See in Reader
1035 lines
120 KiB
Plaintext
1035 lines
120 KiB
Plaintext
\id 1KI
|
||
\ide UTF-8
|
||
\rem The text in this file was extracted from C:/DCS/Chin, Ngawn/WORD/11. 1 Kings. docx.
|
||
\mt 1 Kumpi
|
||
\h 1 Kumpi
|
||
\mt 1 Kumpi
|
||
\toc1 1 Kumpi
|
||
\toc2 1 Kumpi
|
||
\toc3 1ki
|
||
\s Adonijah a mah le mah kumpi a khaisan nak
|
||
\c 1
|
||
\p
|
||
\v 1 David kumpi cu a kum ham in a tek ten puan silh naven lum zo ma hi.
|
||
\v 2 Mah hang, sila ten kumpi ca khanglai him zei tuk ung hi. A man kumpi cu tuam lawm hen. Kumpi cu lum tik tukin a angsung ah zau hen hitin, ti haw.
|
||
\v 3 Mah tihcun khanglai a mawi zet mi Isarel ngam sung hempoh ah zei in, Shunem khua Abishag a muh hang a nelah pui haw.
|
||
\v 4 Mahmi numei nu cu mawi zet hi. Kumpi cu cawm in tuamlawm hi. Mah naven kumpi in a mah cu thei ma hi.
|
||
\p
|
||
\v 5 Mah cengten Haggith capa Adonijah cu kumpi dek tuk tin ngaisut nak a um ten, a mah le mah khaisang in leng te le cipuh te hei hihen, a mai ah a tai mi mihing sawmnga hei hihen bawl hi.
|
||
\v 6 A pa in nang cu ita hitin bawl thei cim tin, a thin na tukin veikhat no hei son awng ma hi. A mah cu mawi zet hi. Absalom nau pa hi.
|
||
\v 7 A mah cu Zeruaih capa Joab in thiampi Abithar thu a siam pih hang, a mun Adonijah lam ah um haw.
|
||
\v 8 Thiampi Zadok, Jehoiada capa Benaiah, kamsang Nathan, Shimei, Rei tihmi David bawi U pa te cu Adonijah lam ah um haw ma hi.
|
||
\v 9 Adonijah in En-rogel khuapi, Zoheleth suangpi bul ah tuu le khui a thau zet mi nganhing te a thah cengten, kumpi capa a nau te le kumpi sila Judah miphun hempoh sam hi.
|
||
\v 10 Kamsang Nathan, Banaiah, bawi U pa te pen pan a nau Solomon cu sam ma hi.
|
||
\p
|
||
\v 11 Mah ten Nathan in Solomon nu Bathsheba nelah hawh in, Haggith capa Adonijah cu kumpi a deh nak thu za toh a cim. Oh tei topa David in thei ma hi.
|
||
\v 12 A tuin na nunnak le Solomon nun nak cu daihnak pia tukin keiman ngaihsut nak pia tung hi.
|
||
\v 13 David kumpi nelah lut tum in kumpi pa aw, topa in na capa Solomon cu keima hihnak ah uk in kumpi khun nakah khung tuk hitin, Topa sila nui nelah thukam zo hima maw. Mah tin a hitale Adonijah in ita uk tuk hum tin, tiin hi.
|
||
\v 14 Mah tihcun a nelah a hilh laih tak keimah lut tum in na awnkam thu bawm tung tin ngaisut nak a piak mi bangin,
|
||
\v 15 Bathsheba cu kumpi umnak khan sungah tum hi. Kumpi cu a tek zet zo hang, Shunem khua nu Abishag in cawm in um hi.
|
||
\v 16 Bathsheba in a lukun in kumpi cu a biak ten kumpi in ai deihnak nei cim tin dong hi.
|
||
\v 17 Bathsheba in ka topa aw, topa in na capa Solomon cu ka hihnak sungah uk in kumpi khunnak ah khung tuk hitin, na Topa Pathian cu salin topan ka nelah thukam bawl zo hi.
|
||
\v 18 A tuin Adonijah in uk hi. Kumpi topan thei ma hi.
|
||
\v 19 Adonijah in tuu, khui tihbang a thau zet mi nganhing te a thah cengten, kumpi ca hempoh te tuah thiampi Abithar, ngalkap bawi Joab te sam hi. Topa sila Solomon cu sam ma hi.
|
||
\v 20 Kumpi pa aw, keiman kumpi hihnak sungah ukin a kon kumpi khunnak ah khung tuk hum tihmi cu thupia in hitin, Isarel miphun hempoh ten topa cu zo in um haw hi.
|
||
\v 21 Mah ahima tale keiman kumpi cu pu le pa te tuah hihbu in a um ten, keimah le ka capa Solomon cu thahnak co mipa in cang tuk hitin, ti hi.
|
||
\p
|
||
\v 22 Mah tihcun a ma nelah a hilh laih tak kamsang Nathan cu a hen ten kamsang Nathan heng hitin, ti haw hi.
|
||
\v 23 Nathan cu a mai ah a hen ten a lukun bopkhup in,
|
||
\v 24 Kumpi pa aw, topan ka hihnak sungah Adonijah in uk in kumpi khunnak ah khung tuk hitin, thupia cim maw.
|
||
\v 25 A man tuni hawh in a thau zet mi tuu, khui te a thah cengten kumpi ca hempoh te hei hihen, ngalkap bawi te le thiampi Abithar te sam zo hi. A mun Adonijah mai pen an ei in, Adonijah kumpi cu nunkhua sau ta hen tin au in, a tuin um haw hi.
|
||
\v 26 Na sila keimah thiampi Zadok, Jehoiada capa Benaiah, na sila Solomon te sam ma hi.
|
||
\v 27 Kumpi hihnak ah a kua khung tuk hum tih cu na sila lak ngawl in hi thu kumpi thukhen zo cim maw tin, ti hi.
|
||
\s Solomon cu kumpi hihnak ah David in sathau a thihnak
|
||
\p
|
||
\v 28 Mah ten David kumpi in Bathshaba cu sam un tin a thupiak mi bang, Bathsheba cu hung in a mai ah ding hi.
|
||
\v 29 Kumpi in ka nunnak hawvang haksat nak hempoh pen a pan tu Pathian a nung mi bangin,
|
||
\v 30 Na capa Solomon cu ka hihnak ah uk tu a hih hang, keima ai in kumpi khunak ah khung tuk hitin Isarel miphun Topa Pathian sal in, nangmah thukam a piak bangin tuni in keiman bawl tung hitin, thukam pia leh hi.
|
||
\v 31 Bathsheba in a lukun bopkhup kumpi cu bia in, David kumpi cu a nun khua sau ta hen hitin, ti hi.
|
||
\p
|
||
\v 32 David kumpi cu thiampi Zadok in kamsang Jonathan, Jehoiada capa Benaiah te sam in hitin a tih bang in a muhte cu a mai ah lut tum haw hi.
|
||
\v 33 Kumpi in nohtei na sila te sam in ka capa Solomon cu ka laak hum ah khung tikin Gihon khuapi ah pui ta un.
|
||
\v 34 Thiampi Zadok le kamsang Jonathan in mahmi khuapi pen sathau thih in, Isarel kumpi hihnak ah a khaisan cengten, lemle tum in Solomon kumpi cu a nunkhua sau hen hitin, au ta un.
|
||
\v 35 Mah cengten nang muhte zui in, ka capa hungin kumpi khunnak ah khung tuk hi. Keima ai in kumpi cang tuk hi. A man Isarel kumpi, Judah kumpi hihnak sungah keiman pia zo ing hitin, ti hi.
|
||
\v 36 Jehoiada capa Banaiah in Amen. Kumpi biak mi Topa Pathian in mah tihbang in thupia ta hen.
|
||
\v 37 Pathian cu kumpi lamah a um bangin Solomon nelah vang um ta hen. Kumpi David khunnak tohkham sangin a capa kumpi tohkham khun nak cu minthan nak tam sesem tuk in thukhen ta hen hitin, kumpi cu ti haw hi.
|
||
\p
|
||
\v 38 Mah ten thiampi Zadok, kamsang Jonathan, Jehoiada capa Benaiah, Cherath miphun, Peleth miphun te suak tul in, Solomon cu kumpi David laak hum ah khung tik in Gihon khuapi ah hawh haw hi.
|
||
\v 39 Thiampi Zadok in deubuk sung pen sathau thawl la in Solomon cu sathau a thih cengten, a mun lemle tum in Solomon kumpi cu a nunkhua sau ta hen tin mi hempoh in au haw hi.
|
||
\v 40 Mi hempoh ten pheveu tum in a nungpen a zui hang, leipi a keh tuk tian nasezet lungdam nak aw tuah bawl haw hi.
|
||
\p
|
||
\v 41 Adoiada le a ngualcam ten an eihnak puai a bawl cengten, mahmi aw cu za haw hi. Lemle aw cu Joab in a zak ten, khuapi sungah aw a thang zet mi cu ai thu hum tin a dot laih tak,
|
||
\v 42 Thiampi capa Abithar a hung tale Ahoiada in lut tum in hi. Nang cu mipha na hih hang, thuthangpha hilh tuk ci tin a tih ten,
|
||
\v 43 Jonathan in a thungai in ohtei kumpi David in Solomon cu kumpi hihnak ah pia zo hi.
|
||
\v 44 Kumpi in thiampi Zadok, kamsang Jonathan, Ahoiada capa Benaiah, Cherath miphun, Peleth miphun ten Solomon cu hah in laak hum ah khung tik haw zo hi.
|
||
\v 45 Thiampi Zadok le kamsang Nathan in Solomon cu Gihon khuapi pen kumpi sathau thih nak pia zo hi. Mahmi khuapi pen lungdam nak tuah pin kik leh in khuapi sung hempoh ah a nasezet mi aw cu topan za zo hi.
|
||
\v 46 Solomon cu kumpi tohkham khunnak hum ah khung hi.
|
||
\v 47 Kumpi sila ten ohtei topa David kumpi cu thupha pia tuk hawh in, Pathian in Solomon min cu a pai min sang in khaisang saw ta hen. A kumpi tohkham khunnak cu a pai kumpi khunnak sang, minthan nak co tukin thukhen ta hen tin a tih ten kumpi in a zau nak humpen a lukun bia in,
|
||
\v 48 Keiman ka mit tuah mu tukin, kumpi ka khunnak hum ah a khung tupa cu tuni in a piak mi, Isarel miphun kumpi Pathian cu thupha um ta hen tin a hilh mi thu cu Ahoiada nelah hilh hi.
|
||
\p
|
||
\v 49 Mah ten Ahoiada le a ngualcam ten launak tuah tho in pakhat le pakhat a tuam tum tek in hawh haw hi.
|
||
\v 50 Ahoiada in Solomon kumpi a lau hang, hawh in biakpiak nak ki te len in um hi.
|
||
\v 51 Ahoiada in Solomon kumpi lau in biakpiak nak ki te len in, Solomon kumpi in keimah a thah tuk ngawl nak thu tuni in thukam bawl in hitin a tihnak thu cu Solomon nelah a hilh ten,
|
||
\v 52 Solomon in a mah cu mipha a hitale samzang pakhat no hei leihum ah cak tuk ma hi. Sualnak a um tale thihnak cu thuak tuk hitin thupiak nak a um hang,
|
||
\v 53 Mihing hah in Ahoiada in biakpiak nak taitan pen a sam mi a mah cu hung in Solomon kumpi mai ah a lukun hi. Solomon in na inn ah pin ten hitin, ti hi.
|
||
\s Solomon nelah David thucah nak
|
||
\c 2
|
||
\p
|
||
\v 1 David thihnak tuk huncan a nai ten a capa Solomon thukham a piak mi cu,
|
||
\v 2 Leihum mihing hempoh tei hawh nak lamzin ah keiman hawh tung hi. Mah hang thazang la in hi. Pano hihnak thazang lak in hi.
|
||
\v 3 Pathian in ka nelah thuphuan a piak mi cu,
|
||
\v 4 Na tu le canawn ten a thinlung venghawng ka maipen thudik thu sungah ngamta nung tukin, a muhtei hawh nak lamzin cu ngallin nak a nei tale Isarel uknak ngam kumpi tohkham khunnak hum ah a khung tu na miphun kumpi hihnak bo tuk ma hitin a piak mi thu awnkam kho in, nang cu na bawl nak hempoh na hawh nak hempoh ah nehnak co tukin, na Topa Pathian lamzin ah zui in Mosi thukham Laithiangtho sungah a tel mi thu, theihpih nak thu, dan thukham te cingkem tukin a thupiak mi awnkam thu ngai in.
|
||
\v 5 Zeruaih capa Joab in ka bawl mi thu, Isarel ngalkap bawipi panih Ner capa Abner, Jether capa Ammasa ten daiden no um laih tak ngaldo ngawl that in ngaldo nak thisan a luan tik hang, a taipom a het mi a ma ke tuah a pal mite cu ngal thisan tuah a noihnak thu nangman na theih hang,
|
||
\v 6 Na sungah cihnak a um mi bang thukhen in, a sam puak pak mi lu cu thihnak hell ngam sungah hawh tik pah sin.
|
||
\v 7 Gilead ngam mi Barzillai cate, hehpih nak tuah an eih cabuai ah a ei tu mihon pi sungah lut tum tik in. Na U Absalom hang keimah ka tai ten, a mun mah tihbang mi hehpih nak cu bawl in ka nelah hung haw.
|
||
\v 8 Kei cu Mahanaim ah ka hawh ni in keimah a pha ngawl in tamsiat tu, Benjamin miphun Bahurim khua Gera capa Shimei cu na khut sungah um hi. A man keimah vai muak tukin Jodan ngun tui bulah a hawh ten, nangmah cu keiman that tuk mang hitin Pathian sal in keimah tam naven,
|
||
\v 9 A mah cu sual nei ngawl pa bang ngaisung ngawlin a mah cu micip pa a hih hang, a mah cu itihbang in thukhen kul tuk hum tih a theih mi bang, puakpak mipai lu cu a thah nak hang thihnak hell ngam sungah hawh ta hen tin thucah cengten,
|
||
\v 10 David cu pu le pa te tuah hihbu in David khuapi ah phum hi.
|
||
\v 11 Hebron khuapi sungah kum salih, Jerusalem khuapi sungah kum sawmthum kum thum sung kumpi dek in Isarel ngam sungah kum sawmli sung uk hi.
|
||
\v 12 Solomon kumpi in a pa David kumpi tohkham khunnak hum ah khungin a thuneih nak kho hi.
|
||
\s Solomon kumpi hi kumpi uknak inn a dit suahnak
|
||
\p
|
||
\v 13 Mah cengten Haggith capa Adonijah in Solomon nu Bathsheba nelah hawh in, Bathsheba in nang cu pawlkom tuk in hung cim maw tin a dot ten, pawlkom tuk in hung ing hi.
|
||
\v 14 Son tuk thu pakhat um hitin a tih ten a nu in son in hitin, ti hi.
|
||
\v 15 Adonijah in uknak ngam cu keima khut sungah a hennak hei hihen, Isarel miphun hempoh ten keimah cu kumpi cang tukin khaisan nuam nak thu hei hihen, a nu in thei hi. Mah naven, uknak ngam cu ka nelpen pial in ka nau khut sungah heng zo hi. Mah tihcun Pathian deihnak um hi.
|
||
\v 16 A tuin laksawng pakhat na nelpen ngen nuam ing hi. El pah sin hitin a tih ten a man son in hitin, ti hi.
|
||
\v 17 A man Solomon kumpi Shunem khua mi Abishag cu a mah huai tik tukin ngen hi. Kumpi nu in el thei ma ci tin a tih ten,
|
||
\v 18 Bathsheba in pha hi. Nangma ca hilh sak tung hitin a tih cengten Adonijah ca tuk Solomon nelah hawh hi.
|
||
\p
|
||
\v 19 Kumpi in a nu cu vai muak tuk tho in a lukun cengten, kumpi tohkham khun nak hum ah khung hi. A nui khun nak tuk bawl sak in a mah cu a taklam ah khung tik hi.
|
||
\v 20 Mah ten a nu in, laksawng neu no pakhat ngen nuam ing tin a tih hang el pah sin tin a tih ten, kumpi in a nui nelah ngen in. Keiman el tuk mang hitin, ti hi.
|
||
\v 21 A nu in Shunem khua nu Abishag cu na U Adonijah huai tik in hitin a tih ten,
|
||
\v 22 Solomon kumpi in, Adonijah ca tuk Shunem khua nu Abishag cu ita ngen thei cim? Uknak ngam vang a ma ca tuk ngen in hi. A mah cu ka U hi. A mah le thiampi Abithar, Zeruaih capa Joab ca tuk ngen in hitin a nui nelah a hilh leh cengten,
|
||
\v 23 Adonijah in mah tihcun a nget leh ten, a nunnak thi tuk ngawlin a ngen ma tale Pathian in keimah cu mah sang ngawlin bawl hen.
|
||
\v 24 Keimah cu kho tik in kapa David kumpi tohkham khunnak hum ah khung in, a thukam nak tuah ka umnak ah kumpi a pia tu Pathian a nung mi bang, Adonijah cu tuni in thi tuk hitin Pathian sal in a tamsiat cengten,
|
||
\v 25 Jehoiada capa Benaiah hah in Adonijah thi tukin bawl hi.
|
||
\p
|
||
\v 26 Thiampi Abithar vang kumpi in sam in, nang cu Anathoth khuapi na co mi ngam ah hawh ten. Nang cu thihnak tak mi hi naven, a tuin keiman thukhen tuk ma laih ing hi. Itahum titale, Topa Pathian thingkuang cu kapa David mai ah pua zo hi. Ka pai haksat cimnak hempoh sungah nang cu haksat cimnak thuak zo ci tin, ti hi.
|
||
\v 27 Pathian in Eli miphun cu Shiloh khuapi sungah a thupiak mi awnkam thu kim tik tukin, Solomon in Abithar cu Pathian nelpen thiampi cang tuk ngawlin hawl vawk hi.
|
||
\p
|
||
\v 28 Joab cu Absalom nungah zui ma naven, Adonijah nungah a zui hang, mahmi thuthang a zak ten Pathian deu buk sung pen tai in biakpiak nak taitan ki te len in um hi.
|
||
\v 29 Joab cu Pathian deu buk sungah tai zo hi. Biakpiak nak taitan bulah um hitin Solomon kumpi nelah a hilh ten, Joab cu that un tin Jehoiada capa Benaiah cu hah hi.
|
||
\v 30 Benaiah in Pathian deu buk sungah hawh in kumpi in sam hitin a tih ten, Joab in kei cu hawh tuk mang hi, hi laimun pen thi tung hitin, ti hi. Benaiah in Joab cu hitin hilh leh in tin a tih ten,
|
||
\v 31 Kumpi in sualnak a nei ngawl mi pai nunnak cu Joab thah mi sual nak tuah keimah pen pan ka miphun hinnam pen luat tukin a ma awnkam bang bawl in. A mah cu that in phum in hi.
|
||
\v 32 A man a nunnak sang in midik mipha pa, Isarel ngalkap bawipi Ner hi capa Benaiah le ngalkap bawipi Jether capa Amasa cu kapa David thei ngawl do in, nam tuah a thah mi sual cu Pathian in a lu hum ah heng tik tuk hi.
|
||
\v 33 A muhtei thisan cu Joab lu, a tu le canawn tei lu humah a cat ngawl heng ta hen. David le a miphun, kumpi, kumpi tohkham khunnak sungah Pathian piak mi daihnak a cat ngawlin heng ta hen tin a tih mi bangin,
|
||
\v 34 Jehoiada capa Benaiah a hawh cengten, Joab cu that in ngam sung umnak mun Joab inn ah phum hi.
|
||
\v 35 Ngalkap bawipi Joab hihnak ah Jehoiada capa Benaiah hei hihen, Abiathar hihnak ah thiampi Zadok hei hihen, kumpi in pia hi.
|
||
\p
|
||
\v 36 Kumpi in Shimei a sam leh cengten, nang cu Jerusalem khuapi sungah inn sa in um tuk ci. Khuapi a pawlam ah tulin imah lai ah hawh pah sin.
|
||
\v 37 Khuapi a pawlam ah tul in Kindron lui tui tan tale na tan ni in thah co tuk ci tin ngallin nak tuah sialsiah in hi. Na thisan cu na lu hum ah heng tuk hitin a tih ten,
|
||
\v 38 Shimei in thupiak mi cu pha hi. Kumpi thupiak mi bang na sila in bawl tung hitin a don leh hang, Jerusalem khuapi ah ngeipi um hi.
|
||
\p
|
||
\v 39 Mah hang kumthum cengten, Shimei sila panih ten Gath kumpi Maachah capa Achish nelah tai in, Gath khuapi sungah a um nak thu Shimei in a zak ten,
|
||
\v 40 Tho in laak van te a bawl cengten kei muhte zei tukin Gath khuapi, Achish nelah hawh in sila te sam hi.
|
||
\v 41 Mah tihcun Shimei in Jerusalem khuapi pen Gath khuapi ah hawh in a kih leh nak thu Solomon kumpi in a zak ten,
|
||
\v 42 Shimei a sam cengten, nang cu khuapi a pawlam ah tul in mundang ah na hawh tale na hawh ni in thah co ngangai tuk mi cu ngallin nak tuah sialsiah in hitin, Pathian sal in nangmah thukam ka tik hang ngallin mi hima maw. Nangman ka zak mi thupiak cu pha hitin lungkim nak nei ma cim maw.
|
||
\v 43 Mah hang Pathian thukam hei hihen, ka thucah mi thukham hei hihen ita cingkem ma cim tin thu a piak cengten,
|
||
\v 44 Nang cu na deihnak bangin kapa David sungah bawl awng mi sualnak hempoh nangman thei ci. Na bawl mi sual cu Pathian in na lu hum ah heng tik hi.
|
||
\v 45 Solomon kumpi thupha a co hang, David kumpi tohkham khun nak cu Pathian mai pen a cat ngawl in kho ta hen hitin thu a piak cengten,
|
||
\v 46 Jehoiada capa Benaiah in a thupiak mi co in, a pawlam ah a tul cengten Shimei in thi tukin that hi. Mah tihcun uknak ngam cu Solomon khut sungah in kho hi.
|
||
\s Solomon kumpi cih thiam theihnak ngen
|
||
\c 3
|
||
\p
|
||
\v 1 Solomon kumpi in Izip Pharoah kumpi tuah pawlkom bawl in, a canu huai in kumpi inn, biakinn, Jerusalem khuapi khantian a celh tian David khuapi sungah umnak mun pia hi.
|
||
\v 2 Mahmi huncan sungah Pathian min tuk inn a sak laih ngawl hang, mihing tampi ten a sang nak mun ah biakpiak nak bawl thei haw hi.
|
||
\v 3 Solomon in Pathian cu it in a pai thupiak mi hempoh te cing kem thei hi. Mah hang a sang nak munah biakpiak nak ngimnam tui hempoh cu meihal hi.
|
||
\p
|
||
\v 4 Veikhat laih kumpi in biakpiak nak bawl tukin a sunglawi zet mi umnak mun Gibeon khuapi ah hawh hi. Mahmi biakpiak nak taitan hum ah meihal biakpiak nak thawngkhat a lu pia hi.
|
||
\v 5 Mahmi khua sungah Pathian in zan a mang cu Solomon nelah lang in, ka piak tuk mi laksawng cu ngen in hitin, Pathian in thupia hi.
|
||
\v 6 Solomon in na sila, kapa David mai pen a thiangtho thudik thu dikcang nak, dan thu bang zui in a ma sungah tampi a hehpih nak bawl zo hi. Tuni a um mi bang in a kumpi tohkham khunnak hum ah a khung tu capa cu a man a piak hang, a ma ca a hehpih nak thu cingkem zo hi.
|
||
\v 7 A tuin ka Topa Pathian, na sila cu kpa David ai in kumpi hihnak ah pia zo hi. Mah hang kei cu naupang laih ing hi. A suak le a tum tuk cu theithiam mang hi.
|
||
\v 8 Teng in sial hang, sialzawh ngawl in a tam mi Topa’i miphun sungah na sila um ing hi.
|
||
\v 9 Mah hang na sila in Topai miphun te thukhen thei in a pha le a sia khenkhuai thiam tukin cihnak pia in hi. Hizah in a tam mi na miphun te a kon mai theihnak tuah thukhen thei tuk hum tin ngen hi.
|
||
\p
|
||
\v 10 Mah tihcun Solomon thunget mi cu Pathian in deih hi.
|
||
\v 11 Pathian in nun sau nak ngen ngawlin, thukhen thiam theihnak bek na nget hang,
|
||
\v 12 Na nget mi bang in keiman pia ing. Ni dang laih huncan sungah nangmah a bang tu um ma, tunung ten a cang thei tuk ngawl mi cihthiam nak a dim mi thinlung hawvang cu na nelah keiman pia ing hi.
|
||
\v 13 Mah bek sial ngawl nangmah tuah a bang mi kumpi pakhat no hei na khut sungah um ngawlin, na nget ngawl laksawng hauksak neihnak, minthan nak keiman pia ing.
|
||
\v 14 Na pa David zui mi bang ka lamzin ah zui in ka piak mi thukham hempoh na cingkem tale nunsau nak vang keiman pia tung hitin, thupia hi.
|
||
\v 15 Solomon cu khanglo in mang a hihnak lam thei hi. Mah cengten Jerusalem khuapi ah hawh in, Pathian thukhaam thingkuang mai ah ding in mehal biakpiak nak, pawlkom biakpiak nak te bawl in sila hempoh tei ca puai bawl hi.
|
||
\s Cihnak tuah thukhen in a uknak
|
||
\p
|
||
\v 16 Mah ten suzuak numei panih hung a mai ah dingin,
|
||
\v 17 Numei pakhat in ka topa aw, keimah le hi numei cu inn khat ah um ung. Inn khat um in keiman capa cawi ing.
|
||
\v 18 Nithum lawi ten hi numei nu in capa cawi hi. Mahmi inn sungah mikhual a kuamah um ma hi. A mah le keimah panih bek um hi.
|
||
\v 19 Hi numei nu in zan huncan ten a capa delhpek in a hihbuh hang a capa cu thi hi.
|
||
\v 20 Zan ngil huncan ten a mah cu tho in ka hihbuh ci laih tak, ka capa no la in a ma ang sungah koih hi.
|
||
\v 21 Zinglam huncan ten ka capa no cu nawi tulh tukin ka thawh ten, capa no cu a thi in um hi. Mah hang keiman a thi mi capa no cu pha tak zet ka zoh ten keima hin mi capa hima hitin, ti hi.
|
||
\v 22 A dang numei nu vangin hima hi. A nung mi nau no cu keima capa hi, a thi mi capa cu nangma capa hitin, el hi. A masa numei nu in mah tihcun hima hi. A thi mi nauno cu nangma ca, a nung mi nauno cu ka capa hitin, ti hi. Mah tihcun a mai pen a son haw ta le,
|
||
\v 23 Kumpi in numei pakhat in a nung mi nauno cu ka capa, a thi mi nauno cu na capa hitin tiin, pakhat in mah tihcun hima hi. Na capa thi zo hi. A nung mi cu ka capa hitin a tih hang,
|
||
\v 24 Nam cu la in a thupiak mi bang in nam cu a mai ah keng haw hi.
|
||
\v 25 Kumpi in a nung mi nauno cu phel in mahmi numei cu a lang ve ve pia in hitin a tih ten,
|
||
\v 26 A nung mi nauno hi nu in a capa cu a hehpih leita hang ka topa aw, a nung mi nauno cu that pah sin hi. Hi numei nu cu pia in tin ngen hi. A dang numei nu in keimah nei tik pah sin. A mah co tik pah sin. Phel in hitin, ti hi.
|
||
\v 27 Mah ten kumpi in a nung mi nauno cu that pah sin. A masa numei nu cu pia in. A mah cu a nu a man mi hitin, ti hi.
|
||
\v 28 Mah tihcun kumpi thukhen nak thu Isarel miphun hempoh ten a zak haw ten, thukhen tik tukin Pathian piak mi cihnak tuah a dim mi kumpi thu, a muh hang a mah cu lau in U pat haw hi.
|
||
\s Solomon kumpi uktu bawi Upa te
|
||
\c 4
|
||
\p
|
||
\v 1 Solomon kumpi in Isarel ngam cu uk hi.
|
||
\v 2 Uktu bawi te cu thiampi Zadok capa Azariah,
|
||
\v 3 Shisa capa Ahiah le Ahilud te cu Laithiangtho thiam laingan tu hi. Ahilud capa Johoshaphat cu laikhum tu hi.
|
||
\p
|
||
\v 4 Jehoiada capa Benaiah cu ngalkap bawipi hi. Zadok le Abithar cu thiampi hi.
|
||
\p
|
||
\v 5 Nathan capa Azariah cu zung cazi uktu hi. Nathan capa Zabud cu zung hotu le kumpi ca tei thu vaisiam pih bawi hi.
|
||
\p
|
||
\v 6 Ahishar cu kumpi inn sung uktu hi. Abda capa Adoniram cu siahkhon tu bawi hi.
|
||
\p
|
||
\v 7 Solomon in Isarel ngam sung hempoh ah a piak mi uktu zung lai ngan tu cazi heinih te hakhat ah mihing pakhat kumpi le kumpi inn sungsang ca an eih tuk bawl haw hi.
|
||
\v 8 A muhtei min cu Epharaim mual hum pen Hur capa,
|
||
\v 9 Makas khuapi, Shaalbim khuapi, Beth-shemesh khuapi, Elon-beth-hanan khuapi Dekar capa,
|
||
\v 10 Sococh khuapi, Hepher khuapi, Aruboth khuapi pen Hesed capa,
|
||
\v 11 Dor ngam sung hempoh thukhen tu Solomon canu Ta-phat tuah a huai mi Abinadab capa,
|
||
\v 12 Taanach khuapi, Megiddo khuapi tuah Bashan khuapi pen Abel-me-holah khuapi tian bek sial ngawl, Jokneam khuapi kal Jezreel khuapi a nuai Zar-ta-nah khuapi bul a nek mi Beth-she an khuapi peng hempoh thukhen tu Ahilud capa Ba-a na,
|
||
\v 13 Gilead ngam sungah Manasseh capa Ja-ir co mi khuapi te, Bashan ngam, Ar-gob umnak khuapi khan tian, dal kongka kalh nak tuah a dim mi khuapi sawmluk thukhen tu Gilead ngam, Ramoth khuapi pen Geber capa,
|
||
\v 14 Ma-hana’im khuapi pen Iddo capa Ahinadab,
|
||
\v 15 Napthali ngam thukhen tu Solomon canu Basmath tuah huai mi Ahimaaz,
|
||
\v 16 Asher ngam le Aloth khuapi pen Hushai capa Ba-a nah,
|
||
\v 17 Ishachar ngam pen Paruah capa Jehoshaphat,
|
||
\v 18 Benjamin ngam pen Elah capa Shimei,
|
||
\v 19 Amor kumpi Shihon uknak ngam, Bashan kumpi Og uknak ngam, Gilead ngam ah a dang kumpi um ma hi. Thukhen tu pakhat bek Uri capa Geber hi.
|
||
\s Solomon kumpi nisial a bop mite
|
||
\p
|
||
\v 20 Mahmi huncan sungah Judah miphun le Isarel miphun te sial ten tuipi mawk philnel zah in a tam hang an in eih cu nopsa zet um haw hi.
|
||
\v 21 Solomon in ngun tuipi pen pan Philistine ngam, Izip ngam tian ngam hempoh a uk hang, mipi ten laksawng te pia in Solomon uk sung hempoh kumpi na cu dek haw hi.
|
||
\v 22 Nikhat in kumpi innsung ah a bo mi ancang cu sangvut ngawivam cor sawmthum, barly cang ngawivam cor sawmluk,
|
||
\v 23 A thau zet cawm mi khui sawm, khui khalhnak mun pen khui kul, tuu zakhat, sazuk, salel, sakhi, a thau tukin cawm mi vano te hi.
|
||
\v 24 Solomon in ngun tuipi a nunglam, Tiphsah khuapi pen Azzah khuapi tian kumpi hempoh te a uk hang, a elkim hempoh ah ngaldo nak thu um ma hi.
|
||
\v 25 A uknak ngam huncan sung hempoh Judah miphun le Isarel miphun ten Dan khuapi pen pan Beersheba khuapi tian a cabit kung hempoh a theipi kung nuai ah daiden no in um haw hi.
|
||
\v 26 Solomon in leng tuah a seng mi cipuh inn thawngli (40,000), cipuh khung ngalhang thawng heinih (12,000) um hi.
|
||
\v 27 Kumpi zung na dek lai ngan tuten Solomon kumpi le an eihnak cabuai ah a tel mi hempoh ca, mihing pakhat ten hakhat cangkim zet in bawm haw hi.
|
||
\v 28 Barly cang hei hihen, cipuh te, laak tei ca tuk hampa ko hei hihen, a thek dun in a umnak mun ah keng haw hi.
|
||
\s Solomon kumpi cihnak
|
||
\p
|
||
\v 29 Pathian in cihnak tampi hei hihen, tuipi mawk philnel zah in a tam mi thinlung a piak hang,
|
||
\v 30 A cihnak cu nisuah nak ngam cihnak le Izip ngam cihnak cu nasezet hi.
|
||
\v 31 Solomon in Ezra miphun E’than, Mahol capa Heman, Chalcol, Darda tihmi te sangin cihnak a neih hang uknak ngam hempoh sungah a min thang hi.
|
||
\v 32 Thupaucap nak thawngthum (3,000)le la cing thawngkhat le panga (1,005) um hi.
|
||
\v 33 Lebanon cedar thingkung pen pan in uukkhe mawk ah a po thei mi hyssop kung tian in son hi. Ngamsa phun, vano phun, lung phun, ngasa hempoh tei thu vang son hi.
|
||
\v 34 Solomon kumpi cihnak thuthang a za tu kumpi hempoh hah mi a mun cihnak awnkam thungai tukin hung haw hi.
|
||
\s Biakinn sa tukin a bawlnak
|
||
\c 5
|
||
\p
|
||
\v 1 Solomon cu a pai hihnak ah sathau a thihnak thu cu Tyre kumpi Hiram in a zak ten, David cu a cat ngawl pawlkom nak bawl tu a hih hang, a sila te hah hi.
|
||
\v 2 Mah cengten Solomon in Hiram nelah hah leh in,
|
||
\v 3 Ka pa David in mun hempoh ah ngal a do hang, Pathian in a ngal te a ke nuai ah a koih laklawh tian, a Topa Pathian min tuk inn cu sa tuk ma hitin, kumpi in thei hi.
|
||
\v 4 A tuin ka Topa Pathian in mun hempoh ah daihnak um tukin thukhen nak hang ngaldo tu, a kham tu um ngawlin,
|
||
\v 5 Pathian in ka pa David cu nangma ai in kumpi tohkham khunnak hum ah ka koih mi na capa cu ka min tuk inn cu sa tuk hitin a thupiak mi bang, ka Topa Pathian ca inn cu sa tung tin keiman ngaisung ing.
|
||
\v 6 Kumpi sila ten keima ca Lebanon mual hum ah cedar thingkung phuk tik tukin thupia in hi. Ka sila ten kumpi sila te bawm in dek haw tuk hi. Kumpi thupiak nak bangin kumpi sila te thaman pia tung hi. Sidon miphun te cu thingphuk thiam a hih bangin, kohtei sungah thingkung a phuk thiam a kuamah um ngawl mi cu kumpi in thei hitin, thucah hi.
|
||
\p
|
||
\v 7 Solomon awnkam thu cu Hiram kumpi in a zak ten lungdam zet in, mahmi miphun te a uk tu capa cu David nelah a piak mi Pathian in tuni in thupha um ta hen tin tiin,
|
||
\v 8 Kumpi thucah mi thu cu keiman ngaisung zo ing. Cedar thing, cak thing a kul mi hempoh pia tung.
|
||
\v 9 Ka sila ten Lebanon mual hum pen tuipi ah a khiak suk cengen, lawng cu bawl in kumpi thupiak nak mun tuipi lamzin pen pua in mahmi umnak sungah a ap hang, kumpi in co tuk hi. Kumpi in, ka kumpi innsung an eih tuk ancang te pia in, ka deihnak vang kim tik in tin Solomon nelah mihing cu hah in hilh leh tik hi.
|
||
\p
|
||
\v 10 Mah tihcun Hiram in Solomon deih mi hempoh cedar thing, cak thing cu pia hi.
|
||
\v 11 Solomon in Hiram kumpi innsung tei an eih tukin kumkhat ten cor sangvut cang thawngkul (20,000), sathau a ngek thawngkul pia hi.
|
||
\v 12 Pathian in, thukam a neih mi bangin Solomon cu cihnak pia hi. Hiram kumpi le Solomon kumpi panih ten ngaldo nak um ngawlin pawlkom nak nei haw hi.
|
||
\p
|
||
\v 13 Solomon kumpi in Isarel miphun hempoh sungah mihing thawngsawmthum (30,000) pia in,
|
||
\v 14 A thek dun hakhat ten thawngsawm (10,000), Lebanon mual hum ah a hah ten, mihing tampi ten Lebanon mual hum ah hakhat, a mu umnak nak ah hanih sung um haw hi. Mahmi mihing te cu Adoniram in uk hi.
|
||
\v 15 Na dek tu mihing thawgsawmsalih (70,000), mualtuan hum ah thingphuk tu mihing thawngsawmliat (80,000) a hah hang,
|
||
\v 16 Uktu kumpi bawl sial ngawl na dek lamhuai tu thawngthum (3,000) um hi.
|
||
\v 17 Kumpi thupiak mi bang innkhuam ca tuk a ngeng zet mi suang, man a nei mi suang, a suihsa mi suang te pua haw hi.
|
||
\v 18 Mah tihcun Solomon kumpi khut thiamnak a nei mite le Hiram kumpi khut thiamnak a nei mite tuah innsa tukin thing te, suang te cu bawl haw hi.
|
||
\s Solomon kumpi in biakinn a sak nak
|
||
\c 6
|
||
\p
|
||
\v 1 Isarel miphun te Izip ngam pen a tul kum zali sawmliat (480) kim, Solomon kumpi uknak kumli, Zif tin min a nei mi hanih nak ten Pathian inn cu sa pan thei hi.
|
||
\v 2 Mahmi inn a sau lam cu tong sawmluk, a vang tong kul, a sanglam tong sawmthum um hi.
|
||
\v 3 Inn maisap cu a vang tuah bang ve in a sau lam tongkul, a vang tong sawm um hi.
|
||
\v 4 Inn vak tukin tukvelh te bawl hi.
|
||
\v 5 Inn a pualam pang le thuphuan nak a pawlam elkim hempoh sungah a khan te vang bawl hi.
|
||
\v 6 A nuai tabel a khaan cu a vang tongnga, a lai khaan cu a vang tongluk, a hum tabel a khaan cu a vang tong salih um hi. Itahum titale a khaan te cu inn pumpi sung pangup nakah tum ma hi. Pangup nak a thuah a thuah in kham hi.
|
||
\v 7 Mahmi inn sak laih tak mahmi umnak mun ah a puak laih ngawlin, a suihsa mi suang te tuah bek in a bawl hang sobul, heipi, thik van tuah supek a bawl laih in aw nging ma hi.
|
||
\v 8 A nuai khan ah luh tum nak kongka pi cu inn hi taklam ah um hi. Kailawn tuah a lai khaan ah hei hihen, a lai khaan pen a hum ta khaan ah hei hihen kai hi.
|
||
\v 9 Inn cu a dit cengten liangpek te, khuam te cu cedar thingpek tuah in uum hi.
|
||
\v 10 A pangup nak a khaan te vang a sang lam tongnga ten um hi. Cedar thulzawl te cu innpi tuah pehcih hi.
|
||
\p
|
||
\v 11 Pathian awkam thu Solomon nelah a heng mi cu,
|
||
\v 12 A tuin sak mi inn cu nangman ka hilh mi lamzin ah zui ka thupiak nak bang bawl in, ka thukham hempoh te na cingkem tale na pai nelah thukam ka bawl mi bangin na nelah keiman bawl tung.
|
||
\v 13 Ka mihing Isarel miphun cu zamsan tuk mang hi, a muhtei sungah um tung hitin, thupiai hi.
|
||
\p
|
||
\v 14 Mah tihcun Solomon in inn cu sa ceng hi.
|
||
\v 15 Suatpek pen inn hum tian a sunglam pang cu cedar thing tuah umm in, suat dawh cu a sah zet mi cak thingpek tuah ceng hi.
|
||
\v 16 A thiangtho bel mi umnak mun, thuphuan nak ca tuk a sau lam le a vang cu tongkul ten a zal mi inn a langkhen cu a khan umm in a suat le pang cu cedar thing tuah ceng hi.
|
||
\v 17 Mahmi a khaan mai ah sak mi biakinn a sau cu tong sawmli um hi.
|
||
\v 18 Inn a sunglam ah cedar thingpek tuah umm ngah a tial, pakbom a tial tuah a dim hi. Cedar thing tuah a venghawng up hang, suang cu a lang in muh tuk um ma hi.
|
||
\v 19 Mah tihcun Pathian thukhaam thingkuang koih tukin inn sungah thuphuan nak bawl hi.
|
||
\v 20 Thuphuan nak a khaan cu a sau lam tong kul, a vang tong kul, a sang lam tong kul um hi. Mahmi a khaan hei hihen, cedar thingkung tuah bawl mi biakpiak nak taitan hei hihen, sui a ngek tuah bawl hi.
|
||
\v 21 Mah tihcun inn sunglam cu sui a ngek tuah a bawl cengten, thuphuan nak mai ah suikhau tuah dok in up hang, sui tuah bawl hi.
|
||
\v 22 Inn pakhat hei hihen, thuphuan nak bulah a um mi biakpiak nak taitan hei hihen, sui tuah a veng hawng in bawl hi.
|
||
\p
|
||
\v 23 Thuphuan nak sung pen a sang lam tong sawm a um mi Cherubim panih cu olive thing tuah in bawl hi.
|
||
\v 24 Cherubim ha te cu a langlam le a langlam ah a sau lam tong nga ten a um hang, a ha a lek pakhat le pakhat cu tong sawm um hi.
|
||
\v 25 A sanglam tong sawm a um hang, Cherubim panih cu a pum a sau dan bang ve hi.
|
||
\v 26 Mahmi Cherubim te cu a sunglam innsung ah a koih hang, Cherubim ha cu phalh in,
|
||
\v 27 A ha lek a langlam le a langlam ah pang cu pehcih in, a lai ah a ha lek pakhat le pakhat tawngkha in um haw hi.
|
||
\v 28 Cherubim cu sui tuah in bawl hi.
|
||
\p
|
||
\v 29 Innsung a pang lam ah le a pawlam ah Cherubim zuk le sunpalun pak bom zuk te um hi.
|
||
\v 30 Innsung lam suat le a pawlam suat cu sui tuah bawl hi.
|
||
\v 31 Thuphuan nak tum tukin olive thing kongka pi panih bawl in, kongka hum ta zawl le kongka khuam te cu pangup nak sehnga suah sehkhat cu la haw hi.
|
||
\v 32 Olive thing kongka pi sungah Cherubim zuk, sunpalun pak bom zuk te bawl in kongka le Cherubim zuk, sunpalun pakbom zuk cu sui tuah bawl hi.
|
||
\v 33 Mah bang bok inn a pawlam pangup nak khenli suah khenkhat a zal mi luh tum nak cu olive kongka khuam te hei hihen,
|
||
\v 34 Kongka pakhat ah patta panih bulh mi cak thing kongka panih hei bawl hi.
|
||
\v 35 Kongka khahnak cu Cherubim zuk le sunpalun pak bom zuk te bawlin a tial cu sui tuah bawl hi.
|
||
\v 36 A sung lam a tung vang cu suang suih mi a dan pathum, cedar thing tuan pakhat tuah a thuah a thuah in sa hi.
|
||
\p
|
||
\v 37 Kumpi uknak kum sawm li, zif ha ten Pathian inn khuam cu phut haw in,
|
||
\v 38 Kumpi uknak kum heikhat, bul ha tihmi haliat ha sungin innsung a khanpi le a khan neu hempoh cengin kum salih sung inn sa haw hi.
|
||
\s Solomon kumpi in a kumpi inn a saknak
|
||
\c 7
|
||
\p
|
||
\v 1 Mah cengten Solomon in kum heithum sung kumpi innsak cu ceng hi.
|
||
\v 2 Kumpi inn cu Lebanon thing tuah sa in a sau lam tong zakhat, a vang tong sawmnga, a sang lam tong sawmthum um hi. Cedar khuam tuan pali, cedar thing tuah sa hi.
|
||
\v 3 Khuam tuan pakhat ten khuam heinga ten a um hang, khuam a venghawng sawmluk hum ah koih in, cedar thingpek tuah khuh hi.
|
||
\v 4 Khuavak tum nak tuk tukvelh tuanthum a thuah thuah, a mai hekdun in a lang le lang ah um hi.
|
||
\v 5 Kongka pi hempoh kongka khuam a um mi hempoh cu a ningkil a nei mi hi.
|
||
\v 6 Khuam te, liangpek te tuah a kim in a sau lam tong sawmnga, a vang tong sawmthum a um mi tuah bawl hi.
|
||
\v 7 Thukhen nak tuk mun inn khanpi sa in, thukhen tu kumpi hihnak tuah a man thukhen hi. Suat dawh nak pen ceiling tian cu cedar thingpek tuah khuh hi.
|
||
\v 8 A ma umnak tukin kumpi cu inn khan ngengpi bangin sa hi. Solomon huai mi Pharaoh canu kumpi nu vang thukhen nak inn khanpi bangin sa hi.
|
||
\p
|
||
\v 9 Thukhen nak pi a pawlam ah hei hihen, a tawphah penpan a humlam tian hei hihen, suang suih mi tuah bang ve tukin a langnih in luah tuah ah mi suang, a lamdang mi suang tuah bawl ceng haw hi.
|
||
\v 10 A tawphah a sau lam tong liat, tong sawm a um mi suang, a lamdang mi suang tuah in ceng haw hi.
|
||
\v 11 A tawphah nak hum ah suang suih tuah a bang ve in bawl mi suang a lamdang mi suang le cedar thing um hi.
|
||
\v 12 Thukhen nak pi cu suang suih mi tuan thum tuah sa hi. A hum tabel tuan cu cedar thing tuah sa hi. Kumpi maisap le biakinn sung thukhen nak cu cedar thing tuah ceng hi.
|
||
\s Biakinn a mawi tukin a bawl nak
|
||
\p
|
||
\v 13 Solomon in mihing hah in Tyre khuapi pen Hiram cu sam hi.
|
||
\v 14 Mahmi Hiram cu Naphtali miphun meivong nui capa hi. A pa cu Tyre miphun dal lam na dek a thiam mipa hi. A capa cu dal lam na deh nak thu hempoh, bawl thiamnak a nei mi cihnak tuah a dim hang, Solomon kumpi nelah hung in na deh tuk hempoh ceng hi.
|
||
\v 15 Mahmi pan a sang lam tong heiliat, khuampum tong heinih a um mi dal khuam panih cu si luan hi.
|
||
\v 16 Khuam hum ah koih tukin a sang lam tong nga a um mi dal khuam a lek panih vang si luan hi.
|
||
\v 17 Dal suuk le dal khau kual te bawl in khuam pakhat ten suuk panih ten tuah khuam hum ah khuh hi.
|
||
\v 18 Dal tale ngah te vang bawl in khuam suuk hum a lek pakhat ah tale ngah tuannih tuah a mawi tukin bawl hi.
|
||
\v 19 A maisap khuam lek te cu lily pak tuah a bang mi a lai tong li um hi.
|
||
\v 20 Khuam lek panih cu suuk tuah a nek mi sukpek mi hum ah um in khuam lek pakhat sungah tale ngah tuannih le a ngah zanih ten um hi.
|
||
\v 21 Mahmi khuam te cu biakinn maisap ah phut in taklam khuam cu Jachin, a veilam khuam cu Boaz tin sam hi.
|
||
\v 22 Khuam lek hum ah lily pak a um hang khuam na dehnak cu ceng hi.
|
||
\p
|
||
\v 23 Tongsawm, a kawn tong sawmthum, a sang lam tong nga a um mi dal tuikuang vang bawl hi.
|
||
\v 24 Tui kuang elkim a nuai lam a elkim hempoh tongkhat ten umm ngah sawm a dim tian umm ngah velhnih cu tuikuang tuah cankim in si luan tuk.
|
||
\v 25 Mahmi tuikuang cu khui heinih hum ah um hi. Khui ten a sunglam bal tikin nisuah, nitum, hanglam, saklam, munli ah a mai hek mi pakhat ah khui pathum a mai hek in bawl hi.
|
||
\v 26 Tuikuang cu a sah lam khutbup khat um hi. A hum lam elkim khuatpi elkim ah lily pak bang, a cawih tuah dim hi. Tibual nak tuikuang thawngnih um hi.
|
||
\p
|
||
\v 27 Mah cengten a saulam tongli, a vang tongli, a sang lam tongthum a um mi dal khung sawm bawl hi.
|
||
\v 28 Mahmi khung um dan cu khung elkim a mawk a coih a dot dot um in a mawk a coih lak lawh ah,
|
||
\v 29 Pawpi, khui, cherubim a coih um hi. A mawk a coih hum ah khung pakhat koih mi um hi. Pawpi le khui nuai ah vang a coih tampi um hi.
|
||
\v 30 Khung pakhat ah dal lengke pali ten, dal a zawl tuah um hi. Maihum koihnak tukin khung ningli ah a ko te cu khung tuah a bang ten in si luan hi.
|
||
\v 31 Maihum a honnak ah a bulh a um mi cu a zal lam tongkhat um hi. A honnak a bem hang tongkhat le khapkhat um hi. A ning kil a bang ve ten mi sungah a coih a dim um hi.
|
||
\v 32 Lengke pali cu khung nuai ah a um hang a zawl te khung tuah zom cih in, lengke a sanglam tongkhat le khapkhat um hi.
|
||
\v 33 Leng ke zuk cu cipuh lengke tuah bang ve hi. A zawl, a zawl bu, a kalh nak, a bulh nak te siluan hi.
|
||
\v 34 Khung ningli sungah a zomcih in siluan mi ko pali a um hang,
|
||
\v 35 Mahmi ko hum ah a pum khapkhat a um mi kua bem bulh in, khung hum ah a mawk coih tuah let nak tukin khung tuah a zom cih in siluan hi.
|
||
\v 36 Let tuk mi le khung mai a pawlam ah cherubim, pawpi, sunpalun kung tihbang in a um mi a coih phun kim a ngah te lang in um hi.
|
||
\v 37 Mah tihcun a mel a sang bang ve tukin, kuangkum koihnak khung sawm cu siluan ceng hi.
|
||
\p
|
||
\v 38 A kawn bem tongli a zal hang, tibual nak tuikuang sawmli a tham thei mi dal kuangkum sawm bawl in, khung pakhat hum ah maihum pakhat ten koih hi.
|
||
\v 39 Inn taklam ah khung panga a veilam ah panga koih in tuikuang cu inn taklam nisuah nak hanglam a ningah koih hi.
|
||
\p
|
||
\v 40 Hiram cu bel te, tuiphawt nak te, maihum no te a bawl hang, Solomon kumpi ca tuk Pathian inn sungah a bawl celh mite cu,
|
||
\v 41 Khuam panih, khuam a lek a sang panih, khuam a lek khuh tuk suuk phalh panih,
|
||
\v 42 A khuh tuk in suuk phalh pakhat ca tale ngah tuannih ten, tale kom zali,
|
||
\v 43-44 Khung sawm, khung hum ah koih mi kuangkum sawm, tuikuang pakhat, tuikuang a nang tu khui heinih, bel te, tuiphawt nak te, kuangkum no te hi.
|
||
\p
|
||
\v 45 Solomon kumpi ca tuk Hiram bawl mi hempoh Pathian innsung van te cu a mam zialzual mi dal tuah ceng haw hi.
|
||
\v 46 Jodan huakluam, Succoth khuapi le Zathan khuapi lak lawh ah taklei bawl pha lei cu kumpi in buak hi.
|
||
\v 47 Mahmi van tampi a um hang Solomon in cuai teh ngawlin buak hi. Dal cuai aizong um hum tih cu a kuamah in thei ma hi.
|
||
\p
|
||
\v 48 Solomon in Pathian inn tuah a seng mi hempoh van tih mi sui biakpiak nak, a mai ah mok koih nak tuk sui cabuai,
|
||
\v 49 Thuphuan umnak mai, taklam ah sui ngek meikhuat vak nak khung panga, a veilam ah panga, sui pak, sui meikhuat, meicep nak van,
|
||
\v 50 Sui ngek tuah bawl sa mi khuat te, caiceh, pakan dai, keu, vut koih nak bel te, a thiangtho bel umnak mun a sunglam khan kongka pi le biakinn a pwalam kongka pi, a khaih mi sui patta te bawl hi.
|
||
\p
|
||
\v 51 Mah tihcun Solomon kumpi in Pathian inn tuk a bawl mi hempoh a celhten, a pa David a lu piak mi sui le ngun van hempoh te keng in Pathian innsung ah koih hi.
|
||
\s Thukhaam thingkuang biakinn sungah a apnak
|
||
\c 8
|
||
\p
|
||
\v 1 Mah ten Pathian thukham thingkuang cu Zion tihmi David khuapi pen pua nuam in, Solomon in Isarel miphun kum U ham te le Isarel miphun hinnam hempoh uktu, hotu U pa hempoh cu Jerusalem khuapi, kumpi nelah sam in,
|
||
\v 2 Isarel miphun hempoh ten Ethanim ha min a nei mi ha salih ha puai a bawl sung in Solomon nelah hulawmkhawm tukin hung haw hi.
|
||
\v 3 Isarel miphun sungah kum U ham hempoh te hung in, thiampi te vang Pathian thukham thingkuang pua in,
|
||
\v 4 Mipi hulopkhawm nak deu buk le deu buk tuah a seng mi a thiangtho van hempoh thiampi te le Levi miphun ten pua haw hi.
|
||
\v 5 Solomon kumpi penpan hulawmkhawm Isarel miphun hempoh sialzawh ma hi. Sialzawh ngawl mi tuu, khui te cu thingkuang mai pen biakpiak nak bawl haw hi.
|
||
\v 6 Thiampi ten Pathian thukham thingkuang cu innpi sungah koih in, a thiangtho bel mi umnak mun thuphuan nak khan sung pen Cherubim ha nuai a ma umnak mun ah koih haw hi.
|
||
\v 7 Cherubim ten a mu ha panih cu thingkuang umnak hum ah phalh in, thingkuang le a puaknak cu khuh in um hi.
|
||
\v 8 A puaknak cu a sau zet hang a puaknak a lek te a thiangtho mi umnak mun, thuphuan nak pen a muh hang tuni tian nehnak co haw hi.
|
||
\v 9 Isarel miphun te Izip ngam pen tul in Pathian in a muhte tuah thukhaam a bawl ten, Mosi cu Horeb ah a um laih in a koih mi suangpheng panih sial ngawl, thingkuang sungah imah um ma hi.
|
||
\v 10 Thiampi ten a thiangtho umnak mun sung pen a tul haw ten Pathian meingo tuah dim hi.
|
||
\v 11 Mah tihcun Pathian inn cu minthan nak a dim tuah meingo hang, thiampi ten cawl ngawl in na dek haw hi.
|
||
\p
|
||
\v 12 Solomon in Pathian cu a sah zet mi khuathim pi sungah um hitin awnkam thu um hi.
|
||
\q
|
||
\v 13 A thungai in Topai umnak inn, a cat ngawl umnak mun cu keiman sa zo ing hitin, ti hi.
|
||
\p
|
||
\v 14 Mah cengten kumpi in zo kik leh in Isarel miphun hempoh thupha pia hi. Isarel miphun hempoh ten ding haw hi.
|
||
\v 15-16 Kumpi in Pathian thuphuan mi awnkam thu, ka mihing Isarel miphun te Izip ngam pen a pui mi ni penpan ka min umnak inn sa tukin Isarel ngam sungah khuapi pakhat cu keiman teng ma laih naven, ka mihing Isarel miphun te uk tik tukin, David cu keiman teng zo ing hitin ka pa David cu thuphuan a piak mi bang, a bawl tu Isarel miphun tei Topa Pathian cu thupha um ta hen.
|
||
\v 17 Isarel miphun tei Topa Pathian min ca inn sa tukin ka pan ngaihsut nak a neih ten,
|
||
\v 18 Pathian in ka min tuk inn sa in ngaisut nak a neih hang a pha mi na dek zo hi.
|
||
\v 19 Mah naven, nang cu inn sa tuk ma ci. Na capa in ka min tuk inn sa tuk hitin, ka pa David nelah ti hi.
|
||
\v 20 Pathian thupiak nak a um mi bang a bawl hang, keiman kapa David hihnak ah co in Pathian thukam a um mi bang, Isarel ngam tei kumpi tohkham khunnak hum ah khung in Isarel miphun tei Topa Pathian min tuk inn cu sa zo hi.
|
||
\v 21 Ohtei pu le pa te Izip ngam pen Pathian a pui ten, a muhte tuah thukhaam suang lai a tel mi thingkuang koih nak mun mahmi inn sungah bawl zo hitin, ti hi.
|
||
\s Solomon kumpi thunget nak
|
||
\p
|
||
\v 22 Mah cengten Solomon in Pathian biakpiak nak taitan mai Isarel miphun mipi tei a lai ah um in a khutphalh cu vanhum ah zaak in,
|
||
\v 23 Isarel miphun tei Topa Pathian aw, vanhum le nuailam leihum ah Topa tuah a bang ve mi Pathian pakhat no hei um ma hi. A mai ah a thinlung a venghawng a zui tu Topai sila tei ca thukhaam thu le a hehpih nak thu cingkem zo hi.
|
||
\v 24 Kapa David sungah a koih mi thukam cu vawk ngawlin a thupiak mi bang bawl zo hi.
|
||
\v 25 Isarel miphun tei Topa Pathian aw, Topa in nang cu ka mai pen a zui mi bangin na tu le canawn ten ka mai pen zui tukin, a muhtei hawh nak lamzin a ngalling tale ka mai pen Isarel ngam tei kumpi tohkham khunnak hum ah a khung tu na miphun kumpi bo tuk ma hitin, Topai sila kapa David nelah koih mi thukam cu a tuin cingkem in hi.
|
||
\v 26 Isarel miphun tei Topa Pathian aw, Topai sila kapa David nelah thupiak mi awnkam thu cu a tuin kim tik in hi.
|
||
\p
|
||
\v 27 Mah hang Pathian in leihum ah a thungai in um tuk maw. Vanhum le vanhum hempoh tei a sang bel, a sunglawi mi vanhum cu topa a dim thei ngawl mi a hih hang, ka sak mi hi inn cu itihbang son tuk um hum?
|
||
\v 28 Mah naven ka Topa Pathian aw, Topai sila mai ah tuni au in thunget nak aw cu ngai in.
|
||
\v 29 Hi umnak mun ah ka min um tuk hitin a tih mi bangin hi umnak mun le hi inn cu a sun a zan zo in, Topa sila in hi umnak munpen thunget mi cu ngai in.
|
||
\v 30 Topai sila penpan Topai mihing Isarel miphun te, hi umnak mun pen thunget nak a bawl haw ten, vanhum na umnak munpen ngai in sualnak pen luat tik in.
|
||
\p
|
||
\v 31 Mihing pakhat in a inn nel pih a sual hang tamsiat tuk hitin a inn nel cu tiin, hi innsung pen Topa biakpiak nak mai ah thukam nak a bawl tale,
|
||
\v 32 Vanhum pen ngai in. Mipha ngawl pa cu a sualnak bang sung tik tuk in hihen, midik pa cu a ma dikcang nak bang thupha co in a sualnak pen luat tik tuk in hihen, Topai sila te cu thukhen in.
|
||
\p
|
||
\v 33 Topai mihing Isarel miphun ten Topa cu sualnak hang ngal tei mai pen a sun ten, Topai nelah kik leh in na min tuah hi inn cu bel in thunget nak a nei tale,
|
||
\v 34 Vanhum pen ngai in Topai mihing Isarel miphun te a sual pen luat tik in. Pu le pa tei lak a piak mi ngam ah pui leh in.
|
||
\p
|
||
\v 35 Topa in a sual hang nguah zu ma, Nguah zu ngawlin Topan thu a hilh ten a mun hi umnak mun cu bel in thunget hang na min cu suangin a sualnak a vawk tale,
|
||
\v 36 Vanhum pen ngai in Topa sila, Topai mihing Isarel miphun te a sualnak pen luat tik in. A muhtei zui mi lamzin pha cu lak in Topai miphun te lo a piak mi leihum ah nguah zu tik in.
|
||
\p
|
||
\v 37 Uknak ngam sungah pamtung nak a um hei in hihen, huihtheu in thingkung a thi hei in hihen, a tui zungin a thi hei in hihen, khau ei thei mi hei hihen, ngal ten do in khuapi a kil hei in hihen, haksat nak, a lawn thei mi nat nak a hen ten,
|
||
\v 38 Topai mihing Isarel miphun hek khat ten haksat a thuak mi hempoh thei in, hi inn ah a muhtei khut phalh in pakhat thunget nak a nei tale,
|
||
\v 39 Vanhum umnak mun pen ngai in.
|
||
\v 40 Pu le pa tei lak a piak mi ngam ah a muhtei nun sung hempoh Topa cu lau tukin, Topa bek in mihing hempoh tei lungmu thei tu a hih hang, a muhtei sualnak luat tik in. A muhtei bawl mi bangin thukhen in hi.
|
||
\p
|
||
\v 41-42 Topai mihing Isarel miphun a hi ngawl miphun dang ten a sunglawi mi a thuthang le a huham khut thawmlian thuthang cu a zak ten, na min suangin ngam khua la pi pen heng in, hi inn cu muang in thungen tale,
|
||
\v 43 Vanhum umnak mun pen ngai in. Topai mihing Isarel miphun ten Topa a lau bang, leihum mi hempoh ten launak tuah a min thei tuk in hihen, ka sak mi hi inn cu na min tuah samnak thu thei tuk in hihen, mahmi miphun dang tei thunget nak hempoh hehpih in.
|
||
\p
|
||
\v 44 Topai tik mi bang, Topai mihing ten ngal tei umnak mun ah ngaldo tuk a hawh ten, a ten mi khuapi a min tukin ka sak mi inn cu muangin Pathian nelah thunget nak a nei tale,
|
||
\v 45 A muhtei thunget nak awnkam cu vanhum pen ngai in a muhtei thu cu bawm in.
|
||
\p
|
||
\v 46 A sual thei ngawl mi mihing pakhat no hei a um ngawl hang, Topai mihing ten Topa cu sual in, a thinuuk in ngal tei khut sungah a ap hang ngal te cu ngam khua la pi, a nai no mi ngam, ngam dang pen long in a hawh hei in hihen,
|
||
\v 47 Mahmi ngam sung pen kolh bulh laih tak a mun a phawh nak hang, kohte cu sual zo ung hi. A man ngawl mi sual, a sia suak mi sual bawl kha zo ing hitin, thinlung thek in hehpih a kut hang,
|
||
\v 48 Ngaltei mat mi ngam sung a um laih thinlung venghawng a ma nelah kik leh in, pu le pa te a piak mi ngam a ten mi khuapi, na min tukin ka sak mi inn cu muangin thungen hei in hihen,
|
||
\v 49 A muhtei thunget mi awnkam cu vanhum a umnak mun pen ngai in, a muhtei thu bawm in.
|
||
\v 50 Topai miphun ten Topa cu a sual ta vang Topa cu sual palcat mi sual hempoh te ngaidam in. Ngal tei lon mi a mun Topai miphun te hehpih tukin lainat nak thinlung pia in.
|
||
\v 51 Itahum titale a muhte cu Izip ngam thik meikam sung pen pat mi Topai mihing lo co tu miphun hi.
|
||
\v 52 Topai sila penpan Topai mihing, Isarel miphun thunget nak awnkam hempoh te ngai tuk zo in sialsiah in.
|
||
\v 53 Itahum titale kohtei pu le pa te Izip ngam pen a pui ten, Topai sila Mosi hang thu a piak mi bang, Isarel miphun cu Topai lo co tu cang tik tukin, leihum miphun hempoh sung pen teng zo hi, Pathian aw tin thungen hi.
|
||
\p
|
||
\v 54 Mah tihcun Solomon in Pathian mai pen thu a nget cengten Pathian biakpiak nak mai ah khuk din in, a khut cu vanhum ah phalh a umnak mun pen tho in,
|
||
\v 55 A din cengten, Isarel mipi hempoh ten aw nging zet tuah thupha a piak mi awnkam cu,
|
||
\v 56 Thukam a um hempoh bangin a mihing Isarel miphun, daihnak tuah thukhen tu Pathian cu thupha um ta hen. A sila Mosi hang a koih mi a pha thukam pakhat no hei sia ma hi.
|
||
\v 57 Ohtei Topa Pathian cu ohtei pu le pa te tuah a um bang bok eimuhte tuah um kawm ta hen. Ohte cu zamsan thong hihim ma hen.
|
||
\v 58 Lamzin ah zui tuk in hihen, pu le pa tei lakah thucah mi dan thukam te cingkem tuk in hihen, ohtei thinlung cu a ma nelah pui ta hen.
|
||
\v 59-60 Pathian cu Pathian a hihnak thu hei hihen, a dang Pathian a um ngawl nak thu hei hihen, leihum mihing hempoh ten thei tukin ohtei Topa Pathian cu a sila te le a mihing Isarel miphun tei thu cingkep tuk a um mi bang, a catngawl cingkem tuk in Pathian mai ah ka thunget mi hi awnkam cu a sun a zan a ma nelah um ta hen.
|
||
\v 61 Nohten tuni na zui bang ohtei Topa Pathian thukhen mi lamzin ah zui in a thukham cingkem tukin, a ma nelah thinlung cangkim nak um ta hen hitin, ti hi.
|
||
\s Biakinn a apnak
|
||
\p
|
||
\v 62 Mah ten Solomon kumpi cu Isarel miphun hempoh ten Pathian mai ah biakpiak nak bawl haw hi.
|
||
\v 63 Khui thawngkul luannih (22,000), tuu tingkhat le thawngkul (120,000) cu Pathian pawlkom biakpiak nak a bawl hang Pathian inn cu ap haw hi.
|
||
\v 64 Mahmi ni in, kumpi in Pathian inn mai ah a um mi thukhen nak a sung lam cu thiangtho tikin, mahmi umnak sungah meihal biakpiak nak, an ei tuk biakpiak nak, pawlkom biakpiak nganhing thau tuah a lu pia hi. Itahum titale, Pathian mai ah a um mi dal biakpiak nak cu meihal biakpiak nak, an eih tuk biakpiak, pawlkom biakpiak nak nganhing thau cu tham ma hi.
|
||
\v 65 Mah ten Solomon in a tamzet mi mipi te cu Hamath khuapi penpan Izip nguntui pi tian, mun hempoh pen a hung mi Isarel miphun hempoh te tuah ohtei Topa Pathian mai ah ni salih veinih, ni heili sung puai bawl hi.
|
||
\v 66 Niliat niten mihing tampi te hah hi. A mun kumpi cu thupha pia in, Pathian in a sila David le a mihing Isarel miphun sungah a bawl mi hempoh a hehpih nak hang, lungdam thatui in a muhtei umnak mun ah pin leh haw hi.
|
||
\s Solomon kumpi nelah Pathian a langnak
|
||
\c 9
|
||
\p
|
||
\v 1 Solomon in biakinn le kumpi inn cu sa ceng in a deihnak hempoh a kim tik ten,
|
||
\v 2 Pathian in Gibeon khuapi pen a lang mi bangin a veinih nak a lang ten,
|
||
\v 3 Nang cu ka mai pen na thunget mi cu keiman za zo ing. Na sak mi hi inn cu keiman thiangtho tikin, ka min cu a cat ngawl in kho tik tung. A cat ngawl keiman zo in thinlung sungah cam le leng tuk hi.
|
||
\v 4 Nangman ka thucah mi hempoh bawl in ka dan thu hempoh cingkem tukin, na pa David bangin a dik cang mi thinlung tuah ka mai pen na zui tale,
|
||
\v 5 Isarel ngam tei kumpi tohkham khunnak hum ah a khung tu na miphun bo tuk ma hitin na pa David cu keiman ka thukam a um mi bang, na khun mi Isarel ngam tei kumpi tohkham khunnak a cat ngawl in kho tik tung hi.
|
||
\v 6 Mah ahima tale nangmah le na tu le canawn ten ka nungah zui ngawl lamzin pial in ka thucah mi dan thukham te cingkem ngawlin, a dang Pathian nelah hawh in a bia tale,
|
||
\v 7 Isarel miphun cu ka piak mi ngam pen keiman vawk tung hi. Ka min in ka thianlim tik mi hi inn cu ka mai pen vawk tung. Isarel miphun vang miphun dang tei thupaucap nak, sonsiat nak in cang tuk hi.
|
||
\v 8 A sang mi hi inn cu lamzin ah a vak tu hempoh ten lamdang sa in, Pathian in hi ngam le hi inn cu ita hih tihbang in bawl hum tin, sonsiat nak aw tuah pakhat le pakhat a dot ten,
|
||
\v 9 Pakhat in a muhtei pu le pa te cu Izip ngam pen a pui tu, a muhtei Topa Pathian cu a mun zamsan in miphun dang tei Pathian a biak haw hang, Pathian in hi thu hempoh a hen tik mi thu cu hilh tuk hitin, thupia hi.
|
||
\s Solomon kumpi in a dang na a deknak
|
||
\v 10 Solomon in biakinn le kumpi inn tihmi inn panih cu sa in kumkul a kim ten,
|
||
\v 11 Tyre kumpi Hiram in Solomon deih mi hempoh bangin cedar thing, cak thing le sui cuai za le kul a piak ham zo hang, Solomon kumpi in Gallilee ngam sungah khuapi kul cu Hiram kumpi pia hi.
|
||
\v 12 Solomon piak mi khuapi te cu Hiram in Tyre khuapi pen hung in a zoh ten lungkim ma hi.
|
||
\v 13 Ka nau keimah na piak mi khuapi te itihbang khuapi hum tin a tih ten,
|
||
\v 14 Mahmi umnak mun cu Kabul tih hei in tuni tian sam hi.
|
||
\p
|
||
\v 15 Solomon kumpi in a tik lo hang biakinn, kumpi inn, Millo khuapi, Jerusalem khuapi, Hazor khuapi, Gezer khuapi sa tukin na deh tuk pia hi.
|
||
\v 16 Gezer khuapi cu Izip kumpi Pharaoh in ngaldo in mei a hal hang, khua sung mi Kanaan miphun te cu a thah cengten a canu, Solomon nupi cu laksawng pia ham zo hi.
|
||
\v 17 Mah hang Gezer khuapi cu Solomon in din hi. Mah bek sial ngawl a nuai ta Beth-horon khuapi,
|
||
\v 18 Baalath khuapi, ngam sung umnak mun, ngam sungah Tamar khuapi cu din hi.
|
||
\v 19 Van koihnak khuapi te, cipuh leng cingkem tu khuapi, cipuh cawm tu khuapi, Jerusalem khuapi elkim Lebanon mual hum ngam hempoh sungah a dit nuam mi khuapi te cu din hi.
|
||
\v 20 Isarel miphun a veng hawng a siatsuah theih ngawl hang,
|
||
\v 21 Ngam sungah ngam dang miphun, Amor, Hitt, Periz, Hiv, Jebus tu le canawn hempoh te Solomon in tuni tian mihing khen in sila um tik hi.
|
||
\v 22 Isarel miphun te cu Solomon sila thuak ma hi. Ngalkap ngalhang, na deh cing tu, bawi U pa, ngalkap bawi, cipuh leng uktu, laak uktu hihnak ah pia hi.
|
||
\p
|
||
\v 23 Innsa na dek uktu zanga le sawmnga (550) um hi.
|
||
\p
|
||
\v 24 Pharaoh kumpi canu cu David khuapi pen tulin a ma ca tuk Solomon sak mi kumpi inn ah thawn in, Solomon in Millo khuapi cu puah hi.
|
||
\p
|
||
\v 25 Pathian ca tuk sak mi biakpiak nak hum pen meihal biakpiak nak te cu kumkhat ten veithum biakpiak nak a bawl hang, Pathian mai ah a um mi biakpiak nak hum ah ngimnam tui hempoh meihal nak tuah inn cu sa ceng hi.
|
||
\p
|
||
\v 26 Mah cengten Solomon kumpi in Edom ngam Edom tuipi mawk ah Eloth khuapi tuah a nai mi Ezion-geber khuapi ah tembaw cu bawl hi.
|
||
\v 27 Tuipi a tan thei tu a sila, tembaw na dek tute cu Hiram kumpi in mahmi tembaw hum pen Solomon mihing te tuah munkhat ah khung tik hi.
|
||
\v 28 A mun Ophir khuapi ah hawh in sui cuai zali le kul cu Solomon nelah pua haw hi.
|
||
\s Solomon kumpi nelah Sheba kumpi a lennak
|
||
\c 10
|
||
\p
|
||
\v 1 Sheba ngam uktu kumpi nu in Solomon minthan nak le Pathian minthan nak a zak ten, theihnak a haksa mi buainak tuah a mah cu thu dong tukin hung hi.
|
||
\v 2 Ngimnam tui le sui tampi, suangman pha te a keng tu kalauk te, a nungah a zui tute tuah Jerusalem khuapi ah heng in Solomon kumpi nelah a luh tum ten, a deihnak hempoh sonpih in thu dong hi.
|
||
\v 3 A thu dot mi buainak hempoh te Solomon kumpi in hilh hi. Thei ngawl in a hilh theih ngawl mi pakhat no hei um ma hi.
|
||
\v 4 Sheba kumpi nu in Solomon cihnak hempoh hei hihen, a sak mi inn hei hihen,
|
||
\v 5 An eih nak cabuai van hei hihen, na deh cing tutei umnak hei hihen, tangval tei na deh mi hempoh hei hihen, a muhtei silh mi van hei hihen, zung lai ngan tute hei hihen, Pathian inn sungah meihal biakpiak nak hei hihen, a muhten thasiah zet a um hang,
|
||
\v 6 Na hihnak hempoh le na cihnak te keiman ka ngam sung pen ka zak mi thu cu a man mi hi.
|
||
\v 7 Mah naven, ka pumpi loli hengin ka muh laih ngawl in sang mang hi. A tuin, a masa thu zak mi sangin a langkhen hei pha zo ma hi. Na cihnak le neihnak ka zak mi thuthang sang in nase saw hi.
|
||
\v 8 A mai ah a cat ngawl um in cihnak a zaak mi na mihing, na sila ten thupha co haw ta hen.
|
||
\v 9 Topa cu a ih hang, Isarel ngam kumpi tohkham khunnak hum ah a koih tu Topa Pathian cu thupha um ta hen. Pathian in Isarel miphun a cat ngawl a itnak hang, dikcang nak tuah thukhen tukin nang cu kumpi hihnak ah pia zo hitin kumpi cu a tih hang,
|
||
\v 10 Sui cuai za le kul, ngimnam tui tampi, suangman pha te pia hi. Sheba kumpi nu in Solomon kumpi a piak mi ngimnam tui tampi cu tunung ten pia leh ma zo hi.
|
||
\p
|
||
\v 11 Solomon kumpi in a thiangtho in a piak mi laksawng sial ngawl, Sheba kumpi nu deihnak cangkim tik tukin a nget mi hempoh pia hi. Mah cengten kumpi nu in a sila te tuah a ngam ah pin leh haw hi.
|
||
\v 12 Ophir khuapi pen sui a puak mi Hiram tembaw te cu almug thing te, suangman pha te keng haw hi.
|
||
\p
|
||
\v 13 Mahmi almug thing tuah kumpi in biakinn a zawl le kumpi inn zawl hei in hihen, lasa tu ca tuk phaidak le lemlawi te hei hihen, bawl hi. Mahmi almug thing cu tunung ten heng leh ma, tuni tian heng ma hi.
|
||
\s Solomon kumpi huahsak nak
|
||
\p
|
||
\v 14 Solomon nelah kumsial in a heng mi sui cuai cu cuai zaluk le sawmluk (660) hi.
|
||
\v 15 Mah bek sial ngawl sum bawl tu tampi, leng na dek tute Arab kumpi a um hempoh, khuapi uktu tei sui piak mi um laih hi.
|
||
\v 16-17 Solomon kumpi in sui cuai luk ten tuah lumphaw a ngeng zanih (200), cuai thum tuah lumphaw a neu zathum (300) bawl in, Lebanon mual thing tuah bawl mi kumpi innsung ah koih hi.
|
||
\v 18 Kumpi in saiho kumpi tohkham khunnak ngengpi cu bawl in sui a ngek tuah bawl hi.
|
||
\v 19 Kumpi tohkham khunnak cu kailawn a bak paluk um hi. A nunglam a lek cu a bem hi. Khunnak a langlam le a langlam ngaingam theih tukin khut let nak zawl a dim hang, a khutzung a bulpen pawpi panih ding um hi.
|
||
\v 20 Kailawn kalbak paluk hum pen a langlam le a langlam cu pawpi heinih a ding cu um hi. Mah tihbang mi kumpi tohkham cu ngamdang ah um ma hi.
|
||
\v 21 Solomon kumpi in mahmi khuathai hempoh te le Lebanon kumpi inn sungah man mi khuathai hempoh cu ngun khuathai hi ngawlin sui khuathai a ngek hi. Solomon khut sung ah sum cu imah thupi ngaisung haw ma hi.
|
||
\v 22 Kumpi in Tharshish tembaw cu Hiram kumpi tembaw tuah a kuat hang, kumthum ten veikhat Tharshish tembaw cu pin kik leh in sui, ngun, saiho, zawng te, udawng te keng thei hi.
|
||
\p
|
||
\v 23 Mah tihcun Solomon in hi leihum ah a um mi kumpi hempoh te sang cihnak le hauhsak nak tuah nasezet hi.
|
||
\v 24 Solomon thinlung sung ah Pathian khum tum mi cihnak cu leihum mi hempoh ten za tukin zei haw hi.
|
||
\v 25 A hung tu hempoh ten sui khuathai, ngun khuathai, puan van, ngal hiamnam, ngimnam tui, cipuh, laak te cu kum sial in pia haw hi.
|
||
\p
|
||
\v 26 Solomon in cipuh leng te, cipuh khung thiam mi ngalhang te zei in, cipuh leng thawngkhat zali (1,400), cipuh khung thiam ngalhang thawngheinih (12,000) um hi. Cipuh leng cing tu khuapi ah hei hihen, Jerusalem khuapi a ma nelah hei hihen koih hi.
|
||
\v 27 Kumpi in Jerusalem khuapi sungah sum cu suang bang in hihen, cedar thing te cu munlawn pen theipi kung te bangin hihen, tam tik hi.
|
||
\v 28 Solomon nelah cipuh te cu Izip ngam Kue khuapi pen keng hi. Kumpi sum bawl nak te a man a piak ten Kue khuapi sung pen la haw hi.
|
||
\v 29 Izip ngam pen cipuh leng pakhat cu sum cuai luk tuah hei in hihen, cipuh pakhat cu cuaikhat le lang tuah in hihen, zuak le leng mi um hi. Mah tihcun Hitt kumpi le Syria kumpi ten Izip cipuh leng le cipuh te cu ngah thei haw hi.
|
||
\s Solomon kumpi nupi te
|
||
\c 11
|
||
\p
|
||
\v 1 Solomon kumpi in Pharaoh kumpi canu sial ngawl, Isarel miphun a hi ngawl mi Moab miphun, Ammon miphun, Edom miphun, Sidon miphun, Hitt miphun numei te cu it thei zet hi.
|
||
\v 2 Pathian in nohten miphun dang te huai pah sun. A thungai in a mun a muhtei pathian nungah nohtei thinlung pial tik tuk hitin, Isarel miphun lakah thupia naven Solomon in ngam dang miphun numei te deihnak thinlung nei hi.
|
||
\v 3 Solomon in nupi za salih (700), zino zathum (300) a neih hang, a mun a thinlung pial tik haw hi.
|
||
\v 4 Solomon cu a kum ham ten numei ten a thinlung cu ngam dang miphun nungah a pial tik hang, a thinlung cu a Topa Pathian mai ah cangkim nak um ma hi.
|
||
\v 5 Sidon khawsia nu Ashtoreth, a nawngkai mi Ammon pathian Milcom nungah a zui hang,
|
||
\v 6 A pa David bangin Pathian sungah cangkim nak tuah zei ngawlin, a mai pen sualnak bawl hi.
|
||
\v 7 Mah ten Solomon in a nawngkai mi Moab pathian Chemosh le Ammon pathian Molech ca tuk, Jerusalem khuapi mai ah a um mi mual hum ah bawl hi.
|
||
\v 8 A muhtei pathian cu ngimnam tui meihal nak bawlin biakpiak nak a bawl mi ngamdang miphun a nupi tei ca mah tihcun bawl hi.
|
||
\p
|
||
\v 9-10 Ngamdang pathian nungah zui tuk ngawlin thukham a pia tu Pathian, veinih a lang tu Isarel miphun tei Topa Pathian nelpen Solomon in a thinlung pial in a thucah mi awnkam a ngaih ngawl hang, Pathian a thinuuk in,
|
||
\v 11 Nang cu hitihbang na bawl hang ka bawl mi thukham le ka thucah mi cingkem ngawlin na um hang, uknak ngam cu na khut sung pen keiman laksak in na sila pa pia tung hi.
|
||
\v 12 Mah hang na pa David mitmai zo in na khut sungah keiman suup hih tung hi. Na capa khut pen uknak ngam laksak tung hi.
|
||
\v 13 Mah naven, uknak ngam sung hempoh laksak tuk mang hi. Ka sila David le ka ten mi Jerusalem khuapi zo in na capa cu uknak ngam pakhat keiman pia tung hitin Solomon thupia hi.
|
||
\s Solomon kumpi a do tute
|
||
\p
|
||
\v 14 Mah cengten Solomon a do tu Edom miphun Hadad sosuah hi. A mah cu Edom kumpi miphun hi.
|
||
\v 15-16 A bosa huncan in David ngam sungah a um hang, ngalkap bawipi Joab in Edom miphun pano hempoh that tuk hitin, Isarel miphun hempoh te tuah Edom ngam sungah ha luk a um cengten, mithi luang te lei sungah phum tuk a hawh laih tak in,
|
||
\v 17 Hadad cu khangno laih naven a pai sila Edom miphun hek khat te tuah Izip ngam ah heng tukin tai hi.
|
||
\v 18 Midian ngam pen tul in Paran ngam ah heng hi. Mah cengten Paran ngam mihing hek khat te sam in, Izip Pharaoh kumpi nelah a hen ten, mahmi kumpi in inn le lei cu pia in cawm hi.
|
||
\v 19 Pharaoh kumpi Hadad cu a ih zet hang, a nupi kumpi nui nau nu cu huai tik hi.
|
||
\v 20 Tahpen hi nau nu in capa Genubath hing in Tahpen cu kumpi inn pen nawi a tawp hang, Genubath in kumpi inn sungah Pharaoh cate tuah um hi.
|
||
\v 21 Daivid cu pu le pa te tuah a hihbuh thu le ngalkap bawipi Joab a thih nak thu cu Hadad in Izip ngam pen a zak ten, kei cu ka ngam umnak mun ah hawh nak thu pia in hitin, Pharaoh kumpi nelah ngen ing hi.
|
||
\v 22 Pharaoh kumpi in nang cu na ngam ah pin nuamnak thinlung nei tukin, ka nelpen ai deihnak nei cim tin a dot ten, imah deih mang hi. Hawh nak thu bek cu pia in hitin, ti hi.
|
||
\p
|
||
\v 23 Solomon a do tu a dang, Eliadah capa Rezon cu Pathian in sosuah hi. A mah cu a topa Zobah kumpi Hadad-ezer nelah tai in,
|
||
\v 24 Mihing tampi a hulop tik hang, David kumpi a thah tik ten ngalkap bawipi cu dek hi. Mah cengten Damaska khuapi sungah hawh in kumpi dek in um hi.
|
||
\v 25 Hadad noksak nak thu sial ngawl a man Solomon kumpi uk sung hempoh Isarel miphun do hi. Syria ngam uktu Isarel miphun cu hua hi.
|
||
\s Solomon kumpi cu Jeroboam donak
|
||
\p
|
||
\v 26 Mah bek sial ngawl Solomon sila pakhat in Epharaim miphun, Zereda khua mi Nabat capa Jerobaom in kumpi cu do hi. A nui min cu Zeruah tihmi meivong nu hi.
|
||
\v 27 Kumpi a donak thu cu Solomon in Millo khuapi din in, a pa David khuapi a sia mi cu a puah leh ten,
|
||
\v 28 Jeroboam cu thazang ngilnak a nei ngalhang mipa hi. Tha suah zuamnak a nei thei tangval a hihnak thu cu Solomon in a muh ten, Josep miphun na dek tu hempoh uk tik tukin pia hi.
|
||
\v 29 Veikhat laih in Jerobaom cu Jerusalem khuapi pawlam ah tul in a um ten, Shiloh khua mi Ahijah in puanthak silh in, Jerobaom muak tukin lo sungah a mu panih bek a um laih tak in,
|
||
\v 30 Ahijah in a silh mi puan thak cu len in khen heinih in a talhtawng cengten,
|
||
\v 31 Jeroboam in hi khen sawm cu la in hi. Isarel miphun Topa Pathian thupiak mi uknak ngam cu Solomon khut sung pen keiman lak sak in uknak ngam sawm cu nangmah pia tuk hi.
|
||
\v 32 Ka sila David ca tuk Isarel ngam sung pen ka ten mi Jerusalem khuapi ca Solomon in ngam pakhat la hi.
|
||
\v 33 Ngam sawm a laknak thu cu keimah zam in Sidon khawsia canu Ashtoreth, Moab pathian Chemosh, Ammon pathian Milcom te a biak hang, a pa David bangin ka mai pen a man mi thu, ka thupiak mi thukham te cingkem tukin ka lamzin ah zui ma hi.
|
||
\v 34 Mah hang, uknak ngam cu a ma nelpen keiman la ma laih ing. Ka ten hang ka thukham a cingkem tu ka sila David ca, a capa Solomon cu a nun sung uk tik tukin keiman thupia ing.
|
||
\v 35 Solomon capa khut sung pen uknak ngam laksak in, uknak ngam sawm cu keiman nangmah pia tung hi.
|
||
\v 36 Ka min umnak tukin ka ten mi Jerusalem khuapi sung ka mai pen ka sila David meikhuat cu a cat ngawl vak tik tukin, Solomon capa ngam pakhat cu keiman pia ing hi.
|
||
\v 37 Nangmah keiman ka ten hang, nang cu na deihnak cangkim tik tuk uk in Isarel miphun sungah kumpi dek ci.
|
||
\v 38 Nang cu ka thucah mi hempoh na ngaih hang, ka sila David bawl mi bang ka lamzin ah zui in ka mai pen a man mi thu, ka dan thukham piak mite cingkem tale nangmah le keimah tuah um hang David ca tuk a kho mi inn a sak bangin nangma ca tuk sa in Isarel ngam cu keiman pia tung hi.
|
||
\v 39 Hi thu hang David kumpi miphun cu keiman noksak ing hi. Mah hang a cat ngawl in noksak le leng tuk mang hitin a thupiak mi cu hilh leh hi.
|
||
\v 40 Solomon in Jerobaom cu that tung hitin zuamnak tuah a um ten, Jerobaom cu tho in Izip ngam, Izip kumpi Shishak nelah tai in Solomon thih tian Izip ngam ah um hi.
|
||
\s Solomon kumpi a thihnak
|
||
\p
|
||
\v 41 Solomon na deh nak a tanglaih hempoh te le a thupaucap nak awnkam cu Solomon thuanthu sungah ngan hi.
|
||
\v 42 Solomon cu Jerusalem khuapi sungah um in, Isarel ngam cu kum sawmli sung a uk cengten,
|
||
\v 43 Pu le pa te tuah hihbu in a pa David khuapi sungah phum hi. A capa Jerobaom in a pai hihnak kumpi khunnak ah khung hi.
|
||
\s Jeroboam in Isarel miphun te a donak
|
||
\c 12
|
||
\p
|
||
\v 1 Isarel miphun hempoh ten Jerobaom cu kumpi hihnak ah khaisang tukin Shechin khuapi ah a hawh hang, a mah vang hawh hi.
|
||
\v 2 Solomon kumpi nelpen Izip ngam ah a tai tu Nabat capa Jerobaom in mahmi thuthang a zak hang, Izip ngam pen pin leh hi.
|
||
\v 3 Isarel miphun ten a ma nelah mihing hah in a sam hang, hulawmkhawm mipi hempoh ten a mah tuah Jerobaom nelah lut tum in,
|
||
\v 4 A pa in ka sungah a ngit zet mi van suan zo hi. Ka pai nelpen haksa zet na dehnak thu, a ngitzet van a suat mi cu zang tik in hi. Mah tihcun na bawl tale kohten na deh tuk ung hitin, ti haw hi.
|
||
\v 5 Jeroboam in hawh ham ta un. Nithum lawi ten hung leh un tin a tih ten, a muhte cu hawh haw hi.
|
||
\p
|
||
\v 6 Mah ten Jerobaom in a pa Solomon a nun laih in a nelpen na dek tu U pa te tuah thu vaisiam khawm in, a muhtei lakah ka hilh leh tuk mi ai tihbang in ngaihsut nak pia thei tuk uh cim tin a dot ten,
|
||
\v 7 A mun topa cu tuni in a muhtei sila thuak in, a muhtei thu cu ngak in a pha mi awnkam tuah a hilh leh tale a mun a cat ngawlin sila thuak haw tuk hitin, ti haw hi.
|
||
\v 8 Kum U pa tei ngaihsut nak a piak mi cu Jerobaom in zui ma hi. Sila na dek tu a ngualcam te tuah thu siam pih in,
|
||
\v 9 Ngam sung mite vanngit zet a pai suat mi zang tik in hitin a nget haw hang, a muhte ka hilh leh tuk mi ai tihbang in ngaisut nak pia tuk uh cim tin a dot ten,
|
||
\v 10 A ngualcam tangval ten, pa in ohei lakah van puak ngit tik zo hi. Zang tik tukin a ngen tu ngam sung mipi te topan ka khut lek cu ka pai el sang in ngeng saw tuk hi.
|
||
\v 11 Ka pa in nohtei hum ah a ngit zet mi vanpuak tuk suan zo hi. Keiman suan bet tung hi. Ka pa in nohte cu tingngolh tuah vat zo hi. Keiman aikam tuah vat tuk tin hilh leh in hitin, ti haw hi.
|
||
\p
|
||
\v 12 Kumpi in nithum a lawi ten hung leh un tin huncan a tiap mi bangin nithum lawi ten Jerobaom le mihing hempoh te Rehobaom nelah heng haw hi.
|
||
\v 13 Kumpi in kum U pa tei ngaihsut nak a piak mi zui ma hi. Tangval tei piak mi ngaisut nak zui in,
|
||
\v 14 Ka pa in nohtei hum ah a ngitzet mi van puak tuk suan zo hi. Keiman suan bet tuk laih ing. Ka pa in nohte cu tingngolh tuah vat zo hi. Keiman aikam tuah vat tung hitin, hangzet in don leh hi.
|
||
\v 15 Kumpi in ngam sung mipi tei awnkam thu a ngaih ngawl nak cu Pathian in Shiloh khua mi Ahijah hang, Nabat capa Jerobaom thu a piak mi awnkam cangkim tik tukin hi.
|
||
\p
|
||
\v 16 Isarel miphun hempoh ten kumpi thu a ngaih ngawlnak thu a muh ten, ohten David tuah itihbang peh tuah tuk hum? Jessi capa tuah itihbang in lo co thei tuk hum? Isarel miphun aw, nohten umnak mun ah hawh un. David aw, na inn cu zo in tin kumpi cu don leh in Isarel miphun ten a muhtei umnak mun ah pin leh haw hi.
|
||
\v 17 Mah hang Judah khuapi khuano sungah a um Isarel miphun hempoh cu Jerobaom in uk laih hi.
|
||
\v 18 Mah ten Jerobaom kumpi in siahkhon tu bawi Adonijah hah in, Isarel miphun hempoh ten a mah cu a thih tian suang tuah in sep haw hi.
|
||
\v 19 Jeroboam kumpi cu cipuh leng hum ah a man lang kai to in Jerusalem khuapi ah tai hi. Mah tihcun Isarel miphun in tuni tian David kumpi miphun cu do haw hi.
|
||
\v 20 Rehobaom a pin kik lehnak thu cu Isarel miphun hempoh in a zak ten, mihing cu hah in Rehobaom hulop nak mun mipi tei lakah a sam cengten, Isarel miphun uktu kumpi hihnak ah khaisang haw hi. Judah miphun sial ngawl a kuamah hi miphun in David miphun zei haw ma hi.
|
||
\p
|
||
\v 21 Rehobaom in Jerusalem khuapi ah a hen ten Isarel miphun do in uknak ngam cu Solomon capa Rehobaom khut sungah heng leh tukin, Benjamin miphun te le Judah miphun hempoh te tuah a ten mi ngalkap ngalhang tingkhat le thawngsawmliat (180,000) cu hulawm tik hi.
|
||
\v 22 Mah hang Pathian awnkam cu Pathian mihing Messiah nelah heng in,
|
||
\v 23 Nang cu Solomon capa Judah kumpi Rehobaom le Judah miphun, Benjamin miphun te, a tang mi hempoh tei lakah Pathian thupiak hilh tuk mi cu,
|
||
\v 24 Nohtei U le nau a himi Isarel miphun te do tukin ngamthok tuk hawh pah sun. Mi hempoh ten na umnak mun ah pin leh un. Hi thu cu ka thupiak mi a hih hang tin a ti tu Pathian awnkam thu cu ngai in a awnkam bang in hawh haw hi.
|
||
\s Bethel le Dan khuapi ah sui khui no zuk te
|
||
\p
|
||
\v 25 Mah cengten Rehobaom in Epharaim mual hum ah Shechin khuapi din in um hi. Mahmi khuapi pen hawh in Penuel khuapi din hi.
|
||
\v 26 Rehobaom in hi ngam cu David miphun sungah ngah hei ngah leh thei tuk hi.
|
||
\v 27 Ngam sung miten Pathian biakinn sungah biakpiak nak nei tukin Jerusalem khuapi ah a hawh tale a muhtei thinlung in a muhtei topa Judah kumpi Rehobaom lamah thawn in, keimah cu a thah cengten Judah kumpi Rehobaom lamah lut tum leh haw tuk hitin a ngaihsut nak hang,
|
||
\v 28 Midang te tuah thu siamkhawm in sui khuino panih zuk milim a bawl cengten, nohten Jerusalem khuapi ah hawh tuk cu haksa hi. Isarel miphun te aw, nohte Izip ngam pen a pui tu Pathian cu zo un hitin tiin,
|
||
\v 29 Bethel khuapi sungah pakhat, Dan khuapi sungah pakhat a koih hang,
|
||
\v 30 Sual le khelhnak thu bawl hi. Ngam sung mi hempoh ten khuino bia tukin Dan khuapi tian hawh thei haw hi.
|
||
\v 31 Rehobaom in a sangnak mun ah inn sa in, Levi a hi ngawl mi mihing thong men te thiampi hihnak ah pia hi.
|
||
\v 32 Judah ngam sungah puai a bawl mi bangin haliat ha ni heinga ni puai bawl in biakpiak nak hum ah a lu pia hi. Mah tihcun Bethel khuapi sungah bawl in, a bawl mi khuino cu biakpiak nak pia hi. A sangnak mun ah a piak mi thiampi te cu Bethel khuapi ah um haw hi.
|
||
\v 33 Mah tihcun a muhtei thinlung tuah a ten huncan a tiap mi haliat ha ni heinga ni in, Bethel khuapi sungah a bawl mi biakpiak nak hum pen pia hi. Isarel miphun ten puai bawl hi. Biakpiak nak hum ah biakpiak nak ngimnam tui hempoh meihal hi.
|
||
\s Judah ngam pen Pathian mihing te
|
||
\c 13
|
||
\p
|
||
\v 1 Mah ten Jerobaom in ngimnam tui hempoh meihal tukin biakpiak nak bul ah a din laih tak, Pathian mihing pakhat in Pathian awnkam thu bang Judah ngam pen Bethlehem khuapi ah a hen hang,
|
||
\v 2 Pathian awnkam thu bang biakpiak nak a langlam pen au in biakpiak nak aw, biakpiak nak aw, Pathian thupiak mi cu David kumpi miphun sung pen Josiah tihmi pa cu hing tuk hi. Nang ma hum ah ngimnam tui hempoh meihal in a sang nak mun ah thiampi a bawl tu a muhten a mah cu nang ma hum ah biakpiak nak a bawl hang, mithi nguh te meihal tuk hitin, a thupiak nak thu hilh hi.
|
||
\v 3 Mahmi ni in thasiah huai thu a piak hang Pathian thupiak mi thasiah huai thu, biakpiak nak taitan cu keh in biakpiak nak hum ah a um mi vut cu zung tuk hitin, ti hi.
|
||
\v 4 Mah tihcun Bethel khuapi biakpiak nak a lang lam ah au mi awnkam cu Jerobaom kumpi in a zak ten, biakpiak nak hum ah a um mi na khut zaakin a mah cu man un tin tiin, a zak ten a khut cu ko in kon leh thei ma hi.
|
||
\v 5 Pathian mihing in Pathian awnkam thu bang, a piak mi thasiah huai biakpiak nak keh in vut cu biakpiak nak hum pen zungin cak hi.
|
||
\v 6 Kumpi in ka khut sungah a heng mi nat nak dam tik tuk keima ca thungen in na Topa Pathian mai ah kun in hitin, Pathian mihing cu ti hi.
|
||
\v 7 Kumpi in keimah zui in thazang thak la in. Laksawng pia tung hitin Pathian mihing a tih ten,
|
||
\v 8 Pathian mihing in kumpi inn a langkhen na pia ta vang, nangmah cu keiman zui tuk mang hi. Hi umnak pen moh vang ei tuk mang hi, tui vang in tuk mang hi.
|
||
\v 9 Pathian awnkam in moh cu ei pah sin. Tui vang in pah sin. Na hawhnak lamzin pen pin pah sin tin keimah thukham pia zo hitin, kumpi nelah ti hi.
|
||
\v 10 Mah cengten Bethel khuapi ah a hunnak lam zin pial in zin dang tawn in pin hi.
|
||
\p
|
||
\v 11 Mahmi huncan sungah Bethel khuapi pen kum U pa kamsang pakhat um hi. A caten hungin Pathian mihing cu mahmi ni in Bethel khuapi ah bawl mi thu hempoh te le kumpi nelah hilh mi awnkam a pai nelah a hilh leh ten,
|
||
\v 12 Judah ngam pen a hung mi Pathian mihing cu ai lai lamzin pen pin hum tih mi a muh haw hang, a pa in a mah cu ai lai lamzin pen pin cim tin a dot cengten,
|
||
\v 13 Cipuh khun nak van bawl ta un tin a tih mi bang, a caten cipuh khunnak van bawl in a pa cu khung in,
|
||
\v 14 Pathian mihing cu zui hi. Oak thingpi nuai ah khung tih a muh ten, nang cu Judah ngam pen a hung mi Pathian mihing a man ngai cim maw tin a dot ten kei cu a man ngai ing hitin, don leh hi.
|
||
\v 15 Kamsang pa in keimah tuah ka inn ah zui in moh ei in tin a sam ten,
|
||
\v 16 Kei cu nangmah zui tuk ngawlin na innsung ah vang lut tum tuk mang hi. Hi umnak mun sungah moh ei ngawl, tui vang in tuk mang hi.
|
||
\v 17 Pathian in mahmi umnak mun pen moh ei pah sin, tui vang in pah sin. Na hunnak lamzin pen pin leh pah sin tin keima nelah a thupiak mi cu hilh hi.
|
||
\v 18 Kamsang pan kei cu nangmah bangin kamsang ing hi. Nang cu moh ei tui in tukin, nangmah ka inn ah sam tuk vancung mi in Pathian awnkam tuah thucah zo hitin zolthu mang in son hi.
|
||
\v 19 Mah hang Pathian mihing cu kamsang pa tuah pin ngel in, a inn pen moh ei in tui vang in hi.
|
||
\p
|
||
\v 20 A muhtei panih cu an eih cabuai bulah a khun laih tak a sam mi kamsang nelah Pathian awnkam thu heng in,
|
||
\v 21 Judah ngam pen a hung mi Pathian mihing nelah nang cu Pathian awnkam thu suak ngai ngawl, na Topa Pathian piak mi dan thukham cingkem ngawlin,
|
||
\v 22 Hi umnak mun sungah moh ei pah sin, tui vang in pah sin tin thukham piak nak mun ah pin kik leh in moh le tui na in eih hang, na luang cu pu le pa tei khanmual ah heng ngawlin Pathian thupiak mi thu cu au in hilh hi.
|
||
\v 23 Moh le tui a in cengten mahmi kamsang pa cu a pin kik leh mi kamsang ca tuk a ma laak van khunnak te bawl in hah hi.
|
||
\v 24 Lamzin pen pawpi tawkin that hi. A luang cu lamzin ah sial in laak le pawpi cu a bulah ding hi.
|
||
\v 25 A luang cu lamzin ah sial in laak le pawpi bulah a din cu khualzin ten a muh hang, kum U pa mi kamsang umnak khuapi ah hung in thuthang cu hilh haw hi.
|
||
\p
|
||
\v 26 A sam mi kamsang pan mahmi thu a zak ten, Pathian thupiak a ngai ngawl tu Pathian mihing hi tuk hi. Pathian in a ma nelah thupiak mi awnkam bangin a mah cu pawpi sungah a ap hang, pawpi in pet zo hitin tiin,
|
||
\v 27 Laak hum ah van a khunnak koih un tin a cate a tih mi bang a mun a khunnak tuk van bawl haw hi.
|
||
\v 28 Kamsang cu hawh in a luang lamzin ah sial in laak le pawpi bulah dingin a um mi cu mu hi. Pawpi in a luang cu ei ngawlin le a laak vang pet ngawl in um hi.
|
||
\v 29 Kum Upa kamsang in Pathian mihing a luang cu a laak hum ah a koih cengten kahnak a neih hang, phum tukin a khuapi ah pua hi.
|
||
\v 30 A luang cu a ma khan sungah koih in, ka nau aw tin tiin kap hi.
|
||
\v 31 A phum cengten a cate sam in ka thih ten Pathian mihing khan sungah phum un. Ka nguh te cu a ma nguh bulah koih un.
|
||
\v 32 Bethel khuapi biakpiak nak a langlam Samaria khuapi khuano pen a sang mi umnak mun ah sak mi inn ngalkhat lamah Pathian awnkam thu bangin au mi awnkam cu a thungai in cangkim tuk hitin, thucah hi.
|
||
\p
|
||
\v 33 Mah cengten Jerobaom in a sualnak lamzin pial ma hi. Mi zalan mihing thong men te cu a sangnak mun ah thiampi hihnak pia bet hi. Thiampi a bawl nuam hempoh a khaisan hang, a mun a sang nak mun ah thiampi in um haw hi.
|
||
\v 34 Mah tihcun a bawl hang Jerobaom miphun cu leihum pen thah khawng tik mi sualnak ah heng hi.
|
||
\s Jeroboam cu do in Ahijah kamsang bawlnak
|
||
\c 14
|
||
\p
|
||
\v 1 Jerobaom capa Abijah a nat hang,
|
||
\v 2 Jeroboam in a nupi sam in nang cu Jerobaom nupi na hihnak a kuamah in thei tuk ngawlin a lamdang zet thuam a silh cengten, Shiloh khuapi ah hawh in. Keiman hi miphun uk tuk thu a lak mi kamsang Ahijah cu mahmi khuapi sungah um hi.
|
||
\v 3 Moh sawm, moh pheng hek khat, khuai tui thawl keng in kamsang nelah hawh ten hi. Nauno cu itihbang in cang hum tih cu a man hilh tuk hitin thu a cah mi bang,
|
||
\v 4 Jeroboam nupi cu tho in Shiloh khuapi Ahijah inn ah hawh hi. Mah ten Ahijah cu kum U ham toh hang khua mu ngawlin a mit thim hi.
|
||
\v 5 Pathian in Jerobaom nupi cu a capa a natnak hang, a capa tuk pakhat ngen tukin nangma nelah a tuin hung ing hi. Hi awnkam hilh leh tuk hi. A mah cu a hun ten midang numei hihnak tiamhem tuk hitin, Ahijah cu ti hi.
|
||
\p
|
||
\v 6 Mahmi numei nu cu kongka sungah lut tum in Ahijah in aw a zak ten, Jerobaom nupi aw lut tum in hi. Ita midang tiam hem cim? Thasiat nak thuthang hilh tukin na nelah keimah hah zo hi.
|
||
\v 7 Nang man Isarel tei Topa Pathian thupiak mi cu Jerobaom nelah hawh in hilh tuk mi nangmah cu mihon tampi sung pen keiman tengin, ka mihing Isarel miphun te uk tik tuk khaisang in,
|
||
\v 8 Uknak ngam cu David kumpi miphun khut pen laksak in nangmah a pia ta vang, nang cu ka sila David bang hima ci. A man ka thukham te cingkem hi. Ka mai pen a pha mi nunca zia zia bek zui tung hitin, a thinlung venghawng in keimah cu zei hi.
|
||
\v 9 Nang cu na mai pen a cang awng mi hempoh te a val in sualnak bawl zo ci. Ka thinuuk so tik tukin a dang pathian siluan mi zuk milim te bawl in keimah cu na nunglam ah vawk zo ci.
|
||
\v 10 Mah hang Jerobaom miphun hum ah haksat nak heng tuk hi. Isarel khuapi khuano sungah kol tang mi hei hihen, a hah in a tai mite hei hihen, Jerobaom miphun pano hempoh te that tuk hi. Mihing cu khui ek luak bangin a tang laih mi Jerobaom miphun vawk tuk hi.
|
||
\v 11 Jeroboam miphun cu khuapi sung pen a thi tale a luang cu uico in ei tuk hi. Khuapi pawlam pen a thi tale vanhum vano ten a eih tuk thu, Pathian in thupia zo hi.
|
||
\v 12 Nang cu tho in na inn ah pin in. Khuapi kongka sungah luh tum ten nauno cu thi tuk hi.
|
||
\v 13 Isarel miphun hempoh ten kahnak a bawl hang phum haw tuk hi. Jerobaom miphun tampi sung pen mahmi nauno pakhat bek phumnak co tuk hi. Itahum titale, Jerobaom miphun tampi sung pen, mahmi nauno pakhat cu Isarel miphun Topa Pathian sungah a thingtho mi thinlung um hi.
|
||
\v 14 Huncan a kim ten Jerobaom miphun a vawk tuk mi Isarel kumpi pakhat cu Pathian in a ma ca heng tik tuk hi. Ituk huncan ten hum tin a dot ten, a tu hei in cang tuk toh hi.
|
||
\v 15 Asherim thingkung cu puah in Pathian thinuuk nak a sosuah hang, pumpeng kung cu tui sung pen a phia bang, Pathian in Isarel miphun dantat in pu le pa te a piak mi hi ngam pen a lak cengten, ngun tuipi ngalkhat lam mun hempoh ah khen kek tik tuk hi.
|
||
\v 16 A mah loli sual in Isarel miphun a sual tik tu Jerobaom tei sualnak hang, Isarel miphun cu zamsan tuk hitin, hilh tik hi.
|
||
\p
|
||
\v 17 Jerobaom nupi tho in, Tirzah kongka khunnak a hen ten nauno cu thi hi.
|
||
\v 18 Pathian in a sila kamsang Ahijah hang a thupiak mi bang, mahmi nauno cu phum in Isarel miphun hempoh ten kap in um haw tuk hi.
|
||
\p
|
||
\v 19 Jeroboam bawl mi thu a tang laih hempoh ngaldo nak thu, kumpi a bawl nak thu cu Isarel thuanthu sungah ngan hi.
|
||
\v 20 Jeroboam in kumkul a uk cengten pu le pa te tuah hihbu in, capa Nadab cu a pai hihnak kumpi khun nak ah khung hi.
|
||
\s Judah kumpi Rehobaom
|
||
\p
|
||
\v 21 Solomon capa Rehobaom in Judah ngam uk hi. Kumpi khunnak a khun ten a kum sawmli le kumkhat kim hi. Pathian min kho tik tukin Isarel ngam sung pen ten mi Jerusalem khuapi sungah kum hei salih sung uk hi. A nu cu Ammon miphun, Naamah tin sam mi cu um hi.
|
||
\v 22 Judah miphun ten Pathian maipen sual bawl in pu le pa tei sual bawl nak sang sual a bawl mi sualnak hang, a thinuuk nak cu sosuah haw hi.
|
||
\v 23 A sang mi mual hempoh hum ah hei hihen, thingkung a hing dimdem nuai ah hei hihen, mual tampi, zuk milim te, Asherim thingkung te din haw hi.
|
||
\v 24 Judah ngam sung pano tei deihnak ah a zui thei tu hol zuak thei te a um hang, Pathian in Isarel miphun mai pen hawl vawk mi ngam sung miphun tei bawl mi a nawngkai sualnak hempoh te bawl haw hi.
|
||
\p
|
||
\v 25 Jeroboam kumpi uknak kum nga ten Izip kumpi Shishak cu Jerusalem khuapi ah ngaldo in,
|
||
\v 26 Biakinn sung van te le kumpi van neih mi hempoh lon sak hi. Solomon bawl mi sui lumphaw hempoh te vang laksak hi.
|
||
\v 27 Rehobaom kumpi in sui luphaw ai dal lumphaw bawlin, kumpi umnak kongka cingtu bawipai nelah ap hi.
|
||
\v 28 Kumpi in biakinn ah a hawh ten, kongka cing tu ten lumphaw cu kengin mah cengten a muhtei cin mi khan sungah koih haw hi.
|
||
\p
|
||
\v 29 Rehobaom bawl mi thu a tang laih hempoh Judah thuanthu sungah ngan hi.
|
||
\v 30 Rehobaom le Jerobaom ten a nun sungin do haw hi.
|
||
\v 31 Rehobaom cu a pu le pa te tuah hihbu in David khuapi sungah a muhte tuah phum hi. A capa Abijah in a pai hihnak kumpi khun nak ah khung hi.
|
||
\s Judah kumpi Abijah
|
||
\c 15
|
||
\p
|
||
\v 1 Nabat capa Jerobaom kumpi a uknak kum hei liat ten, Abijah in Jerusalem khuapi sungah kumpi dek in,
|
||
\v 2 Judah ngam kum thum sung uk hi. A nu cu Abishalom canu Maacah hi.
|
||
\v 3 A pai bawl mi sual cu a cat ngawl in a bawl hang, a pu David bangin a Topa Pathian mai ah thinlung cangkim ma hi.
|
||
\v 4 Mah naven David mitmai zo in, a Topa Pathian miphun khaisang in Jerusalem a kho tik hang, mahmi khuapi sungah David meikhuat cu vak tik hi.
|
||
\v 5 Itahum titale, David in Hitt miphun Uriah thu a koih tale a nun sungin Pathian thucah mi thu pakhat no hei pial ngawlin a mai pen a man mi thu tuah a zui hang hi.
|
||
\v 6 Rehobaom capa Abijah le Rehobaom ten a nun sungin do haw hi.
|
||
\p
|
||
\v 7 Abijah bawl mi thu a tang laih hempoh Judah thuan thu sungah ngan hi.
|
||
\v 8 Abijah cu a pu le pa te tuah hihbu in David khuapi sungah phum hi. A capa Asa in a pai hihnak kumpi khun nak ah khung hi.
|
||
\s Judah kumpi Asa
|
||
\p
|
||
\v 9 Isarel kumpi Rehobaom kumpi na deh kum kul ten, Asa in Jerusalem khua sungah kum sawmli sung kumpi na dek in Judah ngam uk hi.
|
||
\v 10 A pi cu Abishalom canu Maacah hi.
|
||
\v 11 Asa in a pa David bangin Pathian mai pen a man mi thu bawl hi.
|
||
\v 12 Pano deihnak ah a zui thei mi hol zuak mite hei hihen, pu le pa tei bawl mi zuk milim hei hihen, a ngam sung pen vawk khawng hi.
|
||
\v 13 A pi Maacah in Asherah kung ca zuk milim a bawl hang, kumpi nu a hihnak cu laksak in zuk milim a siat suah cengten, Kidron lui bul pen meihal sak hi.
|
||
\v 14 A sang mi umnak mun te vawk ma naven a ma uk sung hempoh, Asa thinlung cu Pathian mai pen cangkim nak um hi.
|
||
\v 15 A pai a lu piak mi neihnak, a ma piak mi neihnak sui, ngun van hempoh biakinn sungah koih tum hi.
|
||
\p
|
||
\v 16 Asa le Isarel kumpi Baasha ten a nun sungin do haw hi.
|
||
\v 17 Isarel miphun Asa in Judah ngam ah ngaldo tuk hawh in, Judah kumpi Asa nelah a kua mah a tul a tum um tik tuk ngawlin Rama khuapi din hi.
|
||
\v 18 Mah ten a tang mi biakinn sung van le kumpi van tih mi sui le ngun hempoh Asa in la in a sila tei lakah a ap hang, Damaska khuapi ah a um mi Syria kumpi Hezion capa Tabrimmon capa Benhadad nelah a piak ten,
|
||
\v 19 Kei cu nangmah tuah hei in hihen, kapa cu na pa tuah in hihen, pawlkom nak a bawl hang sui le ngun cu keiman laksawng pia ing hi. Isarel kumpi Baasha cu ka nelpen tul tik tukin, a mah tuah bawl mi pawlkom nak siatsuah tuk in hung ing hitin, thucah hi.
|
||
\v 20 Asa kumpi awnkam cu Benhadad in ngai in Isarel khuapi le khua no te ngaldo tik tukin a ngalkap bawi te a hahnak hang a mun Ijoin khuapi, Dan khuapi, Abel-beth-maacah khuapi pen pan Chin-neroth ngam hempoh, Naphtali ngam hempoh that haw hi.
|
||
\v 21 Mah thuthang cu Baasha in a zak ten, Ramah khuapi cu ceng ngawl cawl in Tirzah khuapi ah um hi.
|
||
\v 22 Mah ten Asa kumpi in Judah ngam sung hempoh ah thu a suah tik hang, a ngam sung mi pakhat no hei hah suah ngawlin a um mi hempoh te Ramah khuapi sungah Baasha khum tum mi suang le thing cu a lak hang, Asa kumpi in Benjamin ngam Geber khuapi le Mizpah khuapi cu din hi.
|
||
\p
|
||
\v 23 Asa kumpi bawl mi a tanglaih thu hempoh le a huham thawmngeng nak, khuapi a dit nak thu te Judah thuanthu sungah ngan hi. Mah hang kum ham ten a ke sungah natnak a vei hang,
|
||
\v 24 A pu le pa te tuah hihbu in a pu David khuapi ah phum hi. A capa Jehoshaphat in a pai hihnak kumpi khunnak ah khung hi.
|
||
\s Isarel kumpi Nadab
|
||
\p
|
||
\v 25 Judah kumpi Asa a kumnih nak ten, Jerobaom capa Nadab in Isarel ngam sungah kumpi dek in kumnih uk hi.
|
||
\v 26 Mahmi kumpi in Pathian mai pen sual a bawl hang, a pai zui mi lamzin Isarel a sual tik tu lamzin ah zui hi.
|
||
\v 27 Issachar miphun, Ahijah capa Baasha cu pawlkom bawlin Nadab kumpi le Isarel miphun hempoh ten Philistine ngam, Gibbethon khuapi a kilh laih tak haw in,
|
||
\v 28 Judah kumpi Asa kumthum a uk ten, Baasha in Nadab kumpi cu a thah nak hang kumpi khunnak ah khung hi.
|
||
\v 29 Kumpi a khun ten Jerobaom miphun te that haw hi. Pathian in a sila, Shiloh khua mi Ahijah hang a thupiak mi bang Jerobaom miphun a siatsuah laih ngawl tian haihawh tu mihing pakhat no hei zam ma hi.
|
||
\v 30 Itahum titale, Jerobaom cu a sualnak hang, Isarel miphun Topa Pathian thinuuk nak sosuah mi thu hi.
|
||
\p
|
||
\v 31 Nadab kumpi na dehnak a tang laih mi thu hempoh cu Isarel thuanthu sungah ngan hi.
|
||
\v 32 Asa le Isarel kumpi Baasha ten a nun sung in do un haw hi.
|
||
\s Isarel kumpi Baasha
|
||
\p
|
||
\v 33 Judah kumpi Asa uknak kumthum ten Ahijah capa Baasha in Tirzah khuapi ah kumpi na dekin, Isarel ngam cu kum kulluanli uk hi.
|
||
\v 34 Mahmi kumpi cu Pathian mai pen sual a bawl hang, Jerobaom hawhnak lamzin Isarel miphun a sual tik tu lamzin ah zui hi.
|
||
\c 16
|
||
\p
|
||
\v 1 Pathian awnkam cu Baasha thu hang Hanani capa Jehu nelah a heng mi thu cu,
|
||
\v 2 Nang cu keiman leivul sung pen la in, ka mihing Isarel miphun uk tik tukin khaisang naven, nangman Jerobaom lamzin ah zui in Isarel miphun a sual ten ka thinuuk nak sosuah tik tuk na bawl hang,
|
||
\v 3 Na miphun hinnam tu le canawn te keiman vawk in, na miphun cu Nabat capa Jerobaom miphun bangin keiman cang tik tung hi.
|
||
\v 4 Baasha miphun cu khuapi sung pen a thi tale a luang cu uico in ei tuk hi. Khuapi a pawlam pen a thi tale vanhum vano ten ei tuk hitin, thupia hi.
|
||
\p
|
||
\v 5 Baasha bawl mi thu a tang laih hempoh le a huham thawmngeng nak cu Isarel thuanthu sungah ngan hi.
|
||
\v 6 Baasha cu a pu le pa te tuah hihbu in, Tirzah khuapi ah phum hi. A capa Elah in a pai hihnak kumpi khunnak ah khung hi.
|
||
\v 7 Baasha cu Jerobaom miphun tuah a bang ve hang, mahmi miphun a thah nak sual a bawl mi sual hang, Pathian thinuuk sosuah tikin a mai pen a bawl sual mi hempoh Pathian awnkam thu cu Baasha thu hang, Hanani capa Jehu nelpen a heng bangin,
|
||
\s Isarel kumpi Elah
|
||
\v 8 Judah kumpi Asa uknak kum heiluk ten, Baasha capa Elah cu Tirzah khuapi sungah um in Isarel ngam kumnih sung uk zo naven,
|
||
\v 9 Cipuh leng khung ngalhang khen lang uktu a sila Zimri cu pawlkom nak bawlin, Elah cu Tirzah khuapi sung pen kumpi inn uktu Arza inn sungah a ngui thei kham in a um laih tak,
|
||
\v 10 Zimri cu lut tumin Judah kumpi Asa uknak kumkul ten, Elah cu thi tik tuk a thah hang kumpi khunnak ah khung hi.
|
||
\v 11 Kumpi khunnak ah a khun pat ten Baasha miphun hempoh that hi. Baasha le a ngualcam a phial theih mi pano, a ngualcam a phial mi pano pakhat hei zam ma hi.
|
||
\v 12 Pathian in Baasha thu hang kamsang Jehu thupiak mi awnkam bang, Zimri in Baasha miphun hempoh te siatsuah hi.
|
||
\v 13 Itahum titale, Baasha le a capa Elah ten a bawl khelh mi sual le Isarel miphun a sual tik tu sual hang in hihen, Isarel miphun tei Topa Pathian cu a thinuuk tukin a sosuah nak hang hi.
|
||
\v 14 Elah bawl mi thu hempoh te Isarel thuanthu sungah ngan hi.
|
||
\s Isarel kumpi Zimri
|
||
\p
|
||
\v 15 Judah kumpi Asa uknak kum kul ten Zimri in Tirzah khuapi ah ni salih uk hi.
|
||
\v 16 Mah tihcun Zimri a pawlkom hang kumpi that hitin Philistine ngam, Gibbethon khuapi mai ah ngalkap a koih nak thu hempoh a zak ten, mahmi ni in ngalkap bawipi Omri cu Isarel kumpi hihnak ah ngalkap sung pen khaisang haw hi.
|
||
\v 17 Omri in Isarel miphun hempoh te tuah Gibbethon khuapi pen tulin Tirzah khuapi cu kil haw hi.
|
||
\v 18 Khuapi cu do in ngah tuk hitin Zimri in a theih ten, kumpi innsung ah lut tum in a ma hum ah kumpi inn cu mei a hal ten a mah cu thi hi.
|
||
\v 19 Itahum titale Jerobaom zui mi lamzin, Isarel miphun a sual tik mi lamzin ah zui in Pathian mai pen sual a bawlnak hang hi.
|
||
\v 20 Zimri bawl mi thu hempoh te le donak thu cu Isarel thuanthu sungah ngan hi.
|
||
\s Isarel kumpi Omri
|
||
\p
|
||
\v 21 Mah ten ngam sung mipi te khen kek in a hek khat te Ginath capa Tibni cu kumpi hihnak ah khaisang tukin a ma nungah zui haw hi. A hek khat te cu Omri nungah zui haw hi.
|
||
\v 22 Omri nungah a zui ten Ginath capa Tibni nungah a zui tute a neh hang, Tibni thi in Omri cu kumpi khunnak ah khung hi.
|
||
\v 23 Judah kumpi Asa uknak kum heikhat ten, Omri cu kumpi khunnak ah khungin Isarel ngam kum heinih uk hi. Tirzah khuapi sungah kum luk sung a uk cengten,
|
||
\v 24 Samaria mual cu Shemer nelah ngun cuai kul tuah lei in mual hum ah khuapi din hi. Mahmi khuapi cu Shemer mual tin a sam hang, Samaria khuapi tih hei in sam hi.
|
||
\v 25 Omri cu Pathian mai pen sual a bawl hang, a maipen a cang awng mi hempoh te sangin sia saw hi.
|
||
\v 26 Nabat capa Jerobaom zui mi lamzin Isarel miphun cu a sual hang, a muhtei Topa Pathian thinuuk in a sual tik mi bawl sualnak lamzin ah zui hi.
|
||
\v 27 Omri bawl mi thu a tang laih hempoh te le huham thu cu Isarel thuanthu sungah ngan hi.
|
||
\v 28 Omri cu a pu le pa te tuah hihbu in, Samaria khuapi sungah phum hi. A capa Ahab in a pai hihnak kumpi in khung hi.
|
||
\s Isarel kumpi Ahab
|
||
\p
|
||
\v 29 Judah kumpi Asa uknak kum sawmthum le kumliat ten, Omri capa Ahab cu Samaria khuapi sungah Isarel kumpi a bawl hang Isarel ngam kumkul sung uk hi.
|
||
\v 30 Omri capa Ahab in a mai pen a cang awng mi hempoh te sang, Pathian maipen a sualnak nase saw in sual bawl hi.
|
||
\v 31 Nabat capa Jerobaom bawl mi sualnak lamzin bek a zui tale, sual thukhen nak heng tuk hitin ngaisung in Sizon kumpi Ethbaal canu Jezabel huai in Baal pathian bia hi.
|
||
\v 32 Samaria khuapi Baal pathian biakinn sungah Baal pathian ca tuk biakpiak nak bawl hi.
|
||
\v 33 A sherah thingkung vang bawlin, a maipen a cang awng mi Isarel kumpi hempoh te sang Isarel miphun tei Topa Pathian thinuuk tik tukin bawl saw hi.
|
||
\v 34 Ahab khut sungah Bethel khua mi Hiel in Jeriko khuapi cu din hi. Pathian in Nun capa Joshua hang, a thupiak mi awnkam bang capa U pa bel Abiram nunnak man tuah khuapi khantian nak bawlin, a capa nau tabel Segub khut sungah khuapi kongka te bawl hi.
|
||
\s Elijah cu va-aak tei ancawm nak
|
||
\c 17
|
||
\p
|
||
\v 1 Gilead ngam Tishbe khua mi Elijah in ka biak mi Isarel miphun tei Topa Pathian a nung mi bangin, ka phalnak thu um ngawl ngeipi nguahzu ngawl in dai nguahzu tuk ma hitin Ahab kumpi nelah hilh hi.
|
||
\v 2 Pathian awnkam thu Elijah nelah a heng mi thu cu,
|
||
\v 3 Nang cu hi umnak mun pen tul in. A mai ah thawn in Jodan ngun ngalkhat lam Cherith lui bul ah ngelh in um in hi.
|
||
\v 4 Mahmi lui tui cu in tuk ci. Va-aak ten nangmah a cawm tuk thu keiman thucah zo ing tin thu a piak mi bang,
|
||
\v 5 Elijah cu hawh in Jodan ngun ngalkhat lam Cherith lui bulah um hi.
|
||
\v 6 Va-aak ten nisial zinglam ten veikhat, taklam ten veikhat moh le cik cu puak haw hi. Lui tui cu in hi.
|
||
\s Zarephath khuapi sungah Mevong nu
|
||
\v 7 Mah cengten nguahtui a zu ngawl hang lui tui cu kang hi.
|
||
\p
|
||
\v 8 Mah ten Pathian awnkam thu a heng mi cu,
|
||
\v 9 Nang cu tho in. Sidon ngam Zarephath ngam ah hawh in um in. Mahmi khuapi sungah a um meivong pakhat in, nangmah a cawm tuk thu keiman thucah zo ing hitin a tih mi bang,
|
||
\v 10 Elijah cu tho in Zarephath khuapi ah hawh hi. Khuapi kongka a hen ten meivong nu cu thingcom in um hi. Elijah in ka in tuk tui dawmlaih no khuat tuah la in tin au in ti hi.
|
||
\v 11 Numei nu in tui suak tukin a hawh laih tak veikhat au leh in, moh phel no vang na khut sungah la thah in tin a hilh leh ten,
|
||
\v 12 Numei nu in na Topa Pathian a nung mi bangin moh pheng pakhat no hei um ma hi. Bul sungah moh ngawivam khutpham khat, thawl sungah sathau dawmno bek um hi. Keimah le ka capa ca tuk moh em eih cengten thi tuk thingkang panih cu a tuin com ing hitin, don leh hi.
|
||
\v 13 Elijah in lau pah sin. Na tih mi bangin hawh in bawl ten hi. Mah hang, keima ca tuk moh phang a neu pakhat cu a masa bawl in keng in. Mah cengten nangmah le na capa ca tuk bawl in.
|
||
\v 14 Isarel miphun Topa Pathian thupiak mi cu Pathian in leihum ah nguah a zuk lak lawh, bul sungah a um mi moh ngawivam cu bo ma hi. Thawl sungah a um mi sathau vang kiam ngawl in um tuk hitin, a thupiak mi cu hilh hi.
|
||
\v 15 Mahmi meivong nu cu hawh in Elijah awnkam bang a bawl hang, Elijah tuah a mah pen pan inn sung sangten huncan ngeipi ei haw hi.
|
||
\v 16 Pathian in Elijah hang a thupiak mi awnkam bang, bul sungah a um mi mok ngawivam cu bo ma, thawl sungah a um mi sathau vang kiam ma hi.
|
||
\p
|
||
\v 17 Mah cengten inntek nui capa cu na sazet nat a vei hang in thi hi.
|
||
\v 18 Numei nu in Pathian mihing pa aw, topa cu keimah tuah itihbang in seng kha hum? Ka sualnak te cu phawk tikin, ka capa that tukin keima nelah a heng mi hima maw tin Elijah nelah a hilh ten,
|
||
\v 19 Na capa cu keimah pia in hitin a tih ten, numei nui ang sung pen la in a ma umnak a hum ta khan ah a pui hang, a zaunak hum ah a koih cengten,
|
||
\v 20 Ka Topa Pathian ka khualcam hi meivong nui sungah haksat nak bawl in, a capa cu thi tik tukin maw tin Pathian nelah au hi.
|
||
\v 21 Mah cengten nauno humah a mah le mah cu veithum zaak in ka Topa Pathian, hi nauno hawvang cu lut tum leh tik in hitin, Pathian nelah au leh hi.
|
||
\v 22 Elijah awnkam Pathian in a zak hang, nauno hawvang cu a luh tum leh ten a mah cu nung leh hi.
|
||
\v 23 Elijah in nauno cu a hum ta khan pen a nuai ta khan ah pui in zo in. Na capa nung zo hitin tiin, a nui nelah ap hi.
|
||
\v 24 Numei nu in, hi thu cu zo in nang cu Pathian mihing a hihnak thu hei hihen, na hilh mi Pathian awnkam thu a man nak hei hihen, keiman thei ing hitin Elijah nelah in ti hi.
|
||
\s Elijah le Obadiah
|
||
\c 18
|
||
\p
|
||
\v 1 Huncan tampi ngei kumthum a kim ten Elijah nelah a heng mi Pathian awnkam, nang cu Ahab kumpi nelah hawh in lak in hi. Keiman nguahzu tik tung hitin thu a piak mi bang,
|
||
\v 2 Elijah in Ahab kumpi nelah a mah lak tukin hawh hi. Mah ten Samaria khuapi sungah nasezet pam tungnak a um hang,
|
||
\v 3 Ahab kumpi in kumpi umnak sungah uktu Obadiah cu sam hi. Obadiah cu Pathian a lau zet mipa hi.
|
||
\v 4 Pathian in kamsang te Jezabel in a thah ten, Obadiah kamsang zakhat cu leikua sungah sawmnga ten in a sel cengten, moh le tui pia in cawm hi.
|
||
\v 5 Ahab in, ngam sung hempoh ah vak kaw kawi in cik tui khuk te, lui tui umnak mun hempoh ah hawh in hi. Ngamsa hempoh te thi ngawlin cipuh le laak te a nunnak pen a luat tuk thu, hampa hei mu tuk hitin Obadiah cu tiin,
|
||
\v 6 A mun ngam hempoh ah zei in Ahab le Obadiah cu lamzin a dang ve ve ah hawh haw hi.
|
||
\p
|
||
\v 7 Obadiah cu a hawh laih tak Elijah muak hi. Obadiah in Elijah cu a theih hang bopkhup in, topa cu ka topa a man mi hima maw tin a dot ten,
|
||
\v 8 Elijah in kei cu a man ing hi. Elijah in hi umnak mun ah um ing hitin na topa nelah hawh in tin a tih ten,
|
||
\v 9 Obadiah in topa sila nunnak that tukin Ahab nelah ap tuk thu keimah itihbang sualnak um hum?
|
||
\v 10 Topa Pathian a nun sung, topa cu zei tukin ka topa a hah ngawl mi ngam pakhat no hei um ma hi. Ngam dang miphun ten, Elijah um ma hitin a tih ten topa cu zei vangin mu tuk ma hitin, mahmi ngam miphun te tamsiat tik hi.
|
||
\v 11 A tuin, keimah cu hi umnak mun sungah Elijah um hitin na topa nelah hawh in hilh ten tin topan thupia hi.
|
||
\v 12 Topai nelpen keimah tulin Ahab kumpi nelah ka hilh laih tak ka theih ngawl mi umnak munah Pathian hawvang in topa cu a pui tale topa cu Ahab kumpi in a muh ngawl ten keimah cu that tuk hi. Topa sila cu a naupang no laih pen pan Pathian Upat zo hi.
|
||
\v 13 Jezebel in Pathian kamsang te a thah ten, Pathian kamsang zakhat cu leikua sungah sawmnga ten in a sel cengten, moh le tui pia in a cawmnak thu ka topa in za ma maw.
|
||
\v 14 A tuin, hi umnak mun sungah Elijah um tin na topa nelah hawh in hilh in hitin, topan thu a piak hang Ahab in keimah that tuk hitin, don leh hi.
|
||
\v 15 Elijah in ka biak mi vancung ngalkap Topa Pathian a nung bangin, keiman tuni in Ahab kumpi cu a man in lak tung hitin a hilh leh ten,
|
||
\s Carmel mual hum pen Elijah
|
||
\v 16 Obadiah in Ahab kumpi nelah hawh in a hilh ten, Ahab in Elijah cu muak tuk a hawh hang,
|
||
\v 17 A tawh ten nang cu Isarel miphun noksak tu a man ngai cim maw tin a dot ten,
|
||
\v 18 Elijah in kei cu Isarel miphun noksak ngawlin, nangmah le na miphun hinnam te Pathian dan thukham vawkin Baal pathian a biak hang, Isarel miphun cu noksak bawl zo hi.
|
||
\v 19 Mah hang mihing cu a tu hah in Isarel miphun hempoh te hei hihen, Baal kamsang zali sawmnga te hei hihen, Jezabel cabuai ah an ei tu Asherah kamsang zali te hei hihen, Carmel mual keima nelah hulawmkhawm tik in hitin a tih mi bang,
|
||
\v 20 Ahab in Isarel miphun hempoh tei umnak ah mihing hah in, kamsang te hulawmkhawm tik hi.
|
||
\v 21 Elijah cu mihing umnak munah hawh in, nohten biaknak panih sung pen ituk huncan tian a sual mi lungmu tuah um tuk uh cim? Pathian cu Topa Pathian a man a hi tale mahmi Pathian cu bia hen. Baal pathian a man ngai tale bia haw hen tin a tih ten, mihing tampi te daiden no in um haw hi.
|
||
\v 22 Mah cengten Elijah in Pathian kamsang cu keimah pakhat bek tang hi. Baal kamsang te zali le sawmnga um haw hi.
|
||
\v 23 Khui panih pia un. A mun pakhat cu tengin a talhtawng cengten thing hum ah koih hen. Mei lam tik pah sin. Keimah vang thing hum ah koih tung. Mei lam tuk ma.
|
||
\v 24 Nohten nohtei pathian min cu sam un. Keimah vang Pathian min sam tung. Mei hang a don tu Pathian cu a man ngai mi Pathian hitin, mihing tampi tei lakah a hilh ten, mihing tampi ten Elijah awnkam cu a man mi hitin, ti haw hi.
|
||
\p
|
||
\v 25 Mah cengten Elijah in nohten mihing tam hang khui pakhat teng in bawl un. Mei lam ngawlin nohtei pathian min cu sam un tin Baal kamsang tei lakah a tih bangin,
|
||
\v 26 A mun mihing tampi tei piak mi khui cu la in a bawl cengten Baal pathian aw, kei muhtei samnak cu don in hitin, zinglam pen pan sun huncan tian Baal min cu sam haw hi. Mah hang thuphuan nak aw um ma hi. A don tu vang um ma hi. A mun a mu bawl mi biakpiak nak mai pen lam haw hi.
|
||
\v 27 Sun huncan ten Elijah in, aw nging zet tuah au un. Baal cu pathian hi. Ngaisung in um li hi. Mah ahima tale khualzin hi tuk hi. Mah ahima tale pakhat zei hi tuk hi. Mah a hima tale a hihbuh hang, pakhat pawpoh in phong hi tuk hitin cekpan bawlin ti hi.
|
||
\v 28 A mun aw nging zet tuah au in dan a neih mi bangin a thisan tuah nut tukin nam, thik hiam tuah mah le mah at tik haw hi.
|
||
\v 29 Sunkai zo hang taklam biakpiak nak huncan tian kamsang bawl haw naven, thuphuan nak aw um ma hi. A don tu a thupi nak a um ngawl ten,
|
||
\v 30 Elijah in ka bul ah hung un tin mipi te a sam ten mihing tampi a bulah hung haw hi. Mah ten Elijah in a cim mi Pathian biakpiak nak cu a kuih khawng cengten,
|
||
\v 31 Na min cu Isarel hi tuk hi tihmi Pathian thuphuan a co tu Jakop capa hinnam a sial mi bangin suang heinih cu la in,
|
||
\v 32 Pathian min tuk biakpiak nak a bawl cengten, anci tangnih a tham mi khuk cu biakpiak nak elkim ah luat hi.
|
||
\v 33 Thing sehin khui vang talhtawng cengten, thing humah koih hi.
|
||
\v 34 Bul pali cu tui a dim koih in meihal biakpiak nak tuah thing hum ah tui leih un tin a tih ten, a mun a leih cengten veithum tian leih bet un tin a tih bang, a mun veithum tian leih haw hi.
|
||
\v 35 Tui cu biakpiak nak elkim ah luangin khuk luatnak sungah vang tui dim hi.
|
||
\v 36 Taklam biakpiak nak huncan a hen ten kamsang Elijah cu hung in Abraham, Isak, Isarel miphun tei Topa Pathian, topa cu Isarel miphun Topa Pathian a hihnak hei hihen, kei cu Topa sila hih hang thupiak mi bang, hi thu hempoh bawl nak thu hei hien, tuni in thei haw ta hen.
|
||
\v 37 Pathian aw, Topa Pathian hihnak thu hei hihen, hi miphun tei thinlung thek tik thu hei hihen, a mun thei tukin ka awnkam ngai in. Ngai in hitin thungen hi.
|
||
\v 38 Mah ten Pathian mei cu a cak suk hang, meihal biakpiak nak tih mi thing suang, leivul te vang cu kang in khuk luat sungah tui cu kang tik hi.
|
||
\v 39 Mihing tampi ten a muh ten bopkhup in Topa Pathian cu Pathian hi. Topa Pathian cu Pathian hitin, lungkim haw hi.
|
||
\v 40 Elijah in Baal kamsang te cu man ta un. Pakhat no hei luat tik pah sun hitin a tih bang, a mun man in Elijah in Kishon lui ah hawhpih in that hi.
|
||
\p
|
||
\v 41 Mah cengten Elijah in kumpi an ei tukin hawh un. Nguah tampi zu tuk aw a um hitin Ahab cu a hilh ten,
|
||
\v 42 Ahab cu an ei tukin hawh hi. Elijah cu Carmel mual humah kai in lei ah bopkhup in a mai cu a khuk laklawh ah dual hi,
|
||
\v 43 A sila in nangmah cu kai in tuipi lam zo in tin a tih mi bang, sila pa cu kai in a zoh ten imah um ma hitin, ti hi. Elijah in vei salih tian hawh in zo in hitin, ti hi.
|
||
\v 44 Vei salih nak ten mihing khut tuah a bang ve mi meingo neuno pakhat cu tuipi hum pen kai hitin a tih ten, Ahab kumpi nelah hawh ten hi. Nguahzu hang kham tuk lauthawm a um hang, kumpi cu bawlham in a pin leh tuk thu hilh in hitin, thucah hi.
|
||
\v 45 A ngei ngawlin vanhum cu huihtheu khuathim pi cangin nasezet nguah zu hi. Ahab in cipuh leng cu khungin Jezreel khuapi tian hawh hi.
|
||
\v 46 Pathian khut cu Elijah hum ah a um hang, a man taipom het in Ahab kumpi a masa in Jezreel khuapia kongka bulah tai hi.
|
||
\s Horeb mual humah Elijah a tainak
|
||
\c 19
|
||
\p
|
||
\v 1 Elijah bawl mi thu le kamsang hempoh te nam tuah a thahnak thu Ahab in Jezabel nelah a venghawng son khawng hi.
|
||
\v 2 Jezebel in zing ten a tu bang huncan in na nunnak cu mahmi kamsang tei nun bangin, keiman ka cang tik ma tale pathian ten keima sungah mah sang a tamsaw bawl hen tin, thuthang puak tu cu Elijah nelah hah in hilh hi.
|
||
\v 3 Mah ten Elijah in a lau hang, tho in a nunnak pen luat tukin Judah ngam Beershaba khuapi ah hawh hi. Mahmi khuapi ah sila cu zam in,
|
||
\v 4 A mah cu ngam sung nikhat khual a zin cengten Juniper thingkung nuai ah heng in khung hi. Mah ten a mah thi tuk thungen in Pathian aw, a tuin huncan kim zo hi. Ka nunnak la in hi. Kei cu pu le pa te sangin pha ngawl saw ing hitin a tih cengten,
|
||
\v 5 Juniper thingkung nuai ah hihbu hi. Mah ten vancung mi in tho in an ei in hitin, a muhte cu tok in ti hi.
|
||
\v 6 Elijah in a zoh ten mei tuah em mi moh phang le a lu bulah tui thawl a muh hang, a eih cengten hihbu leh hi.
|
||
\v 7 Pathian vancung mi cu a veinih nak heng a mah tok in, hawh in khualzin tuk cu khuala zet hang tho in an eih hih in hitin a tihbang in,
|
||
\v 8 Elijah cu tho in an cu ei leh hi. Mahmi an cu muangin, ni sawmli khualzin hawh in Pathian tuah a seng mi Horeb mualah a hen ten,
|
||
\v 9 Kuahol sungah lut tum in um hi. Pathian awnkam a heng mi Elijah nang cu hi umnak mun sungah ai bawl tukin um cim tin, dong hi.
|
||
\s Elijah nelah Pathian a langnak
|
||
\v 10 Elijah in kei cu vancung ngalkap Topa Pathian lamah thinlung khoh zet nei zo ing. Itahum titale, Isarel miphun ten Topai thukhaam a vawk cengten, Topai biakpiak nak taitan cu siatsuah subal in Topai kamsang te nam tuah that haw zo hi. Keimah pakhat bek tang ka nunnak hei that tukin zei haw hitin, ti hi.
|
||
\v 11 Pathian awnkam cun tul in. Pathian mai mual hum ah ding in. Pathian in hilh tuk hitin, thupia hi. Mah ten huihtheu pi nasezet cu mual lek pen khen in, Pathian mai pen suang te botkek hi. Mah naven Pathian cu huih sungah um ma hi. Huih nung pen lei cu hing hi. Mah naven Pathian cu lei a hinnak sungah vang um ma hi.
|
||
\v 12 Lei a hin nak nungah mei um hi. Mah naven Pathian cu mei sungah um ma hi. Mei nungah aw nem no cu um hi.
|
||
\v 13 Mahmi aw cu Elijah in a zak ten, a mit mai cu puan khuh tukin kua bul ah ding hi. Mah ten Elijah, nang cu hi umnak mun ah ai bawl in um cim tin aw cu heng hi.
|
||
\v 14 Elijah in kei cu vancung ngalkap Topa Pathian lam ah thinlung nasezet nei zo ing. Itahum titale, Isarel miphun ten Topai thukhaam vawk in Topai biakpiak nak taitan cu siatsuah subal in, Topai kamsang te nam tuah that haw zo hi. Keimah pakhat bek tang in ka nunnak hei zei haw hitin a tih ten,
|
||
\v 15 Pathian in Damaska ngam lak pen kikleh hawh in. Na hen ten Hazael cu Syria kumpi hihnak ah pia in sathau thih in.
|
||
\v 16 Nimshi capa Jehu cu Isarel kumpi hihnak ah pia in sathau thih in. Abel-meholah khuapi ah um tu, Shaphat capa Elisha cu nang ma ai kamsang hihnak ah sathau thih in hi.
|
||
\v 17 Mah hang Hazael nam a luat tupa cu Jehu in that tuk hi. Jehu nam pen a luat tupa cu Elisa in that tuk hi.
|
||
\v 18 Mah hang Baal mai ah khukdit nak, thut dunnak a bawl ngawl mi hempoh tihmi Isarel miphun thawngsalih te ka ca tuk keiman tang tik zo ing hitin, ti hi.
|
||
\s Elisha a sam nak
|
||
\p
|
||
\v 19 Mah lai munpen Elijah a hawh cengten khui kap nga tuah lo let in, a dawl tabel khui kap khat nungah a zui tu Shaphat capa Elisha a muh hang, a bulah a hawh laih tak a silh mipuan cu a hum ah koih hi.
|
||
\v 20 Elisha in khui cu zam in Elijah nungah a zui hang, keiman ka nu le pa thut hih tung hi. Mah cengten topai nungah zui tung hitin a nget ten, Elijah in hawh leh ten hi. Keiman na nelah ai tihbang in bawl hum tin a tih ten,
|
||
\v 21 Elisha in kik leh in khui kap khat cu a thah cengten, khuisa cu lo lehnak van tuah a huan hang, mihing tampi cawm hi. Mah cengten tho in Elijah nungah zui in a bawm tuin cang hi.
|
||
\s Samaria miphun cu Benhadad a do nak
|
||
\c 20
|
||
\p
|
||
\v 1 Syria kumpi Benhadad in a ngalkap hempoh te hulawmkhawm tikin, kumpi sawmthum panih te tuah cipuh leng khung ngalhang, leng khung ngalhang te telin ngam thok a hawh cengten, Samaria khuapi cu kil in do hi.
|
||
\v 2 Thuthang puak tute cu Isarel kumpi Ahab nel khuapi sungah hah in Benhadad thupiak mi cu,
|
||
\v 3 Na sui le ngun cu keima ta hi. Na nupi le ca a pha bel te cu keima ta hitin, thu cah hi.
|
||
\v 4 Isarel kumpi in kumpi te aw a thupiak mi bang in keimah le ka neih nak hempoh topai ta hitin, don leh hi.
|
||
\v 5 Thuthang puak tute cu heng leh in Benhadad thupiak na neih mi sui le ngun na nupi le cate, ka nelah ap tuk ci tin a cah mi thu cu,
|
||
\v 6 Zing ten a tubang huncan in ka sila te cu keiman hah tung hi. A mun na umnak inn le na sila tei umnak inn cek in a deih mi hempoh la tuk hitin, thucah hi.
|
||
\p
|
||
\v 7 Mah ten Isarel kumpi cu ngam sung mihing kum U pa hempoh te sam in, hi pa cu izah tak in hauhphuan zei nuam hum tih cu zo cik un. Ka sui le ngun, ka nupi le cate ngen in thu a cah ten keiman el mang hitin, hilh hi.
|
||
\v 8 Kum U pa hempoh te le ngam sung mipi hempoh ten, a ma awnkam thu ngai pah sin. Lungkim pah sin hitin, don leh haw hi.
|
||
\v 9 Mah hang kumpi in, topai thupiak mi bang topa sila in bawl tung hi. Mah cengten a thupiak bang in bawl tuk ma hitin ka kumpi nelah hilh leh ta un tin, Benhadad thuthang puak tute cu thucah tale a muhten hawh in hilh haw hi.
|
||
\v 10 Mah cengten Benhadad in hah in, Samaria khua sungah a um mi leivul cu ka nungah a zui tu hempoh tei sungah mihing pakhat in khut phamkhat ten a tham ma tale, pathian in keima sungah mah sangin bawl saw hen tin thu a cah ten,
|
||
\v 11 Isarel kumpi in, ngalhiam namkim a duk tupa cu ngal ma hen tin, don leh hi.
|
||
\v 12 Benhadad in kumpi te tuah buk sungpen a in laih tak in mahmi awnkam a zak ten ngaldo nak bawl haw tuk hitin a sila te a thupiak mi bang, a mun khuapi mai pen ngaldo bawl haw hi.
|
||
\s Benhadad cu Ahab kumpi in a nehnak
|
||
\p
|
||
\v 13 Mah ten kamsang pakhat in Isarel kumpi Ahab nelah hung in Pathian thupiak mi cu mahmi mihing tampi te mu toh a ci maw. Na khut sungah tuni in nangmah ap tung hi. Keimah Pathian hihnak thu nangman thei tuk ci tin a tih mi cu hilh hi.
|
||
\v 14 Ahab in a koi hang ap hum tin a dot ten khuapi bawi tangval tei hang ap tuk hitin, Pathian thupiak mi thu cu hilh hi. Ngal thu cu a kon thukhen tuk hum tin a dot leh ten, kumpi nangmah loli in thukhen tuk ci tin, ti hi.
|
||
\v 15 Ahab kumpi in khuapi bawi tangval te sial in zanih le sawmthum panih (232) um hi. Isarel miphun hempoh a sial leh ten thawng salih (7,000) um hi.
|
||
\p
|
||
\v 16 Sun huncan ten tul haw hi. Benhadad kumpi a kil tu kumpi sawmthum panih te tuah buk sungpen a ngui thei kham in um haw hi.
|
||
\v 17 Khuapi bawi tangval te a ma sa tul haw hi. Samaria khuapi sung pen mihing cu tul hitin, Benhadad kumpi nelah a hah thu a hilh ten,
|
||
\v 18 Ngal dai tuk suak tul hei in hihen, ngaldo tuk tul hei in hihen a nungin man ta un tin, thupia hi.
|
||
\v 19 Mah tihcun khuapi bawi tangval te a zui tu ngalkap bawi te tuah khuapi sung pen a tul hang,
|
||
\v 20 Ngal te cu mi hempoh in pakhat ten in a thah haw hang, Syria miphun te cu tai haw hi. Isarel miphun ten a hil haw hang, Syria kumpi Benhadad cu cipuh khungin cipuh khung ngalkap te tuah tai hi.
|
||
\v 21 Isarel kumpi vang tul in cipuh ngalkap, a leng ngalkap te siatsuah in Syria miphun te nasezet in that haw hi.
|
||
\p
|
||
\v 22 Mah cengten kamsang cu Isarel kumpi nelah hung leh in nangmah le nangmah kho tik in hi. Itihbang in bawl tuk tih mi cu ngallin nak tuah ngaisung in. Khua khal huncan ten Syria kumpi in ngaldo hung tuk hitin, ti hi.
|
||
\v 23 Syria kumpi sila ten, a muhtei pathian cu mual hum bek uktu pathian hi. Mah hang a mun kei muhte neh haw hi. Kohten munlawn pen veikhat do tuk ung. Mah tihcun do tale ngal neh loli tuk ung.
|
||
\v 24 Kumpi hempoh vawkin a muhtei hihnak sungah ngalkap bawipi in pia hi.
|
||
\v 25 A sung mi cipuh ngalkap, cipuh leng ngalkap bang in a tam mi ngalkap cu koih hi. Munlawn pen do in neh cih vawk tuk ung hitin a tih mi awnkam cu kumpi in ngai in, ti hi.
|
||
\p
|
||
\v 26 Khua khal huncan a hen ten Benhadad kumpi in Syria miphun te sial in, Isarel ngam miphun te do tukin Aphek khuapi ah ngam thok hawh hi.
|
||
\v 27 Isarel miphun ten cazin lut in ancang te a bawl cengten, ngaldo tuk hawh haw hi. Syria miphun te cu ngam sung hempoh um in a muhtei mai pen Isarel miphun te a neu mi kel no honnih bangin um haw hi.
|
||
\v 28 Pathian mihing pakhat in Isarel kumpi nelah hungin Pathian thupiak mi cu Syria miphun ten Pathian cu mual bek uktu Pathian hi. Munlawn uktu Pathian hima hitin a son hang, hi mihing a tampi te cu na khut sungah ap tung hi. Keimah Pathian ka hihnak thu nohten thei tuk uh ci tin, a tih nak thu hilh hi.
|
||
\v 29 A mun ni salih sung a lang le a lang ah umnak mun a lak cengten, ni salih ni in ngaldo in Isarel miphun ten nikhat sungin Syria ngalkap tingkhat (100,000) that haw hi.
|
||
\v 30 A tang laih mite cu Aphek khuapi ah a tai hang khuapi Khantian nak cim in, thawngkul luan salih (27,000) cu delh pek hi. Benhadad cu khuapi ah tai in a khan sungah ngelh hi.
|
||
\p
|
||
\v 31 Benhadad sila ten, Isarel kumpi ten lainat nak a thiam mi kumpi a hihnak thu kohten thei zo ung. Kohten thangkhau angki silh luhum ah khau pua in, Isarel kumpi nelah suah tul nak thupia hi. Daihnak pia hei pia thei hitin a tih bang,
|
||
\v 32 Thangkhau puan silh a luhum ah khau pua in Isarel kumpi nelah a heng tale topai sila Benhadad in, ka nunnak cu daihnak pia in hitin hehpih nak thu a hilh haw ten, Ahab kumpi in ka U cu nung laih cim maw tin, dong hi.
|
||
\v 33 Mah a muhten Ahab kumpi awnkam phatak zet a ngaih hang, a ma awnkam man cih vawk in, topai U tih hei in a muhtei topa cu sam haw hi. Ahab cu hawh in sam ta un tin a hah bang, Benhadad cu tulin Ahab kumpi thupiak nak tuah leng hum ah kai hi.
|
||
\v 34 Benhadad in ka pa cu topai khut sung pen a lon mi khuapi te keiman pia leh tung hi. Ka pa in Samaria khua sungah Syria dawl zuak nak a bawl mi bang, topa in Damaska khuapi sungah Isarel dawlzuak nak bawl in hitin a tih ten, Ahab in mah tihcun pawlkom nak bawl in nangmah cu keiman hah tung hitin a tih hang, pawlkom nak cu bawl in hah hi.
|
||
\s +Ahab kumpi cu kamsang pakhat in a zawtnak
|
||
\p
|
||
\v 35 Kamsang miphun pakhat in, keimah cu vat in hitin Pathian awnkam a heng mi bang a inn nel pa cu ti hi. A mah cu keiman vat tuk mang hitin, el hi.
|
||
\v 36 Kamsang in Pathian awnkam thupiak mi cu a ngaih ngawl hang, ka nel pen a hawh laih tak pawpi that tung hitin a tih mi bang, a hawh laih tak pawpi cu tawk in that hi.
|
||
\v 37 Midang pakhat tawkin keimah vat in hitin a tih leh ten a man nasezet vat hi.
|
||
\v 38 Mahmi kamsang pa hawh in a mitmai pavua khuh in kumpi cu ngak hi.
|
||
\v 39 Kumpi cu a dot ten a man, topa sila cu ngaldo hawh hi. Mihing pakhat ngaldo nak puai sung pen tul in ka nelah mihing pakhat a ap hang, a mah cu cingkem in. Pakhat pawpoh hang a pai tale a nunnak ca in nangma nunnak thi tuk hi. Mah ahima tale ngun cuai sawm kuan tuk citin thucah naven,
|
||
\v 40 Topai sila cu mun hempoh ah sualnak a tam ten, a mah cu pai zo hitin a ti tale Isarel kumpi in, nangma thu cu mah tihbang bok thukhen tuk hi. Nangmah vang thukhen sa in um zo hitin, ti hi.
|
||
\v 41 Mahmi kamsang pan a mai pavua khuh a lawl paih hang, kamsang pakhat a hihnak thu cu Isarel kumpi in thei hi.
|
||
\v 42 Kamsang pan Pathian thupiak mi cu ka tamsiat mipa hei na luat tik hang, na nunnak cu a nunnak ca in na miphun te a ma miphun tei ca a sungpia tuk hitin, a thupiak nak thu hilh hi.
|
||
\v 43 Isarel kumpi in a thiangtho ngawl mi thanau nak thinlung tuah Samaria khuapi, kumpi inn ah hawh hi.
|
||
\s Naboth Cabit huan dum
|
||
\c 21
|
||
\p
|
||
\v 1 Mah cengten Jezreel khua, Naboth neih mi cabit huan dum cu Jezreel khua sung Samaria kumpi Ahab kumpi inn bulah a um hang,
|
||
\v 2 Ahab kumpi in na cabit huan cu kumpi inn bulah a um hang, lo bawl tuk pia tung hi. A pha saw mi huan keiman pia tung. Mah ahima tale na deih nak a um tale a man pia tung hitin, Naboth cu a tih ten,
|
||
\v 3 Naboth in pu le pai khut sung pen lo co mi lei ngam cu topai nelah piak mi thu Pathian in kham sak ta hen tin, don leh hi.
|
||
\v 4 Pu le pa tei lakpen lo co mi lei ngam cu pia tuk mang hitin, Jezreel khua mi Naboth awnkam hang, Ahab kumpi in a thiangtho ngawl mi thinlung tuah thasia in kumpi inn ah hawh in an ei ngawl ihkhun zaunak hum ah hihhbu hi.
|
||
\p
|
||
\v 5 A nupi Jezabel cu hung in an ei thei tuk ngawl tian thinnop ngawl thasia in ita um nge cim tin a dot ten,
|
||
\v 6 Kumpi in Jezreel khua mipa cu keiman sam in na cabit huan zuak in hi. Mah a hima tale na deihnak a um tale a dang cabit huan keiman pia tung hitin ka tih ten, mahmi huan cu topa pia thei mang hitin a don leh hang thasia in um ing hi.
|
||
\v 7 A nupi Jezabel in topa cu Isarel ngam uktu hima cim maw. Tho in thinlung a thiang mi tuah an eihnak sam in hi. Kei cu Jezreel khua mi Naboth cabit huan keiman pia tung hitin a tihmi bang,
|
||
\v 8 Ahab kumpi min tuah lai ngan in le seal tacik a khet cengten, Naboth umnak khuapi sungah a mah tuah a um ngel mi kum U pa le bawi tei lakah pia hi.
|
||
\v 9 A lai sungah ancan nak huncan au in, Naboth cu mipi mai ah taak to ta un.
|
||
\v 10 A mai ah misual panih koih in, nang cu Pathian le kumpi vawk zo hitin theihpih nak thu nei hen hi. Mah cengten a mah cu thi tik tukin suang tuah sep haw hen tih mi tel hi.
|
||
\p
|
||
\v 11 Jezabel nelah a piak mi lai bangin Naboth umnak khua mi kum U pa le bawi ten bawl in,
|
||
\v 12 Ancan nak huncan au in, Naboth sam in mipi mai ah taak haw hi.
|
||
\v 13 Misual panih cu hung a mai ah khungin, Naboth cu Pathian le kumpi cu vawk zo hitin mipi mai pen Naboth a langlam ah theihpih nak thu a bawl haw ten, Naboth cu khuapi a pawlam ah suah tulin a thih tian suangtuah in sep haw hi.
|
||
\v 14 Mah ten Naboth in suang tuah a sehnak thuak in thi zo hitin Jezabel nelah hah in hilh haw hi.
|
||
\v 15 Mahmi thu cu Jezabel in a zak ten, Jezreel khua Noaboth zuak nuam ngawl mi cabit huan cu tho in long hi. Naboth cu nung ma zo. Thi zo hitin, ti hi.
|
||
\v 16 Naboth a thihnak thu Ahab in a za tale, Jezreel khua mi Naboth cabit huan dum long tuk in hawh hi.
|
||
\p
|
||
\v 17 Mah ten Tishba khua Elijah nelah a heng mi Pathian awnkam cu,
|
||
\v 18 Nang cu Samaria khua ah a um Isarel kumpi Ahab cu muak tuk tho in hawh in. A man Nasboth cabit huan long tuk hawh in a tuin huan sungah um hi.
|
||
\v 19 Pathian thupiak mi nang cu mithat na hih hang, midang neihnak long zo hima cim maw. Thu a piak leh mi cu uico ten Naboth thisan a liak mi umnak mun ah na thisan hei liak haw tuk hitin a thupiak nak thu hilh in hitin, thucah hi.
|
||
\v 20 Ahab in ka ngalpa aw, keimah tuah tawk zo hitin Elijah nelah a tih ten, Elijah in nang cu Pathian mai pen sual bawl nuam in nangmah le nangmah zuak nak hang, nangmah le keimah tawk zo hi.
|
||
\v 21 Pathian thupiak mi cu na hum ah haksat nak heng tik tuk hi. Isarel khuapi khua no sungah kol a tang mi hei hihen, a luat in a tai mite hei hihen, Ahab miphun pano hempoh that tuk hi.
|
||
\v 22 Ka thinuuk nak a sosuah tu sual in Isarel miphun a sual tik mi sualnak hang, na miphun cu Naboth capa Jerobaom miphun le Ahijah capa Basha miphun bang in keiman cang tik tung hi.
|
||
\v 23 Jezebel thu Pathian thupiak mi Jezreel khua pi khan tian nak bul pen uico ten Jezabel cu ei haw tuk hi.
|
||
\v 24 Ahab miphun cu khuapi sung pen a thi tale uico in ei tuk hi. Khuapi a pawlam pen a thi tale vanhum vano ten ei haw tuk hitin a thupiak cu Ahab nelah hilh hi.
|
||
\v 25 Ahab tuah a bang ve mi pakhat no hei um ma hi. A nupi Jezabel in a sosuah hang, Pathian mai pen sualnak cu bawl nuam in a mah le mah zuak tu hi.
|
||
\v 26 Pathian in Isarel miphun hawlvawk a co Amor miphun bawl mi hempoh bang, zuk milim bia in a nawngkai mi thu bawl hi.
|
||
\p
|
||
\v 27 Mah hang Elijah hilh mi awnkam thu a zak ten, a silh mi angki bot kek in thangkhau puan silh hi. Ancan nak, thangkhau puan silh hihbu in dawm het no in hawh hi.
|
||
\v 28 Pathian thu Tishba khua Elijah nelah a heng mi thu cu,
|
||
\v 29 Ahab in ka mai pen a niamkhiat nak cu mu toh a cim maw. Mah tihcun ka mai pen a niamkhiat nak hang, a khut sung pen mahmi haksat nak keiman heng tik tuk mang hi. A capa khut sung pen a miphun hum ah heng tuk hitin, thupia hi.
|
||
\s Ahab kumpi cu Micah do in kamsang a bawlnak
|
||
\c 22
|
||
\p
|
||
\v 1 Syria ngam le Isarel ngam cu ngaldo ngawlin kum thum sung a um ceng,
|
||
\v 2 Kumthum nak ten Judah kumpi Jehoshaphat cu Isarel kumpi nelah hung hi.
|
||
\v 3 Isarel kumpi in Gilead ngam, Ramoth khuapi cu ohtei ngamsung ah a tel mi a hihnak nohten thei ma uh cim maw. Ohten Syria kumpi khut sung pen laksak ngawlin daiden no um zo hung tin a sila tei lakah ti hi.
|
||
\v 4 Jehoshaphat kumpi in Gilead ngam, Ramoth khuapi ah keimah tuah ngaldo tuk hung hitin a dot ten, Jehoshaphat in kei cu kumpi bang ing hi. Ka miphun ten kumpi mihing bang in hihen, ka cipuh ten kumpi cipuh bang hi haw ma maw tin Isarel kumpi nelah hilh leh hi.
|
||
\p
|
||
\v 5 Mah cengten Jehoshaphat in Pathian awnkam cu tuni in dong leh in hitin Isarel kumpi in a tih ten,
|
||
\v 6 Isarel kumpi in kamsang zali te a hulopkhawm tik cengten, keiman Gilead ngam Ramoth khuapi cu ngaldo tuk pha maw. Do ngawl in um tuk pha hum tin a dot ten, a mun do in hi. Pathian in kumpi khut sungah ap tuk hitin, ti haw hi.
|
||
\v 7 Jehoshaphat in ohtei dot tuk mi thu Pathian kamsang pakhat no hei um ma zo maw tin a dot ten,
|
||
\v 8 Isarel kumpi in Pathian thu dot tuk mi pakhat Imlah capa Micaiah um laih hi. Mah naven a mah cu keiman hua ing. Keima sungah thupha awnkam hilh awng ma hi. Thupha um ngawlmi awnkam bek hilh thei hitin Jehoshaphat nelah a hilh ten, Jehoshaphat in mah tihbang in kumpi son pah sin hitin, ti hi.
|
||
\v 9 Mah ten Isarel kumpi in U pa pakhat sam in, Imlah capa Micaiah cu a man lang sam ta un hitin, thu pia hi.
|
||
\v 10 Isarel kumpi le Judah kumpi Jehoshaphat ten kumpi puan silh in Samaria kongka pi mai ah mun a lawng mi umnak kumpi tohkham khunnak hum ah khungin kamsang hempoh te a mai pen hilh tik haw hi.
|
||
\v 11 Chenaanah capa Zedekiah cu thik hiam ki te bawl in, Pathian thupiak mi cu topan Syria miphun te a siatsuah lak lawh hi ki te tuah in si tuk hitin, a thupiak nak thu hilh hi.
|
||
\v 12 Kamsang hempoh ten, Gilead ngam Ramoth khuapi ah ngaldo hang in neh hi. Pathian in kumpi khut sungah ap tuk hitin kamsang bawl in hilh haw hi.
|
||
\p
|
||
\v 13 Micaiah sam tuin, kamsang hempoh ten thupha awnkam bek kumpi cu a bang ten in hilh haw hi. Topan a mu hilh mi bang thupha mi awnkam cu hilh in hitin a tih ten,
|
||
\v 14 Micaiah in Pathian cu a nung mi bang in Pathian thupiak mi awnkam bek cu keiman hilh leh tung hitin, ti hi.
|
||
\v 15 Kumpi nelah a hen ten kumpi in ngualcam pa Micaiah aw, kohten Gilead ngam Ramoth khuapi ngaldo en pha maw. Do ngawl in pha maw tin a dot ten, Micaiah in ngaldo in neh hen hi. Pathian in kumpi khut sungah ap tuk hitin, don leh hi.
|
||
\v 16 Kumpi in a man mi awnkam sial ngawl a dang awnkam cu Pathian thupiak nak pen nangman ka nelah hilh tuk ngawl thu, kei man vei izong tian nangmah cu tamsiat nak thupia tuk hum tin a dot ten,
|
||
\v 17 Micaiah in Isarel miphun hempoh ten tuu cing tu nei ngawl tuu te bang, mual hum mun hempoh ah khenkek in a um mi cu keiman mu zo ing hi. Pathian in a mu venghawng nei tu a um ngawl hang, a muhtei umnak mun tekah pin haw ta hen hitin, thupiak cu hilh hi.
|
||
\v 18 Isarel kumpi in a mah cu ka nelah thupha awnkam hilh ngawlin, thupha ngawl awnkam bek hilh thei hitin kumpi cu keiman hilh ma ing maw tin, Jehoshaphat nelah ti hi.
|
||
\v 19 Micaiah in mah hang Pathian thupiak mi cu ngai in hi. Pathian cu kumpi tohkham khunnak humah a khun nak hei hihen, vancung ngalkap hempoh ten a taklam le a veilam ah a din hawnak thu hei hihen, keiman mu zo ing hi.
|
||
\v 20 Pathian in Ahab cu Gilead ngam Ramoth khuapi ngal a do hang, sung tik tukin a kua in zol hum tin a dot ten, a sila ten pakhat nung pakhat in don leh haw hi.
|
||
\v 21 Mah cengten hawvang pakhat heng in Pathian mai ah a din ten, keiman hilh ing hitin a tih ten,
|
||
\v 22 Pathian in itihbang in pui hum tin a dot ten, keimah cu hawh in mahmi kumpi kamsang hempoh sung pen zol thu awnkam a son thiam mi hawvang hi tuk hitin a don leh ten, nangmah cu pui in neh tuk hi. Mah tihcun hawh in hitin, ti hi.
|
||
\v 23 Mah hang Pathian zol thu son thiam mi thinlung hawvang cu kumpi kamsang hempoh sungah khum zo hi. Kumpi thu cu thupha ngawl awnkam son zo hitin, ti hi.
|
||
\p
|
||
\v 24 Mah ten Chenaanah capa Zedekiah hung Micaiah bek pen bengin, Pathian hawvang cu nangmah tuah otpih tukin ai lai lamzin pen ka nelah suak tul hum tin a dot ten,
|
||
\v 25 Micaiah in nang cu ngelh tukin a sunglam khan sungah luh tum ni in nangman mu tuk ci.
|
||
\v 26 Isarel kumpi in Micaiah cu khuapi uktu bawi Amon le a capa Joash nelah a kuat hang,
|
||
\v 27 Hi mipa cu thawnginn sungah khum ta un. Kei cu daiden no pin kik leh lak lawh haksa zet ei in ta hen tin thupiak nak a um mi thu hilh in hitin, ti hi.
|
||
\v 28 Micaiah in kumpi in daiden no pin kik leh tale Pathian in keima hang thupia ma hi. Mihing hempoh te aw ngai ten un hitin, ti hi.
|
||
\s Ahab kumpi thah conak
|
||
\p
|
||
\v 29 Mah tihcun Isarel kumpi le Judah kumpi Jehoshaphat ten Gilead ngam Ramoth khuapi do haw hi.
|
||
\v 30 Isarel kumpi in keiman a lamdang mi tiamhem nak nei in ngaldo nak puai sungah lut tum tung hi. Kumpi in, kumpi van thuam silh in hitin Jehphsaphat a hilh cengten, Isarel kumpi cu a lamdang mi tiamhem nak nei in ngaldo nak puai sungah lut tum hi.
|
||
\v 31 Syria kumpi in Isarel kumpi sial ngawl a dang U pa le naupang cu do pah sin hitin cipuh leng khung ngalhang tampi uktu ngalbawi sawmthum le panih te thu a cah ham zo hang,
|
||
\v 32 Cipuh leng khung tu ngalbawi uktu te Jehoshaphat in a muh ten, a thungai in a mah cu Isarel kumpi cang tuk hitin tiin, a mah do tuk lamzin pial haw zo hang Jehoshaphat in au hi.
|
||
\v 33 Isarel kumpi a hih ngawl nak thu cipuh khung tu ngalkap bawi uktu ten a theih ten zui ngawlin mundang ah pial haw hi.
|
||
\v 34 Mihing pakhat el ngawl in thalcang tuah kap in Isarel kumpi cu thik angki a pehnak lak lawh pen a khak hang, keimah cu ngaldo nak puai pen kik leh in pui in hi. Kei cu na zet hitin a leng cing tu nelah ti hi.
|
||
\v 35 Mahmi ni in a nawk in do haw hi. Kumpi cu Syria miphun a langlam leng sung pen mihing cu ngaingam in khung hi. Taklam ten a nunnak bo hi. A khenkhak natnak pen thisan cu leng sungah luang hi.
|
||
\v 36 Mi hempoh ten a mu umnak khuapi ngam ah pin ta un hitin nitum ten ngalkap hempoh in au haw hi.
|
||
\p
|
||
\v 37 Mah tihcun kumpi a thih hang, Samaria khua ah a hen ten phum hi.
|
||
\v 38 Cipuh leng le ngalhiam nam cu Samaria khuapi tuikhuk pen a som hang, Pathian thupiak mi awnkam bang in uico ten a thisan liak haw hi.
|
||
\v 39 Ahab bawl mi thu a tanglaih hempoh te le saiho tuah sak mi kumpi inn a puah mi khuapi te cu Isarel thuanthu sungah ngan hi.
|
||
\v 40 Ahab cu pu le pa te tuah hihbu in a capa Ahaziah in a pai hihnak kumpi khunnak ah khung hi.
|
||
\s Judah kumpi Jehoshaphat
|
||
\p
|
||
\v 41 Isarel kumpi Ahab uknak kum sawmli ten Asa capa Jehoshaphat cu kum sawmthum le kumnga a kim ten Judah ngam a uk hang,
|
||
\v 42 Jerusalem khuapi sung pen kum kulluannga uk hi. A nu cu Shilhi canu Azubah hi.
|
||
\v 43 Mahmi kumpi in a pa Asa zui mi lamzin pial ngawlin a venghawng a zui hang, Pathian mai pen a dikcang mi nunnak bek tuah nung hi. Mah hang a sang nak mun cu vawk ngawl in mihing tampi ten mahmi umnak mun ah biakpiak nak bawl in ngimnam tui hempoh te meihal haw hi.
|
||
\v 44 Jehoshaphat kumpi in Isarel kumpi tuah ngaldo ngawlin pawlkom nak bawl hi.
|
||
\p
|
||
\v 45 Jehoshaphat bawl mi thu a tang laih hempoh le huham thawmngeng nak, ngaldo nak thu te Judah thuanthu sungah ngan hi.
|
||
\v 46 A pa Asa khut sung pen a tang mi pano deihnak ah a zui thei hol zuak tute cu a ngam sung pen that khawng hi.
|
||
\v 47 Mahmi huncan Edom ngam sungah kumpi um ma hi. Judah kumpi piak mi khuapi uktu bawi in thukhen hi.
|
||
\v 48 Jehoshaphat in Ophir ngam ah hah sui la tik tukin Tarshish tembaw cu Zion-geber khuapi ah um hi.
|
||
\v 49 Ahab capa Ahaziah in ka sila te cu kumpi sila te tuah tembaw khung hen hitin Jehoshaphat nelah a nget ten Jehoshaphat in pia hi. Mah naven tembaw cu Zio-geber khuapi ah a siat hang Ophir khuapi ah hawh thei ma hi.
|
||
\v 50 Jehoshaphat cu a pu le pa te tuah hihbu in, a muhte tuah a pa David khuapi sungah phum hi. A capa Jehoram cu a pai hihnak kumpi khunnak ah khung hi.
|
||
\s Isarel kumpi Ahaziah
|
||
\p
|
||
\v 51 Judah kumpi Jehoshaphat uknak kum heisalih ten, Ahab capa Ahaziah cu Samaria khuapi sungah kumpi na dek in Isarel ngam cu kumnih uk hi.
|
||
\v 52 Mahmi kumpi cu Pathian mai pen sual a bawl hang, nu le pa tei zui mi lamzin Isarel miphun a sual tik tu Nabat capa Jerobaom zui mi lamzin ah zui hi.
|
||
\v 53 Baal pathian a biak hang a pai nun bang, Isarel miphun tei Topa Pathian thinuuk nak so tik hi.
|