cnw_reg/14-2CH.usfm

\id 2CH
\ide UTF-8
\rem The text in this file was extracted from C:/DCS/Chin, Ngawn/WORD/14. 2 Chronicles. docx.
\mt 2 Khangsialnak
\h 2 Khangsialnak
\mt 2 Khangsialnak
\toc1 2 Khangsialnak
\toc2 2 Khangsialnak
\toc3 2ch
\s Solomon kumpi in cihthiam a ngetnak
\c 1
\p
\v 1 David capa Solomon in a Topa Pathian bopnak, nasezet a hehpih khaisan nak, a thu neihnak a kho ten,
\v 2 Mihing thawngkhat uk, zakhat uk, thukhen tu, Isarel kumpi hempoh te le miphun hinnam a um mi Isarel miphun hempoh sam in,
\v 3 Ngam lak pen Pathian sila Mosi bawl mi Pathian hulopkhawm nak deu buk Gibeon khuapi pen a sang umnak mun ah a um hang, mahmi umnak mun ah mipi hempoh te tuah hawh hi.
\v 4 Pathian thukhaam thingkuang cu David bawl mi umnak mun Jerusalem khuapi ah a sak ham mi deu buk ah Kirjath-jearim khuapi pen pua naven,
\v 5 Hur capa a himi Uri capa Bezaleel bawl mi dal biakpiak nak cu Pathian thingkuang mai ah a koih hang, Solomon le mipi ten mahmi biakpiak nak ah hawh haw hi.
\v 6 Mah tihcun mipi hulopkhawm nak mun deu buk mai, Pathian mai ah a um mi dal biakpiak nak ah Solomon heng in, mahmi biakpiak nak humah meihal biakpiak tuk nganhing thawngkhat (1,000) pia hi.
\p
\v 7 Mahmi zan in Pathian cu Solomon nelah lang in ka piak tukmi laksawng ngen in hitin, thupia hi.
\v 8 Solomon in Topa cu ka pa David sungah hehpih nak tampi bawl zo ci. A tuin keimah cu kumpi khunnak humah khung tik zo.
\v 9 A tuin Topa Pathian aw, leivul te bang sial ten a tam mi miphun tei kumpi hihnak ah keimah na khaisan hang, ka pa David nelah koih mi thukam cu kho tik in hi.
\v 10 Kei cu hi miphun mai pen tul le tum tukin cihnak pia in. Hizah loli in a tam mi Topai mihing te thukhen theihnak tukin tin, ngen hi.
\v 11 Pathian in nangman mah tihcun phawk in hauksak minthan nak ngen ngawlin, ngal tei nunnak hei ngen ngawl, khansau nak hei ngen ngawl, ka piak hang na uk mi ka miphun thukhen thiam cihnak bek cu na nget hang,
\v 12 Cihnak keiman pia ing. Mah bek sial ngawl na mai pen a cang awng mi kumpi le tunung ten a heng tuk laih mi kumpi pakhat no hei in pha tuk ngawl in, hauhsak nak, minthan nak vang keiman pia ing hitin, ti hi.
\v 13 Mah ten Solomon cu Gibeon khuapi pen a sang nak munah a um mipi hulopkhawm nak deu buk mai pen Jerusalem khuapi ah pin leh in Isarel ngam cu uk hi.
\p
\v 14 Mah cengten Solomon in cipuh leng thawngkhat le zali (1,400), cipuh khung ngalhang thawngheinih (12,000) um hi. Cipuh leng kem tu khuapi sungah hei hihen, Jerusalem khuapi a ma nel ah hei in koih hi.
\v 15 Kumpi cu Jerusalem khuapi sungah sui le ngun suangpum te hei hihen, cedar thing te munlawn ah a po mi theipi hei hihen, tampi um tik hi.
\v 16 Solomon nelah cipuh te cu Izip ngam, Kue khuapi pen a puak mi hi. Kumpi sum bawl ten a man pia in, Kue khuapi pen ngah haw hi.
\v 17 Izip ngam pen cipuh leng pakhat cu sum cuai luk tuah in hihen, cipuh pakhat cu cuaikhat le a lang tuah hei in hihen, zuak hi. Mah tihcun Hitt kumpi le Syria kumpi hempoh ten Izip cipuh leng le cipuh te ngah thei haw hi.
\s Biakinn saknak ca a bawl mite
\c 2
\p
\v 1 Solomon in Pathian min tuk inn hei hihen, kumpi inn hei hihen sa tuk a ngaihsut nak a um hang,
\v 2 Van pua tu thawngsawm salih (70,000), mual hum ah thingphuk tu thawngsawm liat (80,000), zo in a cing tu thawngthum le zaluk (3,600) te a piak cengten,
\v 3 Tyre kumpi Hiram nelah hah in kumpi in ka pa David kumpi inn sak nak tuk cedar thing a piak bang, keima sungah hehpih nak bawl leh in.
\v 4 Isarel miphun in a cat ngawl zui mi thu bang, Pathian mai pen ngimnam tui nam kim meihal tuk in hihen, a mai ah moh cu a cat ngawlin koih tuk in hihen, zan lam, zinglam, colhni, hathak ni, kohtei Topa Pathian a thiangtho mi puai sung pen meihal biakpiak nak pia tuk in hihen, ka Topa Pathian min tuk inn sa in pia tung hi.
\v 5 Ka sak mi inn cu ngeng tuk hi. Ohtei Pathian cu pathian hempoh sangin sunglawi saw hi.
\v 6 Vanhum le vanhum hempoh tei thu neihnak sang bel, a sang bel mi vanhum cu Topa a bo thei ngawl mi a hih hang, a umnak inn cu a kon sa thei tuk hum? A maipen biakpiak melhal nak inn sial ngawl a dang inn sa tukin kei cu itihbang mi pa hum?
\v 7 A tuin sui, ngun, dal, thik, mepian puan than, a san mi phuanthan, a pawl mi puanthan a bawl thiam mi thiam nak, ka pa David bawl mi Jerusalem khuapi, Judah ngam sung pen ka nelah a um saza te tuah bawm dun in, pum a su thiam mi thiamnak tuah a dim mi pakhat cu keima nelah hah in.
\v 8 Cedar thing, cak thing, algum thing te Lebanon mual pen phuk in pia in hi. Kumpi sila ten Lebanon mual pen thing phuk thiam cu keiman thei ing.
\v 9 Thing tampi bawl tukin, ka sila ten kumpi sila te tuah bawm dun in dek haw tuk hi. Ka sak tuk mi inn cu a ngeng zet hang, a lamdang mi inn hi tuk hi.
\v 10 Thing phuk tu kumpi sila te cu sangvut cang korah thawngkul (20,000), barly cang thawngkul (20,000), cabit tui bath thawngkul (20,000), sathau thawngkul (20,000) cu keiman pia tung hitin, cah hi.
\p
\v 11 Tyre kumpi Hiram cu lai ngan in Solomon nelah a piak leh mi cu Pathian in a miphun a ih hang, Topa cu a muhtei kumpi hihnak ah khaisang zo hi.
\p
\v 12 Van le lei a bawl tu Isarel miphun tei Topa Pathian cu biakinn hei hihen, kumpi inn hei hihen, sa tukin thil tih theihnak le cihnak le ngallin nak tuah a dim mi capa cu David kumpi nelah a piak hang, Pathian cu thupha um ta hen.
\v 13 A tuin theihnak pha micip pa cu Huram-abi cu keiman hah ing hi.
\v 14 A nu cu Dan numei, a pa cu Tyre miphun hi. A mah cu sui, ngun, dal, thik, suang, thing, mepian puan, a pawl puanthan, a san mi puanthan, puanthan a nem a bawl thiam mi thiamnak, thil namkim a su thei mi thiamnak a dim tuah Topa saza, a pa David saza te tuah bawm dun in a kul mi hempoh theihnak zei in a bawl thiam mipa hi.
\v 15 Mah hang Topa thupiak nak bang sangvut cang, barly cang, cabit tui, sathau cu topai sila tei lakah pia in hi.
\v 16 Kohten topai deih mi thing hempoh Lebanon mual hum pen a phuh cengten, lawng cu bawl in tuipi lamzin tuah Joppa khuapi ah pua tuk ung hi. Topa in Jerusalem khuapi ah pua tuk uh ci tin, hilh leh hi.
\p
\v 17 A pa David in Isarel ngam sungah a um mi ngam dang miphun hempoh te cazin a lak cengten, Solomon in cazin la leh in tingkhat le thawngsawmnga le thawngthum le zaluk (153,600) mu hi.
\v 18 A pua tu thawngsawm salih (70,000), mual hum pen thingphuk tu thawngsawm liat (80,000), hi thu a zo in a cing tu thawngthum le zaluk (3,600) te cu a khen in koih hi.
\s Biakinn Solomon saknak
\c 3
\p
\v 1 Jeruslem khuapi Moriah mual hum pen, a pa David nelah Pathian a langnak mun, Jebus miphun Or’nan cangcil nak cu David a bawl ham mi umnak pen Solomon kumpi uknak kumli, hanih ha, ninih ni in Pathian inn cu sa pan hi.
\v 2 Solomon kumpi uknak kum li, ha nih ha, ni nih ni in sa pan hi.
\v 3 Solomon in Pathian inn a saknak thu sungah a thu hilh bang, thik tong tuah a saulam tong sawmluk, a vang tong kul um hi.
\v 4 A inn mai cu a inn vang tuah a bang ve in a saulam tong kul, a sang lam tong za le kul um hi. Sui a ngek tuah in belh hi.
\v 5 Inn sunglam a khuh nak cu cak thingpek tuah ceng tik in, sunpalun thingkung te le khau te cu su pekin sui a ngek tuah belh hi.
\v 6 A inn sungah a minthan nak mawi tik tukin suangman pha te tuah tiang in coih hi. A belh mi sui cu Parvaim sui hi.
\v 7 A inn thulzawl, liangpek, khuam, pang, kongka pi te cu sui tuah belh in pang hum ah Cherubim zuk milim belh hi.
\p
\v 8 A thiangtho bel mi umnak mun cu inn pi a vang tuah bang ve tukin a saulam tong kul, a vang tong kul bawlin sui a ngek cuai thawngluk (6,000) tuah belh hi.
\v 9 Sui tongkhen cuai cu tangka sawmnga um hi. A humta khan te vang sui tuah belh hi.
\p
\v 10 A thiangtho bel mi a khan sungah Cherubim panih bawl in sui tuah belh hi.
\v 11 Cherubim ha te cu tongkul sau hi.
\v 12 A ha a langkhat ah a sau lam tongnga ten a um hang, Cherubim panih cu a ha le ha tawngdun kha in, a ha pakhat tek cu inn pang khong in um hi.
\v 13 Mahmi Cherubim te a sungah mitmai hek bawlin, a ding in a ha te a phalh hang tongkul zal hi.
\v 14 Puanthan a pawl, mepian puanthan, a san puanthan, puannem tuah ceng tuk in Cherubim tuah a coih in bawl mi kalaka vang bawl hi.
\p
\v 15 A saulam tong sawmthum le tong nga a um mi khuam panih bawlin inn mai ah phut hi. Khuam hum ah a koih mi khuam a lek cu a sang tongnga ten um hi.
\v 16 Thuphuan nak mun ah a um mi bang khau te bawl in khau hum pen dok hi.
\v 17 Mahmi khuam te cu biakinn mai pen taklam, veilam ah phut in taklam khuam cu Jachin, veilam khuam cu Boaz tin sam hi.
\s Biakinn van te
\c 4
\p
\v 1 A saulam tongkul, a vang tongkul, a sanglam tongkul a um mi dal biakpiak nak vang bawl hi.
\v 2 A zal lam tongsawm, a bem kawn in tong sawmthum, a thuk lam tong nga a um mi dal tui khuk vang bawl hi.
\v 3 Tuikuang a elkim a nuai lam a elkim hempoh uum ngah zuk te, tongkhat le tongkhat pen pum sawm ten kiim tik tukin, uum ngah zuk a panih a elkim tuikuang tuah sikhat peh tuah cih tukin luan hi.
\v 4 Khui heinih hum ah um hi. Khui te cu a sungah bal tik in nisuah nak, nitum nak, hanglam, saklam munli pen munkhat ah pathum ten a mai hek in bawl haw hi.
\v 5 Tuikuang cu a sah lam khutbup khat um hi. A hum lam a elkim te cu khuat hai a mawk elkim bangin lily pak tuah a dim hi. Tui cu bath thawngthum (3,000) tham hi.
\v 6 Meihal biakpiak nak tuah a seng mi hempoh som nak tukin maihum sawmkhat vang bawl in, a taklam ah maihum panga, a veilam ah maihum panga koih hi. Tuikuang cu thiampi tibual nak tuk hi.
\p
\v 7 Sui meikhung sawmkhat cu a masa zuk tuah a bang ve bawl in biakinn sung a taklam ah panga, a veilam ah panga koih hi.
\v 8 Cabuai sawm bawl in biakinn sung taklam ah panga, veilam ah panga koih hi. Sui khuathai zakhat bawl hi.
\v 9 Thiampi thukhen nak, a pawlam thukhen nak, thukhen nak kongkhah te bawl in kongkhah pi te cu dal tuah in tuam hi.
\v 10 Tuikuang vang inn taklam nisuah nak a hanglam ning ah koih hi.
\v 11 Hiram bel te, tuiphawt nak te, maihum a neu te vang a bawl hang Solomon kumpi ca tuk Pathian inn sungah a bawl celh mite cu,
\v 12 Khuam panih, khuam lek le khuam lek a sang bel panih, khuam lek a sang bel cu sin tukin a bawk panih,
\v 13 A bawk panih hum ah tale ngah tuannih ten, tale ngah a veng hawng ten zali,
\v 14 Khung te, khung humah koih mi maihum te,
\v 15 Tuikuang pakhat, tuikuang a nang tu khui heinih, bel te, tuiphawt nak te, sa pheh nak tungtul te hi.
\p
\v 16 Solomon kumpi ca Hiram bawl mi hempoh, Pathian inn van te cu a mam zet mi dal tuah ceng haw hi.
\v 17 Jodan huakluam, Succoth khuapi le Zeredah khuapi lak lawh pen taklei bawl tuk a pha mi lei pen kumpi in lei hi.
\v 18 Solomon in mahmi van te tampi a bawl hang, dal cuai cu a kuamah in thei ma hi.
\p
\v 19 Solomon in Pathian inn tuah a seng mi van hempoh sui biakpiak nak, a mai pen moh koihnak cabuai,
\v 20 A thu bang in thuphuan nak mai pen vak tuk sui a ngek meikhung le meikhuat te,
\v 21 Sui tuah a bawl mi pakbom, meikhuat, mei letnak van te,
\v 22 Sui a ngek tuah bawl mi caiceh, pakan dai, keu, vut koih nak bel te, inn sung pen a thiangtho bel mi umnak sung a khan kong khah le biakinn a pawlam a khan kong khah te vang sui tuah bawl ceng hi.
\c 5
\p
\v 1 Mah tihcun Solomon in Pathian inn tuk a bawl mi hempoh a celhten, a pa David piak mi sui le ngun van hempoh te keng in, Pathian van koihnak sungah koih hi.
\s Thukhaam thingkuang cu biakinn sungah a puaknak
\p
\v 2 Mah ten Pathian thukhaam thingkuang cu Zion min a nei mi David khuapi pen pua nuam in, Solomon in Isarel miphun kum U ham hempoh te le Isarel miphun hinnam tek uktu lamhuai tu hempoh te Jerusalem khuapi ah a sam bangin,
\v 3 Isarel miphun hempoh ha salih ha ten a bawl mi puai sung in kumpi nelah hulawmkhawm tuk hung haw hi.
\v 4 Isarel miphun kum U ham hempoh hung in, Levi miphun ten Pathian thukhaam thingkuang pua in,
\v 5 Mipi hulopkhawm nak deu buk, deu buk tuah seng in a thiangtho mi van hempoh te thiampi te le Levi miphun ten pua haw hi.
\v 6 Solomon kumpi pen pan thingkuang mai ah hulawmkhawm mi Isarel mipi hempoh sialzawh ngawl, sialzawh ngawl in a tam mi tuu, khui te biakpiak nak bawl haw hi.
\v 7 Thiampi ten Pathian thukhaam thingkuang cu inn sungah koih tum in, a thiangtho bel tih mi umnak mun thuphuan nak pen Cherubim ha nuai, a ma umnak ah koih haw hi.
\v 8 Cherubim ten a ha cu thingkuang hum ah phalhin, thingkuang le a puaknak khuh hi.
\v 9 A puak nak te a dawh hang, a puak nak a lek cu a pawlam a khan pen lang ngawlin thingkuang mai thuphuan nak mun bek pen lang in tuni tian um hi.
\v 10 Isarel miphun ten Izip ngam pen tulin Pathian cu a muhte tuah thukhaam a bawl ten, Mosi cu Horeb umnak mun ah a um laih in a koih mi suangpheng panih sial ngawl thingkuang sungah imah um ma hi.
\p
\v 11 Mah ten hulawmkhawm mi thiampi ten a thek dun hun bang na deh nak cingkem ngawlin a um mi hempoh thiangtho a hih hang, a thiangtho umnak mun pen a tul cengten,
\v 12 Lasa tu Levi miphun Asaph nungzui, Heman nungzui, Jeduthun nungzui tu hempoh ten a miphun pih te tuah puanngo silh in dakkop, phaidak, tazaw keng in biakpiak nak a mai lam ah ding haw hi. Lemle tum tu thiampi za le kul ten,
\v 13 Lasa tute tuah bawm dun in thangphat nak le lungdam nak la lem sa in a phat nak, a hehpih nak a cat ngawl in kho hitin lemle, dakkop tihmi a nging thei namkim tuah aw suah in Pathian thangphat nak a neih haw ten, Pathian inn cu meingo tuah in dim hi.
\v 14 Mah tihcun Pathian inn cu Pathian minthan nak tuah dim in meingo hang thiampi ten na dek dingin um thei haw ma hi.
\c 6
\p
\v 1 Solomon in Pathian cu khua thim pi sungah um hitin awnkam thu um hi.
\v 2 Mah naven Topai ceennak inn, a cat ngawl umnak mun cu keiman sa zo ing hitin, ti hi.
\v 3 Mah cengten kumpi in zo kik leh in Isarel miphun mipi hempoh thupha pia hi. Isarel miphun hempoh te ding haw hi.
\p
\v 4-6 Kumpi in, Pathian thuphuan awnkam cu ka mihing Isarel miphun te Izip ngam pen pui ni pen pan ka min ceennak inn sa tik tukin, Isarel ngam pen khuapi pakhat cu keiman teng mang hi. Ka mihing Isarel miphun te uktu pa hei kaiman teng ma laih ing. A tucun ka min umnak mun Jerusalem khuapi hei hihen, ka mihing Isarel miphun te uk tik tukin David hei hihen, keiman teng zo ing hitin ka pa David nelah thuphuan nak a um bang, a bawl tu Isarel miphun tei topa Pathian cu thupha um ta hen.
\v 7 Isarel miphun tei Topa Pathian min ca inn sa tuk ka pa David in ngaihsut nak a neih ten,
\v 8 Pathian in, nang cu ka min tuk inn sa tukin ngaihsut nak a um hang, a pha mi na bawl zo ci.
\v 9 Mah naven nangman inn sa tuk ma ci. Na capa in ka min tuk inn cu sa tuk hitin ka pa David nelah thupia hi.
\v 10 Pathian thupiak nak bang a bawl hang, keiman ka pa David hihnak co in Pathian thukam a um bang, Isarel ngam kumpi tohkham khunnak hum ah khung in Isarel miphun tei Topa Pathian min tuk inn cu sa zo hi.
\v 11 Isarel miphun te tuah Pathian bawl mi thukhaam suang lai a tel mi thingkuang cu mahmi inn sungah koih zo hitin, ti hi.
\s Solomon kumpi thunget nak
\p
\v 12 Mah ten Solomon in a sau lam tong nga, a vang tong nga,
\v 13 A sang lam tong thum a um mi landawh cu bawl in, thukhen nak a laizang ah a koih ham mi landawh hum ah a kai cengten, Pathian biakpiak nak mai, Isarel miphun mipi tei mai pen khukdin a khut cu vanhum ah phalh in,
\v 14 Isarel miphun Topa Pathian aw, vanhum, leihum ah Topa tuah a bang ve mi Pathian pakhat no hei um ma hi. Na mai pen thinglung hempoh tuah a zui tu Topa sila ca tuk thukhaam thu le hehpih nak thu cingkem zo hi.
\v 15 Ka pa David nelah a koih mi thukam cu siatsuah ngawlin, a thupiak nak bang bawl zo hi.
\v 16 Isarel miphun Topa Pathian aw, Topa in ka mai pen na zui bang in na tu le canawn ten ka thu zui nuam tukin a muhtei hawh nak lamzin a ngalling tale ka mai pen Isarel ngam tohkham khunnak hum ah a khung tu, na miphun kumpi bo tuk ma hitin Topa sila ka pa David nelah a koih mi thukham cu a tuin cingkem in hi.
\v 17 Isarel miphun Topa Pathian aw, Topa sila ka pa David nelah thupiak mi awnkam a tuin kim tik in.
\p
\v 18 Mah naven Pathian in hi leihum ah miphun tampi sung pen a thungai in um tuk maw. Vanhum le vanhum hempoh tei hum ah thunehih nak, a sang bel mi vanhum cu Topa tham ngawl in le a thuak theih ngawl hang, ka sak mi hi inn cu ai son tuk um hum?
\v 19 Mah naven ka topa Pathian aw, Topa sila in na mai pen au in thunget nak tuah bawl mi awnkam ngai in.
\v 20 Hi umnak mun ah ka min um tuk hitin a thupiak mi bang, hi umnak mun le hi inn cu a sun a zan zo in Topai sila in, hi lai mun pen thunget mi awnkam ngai in.
\v 21 Topai sila penpan Topa mihing Isarel miphun ten, hi umnak mun pen thunget nak a bawl haw ten, na umnak mun vanhum pen ngai in sualnak pen luat tik in.
\p
\v 22 Mihing in a inn nel pih sual a bawl hang tamsiat co tuk hitin a inn nel pih ten tiin, hi inn sung Topa biakpiak nak mai pen tamsiat a bawl tale,
\v 23 Vanhum pen ngai in. Mipha ngawl pa cu a sualnak bang thi tik tuk in hihen, midik pa in a dikcang nak tuah thupha co in a sual pen luat tuk in hihen, Topai sila te thukhen in.
\p
\v 24 Topai mihing Isarel miphun ten topa cu a sual hang, ngal tei mai pen a sun ten Topai nelah pin leh in a min cu lungkim nak tuah hi inn cu suangin thungen tale,
\v 25 Vanhum pen ngai in Topa mihing Isarel miphun te a sual pen luat tik in hi. Pu le pa tei lakah piak mi ngam ah pui leh in.
\p
\v 26 Topa cu sual bawl nak hang, nguahzu ngawl nguah tui kang Topan thu a hilh ten a mun hi umnak mun cu suangin thu a nget hang, a min cu phuangin a sual bawl nak te a zam tale,
\v 27 Vanhum pen ngai in Topai sila, Topai mihing Isarel miphun te a sual pen luat in. A muhtei zui mi lamzin pha lak in Topai miphun tei lakah lo a piak mi leihum ah nguahzu tik in.
\p
\v 28 Ngam sungah ancang pamtung nak a heng hei hihen, huihtheu hang thingkung a thi mi hei hihen, a tui zung in a thi mi hei hihen, khau hei hihen, lungphul pet in a ei thei mite hei hihen, ngal te do in khuapi a killkhum hei in hihen, haksat natnak pakhat a hen ten,
\v 29 Topai mihing Isarel miphun hek khat ten a muhtei thuak mi haksat nak thei in, hi inn sungah a muhtei khut phalh in pakhat thunget nak awnkam tuah a ngen tale,
\v 30 Na umnak mun vanhum pen ngai in.
\v 31 Pu le pa tei lakah a piak mi ngam pen, a muhtei nun sung hempoh Topa cu lau in a thu lamzin sungah zui tukin, Topa a mah bek mihing nunnak a nei tu hempoh tei thinlung a theih hang thungen tu tei thinlung thei in, a muhtei sual cu luat tik in. A muhtei bawl mi bang thukhen in hi.
\p
\v 32 Topai Isarel miphun a hi ngawl, miphun dang te a sunglawi mi min le huham tuah a zak mi a khut thawmlian suang, ngam khuala pi pen hengin hi inn cu suangin thu a ngen tale,
\v 33 A umnak mun vanhum pen ngai tuk hi. Topai mihing Isarel miphun ten Topa a lau bang leihum mi hempoh ten lau in a min thei tik tuk in hihen, ka sak mi hi inn cu a min tuah samnak thu thei tik tukin hihen, miphun dang hempoh tei thunget nak bang hehpih in hi.
\p
\v 34 Topai tik mi bang Topai miphun in ngal tei umnak mun ah ngaldo tuk a hawh ten a ten mi khuapi, a min tukin ka sak mi inn cu suangin Topai nelah thu a ngen haw tale,
\v 35 A muhtei thunget mi awnkam cu vanhum pen ngai in a muhtei thu kem in hi.
\p
\v 36 Sual a bawl thei ngawl mi pakhat no hei a um ngawl bangin, Topai miphun ten Topa cu sual a bawl ten a thinuuk in ngal tei khut sungah a ap hang ngal te cu ngam khualapi, a nai mi ngam, a dang ngam ah a long hei hihen,
\v 37 Mahmi ngam pen kolh bulh a thuak laih tak a mun ngallin nak co in kohten sual zo ung. A dik ngawl thu, a sia suak mi thu bawl zo ung hitin thinthek in hehpih a kut nak hang,
\v 38 A lon mi ngal tei umnak sungah a lon laih thinlung hempoh tuah a nelah pin kik leh in, pu le pa te a piak mi ngam, a ten mi khuapi, a min tukin ka sak mi hi inn cu suangin thungen hei in hihen,
\v 39 A muhtei thunget mi awnkam cu a umnak vanhum pen ngai in a muhtei thu kem hi. Topa a sual bawl mi Topai miphun tei sual cu thukhen sak hi.
\p
\v 40 Ka topa Pathian aw zo in. Hi umnak mun pen thunget mi awnkam ngai in.
\p
\v 41 Topa Pathian aw, na umnak mun ah huham tuah a seng mi a thiangtho thingkuang tuah kai hi. Topa Pathian aw, Topai thiampi ten nunpat nak van thuam silh in Topai a thiangtho miphun ten a hehpih nak sungah lungdam haw ta hen.
\v 42 Topa Pathian aw, sathau thih mi pai mit mai pial tik pah sin. Topai sila David co mi hehpih nak cu phawk in hitin, thungen hi.
\s Biakinn apnak
\c 7
\p
\v 1 Mah tihcun Solomon in thu a nget celhten, vanhum pen mei cak in meihal biakpiak nak a um mi biakpiak nak nganghing a kang hang, inn cu Pathian minthan nak tuah dim hi.
\v 2 Pathian inn cu minthan nak tuah a dim hang, thiampi ten Pathian inn sungah lut thei haw ma hi.
\v 3 Mah tihcun mei cak in Pathian minthan nak, inn hum ah a hen mi cu Isarel miphun hempoh in a muhten, suang phah nak leihum ah a lukun bopkhup in pha hi, a hehpih nak a cat ngawl in kho hitin Pathian cu bia in thangphat haw.
\p
\v 4 Mah ten Solomon kumpi le mi hempoh ten Pathian mai pen biakpiak nak bawl haw hi.
\v 5 Khui thawngkul luannih (22,000), tuu tingkhat le thawngkul (120,000) biakpiak nak hang, Pathian inn cu ap nak bawl haw.
\v 6 Thiampi ten a muhtei na cu dek haw hi. Levi miphun ten Pathian hehpih nak a cat ngawl a kho hang, Pathian thangphat lungdam nak nei tukin David kumpi bawl mi a nging thei tum nging te tum in, David saam la te sa haw hi. Thiampi ten lemle tum in, Isarel miphun hempoh ding haw hi.
\v 7 Solomon in, Pathian inn mai ah a um mi thukhen nak a sunglam cu thiangtho tikin mahmi umnak mun pen meihal biakpiak nak le pawlkom biakpiak nak a thau cu pia hi. Itahum titale, a masa bawl mi dal biakpiak nak cu meihal biakpiak nak, an tuah biakpiak nak, biakpiak nak a thau cu tham ma hi.
\p
\v 8 Mah ten Solomon in a tam zet mipi tihmi Hamath khuapi luh tumnak pen pan Izip ngun tian, mun hempoh pen a heng mi Isarel miphun hempoh te tuah ni salih sung puai bawl hi.
\v 9 Niliat ni in a thiangtho mi hulopkhawm nak bawl haw hi. Ni salih sung biakpiak nak a ap cengten ni salih sung puai bawl leh haw hi.
\v 10 Pathian in David le Solomon pen pan a mihing Isarel miphun sungah a bawl mi hempoh a hehpih nak hang, lungdam in mipi te a muhtei umnak mun ah pin leh tukin, ha salih ha ni kul luanthum ten hah hi.
\s Solomon kumpi nelah Pathian a langnak
\p
\v 11 Solomon in biakinn le kumpi inn cu cengin, biakinn le kumpi inn bawl tuk tin a ngaihsut nak hempoh a pitung ten,
\v 12 Pathian cu zan huncan ten langin na bawl mi thunget nak awnkam cu keiman za zo ing. Hi umnak mun cu biakpiak nak inn cang tukin na ca in keiman teng zo ing.
\v 13 Nguahzu tuk ngawlin kei cu nguahtui vang zuutik tuk in hihen, khau ten lei pen a suak mi an ngah te ei tik tukin thu ka cahnak hei hihen, ka minphun sungah pulhnat hah hei in hihen,
\v 14 Ka min a sam tu ka miphun ten a mah le mah niamkhiat nak hang, ka mitmai zei in thunget nak a bawl ten sual nak lamzin pen a pial tale keiman vanhum pen ngai tung. A muhtei sualnak hah in a muhtei ngam cu daihnak pia tung hi.
\v 15 Keiman zo tung. Hi umnak mun pen thunget mi awnkam cu keiman ngai tung.
\v 16 Ka min cu a cat ngawl kho in ka mitcang le ka thinglung a cat ngawl cam tukin hi inn cu keiman teng in thiangtho tik zo ing.
\v 17 Nang cu ka thucah mi bawl in ka dan thukham hempoh cingkem tukin na pa David bang ka mai pen na zui tale,
\v 18 Isarel ngam uktu na miphun kumpi bo tuk ma hitin na pa David le ka thukhaam bawl mi bang, na khunnak tohkham cu a cat ngawl in keiman kho tik tung hi.
\p
\v 19 Mah ahima tale nohten lamzin pial in ka thucah mi dan thukham te vawk in ngam dang miphun tei pathian nelah hawh in bia tale,
\v 20 Ka piak mi ngam pen a muhte a zung tuah keiman bot tung hi. Ka min tukin ka thianlim tik mi hi inn cu ka mai pen vawk tung hi. Ngam dang miphun ten thupaucap sonsiat nak mun in cang tik tung hi.
\v 21 A sangnak mun hi inn vang cu lamzin a vak tu hempoh ten lamdang sa in Pathian in hi ngam le hi inn cu ita hih tihbang in bawl hum tin mihing pakhat a dot ten,
\v 22 Mihing pakhat in a muhtei pu le pa te Izip ngam pen a pui tu Topa Pathian cu a mun vawk in, a dang pathian suang in a biak haw hang, hi thu hempoh te a hen tiknak thu hilh leh haw tuk hitin, ti hi.
\s Solomon kumpi a dang na a dehnak
\c 8
\p
\v 1 Solomon cu biakinn le kumpi inn sa in kum kul a kim ten, Hiram kumpi piak leh mi khuapi cu Solomon in lem leh in Isarel miphun te um tik hi.
\v 2 Mah cengten Hamath-zobah khuapi do in neh hi.
\p
\v 3 Ngam sung pen Tadmor ngam sungah a um mi van koihnak khuapi,
\v 5 Khuapi khan tian, kongka pi, kongka kalhnak le a kho mi a hum ta Tadmor khuapi le a nuai ta Tadmor khuapi vang din hi.
\v 6 Baalath khuapi le van koihnak khuapi, cipuh leng koihnak khuapi, cipuh cawm tu khuapi, Jerusalem khuapi elkim, Lebanon mual hum, ngam sung hempoh pen a dit nuam mi khuapi te vang din hi.
\p
\v 7-8 Isarel miphun a siatsuah ngawl hang, ngam sung pen a tang mi ngam dang miphun, Hitt miphun, Amor miphun, Periz miphun, Hiv miphun, Jebus miphun tu le canawn hempoh Solomon in tuni tian siah pia tik hi.
\v 9 Isarel miphun te cu Solomon in na dek tu sila um tik ma hi. Ngalkap ngalhang, bawi U pa, ngal bawi, cipuh leng uktu, cipuh uktu hihnak sungah pia hi.
\v 10 Na dek tute uktu Solomon kumpi piak mi bawi Upa zanih le sawmnga um hi.
\p
\v 11 Pharaoh kumpi canu cu Solomon in David khuapi ah sam in a ma ca tuk sak mi kumpi inn ah pui hi. Itahum titale, Pathian thingkuang hennak mun a thiangtho hang, ka nupi cu Isarel kumpi David inn sung pen um thei tuk ma hitin, ngaihsut nak um hi.
\p
\v 12 Biakinn mai ah sak mi Pathian biakpiak nak taitan hum pen Solomon in, Mosi dan thukham bang nisial meihal biakpiak nak cu Pathian nelah nisial in pia hi.
\v 13 Mah bek sial ngawl colhni le hathak ni ten hei hihen, naman sawh ngawl moh puai, nipi sial puai, kaltan puai, kumkhat sung puai veithum bawl mi ni in hihen, biakpiak nak bawl hi.
\p
\v 14 A pa David thupiak mi bang thiampi ten a thekdun in thiampi na hei hihen, Levi miphun ten nisial a kul mi na dehnak bang, thiampi te bawm in thangphat nak la a sak hang, a muhtei na hei hihen, kongka pi cing tuten a thek dun kongka pi hempoh a cinnak thu hei hihen, a muhtei co vo tek na dek tukin pia hi.
\v 15 Na dek tute van tuah a seng mite kumpi thucah mi hempoh bang a mun bawl haw hi.
\p
\v 16 Pathian inn khuam a din laih ngawlin a celh tian, Solomon na deh tuk hempoh a bawl ham sa khawng zo hang inn cu sa ceng hi.
\p
\v 17 Mah cengten Solomon in Edom ngam pen tuipi mawk tian Ezion-geber le Eloth khuapi ah hawh hi.
\v 18 Hiram in tuipi a tan nak thu a thei mi a mihing te, tembaw te cu a sila te tuah Solomon nelah hah in, a mun Solomon sila te tuah Ophir khuapi ah hawh in, sui khuathai zali le sawmnga (450) cu Solomon nelah pua haw hi.
\s Solomon kumpi nelah Sheba kumpi nu a lennak
\c 9
\p
\v 1 Sheba ngam uktu kumpi nu in Solomon thu a zak ten, a haksa mi buai nak tuah a mah thu dong tukin, ngimnam tui tampi le sui tampi, suangman pha a pua tu kalauk te a nungah a zui tute tuah Jerusalem khuapi ah hung hi.
\v 2 Solomon kumpi nelah a hen ten a deihnak hempoh sonkhawm in dong hi. A thu dot mi buainak hempoh Solomon in hilh hi. A theih ngawl mi pakhat no hei um ma hi.
\v 3 Sheba kumpi nu in Solomon theihnak hei hihhen, a sak mi inn hei hihen,
\v 4 Cabuai an te hei hihen, a na dek tutei khunnak hei hihen, a na dek tu tangval tei thu hei hihen, a muhtei silh mi puan van te hei hihen, Pathian inn sung pen meihal biakpiak nak hei hihen a muhten lamdang sa zet a um hang,
\v 5 Topan hi thu le a cihnak cu keiman ka ngam pen zak mi thuthang awnkam cu man hi.
\v 6 Mah naven keimah loli heng ka muh laih ngawlin mahmi awnkam cu um mang hi. A tucun, Topai cihnak a zal dan thu a masa zak mi thu a lang hei pha zo ma hi. Ka zak mi thuthang cu Topa in a tam saw val hi.
\v 7 A mai ah a cat ngawl um in a cihnak a za tu Topai mihing le a sila ten thupha co haw hi.
\v 8 Topa cu deih in Topai Pathian, Pathian muan mi kumpi hihnak le kumpi tohkham hum ah a koih mi Topa Pathian cu thupha um ta hen. Topa Pathian in Isarel miphun a ih nak a cat ngawl a kho tik nuam hang, dikcang zet thukhen tik tukin topa cu Isarel kumpi hihnak ah pia zo hitin kumpi nelah a hilh ten,
\v 9 Sui cuai za le kul (120), ngimnam tui namkim, suang man pha laksawng te pia hi. Sheba kumpi in Solomon nelah a piak mi ngimnam tui phun nam tuah a bang ve um ma hi.
\v 10 Solomon kumpi cu Sheba kumpi in laksawng a piak hang, a piak mi laksawng bek sial ngawl kumpi nui deihnak kim tik tukin a nget mi hempoh pia hi. Mah cengten kumpi nu in a sila te tuah a ngam ah pin leh hi.
\v 11 Ophir khuapi pen sui a ken mi Hiram sila le Solomon sila ten algum thing te, suangman pha te vang keng haw hi.
\v 12 Mahmi algum thing tuah kumpi cu biakinn tuah peh cih in sak mi le kumpi in tuah a peh cih sak mite hei hihen, la sa tu tei ca phaidak le tazaw te hei hihen bawl hi. Mah tihbang mi algum thing cu Judah ngam sung pen vei khat no hei mu awng ma hi.
\s Solomon kumpi hauhsak nak
\p
\v 13 Solomon kumpi nelah kum khat ten a heng mi sui cuai zaluk le sawmluk le paluk (666) hi.
\v 14 Mah bek sial ngawl sum bawl tute, leng bawl thiam te, Arabia kumpi hempoh khuapi uktu tei piak mi sui um laih hi.
\v 15 Solomon kumpi cu sui cuai luk (6) ten tuah lumphaw zanih (200),
\v 16 Cuai thum (3) ten tuah lumphaw a neu te bawlin, Lebanon mual thing tuah sak mi kumpi inn sungah koih hi.
\v 17 Kumpi in saiho kumpi tohkham khunnak ngeng pi bawl in sui a ngek tuah bawl hi.
\v 18 Kailawn kalbak salih le sui kedam cu kumpi tohkham cankim in um hi. Khunnak a langlam le langlam ah ngaingap tukin khut let tuk a zawl a dim hang, khut let nak bulah pawpi panih ding hi.
\v 19 Kailawn kalbak paluk hum a lang le a langlam ah vang pawpi heinih ding hi. Mah tihbang mi kumpi tohkham khunnak cu a kuamah ngam ah um ma hi.
\v 20 Solomon in nak khuathai hempoh te le Lebanon kumpi inn sung pen, man mi khuathai hempoh cu ngun hi ngawlin sui bek hi. Solomon uknak sung pen ngun cu thupi zet in bawl theih ma hi.
\v 21 Kumpi tembaw cu Hiram kumpi sila te le Tarshish khuapi ah a hawh theih hang, kum thum ten veikhat Tarshish tembaw cu kik leh in sui, ngun, saiho, zawng te, udawng te pua thei hi.
\p
\v 22 Mah tihcun Solomon in leihum ah a um hempoh kumpi te sang cihnak le hauhsak nak tuah na sezet hi.
\v 23 Solomon thinlung sungah Pathian piak mi cihnak cu ngam hempoh pen kumpi ten za tuk in, a mai pen zei haw hi.
\v 24 A heng tu hempoh ten sui khuathai, ngun khuathai, puan van, ngaldo nak ngalhiam, ngimnam tui namkim, cipuh laak te kum sial a siah pia haw hi.
\v 25 Solomon cipuh leng te tuah a khun mi cipuh an kuang thawngli (4,000), cipuh khung ngalhang thawngheinih (12,000) um hi. Cipuh leng cing tu khuapi te hei hihen, Jerusalem khuapi ah hei in koih hi.
\v 26 Ngun tuipi pen pan Philistine ngam le Izip ngam mawk tian ah a um mi kumpi hempoh uk hi.
\v 27 Kumpi in Jerusalem khuapi sungah ngun cu suang bang in hihen, cedar thing cu munlawn ah a po mi theipi kung bang in tam tik hi.
\v 28 Solomon nelah cipuh te cu Izip ngam pen pan a um mi ngam hempoh pen pua haw hi.
\s Solomon kumpi thihnak
\p
\v 29 Solomon kumpi bawl mi thu a tang hempoh, a pat pen a tawp tian kamsang Nathan Laithiangtho, Shiloh khua mi Ahijah kamsang Laithiangtho, Nabat capa Jerobaom langlam pen kamsang Iddo muhnak Laithiangtho sungah ngan hi.
\v 30 Solomon cu Jerusalem khuapi ah um in Isarel ngam cu kum sawmli sung a uk cengten,
\v 31 A pu le pa te tuah hihbu in a pa David khuapi ah phum hi. A capa Jerobaom cu a pai hihnak ah kumpi in khung hi.
\s Isarel miphun ten Jerobaom a do nak
\c 10
\p
\v 1 Isarel miphun hempoh ten Jerobaom cu kumpi hihnak ah khaisang tukin Shechem khuapi ah a hawh hang, a mah vang hawh hi.
\v 2 Solomon kumpi nel pen Izip ngam ah a tai mi Nabat capa Jerobaom in mahmi thuthang cu a zak hang, Izip ngam pen pin leh hi.
\v 3 Isarel miphun ten a ma nelah mihing cu hah in a sam hang, mi hempoh ten a mah tuah Jerobaom nelah lut tum in,
\v 4 A pa in kohtei sungah a ngit mi van pua tik zo hi. A pai nel pen cawl zet in na dehnak, a puak mi van ngit cu zang tik in. Mah tihbang in a bawl ta le kohten na deh nak nei tuk ung hitin, ti haw hi.
\v 5 Rehoboam in nithum lawi ten hung leh un hitin thu a piak ten a muhte cu hawh haw hi.
\p
\v 6 Mah ten Rehobaom cu a pa Solomon a nun laih in a ma nelah na dek tu kum U ham te tuah thusiam khawm in, a muhtei nelah ka hilh leh tuk mi thu itihbang in ngaihsut nak pia leh tuk hum tin a dot ten,
\v 7 A mun Topa cu a muhtei sungah hehpih nak bawl in a muhtei thinlung deihnak tuah a pha mi awnkam a hilh leh ten, a mun a cat ngawl Topai sila in um tuk ung hitin, ti haw hi.
\v 8 Kum U ham tei thu ngaihsut nak a piak mi zui ngawlin, a cat ngawl na dek tu a ngualcam te tuah thusiam khawm in,
\v 9 Ngam sung miphun ten a pai suat mi van zang tik in hitin a tih hawh hang, a muhtei nelah ka piak leh tuk mi thu cu a kon ngaihsut nak pia haw hum tin a dot ten,
\v 10 Mahmi a ngualcam tangval ten a pa in kohtei sungah van suat mi cu ngit tik zo hi, zang tik in hitin a titu ngam mipi tei lakah Topa in, ka khut me cu ka pai el sang in ngeng saw tuk hi.
\v 11 Ka pa in nohtei humah a ngit mi van suan zo. Keiman suan bet tung hi. Ka pa in nohte cu tingngolh tuah vat zo hi. Kei cu aikam tuah in vat tung hitin hilh leh ten hitin, ti haw hi.
\p
\v 12 Kumpi in nithum a kim ten hung leh tung hitin huncan ni a tiap bang nithum ni ten Jerobaom le mihing hempoh ten Rehobaom nelah heng haw hi.
\v 13 Mah ten Rehobaom kumpi in kum U ham hempoh tei ngaihsut nak a piak mi zui ngawlin, tangval tei ngaihsut nak a piak mi cu zui in,
\v 14 Ka pa in nohtei humah a ngit mi van suan zo hi. Keiman suan bet tung. Ka pa in nohte cu tingngolh tuah vat zo hi. Keiman aikam tuah vat tung hitin hang zet don leh hi.
\v 15 Kumpi ngam mipi tei awnkam a ngaih ngawlnak thu bulpi cu Pathian in Shiloh khua mi Ahijah hang, Nabat capa Rehobaom nelah a thupiak mi a kim tik nak tuk thu hi.
\p
\v 16 Isarel miphun hempoh ten kumpi thu a ngaih ngawl nak thu cu a muhten, kohten David tuah itihbang peh tuah nak nei hum? Jessi capa tuah itihbang in lo co thei laih hum? Isarel mi aw, nohtei umnak mun tek ah hawh ta un. David aw, na inn cu zo in hitin kumpi nelah hilh leh in Isarel miphun hempoh ten a muhtei umnak mun ah pin leh haw hi.
\v 17 Mah hang Judah khuapi le khua no sungah a um Isarel miphun te cu Rehobaom in uk laih hi.
\v 18 Mah ten Rehobaom kumpi in siahkhon tu bawi Hadoram hah in, Isarel miphun ten a mah cu thi tukin suang tuah sep haw hi.
\v 19 Rehobaom kumpi cu cipuh leng a man lang hawh in Jerusalem khua pi ah tai hi. Mah tihcun Isarel miphun in tuni tian David miphun cu do haw hi.
\c 11
\p
\v 1 Rehobaom cu Jerusalem khuapi a hen ten, Isarel miphun do in uknak ngam cu Rehobaom khut sungah heng leh tik tuk in, Judah miphun le Benjamin miphun sung pen a ten mi ngalkap tingkhat le thawngsawmliat (180,000) cu hulawmkhawm tik hi.
\v 2 Mah naven Pathian thu cu Pathian mihing Messiah nelah heng in,
\v 3 Nang cu Solomon capa Judah kumpi Rehobaom le Judah ngam, Benjamin ngam sungah a um Isarel miphun hempoh Pathian thupiak hilh tuk mi cu,
\v 4 Nohtei U le nau ten ngaldo hawh pah sun. Mi hempoh na umnak inn ah pin leh un. Hi thu cu keiman khen zo ing hitin a thupiak mi Pathian awnkam ngai in, Rehobaom cu ngaldo ngawlin pin leh hi.
\s Judah ngam kho tukin Rehobaom bawlnak
\p
\v 5 Rehobaom cu Jerusalem khuapi ah um in, Judah ngam sungah a kho mi khuapi te a bawl ten,
\v 6 Bethlehem khuapi, Etam khuapi, Tekoa khuapi,
\v 7 Beth-zur khuapi, Shoco khuapi, Adullam khuapi,
\v 8 Gath khuapi, Mareshah khuapi, Ziph khuapi,
\v 9 Adoraim khuapi, Lachish khuapi, Azekah khuapi,
\v 10 Zorah khuapi, Aijalon khuapi, Hebron khuapi tih mi Judah ngam le Benjamin ngam sung pen a kho mi khuapi te bawl hi.
\v 11 A man a kho tuk bawl in, U pa te tuah sathau, cabit tui te, ancang te khawl hi.
\v 12 Judah miphun le Benjamin miphun in na dehnak hang, khuapi hempoh sungah lumphaw ceipi ngalhiam nam te koih in kho zet tik hi.
\p
\v 13 Isarel ngam mun hempoh ah a um thiampi Levi miphun ten, a muhtei umnak pen a ma nelah hung haw hi.
\v 14 Levi miphun ten a mu umnak a himi co taak mi umnak mun cu zamsan in Judah ngam Jerusalem khuapi ah a heng mi thu cu Rehobaom le a caten Levi miphun te cu Pathian mai pen thiampi na a cing tu hihnak pen khia in,
\v 15 A sangnak mun, khuasia, a bawl cop khui no zuk ca thiampi te pia hi.
\v 16 Isarel miphun tei Topa Pathian zei nuam tukin lungkim nak a nei mite vang Isarel ngam sung pen tul, pu le pa tei Topa Pathian bia tuk Levi miphun tei nungah zui in, Jerusalem khuapi ah heng haw hi.
\v 17 Mah tihcun a mun Judah ngam pia in Solomon capa Rehobaom cu kum thum sung kho tik haw hi. Kum thum sung David lamzin, Solomon lamzin ah zui haw hi.
\s Rehobaom inn sungsang
\p
\v 18 Rehobaom in David capa Jerimoth canu Mahalath huai hi. A nu cu Jessi ca Eliab canu Abihail hi.
\v 19 A muhte cu Jesush, Shamariah, Zaham pathum hing hi.
\v 20 Mah cengten Absalom canu Michah huai in Abijah, Attai, Ziza, Shelomith te hing hi.
\v 21 Rehobaom nupi heiliat, zino sawmluk kem in capa kulluanliat, canu sawmluk a neih sung pen Absalom canu Machah cu a dang a nupi a zino te sang in a ih saw hang,
\v 22 Machah capa Abijah cu kumpi hihnak ah pia tukin ngaihsut nak a um hang, a U le nau tei sung pen Upa bel cang tik tukin khaisang hi.
\v 23 Cihnak tuah a seng mi thukhen nak hang, Benjamin umnak mun hempoh pen a kho mi khuapi hempoh sungah a cate cu mun hempoh ah koih in ancang tampi khawl hi. Zi tampi deih hi.
\s Jerusalem khuapi Shishak a donak
\c 12
\p
\v 1 Rehobaom kumpi in a uknak ngam kho tikin thazang a neih ten, Isarel miphun hempoh te tuah Pathian thu zam san in,
\v 2 Pathian sual a bawl hang Rehobaom kumpi uknak kum nga ten,
\v 3 Izip kumpi Shishak cu cipuh leng thawngkhat le zanih (1,200), cipuh khung ngalhang thawngsawmluk (60,000), sialzawh ngawl Izip ngam miphun te Lubim ngam miphun, Sukki ngam miphun, Ethopia ngam miphun te tuah Jerusalem khuapi ah ngaldo in,
\v 4 Judah ngam sung pen a kho mi khuapi te a do cengten Jerusalem khuapi ah heng hi.
\v 5 Mah ten Shishak kumpi hang, Jerusalem khuapi ah hulawmkhawm mi Judah kumpi te le Rehobaom kumpi nelah kamsang Shemaiah hung in, Pathian thupiak mi cu nohten keimah zam san in keiman nang muhte Shishak kumpi khut sungah ap zo ing hitin a thupiak a hilh leh ten,
\v 6 Kumpi le Judah kumpi ten, Pathian cu dikcang hitin tiin mah le mah niamkhiat haw hi.
\v 7 Mah tihbang in a niamkhiat nak thu Pathian in a mu tale a thu awnkam cu Messiah nelah heng in, a muhte cu niamkhiat haw zo hi. Mah hang a muhte cu keiman siatsuah ngawlin dawmlaih no daihnak pia tung hi. Shishak khut in Jerusalem khuapi hum ah ka thinuuk nak buak tuk mang hi.
\v 8 Mah naven ka nelah na dehnak, miphun dang kumpi sungah na deh nak khen thei tukin, Shishak kumpi nelah sila thuak haw tuk hitin, ti hi.
\p
\v 9 Izip kumpi Shishak cu Jerusalem khuapi ah heng in, biakinn van le kumpi van hempoh lon sak hi. Solomon bawl mi sui lumphaw hempoh la hi.
\v 10 Rehobaom kumpi cu sui lumphaw ai dal lumphaw bawl in kumpi kongka pi cing tu, bawi cing tu pai nelah ap hi.
\v 11 Kumpi cu biakinn ah a hawh ten bawi cing tuten lumphaw keng in, a muhtei cinnak a khan ah koih leh haw hi.
\v 12 Mah tihcun kumpi in a mah le mah a niamkhiat ten Pathian in a mah cu that tuk ngawlin a thinuuk nak pen pial tik hi. Judah ngam sungah vang ngam thu le la a dai hang,
\v 13 Rehobaom kumpi cu Jerusalem khuapi sungah a mah le mah kho tikin uk laih hi. Rehobaom cu kumpi khunnak ah a khun ten a kum sawmli le kum khat hi. Pathian min kho tik tukin, Isarel ngam miphun sung pen a ten mi Jerusalem khuapi sungah kum heisalih uk hi. A nu cu Amon miphun, Naamah hi.
\v 14 Pathian zeih nuam nak thinlung a um ngawl hang sual bawl hi.
\p
\v 15 Rehobaom bawl mi thu a pat penpan a tawp tian kamsang Shemiah Laithiangtho sungah le Iddo bawl mi tu le canawn cazin sungah ngan hi. Rehobaom le Jerobaom te a nun sung hempoh do un haw hi.
\v 16 Rehobaom cu a pu le pa te tuah hihbu in, David khuapi sungah phum hi. A capa Abijah cu a pai hihnak kumpi khunnak ah khung hi.
\s Judah kumpi Abijah
\c 13
\p
\v 1 Jerobaom kumpi uknak kum heinih a kim ten, Abijah cu Jerusalem khuapi pen kumpi dek in,
\v 2 Judah ngam cu kum thum uk hi. A nu cu Gibeah khua mi Uriel canu Micaiah hi. Abijah le Jerobaom tei ngaldo nak thu cu,
\v 3 Abijah in a ten mi ngalkap ngalhang tingli (400,000) tuah do hi. Jerobaom in ngalkap ngalhang tingliat (800,000) tuah do hi.
\v 4 Abijah in Ephraim ngam Zemaraim mual hum ah ding in Jerobaom le Isarel miphun te aw, ngai un.
\v 5 Isarel miphun tei Topa Pathian cu ci tuah a bang ve mi thukhaam tuah Isarel ngam cu David le a capa le a tu tei sungah a cat ngawl ap nak thu nohtei theih kul mi hima maw.
\v 6 Mah hang David capa Solomon sila Nabat capa Jerobaom in a topa cu a langlam pen tho in do hi.
\v 7 Solomon capa Rehobaom a neu laih hang a lungmu dawm in, a kham theih ngawl ten kamhang mipa, sual a bawl tuten Jerobaom nelah hulawm khawm tikin, Rehobaom kumpi a langlam pen a mah le mah kho tik haw hi.
\v 8 A tuin nohten David tu le canawn sungah a um mi Pathian uknak ngam cu kham tuk hitin ngaisung uh ci. A muhte a tampi hang a muhtei pathian hihnak sungah Jerobaom bawl mi sui khui no zuk vang nei haw hi.
\v 9 Nohten Pathian piak mi thiampi, Aaron miphun le Levi miphun te hawlvawk in miphun dang tei bawl dan bang, nangmu ca thiampi te bawl zo hima maw. Mah bang bok khui no zuk pakhat le tuu salih pia in, thiampi hihnak ah a piaknak a co tute cu pathian a hi ngawl mipai nelah thiampi bawl hi.
\v 10 Kohten Pathian zam san ma ung. Pathian cu kohtei Pathian hi. Pathian van a pua tu thiampi te cu Aaron miphun te haw hi. Levi miphun ten a muhtei na deh cu cing haw hi.
\v 11 Pathian mai pen meihal biakpiak nak le ngimnam tui namkim cu zing sial, zan sial in meihal haw hi. A thiangtho mi cabuai hum a mai ah moh hei hihen, zan sial vak tuk sui meikhung le meikhuat te hei hihen bawl haw hi. Kohten kohtei Topa Pathian na cu cing ung. Nohten Pathian cu zam san uh ci.
\v 12 Pathian a mah loli cu ohtei sung pen ngal bawi hi. Pathian thiampi te vang lemle tumin, nohtei lamah sosuah tukin ohtei sungah um haw hi. Isarel miphun te aw, pu le pa tei Topa Pathian a langlam pen do pah sun. Na do uh tale thi tuk uh ci tin, ti hi.
\p
\v 13 Jeroboam in Judah miphun tei nung pen a lang ngawl ngaldo tikin a mah cu a langlam lui ngalah a um mi a langlam Judah ngalkap te kilkhum haw hi.
\v 14 Judah miphun ten a zoh kik leh ten ngalten kilkhum in a um mi cu a muhten Pathian sam in, thiampi ten lemle tum haw hi.
\v 15 Judah miphun ten a au leh ten Pathian in Jerobaom cu Abijah le Judah miphun tei mai pen dan a tat hang,
\v 16 Isarel miphun te tai in a muhte cu Judah miphun tei khut sungah Pathian in ap hi.
\v 17 Abijah le a minphun ten nasezet thah nak a bawl hang, a ten mi Isarel miphun tingnga (500,000) cu lum in a thih hang,
\v 18 Isarel miphun te mahten sungin Judah miphun ten a pu le pa tei Topa Pathian a muan ten neh haw hi.
\v 19 Abijah in Jerobaom hil in Bethel khuapi le khua no te a ma khut pen long leh hi.
\v 20 Abijah uk sung hempoh Jerobaom in thazang nei leh ma zo hi. Pathian dantat nak hang thi hi.
\v 21 Abijah cu thazang khang hi. Nupi heili nei in capa kulluannih le canu heiluk nei hi.
\v 22 Abijah bawl mi thu a tang laih hempoh le a nuncan ziaza a son mi awnkam hempoh kamsang Iddo thuanthu sungah ngan hi.
\c 14
\p
\v 1 Abijah cu pu le pa te tuah hihbu in, David khuapi sungah phum hi. A capa Asa in a pai hihnak kumpi khunnak ah khung hi. Mahmi kumpi uk sungin ngam pi cu kum sawm sung dai hi.
\s Judah kumpi Asa
\v 2 Asa kumpi in a Topa Pathian mai pen a pha mi na, a dik mi na bawl hi.
\v 3 Ngam dang miphun pathian biakpiak nak hei hihen, a sang nak mun te vawk hi. Zuk milim te subal in, Asherim thingkung te phuk hi.
\v 4 Judah miphun ten a pu le pa tei Topa Pathian cu zei in, dan thukham cingkem tukin thupia hi.
\v 5 Judah khuapi khua no mun hempoh ah a um mi mual le zuk milim te vawk in a uknak ngam cu nop hi.
\v 6 Mahmi huncan sungin daihnak thu cu Pathian in a piak hang, Judah ngam cu dai in ngal thu pen a luat hang, Asa kumpi in ngam sung hempoh ah a kho mi khuapi te din hi.
\v 7 Kohten kohtei Topa Pathian cu zuamnak tuah zei in mahmi Pathian cu mun hempoh ah daihnak thu a piak hang, ngam sung hempoh a uk laih tak hi khuapi te bawlin khuapi khantian nak innpi, kongka pi, kongka kalhnak te bawl haw tuk hitin Judah miphun tei lakah thupia hi.
\v 8 Asa kumpi in ceipi a keng thei Judah miphun ngalkap ngalhang tingthum (300,000), lumphaw le thalcang a keng thei mi Benjamin miphun ngalkap ngalhang tingnih le thawngsawmliat (280,000) a um hang, a venghawng in thazang ngilnak a nei mi ngalkap te hi.
\p
\v 9 Ethopio kumpi Zerah in ngalkap ngalhang tingsawm (1,000,000), cipuh leng zathum (300) tuah do in, Mesherah khuapi ah a hen ten,
\v 10 Asa cu muak in Mareshah khuapi bulah Zephathah huak luam pen do dun haw hi.
\v 11 Asa in a Topa Pathian sam in Pathian aw, Topa in thazang a dawm mi pa cu pan tukin a thil tih theihnak hang kohtei Topa Pathian aw, pan in hi. Kohtei Topa cu a min suang belin a mu venghawng do tukin hawh hi. Pathian aw, Topa cu kohtei Topa Pathian hi. Mihing in Topa cu nehnak thu um tik pah sin hitin thu a nget hang,
\v 12 Pathian in Ethopio miphun te cu Asa le Judah miphun tei mai pen dan a tat hang a muhte cu tai haw hi.
\v 13 Asa le a miphun ten Gerar khuapi tian hil in Ethopio miphun ten a do leh ngam ngawl hang in sung haw hi. Pathian le ngalkap tei mai pen siatsuah nak cu thuak haw hi. Judah miphun ten a khut tuah in a ngah mite cu long haw hi.
\v 14 Gerar khuapi elkim khua miten Pathian cu launak thinlung a neih hang, Judah miphun ten mahmi khuapi ah a um mi hempoh that in, a khawl sa mi neihnak hempoh long haw hi.
\v 15 Nganhing an kuang te vang siatsuah in tuu le kalauk te cu long in Jerusalem khuapi ah pin leh haw hi.
\s Asa kumpi in lemleh a bawl nak
\c 15
\p
\v 1 Pathian hawvang cu Oded capa Azariah hum ah heng in,
\v 2 Azariah in Asa kumpi muak tuk hawh in, Asa kumpi, Judah miphun le Benjamin miphun te aw, ka awnkam thu ngai un. Nohten Pathian lamah um tale na um sung hempoh Pathian cu nang muhte tuah um tuk hi. Pathian cu na zei uh tale mu tuk ci. Zamsan tale nangmah zamsan tuk hi.
\v 3 Huncan ngei pi sung, Isarel miphun sungah a man mi pathian um ma hi. Thuman nei ngawl in a um hang,
\v 4 Haksat nak heng in a muhte cu Isarel miphun tei Topa Pathian nelah pin leh in a zeih haw ten tawk hi.
\v 5 Nidang huncan in a suak mipa, a lut tum mipa cu daihnak co tuk ma hi. Ngam sung miphun hempoh ten haksat nak nasezet thuak haw hi.
\v 6 Pathian in a muhtei lakah haksat nak namkim a hen hang ngam khat le ngam khat, khuapi pakhat le khuapi pakhat cu bawl siat haw hi.
\v 7 Nohten thazang la ta un. Khut thangil nak kiam tik pah sun. Nohtei nuncan zia bang co tuk uh ci tin, ti hi.
\p
\v 8 Mahmi awnkam le kamsang Oded awnkam cu Asa kumpi in a zak ten, ngalhan nak tuah heng in Judah ngam le Benjamin ngam hempoh sungah hei hihen, Ephraim mual hum pen a do tu khuapi te hei hihen, a nawngkai mi hempoh te vawkin, biakinn mai ah a um mi Pathian biakpiak nak cu lem hi.
\v 9 Judah miphun le Benjamin miphun hempoh te hei hihen, Epharaim ngam, Manasseh ngam, Simon ngam sung pen a tul mi ngam dang miphun te hei hihen hulawm khawm tik hi. Asa kumpi Topa Pathian cu a mah tuah a umnak thu Isarel miphun ten a muhten, mahmi kumpi lamah lut haw hi.
\v 10 Asa uknak kum heinga, hathum ha in Jerusalem khuapi ah hulawm khawm in,
\v 11 A ken mi neihnak sung pen khui za salih (700), tuu thawngsalih (7,000) cu Pathian nelah biakpiak nak bawl haw hi.
\v 12 Pu le pa tei Topa Pathian cu thinlung venghawng tuah zei tung hi tih hei in hihen,
\v 13 Isarel miphun tei Topa Pathian a zei ngawl tu, pano le numei a ngeng a neu hempoh thahnak thuak tuk hi tih hei in hihen,
\v 14 Au nak aw, lemle, nekhaza, lemle aw tuah aw thum nasezet a nging mi tuah Pathian cu sal in lungkim nak thukhaam bawl haw hi.
\v 15 Judah miphun hempoh ten mah tihcun sal in a bawl ten lungdam nak nei haw hi. Itahum titale, a venghawng sal in a bawl ten deihnak nasezet tuah Pathian a zeih hang tawk hi. Umnak mun hempoh ah daihnak thu pia hi.
\p
\v 16 Asa kumpi hi pi Macah cu Asherah thingkung nuai pen zuk milim a bawl hang, kumpi nu hihnak pen hawlvawk siatsuah in a cil pek cengten Kidron lui bul pen meihal hi.
\v 17 A sang nak mun te cu Isarel ngam pen vawk ma naven, a ma uk sung hempoh Asa thinlung cu a cangkim nak um hi.
\v 18 A pai piak mi neihnak, a mah loli a lu piak mi neihnak, sui le ngun van te biakinn sungah koih hi.
\v 19 Mah cengten kumpi uknak kum sawmthum le kumnga tian ngaldo nak um ma hi.
\s Asa kumpi a dawl bel kum te
\c 16
\p
\v 1 Asa kumpi uknak kum sawmthum a kim ten, Isarel kumpi Basha in Judah ngam do in Judah kumpi Asa nelah a kuamah a tum le a suak um tuk ngawl in Ramah khuapi din hi.
\v 2 Mah ten biakinn van le kumpi van tih mi sui le ngun hempoh Asa in suah in Damaska khuapi ah a um mi Syria kumpi Benhadad nelah pia hi,
\v 3 Kei cu nangmah tuah hei in hihen, ka pa cu na pa tuah hei in hihen, pawlkom nak a neih hang, sui, ngun cu keiman pia ing. Isarel kumpi Basha in ka nelpen suak tul tik tuk in, a mah tuah pawlkom nak bawl mi cu siatsuah tuk hung hitin, thucah hi.
\v 4 Asa kumpi awnkam cu Benhadad in ngai in, Isarel khuapi khua no te do tik tuk a ngal bawi te hah in a mun Ijon khuapi, Dan khuapi, Abelmamim khuapi pen pan Napthali ngam sungah a um hempoh mi van koih nak khuapi te cu that haw hi.
\v 5 Mahmi thuthang cu Basha in a zak ten, Ramah khuapi ceng ngawl in na deh cawl hi.
\v 6 Mahten Asa kumpi in Judah miphun hempoh a sam hang, Ramah khuapi sungah Basha kumpi koih mi suang le thing cu la in Geba khuapi le Mizpah khuapi din hi.
\p
\v 7 Mah ten kamsang Hanani cu Judah kumpi nelah hung in kumpi in a Topa Pathian bel ma, Syria kumpi a belh hang, Syria kumpi ngalkap te cu kumpi khut sung pen luat haw zo hi.
\v 8 Ethopio miphun le Lubims miphun ten cipuh leng te, cipuh khung ngalkap te tuah thazang a nei mite hima maw. Mah naven, kumpi in Pathian a belh hang mahmi a venghawng kumpi khut sungah ap zo hi.
\v 9 Pathian in cangkim zuamnak a nei mi a muhtei lam ah kho zet um tuk leihum hempoh zo in um hi. Hi thu sungah kumpi in pual zet in bawl zo hi. A tu pen pan ngal thu in cang tuk hitin, ti hi.
\v 10 Mah tihbang in a tih hang Asa in kamsang cu a thinuuk in thawnginn sungah khum hi. Mahmi huncan sungah ngam sung miphun hek khat te vang bawl siat hi.
\p
\v 11 Asa kumpi bawl mi thu a pat pen a tawp tian, Isarel kumpi thuanthu le Judah kumpi thuanthu sungah ngan hi.
\v 12 Kumpi uknak kum sawmthum a kim ten a ke ah natnak vei in nasezet thuak naven, Pathian zei ngawlin sithiam te zei hi.
\v 13 Asa cu a pu le pa te tuah hihbu in kumpi uknak kum sawmli le kumkhat ten thi in,
\v 14 David khuapi pen a ma ca tuk a bawl ham mi khan sungah a ngam sung miphun ten a phum ten, ngimnam tui namkim te cu sithiam te polh tik in, a zaunak a dim a koih cengten a luang koih haw hi. A nasezet mi meihal puai vang bawl haw hi.
\s Judah kumpi Jehoshaphat
\c 17
\p
\v 1 Asa capa Jehoshaphat in a pai hihnak kumpi khunnak ah khung in, Isarel ngam a langlam pen a mah cu kho tik hi.
\v 2 Judah ngam sungah a kho mi khuapi hempoh sungah ngalkap te koih hi. Judah ngam sungah hei hihen, Epharaim ngam sung pen a pa Asa do in a lon mi khuapi sungah hei hihen, khuapi cing tu ngalkap koih hi.
\v 3-4 A pan a masa a zui mi lamzin cu Jehoshaphat in zui in Baal pathian te bia ngawl in, a pa’i Pathian bek cu zei in Isarel miphun dan pial ngawl in dan thukham a zui hang, Pathian in bawm hi.
\v 5 A uknak ngam cu Jehoshaphat khut sungah a kho tik hang, Judah miphun hempoh ten laksawng te keng haw hi.
\v 6 Minthan nak le hauhsak a neihnak tampi naven, Pathian lamzin sungah a thinlung cam lo in a sang nak mun le Asherah thingkung te cu Judah ngam pen vawk hi.
\p
\v 7 Kumpi a uknak kumthum ten Judah khuapi mun hempoh ah hilh tik tukin, ngal bawi Ben-hail, Obadi, Zakhariah, Nethaneel, Michaiah te hei hihen,
\v 8 Levi capa Shemaiah, Nethaniah, Zebadiah, Asahel, Shemiramoth, Jehonathan, Adoinijah, Tobijah, Tobadonijah te hei hihen, thiampi Elishma le Jehoram hei hihen, hah hi.
\v 9 A muhte cu Judah ngam pen thu hilhnak pia in, Pathian dan thukham a um mi Judah khuapi mun hempoh ah vak in ngam sung miphun te cu hilh haw hi.
\p
\v 10 Judah ngam elkim ngam ah a um mi hempoh ten, Pathian cu lau in Jehoshaphat in ngaldo ngam ngawlin um hi.
\v 11 Philistine miphun ten laksawng le siah ngun te hei hihen, Arab miphun ten tuu thawngsalih le za salih (7,700) le kel thawngsalih le za salih (7,700) hei hihen keng haw hi.
\v 12 Jehoshaphat cu thazang ngilnak tuah khang to in Judah ngam sungah innpi le van koih nak khuapi te din hi.
\v 13 Judah khuapi sungah buainak thu tampi hi. Thazang ngilnak a nei mi ngalkap ngalhang ten, Jerusalem khuapi sungah um haw hi.
\v 14 Ngalkap ngalhang hinnam a zui mi cazin cu Judah miphun ngal bawi pi Adnah le thazang ngilnak a nei mi ngalkap ngalhang tingthum (300,000),
\v 15 Ngal bawi Jehohanan le thazang ngilnak a nei mi ngalkap ngalhang tingnih le thawngsawmliat (280,000),
\v 16 Zuamnak thinlung tuah mah le mah Pathian a bia tu Zichri capa Amasiah le thazang ngilnak a nei mi ngalkap ngalhang tingnih (200,000),
\v 17 Benjamin miphun thazang ngilnak a nei mi Eliada le thalcang, lumphaw a keng thei mihing tingnih (200,000),
\v 18 Mah cengten a ma nungah Jehozabad tuah ngaldo tuk a man sa a um mi tingkhat le thawngsawmliat (180,000) um hi.
\p
\v 19 Judah ngam mun hempoh a kho mi khuapi sungah kumpi a koih mi ngalhang te sial ngawl, son sa bang a mun na deh nak thu pua in um haw hi.
\s Ahab kumpi in kamsang Micah donak
\c 18
\p
\v 1 Jehoshaphat kumpi in minthan nak le hauhsak nak tampi hang, Ahab kumpi tuah miphun peh tuah nak nei hi.
\v 2 Mah cengten Samaria khuapi, Ahab kumpi nelah a mah loli hawh in Isarel kumpi Ahab cu Judah kumpi Jehoshaphat le a miphun ca tuu le khui tampi ngai sung in, Gilead ngam Ramoth khuapi ah zui tukin hihen,
\v 3 Gilead ngam Ramoth khuapi ah keimah zui ni cim tin a dot ten Jehoshaphat in kei cu kumpi bang in hihen, ka miphun ten kumpi miphun bang in hihen, kumpi cu kilkhum in do tuk hung hitin, hilh leh hi.
\p
\v 4 Mah cengten Jehoshaphat in Pathian awnkam thu cu tuni in dong in hitin Isarel kumpi cu a tih ten,
\v 5 Isarel kumpi in kamsang zali te a hulopkhawm tik cengten, kei cu Gilead ngam Remoth khuapi ngaldo tuk pha maw, do ngawl in pha tuk maw tin a dot ten a mun do un. Pathian in kumpi khut sungah ap zo hitin, ti haw hi.
\v 6 Jehoshaphat in ohtei thudot tuk Pathian kamsang pakhat no hei um ma zo maw tin a dot ten,
\v 7 Isarel kumpi in Pathian dot tuk mihing pakhat Imlah capa Micaiah um laih hi. Mah naven a mah cu keiman hua ing. Ka nelah thupha hilh awng ma, thupha ngawl awnkam bek hilh le leng thei hitin Jerhoshaphat nelah a tih ten Jehoshaphat in mah tihcun kumpi son pah sin hitin, don leh hi.
\v 8 Mah ten Isarel kumpi in U pa pakhat sam in Imlah capa Micaiah cu a man lang sam ta un hitin, thupia hi.
\v 9 Isarel kumpi le Judah kumpi Jehoshaphat ten kumpi van thuam silh in, Samaria kongka pi nisuah nak, umnak a lawng mi mun pen kumpi tohkham khunnak hum ah khung in kamsang hempoh ten a mai pen phuang haw hi.
\v 10 Chenaanah capa Zedekiah in thik hiam ki te bawl in Pathian thupiak mi cu Topa in Syria ngam a siatsuah laih ngawlin hi ki tuah nawk tuk hitin, a thupiak nak thu hilh hi.
\v 11 Kamsang hempoh ten Gilead ngam Ramoth khuapi cu ngal do in neh hen. Pathian kumpi khut sungah ap tuk hitin kamsang bawl in phuang haw hi.
\p
\v 12 Micaiah a sam tu thuthang puak tuin kamsang hempoh ten thupha awnkam bek kumpi nelah a bang ten in phuang haw hi. Topan a muhtei phuan mi bang thupha awnkam bek phuang hen tin a tih ten,
\v 13 Micaiah in Pathian a nung bang ka Pathian piak mi awnkam bek cu keiman phuang tung hitin, ti hi.
\v 14 Kumpi nelah a hen ten kumpi in ngualcam pa Macaiah aw, kohten Gilead ngam Ramoth khuapi cu ngaldo tuk pha maw. Do ngawl in pha tuk kaw tin a don ten Macaiah in ngaldo in neh hen. Ngal tei khut sungah ap tuk hitin, don leh hi.
\v 15 Kumpi in a man mi awnkam sial ngawl a dang awnkam cu Pathian thu tuah nang cu ka nelah hilh tuk ngawl in kei cu vei izong tian nangman tamsiat nak sal tuk laih cim tin a dot ten,
\v 16 Micaiah in Isarel miphun hempoh ten tuu cing tu a um ngawl mi tuu bang, mual hum mun hempoh ah khen kek in a um haw mi cu keiman mu zo ing. Pathian in a mu venghawng hotu a neih ngawl hang, a muhtei deihnak mun tek ah pin haw ta hen tin a thupiak nak hilh hi.
\v 17 Isarel kumpi in a mah cu ka nelah thupha awnkam hilh ngawl in thupha ngawl bek hilh thei hitin kumpi cu keiman hilh ma ing maw tin, Jehoshaphat cu ti hi.
\v 18 Micaiah in mah a hih hang, Pathian thupiak mi ngai in. Pathian cu kumpi tohkham humah khung in hihen, vancung ngalkap hempoh ten a taklam, a veilam ah a din haw mi hei hihen, keiman mu zo ing.
\v 19 Pathian in Ahab cu Gilead ngam Ramoth khuapi ah ngaldo sung tik tukin a kon sosuah tuk hum tin a dot ten, a nungzui tu ten pakhat nung pakhat in don haw.
\v 20 Mah cengten hawvang pakhat heng Pathian mai ah ding in keimah sosuah in hitin a titale,
\v 21 Pathian in itihbang in sosuah tuk hum tin a dot ten, keimah cu hawh in kumpi kamsang hempoh sung pen zolthu awnkam a son thiam mi hawvang hi tuk hitin a don leh ten nangmah sosuah in neh tuk hi. Mah tihcun hawh in bawl in hitin, thupia hi.
\v 22 Mah hang Pathian in zolthu awnkam a son thiam mi thinlung hawvang cu kumpi kamsang hempoh tei sungah koih zo hi. Kumpi thu cu thupha ngawl mi awnkam hilh zo hitin, ti hi.
\p
\v 23 Mah ten Chenaanah capa Zedekiah cu nek in Micaiah biang pen beng in, Pathian hawvang cu nangmah tuah otpih tukin ai lamzin tuah keima nelpen suak tuk hum tin a dot ten,
\v 24 Micaiah in nang cu ngelh tuk in a sunglam khan sungah luh tum ni in nangman mu tuk ci tin, ti hi.
\v 25 Isarel kumpi in Micaiah cu khuapi bawi uktu Amon, a capa Joash nelpen man in,
\v 26 A mah cu thawnginn sungah koih ta un. Kei cu daiden no ka pin leh lak lawh haksa zet in ei hen hitin thucah in, ti hi.
\v 27 Micaiah in kumpi cu daiden in a pin leh tale Pathian in keima nelah thupia tuk ma hi. Mihing hempoh te aw, ngai ta un hitin, ti hi.
\s Gilead ngam pen Ahab kumpi a thahnak
\p
\v 28 Mah tihcun Isarel kumpi le Judah kumpi Jehoshaphat ten Gilead ngam Ramoth khuapi do haw hi.
\v 29 Isarel kumpi in kei cu a dang lam mi van thuam in ngaldo nak puai sungah tum tung hi. Kumpi in kumpi puan silh in hitin Jehoshaphat nelah a hilh cengten, Isarel kumpi in a dang lam mi thuam silh in ngaldo nak puai sungah lut tum hi.
\v 30 Syria kumpi, Isarel kumpi sial ngawl a dang U pa naupang cu do pah sin hitin cipuh leng khung ngalhang uktu ngal bawi te thu a cah ham hang,
\v 31 Cipuh khung ngalhang uktu ngal bawi ten Jehoshaphat a muhten a mah cu Isarel kumpi hi tuk hitin, a mah cu do tukin a kilh haw hang, Jehoshaphat in au hi. Pathian in a bop hang a muhte cu lamzin pial tik tukin Pathian in sosuah hi.
\v 32 Isarel kumpi a hih ngawlnak thu cu cipuh khung ngalhang uktu ngal bawi ten a theih ten hil ngawlin a dang ah pial in hawh haw hi.
\v 33 Mihing pakhat in el ngawl in thal tuah kap in Isarel kumpi cu thik angki a pehnak laklawh pen kha in, kei cu ngaldo nak puai pen kik leh in suah un. Kei cu na ing hitin a cipuh leng cing tu cu hilh hi.
\v 34 Mahmi ni in a mai ah nawt in do haw hi. Isarel kumpi cu taklam tian Syria mihing tei a langkhat lam ah cipuh leng sung pen mihing cu ngaingam in khung hi. Nitum tuk kuan ten a nunnak bo hi.
\c 19
\p
\v 1 Judah kumpi Jehoshaphat in Jerusalem khuapi kumpi inn ah daiden no in pin leh hi.
\v 2 Hanani capa kamsang Jehu in Jehoshaphat kumpi vaimuak tukin a hawh tul ten, kumpi in mipha ngawl te bop tuk kul maw. Pathian a hua tute cu ih tuk kul maw. A tuin a bawl mi thu hang Pathian thinuuk nak cu kumpi humah heng zo hi.
\v 3 Mah naven kumpi in ngam sung hempoh pen Asherah thingkung te vawkin Pathian zei tuk lungkim nak a neih hang a nuncan ziaza pha hitin, ti hi.
\s Thukhen tute Jehoshaphat kumpi piaknak
\p
\v 4 Mah cengten Jehoshaphat cu Jerusalem khuapi sungah um hi. Beersheba khuapi pen pan Epharaim mual hum tian vak kaw kawi in ngam sung miphun hempoh te pu le pa tei Topa Pathian nelah pin leh tik hi.
\v 5 Judah ngam sungah a kho mi khuapi hempoh a muhtei umnak tek ah thukhen tute pia in,
\v 6 Nohtei bawl mi thu cu ngalling ta un. Mihing tei thu cingkem in thukhen mi hima hi.
\v 7 Mah hang Pathian cu launak thinlung nei in ngalling ta un. Ohtei Topa Pathian cu mipha ngawl te a conak, mihing mitmai zohnak, nawhthuh eihnak thu a nei ngawl mi hitin, thucah hi.
\p
\v 8 Jerusalem khuapi ah vang Pathian a man mi thu hei hihen, Jerusalem khua miphun pih te thuman thu hei hihen, thukhen tik tukin Levi miphun, thiampi, Isarel miphun hinnam uktu U pa hekkhat te cu pia in,
\v 9 Nohten a cangkim mi thinlung tuah Pathian lau in muantaak nak tuah thukhen ta un.
\v 10 Khuapi sung tek ah a um miphun pih tei sung pen mithah nak thu, dan thukham palcat nak thu tih mi cu nohtei mai ah a heng tale nang muhte tuah miphun pih tei humah a thinuuk nak bek heng tik tuk in a mun Pathian cu sual bawl tuk ngawlin ngallin nak pia ta un. Mah tin bawl tale a sual nak pen luat haw tuk hi.
\v 11 Pathian thu hempoh sungah thiampi Amariah in nang muhte uk hi. Kumpi thu hempoh sung pen Judah miphun kumpi a himi Ishmael capa Zebadiah in uk hi. Levi miphun ten na dek haw hi. Ngalhang zet in thukhen ta un. Pathian in a pha mitei lamah um hitin, thucah hi.
\s Moab le Amon te Jehoshaphat nehnak
\c 20
\p
\v 1 Mah cengten Moab miphun le Amon miphun ten Edom mipun hek khat te tuah Jehoshaphat cu ngaldo tukin hung haw hi.
\v 2 Tuipi ting ngalkhat lam Edom ngam lam pen ngalkap tampi hung in, Engedi min a nei mi Hazazon-tamar khuapi ah um haw hitin Jehoshaphat nelah a hilh ten,
\v 3 Jehoshaphat in lau in Pathian zei tukin lungkim nak tuah ancan tuk huncan cu Judah ngam sung hempoh ah thuthan tik hi.
\v 4 Judah miphun ten Pathian nelah thungen hulawmkhawm Pathian zei tukin Judah khuapi sungah a um mi hempoh ten hawh haw hi.
\p
\v 5 Jehoshaphat in biakinn thukhen nak a thak mai ah Judah miphun, Jerusalem khua mi hulawmkhawm nak mipi tei a laizang ah ding in,
\v 6 Pu le pa tei Topa Pathian, Topa cu vanhum Pathian hima maw. Ngam dang miphun umnak ngam hempoh uk tu hima maw. A kuamah kham thei tuk ngawlin thazang ngilnak, huham thawmngeng a nei mi hima maw.
\v 7 Hi ngam sungah a um awng mite, Topai mihing Isarel miphun mai pen hawlvawk in Topai ngualcam Abraham tu le ca tei lakah hi ngam a cat ngawlin a pia tu ohtei Topa Pathian hima maw.
\v 8 A muhtei umnak mun pen a min tukin a thiangtho mi umnak mun a sak haw ten,
\v 9 Kohtei humah ngalnam haksat nak, dantat nak thuak mi haksat nak, pulhnat haksat nak, ningkial pam haksat nak pakhat heng in a min tuah sak mi hi inn, a ma nelah kohten nekin haksat cim thuak nak hang a au haw ten ngai in bawm in hitin, ngen zo haw hi.
\v 10 A tuin Isarel miphun ten Izip ngam pen a suah tul ten donak thu pia ma hi. Siatsuah ngawl pial in a koih mi Amon miphun, Moab miphun, Seir mual hum miphun ten,
\v 11 Ohtei neih tukin a piak mi lo lei ngam sung pen kei muhte hawl vawk tuk hung in, itihbang lungdam thu hilh haw tuk hum tih cu zo in hi.
\v 12 Kohtei Pathian aw, a muhte thukhen ngawl in um tuk cim maw. Kei muhte do tukin a hung mi hi mihing tampi te, kohten kham thei tuk in tih theih nak nei ma ung hi. Itihbang bawl tuk hei thei ma ung hi. Topa bek cu zo in um ung hitin thungen in,
\v 13 Judah miphun hempoh ten a nupi, a cate tuah Pathian mai ah ding haw hi.
\p
\v 14 Mah ten mipi tei a laizang ah a um Levi miphun, Asa hinnam, Mattaniah, Jahaziel, Benaiah, Zekhariah miphun sung pen a suak mi Jahazeil hum ah Pathian hawvang heng in,
\v 15 A man Jehoshaphat kumpi le Judah ngam miphun te Jerusalem miphun hempoh te aw, ngai un. Pathian thupiak mi cu mahmi mihing tampi te lau pah sun. Thinkham pah sun. Ngaldo thu cu nohtei na deh hima hi. Pathian na deh hi.
\v 16 Zingten a mu umnak ah ngaldo tukin hawh un. A mun Ziz khuapi kai nak lamzin pen a hun laih tak Jeruel ngam lak nisuah nak, hawkluam bul pen nohten tawk tuk uh ci.
\v 17 Mah hang Judah ngam Jerusalem khua miphun te aw, nohten ngaldo tuk thu a um ngawl hang, thinthiang no ding in Pathian nunpat a hehpih nak zo un. Lau pah sun. Thinkham pah sun. Zingten ngaldo tuk hawh un. Pathian cu nang muhte tuah um tuk hitin, ti hi.
\v 18 Jehoshaphat in leihum ah a lukun in Judah miphun Jerusalem khua mi hempoh ten Pathian mai pen bopkhup in Pathian cu bia haw hi.
\v 19 Levi miphun Kohath hinnam le Korah hinnam ten Isarel miphun tei Topa Pathian cu aw nging zet tuah thangphat tuk in ding haw hi.
\p
\v 20 A zingten khawma no tho in Tekoa ngam lak ah hawh haw hi. A hawh laih tak Jehoshaphat cu ding in Judah miphun Jerusalem khua mite aw, ngai un. Nohtei Topa Pathian cu um un. Mah tihcun bawl tale kho tuk uh ci. Kamsang te cu um ta un. Mah tin bawl tale neh tuk uh ci tin, ti hi.
\v 21 Mihing tampi te tuah thusiam khawm cengten, Pathian hehpih nak cu a cat ngawlin a kho hang, lungdam thangphat nak nei ta un hitin ngalkap tei mai ah hawh in a thiangtho mi minthan thangphat nak la sak mite cu Pathian ca tuk a piak mi hi.
\p
\v 22 A mun thangphat nak la a sak pat haw ten Judah ngam do tukin a hung mi Seir mual hum mite cu Amon miphun, Moab miphun tei a langlam pen Pathian in zo kuh tikin Amon miphun, Moab miphun te a khenkhak hang,
\v 23 Seir mual hum mite that tuk a do hang a venghawng a thah cengten, pakhat le pakhat do dun in siatnak ah heng haw hi.
\p
\v 24 Judah miphun ten ngam sungah a um khua zoh nak innpi ah heng in mahmi mihing tampi te cu a zoh ten, mahmi miphun hempoh te pakhat no hei luat ngawl in leihum ah lum in a luang sial mite hi.
\v 25 Jehoshaphat le a mihing ten ngal tei neihnak te lonsak tuk a hun haw ten, a thi sa mitei sung pen neihnak tampi man a nei mi van te a muh hang puak zawh tuk ngawl tian in duuk haw hi. A lonsak mi neihnak a tam lei ta hang, nithum sung cuhdun cun in um haw hi.
\v 26 Nili nak ten Berachah hawkluam ah hulawmkhawm in Pathian cu thupha pia haw hi. Mah hang tuni tian mah lai mun cu Berachah hawkluam tin sam hi.
\v 27 Mah ten a mun ngal tei humah lungdam nak thu Pathian in a piak hang, Jehoshaphat cu a masa bel hawh in Judah miphun, Jerusalem mi hempoh te lungdam nak thinlung tuah Jerusalem khuapi ah kik leh in,
\v 28 Phaidak, tazaw, lemle tum in Jerusalem khuapi biakinn ah heng haw hi.
\v 29 Pathian in Isarel tei ngal te a do nak thu cu ngam dang miphun hempoh ten za in Pathian cu lau haw hi.
\v 30 Mah tihcun Pathian in mun hempoh ah daihnak thu a piak hang, Jehoshaphat uknak cu nop hi.
\s Jehoshaphat uknak a dawl tabel
\p
\v 31 Jehoshaphat cu kum sawmthum le kumnga a kim ten, kumpi khun nak ah khung in kum kulluannga sung Jerusalem khuapi ah um in Judah ngam uk hi. A nu cu Shil’hi canu Azubah hi.
\v 32 Mahmi kumpi cu a pa Asa zui mi lamzin pial ngawlin a venghawng a zui hang, Pathian mai pen a dik mi nuncan zia za tuah bek in nung hi.
\v 33 Mah naven a sang nak mun te vawk ma hi. Mihing tampi ten pu le pa tei Topa Pathian zei tukin, lungkim ngawlin um laih haw hi.
\v 34 Jehoshaphat bawl mi thu a tang laih hempoh a pat pen a tawp tian Isarel kumpi laibu sungah le Hanani capa bawl mi laibu sungah ngan hi.
\p
\v 35-36 Mah cengten Judah kumpi Jehoshaphat cu Tarshish khuapi ah a hawh mi tembaw te din tukin, a thiangtho ngawl sualnak nasezet a bawl thei Isarel kumpi Ahaziah phial in mahmi tembaw cu Ezion-gaber khuapi ah din haw hi.
\v 37 Mah ten Mareshah khuapi mi Dodavah capa Eliezer in kumpi cu Ahaziah a phial hang Pathian in kumpi bawl mi thu cu siatsuah zo hitin Jehoshaphat a langlam pen a hilh mi bang, mahmi tembaw te cu Tarshish khuapi ah hawh thei tuk ngawlin sia hi.
\c 21
\p
\v 1 Jehoshaphat cu pu le pa te tuah hihbu in a muhte tuah David khuapi ah phum hi. A capa Jehoram in a pai hihnak kumpi khunnak ah khung hi.
\v 2 Judah kumpi Jehoshaphat capa Jehoram nau cu Azariah, Jehiel, Zekhariah, Azariah, Michael, Shephatiah hi.
\v 3 A pa in sui, ngun neihnak tampi tuah Judah ngam sungah khuapi a kho mi a muhte cu pia hi. Kumpi uknak ngam cu a capa U pa bel Jehoram pia hi.
\s Judah kumpi Jehoram
\v 4 Jehoram in a pa in ngam a dit ten a man kho tik a nau hempoh te hei hihen, Isarel ngal bawi hek khat te hei hihen, nam tuah that hi.
\v 5 Jehoram cu a kum sawmthum a kim ten kumpi khunnak ah khung in Jerusalem khuapi pen kum liat uk hi.
\v 6 Ahab canu a huai hang, Isarel kumpi tei zui mi lamzin ah Ahab miphun te bang zui in Pathian mai pen sual bawl hi.
\v 7 Mah naven Pathian in David tih mi a tu le canawn tei meikhuat cu a cat ngawl in vak tik tung hitin thukam a um hang, David tuah thukhaam bawl in a miphun te siatsuah ngawlin koih hi.
\p
\v 8 Mahmi kumpi khut sung pen Edom miphun ten Judah kumpi do in a miphun cu kumpi hihnak ah khaisang haw hi.
\v 9 Jehoram kumpi in bawi U pa te, cipuh khung ngalhang te tuah do in zan ten a kilh mi Edom miphun te, cipuh uktu te cu that hi.
\v 10 Mah hang Edom ngam miphun ten tuni tian, Judah kumpi do haw hi. Mahmi huncan sungin Libnah ngam vang do haw hi. Itahum titale, Jehoram in a pu le pa tei Topa Pathian cu zamsan in,
\v 11 Judah mual hum pen a sang nak mun te a bawl hang Judah miphun, Jerusalem khua miten ngam dang miphun pathian tuah sual tik tukin nehsiah hi.
\v 12 Kamsang Elisha piak mi lai cu mahmi kumpi nelah a hen hang, na pa David Topa Pathian thupiak mi nang cu na pa Jehoshaphat lamzin le Judah kumpi Asa lamzin ah zui ngawlin,
\v 13 Isarel kumpi tei lamzin ah na zui hang in hihen, Ahab miphun a sual bang Judah ngam miphun, Jerusalem khua mite ngam dang miphun tei pathian te tuah sual tik tukin a bawl hang in hihen, mah sang a pha saw mi a U le nau suahpih te a thah hang in hihen,
\v 14 Pathian in na mihing te, na nupi te, na neihnak hempoh nasezet haksat nak tuah dantat tuk hi.
\v 15 Na ngil cu nikhat nung nikhat tul in pumpi sung pen a nasezet mi natnak vei tuk ci tin lai sungah tel hi.
\p
\v 16 Mah cengten Pathian in Philistine miphun, Kush ngam tuah a nai Arab miphun te cu Jehoram kumpi a langlam ah a sosuah hang,
\v 17 A mun Judah ngam do in that haw tuk hi. Kumpi inn pen tawh hempoh mi neihnak te le kumpi nupi te a lon haw hang, nau tabel Jehoahaz sial ngawl pakhat no hei tang ma hi.
\p
\v 18 Mah cengten a dam thei ngawl mi pumnat nak tuah Pathian dan tat hi.
\v 19 Kumpi cu huncan ngeipi na in kumnih a kim ten, a natnak a nase leita hang a ngil tulin a nunnak bo hi. Ngam sung miphun hempoh ten a pu le pa tei ca meihal nak a bawl bang mahmi kumpi ca tuk bawl ma hi.
\v 20 Jehoram cu a kum sawmthum a kim ten kumpi khunnak ah khung in Jerusalem khuapi pen kumliat a uk cengten, a kuamah in sahelh ngawlin thi hi. David khua sungah phum naven, kumpi khanmual ah phum haw ma hi.
\s Judah kumpi Ahaziah
\c 22
\p
\v 1 Arab miphun te tuah a zui tu ngalkap te cu ngalkap sungah tum in, Judah kumpi Jehoram kumpi capa U pa hempoh te a thah hang, Jerusalem khua miten capa a nau ta bel Ahaziah cu a pai hihnak ah khaisang in,
\v 2 Ahaziah cu a kum kulluanih a kim ten kumpi khunnak ah khung in Jerusalem khuapi pen kumkhat uk hi. A nu cu Omri tunu Athliah hi.
\v 3 A nu in a pha ngawl mi ngaihsut nak a piak hang, mahmi kumpi cu Ahab miphun zui mi lamzin zui in,
\v 4 Ahab miphun bang Pathian mai pen sual bawl hi. A pa a thih cengten Ahab miphun ten Ahaziah cu nemcuam nak nei tuk ngawlin a pha ngawl mi ngaitsut nak pia haw hi.
\v 5 Ahaziah in a ma awnkam a ngaih hang, Isarel kumpi Ahab capa Jehoram tuah kil in, Gilead ngam, Ramoth khuapi ah ngaldo in Syria kumpi Hazael a do ten, Syria miphun Joram cu khengkha in liam hi.
\v 6 Mah tihcun Ramoth khuapi pen Syria kumpi Hazael cu do in, Syria miphun a khenkhak mi a nat nak dam tik tukin Joram cu Jezreel khuapi ah hawh leh in, na in a um laih tak Judah Jehoram capa Ahaziah vang Ahab capa zo tukin mahmi khuapi ah cun hawh hi.
\p
\v 7 Pathian thukhen nak bang Ahaziah cu Joram nelah a hen hang, a sunnak thu cu Ahab miphun that tukin Pathian sathau thih mi Nimshi capa Jehu muak tukin Joram le Ahaziah cu tul haw hi.
\v 8 Jehu in Ahab miphun cu thu a khen ten Judah bawi te hei hihen, Ahaziah kumpi nelah na dek tu a nau capa te hei hihen tawk in that hi.
\v 9 Samaria ngam sungah a ngelh tu Ahaziah cu zei in a mat ten Jehu nelah a puak celhten that in phum haw hi. Itahum titale, a man Pathian cu thinlung hempoh tuah a zei tu Jehoshaphat miphun hitin, ti haw hi. Mah tihcun Ahaziah miphun cu ngam uk tukin ti thei ma hi.
\s Athaliah le Joash
\p
\v 10 Ahaziah nu Athaliah cu a capa a thihnak a theih ten tho in Judah ngam miphun hempoh that hi.
\v 11 Mah hang kumpi canu Jehoshabah in Ahaziah capa Joash cu thihnak a thuak mi miphun sung pen ngu in, a mah le a mah cing tu zaunak khan sungah sel hi. Mah tihcun Jehoram kumpi canu thiampi Jehoiada nupi Ahaziah U nu Jehoshabeath cu Athaliah khut sung pen, Joash cu a nunnak pen luat tik tukin a sel hang,
\v 12 Kumluk sung Joash cu a muhte tuah biakinn sungah ngelh in Athaliah in uk hi.
\c 23
\p
\v 1 Kum salih nak ten Jehoiada in a mah le mah kho tikin ngalkap bawi te, Jehoram capa Azariah, Johanan capa Ishmael, Obed capa Azariah, Adaiah capa Maaseiah, Zichri capa Elishaphat te tuah thukhaam bawl hi.
\v 2 A mun Judah ngam sungah a vah kawkawi hang, Judah khuapi mun hempoh pen Levi miphun le Isarel miphun uktu U pa te cu hulawmkhawm tikin Jerusalem khuapi ah pin leh haw hi.
\v 3 Hulopkhawm nak a nei tu hempoh te biakinn sung pen kumpi tuah thukhaam bawl haw hi. Jehoiada in, kumpi capa cu zo un. Pathian David miphun cu a thupiak mi bang kumpi capa in uk tuk hi.
\v 4 Nohtei bawl mi thu cu colhni sungah a lut mi thiampi Levi miphun sehthum suah in sehkhat cu kongka cing tuk.
\v 5 Sehkhat cu kumpi inn cing tuk. Sehkhat cu kongka a bul pi cing tuk. Mihing hempoh biakinn thukhen nak khan sungah um haw tuk hi.
\v 6 Thiampi te le Levi miphun na dek tute sial ngawl, a kuamah biakinn sungah lut tum tik pah sun. A muhte cu a thiangtho hang lut tum haw tuk hi. Mi dang hempoh te Pathian lam pen cing haw tuk hi.
\v 7 Levi miphun hempoh in a ngalhiam nam te keng in a sunglawi mi Topa cu kil in inn sungah a lut tum mi a muhte that tuk hi. Kumpi cu a tul le a tum ten a nung pen zui tuk hitin, thucah hi.
\p
\v 8 Mah tihcun thiampi Jehoiada thucah mi hempoh bang, Levi miphun te le Judah miphun hempoh ten bawl in thiampi Jehoiada in a cat ngawl bawl mi pawlkom nak cu a siatsuah ngawl hang, colhni in a suak tul mi le a lut tum mi hempoh sam haw hi.
\v 9 Biakinn sungah a um David kumpi cei te le lumphaw te cu thiampi Jehoiada in suah in mihing zakhat uktu tei lakah ap hi.
\v 10 Ngal hiamnam namkim a keng tu hempoh te kumpi elkim, thiampi tei bulah le biakinn bul pen taklam a ningkil penpan veilam a ningkil tian umnak tuk koih hi.
\v 11 Mah ten kumpi capa cu a pawlam ah suah in kumpi lukhu le dan thukham koih in, kumpi hihnak ah khaisang haw hi. Jehoiada le a caten sathau thih in kumpi cu a khan sau ta hen tin au haw hi.
\p
\v 12 Athaliah in mihing tampi tai in kumpi nelpen thangphat nak aw a zak ten mipi umnak mun biakinn ah hawh in,
\v 13 Kumpi cu biakinn luh tumnak khuam bul ah a ding bawi te le lemle tum tute cu kumpi bulah ding in, ngam sung mipi hempoh ten lungdam nak tuah lemle tum in lalem satu ten a nging thei namkim keng in, thangphat la sa in a um mi a muh ten a puan botkek in donak thu hima maw, donak thu hima maw tin, au hi.
\v 14 Thiampi Jehoiada in biakinn sung pen thi tik pah sin. A pawlam ah suah tul ta un. A ma lam ah a um mipa cu nam tuah that ta un hitin mihing zakhat uktu ngal bawi te a thucah ham mi bang,
\v 15 Athaliah cu man in kumpi inn ah a hawh mi cipuh lamzin a hen ten that haw hi.
\p
\v 16 Kumpi le mi hempoh ten Pathian mihing cang tuk Jehoiada cu a ma nelpen thukhaam bawl tik hi.
\v 17 Mi hempoh ten Baal biakinn ah a hawh subal in siatsuah haw hi. Biakpiak nak taitan le zuk milim te subal in biakpiak nak taitan mai pen Baal thiampi Matan cu that haw hi.
\v 18 Mosi dan thukham Laithiangtho sungah a tel mi bang, Pathian cu meihal biakpiak bawl nak David thukhen bang lungdam nak tuah lasak nak bawl tukin, biakinn sung pen David khen sa mi thiampi Levi miphun ten biakinn nate dek tukin Jehoiada in bawl hi.
\v 19 A thiangtho ngawl mi thu pakhat a um mipa cu lut tum tik tuk ngawlin, biakinn kongka cing tute vang pia hi.
\v 20 Mihing zakhat uk, bawi, U pa, ngam sung mipi hempoh te sam in a sang mi kongka lamzin pen kumpi cu biakinn sung pen kumpi inn ah hen in, kumpi tohkham khunnak hum ah koih haw hi.
\v 21 Kumpi inn bul pen Athaliah cu a thah cengten, ngam sung mipi hempoh ten lungdam in khuapi sung hempoh ah vang daihnak um hi.
\s Biakinn Joash a lep lehnak
\c 24
\p
\v 1 Joash cu kum salih a kim ten kumpi khunnak ah khung in Jerusalem khuapi pen kum sawmli uk hi. A nu cu Beersheba khua mi Zibiah hi.
\v 2 Thiampi Jehoiada uk sung hempoh Joash in Pathian mai pen a dik mi thu bawl hi.
\v 3 Jehoiada deih sak mi numei panih huai in canu capa te hing hi.
\p
\v 4 Mah cengten Joash in lem leh tuk ngaihsut nak nei in,
\v 5 Thiampi Levi miphun te hulawm khawm tik nohtei Pathian inn cu puah tukin Judah khuapi te a vah kawkawi hang, kum sial Isarel miphun hempoh tei lak pen sumkhon in, na deh ceng tuk in zuamnak nei ta un hitin, thupia hi. Mah naven Levi miphun ten zuam ngawl in um haw hi.
\v 6 Mah cengten kumpi in thiampi U pa Jehoiada cu sam in theihpih nak thu deu buk ca Pathian sila Mosi tuah hulopkhawm nak mun Isarel mipi tei bawl mi bang Levi miphun ten, Jerusalem Judah ngam hempoh pen sumkhon in a puak tuk thu ita thucah ngawlin um cim tin, thu dong hi.
\v 7 Sualnak a bawl mi numei Athaliah caten biakinn cu subal in biakinn sungah a lu piak mi van hempoh te vang Baal pathian te biakpiak nak in pia haw zo hi.
\p
\v 8 Kumpi thupiak nak bang thingkuang bawl in biakinn a pawlam kongka bulah koih haw hi.
\v 9 Pathian sila Mosi in ngam sung pen Isarel miphun sungah sum a khen bang, Pathian nelah keng tuk hitin Jerusalem khuapi pen pan Judah ngam sung hempoh ah thuthan haw hi.
\v 10 Kumpi te le ngam sung mipi hempoh ten lungdam nak thinlung tuah kengin a sak celh tian thingkuang sungah koih haw hi.
\v 11 Mahmi thingkuang cu Levi miphun ten van koih nak innpi sungah koih tum in sum tampi a muh ten, kumpi lai ngan tupa le thiampi ngeng lai ngan tu hung in sum a suah cengten, thingkuang cu a ma umnak mun ah koih leh hi. Mah tihcun nisial bawl in tampi sumkhawl thei haw hi.
\v 12 Kumpi le Jehoiada in biakinn na cingtu tei lakah mahmi sum cu ap in biakinn lep leh nak tukin innsa thiam, lettama khutthiam nak a nei mi pumsu thiam, thik le dal si luan thiam te pia haw hi.
\v 13 Na dek tuten zuamnak tuah a lep hang biakinn cu a ma hihnak bang in kho tik haw hi.
\v 14 A celhten a tang laih mi sum cu kumpi le Jehoiada nelah keng in mahmi sum tuah biakinn sungah na deh biakpiak nak tuk van, sui khuathai, ngun khuathai, keu te cu bawl haw hi. Jehoiada uk sung hempoh biakinn sung pen meihal biakpiak nak a cat ngawl in bawl haw hi.
\p
\v 15 Jehoiada cu tek huncan kim in a kum za le sawmthum a kim ten thi hi.
\v 16 David khuapi pen kumpi tei khanmual ah phum hi. Itahum titale Isarel miphun cu Pathian sungah hei hihen, inn sungah hei hihen, lungdam nak a bawl tupa hi.
\s Joash hi a siasuak mi thu te
\v 17 Jehoiada a thih cengten Judah kumpi ten kumpi nelah hung in bia haw hi. A muhtei awnkam cu kumpi in a ngaih hang,
\v 18 A mun pu le pa tei Topa Pathian inn cu zam san in Asherah thingkung le zuk milim bia haw hi. Mahmi sual hang thinuuk in Judah ngam le Jerusalem khuapi hum ah heng hi.
\v 19 A muhte cu Pathian nelah sosuah pui tuk kamsang te hah in, kamsang ten theihpih nak thu nei naven a mun ngai haw ma hi.
\p
\v 20 Mah cengten Pathian hawvang cu thiampi Jehoiada capa Zekhariah hum ah heng in, a mah cu mipi a lai a sang nak mun ah din in, Pathian thupiak mi cu nohten a nem cuamnak sia tik tuk Pathian thukham te ita palcat uh cim? Nohten Pathian zam san hang, nang muhte vang zamsan zo hitin, ti hi.
\v 21 Mihing tampi ten a mah cu a pha ngawl mi ngaihsut nak thusiam pihin, kumpi thupiak nak le biakinn sung pen suang tuah sep in that haw hi.
\v 22 Mah tihcun Joash kumpi in Zekhariah a pa Jehoiada bawl mi a hehpih nak phawk ngawl in, a capa that hima maw. Zekhariah a thih ten hi thu cu Pathian in zo in cek tuk hitin, ti hi.
\p
\v 23 Mahmi kum cu bo in Syria ngalkap ten do tuk a hun haw hang, Judah ngam Jerusalem khuapi a hen ten bawi U pa hempoh Damaska kumpi nelah pia haw hi.
\v 24 Judah miphun ten pu le pa tei Topa Pathian a zam san hang, mihing tampi haw naven mihing dawm no Syria ngalkap tei khut sungah Pathian in a ap hang, Syria miphun ten Joash cu thukhen haw hi.
\p
\v 25 Ngal te a suah tul ten Joash cu nasezet haksat nak a thuak hang, thiampi Jehoiada capa te a thah mi sual hang a sila ten pawlkom nak bawl in a nase saw thi tuk ngaisung in that haw hi. Mahmi kumpi cu David khuapi ah phum naven kumpi tei khanmual ah phum ma hi.
\v 26 A that tupa cu Amon miphun canu Shimeath capa Zabad le Moab miphun canu Shimrith capa Jehozabad hi.
\v 27 Joash cu capa a eih nak thu, biakinn a lep leh nak thu te kumpi te tuah a seng mi lai sungah ngan hi. A capa Amaziah in a pai hihnak kumpi khunnak ah khung hi.
\s Judah kumpi Amaziah
\c 25
\p
\v 1 Amaziah cu a kum kulluannga a kim ten kumpi khunnak ah khung in Jerusalem khuapi pen kum kulluankuah uk hi. A nu cu Jerusalem khua mi Jehoaddan tin sam hi.
\v 2 Mahmi kumpi cu Pathian mai pen a man mi thu bawl naven a thinlung cangkim ma hi.
\v 3 Amaziah cu kumpi thu neihnak a kho ten a pa kumpi that tu sila te that hi.
\v 4 A capa hang a pa cu thih thuak ma hi. A pai hang a capa in thihnak thuak ma hi. Mi hempoh a sual hang thi tuk hitin, Mosi dan thukham sungah ngat in a um mi Pathian thukham cingkem in mahmi sila tei cate cu that ngawl in um hi.
\p
\v 5 Amaziah kumpi in Judah miphun te hulawmkhawm tikin, Judah miphun le Benjamin miphun sung pen miphun hinnam zui in mihing thawngkhat uk, zakhat uk tute pia hi. Kum kul val in ceipi le lumphaw a keng thei mi ngalkap ngalhang ten cazin sung a lut mi bang tingthum (300,000) um hi.
\v 6 Thazang ngilnak a nei mi Isarel ngalhang tingkhat (100,000) cu ngun cuai thawngkhat (1,000) tuah in zawng hi.
\v 7 Mah hang Pathian mihing pakhat hung in kumpi aw, Isarel ngalkap cu zui tik pah sin. Pathian Isarel mihing tihmi Epharaim miphun te tuah langkhat in um ma hi.
\v 8 Kumpi hawh nuam tale a hawh do tukin a kho ta vang ngal mai pen Pathian in sung tik tuk hi. Pathian in bawm tuk in hihen, khia suk tuk in hihen, thil tih theih nak nei hitin a hilh ten,
\v 9 Amaziah in Isarel ngalkap cu zawng tukin ngun cuai thawngkhat (1,000) a piak ngah zo hang, itihbang in bawl tuk hum tin Pathian mihing a dot leh ten, Pathian mihing in mah sang ngawl Pathian in a tam saw in pia thei hitin, don leh hi.
\v 10 Mah ten Amaziah in Epharaim ngam pen a heng mi ngalkap ngalhang te a khen koih in a muhtei umnak mun ah pin leh tik tuk a hah ten, a mun a thinuuk in Judah ngam miphun sungah huatnak tuah a muhtei umnak ah pin leh haw hi.
\v 11 Amaziah in a mah le mah tha khoh tikin ci hawkluam ah ngaldo hang, Seir mual hum mi thawngsawm (10,000) that hi.
\v 12 Judah miphun ten mihing thawngsawm (10,000) a nung mat cengten, suang mual hum a lek ah pui in keh khawng tuk a nuai lam ah nawm vawk haw hi.
\v 13 Kil in donak thu cu Amaziah in pia ma hi. A hah mi ngalkap ngalhang te cu Samaria khuapi pen pan Beth-horon khuapi tian Judah khuapi te a do hang, mihing thawngthum (3,000) that in a neih nak te long haw hi.
\p
\v 14 Amaziah in Edom miphun a thahnak pen a pin leh ten, Seir mual hum tei biak mi pathian cu pua in a mah loli biak tuk pathian cang tik tuk din in, a muhtei mai pen lukun in ngimnam tui meihal nak pia hi.
\v 15 Pathian in Amaziah cu a thinuuk in kamsang a hah mi cu a miphun te ngal tei khut sung pen a pan thei ngawl mi ngamdang miphun pathian cu ita zei haw hum tin a tih ten,
\v 16 Kumpi in nang cu thuvai siampih bawi hima cim maw. Daiden no um in. Ita mi thah nuam nak nei cim tin a dot ten, kamsang pan kumpi in ka piak mi ngallin nak awnkam thungai ngawl in hi thu a bawl khak hang, Pathian in kumpi that tukin a ngiahsut mi cu keiman thei ing hitin a hilh cengten, daiden no in um hi.
\p
\v 17 Mah cengten Amaziah in thu a siam cengten Isarel kumpi Jehu capa a himi Jehoahaz capa Joash nelah thuthang puak tu hah in kohten mitmai cang tawk dun tuk hung hitin thu a cah tale,
\v 18 Isarel kumpi Joash in Lebanon ling kung cu Lebanon cedar thingkung nelah hah in, na canu cu ka capa huai tik in hitin a tih laih tak Lebanon sahang pakhat vak in lingkung cu sik kha hi.
\v 19 Nang cu keiman Edom miphun te that zo ing hitin tiin ngal nuam nak thinglung um hi. Mah hang na umnak ah um in. Nangmah le Judah ngam cu haksat nak heng in sung tik tukin ita sual zei hum tin Judah kumpi Amaziah cu thucah leh hi.
\p
\v 20 Mahmi awnkam cu Amaziah in ngai ma hi. Itahum titale, Edom ngam pathian te a zeih hang, ngal tei khut sungah ap tukin Pathian in thupia hi.
\v 21 Isarel kumpi cu ngaldo in kumpi panih cu Judah ngam Beth-shemesh khuapi pen mit mai cang loli a tawh dun hang,
\v 22 Isarel miphun mai pen Judah miphun cu sung in a venghawng a muhtei umnak mun ah tai haw hi.
\v 23 Isarel kumpi Joash cu Judah kumpi Ahaziah capa a himi Joash capa Amaziah cu Beth-shemesh khuapi pen man ngah in, Jerusalem khuapi ah a hawh cengten Jerusalem khuapi khan tian tong zali (400) cu Epharaim kongka pen kongka a ning tian subal hi.
\v 24 Obed-edom khut sung pen biakinn sungah a um mi hempoh sui le ngun pen pan van hempoh te le kumpi van neih hempoh hei hihen, a khaam mi hek khat te hei hihen la in Samaria khuapi ah la in pin leh hi.
\p
\v 25 Isarel kumpi Jehoahaz capa Joash a thih cengten, Judah kumpi Joash capa Amaziah cu kum heinga nung laih hi.
\v 26 Amaziah bawl mi thu a tang laih hempoh a pat pen pan a tawp tian Judah kumpi thuanthu le Isarel kumpi thuanthu sungah ngan hi.
\v 27 Amaziah cu Pathian nung a zui nak pen pial in a hawh cengten, a ma langlam ah Jerusalem khuapi pen pawlkom nak a neih haw hang, a mah cu Lachish khuapi ah a tai ten mahmi khuapi sungah hah in a thah tik cengten,
\v 28 Cipuh hum ah koih in Jerusalem khuapi ah pua in pu le pa te tuah David khuapi sungah phum haw hi.
\s Judah kumpi Uzziah
\c 26
\p
\v 1 Juadah ngam miphun hempoh ten kum heiluk a um mi capa Uzziah cu la in a pa Amaziah hihnak kumpi in koih haw hi.
\v 2 Mahmi kumpi cu a pa a thih cengten, Eloth khuapi din in Judah ngam sungah koih leh hi.
\v 3 Uzziah cu kum heiluk a kim ten kumpi khunnak ah khung in, Jerusalem khuapi pen kum sawmnga le kumnih uk hi. Anu cu Jerusalem khua mi Jekoliah tin sam hi.
\v 4 Mahmi kumpi cu a pa Amaziah bawl mi bang in Pathian mai pen a dik mi thu bawl hi.
\v 5 Pathian thuphuan muhnak a thei mi Zekhariah khut sung pen Uzziah kumpi in Pathian zei hi. Pathian a zeih mi huncan hempoh Pathian in a ngaihsut nak pitung tik hi.
\p
\v 6 Mahmi kumpi cu ngaldo in Philistine miphun te a do ten Gath khuapi khantian, Jabneh khuapi khantian, Ash-dod khuapi khantian te siatsuah a sukbal cengten, Ash-dod khuapi elkim hempoh, Philistine ngam hempoh pen khuapi a thak te din hi.
\v 7 Pathian in Philistine miphun, Gur-ba-al khuapi ah a um mi Arab miphun, Mehunim miphun tei a langlam pen a mah cu bawm hi.
\v 8 Amon miphun te vang Uzziah kumpi nelah laksawng te pia haw hi. A man a mah le mah a kho tik hang, thuthang cu Izip ngam tian thang zet hi.
\v 9 Uzziah kumpi in Jerusalem khuapi a ning kongka bulpi, hawkluam kongka pi, khuapi khantian a kuih tumnak kongka pi pen innpi te sa in kho tik hi.
\v 10 Ngam lak ah vang innpi te sa hi. Tuikhuk te co hi. Hawkluam umnak mun le lei munlawn umnak pen tuu tampi a neih hang mual umnak, lei ngam pha umnak pen lo bung tute le cabit huan a bawl tu a muhte cu dek tik hi. Mah tihbang mi nate deih ing hi.
\v 11 Uzziah kumpi in ngalkap lai ngan tu Jeiel le Ma-a-siah ten cazin a lak bang, kumpi ngal bawi Hananiah in thukhen in ngalkap a phuan mi hempoh pen ngalkap ngalhang te um hi.
\v 12 Mah tihcun thazang ngilnak a nei mi ngalhang hinnam zui in U pa na dek tu hempoh thawngnih le zaluk (2,600) hi.
\v 13 Mah tihcun U pa na dek tu ngal tei a langlam pen kumpi bawm tukin, thazang ngilnak tuah ngaldo tu hempoh cu tingthum le thawngsalih le zanga (307,500) hi.
\v 14 Uzziah kumpi in ngalkap hempoh ca lumphaw, cei, thik lukhu, thik angki, thalcang, suang tuah kap theih mi saili te cu bawl hi.
\v 15 Micip ten theihnak zei in a bawl mi cet te vang Jerusalem khua innpi, ngalpan nak hum pen thal le suang ngegpi te tuah sep tukin bawl hi. Pathian bopnak a co cuang hang, Uzziah kumpi cu a huham thawngngeng in a thuthang zet hi.
\p
\v 16 Uzziah kumpi cu a huham thawmngeng ten a nemcuam nak kiam tukin pualthau nak thinlung a tho hang, a Topa Pathian cu sual bawlin meihal biakpiak nak hum pen ngimnam tui hempoh meihal tukin, Pathian biakinn sungah lut tum hi.
\v 17 Thiampi Azariah cu ngalhan nak a nei mi Pathian na dek thiampi sawmliat te tuah kumpi Uzziah nungah zui in,
\v 18 A khamsak hang Uzziah kumpi aw, topa in Pathian cu ngimnam tui meihal tuk thu tuah in seng ma hi. Ngimnam tui hempoh meihal tukin a piak mi Aaron capa thiampi te bek in mahmi thu tuah seng haw hi. A thiangtho umnak mun pen tul in hi. Topa cu sual zo ci. Topa Pathian mai pen a minthan nak sia tuk hitin a tih haw ten,
\v 19 Uzziah kumpi cu a thinuuk in ngimnam tui hempoh meihal tuk pakan dai keng in thiampi tei lakah a thinuuk ten, biakinn ngimnam tui hempoh cu meihal biakpiak nak bul, thiampi tei mai pen kumpi calah phaknat nak suak hi.
\v 20 Thiampi ngeng le thiampi hempoh ten zo in a cal ah phaknat a suak mi kumpi cu a mun a pawlam ah hawlvawk haw hi. Kumpi a mah loli vang Pathian dantat nak hang a man lang in tul hi.
\v 21 Mah tihcun Uzziah kumpi cu a thih tian phaknat nak vei in a danglam mi kumpi inn sungah um hi. Biakinn sungah luh tum phal ma hi. A capa Jotham in kumpi inn cu uk in ngam sung thukhen hi.
\v 22 Uzziah bawl mi thu a tang laih hempoh a pat pen a tawp tian Amoz capa kamsang Isaiah in ngan hi.
\v 23 Uzziah cu a pu le pa te tuah hihbu in a muhte tuah phum co naven mi phak a hih hang, kumpi khanmual tuah a seng mi lo sungah phum haw hi. A capa Jotham cu a pai hihnak kumpi khunnak ah khung hi.
\s Judah kumpi Jotham
\c 27
\p
\v 1 Jotham cu a kum nga a kim ten kumpi khunnak ah khung in Jerusalem khuapi pen kum heiluk uk hi. A nu cu Zadok canu Zerushah hi.
\v 2 Mahmi kumpi cu a pa Uzziah nun bang Pathian mai pen a dik mi thu bawl hi. Mah naven Pathian biakinn sungah lut tum ma hi. Ngam sung mipi ten phat ngawl nak bawl haw laih hi.
\v 3 Mahmi kumpi in biakinn a hum ta kongka bawl in Ophel khuapi khantian nak kho zet tik hi.
\v 4 Judah mualtuan hum ah khuapi te hei hihen, inn pi te le ngalpan nak te hei hihen, din hi.
\v 5 Amon kumpi vang ngaldo a neh hang, a neh mi kum in Amon miphun ten ngun cuai thawngkhat (1,000), sangvut korah thawngsawm (10,000), barly cang thawngsawm (10,000) pia haw hi. Kumnih nak le kumthum nak cu mah bang leng in pia haw hi.
\v 6 Mah tihcun Jotham in a Topa Pathian mai pen a nunnak a bawl hang a huham khang dedeuh hi.
\v 7 Jotham bawl mi thu a tang laih hempoh ngaldo nak a nuncan ziaza thu hempoh te Isarel kumpi thuanthu le Judah kumpi thuangthu sungah ngan hi.
\v 9 Jotham cu a pu le pa te tuah hihbu in David khuapi ah phum hi. A capa Ahaz cu a pai hihnak kumpi khun nak ah khung hi.
\s Judah kumpi Ahaz
\c 28
\p
\v 1 Ahaz cu a kum kul a kim ten kumpi khunnak ah khungin Jerusalem khuapi pen kum heiluk uk hi. Mahmi kumpi cu a pa David bang nung ma hi. Pathian mai pen a dik mi thu bawl ma hi.
\v 2 Isarel kumpi tei zui mi lamzin zui in Baal pathian ca zuk milim te bawl hi.
\v 3 Pathian in Isarel miphun mai pen a hawlvawk mi ngam dang miphun tei a nawngkai mi dan bang in, Hinnom hawkluam pen ngimnam tui hempoh meihal biakpiak nak nei in a cate vang meihal biakpiak nak pia hi.
\v 4 A sangnak mun, mual hum, thingnuai sungah biakpiak nak bawl in ngimnam tui hempoh meihal thei hi.
\p
\v 5 Mah hang a Topa Pathian in a mah cu Syria kumpi khut sungah a ap hang Syria miphun ten that in, mihing tampi man in Damaska khuapi ah hawh pih haw hi.
\v 6 Mah cengten Isarel kumpi nelah ap in mahmi kumpi Remaliah capa Pekah cu ngam zet a thah hang, ngalhang mi Judah miphun tingkhat le thawngkul (120,000) cu nikhat sung in that hi. Itahum titale, a mun pu le pa tei Topa Pathian cu zamsan haw hi.
\v 7 Thazang ngilnak a nei mi Epharaim capa Zichri in kumpi capa Ma-a-seiah, kumpi inn sung uktu Azrikam, kumpi cengten panih nak kumpi Elkanah cu that hi.
\v 8 Isarel miphun ten a ngualcam phialpih pano le numei, capa, canu hempoh kom ten tingnih (200,000) cu man haw hi.
\v 9 Oded tih mi Pathian kamsang pakhat um in, Samaria khuapi ah a pin leh mi ngalkap te muak in pu le pa tei Topa Pathian in Judah ngam cu a thinuuk in nang muhtei khut sungah a ap hang, nohten that zo uh ci.
\v 10 A tu hei in Judah ngam miphun Jerusalem khua mi pano le numei te sila na dek bawl siat tukin ngaisung haw hi. Mah tin bawl tale nohtei Topa Pathian cu sual bawl nak ah heng tuk hima maw.
\v 11 Ka awnkam thu ngai un. Nohten a tu man in lon mi nohtei U le nau te hah leh un. Mah ahima tale Pathian nasezet a thinuuk cu nohtei hum ah heng tuk hitin, ngallin nak pia hi.
\v 12 Mah ten Epharaim miphun U pa, Johanan capa Azariah, Meshillemoth capa Berechiah, Shallum capa Jehizkiah, Haddai capa Amasa ten ngaldo nak pen a hung mi a muhte kham in,
\v 13 Nohtei lon mi a muhte cu khuapi sungah koih pah sun. Kohten Pathian cu sual zo ung. Sualnak a bulpi hum ah bet in sual tik tuk laih hitin a mun ngaisung haw hi. A tuin kohtei sualnak ngeng zet hi. Isarel miphun sungah nasezet a thinuuk suak hitin a hilh hang,
\v 14 Ngalkap ngalhang tei lon mihing le a lonsak mi neihnak te kumpi mai, mipi mai ah koih haw hi.
\v 15 A humpen son sa mi a muhte cu tho in a mat mi a muhte sam in van silh tuk a nei ngawl mite, a lon ngah mite cu silh haw hi. Kedam te tuam tik haw hi. An eih tuk vang pia haw hi. Sathau vang noih tik haw hi. Thazang a nei ngawl mite vang laak hum ah koih in, a muhtei ngualcam umnak Jerikho khuapi tih mi Sunpalun khuapi ah a kuat cengten, Samaria khuapi ah pin leh haw hi.
\p
\v 16 Mah ten Assyria kumpi hung in bawm tuk Ahaz kumpi in thuthang puak tu hah hi.
\v 17 Itahum titale, Edom miphun te a hun leh hang Judah ngam cu that in mihing tampi man haw zo hi.
\v 18 Philistine miphun ten uknak ngam a nuai ta le Judah ngam hanglam ah a um mi khuapi te do in Beth-shemesh khuapi, Ajalon khuapi, Gederoth khuapi, Shocho khuapi, khuano, Timnah khuapi, khuano, Gimzo khuapi le khua no la in a umnak mun ah koih haw hi.
\v 19 Judah kumpi Ahaz hang Pathian in Judah ngam cu khia kulh hi. Mahmi kumpi cu Judah ngam tei puan silh te duk in Pathian cu nasezet zet sual bawl hi.
\v 20 Assyria kumpi Tiglath-pileser cu hung naven thapia ngawl in zawng dedeuh tik hi.
\v 21 Itahum titale, Ahaz in biakinn van le kumpi inn van pen pan bawi Upa tei um nak sungah a um mi neihnak hempoh khen in, Assyria kumpi pia naven mahmi kumpi in lungdam nak thu hilh leh ma hi.
\p
\v 22 Ahaz kumpi cu haksat cimnak a thuak ten Pathian nelah sual dedeuh hi.
\v 23 Keimah dan tat tu Damaska pathian cu keiman zei tung tih hei in hihen, Syria kumpi biak mi pathian cu hehpih nak a bawl theih hang keiman bawm in mahmi pathian cu biakpiak nak bawl tung hitin ti naven, mahmi pathian ten Ahaz kumpi le Isarel miphun nemcuam nak kiam tik tuk thu hi.
\v 24 Mah cengten Ahaz in biakinn van te talhtawng khawg in siatsuah hi. Biakinn kongka pi te vang khak hi. Jerusalem khuapi ningah biakpiak nak taitan te din hi.
\v 25 A dang pathian te ngimnam tui meihal biakpiak nak tuk Judah khuapi hempoh sungah a sang mi umnak hempoh ah din in pu le pa tei Topa Pathian thinuuk tuk cu sosuah hi.
\v 26 Ahaz nuncan ziaza a bawl mi thu hempoh a pat pen pan a tawp tian Judah kumpi thuanthu le Isarel kumpi thuanthu sungah ngan hi.
\v 27 Ahaz cu pu le pa te tuah hihbu in Jerusalem khuapi sungah phum co naven Isarel kumpi tei khanmual ah phum haw ma hi. A capa Hezekiah cu a pai hihnak kumpi khunnak ah khung hi.
\s Biakinn cu Hezekiah kumpi a thianlim nak
\c 29
\p
\v 1 Hezekiah cu a kum kulluannga a kim ten kumpi khunnak ah khung in Jerusalem khuapi pen kum kulluankuah uk hi. A nu cu Zekhariah canu Abijah hi.
\v 2 Mahmi kumpi cu a pa David nuncan ziaza bang Pathian mai pen a dik mi thu bawl hi.
\v 3 Kumkhat a uknak, hakhat ha in biakinn kongka hong in lem hi.
\v 4 Thiampi Levi miphun te sam nisuah nak lamah hulawmkhawm tikin,
\v 5 Levi miphun te aw, ngai un. Mah le mah hei hihen, pu le pa tei Topa Pathian inn hei hihen thiangtho tikin a thiangtho mi umnak mun pen buak cu vawk ta un.
\v 6 Ohtei pa ten sual bawl in ohtei Topa Pathian mai pen sual bawl haw zo hi. Pathian cu zamsan in a umnak mun pen a mitmai pial in zam san zo hima maw.
\v 7 Biakinn mai kongka te khak meikhuat te mit in a thiangtho mi umnak mun pen Isarel miphun Topa Pathian cu ngimnam tui hempoh meihal biakpiak nak bawl ma hi. Meihal biakpiak nak bawl ngawlin um haw zo hi.
\v 8 Mah hang Pathian in Judah ngam Jerusalem khuapi cu a thinuuk in nohtei muh mi bang haksat cimnak, thinkham nak, sonsiat nak aw zaknak thu sungah ap zo hi.
\v 9 Mah hang, ohtei pa ten nam tuah lum in thi haw zo. A canu le capa, a nupi te mat co haw zo hi.
\v 10 A tuin, nasezet a thinuuk in ohtei lakpen pial tukin Isarel tei Topa Pathian tuah thukhaam bawl tuk hitin, keiman ngaisung ing.
\v 11 Ka cate aw, nopmawh ngawl in um pah sun. Pathian mai ah dingin a na dehnak, a na cingkep nak, ngimnam tui hempoh meihal nak thu bawl tukin nang muhte teng zo hitin thu a piak ten,
\v 12 Levi miphun, Kohath miphun hinnam, Amasai capa Mahath, Azariah capa Joel, Merari miphun hinnam Abdi capa Kish, Jehallelel capa Azariah, Gershon miphun hinnam Zimmah capa Joah, Joah capa Eden,
\v 13 Elizaphan miphun Shimri le Jeuel le Asaph Zekhriah le Mattaniah,
\v 14 Heman miphun Jehuel le Shimei, Jeduthun miphun Shemaiah le Uzziel ten,
\v 15 A miphun te sam in a mah le mah thiangtho tik cengten Pathian thupiak hang, kumpi thupiak mi bang biakinn thiangtho tik tukin hung haw hi.
\v 16 Thiampi ten biakinn cu thiangtho tik tuk a sunglam khan sungah lut tum in, a muh mi hempoh buak cu thukhen nak a pawlam ah a suah cengten, Levi miphun ten Kidron lui ah pua haw hi.
\v 17 Hakhat ha nikhat ni in thianlim nak bawl pan in niliat ni ten biakinn mai ah heng haw hi. Mah cengten niliat sung biakinn sung thiangtho tikin hakhat ha, ni heiluk ni in ceng haw hi.
\v 18 Mah ten Hezakiah kumpi nelah lut tum in kohten biakinn a venghawng meihal biakpiak nak le van hempoh a mai ah mok koih mi cabuai le van hempoh thiangtho tik zo.
\v 19 Mah bek sial ngawl Ahaz kumpi uk sung sual bawl hang, vawk mi van hempoh kohten thiangtho tik in Pathian biakpiak nak taitan mai ah koih zo ung hitin, hilh haw hi.
\p
\v 20 Mah ten Hezakiah kumpi cu zing khawma no tho in, khuapi uktu te a hulopkhawm tik cengten biakinn ah hawh hi.
\v 21 Kumpi inn sual, a thiangtho umnak mun sual, Judah ngam sual hah biakpiak nak tuk khui salih, tuu salih, khui no salih, kel salih cu keng haw hi. Aaron capa thiampi ten Pathian biakpiak nak taitan humpen biakpiak nak bawl tukin a thupiak bang,
\v 22 Khui te that in thiampi ten a thisan dawh in biakpiak nak taitan hum ah theh haw hi. Tuu no te vang that in a thisan cu biakpiak nak taitan hum ah theh haw hi.
\v 23 Sual hah biakpiak nak tuk kel te vang kumpi mai, mipi mai ah suah tulin a mu khut a ngak cengten,
\v 24 Thiampi ten that in Isarel miphun tei sual ngaidam tuk in biakpiak nak taitan hum ah a thisan tuah sual hah nak thupha bawl haw hi. Mah tihcun meihal baikpiak nak le sual hah biakpiak nak cu Isarel miphun hempoh ca biakpiak nak nei tukin kumpi thupiak mi um hi.
\p
\v 25 David kumpi le a kamsang Gad, kamsang Nathan tei thukhen bang dakkop, phaidak, tazaw le a tum tu Levi miphun te biakinn sungah pia hi.
\v 26 Mah hang Levi miphun ten David bawl mi tumnging phun nam kim tuah hei hihen, thiampi ten lemle hei hihen keng in um haw hi.
\v 27 Hezakiah in biakpiak nak taitan humah meihal biakpiak nak bawl tukin thupiak a um hang, meihal biakpiak a bawl pat ten lemle te tuah Isarel kumpi David bawl mi tum nging phun kim te tumin, Pathian thangphat nak la sa pan haw hi.
\v 28 Meihal biakpiak nak a celh lak lawh mipi ten bia in, lasa lemle tum in um haw hi.
\p
\v 29 A bawl cengten kumpi le hulophawm nak a nei tu hempoh ten lukun in bia haw hi.
\v 30 Mah cengten Hezakiah kumpi le bawi U pa ten bawl in Levi miphun ten David awnkam, kamsang Asaph awnkam hang, Pathian cu thangphat nak lasa haw hi. Lungdam nak thinlung tuah thangphat nak la sa a lukun in bia haw hi.
\p
\v 31 Mah cengten Hezakiah in nohten a tuin Pathian cu mah le mah biakpiak bawl zo uh ci. Biakinn sungah nekin, biakpiak nak phunkim le lungdam thu biakpiak nakah keng haw hi. Zuamnak thinlung a nei tu hempoh ten meihal biakpiak nak keng haw hi.
\v 32 Hulophawm nak a nei miten Pathian cu meihal biakpiak nak pia tukin a ken mi nganhing kom cu khui sawmsalih (70), tuu zakhat (100), tuuno zanih (200) hi.
\v 33 A lu piak mi neihnak kom cu khui zaluk (600), tuu thawngthum (3,000) hi.
\v 34 Thiampi te a dawm hang in meihal biakpiak nak nganhing hempoh a thah theih ngawl hang, a dang thiampi ten a mah le mah thiangtho tik tuk in, thiampi te sang Levi miphun te a thinlung tuang saw haw hi.
\v 35 Meihal biakpiak nak le meihal biakpiak nak hempoh te tuah a seng mi pawlkom nak thau, in tuk in biakpiak nak tampi nei haw hi. Mah tihcun biakinn na deh nak te bawl hi.
\v 36 Mahmi thu cu man lang naven Pathian in mihing tampi te a bawl hang, Hezakiah le mi hempoh ten lungdam zet haw hi.
\s Kaltan puai Hezakiah a bawlnak
\c 30
\p
\v 1 Mah cengten Epharaim miphun, Manasseh miphun te tuah Isarel miphun, Judah miphun hempoh ten Jerusalem khuapi biakinn ah hung in Isarel miphun tei Topa Pathian kaltan puai bawl tukin Hezakiah in lai ngan in pia hi.
\v 2 Hanih ha ten kaltan puai bawl tuk kumpi in thuvaisiam nak nei in bawi U pa te le Jerusalem khuapi sungah hulopkhawm nak a nei tu hempoh ten bawl haw zo hi.
\v 3 Thiampi ten na dehnak nei thei tukin mah le mah thiangtho haw ma laih hi. Ngam sung mipi te cu Jerusalem khuapi sungah hulawmkhawm laih ngawl hang, a bo sa ha in mahmi puai cu bawl thei haw ma hi.
\v 4 Kumpi le hulopkhawm nak a nei tu hempoh ten mahmi thu a deih nak hang in hihen, Laithiangtho sung a heng mi bang, huncan ngeipi kaltan puai a bawl ngawl hang in hihen,
\v 5 Mun hempoh pen heng in Isarel miphun tei Topa Pathian cu Jerusalem khuapi pen kaltan puai bawl tukin Isarel ngam sung hempoh Beer-sheba khuapi pen pan Dan khuapi tian, thuthan tik tukin thupiak nak tuah bawl haw hi.
\v 6 Kumpi le bawi U pa tei piak mi lai a pia tu tangval ten la in a thupiak mi bang, Isarel ngam le Judah ngam sung hempoh ah tai haw hi. Lai sungah a tel mi thu cu Isarel miphun te aw, Abraham, Isak, Jakop tei Topa Pathian nelah pin leh un. Assyria kumpi tei khut sung pen luat in a tanglaih mi a muhtei umnak mun ah pin leh tuk hi.
\v 7 Pu le pa tei Topa Pathian sual bawl mi cu nohtei pu le pa, U le nau te bang bawl pah sun. Sual a bawl mi a muhte cu nohtei muh mi bang siatnak ah ap zo hi.
\v 8 Na pa uh te bang lungmu khoh in um pah sun. Pathian nelah mah le mah ap ta un. A cat ngawl in a thiangtho mi a thiangtho umnak munah hung un. Nasezet a thinuuk cu nohtei lakpen pial tukin nohtei Topa Pathian thu cu cingkem ta un.
\v 9 Nohten Pathian nelah na pin uh tale nohtei U le nau canu le capa te mat co mitei lakpen, hehpih nak thinlung tuah tawk in hi ngam ah hung leh haw tuk hi. Ohtei Topa Pathian cu hehpih nuamnak lungmu, lainat nak lungmu a neih hang nohten a ma nelah pin tale a mitmai cu nohtei lakpen pial tuk ma hitin, lai sungah tel hi.
\p
\v 10 Lai pia tu tangval ten Epharaim ngam, Manasseh ngam hempoh Zebulun ngam tian khuapi phakhat nung pakhat ah tai haw hi. Ngam sung miphun ten nuihcip in zawnsak haw hi.
\v 11 Mah hang Asher ngam miphun, Manasseh ngam miphun, Zebulun ngam miphun hek khat ten mah le mah niamkhiak in Jerusalem khuapi ah hung haw hi.
\v 12 Judah miphun ten Pathian thupiak mi bang kumpi le bawi U pa tei bawl mi bang, a bang ve in bawl nuam mi zuamnak thinlung cu Pathian huham hang co haw hi.
\p
\v 13 Hanih ha ten naman sawh ngawl moh puai bawl tuk mihing tampi ten Jerusalem khuapi ah hulophawm nak nei haw in mipi tamzet in cang hi.
\v 14 A mun tho in Jerusalem khuapi sungah a um mi biakpiak nak taitan te hei hihen, ngimnam tui hempoh meihal biakpiak nak te hei hihen, vawk in Kidron lui sungah vawk haw hi.
\v 15 Hanih ha, ni heili ni in kaltan puai tuu no that haw hi. Thiampi Levi miphun ten phawk in mah le mah thiangtho tikin meihal biakpiak nak hempoh te biakinn sungah koih haw hi.
\v 16 Pathian mihing Mosi dan thukham sungah a bawl mi bang, a muhtei umnak mun ah ding in thiampi ten Levi miphun tei khut sung pen thisan cu la in theh haw hi.
\v 17 A thiangtho ngawl mi hempoh mipi tei sungah a um hang, mahmi a thiangtho ngawl mi hempoh Pathian ca thiangtho tik tuk in kaltan puai tuu no thah tuk thu cu Levi miphun ten cingkem haw hi.
\v 18 Mihing tampi te cu Epharaim miphun, Manasseh miphun, Issachar miphun, Zebulun miphun te cu Laithiangtho sungah a um mi thu zui ngawlin mah le mah thiangtho tik ngawlin kaltan puai tuu no cik cu ei haw hi.
\v 19 Mah hang Hezakiah in a thiangtho umnak mun bang, a thiangtho mi um naven pu le pa tei Topa Pathian cu zei tukin lungkim nak a nei tu hempoh tei sual cu a sunglawi mi Pathian in luat tik hen tin a muhtei ca thu a nget hang,
\v 20 Pathian in Hezakiah awnkam ngai in mihing tampi te daihnak pia hi.
\v 21 Jerusalem khuapi sungah hulawmkhawm Isarel miphun te cu ni salih sung nasezet lungdam nak thinlung tuah naman sawh ngawl moh puai bawl haw hi. Thiampi Levi miphun ten aw nging zet a nging thei phunkim tum in sun le zan Pathian thangphat nak la sa haw hi.
\v 22 Pathian thu sunglawi a hilh tu Levi miphun hempoh Hezakiah in thapiak nak awnkam tuah a otpih hang, a mun ni salih sung puai a bawl laih tak an ei pawlkom biakpiak nak bawl in pu le pa tei Topa Pathian nelah hehpih nak ngen in um haw hi.
\p
\v 23 Hulawmkhawm mi hempoh ten ni salih puai bawl bet tuk thuvai a siam khawm cengten, lungdam nak thinglung tuah ni salih puai bawl bet haw hi.
\v 24 Judah kumpi Hezakiah in khui thawngkhat (1,000) le tuu thawngsalih (7,000) hei hihen, bawi Upa ten khui thawngkhat (1,000) le tuu thawngsawm (10,000) hei hihen, hulawmkhawm tutei lakah pia haw hi. Thiampi tampi ten mah le mah thiangtho tik haw hi.
\v 25 Thiampi, Levi miphun te tuah Judah mipi te, Isarel ngam pen a hung mipi te, Judah ngam sungah a um ngam dang miphun, Isarel ngam pen a hung ngam dang miphun te lungdam zet haw hi.
\v 26 Mah tihcun Jerusalem khuapi sungah nasezet lungdam nak um hi. Isarel kumpi David capa Solomon khut pen pan Jerusalem khuapi sungah hizah tak in lungdam nak um leh ma hi.
\v 27 Mah ten thiampi Levi miphun te tho in mi hempoh te thupha pia haw hi. A muhtei awnkam aw cu Pathian in za hi. A thiangtho mi umnak mun vanhum ah thunget nak awnkam cu kai hi.
\c 31
\p
\v 1 Mahmi na a deh cengten hulawmkhawm mi Isarel miphun Judah khuapi ah tulin Judah ngam, Benjamin ngam, Epharaim ngam, Manasseh ngam, mun hempoh ah a um mi zuk milim, Asherah thing, a sang nak mun, biakpiak nak a um mi hempoh a siatsuah khawng cengten botbal phuk in subal haw hi. Mah cengten Isarel miphun hempoh ten a co tek mi umnak mun khua ah pin haw hi.
\s Biaknak ca a lu piak mite
\p
\v 2 Thiampi Levi miphun ten a cingkep mi na cu a thek dun cing in, Pathian umnak mun kongka sungah meihal biakpiak nak le pawlkom baikpiak nak, a na deh cinnak, lungdam thu hilh nak, thangphat la sak nak thu bawl tik tukin Hezakiah cu pia hi.
\v 3 Pathian dan thukham Laithiangtho sungah ngat mi bang, ni sial zinglam huncan, taklam huncan, colhni, ha thak ni, a thiangtho puai ni in meihal biakpiak nak tuk van neih mi sung pen neihnak sehkhat suah in a lu pia hi.
\v 4 Thiampi Levi miphun ten Pathian thu zuamnak tuah hilh tukin Jerusalem khuapi sungah a um miten neihnak sehkhat a lu pia tukin thupia hi.
\v 5 Mahmi thupiak cu Isarel miphun umnak mun hempoh pen a zak haw ten a masabel a ngah mi anthak cang, cabit tui, sathau, khuaitui tih bang lei sung pen a suak mi ancang a ngui hei hihen, a dang neihnak hempoh sehsawm ah sehkhat hei hihen tampi keng haw hi.
\v 6 Judah khuapi sungah a um Isarel miphun le Judah miphun te vang tuu le khui sawm ah pakhat hei hihen, a muhtei Topa Pathian a lu a piak hang a thiangtho mi neihnak sehsawm ah sehkhat hei hihen keng in a seh in koih haw hi.
\v 7 Ha thum ha pat ten sehkhawm pan in ha salih ha ten ceng haw hi.
\v 8 A seh mi neihnak cu Hezakiah le bawi U pa te hung in, a mun Pathian le Pathian mihing Isarel miphun cu thupha pia haw hi.
\v 9 Mah a seh mi neihnak thu cu Hezakiah in thiampi Levi miphun te a dot ten,
\v 10 Zadok miphun hinnam thiampi ngeng Azariah in, a lu piak mi hempoh biakinn sungah a koih cengten, kohtei eih tham tuk a um bek sial ngawl tampi val hi. Pathian in a miphun te thupha a piak hang, a sehin koih mi neihnak te cu a tang mi hitin, ti haw hi.
\p
\v 11 Mah ten biakinn sung pen van koih nak innpi lem tukin Hezakiah thupiak nak bang bawl in,
\v 12 A lu piak mi neihnak, sehsawm ah sehkhat neihnak, a lu piak mi neihnak te dan thu bang koih haw hi. Levi miphun Coniniah cu uktu, a nau Shimei cu lai ngan tu hi.
\v 13 Jehiel, Azaziah, Nahath, Asahel, Jerimoth, Jozabad, Eliel, Ismachiah, Mahath, Benaiah te vang Hezakiah kumpi le biakinn uktu Azariah thukhen nak bang, Coniniah le a nau Shimei ten cingkem in zo haw hi.
\v 14 Nisuah nak lam kongka cingtu bawi, Levi miphun Imnah capa Kore cu Pathian nelah a lu a piak mi neihnak, a thiangtho zet mi neihnak te a sem tu na uktu hi.
\v 15 Kore bawm tu Eden, Miniamin, Jeshua, Shemaiah, Amariah, Shecaniah ten thiampi umnak khuapi sungah na deh bang in pawlkom bawl mi U le nau a ngeng a neu te cu pia haw hi.
\v 16 Pawlkom bang in biakinn ah lut tum na deh cing tu cazin a lut tum bang, kum thum a val mi pano hempoh tei lakah hei hihen,
\v 17 Miphun hinnam cazin lut in kum sawm a val zo hang, pawlkom bang na deh cing tu thiampi Levi miphun tei lakah hei hihen,
\v 18 Muantaak nak tuah cing in, mah le mah a thiangtho mi a muhtei zi le ca, naupang pen pan mipi cazin a lut tum mi hempoh tei lakah hei hihen, nisial in pia haw hi.
\v 19 Mah bang bok a hum pen son sa mi a muhte cu thiampi, Levi miphun umnak tuk khen mi khuapi sungah a um Aaron capa, thiampi pano cazin sungah a lut mi Levi miphun hempoh pia haw hi.
\p
\v 20 Mah tihcun Hezakiah in Judah ngam sung hempoh thukhen in, a Topa Pathian mai pen a pha mi na, a dik mi na, a dik mi thu te bawl hi.
\v 21 A Topa Pathian in zei in biakinn, a dik mi thu, dan thukham ca tuk a thu a cingkep mi hempoh ah a thinlung venghawng bawl in a ngaihsut nak pitung thei hi.
\s Jerusalem khuapi cu Sennacherib
\c 32
\p
\v 1 Mahmi thu hempoh a celhten, Assyria kumpi Sennacherib in Judah ngam sungah ngaldo tuk hawh in a kho mi khuapi te kilkhum do tuk thasuah in zuam hi.
\v 2 Mah tihcun Sennacherib hung in Jerusalem khuapi do tukin a ngaihsut nak thu cu Hezakiah in a theih ten,
\v 3 Khuapi a pawlam ah a um mi ciktui tan tukin bawi U pa, ngalkap bawi te tuah thuvai siamkhawm in a muhte kil haw hi.
\v 4 Assyria kumpi hung in tui tampi ita tawk hum tin mihing tampi ten tiin, hulawmkhawm in ciktui hempoh phit haw hi. Ngam pi a lai zang pen a luang mi lui te vang tan haw hi.
\v 5 Hezakiah in a mah le mah vang kho tik hi. A cim mi khuapi khantian hempoh lemleh in innpi te tuah can kim in sa hi. Khuapi a pawlam khantian vang din hi. David khuapi sungah Millo innpi cu lem leh in, ngal hiamnam tampi cei le lumphaw bawl hi.
\v 6 Mihing tampi sung pen ngalkap bawi te pia in khuapi lamzin ah hulawmkhawm tik hang, thazang piak nak awnkam hilh in,
\v 7 Thazang la in ngalhan nak nei ta un. Assyria kumpi le a ma nelah a um mi hempoh hang in lau pah sun. Thinkham pah sun. Ohtei lamah a um mi hempoh te a muhtei lam ah a um tute sang in tam saw hi.
\v 8 A muhtei lam ah mihing khut thawmlian um hi. Ohtei lamah a bop hang ngaldo bawm tu ohtei Topa Pathian um hitin, ti hi. Mihing tampi ten Judah kumpi Hezakiah awnkam cu muang haw hi.
\p
\v 9 Mah cengten, Assyria kumpi Sennacherib in ngalkap hempoh te tuah Lachish khuapi a kilh laih tak a sila hek khat ten Jerusalem khuapi Judah kumpi Hezakiah nelah hei hihen, Jerusalem khuapi sungah a um mi Judah miphun hempoh tei umnak ah hei hah in,
\v 10 Assyria kumpi Sennacherib thuak mi cu nohten Jerusalem khuapi sungah kil tukin ita bel uh cim?
\v 11 Hezakiah in kohtei Topa Pathian in kei muhte Assyria kumpi khut sung pen pan tung hitin tiin, ningkial dangdum nak hang thi tuk tian, mah le mah zam san tukin nang muhte a zol nak hima maw.
\v 12 Hezakiah in Pathian a sang mi umnak mun le biakpiak nak hempoh te vawk in nohten pakhat bek a um mi biakpiak nak mai ah bia tuk. Mahmi biakpiak nak hum pen ngimnam tui hempoh meihal tuk hitin, Judah miphun Jerusalem khua mite a thupiak mi hima maw.
\v 13 Keimah le ka pu le pa te cu ngam hempoh sungah itihbang bawl hum tih cu nohten thei ma uh cim. Ngam hempoh pathian ten nang muhtei ngam te ka khut sung pen pan thei tukin thil tih theihnak nei maw.
\v 14 Ka pu le pa ten a veng hawng a siatsuah mi ngam uktu tei pathian sung pen itihbang mi pathian in ka ngam cu ka khut sung pen pan awng hum? Nohtei pathian in nang muhte ka khut pen itihbang in pan tuk hum?
\v 15 Mah hang, Hezakiah in nang muhte zol ma hen. Mah tihbang in zol tik pah sin. A ma awnkam thu sang pah sun. A dang uknak ngam sungah a biak mi pathian aizong in a ngam cu ka khut sung pen hei hihen, pu le pa tei khut sung pen hei hihen, pan thei ma hi. Mah bek sial ngawl nohtei pathian in nang muhte ka khut sung pen pan thei ma hitin, thucah hi.
\p
\v 16 A sila ten Topa Pathian a langlam pen Pathian sila Hezakiah cu a langlam pen nasezet son haw hi.
\v 17 Mah bek sial ngawl a dang uknak ngam pathian ten a miphun mihing tampi te ka khut sung pen a pat theih ngawl bang, Hezakiah biak mi pathian in a mihing te ka khut sung pen pan tuk ma hitin Isarel miphun Topa Pathian sonsiat nak lai cu ngan in pia laih hi.
\v 18 Mah cengten khuapi khantian nak hum ah a um Jerusalem khua mite cu thum in khuapi cu do thei tukin Judah awnkam aw nging zet tuah au haw hi.
\v 19 Mihing khut tuah bawl mi pathian, leihum mitei biak mi pathian te tuah Jerusalem khuapi Pathian cu tokhel in sonsiat haw hi.
\p
\v 20 Mahmi thu hang, Hezakiah kumpi le Amoz capa kamsang Isaiah in thungen in vanhum ah a au ten,
\v 21 Pathian hah mi vancung mi in Assyria kumpi ngalkap sungah thazang ngilnak a nei mi ngalhang ngalkap te, ngalkap bawi U pa hempoh that hi. Kumpi cu a mitmai sia in a ngam sungah pin leh hi. A pathian biakinn ah a hen ten a capa a sung suak loli ten nam tuah in that haw hi.
\v 22 Mah tihcun Pathian in Hezakiah le Jerusalem khua mite Assyria kumpi khut sung pen hei hihen, pan in mun hempoh ah bawm hi.
\v 23 Mihing tampi ten Jerusalem khuapi ah Pathian ca a lu piak mi hei hihen, Judah kumpi Hezakiah nelah laksawng hei a ken haw hang, Hezakiah in mahmi huncan penpan miphun hempoh tei mai pen a min thang hi.
\s Hezakiah kumpi ngalnak, nehnak le thihnak
\p
\v 24 Mahmi huncan ten Hezakiah kumpi cu thihnat nak vei in Pathian nelah thu a nget hang, thuphuan le a lamdang mi huham co hi.
\v 25 Mah hang Hezakiah in a co mi a hehpih nak tuah nung ngawlin pualthau ngalnak thinlung nei hi. Mah hang a ma sungah hei hihen, Judah ngam le Jerusalem khuapi sungah hei hihen, a thinuuk suak hi.
\v 26 Mah hang Hezakiah cu pualthau ngalnak thinlung sual hang in Jerusalem mite tuah a mah loli a niamkhiak nak hang, a ma khut sung Pathian thinuuk nak heng ma hi.
\p
\v 27 Hezakiah in tampi hauhsak minthan nak nei hi. Sui, ngun, suangman pha, ngimnam tui namkim, lumphaw, a sahelh mi van khawlnak innpi te sa hi.
\v 28 Cangbem te, sathau, cabit koih nak tuk innpi te, ngan ngulhnak ankuang te, tuu huan te vang sa hi.
\v 29 A ma ca tuk khuapi din in tampi khui le tuu te vang zei hi. Pathian in tampi a neih nak pia hi.
\v 30 Mah bek sial ngawl Hezakiah in Gihon hum ta lui cu phit sak in, David khuapi a nunglam ah camzet in luang tik hi. Mah tihcun Hezakiah in a bawl mi hempoh ah pitung hi.
\v 31 Mah hang a uknak ngam sungah a cang mi thasiah huai thu dong tik tukin Babilon kumpi ten thuthang puak tu a hahnak thu Hezakiah kumpi lungmu hempoh thei tuk, Pathian in cul tukin a hah mi hi.
\p
\v 32 Hezakiah bawl mi thu a tang laih hempoh te le phat nak a bawl mi thu cu Amoz capa kamsang Isaiah muhnak Laithiangtho, Judah kumpi thuanthu, Isarel kumpi thuanthu sungah ngan hi.
\v 33 Hezakiah cu a pu le pa te tuah hihbu in David capa, a tu tei khanmual a sunglawi bel mi khan sungah phum hi. Judah ngam miphun Jerusalem khuapi hempoh in Hezakiah a thih ten a minthan nak cu khaisang haw hi. A capa Manasseh in a pai hihnak kumpi khunnak ah khung hi.
\s Judah kumpi Manasseh
\c 33
\p
\v 1 Manasseh cu a kum heinih a kim ten kumpi khunnak ah khung in Jerusalem khuapi pen kum heinga uk hi.
\v 2 Mahmi kumpi cu Isarel miphun mai pen Pathian hawlvawk mi ngam dang miphun a nawngkai dan bang in Pathian mai pen sual bawl hi.
\v 3 A pa Hezekiah siatsuah mi mual hempoh lemleh in Baal pathian ca biakpiak nak bawl hi. Asherah thing kung te vang cingkem hi. Vanhum nate vang bia hi.
\v 4 Jerusalem khuapi pen ka min a cat ngawl kho tik tuk hitin Pathian thupiak mi khuapi, biakinn sungah biakpiak nak tih mi,
\v 5 Biakinn thukhen nak panih cu vanhum thil na ca biakpiak nak bawl hi.
\v 6 A capa te Hinnom hawkluam pen meihal biakpiak nak ah a lu pia hi. Khut lam vang zo thiam hi. Dawihthiam nak, khawsia thiamnak te mang in nam le khawsia tum te vang phalnak thu pia hi. Pathian thinuuk nak so tik tukin a mai pen sual tampi bawl hi.
\v 7 Biakinn sungah hei hihen, Isarel ngam tampi sung pen ka ten mi Jerusalem khuapi sungah hei hihen, ka min cu a cat ngawl kho tik tung hitin Pathian in David le a capa Solomon thu a piak mi sungah a ken mi biakinn sung pen a cingkep mi zuk milim tuah bang ve tuk bawl mi, zuk milim pakhat cu koih hi.
\v 8 Ka thucah mi Mosi dan thukham hempoh bang Isarel miphun ten zui in a cingkem tale a pu le pa tei lakah ka piak mi ngam pen a muhte cu keiman thawn leh tik tuk mang hitin thupia naven,
\v 9 Manasseh in Judah ngam miphun, Jerusalem khua mite lamzin pial tik hi. Isarel miphun hempoh tei mai pen Pathian siatsuah mi miphun tei bawl sang a siasuak saw mi sual bawl tik hi.
\p
\v 10 Pathian in Manasseh le a miphun tei lakah thupia naven a mun a thu ngai ngawl in a um hang,
\v 11 Assyria kumpi ngalbawi te ngaldo tik in a mun Manasseh cu lingcam sung pen man in thik khau tuah a ken cengten Babilon khuapi ah pui haw hi.
\v 12 Mah tihcun Manasseh in haksat cimnak a thuak ten, a Topa Pathian cu hehpih ngen in a pu le pa tei Topa Pathian mai pen a mah le mah niamkhiat nak sasezet tuah,
\v 13 A thunget nak awnkam Pathian in ngai in, Manasseh uknak ngam Jerusalem khuapi ah kuat leh hi. Mah ten Topa Pathian a hihnak thu cu Manasseh in thei hi.
\p
\v 14 Mah cengten David khuapi a pawlam Gihon khuapi nitum nak lam hawkluam sung pen ngasa kongka pi tian hei hihen, Ophel innpi elkim sungah hei hihen, a sang zet mi khuapi khantian cu bawl hi. Judah ngam pen a kho mi khuapi hempoh sungah ngal bawi te pia hi.
\v 15 Ngam dang miphun tei pathian le a masa bawl mi zuk milim cu biakinn sung pen suah tulin biakinn mual hum, Jerusalem khuapi pen a masa bawl mi biakpiak nak taitan te vang khuapi a pawlam ah suah in vawk hi.
\v 16 Pathian biakpiak nak taitan te lem leh in pawlkom biakpiak nak le lungdam biakpiak nak cu pia hi. Judah miphun ten Isarel miphun tei Topa Pathian cu bia tukin thucah hi.
\v 17 Mah hang ngam sung miphun ten a sang mi umnak hum pen biakpiak nak bawl napi in, a muhtei Pathian bek cu bia haw hi.
\p
\v 18 Manasseh bawl mi thu a tanglaih hempoh te le a Pathian nelah thunget nak thu, Isarel miphun tei Topa Pathian thuneih nak le a ma nelah kamsang tei phuan mi awnkam cu Isarel kumpi thuanthu sungah ngan hi.
\v 19 A thunget nak, Pathian thu ngaihnak, haksat a hen laih ngawlin sual palcat nak, a sang mi umnak te a bawl nak, Asherah thing kung le zuk milim a bawl nak thu te Seer Laithiangtho sungah ngan hi.
\v 20 Manasseh cu a pu le pa te tuah hihbu in a inn sungah phum hi. A capa Amon in a pai hihhnak kumpi khun nak ah khung hi.
\s Judah kumpi Amon
\p
\v 21 Amon cu a kum kulluannih a kim ten kumpi khunnak ah khung in Jerusalem khuapi pen kumnih uk hi.
\v 22 Mahmi kumpi cu a pa Manasseh bawl mi bang Pathian mai pen sual bawl hi. A pai bawl mi zuk milim hempoh biakpiak nak pia in bia hi.
\v 23 A pa cu Pathian mai pen a mah le mah a niamkhiat bang, niamkhiat nak nei ngawlin a cuang in sual hi.
\v 24 A sila ten pawlkom nak bawl in kumpi inn sung pen that haw hi.
\v 25 Amon kumpi a langlam pen pawlkom nak a nei tu hempoh te ngam sung miphun ten that in, a capa Josiah cu a pai kumpi hihnak ah kumpi in koih haw hi.
\s Josiah kumpi in lemleh in a bawlnak
\c 34
\p
\v 1 Josiah a kum liat a kim ten kumpi khunnak ah khung in Jerusalem khuapi pen kum heikhat uk hi.
\v 2 Mahmi kumpi cu Pathian mai pen a dik mi thu bawl in a taklam le a veilam ah pial ngawlin a pa David zui mi lamzin zui hi.
\v 3 A kum dawm laih in kumpi uknak kum liat a kim ten, a pa David Pathian cu zei pan hi. A kum heinih ten Judah ngam Jerusalem khuapi sungah a um mi mual, Asherah thingkung, zuk milim suk mi, siluan mi zuk milim te siatsuah pan hi.
\v 4 Baal pathian tei biakpiak nak te a mai pen subal in, biakpiak nak a hum ah a sang in a koih mi zuk milim phuk haw hi. Asherah thingkung te le zuk milim a suk mi, siluan mi zuk millim te bot bal in a suk keh niknek cengten biakpiak nak a bawl tutei khan hum ah theh hi.
\v 5 Thiampi tei nguh cu mahmi biakpiak nak a bawl mi hum pen meihal in Judah ngam le Jerusalem khuapi cu thiangtho tik hi.
\v 6 Mah bang bok Manasseh ngam, Epharaim ngam, Simeon ngam, Naphtali ngam tian mun hempoh ah a um mi khuapi sungah phailai tuah bawl in,
\v 7 Biakpiak nak taitan te le Asherah thingkung te ektuah in, Isarel ngam sung hempoh ah a um mi zuk milim hempoh te phuk in, a suk keh cengten Jerusalem khuapi ah pin leh hi.
\p
\v 8 Kumpi uknak kum liat ten uknak ngam le biakinn a thiangtho tik cengten, a Topa Pathian inn lem leh tukin Azaliah capa Shaphan, khuapi uktu Maaseiah, Joahaz capa lai ngan tu Joah te hah hi.
\v 9 A mun thiampi ngeng Hilkiah nelah hawh in biakinn sungah mihing tampi tei ken mi ngun, Manasseh miphun, Epharaim miphun a tang mi Isarel miphun hempoh Judah miphun, Benjamin miphun, Jerusalem khua mi hempoh tei khut pen, kongka cing Levi miphun tei khon mi sum cu la in,
\v 10 Biakinn cu zo in a cingkem tu a muhtei sungah ap in a mun biakinn cu lem leh tukin na deh tu,
\v 11 Innsa thiam le lettama khut thiamnak a nei mi ca Judah kumpi siatsuah mi inn te cu lem tukin suih mi suang te le thulzawl a peh zawm panih kop te lei nak tukin pia haw hi.
\v 12 Na dek tute vang muantaak zet haw hi. Levi miphun, Merari miphun, Jahath le Obadiah, Kohath miphun hinnam, Zekhariah le Meshullam ten a nging thei namkim tum in lasa thiam mi Levi miphun hempoh ten zo in thapia haw hi.
\v 13 A mun na dek tu pen pan na deh tuk namkim a dek tu hempoh te cingin uk haw hi. Levi miphun hek khat te cu lai ngan tu, thukhen tu, kongka cing na dek haw hi.
\s Biakinn sung pen dan thukham a muh nak
\p
\v 14 Biakinn ah ken mi sum cu a suah ten thiampi Hilkiah in Mosi ngat mi Pathian thukham Laithiangtho mu in,
\v 15 A muhnak thu cu lai ngan tu Shaphan nelah hilh in mahmi Laihthiangtho cu ap hi.
\v 16 Shaphan in kumpi nelah keng in topai sila ten a thucah mi bang in bawl haw hi.
\v 17 Biakinn sung pen muh mi sum cu sem in uktu pa le na dek tutei sungah ap ceng zo hi tih hei hihen,
\v 18 Thiampi Hilkiah in ka nelah lai pakhat ap hi tih hei in hihen, hilh in kumpi mai pen sial hi.
\v 19 Kumpi in thudik awnkam a zak ten a silh mi puan cu botkek in,
\v 20 Thiampi Hilkiah, Shaphan capa Ahikam, Micah capa Abdon, lai ngan tu Shaphan a sila Asaiah cu sam in,
\v 21 A tuin muh mi Laithiangtho awnkam hang, keima ca Isarel ngam le Judah ngam sungah a tang laih mitei ca Pathian nelah thu dong haw hi. Pu le pa ten Pathian thupiak ngai ngawl in hi Laithiangtho sungah ngat mi bang a zui ngawl hang, Pathian in ohtei sungah nasezet in a thinuuk tuk hitin, ti hi.
\p
\v 22 Mahmi huncan sungin Harah capa a himi Tokhath capa Shallum nupi, kamsang nu Huldah cu Jerusalem khuapi sungah a um hang, Hilkiah le kumpi miphun ten mahmi numei nu nelah hawh in hilh haw hi.
\v 23 Numei nu in ka nelah hah mi a ma nelah nohten na hilh leh uh mi Isarel miphun tei Topa Pathian thupiak mi cu,
\v 24 Kumpi mai pen sial mi Laithiangtho sungah ngat mi hempoh a tamsiat nak awnkam kim tukin kei cu hi umnak sungah hei hihen, hi umnak miphun tei sungah hei hihen, haksat nak heng tik tuk hi.
\v 25 Itahum titale a mun keimah cu zam san haw zo hi. A muhtei bawl mi tuah ka thinuuk so tik tukin, a dang pathian mai pen ngimnam tui meihal haw zo hi. Mah hang hi umnak mun pen ka thinuuk mei cu mit ngawl in kang tik tuk hitin, ti hi.
\v 26 Pathian thu dong tik tukin nohtei hah mi Judah kumpi zak mi Laithiangtho awnkam camcawh in, Isarel miphun tei Topa Pathian thupiak mi kumpi nelah a hilh leh tuk thu cu,
\v 27 Hi umnak mun hei hihen, hi umnak miphun te hei hihen, ka thup mi awnkam na zak ten a nem mi thinlung nei in Pahthian mai pen mah le mah niamkhiat nak, a puan silh a bawhkek nak ka mai pen kah nak a bawl hang, na awnkam cu keiman ngai ing hi.
\v 28 Keiman nangmah cu pu le pa hulopkhawm nak mun ah kuat in nang cu daiden no khanmual ah heng tuk ci. Hi umnak mun pen hihen, hi umnak miphun tei sungah hei hihen, ka hen tik tuk mi haksat nak cu nangmah loli in mu tuk ma ci tin a thupiak mi cu a hilh leh bang in a mun kumpi nelah hilh leh haw hi.
\p
\v 29 Mah ten kumpi in Judah miphun, Jerusalem khua mi kum U ham hempoh sam in,
\v 30 Judah miphun, Jerusalem khua thiampi, Levi miphun, U pa le naupang hempoh te tuah biakinn sungah kai in biakinn sung pen muh mi Laithiangtho hempoh cu a mai pen sial hi.
\v 31 Kumpi in Pathian cu zei tung hi. A thupiak mi dan thukham cu thinlung a veng hawng cingkem tung hi. Hi Laithiangtho sungah a um mi thukhaam awnkam bang in zui tung hitin a umnak mun pen thukam bawl hi.
\v 32 Hulawmkhawm mi Judah miphun le Benjamin miphun hempoh ten thukam cu lungkim tukin bawl hi. Jerusalem khua mite vang pu le pa tei biak mi Pathian thukhaam bang zui haw hi.
\v 33 Josiah kumpi in a nawngkai mi na hempoh te Isarel miphun neihmi ngam mun hempoh pen vawk in, Isarel ngam sungah a um mi hempoh ten a muhtei Topa Pathian bia tukin a bawl hang, a ma uknak sung hempoh ah a mun sual bawl ngawl in pu le pa tei Topa Pathian nungah zui in um haw hi.
\s Kaltan puai Josiah kumpi bawlnak
\c 35
\p
\v 1 Mah cengten Josiah kumpi cu Jerusalem khuapi pen Pathian ca kaltan puai bawl in, hakhat ha ni heili in kaltan puai tuu no that haw hi.
\v 2 Thiampi te cu a muhtei hihnak ah pia in biakinn na cingkem tukin sosuah hi.
\v 3 Isarel miphun hempoh hilh in, Pathian ca a thiangtho mi Levi miphun sam in Isarel kumpi, David capa Solomon sak mi inn pen a thiangtho mi thingkuang koih haw hi. Mah cengten thingkuang cu pua leh tuk ngawl in, nohtei Topa Pathian na, Pathian mihing Isarel miphun tei na cu pua un.
\v 4 Isarel kumpi David thupiak mi lai, a capa Solomon thupiak mi lungkim nak lai bang in miphun hinnam zui in, mah le mah tuangtip nak bawl in,
\v 5 Ngam sung miphun a himi nohtei U le nau, pu le pa tei hinnam le Levi miphun hinnam tek umnak a um bang in a thiangtho mi umnak mun ah ding un.
\v 6 Mah tihcun kaltan puai tuu no that in mah le mah thiangtho tik ta un. Nohtei U le nau te cu Mosi hang, Pathian thucah mi bang bawl tukin a muhte vang tuangtip nak nei haw ta hen tin, thupia hi.
\p
\v 7 Hulawmkhawm mi hempoh ten kaltan puai ca Josiah kumpi in a ma neihmi tuu no, kel no thawngthum (3,000) le khui (3,000) cu pia hi.
\v 8 Bawi U pa ten phalnak thinlung nei in mihing te, thiampi, Levi mite cu pia haw hi. Biakinn uktu bawi Hilkiah, Zekhariah, Jehiel te vang kaltan puai ca tuk tuu, kel, thawngnih le zaluk (2,600) le khui zathum (300) cu thiampi te pia haw hi.
\v 9 Levi miphun U pa, Conaniah, Shemaiah, Nethanel, Hashabiah, Jeiel, Jozabad le a nau te vang kaltan puai ca tuk tuu, kel thawngnga (5,000) le khui zanga (500) cu Levi tei lakah pia haw hi.
\p
\v 10 Mah tihcun kumpi thupiak nak bang na deh tuk bawlin thiampi ten, a muhtei umnak mun pen ding in Levi miphun ten a muhtei na cu dek haw hi.
\v 11 Kaltan puai tuu no that in thiampi ten a thisan khut tuah theh in, Levi miphun ten a vun cu hawk haw hi.
\v 12 Mosi Laithiangtho sungah a ngat mi bang, Pathian biakpiak nak pia tukin miphun hinnam zui in miphun hempoh te pia tukin meihal biakpiak nak te le khui te khen in koih haw hi.
\v 13 Dan thu a bawl mi bang, kaltan puai tuu no cu mei tuah in em haw hi. A thiangtho mi a dang a piak mi hempoh te cu leibel, thik bel, thik khaza tuah huan in mi hempoh ten a man lang in mawhsiat cih haw hi.
\v 14 Mah cengten a ma ca le thiampi ca tuk bawl haw hi. Aaron capa thiampi ten taklam tian meihal biakpiak nak le a thau a piak nak a um hang, Levi miphun ten mai ca in hihen, Aaron capa thiampi ca tukin hihen bawl haw hi.
\v 15 David le kumpi tei kamsang Asaph, Heman, Jeduthun tei bawl mi bang in Asaph miphun la lem sa tute cu a muhtei umnak mun ah um haw hi. Kongka cing tuten a muhtei na cu dek in kongka hempoh cing haw hi. A muhtei U le nau Levi miphun ten a mu ca tukin bawl haw hi.
\p
\v 16 Mah tihcun Josiah kumpi thupiak mi bang, kaltan puai bawlin Pathian biakpiak nak hum pen meihal biakpiak nak te pia tuk in Pathian nelah bawl mi na hempoh mahmi ni in bawl haw hi.
\v 17 Hulawmkhawm mi Isarel miphun ten mah huncan ten kaltan puai hei hihen, naman sawh ngawl moh puai hei hihen, ni salih sung bawl haw hi.
\v 18 Josiah kumpi le thiampi, Levi miphun, hulawmkhawm mi Judah ngam, Isarel ngam miphun, Jerusalem khua mitei kaltan puai bawl bang mi puai cu kamsang Samuel khut sung pen pan Isarel ngam sungah bawl ma hi. Mah tih bang mi kaltan puai cu Isarel kumpi pakhat no hei in bawl ma hi.
\v 19 Josiah kumpi uknak kum heiliat a kim ten, mahmi kaltan puai bawl haw hi.
\s Josiah kumpi thihnak
\p
\v 20 Mah cengten Josiah in biakinn a bawl cengten Izip kumpi Neco cu Euphrate ngun mawk, Carchemish khuapi ah ngaldo tukin Josiah kumpi kham tukin tul hi.
\v 21 Izip kumpi in Judah kumpi pa aw, nang cu keimah tuah itihbang in seng kha hum? Nangmah cu tuni in keiman ngaldo ing hima maw. Keimah tuah ngaldo nak a cang mi miphun cu do ing hi. Keiman a man lang bawl tuk thu cu Pathian in thucah zo hi. Keima lam ah a um mi Pathian do ngawl in um in. Mah a hima tale nangmah siatsuah tuk hitin thuthang puak tu hah in thucah hi.
\v 22 Mah hang Josiah cu pial theih ngawlin Neco hilh mi Pathian thupiak mi ngai ngawlin, ngaldo tukin a lamdang mi a thuam bawl in Megiddo hawkluam ngaldo nak sungah tum hi.
\v 23 Thal kap thiam ngalhang ten Josiah kumpi kap in a khak hang kumpi in keimah pui hen hi. Nasezet a khaknak thuak ing hitin sila tei lakah a tih ten,
\v 24 Sila ten cipuh leng hum pen khiasuk in cipuh leng panih nak humah a koih cengten, Jerusalem khuapi ah a hawh pih ten thi in pu le pa tei khanmual ah phum hi. Judah miphun Jerusalem khua mi hempoh ten Josiah kumpi a thih hang, khuangai kap in um haw hi.
\v 25 Jeremiah in kah nak thu cu la lem sa tu pano le numei hempoh ten tuni tian Josiah kumpi cu phawkin mahmi a kahnak thu a man hang Isarel dan in cang hi. Mahmi thu cu kah nak lai sungah ngan hi.
\v 26 Josiah bawl mi thu a tang laih hempoh te le Pathian dan thukhaam sungah ngat mi bang a phatnak,
\v 27 A nuncan ziaza thu a pat pen pan a tawp tian Isarel kumpi thuanthu le Judah kumpi thuanthu sungah ngan hi.
\c 36
\p
\v 1 Ngam sung mipi ten Josiah capa Jehoahaz pui in Jerusalem khuapi pen a pai hihnak kumpi khunnak hum ah koih haw hi.
\s Judah kumpi Jehoahaz
\v 2 Jehoahaz cu a kum heithum a kim ten kumpi khunnak ah khung in Jerusalem khuapi pen hathum uk hi.
\v 3 Mahmi kumpi cu Izip kumpi in Jerusalem khuapi ah kumpi koih in, Judah ngam sung pen ngun cuai thawngkhat (1,000) le sui cuai sawm (10) cu a siah ngen hi.
\v 4 Izip kumpi Neco in Jehoahaz nau Eliakim cu Judah ngam, Jerusalem khuapi kumpi hum ah koih in Jehoiakim min thak a piak cengten, a nau Jehoahaz cu Izip ngam ah pui hi.
\s Judah kumpi Jehoiakim
\p
\v 5 Jejoiakim cu a kum kulluannga a kim ten, kumpi khunnak hum ah khung in Jerusalem khuapi pen kum heinih uk hi. Mahmi kumpi in a Topa Pathian mai pen sual bawl hi.
\v 6 Mah hang, Babilon kumpi Nebuchanezzar cu ngaldo tuk hung in Babilon khuapi ah man tuk in, thikkhau tuah ken hi.
\v 7 Biakinn van hek khat te vang la in Babilon khuapi biakinn ah koih hi.
\v 8 Jehoiakim bawl mi thu a tang laih hempoh le a nawngkai sual a bawl a lang mi a thinlung cu Isarel kumpi thuanthu le Judah kumpi thuanthu sungah ngan hi. A capa Jehoiachin cu a pai hihnak kumpi khunnak ah khung hi.
\s Judah kumpi Jehoiachin
\p
\v 9 Jehoiachin cu a kum heiliat a kim ten kumpi khunnak ah khung in Jerusalem khuapi pen hathum le ni luk uk hi. Mahmi kumpi cu Pathian mai pen sual bawl hi.
\v 10 Khua khal huncan a hen ten Nebuchanezzar kumpi in ngaldo tikin, mahmi kumpi tuah a pha mi biakinn van hempoh te Babilon khuapi ah keng in, a pasel nau tabel Zedekiah cu Judah ngam Jerusalem khuapi kumpi inn hum ah koih hi.
\s Judah kumpi Zedekiah
\p
\v 11 Zedekiah cu a kum heinih a kim ten kumpi khunnak ah khungin Jerusalem khuapi pen kum heikhat uk hi.
\v 12 Mahmi kumpi in a Topa Pathian mai pen sual bawl hi. Pathian thupiak a hilh mi kamsang Jeremiah mai pen niamkhiat nak nei ma hi.
\v 13 Pathian tamsiat mi Nebuchanezzar kumpi cu do hi. Isarel miphun tei Topa Pathian nelah pin leh tuk ngawlin a ngawng ah hei hihen, a thinlung hei khoh tik hi.
\v 14 Mah bek sial ngawl thiampi ngeng te le ngam sung mipi hempoh ten a nawngkai mi ngam dang miphun bawl mi bang nase dedeuh in sual bawl haw hi. Jerusalem khuapi pen Pathian thianlim tik mi biakinn cu bal tik haw hi.
\s Jerusalem khuapi a caknak
\v 15 Pu le pa tei Topa Pathian in a miphun le a umnak mun cu a hehpih hang, zing khawma no tho in thuthang puak tu thucah thuah a bet ta vang,
\v 16 Pathian biakinn nuihcip in a thupiak mi ngai ngawl kamsang te a bawl siat hang, Pathian thinuuk nak tawp thei ngawlin a miphun a tul hang,
\v 17 Chaldean kumpi do tik hi. Mahmi kumpi cu a thiangtho mi umnak inn sung pen, tangval te nam tuah that hi. Tangval pano, khanglai, mi tek, kum U ham elkun mite hei hehpih ngawl in a um mi hempoh kumpi khut sungah ap hi.
\v 18 Biakinn van a ngeng a neu hei hihen, biakinn van, kumpi van, bawi U pa van hempoh te hei hihen, Babilon khuapi ah keng hi.
\v 19 Biakinn vang meihal in Jerusalem khuapi khantian vang subal haw hi. Kumpi inn hempoh meihal in, khuapi van a pha mi hempoh siatsuah haw hi.
\v 20 Nam haksat nak pen a luat mi a muhte cu Babilon khuapi ah man in, a mun Persia ngam a dit lak lawh tian kumpi nelah a tu le ca tei lakpen sila thuak in um haw hi.
\v 21 Mah tihcun Isarel ngam cu colhni te lungdam tukin Jeremiah hilh mi Pathian thupiak mi kim hi. Mahmi ngam cu miveng um mi huncan, kumsawm salih kim tukin colhni te cingkep nak thu um hi.
\v 22 Jeremiah hilh mi Pathian thupiak kim tukin Persia kumpi Cyrus kumpi uknak kum khat ten Pathian in a sosuah hang, mahmi kumpi cu a thupiak nak lai a suah cengten Persia ngam hempoh ah thuthan tikin,
\v 23 Persia kumpi Cyrus thupiak mi cu vancung Topa Pathian in leihum ngam hempoh ka piak mi a hih hang, Judah ngam Jerusalem khuapi ah inn cu keimah sa tik tukin thucah zo hi.