cnw_reg/16-NEH.usfm

\id NEH
\ide UTF-8
\rem The text in this file was extracted from C:/DCS/Chin, Ngawn/WORD/16. Nehemiah. docx.
\mt Nehemiah
\h Nehemiah
\mt Nehemiah
\toc1 Nehemiah
\toc2 Nehemiah
\toc3 neh
\s Nehemiah thunget nak
\c 1
\p
\v 1 Hacaliah capa Nehemiah awnkam thu cu Artaxerxes kumpi uknak kum kul, Chislev ha in keimah cu Shushan kumpi inn um laih tak in,
\v 2 Ka nau Hannani le Judah miphun hek khat te heng in kei cu mat a co mi Judah miphun sung pen a luat mi a muhtei thu le Jerusalem khuapi tei thu dong tale,
\v 3 A mun mat a co mi miphun sung pen luat in, mahmi ngam sungah a um a muhte cu nasezet haksat nak, zotsak nak thuak haw hi. Jerusalem khuapi khan tian cu cim in, khuapi kongka vang meikang in bo zo hitin, don leh haw hi.
\p
\v 4 Mahmi awnkam thu zaak ten kei cu khungin ngeipi kap, ancang um in vanhum Pathian mai ah thunget mi cu,
\v 5 Vanhum Topa Pathian aw, thawmngeng in a lauhuai mi Pathian dan thukham te deih in a cingkem tute tuah bawl mi a hehpih nak dan thukham siatsuah ngawlin a kho tik tu Pathian,
\v 6 Topai sila Isarel miphun tei ca a mai ah a sun le zan kei cu thungen in, Isarel miphun a himi kohten Topa sual bawl mi hempoh lakin hehpih kut mi Topa sila thunget nak za tukin, a tuin ngai in pha tak zet zo in.
\v 7 Keimah le ka miphun ten sual bawl zo ung. Topa cu sual bawl hang, nasezet a siasuak mi thu te bawl zo hi. Topai sila Mosi nelah a koih mi dan thukham a bawl mite cingkem ngawlin um zo hi.
\v 8-9 Topa’n nohten sual palcat tale ngam dang miphun tei sungah keiman khenkek tik tung hi. Mah cengten ka nelah kik leh in ka thukham te cingkem leh tale vanhum nuai a khuala pi umnak mun ah hawlvawk co ta vang, mahmi umnak mun pen keiman thiak ka min kho tukin, ka ten mi umnak mun ah pui tung hitin Topai sila Mosi nelah a koih mi thukam phawk in.
\v 10 A tuin, a mun a huham le a khut thawmlian tuah a ten mi Topai sila, Topai miphun in cang haw hi.
\v 11 Pathian aw, Topa sila bawl mi thunget nak le Upat nak min a pia tu ka bawl mi thunget nak awnkam thu ngai in. Topai sila cu tuni in thupha pia in. Hi mihing mai pen mitmai co tuk bawm in hitin, thungen hi. Mah ten kei cu kumpi khuathai keng tu ing hi.
\s Nehemiah cu Jerusalem khuapi ah Artaxerxes kumpi hahnak
\c 2
\p
\v 1 Artaxerxes kumpi uknak kum kul, Nisan ha in a mai ah koih mi cabit tui cu keiman cawi in pia ing.
\v 2 A bo sa hun in veikhat no hei ka mai pen mitmai sia a um awg ngawl a hih hang kumpi in, dam leng napi in ita mitmai sia in um cim? Thasiat tuk um hima maw tin a dot ten,
\v 3 Ka lau zet hang, kumpi nunkhua sau ta hen. Ka pu le pa tei khan mual umnak khuapi cu sia in khuapi kongka vang meikang in bo zo a hih hang, kei cu mitmai sia ngawl itihbang in um thei tuk hum tin a tih ten,
\v 4-5 Kumpi in itihbang in ngen nuam cim tin dong hi. Keiman kumpi deihnak um in ka thinlung a tawk tale ka pu le pa khan mual umnak khuapi ka bawl theih nak tuk, Judah ngam ah hah in hitin vanhum Pathian nelah thu a nget cengten hilh hi.
\v 6 Mah ten kumpi nu cu a bul ah khungin a um laih tak kumpi in na hawh tale ituk huncan tian ngei tuk kam? Ituk huncan ten kik leh tuk cim tin a dot ten hun le can ka hilh cengten kumpi deihnak um in keimah cu hah hi.
\v 7 Mah cengten, kumpi deihnak a um tale ngun tuipi nitum nak lam ah a um khuapi uktu ten keimah kham ngawlin, Jerusalem khuapi ah a hah tuk thu thupiak nak lai cu hehpih in.
\v 8 Huan cing tu bawi Asaph in biakinn pi kongka khuam le kongka zawl ca tuk in hihen, khuapi khan tian le keima umnak inn ca hei hihen, thing a piak tuk thu a thupiak nak lai vang hehpih in hitin a nget mi bangin, ka Pathian huham a hehpih nak hang kumpi in pia hi.
\p
\v 9 Mah ten ngun tuipi nitum nak lam khuapi uktu tei lakah keimah heng in, kumpi thupiak nak lai cu lak ing hi. Kumpi in ngalbawi le cipuh khung ngalhang te keimah tuah in hah hi.
\v 10 Isarel tei phat nak bawl tukin mihing pakhat a hunnak thu Horon miphun Sanballat sila Ammon miphun Tobiah ten a zak ten, a thinnop him ngawl in um haw hi.
\s Jerusalem khuapi khan tian Nehemiah a ceknak
\v 11 Keimah vang Jerusalem khuapi ah heng in nithum um cengten,
\v 12 Keimah a zui tu mihing hek khat te tuah zan lam ten tho Jerusalem khuapi bawl tukin ka Pathian cu ka nelah itihbang in ngiahsut nak pia hum tih mi midang pakhat lak ah hei hilh ngawl, ka khun mi cipuh sial ngawl imah thu son ngawlin,
\v 13 Zan ten hawkluam kongka pi lam pen suak tulin, ngulpi tuikhuk ngalkhat lam pen buak sehnak kongka lam tian hawhin, Jerusalem khuapi khan tian cim in khuapi kongka vang meikang in a um ngawl mi cu a zoh cengten,
\v 14 Ciktui khuk kongka le kumpi tui tingpi tian heng in cipuh lamzin a um ngawl hang,
\v 15 Mah cengten, mahmi zan in lui bulah hawh khuapi khantian ka zoh cengten, hawkluam khantian lampen kawn in lut tum leh ing.
\v 16 Ai lai munah hawh in aibawl hum tih kumpi ten thei haw ma hi. Judah miphun, thiampi, bawi U pa, uktu, na dek tu pakhat hei ka thu son ma laih ing.
\p
\v 17 Mah cengten, ohtei thuak mi haksat nak, Jerusalem khuapi siatnak, khuapi kongka te meikang in a bo nak cu nohten thei zo uh ci. Hung un. Sonsiat nak pen luat tukin Jerusalem khuapi khantian bawl tuk hung hitin a muhte hilh in,
\v 18 Ka Pathian in ka nelah a bawl mi a phatnak hei hihen, kumpi thupiak mi awnkam hei hihen, a zak ten a mun kohte cu tho in bawl tuk ung hitin tiin, mahmi phat nak cu ceng tik tukin pakhat le pakhat sosuah hi.
\v 19 Mahmi thuthang cu Horon miphun Sanballat, sila na dek tu Ammon miphun Tobiah, Arab miphun Geshem ten a zak ten nuihsan in nohten itihbang in bawl tuk uh cim? Kumpi do tuk uh cim maw tin zotsak nak tuah son haw hi.
\v 20 Keiman vanhum Pathian in kei muhte phalnak thupia zo hi. Mah hang, Pathian sila a himi kohte cu tho in sa tuk. Nohte cu Jerusalem khuapi pen imah co mi nei ngawl sialsiah theihnak thu um ma hitin, don leh hi.
\s Khuapi khantian a lem leh tute
\c 3
\p
\v 1 Mah ten thiampi ngeng Elishib cu a U le nau thiampi te tuah tho in tuu kongka lem in kongka khung, kongka zawl, kongkhah te tungin Me-ah innpi pen Hananeel innpi tian lem haw hi.
\v 2 A muhtei nungpen Jerikho khua miten lem haw hi. A muhtei nungpen Imri capa Zaccur in lem hi.
\p
\v 3 Ngasa kongka cu Hassenaah miphun ten lem in kongka khung, kongka zawl, kongkhah tungin, tawh mehnak le kongkalh nak te bulh haw hi.
\v 4 A muhtei nungpen Koz capa a himi Urijah capa Meremoth in lem hi. A nungpen, Meshe’sa-beel capa a himi Berechiah capa Meshullam in lem hi. A nungpen Baa-na capa Zadok in lem hi.
\v 5 A nungpen Teko khua miten lem haw hi. Mah hang, Teko kumpi ten a muhtei na cu bawm dun in bawl haw ma hi.
\p
\v 6 Kongka a lun cu Paseah capa Jehoiada, Bes-odeiah capa Meshullam in lem in kongka khung, kongka zawl, kongkhah te tungin tawhmeh nak le kongkalh nak te bulh haw.
\v 7 A muhtei nungpen Gibeon khua mi Melatiah, Meronoth khua mi Jadon, Gibeon miphun, Mizpah miphun ten ngun tuipi nitum nak lam khuapi uktu tohkham khunnak tian lem haw.
\v 8 A muhtei nungpen Harhaiah capa sui bawl thiam Uzziel, a nungpen si lam thiam Hananiah in lem in a zal mi khuapi khan tian nak Jerusalem khuapi cu kho tik haw.
\v 9 A muhtei nungpen Jerusalem khuapi a langkhen uktu, Hur capa Rephaiah in lem hi.
\v 10 A nungpen Harumaph capa Jedaiah cu a ma inn a lang le a lang lam pen in lem hi. A ma nungpen, Hashabniah capa Hattush in lem hi.
\v 11 A tang laih mi umnak le meikam innpi cu Harim capa Malchijah le Pahath-moab capa Hashub ten lem haw.
\v 12 A muhtei nungpen Jerusalem a langkhen uktu Haloshesh capa Shallum le a canu ten lem haw.
\p
\v 13 Hawkluam kongka cu Hanun le Zanoah khua miten lem in kongka khuam, kongkhah, tawhmeh nak, kongkalh nak te a bawl cengten, khuapi khan tian tong thawngkhat (1,000) cu buak vuaknakk kongka tian bawl haw hi.
\p
\v 14 Beth-haccerem khuapi a langkhen uktu Rechab capa Malchiah in buak vuaknak kongka cu lem in kongkhah, tawhmeh nak, kongkalh nak te bawl hi.
\p
\v 15 Mizpah khuapi a langkhen uktu Col-hozeh capa Shallum in cik tuikhuk kongka cu lem in kongka khuh, kongkhah, tawhmeh nak, kongkalh nak te a bawl cengten huan bul ah Siloah tuipi khuapi khan tian cu David khuapi kailawn tian bawl hi.
\v 16 A nungpen, Beth-zur khuapi a langkhen uktu Azbuk capa Nehemiah cu David khan mual a lang le lang pen pan a bawl leh mi tuipi ting le ngalbawi tei inn tian lem hi.
\v 17 A nungpen Levi miphun Bani capa Rehum in lem hi. A ma nungpen Keilah khuapi a langkhen uktu Hashabiah in a ma ta cu lem hi.
\v 18 Mah cengten a ma nungpen Keilah khuapi a langkhen uktu Henadad capa Bavai in lem hi.
\v 19 Mah cengten a ma nungpen Mizpah khuapi uktu Jeshua capa Ezer cu ngalhiam nam kim inn kainak a lang le a lang, khuapi a ning tiang lem hi.
\v 20 Mah cengten a ma nungpen Zabbai capa Barauch cu khuapi a ning pen thiampi Elishib inn kongka tian a zuamnak tuah lem hi.
\v 21 Mah cengten a ma nungpen Koz capa Urijah capa Mermoth cu Elishib inn kongka pen inn a bo tian lem hi.
\v 22 Mah cengten a ma nungpen hawkluam ah a um mi thiampi ten lem haw.
\v 23 A muhtei nungpen Benjamin le Hashub cu a mu inn a lang le a lang pen lem haw. A mu nungpen Ananiah capa a himi Maaseiah capa Azariah cu a ma inn a lang le lang pen lem hi.
\v 24 Mah cengten a ma nungpen Henadad capa Bennui cu Azariah inn pen khuapi a ning tian lem hi.
\v 25 Uzai capa Palal cu khuapi khantian a kuihnak a langlam pen hei hihen, thawnginn bul a sang mi kumpi inn mai ah a um innpi hei hihen lem hi. A ma nungpen Parosh capa Pedaiah in lem hi.
\v 26 Mah bek sial ngawl Pathian sila ten nisuah nak lam, tui kongka a lang le a lang pen a muhtei umnak Ophel innpi hei hihen, a pawlam ah a tul mi innpi hei hihen, lem haw.
\v 27 A muhtei nung pen Teko khua miten a pawlam tul mi innpi a lang le a lang pen, Ophel khantian khuam tian lem haw.
\p
\v 28 Cipuh kongka hum lam thiampi ten a muhtei umnak inn a lang le lang pen lem haw.
\v 29 A muhtei nungpen Immer capa Zadok in a ma inn a lang le lang pen lem hi. A ma nungpen, Shechaniah capa ni suah nak lam kongka cing tu bawi Shemaiah in lem hi.
\v 30 A ma nungpen Shelemiah capa Hananiah, Zalaph capa paluk nak Hanun ten lem haw. A muhtei nungpen Berechiah capa Meshullam in a ma zaunak khan a lang le lang pen lem hi.
\v 31 A ma nungpen sui bawl thiam ten Malchiah cu Miphkad kongka a lang le a lang pen Pathian sila le sum bawl tutei umnak tian hei hihen, khuapi a ning kai nak mun tian hei hihen lem hi.
\v 32 Khuapi a ning kai nak mun pen pan tuu kongka tian sui bawl thiam te le sum bawl tu ten lem haw.
\s Inn a sak leh a donak
\c 4
\p
\v 1 Mah tihcun kohten khuapi khantian thu cu Sanballat in thuthang a zak ten, a thinuuk zet in Judah miphun te nuihsan in,
\v 2 Thazang a nei ngawl Judah miphun ten itihbang in bawl haw hum? Mah le mah kho tik tukin maw. Biakpiak nak tuk maw. Nikhat sungin ceng tuk maw. A kang mawk suang te buak sehnak sung pen suahin lemleh tuk maw tin a miphun pih Samaria ngalkap tei mai pen son hi.
\v 3 A bul ah a um Ammon miphun Tobiah in a muhtei sak mi suang thu mawk te cingne ten a khengkha tale cim tuk hitin, don leh hi.
\p
\v 4 Ka Pathian aw ngai in. Kei cu imah sumsial ngawl nak thuak zo ing hi. A muhtei zotsak nak awnkam cu a muhtei lu humah heng ta hen. Mat co nak mun ngam pen cuhdun long in thuak haw ta hen.
\v 5 A mu bawl mi sual cu a sin khuh ma hen. A mai pen a muhtei sual ngai dam pah sin. Khuapi khantiang tutei thin na tik tukin son thiam nak nei haw hima maw.
\p
\v 6 Mah hang, kohten khuapi khan tiang ung. A sa tute cu zuamnak nasezet hang, khuapi elkim khantian a sang khenlang tian ceng zo hi.
\p
\v 7 Jerusalem khuapi khantian a sang zet hang a cim nak te lem ung hitin, Sanballat le Tobiah tihmi Arab miphun, Ammon miphun, Ashdod miphun ten a zak ten a thinuuk zet in,
\v 8 Jerusalem khuapi cu do tuk hi. Mahmi thu cu siatsuah tuk hitin thinlung sikhat zet thusiam khawm haw.
\v 9 Mah hang, kohten ohtei Topa Pathian cu thungen in ngal hang sun le zan in ngalvil tu koih ung.
\v 10 Judah miphun a hek khat te vang van a pua miten tha bo haw hi. Buak tampi hi. Khuapi khantian ceng tukin bawl thei haw ma hitin, son haw.
\v 11 Ngal ten a muhtei phawhkhak ngawl ngallin nak a neih ngawl laih tak kohten a muhtei sungah lut tum a thahnak hang, mahmi na deh siatsuah tuk tin son haw.
\v 12 A muhtei bulah a um Judah miphun te vang hung in ngal tei umnak mun pen nohten do tuk uh ci tin, kei muhtei lakah hilh thuah bet haw.
\v 13 Mah hang, khuapi khantian nak a nunglam a niam nak mun, a ciangnak mun ah nam, ceipi, thal ngalhiam a tel mi miphun hinnam zui in keiman pia ing.
\v 14 Mahmi thu hempoh zo in a bawl cengten bawi U pa, kumpi thu nei tu a tang mi hempoh te sam in, ngal te cu lau pah sun. Thawmngeng in a lau huai mi Pathian phawk ta un. U le nau a zi le ca umnak inn do ta un hitin, ti hi.
\p
\v 15 Mah tihcun kohten phawk in ngal tei ngaihsut cu Pathian in a siatsuah nak thu a mun a zak ten, a um mi kohtei venghawng in deh le bawl nak mun khuapi khantian nak ah dek leh ung hi.
\v 16 Mah cengten, ka sila a langkhen te cu na dek haw. A langkhen cu ceipi, lumphaw, thal, thik pek cawi haw. Kumpi te cu Judah miphun tei nungah um haw hi.
\v 17 Khuapi khan tiang tu, na dek tu, van suan tu hempoh in a khut a langlam tuah in na dek haw. A khut a lang lamah ngal hiamnaam keng haw.
\v 18 A satu hempoh ten a el ah nam thiat in sa haw. Lemle a tum pa cu ka bulah ding hi.
\v 19 Keiman na deh cu a ngeng zet mi le a thupi zet mi hi. Khuapi khantian nak hum pen mihing pakhat a dang a tuam tek in a mah le keimah cu khuala kang zet pen dek ung.
\v 20 Mah hang, lemle tum aw zak nak mun hempoh pen kei muhtei lakah hulawmkhawm haw. Kohtei Pathian cu kohtei lamah ngal bawm tu hitin bawi U pa, kumpi thu nei tu a tang mitei lakah keiman son ing.
\p
\v 21 Mah tihcun kohten na dek ung. Mihing a langkhen ten zingvak penpan aksi a lang tian, ceipi ngalhiam nam keng haw.
\v 22 Mah ten, keiman mi hempoh a sila tuah zan huncan ten Jerusalem khuapi sungah cam hen. Mah tin bawl tale sila ten sun huncan ten na dek in zan huncan ten a thek dun cing haw tuk hitin, mipi tei lakah hilh hi.
\v 23 Mah tihcun keimah le ka nau, ka sila, ka nungah a zui tu ngalkap ten a angki silh duk ngawlin um haw.
\s Mizawng haksa te Nehemiah bopnak
\c 5
\p
\v 1 Mah ten pano le numei hempoh ten Judah miphun pih te nasezet sonsiat in kap haw.
\v 2 A hek khat kohten canu le capa tampi nei ung. A muhtei nunnak tham tukin eih tuk cang ai lai pen ngah thei tuk hum tin, son haw.
\v 3 A hek khat kohten lo, huan, inn te khaam in zuak zo ung hi. Ningkial pam huncan, cang a lai ngah thei tuk hum tin, son haw.
\v 4 A hek khat kohten siah piak nak nei tukin lo le huan ca sumpu zo ung.
\v 5 A tuin kohtei pumpi cu miphun pih tei pumpi bang hi. Kohtei canu le capa te a muhtei canu le capa te bang haw hi. Kohtei canu le capa te zuakin sila thuak tik tuk maw. Sila a thuak mi canu te vang tan thei tukin a bawl ngawl a co vo lo ngam le huan te midang tei khut sungah heng zo hitin, son haw.
\p
\v 6 Mah tihcun sonsiat kah nak thu keiman ka zak ten nasezet thinuuk nak thinglung nei ing.
\v 7 Bawi le uktu te sam in nohten miphun pih tei sungah nohten a khang ei thei mite hima uh ci maw tin liat in, a muhtei a lang lam pen mihing tampi te hulawmkhawm tikin,
\v 8 Ngam dang miphun tei khut sung pen sila thuak tu kohtei U le nau Judah miphun te kohten tih theih tawp tat cengten, nohten U le nau te zuak leh tuk uh cim maw. A mun miphun pih tei sung pen zuak co haw tuk maw tin a ti tale, a mun a don leh ngawlin daiden no in um haw.
\v 9 Keiman nohtei bawl mi thu a pha ngawl mi hi. Ohtei ngal a himi ngam dang miphun ten kei muhte sonsiat tuk hitin lau nak hang, ohtei Pathian cu lau nak thinlung tuah nohten zui tuk a kul mi hima maw.
\v 10 Keimah le ka nau, ka sila ten mihing tampi tei sungah sum le cang sem thei tu hima ing maw.
\v 11 Tuni hei in a muhtei lo, cabit huan, olive huan, inn hei hihen, a muhtei sung pen a khen sa mi sum, cang, cabit tui, sathau a hekkhat te hei hihen, pia leh ta un hitin a tih ten,
\v 12 A mun pia leh tuk ung. Imah ngen ngawlin la pah sin. Topai thupiak mi bang bawl tuk ung hitin lungkim haw hi. Mah tihcun thiampi ten thukam a piak bang bawl tuk thu, keiman a muhte sam in tamsiat tik cengten,
\v 13 Ka el cu thingin, thukam a siat tu hempoh Pathian inn, na deh nak sung pen hi tihbang in thing ta hen. A muhte cu hi tihbang in thing haw ta hen tin tiin hulopkhawm nak a nei tu hempoh ten, Amen tin lungkim in Pathian thangphat haw. Mihing tampi ten thukam bangin bawl haw.
\p
\v 14 Mah bek sial ngawl Judah khuapi uktu hihnak ka co mi huncan, Artaxerxes kumpi uknak kum kul pen pan in kum sawmthum tian kum sawm sung keimah le ka U le nau ten khuapi ancang ei ma hi.
\v 15 A masa khuapi uktu ten mihing tampi cawm haw. Moh le cabit tui hei hihen, nikhat in sum sawmli hei hihen pe haw. Kumpi na dek tute hei in co haw. Kei cu Pathian launak hang, a masa khuapi uktu te bangin bawl mang hi.
\v 16 Mah bek sial ngawl keiman khuapi khantian nak a cat ngawlin bawl ing. Keimah le ka sila ten lo lei ngawl in khuapi khantian nak thu bek bawm dun in zuam ung.
\v 17 Mah bek sial ngawl a elkim ah um in kohtei lakah a hung mi ngam dang miphun te son ngawlin, Judah miphun te le uktu U pa za le sawmnga (150) ten ka cabuai pen an ei le leng haw.
\v 18 Ni sial ka cabuai cu khui pakhat, a ten mi tuu paluk, ak te cu bawl hi. Ni sawm ten veikhat a tam zet mi cabit tui namkim vang koih haw. Mah zong loli a bo ta vang, mihing tampi ten cawl zet in na deh cingkep nak hang, khuapi uktu ancang cu keiman ngen mang hi.
\p
\v 19 Ka Pathian aw hi miphun ca ka bawl hang, keimah phawkin hehpih in.
\s A sak lehnak hang a do se semnak
\c 6
\p
\v 1 Mah ten khuapi kongka te ding ma laih naven, khuapi khantian sa in a himnak thu Sanballat, Tobaih, Arab miphun, Geshem penpan a tang mi ngal ten thuthang a zak ten,
\v 2 Sanballat le Geshem ten hung un. Ono hawkluam munlawn Hakkephirim khua pen tawk dun tuk hung hitin, ngaihsut phat ngawlnak a neih hang keimah cu thucah haw.
\v 3 Keiman a thupi a ngeng mi na deh hang hawh thei mang hi. Mahmi thu cu bawl ngawlin nang muhtei umnak mun ah hawh in, ita a thu tham tuk hum tin thuthang puak tute hah in don leh hi.
\v 4 Mah tihcun veili tian thucah in keiman a masa ka don bangin don leh ing.
\v 5 Mah cengten a veinga nak ten Sanballat in a masa bang a sila hah in, sila cun tacik cup ngawl mi lai cu tel hi.
\v 6 Lai cu nangmah le Judah miphun ten do tuk ngaihsut um hitin miphun hempoh cu son haw. Geshem vangin theihpih nak nei hi. Mahmi awnkam thu bang nang cu Judah kumpi cang tukin khuapi khantian nak sa ci.
\pi
\v 7 Judah ngam sungah kumpi um hitin nangmah camcawh in Jerusalem khuapi sungah a phuan mi kamsang te nangman pia zo ci. Mahmi awnkam bangin kumpi nelah hilh tuk. Mah hang hung in. Thuvaisiam khawm tuk hung hitin lai sungah tel hi.
\p
\v 8 Keiman na son mi awnkam thu pakhat no hei man ma, a thinlung sung pen a thawnthong in ngaisung hitin, hah in don leh ing.
\v 9 Itahum titale, a mun mahmi na deh ceng thei tuk ngawlin a mun thazang kiam haw tuk hitin tiin, kei muhte thum haw. Mahmi awnkam hang kei cu thazang nei sesem ing.
\v 10 Mah ten Me-heta-beel capa a himi Delaiah capa Shemaiah cu ngelh in a um mi inn ah keimah hawh tale a man Pathian inn khan sung pen kei muhte cu hulawmkhawm tikin biakinn kongka te khak tuk hung hi. Topa cu that tukin hung haw tuk hi. Tuni tak hei ten hung haw tuk hitin, ti hi.
\v 11 Keiman, keimah bang mipa cu tai tuk maw. Keimah tuah a bang ve mipa cu nung tukin biakinn sungah lut tum tuk maw. Kei cu lut tum tuk mang hitin, don leh ing.
\v 12 Mahmi pa cu Pathian hah mi hima hi. Tobiah le Sanballat a zawn hang, mah ticun ka lang lam pen a phuan mi cu keiman thei ing.
\v 13 A mun keimah sonsiat nak thu um tikin keimah lau in mah tihcun a bawl hang, sual tik tukin a mah cu zawng haw hi.
\p
\v 14 Ka Pathian aw, mah tihbang in a bawl thei mi Tobaih le Sanballat hei hihen, No-adiah tih mi min a nei tu kamsang numei pen pan keimah a thum tu kamsang hempoh te hei hihen, sialsiah in.
\s Khuapi khantian celhnak
\p
\v 15 Ni sawmnga a ngei ten Elul ha ni kulluannga ni in khuapi khantian ceng haw.
\v 16 Mahmi thuthang cu ngal ten a zak hang, a elkim ah a um tu ngam dang miphun hempoh ten khuapi khantian nak a muh ten zahcak nak ah heng haw hi. Itahum titale, mahmi thu cu kohtei Pathian phalnak tuah a celhnak thu thei haw.
\v 17 Mahmi huncan in Judah bawi ten itnak lai tampi Tobiah nelah a piak hang, Tobiah piak mi lai tampi te vang ngah haw.
\v 18 Tobiah cu Arah capa Shechaniah mak pa a hih hang in hihen, a capa Johanan cu Berchiah capa Meshullam canu tuah a huai dun hang in hihen, Judah miphun tampi ten Tobiah nel pen muantak nak tampi co haw zo hi.
\v 19 A mun Tobiah bawl mi a bawl phat nak te ka nelah son leh haw hi. Ka awnkam vang a ma nelah son leh haw. A mah vang keimah lau tukin lai pia tik ing.
\c 7
\p
\v 1 Khuapi khantian celhten kei cu kongka te dingin kongka cing, lasa thiam Levi miphun te a piak cengten,
\v 2 Muantaak nak nei Pathian a cuangin Upat tu innpi bawi Hananiah le ka nau Hananiah tei sung pen Jerusalem khuapi ap in,
\v 3 Ni a suak laih ngawl Jerusalem kongka te hong tik pah sin. Kongka cin laih tak kongka te khak in kongkalh cu kalh hen. Khua sung mipi ten a muhtei umnak mun, a muhtei inn a lang le a lang pen cing tik in.
\s Hawlvawk a co tu a pin leh cazin
\v 4 Itahum titale, khuapi zal zet naven a um tu dawm in inn te sa haw ma laih hi.
\p
\v 5 Mah ten bawi, uktu, mizawng haksa te miphun hinnam zui in a min cazin la tukin hulawmkhawm tik tuk ngaihsut nak cu ka Pathian in ka thinlung sungah pia hi.
\v 6-7 Mah cengten keiman a masa belin ka muh mi a muhtei hinnam cazin cu Babilon kumpi Nebuchadnezzar matnak a co tu miphun sung pen tul in Zerubbabel, Jeshua, Nehemiah, Azaraih, Raamiah, Nahamani, Mordikai, Bilsan, Mispereth, Bigvai, Nehum, Baanah te tuah langkhat zui in Jerusalem khuapi ah a um Judah ngam sung hempoh tuah a seng mi ngam sung miphun, Isarel miphun cazin cu
\v 8 Parosh miphun thawngnih le za le sawmsalih le panih (2,172) hi.
\v 9 Shehattiah miphun zathum le sawmsalih le panih (372) hi.
\v 10 Arah miphun zaluk le sawmnga le panih (652) hi.
\v 11 Pahath-moab miphun Jeshua miphun le Joab miphun thawngnih le zaliat le heiliat (2,818) hi.
\v 12 Elam miphun thawngkhat le zanih le sawmnga pali (1,254) hi.
\v 13 Zattu miphun zaliat le sawmli le panga (845) hi.
\v 14 Zaccai miphun zasalih le sawmluk (760) hi.
\v 15 Binnui miphun zaluk le sawmli le liat (648) hi.
\v 16 Bebai miphun zaluk le kulluanliat (628) hi.
\v 17 Azgad miphun thawngnih zathum le kulluannih (2,322) hi.
\v 18 A donikam miphun zaluk le sawmluk salih (667) hi.
\v 19 Bigvai miphun thawngnih le sawmluk le salih (2,067) hi.
\v 20 Adin miphun zaluk le sawmnga le panga (655) hi.
\v 21 Hezekiah le Ater miphun sawmkuah le liat (98) hi.
\v 22 Hashum miphun zathum le kulluanliat (328) hi.
\v 23 Bezai miphun zathum le kulluanli (324) hi.
\v 24 Hariph miphun za le heinih (112) hi.
\v 25 Gibeon miphun sawmkuah le panga (95) hi.
\v 26 Belthelem miphun te le Netophah miphun za le sawmliat le liat (188) hi.
\v 27 Anatoth miphun za le kulluanliat (128) hi.
\v 28 Beth-azmaveth miphun sawmli le panih (42) hi.
\v 29 Kiriath-jearim, Chephirah, Beeroth miphun zasalih le sawmli le pathum (743) hi.
\v 30 Ramah le Geba miphun zaluk le kulluankhat (621) hi.
\v 31 Michmas miphun za le kulluannih (122) hi.
\v 32 Bethel le Ai miphun za le kulluanthum (123) hi.
\v 33 A dang Nebo miphun sawmnga le panih (52) hi.
\v 34 A dang Elam miphun thawngkhat zanih le sawmnga pali (1,254) hi.
\v 35 Harim miphun zathum le kul (320) hi.
\v 36 Jerikho miphun zathum le sawmli le panga (345) hi.
\v 37 Lod, Hadid, Ono miphun zasalih le kulluankhat (721) hi.
\v 38 Senaah miphun thawngthum le zakuah le sawmthum (3,930) hi.
\p
\v 39 Thiampi cazin cu Jeshua miphun sung pen Jedaiah miphun zakuah le sawmsalih le pathum (973) hi.
\v 40 Immer miphun thawngkhat le sawmnga le panih (1,052) hi.
\v 41 Pashhur miphun thawngkhat le zanih le sawmli le salih (1,247) hi.
\v 42 Harim miphun thawngkhat le heisalih (1,017) hi.
\p
\v 43 Levi miphun cazin cu Hodevah miphun sung pen Jeshua miphun le Kadmiel miphun sawmsalih le pali (74) hi.
\p
\v 44 Lasa thiam Asaph miphun za le sawmli le liat (148) hi.
\p
\v 45 Kogka cing Shallum miphun, Ater miphun, Talmon miphun, Akkuk miphun, Hatita miphun le Shobai miphun za le sawmthum le liat (138) hi.
\p
\v 46 Biakinn na dek tu cazin cu Ziha miphun, Hasupha miphun, Tabbaoth miphun sawmli le salih (47) hi.
\v 47 Keros miphun, Sia miphun, Padon miphun,
\v 48 Lebana miphun, Hagaba miphun, Shalmai miphun,
\v 49 Hanan miphun, Giddel miphun, Gahar miphun,
\v 50 Reaiah miphun, Rezin miphun, Nekoda miphun,
\v 51 Gazzam miphun, Uzza miphun, Paseah miphun,
\v 52 Besai miphun, Meunim miphun, Nephushesim miphun,
\v 53 Bakbuk miphun, Hakupha miphun, Harhur miphun,
\v 54 Bazlith miphun, Mehida miphun, Harsha miphun,
\v 55 Barkos miphun, Sisera miphun, Temah miphun,
\v 56 Neziah miphun, Hatipha miphun,
\v 57 Solomon sila na dek tu Sotai miphun, Sophereth miphun, Perida miphun,
\v 58 Jaala miphun, Darkon miphun, Giddel miphun,
\v 59 Shephatiah miphun, Hattil miphun, Pochereth-hazzebaim miphun, Amon miphun,
\v 60 Biakinn sila na dek tu hempoh le Solomon sila na dek tu miphun hempoh zathum le sawmkuah panih (392) hi.
\p
\v 61 Mah bek sial ngawl Isarel miphun a man le man ngawl hei hihen, a muhtei hinnam hei lak thei ngawlin Tel-melah khuapi, Tel-harsha khuapi, Cherub khuapi, Addon khuapi, Immer khuapi pen a suak tul mite cu,
\v 62 Delaiah miphun, Tobiah miphun, Nekoda miphun zaluk le sawmli le panih (642) hi.
\p
\v 63 Thiampi miphun sung pen Hobaiah miphun, Hakkoz miphun, Gilead ngam mi Barzillai canu pakhat huai in a sung nu min a co tu Barzillai miphun ten,
\v 64 Cazin a lut tum miphun sung pen a muhtei cazin zei in a muh ngawl hang, miphun ngek ngawl thiampi hihnak co haw ma hi.
\v 65 Urim le Thummim a tel mi thiampi a um laih ngawl tian a muhte cu a thiangtho zet mi thu te ei pah sin hitin, ngampi uktu in hilh hi.
\p
\v 66 Mipi a venghawng thawngsawmli le thawngnih le zathum le sawmluk (42,360) hi.
\v 67 Mah bek sial ngawl sila pano le nuamei kom ten thawngsalih le zathum le sawmthum salih (7,337) hi. Lasa thiam pano le numei kom zanih le sawmli le panga (245) hi.
\v 68 Cipuh zasalih le sawmthum le paluk (736), laa zanih le sawmli le panga (245),
\v 69 Kalauk zali le sawmthum le panga (435), laak thawngluk le zasalih le kul (6,720) hi.
\p
\v 70 Miphun hinnam U pa hek khat ten na deh tuk a lu pia in um haw. Ngam pi uktu te vang suidingka thawngkhat (1,000), maihum sawmnga (50), thiampi angki silh cen zanga le sawmthum (530) cu van koih nak sungah koih hi.
\v 71 Miphun hinnam Upa ten koih mi sui le ngun kom cu suidingka thawngkul (20,000), ngun cuai thawngnih le zanih (2,200) hi.
\v 72 A tang mi a muhte vangin suidingka thawngkul (20,000), ngun cuai thawngkul (2,000), thiampi angki silh cen sawmluk le salih (67) koih haw.
\p
\v 73 Mah tihcun thiampi, Levi miphun, kongka cing, lasa thiam, mi zalan miphun hek khat, Pathian sila penpan Isarel miphun hempoh a muhtei umnak khua le ngam ah um haw hi.
\s Dan thukham Laithiangtho Ezra sialnak
\c 8
\p
\v 1 Ha salih ha a hen ten khua hempoh ah a um Isarel miphun hempoh hung in tui kongka lamzin ah hulawmkhawm haw. Isarel miphun sung pen Pathian koih mi Mosi thukham Laithiangtho pua in hitin Laithiangtho thiam Ezra cu a nget bang,
\v 2 Thungai in a thei thiam mipi pano, numei tei mai ah ha salih ha, nikhat ni in dan thukham Laithiangtho cu thiampi Ezra in pua in,
\v 3 Thei thiam tu, pano le numei tei mai pen zinglam pen pan sun huncan tian tui kongka lamzin pen sial hi. Mi hempoh ten dan thukham Laithiangtho cu pha tak zet in ngai haw.
\v 4 A muhtei bawl mi thuphuan nak thing pulpit hum pen Laithiangtho thiam Ezra cu ding in Mattithiah, Shema, Anaiah, Uriah, Hilkiah, Maaseiah ten a taklam khut pen hihen, Pedaiah, Mishael, Malchijah, Hashum, Hashbaddanah, Zekhariah, Meshullam ten a veilam khut ah hei hihen ding haw hi.
\v 5 Mah tihcun Ezra cu mi hempoh te sang, sang saw in mi hempoh mai pen Laithiangtho a kau ten mi hempoh cu ding haw hi.
\v 6 Ezra in a sunglawi mi Topa Pathian cu thupha pia hi. Mipi ten Amen, Amen tin a khut dang lungkim a lukun in Pathian cu bia haw.
\v 7 Jeshua, Bani, Sherebiah, Jamin, Akkub, Shabbethai, Hodiah, Maaseiah, Kelita, Azariah, Jozabad, Hanan, Pelaih Levi miphun ten mihing tampi tei lakah dan thukham Laithiangtho a tihnop nak cu hilh leh haw hi. Mipi te vang a muhtei umnak mun ah um haw hi.
\v 8 Mah tihcun Pathian thukham Laithiangtho cu phatak zet sial in a tihnop nak a hilh leh hang, mipi tei theih tukin bawl haw hi.
\p
\v 9 Mi hempoh in thukham Laithiangtho awnkam thu a zak ten a kah haw hang ngam uktu Nehemiah, Lathiangtho thiam saza thiampi Ezra, mipi tei lakah thu hilh tu Levi miphun ten hi ni cu nohtei Topa Pathian ca a thiangtho mi ni hi. Kah nak bawl pah sun.
\v 10 Hawh ta un. A uuk mi an ei ta un. A hum mi tui te vang in un. Mizawng te vang pe un. Hi ni cu kohtei Pathian ca thiangtho hi. Thasia pah sun. Pathian piak mi phalnak thu tuah thazang la in lungdam ta un hitin, mi hempoh tei lakah son haw.
\v 11 Mah tihcun Levi miphun ten hi ni cu a thiangtho mi ni a hih hang daiden no um un. Thasia thinkham in um pah sun hitin tiin, mipi hempoh dai tik haw hi.
\v 12 Mi hempoh ten a hilh mi awnkam a theih hang in le eihnak, mi dang te piak nak, nasezet lungdam nak bawl tukin hawh haw hi.
\p
\v 13 A ni nih ni in miphun hinnam U pa te tuah thiampi Levi miphun ten, dan thukham Laithiangtho thei tukin Laithiangtho a thiam mi saza Ezra nelah hulawmkhawm haw hi.
\v 14 Ha salih ha puai a bawl laih tak in Isarel miphun hempoh ten thingkang deu buk sungah um tuk ung hitin, Mosi hang Pathian koih mi thukham Laithiangtho sungah a ngat mi thu mu haw hi.
\v 15 Mahmi awnkam thu a zak ten, Laithiangtho sungah a tel mi bang thingkang deu buk te bawl tukin, mual hum ah hawh haw hi. Olive kang, cak kang, Myrtle kang, sunpalun kang tihmi thingkang a sah zet te keng un hitin, Jerusaelm khuapi pen pan khua umnak hempoh ah thuthan haw hi.
\v 16 Mipi ten hawh in thingkang te a lak cengten inn hum a khuh hei hihen, a mu inntual ah hei hihen, biakinn thukhen nak sungah hei hihen, tui kongka lamzin le Epharaim lamzin kongka pen hei hihen, thingkang deu buk te bawl haw hi.
\v 17 Mah tihcun mat co nak pen a suak tul mipi hempoh ten, thing kang deu buk cu bawl in um haw. Nun hi capa Jeshua khut sung pen pan in Isarel miphun te veikhat no hei mah tihcun bawl haw ma hi. Lungdam zet in um haw hi.
\v 18 Nakhat ni pen pan a dawl bel ni tian nisial in Pathian dan thukham Laithiangtho cu sial haw hi. Mahmi puai cu ni salih sung bawl haw hi. Ni liat ni ten a thu bang a thiangtho mi puai cu bawl haw hi.
\s Isarel miphun ten sual a phuan nak
\c 9
\p
\v 1 Mahmi ha ni kulluanli ni in, Isarel miphun ten ancang thangkhau angki silh a pumpi ah leivul koih in hulawmkhawm haw hi.
\v 2 Mah ten Isarel miphun ngek a himi a mun ngam dang miphun hempoh te tuah khen in a ma sual le pu le pa tei sualnak te cu phuang in hehpih ngen haw.
\v 3 A muhtei umnak ah ding in a muhtei Topa Pathian dan thukham Laihtiangtho cu nikhat sungin khenli suah khenkhat cu sial haw. Sual phuan hehpih nak ngen in a muhtei Topa Pathian cu nikhat sung khenli in khenkhat cu bia haw hi.
\v 4 Mah ten Levi miphun Jeshua, Bani, Kadmiel, Shebaniah, Sherebiah, Bunni, Bani, Chenani ten tohkham hum ah ding in a muhtei Topa Pathian cu nasezet aw tuah au haw hi.
\p
\v 5 Mah cengten Levi miphun Jeshua, Kadmiel, Bani, Hashabneiah, Sherebiah, Hodiah, Shebaniah, Pethahiah ten tho haw hi. Nohtei Topa Pathian cu a cat ngawlin thupha um ta hen tin, thupha pia un. Thupha piaknak, thangphat nak namkim sang in a ngeng saw mi huham a nei tu Topai min cu thupha um ta hen.
\v 6 Topa bek cu Pathian hi. A sang bel mi vanhum le vancung ngalkap hempoh te hei hihen, leipi le leihum ah a um mi hempoh te hei hihen, tuipi le tuipi sungah a um mi hempoh te hei hihen bawl hi. Na hempoh cingkem hi. Vancung ngalkap ten Topa cu bia haw hi.
\v 7 Topa Pathian aw, Topa in Abraham cu teng in Chaldean ngam Ur khuapi pen a sam cengten Abraham tihmi a min pia hi.
\v 8 A mai pen a thinglung muantak hitin a muh hang, Kanaan ngam, Hitt ngam, Amon ngam, Perizz ngam, Jebus ngam, Girgash ngam te cu Abraham miphun keiman pia tung hitin a lungkim nak bang, thukham siatsuah ngawl in bawl hi.
\p
\v 9 Izip ngam pen kohtei pu le pa tei thuak mi bawl siatnak cu mu in, Edom tuipi mawk pen a mu au mi aw cu za hi.
\v 10 Pharaoh kumpi le a sila te ngam sung mipi hempoh ten kohtei pu le pa te zotsak nak tuah a bawl hang, Topa in zo thong ma hi. Mahmi ngam sung miphun tei lakah a lamdang thasiah huai mangbangza te lakin thuthang cu tuni tian thang zet hi.
\v 11 A muhte cu tuipi a laizang pen leihum ah a hawh tuk thu, a muhtei mai pen tuipi cu khen hi. Bawl siat tute cu a thuk zet mi tui sungah suang vawk bangin vawk hi.
\v 12 Mah bek sial ngawl sun hun ten meingo khuampi tuah in hihen, zan hun ten a muhtei hawh nak lamzin vak tik tu meikhuam pi tuah in hihen, a muhte pui hi.
\v 13 Topa a mah loli in Sinai mual hum pen tolhsuk in vanhum pen thuphuan nak aw a hah hang, a dik a man mi dan thukham te pia hi.
\v 14 A thiangtho mi colhni lakin Topai sila Mosi hang, zui tuk thukham te koih hi.
\v 15 A muhtei ningkial nak le dangdum nak pha tik tukin vanhum moh le suang sung pen a suak mi tui cu pia hi. A muhtei co tuk thukam a bawl mi ngam sungah tum in a lon tuk thupia hi.
\p
\v 16 Mah hang, kohtei pu le pa ten pualthau ngalnak le lungkhoh nak tuah dan thukham ngai haw ma hi.
\v 17 A muhtei lakah a bawl mi mangbangza thu te phawk ma hi. Thu neih nak el in a lungkhoh hang, sila thuaknak Izip ngam ah pin leh tukin U pa pakhat khaisang haw. Mah hang, Topa cu sual hah thei mi Pathian, hehpih itnak tuah a dim, thinsau nak, lainat nak tuah a dim mi Pathian a hih hang, a muhte cu zamsan ma hi.
\v 18 Mah bek sial ngawl a mun khui zuk te cu si luan in Isarel miphun aw, hi pathian in nangmah Izip ngam pen a pui tu na Pathian hitin tiin, a sual zet ta vang,
\v 19 Topa cu mi hehpih thei cuang tu Pathian a hih hang, ngam sung pen a muhte zamsan thong ma hi. Sun hun ten lam huai tu meingo khuampi cu tham in zan hun ten a muhtei hawhnak lamzin vak tik tu meikhuam vang tham ma hi.
\v 20 A muhte hilh tu tuk a pha mi hawvang cu pia hi. A muhtei eih tuk manah cu pia hi. A dangdum pha tukin tui vang pia hi.
\v 21 Kum sawmli sung a muhte haksat nak sungah heng tik ngawl in cawm hi. A muhtei silh mi angki hei sia ma hi. A ke vang kiat kha ngawlin bum ma hi.
\v 22 Mah cengten ngam dang miphun tei ngam hempoh a muhte a venghawng sem in a piak hang, a mun Hesh-bon kumpi Shihon le Bashan kumpi Og uk mi ngam cu long haw.
\v 23 A muhtei tu le canawn te vanhum aksi bang tam tik hi. Mi dang ngam sungah a muhte cu lut tum in a lonsak tuk thu a muhtei pu le pa te thukam pia hi. Mahmi ngam sungah a koih tum hang,
\v 24 A tu le canawn te cu lut tum in long haw hi. A muhtei mai pen mahmi ngam miphun Kanaan miphun te a bawl siat hang, kumpi pen pan ngam sung mipi hempoh a bawl nuam poh in bawl mi thu phalnak tuah a muhtei khut sungah ap hi.
\v 25 Mah tihcun a mun a kho mi khuapi te, a pha mi lei ngam, neihnak tuah a dim mi inn, cawhsa mi tuikhuk, cabit huan tampi, olive huan, thingkung phun kim te long kham pek ei thau zet in a hehpih lungdam nak sungah um haw.
\p
\v 26 Mah hang, a thupiak ngai ngawl do in dan thu cu zamsan haw. A ma nelah pin leh tukin thu hilh tu Topai kamsang te that in nasezet sual bawl haw hi.
\v 27 Mah hang, a muhte noksak tu ngal khut sungah ap hi. Haksat cimnak thuak in Topa cu a au ten, vanhum pen ngai in a hehpih nak a tampi hang, ngal khut sung pen a pan tu hehpih tute heng tik hi.
\v 28 Daihnak a co leh ten a mai pen sual a bawl leh haw hang, ngal ten uk tukin ap leh hi. A muhte cu pin leh in a au haw ten, vanhum pen ngai in hehpih nak a neih mi bang nunpan bet le leng hi.
\v 29 Dan thu zui leh tukin thu hilh naven a mun ngai ngawl pualthau in ngal haw. A zui tupa cu nunnak tuk thu a himi dan thukham te palcat hi. A lungkhoh nak te zuamnak tuah a thungai ngawl in um haw hi.
\v 30 Kum tampi a muhte ngaithiam in Topai kamsang tei lakah a um mi Topai hawvnag tuah thu hilh ta vang a mun a ngaih ngawl hang, ngam sung miphun tei khut ah ap hi.
\v 31 Mah hang, Topa cu itnak le hehpih nak tuah a dim mi Pathian lainat nak a tampi hang, siatsuah ngawl in zam san thong ma hi.
\p
\v 32 Mah a hih hang kohtei Pathian aw, thawmngeng nak le huham tuah dim in a lauhuai mi Pathian, hehpih nak thukhaam a cing tu Pathian, Assyria kumpi khut pen pan tuni tian kohtei kumpi, bawi, thiampi, kamsang, miphun hinnam U pa, Topai mihing hempoh humah a heng mi haksat nak hempoh te, imah sumsial ngawlin um pah sin.
\v 33 Topa cu kohtei humah a hen tik mi thu hempoh cu a dik mi thu hi. Kohten phat ngawl nak tuah bawl zo ung. Topa cu a dik mi thu bek bawl zo hi.
\v 34 Kohtei kumpi, bawi, thiampi, miphun hinnam U pa ten a dik mi thu cingkem ma hi. A piak mi dan thukham le theihpih nak thu te ngai haw ma hi.
\v 35 Nasezet phatnak bawl in a piak hang a muhtei co mi ngam, a hehpih mi ngam pi, ngam pha sungah um naven, na deh ngawlin a muhtei bawl mi sual cu pial ngawl in um haw hi.
\v 36 Pu le pa ten a sunglawi zet mi an ngah, ancang ngui te eih tuk thu le a muhte a piak mi ngam sungah kohten tuni in sila thuak ung. A ma sila thuak zo ung.
\v 37 Kohtei sualnak hang, kohtei hum ah a piak mi kumpi ten hi ngam sung pen hauhsak nak tuah a dim mi an ngah le ancang ngui te ei le leng haw hi. Kohtei pumpi le nganhing te a muhtei thu nei in kohte zawng zet in um hitin, son haw hi.
\s Mipi tei lungkim nak
\v 38 Mahmi thu te kohten ngaihsut cengten thukam lai ngat nak bawl in kohtei U pa, thiampi, Levi miphun ten tacik khen haw hi.
\c 10
\p
\v 1 Tacik khet mite cu Hachaliah capa ngam uktu Nehemiah, thiampi Zedekiah,
\v 2 Seraiah, Azariah, Jeremiah,
\v 3 Pashhur, Amariah, Malchijah,
\v 4 Hattush, Shebaniah, Malluch,
\v 5 Harim, Meremoth, Obadiah,
\v 6 Daniel, Ginnethon, Baruch,
\v 7 Meshullam, Abijah, Mijamin,
\v 8 Maaziah, Bilgai, Shemaiah te cu thiampi hi.
\p
\v 9 Levi miphun Azaniah capa Jeshua, Henadad capa Binnui le Kadmiel hi.
\p
\v 10 A muhtei U le nau Shebanaiah, Hodijah, Kelita, Pelaiah, Hanan,
\v 11 Micha, Rehob, Hashbiah,
\v 12 Zaccur, Sherebiah, Shebaniah,
\v 13 Hodijah, Bani, Beninu hi.
\p
\v 14 A muhtei miphun sung pen U pa a dek tu a himi Parosh, Pahath-moab, Elam, Zathu, Bani,
\v 15 Bunni, Azgad, Bebai,
\v 16 Adoijah, Bigvai, Adin,
\v 17 Ater, Hizkijah, Azzur,
\v 18 Hodijah, Hashum, Bezai,
\v 19 Hariph, Anathoth, Nebai,
\v 20 Magpiash, Meshullam, Hezir,
\v 21 Meshezabeel, Zadok, Jaddua,
\v 22 Pelatiah, Hanan, Anaiah,
\v 23 Hoshea, Hananiah, Hashub,
\v 24 Hallohesh, Pileha, Shobek,
\v 25 Rheum, Hashabnah, Maaseiah,
\v 26 Ahijah, Hanan, Anan,
\v 27 Malluch, Harim, Baanah hi.
\p
\v 28 A tang mi thiampi, Levi miphun, kongka cing, lasa thiam, Pathian sila tihmi Pathian thu cing tukin, mahmi ngam miphun te tuah a thu cungcang a thei tu a hih hang,
\v 29 U le nau bawi U pa tei sungah um Pathian sila Mosi hang, a koih mi Pathian thu bang zui tuk tih hei in hihen, kohtei Pathian dan thukham te dan thu a bawl mi hempoh cingkem tuk tih hei in hihen,
\v 30 A canu te ngam sung miphun te huai tik ngawlin, ngam sung miphun numei te a mi miphun te huai tik ngawlin um hi tih hei in hihen,
\v 31 Ngam sung miphun ten colhni ten neihnak, an eih tuk zuak tukin a la tale colhni hei hihen, nidang a thiangtho mi ni hihen lei ngawlin, kum salih kum ten lo na dek ngawl leibat cian ngawl um tuk hei in hihen, sal in thukam nak bawl haw hi.
\p
\v 32-33 Mah bek sial ngawl kohtei Pathian inn na deh tihmi colhni le hathak ni ten a mai ah mok, a kho mi an eih biakpiak nak a lu, a kho mi meihal biakpiak nak, a thiangtho mi puai, a thiangtho man tuk van, Isarel miphun tei sualhah biakpiak nak tih mi kohtei Pathian inn na hempoh te dek tukin mi hempoh in kumkhat ah sum cangkhat khenthum khenkhat ten pia tukin, a muhtei ca dan thu bawl haw hi.
\v 34 Dan thukham Laithiangtho sungah ngat mi bang, kohtei Topa Pathian biakpiak nak taitan hum ah meihal tuk thing a lu piak nak cu kumkhat nung kumkhat a tiap mi huncan ten miphun hinnam zui in, kohtei Pathian inn ah keng tukin thiampi Levi miphun ngam sung miphun kungkhai in bawl haw hi.
\v 35 A masabel in lei sung an ngah a ngui le a masabel a ngah mi thingngah phunkim cu biakinn sungah kum sial a ken nak thu,
\v 36 Dan thukham Laithiangtho ngat mi bang a masabel hin mi capa le a masabel a hing tuu le khui te, biakinn na cing tu thiampi tei umnak mun biakinn ah a ken tuk thu,
\v 37 A masabel bawl mi moh, a lu piak nak, thing ngah phunkim, cabit tui, sathau cu thiampi tei umnak mun biakinn khan ah hei hihen, lo bawl mi khua umnak hempoh ah lei sung pen a ngah mi ancang ngui sehsawm ah sehkhat Levi miphun tei lakah hei hihen, puak tuk thu dan bawl haw hi.
\v 38 Levi miphun ten sehsawm ah sehkhat a co ten, Aaron miphun thiampi te um tuk hi. Levi miphun te vang sehsawm ah sehkhat sung pen sehsawm ah sehkhat la in biakinn a khan van koih nak inn sungah koih haw tuk hi.
\v 39 Levi miphun tih mi Isarel miphun te cu cang, cabit tui, sathau biakpiak nak a lu te cu a thiangtho mi umnak van, na cing tu thiampi, kongka cing, lasa thiam tei umnak mun a khan ah puak haw tuk hi. Kohtei Topa Pathian inn cu kohten zam san thong ma ung hi.
\s Khuapi umnak hempoh ah lamhuai tu a piaknak
\c 11
\p
\v 1 Mah ten mihing tampi sung pen kumpi na dek tute cu Jerusalem khuapi sungah um haw hi. A tang laih mi a muhte cu a thiangtho mi umnak mun, Jerusalem khuapi ah sawm ten mihing pakhat, khuapi a dan (khen) sungah kuah a um tuk thu kungkhai in bawl haw hi.
\v 2 Jerusalem khuapi sungah um tukin thinthawh lungkim nak a nei mi hempoh mipi ten thupha pia haw hi.
\p
\v 3 Judah khua hempoh sung pen Isarel miphun, thiampi, Levi, Pathian sila, Solomon sila miphun hempoh ten a muhte tuah a seng mi umnak ah um haw hi. Jerusalem khuapi sungah a um mi ngam sung miphun U pa, uktu te cu,
\v 4 Judah miphun, Perez miphun, Shephatiah miphun, Amariah miphun, Zekhariah miphun, Uzziah sungsuak Athaliah,
\v 5 Shilon, Zekhariah, Joiarib, Adaiah, Hazaiah, Col-hozeh, Baruch sungsuak Maaseiah te tuah,
\v 6 Jerusalem khuapi sungah a um Perez miphun, ngalhang mi zali le sawmluk le liat (468) hi.
\p
\v 7 Benjamin miphun, Jesaiah, Ithiel, Maaseiah, Kolaiah, Pedaiah, Joed, Meshullam sungsuak Sallu,
\v 8 Mah cengten Gabbai le Sallai tihmi zakuah le kulluanliat (928) hi.
\v 9 Zichri capa Joel cu Benjamin minphun uk tu hi. Senuah capa Judah cu khuapi panih nak uktu hi.
\p
\v 10 Thiampi te cu Jedaiah, Joiarib, Jachin te tuah,
\v 11 Ahitub, Meroioth, Zadok, Meshullam, Hilkiah sung pen a suak mi Pathian inn uktu Seraiah tihmi,
\v 12 Inn na dek tu miphun pih zaliat le kulluannih (822) hi. Mah bek sial ngawl Malachiah, Pashur, Zekhariah, Amzi, Pelaliah, Jeroham capa Adaiah tih mi,
\v 13 Miphun hinnam Upa miphun pih zanih le sawmli le panih (242) hi. Immer, Meshillemoth, Ahasai, Azareel sung pen a suak mi Amashai
\v 14 Thazang ngilnak a nei mi ngalhang miphun pih za le kulluanliat (128) hi. Haggedolim capa Zabdiel ten uk hi.
\p
\v 15 Levi miphun te cu Bunni, Hashabiah, Azrikam, Hashub tei sung pen a suak mi Shemaiah,
\v 16 Levi miphun Upa Jozabad le Shabbethai ten Pathian inn sung pen a pawlam na deh nak zo in um haw hi.
\v 17 Asaph, Zabdi, Micha sung pen a suak mi Mattaniah cu lungdam thu hilhnak le thunget nak cu a masa thupi na dek tupa hi. Bakbukiah cu a ngualcam hempoh sung pen a panih nak hi. Mah bek sial ngawl Jethudun, Galal, Shammua sung pen a suak mi Abda um hi.
\v 18 A thiangtho mi khuapi ah a um tu Levi miphun te cu zanih le sawmliat le pali (284) hi.
\p
\v 19 Kongka cing Akkub, Talmon tihmi luhtum nak kongka cing tu miphun pih kom cu za le sawmsalih le panih (172) hi.
\p
\v 20 A tang laih mi Isarel miphun, thiampi, Levi miphun te cu Judah khua hempoh a muhtei co mi umnak ah um haw hi.
\v 21 Pathian sila ten Ophel umnak mun ah um in, Ziha le Gispa te cu Pathian sila uktu te hi.
\p
\v 22 Micha, Mattaniah, Hashabiah, Bani sung pen a suak mi Uzzi cu Jerusalem khuapi sungah a um mi Levi miphun te hi. Asaph miphun lasa thiam te vang Pathian inn na zo in dek haw hi.
\v 23 Itahum titale, lasa thiam ten nisial in an eih tuk ancang te ngah tukin kumpi thupiak um hi.
\v 24 Judah miphun Zerah miphun hinnam, Meshezabeel capa Pethahiah vang kumpi thu piak nak tuah ngam sung miphun te uk in a thupi tuah a seng mi hempoh te uktu hi.
\p
\v 25 Judah miphun a hek khat te cu khuapi le khua no tihmi Kirjath-arba khua, Dibon khua, Jekabzeel khua,
\v 26 Jeshua, Moladah, Beth-phelet,
\v 27 Hazar-shual, Beer-sheba khuapi le khua no te,
\v 28 Ziklag, Mekonah khuapi le khua no te,
\v 29 En-rimmon, Zareah, Jarmuth,
\v 30 Zanoah, Adullam khuapi le khua no, Lachish khuapi le khua no te, Azekah khuapi le khua no te, Beer-sheba khuapi penpan Hinnom hawkluam tian ah um haw hi.
\v 31 Benjamin miphun te vang Geba, Michmash, Aija, Bethel khuapi le khua no sungah hei hihen,
\v 32 Anatoth, Nob, Ananiah,
\v 33 Hazor, Ramah, Gittaim,
\v 34 Hadid, Zeboim, Neballat,
\v 35 Lod, Ono khuapi ah hei hihen, cihthiam nak a nei mi hawkluam sungah hei in um haw hi.
\v 36 Levi miphun a hek khat te Judah ngam, a hek khat te cu Benjamin ngam sungah um haw hi.
\s Thiampi te le Levi miphun tei na deh co vo
\c 12
\p
\v 1 Sheatiel capa Zerubbabel le Jeshua nungah a zui tu thiampi, Levi miphun cu Seraiah, Jeremiah, Ezra,
\v 2 Amariah, Malluch, Hattush,
\v 3 Shecaniah, Rehum, Meremoth,
\v 4 Iddo, Ginnethoi, Abijah,
\v 5 Mijamin, Maadiah, Bilgah,
\v 6 Shemaiah, Joiarib, Jedaiah,
\v 7 Sallu, Amok, Hilkiah, Jedaiah tihmi Jeshua uk sungah miphun pih thiampi tei sung pen U pa te haw hi.
\p
\v 8 Levi miphun cu Jeshua, Binnui, Kadmiel, Sherebiah, Judah, lungdam nak thu cu a U le nau te tuah uktu Mattaniah hi.
\v 9 A muhtei U le nau Bakbukiah le Unni ten cing in na cu uk haw.
\v 10 Jeshua capa Joiakim, Joiakim capa Eliashib, Eleashib capa Joiada,
\v 11 Joiada capa Jonathan, Jonathan capa Jaddua hi.
\p
\v 12 Joiakim khut sungah miphun hinnam uktu thiampi te cu Seraiah capa Meraiah, Jeremiah capa Hananiah,
\v 13 Ezra, Meshullam, Amariah, Jehohanan,
\v 14 Malluchi, Jonathan, Shebaniah, Josep,
\v 15 Harim, Adna, Meraioth, Helkai,
\v 16 Iddo, Zekhariah, Ginanethon, Meshullam,
\v 17 Abijah, Zichri, Miniamin, Moadiah, Piltai,
\v 18 Bilgah, Shammua, Shemaiah, Jehonathan,
\v 19 Joiarib, Mattenai, Jedaiah, Uzzi,
\v 20 Sallai, Kallai, Amok, Eber,
\v 21 Hilkiah, Hashabiah, Jedaiah, Nethanel hi.
\p
\v 22 Eliashib, Joiada, Johanan, Jaddua tei khut sung pen Levi miphun hinnam uktu te hei hihen, Persia kumpi Darius khut sung tian thiampi te hei hihen, sialsiah nak cazin um hi.
\v 23 Eliashib capa Johanan khut sung tian Levi miphun hinnam uktu te cazin la in kumpi laibu sungah khum hi.
\v 24 Levi miphun Upa, Hashabiah, Kadmiel capa Jeshua ten a U le nau te tuah bawm dun in, Pathian mihing David thupiak mi bang lungdam thangphat nak thu a thek dun in cing haw hi.
\v 25 Mattaniah, Bakbukiah, Obadiah, Meshullam, Talmon, Akkub te cu kongka bul pen a cing tute haw hi.
\v 26 A muhte cu Jozadak capa Jeshua capa Jehoiakim uk sung, khuapi uktu Nehemiah, Laithiangtho thiam thiampi Ezra khut sungah um haw hi.
\s Jerusalem khuapi khantian apnak
\p
\v 27 Jerusalem khuapi khantian apnak a bawl ten dokkop, phaidak, tazaw te tum in thangphat nak la tuah lungdam nak, lungdam nak tuah ap tukin Levi miphun te zei in a muhtei umnak mun hempoh pen Jerusalem khuapi ah sam haw hi.
\v 28 Lasa a thiam mi miphun ten,
\v 29 Jerusalem elkim khua pen umnak kho in a um ten, Jerusalem khuapi elkim umnak munlawn te, Netophathi khua te, Gilgal peng, Geba le Azmaveth khua sungah hung in hulawmkhawm haw hi.
\v 30 Thiampi le Levi miphun te vang mah le mah hei hihen, mihing te, khuapi tumnak, khuapi khantian hei hihen thiangtho tik haw hi.
\p
\v 31 Mah ten Judah kumpi ten khuapi khantian nak hum ah keiman sam in, thangphat nak la satu mihon pi khennih pia hi. Khenkhat cu taklam ah hek in, buak sehnak kongka khuapi khantian hum pen hawh haw hi.
\v 32 A muhtei nungpen Hoshaiah le Judah kumpi a langkhen,
\v 33 Azariah, Ezra, Meshullam,
\v 34 Judah, Benjamin, Shemaiah le Jeremiah,
\v 35 Lemle cawi tu thiampi miphun a hek khat, Asaph, Zaccur, Micaiah, Mattaniah, Shemaiah, Jonathan sung pen a suak mi Zekhariah tih mi,
\v 36 A nau Sheimaiah, Azarel, Milalai, Gilalai, Maai, Nethanel, Judah, Hanani ten Pathian mihing David tumnging namkim keng in zui haw. Laithiangtho hilh thiam saza Ezra in a muhtei mai ah hawh hi.
\v 37 A muhtei a lang le a lang lam ah a um mi ciktui kongka a hen ten, khuapi khantian hum ah kai David khuapi kailawn pen kai in, David inn a hum ta nisuah nak lam tui kongka tian hawh haw.
\p
\v 38 Lasa thiam honpi khat te cu a veilam ah hek in keimah le a langkhen mipi ten khuapi khantian nak hum meikam innpi pen a zal mi khuapi khantian umnak tian zui haw.
\v 39 Epharaim kongka, kongka lun, ngasa kongka, Hananel innpi, Me-ah innpi a hum lam pen pan tuu kongka tian a zui hang, thawng kongka pi ah ding haw hi.
\v 40 Mah cengten lasa thiam pawlnih cu Pathian inn ah ding in a langkhen mihing uktu te cu keimah tuah,
\v 41 Lemle a cawi mi thiampi Eliakim, Maaseiah, Miniamin, Michaaiah, Elioenai, Zekhariah, Hananiah te tuah,
\v 42 Maaseiah, Shemaiah, Eleazar, Uzzi, Jehohanan, Malchijah, Elam, Ezer te um haw hi. Lasa thiam te cu saza Jezrahiah te tuah aw suah in sa haw hi.
\v 43 Mahmi ni in tampi biakpiak nak a lu pia haw. Nasezet lungdam nak thu Pathian in a piak hang, a zi le ca te tuah lungdam nak thu lak in Jerusalem khuapi lungdam nak aw cu khuala pi umnak mun pen za haw hi.
\p
\v 44 Mah ten thiampi le Levi miphun ten na deh cing in a um hang, Judah miphun ten nasezet lungdam in, thiampi le Levi miphun co tuk a lu piak mi a ngah a masa bel sehsawm ah sehkhat cu khua hempoh pen khon in a khawlnak tuk innpi te cu a uktu pia haw hi.
\v 45 Lasa thiam te le kongka cing tute vang, David le a capa Solomon bawl mi bang a muhtei Pathian thu tuah a thiangtho mi thu cingkem in um haw hi.
\v 46 Ni dang laih huncan in David le Asaph khut sungah Pathian thangphat nak la sa tu U pa te um haw hi.
\v 47 Zerubbabel le Nehemiah khut sungah hei hihen, Isarel miphun hempoh ten nisial in lasa thiam mite, kongka cing a ap mi an eih tuk ancang hei hihen, Levi miphun te cu a thiangtho mite hei hihen a lu pia haw hi. Levi miphun ten thiampi te cu a lu pia haw hi.
\s Nehemiah in a lep lehnak
\c 13
\p
\v 1 Mahmi ni huncan in Mosi dan thukham Laithiangtho cu mipi mai pen a sial ten, Ammon miphun le Moab miphun cu Pathian mipi sungah luhtum nak thu a cat ngawlin um ma hitin, mu haw hi.
\v 2 Itahum titale, a mun Isarel miphun te cawm tuk muak ngawlin tamsiat tik tukin Balaam cu zawng haw hi. Mah hang kohtei Pathian tamsiat nak awnkam cu thupha piaknak awnkam in cang tik hi.
\v 3 Mahmi thu a zak ten miphun a ngek ngawl mi hempoh te Isarel miphun pen hawl vawk haw hi.
\p
\v 4 A masa veikhat kohtei Pathian inn a pawlam khan uktu thiampi Eliashib in Tobiah ngualcam a phial hang,
\v 5 An tuah biakpiak nak, ngimnam tui, van phunnam kim hei hihen, dan thukham bang Levi miphun, lasa thiam mite, luhtum nak kongka cing tu a piak mi cang, cabit tui, sathau sehsawm ah sehkhat hei hihen, thiampi te a lu piak mi a lu te hei hihen, a khawl le leng nak a um mi a khanpi cu Tobiah ca tuk bawl hi.
\v 6 Mahmi huncan sung hempoh kei cu Jerusalem khuapi ah um mang hi. Babilon kumpi Artaxerxes uknak kum sawmthum le kumnih nak ten a ma nelah hawh ing. Huncan ngeipi nungten kumpi nelpen pin nak thu ngah in,
\v 7 Jerusalem khuapi ah a hen ten Eliashib cu Pathian inn thukhen nak sung pen a khan cu Tobiah ca tuk bawl in, sual a bawl thu cu keiman za ing hi.
\v 8 Mah ten kei cu thinna zet ka um hang, Tobiah neihnak hempoh cu a khan pen a suah tul cengten,
\v 9 A khan te thiangtho tik tukin Pathian inn van te, an tuah biakpiak nak, ngimnam tui hempoh keng in khawl hi.
\p
\v 10 Na deh cing tu Levi miphun, lasa thiam miten a muhtei lo ah tai haw hi tih cu keiman zo in a muhtei co taak mi an eih tuk ancang a co ngah ngawl thu cu keiman thei in,
\v 11 Pathian inn cu ita vawk haw hum tin kumpi te mawhsiat in, Levi miphun te a hulopkhawm tik cengten a muhtei umnak mun ah pia leh hi.
\v 12 Mah ten Judah miphun hempoh ten cang, cabit tui, sathau sawm ah pakhat cu van koih nak innpi sungah keng leh haw hi.
\v 13 Thiampi Shelemiah, Laithiangtho thiam Zadok, Levi miphun Pedaiah, a nungah Mattaniah capa a himi Zaccur capa Hanan te van koih nak innpi uktu hihnak ah keiman pia ing. A muhte cu muantak minthan nak a neih hang, miphun pih te khen in sem haw hi.
\p
\v 14 Ka Pathian aw, mahmi thu hang keimah phawk in. Ka Pathian inn ca inn na cing tuk in ka bawl mi hehpih nak cu phiat sak pah sin.
\p
\v 15 Mahmi huncan ah Judah ngam miphun a hek khat ten colhni in cabit ngah ngawi, cangtel khawm in, laak hum ah van koih in na a deh haw mi hei hihen, colhni in cabit tui, cabit ngah, theipi ngah te suan in Jerusalem khuapi ah a puak haw mi cu keiman mu in, hi ni bek ah an eih tuk te zuak haw hitin a muhtei lakah son hi.
\v 16 Mahmi umnak mun ah a um tu Tyre khua mite vang, ngasa a um mite cu suan in Jerusalem khuapi ah a puak hang, colhni ten Judah miphun ten zuak thei haw hi.
\v 17 Mah ten keiman nohte colhni siat suah in bawl mi sual cu itihbang hum?
\v 18 Pu le pa ten mah tihbang in a bawl hang, hi tizah loli tian in a nase mi haksat nak kohtei sungah hei hihen, hi khuapi sungah hei hihen, Pathian hen tik mi hima maw. A mun colhni a siatsuah hang, a thinuuk nak a nase saw mi cu Isarel miphun sungah heng tuk laih maw tin, Judah bawi U pa te mawhsiat in,
\v 19 Colhni luh tuk ni tum in colhni cengten, Jerusalem khuapi kongka khah tuk thu bawl in colhni van pua tum tuk ngawl in a sila a hek khat kongka cing tu tuk te pia hi.
\v 20 Mah cengten sum bawl te van phunkim a zuak tu hempoh ten Jerusalem khuapi a pawlam pen veikhat veinih cu cam haw hi.
\v 21 Keiman khuapi khantian a kimkot ah ita cam haw hum? A muhte hung leh in a cam tale man tuk hitin a muhte cu ngallin nak pia hi. Mah pen pan colhni hung ngawlin um haw hi.
\v 22 Levi miphun ten colhni cu thiangtho tik tukin, a thiangtho mi pumpi tuah hung in kongka a cin tuk thu keiman thucah ing. Ka Pathian aw, mahmi thu hang keimah cu phawk in hi, hehpih nak a tampi bangin keimah bawm in.
\p
\v 23 Mahmi huncan ah Ashdod miphun, Ammon miphun, Moab miphun te tuah a huai tu Judah miphun a hek khat te keiman mu ing.
\v 24 A muhtei canu le capa te cu Judah awnkam awn thei ma hi. Ashdod awnkam a langkhen tihbang in awnkam awn thei haw hi.
\v 25 A muhte cu keiman mawhsiat nak tuah sonsiat ing. A hek khat te cu vat in, sam bohsak dantat pia in, nohten na canu uh te ngam sung miphun te huai tik pah sin. Ngam sung miphun numei te cu na miphun ca tuk huai pah sin.
\v 26 Isarel kumpi Solomon cu mah tihbang bawlin sualnak ah heng hima maw. Ngam hempoh ah a mah tuah a bang ve mi kumpi um ma hi. Isarel kumpi hih nak ah Pathian piak mi bang a thinlung a tawk tu hi naven ngam dang miphun numei te sual tik zo hi.
\v 27 Kohten nohtei awnkam ngai in ngam dang miphun numei te huai hang, hizah tian a ngeng mi sual bawl in kohtei Pathian cu sual tuk maw tin Pathian salin a muhte tamsiat tik hi.
\p
\v 28 Thiampi ngeng Eliashib capa Jehoiada capa pakhat cu Horon miphun Sanballat makpa a hih hang, a mah cu keiman hawl vawk ing.
\p
\v 29 Ka Pathian aw, a mun thiampi hihnak ah hei hihen, thiampi, Levi miphun te tuah bawl mi thukhaam hei hihen, a zawt dem hang a muhte cu sialsiah hi.
\p
\v 30 Mah tihcun Judah miphun te cu ngam dang miphun te tuah a thianlim tik cengten, thiampi le Levi miphun te a muhtei na deh nak cin tuk keiman pia in,
\v 31 A tiap mi huncan ten thing a lu piaknak le a ngah masabel a lu piak tukin bawl hi. Ka Pathian aw, hehpih nak nei tukin keimah phawk in.