ma ung.
|
||
\q1
|
||
\v 19 Na mihing a thi mite cu nung haw tuk. Leivul sungah a um mite aw, khanglo in lasa un. Itahum titale, na dai tui cu hampa te a po tik thei mi dai tui bang a hih hang, leipi in a thanmual mite pholhsuah tuk hi.
|
||
\q1
|
||
\v 20 Ka mihing te aw hung un. A sunglam khan sungah tum in, nang muhte kham tu kongka pi te khak un. A thinuuk nak huncan a bo tian dawm laih no ngelh in um un.
|
||
\q1
|
||
\v 21 Ithuam titale Pathian in leihum mi hempoh a muhtei bawl sualnak hang sual thaman pia tukin, a muhtei umnak munpen suak tul hi. Mah ten leipi in a ma sungah a um mi thisan cu lak tuk hi. A ma sung pen thihnak a thuak tu hempoh te sel in koih leh tuk ma toh hi.
|
||
\s Isarel mitei luatnak
|
||
\c 27
|
||
\p
|
||
\v 1 Mahmi huncan ten Pathian in thazang ngilnak a nei zet mi nam tuah a dawh mi ngul, Liviathan ngul pi hei dantat tuk hi. Tuipi thuanthum sung pen ngulpi that tuk hi.
|
||
\p
|
||
\v 2 Mah huncan ten cabit uum san ci cabit huan lasa un.
|
||
\q2
|
||
\v 3 Keimah Pathian cu huan cingkem tu ing. A cat ngawl tui buak tung. A kuamah in siatsuah tuk ngawlin, a sun a zan keiman cingkem tung.
|
||
\q2
|
||
\v 4 Ka thinuuk nak dai zo. Lingkung ten keimah a do tale a muhte keiman ngaldo tuk hawh cih paih in mei tuah halkang tung.
|
||
\q1
|
||
\v 5 Mah a hima tale ka tha ngilnak muangin keimah tuah pawlkom haw hen.
|
||
\q1
|
||
\v 6 Jakop nelpen a heng tute cu a zung man tik tuk hi. Isarel miphun cu a pak kuhkum a suak hang, leihum ngam hempoh ah dim tuk hi.
|
||
\q1
|
||
\v 7 A mah a bawlsiat tuten a mah a bawlsiat bang a mah cu nangman bawlsiat cim maw? A mah a that tu mite thah a co bang a mah cu thah thuak maw?
|
||
\q1
|
||
\v 8 Tehnak pakhat tian na kap tale nang cu a mah tuah eldun tuk ci. A mah cu nisuah nak huih a theu ni ten huihtheu nasepi cu a man kelen tuk hi.
|
||
\q1
|
||
\v 9 Mah tihcun Jakop miphun in biakpiak nak suang te thunsuang bang botkek in, Asherim thingkung le zuk milim te a phuh ten a sualnak ngaidam in a ngaihdam nak thupha hempoh co tuk hi.
|
||
\q1
|
||
\v 10 Mah naven, a khohkhah mi khuapi cu mi thawmveng umnak mun ngamlak ah vawk mi umnak mun in cang tuk. Mah lai mun cu khuino in hamdawn ei in, zau in a zikdawn te pet in ei tuk hi.
|
||
\q1
|
||
\v 11 A kang kak te a ko ten ek tuah numei te hung in meihal kang haw tuk hi. Itahum titale, cihnak a nei ngawl miphun hi. Mah hang bawl tupan ningna ngawl, hehpih ngawl in um tuk hi.
|
||
\p
|
||
\v 12 Isarel miphun te aw, mahmi huncan ten hei in Pathian in tuipi pen pan in Izip ngun tuipi tian thing ngah te a laksak hang, nohten pakhat nung pakhat, ankung cop lungdam nak co tuk uh ci.
|
||
\v 13 Mahmi huncan ten lemle nasezet tum tuk hi. Assyria ngam sung pen a pai mipa, Izip ngam sung pen vawk a co mite hungin Jerusalem khuapi pen a thiangtho mi mual hum ah Pathian mai pen bia haw tuk hi.
|
||
\s Epharaim miphun ten thupha co ma hi
|
||
\c 28
|
||
\p
|
||
\v 1 Cabit tui tuah ngui in a kham mitei umnak hausa mi munlawn lu humpen, Ephraim miphun thi tuk tian a val a in tutei pualthau nak lukhu le a muhtei a vuai thei mi minthan nak a mawi mi pak cu thupha um ma hi.
|
||
\q1
|
||
\v 2 Pathian sungah huham thazang ngilnak a nei tupa cu nial keng in a siatsuah mi huihpi theu bang in hihen, nasezet tui lun bang in hihen, leipi tian in nasezet vawk tuk hi.
|
||
\q1
|
||
\v 3 Ephraim miphun thi tuk tian a val a in tutei pualthau nak sui lukhu cu cil pek tuk hi.
|
||
\q1
|
||
\v 4 Hausa mi munlawn luhum pen a muhtei lakah a vuai thei mi minthan nak a mawi mi pak cu khal huncan a hen laih ngawl, a masa bel a ngah mi bang cang tuk hi. Mahmi a ngah a mu tupan mu in, ngal hiamnam keng thah hei in ei thei hi.
|
||
\q1
|
||
\v 5 Mah huncan ten, vancung ngalkap Topa Pathian in a tang mi a miphun tei sungah huham a nei mi sui lukhu, a mawi mi lukhu khu tuk hi.
|
||
\q1
|
||
\v 6 Thudik thu a khen tu mite cu a thukhen thiam theihnak hei hihen, ngal tei luh tumnak kongka pi tian ngal thu buainak a do tute cu thazang ngilnak hei hihen, pia tuk hi.
|
||
\q1
|
||
\v 7 Mah naven, a mun cabit tui hang lamzin pial haw zo. Thiampi le kamsang ten zuu a in hang, sual haw zo. Cabit tui kham haw zo. Thuphuan a co nak sung pen sual in thukhen nak sungah bah in um haw zo.
|
||
\q1
|
||
\v 8 A muhtei an eihnak cabuai hempoh a lawngnak um tuk ngawl tian in a luak nak tuah in hihen, a bal tuah hei in um haw.
|
||
\q1
|
||
\v 9 A mun, a kua cihnak hilh nuam haw hum? A kon thudik thei nuam hum? Kohte nawitui a tawp sem mipa, nui nawi tui cangca a khen thei mite hi haw ma maw?
|
||
\q1
|
||
\v 10 Dan thukham pakhat hum ah pakhat, pakhat hum pen pakhat, a dang pakhat hum ah pakhat, hi lam ah dawmlaih mah lai lam ah dawmlaih um hitin, son haw hi.
|
||
\q1
|
||
\v 11 A thungai in awnkam a tang a pha ngawl mi lei tuah hi miphun cu thupia tuk hi.
|
||
\q1
|
||
\v 12 Mah tihcun bawl tale dai tuk hi. Thincawl in a um tuten daihnak co haw ta hen. Mah tihcun bawl tale nop tuk hitin thupia ta vang a mun ngai haw ma hi.
|
||
\q1
|
||
\v 13 Mah hang, a mun a nunglam ah bah a ke awk in mat co tuk hi. Pathian awnkam cu a muhtei sungah thukham pakhat hum ah pakhat, pakhat hum pen pakhat ah a dang pakhat hum pen pakhat hum ah hi lailam ah dawmlaih, mah laih lam ah dawmlaih in cang tuk hi.
|
||
\q1
|
||
\v 14 Mah hang, cekpan a bawl thei mi Jerusalem khua miphun U pa te aw, Pathian awnkam ngai un.
|
||
\q1
|
||
\v 15 Nohten, kei muhte thihnak kumpi tuah thukhaam bawl zo uh ci. Thihnak ngam in thei zet zo hi. Mahmi ngasa man tutei lakah heng ngawl in kohten lungkim nak pakhat co ung. Kohten zol thu muang zo ung. Zolnak nuai ah ngelh in um ung hitin a son theih hang,
|
||
\v 16 Mah hang, Topa Pathian thupiak mi zo in. A thawn thei ngawlmi inn ningkil suang manpha cu Zion mual ah koih zo. Mahmi suang a muang tupa cu a tainak thu um ma hi.
|
||
\q1
|
||
\v 17 Thudik tuah thukhen nak, dikcang nak thukhen nak bawl tung. Nial nguah zuu in a muan mi zol thu vawk sak tung. A ngelhnak mun vang tuipi in khuh tuk hi.
|
||
\q1
|
||
\v 18 Nohten thihnak kumpi tuah na bawl uh mi thukhaam sia tuk hi. Thihnak ngam tuah theih zet nak cu pitung tuk ma hi. Tui lun a khuh mi haksat nak a tan ten nohten tan cih in pek tuk hi.
|
||
\q1
|
||
\v 19 Na tan laih tak tai vawk tuk hi. Zinglam huncan a hen sial ten sun le zan tan leng tuk a hih hang, thuthang na zak bek hei in launak thu um tuk hi.
|
||
\q1
|
||
\v 20 Ihkhun zaunak cu a pumpi tham tuk ngawl in com hi. Puan vang a silh tham tuk ngawl in neu hi.
|
||
\q1
|
||
\v 21 Pathian cu a lamdang mi na bawl tuk in hihen, a lamdang mi na a mawk hen tuk in hihen, Perazim mual hum pen tho tuk hi. Gibeon hawkluam pen a thinuuk tuk hi.
|
||
\q1
|
||
\v 22 A tuin nohte a nase saw thu hilhnak pen luat tukin ngam sung hempoh ah a thukhen mi siatnak um tuk hitin, vancung ngalkap Topa Pathian nelpen keiman za zo ing.
|
||
\q1
|
||
\v 23 Ka son mi aw a za tuten sialsiah ta un. Ka thu pha tak zet ngai un.
|
||
\q1
|
||
\v 24 Lo bung tupan anci vawh tuk lei cu cek in, leikhal te sukeh in a cat ngawl lo let awng maw?
|
||
\q1
|
||
\v 25 Lo leilung cam in a bawl cengten ziza anci, samung a hang anci te vawh hima maw? Sangvut cang anci cu a tuan phut in cang le cangtol anci phun kim te a muhtei umnak mun ah vawh hima maw?
|
||
\q1
|
||
\v 26 Itahum titale, a Pathian thukhen theih mi cihnak pia hi. A mah vang thu hilh hi.
|
||
\q1
|
||
\v 27 Samung a hang anci cu thingpek tuah cil theih ma hi. Ziza anci hum ah vang lengke tat theih ma hi. Samung a hang anci cu ngolh tuah hei in hihen, Ziza anci cu tingngolh tuah hei in hihen, vat thei hi.
|
||
\q1
|
||
\v 28 Sangvut cang cu cil theih hi. Mah naven, a cat ngawl in cil leng theih ma hi. Lengke le cipuh te cil tik ta vang cang cu keh thei ma hi.
|
||
\q1
|
||
\v 29 Mahmi thu cu vancung ngalkap Topa Pathian ngaihsut nak a piak mi thu hi. Ngaihsut nak a piak mi thu mangbangza hi. A theihnak vang a lamdang hi.
|
||
\s David khuapi hum ah thupha um ma
|
||
\c 29
|
||
\p
|
||
\v 1 Ari-el khuapi, David kumpi umnak Ari-el khuapi cu thupha um ma hi. Nohten kum sial biakpiak nak that in bawl un.
|
||
\q1
|
||
\v 2 Mah naven Ari-el khuapi cu keiman haksa tik in a khuapi cu thasiat nak le kah nak um naven, Ari-el bang ka mai pen cang tuk hi.
|
||
\q1
|
||
\v 3 Keiman na elkim ah ngiahbuk koih tung. Lei nguh tuah a kilh hang, leikhuk vang co tuk hi.
|
||
\q1
|
||
\v 4 Nang cu khiaksuk co in lei sung pen son tuk ci. Leivul sung pen aw neuno tuah hilh tuk hi. Na son mi aw cu khawsia lut tum mi aw bang, lei sung pen tul in nang cu leivul sung pen aw neu tuah hilh tuk ci.
|
||
\q1
|
||
\v 5 Mah bek sial ngawl na mikhual hempoh te leivul bang a hih hang, a lauhuai mi hempoh a tham mi cangvai bang cang haw tuk.
|
||
\q1
|
||
\v 6 Vancung ngalkap Topa Pathian in vanthum, leipi hinnak, awnthawm nging huihpi theu tuah a kang thei mi meialh tuah sual dantat tuk hi.
|
||
\q1
|
||
\v 7 Ngam hempoh pen hung in Ari-el khuapi a do tu hempoh Ari-el khuapi le ngalbuk nak innpi do in bawlsiat a thuak mi hempoh ten zan mang muhnak bang cang tuk hi.
|
||
\q1
|
||
\v 8 Ning a kial pan a zan mang an ei bang naven a thawhten ningkial nak a pha ngawl bang, dangdum pa in a thawh ten a zan mang tui in bang ngaisung naven, a thawh ten a thacawl a dangdum nak a pha ngawl bang, ngam hempoh pen hungin Zion mualah ngaldo tu hempoh cang haw tuk.
|
||
\q1
|
||
\v 9 Dai den no um un. Au in kap un. A mun ngui in kham haw naven cabit tui tuah kham in ngui haw hima hi. A zuu pha zet ta vang hoi kawkawi in um haw hi.
|
||
\q1
|
||
\v 10 Itahum titale, Pathian in hihbuh nuamnak lungmu nohtei sungah a piak hang, nohtei mit hup in nohtei kamsang te kumpi te, thuphuan nak a co tu mite khuh hi.
|
||
\p
|
||
\v 11 Muhnak a co tu hempoh tacik khet mi lai bang nohtei sungah um hi. Mahmi lai cu laithiam mite a piak hang, hi lai sial in hitin a tih ten a man, hi lai cu keiman sial thei mang hi. Tacik khen hitin don leh thei hi.
|
||
\v 12 Mahmi lai cu lai sial thei ngawl mipa pia in hi lai sial in hitin a tih ten, a man kei cu lai sial thiam mang hitin, don leh thei hi.
|
||
\p
|
||
\v 13 Pathian in, hi miphun cu kam tuah ka nelah nekin a muk kam tuah keimah U pat hi. Thinlung cu keimah tuah khuala hi. Mihing tei bawl mi dan thukham suang in keimah lau hi.
|
||
\q1
|
||
\v 14 Mah hang, mangbangza a lauhuai mi thu cu hi miphun sung pen keiman bawl leh tung. A muhtei cihnak a nei mitei sung pen cihnak sia tuk hi. Theihnak pha a nei mitei theihnak vang tham tuk hitin, ti hi.
|
||
\q1
|
||
\v 15 Pathian thei tuk ngawl in a thuk zet mi ngaihsut nak cu khuathim sung pen sual bawl in kohte cu a kon mu hum? Ohte a kon mu hum tin a son thei mite cu thupha co haw ma hi.
|
||
\q1
|
||
\v 16 Nohten lumlet zo hima uh cim maw? Bel bawl tupan leibel cu hi pan keimah bawl ma hitin son tuk maw? Bawl a co mipan hi pai cihnak, thiamnak um ma hitin son tuk maw?
|
||
\q1
|
||
\v 17 Lebanon mual cu hausa mi lo bang in hihen, hausa mi lo in ngam lak bang a cang tuk mi huncan nai zo hima maw?
|
||
\q1
|
||
\v 18 Mahmi hucan ten, beng ngong miten Laithiangtho awnkam za haw tuk hi. Mitcaw miten khuathim nak pen luat in khuamu haw tuk hi.
|
||
\q1
|
||
\v 19 Thinlung a niamkhiat miten, Pathian muang in lungdam nak khang haw tuk. Mi tampi sung pen haksa mite cu Isarel miphun tei a thiangtho mi Pathian muang in lungdam haw tuk hi.
|
||
\q1
|
||
\v 20 Itahum titale a lauhuai mipa cu lal tuk hi. Cekpan a bawl thei mipa cu tham tuk hi. A sualnak a zo kuh tu cu that tuk hi.
|
||
\q1
|
||
\v 21 Thubuai tawkin haksa mipa sualnak a heng tik tupa, khuapi luhtum nak kongka pi pen sual thu awk tukin a bawl tupa, sual a nei ngawl mipa phat ngawlnak hempoh tuah a lal tik tute cu that tuk hi.
|
||
\p
|
||
\v 22 Mah hang, Abraham miphun a teng tu Pathian in Jakop miphun camcawh in a piak mi thu cu Jakop miphun in mualpho nak, mitmai siatnak um leh tuk ma toh hi.
|
||
\q1
|
||
\v 23 Mahmi miphun ten ka bawl mi thu a muhten, ka min cu a mun U pat haw tuk hi. Jakop miphun tei a thiangtho mi Pathian U pat in, Isarel miphun tei Pathian cu lau haw tuk hi.
|
||
\q1
|
||
\v 24 Lungmu ngaihsut nak a palcat tuten, ngallin cihnak co ngah in a do tu hempoh te vang, thu hilh nak awnkam ngai haw tuk hi.
|
||
\s Donak a nei tutei thupha a co ngawl nak
|
||
\c 30
|
||
\p
|
||
\v 1 Pathian thupiak a do tu miphun te cu thupha co haw tuk ma hi. A mun keimah muang ngawl pakhat le pakhat thusiamkhawm haw. Ka hawvang thupiak nak um ngawl, pawlkom in vei tampi sualnak ah heng haw.
|
||
\q1
|
||
\v 2 Pharaoh kumpi minthan nak suang in Izip limbel tukin, ka awnkam thusuak phalnak ngen ngawl Izip ngam ah hawh haw.
|
||
\q1
|
||
\v 3 Mah hang, nohten Pharaoh kumpi minthan nak na suan uh hang, mualpho tuk uh ci. Izip lim na belh hang mitmai sia haw tuk.
|
||
\q1
|
||
\v 4 A muhtei kumpi te Zoan khuapi ah um haw tuk. Thuthang kamtai tute cu Hanes khuapi ah heng haw zo.
|
||
\q1
|
||
\v 5 Man theih ngawl bopnak pia ngawl in lungdam nak bawl thei ngawl mualpho nak, minsiat nak thu bek a himi miphun hempoh mualpho haw hi.
|
||
\p
|
||
\v 6 Pawpi, pawpi la, ngulsia, a leng thei mi meingul a tam hang, haksat cimnak ngam cu hawh in hanglam umnak ah a hawh tu, ngamsa tei humah a koih mi van cu zo un. Laak hum ah van te hei hihen, kalauk hum ah a koih mi neihnak te hei hihen suan in lungdam thu a son thei ngawl miphun tei lakah hawh haw hi.
|
||
\q1
|
||
\v 7 Izip ngam cu a thupi nemcuam nak imah pia thei ma hi. Mah hang, thawn ngawl in a um thei mi Rahab tin keiman sam ing.
|
||
\q1
|
||
\v 8 Nang cu a tu hawh in a muhtei mai pen calung hum ah ngat mi thu, a tu le a kumkhua kho tuk lai ngan in sialsiah mi thu cu,
|
||
\v 9 Hi miphun ten do thei hi. Sual a pal cat thei miphun, Pathian thu ngai ngawl deihnak a nei ngawl miphun te haw hi.
|
||
\q1
|
||
\v 10 A mun muhnak nei pah sin hitin a thuphuan mitei lakah hei hihen, a dik mi awnkam kohtei lakah phuang pah sin. A nem mi awnkam son pah sun. Zol thu awnkam son pah sun.
|
||
\v 11 Lamzin pial un. A dik mi lazmzin pial un. Isarel miphun tei a thiangtho mi Pathian cu kohtei mai pen sel in koih haw zo hitin, kamsang tei lakah son thei haw hi.
|
||
\p
|
||
\v 12 Mah hang, Isarel miphun tei a thiangtho mi Pathian thupiak mi cu nohten a thu vawkin a kawi mi lamzin bek belhnak hang,
|
||
\v 13 Nohtei sual cu a cim mi khan tian sia bang in hihen, a sang mi khantian ah a lawt tul mite bang cang tuk hi. Mahmi khantian cu a man lang cim thei hi.
|
||
\q1
|
||
\v 14 Leibel keh bang keh tuk hi. A keh ten vang meikam sung pen meiling koih tuk in tuipi sung pen tui cawi tuk, bel keh pakhat no hei sahelh nak um ngawl in vah keh co tuk.
|
||
\p
|
||
\v 15 Isarel miphun tei a thiangtho Topa Pathian thuapiak mi cu nohten theknak lungmu nei in dai den no na um uh tale, nunpat nak ah heng tuk uh ci. Daiden no umnak, upnak hang thazang ngilnak co tuk uh ci. Nohten mah tihbang in deihnak nei ma uh ci.
|
||
\q1
|
||
\v 16 Kohten mah tihbang um ngawl cipuh khung tai tuk ung hitin a son hang, midang ten nang muhte tai tik tuk hi. Kohten a manlang khung tuk ung hitin a son hang, nangmuh a hil tute man lang saw haw tuk hi.
|
||
\q1
|
||
\v 17 Nohten mual lek hum ah na phut uh mi khuam bang in hihen, mual hum ah phut mi a lan bang in hihen, a cang tuk tian in mi pakhat in a thum tale mihing thawngkhat cu tai haw tuk hi. Mihing panga in a thum tale thawngsawm tai haw tuk.
|
||
\q1
|
||
\v 18 Mah naven, Pathian in nohtei sungah phatnak bawl tuk in muansan nak um tuk hi. Hehpih nak bawl nuam tuk in khaisan nak co tuk. Itahum titale, Pathian cu a dik mi Pathian hi. Topa muansan nak a nei tu hempoh ten thupha co haw tuk.
|
||
\p
|
||
\v 19 Jerusalem khuapi ah a um Zion miphun nang cu a cat ngawl kap tuk ma ci. Na aunak aw cu ngai in pan tuk.
|
||
\v 20 Mahmi aw a zaak ten don tuk hi. Pathian in nangmah haksat nak an cawm in haksat nak tui a pia ta vang, na saza uhten ningkil munkhat ah vawk leh tuk ma toh hi. A mit tuah a saza haw te mu haw tuk hi.
|
||
\v 21 Nang cu taklam le veilam ah lamzin na pial tale hi lamzin cu dik hi. Hi lamzin pen hawh un hitin, na nungpen awnkam aw cu na beng tuah in za tuk ci.
|
||
\v 22 Ngun milim van tuah siluan mi sui zuk milim van te, U pat nak bawl ngawlin a bal mi van te bang vawk in hawh ten hitin, son tuk hi.
|
||
\p
|
||
\v 23 Na lo sungah vawh mi anci cu nguah zu tik tuk hi. Lei pen a suak mi an ngah a ngui pen a cang mi moh cu hausa zet pia tuk hi. Mah ten na tuu, khui ten a zal zet mi umnak hamdawn ei haw tuk hi.
|
||
\v 24 Lawhphek tuah khep hang thiangtho tikin, a pha zet tuah a tokhel mi cang bek cu lei na dek tu khui le laak ten ei haw tuk.
|
||
\v 25 Mihing tampi that in ngalbuk nak innpi a cim ten, a sang mi mual hempoh te le a lang mi mual hempoh hum ah a luang mi ngun tui le luitui tampi um tuk.
|
||
\v 26 Pathian in a miphun tei siatnak lem leh in a muhtei thuak mi liam ma a dam tik ten, hade vaknak cu ni vaknak bang in, ni vaknak vang a vak nak sang let salih in vak tuk.
|
||
\q1
|
||
\v 27 Zo un. Pathian min cu khuala pi a umnak mun pen hung hi. A thinuuk nak kang in meialh pi bang thum hi. Kam cu a thinuuk nak tuah dim in a lei cu meihal bang in cang tuk hi.
|
||
\q1
|
||
\v 28 A suak tul mi nunnak in a miphun te that tuk in tui a khuh mi cu a long tian khong tuk hi. Lamzin a pial tik tu kamkaih cu a muhtei kam sungah khih tuk hi.
|
||
\q1
|
||
\v 29 Nohten puai bawl mi zan in bawl mi bang lasa tuk uh ci. Isarel miphun tei suang, Pathian mual hum ah pheveu tum thah a hawh bangin lungdam haw tuk hi.
|
||
\q1
|
||
\v 30 Pathian minthan nak aw hah tuk hi. A khut thawmlian a hennak, nialcang tuah huih pi theu te lak tuk hi.
|
||
\q1
|
||
\v 31 Mah hang, Assyria miphun in Pathian aw hang lupnak, thiangkhut tuah dantat nak thuak tuk hi.
|
||
\q1
|
||
\v 32 Pathian thukhen nak hang, a humah a ngit zet a koih mi thiangkhut cu a hawhnak hempoh pen phaidak, khuang tumnak in cang tuk hi. A mah cu nasezet do tuk hi.
|
||
\q1
|
||
\v 33 Itahum titale, ngamlak umnak mun cu tanglaih pen thukhen nak um zo. A thungai in kumpi ca tuk bawl hi. Thuk zet le zal zet tuk in bawl zo. Meihal tuk in thinghon a sehpi vang um hi. Pathian nunnak haihawh cu kat tui bang, mahmi thinghon sehpi cu halkang tuk hi.
|
||
\s Izip ngam a suang tute thupha co ma hi
|
||
\c 31
|
||
\p
|
||
\v 1 Ngaldo bawm cial tuk Izip ngam ah hawh cipuh te suang in leng tampi hei hihen, thazang ngilnak a nei mi cipuh khung ngalhang te hei hihen bel in, Isarel miphun tei a thiangtho mi Pathian cu muang ngawl, Pathian zei ngawl in a um tute cu thupha co haw ma hi.
|
||
\q1
|
||
\v 2 Mahmi Pathian cu a theihnak zal in a muhtei hum ah haksat nak heng tik tuk hi. Awnkam a tham laih ngawl in a siasuak miphun hei hihen, phat ngawlnak tuah a bawl tu tei lam ah a um tute hei hihen, a langlam pen tho tuk hi.
|
||
\q1
|
||
\v 3 Izip ngam miphun te cu pathian hi ngawl in mihing bek hi. A muhtei cipuh vang hawvang hi ngawl in, taksa bek hi. Pathian in khut a zakten a bawm thei tupa cu lum tuk hi.
|
||
\p
|
||
\v 4 Pathian in ka nelah thu a piak mi pawpi le pawpi no cu longdun thei mi ngamsa hum ah a um ten, tuu cingkem tutei kham mi aunak aw lau ngawl in a muhtei bawl mi aw hang sunnak a piak ngawl bang, vancung ngalkap Topa Pathian in Zion mual ca ngaldo tuk in tolhsuk tuk hi.
|
||
\q1
|
||
\v 5 Vano ten a cano te a uap bang, vancung ngalkap Topa Pathian in Jerusalem khuapi hup tuk hi. Cingkem hup in sual thukhen nak pia ngawl in pan tuk hi.
|
||
\p
|
||
\v 6 Isarel miphun te aw, nohten nasezet pial do in vawk mi Pathian nelah pin leh un.
|
||
\v 7 A thungai in mi hempoh ten a khut tuah a bawl mi ngun zuk milim, sui zuk milim, a sual thei mite cu mahmi huncan ten vawk haw tuk.
|
||
\q1
|
||
\v 8 Assyria miphun cu mihing nam tuah hi ngawl in a sunglawi mi a ngalnam tuah thi tuk hi. Mipha ngawl pai ngalnam a hi ngawl mi nam cu a mah siatsuah tuk hi. A mah vang ngalnam haksat nak pen tai in, ngalkap te sila thuak haw tuk hi.
|
||
\q1
|
||
\v 9 A mah vang a launak hang, a kho zet mi a khuapi cu zamsan hawh in a bawi U pa te sialsiah nak a muhten, thinkham haw tuk hitin Zion mual hum pen meialh pi, Jerusalem khuapi sungah meikam a um Pathian thupiak mi hi.
|
||
\s A dikcang mi ngam
|
||
\c 32
|
||
\p
|
||
\v 1 Zo un. Thudik tuah uktu kumpi pakhat heng tuk hi. Uktu, bawi U pa ten thudik tuah thukhen haw tuk.
|
||
\q1
|
||
\v 2 Mahmi uktu ten huihpi theu um ngawlnak mun ah hei hihen, lei ko umnak mun ah a luang mi tui bang in hihen, nisa umnak mun pen suang ngengpi lim bang cang haw tuk hi.
|
||
\q1
|
||
\v 3 Mit tuah a mu tuten ciangzet mu haw tuk. Zaknak beng a nei tuten ngai haw tuk.
|
||
\q1
|
||
\v 4 Ngallin nak thinlung a nei ngawl mitei thinlung cu ngaisung in cihnak nei tuk hi. Awntang mitei lei vang awnkam ciangzet awn thei tuk.
|
||
\q1
|
||
\v 5 Mipha ngawl pa cu mipha tin sam leh nak hei hihen, lawicil pa vang phalnak tuah pia leh theihnak hei in sam co leh tuk ma hi.
|
||
\q1
|
||
\v 6 Itahum titale, mipha ngawl pan selin Pathian cu a kam tuah sual bawl in ningkial mite cu haksa sesem tuk in hihen, dang a dum mipan tui in tuk ngawl in hihen, a pha ngawl mi awnkam son in a pha ngawl mi ngaihsut nak pia tuk laih hi.
|
||
\q1
|
||
\v 7 Lawicil in man mi van cu pha ma hi. Haksa ningkial mipai thu cu a man ta vang mahmi pai awnkam cu zol thu awnkam tuah siatsuah tuk in phat ngawlnak bek ngaisung thei hi.
|
||
\q1
|
||
\v 8 Phalnak a nei tupa cu phalnak tuah a seng mi ngaihsut nak ngaisung thei hi. Phalnak tuah a seng mi thu cu kho tuk hi.
|
||
\s Jerusalem numei te
|
||
\q1
|
||
\v 9 Daiden no a um mi numei te aw, tho un. Ka hilh mi aw ngai un. Ngallin nak a nei ngawl mi canu te aw, ka awnkam thu ngai un.
|
||
\q1
|
||
\v 10 Ngallin nak a nei ngawl mi numei te aw, nohten kumkhat nungten thinkham nak heng tuk hi. Itahum titale cabit ngah thoihnak thu tham tuk. Ankung te copnak huncan heng tuk ma hi.
|
||
\q1
|
||
\v 11 Daiden no a um tu numei te aw, can tawtok ta un. Ngallin nak a nei ngawl mite aw, thinkham nak nei ta un. Puansilh mi hempoh a duh cengten thangkhau puan tuah na el pen het un.
|
||
\q1
|
||
\v 12 Awmcup nak, hausa mi lo le ngah a tam mi cabit kung ca kah nak um tuk.
|
||
\q1
|
||
\v 13 Ka miphun tei lei ngam hei hihen, lungdam nak inn le khuapi hei hihen, lingkung phun namkim kai in khuh tuk hi.
|
||
\q1
|
||
\v 14 Biakinn te zamsan in khuapi sung awnthawm te dai tuk hi. Ophir mual le ngalbuk nak innpi te a cat ngawl leikua tuah a dim in a sia suak lakah nop cen nak, tuukhalh nak mun in cang tuk hi.
|
||
\q1
|
||
\v 15 Hawvang cu vanhum pen kohtei nelah buaksuk in, ngam lak cu an kung ngah tampi cang mi lo a hih hang, ankung ngah a tam mi lo cu ngam tukhang pi sialsiah nak huncan a hen laih ngawl, mah tihbang in cang haw tuk.
|
||
\q1
|
||
\v 16 Mah ten ngam tukhang pi cu thukhen nak kho in ankung a ngah tam mi lo cu dikcang nak thu a cat ngawl kho tuk hi.
|
||
\q1
|
||
\v 17 Dikcang nak thu vang daihnak thu cingkem tuk hi. Dikcang nak thu cu kumkhua daihnak le him nak hi.
|
||
\q1
|
||
\v 18 Ka miphun in daihnak mun, him nak khuapi haksat nak pen a luat mi daihnak mun ah um haw tuk hi.
|
||
\q1
|
||
\v 19 Mah naven nial nguah a zuk hang, ngam tukhang cu phukin khuapi vang leipi cankim in subal tuk hi.
|
||
\q1
|
||
\v 20 Tui umnak mun ah anci vawh in khui ke le laak ke te a hah thei mi nohte cu thupha co uh ci.
|
||
\s Thinkham nak pen bopnak
|
||
\c 33
|
||
\p
|
||
\v 1 Midang tei cuhdun lonnak co ngawl in cuhdun thei mipa, midang siatsuah nak thuak ngawlin siatsuah thei mipa nang cu thupha um ma hi. Nang cu cuhdun lonnak a um ngawl ten cuhdun long in co tukci.
|
||
\q1
|
||
\v 2 Pathian aw, kohte hehpih in. Kohten nangmah muansan nak nei ung. Zing sial in kohte ngilnak pia in. Thu buainak hen ten kohte pan in.
|
||
\q1
|
||
\v 3 Awnthawm aw hang mihon pi te tai haw tuk. A thawhten miphun te mun hempoh ah thamkek haw tuk.
|
||
\q1
|
||
\v 4 Midang ten na neih nak uh te khau tei laksak mi bang laksak haw tuk. Khau ten cun in a tai bang nohtei neihnak hum ah a cun in tai haw tuk.
|
||
\q1
|
||
\v 5 Pathian cu khaisan nak um hi. A sang mi umnak munah um hi. Zion khuapi cu thukhen nak, dikcang zet thukhen nak tuah dim tik hi.
|
||
\q1
|
||
\v 6 Theihnak le cihnak cu na khut sungah kho in, a kho zet nunpat nak in cang tuk hi. Pathian launak lungmu vang na neihnak van in cang tuk hi.
|
||
\q1
|
||
\v 7 Ngalkap ten a pawlam pen au haw. Pawlkom nak awnkam a son tu thuthang puak tu kamtai te nasezet kap haw tuk.
|
||
\q1
|
||
\v 8 Lamzin pi te veng diudeu hi. Lamzin lakah a hawh tu a kua mah um ma. Mahmi uktu pa cu muantaak nak tham zo. Khuapi te vang vawk zo. A kuamah mitmai hei zo ma.
|
||
\q1
|
||
\v 9 Uknak ngam cu sonsiat in thakiam hi. Lebanon tukhang cu mualpho in vuai tuk. Sharon umnak mun cu ngam tukhang pi bang cang tuk. Bashan mual le Karmel mual cu thing tuk hi.
|
||
\q1
|
||
\v 10 Pathian thupiak mi a tu in kei cu tho tung. A tu in khaisan nak ah heng tuk hi. Keimah le keimah cu khaisang tung.
|
||
\q1
|
||
\v 11 Nohten cangvai cu pai in buak cu thing tuk uh ci. Nohtei lungmu cu mei a hih hang, nang muhte siatsuah tuk.
|
||
\q1
|
||
\v 12 Mihing tampi ten thunsuang a hal bang in hihen, lingkung te phukin mei a halkang bang in cang tuk.
|
||
\q1
|
||
\v 13 Khuala ah um mite aw, ka bawl mi thu sialsiah ta un. A nai ah um mite aw, ka huham thei ta un.
|
||
\q1
|
||
\v 14 Sualnak a nei mi Zion khua miphun ten lau ta un. Sual a bawl tuten launak nei ta un. Ohtei sung pen a kon a kang mi meipi sungah um tuk hum? Ohtei sung pen a kon kumkhua meikang nak thuak in um tuk hum?
|
||
\q1
|
||
\v 15 Thudik zui in dikcang nak a son thei bawlsiat nak tuah ngah mi sum cu hua in nawhthuh vang a el thei tu, mi thahnak thu ngai ngawl in a phat ngawlnak thu a zo ngawl tute cu a sangnak mun ah um tuk hi.
|
||
\q1
|
||
\v 16 A kho mi suang khuapi sungah bel tuk hi. Mahmi pai an cu a cat ngawl pia tuk hi. In tuk tui vang bo tuk ma hi.
|
||
\q1
|
||
\v 17 Nang cu kumpi minthan a mawinak cu na mit tuah na muh hang, a khuala mi ngam vang mu tuk ci.
|
||
\q1
|
||
\v 18 Nang cu a lauhuai mi thu na phawh ten, cazin la tupa a lai ah um hum? Buknak innpi te cazin la tupa cu a lai ah um hum?
|
||
\q1
|
||
\v 19 A sia suak miphun, beng sungah a lut thei ngawl mi thuthup awnkam, theih zawh ngawl a haksa awnkam son tu miphun cu nangman mu tuk ma ci.
|
||
\q1
|
||
\v 20 Kohtei puai bawlnak khuapi, Zion khuapi zo in. Khuam pakhat no hei thawn ngawl, khau pakhat no hei cat ngawl in a sia thei ngawl mi deubuk, daihnak a um mi Jerusalem khuapi cu na mit tuah mu tuk ci.
|
||
\q1
|
||
\v 21 Mahmi khuapi sung pen minthan nak a nei mi Pathian cu ohtei sungah a zal mi ngun tuipi te luitui in cang tik tuk hi. Mahmi umnak mun pen a kai mi huamkuang, thazang ngilnak a nei mi tembaw pakhat no hei hawh tuk ma hi.
|
||
\q1
|
||
\v 22 Itahum titale, Pathian cu ohtei thukhen tupa hi. Pathian cu ohtei dan thukham nei tupa hi. Pathian cu ohtei kumpi a hih hang ohte pan tuk hi.
|
||
\q1
|
||
\v 23 Na tembaw puan khau duuk tuk hi. Puan khuam te vang kho zet khih ngawl in a puan vang phalh thei ma hi. Mah hang, neihnak tampi long in sem hi. Khelbai te hei in a lon mi neih nak cuh haw tuk hi.
|
||
\q1
|
||
\v 24 Khuapi miten kei cu na ing hitin, son tuk ma hi. Mahmi khuapi sungah a um tute cu sual ngaihdam nak co haw tuk hi.
|
||
\s Miphun tei lakah thukhen nak
|
||
\c 34
|
||
\p
|
||
\v 1 Miphun hempoh te aw, nohtei zak theih tuk in nek un. Mihon tampi te aw, ngai un. Leipi le leipi sungah a tel mi hempoh, leipi le leipi sungah a um mi hempoh ten ngai haw ta hen.
|
||
\q1
|
||
\v 2 Pathian thinuuk cu miphun hempoh sungah suak in nasezet a thinuuk a muhtei hum ah heng tuk hi. A muhte siatsuah in thahnak sungah ap hi.
|
||
\q1
|
||
\v 3 A muhtei sung pen thihnak a thuak tute a pawlam ah a vawk tul hang, mi thi luang te namsia in a muhtei thisan tuah mual te zung haw tuk.
|
||
\q1
|
||
\v 4 Vanhum na hempoh cak sukin vanhum cu laizial bang zial tuk. Cabit kung pen a ceh a cak bang in hihen, theipi kung pen a ngah a cak bang in hihen, vanhum na hempoh te cak suk tuk.
|
||
\q1
|
||
\v 5 Itahum titale, ka ngalnam cu vanhum pen a lungkim cengten Edom ngam ah hei hihen, dan tat tuk in heng tuk.
|
||
\q1
|
||
\v 6 Pathian ngalnam cu thisan tuah dim tuk hi. A thau khal tuah thau tuk hi. Tuu no le kel thisan, tuu cang tei a kal thau te tuah dim hi. Pathian Boz-rah khuapi ah biakpiak nak puai hei hihen, Edom ngam sungah thahnak puai hei hihen bawl hi.
|
||
\q1
|
||
\v 7 Savung te le khuicang te a lup haw hang, a muhtei umnak lei cu a muhte thisan tuah kham in leivul vang sathau khal tuah thau zet in um tuk.
|
||
\q1
|
||
\v 8 Pathian dan tat nak a piak mi ni Zion khuapi thu a cingkep hang, sual thukhen nak kum heng tuk.
|
||
\q1
|
||
\v 9 Mahmi khua tei ngun tuipi cu caknai, leivul cu kat, ngam sung hempoh cu a kang mi nai in cang tuk.
|
||
\q1
|
||
\v 10 A sun a zan mei cu mit tuk ma hi. Meikhu vang a cat ngawl in kai tuk. Mahmi ngam cu miphun a cat ngawl veng diudeu a cat ngawl in a kuamah hawh tuk ma hi.
|
||
\q1
|
||
\v 11 Mah naven va-aak le uico ten mahmi cu nei haw tuk hi. Simbung te le va-aak ten mah lai mun ah um haw tuk. A mah cu a noksak mi ngitnak khau te dok in, a thupi nak imah um ngawl mite phalh haw tuk.
|
||
\q1
|
||
\v 12 Uktu hihnak ah a khaisan mi bawi U pa um tuk ma hi. Uktu te cu bo tuk hi.
|
||
\q1
|
||
\v 13 Biakinn sungah hei hihen, lingkung phun nam kim po tuk hi. Cingne umnak, kalauk vano tei umnak in cang tuk.
|
||
\q1
|
||
\v 14 Mah lai umnak sungah sahang ten, ngam ui te tuah tawk haw tuk. Zawng te pakhat le pakhat kio haw tuk. Mahmi umnak mun ah simbung te, vano te vang cawl in belhnak mun tawk tuk hi.
|
||
\q1
|
||
\v 15 A dawk thei mi ngul vang mah lai umnak mun ah a bu sa in tui tuk. A tui a keuh cengten ngul no te kem in kham sak tuk hi. Mu lukolh te vang mah lai mun ah hulawmkhawm in a nu le pa te cu nawh dun haw tuk.
|
||
\q1
|
||
\v 16 Pathian Laithiangtho cu zei in sial un. Hi awnkam cangkhat no hei a cang ngawl in um tuk ma hi. Pakhat no hei a ngualcam phialpih kul tuk ma hi. Pathian kam suak thupiak nak um hi. Hawvang in a muhte hulawm tik hi.
|
||
\q1
|
||
\v 17 A mun kungkhai nak bawl a khut tuah ngitnak khau dok in, a muhtei umnak sem haw hi. A mun mahmi ngam cu a cat ngawl lo co in miphun hinnam a cat ngawl in um haw tuk.
|
||
\s Nunpat nak a co tutei lungdam nak
|
||
\c 35
|
||
\p
|
||
\v 1 Ngam lak le a tang laih mi umnak mun cu a muhtei ca in lungdam tuk hi. Philnel ngam ko in lungdam tuk hi. Lingpak bang pak tuk hi.
|
||
\q2
|
||
\v 2 Mahmi pak kung cu tampi pakin, lungdam nak sungah lasa in lungdam tuk hi. Lebanon minthan nak hei hihen, Karmel minthan nak le Sharon te hei hihen, Topai minthan nak, ohtei Pathian minthan nak vang mu tuk hung hi.
|
||
\q1
|
||
\v 3 Ngilnak a nei ngawl mi khut te kho tik tuk hi. A hing thei mi khuk hei kho tik haw tuk hi.
|
||
\q1
|
||
\v 4 Thazang ngilnak la un. Lau nak nei pah sun hitin a lau thei mitei lakah son haw hen. Itahum titale, nohtei Pathian in sual dantat pia in, thukhen in hung tuk hi. Pathian a mah loli hung in pan tuk hi.
|
||
\q1
|
||
\v 5 Mahten mitcaw ten khuamu tuk. Beng a ngong miten thu za haw tuk.
|
||
\q1
|
||
\v 6 Khel a bai miten tuu bang dok haw tuk hi. Awnkam a tang miten lasa haw tuk. Itahum titale, ngam sung pen cik tui tul in philnel ah luang tuk hi.
|
||
\q1
|
||
\v 7 A ko mi lei cu tuipi in cang tuk. Tui a deih mi leipi cu ciktui nung in cang tuk. Ngulpi umnak munpen, pumpeng kung le hampa kung te um tuk.
|
||
\q1
|
||
\v 8 Mahmi lamzin le lamzin pakhat um tuk hi. Mahmi cu a thiangtho mi lamzin tin sam tuk hi. Mi thiangtho ngawl mipan mahmi lamzin ah hawh tuk ma hi. Mah naven a muhtei ca in cang tuk hi. Misil pa hei in lamzin a hawh tu le a hung tuten mahmi cu sual tik tuk ma hi.
|
||
\q1
|
||
\v 9 Mahmi lamzin ah pawpi um tuk ma hi. Sahang pakhat no hei kai tuk ma hi. Zei hei in mu tuk ma. A ten sa mite bek khualzin vak haw tuk hi.
|
||
\q1
|
||
\v 10 Pathian pat mi a muhte cu pin kik leh lasa kumkhua lungdam nak sui lukhu khu in, Zion khuapi ah heng haw tuk. Lungdam nak thu a co hang, thasiat nak le kah nak um tuk ma hi.
|
||
\s Jerusalem khuapi cu Assyria Shennachrib thupnak
|
||
\c 36
|
||
\p
|
||
\v 1 Hezakiah kumpi uknak kumli a kim ten, Assyria kumpi Shennacrib in Judah ngam pen a kho mi khuapi hempoh do in a thah cengten,
|
||
\v 2 Rab’sha-keh pia in ngalkap tampi te tuah Lachish khuapi pen Jerusalem, Hezekiah kumpi nelah hah hi. Mahmi ngalkap bawipa heng in Washer lo bul pen hawhnak lamzin, a humta tuipi ting umnak mun ah ding ing.
|
||
\v 3 Mah ten Hilkiah capa a himi kumpi inn uktu Eliakim, lai ngan tu Shebana, Asaph capa lai ngan tu a ngeng bel Joah ten a ma nelah a suak tul cengten,
|
||
\v 4 Rabshakeh, kumpi a ngeng bel Assyria kumpi Hezekiah thu a piak mi cu na belhnak hang na belhnak cu itihbang hum?
|
||
\v 5 Ngaldo tuk tian in theihnak, thazang ngilnak tuah dim hitin, a thupi nak um ngawl mi awnkam sonnak nei zo hima cim maw? Keimah do tukin a kua muang cim?
|
||
\v 6 A ek mi pumpeng thiangkhut cu Izip ngam muannak hima maw. Mah a ek mi pumpeng khau a muang tupai khut vit in holh tuk hi. Mah tihcun Izip ngam kumpi Pharaoh a muang tu hempoh ten bawl tuk hi.
|
||
\v 7 Nangmun, kohten ohtei Topa Pathian cu muang ung hitin don leh ten, Hezekiah in a sang umnak mun le thiampi te vawk in hi min a nei mi biakpiak nak a mai bek ah bia tuk hitin Judah miphun, Jerusalem khua mite thu a cah hang, nohtei sual bawl mi Pathian hima maw?
|
||
\v 8 Mah hang, a tuin ka topa Assyria kumpi nelah khamnak a nei tute ap un. Na nelah cipuh khung ngalhang cangkim a um tale cipuh thawngnih (2,000) keiman pia tung.
|
||
\v 9 Nang cu kohtei sila sung pen a neu bel mi ngal bawi cu a kon do thei tuk hum? Izip ngam pen leng te, cipuh khung ngalhang te ngah tuk hitin muang haw hima maw?
|
||
\v 10 Pathian phalnak thu um ngawl in hi ngam siatsuah tuk in kei cu hung ing maw? Mahmi ngam ah hawh in siatsuah in hitin, Pathian in keimah thupia zo. Hi thu hempoh te hilh leh ta un hitin, ti hi.
|
||
\p
|
||
\v 11 Mah ten Eliakim, Shebana, Joah ten Syria awnkam tuah kohtei lakah thupiak nak um maw? Mahmi awnkam cu kohten thei ung. Judah awnkam tuah khuapi khantian nak hum ah a um mitei theih tukin son pah sin hitin Rabshakeh cu a son haw ten,
|
||
\v 12 Rabshakeh in ka Topa’n na topa le nangmah bek hi awnkam hilh tuk in hihen, kei cu hah hima maw? Khuapi khantian nak hum ah khung in, nang muhte tuah nang muhtei ek cu ei in, nang mutei zun a in tutei umnak mun ah hah hima maw tin a hilh cengten,
|
||
\v 13 Rabshakeh cu tho in Judah awnkam aw nging zet tuah a au hang, kumpi a ngeng bel Assyria kumpi thupiak mi cu ngai ta un.
|
||
\v 14 Kumpi thupiak mi cu Hezekiah in nang muhte zol ma hen. A man nang muhte pan thei ma hi.
|
||
\v 15 A man, Pathian in ohte cu a thungai Assyria tei khut sung pen pan tuk hitin, Hezekiah kumpi zol nak cu sang pah sun.
|
||
\v 16 Hezekiah kumpi cu thupia ngawl in Assyria kumpi thu a piak mi cu keimah laksawng pia in pawlkom in hi. Na tuikhuk sungah a um mi tui in haw tuk.
|
||
\v 17 Kei cu hung in nang muhtei co mi ngam, vainim, cabit tui, mok le cabit huan te hi.
|
||
\v 18 Hezekiah in Pathian cu kohte pan tuk hitin zol ma hen. Ngam sung hempoh ah a um mi pathian te, nang muhtei ngam te Assyria kumpi khut sung pen pan zo hima maw?
|
||
\v 19 Hamath ngam tei pathian, Arpad ngam tei pathian te a lai ah um haw hum? Sephavaim ngam tei pathian te a lai ah um haw hum? A mun Samaria ngam cu ka khut pen pan haw zo hima maw?
|
||
\v 20 Mahmi ngam hempoh pathian tei sung pen a lai pathian in a muhtei ngam cu ka khut pen pan awng haw maw? Pathian Jerusalem khuapi cu ka khut sung pen itihbang pan thei tuk hum hitin, ti hi.
|
||
\p
|
||
\v 21 Judah miphun ten kam khat no hei don leh ngawl daiden no um haw. Itahum titale, don leh pah sun hitin kumpi thupiak nak um hi.
|
||
\v 22 Mah ten Hilkiah capa a himi kumpi inn uktu Eliakim, lai ngan tu a ngeng bel Shebana, Asaph capa lai ngan tu bawi Joah ten a muhtei silh mi puan botkek in, Hezekiah kumpi nelah hung in, Rabshakeh awnkam hilh haw hi.
|
||
\s Jerusalem khuapi luat tukin thuphuan
|
||
\c 37
|
||
\p
|
||
\v 1 Mahmi awnkam Hezekiah kumpi in a zak ten a puan botkek thangkau puan silh in, biakinn sungah hawh hi.
|
||
\v 2 Thangkhau puan silh in a um mi kumpi inn uktu Eliakim, lai ngan tu a ngeng bel Shebana, kum U ham thiampi te Amoz capa kamsang Isaiah nelah hah hi.
|
||
\v 3 Hezekiah kumpi thucah mi awnkam cu, tuni cu haksat nak ni, thu hilh mi ni, mawhsiat thuak mi ni hi. Nau hin huncan heng capa hing tuk in thazang ngilnak nei ma hi.
|
||
\v 4 A nung mi Pathian mawhsiat tik tukin, Assyria kumpi hah mi a sila Rabshakeh awnkam cu na Topa Pathian in thei ta hen. Na Topa Pathian in na son mi awnkam thu don leh ta hen. Nangman a tang mi miphun ca thungen in hitin hilh tik tukin,
|
||
\v 5 Hezekiah kumpi hah mi sila ten Isaiah nelah heng haw hi.
|
||
\v 6 Isaiah in Pathian thupiak mi cu Assyria kumpi sila ten keimah mawhsiat na zak mi awnkam thu hang laupah sin.
|
||
\v 7 Mahmi kumpi sungah keiman a danglam mi lungmu pia tung. Nangman thuthang za in na ngam ah pin leh tuk ci. Mahmi ngam pen keiman ngalnam tuah thi tik tung hi tihmi awnkam cu nohtei topai nelah hilh leh un hitin, ti hi.
|
||
\p
|
||
\v 8 Mah ten Assyria kumpi in Lachish khuapi pen a suah tulnak thu cu Rabshakeh awnkam a zak ten, hawh kik leh in Libnah khua kumpi do mi cu mu hi.
|
||
\v 9 Mah cengten, Cush kumpi Tirhakah in ngaldo tuk hung hitin thu a zak ten Hezekiah kumpi nelah thuthang puak tu kamtai hah leh in,
|
||
\v 10 Nohten Hezekiah hilh mi awnkam thu na muan mi Pathian in Jerusalem khuapi cu Assyria kumpi khut sungah heng tuk ma hitin, nangmah zol ma hen.
|
||
\v 11 Assyria kumpi ten ngam hempoh te a thah hang, a siatsuah nak thei zo ci. Nang cu luat tuk cim maw?
|
||
\v 12 Ka pu le pa ten a siatsuah miphun, Gozan miphun, Haran miphun, Rezeph miphun, Telassar khuapi ah a um tu Eden miphun ten, a muhtei pathian in pan haw zo hima maw?
|
||
\v 13 Hamath kumpi, Arpad kumpi le Sepharvaim khuapi, Hana khuapi, Ivah khuapi uktu kumpi te a lai ah um haw hum tin, thucah hi.
|
||
\s Hezekiah kumpi thunget nak
|
||
\p
|
||
\v 14 Mahmi lai cu Hezekiah in thuthang puak tu kamtai khut sung pen la in a zoh ten biakinn sungah hawh in Pathian mai pen phalh hi.
|
||
\v 15 Mahten Hezekiah kumpi in Pathian mai pen thu a nget mi cu,
|
||
\v 16 Cherubim hum ah a khung tu Isarel miphun tei Pathian vancung ngalkap Topa Pathian, nang cu Pathian hi ci. Nangmah pakhat bek cu hi leihum ah a um mi ngam hempoh tei Pathian hi ci. Nang cu van le leihum bawl ci.
|
||
\v 17 Pathian aw, na beng dawh ngai in. Pathian aw, mit hak zo in. Shenacherib kumpi in a nung mi Pathian mawhsiat in a son mi thu hempoh sialsiah in.
|
||
\v 18 Pathian aw, a thungai in Assyria kumpi ten ngam hempoh siatsuah in,
|
||
\v 19 A muhtei pathian cu mei sungah vawk haw zo. Mahmi pathian cu pathian hima hi. Khut tuah a bawl mi thing le suang a hih hang siatnak ah heng tuk hi.
|
||
\v 20 Kohtei Topa Pathian aw, Pathian nangmah pakhat bek Pathian hihnak, leihum ah a um mi ngam hempoh ten thei tukin kohte cu mahmi kumpi khut sung pen a tu in pan in. Keiman hehpih ngen ing hitin, thungen hi.
|
||
\s Shenacherib kumpi a cak nak thu
|
||
\p
|
||
\v 21 Mah ten Amoz capa Isaiah cu Hezekiah kumpi nelah hah in, Isarel miphun tei Topa Pathian thupiak mi nang cu Assyria kumpi Shenacherib thu, ka mai pen thunget nak na bawl hang,
|
||
\v 22 Mahmi kumpi thu Pathian thupiak mi awnkam, Zion canu khanglai him ten nangmah sumsial ngawl in nuihsan hi. Jerusalem canu cu na nungpen lusat hi.
|
||
\q1
|
||
\v 23 Nang cu a kua mawhsiat in do cim? A kua au in pualthau mitmai nei cim? Isarel miphun tei a thiangtho mi Pathian hei bawl hima maw?
|
||
\q1
|
||
\v 24 Nangman sila tampi tuah Pathian mawhsiat in kei cu leng tampi hang mual lek ah hei hihen, Lebanon mual lek ah hei hihen kai zo ing. A sang mi cedar thingkung le a pha bel mi cak kung te keiman phuk zo ing. A sang bel mi umnak mun, thing ngah a tam mi ngamlak sungah tum zo ing.
|
||
\q1
|
||
\v 25 Keiman tuikhuk co in, in zo ing. Ka ke tuah Izip ngam ngun tuipi a kak tui hempoh te kang tik zo hitin, nangman son kha zo ci.
|
||
\q1
|
||
\v 26 Keiman a bosa hun can in hi thukhen nak thu le tang laih huncan in a lepleh thu nangman za ma cim maw? A tu hei nangman a kho mi khuapi te siatsuah in suang sehpi cang tik tupa hi tukin keman pia zo ing.
|
||
\q1
|
||
\v 27 Mah hang, khua sung miten thanau haw hi. Amthong thinkham in um haw. Ngam sung hampa kung le cangkung hing dimdem bang in hihen, innkul hum ah a po mi hampa kung le a ngeng laih ngawl in a vuai mi cangkung bang cang haw tuk hi.
|
||
\q1
|
||
\v 28 Na umnak, suah tul le tum nak, ka thinuuk nak cu keiman thei ing.
|
||
\q1
|
||
\v 29 Keiman na thinuuk nak, zotsak nak ka zak hang na nal pen khaukhih cengten na hawh nak lamzin pen pin leh tik tuk hi.
|
||
\p
|
||
\v 30 Na sialsiah mi thu cu a tu kum in a ham cawm thei mi ankung a ngah hei hihen, kumnih nak ten mah bang in a po mite hei hihen, nohten ei tuk uh ci. Kum thumnak ten anci vawhin cang at tuk uh ci. Cabit huan vang phut in a ngah ei un.
|
||
\q1
|
||
\v 31 Haksat nak pen luat in, a tang mi Judah miphun te a nuai pen a zungman leh in, a hum pen a ngah ngah haw tuk hi.
|
||
\q1
|
||
\v 32 A tang mite cu Jerusalem khuapi sungah hei hihen, haksat nak pen a luat tute cu Zion mual ah hei hihen, heng haw tuk. Vancung ngalkap Topa Pathian deihnak tampi hang mahmi thu cu khen tuk hi.
|
||
\p
|
||
\v 33 Mah hang, Pathian in Assyria kumpi camcawh in thu a piak mi a mah cu hi khuapi sungah tum tuk ma hi. Khuapi sungah thalcang kap tuk ma hi. Khuapi mai pen lumphaw tuah lak tuk ma hi. Khuapi a pawlam lei nguh cu vuk tuk ma hi.
|
||
\q1
|
||
\v 34 A hunnak lamzin pen pin leh tuk hi. Hi khuapi sungah lut tum tuk ma hi.
|
||
\q1
|
||
\v 35 Kei cu ka mitmai hei hihen, ka sila David mitmai hei zo in, hi khuapi pan tuk in cingkem tung hitin, Pathian in thu pia hi.
|
||
\p
|
||
\v 36 Mah ten Pathian vancung mi cu suak tul in, Assyria ngalkap buu sung pen mihing tingkhat le thawngsawmliat le thawngnga (185,000) dan tat hi. Zing khawma no thawhnak huncan a hen ten, a venghawng in thi khawng haw tuk.
|
||
\v 37 Assyria kumpi Shenacherib cu mah lai umnak mun pen tulin a pin kik leh cengten, Ninaveh khuapi ah um hi.
|
||
\v 38 Mah cengten a pathian Nisroch biakinn sung pen a biak laih tak in capa Adrammelech le Sharezer in a pa cu nam tuah a thah cengten, Armeria ngam ah tai haw hi. A capa Esharhaddon in a pai hihnak ah kumpi in khung hi.
|
||
\s Hezekiah kumpi a damnak dan
|
||
\c 38
|
||
\p
|
||
\v 1 Mahmi huncan ten Hezekiah kumpi cu thih natnak a vei hang, Amoz capa kamsang Isaiah cu hung in Pathian thupiak mi cu na inn sungsang thukhen in. Nang cu nung tuk ma ci, thi tuk ci tin thupiak mi cu don leh hi.
|
||
\v 2 Hezekiah kumpi cu pang lam ah a mit mai hek in Pathian nelah thungen hi.
|
||
\v 3 Kei cu na mai pen muantaak nak thukam cingkem in, a cangkim mi thinlung nunnak tuah na deihnak bang bawl mi thu phawk in. Keiman ngen ing hitin nasezet kap in Pathian nelah thungen hi.
|
||
\v 4 Mah cengten, Pathian awnkam Isaiah nelah heng in,
|
||
\v 5 Nang cu Hezekiah kumpi nelah na hawh cengten, na pa David Topa Pathian thu piak mi na thunget nak awnkam aw, keiman za zo ing. Na mit hitui vang keiman mu zo ing. Na kum heinga cu keiman pia bet tung.
|
||
\v 6-7 Nangmah le hi khuapi cu Assyria kumpi khut sung pen keiman pan tung. Hi khuapi cu ka cingkep tuk thu hilh in hitin, thupia hi. Isaiah in Pathian thupiak nak bang bawl tung hitin Pathian in na nelah a piak mi theihpih nak thu cu,
|
||
\v 8 Zo in. Ahaz hi ni tehnak nazi hum pen a thawn mi lim cu veisawm nungah kik leh hi.
|
||
\p
|
||
\v 9 Judah kumpi Hezekiah cu a natnak pen dam in ngat mi lai cu,
|
||
\v 10 Keiman daiden no ka um ten thihnak ngam kongka pi ah lut tum hima maw. A tanglaih mi kum te cu keiman sung zo hitin, ti ing.
|
||
\q1
|
||
\v 11 A nung mitei umnak mun ah Pathian cu keiman mu mang. Daihnak a um mite tuah phialnak hang, mihing te mu leh mang hi.
|
||
\q1
|
||
\v 12 Tuu khal deubuk bang, ka umnak inn bong in a dang umnak mun ah hawhpih zo. Thiambu bawl bang ka nunnak vang zial in, thiambu pen keimah siatsuah tuk hi. Nikhat sung in kei cu thi tik haw tuk hitin, keiman ti ing.
|
||
\q1
|
||
\v 13 Ka nguh a um mi hempoh te ektuah in, keiman pawpi hawk bang zinglam tian au ing. Nikhat sung in keimah thi tik tuk hitin, ti ing.
|
||
\q1
|
||
\v 14 Tititut vano le piangpial vano bang haam in khulo bang khuang ing. Ka mitcang tuah zo in, thakiam zo ing. Pathian aw, bawlsiat nak a thuak tu keima lamah um in.
|
||
\q1
|
||
\v 15 Itihbang in keiman son tuk hum? Keimah thukam pia zo. A thukam piak mi bang bawl zo. Ka nelah a tang laih mi kum hempoh ka thinkham nak phawk in dawm het no hawh tung.
|
||
\q1
|
||
\v 16 Pathian aw, mah tihbang hang nung ing. Mahmi thu hempoh sung pen ka hawvang nunnak kho hi. Nangman ka natnak te dam tikin keimah nung tik ci.
|
||
\q1
|
||
\v 17 Ka thuak mi haksat nak dam zo. Ka hawvang cu hehpih in siatnak khuk sung pen pan zo. Ka sualnak hempoh nunglam ah vawk sak zo.
|
||
\q1
|
||
\v 18 A thungai in thihnak ngam minthan cu thangphat nak um ma hi. A thi mipan thangphat nak lasa tuk ma hi. Khuk sungah a tolhsuk mipa cu thukam muansan nak um ma hi.
|
||
\q1
|
||
\v 19 A nunnak a nei mipa, nunnak a nei mipa bek in tuni ka bawl mi bang thangphat tuk hi. A pan a catei lakah muantak nak thu lak tuk hi.
|
||
\q1
|
||
\v 20 Pathian in keimah pan zo. Mah hang, kohten nun ni sung biakinn sung pen phaidak tum in lasa tuk ung.
|
||
\p
|
||
\v 21 Isaiah in theipi ngah pumkhat cu thawi in a ngawi keh cengten a natnak ah belh hen. Mah tihcun bawl tale kumpi cu dam leh tuk hitin, ti hi.
|
||
\v 22 Hezekiah kumpi cu biakinn sungah hawh tuk a um ten i theihpih nak thu um hum tin, dong hi.
|
||
\s Babilon pen thuthang puak tu kamtai tei lakah thu hempoh a hilh nak
|
||
\c 39
|
||
\p
|
||
\v 1 Mah huncan ten Baladan capa, Babilon kumpi Merodachbaladan in Hezekiah kumpi cu na in a dam nak thu a zak ten, itnak lai le laksawng keng in thuthang puak tu kamtai hah hi.
|
||
\v 2 Hezekiah kumpi in a muhte a hennak hang, lungdam in sui innpi pen sui, ngun, ngimnam tui namkim, a man nei mi ngimnam tui sathau, ngalhiam nam van hempoh lak hi. Kumpi inn pen pan uknak ngam sung hempoh a lak ngawl mi thu pakhat no hei um ma hi.
|
||
\v 3 Mah ten kamsang Isaiah in Hezekiah kumpi nelah hawh in a mun ithu son haw hum? A lai ngam pen a ma nelah hung haw hum tin a dot ten, Hezekiah kumpi in a khuala pi umnak mun Babilon ngam pen hung haw hitin, don leh hi.
|
||
\v 4 Kumpi inn sungah ite mu uh cim tin a dot leh ten Hezekiah kumpi in, kumpi inn sungah a um mi hem poh te mu ung. Van koih nak sung pen ka lak ngawl mi pakhat no hei um ma hitin, don leh hi.
|
||
\v 5 Mah ten Isaiah in vancung ngalkap Topa Pathian thu cu ngai in.
|
||
\v 6 Kumpi inn sungah a um mi hempoh hei hihen, Babilon khuapi sungah matnak huncan heng tuk hi. Pakhat no hei tang tuk ma hitin, Pathian in thupia hi.
|
||
\v 7 Nangmah tuah peh tuahnak a nei mi na tu le canawn te long in a mun Babilon kumpi inn sungah tilngeh bawl haw tuk hitin, Hezekiah kumpi nelah hilh hi.
|
||
\v 8 Hezekiah in na hilh mi Pathian thu cu pha hi. Ka khut sung pen daihnak le himdam nak um tuk hitin, Isaiah in ti hi.
|
||
\s Pathian miphun tei lakah a nepnak
|
||
\c 40
|
||
\p
|
||
\v 1 Nohtei Pathian thupiak mi cu ka miphun te nem un. Nem un.
|
||
\q1
|
||
\v 2 Ngalkap na dehnak huncan kim zo. Na sualnak vang ngaidam zo hitin, Jerusalem khuapi nepnak awnkam cu hilh in au un. Itahum titale, Pathian khut sung pen a sualnak hang a letnih in thuak zo.
|
||
\p
|
||
\v 3 Ngam sung pen au tupai aw cu Pathian hawhnak lamzin lem un. Ohtei Pathian lamzin cam tik un.
|
||
\q1
|
||
\v 4 Hawkluam umnak hempoh te dip un. Mualpi, mualneu hempoh te subal tuk hi. A kawi mi lamzin te cam tik tuk hi. Lamzin a bingbo te vang zalh in bawl tuk hi.
|
||
\q1
|
||
\v 5 Pathian minthan nak heng in mi hempoh ten mu haw tuk hitin, Pathian awnkam thu suak um hi.
|
||
\q1
|
||
\v 6 Mah cengten mahmi aw cu au un hitin ti a tih ten, keiman ithu au tuk hum tin ka dot ten miphun hempoh te hampa kung hi. Miphun tei minthan nak hempoh vang ngam sung pak bang hi.
|
||
\q1
|
||
\v 7 Pathian huih a theu ten hampa cu thim in ko tuk hi. A pak vang zulh tuk hi. A thungai in mihing te cu hampa in cang haw tuk.
|
||
\q1
|
||
\v 8 Hampa kung cu thim in ko thei hi. A pak vang zulh thei hi. Pathian awnkam thu cu a cat ngawlin kho tuk hitin, ti hi.
|
||
\q1
|
||
\v 9 Zion mual humah lungdam nak thuthangpha a pua tu, a sang mi mual hum ah kai un. Jerusalem khuapi sungah lungdam nak thuthangpha a pua tu nging zet in aw cu au un. Nohtei Pathian cu zo un hitin, Judah khua hempoh ah hilh un.
|
||
\q1
|
||
\v 10 Zo un. A nung mi Pathian huham thawmngeng nak tuah hung in, a khut thawmlian tuah uk tuk hi. Ohtei co tak mi thaman keng in laksawng cu a mai ah um hi.
|
||
\q1
|
||
\v 11 A tuu te cu tuukhal tu bang cawm tuk hi. Tuu no te cawi in pompai tuk hi. Ca a nei mi tuu nu te vang him no lamhuai tuk hi.
|
||
\q1
|
||
\v 12 Tuipi cu khut tuah a teh thei, vanhum cu khut tuah khap a teh thei tu, leivul cu kho tuah a teh thei mi mualpi cu cuai tuah in hihen, mual neu te cu katta cuai tehnak tuah hei hihen a teh tupa cu a kua hum?
|
||
\q1
|
||
\v 13 Pathian hawvang cu a kon cek thei hum? Mahmi Pathian cu thusiam in a kon ngaihsut nak pia thei hum?
|
||
\q1
|
||
\v 14 A kua tuah thusiam khawm hum? Mahmi Pathian cu a kon thu hilh hum? Mahmi Pathian cu thudik lamzin a lak tu, cihnak a pia tu, theihnak lamzin a pia tupa cu a kua hum?
|
||
\q1
|
||
\v 15 Miphun hempoh ten tuibung pen a cak mi tui bang a hih hang, cuai tehnak pen leivul themno bang ngaihsut nak um hi. Tuipi kulh te vang a tham thei mi leivul themno bang cang haw tuk hi.
|
||
\q1
|
||
\v 16 Lebanon ngam tukhang cu meilap nak tuk tham ma hi. Mahmi tukhang sungah a um mi ngamsa te vang meihal biakpiak nak tuk tham ma hi.
|
||
\q1
|
||
\v 17 Miphun hempoh te imah a hih ngawl bangin a mai pen cang haw tuk. Imah a hi ngawl mi thu sang a neu saw mi bang in hihen, imah a thupi ngawl bang ngai sung hi.
|
||
\q1
|
||
\v 18 Mah hang, Pathian cu itihbang in lak tuk hum? Pathian cu a kua tuah a mel bang hum tin son tuk mi maw?
|
||
\q1
|
||
\v 19 Khut tuah bawl thiamnak a nei tupan zuk milim cu siluan in sui bawl thiam tupan sui tuah a belh cengten, sum khau vang bawl thei hi.
|
||
\q1
|
||
\v 20 Man a nei mi a lu cu a lu thei ngawl tupan a muat thei mi thing cu a ten cengten, a tu thei ngawl mi zuk milm bawl tuk in thiamzet a bawl thei mi khut tuah bawl thiamnak a nei tupa zei thei hi.
|
||
\q1
|
||
\v 21 Nohten thei ma uh cim maw? Za haw ma maw? A pat pen pan in nohtei lakah hilh ma maw? Leipi a kho nak thu thei ma uh cim maw?
|
||
\q1
|
||
\v 22 Leihum a luumpi hum ah khung in, leihum mite khau bang a ngaisung tu vanhum cu khuh in umnak buk bang a phalh tu,
|
||
\v 23 Kumpi te zawt dem in leihum thukhen tu hempoh imah a thupi ngawl in a cang tik tupa hi.
|
||
\q1
|
||
\v 24 A thungai in a muhte phut ma hi. A thungai in a muhtei anci cu vawh ma hi. A thuangai in a muhtei a kung te leipi sungah a zungman tuk ma hi. A muhtei hum ah a sialsiah nak hang, a muhte cu thim ko in simpei huih theu ten cangvai bang theucih vawk tuk hi.
|
||
\q1
|
||
\v 25 Mah hang, keiman a kua zuam tuk hum? Kei cu a kua tuah bang ve tuk hum tin a thiangtho mi Pathian cu dong hi.
|
||
\q1
|
||
\v 26 Humlam ah cuan in zo un. Mahmi na hempoh te a kon bawl hum? Aksi hempoh te vang pakhat nung pakhat lak hi. Pakhat tek in a min sam hi. Thazang ngilnak nei in huham tuah a dim hang, pakhat no hei lang ngawl in um ma hi.
|
||
\q1
|
||
\v 27 Jakop miphun aw, na hawhnak lamzin Pathian in thei ma hitin a kon son thei hum? Isarel miphun te aw, na bawl mi thu na Pathian in thei ma hitin a kon son thei hum?
|
||
\q1
|
||
\v 28 Pathian cu a cat ngawl a kho mi Pathian a hihnak hei hihen, leihum hempoh a bawl tupa a hihnak thu hei hihen, thacawlnak, cimnak le kham nak um ma hi. A bo thei ngawl mi theihnak thu hei hihen, nangman za awng ma cim maw?
|
||
\q1
|
||
\v 29 Mahmi Pathian in thacawl mite ngilnak pia tuk hi. Tha nem mite thazang ngilnak a dim in pia tuk hi.
|
||
\q1
|
||
\v 30 Tangval ten thacawl in cim le kham nak ah heng haw tuk. Tangval naupang in khengkha in bah haw tuk.
|
||
\q1
|
||
\v 31 Pathian muansan nak a nei mite cu tha ngilnak dim haw tuk. Mu vanlai bang a muhtei ha te cu a thak in bawl tuk hi. Khual a zin ten a tai ta vang tha cawl haw tuk ma hi.
|
||
\s Bawmtu, kho tik tu
|
||
\c 41
|
||
\p
|
||
\v 1 Tuikulh nak ah a um mite aw, ka mai pen daiden no um un. Miphun hempoh te aw, thazang ngilnak a thak tuah nek in hilh un. Thukhen nak tawk tuk hung.
|
||
\q1
|
||
\v 2 Dikcang nak thupha a zui thei mipa cu nisuah nak ngam pen a kua heng tik tuk hum? Miphun hempoh te a ma nelah ap in kumpi hempoh te uk tik tuk in a kon thukhen tuk hum? Ngal te cu a ngalnam mai pen leivul bang in hihen, a thalcang mai pen a leng mi cangvai bang in hihen a kon cang tik hum?
|
||
\q1
|
||
\v 3 Ngal ten hil haw. A hawh awng ngawlnak lamzin pen haksat nak um ngawl in hawh hi.
|
||
\q1
|
||
\v 4 Mahmi thu te bawl in a pat pen pan miphun a khang a peh a sam tupa cu a kua hum tihmi cu a masa bel mipa a hih hang, a dawl ta bel a muhte tuah a um tu ka Pathian hi.
|
||
\q1
|
||
\v 5 Tuikulh nak ah um tuten mu in lau haw. Leihum hempoh ah a um miten launak thinlung nek in hulawm haw hi.
|
||
\q1
|
||
\v 6 Inn nel pakhat le pakhat bawm dun in U le nau pakhat le pakhat laupah sun hitin, son haw hi.
|
||
\q1
|
||
\v 7 Mah tihcun Lettama thiam tupan sui bawl thiamnak a nei tupa sosuah thei hi. Thikpim tuah a mam tik tupa cu sobul tuah a khen tupan sosuah in siluan nak pha hitin, ti thei hi. Zuk milim thawn tik tuk ngawlin thikpim tuah khen hi.
|
||
\q1
|
||
\v 8 Ka sila Isarel ka ten mipa Jakop ka ngualcam Abraham capa,
|
||
\v 9 Leipi mawk ka khut pen len in a sam tupa nang cu ka sila hi ci tih hei in hihen, keiman nangmah teng zo ing. Nangmah cu zam san tuk mang hi tih hei in hihen, thukam a co tupa,
|
||
\v 10 Lau pah sin. Kei cu nangma lam ah um ing. Na Pathian keiman nangmah kho tik tung. Bawm tung. Ka dikcang nak taklam khut tuah dom tung.
|
||
\q1
|
||
\v 11 Na nelah thinuuk nak a nei tuten zahcak mualpho nak tuah mit maisia in um haw tuk. Nangmah a do tute cu imah a hi ngawl mi bang a hih hang, siatnak ah heng haw tuk.
|
||
\q1
|
||
\v 12 Nangmah a do tu hempoh te na zei ta vang mu tuk ma ci. Nang mah a do tute cu imah a hi ngawl mi bang in hihen, a thupi nak imah a um ngawl bang cang haw tuk.
|
||
\q1
|
||
\v 13 Itahum titale, na Topa Pathian in laupah sin. Keiman bawm tung hitin nangmah hilh in na taklam khut pen len tuk hi.
|
||
\q1
|
||
\v 14 Tenghol Jakop aw, miphun dawm Isarel laupah sin. Kei cu nangmah bawm tupa ing. Nangmah a teng tupa cu Isarel miphun tei a thiangtho mi Pathian hitin, Pathian in thupia hi.
|
||
\q1
|
||
\v 15 Keiman nangmah cu ha a nei mi canglial nak tuk, cet a thak in cang tik tung. Nangman mualpi te ngawi keh tuk ci. Mualneu te cangvai bang cang tik tuk hi.
|
||
\q1
|
||
\v 16 A muhte a zap hang huih in theu cih vawk tuk hi. Huih theu pi in tai tuk hi. Nang cu Pathian sungah lungdam tuk ci. Isarel miphun tei a thiangtho mi Pathian sungah minthan nak co tuk ci.
|
||
\q1
|
||
\v 17 Haksa mizawng le ningkial miten tui zei in mu haw tuk ma hi. Dangdum in a lei ko ten keimah Pathian in a muhtei awnkam ngai tung. Isarel miphun tei Pathian a himi keiman, a muhte zam san tuk mang.
|
||
\q1
|
||
\v 18 A sangnak munpen ngun tui hei hihen, a niamnak munpen ciktui hei hihen, a ko mi umnak munpen ciktui nung hei hihen keiman cang tik tung.
|
||
\q1
|
||
\v 19 Ngam tukhang sung pen cedar thingkung, shittah thingkung, myrtle thingkung, olive kung hei hihen, ngamlak pen cak thingkung, mikang cak kung, thinghing ceh a nei thingkung no te hei tokhel in phut tung.
|
||
\q1
|
||
\v 20 Mah hang, Pathian in hi thu khensak in Isarel miphun tei a thiangtho Pathian bawl mi thu cu a mun a muh hang, ngaihsut thiamnak nei haw tuk hi.
|
||
\q1
|
||
\v 21 Nohtei thu lak un hitin, Pathian in thupia hi. Nohten a kho mi thu theihpih nak te lak un hitin, Jakop miphun tei kumpi thupia hi.
|
||
\q1
|
||
\v 22 Pholh suah in kamsang thu te kohtei lakah lak haw hen. A masa in a cang awng mi thu te itin cang awng hum tin, ohten ngaisung in mahmi a tawpnak thu thei tuk in hilh haw hen. Mah a hima tale, a cang tuk mi thu te kohtei lakah hilh haw hen.
|
||
\q1
|
||
\v 23 Nohten Pathian hihnak thu cu kohten thei tuk in a cang tuk mi thu te lak un. Pakhat le pakhat mu thei tuk in a pha mi thu a pha ngawl mi thu pakhat cu bawl un.
|
||
\q1
|
||
\v 24 Nohten imah a hi ngawl mi thu sang in siasuak saw zo uh ci. Nohtei thu vang imah a hi ngawl mi thu sang in sia saw hi. Nang muhte a teng tupa cu a dindeih huai hi.
|
||
\q1
|
||
\v 25 Saklam pen mihing pakhat cu keiman heng tik in a mah cu hung tuk hi. Ni suahtul nak pen hung in, ka min tuah thungen tuk hi. Bel bawl tupan lei bel a cilpek bang, a mah cu uktu hihnak in leibel sialsiah nak in cil pek tuk hi.
|
||
\q1
|
||
\v 26 Ohtei theih tuk in a pat pen pan a mah cu hung tuk hi. Man zuh hitin kohten son thei tuk in a masa a kon phuang tuk hum? A hilh tu pakhat no hei um ma hi. Nohtei awnkam a za tu pakhat no hei um ma hi.
|
||
\q1
|
||
\v 27 Hi tihbang thu te cang haw tuk hitin a masa keiman Zion khuapi cu hilh ing. Lungdam nak thuthangpha a phuang tute vang Jerusalem khuapi ah keiman hah tung.
|
||
\q1
|
||
\v 28 A muhte ka zohten pakhat no hei um ma hi. A muhtei sungah ngallin nak, a pia thei tu pakhat no hei um ma. Phuang leh thei tuk in a muhte ka dong ta vang,
|
||
\v 29 A venghawng in a thupi nak imah um haw ma. A muhtei thu vang imah ma hi. A muhtei siluan mi zuk milim te vang noksak nak tuah um hi.
|
||
\s Hawvang a nei mi Pathian sila
|
||
\c 42
|
||
\p
|
||
\v 1 Keimah bawm tu ka sila pa, ka deih ten mipa cu zo un. A ma hum ah ka hawvang kho tik tung. A mah cu miphun hempoh thukhen tuk hi.
|
||
\q1
|
||
\v 2 A aunak, aw suah ngawl nak, lamzin pen a aw za tik tuk ma hi.
|
||
\q1
|
||
\v 3 A cilpek in a um mi pumpeng kung ek tuk ma hi. A neu mi mei khau cu mit tuk ma hi. Thudik tuah a kho nakah heng tuk in thukhen tuk hi.
|
||
\q1
|
||
\v 4 Leihum ah thu a khen laih ngawl tian thakiam ngawl, lungkham ngawl in um hi. Tui kulh ah a um tu miten a ma dan thu ngak haw tuk hi.
|
||
\q1
|
||
\v 5 Vanhum a bawl tu a muhte subal tu Pathian thupiak mi leipi a phalh tu, mah sung pen a suak mipa, mah hum pen mihing hempoh te haihawh in, mah umnak sung pen a nung mitei lakah hawvang a pia tupa,
|
||
\v 6 Pathian in nangmah cu dikcang nak tuah sam hi. Na khut zak in miphun dang ten vaknak co tuk in, mihing tampi te tuah a bawl mi thukhaam cu nangmah pia tuk hi.
|
||
\q1
|
||
\v 7 A mit honsak tuk in hihen, thongta mipa cu thong pen in hihen, khuathim sungah a um mite cu thonginn sung pen suah tuk in hihen,
|
||
\v 8 Kei cu Pathian ing. Mahmi min cu ka min hi. Ka minthan nak cu zuk milim te hei hihen, keiman pia mang.
|
||
\q1
|
||
\v 9 A masa phuan mite thu te cang haw zo. A thak mi thu cu a tuin keiman phuang ing. Ka hun laih ngawlin nohtei lakah hilh ham zo ing.
|
||
\s Pathian thangphat nak la
|
||
\q1
|
||
\v 10 Tuipi a tan tupa pen pan tuipi sungah a um mi hempoh te le tuikulh sungah a um mite, mahmi umnak mun ah a um tu hempoh te aw, Pathian cu la thak tuah thangphat nak la sa un. Leipi a tawpnak pen a mah thangphat un.
|
||
\q1
|
||
\v 11 Ngam lak le ngamlak sungah a um mi khua hempoh Kedar umnak mun miphun te aw aunak nei ta un. Suang sungah a um mite aw lasa un. Mual lek humpen au ta un.
|
||
\q1
|
||
\v 12 Pathian cu thangphat in tuikulh umnak munpen a minthan nak cu thangphat haw hen.
|
||
\q1
|
||
\v 13 Pathian cu ngalkap bang hung in ngalkap bang a thinlung sung pen sosuah tuk hi. Aunak nei in ngal tei a langlam pen thasuah haw tuk hi.
|
||
\q1
|
||
\v 14 Keiman huncan ngeipi daiden no um zo ing. Mah tihcun um in sup tuk maw? Nau hin cimnak a thuak tu numei bang au tung. Keiman siatsuah tung.
|
||
\q1
|
||
\v 15 Mualpi, mualneu te ko tuk hi. A muhtei thingkung hempoh vang vuai tuk hi. Ngun tui te vang mual in cang tuk hi. Tuipi te vang kang tuk hi.
|
||
\q1
|
||
\v 16 Mitcaw mite cu a muhtei theih ngawlnak lamzin pen keiman pui tung. A muhtei theih ngawlnak ah khualzin tuk hi. A muhtei mai pen khuathim cu vak tik tuk hi. A kawi mi lamzin vang cam tik tuk hi. Mah tihbang mi lungdam nak bawl tuk hi. A muhte zam san tuk ma hi.
|
||
\q1
|
||
\v 17 Siluan mi zuk milim belin nangmah cu kohtei pathian hi ci tin a titu te cu donak thuak haw tuk hi, nasezet mualpho zahcak nak ah heng haw tuk.
|
||
\s Mitcaw, bengngong hang siatsuah nak co
|
||
\q1
|
||
\v 18 Beng ngong mite aw, ngai un. Mitcaw mite aw, nohten mu tuk in zo un.
|
||
\q1
|
||
\v 19 Ka sila pa sial ngawl a kon mitcaw hum? Ka hah mi thuthang puak tu kamtai pa bang a kon beng ngong hum? Ka ngualcam bang a kon mitcaw hum? Pathian sila bang a kon mitcaw hum?
|
||
\q1
|
||
\v 20 Nang cu tampi mu napi in ngaisung thei ma ci. Beng hong in um napi za thei ma ci.
|
||
\q1
|
||
\v 21 Pathian a dikcang nak hang, lungkim nak tuah a dan thu khaisang in minthan nak tuah dim tik tuk hi.
|
||
\q1
|
||
\v 22 Hi miphun cu siatsuah nak a co tu miphun hi. A um mi hempoh te khuk sungah koltang in, thonginn sungah ngelh in um haw. Siatsuah nak a cang ten a kua mah in bot tuk ma hi. Londun nak a um ten pia leh un hitin, a kuamah in ti tuk ma hi.
|
||
\q1
|
||
\v 23 Nohtei sung pen a kon hi awnkam thu ngai tuk hum? Tunung huncan ca a kon thei in siatsuah tuk hum?
|
||
\q1
|
||
\v 24 Londun nak mun cang tik tuk in Jakop hei hihen, misuam thei mitei khut sung pen Isarel hei a kon ap hum? Ohtei sual bawl mi cu Pathian nelah ap hima maw? A mun a nungpen dan thu zui ngawl um haw.
|
||
\q1
|
||
\v 25 Mah hang a thinuuk nasezet suak in ngaldo nak cu a muhtei hum ah a buak hang a mu elkim cu meihal hi. Mah naven, a mun thei haw ma. Meikang naven ngalling ngawl in um haw.
|
||
\s Huncan a phunnam kim pen nunpan tu Pathian
|
||
\c 43
|
||
\p
|
||
\v 1 Jakop miphun, Isarel hinnam aw, nangmah a bawl tu Pathian thupiak mi cu lau pah sin. Keiman nangmah teng zo ing. Ka min tuah sa zo. Nang cu keima ta hi ci.
|
||
\q1
|
||
\v 2 Nang cu tui hum ah na hawh ten nangmah tuah um ing. Ngun tuipi hum ah na hawh ta vang nim tuk ma ci. Mei na cil ta vang kang tuk ma hi. Mei alh vang lawn tuk ma hi.
|
||
\q1
|
||
\v 3 Itahum titale kei cu na Topa Pathian ing. Nangmah a teng tu Topa, Isarel miphun tei a thiangtho mi Pathian ing. Nangmah teng tuk in Izip ngam pen hei hihen, nangma ca tuk Cush ngam le Seba ngam hei hihen keiman pia ing.
|
||
\q1
|
||
\v 4 Nang cu ka ihmi na hih hang minthan nak um zo. Keiman it ing. Mah hang, na ca in miphun hei hihen, na nunnak ca miphun te hei hihen keiman pia tung.
|
||
\q1
|
||
\v 5 Lau pah sin. Kei cu nangmah tuah um ing. Nisuah nak lamzin pen na miphun te keiman pui tung. Nitum nak lam pen nangmah pui tung.
|
||
\q1
|
||
\v 6 Ap in hitin nisuah nak lam pen hei hihen, sel pah sin hitin hanglam pen hei hihen keiman hilh tung. Ngam khuala nak mun leipi mawk pen ka canu le capa tih mi cu,
|
||
\v 7 Ka min tuah a sam tu ka minthan nak tuk keiman bawl in a thungai a bawl sa mi hempoh pui tuk hitin, keiman hilh tung.
|
||
\q1
|
||
\v 8 Mit nei napi in mitcaw pa le beng nei napi in beng a ngong mite pui in.
|
||
\q1
|
||
\v 9 Miphun a honpi hempoh te hulawmkhawm haw tuk hi. A muhtei sung pen a kon hi thu hilh tuk hum? A masa in a cang mi thu cu a kon hilh tuk hum? A muhte mawhsiat nak thu pen luat tuk in theihpih nak thu lak haw ta hen. Mah a hima tale a thungai in hih tihbang a man mi hitin, lungkim haw ta hen.
|
||
\q1
|
||
\v 10 Pathian thupiak mi cu nohten keimah sialsiah theihnak tuah um in, keiman man zo hitin thei tukin, keimah theihpih thu ka ten mi sila te hi. Ka mai pen a bawlnak sungah ai Pathian hei cang tuk ma, ka nungpen hei in imah Pathian um tuk ma hi.
|
||
\q1
|
||
\v 11 Keimah sial ngawl nunpan thei tu Topa Pathian a dang um ma hi.
|
||
\q1
|
||
\v 12 Kei cu thuphuan ham nak bang pan zo ing. Keiman hilh ham zo ing. Nohtei sung pen a dang Pathian in hilh ham tuk ma hi. Kei cu Pathian a man ing hitin nohte cu keimah theihpih tute hi uh ci.
|
||
\q1
|
||
\v 13 Hun le can a um laih ngawl in kei cu Pathian ing. Ka khut sung pen a kuamah in long thei ma. Ka bawl mi thu te vang a kuamah in khaksak thei tuk ma hitin, Pathian in thupia hi.
|
||
\s Pathian phatnak le a hehpih bawlnak te
|
||
\q1
|
||
\v 14 Nang muhte a tan tu Topa, Isarel miphun tei a thiangtho mi Pathian thupiak mi cu keiman nohtei ca Babilon khuapi ah hah in a tai mi khua sung mite le Chaldean miphun te, a muhtei lungnop nak tembaw ah hawh tuk hi.
|
||
\q1
|
||
\v 15 Kei cu nohtei a thiangtho mi Pathian, Isarel miphun a bawl tu Pathian, nohtei kumpi ing.
|
||
\q1
|
||
\v 16 A nasezet mi tuipi sungah lamzin a bawl tu,
|
||
\v 17 Leng te, cipuh te tuah ngalkap a venghawng a pui tu a muhte tho thei tuk ngawl in hihbu tik tu mei alh nak khau ngui a mit tik tu Pathian thu piak mi cu,
|
||
\v 18 A cang awng zo mi thu phawk pah sun. Tanglaih thu te thupi in bawl pah sun.
|
||
\q1
|
||
\v 19 Zo in. Thu thak vang bawl tuk laih ing. A tuin heng tuk hi. Nohten a thungai in mu tuk uh ci. A thungai in ngam sung pen lamzin hei hihen, munlawn pen ngun tui te hei hihen, keiman bawl tung.
|
||
\q1
|
||
\v 20 Cingne le kalauk vano pen pan ngam sung sahang ten ka minthan nak thangphat haw tuk. Itahum titale, ka ten mipa, ka miphun tei in tuk ngam sung pen tui tampi hei hihen, munlawn nak ah ngun tuipi te hei hihen, keiman pia tung.
|
||
\q2
|
||
\v 21 Nangma ca ka bawl mi miphun thangphat nak keiman lak tung.
|
||
\q1
|
||
\v 22 Mah naven Jakop miphun aw, nangman keimah sam ma ci. Isarel miphun aw, nangman keimah ciatzet zo hima cim maw?
|
||
\q1
|
||
\v 23 Meihal nak tuu no cu ka nelah keng ma hi. Biakpiak nak hang keimah cu khaisang ma hi. Keiman nangmah a lu piak nak tuah na dek tik mang hi. Ngimnam tui ngen in nangmah cim le kham tik pah sin.
|
||
\q1
|
||
\v 24 Nangman a hum mi zutau cu sum tuah lei ma ci. Na biakpiak nak sathau te keimah cawm tu hima hi. Mah naven na sualnak tuah keimah na dek tik zo hima maw. Sualnak bawl in keimah cim le kham tik zo hima maw.
|
||
\q1
|
||
\v 25 Keimah pakhat bek in nangma ca na sualnak te laksak tung. Na sual bawlnak te phawk tuk mang hi.
|
||
\q1
|
||
\v 26 Keimah ngallin nak pia in. Dikcang nak ah heng tuk phuang in.
|
||
\q1
|
||
\v 27 Na pa a masa cu sualnak bawl zo. Na saza ten keimah sual bawl haw zo.
|
||
\q1
|
||
\v 28 Mah hang, a thiangtho mi umnak mun uktu te keiman zawt dem zo ing. Jakop miphun tamsiat nak hei hihen, Isarel miphun mawhsiat tu hei hihen, thuak tik tukin keiman vawk zo ing.
|
||
\s Pathian tennak a co mi Isarel miphun
|
||
\c 44
|
||
\p
|
||
\v 1 A tuin, ka sila Jakop ka ten mi Isarel ngai in.
|
||
\q1
|
||
\v 2 Nangmah bawl tu Pathian, na hin pen pan tunung ten bawm tu Pathian thupiak mi cu ka sila Jakop ka ten mipa Jesharun, lau pah sin.
|
||
\q1
|
||
\v 3 Itahum titale, dangdum mipai hum ah tui buak in, a ko mi lei cu tuipi khuh tik tuk hi. Na miphun hum ah ka hawvang hei hihen, na miphun hinnam hum ah ka muicu thupha hei hihen, keiman buak tung.
|
||
\q1
|
||
\v 4 A muhte vang tui bul paknem thingkung bang, hampa kung lak lawh pen po haw tuk hi.
|
||
\q1
|
||
\v 5 Pakhat pan kei cu Pathian mihing ing hitin, tin ti tuk hi. Pakhat pan Jakop min tuah a mah le mah cu sam tuk hi. Pakhat pan Pathian mihing ing hitin a khut tuah bawl in Isarel minthak cu a mah le mah sam tuk hi.
|
||
\s Zuk milim cu nunnak um ma hi, nemcuam nak pia thei ma hi
|
||
\q1
|
||
\v 6 Isarel miphun tei kumpi Pathian, Isarel miphun a teng tu vangcung ngalkap Topa Pathian thupiak mi kei cu a masa bel pa le a dawl tabel pa ing. Keimah sial ngawl Pathian dang um ma hi.
|
||
\q1
|
||
\v 7 Tang laih miphun ka piak pat pen pan keimah bang a kon nate keima ca sam in pholhsuah lak thei tuk hum? A cang li mi thu le a cang tuk laih mi thu te a muhtei lakah lak haw hen.
|
||
\q1
|
||
\v 8 Laupah sun. Laupah sun. A bosa huncan cu keiman hilh in lak zo hima maw? Nohte cu ka theihpih mite hi uh ci. Keimah sial ngawl Pathian dang um maw? Keimah sial ngawl a zung bulpi um ma hi. Pakhat no hei kaiman thei mang hi.
|
||
\q1
|
||
\v 9 Zuk milim a bawl tu hempoh te a thupi nak imah um haw ma. A sahelh miten nemcuam nak pia thei haw ma hi. Kohten mu thei ma ung. Theih thiamnak nei ma ung hitin zahcak mualpho nak thu cu a muh loli theihpih nak thu nei haw zo.
|
||
\q1
|
||
\v 10 Pathian a bawl tu nemcuam nak a pia thei ngawl mi zuk milim siluan tupa cu a kua hum?
|
||
\q1
|
||
\v 11 A ngualcam phialpih hempoh mualpho haw tuk hi. A bawl tute cu mihing hi haw hi. A um mi hempoh te hulawm in tho haw hen. Thakhat thu in launak heng haw tuk.
|
||
\q1
|
||
\v 12 Pumsu thiam pan heipi bawl tuk meiling sungah em in, a khut thasuah sobul tuah su thei hi. A ningkial ten thakiam thei hi. Tui a in ngawl ten cawl thei hi.
|
||
\q1
|
||
\v 13 Lettama pan khau lin in a hiam tuah sialsiah nak a bawl hang, lettama van tuah a bawl cengten inn ah um tukin, kompas tuah ngan in mihing minthan nak tel tukin mihing mel bang su thei hi.
|
||
\q1
|
||
\v 14 A ma ca tuk cedar thingkung te phukin, cak thingkung phunnam, oak thingkung te teng in ngam sung thingkung phunnam kim sung pen khang tik hi.
|
||
\q1
|
||
\v 15 Mihing man tuk thing in cang hi. Mihing ten la in mei awi thei hi. Mei lam leh in moh awm thei hi. Mah cengten pathian cu bawl in bia thei haw hi. Zuk milim cu su pek in milim mai pen bopkhup bia thei haw.
|
||
\q1
|
||
\v 16 Mahmi thingtawg tuah meilam thei haw. Mahmi thingtawng a langlam tuah sa huan in ei thei hi. Em cengten kham pek in ei thei hi. Mah cengten mei awi in ee, lum zo hi. Mei mu zo tin son thei hi.
|
||
\q1
|
||
\v 17 A tang mi thingthu mawk cu zuk milim pathian bawl in mahmi zuk milim mai pen bopkhup in bia hi. Nangmah cu ka Pathian hi ci. Keimah pan in hitin, thungen thei hi.
|
||
\q1
|
||
\v 18 Mah tihbang in a bawl tupa cu cihnak nei ma hi. Theihnak nei ma hi. Mu thei tuk ngawl in mit hei hihen, thei tuk ngawl in a thinlung khahsak hi.
|
||
\q1
|
||
\v 19 Kei cu a lang lam thingthu tuah meilam zo ing. Mei ling hum pen moh em zo ing. Sa vang em in ei zo ing. A tang laih mi thingthu mawk cu a dindeih huai in cang hima maw. Thingtum cu keiman bopkhup in bia tung maw tin, a thinlung sung pen a ngai sung thei mi theihnak, a neih mi imah um ma hi.
|
||
\q1
|
||
\v 20 A man vut cu ei thei hi. Sil nak thinlung tuah lamzin pial zo. Mah hang, a hawvang cu a man khen thei ma hi. A taklam khut cu sual hitin ngaisung thei haw ma hi.
|
||
\q1
|
||
\v 21 Jakop miphun aw, hi thu te ngaisung in. Isarel miphun aw, nang cu ka sila hi ci. Nang cu ka bawl mi na hih hang, nang cu ka sila hi ci. Isarel miphun aw, nang cu keimah phawk ngil tuk ma ci.
|
||
\q1
|
||
\v 22 Na sual bawl te meingo pi bang in hihen, na sualnak te meingo bang in tham tik zo. Ka nelah pin leh in. Nangmah cu keiman tan zo ing.
|
||
\q1
|
||
\v 23 Vanhum te aw, lasa un. Pathian in bawl sak zo. Leipi nuai ah a um mite aw, au un. Mual te, ngampi thingkung te aw, thangphat nak aw pia un. Pathian in Jakop cu tan zo. Isarel hang minthan nak lang zo.
|
||
\s Jerusalem khuapi ah a um lehnak
|
||
\q1
|
||
\v 24 Nangmah cu tan in na hin pen pan nangmah a lem tu Pathian thupiak mi vanhum cu keimah bek in phalh in, leipi cu ngualcam um ngawl phah in ihempoh a bawl tu Pathian hi.
|
||
\q1
|
||
\v 25 Kei cu hilh sual saza te siatsuah thei ing. Khut lam a zo thiam te sil tik thei ing. Cihnak a nei mitei cihnak cu lumlet in sil tik thei ing.
|
||
\q1
|
||
\v 26 Keiman ka sila awnkam kho tik in, ka thuthang puak tu kamtai tei phuan mi bang bawl thei ing. Jerusalem khuapi cu nohten sa tuk uh ci. A cim mite keiman lem leh tung hi tih hei in hihen, ti hi.
|
||
\q1
|
||
\v 27 Tuipi te vang mual in cang tik hi. Na ngun tui hempoh te keiman kang tik tuk hi tih hei in hihen,
|
||
\v 28 Cyrus kumpi in nang cu ka tuukhal hi ci. Ka deihnak hempoh kim tikin, Jerusalem khuapi cu sa hen. Biakinn a tawphah khuam phut tuk hi tih hei in hihen keiman thupia ing.
|
||
\c 45
|
||
\p
|
||
\v 1 Pathian piak hang, sathau a noih mi Cyrus kumpi nelah thu a piak mi, mi pakhat taklam khut cu keiman dom in, mi pakhat mai pen ngam hempoh bawlsiat in kumpi tei ngalhiam nam van te duk in luhtum nak kongkhah te a honsak hang, a sunglam tum nak kongpi te khak ngawl in um tuk hi.
|
||
\q
|
||
\v 2 Na mai ah kei cu hawh in a sang nak mun te bang ve tik tung. Dal kongka tum nak te siatsuah in thik kongka kalhnak te talhtawng tuk hi.
|
||
\q
|
||
\v 3 Khuathim sungah a um mi van, a himnak mun ah sel mi neihnak te nangmah pia tung. Mah hang, keiman na min tuah sam mi Isarel miphun tei Topa Pathian hihnak thu thei tuk ci.
|
||
\q
|
||
\v 4 Ka sila Jakop, ka ten mi Isarel ca keiman na min tuah sam ing. Nangman keimah na thei ngawl ta vang, na minthak cu keiman pia bet ing.
|
||
\q
|
||
\v 5 Keimah pakhat bek Pathian ing. Keimah sial ngawl Pathian dang um ma hi. Nangman keimah na thei ngawl ta vang na tai pen keiman het ing.
|
||
\q
|
||
\v 6 Mah hang, keimah sial ngawl Pathian dang um ma hi. Keimah pakhat bek Pathian hihnak thu cu nisuah nak ah a um mite le nitum nak lam ah a um miten thei haw tuk.
|
||
\q
|
||
\v 7 Kei cu vaknak bawl ing. Khuathim vang bawl ing. Daihnak cang tik ing. Thupha ngawl vang bawl ing. Na hempoh te keiman bawl ing.
|
||
\q
|
||
\v 8 Vanhum te aw, a hum lam pen dikcang nak nguah zu hen. Meingo ten thudik nguah zu hen. Leipi cu hong in nunpat nak a ngah cu ngah hen. Dikcang nak thu po cih hen. Mah tihcun keimah Pathian in bawl ing.
|
||
\q
|
||
\v 9 Mi pakhat in a mah bawl tupa do hi. A mah cu thupha um ma hi. Leibel a keh mi sung pen a them keh mi leibel hima maw? Leibel in nangman itibang bawl cim hitin bel bawl tupa cu son tuk maw? Keimah bawl tupai nelah khut um ma hitin bawl nak a co tu nangman son tuk cim maw?
|
||
\q
|
||
\v 10 A pa cu itihbang thu in piang hum hi tih hei hihen, a nu cu itihbang nang cu piang hum tih hei in hihen, a son tupa cu thupha um ma hi.
|
||
\q
|
||
\v 11 Isarel miphun tei a thiangtho mi Pathian, bawl tu Pathian thupiak mi cu nohten a cang li mi thu hempoh te ka nelah thu dong un. Ka catei ca keimah loli ka bawl mi keimah cu thukhen haw tuk maw?
|
||
\q
|
||
\v 12 Leipi cu keiman bawl zo ing. Leipi hum ah mihing vang bawl zo ing. Vanhum cu ka khut tuah keiman phalh zo ing. Vanhum na hempoh keiman pia zo ing.
|
||
\q
|
||
\v 13 A mah vang keiman dikcang nak tuah heng tik ing. A hawh nak lamzin cu keiman tuang tik tung. A man ka khuapi din tuk hi. Kol tang in mat a co mi ka miphun te a man la ngawl, laksawng la ngawlin hah tuk hitin, vancung ngalkap Topa Pathian in thupia hi.
|
||
\p
|
||
\v 14 Mah cengten Pathian thupiak mi cu Izip ngam pen na zeih uh mi neihnak, Cush ngam miphun, a ding sang mi Seba miphun tei sum bawl tu neihnak cu nohtei lakah heng in na neihnak in cang tuk hi. A mun na nungah zui thikkhau tuah ken in lamzin ah hawh haw tuk hi. Na maipen bopkhup a thungai in, Pathian cu na nelah um hitin na nelah hehpih ngen tuk hi. Nangmah sial ngawl Pathian dang um ma hi.
|
||
\q
|
||
\v 15 Isarel miphun tei Pathian, pan tu Pathian, a thungai in nang cu pumpi langnak a nei ngawl mi Pathian hi ci.
|
||
\q
|
||
\v 16 Zuk milim a bawl tu hempoh ten lau in amthong um haw tuk hi. Zahcak mualpho nak tuah a nunglam ah kik haw tuk.
|
||
\q
|
||
\v 17 Isarel miphun cu Pathian hang kumkhua nunpat nak ah heng in nohten zahcak mualpho nak, amthong nak pen a tu le kumkhua leihum pen luat tuk uh ci.
|
||
\q
|
||
\v 18 Vanhum a bawl tu Pathian leipi bawl in a kho tik tu a thawnthong hima hi, nunnak a nei mitei umnak tuk a bawl tupa Pathian thupiak mi kei cu Pathian ing. Keimah sialngawl Pathian dang um ma hi.
|
||
\q
|
||
\v 19 Kei cu daiden no phuang mang hi. Leipi sung khuathim nak ah phuang mang hi. Nohten imah a thupi nak um ngawlin keimah zei un hitin, Jakop miphun cu keiman phuang mang. Kei cu dikcang nak tuah phuang in ciangkoh a phuang thei mi Pathian ing.
|
||
\q
|
||
\v 20 Nohten hulawkhawm in hung un. Ngam hempoh pen haksat nak a luat mite aw, hulawmkhawm un. Na bawl cop mi thing a keng tu, nunpan thei ngawl mi Pathian nelah thungen tute cihnak nei haw ma hi.
|
||
\q
|
||
\v 21 Thuthang cu phuang un. Mi tampi te a bulah sam in thuson khawm un. Hi thu cu tang laih pen pan a kon hilh hum? Keimah Pathian phuan mi hima maw? Keimah sial ngawl Pathian dang um ma hi.
|
||
\q
|
||
\v 22 Leipi mawk ah a um mite aw, keimah zo in nunpat nak co un. Kei cu Pathian ing. Keimah sial ngawl Pathian dang um ma hi.
|
||
\q
|
||
\v 23 Ka mai pen mi hempoh ten khundin tuk hi. Mi hempoh ten a kam tuah thukam nak co tuk hitin a mah le mah sal in a thukam mi thudik awnkam cu ka kam pen a suak hang, cangkim ngawlin um tuk ma hi.
|
||
\q
|
||
\v 24 Pathian hang bek dikcang nak, thazang ngilnak um hitin mi hempoh ten son tuk hi. Nangmah a do tu hempoh ten a nelah hung in, zahcak mualpho nak heng haw tuk hi.
|
||
\q
|
||
\v 25 Isarel miphun hempoh ten Pathian hang, dikcang nak ah heng in minthan nak co haw tuk.
|
||
\s Mihing puak mi pathian te
|
||
\c 46
|
||
\p
|
||
\v 1 Bel cu cak zo. Nebo cu keh zo. A muhtei zuk milim te ke pali a nei mi sahang ngamsa hum ah um hi. Na puak awng uh mi van suan in a cim a kham mi ngamsa ten pua haw hi.
|
||
\q
|
||
\v 2 A muhte keh lum in a um hang, a muhtei puak mi van cu nunpan thei ngawl in a mah lo li matnak co zo hima maw?
|
||
\q
|
||
\v 3 Jakop miphun te aw, ka awnkam pha zet ngai un. A tang mi Isarel miphun hempoh te aw, na hin pen pan nang muhte keiman pua zo ing. Nui pum sung pen pan in keiman dek zo ing.
|
||
\q
|
||
\v 4 Nohten kum U ham sam puakpak tian kei cu mah tihbang mipa hih hang, nohte cu bawl tung. Ka bawl sa bang pua tung hi. Deh sak in pan tung.
|
||
\q
|
||
\v 5 Nohten keimah cu a kua tuah zuk lak tuk uh cim? A kua tuah bang ve tik tuk uh cim? Bang ve tukin a kua tuah tehkip tuk uh cim?
|
||
\q
|
||
\v 6 Ngun cu dip sung pen tampi kai suah in ngun vang cuai teh in, sui bawl thiam pa cu zawng in pathian bawl tik cengten bophkup in bia ma uh cim maw?
|
||
\q
|
||
\v 7 Mahmi pathian cu ko hum ah hawhpih pua in a ma um nak ah koih uh ci. A mah vang ding thei hi. A ma umnak pen thawn thei ma hi. A mah cu au ta vang don thei ma hi. Haksat cimnak sung pen pan thei ma hi.
|
||
\q
|
||
\v 8 Thukam a pelh thei miphun te aw, hi thu cu phawk in pano minthan nak bawl un. Ngallin nak tuah ngaisung ta un.
|
||
\q
|
||
\v 9 Tang laih huncan in a cang awng mi thu te phawk un. Kei cu Pathian ing. Keimah sial ngawl Pathian dang um ma hi.
|
||
\q
|
||
\v 10 A pat pen pan a tawp tian hei hihen, tang laih pen pan a cang awng laih ngawl mi thu hempoh hei hihen, lakin ka ngaihsut nak kho tuk hi. Ka deihnak hempoh cangkim tuk hitin tiin,
|
||
\v 11 Khuala pi umnak mun, nisuah nak lam pen ka ngaihsut nak a lang tik tupa a himi va-ak cu sam zo hi. Kei cu Pathian ing. Keimah tuah a bang ve mi a kua mah um ma hi. Ka kam pen a suak tul bangin bawl tung. Ka ngaihsut nak bangin thukhen tung.
|
||
\q
|
||
\v 12 Thinlung khoh in dikcang nak thu tuah khuala ah a um mite aw, ka awnkam thu ngai un.
|
||
\q
|
||
\v 13 Ka dikcang nak thudik cu a nai ah keiman pui tung. Khuala pi ah um tuk ma hi. Ka nunpat nak thu vang khawnu tuk ma hi. Zion mual hum pen ka nunpat hehpih nak hei hihen, Isarel miphun sungah ka minthan nak hei hihen, keiman koih tung.
|
||
\s Babilon cak nak
|
||
\c 47
|
||
\p
|
||
\v 1 Babilon canu khanglai him te aw, tolh sukin leivul ah khung in. Chalden canu te aw, tohkham khunnak nei ngawl leihum ah khung in. Nangmah lungnem tupa tin sam leh tuk ma toh hi.
|
||
\q
|
||
\v 2 Cang ngawi nak keng in cang lial in. Na mai tuam hong in. Agki cual duk in. Na ke le tai ah puan cu hem in ngun tui tan in.
|
||
\q
|
||
\v 3 Nang cu thacang puan silh ngawl um in, zahcak mualpho nak co tuk ci. Keiman sual dan tat tung. Mihing bang nangmah tuah keiman pawlkom tuk mang hi.
|
||
\q
|
||
\v 4 Kohte a tan tupa cu vancung ngalkap Topa Pathian Isarel miphun tei a thiangtho Pathian tihmi min um hi.
|
||
\q
|
||
\v 5 Chaldean canu te aw, daiden no khung in. Khuathim nak ah hawh in. Na uknak ngam ten numei tin sam leh tuk ma toh hi.
|
||
\q
|
||
\v 6 Ka miphun te ka thinuuk nak hang, ka lo cu zawt dem in na khut sungah ap ing. Nang man hehpih nak thinlung nei ma ci. Kum U ham tei hum ah a ngit mi van suan zo ci.
|
||
\q
|
||
\v 7 Nangman kei cu numei hihnak pen a cat ngawl um tung hitin ngaihsut nak hang, hi thu te ngaisung ma ci. Nangman a dawl ta bel in a cang tuk mi thu phawk ma ci.
|
||
\q
|
||
\v 8 Mah hang, nopnak ah poisa ngawl um in na thinlung sung pen keimah ing. Keimah sial ngawl a kua mah um ma hi. Meivong bang khung tuk mang. Capa thihnak cu keiman thuak tuk mang hitin son in a phawk thei tu ngai in.
|
||
\q
|
||
\v 9 Nang cu dawihthiam nak le mizial thiamnak te nasezet na bawl ta vang nikhat, dawmlaih sung no na capa le na zi thihnak, haksat cimnak panih cu na nelah heng tuk. Na hum ah a venghawng heng tuk.
|
||
\q
|
||
\v 10 Nang cu na phat ngawlnak muang zo ci. Kei cu a kuamah in mu tuk ma hitin, son zo ci. Na theihnak le cihthiam nak in na thinglung lumlet tik hang, nangman keimah ing. Keimah sial ngawl a kuamah in cang ma hitin, phawk zo ci.
|
||
\q
|
||
\v 11 Mah hang, haksat nak cu na hum ah heng tuk. A lai pen heng hum tih hei nangman thei tuk ma ci. Na sualnak ngaihdam theih ngawl mi sual dantat nak hei hihen, muanmawh khak ngawl siatnak cu tawk cih tuk ci.
|
||
\q
|
||
\v 12 Naupang laih penpan thasuah in na zuam mi, mitzial thiam nak le dawihthiam nak hempoh muang in um hi. Phatnak a co tale co tuk hi. Nehnak a pha tale neh tuk hi.
|
||
\q
|
||
\v 13 Nangman thusiam nak a tampi hang cim le kham em zo ci. Vanhum a zo tupa, aksi a sialsiah tute na nelah a cang mi thu, hade thu tuah hei ngaisung in a hilh thei mite aw, tho in nangmah cu a tu in pan haw ta hen.
|
||
\q
|
||
\v 14 A muhte cu buak bang a hih hang, meihal nak thuak haw tuk hi. Mei tha in a muh le muh pan thei haw ma hi. Meilum tukin meling, mei awi tuk imah tang tuk ma hi.
|
||
\q
|
||
\v 15 Mahmi a mun a naupang laih pen pan a ma sum bawl te hei cim le kham tik tuten nangmah tuah um lang khat tuk uh ci. A mun pakhat le pakhat nelah vak kawkawi haw tuk. Nangmah nunpan thei tu pakhat no hei um tuk ma hi.
|
||
\s A hin penpa hei in a do tu Isarel miphun
|
||
\c 48
|
||
\p
|
||
\v 1 Jakop miphun aw, Isarel tin samnak a co tupa, Judah ciktui pen a luang mipa, Pathian min tuah thukam mipa, dikcang nak le thudik um ngawl in Isarel miphun tei Pathian thangphat tu,
|
||
\v 2 A thiangtho mi khuapi zui in mah le mah a sam tu, vancung ngalkap Topa Pathian tin min a nei mi Isarel miphun tei Pathian min a bel tu te aw, ngai un.
|
||
\q
|
||
\v 3 A cang awng mi thu te a bosa hun laih in nohtei lakah keiman hilh zo ing. Mahmi thu te ka kam pen a suak mi cu lang zo. Ka bawl cop paih hang, cang zo.
|
||
\q
|
||
\v 4 Nang cu a khoh mi lungmu, thikpim long, dal cal tuah a dim mi ka theih hang,
|
||
\v 5 A bosa hun in na nelah hilh zo ing. A thu um laih ngawlin hilh zo ing. Mah hang, nangman ka zuk milim in hi thu cu bawl zo ci. Ka suk mi zuk milim, siluan mi zuk milim in hi thu cu thukhen zo hitin hilh mi phalnak um ma hi.
|
||
\q
|
||
\v 6 Nangman a masa in thei zo ci. Hi thu hempoh zo in. Midang tei lakah hilh ngawl in um tuk cim maw? A tu pen pan in a thak mi thu, sel mi thu, na theih laih ngawl mi thu te keiman lak ing.
|
||
\q
|
||
\v 7 Mahmi thu te a tuin bawl zo. A bosa hun in bawl mi hima hi. Tuni tian in nang cu za awng ma laih ci. Mah hang nang cu keiman thei zo ing hitin son tuk mi phalnak thu um ma hi.
|
||
\q
|
||
\v 8 A thungai in zak nak le theihnak nei ma ci. Na beng cu a masa in vang ma hi. Itahum titale, na thukam sia tuk hi. Hin pen pan in nangmah do tu hitin sam tuk mi cu keiman thei ing.
|
||
\q
|
||
\v 9 Mah naven, nangmah cu siatsuah tuk ngawl in ka min ca ka thinuuk nak sup tung.
|
||
\q
|
||
\v 10 Keiman nangmah cek zo ing. Mah naven, sum cek bang hi ngawlin, Haksat meikam sung pen nangmah cul zo ing.
|
||
\q
|
||
\v 11 Keima ca lak hih tung. Ka min cu ita zawt demnak thuak tuk hum? Ka minthan nak cu midang tei lakah pia mang hi.
|
||
\s Babilon pen suak tul un
|
||
\q
|
||
\v 12 Jakop aw, ka sam mi Isarel ka thungai in. Kei cu Pathian ing. Kei cu a patnak le a tawpnak ing.
|
||
\q
|
||
\v 13 A thungai ka khut in leipi kho tik zo. Ka taklam khut in vanhum phalh zo. Keiman sam in a muhte heng cih haw tuk hi.
|
||
\q
|
||
\v 14 A um mi hempoh te aw, hulawmkhawm in ngai un. Hi thu te nohtei sung pen a kon leipi a pian laih ngawlin hilhham zo hum? Pathian ih mipa cu Babilon khuapi pen a deihnak cangkim tik tuk hi. A khut vang Chaldean miphun tei lakah heng tuk hi.
|
||
\q
|
||
\v 15 Keimah loli in thupiak nak nei zo ing. A thungai in a mah cu keiman sam zo ing. A hawhnak lamzin ah thupha um tuk hi.
|
||
\q
|
||
\v 16 Ka nelah zuan in, hi awnkam ngai haw hen. A pat penpan in daiden no hilh ma hi. A thu a cang tuk pan ten keimah um ing. A tuin Topa Pathian le hawvang in keimah hah hi.
|
||
\q
|
||
\v 17 Nangmah a teng tupa, Isarel miphun tei a thiangtho mi Topa Pathian thupiak mi kei cu nangma nemcuam nak tuah a seng mi thu hilh in, na hawh nak lam zin ah a pui tu na Topa Pathian ing.
|
||
\q
|
||
\v 18 Nang cu ka thukham cingkem in. Mah tihbang na bawl ta le daihnak ngun tuipi bang in hihen, dikcang nak cu tuipi thuanthum lum let bang in hihen cang tuk hi.
|
||
\q
|
||
\v 19 Na miphun hinnam cu philnel bang in hihen, na tu le canawn te tuipi thuamthum suangpum bang cang haw tuk hi. Na min cu ka mai pen sia tuk ma hi.
|
||
\q
|
||
\v 20 Babilon khuapi pen tul un. Lungdam nak la aw tuah in le Chaldean miphun umnak mun pen tai un. Hi thuthang awnkam cu leihum hempoh ah hilh leh in, aw tuah phuang un. Pathian in a sila Jakop cu teng zo hitin, hilh ta un.
|
||
\q
|
||
\v 21 A muhte ngam lak lam zin ah a pui nak a co ten, dangdum haw ma hi. A muhtei ca suangpi sung pen tui luang tik hi. Suangpi hei a vah keh ten tui luang tul hi.
|
||
\q
|
||
\v 22 Mipha ngawl mitei sungah daihnak um ma hi.
|
||
\s Pathian sila
|
||
\c 49
|
||
\p
|
||
\v 1 Tuipi kulhnak ngam sungah a um mite aw, ka awnkam thei ta un. Ngam khuala pi ah a um mi miphun te aw, phatak zet ngai un. Ka hin pen pan keimah Pathian in sam hi. Ka nui pum sung pen pan in ka min sialsiah hi.
|
||
\q
|
||
\v 2 Ka kam cu a hiam mi nam bang cang tikin a khut lim tuah tuam hi. Keimah vang a hiam mi thal cang tikin a thalcang sungah sel hi.
|
||
\q
|
||
\v 3 Isarel aw, nang cu ka sila hi ci. Nang ma hang ka minthan nak lang tuk hitin, ka nelah thupia zo.
|
||
\q
|
||
\v 4 Keiman nemcuam nak um ngawl in na deh nak nei zo ing. Imah a thupi nak um ngawl in ka thazang bo zo hi. Mah naven, ka thukhen nak cu Pathian mai ah um hi. Ka thuak ta vang ka Pathian khut sungah um hitin, ti hi.
|
||
\q
|
||
\v 5 Kei cu Pathian mai pen minthan nak lang in Pathian in keimah kho tik in, Isarel miphun cu a nelah hulopkhawm nak, Jakop miphun a nelah ka pui leh tuk mi sila a hihnak thu nui pum sung pen pan in keimah a bawl tu Pathian thupiak mi,
|
||
\v 6 Nang cu Jakop miphun hinnam te khaisan nak, a bosa hun in keiman cingkem in haksat nak pen a luat tik tu, Isarel miphun te ka nelah sam leh nak thu, na deh nak cu a ma deh mi na hi. Mahmi thu bek sial ngawl nang cu leipi a bo tian ka nunpat nak bawl tuk in hihen, miphun dang te vaknak pia tuk in keiman pia zo ing hitin, thupia hi.
|
||
\q
|
||
\v 7 Isarel miphun teng in a miphun tei a thiangtho mi Pathian cu a kua mah hi deihnak um ngawl ngam sung hempoh tei huat mi a hih hang, kumpi nelpen sila a thuak tupa a ma nelah thu a piak mi cu thukam a nei mi Pathian, nangmah a teng tu Isarel miphun tei a thiangtho mi Pathian hehpih nak hang, kumpi ten mu in tho haw tuk hi. Kumpi ca ten bia haw tuk hi.
|
||
\s Isarel miphun ten a din lehnak
|
||
\p
|
||
\v 8 Pathian thupiak mi cu deihawh huai mi huncan sung pen na awnkam keiman ngai zo ing. Nunpat nak huncan ten nangmah bawm zo ing. Nangmah vang keiman cingkem na ngam cu lemleh in a thawmveng mi lo umnak mun lo a piak tuk thu,
|
||
\v 9 Suak tul un hitin kol a tang mitei lakah hei hihen, heng haw tuk hitin khuathim sungah a um mite hei hihen, hilh tuk mi thu miphun cu thukhaam bawl tuk in nangmah pia tuk hi. Mah hang, a muhte cu lamzin bul pen an ei in a sang umnak munah an eih tuk, mu haw tuk hi.
|
||
\q
|
||
\v 10 A mun dangdum le ningkial in um tuk ma. A sa vang thuak haw tuk ma hi. Ni al vang siatsuah tuk ma hi. Itahum titale, a muh a hehpih tupan a muhte pui in cik tui bulah hawh pih tuk hi.
|
||
\q
|
||
\v 11 Ka mual hempoh te lamzin hawhnak in cang tik tung. Ka lamzin pi te vang keima ca tuk hi.
|
||
\q
|
||
\v 12 Zo in. Hi a muhte cu khualapi pen hung haw hi. Zo in. A muhte cu saklam pen le nitum nak lam pen hei hihen, a muhte vang Sinim ngam pen hei hihen hung haw tuk hitin, thupia hi.
|
||
\q
|
||
\v 13 Vanhum te aw, lasa un. Leipi aw, lungdam in. Mual te aw, lungdam nak tuah lasa un. Itahum titale, Pathian in a miphun te nem tuk hi. Haksat cimnak a thuak tu a miphun te pan tuk hi.
|
||
\q
|
||
\v 14 Zion Pathian in keimah zam san zo. Pathian in keimah phawk ngil thei hitin ka tih ten,
|
||
\v 15 Numei nu in a hin mi a capa ningnat nak nei tuk ngawl tian in nau nawi tulh laih nau no cu phawk ngil thei tuk maw? A phawk ngil ta hei in nang cu keiman phawk ngil tuk mang.
|
||
\q
|
||
\v 16 Ka khut phalh pen nangmah sunkhil zo ing. Na khuapi khantian cu ka mai ah a cat ngawlin um hi.
|
||
\q
|
||
\v 17 Na canu le capa ten a manlang bawl haw tuk hi. Nangmah a siatsuah tute na nelpen tul haw zo.
|
||
\q
|
||
\v 18 Mun hempoh ah zo un. A mu venghawng hulawm in na nelah hung haw hi. Pathian thupiak ka nun hang, nangman a mawi mi puan silh mi bang a mun silh tuk hi. Mo nui bawl mi bang van thuam tuk hi.
|
||
\q
|
||
\v 19 Na siatsuah mi umnak mun, a sia mi ngam ah a um tu a tam hang zal haw tuk ma hi. Nangmah a pet tute vang khuala haw tuk hi.
|
||
\q
|
||
\v 20 Na cate a thih nungten a pin leh mi na cate cu umnak tham tuk ma hi. Umnak tuk mun pia in hitin na nelah ngen haw tuk hi.
|
||
\q
|
||
\v 21 Nangman a muhte ka nelah a kon cang tik hum? Kei cu capa a thi mi, mi thawmveng umnak ah a um mipa hawlvawk a co ten a khuala umnak ah a vak mipa a hih hang, a muhte a lai ah um haw hum tin phawk leh tuk hi.
|
||
\p
|
||
\v 22 Topa Pathian thupiak mi zo in. Kei cu ngam hempoh ah a um mi miphun tei lakah khut zakin a lan a phut hang, nohten na canu le capa te khut tuah pompai ko hum ah pua in pui haw tuk hi.
|
||
\q
|
||
\v 23 Kumpi ten nangmah cawm in a cingkem tu na pasel nau tabel, kumpi nu ten nangmah a cawm tu nu in cang tuk hi. Na mai pen bopkhup lukun in na ke pen leivul liak in um haw tuk hi. Keimah Pathian hihnak thu hei hihen, ka muansan mi a muhten zahcak mualpho nak, a um ngawl mi thu hei hihen nangman thei tuk ci.
|
||
\q
|
||
\v 24 Longdun cuh in neih mi cu thazang ngilnak a nei mipai khut pen la tuk maw? Thudik pa a man tu miphun te cu laksak tuk maw?
|
||
\p
|
||
\v 25 Pathian thupiak mi cu a thungai in thazang ngilnak a nei mipa, a man tu miphun cu pan tuk hi. Lauhuai pai lon mi neihnak cu laksak tuk hi. Itahum titale, nangmah a do tupa cu keiman do in na cate cu keiman pan tung.
|
||
\q
|
||
\v 26 Nangmah a bawlsiat tute a muhtei capa tuah keiman cawm tung. A hum mi cabit tui in bang, a mun a thisan cu khampek in haw tuk. Mah hang, Pathian cu nangmah nunpan tu Topa, nangmah a teng tu Topa, Jakop miphun sung pen huham a nei mi Pathian a hihnak thu mi hempoh ten thei haw tuk hitin, thupia hi.
|
||
\s Sual hang sila thuaknak
|
||
\c 50
|
||
\p
|
||
\v 1 Pathian thupiak ka hah mi nohtei nu maaknak lai cu a lai ah um hum? Leibat ka neih hang, a kon ka leibat neih mipai nelah nang muhte keiman zuak ing maw? Nohten na bawl mi sualnak hang sila thuak uh ci. Nohtei sualnak hang, nohtei nu cu keiman hah ing.
|
||
\q
|
||
\v 2 Ka hen ten ita mihing um ma kaw? Ka sam ten ita don ma hum? Keiman tan thei tuk ngawl in, ka ban com maw? Nunpat theihnak huham um ma maw? Zo in. Thu ka hilh hang, tuipi cu kang hi. Ngun tuipi cu ngam lak in cangtik ing. Tui a um ngawl hang, ngasa te namsia haw hi. Dangdum in thi haw.
|
||
\q
|
||
\v 3 Keiman vanhum cu puan hang silh tik in thangkhau puan tuah silh tik ing.
|
||
\q
|
||
\v 4 Keiman nuncim mipa bawm in awnkam thuson theih tuk thu, Topa Pathian in mihing thiamnak kam cu keimah pia zo. Zingsial in keimah sosuah zo. Lai cung tute bang ngaih tuk thu ka beng bulah sosuah zo.
|
||
\q
|
||
\v 5 Topa Pathian in ka beng hong in keimah vang el ngawl in le nung kik leh ngawl in,
|
||
\v 6 A vat tuten ka nunglam ngum pen hei hihen, khamul a bot tuten ka biang hei hihen ap ing. Mualpho nak le cilsiak nak cu ka mai pen pial ma hi.
|
||
\q
|
||
\v 7 Topa Pathian in keimah cingkem tuk hi. Mah hang, kei cu sung ngawl in ka mitmai mei suang bang koih in mualpho nak ah heng tuk ma hitin, keiman thei ing.
|
||
\q
|
||
\v 8 Ka sualnak a ngaidam tupa cu ka bulah um hi. A kon keimah tuah thu buai tuk hum? Do in um haw zo. A kon keimah do tuk hum? Mahmi pa cu zuan in.
|
||
\q
|
||
\v 9 Zo in. Topa Pathian in keima thu cu sung tik tuk hi. Mah tihbang a mu venghawng a puan silh sia bang heng haw tuk hi. Lung tei eihnak vang thuak haw tuk hi.
|
||
\q
|
||
\v 10 Nohtei sung pen a kon Pathian lau hum? A man na sila tei awnkam ngai hen. A kon vaknak nei ngawlin khuathim sungah hawh thei hum? Mahmi pa cu Pathian min sungah bel in, a Pathian cu muang hen.
|
||
\q
|
||
\v 11 Mei cu noih in a muhte meithem vam tuah a kil tik tu hempoh te aw, nohtei mei vaknak sungah hei hihen, nohtei bawl mi mei sungah hei hawh in hung un. Ka khut pen thuak mi nemcuam nak cu nohten thasia in hihbu tuk uh ci.
|
||
\s Pathian kumkhua a kho mi nunpat nak
|
||
\c 51
|
||
\p
|
||
\v 1 Dikcang nak thudik sungah zui in Pathian a zei thei mite aw, ka awnkam thu ngai un. Nang muhtei suihmi suang tuah cawh mi khuk zo un.
|
||
\q
|
||
\v 2 Nohtei pa Abraham le nang muhte a hing tu Sarah cu zo un. Keiman Abraham pakhat bek sam in thupha piak hang pungzai tik hi.
|
||
\q
|
||
\v 3 Mah bang bok Pathian Zion khuapi daihnak pia tuk hi. A thawmveng umnak hempoh daihnak pia tuk hi. A ma umnak ngam lak cu Eden huan bang a can tik hang, Zion khuapi cu lungdam nak, lungdam thu hilh nak, lasak nak tuah dim tuk hi.
|
||
\q
|
||
\v 4 Ka miphun, ka miphun te aw, ka awnkam thu ngai un. Ka nelpen thudik suak in thukhen nak cu mi tampi vaknak ca in kho tuk hi.
|
||
\q
|
||
\v 5 Ka dikcang nak thu cu na bulah um hi. Ka nunpat nak thu cu hawh zo. Ka khut thawmlian cu mi tampi sung pen thukhen tuk hi. Tuipi kulhnak ngam miphun ten keimah muansan nak tuah ka khut thawmlian cu muang haw tuk.
|
||
\q
|
||
\v 6 Vahum cu zo un. Leihum vang a kun in zo un. Vanhum cu meikhu bang tham in, leihum pi cu puan sia bang sia tuk hi. Leihum mite cu tho bang thi tuk hi. Ka nunpat nak thu cu a catngawl in kho tuk hi. Ka dikcang nak thu cu tham tuk ma hi.
|
||
\q
|
||
\v 7 Dikcang nak thu thei in ka thudik thinlung sungah a khum tu mite aw, ka awnkam thu ngai un. Mi tampi ten mawhsiat tuk hitin, lau pah sun. Mihing tei zotsak nak cu laupah sun.
|
||
\q
|
||
\v 8 Itahum titale lung ten tuu mul puan a eih bang, a muhte pet in ei haw tuk hi. Ka dikcang nak thu cu kumkhua a hih hang, ka nunpat nak thu vang a tu le kumkhua kho tuk hi.
|
||
\q
|
||
\v 9 Pathian khut thawmlian aw, tho in. Tho in thazang la in. Tang laih thu a cang awng mi huncan bang tho in. Rahab dantat in ngulpi a na tik tupa cu nangmah hima cim maw?
|
||
\q
|
||
\v 10 A thukzet mi tuipi te kang tik in a thuk zet mi tuipi umnak mun hawhnak lamzin in a cang tik tupa cu nangmah hima cim maw?
|
||
\q
|
||
\v 11 Mah hang, Pathian pat mite cu pin kik leh lasa kumkhua lungdam nak lukhu khu in, Zion khuapi sungah heng haw tuk hi. Lungdam nak thu co in thasiat nak le kah nak um tuk ma hi.
|
||
\q
|
||
\v 12 Nang muhte a nem tupa cu midang hi ngawl in keimah ing. A thi mi mihing hei hihen, hampa kung bang a cang mi mihing hei hihen, nangman launak nei cim maw? Nang cu a kua nge cim?
|
||
\q
|
||
\v 13 Vanhum a phalh tu, leihum a kho tik tu, nangmah a bawl tu Pathian cu nangman phawk ngawlin, tamsiat mipan keimah siatsuah zo hitin thinlung ngaihsut nak tuah a thinuuk a catngawl in a lauhuai thu itihbang lungmu nei cim? A tuin bawlsiat mite thinuuk a lai ah um hum?
|
||
\q
|
||
\v 14 Kol a tang mipa cu thonginn sung pen thi ngawl in tui le an a peh zom in a man lang nunpat nak ah heng tuk hi.
|
||
\q
|
||
\v 15 Keiman tuipi thuanthum cu thu hilh in, tuipi lumlet a nging tik tu na Topa Pa thian ing. Mahmi Pathian min cu vancung ngalkap Topa Pathian hi.
|
||
\q
|
||
\v 16 Vanhum cu bawl in leihum kho tik tuk in hihen, nang cu ka miphun hi citin Zion khuapi cu hilh tik tuk in hihen, ka awnkam thu cu na kam sungah koih zo ing. Ka khut lim tuah nangmah khuh zo.
|
||
\s Pathian thinuuk nak khuathai
|
||
\q
|
||
\v 17 Pathian khut sungah thinuuk nak khuathai a in tu Jerusalem khuapi aw khang in. Khang in tho in, nang cu a hing tik thei mi khuathai in khawng zo ci. A ce bek suuk zo ci.
|
||
\q
|
||
\v 18 Na hin mi ca sung pen nangmah lamhuai tu pakhat hei um ma hi. Na cawm mi ca tei sung pen na khut pen a lentu pakhat no hei um ma hi.
|
||
\q
|
||
\v 19 Ningkial pam tung nak hang mi thawmveng haksat nak, nam tuah siatsuah nak tih mi haksat nak panih na hum ah a hen ten nangma hang a kua kap hum? Keiman a kua daihnak pia thei hum?
|
||
\q
|
||
\v 20 Na caten amthong in um hi. Thang sungah a awk mi khuicang bang, lamzin hempoh ah zau in Pathian thinuuk nak, na Pathian thu hilhnak tuah kham pek haw hi.
|
||
\q
|
||
\v 21 Mah hang, bawlsiat nak a thuak tupa cabit tui sial ngawl a dang a ngui thei a kham thei mipa aw, ngai in.
|
||
\q
|
||
\v 22 Na miphun tei thu a cingkem tu na Topa Pathian thupiak mi zo in. A hing taw tok tik thei mi khuathai, ka thinuuk nak khuathai a ce cu na khut pen keiman sut in, nangman in leh ma ci.
|
||
\q
|
||
\v 23 Nangmah bawlsiat tutei khut sungah keiman koih tung. Kohten kal vawk hawh in bia tuk hitin na thinlung hawvang a hilh ten, na luang cu leihum ah hei hihen, lamzin ah hei hihen, mah lai mun ah a hawh tute hei hihen koih tuk hi.
|
||
\c 52
|
||
\p
|
||
\v 1 Zion khuapi aw khanglo in. Khanglo in thazang la in. Jerusalem khuapi tih mi a thiangtho khuapi aw, na mawi nak vanthuam te silh in. Itahum titale, vunlek talhnak a co ngawl mipa le a thiangtho ngawl miten, nangma sungah lut tum leh haw tuk ma hi.
|
||
\q
|
||
\v 2 Jerusalem khuapi aw, na pumpi ah a kop mi leivul thing in a sang mi umnak mun ah khung in. Koltang in a um mi Zion canu te aw, na longawh duk in.
|
||
\p
|
||
\v 3 Pathian thupiak mi cu nohten a man sum ngah ngawl sila thuak hang, sumpiak kul ngawlin tatnak ah heng tuk hi.
|
||
\p
|
||
\v 4 Topa Pathian thupiak mi cu ka miphun ten a hum pen Izip ngam ah cam tukin hawh haw hi. Mah cengten Assyria miphun ten a thu bawl um ngawl in bawlsiat haw hi.
|
||
\p
|
||
\v 5 Pathian thupiak mi cu ka miphun te a thu um ngawl man in, uktu ten pualthau in ka min nisial mawhsiat hang keiman itin bawl tuk hum?
|
||
\q
|
||
\v 6 Mah hang, ka mihing ten keimah thei haw tuk hi. Thukam a piak mipa cu keimah hihnak huncan a kim ten thei haw tuk hi. A thungai in keimah um ing hitin, Pathian in thupia hi.
|
||
\q
|
||
\v 7 Daihnak hi lungdam nak thuthangpha a phuang tupai ke cu mual hum pen mawi zet hi. A pha mi nunpat nak a phuan mi thuthangpha keng thei hi. Na Topa Pathian uk zo hitin Zion khuapi nelah a phuang tupa hima maw?
|
||
\q
|
||
\v 8 Na ngalvil tutei aw ngai un. A mun awsuah in lungdam aw tuah a bang ten au hi. Itahum titale, Pathian in Zion khuapi ah a pin lehnak thu a mah loli in mu hi.
|
||
\q
|
||
\v 9 Jerusalem khuapi sung a cimnak mun te aw, bang ve ten a cun in lasak nak aw tuah au un. Pathian in a miphun te nem zo. Jerusalem khuapi cu teng zo.
|
||
\q
|
||
\v 10 Pathian in mi hempoh tei mai pen, a thiangtho mi a khut thawmlian a phalh hang, leihum hempoh ah a um tuten, ohtei Pathian nunpat a hehpih nak thei haw tuk hi.
|
||
\q1
|
||
\v 11 Tul un. Tul un. Mah lai munpen tul un. A thiangtho ngawl mite cu na khut tuah hei in zen pah sun. Mah lai mun pen tul un. Pathian inn a sa tute aw, thiangtho in um un.
|
||
\q
|
||
\v 12 Nohten a manlang tul pah sun. Tai in hawh pah sun. Pathian cu nohtei mai ah hung tuk hi. A nungpen vang Isarel miphun Pathian cu nang muhte hup tu in cang tuk hi.
|
||
\s Sila tei haksat cimnak a thuak hang minthan nak
|
||
\q
|
||
\v 13 Zo in. Ka sila cu na dehnak hang pitung tuk hi. Khaisan nak ah heng in a sang bel in cang tuk hi.
|
||
\q
|
||
\v 14 A mah cu mihing ngawl bang a mitmai siatnak, mihing ngawl bang a mel tham in a um mi cu mihing tampi ten lamdang thasiah zet a um hang,
|
||
\v 15 Mah bang bok a man miphun tampi te thiangtho tik tuk hi. A mai ah kumpi ten a muhtei kam cu hup in um haw tuk hi. Midang tei lak awng ngawl mi thu cu a mun mu haw tuk hi. A zaak awng ngawl mi thu vang thei haw tuk.
|
||
\c 53
|
||
\p
|
||
\v 1 Kohtei phuan mi thuthang cu a kon co hum? Pathian khut cu a koi nelah lang hum?
|
||
\q
|
||
\v 2 Pathian sila cu zikdawn bang in hihen, leiko lakah a po a tawt bang in hihen a mai pen khang tuk hi. A mel zoh tuk um ma hi. Deih awh huai mi a mitmai cangkim nak um ma hi.
|
||
\q
|
||
\v 3 Sum sial ngawlnak thuak in mihing tei elnak a co tupa hi. Sonsiat co tupa, haksat cimnak a thuak tupa hi. Midang mitmai pialhnak a co tupa bang hi. Sum sial ngawlnak a thuak hang kohten U pat ma ung.
|
||
\q
|
||
\v 4 Mah naven, ohtei natnak hempoh laksak hi. Dantat nak hei hihen, Pathian thu hilhnak hang haksat cimnak hei hihen, a thuak tupa hitin kohten ngaisung thei ung.
|
||
\q
|
||
\v 5 A man ohtei palcat sualnak hang a liamnak, bawlsiat nak thuak hi. Ohtei daihnak a cang tik tu thu hilhnak cu a ma hum ah heng in a thuak mi liam ma hang, ohtei nat nak dam zo.
|
||
\q
|
||
\v 6 Ohtei venghawng tuu bang lamzin pial in, mai hawhnak lamzin tekah hawh hang Pathian in ohtei sualnak hempoh a ma hum ah koih hi.
|
||
\q
|
||
\v 7 A mah cu bawlsiat nak le sonsiat nak thuak in a kam keu ngawl in um hi. Thah co tukin pui mi tuu no bang, a mah pui in tuu cu a mul met tupai mai pen ham ngawl a um bang a kam cu keu ngawlin um hi.
|
||
\q
|
||
\v 8 A pha ngawl in thukhen nak hang, a mah cu suah tul pih haw. A nung mitei umnak munpen a mah cu a thahnak hang a miphun hinnam cu itihbang in lamhuai tuk hum? Ka miphun tei sualnak hang dantat nak thuak ing.
|
||
\q
|
||
\v 9 Sual a bawl um ma hi. A kam pen zol thu um ma naven, misual te tuah phum tuk in thukhen haw. Mah naven a thih nungten milian pai sungah um hi.
|
||
\q
|
||
\v 10 Pathian in a mah cu bawlsiat tuk deihnak a um hang na tik hi. A man sual ngaihdam biakpiak nak a bawl cengten, miphun hinnam cu mu tuk hi. A nun vang sau tuk. Pathian ngaihsut tuptah nak vang a ma khut sungah kim tuk hi.
|
||
\q
|
||
\v 11 A thinlung hawvang thuak mi haksat cimnak man cu a man mu in lungdam tuk hi. Mah a dikcang mi ka sila theihnak hang, a man mihing tampi dikcang nak ah kho tik tuk hi. A muhtei sual cu a mah loli bawl hi.
|
||
\q
|
||
\v 12 Mah tihcun a nunnak cu thihnak ah buak in mipha ngawl te tuah sialcih nak ah a hen hang, mihing tampi tei sual cu pua in mipha ngawl mitei ca a nget hang, a sunglawi mite tuah a ma ca cang tik tukin keiman pia tung. Thazang ngilnak a nei mite tuah a khut in a co ngah te cu a man pe tuk hi.
|
||
\s Zamsan a thuak tupai a heng tuk laih a co tuk minthan nak
|
||
\c 54
|
||
\p
|
||
\v 1 Nau hinnak a nei ngawl micing nu lungdam in. Nauhin haksat cimnak a thuak laih ngawl mi nu aw, au in. Itahum titale, zam san mi numei cu pasal a nei mi numei sang tampi ca nei zo hitin, Pathian thu piak mi um hi. Na deu buk zal tik in.
|
||
\q
|
||
\v 2 Na umnak a hum khuh in. Sahelh nak thinlung nei pah sin. Khausau tik in. Khuam te khimzet phut in.
|
||
\q
|
||
\v 3 Itahum titale, na taklam, veilam ah khangto tuk hi. Na miphun hinnam cu ngam dang miphun ten lo luah in a mun a thawmveng mi khuapi ah um haw tuk.
|
||
\q
|
||
\v 4 Laupah sin. Zahcak mualpho nak ah heng tuk ma ci. Mitmai sia pah sin. Mualpho tuk ma ci. Kum dawm laih in zahcak mualpho na thuak cu phawk tuk ma ci. Meivong nui thuak mi mawhsiat nak cu phawk leh tuk ma toh ci.
|
||
\q
|
||
\v 5 Itahum titale, nangmah bawl tupa cu na pasal hi. A min cu vangcung ngalkap Topa Pathian hi. Nangmah a teng tupa cu Isarel miphun pen a thiangtho mi Pathian hi. Leihum hempoh uktu Pathian tin sam haw hi.
|
||
\q
|
||
\v 6 Zam san thinlung sonsiat mi numei nu aw, naupang laih in zi na hih hang, tunung ten vawk mi numei nu a sam leh bang, nangmah cu keiman sam leh tung hitin, na Pathian in thupia hi.
|
||
\q
|
||
\v 7 Nangmah cu huncom no sung ka zam san hang, hehpih nak tampi tuah pui leh tung.
|
||
\q
|
||
\v 8 Nasezet thinuuk in huncom no sung ka mitmai pial naven, Pathian itnak tuah nangmah pan tung hitin nangmah a teng tu Pathian in thupia hi.
|
||
\q
|
||
\v 9 Noah khut sung pen a khuh mi tui cu keiman sialsiah in, mahmi tui in leihum cu tui hau tung leh tuk ma hitin thukam mi bang nangmah cu ka thinuuk tuk mang. Thukhen tuk mang hitin thukam nak bawl zo ing.
|
||
\q
|
||
\v 10 Mualpi le mualneu te a thawn ta vang ka it nak cu na nel pen thawn tuk ma hi. Ka daihnak thukhaam vang thawn tuk ma hitin na nelah lainat nak, hehpih nak thinlung a nei tu Pathian thupiak hi.
|
||
\q
|
||
\v 11 Bawlsiat nak le huihpi theu nak thuak in nepnak a co ngawl mipa aw, na inn cu taklei tuah belh cih tung. Inn tawphah sapphires suang te a zawng mawi zet in keiman sa tung.
|
||
\q
|
||
\v 12 Na tukvelh kongka, kongka pi te, ngam ngi te a pha mi suang tuah keiman bawl tung.
|
||
\q
|
||
\v 13 Na canu le capa hempoh te Pathian thu hilh mi a hih hang, tampi hauksak nak tuah dim haw tuk hi.
|
||
\q
|
||
\v 14 Nang cu dikcang nak thu tuah kho tuk ci. Bawlsiat nak a khuala hang laupah sun. Launak cu khuala pi a hih hang, na bulah heng tuk ma hi.
|
||
\q
|
||
\v 15 Ka phalnak thu um ngawl in, na langlam ah a kuamah um tuk ma hi. Umnak a um awng ngawl mite cu nangma lamah tum haw tuk.
|
||
\q
|
||
\v 16 Mei cu sem in a na deh mi ngalhiam nam a bawl thiam tu pumsu pa hei hihen, siatsuah tuk in siatsuah tupa hei hihen, keiman bawl ing.
|
||
\q
|
||
\v 17 Na langlam pen bawl mi ngalhiam nam pakhat no hei pitung tuk ma hi. Na thubuai tawh mipa cu sung tuk hi. Pathian sila ten mah tihbang mi lo cu co in keima hang dikcang nak ah heng haw tuk hitin, Pathian in thupia hi.
|
||
\s Dang a dum miten in tuk hi
|
||
\c 55
|
||
\p
|
||
\v 1 Dang a dum mite aw, tui umnak mun ah hung un. Sum a nei ngawl mite aw hung un. Lei in, in un. Sum um ngawl, man piak kul ngawl hung in cabit tui le khuaitui lei un.
|
||
\q
|
||
\v 2 An a hi ngawl mi ca nohtei neihnak hei hihen ita bo tik uh cim? Ka awnkam pha zet no ngai in, a pha mi an cu ei un. Nohtei hawvang cu a hum mi thu sungah a mah le mah lungnop tik tuk hi.
|
||
\q
|
||
\v 3 Na beng hek in ka nel ah hung un. Ngai un. Nohtei hawvang cu nung tuk hi. Keiman a muhte tuah kumkhua thukhaam bawl in David nelah a kho mi hehpih nak nang muhte pia tung.
|
||
\q
|
||
\v 4 Zo in. A mah cu theihpih tu cang tik tuk in hihen, uktu pa cang tik tuk in hihen, miphun tei lakah keiman pia zo ing.
|
||
\q
|
||
\v 5 Zo in. Na theih awng ngawl mi miphun cu sam tuk ci. Nangmah a thei awng ngawl miphun te vang na Topa Pathian, Isarel miphun tei a thiangtho mi Pathian hang, na nel ah tai haw tuk hi. Mahmi Pathian in na minthan nak lang tik tuk.
|
||
\q
|
||
\v 6 Tawh theih huncan a um laih in Pathian zei un. A nai laih in thunget un.
|
||
\q
|
||
\v 7 Mipha ngawl pa’n a lamzin hei hihen, a ngaihsut nak hei hihen zam san in Pathian nel ah thek hen. Mah tihcun a bawl tale hehpih tuk hi. Ohtei Topa Pathian nelah thek hen. Mah tihcun a bawl tale a cuang in a sual ngaihdam tuk hi.
|
||
\q
|
||
\v 8 Pathian thupiak mi ka ngaihsut nak cu nohtei ngaihsut nak tuah bang ve ma hi. Ka nuncan ziaza vang, nohtei nuncan ziaza tuah bang ve ma hi.
|
||
\q
|
||
\v 9 Vanhum cu lepi sang in a sang saw bang, ka nuncan ziaza vang nohtei nuncan ziaza sang in hihen, ka ngaihsut nak cu nohtei ngaihsut nak sang in hihen sang saw hi.
|
||
\q
|
||
\v 10 Nguah tui le dai tui te vanhum pen hengin mu leh tuk ma hi, lei cu anci a vawh tupan anci hei hihen, an a ei tupan an hei hihen, pia tuk in le leilung a nom tik hang, an kung po tikin an kung a ngah a ngah bang in hihen,
|
||
\v 11 Mah bang bok ka awnkam thu cang tuk hi. Nemcuam nak um ngawl in ka nel ah kik leh tuk ma hi. Ka deihnak cangkim tik tuk hi. Ka tik mi thu sungah pi tung tuk hi.
|
||
\q
|
||
\v 12 Nohten lungdam nak thinlung tuah tulin, daihnak tuah het co tuk uh ci. Mualpi mualneu te cu na mai pen, lasak nak au in ngam sungah a um mi thingkung hempoh ten baibeng haw tuk hi.
|
||
\q
|
||
\v 13 Lingkung phunnam kim sung pen cak thingkung le myrtle thingkung te po haw tuk. Mahmi thu cu Pathian mai pen phawk tukin a tham thei ngawl mi Pathian theihnak thu in cang tuk hi.
|
||
\s Miphun dang tei ca nunpat nak
|
||
\c 56
|
||
\p
|
||
\v 1 Pathian thupiak mi thudik cingkem in, dikcang nak tuah nung in. Ka nunpat hehpih nak huncan le ka dikcang nak thu a lang tuk huncan nai zo.
|
||
\q
|
||
\v 2 Mah tihcun a bawl tupa a ngaisung leng thei mipan colhni cu zawt ma hi. Cingkem in a khut cu sualnak pen a luat tupa cu thupha um hi.
|
||
\q
|
||
\v 3 Pathian sungah a um tu miphun dang ten Pathian in keimah cu a miphun te tuah khen zo tih hei in hihen, til ngeh pa bang in hihen, kei cu a ko mi thingkung in cang zo ing hitih hei in hihen, son ma hen.
|
||
\p
|
||
\v 4 Pathian thupiak mi ka colhni cingkem ka deih mi thu teng in ka thukhaam sungah a um tu til ngeh mite cu,
|
||
\v 5 Canu le capa te sang a sunglawi saw mi thu, a sunglawi mi min cu ka inn, ka thukhen nak pen keiman pia tung.
|
||
\q
|
||
\v 6 Pathian nelah a na cingkep nak, sila bulpi cang tik tukin Pathian sungah a um ngam dang miphun te hei hihen, colhni cu zawt haw ma hi. Cingkem in ka thukhaam a lenkhim tu hempoh te hei hihen,
|
||
\v 7 A thiangtho mi ka mual hum ah keiman pui in, ka thunget nak inn sungah lungdam tuk hi. A muhtei meihal biakpiak nak le biakpiak hempoh ka biakpiak nak hum pen keiman co tung. Ka inn cu miphun hempoh tei thunget nak inn tin sam haw tuk hi.
|
||
\q
|
||
\v 8 Mun hempoh ah a thamkek mi Isarel miphun te, hulawmkhawm tu Topa Pathian thupiak mi cu hulop sa mite bek sial ngawl a dang a muhte cu mahmi hulopkhawm nak sungah keiman hulawmkhawm tik tung hitin, thupia hi.
|
||
\s Mipha ngawl te Pathian thukhen nak
|
||
\q
|
||
\v 9 Lo sungah a um mite le ngam sungah vakvai mi sahang hempoh te aw, pet tuk in hung un.
|
||
\q
|
||
\v 10 A ngalvil tute cu mitcaw haw zo. A mu venghawng thei ngawl in a mu venghawng a ham thei ngawl mi uico sil, hihbuh a ci thei mi uico te hi haw hi.
|
||
\q
|
||
\v 11 Longak an tampi ei in vonvah thei ngawl mi uico te bang haw hi. Tuu khal tute vang zo thei haw ma hi. Tuukhal tu hempoh lamzin pial in a muhtei lamzin ah zui haw zo. Pakhat no hei tang ngawl in, thincun zet mai nemcuam nak bek ngeh zei haw zo.
|
||
\q
|
||
\v 12 Hung un. Cabit tui la tung hi. Zu khampek in tuk hung. Tuni um bang zingten cang tuk hi. Mah bek sial ngawl, hausa saw tuk hung hitin, son thei haw hi.
|
||
\c 57
|
||
\p
|
||
\v 1 Midik cang pa cu sia in, hehpih nak a bawl thei miten vawknak a co ten, midik cang pan phat ngawl nak pen laksak zo hitin a kuamah ngaisung ngawl, a kuamah in phawk haw ma hi.
|
||
\q
|
||
\v 2 Mah tihbang mipa cu daihnak sungah tum hi. Dikcang nak tuah nung in a zaunak ihkhun pen cawl hi.
|
||
\q
|
||
\v 3 Nam nei nui capa, suzuak nui cate aw, nek un.
|
||
\q
|
||
\v 4 Nohten a kua cekpan bawl nge uh cim? A kon kam kau in lei sia tul hum? Nohte cu thukam palcat miphun, thukam a sia mi miphun hima maw?
|
||
\q
|
||
\v 5 Thingkung hing nuai hempoh ah zuk milim deih pa, hawkluam suangtep nuai pen naupang that tupa hima maw?
|
||
\q
|
||
\v 6 Hawkluam sung pen a nal mi suangpum sungah nangma ta um hi. Mah tihbang mi thu te cu na lo co mi hi. Mah tihbang mi thu mai pen a luang mi biakpiak nak le an tuah biakpiak nak bawl thei hi. Mahmi thu te keiman deih ing maw?
|
||
\q
|
||
\v 7 A sang zet mi mual hum pen na ihkhun zaunak koih in, mahmi umnak mun ah kai in biakpiak nak bawl thei ci.
|
||
\q
|
||
\v 8 Na phawh tuk mi thu cu kongka pi le khuam nung ah koih hi. Keimah sial ngawl a dang a muhten a van silh duk in ihkhun zaunak hum ah kai zo. Ihkhun zaunak zal tik in a muhte tuah lungkim zo. A muhtei ihkhun zaunak vang deih in umnak mun hempoh ah zei zo.
|
||
\q
|
||
\v 9 Sathau ngimnam tui telin kumpi nelah hawh zo. Ngimnam tui hempoh te mang zo. Thuthang a puak tu kam tai te cu ngam khuala pi umnak mun ah hah in thihnak ngam tian a mah le mah khia suk zo hi.
|
||
\q
|
||
\v 10 Ngam khuala pi ah khualzin in cim zet ta vang thinkham ma hi. Zuamnak tuah a luat nak hang, thanzang kiam ma hi.
|
||
\q
|
||
\v 11 Nangman thukam sia tuk tian hei in hihen, keimah phawk ngawl tian hei in hihen, a kua lau nge cim? Kei cu tang laih penpan daiden no um hang, nangman keimah lau ngawl in um hima maw?
|
||
\q
|
||
\v 12 Na bawlphat nak le na bawl mi thu te keiman lak tung.
|
||
\q
|
||
\v 13 Mah tihbang mi thu cu phatnak pia thei ma hi. Na au ten nohtei venghawng in pan haw hen. Huih in a muhte cu theu cih tuk hi. Huih veikhat a sem ten tham haw tuk. Keimah a muang tupa cu uknak ngam co in ka mual thiangtho lo co tuk hi.
|
||
\s Thinlung a kehkuai mipai nelah Pathian a umnak
|
||
\v 14 Mah ten lei cu dip un. Lei cu dip un. Lamzin cu lem un. Ka miphun tei lamzin pen a kham tu um ma hen hitin, keiman hilh ing.
|
||
\q
|
||
\v 15 Itahum titale, a thiangtho tin min a nei mipa kumkhua a kho mi biakinn sungah a um tupa, a sang belnak ah a um Pathian thuipiak mi kei cu a sunglawi a thiangtho mi umnak mun ah um ing. Niamkhiat mipa le thinlung a kehkuai tupai thinlung hawvang nung tuk in, thinlung a kehkuai mi lungmu a nei tutei lakah hei in kei cu um ing.
|
||
\q
|
||
\v 16 Keiman a cat ngawl in thukhen tuk mang. A cat ngawl thinuuk tuk mang. Mah tin a hima tacun nunnak cu ka mai pen tham in, ka bawl mi hawvang cu siatnak ah heng tuk hi.
|
||
\q
|
||
\v 17 A sual palcat nak hang, ka thinuuk suak in dantat ing. Thinuuk in a mitmai pial ing. A mah vang a deihnak lamzin ah pial in hawh hi.
|
||
\q
|
||
\v 18 A nun can ziaza mu zo ing. A nat nak dam tik tuk in lamhuai tung. A mah hei hihen, a mah tuah thinnau mite hei hihen, daihnak pia tung.
|
||
\q2
|
||
\v 19 Keiman muk kam a ngah te bawl ing. A khuala ah a um mipa hei hihen, a nai ah a um mipa hei hihen daihnak in cang hen, daihnak in cang hen, a nat nak cu keiman dam tik zo ing hitin, Pathian in thupia hi.
|
||
\q
|
||
\v 20 Mipha ngawl mite cu daihnak co ngawl in cinciak le buakseh mi tuipi tuah bang ve haw hi.
|
||
\q
|
||
\v 21 Mipha ngawl mitei sungah daihnak um tuk ma hitin, keimah Pathian in thupia ing.
|
||
\s A dik mi ancan nak
|
||
\c 58
|
||
\p
|
||
\v 1 Nging zet in au un. Lemle aw bang awsuah in Jakop miphun a himi ka miphun te a muhtei sualnak lak in.
|
||
\q
|
||
\v 2 A muhte cu dan zui miphun, a Pathian dan thukham te zam san ngawl miphun bang, nisial keimah zei in ka dan lam zin deih haw hima maw? Dikcang nak tuah thukhen nak te, ka nelah a cat ngawlin thu dongin Pathian nelah a nek nak hang deihnak hima maw.
|
||
\q
|
||
\v 3 Ancan nak ka neih uh ten, nangman ita mu ma nge cim? Kohten ita kei muhte bawlsiat hum? Nangman thei ngawl in um cim maw. Zo in, an na can ni ten nohtei deihnak mu tuk uh ci.
|
||
\q
|
||
\v 4 Nohten eldun nak tuah haudun in phat ngawlnak khutsum sawh in ancang uh ci. A sangnak mun pen nang muhtei aw thei tik tukin a tu huncan cu ancan nak bang hima hi.
|
||
\q
|
||
\v 5 Ka deih mi ancan nak cu mah tihbang mi sialsiah nak bang um maw? Mihing ten nikhat sung haksa cim zet nunnak, thingkung bawng bang lukun nak, zau ten thangkhau le vut phahnak um tale ancan nak hei hihen, Pathian deih mi ni tih hei in hihen, sam tuk mi maw?
|
||
\q
|
||
\v 6 Ka deih mi ancan nak thu cu a pha ngawl mi ken duhnak, a ngit mi van khiaknak, bawlsiat a thuak mitei luatnak, van puak mi hempoh te siatsuah nak hima maw?
|
||
\q
|
||
\v 7 Ningkial mipa an cawmnak, umnak nei ngawl, mizawng haksa mite a inn ah pui nak, puansilh tuk a nei ngawl mipa a um tale puan silh tuk piak nak, nangmah le nangmah na thisan tuah khuh ngawlnak hima maw?
|
||
\q
|
||
\v 8 Mah tin bawl tale na vak nak cu zingkhua vak bang heng in a manlang damnak ah heng tuk ci. Na dikcang nak thu cu na mai ah hawh in Pathian minthan nak cu nangman laksawng co tuk ci.
|
||
\q
|
||
\v 9 Mah tihcun na bawl tale nangmah a sam ten, kei cu um ing hitin nangman thupia tuk ci. Nang cu na sung pen kolhak hei hihen, khut tuah kawhnak hei hihen, mawhsiat nak awnkam te hei hihen vawksak in,
|
||
\v 10 Ningkial pa le haksat cimnak a thuak tupa cu nangman hehpih nak thinlung tuah daihnak pia tale na vak nak cu a ciang ngawl mi umnak ah hengin khuathim nak cu sun vaknak bang in cang tuk hi.
|
||
\q
|
||
\v 11 Pathian in nangmah a cat ngawl bawm tuk hi. Ningkial pam tung nak huncan ten, ankham pek cawm in na nguh te kho tik tuk hi. Nang cu huan tui leih tu bang in hihen, a kang thei ngawl mi cik tui khuk bangin cang tuk ci.
|
||
\q
|
||
\v 12 Na miphun hinnam cu tang laih in a cim mite lem leh haw tuk hi. Tang laih in a sak mi innpi hum pen sa bet haw tuk hi.
|
||
\q
|
||
\v 13 Nang cu a cim mi khuapi khantian a lem leh tupa, mihing umnak lamzin a bawl tupa tin samnak co tuk ci. Nang cu colhni zawnsak tuk ma ci. A thiangtho mi keima ni in na deihnak ah zui ngawlin colhni cu deih mi ni, Pathian ca a thiangtho mi ni, Upat tak mi ni tin a sam hang a ma na dek ngawl a ma deihnak ah zui ngawl in awnkam sonnak nei ngawl, mahmi ni cu Upat nak a nei tale,
|
||
\v 14 Nang cu Pathian sungah lungnop nak co tuk ci. Leihum pen a sang nak mun te cu keiman khung tik in na pa Jakop lo co a neih mi tuah keiman cawm tung hitin, Pathian awnkam a suak mi thupiak um hi.
|
||
\s Sualnak a tam hang haksat cimnak tam hi
|
||
\c 59
|
||
\p
|
||
\v 1 Zo in. Pathian in nunpan thei tuk ngawl tian a khut com ma hi. Za thei tuk ngawl tian in a beng ngong maw.
|
||
\q
|
||
\v 2 Nohtei sual bawl cu nang muhte Pathian tuah khen tik zo hi. Za thei tuk ngawl in, nohtei sual cu a mitmai pial tik zo hi.
|
||
\q
|
||
\v 3 Nohtei khut cu thisan tuah in hihen, nohtei khut kak te sualnak tuah in hihen bal zo. Nohten muk kam le lei pen zol thu awnkam, a thiangtho ngawl mi awnkam son thei uh ci.
|
||
\q
|
||
\v 4 Thudik cu a kuamah in zei ma, thukam cu a kuamah in cingkem ma, imah a thupi ngawl muang in zol thu awnkam son thei uh ci. A pha ngawl mi ngaihsut nak pia in, a thiangtho ngawl mi sual hing zo uh ci.
|
||
\q
|
||
\v 5 A mun ngulsia tui cu op in keuh tik thei hi. Maimom zangkan vang tak haw hi. A muhtei a tui a ei tupa cu thi thei hi. A tui atkeh in ngulsia suak keuh thei hi.
|
||
\q
|
||
\v 6 A muhtei tah mi a zang tuah a puan bawl ma hi. A nunnak tuah a man silh haw ma hi. A muhtei bawl mi thu cu a thiangtho ngawl mi thu hi. A muhtei khut sungah a sia suak mi thu um hi.
|
||
\q
|
||
\v 7 A muhtei ke cu phat ngawlnak bawl tuk in tai thei hi. Sual a nei ngawl mipa cu that tuk in man lang zet hi. A muhtei ngaihsut nak cu a pha ngawl mi ngaihsut nak a hih hang, a muhtei hawhnak lamzin ah siatnak le haksat cimnak um hi.
|
||
\q
|
||
\v 8 Daihnak lamzin cu a mun thei haw ma hi. A muhtei khualzin nak lamzin cu thukhen nak um ma hi. A muhtei hawhnak tuk a kawi mi lamzin bawl haw zo. A zui tupa cu daihnak thei ma hi.
|
||
\q
|
||
\v 9 Mah hang, dikcang zet thukhen nak cu kohte tuah khuala pi hi. Thudik vang kohtei lak ah um ma hi. Vaknak muang ta vang ciang haw ma hi. Khuavak a muang ta vang khuathim sungah hawh haw.
|
||
\q
|
||
\v 10 Mitcaw pa bang pang zet thei haw hi. Mit a nei ngawl mipa bang zet thei haw hi. Zan huncan bang, sun huncan ten khengkha in lum haw. Kohten mithi pa bangin mi thawmveng umnak mun ah um ung.
|
||
\q
|
||
\v 11 Kohtei venghawng cu vom bang ham in khulo bang khuang ung. Thukhen nak muang in ngah haw ma hi. A hehpih nunpat nak a muang ta vang kohte tuah khuala zet hi.
|
||
\q
|
||
\v 12 Kohtei sual cu na mai pen tam zet hi. Sual bawl tuten, kohtei a langlam pen theihpih haw hi. A sualnak te pumpi ah kop cih in bawl sual mite thei ung.
|
||
\q
|
||
\v 13 Pathian cu sual bawlnak, elnak te bawl hang, kohtei Pathian cu zam san haw zo. Bawlsiat mi awnkam, donak awnkam thuson nak, a man ngawl mi awnkam phawkin, thinlung sung pen sonnak bawl zo ung.
|
||
\q
|
||
\v 14 Dikcang zet in thukhen nak um ma zo. Thudik cu khualapi ah ding in um hi. Thukam lamzin cu lum zo. A dik mi lungmu lut thei ma hi.
|
||
\q
|
||
\v 15 Thukam tham zo. Sual nak a pial tupa cu laksak co tuk hi. Mahmi thu cu Pathian in a mu tale thudik a um ngawl hang hua hi.
|
||
\q
|
||
\v 16 Mihing pakhat no hei a um ngawl mi cu mu hi. Hehpih a kun tu pakhat no hei a um ngawl mi cu mangbang hi. Mah hang a khut tuah nunpat nak thu bawl in a ma dikcang nak thu in a mah cu bawm hi.
|
||
\q
|
||
\v 17 Dikcang nak awmdat silh in, nunpat nak thik lukhu cu khu hi. Sual dantat nak puan cu silh hi.
|
||
\q
|
||
\v 18 A muhtei nuncan ziaza bang sual thaman pia tung. Donak a nei tu mite cu a thinuuk nak hei hihen, ngal tei thuak tak mi bang in sual hei hihen, tuipi kulh nak ngam ah a um mitei sual thaman hei hihen pia tuk hi.
|
||
\q
|
||
\v 19 Mah hang, nitum nak lam ah a um mite le nisuah nak lam ah a um miten Pathian min le a minthan nak cu U pat haw tuk. Ngal te cu tui hautung bang a luh tum ten, Pathian hawvang in kham tuk hi.
|
||
\q
|
||
\v 20 Pathian thupiak mi a tan tupa cu Zion mual hum ah tolh suk in phat ngawlnak pen a pial tu, Jakop miphun nelah heng tuk hi.
|
||
\p
|
||
\v 21 A muhtei sungah ka piak mi thukhaam cu na hum ah a um mi ka hawvang le na kam ah ka koih mi thu cu a tu pen pan a tu le a kum khua na kam, na miphun tei kam le na miphun hinnam hempoh tei kam pen a tu pen pan kumkhua kho tuk hitin, Pathian in thupia hi.
|
||
\s Zion minthan nak
|
||
\c 60
|
||
\p
|
||
\v 1 Tho in, vak in. Na vaknak heng zo. Pathian minthan nak cu na hum ah heng zo.
|
||
\q
|
||
\v 2 Zo in. Khuathim in leihum cu khuh tuk hi. Asah zet mi khuathim pi in mihing te khuh tuk hi. Mah naven na hum ah Pathian heng in minthan nak cu na hum ah lang tuk hi.
|
||
\q
|
||
\v 3 Ngam dang miphun ten na vak nak ah hei hihen, kumpi ten na vak nak a al hei hihen hung haw tuk hi.
|
||
\q
|
||
\v 4 Mun hempoh ah zo un. Mi hempoh a muhten hulawmkhawm in na nelah hung haw hi. Na canu le capa ten ngam khuala pi pen heng in tuamlawm nak co haw tuk.
|
||
\q
|
||
\v 5 Mah ten nang cu launak le lungdam nak um tuk hi. Thinlung hing in lungdam tuk ci. Itahum titale, tuipi thuanthum hauhsak nak cu nangma lamah thekin ngam dang miphun tei hausak nak cu na khut sungah heng tuk hi.
|
||
\q
|
||
\v 6 Kalauk te le Midian ngam, Ephah ngam pen a cang mi kalauk ten, nangmah khuh tuk hi. Sheba ngam miphun hempoh te hung haw tuk. Sui le ngimnam tui keng in, Pathian hehpih nak cu lungdam nak tuah thangphat haw tuk.
|
||
\q
|
||
\v 7 Kedar ngam tuuhon tampi te cu na nelah hulawmkhawm haw tuk. Nabaioth ngam pen kel te, nangma dek in co tak mi sialsiah nak le ka biakpiak nak hum ah kai haw tuk. Ka minthan nak mun biakinn cu ka minthan nak lang sesem tik tung.
|
||
\q
|
||
\v 8 Meingo bang in hihen, a muhtei inn ah a leng mi laileng bang in hihen, a leng mi a muhte cu a kua te hum?
|
||
\q
|
||
\v 9 A thungai in na Topa Pathian min hang in hihen, na minthan nak a lang tik tu Isarel miphun tei a thiangtho mi Pathian hang in hihen, na cate tuah a mun sui, ngun te cu ngam khuala pi pen keng tukin, tuipi kulh nak ngam miphun ten keimah ngak in Tarshish tembaw te a ma sa in bawl haw tuk.
|
||
\q
|
||
\v 10 Ngam dang miphun ten na khuapi khantian cu sa haw tuk hi. Kumpi ten nangmah tuamlawm haw tuk. Itahum titale, kei cu thinuuk in nangmah dan tat ta vang, hehpih tung.
|
||
\q
|
||
\v 11 Miphun dang tei hauhsak nak cu na nelah kengin a muhtei kumpi te vang a kuat tuk thu, na luhtum nak kongka pi cu sun le zan khak ngawl in hong leng tuk hi.
|
||
\q
|
||
\v 12 Itahum titale, na sila a hi ngawl mi miphun le uknak ngam cu sia tuk hi. A thungai in mahmi miphun tei ngam cu sia tuk hi.
|
||
\q
|
||
\v 13 Ka umnak a thiangtho mi cu mawi tik tuk in Lebanon minthan nak le cak thingkung, cak thing phun namkhat, kei man ka ke ngiah umnak cu minthang tik tung.
|
||
\q
|
||
\v 14 Nangmah a bawl siat tutei cate, na nelah hungin bia haw tuk hi. Nangmah sumsial ngawl tu hempoh ten na ke bulah bopkhup in um haw tuk. Pathian khuapi, Isarel miphun tei a thiangtho mi Pathian Zion khuapi tin, nangmah cu sam haw tuk hi.
|
||
\q
|
||
\v 15 Midang ten nangmah a zam san haw hang, na nelah a kuamah hawh haw tuk ma hi. Keiman nangmah cu kumkhua a sang bel in cang tik tung. Miphun khang a peh lungdam nak thu in cang tik tung.
|
||
\q
|
||
\v 16 Nang cu ngam dang miphun tei nawitui in tuk ci. Kumpi tei capa sunglawi te hei in tuk ci. Keimah Pathian cu nunpan tu, Jakop miphun sung pen huham a nei mi Pathian, nangmah tennak thu cu nangman thei tuk ci.
|
||
\q
|
||
\v 17 Dal ai in sui hei hihen, thik ai in ngun hei hihen, thingta ai in dal hei hihen, suang ai in thik hei hihen, keiman keng tung.
|
||
\q
|
||
\v 18 Na thu hempoh daihnak lungmu, siahkhon tute cu a dikcang mi lungmu tuah dim tuk hi. Na ngam sung pen nehsiah bawlnak aw za leh tuk ma toh ci. Na umnak pen siatsuah nak um tuk ma hi. Na khuapi khantian cu nunpat nak tih hei in hihen, khuapi luhtum nak kongka te cu thangphat nak tih hei in hihen, sam tuk hi.
|
||
\q
|
||
\v 19 Mah cengten sun huncan ten na vak nak cu ni piak mi vaknak hi ngawl zan huncan ten hei in, hade vak nak in nangmah cu vak tik tuk ma hi. Itahum titale, Pathian in na nelah kumkhua vaknak, na Pathian cu na minthan nak in cang tik tuk hi.
|
||
\q
|
||
\v 20 Mah cengten nangma ni cu tum tuk ma hi. Na hade vang kiam tuk ma hi. Pathian cu na nelpen kumkhua vaknak a hih hang, thinkham kahnak huncan te bo zo.
|
||
\q
|
||
\v 21 Na mihing hempoh ten dikcang in ngam cu a cat ngawl lo a luah hang, ka minthan nak lang tik tukin, keimah loli phut in tuamlawm mi thingkung in cang haw tuk hi.
|
||
\q
|
||
\v 22 Naupang pakhat cu mihing thawngkhat in cang tuk hi. Thazang ngilnak a nei ngawl mi pakhat cu tha ngilnak a nei mi miphun in cang tuk hi. Keimah Pathian in huncan a hen ten mahmi thu cu sosuah tung.
|
||
\s Pathian deih mi kum
|
||
\c 61
|
||
\p
|
||
\v 1 Pathian hawvang cu ka hum ah um hi. Itahum titale, haksa nuncim mitei lakah lungdam nak thuthangpha phuang tukin keimah sathau thih zo. Thinlung a kehkuai mitei natnak tuam tuk in hihen, kol tang mitei lakah luatnak thu le thong inn sung a um mitei lakah thonginn kongka honnak thu lak tuk in hihen,
|
||
\v 2 Pathian thupha kum le ohtei Pathian a ngaldo leh ni thu thannak, thinkham luangsia a kap mi hempoh te nem tuk in hihen,
|
||
\v 3 Thinkham lungsia a kap mi Zion khua mitei ca thukhen in vut ai in sui lukhu, thasiat nak pen lungdam nak sathau, thanau nak lungmu pen thangphat nak van thuam cu a muhte pia tik tuk in hihen, keimah cu hah zo hi. A muhte dikcang nak oak thing, minthan nak tuk Pathian phut mi thingkung tin sam nak cu co haw tuk.
|
||
\q
|
||
\v 4 Tang laih a cim in a sia mite lem leh haw tuk. Tanglaih in a siatsuah mite sa haw tuk. Mi thawmveng mi khuapi umnak mun, khang tampi zam san nak mun cu bawl leh haw tuk.
|
||
\q
|
||
\v 5 Ngam dang miphun te ding in nohtei tuuhon te khal haw tuk. Tuipi kulh umnak ngam miphun ten, nohtei ca tuk lo bung in cabit huan te vang bawl haw tuk.
|
||
\q
|
||
\v 6 Nohte cu Pathian thiampi tih hei in hihen, ohtei Pathian na dek hi tih hei in hihen sam co haw tuk. Ngam dang miphun tei hauhsak nak cu nangman ei in a muhtei minthan nak sungah lungdam tuk uh ci.
|
||
\q
|
||
\v 7 Nohtei mualpho nak sung pen a letnih thupha co in minsiat nak pen hei a muhtei ca thuak in lungdam haw tuk. A muhtei lei ngam pen a let nih ca lo co in kumkhua lungdam nak tuah dim haw tuk.
|
||
\q
|
||
\v 8 Itahum titale, keimah Pathian in a dik mi thukhen nak deih ing. Lonsak nak thu le phat ngawlnak thu cu hua ing. Thukam nak bang a muhte phatnak pia tuk hi. A muhte tuah kumkhua thukhaam bawl tung.
|
||
\q
|
||
\v 9 A muhtei miphun hinnam a tu le canawn te ngam dang miphun tei umnak pen minthang haw tuk. A muhte cu Pathian thupha piak miphun hinnam te hitin a muhte a mu tu hempoh ten lungkim haw tuk.
|
||
\q
|
||
\v 10 Pathian hang, kei cu lungdam zet in ka Pathian hang ka hawvang cu lungdam nak dim tuk. Itahum titale, mo huai tupa cu sui lukhu a khuk bang in hihen, mo nu cu a van thuam bang in hihen, nunpat nak van thuam tuah keimah thuam tik in dicang nak puan silh tik zo.
|
||
\q
|
||
\v 11 Leihum ah thingkung a po tik bang in hihen, lo ah a cin mi anci cu a men tawt tik bang in hihen, mah bang bok Pathian in mihing hempoh mai pen dikcang nak le thangphat nak heng tik tuk hi.
|
||
\s Minthak a nei mi Zion
|
||
\c 62
|
||
\p
|
||
\v 1 Zion khuapi ca keiman daiden no um mang. Dikcang nak a al cu vak nak bang in hihen, a nunpat nak cu meikhuat vak bang in hihen, a vak laih ngawl in kei cu daiden no um mang.
|
||
\q
|
||
\v 2 Ngam dang miphun ten na dikcang nak hei hihen, kumpi hempoh ten na minthan nak hei hihen mu haw tuk. Pathian kam pen a suak tul mi minthak tuah nangmah sam haw tuk.
|
||
\q
|
||
\v 3 Nang cu Pathian khut sung pen a mawi mi sui lukhu, na Pathian cawi mi kumpi khaisan nak sui lukhu in cang tuk ci.
|
||
\q
|
||
\v 4 Nangmah zamsan tupa tih hei in hihen, na lei ngam cu mi thawmveng umnak lei ngam tih hei in hihen, sam leh tuk ma toh hi. Nang cu ka deih mipa, na lei ngam cu lehthah nak lei ngam tihmi min ngah tuk ci. Itahum titale, Pathian in nangmah deih hi. Na lei ngam cu lehthah in huai tuk hi.
|
||
\q
|
||
\v 5 Tangval in khanglai him tuah lehthah a huai bang na caten nangmah tuah lehthah in huai haw tuk. Mo huai tupan mo nui nelah a lungdam bang, na Pathian in nangma sungah lungdam tuk hi.
|
||
\q
|
||
\v 6 Jerusalem khuapi aw, a sun a zan daiden no a um ngawl mi mihing a cing tute cu na khuapi khantian nak hum ah keiman koih zo ing. Pathian a phawk tu mite aw, daiden no um pah sun.
|
||
\q
|
||
\v 7 Jerusalem khuapi cu a cat ngawl in kho ma hi. Leihum pen thangphat nak thu a heng laih ngawl tian in Pathian cu dai tik pah sun.
|
||
\q
|
||
\v 8 Pathian in na ngal te na cang tuah keiman cawm leh tuk ma toh ing. Na zuamnak tuah bawl mi cabit tui cu ngam dang miphun ten in haw tuk ma hi.
|
||
\q
|
||
\v 9 Cang at tute cu a muh loli ei in Pathian thangphat haw tuk. Cabit a thawi tuten ka mun thiangtho thukhen nak sung pen cabit tui in haw tuk hitin huham a nei mi a taklam khut thawmlian cu sal in thukam zo.
|
||
\q
|
||
\v 10 Khuapi kongka pi pen tul haw hen. Tul haw hen. Mihing tampi ca lamzin bawl un. Lei dip haw hen, dip haw hen. Suang te cu vawk un. Miphun hempoh ca tuk a lan phut un.
|
||
\q
|
||
\v 11 Leihum hempoh ah Pathian thupiak mi nangmah nunpan tupa cu hung hi. A co tak mi man cu a man keng in laksawng cu na mai ah um hitin, Zion canu te hilh un.
|
||
\q
|
||
\v 12 A muhte cu mi thiangtho Pathian ten mi pa hi tih hei in hihen, nangman midang zamsan ngawl a thiangtho mi khuapi tih hei in hihen sam co tuk hi.
|
||
\s Pathian thukhen ni le nunpat nak ni
|
||
\c 63
|
||
\p
|
||
\v 1 A huham thawmngeng nak tuah khualzin in minthan nak a nei mi vanthuam nak, Edom ngam, Bozrah khuapi pen pak a coih puan silh in a hung mipa cu a kua hum? Dikcang nak thu phuang in nunpan tukin huham a nei tupa cu keimah ing.
|
||
\q
|
||
\v 2 Nang cu ita a san mi puan silh nge cim? Puan cu cabit ngawi tupai puan tuah ita bang ve hum?
|
||
\q
|
||
\v 3 Cabit ngah cu keimah bek ngawi zo ing. Mihing tampi sung pen pakhat no hei tel ma hi. A muhte cu ka thinuuk suak in cil pek zo ing. Nasezet thinuuk in nem pek zo ing. A muhtei thisan cu ka puan hum ah theh hi. Ka vanthuam hempoh hum ah bang khawng tik zo.
|
||
\q
|
||
\v 4 Sual thukhen nak ni cu keiman phawk ing. Keimah a tat mi a muhtei kum heng zo.
|
||
\q
|
||
\v 5 Keiman zo in bawm tu um ma hi. Amthong ta vang bawm tu um ma hi. Mah hang, ka khut cu keima ca tukin nunpat nak bawl zo. Ka thinuuk nak cu keimah le keimah bawm zo.
|
||
\q
|
||
\v 6 Mihing tampi thinuuk in cil pek zo ing. Nasezet thinuuk in cil pek niknek ing. A muhtei thisan cu leihum ah buak hi.
|
||
\s Thangphat nak le thunget nak
|
||
\q
|
||
\v 7 A hehpih nak le a itnak bang Pathian in kohtei lakah a lainat nak hempoh hei hihen, Isarel miphun tei sungah a bawl mi a hehpih nak hei hihen, zo in Pathian itnak le Pathian a hehpih nak cu keiman thangphat tung.
|
||
\q
|
||
\v 8 A thungai in a muhte cu ka miphun hi haw hi. Thukam a sia ngawl mi capa hitin thu a piak hang, a muhte cu pan hi.
|
||
\q
|
||
\v 9 Haksat nak a hen sial ten a muhte bawlsiat ma hi. A mai pen a hah mi vancung mi in pan in, a itnak bang tan hi. Tang laih huncan hempoh in a muhte thiak hi.
|
||
\q
|
||
\v 10 A muhte vang do in a thiangtho mi hawvang cu na tik haw. Mah hang a muhte do haw hi.
|
||
\q
|
||
\v 11 Mah ten Pathian mihing ten tang laih huncan, Mosi huncan te phawk haw hi. A miphun te cu tuukhal tu te tuah tuipi sung pen a suah tu Pathian cu a lai ah hum? A miphun tei sungah a thiang mi hawvang cu khum tum in,
|
||
\v 12 Mosi taklam khut bulah minthan nak a khut thawmlian cu khum tum in, minthan nak a cat ngawl lang tik tukin a muhtei mai pen tuipi cu a khen hang,
|
||
\v 13 Munlawn pen cipuh te hawlvawk bang a kham tu um ngawl in a thukzet mi umnak mun ah a muhte a pui tu Pathian cu ai lai ah um hum?
|
||
\q
|
||
\v 14 Huakluam sung pen tuu, khui a hawh bang Pathian hawvang in daihnak thu pia hi. Mah tihcun minthan nak lang tik tukin, na mihing te pui zo hi.
|
||
\q
|
||
\v 15 Vanhum pen zo suk in. A thiangtho minthan nak munpen zo in. Na huham thazang ngilnak te laknak, a hehpih nak hang kohte a lainat nak cu a lai ah um hum? Kham sak in um maw?
|
||
\q
|
||
\v 16 Abraham in kei muhte thei ma hi. Isarel in sang ma naven a thungai in nang cu kohtei pa hi ci. Pathian aw, nang cu kohtei pa hi ci. Tang laih pen pan kei muhte a teng tu Pathian hi ci.
|
||
\q
|
||
\v 17 Pathian aw, na lamzin pen kohte ita pial tik hum? Nangmah lau ngawl nak tuk thu, kohtei thinlung cu ita khoh tik nge cim? Na sila tei ca tuk na lo hinnam tei ca hung leh in hi.
|
||
\q
|
||
\v 18 Na mi thiangtho ten huncom no sung a uk cengten, ngal ten a thiangtho umnak mun a pal zo hang,
|
||
\v 19 Kohten nang ma uk awng ngawl mipa bang in hihen, na min tuah sam a co awng ngawl mipa bang hei in cang haw tuk hi.
|
||
\c 64
|
||
\p
|
||
\v 1 Topan vanhum cu honsak in tolhsuk hen. Na mai pen mual te hing haw ta hen.
|
||
\q
|
||
\v 2 Mei in buak a kang bang in hihen, tui so tik bang in cang ta hen. Mah tihcun bawl tale, na ngal ten na min thei in na mai pen miphun hempoh ten hing tawtok haw tuk hi.
|
||
\q
|
||
\v 3 Kohtei muansan nak sang mangbangza thu te a bawl ten tolh suk in mual te cu na mai pen cim hi.
|
||
\q
|
||
\v 4 Nangmah a ngak tutei ca a bawl tu Pathian, nangmah sial ngawl a dang Pathian leipi a po pat pen pan, a kuamah in thei ma hi. Beng tuah hei in za ngawl, mit tuah hei in mu awng ma hi.
|
||
\q
|
||
\v 5 Lungdam nak thinlung le dikcang nak tuah a nung tu thudik lamzin sungah nangmah a phawk tute tuah pawlkom hi. Mahmi lamzin pen kohten a cat ngawl pialh theih hang a thinuuk hi. Nunpat nak ah heng haw ni maw?
|
||
\q
|
||
\v 6 Kohtei venghawng thianlim nak um ma hi. Deh phatnak bawl awng mi thu te cu puansia bang hi. Kohtei venghawng thingceh bang vuai in, kohtei sualnak te huih theu bang kohte cu tai vawk zo.
|
||
\q
|
||
\v 7 Na min suang in thungen tu nangmah tuah um tukin mah le mah a sosuah tu pakhat no hei um ma hi. Itahum titale, na mitmai pial in kei muhtei sual bawlnak hang siat suah zo.
|
||
\q
|
||
\v 8 Mah naven Pathian aw, nang cu kohtei pa hi ci. Kohte cu leibel ung. Nang cu kohtei bel bawl tu hi ci. Kohtei venghawng na khut tuah bawl mi hi.
|
||
\q
|
||
\v 9 Pathian aw, nasezet thinuuk pah sin. Bawl khak mi sual te a cat ngawl in phawk pah sin. Zo in. Kohtei venghawng cu na mihing te ung.
|
||
\q
|
||
\v 10 A thiangtho mi khuapi te cu ngam lak in cang zo. Zion mual vang ngamlak in cang zo. Jerusalem khuapi vang sia zo.
|
||
\q
|
||
\v 11 Nangmah cu pu le pa tei thangphat nak mun, kohtei a thiangtho a mawi mi biakinn kang zo. Kohtei deih mi thu hempoh siatsuah khawng haw zo.
|
||
\q
|
||
\v 12 Pathian aw, hi thu te daihnak pia ni cim, sup in kohtei haksat cimnak heng tik tuk cim maw?
|
||
\s Thukhen nak le nunpat nak
|
||
\c 65
|
||
\p
|
||
\v 1 Keimah thudot nak a nei awng mitei thu keiman ngai zo ing. Keimah a zei awng ngawl miten keimah tawk haw zo. Keimah zo un. Zo un hitin ka min tuah thunget nak a nei awng miphun te keiman hilh zo ing.
|
||
\q
|
||
\v 2 A mu deihnak bang a pha ngawl mi lamzin ah zui in, donak a nei thei mi miphun cu a mitmai pha pia in, sun nilui ka khut phalh in zak zo ing.
|
||
\q
|
||
\v 3 Mahmi miphun cu huan sung pen biakpiak nak bawl in, pang hum pen ngimnam tui meihal nak tuah ka thinuuk so tik tukin ka mai pen a cat ngawl bawl thei hi.
|
||
\q
|
||
\v 4 Khan mual ah um in thankhuk sungah zau thei hi. Vokcik ei in a nawngkai mi satui hang in thei hi.
|
||
\q
|
||
\v 5 A mun, nang cu mundang um tum hen. Ka nelah nek kha pah sin. Kei cu nangmah sang in thiangtho saw ing hitin, son thei hi. Mah tihbang mi a muhten, ka nal sung pen meikhu bang in hihen, a cat ngawl a kang mi mei bang cang haw tuk hi.
|
||
\q
|
||
\v 6 Ka maipen cazin sialsiah nak a neih hang, kei cu daiden no um ngawlin sual thaman pia tung.
|
||
\q
|
||
\v 7 Nohtei bawl sualnak hang in hihen, mual hum pen ngimnam tui meihal nak hang, mual hum pen keimah zawnsak tu nohtei pu le pa tei bawl sualnak hang in hihen, nohtei ang sungah keiman loh tung. A thungai in a muhtei bawl awng mi nuncan sual thaman cu a muhtei awm sungah keiman tehin pia tung hitin, Pathian in thupia hi.
|
||
\p
|
||
\v 8 Mah cengten Pathian thupiak mi cu cabit bawk pen cabit tui na muhten siatsuah pah sin, thupha um hitin a son bang ka sila tei phatnak tuk keiman bawl tung. A venghawng siatsuah tuk mang.
|
||
\q
|
||
\v 9 Jakop miphun sung pen anci hei hihen, Judah miphun sung pen ka mual lo a co tupa hei hihen, keiman lak tung. Ka ten miten ngam lo co in ka sila ten um haw tuk.
|
||
\q
|
||
\v 10 Keimah a zei tu ka mihing tei ca Sharon umnak mun cu tuu huan in cang tuk hi. Achor umnak munlawn cu khui tei kual nak mun in cang tuk hi.
|
||
\q
|
||
\v 11 Nohte cu Pathian zam san mipa, a thiagtho mi ka mual hum a phawk ngil tupa, Gada pathian maipen an eih cabuai lui in Meni pathian an tuah biakpiak nak a bawl tute hi uh ci.
|
||
\q
|
||
\v 12 Nang muhte keiman sial in nam lakah ap tung. A um mi hempoh thahnak thuak tukin lukun in um haw tuk hi. Itahum titale, nohten keimah na sam uh ten don tuk mang. Ka otpih ten ngai haw ma hi. Ka maipen a pha ngawl mi nuncan ziaza tuah nung haw hi. Ka deihnak a um ngawl mite teng haw hi.
|
||
\p
|
||
\v 13 Mah hang, Topa Pathian thupiak mi cu ka sila ten ei haw tuk hi. Nohte cu ningkial tuk uh ci. Ka sila ten in haw tuk hi. Nohte cu dangdum tuk uh ci. Ka sila ten lungdam haw tuk hi. Nohte cu mualpho tuk uh ci.
|
||
\q
|
||
\v 14 Ka sila ten lungdam nak thinlung tuah lasa haw tuk. Nohte cu thasiat nak thinlug tuah kap tuk uh ci. Thinlung a kehkuai miten kap haw tuk.
|
||
\q
|
||
\v 15 Ka ten mitei sungah nohtei min tamsiat tukin nohte cu tang tik haw tuk. Topa Pathian in a muhte that in a sila te a dang min tuah sa tuk hi.
|
||
\q
|
||
\v 16 Leihum pen thupha a co tupan thukam a cingkem Pathian cu sal in tamsiat tuk hi. Itahum titale, a masa in thu cu phawk ngil zo. Ka mai pen tham haw zo.
|
||
\s Van thak le lei thak
|
||
\v 17 Zo in. Van thak le lei thak cu keiman bawl tung. A masa vanhum le leipi cu phawk tuk ma hi. Thinlung hei in sialsiah tuk ma hi.
|
||
\q
|
||
\v 18 Ka bawl tuk laih mi thu hang, nohten a cat ngawl in lungdam tuk uh ci. Jerusalem khuapi lungdam nak thu, khuapi sung mitei lungdam nak thu cang tik tukin keiman bawl ing.
|
||
\q
|
||
\v 19 Keiman, Jerusalem khuapi hang lungdam tung. Ka miphun tei hang lungdam tung. Mahmi khuapi sung pen kahnak aw le aunak aw za leh tuk ma toh uh ci.
|
||
\q
|
||
\v 20 Mahmi khuapi sungah kum naupang um tuk ma hi. Kum a kim ngawl mitek vang um tuk ma hi. Kum zakhat kim in a thi mipa cu naupang hitin, sialsiah tuk hi. Sualnak a nei tupa cu kum zakhat a kim ten a thi tale tamsiat nak a thuak tupa tin sialsiah tuk hi.
|
||
\q
|
||
\v 21 A mun a sak mi inn ah um haw tuk. A phut mi cabit a ngah cu ei haw tuk hi.
|
||
\q
|
||
\v 22 A mun inn sa in midang te um tuk ma hi. A mun cabit huan phut in midang ten ei haw tuk ma hi. Ka mihing tei nunnak cu thingkung a nung mi bangin a mun a mu bawl mi cu ngeipi mang haw tuk hi.
|
||
\q
|
||
\v 23 Ka ten mite cu imah thupi ngawl in na dek haw tuk ma hi. Khan com mi capa hing haw tuk ma hi. A mah loli in a miphun hinnam ten Pathian piak mi muicu thupha a co tute hi.
|
||
\q
|
||
\v 24 Kei cu a muhtei samnak a neih laih ngawl in don tung. A sam laih tak hei in ngai tung.
|
||
\q
|
||
\v 25 Cingne le tuu no te munkhat ah an ei ngel in um haw tuk. Pawpi le khui ten hampa dawn ei haw tuk. Ngul cu leivul bek ei tuk hi. A thiangtho mi ka mual hum hempoh pen pakhat le pakhat bawl siatnak, siatsuah nak te um haw tuk ma hitin, Pathian in thupia hi.
|
||
\s Thukhen nak le muansan nak
|
||
\c 66
|
||
\p
|
||
\v 1 Pathian thupiak mi vanhum cu ka tohkham hi. Leihum cu ka ke ngaknak hi. Itihbang mi biakinn cu keima ca in sa haw tuk hum? A lai mun cu ka umnak mun in cang tuk hum?
|
||
\q
|
||
\v 2 Hi thu hempoh keimah loli bawl mi a hih hang cang hi. Thinlung niamkhiat nak, thinlung a kehkuai nak, ka awnkam hang a hing mipa bek cu keiman zo tung.
|
||
\q
|
||
\v 3 Mah cengten thu a piak leh mi khui a that tupa cu mihing that tupa tuah bang ve hi. Tuu no biakpiak nak a bawl tupa cu uico ngawng talh tupa tuah bang ve hi. A lu piak nak a nei tupa cu vok thisan a lu pia tupa tuah bang ve hi. Ngimnam tui meihal nak a nei tupa cu zuk milim thupha a pia tupa tuah bang ve hi. A thungai in a mun, a muhtei deihnak ah teng haw hi. A pha ngawl mi thu sungah lungdam hi.
|
||
\q
|
||
\v 4 Keiman, a mu ca haksat nak te teng tung hi. A muhtei lau mi thu cu heng tik tung. Itahum titale, ka sam ten a kuamah in don ma hi. Ka hilh ten a mun ngai haw ma hi. Ka mai pen a pha ngawl mi nun tuah a nun nak hang, ka deih ngawl mi thu cu teng haw zo.
|
||
\q1
|
||
\v 5 Pathian awnkam thu hang hing tawtokin a um mite aw, awnkam thu ngai un. Nang muhte hua in ka min hang hawlvawk mi U le nau ten, kohten nohtei lungdam nak mu tukin, Pathian minthan nak lang tik hitin a hilh ta vang mualpho haw tuk.
|
||
\q
|
||
\v 6 Khuapi sung pen a nging zet mi aw, biakinn sung pen a suak mi aw, ngal te sual thaman a pia tu Pathian awnkam hi.
|
||
\q1
|
||
\v 7 Zion canu ten nauhin haksat cimnak a thuak laih ngawlin capa hing hi. Haksat cimnak a hen laih ngawl capa hing hi.
|
||
\q
|
||
\v 8 Mah tihbang mi thu cu a kon za awng hum? Uknak ngam cu nikhat sung in hing thei maw? Ngam sung mipi hempoh veikhat thu in hing cih thei tuk maw? Zion canu in nauhin haksat cimnak a thuak tuk kuan ten cate hinnak nei hima maw?
|
||
\q
|
||
\v 9 Nau hinnak tuk thu cu keiman ka bawl cengten, hing tik ngawl in um tuk maw tin Pathian in dong hi. Ka naupai tik cengten hing thei tuk ngawlin khamsak tuk maw tin na Pathian in dong hi.
|
||
\q
|
||
\v 10 Jerusalem khuapi a it tu hempoh te aw, a mah tuah lungdam un. Jerusalem khuapi ca kahnak a nei tu hempoh te aw, a mah tuah lungdam un.
|
||
\q
|
||
\v 11 Mah tihcun bawl tale a daihnak nawi tui sunglawi dut in kham haw tuk hi. A hauhsak nak sung pen pholh suak in lungdam haw tuk.
|
||
\p
|
||
\v 12 Pathian thupiak mi cu ngun tui bang daihnak hei hihen, a luang mi tui bang miphun dang tei hauhsak nak hei hihen, Jerusalem khuapi sungah keiman heng tik tung. Nohten nawi tui cu dut in na elah pompaih nak, a khuk hum ah um nak co tuk hi.
|
||
\q
|
||
\v 13 A nu in a cano a nep bangin nohte cu keiman nem tung. Jerusalem khuapi sung pen daihnak co tuk hi.
|
||
\q
|
||
\v 14 Mah tihcun a muhtei hang, nohtei thinlung nop in na nguh te thingkung hing bang dam haw tuk. Pathian khut cu kohtei lakah hei hihen, a thinuuk nak cu ngal tei lakah hei hihen, lang tuk hi.
|
||
\q
|
||
\v 15 Zo in. Pathian thinuuk nak a nase hang pia leh tuk in hihen, mei alh nak hang thu hilhnak hei hihen, simpei huih bang mi leng cu khung in mei bang hung tuk hi.
|
||
\q
|
||
\v 16 Pathian in mei le nam tuah mihing hempoh sual thaman pia in, Pathian thah mite tampi haw tuk.
|
||
\p
|
||
\v 17 Thu a piak leh mi cu vokcik, namcik, a nawngkai mi an ei in, a muhte thiangtho tik tukin huan a lai ah a um mi pakhat nungah a zui tu mite cu siatnak ah heng cih haw tuk. A muhtei nuncan ziaza hei hihen, a ngaihsut nak hei hihen keiman thei ing.
|
||
\p
|
||
\v 18 Awnkam a dang awn miphun hempoh ka hulop tik mi huncan heng zo. A muhte cu hung in ka minthan nak mu haw tuk.
|
||
\v 19 A muhtei sung pen a lan cu keiman phut tung. Haksat nak pen a luat mite cu Tarshish ngam, Pul ngam, Lud ngam, Tubal ngam, Javan ngam pen pan in ka min a thei ngawl, ka minthan nak mu ngawl, khuala pi tui kulh umnak mun ah hah in ngam dang miphun tei sung pen ka minthan nak phuang haw tuk.
|
||
\v 20 Isarel miphun ten a thiangtho mi khuathai te tuah a lu piak mi cu biakinn sungah a ken bang a mun a muhtei U le nau te cipuh, leng, laang, laak, kalauk hum ah suan in Pathian biakpiak tuk ngam hempoh pen a thiangtho mi ka mual, Jerusalem khuapi ah keng haw tuk hitin, Pathian in thupia hi.
|
||
\v 21 Mi hekkhat ten keimah cu teng in thiampi hihnak le Levi miphun hihnak ah pia tuk hitin, Pathian in thupia hi.
|
||
\p
|
||
\v 22 Ka bawl mi van thak le lei thak cu ka mai ah a um bangin nohtei miphun hinnam le nohtei min cu kho tuk hitin, Pathian in thupia hi.
|
||
\v 23 Mihing hempoh ka mai ah bia tukin ha thak ni le colhni sial ten hung haw tuk hitin, Pathian in thupia hi.
|
||
\v 24 A mun keimah sual a bawl tutei mithi luang te tul in zo haw tuk. A muhtei lungthan cu thi thei ma hi. A muhtei mei vang mit thei ma hi. Mi hing hempoh tei sung pen a nawngkai mi in cang haw tuk hitin, thupia hi.
|