cnw_reg/10-2SA.usfm

\id 2SA
\ide UTF-8
\rem The text in this file was extracted from C:/DCS/Chin, Ngawn/WORD/10. 2 Samuel. docx.
\mt 2 Samuel
\h 2 Samuel
\mt 2 Samuel
\toc1 2 Samuel
\toc2 2 Samuel
\toc3 2sa
\s Saul a thihnak thu David a zaaknak
\c 1
\p
\v 1 Saul a thih cengten, David in Amalek miphun te a thahnak pen pin leh in, Ziglak khuapi ah ni nih a um ceng,
\v 2 A nithum nak ten mihing pakhat in a puan botkek a lu hum ah leivul koih in, Saul ngalkap nelpen hung in David nelah a hen ten leihum ah a lukun bopkhup in bia hi.
\v 3 David in a lai mun pen hung kam tin a dot ten, a man kei cu Isarel ngalkap tei lak pen tai in hung ing hitin, ti hi.
\v 4 David in a thu cu ai thu hum? Ka nelah hilh in hitin a dot ten, a man Isarel miphun te ngaldo ten tai in tampi thi haw. Saul le a capa Jonathan vang thi zo hitin, don leh hi.
\v 5 Mahmi thuthang a hilh tu tangval cu David in Saul le a capa Jonathan a thih nak thu, nangman itihbang in thei cim tin a dot leh ten,
\v 6 Mahmi tangval pan kei cu Gilboa mual hum ah heng in Saul cu a cei tung in um hi. Leng khung tu ngalhang, cipuh khung ngalhang ten nasezet in hil haw.
\v 7 Saul in a nunglam ah hek kik a zoh hang, keimah mu in sam hi.
\v 8 Keiman um ing tin ka don leh ten nang cu a kua kam tin a dot ten, kei cu Amalek miphun ing hitin, don leh ing hi.
\v 9 Saul in ka nelah hung in keimah that in hi. Ka nunnak a thih theih ngawl hang, haksat cimnak nasezet thuak ing hitin a tihbang,
\v 10 A lup cengten nung thei tuk ma toh ing hi tih cu ka theih ten a ma nelah hawh in that ing hi. A lu humah a khuk mi ling le a khut ah a but mi khutbut cau a duh cengten, ka topa nelah pui ing hitin, ti hi.
\p
\v 11 Mah ten David in a angki botkek in a mihing hempoh ten mah tihbang in bawl haw hi.
\v 12 Saul in a capa Jonathan Pathian mihing Isarel miphun te ngalnam tuah lum in a thih hang, a muhtei ca zan lam tian kap in ancang haw hi.
\v 13 Mahmi thuthang a hilh tu tangval pa cu David in, nang cu ai lai mun pen heng kam tin a dot ten, a man kei cu ngam dang miphun Amalek mi ing hitin a don leh ten,
\v 14 David in Pathian thu tuah sathau thih mi pa that tukin na khut cu ai tin dang ngam cim tin a tih ten,
\v 15 Tangval pakhat sam in a mah cu that in tin a tihbang, tangval in that hi.
\v 16 David in na thisan cu na luhum ah um hen. Pathian thu tuah sathau thih mipa cu keiman that zo ing tin, na kam in na langlam ah theihpih nak thu son zo hitin, ti hi. Saul le Jonathan ca David kahnak
\v 17 David in Saul le a capa Jonathan hang kap in,
\v 18 Judah miphun te a cun tik mi la Jasher laibu sungah a um mi la cu,
\v 19 Isarel miphun minthan nak, nang cu a sangnak mun pen thi zo ci. Ngalhang mite vang lum in thi haw zo.
\q
\v 20 Mahmi thuthang cu Gath khuapi sungah hilh pah sun. Askelon khuapi hawh nak lamzin ah hilh pah sun. Philistine miphun numei ten lungdam haw tuk hitin, lauthawm um hi.
\q
\v 21 Gilboa mual hum te aw, nohtei hum ah dai nguah zu ma hen. Nguah zu ma hen. An eih tuk biakpiak a ngah mi lo um tik pah sin. Itahum titale, mahmi umnak sungah ngalhang tei ken lumphaw tihmi Saul ken mi lumphaw, sathau tuah noih mi ngal hiamnam cu zawt dem co hi.
\q
\v 22 Ngalhang mitei thisan, thazang ngilnak a nei tu tei thau in Jonathan thalcang cu a nunglam ah paih let ma hi. Saul nam cu a pumpi bek hung leh thei ma hi.
\q
\v 23 Saul le Jonathan cu itnak lungmu nei in a nuncak laih ngualcam a hih hang, a thih tian pakhat le pakhat khen ngawlin um haw hi. A mun muvan lai sang man lang saw, pawpi sang thazang ngilnak nei saw haw hi.
\q
\v 24 Isarel canu te aw, Saul hang kap ta un. Nohte cu a mawi mi sandup silh tikin, nohtei silh mi puan sungah sui van tuah thuam tik zo hi.
\q
\v 25 Ngaldo nak sungah ngalhang te lum in thi haw zo. Jonathan aw, a sangnak mun sungah nang cu thi zo hima cim maw.
\q
\v 26 Ka nau Jonathan, kei cu thanau nak tuah um ing. Nang cu ka ngualcam ngeng bel na hih hang, keimah na ih nak cu a lamdang mi itnak, numei itnak sang a nase saw mi it nak hi.
\q
\v 27 Ngalhang mite thi haw zo hima maw. Ngaldo nak hiamnam te sia zo hima maw tin, ti hi.
\s Judah kumpi hihnak in David sathau a thihnak
\c 2
\p
\v 1 Mah cengten David in kei cu Judah khuapi pakhat ah hawh tung tin Pathian nelah a dot ten, Pathian in hawh in hitin, thupia hi. David in ai khuapi ah hawh tuk cim tin a dot ten, Hebron khuapi ah hawh in hitin a thupiak mi bang,
\v 2 David nupi panih ten Jezreel khua mi Ahinaom, Nabal nupi Carmel Abigail te tuah hawh hi.
\v 3 A ma sungah a zui tu mihing te a innsung te vang David in a sam hang, a muhte cu Hebron khuapi ah um haw hi.
\v 4 Mah cengten Judah miphun te hung in sathau a thih hang, David cu Judah kumpi hihnak ah khaisang haw hi.
\v 5 Gilead ngam Jabesh khua miten Saul cu phum haw zo tin David cu a hilh haw ten, Gilead ngam Jabesh miphun tei umnak mun ah thuthang puak tu hah in, nohten nohtei kumpi Saul cu hehpih nak bawl in a luang a phum zo hang, Pathian piak mi thupha mui cu co ta un.
\v 6 Pathian in nohtei sungah a hehpih ningnat nak, a thukam hehpih nak nohtei lakah um ta hen. Nohten hi thu na bawl uh hang, nohtei hehpih nak cu keiman pia tung hi.
\v 7 A tun thazang la in ngalhang ta un. Nohtei kumpi Saul thi zo hi. Judah miphun te sathau a thih hang, keimah cu kumpi hihnak ah khaisang haw zo hitin, thucah hi.
\s David le Saul miphun tei lak lawh ah ngaldo puai
\p
\v 8 Mah hang Saul ngalkap bawi Ner capa Abner cu Saul capa Ish-bosheth keng in Mahanaim khuapi ah a pui ten,
\v 9 Gilead ngam, Asher miphun, Benjamin ngam a patnak ah a um mi Isarel ngam hempoh uktu kumpi hihnak ah khaisang hi.
\v 10 Saul capa Ish-boseth cu a kum sawmli a kim ten Isarel ngam kum nih sung uk hi. Judah miphun cu David nungah zui haw hi.
\v 11 David in Hebron khuapi ah um in Judah miphun uk mi kum kom ten kum salih le ha luk hi.
\p
\v 12 Mah cengten Ner capa Abner cu Saul capa Ish-boseth sila te tuah Mahanaim khuapi ah hawh in,
\v 13 Zeruiah capa Joab le David sila ten a muah hang, Gibeon tuipi ah tawh dun in tuipi a lang le lang lam ah khung haw hi.
\v 14 Abner in tangval te cu tho in ohtei mai ah um mai tuk hung tin a tih ten, Joab in tho haw hen hitin a tih bang,
\v 15 Saul capa Ish-boseth mihing, Benjamin miphun heinih te tho in tan haw hi.
\v 16 A mun mihing le mihinng do in, mi hempoh in a muhtei do mi a lu len in a nak pen nam tuah dawt munkhat ah lum in thi haw hi. Mah hang Gibeon khuapi huap sungah a um mahmi umnak mun cu Helkath-hazuzurim tin a min sam haw hi.
\v 17 Mahmi ni in nasezet ngaldo hang, Abner le Isarel miphun ten David sila tei mai ah ngal sung haw hi.
\p
\v 18 Zeruiah capa pathum, Joab, Abishai, Asahel te hi. Asahel cu ngamlak sungah a um mi sazuk bangin pil hi.
\v 19 Asahel in taklam, veilam ah pial ngawlin Abner cu zui hi.
\v 20 Aber nungah zo in nang cu Asahel ngai cim maw tin a dot ten, a man ing hitin don leh hi.
\v 21 Abner in a taklam ah hei hihen, a veilam ah hei hihen, kik leh hawh in tangval pakhat cu man in a ngal hiamnam hempoh long ten tin ti naven, Asahel in hek kik leh ngawl in zui laih hi.
\v 22 Mah cengten Abner in keimah zui pah sin. Kik leh ten hi. Nangmah cu leihum ah ita lum tik tuk hum? Mah tih bawl tacun na U Joab mai ah keiman mitmai itin lak ngam tuk hum tin ti naven,
\v 23 Asahel in a thungaih ngawl hang, Abner in a nung pen cei tuah a dawt ten a von sungah cei lek a tum a ngum lam ah a paih let in Asahel cu lum in thi hi. Asahel cu lum in a thih hang a thi mi umnak mun ah a heng tu hempoh ten ding in um haw hi.
\p
\v 24 Joab le Abishai in Aber cu hil in Gibeon ngamlak hawhnak lamzin bul Giah khuapi mai ah a um Ammah mual ah a hen ten nitum hi.
\v 25 Benjamin miphun ten Abner nung pen hulopkhawm nak bawl in ngalkap bukhat mual hum ah dingin um haw.
\v 26 Mah ten Abner in Joab cu au in, nam cu a cat ngawl ei tuk maw. A dawl bel ten a kha mi a uuknak mu tuk hi tih cu thei ma maw. Mi tampi ten U le nau te hil ngawlin a pin tik tuk thu nangman ituk huncan tian thukhen ngawlin um tuk laih cim tin a tih ten,
\v 27 Joab in Pathian a nung bang nangman na hilh ma tale zing khuavak bek ten mi tampi ten, U le nau te hil leh haw tuk ma toh hitin tiin,
\v 28 Lemle tum in mi tampi ten Isarel miphun te hil ngawl, ngaldo ngawl in ding haw hi.
\v 29 Abner le a mihing ten zan khua a pawlam ah hawh in Jodan ngun a tan cengten, Bithron ngam cu kal in Mahanaim khuapi ah heng haw hi.
\p
\v 30 Joab in Abner cu a hilnak pen kik leh in mi hempoh te a hulopkhawm tik ten, Asahel le David sila mihing heikuah te um ngawl in thi haw hi.
\v 31 David sila ten Benjamin miphun, Abner mihing zathum le sawmluk cu thi tukin that haw zo hi.
\v 32 Asahel luang pua in Bethlehem khuapi sungah a um mi a pai khan mual ah phum haw hi. Joab le a mihing ten zankhua hawh in zingkhua vak tuk ten, Hebron khuapi ah heng haw hi.
\c 3
\p
\v 1 Saul miphun le David miphun ten ngeipi ngal a do hang David cu thazang khang in, Saul miphun te thazang kiam in um haw.
\p
\v 2 Hebron khuapi sungah David ca cawi mi sung pen capa U pa bel cu Jezreel khua mi Ahinoam capa a cawi mi cu Ammon hi.
\p
\v 3 A panih nak capa cu Nabal nupi Carmel khua mi Abigail capa a cawi mi Chileab hi. A pathum nak capa cu Gershur kumpi Talmai canu Maacah capa Absalom hi.
\p
\v 4 A pali nak capa cu Haggith capa Adonijah hi. A panga nak capa cu Abital capa Shephatiah hi.
\p
\v 5 A pa luk nak capa cu Eglah capa a cawi mi Ithream hi. Hi thu cu Hebron khuapi sungah David cawi mi capa hi.
\s David nelah Abner a hawh nak
\p
\v 6 Saul miphun le David miphun ngal a do haw laih Abner in Saul miphun a mah le mah kho tik hi.
\v 7 Saul sungah Aiah canu Rizpah a zi no pakhat um hi. Ish-bosheth in nang ita napai zino cu lonsak cim tin Abner a dot ten,
\v 8 Mahmi awnkam hang Abner cu a thinuuk zet in keiman Judah miphun cu kham in na pai Saul miphun le U le nau te, ngualcam te tuni tian a hehpih nak hang nangmah cu David khut sungah ap ngawl in a um ten, nangman keimah cu uico lu bang ngaisung in mahmi numei ca tuni in mawhsiat tuk mi maw.
\v 9 Pathian in a uknak ngam cu Saul miphun sung pen laksak in,
\v 10 David thuneih nak cu Dan khuapi pen pan Beersheba khuapi tian Isarel ngam, Judah ngam hempoh sungah kho tik tuk David in bawl tung tin a thukam mi bang, keimah David in bawl ma tale mah sang ngawl Pathian in Aber cu bawl saw ta hen hitin a tih hang,
\v 11 Ish-boseth cu lau in awnkam khat no hei awn leh ngam ma hi.
\p
\v 12 Mah cengten Abner in a ma ca thupuak tute David nelah a hah ten ngam uktu cu a kua hum? Keimah tuah pawlkom hen. Isarel miphun hempoh te Pathian nelah thek tik tukin, kei cu Topai lam ah lut tum tung hitin, ti hi.
\v 13 David in pha hi. Nangmah tuah pawlkom bawl tung. Mah hang ka nget nuam mi pakhat um hi. Ka mitmai mu tuk a hun ten, Saul canu Michal cu pui in hi. Mah ahima tale ka mitmai mu tuk ma ci tin, ti hi.
\v 14 David in thuthang puak tute cu Saul capa Ish-boseth nelah hah in, kei cu Philistine miphun vun lek zakhat tuah ka lei mi ka nupi Michal cu ap in tin a thucah mi bang,
\v 15 Ish-boseth hah in mahmi numei cu a pasal, Laish capa Paltiel khut sung pen la hi.
\v 16 A pasal cu kap in a nungah Bahurin khuapi tian zui hi. Abner in pin leh ten hitin a tih ten pin leh ta hi.
\p
\v 17 Abner in Isarel miphun kum U ham te thusiam pih in, nohten a bosa hun can ah David cu kumpi ah khaisan nuam mi thinlung a um hang,
\v 18 A tuin khaisang ta un. Pathian in ka sila David khut tuah ka mihing Isarel miphun cu Philistine miphun tei khut sung pen hihen, ngal hempoh tei khut sung pen hihen, keiman pan tung tin David ca thu pia zo hitin, ti hi.
\v 19 Mah cengten Abner in Benjamin miphun te a pha mi bawl tukin hilh hi. Mah cengten Isarel miphun tei deihnak hempoh thu, Benjamin miphun thinkhat in a deihnak hempoh Hebron khuapi sung David nelah hilh leh tukin a hawh hang,
\v 20 Mihing kul keng in David umnak mun Hebron khuapi ah a hen ten, David in puai bawl in Abner le a mihing te cu cawm hi.
\v 21 Abner in Isarel miphun hempoh cu Topa tuah pawlkom tik tuk in hihen, Topai deihnak bang uk tik tuk in hihen, keimah cu tho in hawh ten mahmi a mu venghawng ka Topa, ka Topa kumpi nelah hulawm tik tuk tin a hilh cengten, David cu hah in a man daiden no in hawh hi.
\s Abner cu Joab in a thahnak
\p
\v 22 Mah ten Joab le David sila ten ngal hempoh te a hilnak pen pin kik leh in a khut tuah a lon ngah mite la haw hi. Abner cu David tuah Hebron khuapi sungah um haw ma hi. David hah in a mah cu daiden no hawh ham zo hi.
\v 23 Joab le a ma sungah a tel mi ngalkap hempoh te a hen ten, Ner capa Abner cu kumpi nelah hung zo hi. Kumpi a man hah in a mah daiden hawh zo tin Joab cu a hilh ten,
\v 24 Joab in kumpi nelah lut tum ten Topa in itihbang in bawl hum? Abner cu a ma nelah a luh tum cengten, a thacang hawh tukin ita hah leh cim?
\v 25 Ner capa Abner in Topa zol in topa cu a suah tum nak, a thukhen nak hempoh thei tukin a hun mi cu Topa in thei hitin a tih cengten,
\v 26 A ma nelpen suak tulin Abner nungah thuthang puak tu hah in Sirah tuikhuk pen sam hi. Mahmi thu cu David in thei ma hi.
\p
\v 27 Abner cu Hebron khuapi sungah a hen ten, Joab cu a lemcang otpih tukin khuapi kongka bulah a sam cengten, a nau Asahel a thih hang a von pen dawt in a mah cu thi hi.
\v 28 Mah cengten David in a zak ten, Ner capa Abner thah mi sual tuah kei cu Pathian mai pen luat hen. Ka uknak ngam cu luat hen.
\v 29 Joab lu, a miphun hinam hempoh tei luhum ah heng ta hen. Joab hinnam sungah taksa a nai dok vei nak, phaknat vei nak, elbawng kun vei nak, ngalnam tuah thah nak, ningkial pamnak heng ta hen hitin, ti hi.
\v 30 Mah tihcun Joab le a nau Abishai cu Abner in that hi. Itahum titale, a muhtei nau Asahel cu Gibeon ngaldo nak puai sung pen Abner in that hi.
\p
\v 31 David in Joab le a ma sungah a um mi hempoh tei lak ah nohtei angki bot kek thangkhau puan silh in, Abner ca kah nak bawl ta un tin thupiak a um hang, a mah loli in mithi cu hen hi.
\v 32 Abner cu Hebron khuapi sungah phum haw. Khanmual bulah kumpi cu aw suah au in kap hi. Mi hempoh kap haw hi.
\v 33 Kumpi in Abner ca a kah nak cu, Abner cu misual bang in thi maw.
\q2
\v 34 Na khut ken ngawlin thik le thik not dun ngawlin misual khut tuah a thi mi bang thi hima maw tin, ti hi. Mi hempoh ten kap leh haw hi.
\v 35 Khuathim laih ngawlin David cu an ei tuk a sam nak thu mi hempoh ten nek haw naven, David in nitum ngawl laih in moh an eih tuk pakhat cu ka tep tale mah sang ngawl in keima sungah Pathian bawl ta hen tin, thukam hi.
\v 36 Mahmi thu cu mi hempoh in sialsiah in deih haw hi. A bawl mi hempoh te vang mi hempoh in deih haw.
\v 37 Kumpi in Ner capa Abner cu that tik tukin deih ma hitin, mahmi ni in Isarel miphun te le mi hempoh ten thei haw hi.
\v 38 Kumpi in Isarel miphun sungah kumpi capa a sunglawi mipa cu tuni a thihnak thu nohten thei ma uh cim maw.
\v 39 Kei cu sathau thih co in kumpi hi naven, tuni in thanem hi. Zeruaih capa a muhte cu keimah sang thazang tam saw hi. Phat ngawl nak tuah a bawl tupa cu a sualnak bang Pathian in lul ta hen hitin, a sila tei lakah thupia hi.
\s Ish-boseth a thahnak
\c 4
\p
\v 1 Abner cu Hebron khuapi pen a thihnak thu Saul capa in a zak ten a thanau hi. Isarel miphun hempoh ten thinkham in um haw hi.
\v 2 Saul ca sung pen Baanah le Rechab tih min a nei ngal bawi panih um hi. A mun Benjamin miphun Beeroth hinnam Rimmon cate hi. Beroth khuapi cu Benjamin ngam sungah tum naven,
\v 3 Beeroth miphun ten Jonathan nel Gittaim khuapi sungah tai in tuni tian cam in um hi.
\p
\v 4 Saul capa Jonathan nelah khelbai capa pakhat um hi. A mah cu kum nga a kim ten Jezreel khuapi pen Saul le Jonathan thu thang a zak ten, a mah cing tupan pompai thiak in a man lang a tai pih hang, nauno cu cak in a khelbai hi. Mahmi pai min cu Mephiboseth hi.
\p
\v 5 Beeroth miphun Rimmon capa Rechab le Baanah ten Ish-boseth inn ah hawh in sun laih tak heng hi. Mahmi huncan ah Ish-boseth cu hihbu thei hi.
\v 6 A U nau Rechab le Baanah ten cang cu suah hem tuk bawl in, inn a lai umnak ah a luh tum cengten,
\v 7 Zaunak khan sung zaunak hum pen hihbu in a um mi Ish-boseth von pe dawt in a thah hang, a lu cu talh in a lak cengten, zan khua munlawn lamzin pen tai in luat haw hi.
\v 8 Ish-boseth lu cu Hebron khuapi sungah keng in topa nunnak a zei tu topai ngal Saul capa Ish-boseth lu cu zo hi. Ka topa kumpi thuak mi sual cu Pathian in Saul sungah in hihen, a miphun sungah hei hihen, tuni in loh sak zo hitin a nelah a hilh ten,
\v 9 David in ka nun haksat nak pen a teng tu Pathian a nung mi a hih bang,
\v 10 A masa veikhat ah mihing pakhat hung in lungdam thuthang hilh tukin ngaihsut nak tuah Saul cu thi zo tin ka nelah a hilh ten, mahmi thuthang a hilhnak hang laksawng co tuk tin, ngaihsut mi a mah cu Ziglak khuapi sungah keiman dok in that ing.
\v 11 Mah bek sial ngawl mi sual ten midik pa cu a innsung zaunak hum ah a thah ten, a nase saw in bawl tak mi hima maw. A tuin a thisan nohtei sungah keiman ngen in nohte cu hi leihum pen vawk tak mi hima maw tin Beeroth miphun, Rimmon capa Rechab le a nau Baanah cu a tih cengten,
\v 12 Tangval te thupia in mahmi a mu panih cu that haw hi. A khut le ke cu talh in Hebron tui tingpi bulah dok haw hi. Ish-boseth lu cu la in Heron khuapi Abner khanmual ah phum haw.
\s David cu Isarel kumpi a hihnak
\c 5
\p
\v 1 Mah ten Isarel miphun hempoh David umnak Hebron khuapi sungah hung in kohten topai nguh, topai taksa te ung hi.
\v 2 A bosa hun Saul in kohtei kumpi a hih ten, topan Isarel miphun lamhuai zo ci. Pathian in, nang cu ka mihing Isarel miphun cawm in uk tuk ci tin, topai nelah thupia zo hi.
\v 3 Mah tihcun Isarel miphun kum U ham hempoh ten, kumpi umnak Hebron khuapi ah a heng tale David kumpi cu Hebron khua Pathian mai pen a muhte tuah a pawlkom nak hang, a mun David cu sathau thih in Isarel kumpi hihnak ah khaisang haw hi.
\v 4 David cu kumpi khun nak hum ah a khun ten, a kum sawmthum kim in kum sawmli sung uk hi.
\v 5 Hebron khuapi sungah um in Judah ngam cu kum salih le ha luk kumpi dek hi. Jerusalem khuapi ah um in Judah ngam le Isarel ngam sung hempoh cu kum sawmthum le kumnih kumpi dek hi.
\s Jerusalem khuapi David neh nak
\p
\v 6 Mah ceng ten kumpi in a miphun te sam in, a ngam sung Jebus miphun tei umnak Jerusalem khuapi ah ngam thok a hawh tale a mun nang cu hi khuapi sungah lut tum thei ma. Mitcaw khelbai te vang, David in hi khuapi sungah lut tum tuk ma tih bek in nangmah kham tuk hitin, ti haw.
\v 7 Mah hang David in David khuapi tihmi Zion innpi cu do hi.
\v 8 Mahmi ni in David cu mihing pakhat in Jebus miphun te a do cengten tuipi kal in, David in hi umnak sungah lut tum pah sin tin, David nun huat nak tuah a son tu mitcaw pa le khelbai te cu that hi. A mah cu ngalkap bawi in cang hen hitin a thupiak a um bang, Zeruaih capa Joab a masa kai in ngalkap bawi co hi.
\v 9 Mah cengten David cu innpi sungah um in David khuapi tin a min sam hi. Milo umnak elkim ah hei hihen, a sunglam ah hei in sa hi.
\v 10 David cu khang to in thazang a neih hang, vancung ngalkap Topa Pathian cu a mah tuah um hi.
\p
\v 11 Tyre kumpi Hiram in thuthang puak tute tuah cedar thing, khutthiam a nei innsa thiam mite David nelah hah in a mun kumpi inn cu sa haw hi.
\v 12 Pathian in David cu Isarel kumpi hihnak sungah a piaknak thu le a mihing Isarel miphun ca uknak ngam a khaisan nak thu David in thei hi.
\p
\v 13 David cu Hebron khuapi pen a thawn cengten, Jerusalem khua mi nupi lun zino a huai thuah leh bet hang canu le capa tampi cawi hi.
\v 14 Jerusalem khuapi sungah David catei a min cu Shammah, Shobab, Nathan, Solomon,
\v 15 Ibhar, Elishua, Nepheg, Japhia,
\v 16 Elishama, Elida, Eliphalet,
\s Philistine miphun te David nehnak
\v 17 David in thupha pia in Isarel miphun hihnak ah a piak mi thu Philistine miphun in a zak ten, mahmi miphun hempoh ten David cu zei in hung haw hi. Mahmi thuthang cu David in a zak ten, innpi sungah hawh hi.
\v 18 Philistine miphun te hung in Rephaim huakluam ah a dim in um haw hi.
\v 19 David in kei cu Philistine miphun tei umnak mun ah hawh tuk maw. Keima khut sungah Pathian cu a dot ten, Pathian in hawh ten hi. Keiman Philistine miphun te na khut sungah a peh in ap tung hitin a thupiak mi bang,
\v 20 David in Baalperazim khuapi ah hawh in a muhte a thah cengten, Pathian in tui lun a siat suah bang, ka ngal te cu ka mai pen siatsuah sak zo hitin, mah lai mun cu Baalperazim tin a min sam tik hi.
\v 21 Mahmi umnak mun ah Philistine miphun tei vawk mi zuk milim cu David le a miphun ten that khawng haw hi.
\p
\v 22 Mah cengten Philistine miphun te hung in Rephaim huakluam ah a dim in um haw.
\v 23 David in a dot ten Pathian in cam zet in kai pah sin. A mu nung pen kil in puu huan ngalkhat lam ah hawh un.
\v 24 Puukung a lekah ngal thawm aw za tale a man lang ngam thok hawh un. Mah ten Pathian in Philistine ngalkap te that tukin na mai ah hung tuk hitin a thupiak bang,
\v 25 David in a bawl hang Philistine miphun te Geba khuapi pen Gezer khuapi tian that haw hi.
\s Jerusalem khuapi ah thukhaam thingkuang a kennak
\c 6
\p
\v 1 Mah cengten David in a ten mi Isarel miphun thawngsawmthum (30,000) te hulawmkhawm tik in,
\v 2 Cherubim lak lawh ah a um mi vancung ngalkap Topa Pathian min le Pathian thingkuang cu Judah ngam Baale khua pen keng tukin, a ma sungah a tel mi hempoh te tuah hawh hi.
\v 3 Pathian thingkuang cu leng a thak hum ah koih in mual hum Abinadab inn sung pen suah haw hi. Abinadab capa Uzzah le Ahio ten leng thak cu mawng haw hi.
\v 4 Uzzah in Pathian thingkuag bulah hei hihen, Ahio in thingkuang mai ah hei in hawh haw hi.
\v 5 David le Isarel miphun hempoh ten phaidak, lemlawi, khuang, lawi peng, dakkop te keng in Pathian mai ah tha suah in tum haw hi.
\p
\v 6 Nacon cangcil nak ah a hen ten khui ten Pahian thingkuang a phia hang, Uzzah in a khut dangin thingkuang cu cawi hi.
\v 7 Pathian in Uzzah cu a thinuuk in a sual hang Pathian in dan tat in a mah cu thingkuang bul ah thi hi.
\v 8 Uzzah cu Pathian in dan tat hang, David cu a thanau in um hi. Mah lai mun cu tuni tian Perez-uzzah tin sam hi.
\v 9 Mahmi ni in David in Pathian lau in Pathian thingkuang cu ithbang in ka nelah heng thei hum tin tiin,
\v 10 A ma umnak mun David khuapi ah thingkuang cu keng ngawlin, Gitti miphun Obed-edom inn sungah lamzin pial in tawn hi.
\v 11 Pathian thingkuang cu ha thum sung Gitti miphun Obed-edom innsung ah um hi. Pathian in Obed-edom le a innsung sang hempoh cu thupha hi.
\v 12 Pathian in thingkuang hang Obed-edom le a ma nelah a um mi hempoh thupha a piak nak thu cu David kumpi in a zak ten, vei tampi hawh in Pathian thing kuang cu Obed-edom inn pen David khuapi ah lungdam nak thinlung tuah keng hi.
\v 13 Pathian thingkuang a pua tu ten kal luk a kal cengten khui a thau mi nganhing tuah biakpiak nak bawl hi.
\v 14 David in puan awmbelh cu silh in Pathian mai pen lungkim nak tuah lam hi.
\v 15 Mah tihcun David le Isarel miphun hempoh ten kap in lemle tum in Pathian thingkuang pua haw hi.
\p
\v 16 Pathian thingkuang cu David khuapi sungah a luh tum ten, Saul canu Michal in tukvelh pen zo in David kumpi cu Pathian mai ah lam in le dawk in a hun mi cu a muh hang, a thinlung sung pen imah sum sialngawl nak bawl hi.
\v 17 Pathian thingkuang cu khum tum in David sak ham mi deu buk a laizang a ma umnak mun ah a koih cengten, David in meihal biakpiak nak le pawlkom biakpiak nak cu Pathian mai ah pia hi.
\v 18 Meihal biakpiak nak le pawlkom biakpiak nak te a bawl cengten, Pathian min sal in mipi te thupha pia hi.
\v 19 Isarel mipi pano numei hempoh moh phangkhat, a taksa telkhat, cabit tui langkhat ten a piak cengten, mi hempoh in a muhtei umnak mun tek ah pin haw hi.
\p
\v 20 Mah cengten, David in kumpi inn sungah a um mite cu thupha pia tuk hawh in a hen ten, Saul canu Michal in muak in misil ten zahca ngawlin angki silh a duk bang, tuni sila pano numei tei mai ah puan silh a duk tu Isarel kumpi cu tuni in izah tak minthan nak nei hum tin, ti hi.
\v 21 David in na pa le a miphun hempoh tei ai in, keimah cu teng in Pathian mihing Isarel miphun uktu kumpi hihnak sungah a pia tu Pathian mai ah bawl mi hima maw. Pathian mai ah kei cu lam tung hi.
\v 22 Mah bek sial ngawl, kei cu hi sang ngawl in zotsak nautat nak thuak tung. Ka muhnak sungah nautat nak thuak saw tung. Na son mi sila numei ten, keimah thangphat haw tuk hitin, Michal nelah don leh hi.
\v 23 Saul canu Michal in a nun sung ca cawi leh ma hi.
\s David hum ah Pathian thukam
\c 7
\p
\v 1 Pathian in mun hempoh ah a um mi ngal hempoh tei khut pen pan tu hehpih nak cu kumpi in a co hang, kumpi inn sungah daiden no a um ten,
\v 2 Kamsang Nathan cu sam in zo in hi. Kei cu cedar thing tuah sak mi inn sungah um ing. Pathian thingkuang cu kalaka tuah bek dan in um hitin a tih ten,
\v 3 Nathan in ngaihsut nak hempoh tuah bawl in. Pathian cu topa tuah um hitin, don leh hi.
\p
\v 4 Mahmi zan in Pathian awnkam cu Nathan nelah heng in,
\v 5 Ka sila David nelah hawh ten. Pathian thupiak mi cu nangman ka um nak tuk inn cu sa tuk cim maw.
\v 6 Isarel miphun ten Izip ngam pen a pui ni pen pan tuni tian inn tuah kei cu um mang hi. Deubuk phunnam kim sungah kei cu vak kawkawi zo ing.
\v 7 Isarel miphun te tuah ka vah kawi nak mun hempoh sungah ka tik mi Isarel thukhen tu pakhat in, nang cu keima ca cedar thing inn sa ma cim tin keiman hilh awng ing maw.
\p
\v 8 A tuin, vancung ngalkap Topa Pathian thupiak mi tuu khalh nak huan sung pen nangmah cu keiman pui in, ka mihing Isarel miphun te uktu kumpi hihnak ah keiman pia zo ing.
\v 9 Na hawh nak hempoh ah keiman zui in na ngal hempoh na mai pen ka vawk hang, leihum mi hempoh sung pen U pa tei minthan nak bang, na sungah nasezet keiman minthan nak pia zo ing.
\v 10 Mah bek sial ngawl ka mihing Isarel miphun umnak keiman bawl zo ing. A mun tunung ten thawn ngawlin a muhtei umnak ah um tik tuk keiman a cat ngawlin kho tik tung. Mi pha ngawl ten ni dang huncan sungah hei in hihen,
\v 11 Ka mihing Isarel miphun thukhen tute a piak mi huncan sungah hei hihen, bawlsiat mi bangin tunung ten bawlsiat nak um tuk ma hi. Nangmah vang ngal tei khut sung pen pan in daihnak pia zo hi. Na miphun te vang keiman kho tik tung hitin, Pathian in thupia zo hi.
\v 12 Nang cu kum kim in pu le pa te tuah na hihbuh ten na ang sungah nauno, na sung pen a suak mi capa cu keiman khaisang in a uknak ngam din tung hi.
\v 13 Mahmi capa in ka min tuk inn sa tuk hi. A kumpi tohkham khunnak cu a cat ngawl kho tuk hi.
\v 14 Kei cu a pa hi tung. A mah vang ka capa hi tuk hi. A man sual a bawl tale mihing tei man theih mi tingngolh tuah keiman thu hilh tung hi.
\v 15 Mah hang na mai pen ka hawl vawk mi Saul nelah ka lainat nak a laak bangin na capa sung pen laak sak tung mang hi.
\v 16 Na miphun le na uknak ngam cu ka mai pen a cat ngawl in kho tuk hi. Na kumpi tohkham vang a cat ngawl kho tuk hitin ka sila David nelah hilh in hitin, thupia hi.
\p
\v 17 Mahmi a thuphuan awnkam hempoh Nathan in David nelah hilh leh hi.
\s David thunget nak
\p
\v 18 Mah ten David kumpi in a sungah lut tum Pathian mai ah khung in Topa Pathian aw, keimah hizah loli tian khaisan nak thu, keimah cu itihbang mipa hum? Ka miphun cu itihbang miphun hum?
\v 19 Mah hang Topa Pathian aw, mahmi a hehpih nak cu a hehpih nak thawthong kha ma hitin ngaihsut nak hang, topai sila miphun te huncan a ngei zet tuah a seng mi thupiak hima maw. Topa Pathian aw, mihing ten mah tihbang in thukhen nak um awng maw.
\p
\v 20 Itihbang in khang to in David son nak nei thei hum? Topa Pathian aw, nangman na sila thei ci.
\v 21 A thu awnkam zo in a deihnak bang a thupi zet mi na hempoh na sila cu thei tik zo ci.
\p
\v 22 Mah a hih hang, Topa Pathian aw, nang cu a sunglawi mi hi ci. Kohtei zak mi hempoh bang Topa tuah a bang ve mi Pathian, Topa sial ngawl a dang Pathian um ma hi.
\v 23 A min cu lang tikin Izip ngam pen pan a dang ngam te, a muhtei pathian sung pen a teng tu Topa’i miphun mai ah miphun ca in le ngam ca tuk a lauhuai mi napi te bawl tukin, Pathian cu hung in Topai ca tuk ten mi Topai Isarel miphun te a bang ve mi miphun namkhat cu hi leihum ah um maw.
\v 24 Itahum titale Topai mihing Isarel miphun cu a cat ngawl in Topai miphun cang tukin, a muhte cu Topai ca a kho tik hang, Topa Pathian cu a muhtei Topa Pathian hi.
\p
\v 25 A tuin Topa Pathian aw, Topai sila sungah hei hihen, Topai sila miphun sungah hei hihen, thupiak mi awnkam cu a cat ngawlin kho tik in. Thupiak mi bang bawl in hi.
\v 26 Vancung ngalkap Topa Pathian cu Isarel miphun uktu, Pathian a hihnak thu hang a min cu a cat ngawl khaisang in um ta hen. Topai sila David miphun cu a mai ah kho ta hen.
\p
\v 27 Itahum titale Isarel miphun tei Pathian, vancung ngalkap Topa Pathian, Topa in na miphun cu keiman kho tik tung hitin, Topai sila thuphuan a piak hang Topai sila in hi thunget nak bawl nuam ing hi.
\v 28 Topa Pathian aw, Topa cu Pathian a man mi hi. Topai awnkam cu a dik a man muan taak mi hi. A hehpih nak cu Topai sila sungah thukam pia zo hi.
\v 29 Mah hang Topai sila miphun cu a mai ah a cat ngawl kho tuk, thupha pia tukin thinnem nak lungmu pia in hi. Topa Pathian aw, thupiak mi bang thupha piak mui cu Topai sila miphun in a cat ngawlin co ta hen hitin, thungen hi.
\s David nehnak
\c 8
\p
\v 1 Mah cengten David in Philistine miphun that in a neh hang, Methg-ammah khuapi cu long hi.
\p
\v 2 Moab ngam vang that in a ngam sung miphun te leihum ah a lup tik hang, khau tuah tehin sehthum suah sehnih that hi. Sehkhat cu luat nak pia hi. Mah tihcun Moab miphun ten David sungah sila thuak in siah pia haw hi.
\p
\v 3 Zobah kumpi Rehob capa Hadedazer cu Euphrate ngun tuipi bul long tukin a hawh ten, David in do in,
\v 4 Leng thawngkhat (1,000), cipuh khung thei ngalkap thawngsalih (7,000), ke ngalkap thawngkul (20,000) man in leng zakhat a lon cengten, a dang cipuh leng hempoh siatsuah hi.
\v 5 Damaska khua a um Syria miphun ten Zobah kumpi Hadedazer cu ngaldo a bop ten, David in Syria miphun thawngkul a thah cengten,
\v 6 Syrian ngam Damaska khuapi ah khuapi cing tu ngalkap te a koih hang, Syria miphun ten David nelah sila thuak in siah pia haw hi. David hawh nak hempoh ah Pathian in bawm hi.
\v 7 Hadedazer sila tei cawi mi sui lumphaw cu David in long in Jerusalem khuapi sungah keng hi.
\v 8 Hadedazer uk mi Betah khuapi le Berothai khuapi pen David kumpi in dal tampi long hi.
\p
\v 9 Hadedazer ngalkap hempoh David in a thah nak thu, Hamath kumpi Toi in a zak ten,
\v 10 A ngal pa Hadedazer cu David in do in a thah hang, pawlkom nak bawl mi thupha pia tukin a capa Joram cu David kumpi nelah hah in Joram sui khuathai, ngun khuathai, dal khuathai te keng in hung hi.
\v 11 Mahmi khuathai te David kumpi in Pathian nelah ap hi. Mah bang bok a neh mi Syria ngam, Moab ngam, Amon ngam, Philistine ngam, Amalek ngam sung pen a lon mi sui le ngun hei hihen,
\v 12 Zobah kumpi Rehob capa Hadedazer neihnak long in a ngah mi sui le ngun hei hihen, Pathian ap hi.
\p
\v 13 Ci munlawn sungah Edom mihing thawngheiliat (18,000) a thah nak mun pen, David a pin kik leh ten a minthan nak ngeng hi.
\v 14 Edom ngam sung hempoh ah khuapi cing tu ngalkap te koih in, Edom ngam miphun hempoh David nelah sila thuak haw hi. David cu a hawh nak hempoh ah Pathian in bawm hi.
\s David U pa te
\p
\v 15 Mah tihcun David in Isarel ngam hempoh uk in, a uknak ngam miphun sungah a dik mi thu tuah thukhen nak bawl hi.
\v 16 Zeruaih hi capa Joab cu ngalkap bawi ngengpi hi. Ahilud capa Jehoshaphat cu laingan tu bawi hi.
\v 17 Ahitub capa Zadok le Abithar capa Ahimalek cu thiampi hi. Seraiah cu laingan tu cazi pi hi.
\v 18 Jehoiada capa Benaiah cu Chereth miphun le Peleth miphun te uk hi. David capa ten kumpi ca hihnak tuah um haw hi.
\s David le Mephiboseth
\c 9
\p
\v 1 Mah cengten David in kei cu Jonathan ca hehpih nak thu nei tik tukin Saul miphun pakhat a tang mi um laih maw tin a dot ten,
\v 2 Ziba tin min a nei Saul hinnam tuah a seng mi sila pakhat cu a ma nelah khum in, kumpi in nang cu Ziba a man ngai cim tin a dot ten, topa aw a man ngai ing hitin, don leh hi.
\v 3 Kumpi in Pathian deihnak bang keiman hehpih bawl nak thu nei tik tukin, Saul miphun hinnam pakhat no hei um ma maw tin ka dot ten Ziba in Jonathan nelah khelbai pakhat capa um laih nen ti maw tin a tih ten,
\v 4 Kumpi in a mah cu ai lai ah um hum tin a dot ten, Ziba in Lo-debar khua Machir inn ah um hitin, ti hi.
\v 5 Mah ten David in hah in Saul capa a himi Jonathan capa Mephiboseth cu Lo-debar khua, Ammiel capa Machir inn pen sam in,
\v 6 A mah cu a ma nelah a hen ten bopkhup in bia hi. David in Mephiboseth tin a sam ten, topa sila um ing hitin, ti hi.
\v 7 David in lau pah sin. Na pa Jonathan ca keiman nangmah hehpih nak bawl tung hi. Nangma ca tuk Saul co mi lei ngam keiman pia leh tung hi. Nang cu nisial a catngawl an eih tuk ka cabuai pen ei tuk ci tin a tih ten,
\v 8 Mephiboseth in sila bang mi uico a thi cu topai zoh tuk thu, topai sila itihbang mipa hum tin lukun in don leh hi.
\p
\v 9 Mah ten kumpi in Saul sila Ziba cu sam in Saul le a hinnam tei co taak mi hempoh na topai capa cu keiman pia zo ing.
\v 10 Nang cu na capa kei muhte tuah lo bung in na topai capa an eih tuk ancang ngah te khum tuk ci. Mah hang na topai capa Mephiboseth cu nisial ka cabuai pen an ei tuk hitin, ti hi. Ziba in capa heinga le sila kul nei hi.
\v 11 Ziba in ka topa kumpi cu topai sila thucah mi bang topa sila in bawl tung hitin, don leh hi. Mah cengten, Mephiboseth in kumpi capa loli bang cabuai pen an ei hi.
\v 12 Mephiboseth in Micah tihmi capa no pakhat nei hi. Ziba inn ah a um tu hempoh ten Mephiboseth sila in um haw hi.
\v 13 Mah tihcun Mephiboseth in Jerusalem khuapi sungah um in kumpi cabuai pen nisial an ei hi. A khel langnih a bai mipa hi.
\s Amon miphun cu David in a neh nak
\c 10
\p
\v 1 Mah cengten Amon kumpi thi in a capa Hanun in a pai hihnak kumpi in khung hi.
\v 2 David in Hanun a pa Nahash in keimah hehpih nak a bawl hang, a capa nelah keiman hehpih nak bawl tung tin, a pai thih ten nem tik tuk kei muhte hah in David sila te Ammon ngam ah heng haw hi.
\v 3 Ammon miphun bawi U pa ten a muhtei kumpi Hanun nelah lut tum in, David thin a nem tik tute cu a hah ten a pa cu U pat nak tuah bawl zo hitin ngaisung cim maw. Khuapi cu thudong kan in siatsuah tuk bek a sila te a hah mi hima maw tin a tih haw ten,
\v 4 Hanun in David sila te a laak cengten, a kha mul a hem met in a puan cu a khom tian a talh cengten hah hi.
\v 5 Mahmi thuthang David in a zak ten mahmi miphun ten a zak za leita hang a muhte vai muak tuk a hah ten, a mun khamul sau tuk ngawlin Jeriko khuapi ah um haw hi. Mah cengten pin leh ta un hitin, thucah hi.
\p
\v 6 Ammon miphun ten, kohten David mai pen huatnak cang tuk hi tih a theih ten, a muhte hah in Beth-rehob khuapi le Zobah khuapi ah a um mi Syria ngalkap thawngkul (20,000), Maacah kumpi mihing thawngkhat (1,000), Tob khua mite thawngheinih (12,000) cial haw hi.
\v 7 Mahmi thuthang David in a zak ten Joab le thazang ngilnak a nei mi ngalkap te hah hi.
\v 8 Ammon miphun te suak tul in khuapi kongka pi bul pen ngaldo haw hi.
\p
\v 9 Joab in a mai ah le a nung ah ngaldo nak um tih a muh ten, Isarel miphun sung pen thangil nak a nei mi hempoh teng in Syria miphun a langlam ah ngaldo nak um hi.
\v 10 A tang laih mite cu Ammon miphun tei a langlam ah ngaldo tuk a nau Abishai khut sungah ap in,
\v 11 Syria miphun ten keimah a neh tale keimah bawm tuk hi. Ammon miphun ten nangmah a neh tale nangmah cu keiman bawm tung hi.
\v 12 Ngalhan nak thinlung tuah kohtei miphun, kohtei khuapi le khua no ca thasuah in do tuk hung hi. Pathian a deihnak bangin thukhen ta hen hitin a tih cengten,
\v 13 A ma sungah a tel mite tuah Syria miphun te do tukin a nek ten, Syria miphun te tai haw hi.
\v 14 Syria miphun a tai mite cu Ammon miphun ten a muh ten, a muhte cu Abishai mai ah tai in khuapi sungah tum haw hi. Joab in Ammon ngam pen suak tulin Jerusalem khuapi ah pin leh hi.
\p
\v 15 Syria miphun cu Isarel miphun mai pen a muhte sung hi tih a muh ten hulawmkhawm leh haw hi.
\v 16 Hadedazer kumpi in hah in ngun ngalkhat lam ah a um mi Syria miphun te a sam hang, a mun Helam khuapi ah heng haw hi. Hadedazer piak mi ngalkap bawi ngengpi Shobach vang uk hi.
\v 17 Mahmi thuthang cu a zak ten, David in Isarel miphun hempoh hulawmkhawm tik in Jodan ngun a tan hang Helam khuapi ah heng hi. Syria miphun ten David a langlam ah ngaldo in a um ten,
\v 18 Isarel miphun tei mai ah tai haw hi. David in Syria cipuh leng khung ngalkap thawngsalih (7,000), lei ngalkap thawngsawmli (40,000) te that in, ngalkap bawi Shobach cu a khen khak hang a mah cu mah lai mun pen thi hi.
\v 19 Hadedazer sungah sila a thuak tu kumpi hempoh Isarel miphun tei mai ah a mun sung hi tih cu a muh ten, Isarel miphun tuah pawlkom nak bawl in sila thuak haw hi. Mah tihcun Syria miphun ten Ammon miphun te ngaldo bawm leh ngam haw ma hi.
\s David le Bathsheba
\c 11
\p
\v 1 Khuakhal tuk huncan a hen ten kumpi te ngaldo nak hun heng in, David in Joab le a sila te Isarel miphun hempoh a hah hang, a mun Ammon miphun te do in Rabbah khuapi kil haw hi. David a mah loli Jerusalem khuapi ah um hi.
\p
\v 2 A zing taklam ten David cu a zau nak mun pen tho in kumpi inn hum ah a vah laih tak numei pakhat a mawi zet tibual li cu mu hi.
\v 3 Mahmi numei cu a kua hum tin hah in a dot tik ten, Eliam canu Hit miphun Uriah nupi Bathsheba hitin, ti hi.
\v 4 Mah cengten mihing hah leh in mahmi numei cu sam tik in sualpih hi. Mahmi numei cu a ma a bal mite thiangtho tik tukin a inn ah a pin cengten,
\v 5 Nau a neih hang David nelah mihing hah in kei cu nau nei ing hitin a hilh tik ten,
\v 6 David in Joab nelah mihing hah in Hit miphun Uriah cu keima nelah hah tuk thu a cah mi bang Joab in hah in,
\v 7 Uriah cu a hen ten David in Joab dam cim maw, miphun pih te dam haw maw. Ngaldo in nehnak co haw maw tin a dot cengten,
\v 8 Na inn ah hawh in na ke som ten tin a thupiak mi bang, Uriah cu kumpi inn sung pen tul in a ma nungpen in le eih tuk kumpi in pia hi.
\v 9 Mah hang Uriah cu a inn ah hawh ngawlin a topa sila hempoh te tuah kumpi kongka bulah hihbu hi.
\v 10 Uriah in a inn ah a hawh ngawl nak thu a hilh ten David in nang cu khualzin nak pen heng mi hima cim maw. Na inn ah ita hawh ngawl in um cim tin Uriah a dot ten,
\v 11 Uriah in thingkuang le Isarel miphun, Judah miphun te buk sungah um haw hi. Topa Joab le topai sila hempoh ten munlawn sungah cam haw hi. Kei cu ka inn ah hawh in an ei in nupi tuah nop zet um tuk kul maw. Topa cu a nung mi bang mah tihbang in keiman bawl mang hitin, David nelah ti hi.
\v 12 David in hi khuapi sungah tuni zan um hih in. Zing ten keiman hah tung tin a thupiak mi bang, Uriah in mahmi ni, a zingten Jerusalem khuapi sungah um hi.
\v 13 David in Uriah cu sam in a mai pen an ei in a ngui a kham tian in hi. Mah naven taklam ten a inn ah pin ngawl in a topai sila te tuah zau tuk in tul hi.
\p
\v 14 Zinglam ten David in a thucah cu laingan in Uriah khut sungah Joab in pia hi.
\v 15 A thucah mi lai cu nasezet ngaldo nak mai ah Uriah a piak cengten, a mah cu ngal tei khut sungah heng thi tik tukin ngalkap te long ta un hitin, ti hi.
\v 16 A thupiak nak bang Joab in khuapi a zoh cengten, thazang ngilnak a nei mi ngalkap tei umnak mun ah Uriah cu pia hi.
\v 17 Khua mite cu suak tulin Joab tuah ngal a do ten David sila a hek khat te thi haw hi. Hit miphun Uriah vang thi hi.
\v 18 Mah cengten Joab in ngaldo thuthang hempoh te David nelah hilh tik tukin mihing a sam ten,
\v 19 Nang cu kumpi nelah ngaldo nak thuthang hempoh na hilh cengten,
\v 20 Kumpi cu a thinuuk in nohten ngaldo ten khuapi bulah ita nek in um uh cim? Khuapi khantian hum pen kap tuk hi tih cu thei ma cim maw.
\v 21 Jerub beseth capa Abimalek cu a kon that hum? Thebez khuapi ah numei pakhat, an ngawinak suang a keh cu khuapi khantian nak hum pen khiasuk in, Abimalek cu thi hima maw. Khuapi khantian nak bulah ita nek haw hum tin thu a pia tale topai sila Hit miphun Uriah a thihnak thu hilh tuk hitin, thucah in hah hi.
\p
\v 22 Joab thucah mi bang mahmi thuthang puak tupa hawh in David nelah a hilh mi cu,
\v 23 Ngal ten a thungai in kei muhte a neh hang, munlawn tian hil in do haw hi. Kei muhte vang khuapi kongka bul tian do leh ung hi.
\v 24 Thalcang kap thiam ten khuapi khantian hum pen, topa sila te kap in topai sila hek khat te thi haw hi. Topa sila Hit miphun Uriah vang thi hitin a tih ten,
\v 25 David in hi thu hang na thinkham pah sin. Ngaldo nak puai sungah mihing pakhat cu thi thei hi. Thazang la in khuapi cu nasezet do in that ta un tin, thuthang a puak hang Joab cu thucah hi.
\p
\v 26 Uriah a thih nak thu cu a nupi in a zak ten a pasal hang kap in um hi.
\v 27 A kah cengten, David in mihing hah in mahmi numei cu kumpi inn ah a sam tik hang, a mah cu kumpi nu hihnak ah heng in capa no cu hing hi. Mah hang David bawl mi thu cu Pathian mai pen a pha ngawl mi sual thu hi.
\s David nelah kamsang Nathan mawhsiat thuhilh nak
\c 12
\p
\v 1 Mah cengten Pathian in kamsang Nathan cu David nelah a hah ten, Nathan cu lut tum in kumpi, hi khuapi ah milian hausa pakhat, mizawng pakhat um hi.
\v 2 Milian hausa pa in tuu, khui, tih bang tampi nei hi.
\v 3 Mizawng pan a lei mi tuu nu no pakhat sial ngawl a dang a neih mi um ma hi. Mahmi tuu nu no pakhat cu a nei tu pa tuah in hihen, a nei tu pai canu te tuah hei hihen phial in khang to hi. A nei tupai an cu ei thei hi. A nei tupai khuat sungah tui vang in thei hi. A nei tupai ang sungah vang canu bang um hi.
\v 4 Milian hausa pai inn ah mikhual pakhat heng in miilian hausa pan mikhual vak tukin a tuu le khui te a sahelh hang la ngawlin, mizawng pai tuu nu no cu la in mikhual vak tukin huan hitin a tih ten,
\v 5 David in mahmi milian pa cu a thinuuk zet in Pathian a nung mi bang mah tihbang a bawl tupa cu a thungai in thi tuk hi.
\v 6 Lainat nak thinlung nei ngawlin sual a bawl hang, a tuu nu no ca a let li loh leh tuk hitin, thupia hi.
\p
\v 7 Nathan in mahmi pa cu midang hima hi. Nangmah hi ci. Isarel miphun tei Topa Pathian thupiak mi cu keiman sathau thih in, nangmah Isarel kumpi hihnak ah pia zo ing. Saul khut sung pen pan zo hi.
\v 8 Na topai hinnam te hei hihen, na topai nupi hei hihen, na ang sungah keiman pia zo ing. Mahmi thu a cangkim ma tale a dang thu te pia tukin keiman deih ing hi.
\v 9 Nangman Pathian dan thu imah sum sial ngawlin a mai pen sual cu ita bawl kha cim? Hit miphun, Uriah nunnak nam tuah that in a nupi cu long zo ci. A mah cu Ammon miphun nam tuah that zo hi.
\v 10 A tuin nangman keimah imah sum sial ngawl bawl in Hit miphun Uriah nupi na lon hang, na miphun hinnam cu ngalnam tuah a cat ngawl in tawk haw tuk hi.
\v 11 Pathian thupiak mi nangmah a do tupa cu na miphun hinnam sung pen keiman heng tik tung hi. Na mai pen na nupi te keiman la in na inn nelpa ka ap hang, a mah cu na mai pen na nupi te keiman la in na inn nel tei lakah ka ap hang a nupi te tuah phial tuk hi.
\v 12 Nang cu hi thu a lang ngawl in na bawl ta vang ni mai pen keiman lak leh tung hitin, Pathian thupiak mi awnkam cu hilh leh hi.
\v 13 David in keiman Pathian sual kha zo ing hitin, Nathan nelah a sual phuang in Nathan in nunnak co tuk Pathian in na sual nak lak sak zo hi.
\v 14 Mah naven, topan mah tihbang mi sualnak hang sonsiatnak thu ngengpi cu Pathian ngal tei lakah a piak hang, a tuin na muh mi na capa cu thi tuk hitin, David nel ah a hilh cengten,
\v 15 Kumpi inn sung pen a suah tul cengten Pathian in a dan tat hang, Uriah hin mi David capa cu nasezet haksat nak thuak hi.
\v 16 David in nau no ca in Pathian nelah thungen hi. Ancang, a sungah lut tum in zankhua leihum ah zau hi.
\v 17 Kumpi inn sungah a um mi U pa te tho in topai nelah hawh tukin nek haw naven, David in el in a muhte tuah an ei ngawl in um hi.
\v 18 Ni salih a kim ten nau no cu thi hi. David sila ten nau no a nun laih in kohtei awnkam thu ngai ngawl in, nauno thih thu a hilh ten mah le mah bawl siat nak nasezet thuak tuk hitin a tih ten nau no thih thu son ngam haw ma hi.
\v 19 Mah hang kohten zak tham ca cang son mi thu cu David in a zak ten nauno thih thu a theih hang, nauno thi zo maw tin kei muhte dong hi. A mun thi zo hitin, hilh haw hi.
\v 20 Mahten David in lei pen tho tibual nak, sathau noih nak, a puan van silh a thek cengten Pathian inn sungah hawh tum in bia hi. Mah cengten kumpi inn sungah pin leh an eih tuk a nget ten, kohten cabuai bawl in kumpi cu an ei hi.
\v 21 Kohte vang topan itihbang in bawl hum? Nauno a nun laih in, nauno ca ancang kap in um hi. Nauno cu a thih ten tho in an ei tuk sam hitin a tih ten,
\v 22 David in nauno cu a nun laih Pathian in keimah a hehpih nak hang, nauno cu nunnak pe tuk maw pe tuk ma hum tih cu a kon son thei tuk hum tin ngaisung kei cu ancang kap in um ing.
\v 23 A tuin nauno cu thi zo hi. Ita ancang tuk laih hum? Nauno cu laak leh theih maw. A ma umnak ah keimah hawh tung hi. Ka umnak munah kik leh thei ma hitin, ti hi.
\p
\v 24 Mah cengten David in a nupi Bathsheba cu neek in a nelah lut tum in pawl hi. A man capa hing in Solomon tin a min cu a pa in sa hi.
\v 25 Pathian in mahmi nau no cu deih in a hehpih nak hang, kamsang Nathan cu tik in Jedidiah tin a min sa hi.
\p
\v 26 Joab in Ammon ngam, Rabbah khuapi do in khuapi cu a laak cengten,
\v 27 David nelah mihing hah keiman Rabbah khuapi do in tuipiak nak khuk ngah zo ing.
\v 28 A tuin a tang laih mi ngalkap te hulawmkhawm khuapi cu kil in do un. Mah ahima tale keimah do in ka min tuah khuapi cu sam haw tuk hitin a hilh ten,
\v 29 David in mi hempoh hulawmkhawm, Rabbah khuapi ah ngam thok hawh in do hi.
\v 30 Kumpi in a lukhu duk in a luhum ah koih haw hi. Sui lukhu a ngit lam cu suangman pha son ngawlin sui pawng sawmsalih le pawngnga um hi. Khuapi sung pen a lon sak mi neihnak te vang suah hi.
\v 31 Khua mipi mite vang suah tul in luah hawinak, thik thuan, thik heipi tuah in ukkhe bawl tik hi. Mah tihcun David in Ammon khuapi hempoh sungah a bawl cengten, mi hempoh te tuah Jerusalem khuapi ah pin leh hi.
\s Amnon le Tamar
\c 13
\p
\v 1 David capa Absalom in Tamar min a nei mi a U nu mawi zet pakhat um hi. David capa Amnon in a U nu cu deih hi.
\v 2 A deih leita hang dam ngawl in um hi. A U nu cu khanglai him mi hi. Aman itihbang in a deihnak cang kim tik thei tuk hum tin, Amnon in ngaisung thei ma hi.
\v 3 David U Shimeah capa Jonadab cu a ngualcam hi. A mah cu mi dupdelh thei mipa hi.
\v 4 Topa cu kumpi capa hi napi in ita nikhat nung nikhat ngawm thei cim? Keimah hilh nuam ma cim tin a dot ten Amnon in, ka nau Absalom U nu Tamar cu deihnak thinlung nei ing hitin, don leh hi.
\v 5 Jonadab in ihkhun zaunak hum ah thangcang um in na hem hi. A pa’n zo tuk a hawh ten, ka U nu Tamar cu hung in cawm hen. A ma huan mi an cu keiman mu in a ma khut pen eih nak tuk thu, ka mai pen huan hen tin phalnak ngen tuk hitin ngaihsut nak a piak mi bangin,
\v 6 Amnon cu thacang um in na hem hi. Kumpi in zo tukin a hen ten Amnon in ka U nu Tamar hung ta hen. A ma khut sung pen keiman an ei tukin ka mai pen moh pheng panih bawl hen tin kumpi nelah phalnak ngen hi.
\p
\v 7 David in Tamar inn ah mihing hah na nau Amnon inn ah hawh in, an eih tuk huan sak in hitin thu a cah bang,
\v 8 Tamar in a nau Amnon inn ah hawh in Amnon cu thacang in um hi. Tamar in moh ngawivam la in a cop cengten, a naupai mai pen moh pheng bawl in em hi.
\v 9 Pakan dai la in Amnon mai ah koih na ven, a man ei ngawlin mihing hempoh ka nel suak tul khawng tik in tin a tih hang, mihing hempoh tul haw hi.
\v 10 Tamar cu na khut pen keiman ei tukin khan sungah keng in tin a tihbang in, Tamar in a bawl mi moh pheng keng in a nau Amnon umnak khan sungah tum hi.
\v 11 Mah tihcun Amnon an eih tuk a ken ten, a man a U nu khut pen dok in ka U nu, keimah tuah zau in hitin, ti hi.
\v 12 Tamar in bawl pah sin ka nau aw. Keimah zawnsak pah sin. Isarel miphun sungah mah tihbang sual bawl pha ma hi. Hi sualnak a pha ngawl bawl pah sin.
\v 13 Na bawl tale kei cu zahcak nak pen itihbang in luat tuk hum? Nangmah vang Isarel miphun sung pen mipha ngawl te bangin cang tuk ci. Mah hang kumpi hilh in hi. Hilh tale pia ngawl in um tuk ma hitin a tih ten,
\v 14 Amnon in a thu ngai ngawl in, a U nu sang tha ngil nak a tam saw hang nehsiah in zau hi.
\p
\v 15 Mah cengten Amnon in a U nu hua zet leh leu hi. A masa a deih zet sang ngawl in a huatnak a nase saw hang, nang cu tho in hawh ten hitin, ti hi.
\v 16 A U nu cu a thu imah um ma hi. Ka bawl mi sualnak sang a tuin hawlvawk mi sual cu ngeng saw hitin ti naven, Amnon in a thu ngai ma hi.
\v 17 Sila pakhat sam in hi numei hawlvawk ten hi. A nungpen kongkalh nak tuah kalh in hitin, thu pia hi.
\v 18 Khanglai him a himi kumpi canu puan a silh theih mi bangin a lamdang cuang a thuam van silh mi Tamar cu sila um tu pan hawlvawk in, a nungpen kongka kalh nak tuah kalh hi.
\v 19 Tamar in a lu humah vut koih in a lamdang cuang thuam van silh mi cu a bawhkek cengten, a lu hum ah a khut koih in kap leh leu hi.
\p
\v 20 A nau pa a suahpih Absalom in ka U Amnon cu nangmah tuah um zo maw. Mah naven ka U nu aw daiden no um in. A mah cu na nau pa hi. Hi thu cu ngaisung pah sin tin ti naven, Tamar cu a nau pa Absalom inn ah daiden no in um hi.
\v 21 David kumpi in mahmi thu hempoh a theih ten, a thinuuk zet hi.
\v 22 Absalom in a U Amnon cu a pha mi awnkam, a pha ngawl mi awnkam thu son ma hi. Mah hang na U nu Tamar cu a zotsak hang hua hi.
\p
\v 23 Mah ceng kumnih a kim ten Absalom in Epharaim khuapi bul Baal-hazor khua ah tuu mul met puai bawl in kumpi ca hempoh sam hi.
\v 24 Absalom cu kumpi nelah hawh in topa sila tuu mul met tu pan puai bawl hi. Sila hempoh sam in topai sila te tuah topa hung in hitin a tih ten,
\v 25 Kumpi hawh pah sun. Ka capa na nelah vanpuak ngit tik tuk lau nak a um hang, mihing hempoh hawh tik pah sun tin a tih ten, Absalom hilh naven topa cu zui ngawl in thupha pia hi.
\v 26 Absalom in na hawh ma tale Amnon cu zui tuk phal nak pia in tin a hilh leh ten, kumpi in ita zui ma cim tin a tih ten,
\v 27 Absalom bawl siat tuk hang, Amnon pen pan capa hempoh zui theih nak thu pia hi.
\v 28 Absalom in Amnon cu cabit tui in a thinnop tuk tian ngak un. Amnon cu sawh in vat un tin a tih ten, thih tuk bawl un. Lau pah sun. Keiman thukhen hima maw. Thasuah ngalhan nak tuah um un tin a sila tei lakah thu a cah mi bang,
\v 29 A mun Amnon cu bawl haw hi. Mah ten kumpi capa hempoh tho in laak khung in tai haw hi.
\p
\v 30 A mu hen laih ngawl midang heng in Absalom kumpi capa hempoh that zo hi. Pakhat no hei tang ma hitin, hilh hi.
\v 31 Kumpi cu tho in a puan bawhkek leihum ah thacang in um hi. Sila hempoh ten a muhtei puan silh mi cu botkek in a bulah um haw hi.
\v 32 David U Shammah capa Jonadab in, kumpi capa hempoh te that zo hi tih mi awnkam um pah sin. Amnon pakhat bek thi hi. Absalom U nu Tamar cu Amnon in a zotsak mi ni pen pan in hi thu cu a nau in thukhen zo hi.
\v 33 A tuin ka topa kumpi capa hempoh thi khawng haw zo tin ngaisung thanau in um pah sin. Amnon pakhat bek a thih hang Absalom cu tai tuk hitin, ti hi.
\p
\v 34 Mah ten ngal cing tu tangval in zo in, a nungpen mual bul lamzin ah mihing tampi a hung mi cu mu hi.
\v 35 Jonadab in kumpi ca hempoh hung haw zo hi. Topa sila awnkam thu cu man hitin a tawp ten,
\v 36 Kumpi cate hung in aw suah kap haw hi. Kumpi le sila hempoh ten nasezet in kap haw hi.
\p
\v 37 Absalom cu tai in Geshur kumpi Ammihud capa Talmai nelah hawh hi. David cu a capa hang nisial in kap hi.
\v 38 Absalom cu Geshur khuapi sungah tai in kum thum um hi.
\v 39 Mah cengten David cu Amnon a thih hang, a mah phawhnak kiam in Absalom ngai in um hi.
\s Jerusalem khuapi ah Absalom a kih lehnak
\c 14
\p
\v 1 Mah tihcun kumpi thinlung cu Absalom nelah a um nak thu Zeruaih capa in a theih ten,
\v 2 Tekoa khuapi ah hah in cihnak a nei mi numei sam in, nang cu sathau noih pah sin. Thinlung thiang ngawl bang um hem in mithi puan silh in. Mithi ca ngeipi a kap tu numei tiamhem in,
\v 3 Kumpi nelah lut tum in hi tihbang cun son tuk ci tin, hilh hi.
\p
\v 4 Mahmi Tekoa khua numei cu a nelah lut tum in leihum ah a bop bia in kumpi aw, pan in hitin, ti hi.
\v 5 Kumpi in ithu um hum tin a dot ten numei nu in ka pasal a thih hang meivong ing hi.
\v 6 Na sila nelah capa panih um hi. Mahmi capa panih te cu haudun in um haw. Lemnak a bawl tu a um ngawl hang, pakhat le pakhat that un in um haw hi.
\v 7 A tuin a miphun hempoh ten, na sila a langlam ah tho in a U a that tu cu thihnak thuak tukin ap tuk hi. Lo co tuk vang kohten lawl sak tuk ung tin, ti haw hi. Mah tihcun a bawl tale keima nelah a tang laih mi meiling cu a mun that haw tuk hi. Ka pasal min hei hihen, a tang mi hei hihen leihum pen that khawng tuk hitin a tih ten,
\v 8 Kumpi in na inn ah pin ten hi. Na thu cu keiman khensak tung hitin, numei nui nelah ti hi.
\v 9 Tekoa khua mi numei in kumpi topa aw, keimah le ka miphun sungah sualnak heng tik pah sin. Kumpi le kumpi tohkham khunnak cu sualnak pen luat tik in tin a tih ten,
\v 10 Kumpi in nangmah mawhsiat tu cu ka nelah pui in. Nangmah cu noksak leh ma toh hen tin a hilh ten,
\v 11 Numei in thisan man a loh leh tu ten ka capa that tuk lau nak a um hang, a mun a cuang siatsuah tuk ngawlin kumpi Topa Pathian phawk in hitin a hilh leh ten, kumpi in Pathian a nung mi bangin na capa cu samzang pakhat no hei leihum ah cak tuk ma hitin, ti hi.
\p
\v 12 Mah cengten numei in topa sila kumpi pa nelah awnkam khat no son nak thu pia in tin a nget ten son in hitin, ti hi.
\v 13 Numei nu in mah a hitale Pathian miphun tei a langkhat lam pen ita ngaihsut nak pia cim? Kumpi hawlvawk mipa cu sam leh ngawl toh in mah le mah mawhsiat in thukhen zo hima maw.
\v 14 Kohte cu a thi tuk mite ung hi. Leihum ah lei in suah leh theih ngawl mi tui tuah bang ve hi. Pathian in mihing mitmai zo ngawlin, hawlvawk co mipa cu hawlvawk a co hang um thei tuk ngawlin ngai sung hi.
\v 15 Mah hang, keimah heng in hi thu kumpi pai nelah a hilh mi thu cu keiman lau tukin mihing tampi ten bawl haw hi. Topa aw keiman kumpi nelah hilh tung hi. Kumpi in ka nget mi bang in bawl hei bawl thei hi.
\v 16 Keimah le ka capa cu Pathian lo leihum pe mithat tutei khut sung pen keimah pan tukin thu ngai tuk hitin, ti hi.
\v 17 Topai sila nu in ka topa kumpi thupiak nak hang daihnak co tuk hi. Pathian vacung mite bang ka topa kumpi a pha le pha ngawl cu khenkhuai in thei ing hitin, ngaisung hi. Topa Pathian cu topa tuah um tuk hitin, ti hi.
\p
\v 18 Mah ten kumpi in ka thu dot mi thu cu im pah sin hitin thupiak nak um naven, numei nu in kumpi topa thupiak nak um hitin, ti hi.
\v 19 Kumpi in hi thu cu Joab in nangmah ngaihsut nak a piak mi hima maw tin a dot ten, numei in kumpi topa aw, topai cu a nung mi bang kumpi thupiak awkam lamzin pen taklam, veilam ah a kuamah pial thei ma hi. A thungai in na sila Joab cu keiman thucah in hi awnkam thu hempoh te hilh hi.
\v 20 Mizol nak tuah tiamhem tik tukin na sila Joab in thukhen tuk hi. Topan hi leihum ah a um mi hempoh thei tuk tian, Pathian vancung mi cihnak a um bang cihnak nei hitin, don leh hi.
\p
\v 21 Mah ten kumpi in hi thu cu keiman khen tung hi. Nang cu hawh in mahmi tangval Absalom sam leh tukin Joab nelah ti hi.
\v 22 Joab in leihum ah a lukun bop khup in ka topa kumpi, topa hehpih kut nak bang kumpi in a bawl hang, na sila mai ah mitmai ngah nak thu keiman thei ing hitin, a hehpih lungdam nak thu hilh hi.
\v 23 Mah cengten Joab cu tho in Geshur khuapi a hawh hang, Absalom cu Jerusalem khuapi ah pui hi.
\v 24 Kumpi in a ma inn ah hawh hen. Ka mitmai mu tik pah sin tin a thupiak a um bangin Absalom cu a ma inn ah hawh in kumpi mitmai mu ma hi.
\p
\v 25 Isarel miphun pakhat sungah Absalom bang mawi in thangphat taak mi pakhat no hei um ma hi. Ke phalh pen pan a lu tian sualnak pakhat no hei um ma hi.
\v 26 A sam ngit hang kum sial met in, kumkhat ten sum sawmthum ngah thei hi.
\v 27 Absalom in capa pathum le Tamar tih mi canu pakhat cawi hi. A canu cu mawi zet hi.
\p
\v 28 Absalom in kumpi mitmai mu ngawlin kumnih sung Jerusalem khua ah a um cengten,
\v 29 Joab cu kumpi nelah hah tuk ngaihsut nak tuah a sam ten Joab cu hung ma hi.
\v 30 Veinih a sam ten vang hung ma hi. Mah hang, Joab lo cu kohtei umnak tuah nai hi. Barly cang um hi. Hawh in meihal un tin thu a khen bangin Absalom sila ten meihal haw hi.
\v 31 Mah ten Joab in Absalom inn ah tho in a hawh ten, na sila ten ka lo ita meihal uh cim tin a dot ten,
\v 32 Absalom in kei cu Geshur khuapi pen ita hung ing kaw? Mahmi khuapi ah a tu tian um tuk mi cu a pha hitin hilh tik tukin, nangmah cu kumpi nelah hah tuk hitin keiman sam ing. A tuin kumpi mitmai mu tung hi. Sualnak a um tale that in hitin Joab nelah a hilh ten,
\v 33 Joab in kumpi nelah hawh in a hilh hang, Absalom sam hi. Absalom cu hung in kumpi mai ah lukun bopkhup hi. Kumpi in a mah cu thut hi.
\s Absalom in mi dupdelh ngaihsut mi
\c 15
\p
\v 1 Mah cengten Absalom cu leng te le cipuh te hei hihen, a mai ah a tai tu mihing sawmnga te hei hihen a man sa in um haw hi.
\v 2 Absalom cu khawma no tho in kongka bul ah ding thei hi. Sualnak a nei mipa cu thukhen co tukin, kumpi nelah a hawh ten, Absalom in nang cu ai khuapi pen heng kam tin a dot ten a man topa sila cu Isarel miphun hitin a hilh leh ten,
\v 3 Absalom in na thu cu a dik a pha mi hi. Mah naven na thu cu kumpi pen pan a kuamah thu ngai ma hitin, son thei hi.
\v 4 Veikhat cu keiman hi ngam sungah thukhen tu kumpi hi ta hen. Mah tin a hitale a man mi thu hempoh ka nelah heng in keiman a man mi thukhen tung hitin, son thei hi.
\v 5 Mihing pakhat in U pat nak tuah a nek ten Absalom in khut zak a mah cu a len in thut theih mi um hi.
\v 6 Mah tihcun thukhen co tukin kumpi nelah a hung tu Isarel miphun hempoh, Absalom in bawlin a muhtei thinlung ngu hi.
\p
\v 7-8 Kumli a lawi ten Absalom in kumpi nelah a tum hang, Pathian in kei cu Jerusalem khuapi sungah a pui leh tale Pathian bia tuk cu keiman bawl tung tin na sila cu Syria ngam, Geshur khua ah a um ten thukam bawl zo hi. Mah hang keiman Pathian nelah thukam bawl mi bang, Hebron khuapi ah hawh in thukam bawl tuk thu pia in hitin tih ten,
\v 9 Kumpi in daiden no hawh ta hen hitin, ti hi. Mah ten Absalom cu tho in Hebron khuapi ah hawh hi.
\v 10 Mah hang thu im thei mi Isarel miphun hempoh tei lakah a hah hang, nohten lemle tum aw cu na zak ten Absalom cu Hebron khuapi kumpi khunnak hum ah khung zo tin hilh ta un hitin, thucah hi.
\v 11 Absalom sam mi mihing zanih cu Jerusalem khuapi pen hawh haw hi. A mun ai thu hum tih hei thei ngawlin a pha mi thinlung tuah zui haw hi.
\v 12 David thuvai siampih bawi, Giloh khuapi sungah bikapiak nak a bawl hang Absalom cu sam hi. Absalom nungah a zui tute tam sesem a hih hang donak thu cu ngeng zet hi.
\s David luatnak
\p
\v 13 Thuthang puak tu pakhat in David nelah hung in, Isarel miphun tei thinlung cu Absalom lam ah um zo hitin, hilh hi.
\v 14 David in ohte tho in tai tuk hung, a tai ma tale Absalom khut sung pen luat tuk ma hi, a man lang tul tuk hung. Mah ahima tale a man do cih paih in, ohte haksat nak bawl in khuapi vang nam tuah that tuk tin, Jerusalem khuapi pen a ma nelah a um mi sila hempoh thupia hi.
\v 15 Kumpi sila ten kumpi thukhen nak hempoh te na sila ten bawl tuk tin a hilh ten,
\v 16 Kumpi cu kumpi inn sungsang hempoh te tuah tul hi. Mah hang kumpi in cing tik tukin, zino sawmkhat te zam hi.
\v 17 Mah tihcun kumpi le topa sungah a tel tu hempoh te tul in, khuala pi a hennak mun ah cam haw hi.
\v 18 Sila hempoh ten zui haw hi. Gath khuapi pen a zui tu Gitti miphun zaluk le Chereth miphun, Peleth miphun hempoh te a mai pen hawh haw hi.
\p
\v 19 Mah ten kumpi Gitti miphun Itai cu kohte tuah ita zui hum? Kumpi nelah kik leh in um in hi. Nang cu ngam dang miphun, umnak a kho ngawl mi mikhual hi ci.
\v 20 Zan sun in a hen hang, tuni in kohte tuah mun hempoh ah vak kaw kawi tuk cim maw. Kei cu hawhnak tuk thu a um bang hawh nak hang, nang cu miphun pih te sam in pin in. Hehpih nak le thukam nak um ta hen hitin, ti hi.
\v 21 Itai in Pathian a nun sung hempoh kumpi cu nung tuk hi. Kumpi a nunnak bo hei in hihen, a nung hei in hihen, a umnak mun ah na sila um tuk tin kumpi nelah a hilh leh ten,
\v 22 David in hawh ten hitin Itai cu thu a piak hang, Gitti miphun Itai cu a ma sungah a um mi U pa naupang hempoh te tuah hawh hi.
\v 23 Ngam sung mihing hempoh hawh in kumpi a mah loli Kidron lui tui a tan tale, mi hempoh ten tan in ngamlak lamzin ah zui haw hi.
\p
\v 24 Zadok le Levi miphun hempoh ten Pathian thingkuang pua heng in thingkuang cu koih haw hi. Mi hempoh khuapi sung pen a tul ceng tian, Abithar biakpiak nak bawl in um hi.
\v 25 Kumpi in Zadok sam in Pathian thingkuang cu khuapi sungah hen leh un. Pathian in ka thinlung a tawk tale ka nelah kuat leh in thingkuang hei hihen, a umnak mun hei hihen lak tuk hi.
\v 26 Mah ahima tale nangmah cu ka deihnak um ma hitin, ka nelah a ti tale keimah um ing hi. Deihnak a um mi bangin bawl hen hi tih hei in hihen,
\v 27 Thiampi Zadok in nang cu thiampi hima cim maw. Na capa Ahimaaz le Abithar capa Jonathan, mahmi capa panih cu sam in khuapi sungah daiden no pin ta hi.
\v 28 Nohtei hilh tik mi awnkam a heng laih ngawlin kei cu ngamlak munlawn pen ngak tuk ung tin a tih bang,
\v 29 Zadok le Abithar ten Pathian thingkuang cu Jerusalem khuapi sungah kuat leh in mahmi khuapi sungah um haw hi.
\p
\v 30 David cu kap in, puan lukhup silh, kedam dukin Olive mual hum ah kai hi. A nungpen a zui tu hempoh te puan lukhup in kap haw hi.
\v 31 Absalom cu kilcih in a do tu tei sung pen, Ahithophel a telnak thu cu David in a zak ten Pathian aw, Ahithophel piak mi ngaihsut nak cu a pha ngawl mi ngaihsut nak hitin, thungen hi.
\v 32 Mual hum ah a hen ten David in Pathian cu bia hi. Archi khua mi Hushai in angki cu botkek in, a lu hum ah leivul koih khualmuak tukin hung hi.
\v 33 David in nang cu keimah na zui tale keimah noksak tuk ci.
\v 34 Khuapi sungah pin in Absalom cu kumpi, keiman ka pai nelah sila thuak awng bang topa sungah sila um tuk ung tin a tih ten, Ahithophel piak mi ngaihsut nak cu keima lam ah um in siatsuah thei tuk hi.
\v 35 Khuapi sungah nangmah tuah thiampi Zadok le Abithar um haw hima maw. Mah hang kumpi sung pen zak mi hempoh thiampi te hilh leh tuk hi.
\v 36 A muhtei sungah Zadok capa Ahimaaz le Abithar capa panih um haw hi. Na zak theih mi hempoh mahmi capa hang ka nelah pia in hitin a thupiak mi bang,
\v 37 David ngualcam Hushai cu khuapi ah pin leh hi. Absalom cu Jerusalem khuapi sungah lut tum hi.
\s David le Ziba
\c 16
\p
\v 1 David in mual lek dawm laih no a kal ten Mephiboseth sila Ziba cu laak panih tuah moh zanih a pua tu, cabit bawk a ko zakhat, theipi ngah zakhat, cabit tui thawl khat cu laak hum ah koih in khualmuak tukin hung hi.
\v 2 Kumpi in ai tihbang bawl tukin hi neihnak te keng cim tin Ziba a dong tale Ziba in laak te cu kumpi catei khun tuk, moh le thing ngah te cu tangval tei eih tuk, cabit tui cu ngam sungpen thacawl mitei in tuk hitin, ti hi.
\v 3 Kumpi in na topai capa cu ai lai ah um hum tin a dong tale Ziba in Jerusalem khuapi ah um hi. Tuni in Isarel miphun in kapai uknak ngam cu ka nelah pia leh tuk hitin a tih nak thu a hilh ten,
\v 4 Kumpi in Mephiboseth tuah a seng mi neihnak cu nangma neihnak in cang ta hen tin, Ziba nelah ti hi. Ziba in kumpi sila mai pen mitmai ngah tuk thu hehpih nak tuah bia ing hitin, don leh hi.
\s David in Shimei a tamsiat nak
\p
\v 5 David kumpi in Bahurim khua a hen ten Saul miphun Gera capa Shimei tih mipa cu tamsiat in tul hi.
\v 6 David kumpi le sila hempoh te suang tuah in sep hi. Mihing hempoh te le bawi hempoh te a taklam, a veilam ah um haw hi.
\v 7 Shimei a tamsiat nak thu cu hawh ten, hawh ten. Mihing nunnak a that tu cu mi sual pa,
\v 8 Saul uknak ngam long tukin a hinnam thah mi sualnak hempoh na lu humah Pathian in heng tik in, na uknak ngam cu na capa Absalom khut sungah ap zo hi. Nang cu mihing nunnak that tupa na hih hang zo in hi. Sualnak ngengpi heng zo hitin, ti hi.
\p
\v 9 Zeruaih capa Abishai in mahmi uico thi in kumpi cu tamsiat tuk mi maw. Keimah hawh in a long pen talh hen hitin a hilh ten,
\v 10 Kumpi in Zeruaih cate aw, nohten nang muhte tuah itihbang in seng hum? A man tamsiat ta hen. David tamsiat poh hen tin, Pathian in thucah zo hi. Mah hang nang cu ita hi tihbang in bawl thei cim hitin a kua son kam tih hei in hihen,
\v 11 Zo in hi. Ka pum pi sung pen a suak mi ka capa in keimah that tukin zei hi. Mahmi Benjamin miphun cu mah sang ngawlin phalnak thu um tuk hi. A mah cu um ta poh hen. Tamsiat ta poh hen. Pathian in thucah zo hi.
\v 12 Pathian in ka haksat nak cu zo in tuni a mah tamsiat nak hang, a pha mi thu pia hei pia tuk hi tih hei in hihen, Abishai le ka miphun hempoh tei lakah in ti hi.
\v 13 David nungah a zui tu hempoh te tuah lamzin ah a hawh laih in, Shimei cu David a lang lam ah tamsiat suang tuah sep in leivul tuah vang in theh hi.
\v 14 Kumpi penpan a nungah a zui tu hempoh thacawl in Bahurim khua ah hengin cawl haw hi.
\s Hushai le Ahithophel tei piak mi ngaihsut nak
\p
\v 15 Absalom le mihing hempoh ten Jerusalem khuapi ah hengin Ahithophel vang tel hi.
\v 16 David ngualcam Archi miphun Hushai cu Absalom nelah hungin kumpi na nun khua sau ta hen. Kumpi na nunkhua sau ta hen tin thupha pia hi.
\v 17 Absalom in na ngualcam sungah hi tihbang in hehpih nak bawl maw. Na ngualcam te tuah ita zui ma hum tin Hushai cu a tih ten,
\v 18 Hushai in mah tihcun ti pah sin. Pathian in hi miphun le Isarel miphun hempoh cu a ten mi a ma nelpen keiman lungkim tung hi. A ma nelah um in hi tih hei in hihen,
\v 19 Mihing pakhat a ma nel ah sila um hi. A capa nelah sila a um mi hima maw. Kei cu topai sungah sila um mi bangin topai sungah vang sila um tuk hei in hihen, Absalom nelah in ti hi.
\p
\v 20 Absalom in kohten itihbang in bawl tuk hum tih cu ngaihsut nak pia in hitin, Ahithophel nelah a tih ten,
\v 21 Ahithophel in kumpi umnak cing tik tukin na pa hi zam mi a zino tei umnak mun ah lut tum in hi. Na pai topa cu a nawngkai mi thu Isarel miphun hempoh ten a zak hang, topai lam ah a um tu hempoh ten a khut tha cak haw tuk hitin a tihbang,
\v 22 Kumpi umnak hum ah Absalom ca siling khuh in a man Isarel miphun hempoh tei mai pen a pai zino tei umnak mun ah lut tum hi.
\v 23 Mahmi huncan sungah Ahithophel piak mi ngaihsut cu Pathian nelah a dot hang, a co mi thuphuan mi bang hi. A piak mi ngiahsut nak hempoh cu David le Absalom in thuphuan mi bang in sialsiah thei hi.
\c 17
\p
\v 1 Mah cengten Ahithophel in keiman mihing thawngheinih (12,000) cu teng tung hi. Tuni tak ah hei in keimah tho in David zui tung.
\v 2 A mah cu thacawl thadawm a um laih tak keiman do in a mah lau tik tung hi. A ma sungah a tel mi hempoh te a tai haw hang, kumpi bek that tuk hi.
\v 3 Mi hempoh te topai nelah pui tuk hi. Topa a zei tu pakhat bek ngah tale mi hempoh ten pin leh in daihnak co haw tuk hitin a tih ten,
\v 4 Mahmi awnkam cu Absalom le Isarel miphun kum U pa ten deih haw hi.
\p
\v 5 Mah ten Absalom in Archi miphun Hushai cu sam hi. Ohten a ma awnkam thu ngai tuk hung hitin a tihbang,
\v 6 Hushai a hun hang Absalom in, Ahithophel in hi ngaihsut nak pia zo hi. A ma awnkam thu ngaih tuk kul maw. Bawl kul ma a hitale nangman hilh in tin a tih ten,
\v 7 Hushai in Ahithophel piak mi ngaihsut nak cu a tu hun in lemcang ma hi.
\v 8 A pa le a mihing te cu thazang ngilnak a nei mi a hihnak thu hei hihen, a tuin ngam sung pen vomno a pai mi a pi bangin nasezet thinlung a um thu hei hihen, topan thei hi. A pa vang ngalkap a hih hang, mipi te tuah um langkhat in hihbu thei ma hi.
\v 9 A tuin a mah cu leikua pakhat sungah ngelh in um tuk hi. Mah ahima tale mun dangah ngelh in um tuk hi. Topai mihing hek khat te a man a ma sa do in a thih ten mahmi thuthang a za tupan, Absalom nungah a zui tute cu sung haw zo tin thu thei tik haw tuk hi.
\v 10 Mah ten ngalhang pawpi thinlung bang a nei tupa cu thinkham tuk hi. A pa cu thazang ngilnak a nei mipa a hihnak thu hei hihen, a ma nelah a tel mite cu ngalhan nak a nei mipa a hihnak thu hei hihen, Isarel miphun hempoh ten thei haw hi.
\v 11 Mah hang keiman ngaihsut nak pia tung hi. Dan khuapi pen pan Beersheba khuapi tian Isarel miphun hempoh te a sial ten tuipi mawk philnel zah cu topai nelah hulawm khawm in topa a mah loli ngal do hawh tuk hi.
\v 12 Mah tihcun topa a tawhnak mun pakhat pen a ma nelah a heng tale leihum ah dai tui a cak bang a mah cu khuh in, a mah le a mah sungah a um mi pakhat no hei tang tuk ma hi.
\v 13 A pa cu khuapi pakhat sungah a tum tale Isarel miphun ten khau cu la in, mahmi khuapi sungah suangpum pakhat no hei tang tik tuk ngawlin huakluam sungah dok haw tuk tin a tih ten,
\v 14 Absalom le Isarel miphun hempoh ten, Archi miphun Hushai piak mi ngaihsut nak cu Ahithophel piak mi ngaihsut nak sang pha saw hitin, son haw tuk hi. Itahum titale, Pathian in Absalom nelah haksat nak heng tik tukin, Ahithophel ngaihsut nak cu sia tik tukin thukhen hi.
\p
\v 15 Mah ten Hushai in thiampi Zadok le Abithar cu Ahithophel in hi ngaihsut nak a piak mi thu Absalom le Isarel miphun kum U pa te cu pia hi.
\v 16 Mah hang David nelah a man lang hah in tuni tak in ngam sung munlawn ah um pah sin. A man lang hawh ta un. Mah ahima tale kumpi le mihing hempoh te thihnak ah heng haw tuk tin hilh tuk mi thu a cah hang,
\v 17 Jonathan le Ahimaaz cu khuapi sungah a lut tum tale midang in mu tuk lauthawm nak hang, En-rogel khuapi ah a um laih numei pakhat in a muhte cu hilh in a mun David kumpi umnak mun ah hawh in hilh haw tuk hi.
\v 18 Mah hang naupang pakhat in a muhte mu in Absalom nelah hilh hi. Amun a man lang hawh in Bahurim khuapi inn pakhat ah a tum hang, mah inn sungah a um mi tuikhuk sungah tolh suk in,
\v 19 Numei nu in tuikhuk a khuh cengten cang a pho hang mahmi thu cu lang ma hi.
\v 20 Absalom sila ten mahmi inn ah heng in, Ahimaaz le Jonathan cu ai lai mun ah um haw hum tin numei nu cu a dot ten, numei nu in lui ngalkhat lam ah hawh haw zo tin a son hang, a mun zei in a muh ngawl ten Jerusalem khuapi ah pin leh haw hi.
\p
\v 21 A pin kik leh cengten, Ahimaaz le Jonathan cu tuikhuk sung pen kai to in David kumpi pai nelah hawh in, ngun ngalkhat lam ah a man lang tho in hawh un. Ahithophel in topai a lang lam ah hi ngaihsut nak cu pia zo hitin a tih ten,
\v 22 David le a miphun hempoh tho in Jodan ngun tan haw hi. Zing khua a vak ten a tan ngawl mi pakhat no hei um ma hi.
\v 23 Ahithophel piak mi ngaihsut nak ah a zui ngawl mi thu a muh ten, laak cu a van a bawl tik cengten tho in a ma umnak khuapi a ma inn ah hawh in, a inn sungsang thu a khen cengten a long ah khau awk in thi hi. A pu le pa tei khan mual ah phum haw.
\p
\v 24 David cu Mahanaim khuapi ah heng hi. Absalom in Isarel miphun hempoh te tuah Jodan ngun tuipi cu tan haw hi.
\v 25 Absalom in ngalkap bawi Joab hihnak ah Amasa cu pia hi. A masa cu Joab hi nu Zeruaih nau Nahash canu Abigail tuah a huai mi Ishmael miphun Ithra capa hi.
\v 26 Isarel miphun hempoh te le Absalom cu Gilead ngam ah ngiah buk sat haw hi.
\p
\v 27 David in Mahanaim khuapi ah a hen ten, Ammon ngam Rabbah khua mi Nahash capa Shobi, Lo-debar khua mi Ammiel capa Machir, Gilead miphun Rogelim khua mi Barzillai ten,
\v 28 Mahmi miphun te cu ngam sungah ningkial dangdum cawl em in um haw tin a tih hang, David le a mihing tei eih tuk sangvut, barly cang, moh ngawivam, vannim phan, be,
\v 29 Khuai tui, khuinawi, tuu, tuithuk a khal te tuah zau nak, pakan dai, lei tuah bawl mi khuat te keng haw hi.
\s Absalom a thih nak
\c 18
\p
\v 1 David in a ma sungah a um mihing te sial in thawngkhat uk, zakhat uk te cu pia hi.
\v 2 Mihing sehthum ah sehkhat cu Joab nelah hei hihen, sehkhat cu Zeruaih capa Joab nau Abishai nelah hei hihen, sehkhat cu Gitt miphun Itai nelah hei hihen, ap in keimah loli hawh tung hitin mipi tei lakah ti hi.
\v 3 Mipi ten nangmah loli hawh pah sin. Kohten tai ta vang a mun imah sum sial ngawl in um haw hi. Kohten a langkhen a thi ta vang imah sumsial haw tuk ma hi. Nang cu ohtei thawngsawm te sang ngawlin sunglawi saw hi. Mah hang kei muhte khuapi sung pen a bawm ma ta le pha saw tuk tin, ti haw hi.
\v 4 Kumpi in, kei cu nang muhtei deihnak ah zui tung tin a tih hang, kongka bulah a din ten mi tampi te ngalkap zakhat, ngalkap thawngkhat tuah in hawh haw hi.
\v 5 Kumpi in ka mitmai zo in ka capa Absalom cu pha no bawl haw hen tin Joab, Abishai, Itai te thucah hi. Mah tihcun kumpi in Absalom ca ngal bawi hempoh te thu a cah ten mi hempoh in za haw hi.
\p
\v 6 Mah tihcun mi tampi ten Isarel miphun te do tukin khuapi pawlam ah a tul hang, Epharaim ngam lak sung pen ngaldo dun haw hi.
\v 7 Isarel miphun ten David sila tei mai pen ngal sungin mahmi ni in nasezet a thahnak hang mihing thawngkul thi haw hi.
\v 8 Ngam hempoh ah ngaldo nak hang, mahmi ni in mihing thah mi a thi sangin ngam lak pen a thi tu tam saw hi.
\p
\v 9 David sila ten Absalom cu mu haw hi. A mah cu cipuh khung napi in laak cu Oak thing ngengpi a kangkak nuai ah lut in, Absalom lu cu Oak thingkung ah a awk hang, lei le van lak lawh ah khai leng um in laak cu tai vawk hi.
\v 10 A mu tu mihing pakhat in Joab elah hawh in Oak thingkung sungah, Absalom a khai leng cu keiman mu ing hitin a hilh ten,
\v 11 Joab in nangman na mu ngai tale ita a mah cu dawt in leihum ah khia suk ma kam? Mah tihbang in bawl tale sum heinga le a elpen ken nak tukin khau pia in tin a tih ten,
\v 12 A man, kei cu ka khut sungah sum thawngkhat hei ka nei ta vang, kumpi capa cu bawl thei mang hi. Itahum titale, kohtei zak mi bang kumpi in ka mitmai zo in ka capa Absalom cu bawm ta un tin nangmah le Abishai, Itai te cu thucah hi.
\v 13 Keiman ka bawl tale mah le mah zolin ka nunnak bo zo hi. Kumpi thei ngawl mi thu pakhat no hei um ma hi. Topa cu keima a langlam ah um tuk hitin tih ten,
\v 14 Joab in nangmah tuah kei cu um man tuk mang hitin tiin, cei leng pathum cu kengin Oak thingkung a lai pen a nung laih a um mi Absalom lung pen paihlet in dawt hi.
\v 15 Ngalhiam nam cawi tu cu tangval sawm ten kil in Absalom cu that haw hi.
\p
\v 16 Joab in lemle tum in mipi te a kham hang, Isarel miphun hempoh te a zui nak pen hung leh haw hi.
\v 17 Absalom cu la in ngam sung leikua thukpi sungah khia suk suang tampi delh in seh mun haw hi. Isarel miphun hempoh ten a muhtei inn tekah tai haw hi.
\v 18 Absalom cu a nun laih ka min pai ngawl a cat ngawl kho tukin, capa um ma tin tiin kumpi huakluam sungah a ma ca suang phut in a min tuah a sam hang, tuni tian Absalom nehnak khuam tin sam hi.
\s David a kahnak
\p
\v 19 Mah ten Zadok capa Ahimaaz in Pathian kumpi ngal te a muhtei sualnak bang, thukhen tuk thu keimah tai in thuthang puak tik hitin a nget ten,
\v 20 Joab in tuni cu thuthang hilh pah sin. Nidang ten hilh in hi. Kumpi capa a thihnak thu hang tuni in nangman thuthang hilh pah sin tin a tih cengten,
\v 21 Cushi nelah na muh mi hempoh cu hawh in kumpi nelah hilh ten tin a tihnak bang, Cushi in Joab cu a lukun in tai hi.
\v 22 Mah cengten Zadok capa Ahimaaz in mah naven kei cu Cushi nungpen tai tung tin a nget ten, Joab in lungdam nak thuthang a hih ngawl hang ita tai nuam nge cim tin a dot ten,
\v 23 Tai tik poh in tin a nget leh hang tai ten hitin, thupia hi. Mah ten Ahimaaz cu munlawn lam zin ah tai in Cushi cu ma khelh hi.
\p
\v 24 David cu khuapi kongka thuahnih laklawh ah khung hi. Khuapi cing tu pakhat cu khuapi khan tian nak hum ah a kai to a zoh hang, mihing pakhat a tai li cu a muh ten,
\v 25 Kumpi cu au in hilh hi. Kumpi in pakhat bek a hi tale thuthang pakhat um tuk hitin, ti hi. A mah cu a tai hung in a bulah a hen ten,
\v 26 Khuapi cing tuin a dang pakhat a tai li a muh hang, a dang pakhat a tai in a hung um hitin kongka pi lam hek kik au tale kumpi in a mah cu thuthang hilh tuk hitin, a tih mi um hi.
\v 27 Khuapi cing tuin a mai pen a tai tupa cu Zadok capa Ahimaaz tuah a bang mi cu keiman ngaisung ing tin a tih ten, kumpi a mah cu mipha hi. Thuthang pha hilh tuk hitin, ti hi.
\p
\v 28 Ahimaaz in daihnak um ta hen tin au in, kumpi mai pen leihum ah bopkhup in kumpi do tu miphun te a ap tu Topa Pathian cu thupha um ta hen tin, ti hi.
\v 29 Kumpi in ka capa Absalom haksat nak pen luat maw tin a dot ten Ahimaaz in, kumpi sila Joab in na sila a hah ten buainak thu cu keiman mu naven phatak zet in thei mang tin a tih ten,
\v 30 Kumpi in hi lai bul ah thawn in um in hi.
\p
\v 31 Mah cengten Cushi cu heng in kumpi thuthang puak ing hi. Topa a do tu hempoh te cu Pathian in a muhtei sualnak bangin tuni in thukhen zo tin a tih ten,
\v 32 Kumpi in ka capa Absalom cu haksat nak pen luat maw tin a dot ten, Cushi in kumpi ngal hempoh te nangmah that tukin a do tu hempoh te mahmi tangval pa bangin cang haw ta hen tin, don leh hi.
\v 33 Kumpi in a hehpih nak a nase leita hang khuapi kongka bulah a um mi buk hum ah kai in a um laih tak ka capa Absalom aw, ka capa, ka capa Absalom, nang ma ai in keimah thi ma hi Absalom aw, ka capa, ka capa tin kap hi.
\c 19
\p
\v 1 Kumpi cu Absalom hang kap hi tih cu Joab nelah hilh hi.
\v 2 Mahmi ni in nehnak puai cu mi hempoh ca thasiat nak in cang hi. Kumpi cu capa hang a thinnat nak cu mi hempoh ten mahmi ni in a zak haw hang,
\v 3 Ngaldo nak mun pen a tai tute cu a zakza in daiden no a tai bang khuapi sung daiden tai in tum haw hi.
\v 4 Kumpi in a mai cu khuh in ka capa Absalom aw, Absalom aw, ka capa tin nging zet in kap hi.
\v 5 Joab cu kumpi a inn sung ah tum in topai nunnak pen pan capa le canu, kumpi nu zino hempoh tei nunnak a pan tu na sila te, tuni in zahcak mualpho nak heng tik zo ci.
\v 6 Ngal te it in ngualcam te hua ci. Bawi te, sila te cu imah sumsial ngawl nak thu tuni in ciangzet lang zo hi. Absalom nung in kohtei venghawng tuni in thi ta ahin, thincim saw tuk ci tin tuni in keiman mu ing.
\v 7 A tuin tho in hi. Hung in na sila tei lakah nepnak awnkam thu hilh in. Na hung ma tale tuni tak in na nelah mihing pakhat no hei um tuk ma hi. Mahmi thu cu naupang no laih penpan a tu tian na sungah a cang mite sang in nase saw tuk tin Pathian cu sal in keiman thukam ing hitin a tih ten,
\v 8 Kumpi cu tho in kongka pi ah khung hi. Kumpi cu kongka bulah khung in a um mi cu mi hempoh in a muhten a nelah nek haw hi. Isarel miphun te a muhtei umnak mun ah tai in hawh haw zo hi.
\s Jerusalem khuapi ah David a pin kik lehnak
\v 9 Mah cengten Isarel miphun hinnam hempoh ten, kumpi Philistine miphun ngal tei khut pen kohte cu pan zo hi. A tuin Absalom hang uknak ngam pen tai zo hi.
\v 10 Kohten sathau thih in khaisan mi Absalom cu ngaldo nak puai sung pen thi zo hi. A tuin kumpi cu pui leh tuk ung tin ti ngawlin, ita daiden no in um uh cim tin pakhat le pakhat mawhsiat haw hi.
\p
\v 11 David kumpi in thiampi Zadok le Abithar tei lakah mihing hah in, Judah miphun kum U pa tei lakah hawh in son tuk mi kumpi cu kumpi inn ah het leh tuk mi thu nohten ita khawnu uh cim? Kumpi cu kumpi inn sungah a um laih in Isarel miphun hempoh tei son theih mi awnkam thu za zo hi.
\v 12 Nohten ka U le nau cu ka nguh, ka taksa a hih hang kumpi a het leh tuk mi thu cu ita khawnu hum tih hei hihen,
\v 13 Amasa in nang cu ka taksa, ka nguh sungah a tel mi hima cim maw. Nang cu ka mai pen Joab ai in a cat ngawl in ngalkap bawi na cang ma tale mah bek sial ngawl Pathian in keima sungah bawl hen hi tih hei in hihen, hilh ta un hitin thu cah hi.
\v 14 Mah tihcun Judah miphun hempoh te thinkhat lungcun tik in, a mun topa sila hempoh te tuah topa nangmah loli pin leh in tin, kumpi nelah hilh tik haw hi.
\v 15 Mah ten kumpi cu pin in Jodan ngun ah heng hi. Judah miphun in kumpi cu vaimuak tukin Jodan ngun ngalkhat lam ah hen tukin Gilgal khuapi ah hawh haw hi.
\p
\v 16 Benjamin miphun Bahurim khua Gera capa Shimei cu Judah miphun te tuah David kumpi muak tukin a manlang in hung hi.
\v 17 A mah tuah Benjamin miphun thawngkhat, Saul sila Ziba le a capa heinga, sila kul ten zui in kumpi mai pen Jodan ngun tan haw hi.
\v 18 A tan tutei hawmkuang cu kumpi cate hen tuk in hihen, a deihnak na dek tukin hung haw hi. Jodan ngun cu a tan ten, Gera capa Shimei cu a mai ah bopkhup in,
\v 19 Ka topan keimah sual dantat nak pia pah sin. Kumpi cu Jerusalem khuapen a tul ni in topai sila, ka sual palcat nak thu ngaisung pah sin. Na thinlung sungah khum pah sin.
\v 20 Topai sila ka sualnak cu keiman thei ing. Mah naven Josep miphun hempoh te a masa in, keiman tuni kumpi cu vaimuak tukin hung zo hitin, ti ing hi.
\p
\v 21 Zeruaih capa Abishai in Shimei cu Pathian thu tuah sathau a thih mipa a tamsiat hang, a thah nak thuak tuk hima maw tin a tih ten,
\v 22 David in Zeruaih cate aw, nohten tuni in ka ngal cang tuk mi thu cu keimah ita seng haw hum? Isarel miphun pakhat in tuni in thah nak thuak tuk maw. Keiman tuni in Isarel kumpi hihnak cu keiman thei hima maw tin a tih hang,
\v 23 Shimei in nang cu thah co tuk ma hitin, thukam hi.
\p
\v 24 Saul capa Mephiboseth kumpi vaimuak tukin hung hi. Kumpi a tai ni pen pan daiden no a pin kik leh tian a man a ke te cu tuamlawm ngawl, a khamul met ngawl, a puan sawp ngawlin um hi.
\v 25 Kumpi vaimuak tukin Jerusalem khuapi ah a hen ten, kumpi in Mephiboseth keimah tuah ita zui ma hum tin a dot ten,
\v 26 Kumpi in na sila a khelbai hang, laak khung in topai nelah hawh tukin laak van te bawl tuk a ngaihsut laih tak ka sila Ziba in keimah zol hi.
\v 27 Kumpi nelah na sila in mi ii zo hi. Mah hang kumpi cu Pathian vancung mite bang cang hi. Thinlung a deihnak bangin bawl hi.
\v 28 Ka miphun hempoh ten kumpi mai pen mithi hi haw naven, cabuai ah an ei tute tuah na sila cu umnak mun pia zo hi. Mah hang kumpi nelah ka kah nak thu itihbang in um tuk hum tin a don leh ten,
\v 29 Kumpi in na thu hempoh te ai son tuk um hum? Nangmah le Ziba in lei ngam sem tuk thu, keiman thukhen zo ing hitin, ti hi.
\v 30 Mephiboseth in kumpi cu kumpi inn ah daiden no a hen hang, a man a venghawng hei in la ta hen hitin, ti hi.
\p
\v 31 Gilead ngam mi Barzillai in Rogelim khuapi pen hung in, kumpi cu Jodan ngun ngalkhat ah hen tukin nangmah tuah langkhat in tan hi.
\v 32 Barzillai cu kum sawmliat a kim hang tek zo hi. Kumpi in Mehanaim khuapi ah ngalkap a koih huncan sung hempoh kumpi cu cawm hi. A mah cu hausa zet mipa hi.
\v 33 Kumpi cu keiman zui ing hi. Jerusalem khuapi sungah nang cu keimah tuah keiman cawm tung tin Barzillai nelah thupiak nak a um tale,
\v 34 Barzillai in kumpi pa tuah Jerusalem khuapi ah a hawh tuk thu ka kum ai zong tang laih hum?
\v 35 Tuni in ka kum sawmliat kim zo hi. Pha le pha ngawl cu keiman khenkhuai in thei nang maw. Nai sila an eih in a uuknak tep thei ni cim. La cu pano numei sak mi aw za thei nang maw. Na sila in kumpi cu ita noksak tuk hum?
\v 36 Na sila in kumpi tuah Jodan ngun ngalkhat lam ah dawmlaih zui tung hi. Kumpi in hizah loli in a tam mi laksawng ita pia hum?
\v 37 Na sila in a umnak khua sungah a nu le pa tei khanmual bulah a thih nak tuk thu, pin lehnak thu pia in hi. Mah hang na sila Chimham um hi. Kumpi pa zui tik un. Thinlung a deihnak bangin bawl hen.
\v 38 Kumpi in Chimham cu keimah zui tuk hi. Na deihnak bangin a ma nelah keiman bawl tung hi. Na nget hempoh nangma ca keiman bawl tung hitin, ti hi.
\v 39 Mi hempoh ten Jodan ngun cu tan haw. Kumpi cu a mah loli a tan cengten, Barzillai thut in thupha a piak hang, a man a ma umnak mun ah pin leh hi.
\p
\v 40 Kumpi cu Gilgal khuapi ah hung hi. Chimham in zui hi. Judah miphun hempoh te le Isarel miphun a langkhen ten kumpi cu hen haw hi.
\v 41 Mah cengten Isarel miphun hempoh ten nangmah ngu in, nangmah le na mihing kumpi ca hempoh ita Jodan ngun ngalkhat lam ah hen haw tuk hum tin a tih haw ten,
\v 42 Judah miphun ten, kumpi cu kei muhte tuah ngualcam phial dun hang, hi thu sungah nohten ita thinuuk uh cim? Kumpi in ancang te kohten ei ung maw. Kohten pakhat laksawng pia maw tin Isarel miphun tei lakah son leh haw hi.
\v 43 Isarel miphun in kohten kumpi sungah sawm ah pakhat seng ung hi. David miphun cu nang muhte tuah a peh tuah sang, kei muhte tuah seng haw saw hi. Kumpi het leh nak thu sungah kohte tuah a masa thuvai siam ngawlin ita kei muhte sum sial ngawl in um uh cim tin, Judah miphun te hilh leh haw hi. Mah hang Isarel miphun tei awnkam sang Judah miphun tei awnkam cu kho saw hi.
\s David in Sheba a donak
\c 20
\p
\v 1 Mah ten Benjamin miphun Bichri capa Sheba tih mi misual pakhat um hi. A mah cu lemle tum in, Isarel miphun te aw, ohten David sungah sehkhat no hei seng kha ma hi. Jessi capa cu lo co tak ma hi. Mi hempoh te aw, mai umnak mun tek ah hawh un tin a tih hang,
\v 2 Isarel miphun hempoh ten David nelpen suak tulin, Bichri capa Sheba nungah zui haw hi. Judah miphun te cu Jodan ngun pen Jerusalem khuapi tian, kumpi sungah kho zet in um haw hi.
\p
\v 3 David kumpi cu Jerusalem khuapi kumpi umnak ah a hen ten, kumpi inn cing tik tukin a zam mi a zino sawm te, inn pakhat sungah cing tukin koih hi. A muhte cawm naven phial ma hi. A muhte a thih tian kolh bulh in meivong bangin um haw hi.
\p
\v 4 Kumpi in nithum sung Judah miphun te a hulopkhawm tik cengten, a muhte tuah a mah loli hung tuk hitin, Amasa nelah hilh hi.
\v 5 Amasa cu hawh in Judah miphun tei sosuah mi huncan a tiap luan tik hi.
\v 6 David in Absalom bawl mi sang Bichri capa Sheba sualnak cu bawl saw tuk hi. Na topai sila te sam in a mah cu zui in hi. Mah ahima tale a man a kho mi khuapi pakhat sungah tum in ohtei khut sung pen luat tuk hitin, Abishai nelah a hilh mi bang,
\v 7 Abishai nung pen Joab miphun te le Chereth miphun, Peleth miphun pen pan thazang ngilnak a nei mi hempoh Bichri capa Sheba cu zui tukin Jerusalem khuapi pen tul haw hi.
\v 8 Gibeon khuapi a um suangpi ah a hen haw ten, Amasa cu a muhtei mai ah hawh hi. Joab in a silh mi puan cu a tai ah het in, mahmi a tai het nak hum pen nam cu a nam kawng sung pen dok tul in koih hi. A hawh laih tak in nam cu a tawl in cak hi.
\v 9 Joab in dam a cim ka nau tin Amasa cu thut hem dong in, a taklam khut tuah Amasa hi khamul pen len hi.
\v 10 A veilam khut pen a cawi mi nam cu Amasa in a ngallin ngawl hang, a von pen dawt in leihum ah a ngil te tul hi. Dawt bet leh ma naven Amasa cu thi hi. Joab le a nau Abishai ten Bichri cu hil haw hi.
\v 11 Amasa bulah Joab mihing pakhat ding in Joab le David lam ah a um tupa a hitale Joab nungah zui hen hitin, ti hi.
\v 12 Amasa in lamzin a lai zang ah a thisan noih hi. Lamzin ah a hawh mi hempoh ten ding in a um haw mi cu Joab mihing te a muhten, Amasa cu lamzin pen thiak in lo sungah a thawn ten a puan tuah khuh hi.
\v 13 Mah tihcun lamzin pen a thawn cengten, mi hempoh ten Joab tuah Bichri capa Sheba cu hil haw hi.
\p
\v 14 Joab in Bethmaacah ngam Abel khuapi tian Isarel ngam a um mi hempoh hawh hi. Beri miphun hempoh te hulawm in Joab nungah zui haw hi.
\v 15 Sheba cam nak Bethmaacah ngam Abel khuapi cu kil in khuapi a pawlam khantian nak a lang le langah lei cu dip haw hi. Joab le a miphun hempoh ten khuapi khantian subal haw hi.
\v 16 Mah ten cihnak a nei mi numei pakhat in khuapi sung pen a au mi cu ngai un hi, ngai un hi, keimah cu Joab tuah awnpih thei tukin hung ing tin, Joab nelah hilh un tin a tih mi bang,
\v 17 Joab cu a hun ten numei nu in nang cu Joab hima cim maw tin a dot ten, keimah cu a man mi hitin a tih ten, numei nu in na sila nui awnkam ngai hih un tin, ti hi. Joab in keiman ngai ing hitin a tih ten,
\v 18 Numei nu in a thungai in Abel cu a donnak tuk zei hitin, nidang laih in son thei haw hi.
\v 19 Kohten Isarel miphun sungah sual thu bawl ma hi. Thukam nak a cing tute ung hi. Topan Isarel miphun sungah nu pakhat bek a himi khuapi cu siatsuah tukin zei hi. Pathian lo cu thon tukin ita a deihnak um hum tin a tih ten,
\v 20 Joab in thonnak, siatsuah nak thu ka nelpen kang ta hen. Kang ta hen.
\v 21 Mah tihcun hima hi. Epharaim mual hum pa in Bichri capa Sheba tih mipa in kumpi David cu do zo hi. A mah cu ap un. Ap tale hi khuapi pen keimah cu suak tul tung tin a hilh ten, numei nu in a ma lu cu topai mai ah vawk tuk hitin a tih cengten,
\v 22 Mahmi numei nu cu cihnak a neih mi bangin khua mitei lakah a hawh cengten a muhte cu Bichri capa Sheba lu cu talh in Joab mai ah vawk haw hi. Joab in lemle a tum hang mihing tampi te mahmi khuapi sung pen a muhtei umnak mun ah hawh haw hi. Joab in Jerusalem khuapi kumpi nelah pin haw hi.
\p
\v 23 Joab cu Isarel miphun ngalkap hempoh uktu ngalkap bawi in cang hi. Jehoida capa Benaiah cu Chereth miphun le Peleth miphun te uk hi.
\v 24 Adoram cu siahkhon bawi hi. Ahilud capa Jehosaphat cu laingan tu a ngeng bel uk tu hi.
\v 25 Sheva cu laingan tu cazi pi hi. Zadok le Abithar cu thiampi hi.
\v 26 Jair khua mi Ira cu kumpi sung uk tu hi.
\s Sual hah cengten Pathian thungaih nak
\c 21
\p
\v 1 Mah cengten David khut ah kumthum sung ningkial pam tung nak a um hang, David in Pathian a dot ten Pathian in Gibeon miphun te that tu Saul le mi that thei mi Saul miphun hang hi thu heng zo hitin, thupia hi.
\v 2 Gibeon miphun te cu Isarel miphun hima hi. Amon miphun a tang mite haw hi. Isarel miphun ten a muhte cu thukam nak bawl haw naven, Saul in Isarel miphun te le Judah miphun tei phat nak tuk cingkem in, a muhte that tukin zuamnak tuah tha suah hi.
\v 3 Mah ten kumpi in Gibeon miphun te sam in nohtei ca ai tin bawl tuk hum? Nohten Pathian lo cu thupha pia tukin, ai tin sual hah sak lungkim nak bawl tuk hum tin a dot ten,
\v 4 Gibeon miphun ten kohten a miphun sungah sui le ngun ngen ma ung. Kohtei ca in Isarel miphun pakhat no hei topan that tuk ngawlin hilh leh haw naven, nohtei nget mi bangin keiman bawl tung hitin, ti hi.
\v 5 A mun kei muhte bawl siat in Isarel ngam sungah um tuk ngawl that tukin a zuam tupa hi.
\v 6 Capa Salih cu kei muhtei khut sungah ap in. Pathian ten mi Solomon um nak mun Gibeah khuapi ah a muhte cu kohten Pathian ca taak tuk ung hitin ti naven kumpi in keiman ap tung hitin, thupia hi.
\p
\v 7 Mah naven David le Saul capa Jonathan ten Pathian mai ah pakhat le pakhat thukam a bawl nak hang, kumpi in Saul capa Jonathan a mu tu Mephiboseth cu sahelh hi.
\v 8 Mah hang kumpi in Aiah canu Rizpah hin mi Saul capa Armoni le Mephiboseth panih pen pan Saul canu Merab in, Meholath miphun Barzillai capa Adriel hin mi capa panga cu la in,
\v 9 Gibeon miphun tei khut sungah a ap hang, a mun mual hum pen Pathian mai ah taak in, mahmi mihing salih te cu barly cang ah huncan, nikhat sungin thahnak a thuak hang thi khawng haw hi.
\p
\v 10 Aiah canu Rizpah in cang ah huncan penpan nguahzu laih ngawl tian thangkhau cu la in suang hum ah zau nak tuk phah in, sun huncan ten a luang hum ah vano ten ciam ngawlin, zan huncan ten sahang tei ei tuk ngawlin cing hi.
\v 11 Saul zino Aiah canu Rizpah bawl mi thu cu David in a zak ten,
\v 12 Philistine miphun ten Gilboa mual ah Saul cu that a luang taak in Beth-shan lamzin pen nguk mi Gilead ngam, Jabesh khuapi tei umnak mun ah kumpi cu hawh in Saul nguh le a capa Jonathan nguh la in,
\v 13 Mahmi umnak mun pen a puak hang a tak mitei nguh te vang a khop cengten,
\v 14 Benjamin ngam Zelah khua, Saul pa Kish khanmual ah phum in kumpi thucah mi bangin a bawl cengten, ngampi ca thunget nak cu Pathian in ngai hi.
\s Philistine miphun te tuah do dunnak puai
\p
\v 15 Mah cengten Philistine miphun ten Isarel miphun te do in, David le a sila te muak in a do dun haw laih tak David cu cawl hi.
\v 16 Ishbi-benob in cuai thum a ngit mi dal cei cawi in, ngalkap vanthuam a thak silh in David that tuk in ngaisung hi.
\v 17 Zeruaih capa Abishai in bawm in Philistine miphun te that hi. Mah ten David miphun ten, Isarel miphun vaknak bo tuk hitin lauthawm nak a um hang, topan kei muhte tuah ngaldo leh tuk ngawl in thukam nak hilh haw hi.
\p
\v 18 Mah cengten Gob khuapi pen Philistine miphun ten ngal a do laih tak Hushath miphun Sibbecai in pumpi ngeng miphun Saph cu that hi.
\v 19 Mah cengten Gob khuapi pen Philistine miphun te ngal a do haw laih tak Bethlehem khua mi Jaar-oregim capa Elhanan cu thiampum ngolh tia a ngeng mi ceipi kung a mang tu Gitt miphun Goliat nau Lachamih cu that hi.
\v 20 Mah cengten Gitt khuapi ah ngaldo laih tak a ding sang in a khut a langah khutkak paluk ten a nei mi, ke pakhat in kekak paluk a nei mi a venghawng kom kul luanli a nei mi Rephim miphun pakhat in,
\v 21 Isarel miphun a do ten David U Shammah capa Joathan in a mah cu that hi.
\v 22 Mahmi a mu pali ten Gitt khuapi sungah a um Rephim mi ngeng capa a hih hang, David le a sila tei khut in thi haw hi.
\s David thangphat nak
\c 22
\p
\v 1 David in Saul kumpi a ngal hempoh tei khut sung pen Pathian pat nak le a hehpih nak a ngah ten Pathian mai ah a hilh mi la cu,
\v 2 Pathian cu ka suang, ka khuapi khantian nak, keimah pan tu Topa,
\v 3 Ka Pathian, ka muan mi thazang ngilnak, keimah humhim tu, keimah pan tu ki, ka buknak innpi, ka belhnak mun, keimah nunpan tu Topa hi. Topan bawl siatnak sung pen keimah pan hi.
\q
\v 4 Thangphat a taak mi Pathian cu keiman ngen in, ngal tei khut sung pen nunpat nak ah heng hi.
\q
\v 5 Thihnak huih pi theu ten keimah kiim in siatsuah thei mi tui lunnak hang, keiman lau ing hi.
\q
\v 6 Thihnak hell ngam khau ten kiim in thihnak thang cu keimah awk hi.
\q
\v 7 Mah tihcun keiman haksat cimnak ka thuak ten Pathian sam in Pathian cu au ing. Samnak aw cu biakinn sung pen za in, aunak aw cu a beng sungah tum hi.
\q
\v 8 Mah ten a thinuuk hang, leipi cu hing in vanhum a nguhzung te hing susuih thawn haw hi.
\q
\v 9 A nal sung pen meikhu tulin a kam pen mei a alh hang, meiling cu alh hi.
\q
\v 10 Vanhum cu bawng in a tolh hang, kephalh nuai ah khuathim in cang hi.
\q
\v 11 Cherubim cu khung in leng hi. Huih ha te cu lang hi.
\q
\v 12 Khuathim a thuk zet mi tuipi sah a bang, meingo te Topa’n kham tik hi.
\q
\v 13 A mai pen vaknak hang meiling alh in um hi.
\q
\v 14 Pathian in vanthum tikin Pathian aw cu hah hi.
\q
\v 15 Thalcang te kap khuaphe lep tik in, ngal te cu mun hempoh ah khen in sung tik hi.
\q
\v 16 Mah ten Pathian in a mawhsiat hang, a nal sung pen a haihawh ten tuipi nuai ah leipi khuam bulpi a zung te honsak in lang hi.
\q
\v 17 A humlam umnak mun pen a khut zak in, a thuk zet mi tuipi sung pen keimah pan hi.
\q
\v 18 Keimah hua tu ten, keimah zuam in neh thei tuk ngawl in thazang ngilnak tuah ngal tei khut sung pen keimah pan zo hi.
\q
\v 19 Haksat nak huncan sungah a mun kham naven, Pathian cu ka belhnak mun a hih hang,
\v 20 Kei cu a zal nak mun ah pui hi. Keimah a ihnak hang pan hi.
\q
\v 21 Dikcang nak ka neih mi bang, Pathian in thupia in ka khut thiangtho a pha mi laksawng pia hi.
\q
\v 22 Itahum titale kei cu Pathian lamzin a cat ngawl in zui ing. Ka Pathian nelpen sualnak tuah hawh mang hi.
\q
\v 23 A thukhen nak hempoh cu ka mai ah um hi. A thupiak mi hempoh pen pial tuk ngawl in hi.
\q
\v 24 A mai pen dikcang nak tuah ka sual cu pial ing hi.
\q
\v 25 Mah hang a mai pen a lang mi ka dikcang nak, a thiangtho mi hihnak cu Pathian in ka sungah phatnak pia zo hi.
\q
\v 26 Mi hehpih thiam tupa cu Topan hehpih nak lungmu hei hihen, midik pa cu dikcang nak lungmu hei hihen,
\v 27 Mi thiangtho pa cu a thiangtho mi lungmu hei hihen, mi do tupa cu donak lungmu tuah lak tuk hi.
\q
\v 28 Niamkhiak nak a nei mite Topan pan in, pualthau mingal te zawt dem tukin zoh cik leng hi.
\q
\v 29 Pathian aw, Topa cu ka meikhuat hi. Pathian in khuathim cu vak tik hi.
\q
\v 30 Keiman Topa cu muang in ngal te siatsuah zo ing. Ka Pathian cu muang in khuapi khantian lek in tum zo ing.
\q
\v 31 Pathian thukhen nak cu cangkim hi. Pathian thukam cu kho hi. A mah a muang tu hempoh tei himnak hi.
\q
\v 32 Pathian a mah sial ngawl a dang Pathian um ma hi. Ohtei Pathian sial ngawl a dang suang um ma hi.
\q
\v 33 Mahmi Pathian cu ka thazang ngilnak, ka huham a hih hang ka hawh nak lamzin tuang tik hi.
\q
\v 34 Ka ke cu sazuk ke bang manlang tik in kei cu a sang nak mun ah koih hi.
\q
\v 35 Ka khut cu ngaldo nak thu sungah nung tuk hilh in, dal cu ka khut thawmlian tuah keiman koih thei ing.
\q
\v 36 Topa in nunpat nak luphaw cu ap in a hehpih nak tuah keimah a khaisan nak hang heng ing.
\q
\v 37 Ka hawh nak lamzin a sialh sak hang ke sik tawl bah tuk ngawlin,
\v 38 Ka ngal ten hil in siatsuah nak hang, a muhte ka thah khawng lak lawh tian pin kik leh mang hi.
\q
\v 39 A muhte cu ka ke nuai ah lum in a um hang tho leh thei tuk ngawl in bawl ing.
\q
\v 40 Itahum titale ngaldo tik tukin Topa’n keimah cu thazang ngilnak tuah ka tai ah het in, ka langlam pen a tho tu hempoh te a ke nuai ah lum hi.
\q
\v 41 Keimah a hua tu ka ngal tei long cu keima sungah ap in siatsuah nak thu pia hi.
\q
\v 42 A mun a au haw ten nunpan tu um ma hi. Pathian cu a au ta vang don ma hi.
\q
\v 43 Mah ten keiman a muhte leivul bang nuai cengten, lamzin hum pen buak bang sik pek in cil ing.
\q
\v 44 Mihon pi tei do dun nak pen keimah pan in, miphun dang tei U pa bawi cang tik tukin a cingkep hang, ka theih awng ngawl mipi hon ten ka nelah sila thuak hi.
\q
\v 45 Miphun dang ten keima nelah hehpih kun in ka awnkam thu a zak cu a ngei ngawlin ngai haw hi.
\q
\v 46 Thim zo hang a belhnak mun pen can tawtok in suak tul haw hi.
\q
\v 47 Pathian cu a nung mi a hih hang, ka suang sungah thupha um ta hen.
\q
\v 48 Ka nel pen a dik a man mi thukhen hang, mihon pi te ka nuai ah a khia suk tupa cu Pathian hi.
\q
\v 49 Ngal tei khut pen keimah pan hi. Ka langlam pen a tho tu hempoh hum ah Topan keimah khaisang in, siatsuah thei thu a khut sung pen pan hi.
\q
\v 50 Mah hang Pathian aw, kei cu miphun dang tei sung pen lungdam thangphat nak son in, a min cu thangphat in lasa tung.
\q
\v 51 Pathian in a piak mi kumpi cu nunpan tu ngalbuk nak innpi hi. Sathau thihnak a co tu David in a miphun cu a tu le kumkhua a hehpih nak bawl hi.
\s David a dawl bel awnkam
\c 23
\p
\v 1 David hilh mi a dawl ta bel awnkam cu Jakop miphun Pathian thu tuah sathau thih a co hang, minthan nak a nei tu Isarel miphun sungah a hum bel in la sa thiam Jessi capa David hilh mi kamsang awnkam cu,
\v 2 Pathian hawvang in keimah hilh hi. A thu awnkam cu ka kam sungah um hi.
\q
\v 3 Isarel miphun Pathian, Isarel miphun suang in keimah a hilh mi cu miphun te uktu in a man mi thu tuah thukhen in Pathian launak tuah uk hi.
\q
\v 4 Meingo uap ngawl, ni suak ngawl mi zinglam vak nak bang in hihen, nguahzu cengten ni a suak tul hang, leihum ah a po mi hampa dawn bang in cang tuk hi.
\q
\v 5 Ka miphun hinnam cu Pathian mai pen a kho mi hima maw. A man mi thukhen hang, a sia thei ngawl mi kumkhua thukhaam cu keimah tuah bawl zo hi. Mahmi thukhaam cu cangkim copnak um ma ven, keimah nunpat nak thu, ka lungkim nak thu hi.
\q
\v 6 Misual hempoh te khut tuah hei len tuk ngawlin, vawk mi lingkung bang in cang haw tuk hi.
\q
\v 7 Vawk mipa cu thik angki le cei a man hang, lingkung a po umnak mun sungah hei meihal co tuk hi.
\s David ngalkap ngalhang te
\p
\v 8 David na dek tu ngalkap thazang ngilnak a nei mitei min cu Tachmon miphun Joshebbasshebeth cu ngalkap bawipi hi. A mah cu cei pi cawi in mihing zathum veikhat do in that thei hi.
\p
\v 9 A ma nungah Ahohi miphun Dodo capa Eleazer cu David tuah a zui tu ngalhang mihing pathum sungah a tel mipa hi. Ngal do tukin hulawmkhawm mi Philistine miphun te do in Isarel miphun te nunglam ah a kih ten,
\v 10 A mah cu a khut kha in nam cu ngaingam tian tho in Philistine miphun te a thah hang, Pathian in mah ni in nasezet nehnak a bawl hang, a mun ngal tei neihnak long tukin kik leh haw hi.
\p
\v 11 A nung pen Harari miphun Agee capa Shammah um hi. Philistine miphun ten cang cin nak lo sungah hulawm in Isarel miphun te a tai haw ten,
\v 12 A man lo lai ah ding in a bop ten Philistine miphun te a thah hang, Pathian in nasezet nehnak bawl hi.
\p
\v 13 Ngalkap bawi hon sungah a tum mi mihing pathum ten, cang ah huncan sungin David umnak mun Adullam kua sungah tolh in, Philistine miphun te Rephim huakluam ah ngiah buk sat haw hi.
\v 14 Mah ten David cu ngal buk nak sungah um in, Philistine miphun ten Bethlehem khua sungah ngiah buk sat haw hi.
\v 15 David in mihing pakhat cu Bethlehem kongka pi bulah a um tuikhuk sung pen tui cawi in, keimah pia in hitin dangdum nak thinlung tuah a tih ten,
\v 16 Mahmi ngalhang mihing pathum ten, Philistine ngalkap te siatsuah in Bethlehem khuapi kongka bulah a um mi tuikhuk sung pen tui a cawi cengten David nelah pua haw hi. Mah naven David in, in ngawl Pathian mai ah lei in,
\v 17 Pathian aw, hi tui in mi thu cu ka nelpen kang tik in. Hi tui cu Topai nunnak sahelh ngawlin, a hawh tu a muhtei thisan hima maw tin, a tih ten in ngawlin um hi. Mahmi ngalhang mihing pathum ten mah tihbang mi thu bawl haw hi.
\p
\v 18 Zeruaih capa Joab nau Abishai in ngalhang mihing pathum sung pen a ngeng bel hi. A man cei cu cawi in mihing zathum te do in a thah hang, ngalhang mihing pathum sung ah a tel mi hi.
\v 19 Ngalhang mihing pathum sung pen a sunglawi bel mi hima maw. Mah hang ngalkap bawipi cu ngah hi. Mah naven a pakhat nak ngalhang te pha ma hi.
\p
\v 20 A cuang in a bawl awng mi Kabzeel khua mi ngalhang, Jehoaida capa Benaiah cu pawpi tuah a bang ve mi Moab miphun mihing panih that hi. Phalbi huncan ten mundang ah hawh in leikua sungah a um mi pawpi cu that hi.
\v 21 A lamdang mi Izip miphun vang that hi. Izip miphun pa cu cei cawi in, Banaiah cu thiangkhut bek cawi hawh naven, Izip miphun tei khut sung pen cei cu a lon sak cengten, mahmi cei tuah in a mah cu that hi.
\v 22 Mah tihbang mi thu te Johoiada in capa Banaiah bawlin ngalhang mihing pathum sungah umnak co ngah hi.
\v 23 Ngalkap bawi te sang sunglawi saw naven, a pakhat nak ngalhang pathum te pha zo ma hi. David in sungkua pumpi cing tu ngengbel hihnak pia hi.
\p
\v 24 Joab nau Asahel cu ngalkap bawi sungah a tum tupa hi. Mah bang bok Bethlehem khua ah a um mi, Dodo capa Elhanan,
\v 25 Harodi miphun Shammah, Harodi miphun Elika,
\v 26 Palti miphun Helez, Tekoi miphun Ikkesh capa Ira,
\v 27 Anethoth miphun, Abiezer, Hushath miphun Mebunnai,
\v 28 Ahoh miphun Zalmon, Netophath miphun Maharai,
\v 29 Nethophath miphun Baanah capa Haleb Benjamin miphun Gibeah khuapi ah a um mi Ribai capa Ittai,
\v 30 Pirathoth miphun Baanaih, Gaash huakluam mi Hiddai,
\v 31 Arbath miphun Abi-albon, Barhum miphun Azmaveth,
\v 32 Shaalbon miphun Eliahba, Jashen capa tei sung pen Jonathan,
\v 33 Harari miphun Shammah, Harari miphun Sharar capa Ahiam,
\v 34 Maachath miphun Ahasbai capa Eliphelet, Gilon miphun Ahithophel capa Eliam,
\v 35 Carmel miphun Hezrai, Arbit miphun Paarai,
\v 36 Zobah miphun Nathan capa Igal, Gad miphun Bani,
\v 37 Ammon miphun Zalek, Zeruaih capa Joab ngalhiam nam keng tangval Beeroth miphun Naharai,
\v 38 Ithri miphun Ira, Ithri miphun Gareb,
\v 39 Hit miphun Uriah a venghawng kom sawmthum le salih kim hi.
\s Ngalhang te David sialnak
\c 24
\p
\v 1 Mah cengten Pathian in Isarel miphun cu a thinuuk ten, Satan in a do hang Isarel mihing le Judah miphun te sial tik tukin David cu sosuah hi.
\v 2 Kumpi in mihing aizong um hum tih keiman thei tukin Dan khuapi pen pan Beersheba khuapi tian Isarel ngam sungah a um mi hempoh hawh in, mihing sial in hitin a ma nelah a um mi ngalkap bawi Joab cu thu pia hi.
\v 3 Joab in Topa Pathian miphun te a thuah in a let zakhat a pung tik hang, ka topa kumpi mu tukin hi thu cu ita deih hum tin kumpi nelah ti hi.
\v 4 Mah naven, a thupiak mi cu Joab awnkam tuah ngalkap bawi tei awnkam a neh hang, Joab le ngalkap bawi ten mipum sial tukin a ma nelpen tul haw.
\v 5 Jodan ngun tan in Gad huakluam ah a um mi Aroer khuapi nisuah nak lam, Jazer khuapi bulah ngiah buk sat haw hi.
\v 6 Gad ngam, Tahtim ngam, Danjan ngam a kal cengten Sidon ngam a kiim hawh in,
\v 7 Tyre khuapi ngalbuk nak ah hei hihen, Hiv khuapi te, Kanaan khuapi hempoh ah heng in Judah ngam hanglam, Beersheba khuapi pen cawl haw hi.
\v 8 Mah tihcun ngam sung hempoh ah hawh in hakuah le nikul cengten Jerusalem khuapi ah heng haw.
\v 9 Joab in mihing hempoh cazin cu kumpi nelah pia in, Isarel miphun sung pen nam cawi thei ngalhang mihing tingliat (800,000), Judah miphun sung pen mihing tingnga (500,000) um haw hi.
\p
\v 10 David in mipum a sial cengten sual a sih hang, ka bawl mi thu sungah sual zet ing. Pathian aw, Topa sila sualnak son sak in. Kei cu misual mi hi zo ing hitin Pathian nelah ngaihthiam ngen hi.
\v 11 David cu zinglam huncan a hen ten, Pathian thu cu David kamsang Gad nelah heng in,
\v 12 David nelah hawh in. Thu pathum na nelah lak tung hi. Na nelah ka bawl tuk pakhat teng tuk citin Pathian thupiak mi cu hilh in hitin a tihnak bang in,
\v 13 Gad cu David nelah hawh in ngam sungah kumthum sung ningkial pam tung tik maw. Mah ahima tale ngal ten hathum sung hil in topa’n tai tuk maw. Mah ahima tale ngam sungah nithum sung pulnat heng tik tuk. Ka hah mi a ma nelah keiman itihbang hilh leh tuk hum tih ngai sung in hitin, ti hi.
\v 14 David in kei cu a neu mi um nak mun ah heng zo ing hi. Pathian khut ah heng ta hen. A hehpih nak cu ngeng zet hi. Mihing khut sungah heng tik pah sin hitin, Gad cu don leh hi.
\p
\v 15 Mahmi ni zinglam pen pan a tiap mi huncan tian, Pathian in Isarel miphun sungah pulnat a hah ten, Dan khuapi pen Beersheba khuapi tian mihing thawngsawm salih (70,000) thi haw hi.
\v 16 Vancung mi in Jerusalem khuapi siatsuah tuk hitin a khut a zak ten, Pathian in mahmi haksat nak hang sih kik nak nei in tawk zo hi. Na khut dok leh ngawn in hitin mihing siatsuah tu vancung mi cu thupia hi. Mah ten Pathian in vancung mi cu Jebus miphun Araunah cangcil nak lo bulah um hi.
\v 17 Mihing te dan tat tu vancung mi cu David in a muhten, kei cu sual kha zo ing hi. Hi tuu te itihbang in bawl nen tim? A khut cu keimah le ka miphun sungah heng ta hen tin, Pathian nelah ngen hi.
\s David in biakpiak nak taitan a bawlnak
\p
\v 18 Mahmi ni in Gad cu David nelah heng in topa hung in hi. Jebus miphun Araunah cangcil nak sungah Pathian ca biakpiak nak taitan bawl tuk hitin,
\v 19 Pathian thupiak mi a hilh bangin David cu hawh hi.
\v 20 Mah tihcun kumpi sila te tuah a hung mi Araunah in zo in a muh ten, a pawlam ah tulin kumpi mai pen a lukun bopkhup in,
\v 21 Ka topa kumpi cu topa sila umnak mun ah ita heng hum tin a dot ten, David in a miphun tei sungah pulnat haksat nak dai tik tuk Pathian ca biakpiak nak taitan bawl nuam hang, na cangcil nak lei tukin hung ing hitin a tih ten,
\v 22 Araunah in ka topa kumpi in thinlung deih nak a um bang la in biakpiak nak bawl in hi. Meihal biakpiak khui tampi um hi. Thing ai in cangphol, khui tuah a seng mi van te vang um hitin David nelah a tih ten,
\v 23 Na hempoh te kumpi nelah ap in, Topa Pathian topan co hen hitin, ti hi.
\v 24 Kumpi in mahtih cun keiman la tuk mang hi. A man pia in lei tung hi. Mai sum bo ngawlin ka Topa Pathian meihal biakpiak nak pia nuam mang hitin Araunah nelah a tih hang, sum sawmnga pia in mahmi cangcil nak le khui te a lei cengten,
\v 25 Mahmi umnak mun ah Pathian ca biakpiak nak taitan bawlin meihal biakpiak nak, pawlkom biakpiak nak te pia hi. Pathian in Isarel ngam ca a thunget mi awnkam ngai in pulnat haksat nak cu dai tik hi.