cnw_reg/08-RUT.usfm

\id RUT
\ide UTF-8
\rem The text in this file was extracted from C:/DCS/Chin, Ngawn/WORD/8. Ruth. docx.
\mt Ruth
\h Ruth
\mt Ruth
\toc1 Ruth
\toc2 Ruth
\toc3 rut
\s Nomi le Ruth
\c 1
\p
\v 1 Thukhen tu uktu hun can tang laih in Isarel ngam sungah ningkial pampi tung hang, Judah ngam Bethlehem khua mi pakhat in a nupi le ca panih nei in Moab ngam ah khualzin tuk in hawh hi.
\v 2 A pai min cu Elimelech, a nupi min cu Naomi, a capa panih tei min cu Mahlon le Chilon hi. A muhte cu Judah ngam, Bethlehem khuapi Ephrate khua mi a hih hang, Moab ngam ah hawh in um haw.
\v 3 Naomi pasal Elimelech thi in a nupi le a capa panih tang hi.
\v 4 A caten Moab ngam Orpah le a dang Ruth min a nei mi numei panih tuah huai dun nak bawlin, mahmi ngam ah kum sawm pawl a um cengten,
\v 5 Mahmi ca panih Mahlon le Chilon te thi in, Naomi cu ca nei ma hi. Pasal um ngawl in um hi.
\v 6 Mah cengten Pathian in a miphun te zo tukin a hen ten, moh a piak nak thu cu mahmi numei in Moab ngam pen a zak ten, Moab ngam pen pin leh tuk a mo nu panih tuah tho in,
\v 7 A cam nak mun pen a tul cengten, Judah ngam sungah heng nuam in hawh haw.
\v 8 Mah hang a mo panih tei lakah nohten na nu tei lakah pin leh ngawn ta un, a thisa mitei nelah hei hihen, ka nelah hei hihen, hehpih nak a bawl bang Pathian in nohtei sungah hephpih nak bawl ta hen.
\v 9 Nohtei panih cu dawl ta pasal tei inn ah hausa in um tuk thu Pathian in bawm ta hen hitin, a muhte cu thut hi. A mun aw suah kap in,
\v 10 A thungai kohten Topa tuah Topa miphun sungah zui tuk ung hitin, ti haw.
\v 11 Naomi in ka canu te aw, pin ngawn ta un. Kei mah tuah ita zui tuk nge uh cim? Nohten pasal nei tuk in ka von sungah capa um laih maw.
\v 12 Ka canu te aw, pin ta un, kei cu ka kum vang luan in pasal tuah um tuk mawi leh ma zo, mah ahima tale muansan nak um laih tin kei man ka ti hei in hihen, tuni zan pasal nei tuk hei in hihen, capa te hing tuk hei in hihen,
\v 13 Mahmi capa te a khan tuk tian ngak tuk cim maw. Pasal nei ngawl a muhte muang tuk uh cim maw. Ka canu te aw, mah tihcun cang thei ma hi. Pathian khut cu kei man kalh sak hi tih cu nohtei ca in kei man hehpih nak thinlung nei ing hitin a tih ten,
\v 14 A mun aw suah kap leh leu haw. Mah ten Orpah in a tek nu cu thut in a miphun tei lakah pin hi. Ruth cu a tek tuah um tung hitin, ti laih hi.
\p
\v 15 Naomi in na U nu cu a miphun pih, a pathian pih tei lakah pin zo hi. Na U nui nungah zui ten hitin a tih ten,
\v 16 Ruth in kei man Topa cu zamsan tik pah sin. Na nungah zui tuk ngawlin le pin kik leh tuk in bawl pah sin. Topa aw na hawh nak hempoh ah kei man zui tung. Topa aw na zau nak hempoh ah kei mah zau bok tung. Topai miphun cu ka miphun, Topa Pathian cu ka Pathian in cang hen.
\v 17 Topai thihnak ah kei mah vang thi in phum tung. Thihnak sial ngawl thu dang hang, Topa tuah kei man khen tale Pathian ka nelah mah sang in a tam saw bawl hen hitin, ti hi.
\v 18 Ruth in zui tukin khohkhah zet thinlung a um mi cu Naomi in thei naven daiden no in um hi.
\p
\v 19 Mahmi a mu panih cu khualzin hawh in Bethlehem khua sung a hen ten, khuapi sung hempoh lung zet in a um hang, hi mipa cu Naomi hima maw tin dong haw hi.
\v 20 A man Naomi tin sam pah sin. Mara tinsam in. Huham thawmngeng a nei tu Topan kei mah cu a kha zet mi thu pia zo hi.
\v 21 Kei cu hausa cangkim nak tuah tul ing hi. A tuin haksa zawngzet in kei mah bek umnak pen, Pathian in kei mah hen leh zo hi. Pathian in kei mah do in thawmngeng Topan kei mah a haksat tik hang, Naomi min tuah ita kei mah cu sam haw hum tin hilh leh hi.
\v 22 Mah tihcun Moab ngam pen a zui tu Moab ngam miphun a mo nu Ruth tuah Naomi cu heng leh in, barly cangah hun can ten Bethlem khua sungah heng haw.
\s Milian Boaz le Ruth a tawh dunnak
\c 2
\p
\v 1 Naomi pasal Elimalech miphun hinnam sungah sum ngah thei zet mihing pakhat um hi. A min cu Boaz hi.
\v 2 Moab ngam miphun Ruth in kei cu lo sungah hawh in thinlung tuah a tawk mi pai nung pen, cang a sang at tik in hitin Noami nelah a nget ten, Noami in hawh ten ka ca nu tin, ti hi.
\v 3 Ruth in hawh in cang ansang a a tang te at tukin, Elimalech miphun Boaz neih mi lo sungah phawk khak ngawl in um hi.
\v 4 Mah ten Boaz cu Bethlem khua pen heng in, Pathian cu nangmah tuah um ta hen hitin ansang at tu cu a tih ten a mun, Topa Pathian in thupha pia ta hen hitin, don leh haw hi.
\v 5 Boaz in mahmi numei cu a kua tuah seng hum tin lo sila nadek tupa a dot ten,
\v 6 Lo sila na dek tupan Moab ngam pen Noami tuah a zui tu Moab numei nu hi.
\v 7 A man, kei cu cangat tu tei nung cangtel khopnak sung pen a tang mi cang at tukin phal nak ngen tuk a luh tum hang, zinglam pen pan in a tuin buk sungah a um mi hun can tian bawl zo ing hitin a tih cengten,
\v 8 Boaz in Ruth cu sam in ngai in. Ka canu, a dang lo ah vang hawh in ansang te at pah sin. Hi umnak mun pen tul ngawlin ka sila tei sungah um in.
\v 9 A muhtei ah mi lo cu zo in a muhtei nungah zui in. Tangval ten noksak tuk ngawl in kei man thucah zo ing. Dang ko tale tui bel koih nakah hawh in tangval tei cawi mi tui cu in in hitin a tih ten,
\v 10 Ruth in leihum ah a lukun bia in, kei cu miphun dang hih hang Topan kei mah a sialsiah nak thu, itihbang thinlung tuah tawk tuk hum tin, ti hi.
\v 11 Boaz in na pasal thih cengten, nangman na tek nu cawm nak hempoh hei hihen, nang cu nu le pa hinnak khua le ngam zam in, a masa theih awng ngawl mi ngam ah hennak thu hei hihen, ka nelah pha tak in hilh haw zo.
\v 12 Na bawl mi phat nak cu Pathian in pia ta hen. Nang cu a ha nuai ah himnak co tuk in a nek tu Isarel miphun, Topa Pathian in a cangkim laksawng pia ta hen hitin a tih ten,
\v 13 Ruth in Topa aw kei cu na mai pen mitmai ngah hen. Kei cu Topai sila te tuah a bang ve ngawl in Topan hi leihum awnkam tuah hilh in kei mah cu nem hitin, ti hi.
\p
\v 14 Boaz in an eihnak hun can heng zo hi. Hung in moh ei un. Pung sung tui ah nim in hitin a tih mi bang, cangat tute tuah a khun ten, Boaz in vannim phan a piak hang a man khampek in a eih cengten zam laih hi.
\v 15 Ansang at tukin a hawh ten, Boaz in tangval tei lakah numei nu cu cangtel hulop nak pen a tang mi cu la hen hitin, mualpho zahcak nak bawl pah sun.
\v 16 Ah sa cang a hek khat te a ma ca tuk koih in. La ta hen. Mawhsiat nak bawl pah sun hitin, thucah ta hi.
\p
\v 17 Ruth in mahmi lo sungah zanlam tian ansang a ah sa mite cu a cil cengten, barly cang epha pakhat hawng tuk um hi.
\v 18 Mahmi cang la in khuapi sungah a luh tum hang, a ah mi cang cu a tek nu nelah lak hi. An khampek in a eih cengten a tang laih mite vang lak hi.
\v 19 A tek nu in tuni a lai mun ah ansang at thei kam? A lai mun ah bawl thei kam? Na sialsiah mipa cu thupha um ta hen hitin a tih ten, Ruth in tuni cu ka bawl mipa’i min cu Boaz hitin a tek nui nelah a hilh ten,
\v 20 A tek nu in a nung mipa a thi mitei sung pen a hehpih nak a bawl le leng thei tu Pathian in, a mah cu thupha pia ta hen hi tih hei in hihen, a mah cu ohtei suahpih a nai bel miphun pih a hih hang in hihen, a mo nu cu hilh hi.
\v 21 Mahmi pan ka cang ah nak thu a celhtian ka miphun sungah um in hitin a tih nak thu vang, Moab numei nu Ruth in za in a son ten,
\v 22 Noami in ka canu, nang cu a sila te tuah phial cu pha hi. A dang lo ah nangmah cu midang ten nehsiah tuk hitin, a mo nu Ruth nelah a hilh bang in,
\v 23 A man barly cang, sangvut cang ah nak thu a celh ten Boaz sila te tuah um in, ansang te at in a tek nu tuah um hi.
\s Cangcil nak sungah Ruth le Boaz
\c 3
\p
\v 1 Mah cengten a tek nu Noami in ka canu nang cu colh hahdam tukin daih nak thu kei man na ca in zei thei mang hi.
\v 2 Na phialpih mi ohtei Topa Boaz cu ohtei miphun pih hima maw. Tuni zan ten cangcil nak sungah barly cang khep in um hi.
\v 3 Nang cu tibual, sathau noih, van silh nak te na bawl cengten cangcil nak ah hawh in. A mah cu an a eih ceng laih ngawl in nangmah le nangmah cu lak pah sin.
\v 4 A zau ten a zau nak cu sialsiah cengten lut tum in, a ke khuh mi puan hon sak cengten zau in, nangmah cu itihbang in bawl tuk hum tih cu a man hilh tuk hitin a tih ten,
\v 5 Ruth in a nu hi thucah mi hempoh bawl tuk in lungkim nak tuah,
\v 6 Cangcil nak mun ah hawh in a tek nui thucah mi bang bawl hi.
\v 7 Boaz cu an ei in lungdam nak tuah cangtel hulopkhawm nak mun bul ah hawh in a zau ten, Ruth in daiden no nek kuh in a ke a khuh mi puan cu a honsak cengten zau hi.
\v 8 Zan ngil hun can ten pano cu lau in a hek kik hang, numei cu a ke bul um hi tih a theih ten,
\v 9 Nang a kua kam tin a dot ten, kei cu Topa sila Ruth ing. Topa, ten theih mi miphun pih hihnak hang, Topa sila kei mah cu puan lek a mawk tuah khuh in hitin a tih ten,
\v 10 A man ka canu, Pathian in thupha pia ta hen. Nang cu sum ngah thei mi tangval, mizawng mi tangval, mihing pakhat um pih ngawl in um hang, a masa in bawl mi hehpih nak sang dawl ta in bawl mi a hehpih nak cu ngeng saw hi.
\v 11 Lau pah sin ka canu. Na nget mi hempoh kei man bawl tung. Nang cu nuncan ziaza tuah a kim numei na hihnak thu, ka miphun ah a um mi khua sung hempoh in thei hi.
\v 12 Kei man ten theih mi miphun pih cu a man mi hi. Mah naven kei mah sang ten nak a nei saw mi pakhat cu um laih hi.
\v 13 Tuni zan cu um hih in hi. A man, ten theih mi miphun pih na bawl nuam tale bawl hen. Pha hi. A bawl nuam ma tale Pathian a nung mi bang in kei man bawl tung hi. Zing khua vak tian zau hih in hitin, ti hi.
\p
\v 14 Ruth in zinglam tian a ke bulah a zau cengten, pakhat nung pakhat theih theih mi hun can a hen laih ngawlin tho hi. Pano vang in numei cu cangcil nak ah hung hi tih cu a kua mah thei tik pah sin hitin, ti hi.
\v 15 Mah cengten nangma nelah a um mi puan cu la in phah in hitin a tihnak bang, Ruth in phalh in barly cang ko Ome cu tehin a ma hum ah a koih hang, a mah cu khuapi sungah hawh hi.
\v 16 A tek nui nelah a hen ten a tek nu in ai tihbang uh kam tin a dot ten, a ma nelah a ma bawl mi hempoh hei hihen,
\v 17 A man nang cu na tek nui nelah khut thacang hawh pah sin hitin tiin, barly cang ko Ome a piak nak thu hei hihen son hi.
\v 18 A tek nu in ka canu hi thu cu itihbang in tawp tuk hum tih cu na theih lak lawh khung in hi. Pano in tuni hi thu cu ceng ngawl in dai den no um pah sin hitin, ti hi.
\s Ruth in Boaz huai
\c 4
\p
\v 1 Mah ten Boaz cu khuapi kongka ah hawh in a khun hang, zan tak in son mi miphun pih a hawh nak thu cu a muhten, ngualcam pa aw kik leh in khung hih in hitin a sam ten, a man kik leh in khung hi.
\v 2 Mah cengten khua sung kum Upa sawm sam in, hi lai ah khung hih in hitin a tihbang in a muhte cu khung haw hi.
\v 3 Miphun pih te vang Moab ngam ah a pin leh mi Noami cu kohtei U Elimelech neih mi lei ngam te zuak tuk hang,
\v 4 Nangmah cu kei man thei tik in, ngam sung miphun te kohtei miphun sungah kum Upa tei mai ah lei ten hitin son tuk in ngaihsut nak um hi. Nangman na tan leh nuam tale tan leh in. Na tan nuam ma tale kei ma nelah son leh in hi. Nangmah sial ngawl a tan thei tu um ma hi, nangma nungah kei mah um hitin a tih ten, a miphun pih pa’n kei man tan tung hitin, ti hi.
\v 5 Boaz in mahmi lo cu Noami khut sung pen a lei mi ni in, a thi tu pai lo co nak tuah a ma min cu zo tuk in, a nupi Moab miphun numei Ruth cu lei laih hitin a tih ten,
\v 6 A miphun pan kei cu kei ma ca tuk tan thei mang hi, tan thei tale ka lo co mi neih nak cu sia tuk lau nak um hi. Kei man ka tat theih ngawl hang ka tat theih mi thu cu nang ma ca tuk tan in hitin, hilh hi.
\p
\v 7 Isarel dan tatnak thu, neihnak thek leh thu kho tik tukin mihing pakhat pan a ke dam duk in, pakhat pa ap nak a neih mi dan um hi. Mah tihcun bawlnak hang Isarel miphun sungah theihpih nak a thu kho hi.
\v 8 Mah hang miphun pih, nangma ca tuk lei in hitin Boaz cu tiin a kedam duk hi.
\v 9 Boaz in Elimelech neihnak, Chilon neihnak, Mahlon neihnak hempoh Noami khut pen kei man lei in,
\v 10 A thi mi pan a min cu a U le nau tei sung pen in hihen, a ma um nak khuapi kongka pen hihen, pai tik tuk ngawl in, a ma lo hang a ma min cu suang tuk Mahlon nupi Moab numei nu Ruth cu ka nupi cang tuk in, ka leinak thu nohten tuni theihpih uh ci tin kum Upa te, mi hempoh tei lakah hilh hi.
\v 11 Kongka pi ah a um mi kum U pa te, mi hempoh ten kohten theihpih ung hi. Na inn ah a heng mi hi numei nu cu Isarel miphun din tu numei panih, Rachel le Leah te bang a hihnak thu Pathian in bawl ta hen. Nangmah vang Ephrate umnak ah thazang ngilnak tuah dim in, Bethlem khua sungah minthan nak um ta hen.
\v 12 Khang no hi numei in Pathian piak mi anci hang, na miphun hinnam cu Judah nupi Tamar hin mi Perez miphun hinnam bang cang ta hen hitin, ti haw hi.
\s David tu le canawn
\p
\v 13 Boaz in Ruth cu huai in a pawldun ten, Pathian hehpih nak hang Ruth cu naupai in capa hing hi.
\v 14 Numei ten Noami cu nangmah a tuam lawm tu na miphun pih pa cu tuni in a that ngawl tu Pathian in thupha pia ta hen. A tuin na co mi miphun pih vang Isarel miphun sungah minthan nak co ta hen.
\v 15 A man na nunnak a puah tu, na kum a ham ten nangmah pha tak zet tuamlawm tuin cang ta hen, nangmah cu it in capa salih sang nangma ca a pha saw mi na mo nu in capa no cu hing zo hitin, son haw hi.
\v 16 Noami in mahmi nau no cu la pompai in cawi hi.
\v 17 Inn nel pih numei ten, Noami in capa no hing zo hitin tiin, mahmi capa no cu Obed tin a min sa haw hi. Obed capa cu Jesse hi. Jesse capa cu David hi.
\p
\v 18 Perez tu le canawn te cu Perez capa, Hezron,
\v 19 Hezron capa Ram, Ram capa Amminadab,
\v 20 Amminadab capa Nahson, Nahshon capa Salmon,
\v 21 Salmon capa Boaz, Boaz capa Obed,
\v 22 Obed capa Jesse, Jesse capa David hi.