cnw_reg/12-2KI.usfm

\id 2KI
\ide UTF-8
\rem The text in this file was extracted from C:/DCS/Chin, Ngawn/WORD/12. 2 Kings. docx.
\mt 2 Kumpi
\h 2 Kumpi
\mt 2 Kumpi
\toc1 2 Kumpi
\toc2 2 Kumpi
\toc3 2ki
\s Ahaziah kumpi hum ah Pathian thukhen nak
\c 1
\p
\v 1 Ahab kumpi a thih cengten Moab ngam in Isarel kumpi cu do hi.
\v 2 Ahaziah kumpi in Samaria khuapi sung a hum ta khan tukvelh pen cak in a nat hang, kei man hi nat pen dam leh tuk hitin, Ekron khuapi tei pathian Baal-zebub nelah hawh in dong ta un hitin, thucah in thuthang puak tute hah hi.
\v 3 Pathian vancung mi in Tishb khua mi Elijah cu Samaria kumpi hah mi thuthang puak tute muak tuk in hawh ten hi. Isarel ngam sungah Pathian a um ngawl hang, Ekron tei pathian Baal-zabub nelah hawh in thu dong cim maw.
\v 4 Mah hang, Pathian thupiak mi nang cu a tuin ihkhun zaunak a hum pen tolh leh tuk ma toh ci. A thungai in thi tuk ci tin a muhte a hilh tuk mi thu a piak bang, Elijah cu hawh hi.
\p
\v 5 Thuthang puak tute a pin kik leh ten kumpi in ita a tuin pin kik leh uh cim tin a dong tale,
\v 6 A mun, mihing pakhat in kei muhte muak tuk hung in nang muhte hah tu kumpi nelah pin kik leh ta un. Pathian thupiak mi cu Isarel ngam sungah Pathian a um ngawl hang, Ekron khuapi tei pathian Baal-zabub nelah hawh in thu dong uh cim maw. Mah hang nang cu a tuin ihkhun zaunak hum pen tolhsuk leh tuk ma ci. A thungai in thi tuk ci tin hilh tuk mi thu cah hitin, ti haw hi.
\v 7 Kumpi in nang muhte muak hung in hi tihbang cun a hilh tu pa cu a kua hum tin a dong ta le,
\v 8 A mun, a mah cu a pumpi ah mul tampi um in savun taipom a het tupa hitin a tih haw ten, a mah cu Tishb khua mi Elijah hi tuk hitin kumpi in a tih ten,
\v 9 Mihing sawm nga uktu ngalkap bawi hah in, ngalkap bawi cu mual hum ah a khung mi Elijah nelah a hen ten Pathian mihing aw, nang mah tolhsuk tuk thu kumpi thupiak um hitin, ti hi.
\v 10 Elijah in kei cu Pathian mihing man ngai tale vanhum pen mei cak sukin nangmah le na mihing sawmnga te cu kang hen tin tiin, mihing sawmnga uktu ngalkap bawi a tihbang, vanhum pen mei cak sukin a mah le a ma nelah a tel mi mihing sawmnga te cu kang hi.
\v 11 Mah cengten ngalkap sawm nga uktu bawi pakhat cu kumpi in hah in, mahmi ngalkap uktu bawi cu Pathian mihing aw, nang cu a man lang in tolhsuk tuk thu kumpi thupiak mi um hitin, ti hi.
\v 12 Elijah in kei cu Pathian mihing man ngai tale vanhum pen mei cakin nangmah le na mihing sawm nga te mei kang hen tin a muhte a tihbang, Pathian mei cu vanhum pen cak sukin a mah le a ma nelah a tel mi mihing sawm nga te kang hi.
\v 13 Mah cengten mihing sawm nga uktu a veithum nak ngalkap bawi cu kumpi in a hah hang, mahmi ngalkap bawi cu kai in Elijah mai ah khukdin in Pathian mihing aw, ka nunnak le topai sila hi mihing sawm nga tei nunnak cu sahelh in a sunglawi mi hi.
\v 14 Vanhum pen mei cu cak sukin a dang ngalkap uktu bawi panih le a muhtei sungah a tel mi mihing zakhat cu meikang naven ka nunnak cu hehpih ngen ing hi.
\v 15 Pathian vancung mi in a mah tuah tolhsuk in hi. A mah cu lau pah sin hitin Elijah nelah a tihbang, Elijah cu tho in kumpi nelah a hen ten,
\v 16 Pathian thupiak mi nang cu Ekron khuapi tei pathian Baal-zabub thu dong tukin ita thuthang puak tute hah cim? Thudot tuk Isarel ngam sungah Pathian a um ngawl hang mah tihcun bawl cim maw. Mah hang nang cu a tuin kai in ihkhun zaunak humpen tolhsuk leh tuk ma ci. A thungai in thi tuk ci tin a thupiak mi cu hilh hi.
\p
\v 17 Elijah hilh mi Pathian awnkam bang kumpi cu thi in capa a neih ngawl hang, a nau Jehoram cu Judah kumpi Jehoshaphat capa Jehoram kumpi kumnih nak a uk ten kumpi khunnak ah khung hi.
\v 18 Ahaziah bawl mi thu a tang laih hempoh Isarel thuanthu sungah ngan hi.
\s Elijah vanhum ah a kainak
\c 2
\p
\v 1 Pathian in Elijah cu huih simpi tuah vanhum ah a lak tuk huncan a nai ten, Elijah in Elisha tuah Gilgal khua ah hawh hi.
\v 2 Elijah in hi umnak munah um hih in. Pathian in keimah cu Bethel khuapi ah hah hitin, Elisha cu a hilh ten Elisha in Pathian a nun sung hempoh topai nun sung hempoh topa le kei cu khen thei tuk mang hitin don leh in mah a mu panih cu Bethel khua ah hawh haw hi.
\v 3 Mah khuapi sungah a um tu kamsang miphun hemoh ten Elisha vaimuak tukin a hawh tul hang, Pathian in na topa cu topai lu pen tuni in la tuk hi tih cu thei cim maw tin a dot ten, he thei ing hi. Daiden no um un hitin, ti hi.
\v 4 Elijah in Elisha aw, hi umnak mun ah um hih in. Pathian in keimah cu Jeriko khua ah hah hitin a tih ten Elisha in Pathian a nun sung hempoh topa tuah kei cu khen thei ma hitin a don leh ten, a mu panih cu Jeriko khuapi ah hawh haw hi.
\v 5 Mahmi khuapi sungah a um tu kamsang ten Elisha nelah hung in, Pathian in na topa cu topai lu pen tuni in la tuk hi tih cu thei cim maw tin a dot ten, he thei ing hi. Daiden no um un hitin, ti hi.
\v 6 Elijah in hi umnak mun ah um in hi. Pathian in kei cu Jodan ngun ah hah hitin a tih ten, Elisha in Pathian a nun sung hempoh topa le keimah cu khen theih tuk ma hitin don leh in, a mu panih cu langkhat in hawh ngel haw hi.
\v 7 Kamsang sawm nga ten khuala a kang pen zo tuk hawh in ding haw hi. A muhtei panih cu Jodan ngun tuipi bulah ding haw hi.
\v 8 Elijah in a puan silh cu la in a zial ceng tuipi a vah ten, tui cu a langlam le a langlam ah khen in a mu panih cu leihum tawn in hawh haw hi.
\v 9 Tuipi ngalkhat lam ah a hen ten Elijah in nangmah tuah ka khen laih ngawlin ka nelah laksawng pakhat ngen in hitin, Elisha cu a tih ten Elisha in topai hawvang letnih ca tuk keima hum ah um ta hen tin a nget ten,
\v 10 Elijah in nang cu ngah tuk a haksa mi laksawng ngen ci. Nangmah le keimah khennak na mu tale ngah tuk ci. Mah a hima tale ngah tuk ma ci tin, ti hi.
\v 11 Mah tihcun otpih in a hawh laih tak cipuh mei leng le mei cipuh te heng in mahmi a mu panih cu khen in, Elijah cu huih simpi tuah vanhum ah kai hi.
\v 12 Elisha in zo in a muhten kapa, kapa, Isarel miphun cipuh leng, Isarel cipuh hima maw tin au naven, Elijah cu muh leh ma zo hi. A puan cu len in khennih in botkek hi.
\v 13 A nuai ah a cak suk mi Elijah angki cu khul in pin hi. Jodan ngun tuipi bulah dingin,
\v 14 Tuipi cu angki tuah vat in, Elijah biak mi Topa Pathian cu ai lai ah um cim tin a vah leh ten, tuipi cu a langlam le a langlam ah a khen hang Elisha cu hawh hi.
\p
\v 15 Jeriko khuapi pen a zo tu kamsang miphun ten Elisha cu a muh ten, Elijah hawvang cu Elisha hum ah um hitin tiin vaimuak tuk a hawh hang, a mai pen lei ah bopkhup haw hi.
\v 16 A mun topai sila sungah thazang ngilnak nei tu sawm nga um hi. A muhte cu hawh in na topa zei tuk thupia in hi. Pathian hawvang in a mah cu la in mual pakhat hum ah hei hihen, huakluam sungah hei hihen, koih tuk hitin phalnak thu a ngen ten hah pah sun hitin Elisha in kham naven,
\v 17 A mun Elisha cu thinkiam tuk tian nasezet in a nget ten hah ta un hitin, ti hi. A mun mihing sawm nga a hah hang, nithum sung zei in mu haw ma hi.
\v 18 Elisha cu Jeriko khuapi ah a um laih hang, a muhte a pin ten hawh pah sun hitin keiman kham zo hima maw tin, ti hi.
\s Natnak a dam tik thei mi tui
\p
\v 19 Mah khua miten, topai muh mi bang in hi khuapi umnak mun cu nop hi. Mah hang tui pha ma hi, a lei vang nau sia thei hitin Elisah nelah a hilh haw ten,
\v 20 Elisha in thawl thak pakhat cu ci sawh in la ta un tin a tihbang in la haw hi.
\v 21 Elisah in ciktui khuk umnak mun ah hawh in ci a sawh ten, Pathian thupiak mi hi tui cu keiman hum tik ing. Mah cengten thi leh tuk ngawl toh thu, nau sia tik thei mi cu um leh tuk ma toh hitin,
\v 22 Elisha hilh mi a thupiak nak bang mahmi tui cu tuni tian hum hi.
\s Elisha a zawn sak tu tangval te
\p
\v 23 Mahmi khuapi pen Bethel khuapi ah pin in khual a zin laih tak tangval ten khuapi sung pen tulin, lukolh pa, kai in hi. Lukolh pa kai in hitin zawn sak haw hi.
\v 24 Elisha in a zoh kik leh ten, Pathian phalnak thu tuah a tamsiat hang vom nu panih cu ngam sung pen tulin tangval sawmli le panih te cu pet hum hi.
\v 25 Mahmi khuapi pen Carmel mual ah hei hihen, mahmi mual pen Samaria khuapi ah hei hihen, a dan bang kel no in hawh hi.
\s Moab kumpi a do nak
\c 3
\p
\v 1 Judah kumpi Jehoshaphat in kum kulluanliat a ukten, Ahab capa Jehoram cu Samaria khuapi sung pen kumpi dek in Isarel ngam cu uk hi.
\v 2 Mahmi kumpi cu Pathian mai pen sual bawl hi. Mah hang nu le pa te bang in bawl ma hi. A pai bawl mi Baal zuk milim cu vawk hi.
\v 3 Mah vanen Isarel miphun a sual tik tu Nabat capa Jerobaom bawl mi sual cu pial ma hi.
\p
\v 4 Moab kumpi Mesha cu tuu cingtu ngeng bel a hih hang, Isarel kumpi in tuu no tingkhat (100,000) le a mul tel mi tuu cang tingkhat (100,000) cu pia hi.
\v 5 Ahab a thih ten Moab kumpi in Isarel kumpi do hi.
\v 6 Mah ten Jehoram kumpi in Samaria khuapi pen tul in Isarel miphun hempoh cazin la hi.
\v 7 Judah kumpi Jehoshaphat nelah mihing hah in, Moab kumpi in keimah do zo hi. Moab ngam cu ngaldo tukin keimah tuah langkhat zui ni cim tin a dong tale Jehoshaphat in keiman zui tung hi. Kei cu kumpi bang ing hi. Ka miphun ten kumpi tei mihing bang hei in hihen cang haw tuk hitin, don leh hi.
\v 8 Ilai lamzin pen ngaldo tuk hum tin a dot ten, Edom lamzin pen ngamthok hawh tuk tin, don leh hi.
\v 9 Mah tihcun Isarel kumpi, Judah kumpi, Edom kumpi ten kil in ni salih khualzin haw hi. Ngalkap tei in tuk tui, ngamsa tei in tuk tui um ma hi.
\v 10 Isarel kumpi cu haksat tawk zo hi. Pathian in hi kumpi pathum te Moab miphun tei khut sungah ap tukin hulawmkhawm tik zo hitin, ti hi.
\v 11 Jehoshaphat in Pathian thu dot tuk Pathian kamsang pakhat no hei um ma maw tin a dot ten, Isarel kumpi tei sila pakhat in, Elijah bawm tu Shaphat capa Elisha um hitin a tih ten,
\v 12 Jehoshaphat in Pathian awnkam cu a ma sungah um hitin a tih ten, kumpi pathum ten Elisha nelah hawh haw hi.
\p
\v 13 Elisha in Isarel kumpi, kei cu nangmah tuah itihbang in seng hum? Na pai kamsang, na nui kamsang tei lakah hawh in hitin a tih ten, Isarel kumpi in ti pah sin hi. Pathian in hi kumpi pathum te Moab miphun tei khut sungah ap tukin hulawmkhawm tik zo hitin a tih ten,
\v 14 Elisha in ka biak mi vancung ngalkap Topa Pathian cu a nung mi bang in, Judah kumpi Jehoshaphat mitmai keiman ka zo tale nangmah cu kei man mu nuam mang hi.
\v 15 Phaidak tum thiam te sam in hitin a tih hang phaidak tum thiam ten a tum ten, Pathian khut cu Elisha khut hum ah heng in,
\v 16 Pathian thupiak mi cu hi huakluam elkim ah khantiang in bawl un.
\v 17 Itahum titale, nang muhte le ngamsa tei in tuk nguahzu ngawl huih theu ngawlin hi luam sung pen tui tuah dim tuk hi.
\v 18 Mahmi thu cu Pathian mai pen sontham ngawl mi thu hi. Moab miphun te cu nang muhtei khut sungah ap tuk hi.
\v 19 Nohten a lamdang a kho mi khuapi ah a um mi hempoh te phuk tawng khawng tuk uh ci. A pha mi lo ngam hempoh te ngaisung in siatsuah haw tuk hitin, ti hi.
\v 20 Zinglam huncan an tuah biakpiak nak a piak ten, tui cu Edom lamzin pen hung in ngam sung hempoh ah tui lun tuk hi.
\p
\v 21 Kumpi tei ngaldo nak thu Maob ngam sung mi hempoh ten a zak ten, ngal hiamnam a keng tu U pa naupang hempoh hulawmkhawm tik in, ngam mawk ah ngiahsat in um haw hi.
\v 22 Zing khawma no a thawh ten tui hum ah vak nak cu lang in, ngam sungah tui cu thisan bang in a san mi cu Moab ngam ten a mu haw tale,
\v 23 Thisan hi. A thungai in kumpi ten pakhat nung pakhat that khawng haw zo hi. Mah hang Moab ngam miphun ten long haw ta hen tin, ti haw hi.
\v 24 Isarel ngalkap tei umnak ah a hen ten Isarel miphun te tho in Moab ngam miphun te a hil hang, a muhte cu tai haw hi. Isarel miphun ten Moab ngam sung tian hil in that haw hi.
\v 25 Khuapi te subal in siatsuah haw. A pha mi lei ngam a um mi hempoh hum ah mi hempoh ten suangvawk in dip haw hi. Tuikhuk a um mi hempoh te leidip in, man a nei mi thing kung hempoh phuk khawng haw hi. Kir-hareseth khuapi sung bek khuapi khantian cu zam in saili kap thiam ten kil in kap haw hi.
\v 26 Moab kumpi in ngaldo a thuak theih ngawl nak a theih ten, nam cawi tu mihing za salih sam in Edom kumpi ngalkap te siatsuah tuk tin, zuamnak nei naven siatsuah thei ma hi.
\v 27 Mah cengten a ma ai in kumpi khunnak hum ah a khung taak mi a capa Upa bel keng in, khuapi khantian nak hum ah meihal biakpiak nak bawl hi. Isarel miphun ten midang tei thinuuk nak a thuak hang, mah mi ngam cu zam in a ngam ah pin leh haw hi.
\s Meivong nui sathau
\c 4
\p
\v 1 Kamsang zi pakhat cu Elisha nelah hung in na sila ka pasal thi zo hi. Na sila in Pathian U pat tu a hihnak cu nangman thei ci. A tuin lei ka cawinak pan ka capa panih cu sila la tukin hung zo hitin, ti hi.
\v 2 Elisha in nangma ca tuk keiman ai bawl tung kaw? Na inn ah ai nei cim tin a dot ten, topa aw ka inn sungah sathau bel pakhat sial ngawl imah um ma hitin a don leh ten,
\v 3 Elisha in hawh ten hi. Na inn nel pih tei bel a lawng mi cu zawng in. Bel tampi zawng in hi.
\v 4 Topa cu inn ah a hen ten a capa cu sam in kongka pi a khah cengten a zawn mi bel sungah sathau a dim tian sungin hitin a thupiak mi bang,
\v 5 Mahmi numei nu cu hawh in a caten bel te a lak cengten, numei nu in a capa te tuah inn sungah lut tum kongka pi khak in sathau cu sung hi.
\v 6 Bel sungah sathau a dim ten bel pakhat la in tin a cate a tih ten, bel a lawng um ma zo hitin a don leh ten, sathau cu cawl hi.
\v 7 Mahmi numei nu cu hung in Pathian mihing nelah a hilh ten, a man mahmi sathau cu na zuak cengten leibat loh in hi. A tang mi sathau cu muang in na cate cawm ten hitin, ti hi.
\s Shunem numei nui capa a nun leh tiknak
\p
\v 8 Nikhat ni in Elisha cu Shunem khuapi ah a hawh laih tak, mahmi khuapi sungah a lang mi numei pakhat in Elisha cu an do tukin sam hi. Mah cengten mahmi lamzin ah a hawh le leng ten, mahmi an do tukin mahmi inn ah lut tum thei hi.
\v 9 Numei nu in kohtei umnak lamzin pen a cat ngawl a hawh mipa cu Pathian a thiangtho mi hi tih cu keiman thei ing hi.
\v 10 Inn humta ah a khan no pakhat bawl sak tuk hung hi. A ma ca tuk ihkhun zaunak, cabuai, khunnak, meivak nak khung koih tuk hung. Mah hang a mah cu ohtei lakah a hen ten, mahmi khan sungah lut tum tuk hitin a sila Gehazi cu a son nak bang sam in numei nu in Elisha mai ah ding in um hi.
\v 11 Nikhat ni in Elisha a hen ten, mahmi khan sungah lut tum in zau hi.
\v 12 Mahmi Shunem khua numei cu sam in hitin a sila Gehazi cu a tiknak bang sam in, numei nu cu Elisha mai ah ding hi.
\v 13 Elisha in nang cu kohtei ca hizah loli tian cawmnak hang na ca in ai bawl sak tuk um kaw? Nangma ca tuk kumpi ngalkap bawipi nelah kei man hilh sak tung maw tin Gehazi thu dot tuk thu a ngaihsut ten, numei nu in na miphun tei sungah um hih poh in hitin, ti hi.
\v 14 Elisha in hi numei nui ca tuk itihbang bawl sak tuk um hum tin a dot leh ten, Gehazi in hi numei nu in capa nei ma hi. A pasal vang tek zet zo hitin a tih ten,
\v 15 Veikhat sam leh ta un hitin a tik nak bang sam in numei nu cu kongka pi ah ding hi.
\v 16 Elisha in, nangmah cu mai kum hi tihbang huncan a kim ten capa pom tuk ci tin a tih ten numei nu in, ka topa aw, Pathian mihing topai sila cu zol thu mang pah sin hitin, don leh hi.
\p
\v 17 Mah cengten numei nu cu naupai in, Elisha ni tiap mi huncan a kim ten capa hing hi.
\v 18 Mahmi capa cu nawi a tawp cengten, nikhat ni cu cangat tutei umnak mun a pai nelah a hawh hang,
\v 19 Keimah cu ka lu na hi. Lu na hitin kapai nelah ka hilh ten ka pan nauno cu a nui nelah pui ta un tin tangval te cu hilh hi.
\v 20 Tangval ten a nui nelah hawh pih in, nau no cu a nui ang sungah khung in sun huncan a kim ten thi hi.
\v 21 A nu cu khuapi khantian nak hum ah kai in a luang cu Pathian mihing ihkhun zaunak hum ah a koih cengten, kongka pi cu khak in hawh hi.
\v 22 A pasal vang sam in kei cu Pathian mihing umnak mun ah tai in pin kik leh tung hi. Tangval pakhat tuah laak pakhat cu khung in tin a tih ten,
\v 23 A pasal in ita tuni in hawh nuam nge cim? Ha thak ni le hi ngawl, cawlhni le hi ngawl tin a tih ten numei nu in pha tuk poh hitin, don leh hi.
\v 24 Laak van te a bawl cengten sila cu sam in hawh hi. Keiman ka hilh ma tale keima thu hang cuum het no hawh pah sin hitin a sila pa cu thu a cah hang,
\v 25 Khualzin in Pathian mihing umnak mun, Carmel mual humah a hennak thu Pathian mihing in khuala pi pen a muh ten, a sila Gehazi cu sam in Shunem numei nu hung hi.
\v 26 Nang cu tai in vai a muah cengten dam cim maw, na pasal e dam maw. Nauno e dam maw tin hawh in a dot tik ten numei nu in dam ing hitin, ti hi.
\v 27 Pathian mihing umnak mual hum a hen ten a ke pen pom hi. Gehazi kham tuk in a hawh tale Pathian mihing in kham pah sin. A mah cu thinkham nak nei hi. Mahmi thu cu Pathian in keimah lak ma hi. Sel sak zo hitin, ti hi.
\v 28 Numei nu in kei cu ka topai nelpen laksawng ngen ing maw. Keimah cu zol thu mang pah sin hitin ti hima maw tin, ti hi.
\v 29 Elisha in Gehazi sam in na el cu het in. Ka thiangkhut cawi in hawh in. Lamzin pen midang te na tawk tale otpih pah sin. Nangmah cu midang ten a otpih tale don leh pah sin. Ka thiangkhut cu nau mitmai hum ah koih in hitin, thucah ta hi.
\v 30 A nu in Pathian a nun sung hempoh, topa a nun sung hempoh keiman topa tuah khen in hawh thei tuk mang hitin a tih ten Elisha cu tho in zui hi.
\v 31 Gehazi cu a masa hawh in thiangkhut cu nauno mai hum ah a koih ta vang, nau no cu aw suak ngawlin um hi. Imah poi sa ma hi. Mah hang Gehazi in Elisha cu vaimuah nak bawl in nauno cu tho ma hitin, hilh hi.
\p
\v 32 Elisha cu inn ah a hen ten nauno cu thi in, a ma ihkhun zaunak hum ah a koih mi cu a muh hang,
\v 33 A sungah lut tum in mihing panih bek um tukin, kongka pi cu khak in Pathian nelah thungen hi.
\v 34 Nauno bul ah nek in a ma hum ah zau in a muk le muk, a mit le mit, a khut le khut cu thuah in nauno hum ah a mah cu a thal hang nauno taksa cu lum pan in um hi.
\v 35 Mah cengten tolh in a khan sung lamzin ah a vah cengten, hawh tum leh in nauno hum ah a thal leh hang nauno cu vei salih hahthit in a mit vak hi.
\v 36 Elisha in Gehazi cu sam in, Shunem khua numei nu sam in hitin a tihnak bang sam in a mah cu a hen ten, Elisha in na capa cu pompai in hitin, ti hi.
\v 37 Numei nu cu a sungah lut tum in leihum ah bop khup in a biak cengten, capa cu pompai in hawh tul hi.
\s Bel sungah haksat thihnak
\p
\v 38 Mah cengten Elisha cu Gilgal khuapi ah hawh in mahmi ngam sungah ningkial pamtung hi. Kamsang ten Elisha mai ah a khun laih haw in, kamsang tei ca tuk bel ngeng pi bawl in tuihang huan in hitin a sila pai nelah in ti hi.
\v 39 Mihing pakhat in anceh hing lo tukin lo sungah a hawh ten ngam khau kung a mu tale ngam ummngah a pompaih theih tawk a lawh cengten,
\v 40 Mahmi umm phunnam cu thei ngawl in tuihang bel sungah sawh hi. Tuihang ei tukin a sun cengten kil khawm in a eih laih tak Pathian mihing in, bel sungah haksat thihnak um hitin au in an ei thei ngawl in um haw hi.
\v 41 Elisha in moh ngawivam cu la in hitin tiin bel sungah a sawh cengten, mihing tampi tei eih tuk sung in hitin a tih leh ten, bel sungah haksat nak um ma zo hi.
\s Mihing zakhat a cawmnak
\p
\v 42 Mah cengten Baal-shalisha khuapi pen mihing pakhat hung in, anthak barly cang tuah bawl mi moh kul le dip sungah koih mi ancang te Pathian mihing nelah keng hi. Elisha in hi mihing tampi te cawm in hitin a tih ten,
\v 43 Keiman ita kaw? Keiman mihing zakhat cu hizah no tuah bek cawm thei tung maw tin a tih ten, Elisha in hi mihing te cawm in hi. Pathian thupiak mi cu a mun kham zet a ei haw ta vang an eih tuk val tuk laih hitin a thupiak mi cu a hilh ten,
\v 44 Sila in mihing tampi tei mai ah koih in Pathian awnkam bang a mun kham zet no a eih haw hang, an eih tuk a val tang laih hi.
\s Ngalkap bawi Naman phaknat damnak
\c 5
\p
\v 1 Syria kumpi ngal bawi Naaman cu a topai nelpen mitmai pha ngah tu minthan nak a nei tupa hi. Itahum titale, Syria ngam cu a ma hang nehnak thu Pathian in pia tuk hi. A mah cu thazang ngilnak a nei ngalhang pa hi. Mah naven phaknat vei hi.
\v 2 Syria miphun ten a mu thu ngalkap din in ngaldo tuk a hawh laih tak, Isarel ngam pen a mat mi numei khanglai pakhat cu Naaman nupi nelah sila in um hi.
\v 3 Mahmi sila nu bek sial ngawl ka topan Samaria ngam sungah a um mi kamsang tei nelah heng ta hen. Mahmi kamsang in topai vei mi phak nat cu dam tik tuk hitin, a to nui nelah hilh hi.
\v 4 Naaman in a topai nelah lut tum in Isarel canu no awnkam cu son leh hi.
\v 5 Syria kumpi pa cu hawh ten hi. Hawh ten hi. Isarel kumpi nelah lai pia tung hitin a thupiak nak bang, Naaman in ngun cuai zakhat, sui cuai sawmluk, vansilh tuk kop sawm keng in,
\v 6 Isarel kumpi nelah a topai lai cu khum hi. Lai sungah a tel mi thu cu topa in ka sila Naaman hi phaknat dam tik tukin, a mah cu hi lai tuah keiman hah ing hitin, um hi.
\v 7 Isarel kumpi in mahmi lai cu a zoh cengten, a angki bot kek in ka nunnak pia tu, nunnak a la tu Pathian hihnak hang hi pan phaknat nak dam tik tukin ka nelah hah cim maw. Hi pan keimah izah takin sual zei nuam hum tih cu zo ta un tin, ti hi.
\p
\v 8 Isarel kumpi in a angki botkek hitin Pathian mihing Elisha in a zaak ten topa in ita angki botkek thei hum? A mah cu ka nelah hung ta hen. Isarel ngam sungah kamsang um hi tih cu thei tuk hitin, kumpi thu cah hi.
\v 9 Mah hang Naaman in cipuh leng cu khung in Elisha inn ah ding hi.
\v 10 Elisha in nang cu hawh in Jodan ngun tuipi sungah vei salih tian ti bual in hi. Taksa thekin thiangtho tuk ci tin mihing cu hah in hilh tik hi.
\v 11 Naaman in a thungai in kamsang cu tul tuk hi. Ka bulah ding in a Topa Pathian min cu sam in a ma khut tuah a som hang, phaknat cu dam tuk hitin, keima ngai sung ing hi.
\v 12 Damaska ngam sungah Abana nguntui, Pharpar ngun tui te Isarel nguntui hempoh sang in pha saw hima maw. Mahmi nguntui pi sungah keimah tibual in thiangtho tuk in ngah ma maw tin a dot ten, a thinuuk in hawh ta hi.
\v 13 Sila te cu hung in pa aw, a haksa mi thu bawl tuk hitin kamsang in thu a khen tale bawl a ni cim. Tibual nak bek in thiangtho tuk hitin thu a khen tale izah tak bawl kul saw tuk hum tin a tih haw ten,
\v 14 Naaman cu hawh in Pathian mihing thuken nak bang, Jodan ngun tuipi sungah a mah le mah vei salih a nim nak hang, a taksa cu naupang tei taksa bang thek in dam nak co hi.
\p
\v 15 Mah cengten a zui tu hempoh te tuah Pathian mihing nelah pin kik leh a mai ah ding in, Isarel ngam ah sial ngawl a dang ngam ah Pathian um ma hi tih cu a tuin keiman thei ing hi. Mah hang topai sila a lu piak mi laksawng cu sang in hitin, kun hi.
\v 16 Ka biak mi a nung Pathian a hihbang in sang tuk mang hitin a tih ten, sang tukin sosuah leh naven el hi.
\v 17 Naaman in mah a hitale topa sila cu laak panih tuah a koih hang lei dawm laih no cu lak tik in hi. Topai sila meihal biakpiak nak a um mi biakpiak nak a dang hi him, Pathian sial ngawl a dang Pathian nelah biakpiak nak bawl leh pah sun hi.
\v 18 Mah naven, ka topa cu Rimmon inn ah hawh in keimah muang in a biak ten, keiman keimah vang bia sual pang tale Rimmon inn sungah a bia mi topai sila cu Pathian in a sualnak pen luat tik ta hen tin ti tale,
\v 19 Elisha in daiden no in pin ta un tin, ti hi. Naaman hawh in khuala pi a hen laih ngawl in,
\v 20 Pathian mihing Elisha sila Gehazi in, hi Syria miphun Naaman puak mi neihnak cu ka topan sang ma hi. A mah cu na se hehpih ing hi. Pathian cu a nung mi bang, a ma nungpen keiman hil in pakhat la tuk ngai sung a um ten,
\v 21 Naaman nungpen hil hi. A hil mi cu Naaman in a muh ten, muak tukin leng hum pen tolh in a um mi hempoh te pha maw tin a dot ten,
\v 22 Gehazi in pha hi. A tuin kamsang tangval panih in Epharaim mual hum ah heng zo hi. Ngun cuai sawm le angki silh cennih cu a mu ca tuk pia in hitin ngen tik tukin, ka topan hah hitin a tih ten
\v 23 Naaman in cuai kul cu el ngawlin la ten hitin a sosuah ten ngun cuai kul cu dip panih sungah angki silh cennih tuah cun in, a sila panih tei humah a koih hang, a mun Gehazi mai pen pua hi.
\v 24 Khuapi khantian nak a hen ten mahmi neihnak cu Gehazi in la in inn sungah a koih hang, a pua tute a pin leh tik cengten,
\v 25 A mah lut tumin a topai mai ah ding hi. Elisha in Gehazi a lai munah hawh cim hitin a dot ten topa sila imah lai ah hawh mang hitin a don leh ten,
\v 26 Elisha in mahmi mihing in nangmah cu muak tukin leng hum pen a hek kikleh ten ka hawvang thinlung cu nangmah tuah zui hima maw. Ngun cu lak tuk huncan um maw. Angki, olive huan, cabit huan, tuu, khui, sila pano, sila numei cu laknak tuk huncan um maw.
\v 27 Mah hang Naaman hi phaknat cu nangma sungah hei hihen, na tu le catei sungah hei hihen, a cat ngawl in vei tik tuk hitin a tih bang, Gehazi cu phaknat vei in vukpak bang a ngo hang, a topai nelpen suak tul hi.
\s Tuihum ah heipi a langnak
\c 6
\p
\v 1 Kamsang miphun ten topa tuah a tu umnak mun cu neu no hi.
\v 2 Kei cu Jodan ngun bulah hawh tik in hi. Mahmi umnak pen a kiim in thingkung phuh cengten, mai umnak tuk bawl tik in hitin Elisha nelah phalnak a nget ten, hawh ta un tin phalnak pia hi.
\v 3 Hek khat ten el pah sin. Topa sila te tuah hung un tin a nget ten, keimah hawh tung hitin a lungkim bang,
\v 4 A muhte zui hi. Jodan ngun bulah a hen ten thing cu phuk haw hi.
\v 5 Mihing pakhat in a phuh laih tak tui sungah heipi cang cu cak hi. A phuk tupan haksa em zo hi topa. Mahmi heipi cu zawn mi hitin a au ten,
\v 6 Pathian mihing in ai lai pen cak hum tin a dot ten a cang hong nak a hilh cengten, ngolh cu phuk in mah lai umnak ah a khiak suk hang heipi cang cu lang to in um hi.
\v 7 La in hitin Elisha tiknak bang a nungzui tupan a khut tuah in la hi.
\s Syria miphun te cu Elisah in a mitcaw tik
\p
\v 8 Mah cengten Syria kumpi in Isarel ngam do in hi umnak mun, hi umnak sungah ohten ngiahsat tuk hung hitin kei muhte a siam ten,
\v 9 Pathian mihing in Isarel kumpi nelah mihing hah in, hi umnak mun cu ngalling un. Mah lai umnak mun ah Syria miphun te hung haw zo hitin,
\v 10 Ngallin nak a piak mi mun ah cun Isarel kumpi in mihing hah veikhat veinih bek sial ngawl in ngal te pial hi.
\v 11 Mahmi thu hang Syria cu lau in kei muhte a sam cengten, ohtei sung pen a kon Isarel kumpi lam ah um hum tih cu ka nelah lak ngawlin um haw hum tin a dot ten,
\v 12 Sila pakhat in mah tin hima hi kumpi pa, topai ihkhun zaunak khan sung pen thupiak mi awnkam hei, Isarel ngam sungah a um mi kamsang Elisha cu Isarel kumpi nelah hilh leh thiam tuk hitin, ti hi.
\v 13 Kumpi in a mah cu ai lai um hum tih zo ten hi. A mah cu man tik tukin keiman hah tung hitin a thupiak cengten Dothan khuapi sungah um hitin, ti hi.
\p
\v 14 Mahmi khuapi sungah cipuh khung ngalhang, cipuh leng a khung thiam ngalhang, ngalkap te hah in a zan ten heng in khuapi cu kil haw hi.
\v 15 Zinglam khua ma no Pathian mihing sila cu tho in a pawlam ah a tul ten, cipuh khung ngalhang, cipuh leng khung ngalhang, ngalkap ten khuapi kil in a um haw hang topa aw itihbang in bawl tuk kaw tin a topa cu ti hi.
\v 16 Elisha in laupah sin. Ohtei lam ah a um mite cu ngal tei lam ah a um mite sang in tam saw haw hitin tiin,
\v 17 Pathian aw, a man mu thei tukin a mit honsak in hitin thu a nget ten, Pathian in tangval pai mit cu a hon sak hang, Elisha elkim ah mualpi pakhat cu mei cipuh, mei cipuh leng tuah a dim cu mu hi.
\v 18 Syria miphun te a hen ten Elisha in Pathian aw, hi a muhtei mit khua mu tuk ngawlin dantat in hitin thu a nget bang, dantat hi.
\v 19 Elisha in hi lamzin hima hi, hi khuapi vang hima hi, ka nungah zui un. Nohtei zeih mipai umnak mun ah keiman hen tung hitin tiin Samaria khuapi ah hen hi.
\p
\v 20 Khuapi sungah a hen cengten Elisha in Pathian aw a muhten mu thei tukin a muhtei mit cu hong in hitin thu a nget ten a muhtei mit a hon sak hang, a mun mu in Samaria khuapi sungah um haw hitin thei haw hi.
\v 21 Isarel kumpi in pa aw a muhte nam tuah that tuk maw tin Elisah cu a dot ten,
\v 22 That pah sin. Nam tuah sat in thalcang tuah ngaldo hang mat ngah mite cu that ni maw. A muhtei mai ah moh le tui cu koih in a mun a eih cengten, a muhtei topai nelah hawh ta hen tin a tih ten,
\v 23 An eih tuk tampi bawlin an a eih tik cengten hah in, a muhte cu a muhtei topai nelah pin kik leh haw hi. Mah cengten Syria miphun ten Isarel ngamah hung haw ma hi.
\s Samaria te a kilh laih tak ningkial pamtung nak
\p
\v 24 Mah cengten Syria kumpi Benhadad in ngalkap hempoh te hulawmkhawm tik hang ngal do in Samaria cu kil hi.
\v 25 Ngeipi a kilh haw hang, Samaria khuapi sungah ningkial pamtung nak nasezet laak lu pakhat cu sum sawmliat tuah hei in hihen, be pikhat cu sum sawm nga tuah hei in zuak hi.
\v 26 Isarel kumpi in khuapi khantian nak hum ah a hawh laih tak numei pakhat in kumpi pa aw, pan in hitin au hi.
\v 27 Kumpi in Pathian in a bawm ma tale keiman a kua bawm thei tuk hum? Cangcil nak, cabit ngawinak khuk sung pen pan tuk maw tih hei in hihen,
\v 28 Nangma sungah ai thu cang hum tih hei in a dong tale numei nu in, hi numei nu cu keima nelah hung in na capa cu tuni kohtei eih tuk ap in. Zingten ka capa cu ei tuk hung hitin a tih bang,
\v 29 Ka capa huan in ei haw hi. A zing ten keiman na capa cu ohtei eih tuk ap in hitin a nget ten a man a capa cu sel hitin, ti hi.
\v 30 Kumpi in mahmi numei nui awnkam cu a zak ten a angki bot kek hi. Khuapi khantian hum ah a hawh laih tak mihing tampi ten zo in a sung pen thangkhau puan tuah a silhnak thu cu thei haw hi.
\v 31 Kumpi in Shaphat capa Elisha hi lu cu tuni in a ma pum pi tuah a khen ngawl in a um tale Pathian in mah sang ngawlin keima sungah bawl hen tin, ti hi.
\p
\v 32 Elisha cu a inn sungah kum U pa te tuah langkhat a khun haw laih tak kumpi in a mai ah mihing pakhat cu hah hi. Mahmi thuthang puak tu a hen laih ngawl Elisha in mithat tupan ka ngawng talh tukin thuthang puak tu a hah mi cu mu a uh cim maw. Mahmi thuthang puak tu a heng tale kongka khak in, a mah cu kham ta un. A ma nungpen a topai ke ngiah aw hima maw tin,
\v 33 Kum U pa te a hilh laih tak mahmi thuthang puak tu cu heng hi. Kumpi a mah loli a heng tale hi thu cu Pathian thukhen tuk mi thu hi. Pathian hehpih nak ita muansan nak nei laih hum tin a tih ten.
\c 7
\p
\v 1 Elihsa in Pathian awnkam ngai haw hen. Pathian thupiak mi cu zingten a tu bang huncan a hen ten, sangvut ngawivam khenkhat cu sum cangkhat, barly cang cuainih cu cangkhat tuah Samaria khuapi luh tumnak ah zuak tuk hitin, ti hi.
\v 2 Kumpi muangin a um tu ngal bawi in, Pathian vanhum tukvelh te a hong tale mah tihcun a cang mi cu a pha hitin Pathian mihing cu a tih ten, Pathian mihing in nang cu na mit tuah in mu naven ei tuk ma ci tin don leh hi.
\s A kilhkhum nak sung pen a luatnak
\p
\v 3 Mah ten khuapi luh tum nak kongka ah a khung tu miphak pali ten kohten thih tian ita hi lai mun ah khung hum?
\v 4 Khuapi sungah lut tum tale pamtung hang thi tuk hi. Hi umnak mun ah khung in um tale thi tuk. Mah hang Syria ngalkap tei lakah lut tum tuk ung hi. A mun a nung tik tale nung tuk hi. Thi tale cu thi tuk hitin a siam khawm cengten,
\v 5 Zingkhua vak laih ngawl tho in Syria ngalkap tei lakah hawh haw hi. Ngalkap tei umnak mai ah a hen ten a kua mah mu haw ma hi.
\v 6 Itahum titale, Syria miphun cipuh leng khung ngalhang, cipuh khung ngalhang, ngalkap tampi tei ke ngiah aw nging za tik tuk Pathian in a bawl hang, a mun Isarel kumpi cu kei muhte do tik tukin, Hitt kumpi te, Izip kumpi te zawng zo hitin pakhat le pakhat son in,
\v 7 Zing khuavak laih ngawl tho in a muhtei buk, cipuh, laak tih mi ngalkap bu khat cu zam san in a nunnak luat tukin tai haw hi.
\v 8 Miphak te cu ngalkap umnak mun ah a hen ten, buk pakhat sungah lut tum in an a eih cengten, sui le ngun te laksak in sel haw hi.
\p
\v 9 Mah hang, kohten pha zet in bawl ma ung hi. Tuni in a pha thuthang zak mi ni a hih hang, kohten son ngawl in um zo ung hi. Zingvak tian son ngawl in um tale thukhen nak pakhat heng tuk hi. Mah hang kumpi inn sungah thuthang hilh tukin kohten hawh tuk ung hitin thu siam cengten,
\v 10 Khuapi sungah hawh in kongka pi pen a sam ten, kohten Syria ngalkap tei umnak mun ah heng in a kuamah tawk ma ung hi. Mihing aw nging za ma. Cipuh, laak te ken in, buk te vang a ma kel a um mi cu tawk ung hitin a hilh ten,
\v 11 Kongka pi cing tu ten pakhat nung pakhat au in, mahmi thuthang cu kumpi inn sungah heng hi.
\v 12 Zing khuavak laih ngawl kumpi cu tho in Syria miphun ten, ohtei sungah itin bawl nuam haw hum tih cu keiman son tung hi. A mun, khuapi a pawlam a tul mi khua mite a nung in a mat cengten, khuapi sungah lut tum tukin ngaihsut nak a neih hang, ohtei ningkial pam nak a theih ten a mu ngalkap umnak mun a pawlam ah tul ngam sungah ngelh in a um haw hitin a son ten,
\v 13 Sila pakhat in khuapi sungah a tang mi cipuh leng pa nga pia hi. Siatnak ah a heng mi Isarel miphun hempoh te bang, mahmi cipuh khung tute in cang haw hi. Mahmi cipuh te khung in zoh theih nak tuk thu pia in hitin a tih cengten,
\v 14 Cipuh leng panih cu a khun cengten a hawh zo in tin, kumpi cu Syria ngalkap nungah a hah bang,
\v 15 Jodan ngun tian hil haw hi. Syria miphun te a man lang tai in a vawk mi van te lamzin ah a dim in um hi. A hah mite cu kik leh in hilh haw.
\p
\v 16 Mah ten khuapi sung mite tul in Syria tei buk te long haw hi. Pathian awnkam bang, sangvut ngawivam khenkhat cu sum cangkhat, barly cang cuainih cu cangkhat in zuak haw hi.
\v 17 Kumpi a muang tu ngalbawi in a thupiak bang kongka pi a cin laih tak a tul a tum tu ten pal kha in, kumpi a hun ten Pathian mihing hilh mi bang ngalbawi pa cu thi hi.
\v 18 Pathian mihing in zingten a tubang huncan ten a heng tale sangvut ngawivam khenkhat cu sum cangkhat, barly cang cuainih cu cangkhat tuah Samaria kongka pi bul ah zuak tuk hitin, kumpi nelah a hilh mi bang in cang hi.
\v 19 Ngal bawi pan, Pathian in vanhum tukvelh a hong tale mah tihcun cang thei tuk hitin Pathian mihing nelah a tih hang, Pathian mihing in nang cu na mit tuah mu naven ei tuk ma ci tin a hilh leh bang,
\v 20 Mahmi ngal bawi pai sungah cang hi. Khuapi kongka pi ah, khua sung tei pal khak nak co in thi tuk hi.
\s Shunem ngam a din lehnak
\c 8
\p
\v 1 Mah cengten Elisha in a masa in a nun leh tik mi nauno hi nu sam in, nang cu na inn sungsang te tuah tho in hawh in hi. Cam theihnak tuk mun pakhat ah cam in um un. Pathian in ningkial pamtung nak ah zui zo hi. Ngam sung hempoh ah kum salih pamtung nak heng tuk hitin ngallin nak pia hi.
\v 2 Mahmi numei nu in Pathian awnkam a ngaih hang, a inn sungsang te tuah hawh in Philistine ngam sungah kum salih sung um haw hi.
\v 3 Kum salih a kim ten Philistine ngam pen pin leh in, a ma inn a lei ngam te co tukin hehpih nget tuk a ngaihsut nak tuah kumpi nelah hawh hi.
\v 4 Mah ten kumpi in Pathian mihing sila Gehazi cu otpih in Elisha bawl mi mangbang za thu hempoh te hilh in hitin thu a piak hang,
\v 5 Elisha in a thi mipa a nun tiknak thu Gehazi in a son leh laihtak a nun leh tiknak a co tu a nu hi lei ngam, a inn co tuk in hehpih ngen hi. Gehazi in kumpi topa aw hi numei nu cu a tuin son mi numei nu, hi nauno cu Elisah nun tik mi nauno hitin a tih ten,
\v 6 Kumpi in numei nu cu dong in numei nu in a theihpih nak thu son hi. Mah ten kumpi in a ma neihnak hempoh hei hihen, ngam sung pen a suah tul ni penpan in a tu tian a leingam sung pen a cang mi hempoh hei hihen pia leh hen tin thu a piak ten, a thu cingkem tu tukin U pa pakhat pia hi.
\s Benhadad cu Hazael thahnak
\p
\v 7 Mah cengten Elisha cu Damaska khuapi ah hawh hi. Mah ten Syria kumpi Benhadad cu na hi. Pathian mihing a hennak thu a hilh ten,
\v 8 Hazael sam in nang cu laksawng keng in Pathian mihing vaimuah cengten, kei cu hi nat nak pen dam leh tung hitin a ma hang Pathian thu dong tik in hitin a hah bang,
\v 9 Hazael in kalauk sawmli hum ah Damaska neihnak te koih in laksawng a ken hang, Pathian mihing cu vaimuak tuk hawh in a mai ah a din ten topai capa Syria kumpi Benhadad in, kei cu hi natnak pen dam leh tuk maw tin dong tik tukin keimah hah hitin, ti hi.
\v 10 Elisha in a thungai in topa cu dam leh thei tuk hitin hilh ten hi. Mah naven a thihnak tuk thu cu ka nelah hilh zo hitin tiin,
\v 11 Phatak zet zo in Hazael cu a mitmai sia hi. Pathian mihing vang a mit hitui cak hi.
\v 12 Hazael in topa ita mit hitui caak nge cim tin a dot ten Elisha in, nang cu Isarel miphun tei sungah na bawl tuk mi haksat nak a cang tuk mi a muhtei buknak inn te meihal nak, tangval te nam tuah thahnak, nauno te cu leihum ah sawh cih in bawl nak, naupai numei tei sung pen a pumpi hawinak cu bawl tuk ci tin, keiman ka muh hang mit hitui cak hitin a don leh ten,
\v 13 Hazael in uico hi napi in topai sila cu hizah tak in a ngeng mi thu bawl tuk maw tin a dot leh ten, Elisha in nang cu Syria ngam uk tuk ci tih cu Pathian in ka nelah lak zo hitin, ti hi.
\v 14 Hazael cu hawh in a topai nelah a hen ten a topan Elisha in itihbang hilh kaw tin a dot ten topa cu a nat nak pen dam leh tuk hitin, ti hi.
\v 15 A zingten Hazael in tuu mul puan cu tui sungah a nip cengten, kumpi mai a hupsak hang kumpi cu thi in, Hazael cu kumpi khunnak ah khung hi.
\s Judah kumpi Jehoram
\p
\v 16 Isarel kumpi Ahab capa Jehoram kumpi uknak kum nga ten, Judah kumpi Jehoshaphat cu kumpi khunnak hum ah khung hi.
\v 17 Kum sawmthum a kim ten, Jerusalem khuapi ah kumpi na dek in kumliat uk hi.
\v 18 Ahab canu huai in Isarel kumpi tei zuinak lamzin ah Ahab miphun bang a zui hang, Pathian mai pen sual bawl hi.
\v 19 Mah hang Pathian in David tu le a canawn tei meikhuat cu a cat ngawlin vak tik tuk hitin thukam a um hang, David mitmai zo in Judah ngam cu siatsuah ngawl in um hi.
\p
\v 20 Mahmi kumpi khut sung pen Edom ngam Judah kumpi do in, a miphun cu kumpi hihnak ah khaisang haw hi.
\v 21 Jehoram kumpi in cipuh leng khung ngalhang hempoh te tuah Zair khuapi ah ngaldo hawh in zan ten a kil mi Edom miphun te, cipuh leng tampi te a thah hang, Edom miphun ten a muhtei umnak mun ah tai haw hi.
\v 22 Mah naven, Edom ngam cu tuni tian Judah kumpi do hi. Mah huncan sungah Libnah ngam vang do hi.
\v 23 Jehoram bawl mi thu a tang laih hempoh Judah thuanthu sungah ngan hi.
\v 24 Jehoram cu a pu le pa te tuah hihbu in a muhte tuah David khuapi sungah phum hi. A capa Ahaziah cu a pai hihnak kumpi khunnak ah khung hi.
\s Judah kumpi Ahaziah
\p
\v 25 Isarel kumpi Ahab capa Jehoram kumpi na deh kum heinih a kim ten, Judah kumpi Jehoram capa Ahaziah cu kumpi khunnak ah khung hi.
\v 26 Kum heinih a kim ten kumpi dek in Jerusalem khuapi pen kumkhat uk hi. A nu cu Isarel kumpi Omri tunu Athaliah hi.
\v 27 Ahaziah cu Ahab makpa a hih hang, Ahab miphun hawhnak lamzin ah zui in, Ahab miphun bang in Pathian mai pen sual bawl hi.
\v 28 Ahab capa Joram tuah kop in Gilead ngam Ramoth khuapi ah ngaldo tuk hawh in Syria kumpi Hazael a do ten, Syria kumpi Joram cu kheng kha haw hi.
\v 29 Ramoth khuapi sungah Syria kumpi Hazael do in, Syria miphun tei do mi nat dam tuk Joram kumpi cu Jezreel khuapi ah hawh kik leh in dam ngawl na thah a um laih tak, Judah kumpi Jehoram capa Ahaziah in Ahab capa Joram zo tukin, mahmi khuapi ah hawh hi.
\s Isarel kumpi hihnak in Jehu sathau thihnak
\c 9
\p
\v 1 Mah ten kamsang Elisha in kamsang pakhat sam in na tai het in. Hi sathau thawl keng in Gilead ngam, Ramoth khuapi ah hawh in.
\v 2 Na hen ten Nimshi capa Jehu cu zei in a ma nelah lut tum in, a mah cu a ngualcam phial pih sung pen suak tul tikin, a sunglam khan sungah na sam cengten,
\v 3 Hi sathau thawl kengin a luhum pen sathau leih in, Pathian in kei cu nangmah Isarel kumpi hihnak ah a piak hang, sathau thih sak ing tin a thupiak nak thu a hilh cengten kongka cu hong in a manlang tai ten hitin, thucah hi.
\v 4 Kamsang miphun tangval cu Gilead ngam Ramoth khuapi ah hawh hi.
\v 5 A hen ten ngalkap bawi ten zui haw. Kamsang in ngalkap bawi te aw, topa nelah son tuk mi thu um hitin a tih ten, Jehu in ohtei sung pen a koi nelah son tuk um hum tin a dot ten ngalkap bawi te aw topa cu thu son tuk um hitin, don leh hi.
\v 6 Mah ten Jehu cu tho in inn sungah a luh tum ten, kamsang pan a luhum pen sathau cu leih in Isarel miphun tei Topa Pathian keiman nangmah cu Pathian mihing Isarel miphun tei kumpi hihnak sungah a piak hang sathau thih ing hi.
\v 7 Ka sila kamsang te thah mi sual Pathian kamsang te a thah mi sual bang, Jezebel cu keiman dantat tukin nangman na Topai Ahab miphun cu that tuk ci.
\v 8 Ahab miphun hempoh te sia tik tukin Isarel khuapi khua no sungah kol tang mite hei hihen, a luat in a tai mite hei hihen, Ahab miphun pano te keiman that tung hi.
\v 9 Ahab miphun Nabat capa Jerobaom miphun bang hei in hihen, Ahiziah capa Basha miphun bang cang tik tung hi.
\v 10 Jezebel a phum tu um ma hi. Jezreel lo sungah uico ten a mah cu ei haw tuk hitin, a thupiak mi cu a hilh cengten kongka pi cu hong in tai hi.
\p
\v 11 Mah ten Jehu in a topai sila tei umnak mun ah tul in pakhat pan a um mi hempoh te pha maw. Mah misil pa cu ita hung hum tin a dot ten Jehu in nohten a mah hei hihen, a son mi awnkam hei cu thei zo uh ci tin a tih ten,
\v 12 A mun kohten thei ma ung hi. Son in hitin a tih ten Jehu in, mah mipan hi awnkam cu son hi. Pathian in keiman nang cu Isarel kumpi hihnak sungah a piak hang, sathau thih hitin a son leh ten,
\v 13 A mun a man lang tho in a muhtei angki tek la in kailawn hum Jehu nuai ah phah in, Jehu cu kumpi in cang zo hitin lemle tum in au haw hi.
\p
\v 14 Mah tihcun Nimshi capa, Jehoshaphat capa Jehu cu Jehoram kumpi a langlam ah pawlkom hi. Mah ten Syria kumpi Hazael hang Joram kumpi le Isarel miphun ten Gilead ngam, Ramoth khuapi cu cing kem haw hi.
\v 15 Mah hang Joram kumpi in Syria kumpi Hazael ngaldo ten Syria kumpi do mi nat nak cu dam tik tukin, Jezreel khuapi ah hawh in thuthang a zak mi pakhat no hei khuapi sung pen suak tul tik pah sin hitin, ti hi.
\v 16 Mah tihcun Joram kumpi cu Jezreel khuapi sungah a um laih hang, Jehu cu cipuh leng khung in mahmi khuapi sungah hawh hi. Mah ten Judah kumpi Ahaziah in Joram kumpi zo tukin heng zo hi.
\p
\v 17 Jezreel khuapi sungah ngalvil nak a dawh mi sangzet hum pen a cing tu a mah cu ding in, Jehu a zui tu hempoh te a mun mihing tampi keiman mu ing tin a tih ten, muak tukin a hawh ten daihnak um ta hen hitin thu dong tukin Joram in cipuh khung ngalhang mihing pakhat a hah bang,
\v 18 Cipuh khung ngalhang pan muak tuk a hawh hang, daihnak um maw tin kumpi in a dot tik mi thu cu a hilh ten Jehu in nang cu daihnak thu tuah itin seng hum? Ka nungah hek kik leh zui in hitin, ti hi. A cingtu pan cipuh khung ngalhang hempoh te heng in pin kik leh ma laih hitin a hilh ten,
\v 19 Kumpi in a dang cipuh khung ngalhang pakhat hah leh in a mah cu a hen ten daihnak um maw tin kumpi dot tik mi thu a hilh ten, Jehu in nang cu diahnak tuah itihbang in seng hum? Ka nung hek kik leh zui in hitin, ti hi.
\v 20 A cing tupan cipuh khung ngalhang cu heng in pin kik leh ma hi. A hung tupa cu Namshi capa, Jehu capa mawng bang nasezet mawng in hung hitin, ti hi.
\p
\v 21 Joram kumpi in cipuh leng bawl ham in tin a tih bang, cipuh leng cu bawl haw hi. Isarel kumpi Joram le Judah kumpi Ahaziah ten cipuh pakhat ve ve khung Jehu cu muak tul tuk hawh in, Jezreel khuapi Naboth lo pen tawk haw hi.
\v 22 Joram in Jehu a muh ten Jehu daihnak um cim maw tin a dot ten, Jehu in na nu Jezebel bawl mi suzuak nak sual, midawih nak tampi huncan sung itihbang in daihnak um thei tuk hum tin a don leh ten,
\v 23 Joram in Ahaziah aw do nak thu hima maw tin tiin hek kik leh in tai hi.
\v 24 Jehu in thal cu kau in a kap hang, Joram cu a ko lak lawh pen kha hi. Thalcang cu a lung ah paihlet in cipuh leng hum ah sial hi.
\v 25 Jehu in a mah cu dok in Jezreel khua mi Naboth lo sungah vawk hi. Nangmah le kei cu na pa Ahab nungah cipuh khung in a zui ten, hi thu cu Pathian thuphuan ham mi phawk ma zo cim maw.
\v 26 A thungai in Naboth thisan, a catei thisan cu zan sun in keiman mu zo ing hitin Pathian in thupia hi. Hi lo sungah na sualnak bang keiman dantat tung hitin, Pathian in thupia hi. Mah hang hi lo sungah a luang cu vawk in hitin, a cipuh leng ngalbawi Bidah cu ti hi.
\p
\v 27 Mahmi thu cu Judah kumpi Ahaziah in a muh ten, kumpi huandum lamzin pen tai hi. Jehu in a mah cu cipuh leng hum ah thuang in tin a tihbang, Ibleam khuapi bul Gur khuapi hawhnak lamzin pen a bawl haw hang, a mah cu Megiddo khuapi ah tai in thi hi.
\v 28 A sila ten a luang cu cipuh leng hum ah a koih cengten, Jerusalem khuapi ah hawh pih in David khuapi a ma khan mual pu le pa te tuah phum haw hi.
\p
\v 29 Mahmi kumpi Ahaziah cu Ahab capa Joram kumpi uknak kum kulluan nih ten, Judah ngam sung kumpi khunnak ah khung hi.
\s Zebebel thihnak
\p
\v 30 Jehu in Jezreel khuapi ah a hennak thu cu Jezebel in a zak ten, a mitmul cu sinut in sam thuam a bawl cengten tukvelh kongka pen zo hi.
\v 31 Jehu cu kongka pen a luh tum ten Jezebel in a topa a that tu Zimri cu daihnak um ta hen tin a dot ten,
\v 32 Jehu cu a zoh hang keima lam ah a kua um hum? A kua kam tin a dot ten, numei uktu panih pathum ten tukvelh kongka pen zo haw hi.
\v 33 Jehu in a mah cu nawmvawk in hitin a tihbang a nawmvawk ten a thisan cu kumpi inn pang hum ah hei hihen, cipuh humah hei hihen theh hi. Jehu in a mah le mah cu pal cop hi. A sunglam ah lut tum in,
\v 34 An a eih cengten, mah tamsiat mi numei nu cu kumpi canu a hih hang, a hawh zo in phum ten hitin a tihbang,
\v 35 Phum tuk in a hawh ten a lu vun, a ke lek, a khut phalh te bek a muh ten hung kik leh in hilh leh haw hi.
\v 36 Jehu in Jezebel lo sung pen uico ten ei tuk hitin, Pathian in a sila Tishba khua mi Elijah hang thu a piak mi awnkam cu mah tihcun cangkim zo hi.
\v 37 Mah hang hi khan cu Jezebel khan hitin a kuamah son theih tuk ngawl thu, a luang cu Jezebel lo sungah a lo sung buak bangin umtuk hitin, ti hi.
\s Ahab innsung sang te a thahnak
\c 10
\p
\v 1 Ahab capa sawm salih te cu Samaria ngam sungah a um hang, Jehu in Jezreel khuapi uktu te, kum Upa te, Ahab capa a cawm tutei umnak mun, Samaria khuapi ah lai ngan in pia hi.
\v 2 A thucah mi lai cu nohtei sungah nohtei topai capa te, ngalkap te, cipuh ngalhang te, a kho mi khuapi, ngalhiam namkim a um hang, hi lai a hen ten,
\v 3 Nohtei topai capa tei sung pen a pha a sunglawi saw mipa cu teng in, a pai kumpi khunnak hum ah a koih cengten topa miphun ca ngaldo haw hitin, thucah hi.
\v 4 A mun, kumpi panih te cu a mai pen a din ngam ngawl hang kohten ding ngam tuk ma ung tin launak thu hilh haw hi.
\v 5 Kumpi sung uktu, khuapi uktu, kum U pa, Ahab cate a cawm tute vang kohtei topai sila hi. A thupiak bang bawl in hitin, Jehu nelah lai lulh lehnak pia haw hi.
\v 6 Jehu in nohte cu ka mihing na hih uh hang ka awnkam thu ngai tale nohtei topai catei lu te la in Jezreel khuapi, ka umnak mun ah zingten a tubang huncan ten hung un tin lai pia leh hi. Kumpi ca hempoh cu sawm salih a um hang, a cawm tu khuapi U pa uktu um haw hi.
\v 7 Mahmi lai a hen ten kumpi capa sawm salih te la in a thah hang, a lu te kho sungah a koih cengten Jezreel khuapi Jehu nelah pia hi.
\v 8 Tangval pakhat hung in kumpi capa tei lu cu kho sungah keng zo hitin a tih ten, Jehu in khuapi kongka bulah zinglam tian sehnih cu koih ta un tin, ti hi.
\v 9 Zinglam huncan a hen ten Jehu tulin a din ten mihing tampi dikcang miphun te aw, kei cu ka topai a langlam ah pawlkom nak hang that zo hi. A mu venghawng a kon that hum?
\v 10 Pathian in Ahab miphun sungah a thupiak mi awnkam pakhat no hei lei ah a cak ngawl mi cu nohten thei ta un. Pathian in a sila Elijah hang a thupiak bang a bawl mi hitin a tih ten,
\v 11 Jezreel khuapi sungah a tang mi Ahab miphun hempoh te le a phialpih U pa, thiampi hempoh pakhat no hei tang ngawl in that hi.
\p
\v 12 Mah cengten tho in Samaria khuapi ah hawh hi. Lamzin bulah a um tuu mul met tei umnak ah a hen ten,
\v 13 Judah kumpi Ahaziah miphun hinnam hi. Kumpi tei cate le kumpi cate otpih tukin hawh hitin, ti haw hi.
\v 14 Jehu in a nung in man un tin thu a piak bang, a nung man in tuu mul met umnak mun tuikhuk bul pen mihing sawmli le panih te cu pakhat no hei tang tik ngawlin that haw hi.
\p
\v 15 Mahmi umnak munpen a tul ten vai muak tukin a hung mi Rachab capa Jehonadab tawkin a otpih hang, ka thinlung cu na thinlung tuah a bang ve a thiangtho bangin na thinlung cu thiangtho maw tin a dot ten thiangtho hitin tiin, mah tihcun a man ngai tale na khut cu pia in hitin a tihbang a khut pia in, Jehu in a ma bul cipuh leng hum ah a dok thuang in,
\v 16 Keimah zui in Pathian lam ah keimah cu thinlung nei mi thu zo in hitin a tih hang, a cipuh leng cu khung tik hi.
\v 17 Samaria khuapi ah a hen ten Pathian in Elijah nelah thu a piak mi awnkam bang in Ahab miphun hinnam a siatsuah khawng tian, mah khuapi sungah a tang mi hempoh that hi.
\s Baal pathian sila te a thahnak
\p
\v 18 Mah cengten Jehu in mi hempoh hulawmkhawm leh tikin, Ahab in Baal pathian cu dawm no bek in bia hi. Keimah Jehu in tampi bawl tung hi.
\v 19 Mah hang Baal pathian kamsang te, na deh a cing tute, thiampi hempoh sam hi. Pakhat no hei tang tik pah sun. Keiman Baal pathian biakpiak nak bawl tung hi. A tang mipa cu nung tuk ma hitin, ti hi. Mah tihcun a son ten Baal a bia tu hempoh te siatsuah tukin ngaihsut nak tuah zol in a son mi hi.
\v 20 Baal pathian ca a thiangtho mi puai bawl un tin thupiak nak a neih leh mi bang, a thiangtho mi puai cu cingkem tuk hung hitin, thuthan haw hi.
\v 21 Isarel ngam hempoh ah hah in Baal nung a zui tu hempoh ten, pakhat no hei tang ngawl in hung haw hi. Baal biakinn sungah a luh tum haw hang, biakinn sungah a dim in um hi.
\v 22 Jehu in van thuam uktu cu sam in Baal pathian nungzui tei ca tuk a van te suah tul un hitin, a tih bang in suah hi.
\v 23 Rechab capa Jehanadab tuah Baal biakinn sungah a luh tum leh ten, nohte cu Pathian nungzui tu pakhat no hei hima hi, Baal nungzui tute bek hi tukin zo cik in cek ta un tin Baal nungzui tutei lakah in ti hi.
\v 24 Meihal biakpiak nak a um mi biakpiak nak hempoh te bawl tukin a sungah a luh tum ten, Jehu cu biakinn a pawlam pen mihing sawmliat cu zam in, nohtei khut sungah ka pui mi pakhat a luat tale a luat tik tupa cu thi tuk hitin thu a piak hang,
\v 25 Meihal biakpiak nak a bawl cengten Jehu cu lut tum in that haw. Pakhat no hei tul tik pah sun tin ngalkap te le ngalkap bawi te a hilh bang, ngalkap le ngalkap bawi ten nam tuah that in mithi luang te a suah tul cengten,
\v 26 Baal biakinn tuah a seng mi khuapi sungah hawh in Baal biakinn sung pen zuk milim te a suah tul cengten meihal haw hi.
\v 27 Baal zuk milim hei hihen, biakinn hei hihen siatsuah subal in tuni tian a thiangtho mi inn cang tik haw hi.
\v 28 Mah tihcun Isarel ngam pen vawk in siat suah hi.
\p
\v 29 Mah hang Isarel miphun a sual tik tu Nabat capa Jerobaom sual cu Bethel khuapi le Dan khuapi ah a um mi sui khui no zuk milim cu vawk ma hi.
\v 30 Pathian in nang cu ka mai pen dikcang nak tuah nung in pha zet no na bawl nak hang in hihen, ka deihnak bang Ahab miphun hinnam sungah a thukhen hang in hihen, na tu le canawn khangli tian Isarel ngam kumpi khunnak hum ah khung tuk ci tin Jehu cu thupia naven,
\v 31 Jehu in Isarel miphun tei Topa Pathian a dik mi lamzin ah a thinlung venghawng zui tukin ngallin nak bawl ma hi. Isarel miphun a sual tik tu Jerobaom sual cu vawk ma hi.
\p
\v 32 Mahmi huncan ten Pathian in Isarel ngam a mawk tian tawn hi.
\v 33 Hazael in Jodan nisuah nak lam, Gad miphun, Ruben miphun, Manasseh miphun umnak, Anon ngun bulah a um Aroer khuapi pen pan Gilead ngam, Bahsan ngam sung umnak mun hempoh te that hi.
\v 34 Jehu bawl mi thu a tanglaih hempoh te le a huham thawmngeng nak cu Isarel thuanthu sungah ngan hi.
\v 35-36 Jehu in Samaria khuapi sungah kumpi dek in Isarel ngam cu kum kulluanliat a uk cengten a pu le pa te tuah hihbu in, Samaria khuapi sungah phum hi. A capa Jehoahaz in a pai hihnak kumpi khunnak ah khung hi.
\s Athaliah le Joash
\c 11
\p
\v 1 Ahaziah nu Athaliah cu a capa a thih thu a theih ten, tho in a miphun hinnam hempoh te that khawng hi.
\v 2 Mah hang Ahaziah U nu Joram kumpi canu Jehosheba in Athaliah capa Joash cu a thah mi miphun sung pen ngu in, Athaliah khut pen a nunnak luat tik tukin a mah le a kil tu cu zaunak khan sungah sel hi.
\v 3 Mah cengten Joash cu kum luk sung a mah tuah biakinn sungah ngelh in a um hang, Athaliah in uk hi.
\p
\v 4 Kum salih a kim ten Jehoiada in mihing zakhat uk, ngalbawi, ngalkap te sam hi. Biakinn sungah thukhaam bawlnak, biakinn sung pen thukam lak nak te a bawl cengten kumpi capa cu lak hi.
\v 5 Jehoiada in nohtei bawl mi thu cu colhni in a lut tum mihing sehthum sehkhat cu kumpi luh tum nak kongka cing tuk.
\v 6 Sehkhat cu Sur kongka pen cing tuk hi. Sehkhat ten a nunglam kongka pen cing tuk. Mah tihcun biakinn cu siatsuah subal tuk ngawlin cing tuk hi.
\v 7 Colhni ten a tul mi sehthum sung pen sehnih cu kumpi elkim biakinn sung cing tuk hi.
\v 8 Mi hempoh ten a hiamnam tek keng in a sunglawi mi topa cu kil in ngalkap tei umnak mun ah a luttum tu hempoh that tuk hi. Kumpi cu a tul le a tum ten a nungpen zui tuk hitin, thucah hi.
\p
\v 9 Mah tihcun thiampi Jehoiada thucah mi hempoh bang, mihing zakhat uktu ten bawlin, colhni ten a tul le a tum tu hempoh sam in thiampi Jehoiada nelah a hen ten,
\v 10 Biakinn sungah a um mi David kumpi pai cei te le lumphaw te thiampi in suah in mihing zakhat uktu ap hi.
\v 11 A cing tu hempoh ten ngalhiam keng kumpi cu kil in thiampi khunnak bul le biakinn bul taklam a ning pen pan veilam a ningkil tian ding haw hi.
\v 12 Thiampi in kumpi capa cu a pawlam ah a suah tul hang, sui lukhu le dan thukham koih sathau thih in, kumpi hihnak ah a khaisan cengten kumpi cu a nunkhua sau ta hen tin baibeng in au haw hi.
\p
\v 13 Athaliah in ngalkap a bawl mi aw tuah in le mihing tei bawl mi aw a zak ten, mihing tampi tei umnak mun biakinn ah hawh in,
\v 14 Kumpi cu Judah kumpi bawl mi dan bang khuambul ah ding in, ngal bawi te le lemle tum tute cu kumpi bulah ding in ngam sung mipi te lungdam nak tuah lemle tum in a um haw mi cu a muh ten, a angki botkek in do hima maw, do hima maw tin au hi.
\v 15 Thiampi Jehoiada in biakinn sung pen thi tik pah sin, a pawlam ah suah tul un. A ma lamah a um mipa cu nam tuah that un tin mihing zakhat uktu, ngal bawi te thu a cah bang,
\v 16 Athaliah cu man in kumpi inn ah a hawh mi cipuh lamzin suah tulin that haw hi.
\p
\v 17 Jehoiada in kumpi le mipi te cu Pathian mihing cang tukin Pathian tuah dan thukhaam bawl tik hi. Mah cengten kumpi le mipi te cu pakhat le pakhat thukhaam bawl leh tik hi.
\v 18 Ngam sung mipi hempoh te Baal biakinn ah hawh in siatsuah subal haw hi. Biakpiak nak taitan te le zuk milim te a venghawng subal siat suah in, biakpiak nak mai pen Baal thiampi Mattan cu that haw hi.
\v 19 Thiampi Jehoiada in biakinn uktu te a piak cengten mihing zakhat uktu, ngal bawi, ngalkap, ngam sung mipi hempoh sam in, kongka cin nak lamzin pen kumpi cu biakinn pen kumpi inn sungah a pui hang, kumpi tohkham khunnak humah khung tik hi.
\v 20 Kumpi inn bulah Athaliah cu a thah cengten, ngam sung mipi hempoh lungdam in khuapi sungah daihnak um hi.
\s Biakinn cu Joash a lep lehnak
\c 12
\p
\v 1 Jehu na deh kum salih sung a kim ten, Joash cu kum salih kim kumpi khun nak hum ah khung in, Jerusalem khuapi pen kum sawmli uk hi. A nu cu Bethsheba khua mi Zibiah tih mi hi.
\v 2 Thiampi Jehoiada hilh mi huncan sung hempoh Joash in Pathian mai pen a dik mi thu bawl hi.
\v 3 Mah hang a sang nak mun a vawk ngawl hang, mihing tampi ten mahmi umnak ah biakpiak nak bawl in ngimnam tui meihal haw hi.
\p
\v 4 Joash kumpi in biakinn sungah a koih mi a lu neih nak te zuak in, a ngah mi sum cu cazin a lut tum bang in a ma ca tuk a piak mi sum, a ma ca a man talh in a ngah mi sum, zuamnak tuah a lu piak mi sum hempoh,
\v 5 Thiampi in a theih zet mi a lu bang co in biakinn a sia nak hempoh te lem leh haw ta hen tin thiampi te thupia hi.
\v 6 Mah naven Joash kumpi nadeh kum sawmthum ten, thiampi ten biakinn a siatsuah nak te lem haw ma laih hi.
\v 7 Mah ten Joash kumpi in thiampi Jehoiada le a dang thiampi te sam in nohten biakinn a sia nak te ita lem ngawlin um uh cim? A theih zet mitei a lu mi sum cu nangmuh loli in la pah sun. Biakinn a sianak te lepleh nak tukin ap ta un tin a tihbang,
\v 8 Thiampi ten mihing tampi tei a lu piak mi sum cu khon pah sin. Biakinn a sianak vang lem leh tuk ngawlin lungkim haw hi.
\p
\v 9 Thiampi Jehoiada in thingkuang la in a sin cu a pholh cengten, biakinn sung tumnak lamzin taklam biakpiak nak taitan bul ah koih hi. Biakinn sungah puak mi sum hempoh kongka cing thiampi ten thingkuang sungah koih haw.
\v 10 Sum te cu a muhten kumpi lai ngan tu a ngeng bel pa le thiampi ngeng pa cu hung in, biakinn sungah a khawl mi sum cun in cazin la hi.
\v 11 Mah tihcun a sial sa mi sum cu biakinn uk na dek a cingkem tutei lakah ap in, biakinn na dek tu khut thiam,
\v 12 Innsa thiam, suang bawl thiam tei ca biakinn a sianak te lem leh tukin suang le thing cu lei in a bo mi hempoh pia haw hi.
\v 13 Biakinn ca tuk ngun khuathai, caiceh, kuangkum, lemle, sui van, ngun van te mahmi sum tuah bawl ma laih hi.
\v 14 Na dek tu bek a piak hang, biakinn cu lem haw hi.
\v 15 Na dek tute a tha man pia tukin sum kem tute cu thukam cing tu a hih hang, cazin cek tuk hei kul haw ma hi.
\v 16 Sual bawl mi sum, sualnak sum cu biakinn sungah koih ngawl in thiampi ten la haw hi.
\p
\v 17 Mah ten Syria kumpi Hazael in Gath khuapi a do cengten, Jerusalem khuapi ah hawh tukin zuam hi.
\v 18 Judah kumpi Joash in a pu le pa a himi Judah kumpi Jehoshaphat, Johoram, Ahaziah tei a lu piak mi hempoh van le a mah loli a thiangtho tik mi van hempoh biakinn sung van, kumpi inn sungah van a muh mi hempoh sui cu la in Syria kumpi Hazael nelah a piak hang, Hazael in Jerusalem khuapi cu zam in hawh hi.
\p
\v 19 Joash bawl mi thu a tang laih hempoh Judah thuanthu sungah ngan hi.
\v 20 Mahmi kumpi sila Shomer capa Jozachar le Shimeath capa Jehozabad te tho in pawlkom nak a bawl cengten, Silla khua hawh nak lamzin, Milo kumpi innsung ah Joash cu thi tukin a thah hang,
\v 21 Pu le pa te tuah David khuapi ah phum haw hi. A capa Amaziah in a pai hihnak kumpi khunnak ah khung hi.
\s Isarel kumpi Jehoahaz
\c 13
\p
\v 1 Judah kumpi Ahaziah capa Joash kumpi kum sawmthum kumnih a kim ten, Jehu capa Jehoahaz cu Samaria khuapi sungah kumpi dek in Isarel ngam kum heisalih uk hi.
\v 2 Mahmi kumpi cu Pathian mai pen sual a bawl hang, Isarel miphun a sual tik tu Nabat capa Jerobaom bawl mi sual cu pial ngawl in zui hi.
\v 3 Mah hang Pathian in Isarel miphun cu a thinuuk in Jehaohaz kumpi uk sung hempoh Syria kumpi Hazael le a capa Benhadad khut sungah Isarel miphun cu ap hi.
\v 4 Mah cengten Jehoahaz in Pathian nelah hehpih ngen hi. Syria kumpi bawl siatnak hang, Isarel miphun in nasezet a thuak nak thu Pathian in mu in Jehaohaz awnkam ngai hi.
\v 5 Mah hang Pathian in nunpan tu topa a piak hang, Isarel miphun te Syria tei khut sung pen luat in a masa a muhtei umnak inn ah um haw hi.
\v 6 Mah hang Isarel miphun a sual tik tu Jerobaom kumpi miphun tei bawl mi sual cu pial ngawlin zui haw hi. Samaria khuapi sungah vang Asherah thingkung te um laih hi.
\v 7 Syria kumpi Isarel miphun te siatsuah in cangcil ten a leng mi a vai si no te bang a can hang, cipuh khung ngalhang sawmnga, cipuh leng sawm, lei ngalkap ngalhang thawngsawm te bek Jehoahaz sungah tang tik hi.
\v 8 Jehaohaz bawl mi thu a tang laih hempoh te le a thawmngeng nak thu cu Isarel thuanthu sungah ngan hi.
\v 9 Jehaohaz cu a pu le pa te tuah hihbu in Samaria khuapi sungah phum hi. A capa Joash in a pai hihnak kumpi khunnak ah khung hi.
\s Isarel kumpi Jehoash
\p
\v 10 Judah kumpi Joash kum sawmthum le kum salih a ukten, Jehaohaz capa Jehoash cu Samaria khuapi sungah kumpi na dek in Isarel ngam kum heiluk uk hi.
\v 11 Mahmi kumpi cu Pathian mai pen sual a bawl hang, Isarel miphun a sual tik tu Nabat capa Jerobaom sual bawl mi cu pial ngawlin a venghawng in zui hi.
\v 12 Joash kumpi bawl mi sual thu a tang laih hempoh Judah kumpi Amaziah ngal a do ten, a huham thawm ngeng nak thu Isarel thuanthu sungah ngan hi.
\v 13 Jehoash cu a pu le pa te tuah hihbu in, Isarel kumpi te tuah Samaria khuapi ah phum hi. A capa Jerobaom in a pai hihnak kumpi khunnak ah khung hi.
\p
\v 14 Mah ten Elisha cu thihnat nak vei in a um laih tak Isarel kumpi Joash cu hung in a maipen kap in kapa, kapa, Isarel cipuh leng Isarel cipuh hitin, ti hi.
\v 15 Elisha in thalcang te la in hitin a tihbang kumpi in la hi.
\v 16 Thalcang kau in hitin a tih leh bang thalcang koih in, Elisha in a khut cu kumpi khut hum ah koih in,
\v 17 Nisuah nak lam kongka tukvelh hong in hitin a tih hang hong hi. Kap in hitin a tihbang kumpi cun kap hi. Elisha in Pathian nunpat nak thalcang, Syria kumpi khut sung pen nunpan tu thalcang hi. Aphek khuapi ah Syria miphun te a venghawng in that haw tuk hitin, ti hi.
\v 18 Thalcang te la hih in hitin a tih leh bang kumpi in la hi. Leihum ah vat in hitin a tih hang, veithum vat hi.
\v 19 Mah ten Pathian mihing cu a thinuuk in, ita vei nga veiluk hei vat ma cim? Mah tihcun na vat tale, Syria miphun te a venghawng in that haw tuk hi. A tuin, veithum bek thah nak bawl tuk hitin, ti hi.
\p
\v 20 Elisha cu thi in a phum ceng a mai kum ten Moab ngalkap ten Isarel ngam do haw hi.
\v 21 Isarel miphun ten mihing pakhat a phum laih tak Moab ngalkap te heng in a muh hang, a luang cu Elisha khan sungah koih haw hi. A thi mipa cu a nuai ah heng in Elisha nguh tokkha in a nun leh hang, ding hi.
\p
\v 22 Syria kumpi Hazael in Jehoahaz uk sung hempoh Isarel miphun bawl siat hi.
\v 23 Pathian in a muhte cu ningnat a hehpih nak hang Abraham, Isak, Jakop te tuah bawl mi thukhaam phawk in a muhte cu siatsuah ma, a ma nel pen hawlvawk hih ngawl zo in cingkem hi.
\v 24 Syria kumpi Hazael thi in a capa Benhadad in a pai hihnak kumpi khunnak ah khung hi.
\v 25 Hazael kumpi cu ngaldo in Jehoahaz kumpi khut sung pen a lak mi khuapi khuano te, Joash capa Jehoahaz in Hazael capa Benhadad khut pen la leh hi. Veithum tian Jehoahaz in neh in Isarel khuapi, khua no hempoh la ngah leh hi.
\s Judah kumpi Amaziah
\c 14
\p
\v 1 Isarel kumpi Jehoahaz capa Joash uknak kumnih a kim ten,
\v 2 Judah kumpi Joash capa Amaziah cu kum kulluannga kim in, kumpi khunnak ah khungin Jerusalem khuapi sungah kum kulluankuah uk hi. A nui min cu Jerusalem khua mi Jeho-addan tin sam hi.
\v 3 Mahmi kumpi cu Pathian mai pen a man mi thu bawl naven a pai nuncan ziaza pha zo ngawlin, a pai Joash bawl mi hempoh bang in bawl hi.
\v 4 Mah hang a sang nak mun te a vawk ngawl hang, mihing tampi ten mahmi umnak mun ah biakpiak nak bawl in ngimnam tui hempoh meihal haw hi.
\v 5 Amaziah in kumpi thuneih nak a kho ten a pa Joash kumpi a that tu sila te that hi.
\v 6 Capa hang in a pan thihnak thuak tuk ma hi. A pai ca a capa in thihnak thuak tuk ma hi. Mi hempoh in a sual nak hang thihnak thuak tuk hitin, Mosi thukham sungah ngat in a um mi Pathian thukham cu cingkem in a pa a that tutei cate that ngawl in um hi.
\v 7 Amaziah kumpi in Edom miphun thawngsawm cu ci umnak huakluam pen that in, Selah khuapi a do hang tuni tian Jok’the-el tih hei in sam hi.
\p
\v 8 Mah ten Isarel kumpi Jehu capa, Jehoahaz capa Jehoash nelah thuthang puak tu hah in, mitmai tawk dun tuk hung hitin thu a cah ten,
\v 9 Isarel kumpi Jehoash in Lebanon lingkung cu Lebanon cedar kung nelah a hah ten na canu cu ka capa huai tik in hitin a son laih tak, Lebanon sahang pakhat a hawh hang lingkung cu pal kha hi.
\v 10 Nangman Edom ngam cu na thah hang, na thinlung khaisang zo hi. Na umnak pen thiamnak bang tuangkhawng in um in. Nangmah loli Judah ngam haksat nak ah sung tik tukin ita sualnak thu zei thei hum tin, Judah kumpi Amaziah thucah leh kik hi.
\p
\v 11 Mahmi awnkam cu Amziah in a thungaih ngawl hang, Isarel kumpi in do in, kumpi panih ten Judah ngam Bethshemesh khuapi sung pen mai hek dun in a tawh hang,
\v 12 Isarel kumpi miphun mai pen Judah miphun cu sung in a venghawng a muhtei umnak mun ah tai haw hi.
\v 13 Isarel kumpi Jehoash in Judah kumpi Ahaziah capa cu Jehoash capa Amaziah in, Bethshemesh khuapi pen man ngah in Jerusalem khuapi sungah a hawh cengten, Jerusalem khuapi khantian tong zali cu Epharaim kongka pi pen a ning kongka pi tian subal hi.
\v 14 Biakinn sungah hei hihen, kumpi van koih nak inn sungah hei hihen, a um mi hempoh sui le ngun pen pan van hempoh te le a cang tuk mi haksat nak ngaisung ngawlin a lak cengten Samaria khuapi ah kik leh haw hi.
\p
\v 15 Jehoash bawl mi thu a tang laih hempoh huham a thawmngeng nak, Judah kumpi Amaziah ngaldo nak thu cu Isarel kumpi thuanthu sungah ngan hi.
\v 16 Jehoash cu a pu le pa te tuah hihbu in, Samaria khuapi sungah phum hi. A capa Jerobaom in a pai hihnak kumpi khunnak ah khung hi.
\p
\v 17 Isarel kumpi Joash capa Jehoash a thih cengten, Judah kumpi Jehoahaz capa Amaziah cu kum heinga nung laih hi.
\v 18 Amaziah bawl mi thu a tangliah hempoh Judah kumpi thuanthu sungah ngan hi.
\v 19 Mahmi kumpi a langlam Jerusalem khuapi sungah pawlkom nak a bawl haw hang, a mah cu Lachish khuapi ah a tai ten mahmi khuapi sungah hah in a thah cengten,
\v 20 Cipuh hum ah koih in Jerusalem khuapi ah pua in, pu le pa te tuah David khuapi sungah phum haw.
\v 21 Judah ngam sung miphun hempoh ten kum heiluk a kim mi capa Azariah la in, a pa Amaziah hihnak ah kumpi in bawl haw hi.
\v 22 Mahmi kumpi cu a pa a thih cengten Elah khuapi cu lem leh in Judah ngam sungah koih leh hi.
\s Isarel kumpi Joash capa Jerobaom
\p
\v 23 Judah kumpi Joash capa Amaziah uknak kum heinga a kim ten, Isarel kumpi Joash capa Jerobaom cu Samaria khuapi sungah kumpi dek in kum sawmli le kumkhat uk hi.
\v 24 Mahmi kumpi cu Pathian mai pen sual a bawl hang, Isarel miphun a sual tik tu Nabat capa Jerobaom sual cu vawk ngawl in um hi.
\v 25 Isarel miphun tei Topa Pathian cu a sila Gath-hepher khuapi ah a um Amittai capa kamsang Jonah hang thupiak mi awnkam bang, mahmi kumpi in Isarel ngam cu Lebo-hamath khuapi luh tum nak pen huakluam tuipi tian ngal tei khut pen long in cawm hi.
\v 26 Itahum titale, Isarel miphun thuak mi bawl siatnak a nase leita hang in hihen, khuapi sungah kol a tang mi hei hihen, a luat in a tai mi hei hihen, Isarel miphun sungah a bawm thei tu a um ngawl hei in hihen, Pathian in a muh ten,
\v 27 Isarel miphun min cu vanhum nuai pen pai tik tuk ngawl in a ngaihsut nak hang, Joash capa Jerobaom hang pan hi.
\p
\v 28 Jeroboam bawl mi thu a tang laih hempoh te le a huham thawmngeng nak, ngaldo nak, a masa in Judah ngam sungah a lut tum mi Damaska khuapi le Hamath khuapi cu Isarel miphun ca in ngal tei khut pen a suah nak thu te Isarel kumpi thuanthu sungah ngan hi.
\v 29 Jeroboam cu a pu le pa Isarel miphun kumpi te tuah hihbu in, a capa Zakhariah cu a pai hihnak kumpi khunnak ah khung hi.
\s Judah kumpi Azariah
\c 15
\p
\v 1 Isarel kumpi Jerobaom uknak kum kulluansalih a kim ten,
\v 2 Judah kumpi Amaziah capa Azariah cu a kum heiluk kim in, kumpi khunnak ah khung in Jerusalem khuapi pen kum sawmnga le kumnih uk hi. A nui min cu Jerusalem khua mi Jecoliah hi.
\v 3 Mahmi kumpi cu a pa Amaziah bawl mi hempoh bang, Pathian mai pen a man mi thu bawl hi.
\v 4 A sang nak mun ah a um mite a vawk ngawl hang, mihing tampi ten mah lai umnak mun ah biakpiak nak bawl in ngimnam tui hempoh meihal haw hi.
\v 5 Pathian in dan a tat hang, kumpi cu a thih tian phak nat vei in a tuam tum kumpi inn dang ah um hi. A capa Jotham in kumpi inn uk in ngam sung uknak cu thukhen hi.
\v 6 Ahaziah bawl mi thu a tang laih hempoh Judah kumpi thuanthu sungah ngan hi.
\v 7 Ahaziah cu a pu le pa te tuah hihbu in, a mah tuah David khuapi sungah phum hi. A capa Jotham in a pai hihnak kumpi khunnak ah khung hi.
\s Isarel kumpi Zakhariah
\p
\v 8 Judah kumpi Ahaziah uknak kum sawmthum le kumliat a kim ten Jerobaom capa Zakhariah cu, Samaria khuapi sungah kumpi na dek in Isarel ngam cu uk hi.
\v 9 Mahmi kumpi cu pu le pa tei bawl mi bang Pathian mai pen sual a bawl hang, Isarel miphun a sual tik tu Nabat capa Jerobaom sual a bawl mite vawk ngawl in um hi.
\v 10 Jabesh capa Shallum in Zakhariah a langlam pen pawlkom nak bawl in, mihing tampi tei mai pen thi tukin a thah cengten, a ma hihnak kumpi in khung hi.
\v 11 Zakhariah bawl mi thu a tang laih hempoh Isarel thuanthu sungah ngan hi.
\v 12 Mah tihcun Pathian in na tu le canawn khangli tian, Isarel ngam kumpi tohkham khunnak hum ah khung tuk ci tin, Jehu nelah a thupiak mi awnkam cu kim hi.
\s Isarel kumpi Shallum
\p
\v 13 Judah kumpi Uzziah uknak kum sawmthum le kumkuah a kim ten, Shallum cu kumpi khunnak ah khung in Samaria khuapi pen hakhat uk hi.
\v 14 Gadi capa Menahem cu Tirzah khuapi pen Samaria khuapi ah hawh in, Jabesh capa Shallum in thi tukin a thah cengten, a ma hihnak kumpi in khung hi.
\v 15 Shallum bawl mi thu a tang laih hempoh te le pawlkom nak thu cu Isarel kumpi thuanthu sungah ngan hi.
\v 16 Mah ten Menahem in Tirzah khuapi sung hempoh te that hi. Khuapi luh tum nak kongka a mah cu a hot ngawl hang, that in naupai numei hempoh tei von cu at keh sak hi.
\s Isarel kumpi Menahem
\v 17 Judah kumpi Azariah uknak kum sawmthum le kumkuah ten, Gadi capa Menahem cu kumpi khunnak ah khung in Samaria khua pen Isarel ngam cu kumsawm uk hi.
\v 18 Mahmi kumpi cu Pathian mai pen sual a bawl hang, Isarel miphun a sual tik tu Nabat capa Jerobaom sual a bawl mite vawk ngawlin um hi.
\v 19 Assyria kumpi Pul in Isarel ngam do hi. Menahem in a huham kho tik tukin, Pul kumpi bawm tukin ngun cuai thawngsawm pia hi.
\v 20 Assyria kumpi a piak tuk Menahem in Isarel miphun sungah sum khon in, sum a ngah thei mi hempoh ten sum sawmnga ten pia hi. Mah hang Assyria kumpi cu um ngawlin a ma ngam ah pin kik leh hi.
\v 21 Menahem bawl mi thu a tang laih hempoh Isarel kumpi thuanthu sungah ngan hi.
\v 22 Menahem cu a pu le pa te tuah hihbu in, a capa Pekahiah in a pai hihnak kumpi khunnak ah khung hi.
\s Isarel kumpi Pekahiah
\p
\v 23 Judah kumpi Ahaziah uknak kum sawmnga a kim ten, Menahem capa Pekahiah cu kumpi khunnak ah khung in Samaria khuapi pen Isarel ngam cu kumnih uk hi.
\v 24 Mahmi kumpi cu Pathian mai pen sual a bawl hang, Isarel miphun a sual tik tu Nabat capa Jerobaom sual a bawl cu zam ngawl in um hi.
\v 25 Nadek tu ngalkap bawi, Remaliah capa Pekah cu Pekahiah kumpi a langlam ah pawlkom nak bawl in, Argob le Arieh tih mi Gilead miphun sawmnga tel in Samaria khua kumpi innsung pen a thi tukin a thah hang, a ma umnak ah kumpi in khung hi.
\v 26 Pekahiah bawl mi thu a tang laih hempoh Isarel kumpi thuanthu sungah ngan hi.
\s Isarel kumpi Pekah
\p
\v 27 Judah kumpi Azariah uknak kum sawmnga le kumnih a kim ten, Remaliah capa Pekah cu kumpi khun nak ah khung in Samaria khuapi pen Isarel ngam cu kum kul uk hi.
\v 28 Mahmi kumpi cu Pathian mai pen sual a bawl hang, Isarel miphun a sual tik tu Nabat capa Jerobaom sual a bawl mite zam ngawlin um hi.
\p
\v 29 Isarel kumpi Pekah uk sung, Assyria kumpi Tiglath-pileser cu hung in Ijon khuapi, Abel-beth-maacah khuapi, Kedesh khuapi, Hazor khuapi, Gilead ngam, Gallile ngam, Napthali ngam miphun hempoh that in Assyria ngam ah man hi.
\v 30 Uzziah capa Jotham uknak kum kul a kim ten, Elah capa Hosea cu Remaliah capa Pekah kumpi a langlam ah pawlkom nak bawl thi tukin a thah cengten a ma hihnak kumpi khunnak ah khung hi.
\v 31 Pekah bawl mi thu a tang laih hempoh Isarel kumpi thuanthu sungah ngan hi.
\s Judah kumpi Jotham
\p
\v 32 Isarel kumpi Remaliah capa Pekah uknak kum nih ten, Judah kumpi Uzziah capa Jotham cu a kum kulluannga a kim ten, kumpi khunnak ah khungin,
\v 33 Jerusalem khuapi pen Isarel ngam uk hi. A nui min cu Zadok canu Jerusha hi.
\v 34 Mahmi kumpi in a pa Uzziah nun can ziaza bang, Pathian mai pen a man mi thu bawl hi.
\v 35 Mah hang a sangnak mun te a vawk ngawl hang, mihing tampi ten mahmi umnak mun pen biakpiak nak bawl in ngimnam tui hempoh meihal haw hi. Mahmi kumpi cu biakinn sang in kongka pi cu bawl hi.
\v 36 Jotham bawl mi thu a tang laih hempoh Isarel kumpi thuanthu sungah ngan hi.
\v 37 Mahmi huncan ten Pathian in Syria kumpi Rezin le Remaliah capa Pekah cu Judah ngam ah hah hi.
\v 38 Jotham cu a pu le pa te tuah hihbu in a muhte tuah a pa David khuapi sungah phum hi. A capa Ahaz cu a pai hihnak kumpi khunnak ah khung hi.
\s Judah kumpi Ahaz
\c 16
\p
\v 1 Remaliah capa Pekah kumpi uknak kum salih ten, Judah kumpi Jotham capa Ahaz cu kum kul a kim ten kumpi khunnak ah a khun hang,
\v 2 Jerusalem khuapi pen kum heiluk uk hi. Mahmi kumpi cu a pa David bang nung ma, Pathian mai pen a man mi thu bawl ngawl in,
\v 3 Isarel kumpi tei zui mi lamzin ah zui in, Pathian in Isarel miphun mai pen a hawlvawk mi ngam dang miphun tei a nawngkai mi dan a bawl bang, a capa cu mei tuah biakpiak nak pia hi.
\v 4 A sangnak mun, mual hum, thingkung pi nuai ah biakpiak nak bawl in, ngimnam tui hempoh meihal thei hi.
\p
\v 5 Mah ten Syria kumpi Remaliah capa, Pekah cu Jerusalem khuapi ah ngal do tuk hawh in Ahaz kumpi cu kilkhum naven neh ma hi.
\v 6 Mah hang Syria ngam ah kik leh in Judah miphun te a hawlvawk hang, Syria miphun te heng in tuni tian Elat khuapi ah um haw hi.
\p
\v 7 Mah hang, Ahaz cu Assyria kumpi Tiglath-pileser nelah thuthang puak tu hah in kei cu topai capa, topai sila ing hi. Hung in hi. Keimah a do tu Syria kumpi le Isarel kumpi khut sung pen pan in hitin ngen hi.
\v 8 Mah cengten biakinn sung pen hei hihen, kumpi van koih nak inn sungah a um mi hei hihen, sui le ngun la in Assyria kumpi nelah laksawng pia hi.
\v 9 Assyria kumpi in ngai in Damaska khuapi ah ngaldo tuk hawh in a do cengten, ngam sung mipi te cu Kir khuapi pen man hi. Rezin kumpi vang that hi.
\p
\v 10 Ahaz kumpi in Assyria kumpi vai muak tukin Damaska khuapi ah hawh hi. Mah khuapi ah a um mi biakpiak nak taitan a muhten biakpiak nak zuk, a saulam, a vang hempoh ngan in thiampi Urijah nelah pia hi.
\v 11 Mah tihcun Damaska khuapi pen Ahaz kumpi piak mi hempoh bang, thiampi Urijah in Ahaz kumpi a hen laih ngawl in bawl zo hi.
\v 12 Kumpi cu Damaska khuapi ah a hen ten, mahmi biakpiak nak taitan cu mu in a bulah a nek hang,
\v 13 Meihal biakpiak nak le an tuah biakpiak nak cu mei hal hi. In tuk biakpiak nak vang pia hi. Pawlkom biakpiak nak thisan vang biakpiak nak taitan hum ah theh hi.
\v 14 Pathian mai ah a um mi dal biakpiak nak cu biakinn mai, biakpiak nak a ngeng bel cu saklam ah koih hi.
\v 15 Mah cengten thiampi Urijah a thucah mi cu zinglam meihal biakpiak nak le zanlam meihal an tuah biakpiak nak, kumpi meihal biakpiak nak le an tuah biakpiak nak, in tuk biakpiak nak, ngam sung mipi meihal biakpiak nak le an tuah biakpiak nak, in tuk biakpiak te biakpiak nak taitan a ngeng pi hum pen meihal hi. Meihal biakpiak nak tih mi biakpiak nak thisan vang, mahmi biakpiak nak hum ah theh in hi. Dal biakpiak nak cu ka thu dot nak um tuk hitin,
\v 16 Ahaz kumpi thucah mi bang thiampi Urijah in bawl hi.
\p
\v 17 Ahaz kumpi dal khung van te vawk in kuangkum vang cu thawn hi. Dal tuikuang cu dal khuizuk hum pen khia suk in suangphah nak hum ah koih hi.
\v 18 Biakinn sungah colhni cingkem tukin sak mi mandat hei hihen, kumpi kainak khut let a tuan hei hihen, Assyria hang in vawk hi.
\v 19 Ahaz bawl mi thu a tang laih hempoh Judah kumpi thuanthu sungah ngan hi.
\v 20 Ahaz cu a pu le pa te tuah hihbu in a muhte tuah David khuapi ah phum hi. A capa Hezakiah in a pai hihnak kumpi khunnak ah khung hi.
\s Isarel tei a dawl bel kumpi Hoshea
\c 17
\p
\v 1 Judah kumpi Ahaz uknak kum kulluannih ten, Elah capa Hoshea cu kumpi khunnak ah khung in Samaria khuapi pen Isarel ngam cu kum kuah uk hi.
\v 2 Mahmi kumpi cu Pathian mai pen sual bawl hi. Mah naven a mai pen a cang awng mi Isarel kumpi sual bawl mi cu pha zo ma hi.
\v 3 Mahmi kumpi cu Assyria kumpi Menahem in do in, Hoshea cu sila a thuak hang siah pia hi.
\v 4 Mah cengten kum sial a piak mi siah cu pia ma hi. So tih mi Izip ngam kumpi nelah thuthang puak tu hah do tuk in ngaihsut nak a neih mi cu Assyria kumpi in a theih hang, Hoshea cu man in thawginn sungah a koih cengten,
\v 5 Isarel ngam hempoh ah ngaldo tuk in Samaria khuapi ah a hen ten kumthum sung kil hi.
\v 6 Hoshea uknak kum kuah a kim ten Assyria kumpi in Samaria khuapi cu a ngah cengten, Isarel miphun cu Assyria ngam pen man in Gozan ngun bul, Halah khuapi, Habor khuapi tih mi Medes ngam khuapi khua no sungah koih hi.
\s Sual hang Isarel miphun te a hawlvawk nak
\p
\v 7 Itahum titale, Izip ngam le Izip Pharaoh kumpi khut sung pen nunpan tu a muhtei Topa Pathian cu Isarel miphun te a sual hang, a dang pathian cu U pat haw hi.
\v 8 A muhtei maipen Pathian hawlvawk mi miphun dang tei neih mi bang, a muhtei khaisan mi kumpi tei dan zui haw hi.
\v 9 A muhtei Topa Pathian a langlam ah a pha ngawl mi sual cu a lang ngawl in bawl haw hi. Khuapi cing tutei inn hei hihen, a kho mi khuapi hei hihen, khuapi khuano sung hempoh ah a sang mi umnak mun cu bawl haw hi.
\v 10 Zuk milim le Asherah thingkung te mual hum a sang nak mun hempoh ah hei hihen, thingkung hing dimdem a um mi hempoh nuai pen hei hihen, din in bawl haw tuk hi.
\v 11 A muhtei mai pen Pathian hawlvawk mi ngam dang miphun tei bawl mi bang, a sang mi umnak mun hempoh hum ah ngimnam tui hempoh meihal in, Pathian thinuuk nak sosuah tukin a thiangtho ngawl mi sualnak bawl haw hi.
\v 12 Pathian thukham piak mi thu, zuk milim tei sungah biakpiak nak thu te bawl haw hi.
\v 13 Mah hang, Pathian in a thiangtho ngawl mi lamzin cu pial un. Kei cu nohtei pu le pa tei sungah koih mi thu, ka sila kamsang te tuah piak mi thu a venghawng zui in ka dan thupiak mite cingkem un hitin, kamsang te le mailam thu phuang tu saza te tuah Isarel miphun, Judah miphun sungah theihpih nak thu pia ta vang,
\v 14 A mun ngai ngawlin a muhtei Topa Pathian cu a um ngawl tu pu le pa tei lungmu ngeng bang, a mun a lungmu ngeng tik haw hi.
\v 15 A thupiak nak, pu le pai bawl mi thukhaam a muhtei sungah theihpih nak a son mi thu te vawk in, a thupi ngawl mi nuncan ziaza tuah nung haw hi. Ngam dang mihing pakhat nun bang nung pah sun hitin, Pathian in thukham pia hi. Elkim ah a um mahmi miphun tei nungah zui haw hi.
\v 16 A muhtei Topa Pathian thukham piak mi hempoh vawkin, zuk milim luan mi khui no panih le Asherah thingkung cu bawl haw hi. Vanhum a bawl mi thil te bia in, Baal pathian vang bia haw hi.
\v 17 A capa le canu te cu meihal biakpiak nak in pia haw hi. Mitzial thiam, dawihthiam nak te mang in Pathian thinuuk nak so suah tik tukin, a mai pen sual bawl tuk hitin a mah le mah cu zuak haw hi.
\v 18 Mah hang, Pathian in Isarel miphun cu nasezet thinuuk in a mai pen vawk hi. Judah miphun sial ngawl miphun dang a tang um ma hi.
\p
\v 19 Judah miphun cu a muhtei Topa Pathian thukham cingkem ngawlin Isarel miphun zui mi dan zui haw hi.
\v 20 Pathian in Isarel miphun hempoh te hua in a mai pen a hawl vawk laklawh cu dan tat hi. Cuh dun long mitei khut sungah ap hi.
\v 21 Isarel miphun cu David kumpi miphun pen botkek in, a mun Nabat capa Jerobaom cu kumpi hihnak ah pia haw hi. Jerobaom in Pathian nungah a zuinak lamzin pen Isarel miphun cu pial tik in sual ngengpi bawl tik hi.
\v 22 Mah hang Jerobaom bawl mi sual nak lamzin ah Isarel miphun ten a cat ngawlin zui haw hi.
\v 23 Pathian in a sila kamsang hempoh tuah a thupiak mi bang, Isarel miphun cu a mai pen a hawlvawk laklawh tian a mun mahmi sual bawlnak cu pial ngawl in zui haw hi. Mah hang a umnak mun ngam pen Assyria ngam ah matnak cu tuni tian in thuak haw hi.
\s Samaria khuapi te umnak a piak leh nak
\p
\v 24 Assyria kumpi in Babilon khua mi, Kuthah khua mi, Avva khua mi, Hamath khua mi, Sepharvaim khua mite pui in Samaria khuapi pen Isarel miphun ai in mahmi miphun ten Samaria khuapi cu long in um haw hi.
\v 25 A um pen pan Pathian a Upat ngawl hang, pawpi te hahin a hek khat te pet tik hi.
\v 26 Mah hang a hek khat ten topa cu thawn tik in Samaria khuapi khua no sungah a koih mi miphun hempoh ten, mahmi ngam cing tu Pathian thu a theih ngawl hang, mahmi Pathian in pawpi te hah in umnak a co tute cu that in hitin, Assyria kumpi nelah a tih haw ten,
\v 27 Assyria kumpi in mah ngam pen a mat mi thiampi pakhat cu kuat leh haw hi. A mah cu hawh in, mahmi ngam cing tu Pathian thu cu hilh in um ta hen tin a thupiak mi bang,
\v 28 Samaria khuapi pen mat mi thiampi pakhat cu Bethel khuapi sungah pin leh tik in, Pathian cu itih bang in Upat tuk hum tih mi cu hilh hi.
\v 29 Mah naven mahmi miphun hempoh ten a muhtei pathian cu bawl in a umnak mun khuapi khua no a sang mi umnak hum pen Samaria khua miphun a bawl ham mi inn sungah koih haw hi.
\v 30 Babilon khua miten Succoth-benoth pathian, Kuth miphun ten Nergal pathian, Hamath miphun ten Ashima pathian,
\v 31 Avva khua miten Nibhaz pathian le Tartak pathian cu bawl haw hi. Sephavit khua miten khuapi cing tu Adrammalech le Anammalech pathian lakah a canu le capa te meihal in biakpiak nak bawl haw hi.
\v 32 Pathian vang U pat in mi zalan thong men te cu a sangnak mun thiampi hihnak ah a piak hang, a mun a sangnak mun inn sung ah mipi tei ca biakpiak nak bawl haw hi.
\v 33 Mah tihcun Pathian cu U pat haw hi. Mat a co mi miphun tei bawl bang, a muhtei pathian vang bia haw hi.
\p
\v 34 Tuni tian tanglaih dan thu a zui haw hang, Pathian U pat nak ah heng ma hi. Isarel miphun thuak mi dan thukham te cingkem ma hi. Isarel min tuah sam mi Jakop miphun sungah Pathian koih mi dan thukham te zui ngawlin um haw hi.
\v 35 Pathian in mahmi miphun te tuah thukhaam a bawl hang, nohten a dang pathian te U pat ngawl, lukun ngawl, bia tuk ma, biakpiak nak bawl tuk ma.
\v 36 Nohte cu a ngeng mi huham a khut thawmlian a zak hang, Izip ngam pen nunpan tu Pathian bek cu U pat nak tuah bia in biakpiak nak bawl tuk mi hi.
\v 37 Nohtei ca in ngat mi dan thukham hempoh a cat ngawl in cingkem tuk hi. Pathian dang U pat tuk ma.
\v 38 Nang muhte tuah ka bawl mi thukhaam cu phawkngil tuk ma. A dang pathian U pat tuk ma.
\v 39 Nohtei Topa Pathian bek bia tuk. Mah tihcun ngal hempoh tei khut sung pen pan tuk hitin thu cah naven,
\v 40 A mun a thungai ngawlin tanglaih dan thu zui haw hi.
\v 41 Mahmi miphun namkim pumpak tek in a tu le canawn ten, Pathian a biak laih tak hei in zuk milim tei sila in bia haw hi. A pu le pa te zui in tuni tian zui haw hi.
\s Judah kumpi Hezakiah
\c 18
\p
\v 1 Isarel kumpi Elah capa Hoshea uknak kum thum a kim ten,
\v 2 Judah kumpi Ahaz capa Hezakiah cu kum kul luannga a kim ten, kumpi khunnak Jerusalem khuapi ah kum kul luankuah uk hi. A nui min cu Zakhariah canu Abi hi.
\v 3 Mahmi kumpi cu a pa David nun bang, Pathian mai pen a man thu bawl hi.
\v 4 A sang nak mun te vawk hi. Zuk milim bawl te subal hi. Asherah thing kung te phuk hi. Mosi bawl mi dal ngul cu talhtawng hi. Itahum titale, Isarel miphun ten mahmi huncan tian, mahmi ngul mai pen ngimnam tui hempoh meihal thei haw hi. Mahmi ngul cu Nehustan tin a min sa hi.
\v 5 Isarel miphun tei Topa Pathian cu mahmi kumpi a belh bang, a ma nungah a bel tu Judah kumpi pakhat no hei um ma hi. A mai ah vang um ma hi.
\v 6 Pathian cu len lo in a nungah a cat ngawl a zui hang, Mosi nelah Pathian koih mi dan thukham te cingkem hi.
\v 7 Pathian cu a mah tuah a um hang, a bawl nak hempoh ah tuang hi. Assyria kumpi sila thuak ngawlin, do hi.
\v 8 Philistine miphun te do in Gaza khuapi peng sung tian a kho mi khuapi te le a cing tu umnak te cu that hi.
\p
\v 9 Hezakiah kumpi uknak kumli a kim ten, Isarel kumpi Elah capa Hoshea uknak kum salih kim in, Assyria kumpi Shalmaneser cu Samaria khuapi ah ngaldo hawh tuk in kil haw hi.
\v 10 Kum thum a kim ten Hezakiah kumpi uknak kum luk, Isarel kumpi Hoshea uknak kum kuah ten Samaria cu do in neh haw hi.
\v 11 Assyria kumpi in Isarel miphun cu Assyria ngam ah long in Gozan ngun bul Halah khuapi, Habor khuapi tih mi Medes ngam khuapi le khua no sungah koih hi.
\v 12 Itahum titale, a mun a muhtei Topa Pathian awnkam ngai ngawl in a bawl mi thukhaam hei hihen, Pathian sila Mosi thucah hempoh te hei hihen, imah sumsial ngawlin palcat haw hi.
\p
\v 13 Hezakiah kumpi uknak kum heili a kim ten, Assyria kumpi Sennacherib cu Judah ngam sung pen khuapi a kho mi hempoh do in that khawng hi.
\v 14 Judah kumpi Hezakiah in Assyria kumpi Lachish khuapi ah hah in kei cu sual zo ing. Hawh kik leh ta un. Topai koih mi hempoh pua tung hitin a hilh tik ten Assyria kumpi in Judah kumpi Hezakiah nelah ngun cuai thawngthum, sui cuai zakhat ngen hi.
\v 15 Hezakiah cu biakinn sungah hei hihen, kumpi van koih nak inn sungah hei hihen, a muh mi hempoh ngun cu pia hi.
\v 16 Biakinn kongka pi, thil van te a mah loli in a ma sa a bawl mi khuam van hempoh duk in Assyria kumpi pia hi.
\s Jerusalem khuapi cu Assyria kumpi Sennacharib a thupnak
\v 17 Mah cengten Assyria kumpi Tartan, Rab-saris, Rabshakeh te cu ngalkap tampi te tuah Lachish khuapi pen Jerusalem khuapi, Hezakiah kumpi nelah a hah in a muhte a hen ten Washer hi lo bul hawhnak lamzin a humta tuiting bul ah ding haw hi.
\v 18 Kumpi cu a sam ten Hikiah capa kumpi innsung uktu Eliakim, lai ngan tu a ngeng bel Shebnah, Asaph capa a sunglam uktu Jo-ah ten a muhtei lakpen a tul cengten,
\v 19 Rabashakeh in kumpi ngeng bel Assyria kumpi in thu a piak mi na belhnak hang, belhnak mun cu itihbang hum?
\v 20 Ngaldo tuk tian in theihnak, thazang tuah kei cu dim ing hitin a thupi ngawl mi awnkam son zo ci. Keimah do tukin a kua muang nge cim?
\v 21 A ek mi pumpeng hual thiangkhut tih mi Izip ngam cu muang hima cim maw. Mahmi pumpeng pum a muang tupai khut cu vit in holh tuk hi. Mah tihcun Izip kumpi Pharaoh cu a mah a muang tu hempoh bawl tuk hi.
\v 22 Nohten, kei muhte kohtei Topa Pathian cu muang hitin a don leh ten, Hezakiah in a sang mi umnak mun le biakpiak nak hempoh te vawkin, Jerusalem khuapi pen biakpiak nak mai bek ah bia tuk hitin Judah ngam Jerusalem khua miten thu a cah hang, nohtei bawl sual mi cu Pathian hima maw.
\v 23 Mah hang a tuin ka topa Assyria kumpi sungah ap in. Nangman cipuh khung ngalhang cangkim a um tale cipuh thawngnih cu keiman pia tung hi.
\v 24 Nang cu ka topai sila tei sung pen a neu bel mi ngalkap itihbang do thei tuk cim? Izip ngam pen cipuh leng te, cipuh khung te ngah tung hitin um hima maw.
\v 25 Pathian phalnak thu um ngawlin hi ngam siatsuah tukin keimah cu hung ing maw. Mahmi ngam cu hawh in siatsuah in hitin Pathian in keimah thupia zo hi. Hi thu cu hilh leh ta un hitin, ti hi.
\p
\v 26 Mah ten Hilkiah capa Eliakim, Shebnah, Joah ten Syria awnkam tuah kei muhtei lakah a thupiak um maw. Mahmi awnkam cu kohten thei ung. Khuapi khantian hum ah a um mi a mun za tuk in Judah awnkam tuah a thupiak nak um ma hen tin Rabshakeh tin a sam haw ten,
\v 27 Rabshakeh in ka topa cu na topa tuah na nel bekah hi awnkam hilh tukin keimah hah hima maw. Khuapi khantian hum ah khung in nang muhte tuah nang muhtei a thiangtho ngawl mi ek cu ei in, nohtei zin a in tutei umnak mun ah a hah mi hima maw tin a son cengten,
\v 28 Rabshakeh cu tho in Judah awnkam tuah aw ngiingzet a au ten, kumpi ngeng bel Assyria kumpi thupiak mi cu ngai ta un.
\v 29 Kumpi thupiak mi cu Hezakiah in nang muhte zol ma hen. A man nohte cu ka khut sung pen pan tukin tih theih nak um ma hi.
\v 30 Hezakiah in Pathian in ohte cu a thungai in pan tuk hi. Hi khuapi cu Assyria kumpi khut sungah heng tuk ma hitin a hilh hang, Pathian cu muang tik pah sin.
\v 31 Hezakiah awnkam cu ngai pah sun.
\v 32 Assyria kumpi thupiak mi cu keimah tuah pawlkom un. Ka nelah hung un. Nohte thi ngawl nung tukin nang muhtei ngam bang ancang, cabit tui tuah a dim mi ngam moh le cabit huan, olive thau, khuaitui tampi a um mi ngam ah pui tukin ka hen laklawh nohten na cabit ngah, na theipi kung pen a ngah te ei in, na tuikhuk pen tui cu in hih un.
\v 33 Hezakiah in Pathian cu kohte pan tuk hitin zol ma hen. Ngam sungah a um mi pathian ten a muhtei ngam cu Assyria kumpi khut sung pen luat haw zo maw.
\v 34 Hamath ngam tei pathian, Arpad ngam pathian cu ai lai ah um haw hum? Sepharvaim ngam, Hena ngam, Ivva ngam pathian te ai lai ah um haw hum? A mun Samaria ngam cu ka khut sung pen luat haw zo maw.
\v 35 Mahmi ngam hempoh sungah a um mi pathian sung pen, ai pathian in na ngam cu ka khut sung pen pan awng hum? Pathian in Jerusalem khuapi cu ka khut sung pen itihbang in pan thei hum tin, ti hi.
\p
\v 36 Judah miphun ten awnkam khat no hei don leh ngawlin daiden no um haw hi. Itahum titale, don leh pah sin hitin a thupiak mi um hi.
\v 37 Mah ten Hilkiah capa kumpi innsung uktu Eliakim, lai ngan tu a ngengbel Shebna, Asaph capa lai ngan tu Jo-ah ten a muhtei silh mi puan botkek Hezakiah kumpi nelah hung in Rabshakeh awnkam cu hilh haw hi.
\s Jerusalem khuapi a luatnak tuk thuphuan nak
\c 19
\p
\v 1 Mahmi awnkam cu Hezakiah kumpi in a zak ten, a silh mi angki botkek thangkhau puan silh in biakinn sungah hawh hi.
\v 2 Thangkhau puan silh in a um tu kumpi innsung uktu Eliakim, lai ngan tu a ngeng bel Shebna, kum U ham thiampi te cu Amoz capa kamsang Isaiah nelah hah hi.
\v 3 Hezakiah kumpi thucah mi awnkam cu tuni haksat thuak ni, thu hilh mi ni, sonsiat co mi ni hi. Nau hin huncan heng in capa hing thei tuk in thazang nei ma hi.
\v 4 A nung mi Pathian cu sonsiat tik tukin Assyria kumpi hah mi a sila Rabshakeh awnkam cu na Topa Pathian in za ta hen. Na Topa Pathian a mah loli a zak mi awnkam cu don leh ta hen. Nang cu a tang laih mihing tei ca thunget nak nei in hitin hilh tik tukin,
\v 5 Hezakiah kumpi hah mi kohten Isaiah nelah heng zo ung hi.
\v 6 Isaiah in Pathian thupiak mi cu Assyria kumpi sila ten kei muhte a sonsiat nak hang, nangman na zak mi awnkam cu laupah sin.
\v 7 Mahmi kumpi sungah lungmu a dang keiman pia tung hi. A man thuthang a zaak hang, a ngam ah pin leh tuk hi. Mahmi ngam sungah nam tuah keiman thu hilh tik tuk tihmi awnkam cu nohtei topai nelah hilh leh ta un hitin, ti hi.
\v 8 Mah ten Assyria kumpi in Lachish khuapi pen a tulnak thu, Rabshakeh in a zaak ten kik leh hawh in, Libnah khuapi a do mi cu mu hi.
\v 9 Mah cengten Cush kumpi Tirhakah ngaldo tuk in ngam thok hung zo hitin thuthang a zaak ten, Hezakiah kumpi nelah thuthang puak tu hah leh in,
\v 10 Nohten Judah kumpi Hezakiah hilh mi awnkam cu na muan mi Pathian in, Jerusalem khuapi cu Assyria kumpi khut sungah heng tuk ma hitin nangmah cu zol thu son ma hen.
\v 11 Assyria kumpi ten ngam hempoh a thahnak thu cu nangman za zo ci. A mah hei luat a ni maw.
\v 12 Ka pu le pa ten a siatsuah mi miphun, Gozan miphun, Haran miphun, Rezeph miphun, Telassar khuapi ah a um mi Eden miphun ten, a muhtei pathian in pan haw zo maw.
\v 13 Hamath kumpi, Arpad kumpi le Sepharvaim khuapi, Hena khuapi, Ivvah khuapi uktu kumpi te cu ai lai ah um haw hum tin, thucah hi.
\s Hezakiah kumpi thunget nak
\p
\v 14 Mahmi thucah lai cu Hezakiah kumpi in thuthang puak tu pai khut pen la in a zoh ten, biakinn ah hawh in Pathian mai pen phalh hi.
\v 15 Mahten Hezakiah kumpi in Pathian mai pen a hilh mi cu Cherubim hum ah a khung tu Isarel tei Topa Pathian, Topa cu Pathian hi. Topa pakhat bek cu leihum ah a um mi hempoh ngam, ngam hempoh tei Pathian hi. Topan vanhum le leipi cu bawl hi.
\v 16 Pathian aw, na beng dawh in ngai in. Pathian aw, mitcang hak in zo in. Shenacharib kumpi in a nung mi Pathian sonsiat in a son tik mi awnkam hempoh sialsiah in.
\v 17 Pathian aw, a thungai in Assyria kumpi ten ngam hempoh a siatsuah hang,
\v 18 A muhtei pathian te mei sungah vawk sak haw zo hi. Mahmi pathian te cu Pathian hima hi. Mihing khut tuah bawl mi thing le suang a hih hang, siatnak ah heng haw zo hi.
\v 19 Ka Topa Pathian aw, Topa Pathian pakhat bek Pathian hi tih cu leihum ah a um mi ngam hempoh ten thei tukin, kohten mahmi kumpi khut sung pen a tuin pan in. Keiman hehpih kun ing hitin thungen hi.
\s Assyria kumpi Shenacherib a sunnak thu kamsang Isaiah phuannak
\p
\v 20 Mah ten Amoz capa Isaiah cu Hezakiah kumpi nelah hah in, Isarel miphun tei Topa Pathian thupiak mi nang cu Assyria kumpi Sennacherib thu hang, ka mai pen na bawl mi thunget nak awnkam cu keiman zaa zo ing.
\v 21 Mahmi kumpi thu Pathian thupiak mi awnkam cu Zion canu khanglai him ten nangmah cu imah sumsial ngawlin nuihcip hi. Jerusalem canu khanglai him in na nungpen lu sat li hi.
\q
\v 22 Nangman a kua sonsiat in um li cim? A kon au in pualthau nak mitmai um hum? Isarel miphun tei a thiangtho mi Pathian hei bawl hima maw.
\q
\v 23 Nang cu thuthang puak tu hang Pathian sonsiat in, kei cu cipuh leng a tampi hang mual lek ah hei hihen, Lebanon mual lek sang ah hei kai zo hi. A sang nak mun cedar thingkung le a pha bel mi cak thing kung te cu keiman phuk zo ing. A khuala bel mi belhnak mun a ngah tam mi ngam sungah kei cu tum zo ing.
\q
\v 24 Kei cu khuk co in tep awng ngawl mi tui cu in zo ing. Ka ke phalh hang Izip ngam ngun tuipi umnak hempoh kang tik zo hitin nangmah son kha ing hi.
\q
\v 25 Kei man a masa in hi thukhen nak thu le tanglaih huncan in a lepnak thu cu nangman zaa ma cim maw. A tu hei in nangman a kho mi khuapi te siatsuah in, suangseh hulawm cang tik tukin keiman pia zo ing.
\q
\v 26 Mah hang khuapi sung miten thanau haw hi. A ngaihsut nak amthong thinkham in um haw hi. Hampa kung le cangkung hing te bang in hihen, inn hum ah a po thei mi hampa le a ngeng man ngawl in a vuai thei mi cang kung bang in cang haw tuk hi.
\q
\v 27 Na umnak, suah le luh tum nak, keima sungah ka thinuuk nak te keiman thei ing.
\q
\v 28 Ka sungah na thinuuk so nak, zotsak nak cu ka zak ten na nal pen vit in khaukhih cengten na hennak lamzin pen pin leh tik tuk hi.
\p
\v 29 Na sialsiah mi mangbangza cu a tu kum sung a ma thu khang in a ham mi ankung ngah te hei hihen, a kumnih nak ten mahmi te tuah a po langkhat mi hei hihen, nohten ei tuk uh ci. A kumthum nak ten anci te vawh in cang cu at ta un. Cabit huan vang phut in a ngah cu ei ta un.
\q
\v 30 Haksat nak pen luat in a tang laih mi Judah miphun ten a nuai lamah a zung man in a humpen a ngah cu ngah haw tuk hi.
\q
\v 31 A tang mite cu Jerusalem khuapi sungah hei hihen, haksat nak pen a luat mite cu Zion mual hum ah hei hihen, heng haw tuk hi. Vancung ngalkap Topa Pathian deihnak nasezet hang, mahmi thu cu khen tuk hi.
\p
\v 32 Mah hang Pathian in Assyria kumpi camcawh in thu a piak mi a mah cu hi khuapi sungah lut tuk ma hi. Khuapi sungah thalcang kap tuk ma hi. Khuapi mai pen lumphaw te lak tuk ma hi. Khuapi a pawlam khuapi khan te dip tuk ma hi.
\q
\v 33 A hennak lamzin pen pin leh tuk hi. Hi khuapi sungah lut tuk ma hi.
\q
\v 34 Kei cu ka mitmai hei hihen, ka sila David mitmai hei hihen zo in, hi khuapi pan tukin cingkem tung hitin, Pathian in thupia hi.
\p
\v 35 Mahmi zan in Pathian vancung mi tulin Assyria ngalkap sung pen mihing tingkhat le thawngsawmliat le thawng nga (185,000) cu that hi.
\v 36 Assyria kumpi Sennacherib in mahmi umnak mun pen tulin a hawh leh ten, Ninaveh khuapi sungah um hi.
\v 37 Mah cengten a mah cu a pathian Nisroch biakinn sung pen a biak laih tak a capa Adrammelech le Sharezer in a pa cu nam tuah a thah cengten, Ararat ngam ah tai haw hi. A capa Esarhaddon in a pai hihnak kumpi khunnak ah khung hi.
\s Hezakiah thih nat pen a luatnak
\c 20
\p
\v 1 Mahmi huncan ten Hezakiah kumpi cu thihnat nak a vei hang, Amoz capa kamsang Isaiah cu hung in Pathian thupiak mi cu na inn sungah thukhen nak bawl in. Nang cu nung ngawl in thi tuk ci tin a thupiak mi hilh hi.
\v 2-3 Hezakiah kumpi cu panglam ah hek in Pathian aw, kei cu na mai pen thukam tuah ngak a cangkim mi thinlung tuah nungin na deihnak bang ka bawl mi cu phawk in hi. Keiman hehpih ngen ing hitin na sezet kap in Pathian nelah thungen hi.
\v 4 Isaiah in kumpi inn sung thukhen nak a laizang a hen laih ngawl Pathian awnkam heng in,
\v 5 Nang cu ka miphun ngalkap bawi Hezakiah kumpi nelah veikhat hawh leh in, napa David Topa Pathian thupiak mi na thunget nak cu keiman thei zo ing. Na mit hitui keiman mu zo ing. Na natnak cu keiman ka dam tik hang, nangmah cu nithum lawi ten biakinn ah kai tuk ci.
\v 6 Na nunnak kum hei nga cu keiman pia bet tung. Nangmah le hi khuapi cu Assyria kumpi khut pen keiman pan tung. Ka mitmai hei hihen, ka sila David mitmai hei hihen zo in humhim in cingkep tuk mi thu hilh ten hitin, ti hi.
\v 7 Isaiah in theipi ngah tampi la in hitin a tihbang la in a natnak pen a belh cengten, kumpi cu dam hi.
\p
\v 8 Hezakiah kumpi in Pathian in ka natnak a dam tik hang nithum lawi ten kei cu biakinn sungah kai tung hitin a tih ten, i sialsiah theihpih nak thu um hum tin a dot ten,
\v 9 Isaiah in Pathian thupiak nak bang bawl tuk hitin Pathian in na nelah a piak mi sialsiah theihpih nak thu cu a lim veisawm khang tuk maw. Veisawm kiam tuk hum tin a dot ten,
\v 10 Hezakiah in a lim veisawm khang baih saw hi. Mah tihcun a kulnak um ma hi. Veisawm kiam hen hitin, don leh hi.
\v 11 Kamsang Isaiah in Pathian nelah thu a nget ten, Ahaz ni tehnak nazi hum ah veisawm a thawn mi a lim cu veisawm a nunglam ah kik leh tik hi.
\s Babilon khuapi pen thuthang a phuang tu hempoh tei lakah a laknak
\p
\v 12 Mahmi huncan ten Baladan capa Babilon kumpi Merodach-baladan in Hezakiah kumpi na in a natnak cu dam hi tih a zak ten, itnak lai tuah laksawng keng in thuthang puak tu hah hi.
\v 13 Hezakiah kumpi in a muhte a hen hang, lungdam nak tuah sui inn sung pen sui, ngun, ngimnam tui namkim, man a nei mi ngimnam tui thau, ngalhiam nam inn le van hempoh lak hi. Kumpi umnak inn pen pan in uknak ngam sung hempoh a lak ngawl mi thilvan pakhat no hei um ma hi.
\v 14 Mah ten kamsang Isaiah in Hezakiah kumpi nelah hawh in mahmi mihing ten itihbang in hilh haw hum? Ai lai ngam pen a ma nelah hung haw hum tin a dot ten, Hezakiah kumpi in ngam khuala pi Babilon ngam pen hung haw hitin, don leh hi.
\v 15 Kumpi inn sungah ai mu uh cim tin a dot leh ten, Hezakiah kumpi in kumpi inn sungah a um mi hempoh mu zo ing. Van neih mi sung pen ka lak ngawl mi pakhat no hei um ma hitin, don leh hi.
\p
\v 16 Mah ten Isaiah in vancung ngalkap Topa Pathian awnkam thu ngai in.
\v 17 Kumpi inn sungah a um mi hempoh hei hihen, tuni tian pu le pa tei khawl mi hempoh hei hihen, Babilon khuapi sungah lak mi huncan heng tuk hi. Pakhat no hei tang ma hen tin Pathian in ti hi.
\v 18 Na miphun pih tuah ngah mi na tu le cate keng in a mun Babilon kumpi inn sungah tilngeh mi tangval bawl haw tuk hitin, Hezakiah nelah hilh hi.
\v 19 Hezakiah kumpi in na hilh mi Pathian awnkam cu pha hi tih hei in hihen, a thungai in ka khut sungah daihnak le thukam cingkep nak um tale a pha mi hima maw tih hei in hihen, Isaiah nelah hilh hi.
\v 20 Hezakiah bawl mi thu a tang laih hempoh te le a huham thawmngeng nak, tuipi ting le a tuikua awng te bawl in khuapi sungah tui a laaknak thu Judah kumpi thuanthu sungah ngan hi.
\v 21 Hezakiah cu a pu le pa te tuah hihbu in a capa Manasseh in a pai hihnak kumpi khunnak ah khung hi.
\s Judah kumpi Manasseh
\c 21
\p
\v 1 Manasseh in a kum heinih a kim ten kumpi khunnak ah khung in Jerusalem khuapi sungah kum sawmnga le kum nga uk hi. A nui min cu Hepzibah hi.
\v 2 Mahmi kumpi cu Isarel miphun mai pen Pathian hawlvawk mi miphun dang tei huat mi dan bang, Pathian mai pen sual bawl hi.
\v 3 A pa Hezakiah siatsuah mi mual hempoh te lemleh in, Isarel kumpi Ahab bawl mi bang Baal ca tuk biakipiak nak taitan te din hi. Asherah thingkung vang puah hi. Vanhum thil nate van bia hi.
\v 4 Jerusalem khuapi sungah ka min cu keiman kho tik tung hitin Pathian thupiak mi cu khuapi sung biakinn ah biakpiak nak te din hi.
\v 5 Biakinn thukhen nak panih sung pen vanhum thil na ca tuk biakpiak nak din hi.
\v 6 A capa cu meihal biakpiak nak pia hi. Huncan khutlam zo tik thei hi. Dawih thiam nak te mang in nam le khawsia lut te vang phalnak pia hi. Pathian thinuuk nak sosuah tukin a mai pen tampi sual bawl hi.
\v 7 Hi biakinn sung pen hei hihen, Isarel ngam sung pen ka ten mi Jerusalem khuapi ah hei hihen, ka min cu a cat ngawl kho tik tuk hitin Pathian in David le a capa Solomon nelah a thupiak mi sungah a camcawh mi biakinn sung pen a mah a tuamlawm tu Asherah thingkung tuah a bang ve mi zuk milim koih hi.
\v 8 Ka thucah mi hempoh bang ka sila Mosi thucah mi hempoh Isarel miphun ten zui tukin cingkem tale a mun pu le pa tei lakah ka piak mi ngam pen a muhte cu tunung ten keiman thawn leh tik tuk mang hitin thupiak nak nei naven,
\v 9 A mun ngai ma hi. Isarel miphun mai pen Pathian siatsuah miphun tei bawl mi sang, a tamsaw in sual bawl tik tukin Manasseh in pui hi.
\p
\v 10 Mah hang, Pathian in a sila kamsang te tuah thu a piak mi cu,
\v 11 Judah kumpi Manasseh in a mai pen a cang awng mi, Amor miphun tei bawl mi hempoh sang in a nawngkai saw mi sual a bawl hang in hihen, a zuk milim tuah Judah miphun a sual tik hang in hihen,
\v 12 Isarel miphun tei Topa Pathian thupiak mi thuthang a zaa tu hempoh ten a beng a langnih kha tik tukin, keiman Jerusalem khuapi, Judah khuapi sungah haksat nak heng tik tung hi.
\v 13 Jerusalem khuapi hum ah Samaria khua le Ahaz miphun tei taicin khau cu keiman koih tung. Pakan a huk cengten a khup bang, Jerusalem khuapi cu keiman bawl tung hi.
\v 14 A tanglaih mi ka lo co miphun ten keimah cu vawk in ngal tei khut sungah a ap hang, a muhte cu ngal hempoh ten long in bawl siat mi in cang haw tuk hi.
\v 15 Itahum titale pu le pa ten Izip ngam pen a tul ni pen pan tuni tian a cat ngawl in, ka mai pen sual bawl in ka thinuuk nak sosuah haw zo hitin, ti hi.
\p
\v 16 Manasseh cu Pathian mai pen sual a bawl hang, Judah miphun a sual tik tu sual bek sial ngawl, sualnak a nei ngawl mite that in Jerusalem khuapi sung a langkhat lam tian, a muhtei thisan tuah dim tik tukin bawl hi.
\v 17 Manasseh bawl mi thu a tang laih hempoh te le sual a bawl mi sualnak hempoh cu Judah kumpi thuanthu sungah ngan hi.
\v 18 Manasseh cu a pu le pa te tuah hihbu in Uzza huan, a ma inn tuah a seng mi huan sungah phum hi. A capa Amon cu a pai hihnak kumpi khunnak ah khung hi.
\s Judah kumpi Amon
\p
\v 19 Amon cu a kum heinih a kim ten kumpi khunnak ah khung in, Jerusalem khuapi sung pen kumnih uk hi. A nui min cu Jotbah khua mi Haruz canu Meshullemeth hi.
\v 20 Mahmi kumpi in a pa Manasseh bawl mi bang, Pathian mai pen sual bawl hi.
\v 21 A pai zui mi lamzin hempoh zui hi. A pai biak mi zuk milim hempoh bia hi.
\v 22 Pu le pa tei Topa Pathian cu zamsan in Pathian lamzin pen pial hi.
\v 23 A sila ten pawlkom nak bawl in kumpi cu kumpi inn sung pen that haw hi.
\v 24 Amon kumpi a langalam pen pawlkom nak a bawl tu hempoh te ngam sung mipi ten a thah hang, a capa Josiah cu a pai hihnak kumpi khunnnak ah koih haw hi.
\v 25 Amon bawl mi thu a tanglaih hempoh cu Judah kumpi thuanthu sungah ngan hi.
\v 26 Uzza huan pen a ma khan sungah phum co in a capa Josiah in a pai hihnak kumpi khunnak ah khung hi.
\s Dan thukham a muh lehnak
\c 22
\p
\v 1 Josiah cu a kum liat a kim ten kumpi khunnak ah khung in, Jerusalem khuapi pen kum sawmthum le kum khat uk hi. A nui min cu Bozkah khua mi Adaiah canu Jedidiah hi.
\v 2 Mahmi kumpi cu Pathian mai pen a man mi thu a bawl hang, a taklam le a vei ah pial ngawl in a pa David zui mi lamzin hempoh zui hi.
\p
\v 3 Josiah kumpi uknak kum heiliat a kim ten, Meshullam capa a himi Azaliah capa Shaphan sam in nang cu thiampi Hilkiah nelah hawh in hi.
\v 4 Biakinn sungah pui in mi tampi khut pen, kongka cing tupai lak mi sum cu thiampi in sang in a sial hang,
\v 5 Biakinn uktu, na dek a cingkem tu tei lakah ap in biakinn sia a cim nak te lem tukin na dek tu,
\v 6 Khut thiam nak a nei tu lettama te le innsa na dek tu ca, biakinn lepnak tuk suang le thing te lei tukin a piak tuk mi cu sum kem tupai nelah in ap hi.
\v 7 Mah hang mahmi sum a co tuten thukam cing tupa a hih hang cazin sialsiah tuk kul ma hi.
\p
\v 8 Thiampi ngeng Hilkiah in dan thukham Laithiangtho cu biakinn sungah keiman mu zo ing hitin, lai ngan tu Shaphan nelah hilh in Laithiangtho cu ap in lai sial hi.
\v 9 Mah cengten laingan tu Shaphan cu kumpi nelah hawh in, topa sila ten biakinn sungah a muh mi sum a kep cengten biakinn uktu, na dek a cing tutei sungah ap zo ing hi tih hei in hihen,
\v 10 Thiampi Hilkiah in ka nelah lai ap zo hi tih hei in hihen, a hilh ten kumpi mai pen sial hi.
\v 11 Kumpi in dan thukham Laithiangtho a zak ten a puan cu botkek in,
\v 12 Thiampi Hilkiah, Shaphan capa Ahikam, Micaiah capa Achabor, lai ngan tu Shaphan, a sila Asaiah cu sam in,
\v 13 A tuin muhmi Laithiangtho awnkam hang keima ca, mi tampi ca, Judah miphun hempoh ca, Pathian nelah dong ta un. Ohtei ca in hi Laithiangtho sungah ngat mi hempoh awnkam te pu le pa ten ngai ngawl zui ngawl in a um hang, Pathian in ohtei sungah nasezet a thinuuk tuk hitin, ti hi.
\p
\v 14 Mahmi huncan sungin Harhas capa a himi Tikvah capa, Shallum nupi kamsang nu Huldah cu Jerusaelm khuapi a pawlam ah um in thiampi Hilkiah, Ahikam, Ach-bor, Shaphan, Asaiah ten mahmi numei nui nelah hawh in hilh haw hi.
\v 15 Numei nu in ka nelah a hah mi cu a ma nelah nohten don leh in a hilh mi Isarel miphun tei Topa Pathian thupiak mi cu,
\v 16 Judah kumpi sial mi Laithiangtho awnkam a heng mi hempoh bang, kei cu hi umnak mun sungah hei hihen, hi umnak mun sungah a um mitei sungah hei in hihen, haksat nak heng tik tuk hi.
\v 17 Itahum titale, a mun keimah cu zamsan haw zo hi. A muhtei bawl mi thu ka thinuuk nak sosuah tukin ngamdang pathian mai pen ngimnam tui hempoh meihal haw zo hi. Mah hang hi umnak mun pen ka thinuuk nak mei cu mit ngawl in alh tuk hitin, ti hi.
\v 18 Pathian thu dong tik tukin nang muhtei hah mi Judah kumpi zaak mi Laithiangtho camcawh in, Isarel miphun tei Topa Pathian thupiak mi kumpi nelah a hilh leh mi thu cu,
\v 19 Hi umnak miphun ten siatsuah nak le tamsiat nak thu in cang tuk hitin hi umnak mun hei hihen, hi umnak miphun te hei hihen, ka thupnak awnkam na zaak ten a nem mi thinlung nei in Pathian mai pen mah le mah niamkhiat nak, a silh mi puan bawh kek nak, ka mai pen kahnak a bawl hang na awnkam cu keiman ngai ing.
\v 20 Keiman nangmah cu pu le pa tei hulopkhawm nak ah pui in, nang cu daiden no khanmual ah heng tuk ci. Hi umnak ah ka hen tik mi haksat nak cu nangmah loli in mu tuk ma ci tin a thupiak nak thu a hilh bang a mun kumpi nelah hilh leh haw hi.
\s Thukhaam cu Josiah kumpi in a lamdang leh tiknak
\c 23
\p
\v 1 Mah ten kumpi in Judah mipi, Jerusalem khua mi kum Upa hempoh te sam in,
\v 2 Judah miphun Jerusalem khua mi thiampi, kamsang, Upa naupang hempoh te tuah biakinn ah hawh in biakinn sung pen a muh mi thukhaam Laithiangtho hempoh a muhtei mai pen sial hi.
\v 3 Kumpi in Pathian cu bia tuk hi. A dan thukham a piak mi cu thinlung venghawng tuah cingkem tung hi. Hi laithiangtho sungah a tel mi thukhaam awnkam hempoh zui tung hitin khuam bulah ding in thukam bawl hi. Mi hempoh ten mahmi thukam a bawl mi cu lungkim haw hi.
\p
\v 4 Mah cengten thiampi ngeng Hilkiah a panih nak thiampi te le kongka cing tu ten Baal pathian, Asherah thingkung, vanhum thilvan ca man tuk a bawl mi hempoh biakinn sung pen suah in kumpi thukhen nak hang, Jerusalem khuapi a pualam, Kidron ngam pen meihal in a vut cu Bethel khuapi ah keng haw hi.
\v 5 Jerusalem khuapi a patnak penpan Judah khuapi khua no, a sangnak mun hum ah ngimnam tui hempoh meihal tukin Judah kumpi piak mi thiampi te hei hihen, Baal pathian, ni le hade huncan a cingkem tu penpan vanhum thilvan te ngimnam tui a hal tu hempoh te hei hihen, that khawng hi.
\v 6 Asherah thingkung vang biakinn sung pen suah in Jerusalem khuapi a pawlam, Kidron lui ah a hawh pih hang, mahmi lui bul pen mei a hal vam cengten a vut cu mizawng tei khanmual hum ah theh haw hi.
\v 7 Numei ten Asherah thingkung ca tuk kalaka tahnak umnak mun biakinn bul pen pano deihnak ah a zui thei mi hol zuak umnak mun inn te vang siat suah hi.
\v 8 Thiampi hempoh ten Judah khuapi khua no ten a sam hang, a mun ngimnam tui meihal nak mun a sang nak mun te cu Geba khuapi pen pan Beersheba khuapi tian bal tik hi. Jerusalem khuapi uktu Joshua luhtum nak kongka pen veilam ah sak mi khuapi luhtum nak mual te vang siatsuah hi.
\v 9 A sang nak mun tuah a seng mi thiampi ten Jerusalem khuapi biakinn biakpiak nak bulah nek ngawlin, a ngualcam te tuah naman sawh ngawl mi moh eihnak thu bek nei haw hi.
\v 10 A kuamah in a canu le capa cu Molech pathian nelah mei tuah biakpiak nak nei tuk ngawlin, Hinnom huakluam sungah a um mi ngam sung umnak mun vang bal tik hi.
\v 11 Judah kumpi ten ni cu bia in biakinn tual a pawlam ah Upa Nathan-melech inn bul, kongka pi bul ah a koih mi cipuh te vang that in ni cipuh te vang cu meihal hi.
\v 12 Judah kumpi ten Ahab inn thuah humta ah a koih mi biakpiak nak te le biakinn thukhen nak panih sung pen, Manasseh bawl mi biakpiak nak taitan te siatsuah sukeh in a vam cu Kidron lui sungah vawk hi.
\v 13 Isarel kumpi Solomon in Jerusalem khuapi nisuah nak, a siat suah nak hei a taklam pen a nawngkai mi Sidon pathian Ashtoreth, a nawngkai mi Moab pathian Chemosh, a nawngkai mi Amon pathian Milcom ca bawl mi mual te vang kumpi in subal tik hi.
\v 14 Zuk milim sukeh in Ashtoreth thingkung te a phuh cengten, a muhtei umnak mun te mithi nguh tuah dim tik hi.
\p
\v 15 Isarel miphun a sual tik tu Nabat capa Jerobaom in Bethel khuapi sungah a bawl mi mual le biakpiak nak taitan te subal siatsuah in mei a hal cengten ngawi vam hi. Asherah thingkung cu meihal hi.
\v 16 Josiah kumpi in vak kawkawi zo in, mahmi mual hum ah a um mi khanmual cu a muhten mihing cu hah in mahmi khanmual sung pen mithi nguh te a suah cengten, mahmi thu a hum pen a lak mi Pathian mihing hilh mi Pathian awnkam bang, a nguh te biakpiak nak taitan hum pen meihal in bal tik hi.
\v 17 Josiah kumpi in ka muh mi hi sialsiah nak suang cu ai tihbang hum tin a dot ten, khua sung miten, topa’n Bethel ah biakpiak nak taitan a bawl mi thu cu Judah ngam pen hung in a lak mi Pathian mihing khanmual hitin a don leh haw ten,
\v 18 Kumpi in um ta poh hen. A mah nguh te cu a kuamah in thawn sak pah sun hitin a thupiak mi bang, a nguh te tuah Samaria khuapi pen a hung mi kamsang nguh te um tik haw hi.
\v 19 Isarel kumpi te a thinuuk tik tuk in Samaria khuapi khua no sung a sangnak mun ah sak mi inn hempoh Josiah kumpi in vawk in, Bethel khuapi ah a bawl bang in bawl hi.
\v 20 A sang nak mun tuah a seng mi thiampi hempoh te vang biakpiak nak taitan hum pen that in, mithi nguh hempoh mei a hal cengten Jerusalem khuapi ah pin hi.
\p
\v 21 Mah cengten kumpi in hi thukham Laithiangtho sungah a heng mi bang, nohtei Topa Pathian cu kaltan puai bawl ta un hitin, mi hempoh thupia hi.
\v 22 Isarel miphun uk in thukhen tu pai khut sung pen pan Isarel kumpi le Judah kumpi khut sung hempoh mah tihcun kaltan puai veikhat no hei bawl haw ma hi.
\v 23 Josiah kumpi uknak kum heiliat a kim ten, mahmi puai cu Jerusalem khuapi pen Pathian nelah bawl haw hi.
\p
\v 24 Mah bek sial ngawl biakinn sung pen thiampi Hilkiah muhmi Laithiangtho sungah a um mi awnkam bang zui tukin Josiah kumpi in nam, khawsia lut, Terah zuk milim penpan in hihen, Jerusalem khuapi le Judah ngam sung hempoh ah a nawngkai a muh mi hempoh te hei hihen vawk sak khawng hi.
\v 25 Mosi thu sungah a tel mi hempoh a zui hang, a thinlung venghawng le a thazang ngilnak hempoh tuah Pathian nelah a thek hang, Josiah kumpi tuah a bang ve mi kumpi pakhat no hei um ma hi. Tunung ten vang heng ma hi.
\p
\v 26 Mah hang Manasseh in Pathian thinuuk tik tukin sual a bawl nak hempoh hang, Judah miphun sungah nasezet thinuuk in a thinkim thei ma hi.
\v 27 Isarel miphun cu a thinuuk nak pen a vawk bang, Judah miphun vang keiman vawk tung. Ka ten mi Jerusalem khuapi hei hihen, mi pakhat in biakinn sungah ka min cu keiman kho tik tung hitin, ka hilh mi biakinn hei hihen keiman vawk tung hitin, thupia hi.
\p
\v 28 Josiah bawl mi thu a tang laih hempoh Judah kumpi thuanthu sungah ngan hi.
\v 29 Mahmi kumpi uknak sungah Izip Pharaoh kumpi Neco in Euphrath ngun tuipi tian Assyria kumpi cu do in, Josiah kumpi in kham tukin a suah tul ten Megido khuapi pen kumpi le kumpi a tawh dun ten, Josiah cu thi hi.
\v 30 Sila ten cipuh leng hum ah a koih cengten kumpi a thih laih tak Megiddo khuapi pen Jerusalem khuapi ah pua in khanmual ah phum haw hi. Ngam sung miphun ten Josiah capa Ahoahaz cu la in sathau thih in a pai hihnak kumpi khun nak ah khung hi.
\s Judah kumpi Jehoahaz
\p
\v 31 Jehoahaz cu kum sawmthum a kim ten, kumpi khunnak ah khung in Jerusalem khuapi pen ha thum uk hi. A nui min cu Libnah khua mi Jeremiah canu Hamutal hi.
\v 32 Mahmi kumpi in a pu le pa bawl mi bang Pathian mai pen sual bawl hi.
\v 33 Pharaoh Neco in mahmi kumpi cu Jerusalem khuapi pen kumpi dek tuk ngawlin Hamath ngam, Riblah khuapi pen thong sungah koih in, Judah ngam pen sum cuai thawgkhat (1,000) le sui cuai sawm a siah ngen hi.
\v 34 Pharaoh Neco in Josiah capa Eliakim cu a pai hihnak kumpi khunnak ah khung tik in, Jehoiakim tin a min thak pia hi. Jehoahaz cu Izip ngam ah hawh pih in mahmi ngam pen Jehoahaz cu thi hi.
\v 35 Jehoiakim in Pharaoh kumpi thupiak mi bang, ngam sungah sui le ngun cu khon in Pharaoh kumpi cu a siah pia hi. Ngam sung miphun hempoh sui le ngun a khon bang, thunei zet ngen in Pharaoh kumpi Neco cu pia hi.
\s Judah kumpi Jehoiakim
\p
\v 36 Jehoiakim in a kum kul luannga a kim ten kumpi khunnak ah khung in, Jerusalem khuapi pen kum heinih uk hi. A nui min cu Rumah khua mi Pedaiah canu Zebidiah hi.
\v 37 Mahmi kumpi cu a pu le pa tei bawl mi bang, Pathian mai pen sual bawl hi.
\c 24
\p
\v 1 Jehoiakim kumpi uk sung Babilon kumpi Nebuchanazzar hung in, Jehoiakim cu kum thum sung sila a thuak cengten do leh hi.
\v 2 Pathian in a sila kamsang tuah a thupiak mi awnkam bang, Judah ngam siatsuah tukin Chaldean ngalkap, Syria ngalkap, Moab ngalkap, Amaon ngalkap te do tik hi.
\v 3-4 Manasseh kumpi a bawl mi hempoh sual thihnak a tak ngawl mite that in, a muhtei thisan tuah Jerusalem khuapi a dim tik mi sualnak te Pathian in ngaithiam ma hi. Judah miphun cu a mai pen vawk tukin a thupiak mi thu heng ngangai hi.
\v 5 Jehoiakim bawl mi thu a tang laih hempoh Judah kumpi thuanthu sungah ngan hi.
\v 6 Jehoiakim cu a pu le pa te tuah hihbu in a capa Jehoiachin in a pai hihnak kumpi khunnak ah khung hi.
\v 7 Izip ngun penpan Euphrath ngun tian Izip kumpi neih mi hempoh lei ngam cu Babilon kumpi in a lak hang, Izip kumpi in a ngam pen ngaldo tukin hawh leh ma zo hi.
\s Judah kumpi Jehoiachin
\p
\v 8 Jehoiachin cu a kum heiliat a kim ten, kumpi khunnak ah khung in Jerusalem khuapi pen hathum uk hi. A nui min cu Jerusalem khua mi Elanathan canu Nehushta hi.
\v 9 Mahmi kumpi cu a pai bawl mi hempoh bang in Pathian mai pen sual bawl hi.
\p
\v 10 Mah huncan sungah Babilon kumpi Nebuchadnezzar sila ten Jerusalem khuapi do tukin kil haw hi.
\v 11 Babilon kumpi Nebuchadnezzar a mah loli heng in a sila ten khuap a kilh haw ten,
\v 12 Judah kumpi Jehoiachin in a nu penpan a sila, bawi U pa te tuah Babilon kumpi nelah tul in, Babilon kumpi in kumpi uknak kum liat ten Judah kumpi cu man hi.
\v 13 Pathian thupiak mi bang biakinn sung van le kumpi inn sung van neih nak hempoh te long in biakinn ca tuk Isarel kumpi bawl mi sui van hempoh sat tawng khawng hi.
\v 14 Jerusalem khua mi bawi U pa, thazang ngilnak a nei mi ngalkap ngalhang thawngsawm (10,000), a danglam cuangin a thiam mi saza hempoh te man in, mi zalan haksa mizawng te sial ngawl a kuamah tang haw ma hi.
\v 15 Jehoiachin le a nu pen pan kumpi nu te, bawi U pa te, thazang ngilnak a nei mi ngam sung miphun hempoh,
\v 16 Ngaldo tukin thazang ngilnak a nei mi hempoh thazang ngilnak a nei mi mihing thawngsawm salih (70,000), a lamdang cuangin thiamnak a nei mi saza thawngkhat (1,000) te cu Jerusalem khuapi pen Babilon khuapi ah a khut tuah man hi.
\v 17 Babilon kumpi Jehoiachin pasel nau tabel Mattaniah cu Zedekiah tin a min tuah sa in Jehoiachin hihnak ah kumpi in koih hi.
\s Judah kumpi Zedekiah
\p
\v 18 Zedekiah cu a kum heiliat a kim ten kumpi khunnak ah khung in Jerusalem khuapi pen kum heikhat uk hi. A nui min cu Libnah khua mi Jeremiah canu Hamutal hi.
\v 19 Mahmi kumpi in Jehoiacin bawl mi hempoh bang in Pathian mai pen sual bawl hi.
\v 20 Pathian in Judah ngam Jerusalem khua mite a ma nel pen a hawl vawk laklawh a thinuuk in, Zedekiah kumpi in Babilon kumpi cu do hi.
\s Jerusalem khuapi a siatnak
\c 25
\p
\v 1 Zedekiah kumpi uknak kum kuah, hasawm ha ni sawm ni in Babilon kumpi Nebuchadnezzar in ngalkap hempoh te tuah Jerusalem khuapi ah ngal do tuk a hawh hang, khuapi kimkot ah ngalkap te koih in lei khuk a luat cengten,
\v 2 Zedekiah kumpi uknak kum heikhat tian khuapi cu kilkhum haw hi.
\v 3 Mahmi kum ha li ha, ni kuah ni in khuapi sungah nasezet ningkial pam tung nak hang, khuapi sungah a um mi hempoh ten an eih tuk neih ngawl in,
\v 4 Chaldean miphun ten khuapi khantian subal in khuapi vang a kil khum hang, khuapi sung ngalkap ngalhang hempoh zan huncan ten tai in, khuapi khantian thuahnih laklawh huandum kong ka pi pen a suah tul cengten munlawn ah hawh haw hi.
\v 5 Chaldean ngalkap ngalhang ten kumpi cu hil in Jerikho munlawn pen a mat ngah hang, Zedekiah ngalkap ngalhang hempoh taikhawng haw hi.
\v 6 Ngal ten kumpi cu a mat hang, Babilon kumpi umnak mun Riblah khuapi ah hawh pih haw hi. Babilon kumpi in Zedekiah kumpi a thukhen bang,
\v 7 Zedekiah kumpi caten a pai mai pen that haw hi. Zedekiah mit vang a pholh cengten a mah cu dal khau taicin tuah ken in Babilon khuapi ah man haw hi.
\p
\v 8 Babilon khuapi Nebuchanezzar uknak kum kuah ten, ha nga ha ni salih ni in na dek tu, pumpi cing tu bawi, Nebuczaradan cu Jerusalem khuapi ah hung in,
\v 9 Biakinn, kumpi inn, Jerusalem khua sung inn hempoh meihal hi.
\v 10 Pumpi cing tu bawi sungah a tel mi Chaldean ngalkap hempoh ten Jerusalem khuapi khantian hempoh siatsuah subal haw hi.
\v 11 Mah ten pumcing tu ngal bawi Nebuczaradan cu khuapi pen a tang mi Babilon kumpi khut sungah a hawh tu, a tang mi hempoh man hi.
\v 12 Mah hang cabit huan bawl lo bung tik tukin, mizawng hek khat te koih hi.
\p
\v 13 Biakinn dal tuikuang hei hihen, tibual nak maihum a tawphah te hei hihen, Chaldean miphun te cu vat ek in dal hempoh te Babilon khuapi ah la haw hi.
\v 14 Bel, phailai, caiceh, keu penpan na deh puaknak dal van hempoh vang la haw hi.
\v 15 Sui van, ngun van tih mi pakan dai, bel van sui hei hihen, ngun hei hihen, pumpi cing tu ngalbawi in la hi.
\v 16 Biakinn ah Solomon bawl mi khuam panih, tuikuang pakhat, a tawphah a tel mi dal cu cuai tuah teh zawh ngawl in tam hi.
\v 17 Khuam a sanglam cu tong heiliat um hi. Dal khuam a lek vang um hi. Khuam lek a sang lam cu tongthum um in a lek kimkot hempoh dal tuah phan in, dal tale ngah tuah a dim hi. A dang khuam te vang mah tihbang bok, a bawl mi a dim hi.
\p
\v 18 Pumpi cing tu ngalbawi in thiampi ngeng Seraiah, a panih nak thiampi Zephaniah, kongka cing tu bawi, pathum te cu man hi.
\v 19 Ngalkap ngalhang uktu ngalbawi pakhat, khuapi sung pen a muh mi thuvai siampih panga, ngam sungah thu sosuah tu ngalkap lai ngan tu ngeng bel pakhat, khuapi sung pen muh mi ngam sung mihing sawmluk te khuapi sung pen sam in,
\v 20 Babilon kumpi umnak mun Riblah khuapi ah a pui cengten,
\v 21 Babilon kumpi in Hamath ngam Riblah khuapi pen a muhte that hi. Mah tihcun Judah miphun cu a ngam pen mat co hi.
\p
\v 22 Babilon kumpi Nebuchadnezzar thupiak nak tuah Judah ngam sungah a tang laih mi miphun uk tu kumpi hihnak sungah Shaphan capa a himi Ahikam capa Gedaliah cu pia hi.
\v 23 Babilon kumpi in Gedaliah cu ngam uktu hihnak ah a piaknak thu, ngalkap bawi te le ngalkap ten a zak ten, Nathaniah capa Ishmael, Kareah capa Johanan, Netophat miphun, Tanhumeth capa Seraiah, Maacath miphun Jaazaniah ten a miphun te tuah Gedaliah umnak mun Mizpah khuapi ah hung in,
\v 24 Gedaliah in Chaldean kumpi thu na deh tuk a phalnak cu laupah sun. Hi ngam sungah um un. Babilon kumpi thu cu dek ta un. Mahtin a bawl tale daihnak co tuk uh ci tin, a muhtei lakah thukam hi.
\v 25 Ha salih ha ten kumpi sung miphun hinnam pih Elishama capa Nethaniah capa Ishmael cu mihing sawm tuah hung in Gedaliah hei hihen, Mizpah khuapi sungah Gedaliah nelah a um mi Judah miphun te le Chaldean miphun te hei hihen, thi tuk in that hi.
\v 26 Mah ten ngalkap bawi te le ngam sung mipi a ngeng a neu hempoh ten Chaldean miphun te a lau hang, tho in Izip ngam ah hawh haw hi.
\s Jehoiachin kumpi thawnginn sung pen a luatnak
\p
\v 27 Judah kumpi Jehoiachin cu thawnginn ah a um kum sawmthum le kum salih, ha heinih ha ni kulluansalih ten Babilon kumpi Evil-mero-dach uknak a pat ten, Judah kumpi Jehoiachin cu thawnginn sung pen suah in daihnak pia hi.
\v 28 Phazet no otpih in a ma kumpi khunnak cu Babilon khuapi pen a ma nelah a um mi kumpi tei kumpi tohkham khunnak te sang in khaisang saw hi.
\v 29 Jehoiachin kumpi cu thawnginn sung pen a silh mi puan thek in, a nun dam sung hempoh a catngawl in a ma nelpen an ei hi.
\v 30 A nundam sung nisial a cat ngawl a ma eih tuk Babilon kumpi in pia hi.