cnw_reg/05-DEU.usfm

\id DEU
\ide UTF-8
\rem The text in this file was extracted from C:/DCS/Chin, Ngawn/WORD/5. Deuteronomy. docx.
\mt Danpiaklehnak
\h Danpiaklehnak
\mt Danpiaklehnak
\toc1 Danpiaklehnak
\toc2 Danpiaklehnak
\toc3 deu
\s Horeb umnak mun pen tul in thupiaknak
\c 1
\p
\v 1 Tupi munlawn Jodan ngun mawk Suph khuapi ngalkhat lam Paran khuapi, Tophel khuapi, Laban khuapi, Hazeroth khuapi, Dizahab khuapi a laizang ah Mosi in Isarel miphun tei lakah a hilh mi awnkam te a hilh leh mi cu,
\v 2 Kadesh-barnea umnak mun cu Seir mual lamzin Horeb umnak mun pen ni heikhat khualzin khuala hi.
\v 3 Kum sawmli kim, ha heikhat ha, nikhat ni in Pathian thupiak mi bang Isarel miphun tei lakah Mosi hilh mi thu cu,
\v 4 Heshbon khuapi ah a um Amor kumpi Sihon hei hihen, Edrei ngam Astatoth khuapi ah a um Bashan kumpi Og hei a thah cengten,
\v 5 Moab ngam Jodan ngun mawk pen Mosi in dan thukham a hilh mi cu,
\v 6 Ohtei Topa Pathian in Horeb umnak mun pen ohtei lakah thu a hilh mi cu nohten hun can a kim tian hi mual hum ah um zo uh ci.
\v 7 Vak kawkawi in khualzin ta un. Amor mual ah hei hihen, mahmi mual tuah a nai mi umnak, munlawn, mualtuan, huakluam, hanglam, tuipi mawk lam ah hei hihen, Kanaan ngam, Lebanon mual, Euphrate ngun tuipi tian hei hawh ta un.
\v 8 Mahmi ngam cu nohtei mai ah kei man koih zo ing. Pathian in nohtei pu le pa Abraham, Isak, Jakop ten a muhtei miphun lakah pia tung hitin, a thukam mi ngam cu lut tum in long haw tuk hitin, thupia hi.
\s Lamhuai tute a piaknak
\p
\v 9 Mah ten nohtei lakah ka hilh mi nohtei thu cu kei mah pakhat bek in pua zo mang hi.
\v 10 Nohtei Topa Pathian in nohte pung zai tik in nohte a sial ten vanhum aksi bang tu ni in cang uh ci.
\v 11 Nohtei pu le pa Topa Pathian in nohte cu a let thawng tampi tuah pungzai tik ta hen. Thukam a um mi bang thupha pia ta hen.
\v 12 Nohtei cawlnak, na deh nak, hauhdun nak van cu kei mah pakhat bek in itihbang pua thei tuk hum?
\v 13 Cihthiam nak tuah a dim in U pat nak a nei mite cu nang muhtei sung pen ten sak un. A muhte cu uktu hihnak ah kei man pia tung hitin a hilh ten,
\v 14 Nohten topai hilh mi bang bawl tuk ung tin don leh haw hi.
\v 15 Mah hang nohtei miphun sungah U pat taak mi U pa, cih nak a nei mite cu ka ten cengten nohtei sungah uktu a bawl mi mihing thawngkhat uk, zakhat uk, sawmnga uk, sawmkhat uk tih bang in pia tung hi.
\v 16 Thukhen tu tei lakah vang nohtei U le nau thu cu ngai in miphun pih thu buai tawk in hihen, miphun dang te tuah thu buai tawk in hihen, a thuman in khen sak un.
\v 17 Thukhen ten a kua mah mit mai zo pah sin. Naupang awnkam cu U pa awnkam bang in ngaisung tuk. Itihbang mihing hei lau pah sin. Itahum titale Pathian cu thukhen tu hi. Bulpak in thu na khen theih ngawl mi thu cu ka nelah hawhpih in. Kei man ngai tung hitin, thu cah hi.
\v 18 Nohtei bawl tuk mi thu hempoh mahten kei man thu cah zo ing.
\s Ngam zo tute a hahnak
\p
\v 19 Kohten Horeb umnak mun pen tul cengten, Amor mual ah hawh mi lamzin bul cu a lauhuai zet mi a hih hang, nohtei muh mi philnel ngam ko a laizang ah ohtei Topa Pathian thupiak mi bang hawh in, Kadesh-barnea ah heng haw.
\v 20 Mah ten kei man ohtei Topa Pathian piak mi Amor mual ah nohte cu heng zo uh ci.
\v 21 Nohtei Topa Pathian in uknak ngam cu nohtei khut sungah koih zo. Nohtei pu le pa Topa Pathian thupiak mi bang kai in long un. Lau nak neipah sun. Na thin vang kham pah sun hitin, thupia hi.
\v 22 Mah ten nohtei venghawng ka nelah nek in kohtei mai ah mihing te hah tuk hi. A mun mah mi ngam cu a zoh cengten, kohten ai lai lamzin pen hawh an ai khuapi heng tuk hum tih cu hilh haw tuk hitin,
\v 23 A hilh mi awnkam cu ka deih hang nohtei sung pen miphun pakhat ah pakhat, mihing heinih teng hi.
\v 24 A mun mual hum ah vak kawkawi hawh in Eshool luam ah a hen ten zo haw hi.
\v 25 Mahmi ngam sung pen thing ngah cu pua in kohtei Topa Pathian piak mi ngam cu a pha mi ngam hitin hilh haw naven,
\s Pathian donak
\v 26 Nohten hawh ngawl nohtei Topa Pathian thu piak mi do in,
\v 27 Pathian in kei muhte hua in a siatsuah nuam hang, Amor miphun tei khut sungah ap tuk in Izip ngam pen pui zo hi.
\v 28 Kohten ai lai mun ah hawh tuk hum? U le nau ten mahmi ngam miphun te cu kei muhte sang in ngeng saw hi. A ding vang sang saw hi. Khuapi cu van tawngkha tian khantian vang um hi. Mahmi ngam sungah vang Anak miphun te mu ung tin kohten thinkham zo tin, nohten deubuk sung pen do in bawl haw hi.
\v 29 Mah ten kei man lau pah sun, a muhte cu lau pah sun.
\v 30 Nohtei mai ah a heng mi nohtei Topa Pathian in nohten a tu huncan Izip ngam pen hei hihen,
\v 31 Nohtei zui mi lamzin hempoh hi umnak mun tian a pan a capa a cawi bang, nohtei Topa Pathian in nohte cawi in a hehpih co nak ngamlak pen hei hihen, nohtei ca tuk a bawl mi bang nohei lam ah ngaldo bawm tung hitin ti naven,
\v 32 Nohtei deubuk umnak mun zei in nohtei hawh nak lamzin lak tuk in zan ten mei tuah in hihen, sun ten meingo tuah in hihen, nohtei mai ah a hawh tu,
\v 33 Nohtei Topa Pathian awnkam thu nohten um ma uh ci.
\p
\v 34 Nohtei aw Pathian za in a thinuuk ten,
\v 35 A pu le pa tei lakah kei man pia tung hitin, ka thukam mi ngam pha cu Jephunneh capa Caleb sial ngawl, hi tihbang a pha ngawl mi miphun pakhat no hei mu mang hi.
\v 36 A mah cu Pathian nungah a zui hang mu hi. A palnak ngam cu a mah penpan a tu le canawn tei lakah kei man pia tung hitin, thukam mi hi.
\v 37 Nohtei ca Pathian in kei mah vang a thinuuk hang, nang cu mahmi ngam ah lut tum tuk ma ci.
\v 38 Nangmah bawm tu Nun capa Joshua cu tum tuk hi. A mah cu Isarel miphun lo co tik tupa a hih hang, a mah cu tha pia in hi.
\v 39 Ngal ten long in um tuk hitin nohtei son mi naupang te, mahten sia le pha khenkhuai thei laih ngawl mi canu le capa ten, mahmi ngam cu tum in ka piak mi bang in long haw tuk hi.
\v 40 Nohte cu kawn in Edom tuipi lamzin tuah ngam sungah khualzin hih ta un tin, thupia hi.
\p
\v 41 Nang mun, kohten Pathian cu sual kha zo ung. Kohtei Topa Pathian thupiak mi hempoh bang, a tu hawh in ngaldo hawh tuk ung tin ka nelah a tih ten, mi hempoh ten ngal hiamnam cawi in mual hum ah kai tuk a mansa in um haw hi.
\v 42 Pathian in kai to do pah sun. Nohtei lam ah kei mah um mang hi. Na do uh tale ngal tei mai ah thi tuk uh ci tin, nohtei lakah hilh tuk in ka nelah thu a piak mi bang,
\v 43 Kei man hilh ta vang nohten ngai ngawl Pathian thupiak mi do in thinlung khoh in mual hum ah kai uh ci.
\v 44 Mah ten mual hum ah a um sa mi Amor miphun ten, nang muhtei lam ah tul in khuaibawm a hil mi bang nang muhte hil in Seir umnak mun Hormah tian siatsuah haw hi.
\v 45 Nang muhte vang kik leh in Pathian mai ah kap uh ci. Mah naven nohtei awnkam cu Pathian in ngai ma hi.
\v 46 Mah hang, Kadesh um nak mun pen a masa um bang ngeipi um leh uh ci.
\s Ngam sungah a vah vaihnak
\c 2
\p
\v 1 Pathian in ka nelah thu a piak mi bang, kohten a kawn in Edom tuipi lamzin pen ngam sungah khuazil tuk hawh in Seir mual ah ngeipi vak vai ung hi.
\v 2 Pathian in ka nelah a hilh mi thu cu,
\v 3 Nohten huncan kim tuk in hi mual hum ah vak vai zo uh ci. Saklam ah cun hawh hih un.
\v 4 Nangman mipi tei lakah thu na piak tuk mi cu nohtei U nau Esau miphun tei umnak Seir ngam bul ah nohte na hawh uh ten a mun lau haw tuk hi. Mah hang ngalling un.
\v 5 A muhte cu bawl hihim pah sun. A muhtei ngam cu nohtei lakah kei man pia mang hi. Ke sihnak tuk hei pia mang hi. Seir mual cu Esau ta tuk in kei man pia zo ing.
\v 6 Nohtei eih tuk an hei hihen, in tuk tui hei hihen, a muhtei lakah sum tuah lei tuk uh ci.
\v 7 Nohtei bawl mi hempoh nohtei Topa Pathian in thupha pia zo. Hi ngam tupi sungah nohtei vah vaih nak thu te thei hi. Kum sawmli sung nohtei Topa Pathian cu nang muhte tuah a um hang, nohtei sungah imah kul ma hitin, hilh hi.
\v 8 Seir ngam ah a um mi ohtei U nau Esau miphun tei bul pen hawh in Elath khuapi, Ezion-gaber khua pen hawh mi munlawn lamzin zui in, mah cengten kik leh Moab ngam lak lamzin pen hawh haw hi.
\v 9 Pathian in Moab miphun te noksak pah sun. Ngaldo pah sun. A muhtei ngam cu nangmah kei man pia mang hi. Ar ngam cu Lot miphun te kei man a co tuk in pia zo ing hitin, ka nelah hilh hi.
\v 10 Ni dang laih in Anak miphun te bang mi ngeng a ding sang tampi mihing Elim miphun te cu mahmi ngam sungah um haw hi.
\v 11 A mun Anak miphun te bang mihing a ngeng zet miphun a hih nak cu mihing tampi ten ngaisung haw hi. Mah hang Moab ngam miphun ten a muhte cu Emim tin sam haw hi.
\v 12 Ni dang laih in Hor miphun te vang Seir ngam sungah um haw. A muhte cu Esau miphun ten that in a muhtei umnak ah um haw hi. Mah bang bok Pathian co tuk a piak mi ngam cu Isarel miphun ten bawl haw.
\v 13 A tu tho in Zered lui cu tan un tin a hilh bang nohten Zered lui cu tan uh ci.
\v 14 Kadesh-barnea umnak ah a masa huncan pen pan Zered lui tan mi hun can tian kum sawmthum le kumliat val hi. Pathian thukam mi bang a masa ngalkap miphun hempoh mihing a venghawng thi khawng haw hi.
\v 15 A muhte a pai khawng laih ngawl in Pathian in a muhte cu a venghawng sung pen that tukin a khutzak hi.
\p
\v 16 Ngalkap hempoh mi honpi sung pen a thih cengten,
\v 17 Pathian in ka nelah a hilh mi cu,
\v 18 Nang cu Moab ngam, Ar ngam a lai zang pen tu ni in hawh tuk ci.
\v 19 A mor miphun tei bul na hen ten, a muhte noksak nak bawl pah sin. Bawl hihim pah sin. Amor miphun tei umnak ngam cu na co tuk in kei man pia mang hi. Mahmi ngam cu Lot miphun tei co tuk in kei man pia zo ing hitin, ka nelah hilh hi.
\v 20 Mahmi ngam vang mihing ngengp tei umnak hitin, mihing tampi ten ngaisung haw hi. Ni dang laih in mah tihbang miphun te um haw hi. A muhte cu Moab miphun ten Zamzum’mim tin sam haw hi.
\v 21 Mahmi miphun cu Anak miphun te bang ngeng le ngeng in a sang vang sang zet in mihing tampi um haw. Mah naven a muhtei mai pen Pathian in that khawng hi. A mun a muhte neh in a mu umnak ah um haw.
\v 22 Mah naven Seir ngam sungah a um Esau miphun tei mai pen Hor miphun te cu Pathian in a thah khawng hang, a mun neh in a muhtei umnak mun Esau miphun te cu tuni tian um haw hi.
\v 23 Mah bang bok Hazerim khuapi pen pan Azzah khuapi tian a um awng mi Caphto miphun te cu, Caphtor khuapi pen tul Cophtor miphun te that in a muhtei umnak ah um haw hi.
\v 24 Nohten tho in khualzin nak hang, Arnon ngun tuipi cu tan un. Amor miphun, Heshbon kumpi Sihon le a lei ngam cu nohtei khut sungah ka piak hang, mahmi lei ngam long in a kum pi cu do un.
\v 25 Van hang nuai ah a um miphun hempoh ten tu ni tian lau tuk in kei man bawl tung. Nohtei thuthang za in hing tawtok launak ah heng tuk haw tuk hitin, thupia hi.
\s Heshbon kumpi Sihon ngal sunnak
\p
\v 26 Kei cu Kedemoth ngam sung pen Heshbon kumpi Sihon nelah kamtai thuthan tu hah in,
\v 27 Kumpi pai ngam laizang pen kei muhte hawh tik in hi. Lamzin pi bek zui tung ung. Vei lam, taklam ah pial tuk ma ung hi.
\v 28 Kohtei sungah na bawl mi bang kohtei eih tuk an hei hihen, in tuk tui hei hihen, kumpi aw sum tuah zuak in hi.
\v 29 Seir ngam sungah a um mi Esau miphun, Ar ngam sungah a um mi Moab miphun ka nelah na bawl mi bang, kohtei Topa Pathian a piak mi ngam ah kei man Jodan ngui tuipi tan in hen laih ngawl tian, kumpi ngam a laizang pen ke tuah hawh theihnak tuk bawl in hitin pawlkom nak awnkam tuah ti naven,
\v 30 Kei muhtei nget mi thu cu Heshbon kumpi Sihon in pia ma hi. Itahum titale tuni tian a lang mi bang nohtei Topa Pathian in kumpi cu nohtei khut sungah ap tuk in thinlung khohnak, lunglian nak lungmu cu koih zo ing hi.
\v 31 Pathian in Sihon kumpi le a lei ngam cu nangmah pia ing hi. Mahmi lei ngam lo co tuk in long pan un hitin, thupia hi.
\v 32 Mah ten Sihon kumpi in a miphun te tuah Jahaz khuapi ah kei muhte do tukin tul haw hi.
\v 33 Kohtei Topa Pathian in mahmi kumpi cu kohtei lakah a ap zo hang a mah pen pan a cate, miphun hempoh te kohten that ung hi.
\v 34 Mah ten a khuapi hempoh te do in pano, numei naupang hempoh pakhat no hei tang ngawlin that haw hi.
\v 35 Nganhing te, khua sungah in khut tuah a lak theih mi neihnak bek cu a mu ca tuk la haw hi.
\v 36 Arnon ngun tuipi bul ah a um mi Aroer khuapi pen pan Gilead khuapi tian khuapi pakhat no hei um ma hi. Ohtei Topa Pathian in ihempoh ohtei sungah ap zo hi.
\v 37 Mah hang Amor miphun tei umnak lei ngam, Jabbok ngun tuah a seng mi lei ngam, mual tuan khuapi ah a um ohtei Topa Pathian kham mi pakhat no hei in nek ngawl in um haw hi.
\s Bashan kumpi Og ngal sunnak
\c 3
\p
\v 1 Mah ten kohten a kawn hel in Bashan ngam ah khualzin ung hi. Bashan kumpi Og cu a miphun hempoh te tuah Edrei umnak mun ah ngaldo tuk ngam thok haw hi.
\v 2 Pathian in a mah cu lau pah sin. A mah le a miphun hempoh te hei in hihen, a lei ngam hei hihen, na khut sungah kei man pia tung hi. Heshbon khuapi ah a um Amor kumpi Sihon bawl mi bang hi kumpi vang bawl tuk ci tin, ka nelah hilh hi.
\v 3 Mah tihcun ohtei Topa Pathian in Bashan kumpi Og le a miphun hempoh te, kohtei khut sungah a ap hang pakhat no hei tang ngawl in that haw hi.
\v 4 Mah ten kei mun khuapi sawmluk tuah a dim mi Argob ngam, Bashan kumpi Og uknak ngam cu khuapi pakhat no hei tang ngawlin do ung hi.
\v 5 Mahmi khuapi ah a um tu hempoh ten a sang mi khuapi khantian, khuapi kongka te, kongka kilh nak te tuah a kho mi khuapi hi. Mah bek sial ngawl khua tampi te vang do in that khawng haw hi.
\v 6 Heshbon kumpi Sihon bawl mi bang mun hempoh ah numei, pano naupang hempoh that khawng haw hi.
\v 7 Nganhing te, khua sungah khut tuah lak theih mi hempoh neih nak te la ung hi.
\v 8 Mah ten Arnon ngun tuipi pen pan Hermon mual tian Jodan ngun nisuah nak lamah a um mi lei ngam cu kohten long zo ung hi.
\v 9 Hermon mual cu Sidon miphun ten Sirion tih hei in hihen, Amon miphun te cu Shenir tih hei in hihen, sam haw hi.
\v 10 Munlawn ah a um mi khuapi te le Gilead ngam sung hempoh Og kumpi uknak ngam sung a tel Salchah khuapi, Edrei khuapi tian Bashan ngam sung hempoh cu long haw hi.
\v 11 Mi ngeng zet miphun sung pen a suak mi Bashan kumpi Og pakhat bek tang hi. Mihing tong tuah in teh tale a sau lam tongkuah, a zal lam tong li a um mi a ma ihkhun zaunak cu Ammon ngam, Rabbath khuapi ah um hima maw.
\s Lei ngam a semnak
\p
\v 12 Mah ten kohtei lon mi lei ngam cu Arnon ngun bulah a um mi Areor khuapi pen pan Gilead mual a lang khen tian khuapi tuah Reuben miphun, Gad miphun tei lakah kei man pia ing hi.
\v 13 Gilead mual a langkhen le Og kumpi uknak ngam sungah a tum mi, mi ngengpi miphun tei umnak tin sam mi Argob ngam, Bashan ngam hempoh Manasseh miphun a lang te kei man pia ing.
\v 14 Manasseh miphun, Jair cu Argob ngam hempoh Geshuri khua, Maachathi khua tian a lon cengten, tuni tian a ma min cu Bashan-havoth-jair ngam tin sam hi.
\v 15 Gilead khuapi cu Machir miphun tei lakah kei man pia ing.
\v 16 Reuben miphun, Gad miphun te cu Gilead khuapi pen Arnon ngun tian, ngun tuipi a kuih mi lei ngam tuah Amon ngam a himi Jabbok ngun tian lei ngam hempoh hei hihen,
\v 17 Mun lawn le Jodan ngun bul Chinnereth umnak mun pen mun lawn tuah a seng mi Sadom tuipi mai, Ashdoth-pisgah khuapi tian lei ngam hempoh hei hihen, kei man pia ing.
\p
\v 18 Mah ten kei man, nohtei Topa Pathian in hi lei ngam cu nang muhtei co tukin pia zo ing. Mah hang ngaldo a thiam mi hempoh in ngal hiamnam cawi in nohtei U nau Isarel tei mai ah hawh tuk uh ci.
\v 19 Mah naven nohtei zi le ca naupang te, nganhing te ka piak mi ngam ah um tuk uh ci. Nohtei sungah nganhing tampi um hi tih cu kei man thei ing.
\v 20 Pathian in nohtei lakah hauhsak nak a piak mi bang, na U le nau tei lakah a piak laih ngawl sung hempoh hei hihen, Jodan ngun ngalkhat lamah nohtei Topa Pathian piak mi lei ngam cu nohten na lon laih ngawl tian hei in hihen, hi thu cengten ka piak mi bang nohtei venghawng na co uh mi lei ngam ah pin leh tuk uh ci tin, nohtei lakah kei man thu cah ing hi.
\s Jodan ngun tan tuk ngawl in Mosi a khamnak
\v 21 Mah ten Joshua in, na Topa Pathian in kumpi panih tei bawl mi thu hempoh te na mit loli in mu zo ci. Mah bang bok Pathian in na hennak ngam hempoh ah bawl tuk hi.
\v 22 A muhte cu lau pah sun. Na Topa Pathian cu nangma lam ah ngaldo bawm tuk hitin, ka nelah thu cah hi.
\p
\v 23 Mah ten Pathian nelah kei man hehpih ka nget mi cu,
\v 24 Topa Pathian aw, na sila cu huham hei hihen, thazang ngilnak khut tuah hihen, a lak nak bawl pan zo hi. Vanhum le leihum ah a kon Pathian bang bawl thei tuk hum?
\v 25 Kei cu Jodan ngun ngalkhat lam ah tan in, mah a pha mi ngam le Lebenon mual pen pan a mawi mi mual te mu tukin thu pia in hitin ka ngen ta vang,
\v 26 Pathian in nohtei ca kei mah a thinuuk tik hang ka awnkam ngai ma hi. Pathian in tawk ngawn hen. Hi tuah a seng mi awnkam son leh toh pah sin.
\v 27 Pisgah mual hum ah kai in nisuah, nitum, sak, le hang zo in mahmi ngam zo in Jodan ngun cu tan ma hi.
\v 28 Mah hang Joshua cu thu cah in thapia in hi. Bawm in hi. A mah cu hi miphun tei mai ah hawh in, na muh mi ngam lo co tik tuk hitin, ka nelah thu hilh hi.
\v 29 Mah tihcun kohten Beth-peor khuapi ngalkhat munlawn ah um ung hi.
\s Thukham zui tukin thungai in
\c 4
\p
\v 1 Isarel miphun te aw, nohte nung in nohtei pu le pa tei biak mi Topa Pathian piak mi ngam cu tum tukin, nohtei zui tuk ka hilh mi dan thukham cu ngai un.
\v 2 Ka thu cah mi awnkam sungah nohten a thak bet tuk ma. A Lawl vang lawl tuk ma. Ka thu cah mi bang nohtei Topa Pathian thukham cu cingkem tuk uh ci.
\v 3 Pathian in Baal-peor hang a bawl mi thu cu nohten mu zo uh ci. Baal-peor a bia tu hempoh nohtei Topa Pathian in nohtei sung pen that khawng zo hi.
\v 4 Nohtei Topa Pathian a bia tu hempoh te tu ni tian nung haw hi.
\v 5 Nohten hawh in na tum uh mi ngam sung pen zui tuk in ka Topa Pathian thu cah mi bang, dan thukham te nohtei lakah kei man hilh zo ing.
\v 6 Mah hang, mahmi thukham te cingkem un. Mah tin na cingkem uh tale mahmi dan thukham hempoh a za tu miphun tei mai pen, nohtei theihnak cu lang tuk hi. A mun hi a sunglawi miphun te cu a thungai cih thiam theihnak tuah a dim miphun hitin, son haw tuk hi.
\v 7 Kohten thunget nak hempoh ah ohtei Topa Pathian hehpih cingkep nak a co bang, a danglam mi Pathian cingkep hehpih nak itihbang miphun pi in thuak zo tuk hum?
\v 8 Kei cu tuni in nohtei lakah koih mi dan thu hempoh tuah a dik mi dan thukham a co tu itihbang miphun pi um hum?
\p
\v 9 Nohten Horeb umnak mun pen nohtei Topa Pathian mai ah na din uh ten, bulpak in muhmi thu hempoh phawhngilh theih ma hi. Na nun sung na thinlung sungah khum tuk mi thu cu mah le mah ngalling in um un. Mah le mah ngalling ta un. Na thinlung zuamnak tuah cingkem ta un. Mahmi thu cu na tu le canawn tei lakah hilh un.
\v 10 Mah ten Pathian in miphun hempoh te ka nelah hulawm tik in. A mun hi leihum a nun sungin kei mah cu lau in a tu le canawn tei lakah thu hilh tuk in ka awnkam za tik in hitin, ka nelah a thu piak mi bang,
\v 11 Nohten a bulah nek in mual bulah ding uh ci. Mual lek cu vanhum a laizang pen meikang in a zawng a hang mi meingo a sah zet mi khuathim tuah dim hi.
\v 12 Pathian in mei sung pen nohte cu thu hilh hi. Nohten a mel cu mu ngawl in awnkam aw bek za uh ci.
\v 13 Nohtei zui tukin a hilh mi thukhaam tihmi thukham sawm cu hilh in suangpheng panih hum ah ngan hi.
\v 14 Nohten hawh in na tum uh mi ngam sungah zui tuk, nohtei lakah ka hilh mi dan thukham te mah ten Pathian in ka nelah thu cah hi.
\s Zuk milim bawl in bia pah sin
\p
\v 15 Horeb umnak pen Pathian in mei sung pen nohtei lakah a hilh ten mel imah muh theih ngawl hang,
\v 16 Mah cengten nohten pano, numei mel tihbang,
\v 17 Leihum ah a um mi nganghing bang, vanhum ah a leng thei mi vano bang,
\v 18 Leihum ah a bop in a vak thei mi nganhing bang, lei niam nak tui sungah a um mi ngasa mel bang zuk milim cu nohten thukam pelh in nangma ca bawl tuk ngawl in,
\v 19 Vanhum cu zo in ni, hade, aksi tihmi vanhum ah a um mi hempoh te a muh ten, nohtei Topa Pathian cu van hang nuai ah a um mi hempoh te miphun sungah a piak mi na hempoh te cu bia tik tuk in, midang ten zawm in a neh theih ngawl nak tuk mah le mah ngalling in um un.
\v 20 Nohten tuni a cang mi bang Pathian lo co mi miphun cang tik tuk in nang muhte cu Izip ngam thik meikam sung pen pan in pui zo hi.
\v 21 Mah bek sial ngawl Pathian in nohtei ca kei mah cu a thinuuk in, kei cu Jodan ngun ngalkhat lam ah tan tuk ngawl in le nohtei Topa Pathian in nohtei lakah lo co tuk a piak mi a ngam sunglawi ah lut tum tuk ngawl in thukam zo hi.
\v 22 Mah hang hi ngam sungah kei cu thi tung hi. Jodan ngun tan tuk mang hi. Nohte cu tan in mah a pha mi ngam ah luttum tuk uh ci.
\v 23 Nohtei Topa Pathian in nohtei sungah a koih mi thukhaam cu phawk ngil in, nohtei Topa Pathian likhap mi thu hempoh tei mel a um mi zuk milim cu bawl tuk ngawl mah le mah ngalling in um un.
\v 24 Itahum titale nohtei Topa Pathian cu a alhmi mei hi. Nangmah cu a sunglawi mi itnak tuah a lainat nak nase leita hang, midang tei khut sungah nangmah a hen tuk deih ngawl in sahelh nak tuah micing thei tu Pathian hi.
\p
\v 25 Nohten, tu le ca cawi in mahmi ngam sungah ngeipi um cengten thukam pelh leh nak hang zuk milim pakhat bawl in, nohtei Topa Pathian thinuuk tik tuk in a mai ah sualnak bawl tale,
\v 26 Van le leipi cu nohtei langlam ah tuni in ka thukam mi cu nohten Jodan ngun tan in na luh tum tuk mi ngam sungah a ngei ngawl in tham kek khawng tuk uh ci. Mahmi ngam sungah ngeipi nung tuk ma uh ci. Siatnak ah heng tuk uh ci.
\v 27 Pathian in nohte cu miphun dang tei sungah tham kek tik in a hawlvawk mi Pathian thei ngawl tu tei sungah nohte cu dawm laih no bek tang tuk uh ci.
\v 28 Mahmi umnak sungah mihing khut tuah bawl in mu thei ngawl, thu za thei ngawl, an ei thei ngawl, nam theih ngawl mi thingta pathian, suang pathian te nohten bia tuk uh ci.
\v 29 Mah naven, mahmi umnak sungah nohtei Topa Pathian cu na zei nuam uh ta thinlung venghawng tuah na zei tale tawk tuk uh ci.
\v 30 Nohten tu nung huncan ten haksat cimnak thuak hang, hi thu hempoh te na tawh uh ten nohtei Topa Pathian nelah kik leh in awnkam thu ngai tale,
\v 31 Nohtei Topa Pathian cu hehpih thiam tu Pathian a hih hang, nohte cu siatsuah in zam san tuk ma hi.
\s Pathian cu Pathian hi
\p
\v 32 Pathian in leihum ah mihing a semsuah ni pen pan nang muhtei pian laih ngawl in a bosa mi huncan hempoh vanhum langkhat lam pen a langkhat lam tian dong ta un. Hizah tian in a ngeng mi na um awng maw. Hi tihbang thuthang za awng uh cim?
\v 33 Pathian in mei sung pen a hilh mi aw cu nohtei zak mi bang miphun dang ten za in nunnak co haw maw?
\v 34 Nohtei Topa Pathian cu Izip ngam pen nohtei mai ah a bawl mi bang cul nak tuah thasiah huai a lamdang thu te lak in ngal thu a hen tiknak, thazang a nei mi a khut thawm lian a zak nak, a lauhuai mi muh nak te a lak hang, a dang pathian hawh in miphun pakhat sung pen pakhat cu a ma ca tuk pan awng maw?
\v 35 Pathian cu Pathian a hih nak thu hei hihen, Topa a mah sialngawl pathian a dang a um ngawl nak thu hei hihen, nohte thei tik tuk in hihen, mahmi thu hempoh nohtei lakah lak zo hi.
\v 36 Nang muhte thu hilh in vanhum sung pen awnkam aw cu za tik zo hi. Leihum ah a nasezet mi mei vang a lak zo hang, nohten mei sung pen awnkam za zo uh ci.
\v 37 Nohtei pu le pa te a ihnak hang a muhtei miphun cu teng zo hi.
\v 38 Nang muhte sang thazang a nei saw miphun tampi te cu nohtei mai pen hawlvawk in, tuni a cang mi bang a muhte cu lei sungah nohten koih in lo co tik tuk in, a huham thawmngeng nak tuah Izip ngam pen a mai ah pui zo hi.
\v 39 Mah hang Pathian in vanhum, leihum ah Pathian a hihnak thu hei hihen, a dang pathian a um ngawl nak thu hei hihen, tuni in sialsiah nak nei in thinlung sungah khum un.
\v 40 Nang muhte tuah na tu le caten daihnak co tuk in hihen, nohtei Topa Pathian piak mi ngam sungah nunsau tuk in hihen, tuni in thu ka cah mi thukham te cingkem tukin Mosi in hilh hi.
\s Belhnak tuk mun khuapi te
\p
\v 41 Mosi in Jodan ngun ngalkhat nisuah nak lam khuapi pathum cu khen hi.
\v 42 Mah ten inn nel lo nel huatnak um ma phawk khak ngawl mithat tupa cu tai in a nunnak co tuk in,
\v 43 A khuapi min te cu Reuben miphun umnak ngamsung munlawn ah Bezer khuapi, Gad miphun tei umnak Gilead Ramoth khuapi, Manasseh miphun tei umnak Bashan ngam sung Golan khuapi hi.
\s Thukham zui tukin ngallin piaknak
\p
\v 44 Hi thu cu Mosi in Isarel miphun tei sungah a koih mi thu,
\v 45 A muhte cu Izip ngam pen a tul cengten Heshbon khuapi ah a um Amor kumpi Sihon uknak ngam sungah Jodan nisuah nak lam, Beth-peor khuapi ngalkhat lam ah a um mi munlawn pen Mosi thu hilh mi theihpih nak awnkam, dan thukham a bawl mi awnkam hi.
\v 46 Mosi le Isarel miphun ten Izip ngam pen a tul cengten mahmi kumpi te le,
\v 47 Bashan kumpi Og tihmi Jodan nisuah nak lam ah a um Amor kumpi panih te a thah hang a muhtei ngam cu,
\v 48 Arnon ngun bul ah a um Areor khuapi pen pan Hermon mual tih mi Zion mual tian hei hihen,
\v 49 Jodan nisuah nak lam munlawn tuah a seng mi tuipi ting bul Pisgah khuapi tian long haw hi.
\s Thukham sawmkhat
\c 5
\p
\v 1 Mosi in Isarel miphun hempoh te sam in Isarel miphun te aw, tu ni in nohtei lakah ka hilh mi dan thukham te nohten hilh in zui le ngallin tuk thu ngai ta un.
\v 2 Ohtei Topa Pathian in Horeb mual hum pen ohte tuah thukhaam bawl hi.
\v 3 Mahmi thukhaam cu Pathian in ohtei pu le pa te tuah bawl mi hima hi. Tuni hei nung in, hi umnak mun ah a um hempoh eimuhte tuah in bawl hi.
\v 4 Pathian cu mual hum mei sung pen nang muhte tuah mitmai hek in a hilh mi hi.
\v 5 Mah ten nohten mei cu lau mual hum ah kai ngam ngawlin, kei man Pathian thupiak mi hilh leh tukin Pathian le nohtei lak lawh ah ding in um ing.
\p
\v 6 A thupiak mi awnkam cu kei man nang cu sila umnak mun Izip ngam pen pan a pui tu na Topa Pathian ing hi.
\p
\v 7 Kei mah sial ngawl a dang Pathian bia pah sin.
\p
\v 8 Vanhum ah hei hihen, leihum ah hei hihen, leipi nuai tui sungah hei hihen, a um mi mel a bang ve in zuk milim nangma ca bawl tuk ma.
\v 9 Lukun in bia tuk ma. Itahum titale, na Topa Pathian kei mah Pathian in nangmah ka ih hang, hehpih nak ngeng zet tuah mi dang khut sungah nangmah heng tuk deih ngawlin sahelh nak tuah mi cing thei Pathian ing hi. Kei mah hua tu a muhtei miphun tu le canawn khang thum a peh, khangli tian a pai sualnak cu a catei lakah thukhen tu Pathian ing hi.
\v 10 Kei mah cu itnak tuah ka thukham a zui tu tei miphun tu le canawn a thawng tampi tian a hehpih nak a lak tu Pathian ing hi.
\p
\v 11 Na Pathian min cu zol thu tuah seng in son pah sin. Itahum titale zol thu tuah seng in a son tupa cu sualnak um ma hitin, Pathian sialsiah mi um ma hi.
\p
\v 12 Na Topa Pathian thukham piak mi bang colhni cu thiangtho tik tuk in mahmi ni cu cingkem in.
\v 13 Niluk sung na deh zuam in dek in.
\v 14 Nisalih ni cu na Topa Pathian colhni hi. Mahmi ni in nangmah penpan na canu le capa, sila pano numei, khui, laak tihbang mi nganhing, na kongka pi sungah a um tu mikhual cu na dek tuk ma. Nangmah daiden no na um bang na sila pano, numei hempoh ten daiden no um haw tuk hi.
\v 15 Nang cu Izip ngam pen sila hihnak thu hei hihen, na Topa Pathian cu thazang a nei mi a khut thawmlian zaak in mahmi ngam pen nangmah pan in a pui nak thu hei hihen, phawk in hi. Mahmi thu hang, nang cu colhni cingkem tuk in na Topa Pathian in thucah hi.
\p
\v 16 Na Topa Pathian piak mi ngam sung pen nang cu nunsau nak thupha co tuk in, na Topa Pahian thukham piak mi bang na nu le na pa U pat in.
\p
\v 17 Mithat pah sin.
\p
\v 18 Mi dang nupi sualpih pah sin.
\p
\v 19 Nguca pah sin.
\p
\v 20 Nangmah tuah a seng mipa a langlam ah a man ngawl theihpih nak thu son pah sin.
\p
\v 21 Nangmah tuah a seng mi a zi cu hawzak nak thinglung nei pah sin. Nangmah tuah a seng mipai inn, lo, sila pano, numei, khui laak pen pan nangmah tuah a seng mipai neihmi pakhat no hei hawza pah sin hitin, thupia hi.
\p
\v 22 Mahmi awnkam cu Pathian in mual hum pen mei, meingo, a sah zet mi khuathim pi sung pen a nging zet mi aw tuah nohtei hulopkhawm nak mipi hempoh tei lakah a hilh mi hi. A hilh bet mi um ma hi. Mahmi awnkam cu suangpheng panih hum ah ngan in ka nelah ap hi.
\v 23 Nohten khuathim pi sung pen awnkam aw za in mual lek mekang in a um ten, nohtei miphun sungah uktu, kum U pa ten ka nelah nek in,
\v 24 Kohtei Topa Pathian a minthan nak huham cu kohtei lakah lak zo hi. Mei sung pen awnkam aw kohten za zo ung hi. Pathian in mihing cu otpih naven, mihing a nun hih tik mi cu tuni in kohten mu zo ung hi.
\v 25 Kohten a tuin ita thi hum? Hi a ngingzet mi mei tuah kohten thi tuk hi. Kohten Topa Pathian thupiak mi aw cu za leh tale thi tuk hi.
\v 26 Topa Pathian in mei sung pen a hillh mi aw cu kohtei zaak mi bang, nunnak a nei mihing a kon za in nung hum?
\v 27 Topan a bul ah hawh in, kohtei Topa Pathian thupiak mi hempoh ngai in. Kohtei Topa Pathian cu Topa nelah a hilh mi hempoh te hilh in hi. Kohten a thungai in bawl tuk ung hitin, ti haw hi.
\p
\v 28 Mah tihcun nohten ka nelah a hilh mi awnkam aw cu Pathian in za hi. Pathian in, hi miphun cu na nelah a hilh mi awnkam kei man za zo ing. A hilh mi awnkam hempoh cu a mawi mi hi.
\v 29 A muhte le a tu le canawn ten daihnak a co tuk thu, kei mah cu lau in ka thukham hempoh te a cat ngawl cingkep nak thinlung a dim in nei haw ta hen.
\v 30 Deubuk ah pin leh un tin a muhte hilh un.
\v 31 Nang cu hi umnak mun pen ka bulah ding in. A muhtei lakah ka piak mi ngam sung pen a muhtei zui tuk nang cu a muhtei lakah hilh mi dan thukham hempoh kei man hilh tung hitin, ka nelah thupia hi.
\v 32 Mah hang nohtei Topa Pathian thukham piak mi bang nohten zui in cingkem tuk uh ci. Taklam, veilam ah pial pah sun.
\v 33 Nohtei luh tum mi ngam sungah nohten thihnak pen luat tuk daihnak co in nunsau nak tuk thu, nohtei Topa Pathian thucah mi lamzin hempoh sungah hawh tuk uh ci.
\s Na Pathian it in
\c 6
\p
\v 1 Nang muhte le na tu le canawn ten na Topa Pathian launak tuah,
\v 2 Ka piak mi thukham hempoh na nun sung cingkep tuk, nohtei nunkhua sau nak tuk in nohten hawh in na tum tuk uh mi ngam sungah zui tuk nohtei lakah hilh in, nohtei Topa Pathian thucah mi dan thukham cu,
\v 3 Isarel miphun te aw, pu le pa tei Topa Pathian thukam piak mi bang nang cu khuinawi le khuai tui luan nak ngam sungah hausa khang to tukin a thu ngai in. Ngallin nak tuah zui in cingkem in.
\p
\v 4 Isarel miphun aw, ngai in. Ohten Topa Pathian cu pakhat bek a um mi Pathhian hi.
\v 5 Na Topa Pathian cu na thinlung a venghawng, thazang ngilnak hempoh tuah it in.
\v 6 Tuni in thukham ka piak mi cu na thinlung sungah khum in.
\v 7 Mahmi awnkam cu na canu le capa tei lakah zuamnak tuah hilh in. Inn sungah khung thah in hihen, khualzin hawh thah hei in hihen, zau ten hei hihen, thawh ten hei hihen, mahmi awnkam cu hllh tuk.
\v 8 Mahmi awnkam cu na khut sungah sialsiah theihpih tuk in hihen, na cal ah hei ken in hi.
\v 9 Inn kongka pi le khuapi kongka pi ah vang ngan tuk.
\p
\v 10 Topa Pathian in nangmah pui tum in nangmah pia tukin na pu le pa Abraham, Isak, Jakop tei lakah thukam a piak mi ngam ah na sak ngawl mi khuapi, khuapi a sunglawi te hei hihen,
\v 11 Nangman dim tik ngawl in thilpha tuah a dim mi inn hei hihen, na cawh ngawl mi tuikhuk te hei hihen, na cin ngawl mi cabit huan le Olive kung te hei hihen,
\v 12 Sila umnak mun Izip ngam pen nangmah a pan tu Pathian cu phawk ngil tuk ngawlin, nangmah le nangmah ngalling in.
\v 13 Na Topa Pathian lau in. Mahmi Pathian bek bia in. A min tuah thukam nak bawl in.
\v 14 A dang Pathian, na elkim ah a um mi miphun tei pathian cu bia pah sin.
\v 15 Na Topa Pathian cu nang muhte it in, a hehpih nak ngeng zet hang midang tei khut sungah nangmah heng tuk deih ngawl in sahelh nak tuah micing thei tu Pathian ing hi. Na Topa Pathian in nangmah cu thinuuk in leipi a pawlam ah siatsuah tuk hitin, lau nak um hi.
\p
\v 16 Nang cu Massah umnak munpen bawl mi bang na Topa Pathian cul pah sin.
\v 17 Na Topa Pathian koih mi theihpih nak dan, thukham cu zuamnak tuah cingkem tuk ci.
\v 18 Nang cu hauhsak nak co tuk in hihen,
\v 19 Pathian thukam a um mi bang ngal hempoh te na mai pen a hawlvawk hang, na pu le pa tei thukam mi ngam sunglawi lut tum um tuk in hihen, Pathian mai ah a dik a mawi mi na bawl tuk.
\p
\v 20 Tu nungten na capa in kohtei Topa Pathian koih mi theihpih nak dan thukham te a tihnop nak ai hum tin a dong tale,
\v 21 Nangman, ohten Izip ngam sungah Pharaoh sila hihnak ah um in Pathian a thawmngeng nak khut tuah ohte cu Izip ngam pen pui hi.
\v 22 Pathian in nasezet a lamdang thasiah huai te Izip ngam ah hei hihen, Pharaoh kumpi le kumpi inn sung um mi a catei hum ah hei hihen, kohtei mai ah a lak cengten,
\v 23 Ohtei pu le pa tei lakah thukam mi ngam ah pui in umnak mun pia tuk in mahmi ngam pen pui hi.
\v 24 Pathian in tuni tian a hehpih nak a bawl hang, ohei nunnak cingkem tuk in ohten a nemcuam nak zo in ohtei Topa Pathian lau nak tuah hi thukham hempoh zui tuk in thucah hi.
\v 25 Mah hang ohtei Topa Pathian thukham piak mi bang, hi thukham hempoh a mai ah zui tuk in ngallin nak tuah dikcang nak ah heng haw tuk hitin, don leh tuk hi.
\s Miphun tampi Pathian hawl vawknak
\c 7
\p
\v 1 Na Topa Pathian cu hawh in na tum tuk mi ngam ah nangmah pui in Hit miphun, Girgas miphun, Amor miphun, Kanaan miphun, Periz miphun, Hiv miphun, Jebus miphun tihmi nangmah sang thazang ngil nak a nei saw, mi tampi miphun salih te cu na nel pen hawlvawk in,
\v 2 Na khut sungah a ap ten a muhte that in siatsuah khawng tuk ci. A muhte tuah pawlkom nak bawl pah sin. Hehpih nak lak pah sin.
\v 3 A muhte tuah huaidun pah sin. Na canu cu a cate tuah hei hihen, na capa cu a ca nu tuah in hihen, huaidun tuk ma.
\v 4 Itahum titale nohten a capa cu kei mah bia tik ngawl in a dang Pathian bia tik tuk in zol haw tuk hi. Mah ten thinuuk in nang muhte siatsuah cop tuk hi.
\v 5 Mah hang, nohei sungah itin bawl tuk hum tih mi cu a muhtei biakpiak nak taitan cu siatsuah tuk. Zuk milim te subal tuk. Accasia thing kung te phuk tuk. Zuk milim bawl mite mei hal sak tuk.
\p
\v 6 Itahum titale nang cu na Topa Pathian ca a thiangtho mi miphun hi. Leihum ah a um mi miphun hempoh sang, na Topa Pathian co mi miphun cang tik tuk in nangmah cu teng zo ing.
\v 7 Nang cu a dang miphun te sang a tam saw hang, Pathian in nangmah cu it in a ten mi hima, nang cu a dang miphun te sang in dawm saw hi.
\v 8 Pathian in nangmah a ih hang in hihen, na pu le pa tei lakah thukam a siatsuah nuam ngawl hang in hihen, sila umnak Izip ngam uktu Pharaoh kumpi khut sung pen thazang ngilnak a nei a khut thawm lian tuah nangmah teng in pui zo hi.
\v 9 Mah hang na Topa Pathian cu a man mi Pathian, thukam a nei mi Pathian, Topa cu itnak tuah dan thukham te a cingkem tutei miphun a tu le canawn a thawng tampi tian thukhaam awnkam kho in a hehpih nak a lak tu Pathian,
\v 10 Topa hua tute cu siatsuah tuk in a muhtei mai ah sualnak a pia tu Pathian a hihnak thu cu thei ta un. Topa a hua tute maisong ngawl in a muhte cu sualnak pia tuk hi.
\p
\v 11 Mah hang tuni in ka piak mi dan thukham te zui in cingkem tuk.
\p
\v 12 Mahmi dan thukham te cu nangman zui tukin na ngai tale na Topa Pathian in na pu le pa tei lakah thukam mi thukhaam le a hehpih nak cingkem tuk.
\v 13 Nangmah a ih nak hang thupha pia in khangto tuk ci. Nangmah pia tukin na pu le pa tei lakah a thukam mi ngam sung pen na hin mi cate hei hihen, na lei ngam an kung, cang, cabit, sathau, khui, khantoh nak, tuu hon te hei hihen, thupha pia tuk hi.
\v 14 Nang cu miphun hempoh sang in thupha tam saw co tu na hih hang, na sungah micing pano, numei pakhat no hei um tuk ma hi. Nganhing sungah vang a cing mi a pa, a nu pakhat no hei um ma hi.
\v 15 Pathian in nat nak hempoh te na lakpen vawk in, na theih sa mi Izip ngam nat sia cu nangma sungah vei tik tuk ma hi. Nangmah a hua tu hempoh sungah vei tik tung hi.
\v 16 Na Topa Pathian in na nelah a piak mi miphun hempoh siatsuah tuk ci. Na mit in a muhte hehpih tuk ma. A mun Pathian cu bia tuk ma hi. A bia tale a lupbah nak thu in cang tuk hi.
\p
\v 17 Mahmi miphun te cu kei mah sang tam saw hi. Kei man a muhte itihbang in hawlvawk thei tuk hum tihmi cu na thinlung sungah phawk in,
\v 18 A muhte lau pah sin. Na Topa Pathian in Pharaoh kumpi le Izip ngam hempoh sungah a bawl mi thu hei hihen,
\v 19 Bulpak mu in nasezet cul nak te hei hihen, na Topa Pathian in nangmah cu a pui ten a lak mi a lamdang thasiah huai thu te hei hihen, thawmngeng nak a khut tuah zak in hihen, phatak zet in phawk tuk ci. Mah bang bok na lau theih nak neih mi miphun hempoh sungah na Topa Pathian in bawl tuk hi.
\v 20 Mah bek sial ngawl a tang in a ngelh mi a muhte cu siatnak ah a hen lak lawh tian, na Topa Pathian in khuai te cu a muhtei lakah hah tuk hi.
\v 21 A muhtei hang launak um tuk ma. Itahum titale a thawmngeng nak huham tuah a lauhuai mi na Topa Pathian cu nohtei sungah um hi.
\v 22 Na Topa Pathian in mahmi miphun te cu nangma nelpen dawm het no hawlvawl tuk hi. Ngam sung sahnag te cu nangma langlam ah tampi tuk hitin lau nak hang, a muhte cu thakhat thu in hawlvawk pah sin.
\v 23 Mah hang, na Topa Pathian in a muhte cu na nelah ap in a muhte siatnak ah a hen lak lawh tian nasezet siatsuah in thukhen tuk hi.
\v 24 A muhtei kumpi te vang nangma khut sungah a ap hang, a muhtei minthan nak hei vanhum nuai pen vawk tuk hi. A muhte siatsuah nak a hen lak lawh tian na mai ah a kua mah ding tuk ma hi.
\v 25 A muhtei bawl mi zuk milim pathian te cu mei hal tuk. Zuk milim ah a tel mi sui le ngun cu hawza tuk ma. La tuk ma. Na la tale sualnak ah heng tuk hitin lau nak um hi. Na Topa Pathian in a nawngkai mite cu hua hi.
\v 26 A nawngkai mite cu na inn sungah koih pah sin. Na koih tale nang cu mahmi thu bang tamsiat mi thu in cang tuk hitin, lau um hi. Mah tihbang mi thu cu nangman a venghawng a nawngkai mi cu hua tuk. Tam siat mi thu hei in cang tuk hi.
\s Pathian phawk ngil pah sin
\c 8
\p
\v 1 Nang cu na nunnak tam tukin, Pathian in na pu le pa tei lakah thukam mi ngam ah hawh in luh tum tuk thu, tu ni in ka dan thukham ka piak mi hempoh te zui tuk in ngalling in.
\v 2 Na Topa Pathian in nangmah cu niamkhiak nak tuah cul in, dan thukham te zui nuam nak thinlung nei le nei ngawl thu thei tuk in, a bosa mi kum sawmli sung ngam sung lamzin hempoh ah lamhuai tu cu phawk in hi.
\v 3 Mah tihcun nangmah cu niamkhiat nak tuah ningkial tik in, nangman nangmah le nangmah thei ngawl in na pu le pa tei theih awng ngawl mi manah tuah a cawm hang, mihing cu moh hang bek in nunnak hima hi. Pathian thu piak mi hempoh tuah nunnak hi tih cu thei tik hi.
\v 4 A bosa kum sawmli sung na silh mi angki te sia ngawl in, na ke vang kiat kha ngawl in,
\v 5 A pan a capa thu a hilh bang, na Topa Pathian in nangmah thu a hilh mi cu thinlung sungah phawk in.
\v 6 Mah hang na Topa Pathian thukham lamzin ah zui in, Topa cu lau nak tuah dan thukham cingkem tuk.
\v 7 Itahum titale na Topa Pathian in a pha mi ngam, hawkluam sung mual sung pen a tul mi ngun, lui, ciktui, tuikhuk tuah a dim mi ngam,
\v 8 Sangvut, barley, cabit kung, theipi kung, tale kung tuah a dim mi ngam, olive thau, khuai tui tuah a dim mi ngam,
\v 9 Imah kul ngawl an kham zet eih nak ngam, thik suang tuah a dim hang mual sung pen dalsan cawh nak ngam ah nangmah pui zo hi.
\v 10 Mahmi ngampha cu a piak hang nangman an kham zet na eih ten na Topa Pathian lungdam nak cu thangphat tuk ci.
\p
\v 11 Tuni in ka hilh mi dan, thukham hempoh te cingkem ngawl in na Topa Pathian na phawh ngilh sual cu ngalling in pial in.
\v 12 Nang cu an kham zet ei in a pha mi inn sa na um laih tak,
\v 13 Na tuu, khui, sui le ngun tihbang neih nak a tampi ten,
\v 14 Nang cu pualthau ngalnak ah heng in a bosa sila umnak mun Izip ngam pen pan tu,
\v 15 Mei ngul, aikam tampi, tui um ngawl, ningkial nak mun, a lauhuai mi ngam khang tupi laizang pen nangmah pui in, mei a tel mi suang sung pen tui a suak tik tu,
\v 16 Nangmah cu niamkhiat nak tuah cul in dawl tawp ten hehpih bawl tuk in, na pu le pa tei theih ngawl mi manah le ngam sung pen a cawm tu na Topa Pathian phawk ngil in,
\v 17 Ka huham, ka khut thazang ngilnak tuah hi hauhsak cu kei man co thei ing hitin thinlung sungah ngaihsut sual cu ngallin nak tuah pial tuk.
\v 18 Na Topa Pathian bek cu phawk tuk. Itahum titale napu le pa tei lakah thukam mi thukhaam cu tuni bang kho tik tuk in, hauhsak nak a co thei mi thazang ngilnak cu Pathian in pia hi.
\v 19 Na Topa Pathian cu na phawh ngilh hang, a dang pathian te na bia tale siatnak ah a thungai in heng tuk citin, tuni in na langlam pen theihpih nak hilh ing hi.
\v 20 Na Topa Pathian awnkam thu na ngaih ngawl hang, Pathian in na mai pen a siatsuah mi miphun te bang nangmah cu siatnak ah heng tuk ci.
\s A deh phat nak, a dikcang nak hang hima
\c 9
\p
\v 1 Isarel miphun aw, ngai in. Nangmah sang thazang ngilnak a nei saw miphun tampi te hei hihen, vanhum tawngkha in khuapi khantian tuah a dim mi khuapi te hei hihen,
\v 2 Anak miphun mai ah a kua ding ngam tuk hum tih mi awnkam cu nangman za in, na theih mi pumpi ngeng zet le a ding sang zet mi Anak miphun hei hihen, do tuk in a tuin Jodan ngun ngalkhat lamah tan awn zo hi.
\v 3 Mah hang na Topa Pathian cu na mai ah hawh in a alh mi mei tuah a muhte siatsuah in na mai pen niamkhiat nak neih tuk thu a tuin lungkim in. Pathian thupiak mi bang nangman a muhte hawlvawk in a man lang siatsuah tuk ci.
\v 4 Na Topa Pathian in a muhte cu na mai pen a hawlvawk cengten, nangman ka deh phat nak hang Pathian in kei mah cu pui in, hi ngam co tuk a piak mi hitin ngaisung pah sin. Mahmi miphun tei phat ngawl nak hang, Pathian in a muhte ka mai pen hawlvawk hitin, thinlung sungah phawk tuk.
\v 5 Na bawl mi deh nak hang in hihen, a dik mi lungmu hang in hihen, mahmi ngamah hawh in lut tum tuk ma hi. Mahmi miphun tei phat ngawl nak hang in hihen, Pathian in na pa Abraham, Isak, Jakop tei lakah thukam mi awnkam cu kho tik tuk in hihen, na Topa Pathian in a muhte cu na mai pen hawlvawk hi.
\p
\v 6 Mah hang na Topa Pathian na deh nak hang, mah a pha mi ngam cu a piak mi hima hi. Nang cu lungmu ngeng mi miphun hi ci.
\s Sui khui zuk hang thinuuk nak thuak
\v 7 Nangman na Topa Pathian thinuuk tik tukin ngam sung pen na bawl mi cu phawkngil pah sin. Phawk leng in. Nang cu Izip ngam pen suah tul ni pen pan hi umnak mun tian heng tuk in Pathian cu do zo ci.
\v 8 Horeb umnak mun pen Pathan thinuuk tik hang, nangmah siat suah tuk tian a thinuuk hi.
\v 9 Pathian in nangmah tuah bawl thukhaam ngat mi suangpheng la tukin mual hum ah ka kai ten, nisawm li sung moh ei ngawl, tui in ngawl in mual hum ah um ing hi.
\v 10 Nohten hulopkhawm mi ni in Pathian mual hum mei sung pen a hilh mi awnkam hempoh a khut mikawk tuah a ngat mi suangpheng panih cu Pathian in kei mah ap in pia hi.
\v 11 Nisawm li a kim ten, mahmi suangpheng panih cu Pathian in keimah a piak ten,
\v 12 Nang cu tho in a man lang tolh suk ten hi. Izip ngam pen na pui mi na miphun te cu thukam pelh in, ka thupiak mi lamzin pen a man lang zet lamzin pial in zuk milim bawl haw zo hitin, thupia hi.
\v 13 Pathian in hi miphun te kei man mu zo ing hi. Lungmu ngeng mi miphun hi.
\v 14 Mah hang kei mah cu um hih tik poh in. A muhte cu kei man siat suah tung hi. A muhtei min te vang vanhum pen kei man phiat tung hi. Nang cu a muhte sang thazang ngilnak nei saw in miphun tampi cang tik tuk in ka nelah thupia hi.
\v 15 Mah ten kei man thukham suangpheng panih cu cawi kik leh in mei alh mi mual hum pen tolh suk ing.
\v 16 Nohten nang muhtei Topa Pathian cu sual in khui no zuk milim luan in le Pathian thupiak mi lamzin pen a man lang pial in a hawh nak thu cu ka muh ten,
\v 17 Khut a lang le langah a cawi mi suangpheng cu koih in, nohtei mai pen kei man ek tuah ing.
\v 18 Nohten Pathian cu thinuuk tik in a mai pen sual bawl nak hempoh hang, kei man a masa bawl bang Pathian mai ah bopkhup in nisawm li sung moh ei ngawl, tui in ngawlin um ing.
\v 19 Itahum titale Pathian in nohte cu siatsuah tuk in nasezet a thinuuk nak cu kei man lau ing. Mah hang Pathian in ka awnkam cu ngai leh hi.
\v 20 Pathian in Aaron cu siatsuah tuk in nasezet a thinuuk nak hang Aaron ca thungen ing.
\v 21 Nohtei sual cu nohtei bawl mi khui no, kei man ka lak hang a tui zung tik in a vam ngawikeh cengten, mual hum pen a suak tul mi lui hum ah vawk ing.
\p
\v 22 Taberah umnak, Massah umnak, Kibroth-hat-taavah umnak sungah nohtei Pathian cu a thinuk tuk in bawl haw hi.
\v 23 Kadesh-barnea umnak mun ah Pathian cu hawh in, ka piak mi ngam long ta un tin nang muhte a tik ten, nohten nohtei Topa Pathian thupiak mi cu el uh ci. Topa cu um ngawl a awnkam thu ngai ngawlin um uh ci.
\v 24 Ka theih ciang mi ni pen pan nohten Pathian cu do in um zo uh ci.
\p
\v 25 Pathian in nohte cu siatsuah tuk hitin a thu piak nak hang, kei man a masa bopkhup bang in ni sawmli sung bopkhup in um ing.
\v 26 Pathian in Topa Pathian aw, huham tuah teng in a khut thawmlian tuah Izip ngam pen a pui tu Topai neih mi lo a himi miphun te siatsuah pah sin.
\v 27 Topai sila Abraham, Isak, Jakop te phawk in. Hi miphun te cu lungmu ngeng miphun a hih hang, a bawl sual mi sual cu ngaisung pah sin.
\v 28 Mah ahima tale kei muhte pui tu ngam sung mipi ten Pathian thukam piak mi ngam ah a muhte cu pui tuk a tih theih ngawl nak hang in hihen, a muhte a huat hang in hihen, ngam sungah that nuam in pui hitin, son haw tuk hi.
\v 29 Hi miphun te a huham thawmngeng nak tuah a khut zak in a pui tu Topa lo co mi miphun haw hitin, kei man thungen ing hi.
\s A masa suangpheng ai in suangpheng thak
\c 10
\p
\v 1 Mah ten Pathian in a masa suangpheng panih bang in suagpheng panih bawl in hi. Ka umnak mun ah kai to in. Thing kuang vang bawl in.
\v 2 Na eh tuah mi suangpheng ah awnkam a um mi bang a dawl ta suangpheng hum ah kei man ngan tung hi. Nangman mahmi suangpheng cu thingkuang sungah koih tuk citin, ka nelah thupia hi.
\v 3 Kei man Accasia thing tuah thingkuang bawl in a masa suangpheng bang suangpheng panih bawl cengten, mahmi suangpheng cu cawi in mual hum ah kai ing hi.
\v 4 Nohtei hulopkhawm mi ni in, Pathian cu mual hum mei sung pen a hilh mi thukham sawm cu a masa a heng mi bang in Pathian a ngat hang ka nelah pia hi.
\v 5 Kei mah vang mual hum pen tolhsuk leh in bawl sa mi thingkuang sungah mahmi suangpheng koih in, Pathian thupiak mi bang mahmi thing kuang sungah a tuin um hi.
\v 6 Isarel miphun ten Beeroth ah khualzin haw in Jaakan umnak ah ngiahbuk sat haw hi. Aaron cu mahmi ngiahbuk sungah a thihnak hang a mah cu phum haw hi. A capa Eleazer cu a pai thiampi hihnak co hi.
\v 7 A mun mahmi ngiahbuk pen Gudgodah ngiahbuk ah hei hihen, mah lai munpen ciktui tampi umnak Jatbath ah hei in khual zin peh haw hi.
\v 8 Mual hum ah Pathian in Levi miphun tei lakah a hehpih nak tohkham kem tuk in hihen, thiampi na dek tuk in hihen, Topai min cu suang in thupha pia tuk in ap hi.
\v 9 Mah hang Levi miphun te cu a dang miphun te bang umnak lei ngam a tuam in co haw ma hi. Nohtei Topa Pathian thiampi te cang tukin a piak mi hi.
\v 10 Kei cu a veikhat nak bang in mual hum ah ni sawmli sung um ing. Nohtei lakah siatsuah tuk ngawl in a hehpih nak ka nget mi cu Pathian in hi veikhat cu ngai hi.
\v 11 Mah cengten nohtei pu le pa tei lakah pia tung hitin thukam a piak mi ngam cu long tuk hawh in, nohten lamhuai tuk uh ci tin, ka nelah thupia hi.
\s Pathian lau in
\p
\v 12 Isarel miphun aw, na Topa Pathian launak tuah a lamzin ah zui in na Topa Pathian cu thinlung hempoh tuah it in a na dek in.
\v 13 Na phat nak zo in, tu ni in ka hilh mi Pathian thukham cingkep tuk sial ngawl na Topa Pathian in ai thu ngen hum?
\v 14 Vanhum le vanhum hei hihen, leipi le leipi a um mi hempoh hei hihen, na Topa Pathian ta hi.
\v 15 Mah hang Pathian in na pu le pa te a ih hang, tu ni a um bang a muhtei miphun tihmi nangmah cu a dang miphun hempoh sung pen teng hi.
\v 16 Mah a hih hang na thinglung vunlek talh in hi. Na thinlung a khoh te vang um leh tik toh pah sin.
\v 17 Itahum titale, na Topa Pathian cu Pathian tei Pathian, to hempoh tei Topa, thawmngeng Pathian, huham tuah a dim hang a lauhuai mi Pathian, mihing mitmai zo ngawl, nawhthuh ei ngawl in,
\v 18 Nu le pa nei ngawl naupang, meivong tei lamah thukhen in mikhual te it nak tuah silh tuk puan a pia tu Pathian hi.
\v 19 Mah a hih hang mikhual te it un. Itahum titale nohten Izip ngam sungah mikhual in um awng zo uh ci.
\v 20 Na Topa Pathian cu lau nak tuah a na dek in. Topa cu bia in. A min tuah thukam nak bawl tuk ci.
\v 21 Pathian cu na minthan nak na Pathian hi. Nang cu na mit tuah na muh mi bang in a lauhuai mi thu te na ca in bawl zo hi.
\v 22 Na pu le pa te sial ten mihing sawmsalih um in Izip ngam ah hawh haw hi. A tuin sial tale vanhum aksi bangi n na Topa Pathian in pung zai tik hi.
\s Pathian cu itnak tuah a thungai in
\c 11
\p
\v 1 Mah hang nang cu na Topa Pathian it tuk ci. A thu piak mi dan thukham hempoh a cat ngawl in cingkem tuk ci.
\v 2 Na Topa Pathian thu hilh mi hei hihen, a minthan nak hei hihen, a khut thawmlian pi tuah khut zak in hihen,
\v 3 A lamdang mi huham hei hihen, Izip ngam sungah Izip kumpi Pharaoh le mipi tei lakah a bawl mi thu hei hihen,
\v 4 Izip ngalkap hempoh cipuh khung ngalkap, leng khung ngalkap tei lakah a bawl mi thu hei hihen, nangmuh a hil tute cu Edom tuipi tai tik in, tu ni tian siatsuah nak thu hei hihen,
\v 5 Hi umnak mun hen laih ngawl ngam sungah vah kawkawi laih nohtei lakah bawl mi thu hei hihen,
\v 6 Reuben miphun, Eliab capa Dathan le Abiram tei lakah a bawl mi thu hei hihen, leipi in a kam kau in a muhte le a innsung sang hempoh deubuk te, a muhtei sungah co mi van hempoh te Isarel miphun tei a laizang pen a thon nak thu hei hihen, a thei ngawlin a mu ngawl mi nohtei canu le capa tei lakah kei man hilh ngawl in nangmu bulpak in thei ta un.
\v 7 Pathian a bawl mi napi hempoh te nang muh loli in mu zo uh ci.
\p
\v 8 Mah hang nohten hawh in na luh tum tuk mi ngam cu thazang huham tuah lut tum tuk in,
\v 9 Pathian in nohtei pu le pa te le a muhtei miphun tei lakah pia tukin thukam mi ngam, khuinawi le khuaitui luannak ngam sungah nohten nunkhua sau tuk thu, tuni in ka thucah mi thukham te cingkem tuk uh ci.
\v 10 Nohten hawh in luh tum tuk mi ngam cu lo na deh bawl mi bang anci vawh in ke tuah tui leih mi ngam cu nohtei suah tul mi Izip ngam tuah bang ve ma hi.
\v 11 Nohten hawh in luh tum mi ngam cu mual le luam te tuah dim in nguahtui in mi ngam,
\v 12 Nohtei Topa Pathian cingkep hang, kumkhat sung a zoh mi ngam hi.
\p
\v 13 Nohtei Topa Pathian cu na thinlung hempoh tuah it in na deh tuk thu, tuni in ka thucah mi dan thukham te pha tak zet na ngai tale,
\v 14 Nohten cang, cabit tui, sathau te kem in a masa nguah, a dawl ta nguah tihmi nohtei ngam tuah a seng mi nguahtui cu kei man pia tung hi.
\v 15 Nohten an kham zet ei tuk in nohtei nganhing ca munlawn sungah hampa kung kei man po tik tung.
\v 16 Nohten a sual mi umnak cu ngai sungin lam pial ngawl a dang Pathian bia tuk ngawl in mah le mah ngalling in um ta un.
\v 17 Mah ahima tale Pathian cu a thinuuk in nguah zu ngawl lei in an kung te cang tik ngawlin vanhum cu khak tuk hi. Pathian piak mi ngam pha sungah nohten a man lang in tham tuk uh ci.
\p
\v 18 Mah hang ka hilh mi awnkam cu na thinlung sungah khum in, na khut ah sialsiah theih nak tuk in hihen, na cal ah hei hihen ken tuk uh ci.
\v 19 Mahmi awnkam cu nohten inn sungah khung hei in hihen, khualzin hei in hihen, zau thah hei in hihen, tho hei in hihen hilh in canu le capa tei lakah hilh tuk uh ci.
\v 20 Inn kongka pi, khuapi kongka ah hei ngan tuk uh ci.
\v 21 Mah tihcun na bawl tale Pathian in pu le pa tei lakah pia tuk in thukam mi ngam sungah nohtei nunnak, na canu le capa tei nunnak cu vanhum nunnak a sau bang in leihum ah a nunkhua sau tuk hi.
\v 22 Nohten nohtei Topa Pathian cu itnak thinglung tuah lamzin ah zui in, Topai sungah zuamnak tuk thu ka thupiak mi hi thukham hempoh zui tukin ngallin nak tuah cingkem tale,
\v 23 Pathian in hi miphun hempoh nohtei mai pen a hawl vawk hang, nohten nang muhte sang thazang ngil nak a nei saw miphun tampi te uk tuk uh ci.
\v 24 Nohten ke tuah in pal mi umnak co hang ngam sung pen pan tuipi mawk lam tian hei hihen, lei ngam hempoh cu nohtei uknak ngam sungah cang tuk hi.
\v 25 Nohtei mai ah a kua mah ding ngam tuk ngawl in nohtei pal mi lei ngam sungah a um mi hempoh ten nang muhte a lau nak tuk thu, nohtei Topa Pathian thukam a neih mi bang in bawl tuk hi.
\p
\v 26 Tuni thupha piak nak le tamsiat nak tihmi hi panih cu nohtei mai ah kei man koih ing.
\v 27 Tuni in ka hilh mi nohtei Topa Pathian thukham ngai tale thupha piak nak,
\v 28 Nohtei Topa Pathian thukham ngai ngawl in, tuni in ka thucah mi lamzin pen pial in theih awng ngawl mi a dang Pathian bia tale tamsiat nak cu kei man koih ing hi.
\v 29 Nohten hawh in na luh tum mi ngam ah nohtei Topa Pathian in a pui tum cengten, mui cu thupha cu Gerizim mual hum ah hei hihen, tamsiat nak cu Ebal mual hum ah hei hihen koih haw tuk hi.
\v 30 Mahmi mual te cu Jodan ngun nitum nak Kanaan miphun tei umnak mun Moreh munlawn ngam mawk, Gilgal khua tuah a seng mi munlawn ah a um mi hima maw.
\v 31 Nohtei Topa Pathian piak mi ngam cu lut tum tuk Jodan ngun ngalkhat lam ah hawh in mahmi ngam ah lut tum in um haw tuk hi.
\v 32 Tuni in ka thucah mi dan thukham te zui tukin cingkem haw tuk hi.
\s Pathian ten mi biakpiak nak mun
\c 12
\p
\v 1 Nohten hi leihum na nun sung hempoh nohtei pu le pai biak mi Topa Pathian piak mi ngam sungah, nohten lut tum in na um ten zui tuk mi dan thukham cu,
\v 2 Nang muhte uktu miphun tei mual pi mual neu hum, thing kung hing dim dem nuai ah a muhtei pa thian biakpiak nak a um mi hempoh siatsuah tuk.
\v 3 A muhtei biakpiak nak taitan te vang siat suah tuk. Zuk milim te vang subal tuk. Acciasia thingkung te vang mei hal kang tuk. Zuk milim pathian bawl mite vang phuk tuk. Mahmi umnak mun pen mahmi pathian min cu vawk tuk.
\v 4 A muhtei bawl mi bang nohtei Topa Pathian cu bawl ngawl in,
\v 5 Nohtei miphun a um hempoh sungah a min kho tik tuk in, nohtei Topa Pathian in teng in a umnak tuk mun zei in hung haw tuk hi.
\v 6 Mahmi umnak ah nohten mei hal biakpiak nak, sawm ah pakhat a lu piak nak, thukam tuah a seng mi a lu piak nak, thinthawh bawl mi a lu piak nak ca U pa bel a hing mi naupang te keng haw tuk hi.
\v 7 Mahmi umnak pen na Topa Pathian mai ah ei haw tuk hi. A bawl mi hempoh cu nohtei Topa Pathian in thupha a piak hang, a mah pen pan a innsung sang ten lungdam nak bawl haw tuk hi.
\v 8 A tu huncan hi umnak mun ah a bawl mi bang mahmi umnak sungah mi hempoh ten a theih nak zui in bawl haw tuk ma hi.
\v 9 Nohtei Topa Pathian piak mi lo co hauhsak nak mun sungah nohten lut tum ma laih uh ci.
\v 10 Nohten Jodan ngun ngalkhat lam ah hawh in, nohten lo co nak tuk mun nohtei Topa Pathian piak mi ngam sungah na um uh ten, ngal hempoh tei khut sung pen nohte a pat hang daiden no na um uh ten,
\v 11 A min kho tik tuk in nohtei Topa Pathian ten mi umnak mun um tuk hi. Mahmi um nak ah ka thucah mi hempoh bang nohtei mei hal biakpiak nak te sawm ah pakhat a lu piak nak, a dang biakpiak nak, Pathian cu thukam a piak bang in a sunglawi mi biakpiak nak te keng tuk uh ci.
\v 12 Na bulpak pen pan canu le capa, sila pano le numei te tuah nangma ca um ngawl, lo co mi nei ngawl in nohtei sungah a cam tu Levi te nohtei Topa Pathian mai ah lungdam nak bawl haw tuk hi.
\v 13 Muh theih nak mun hempoh sungah mei hal biakpiak nak bawl tuk ngawl thu cu ngalling ta un.
\v 14 Nohtei miphun pakhat sung pen Pathian ten mi umnak sungah mei hal biakpiak nak cu a piak hang ka thucah mi hempoh bawl haw tuk hi.
\p
\v 15 Mah hang na Topa Pathian thupha piak mi bang nohtei umnak mun hempoh ah eih nuam mi deih nak cu that in eih nak thu um hi. Sazuk, sakhi eih mi bang a thiangtho le thiangtho ngawl te bang ten in ei haw tuk hi.
\v 16 Mah hang a thisan cu eih pah sin. Tui na leih bang leihum ah lei tuk ci.
\v 17 Cang, cabit tui, sathau sehsawm a lu piak tuk mi sehkhat, tuu, khui a hing masa bel ca thukam tuah a seng mi a lu piak nak, zuam nak tuah a lu piak nak, a dang in biakpiak nak pakhat no hei nohten mai umnak pen ei tuk ma uh ci.
\v 18 Nohtei Topa Pathian ten mi umnak mun, nohtei Topa Pathian mai ah nangmah pen pan canu le capa, sila pano numei, a cam tu Levi miphun ten ei haw tuk hi. A bawl mi hempoh nohtei Topa Pathian mai pen lungdam haw tuk hi.
\v 19 Hi leihum nun sung hempoh Levi miphun te phawk ngil tuk ngawl in ngalling ta un.
\p
\v 20 Na Topa Pathian thukam a um mi bang na umnak ngam a zal ten, nang cu cik eih nuam nak thinlung a um hang cik cu kei man ei tung tin a tih ten, a ei nuam hempoh ten eih nak thu um hi.
\v 21 Na Topa Pathian a min cu kho tik tuk in a ten mi umnak mun cu na umnak tuah a khuala leita tale Pathian piak mi tuu, khui cu ka thucah mi bang that in na umnak mun ah a ei nuam hempoh ten eih nak thu um hi.
\v 22 Sakhi, sazuk eih mi bang ei tuk hi. A thiangtho mi le a thiangtho ngawl mite cu a mun eih theih nak thu um hi.
\v 23 Mah hang a thisan cu ei tuk ngawlin ngalling in. A cik cu a nunnak tuah ei pah sin.
\v 24 Mah hang a thisan cu ei pah sin. A nunnak cu a thisan sungah um hi. Tui leih bang leihum ah lei tuk ci.
\v 25 Nang cu Pathian deih mi na bawl hang, nangmah pen pan na tu le canawn ten sul tuang tukin a thisan cu ei pah sin.
\v 26 Nangman a thiangtho in a lu piak mi thukam bang bawl mi a lu piak nak te keng in Pathian ten mi umnak mun ah hawh tuk ci.
\v 27 A sa le a thisan cu tokhel in meihal biakpiak nak te na Topa Pathian biakpiak nak hum ah pia tuk ci. Nganhing thisan cu na Topa Pathian biakpiak nak taitan humah lei in a cik cu ei tuk ci.
\v 28 Na Topa Pathian deih mi na bawl hang nangmah pen pan na tu le canawn ten sul tuang tukin, ka thucah mi hi awnkam te pha tak zet ngai in cingkem in.
\p
\v 29 Nang cu hawh in na luh tum mi ngam sungah a um tu miphun hempoh na Topa Pathian in na mai pen a thah sak hang, a muhtei umnak ngam sungah nang cu lut tum in na um ten,
\v 30 A muhte na mai pen a siat suah cengten a muhtei nuncan zui mi bang na zui hang sualnak ah heng tuk ngawl in mahmi miphun ten a muhtei Pahian cu itihbang in bia tuk hum? Mah bang bok kei man bawl tung hitin a muhtei Pathian thu dong tuk ngawl in, nangmah le nangmah ngalling in.
\v 31 A muhtei bawl mi bang na Topa Pathian cu nangman bawl pah sin. A mun Pathian a nawngkai mi hempoh a muhtei pathian sungah bawl haw zo hi. A canu le capa te hei a muhtei pathian nelah biakpiak nak bawl in mei hal haw zo.
\p
\v 32 Ka thu cah mi hempoh te zui tukin cingkem in. A val bet tuk ma. A kiam hei um tik tuk ma.
\s A dang Pathian bia pah sin
\c 13
\p
\v 1 Nohtei sungah kamsang bawl tu mangmuh nak a nei tute heng in,
\v 2 Nohtei theih ngawl mi a dang pathian bia tuk hung hitin hilh in mangbang za thasiah huai te pia in, mahmi mangbangza thasiah huai nate cu cangkim naven,
\v 3 Mahmi kamsang a bawl tu mangman in a mu tutei awnkam cu ngai pah sin. Itahum titale nohten nohtei Topa Pathian cu thinlung venghawng it le it ngawl cu nohtei Topa Pathian in cul tuk hi.
\v 4 Nohtei Topa Pathian nung ah zui haw tuk hi. Lau nak thinlung tuah thukham te cingkem haw tuk hi. A thu awnkam ngai in biakpiak nak tuah Topa cu muang haw tuk hi.
\v 5 Sila umnak mun Izip ngam pen nang muhte pan tu nohtei Topa Pathian nelpen pial tuk in hihen, nohtei zui tuk in nohtei Topa Pathian in thucah mi lamzin pen suak tul tik tuk in thu hilh nak hang, mahmi kamsang pa le mangmu tute that haw tuk hi. Mah tihcun a bawl sual nak cu a muhtei sung pen that haw tuk hi.
\p
\v 6 Na U le nau suahpih na canu le capa, na cawi laih ang sungah a um mi na zi, na thinlung hawvang bang mi ngualcam pakhat in hawh nung hi. Nangman thei ma, pu le pa te hei in thei ngawl mi a dang pathian,
\v 7 Na elkim a nai le khuala ah a um mi leipi mawk pen a mawk khat lam tian a biak mi pathian cu bia tuk hung hitin daiden no a zawm tale,
\v 8 Nang cu lungkim pah sin. A ma awnkam thu ngai pah sin. A mah na muhten hehpih pah sin. A mah cu sahelh sel ngawl in a mah cu that tuk.
\v 9 A mah cu thah co tuk in nangman a masa na bawl cengten mi hempoh ten bawl haw tuk hi.
\v 10 Sila umnak mun Izip ngam pen nang muhte pui tu nohtei Topa Pathian nelpen pial tik tukin a ngaihsut hang a mah cu suang tuah sep in that haw tuk hi.
\v 11 Mahmi thuthang cu Isarel miphun hempoh ten za in, mah tihbang mi sual cu nohtei sungah bawl leh ngam ngawl in um haw tuk hi.
\p
\v 12 Sual a bawl tute cu a muhtei sung pen tul in nohtei theih ngawl mi,
\v 13 A dang pathian nelah hawh in bia tuk hung hitin tiin, a muhtei khuasung mipi te a zol nak thu cu nohtei Topa Pahian in na umnak tuk mun a piak mi khuapi pakhat sungah nangman thuthang na zak ten, mahmi thu cu phatak zet dong kan haw tuk hi.
\v 14 Thuthang zak mi bang ciangzet thu a man hang, mah tihbang mi a nawngkai na cu nohtei sungah a thungai in a bawl kha tale,
\v 15 Mahmi khuapi sung mipi ten nam tuah that haw tuk hi. Khuapi pen pan khuapi sungah a um mi mihing le ngahing hempoh nam tuah that haw tuk hi.
\v 16 A lon mi thil van hempoh te khuapi lamzin laizang ah seh in, mahmi khuapi tuah a lon mi thil van hempoh te na Topa Pathian ca mei hal tuk. Mahmi khuapi cu a cat ngawl in buak vawk nak in cang tuk hi. Sa leh thei tuk ma hi.
\v 17 Pathian cu a thinuuk dai tik in na pu le pa tei lakah thukam a um mi bang nangmah cu a hehpih pat nak hang, pungzai tik tuk thu tamsiat mi neih nak pakhat no hei la ngawl in a venghawng vawk tuk.
\v 18 Tuni in ka thucah mi bang na Topa Pathian awnkam ngai thukham hempoh zui in, na Topa Pathian deih nak na bawl ten tanglaih thukam bang in bawl tuk hi.
\s A thiangtho mi an le a thiangtho ngawl mi an
\c 14
\p
\v 1 Nohte cu nohtei Topa Pathian cate hi uh ci. A thi mi ca in a tak sa cu sat pah sun. Lukolh in sam met tuk ma.
\v 2 Nohten nohtei Topa Pathian ca a thiangtho miphun hi uh ci. Pathian in leihum ah a um mi hempoh miphun te sang, Topai co taak mi miphun cang tik tuk in nang muhte teng zo hi.
\p
\v 3 A nawngkai mite cu nohten ei pah sun.
\v 4 Eih tukmi nganhing cu khui, tuu, kel,
\v 5 Sazuk, sakhi, salel, sathak, ngam khui, mual hum tuu,
\v 6 Ketin kak in an thai leh thei mi sa te cu eih theih nak thu um hi.
\v 7 Mah naven, an thai leh thei in ketin kak mi sa sung pen eih tuk ngawl mi sa cu kalauuk, sabek, meican an thai leh haw naven, tin kak ngawl hang nohtei sungah thiangtho ma hi.
\v 8 Vok cu a ketin kak naven an a thai leh ngawl hang, nohtei sungah thiangtho ma hi. A sa cu ei pah sin. A thisa mi vang tawngkha pah sin.
\p
\v 9 Tui sungah a um mi nganhing hempoh sung pen teh le a lip nei mi nganhing bek ei tuk.
\v 10 Mah ten teh le a lip a nei ngawl te ei tuk ma. Nohtei sungah thiangtho ma hi.
\p
\v 11 A thiangtho vano eih theih nak thu um hi.
\v 12 Eih tuk ngawl mi vano te cu mu vanlai, mulukolh, mu,
\v 13 Mulukolh a sia suak nam hempoh, va-ak,
\v 14 Kalauuk vano, vano sia suak, biai,
\v 15 Simbung, ngaman, vaca,
\v 16 Cempu,
\v 17 Ngan, baak, cikdawt, sam-ak,
\v 18 A ha nei in a vak thei mi nganhing hempoh nohtei sungah a thiangtho ngawl mi hi.
\v 19 A sa cu eih pah sun.
\v 20 A thiangtho mi vano hempoh eih theih nak thu um hi.
\p
\v 21 A ma thu a thi cawm mi nganhing ei pah sun. Nohtei sungah a cam mi miphun dang tei eih tukin pia tuk. Mah a hima tale ngamdang miphun tei lakah zuak tuk. Nohte cu nohtei Topa Pathian ca a thiangtho mi miphun hi uh ci. Kel no cu a pi nawitui tuah huan tuk ma.
\s Sawm ah pakhat cu umnak a man ah mang in hi
\p
\v 22 Lo sung pen kum khat sung ankung cop mi sawm ah pakhat cu a man zet khen tuk.
\v 23 Nohtei Topa Pathian min cu kho tik tuk in a ten mi umnak mun ah cang, cabit tui, sathau pen pan tuu, khui sung pen a ca hing masabel a no sawm ah pakhat cu a mai pen ei haw tuk hi. Mah tihcun bawl tale nohtei Topa Pathian cu a cat ngawl lau tuk in hilh haw tuk hi.
\v 24 Nohtei Topa Pathian thupha a piak ten a min kho tik tuk a ten mi umnak cu khuala zet khualzin nak a sau hang, a mata sawm ah pakhat cu keng tukin a hawh thei ma tale,
\v 25 Mahmi a neih nak a zuak cengten sum cu keng in, nohtei Topa Pathian ten mi umnak mun ah hawh in,
\v 26 Eih nuamnak thinlung a um mi bang khui, tuu, cabit tui, nasezet a in nuam mite cu lei in nohtei Topa Pathian mai ah a innsung sang hempoh te tuah in le ei in lungdam nak bawl haw tuk hi.
\v 27 Mah hang nohtei sungah a cam mi Levi te, nang muhte tuah tokhel in um tuk ma, lo a co ngawl hang a muhte cu zamsan thong ngawl in,
\v 28 Kum thum nak ah ankung cop mi ankung te sawm ah pakhat hempoh suah in khuapi sungah khawl tuk hi.
\v 29 Nang muhte tuah um kawm tuk ma. Lo co ngawl mi Levi miphun, nohtei umnak sungah a um ngamdang miphun, nu le pa nei ngawl naupang, meivong te hung in kham pek ei haw tuk hi. Mah tihcun bawl tale nohtei Topa Pathian in nohtei bawl nak hempoh ah thupha pia tuk hi.
\s Leibat luat mi kum
\c 15
\p
\v 1 Kum salih veikhat luat nak cu bawl tuk ci.
\v 2 Luatnak tih mi cu nangmah tuah a seng mipan na neihnak pu in a leibat neih mi luat tuk hi. Pathian luat nak huncan a hih hang mahmi a leibat cu a inn nel, a U nau suahpih sungah ngen tuk ma.
\v 3 Miphun dang tei sungah nget tuk mi cu a thu um hi. U le nau sungah a um mi na neih nak cu ngen ngawl in luat tuk.
\v 4 Na sungah haksat zawnnak um tuk ngawlin mah tihcun bawl tuk. Na Topa Pathian lo co tuk in le neih tuk in a piak mi ngam sungah nangmah thupha pia tuk hi.
\v 5 Tuni in ka thucah mi hempoh hi thukham te zui tuk in le cingkem tuk in na Topa Pathian awnkam pha zet no ngai in.
\v 6 Na Topa Pathian thukam piak mi bang in thupha a piak hang, nang cu miphun hempoh tei lakah puk tik theih nak thu um tuk hi. A mun nangmah puk tik theih nak thu um ma hi. Nang cu miphun hempoh te uk in nei tuk ci. A mun nangmah cu ukin nei haw tuk ma hi.
\p
\v 7 Na Topa Pathian piak mi ngam pen khuapi pakhat sungah mizawng U le nau pih a um tale mahmi mizawng U le nau na hehpih nak thinlung cu sup pah sin. Na khut cu khakpah sin.
\v 8 Na khut cu a ma ca tuk zal zet hong in a haksat nak um tuk ngawl tian puk in hi.
\v 9 Na thinlung sungah a sia suak mi lungmu a um hang kum salih tihmi zah nak nai zo hitin, ngaisung in mah mizawng pai U le nau te iksik nak thinlung a um hang, imah pia ngawlin na um tale a mah cu Pathian nelah a um hang na nelah sual nak heng tuk ngawl in ngalling in hi.
\v 10 A thungai in a mah cu piak tuk mi hi. A mah cu pia tale pamhei nak thinlung nei ma hen. Itahum titale mahmi piak nak hang, na Topa Pathian in na bawl nak hempoh ah thupha pia tuk hi.
\v 11 Na um nak ngam sungah mizawng cu pai tuk ma hi. Mah hang na umnak ngam sungah mizawng haksa ningkial mi na U le nau tei lakah na khut cu zal zet hong tukin kei man thucah ing hi.
\s Sila te suah in hi
\p
\v 12 Na U le nau suahpih Hebru miphun pano numei cu nangma sungah sila a hihnak hang, kum luk na a deh cengten kum salih nak a heng tale hah tuk.
\v 13 A suah ten khut thacang suah ngawl in,
\v 14 Na Topa Pathian thupha piak mi bang na tuu hon, na cangcil nak, cabit ngawi nak khuk sung pen tampi pia tuk.
\v 15 Nang cu Izip ngam sungah sila na thuak awng nak thu hei hihen, na Topa Pathian in nangmah a ten nak thu phawk tuk ci. Mah hang hi thukham cu tuni in kei man koih ing hi.
\v 16 Mah hang sila in kei cu suak nuam mang hi. Topa le Topa inn sungsang te it ing hi. Um nop laih hitin a ti tale,
\v 17 Nangman a hiam mi cu la in kongka ah sila beng na vih cengten, a mah cu kumkhua sila hi tuk hi. Mah bang bok sila nu vang bawl tuk.
\v 18 Na sila a suah ten haksa hitin ngai sung tuk ma. Itahum titale, kum luk sung sila a thuak hang a mah zawng in na deh mi letnih cu a man dek zo hi. Na Topa Pathian in na bawl nak hempoh ah thupha pia tuk hi.
\s Ca U pa bel hempoh Pathian ta hi
\p
\v 19 Na tuu le khui tei sungah a masa bel in a hing mi a pa hempoh cu na Topa Pathian ca thiangtho tik tuk hi. A masa bel a hing mi khui, a masa bel a hing mi tuu cu mang tuk ma.
\v 20 Pathian ten mi umnak mun pen na Topa Pathian mai ah mahmi tuu, khui te cu kum sial a cat ngawl in inn sungsang te tuah mah loli ei tuk.
\v 21 Mahmi tuu, khui sung pen a kebai, mitcaw tih bang taksa kim ngawl sonbang a um mi, a dang sonbang pakhat a um tale na Topa Pathian cu biakpiak nak bawl pah sin.
\v 22 Na umnak mun pen ei tuk. Sazuk, sakhi eih bang a thiangtho le thiangtho ngawl a muhte tuah munkhat ah ei haw tuk hi.
\v 23 Mah hang a thisan cu ei pah sin. Tui na leih bang leihum ah lei tuk ci.
\s Kaltan puai
\c 16
\p
\v 1 Na Topa Pathian cu Abib ha, zan hun can ten nangmah Izip ngam pen a pui hang, Abib ha cu sialsiah in na Topa Pathian puai cu bawl in hi.
\v 2 Pathian min kho tik tuk in a ten mi umnak mun ah tuu khui te biakpiak nak pia in, na Topa Pathian nelah kaltan puai bawl tuk ci.
\v 3 Izip ngam pen na tul mi ni cu na nun sung phawk tuk in kaltan puai bawl laih tak naman sawh mi moh ei ngawl in, naman sawh ngawl moh tihmi haksat nak moh cu ni salih sung ei tuk ci. Itahum titale nang cu Izip ngam pen man lang zet in tul ci.
\v 4 Ni salih sung na umnak ngam sungah naman sawh mi moh tel tuk ma. A masa bel ni zanlam ten a lu piak mi biakpiak nak cik cu zingvak tian tang tik tuk ma.
\v 5 Na Topa Pathian piak mi khuapi umnak hempoh ah kaltan puai biakpiak nak a lu piak mi phal nak thu um ma hi.
\v 6 Na Topa Pathian min cu kho tik tuk in a ten mi umnak ah nang cu Izip ngam pen na tul mi huncan, zanlam huncan ten kaltan puai biakpiak nak pia tuk ci.
\v 7 Na Topa Pathian ten mi umnak ah mei tuah em in, eih cengten zinglam ten inn ah pin tuk.
\v 8 Ni luk sung naman sawh ngawl moh ei tuk. Ni salih ni in na Topa Pathian ca a thiangtho mi hulopkhawm nak bawl tuk. Mahmi ni in na dek tuk ma.
\s Nipi sial puai
\p
\v 9 Cang ah pat ceng nipi salih sial cengten,
\v 10 Na Topa Pathian mai ah nangmah pen pan na Topa Pathian thupha piak mi bang zuamnak tuah bawl mi biakpiak nak keng tuk.
\v 11 Na Topa Pathian min kho tik tuk in, a ten mi umnak mun ah na Topa Pathian ca nipi salih puai bawl in canu le capa, sila pano numei, na umnak mun ah a cam mi Levi miphun, mikhual, nu le pa nei ngawl, meivong ten lungdam nak bawl haw tuk hi.
\v 12 Nang cu Izip ngam sungah sila na um awng nak thu phawk in hi thukham te cingkem tuk ci.
\s Deubuk puai
\p
\v 13 Cang le cabit tui a lak cengten ni salih sung deubuk puai bawl tuk uh ci.
\v 14 Mahmi puai bawl laih tak nangmah pen pan canu le capa, sila pano le numei, na inn sungah a cam mi Levi miphun, mikhual, nu le pa nei ngawl, meivong ten lungdam nak bawl haw tuk hi.
\v 15 Pathian ten mi umnak mun ah ni salih sung na Topa Pathian ca a thiangtho mi puai bawl tuk. Na Topa Pathian khan to nak hempoh, na bawl mi hempoh ah thupha a piak hang a man mi lungdam nak bawl tuk.
\v 16 Naman sawh ngawl puai huncan nipi salih puai, deubuk puai huncan tihmi kumkhat ah veithum tian, nohtei sung pen pano hempoh in na Topa Pathian ten mi umnak mun a mai ah mitmai lak tuk uh ci. Mah ten Pathian nel ah a kua mah khut thacang heng tuk ma.
\v 17 Na Topa Pathian thupha piak hang, mihing hempoh ten a tih theih tawk in pia haw tuk hi.
\s Thukhen tute
\p
\v 18 Na Topa Pathian piak mi khuapi hempoh ah thukhen tu U pa te cu na umnak ngamkhen sung hempoh ah pia tuk. Amun miphun hempoh sungah a dik mi thukhen haw tuk hi.
\v 19 Nang cu thudik lamzin pen pial pah sin. Mihing mitmai zo pah sin. Nawhthuh ei pah sin. Nawhthuh cu micip te mit caw tik thei hi. Midik pai awnkam cu kawi tik thei hi.
\v 20 Na Topa Pathian piak mi ngam ah nang cu nung in lo co tuk thu, a dik mi lamzin bekah zui tuk ci.
\s A dang Pathian bia pah sin
\p
\v 21 Na Topa Pathian ca biakpiak nak taitan bul ah itihbang mi Accasia thingkung hei phut tuk ma.
\v 22 Na Topa Pathian huat mi zuk milim bawl tuk ma.
\c 17
\p
\v 1 Sonbang um ngawl mi tuu, khui, a pha ngawl mi tuu, khui cu na Topa Pathian nelah biakpiak nak pia tuk ma. Mah tihbang mi biakpiak nak cu na Topa Pathian ca a nawngkai mi hi.
\p
\v 2 Na Topa Pathian piak mi khuapi sungah na Topa Pathian thukhaam palcat in a mai ah sualnak a bawl tu pano numei um hitin, nang muhtei sungah a mu tale,
\v 3 Thukham ka piak ngawl ni le hade, vanhum ah a um mi hempoh a dang Pathian lakah hawh in biakpiak nak hang,
\v 4 Nang cu thuthang za in phatak zet dot kan ten, Isarel miphun sungah mah a nawngkai mi sualnak a bawl pang ngai tale,
\v 5 Mahmi sualnak a bawl tu pano le numei cu khuapi kongka bulah dok tul suang tuah sep in that tuk hi.
\v 6 Theihpih tu panih, pathum a um tale a thi taak mipa cu thi tuk hi. Theihpih tu pakhat bek a um tale thah co tuk ma hi.
\v 7 A mah cu that tuk in theipih tuten a masa bawl cengten mi hempoh in bawl haw tuk hi. Mah tihcun bawl tale nohtei sung pen sualnak cu vawk haw tuk hi.
\s Thukhen tupai thukhen cu sang in
\p
\v 8 Na umnak khuapi sungah mihing thahnak sual, thubuai tawh nak sual, mivah dun nak sual te cu uktu mai ah heng in thukhen thei ma tale na Topa Pathian ten mi umnak munah hawh in,
\v 9 Mahmi huncan ten thukhen nak a bawl tu thiampi, Levi miphun tei mai ah thukhen tuk hi. Amun thukhen nak vang lak haw tuk hi.
\v 10 Pathian ten mi mipi ten a lak mi thukhen nak bang nangman bawl tuk ci. A muhtei thu hilh nak bang bawl tuk in cingkem tuk.
\v 11 A muhtei lak mi a thiangtho thukhen nak a son tu thukhen cat nak a um bang in bawl tuk. A muhtei lak mi thukhen nak pen taklam le veilam ah pial tuk ma.
\v 12 Na Topa Pathian mai ah na deh nak a cing tu thiampi, thukhen tu awnkam ngai ngawlin ngalhan nak tuah ngam zet a bawl tupa a thah nak hang, Isarel miphun pen a sualnak cu vawk tuk.
\v 13 Mahmi thuthang cu mi hempoh in a zak ten launak thinlung tuah ngam zet in bawl leh tuk ma hi.
\s Pathian ten mi kumpi
\p
\v 14 Na Topa Pathian piak mi ngam ah nang cu lut tum in na um ten nangman, ka elkim ah a um mi miphun dang te bang kei cu kumpi hihnak ah mihing pakhat cu khaisang tung hitin a tih ten,
\v 15 Na Topa Pathian ten mipa, U le nau miphun pih bek kumpi hihnak ah khaisang tung hi. U le nau miphun pih a hi ngawl miphun dang te khaisang tung mang hi.
\v 16 Mahmi kumpi cu a ma ca tuk cipuh tampi hing tuk ma hi. Cipuh tampi tuk in mipi ten Izip ngam ah kik leh tik tuk ma. Itahum titale mahmi lamzin ah hawh leh tuk ma hitin Pathian thupiak mi um hi.
\v 17 A thinlung cu thukam pelhnak pen luat tuk in zi tampi huai tuk ma. Sui le ngun vang tampi nei tuk ma hi.
\p
\v 18 A mah cu kumpi khun nak hum ah a khun ten, Levi miphun thiampi mai ah a um mi hi dan thukham laibu cu khum tuk hi.
\v 19 Ma cengten a man a nunnak hempoh ah cingkem in sial tuk hi. Mahten a man Pathian launak nei tuk in, hi dan thukham awnkam hempoh zui tuk in a tu le canawn te a hilh tuk thu,
\v 20 A U le nau ten imah sum sial ngawlin pualthau ngal nak tuah thuman lamzin pen taklam, veilam ah pial tuk ngawl in kumpi khunnak humah a khun ten Levi miphun thiampi sungah a mi Isarel miphun sung a tu le canawn te tuah kum tampi a tawp tian uk thei tuk in hi.
\s Thiampi le Levi miphun tei ca bopnak
\c 18
\p
\v 1 Levi capa thiampi tih mi Levi miphun hempoh Isarel miphun te tuah tohhel in um tuk ma, lo co ngawl in Pathian lo tihmi mei tuah bawl mi biakpiak nak ei haw tuk hi.
\v 2 Mah hang a mun a U le nau te tuah lo co haw ma hi. Pathian thupiak mi bang a muhtei lo hi.
\v 3 Mipi ten biakpiak nak a bawl ten khui hei hihen, tuu hei hihen, thiampi tei co tuk a dak pakhat, a biang panih, a ngil te hei hihen,
\v 4 Anthak a masa bel cang, cabit tui, sathau, tuu mul hei a lu pia tuk hi.
\v 5 Itahum titale, a mah pen pan a tule canawn ten Pathian phal nak tuah na a deh cu a cat ngawl dek tuk in, na Topa Pathian in na miphun hempoh sungah a mah cu teng zo hi.
\p
\v 6 Isarel khuapi khua no sungah a cam mi Levi miphun pakhat cu Pathian ten mi umnak ah thinlung thiangtho in a heng tale,
\v 7 Pathian mai ah umnak a co tu U le nau Levi miphun te bang in a Topa Pathian phal nak tuah na cu dek tuk hi.
\v 8 A ma lo cu zuak in a ngah mi sial ngawl Levi miphun ten bang ten in co tuk hi.
\s Pathian a nawngkai mi nun
\p
\v 9 Na Topa Pathian piak mi ngam ah na tum ten, mahmi ngam sungah a um tu miphun tei bawl theih a nawngkai mi nate cu bawl tuk in cung pah sin.
\v 10 Nohtei sungah na canu le capa cu mei tuah biakpiak nak, a cang zo mi thu cu mai cih thiam nak tuah a son thei tu, khutlam a zo thei tu, phat ngawl nak a kem thei tu,
\v 11 Dawih thiamnak, khawsia tuah a phial thei tu, ai zialtham nak a kem thei tu, mi thi thu dong thei tu pakhat no hei um tuk ma.
\v 12 Mah tihcun bawl thiamnak a nei tu hempoh te Pathian a nawngkai mi hi. Mah a nawngkai mi nate hang na Topa Pathian in mahmi miphun te cu na mai pen hawlvawk hi.
\v 13 Na Topa Pathian mai ah cangkim nak tuah um tuk.
\v 14 Na uk mi miphun te cu khut lam zo thiam, a cang tuk laih mi thu na theih nak tuah a son thei mi a muhtei awnkam thungai thei haw hi. Nang cu mah tihbang bawl tuk in na Topa Pathian in phal ma hi.
\p
\v 15 Na Topa Pathian in na miphun pih tei sungah kei mah tuah a bang ve mi kamsang pakhat cu nangma ca heng tik tuk hi. Mahmi kamsang awnkam thu cu ngai tuk hi.
\v 16 Horeb umnak mun pen hulopkhawm haw mi ni in, nang cu mah cengten na Topa Pathian awnkam aw za leh tik toh pah sin. Mah a nasezet mi mei cu mu leh tik toh pah sin. Kei cu thi tuk lau nak hang, na Topa Pathian mai ah nget mi hempoh bang,
\v 17 Pathian in a muhtei awnkam cu a mawi mi hi.
\v 18 A muhtei miphun pih sungah nangmah tuah a bang ve mi kamsang pakhat cu a muhte tei ca kei man heng tik in mahmi kamsang awnkam sungah ka awnkam ka ap hang, ka thucah mi hempoh a muhtei lakah hilh tuk hi.
\v 19 Mahmi kamsang cu kei ma phal nak tuah a hilh mi ka awnkam te mihing pakhat in a ngai ngawl in a um tale a mah cu kei man cek tung hi.
\p
\v 20 Kei man thucah um ngawl ka phal nak thu keng in ngalhang ngam zet hilh tu kamsang, a dang pathian phal nak tuah hilh tu kamsang cu thah co tuk hitin, ka nelah thupiak mi um hi.
\v 21 Nangmah vang Pathian thupiak mi um le um ngawl cu kohten itihbang in thei tuk hum tin ngai sung tale,
\v 22 Kamsang cu Pathian phalnak thu keng in a hilh mi bang cang ngawl in a hilh mi awnkam a cangkim ma tale mahmi awnkam cu Pathian thupiak mi hima hi. Kamsang in ngalhang ngam zet in hilh zo hi. A mah cu lau ma hi.
\s Belhnak tuk mun khuapi te
\c 19
\p
\v 1 Na Topa Pathian piak mi ngam sungah a um miiphun te na Topa Pathian in a thahnak hang, nang cu a muhtei umnak sung tum in a muhtei khuapi a mun inn sung ah a um ten,
\v 2 Na Topa Pathian piak mi ngam sungah khuapi pathum cu khen tuk ci.
\v 3 Mi that kha pang hempoh te mahmi khuapi sungah tai thei tuk in, na co tuk mi lo cu na Topa Pathian piak mi ngam khenthum ah khen in lamzin bawl in hi.
\p
\v 4 Inn nel lo nel cu huat nak um ngawl phawk khak ngawl in a that khapang tupan a nunnak him tuk in, khuapi pakhat ah a tai tale,
\v 5 Mihing pakhat in thingphuk tuk a ngualcam tuah ngam sungah hawh in, thingkung cu phuk in a tu ten heipi nga cang zuuk in a ngualcam pa a khenkhak hang, a ngualcam a thi tuk tian a bawl tu cu a nunnak him tuk in khuapi pakhat ah tai tuk hi.
\v 6 Mah ahima tale a thi tik thei tupan a thinuuk nak a suak ten mi that pa cu hil in khualzin khuala hang pha in that tuk hi. Mah tihcun thah tuk mi hima hi. Itahum titale, a man a ngualcam pa cu huat nak a um ngawl hang thah nak thuak taak ma hi.
\v 7 Mah hang khuapi pathum khen tuk citin kei man thu cah ing.
\v 8 Na Topa Pathian in napu le pa tei lakah pia tukin thukam ngam hempoh nangmah a piak hang, napu le pa tei lakah thukam mi bang in na umnak ngam cu a zal tik hei in hihen,
\v 9 Tuni in ka thucah mi hi thukham hempoh zui in na Topa Pathian itnak thinlung tuah a cat ngawl lamzin ah zui hei in hihen,
\v 10 Na Topa Pathian in lo na co tuk a piak mi ngam sungah thihnak taak a um ngawl mi thihnak co tuk in mi that sualnak cu na hum ah heng tuk ngawl in, a tuin ka son sa mi khuapi pathum sung pen pakhat, a dang khuapi pathum te khen bet tuk ci.
\p
\v 11 Thudang son tale a ngualcam huat nak tuah zo kuh in thi tuk a do tupa cu mahmi khuapi pakhat sungah tai in a heng ta vang,
\v 12 A ma umnak khuapi sungah kum U pa ten mihing cu hah in a mah a pui hang, thi tik tukin a khut sungah ap haw tuk hi.
\v 13 Na mit in a mah cu hehpih tuk ma. Nangman nung tuk in mi thah nak sual cu Isarel miphun sung pen vawk tuk hi.
\p
\v 14 Na Topa Pathian in na nelah a piak mi ngam cu lo co nak lei sungah tanglaih mihing tei phut sa mi inn nel lo nel tei ngi tuah thawn tuk ma.
\s Theihpih tu pakhat bek tuah ngah ma
\p
\v 15 Mihing in a bawl mi sualnak, a bawl khak mi sualnak a cek ten theihpih tu pakhat bek a um tale a ma awnkam cu kho tuk ma hi. Theihpih tu panih, pathum tuah awnkam hempoh kho tuk hi.
\v 16 A man ngawl theihpih tu pakhat in midang langlam ah a man ngawl mi theihnak a bawl tale,
\v 17 Thu buai tawk tu mihing panih ten Pathian mai ah hei in hihen, mahmi huncan sungah a um mi thiampi, thukhen tu mai ah hei in hihen hung in,
\v 18 Thukhen tuten pha zet no thu dong kan in, mahmi theihpih tupa cu a ngualcam a langlam ah a man ngawl mi theihpih nak a bawl tale,
\v 19 A ngualcam nelah bawl tuk in ngaihsut nak a neih mi bang a man in bawl tuk hi. A bawl mi sual cu a muhtei sung pen mah tihcun that tuk hi.
\v 20 A tang mi a muhte vang mahmi thu za in a lau hang, mah tihbang mi sual nak bawl ngawl in um haw tuk hi.
\v 21 Na mit in hehpih tuk ma. Nunnak ca in nunnak hei hihen, mit ca in mit hei hihen, ha ca in ha hei hihen, khut ca in khut hei hihen, ke ca in ke hei hihen, dan pia tuk hi.
\s Ngaldo a hawh tuk a lemcang ngawl mite
\c 20
\p
\v 1 Nangman ngaldo tuk ngam thok ten nangma sangin a tam saw mi cipuh, leng, mihing tampi mu ta vang lau pah sin. Nangmah Izip ngam pen pui tu na Topa Pathian cu nangma lam ah um hi.
\v 2 Ngaldo nak tuk huncan a nai ten thiampi ten nek in,
\v 3 Isarel miphun te aw, tuni in nohten ngaldo tukin na ngal te heng haw zo hi. A mu hang thinkham nak, launak, hing tawtok candalh lau nak nei pah sun.
\v 4 Itahum titale nohtei Topa Pathian in ngal te do nang muhte pan tuk in nang muhte tuah hung hitin, mipi tei lakah hilh haw tuk hi.
\v 5 Ngal bawi ten inn thak sa in Pathian nelah a ap laih ngawl mi a um tale a inn ah pin leh in ap hen. Mah ahima tale, ngaldo ten thi in midang ten mahmi inn ap tuk hitin, lau nak um hi.
\v 6 Cabit huan cing in cabit ngah a ei ngah ngawl tupa a um tale a inn ah pin hen. Mah ahima tale ngaldo nak sungah thi in midang pakhat in mahmi cabit ei tuk hitin, lau nak um hi.
\v 7 Numei tuah huai tuk dong in a huai laih ngawl mi a um tale a inn ah pin leh hih ta hen. Mah a hima tale ngaldo nak ah thi in midang tuah mahmi numei cu huai theih nak a thu um hi.
\v 8 Ngal bawi ten mi lau thei, thinkham thei mipa a um tale a inn ah pin leh hih ta hen. Mah ahima tale mahmi thinkham pa bang a ngualcam te cu thinkham haw tuk hitin, lau nak um hi.
\v 9 Ngal bawi ten mipi tei lakah mah tihbang in a son cengten, ngalkap bawi uktu ten mipi te ngaldo tuk in ngam thok tik haw tuk hi.
\p
\v 10 Nang cu khuapi pakhat do tuk in a nek ten ngal daihnak thu than tuk ci.
\v 11 Mahmi khuapi cu ngal daih nak awnkam don leh in khuapi kongka a hong tale, mahmi khuapi sungah a um mi a mun na nelah siah pia in nangma na cu dek haw tuk hi.
\v 12 Mah ahima tale awnkam don leh ngawl nangmah cu ngal a do tale mahmi khuapi kil in,
\v 13 Na Topa Pathian in na khut sungah a ap ten pano hempoh ten nam tuah in that haw tuk hi.
\v 14 Numei, naupang, nganhing hempoh a um mi khuapi sungah na muhmi neih nak hempoh nang ma ca tuk la in, na Topa Pathian piak mi na ngal tei khut sung pen na co mi neih nak ei tuk ci.
\v 15 Hi miphun a um tu khuapi sial ngawl nangmah tuah a khuala mi khuapi hempoh te mah tihcun bawl tuk ci.
\v 16 Na Topa Pathian in na lo co tuk in hi miphun tei umnak sungah nunnak a nei tu mihing pakhat no hei nung tuk ma hi.
\v 17 Na Topa Pathian thupiak mi bang Hit miphun, Amor miphun, Kanaan miphun, Periz miphun, Hiv miphun, Jubus miphun hempoh siatsuah khawng tuk hi.
\v 18 A muhtei pathian sungah bawl mi a nawngkai thu te nangma nelah hilh in na Topa Pathian a sual ngawl nak tuk in hi.
\p
\v 19 Nangman khuapi pakhat do tukin ngeipi kil tale thingkung te phuk pah sin. Lei sung pen a po mi thingkung te mihing tei nunnak tuk a hih hang a ngah bek cu ei tuk. Khuapi kil nak na dek tale thingkung cu phuk pah sin.
\v 20 Mah hang eih tuk ngawl thingkung te phuk in, nangmah tuah ngaldo mi khuapi cu na neh laklawh ngaldo nak van te bawl nak thu um hi.
\s Mithi ca sual hah biakpiak nak
\c 21
\p
\v 1 Na Topa Pathian piak mi ngam pen co in umnak sungah mithi luang tawk in a kon that hum tih thei ma tale,
\v 2 Na nelah kum U pa thukhen tute heng in a elkim khuapi khua no tian teh haw tuk hi.
\v 3 Mithi luang tuah a nai bel mi khuapi sungah kum U pa ten a zawng pua tik in, na tik awng laih ngawl mi khui cu keng in,
\v 4 Lo bun ngawl anci vawh theih ngawl leisia huakluam lakah pui in, mahmi huakluam sungah khui a long khau a duk cengten,
\v 5 Na Topa Pathian na dek tik tuk in hihen, Pathian phal nak thupha pia tik tuk in hihen, a ten mi Levi capa thiampi ten nek in thu buai nak a tawh mi sual, a vah nak thu hempoh thukhen sak haw tuk hi.
\v 6 Mithi luang tuah a nai bel khuapi kum U pa hempoh ten, mahmi huakluam sungah a ngawng talh mi khui nu hum ah a khut te som in,
\v 7 Kohtei khut in hi thisan suah ngawl mit in mu ma.
\v 8 Pathian aw, na ten mi Topai mihing Isarel miphun cu hehpih in hi. A thi taak ngawl mipa a thah mi sual cu Topai mihing Isarel miphun hum ah heng tik pah sin hitin, ti haw tuk hi. Mah tihcun bawl tale mithah sualnak cu luat tuk hi.
\v 9 Mah tihcun na Topa Pathian mai ah phatnak na bawl ten a thi taak ngawl mipai thisan cu thiangtho tik tuk hi.
\s Ngalmat mi numei tuah huaidun nak
\p
\v 10 Nang cu ngaldo tuk hawh in na Topa Pathian in a muhte na khut sungah a ap hang na mat ten,
\v 11 Mat mi a muhtei sung pen a mawi zet mi numei cu mu in huai tuk deihnak a um tale,
\v 12 Na inn ah a mah cu sam in a man a lu sam meh nak, a khut tin talh nak te bawl in,
\v 13 A mat mi angki duk in pikhat sung a nu le pa te kah nak tuah na inn sungah a um cengten, nangman a mah cu huai in na nupi in cang tuk hi.
\v 14 Mah cengten a mah na it ma tale a thinlung deih nak bang in hawh theih nak thu pia tuk. A mah cu zotsak nak hang sum tuah zuak tuk ma. Sila hihnak ah vang koih tuk ma.
\s Ca U pa bel thu neihnak
\p
\v 15 Mihing pakhat in zi panih huai in a huat mi nupi in capa cawi in a masa a hing mi capa cu a huat mi nupi ca a hi tale,
\v 16 A mah cu a lo co tuk a sem ten huat mi nupi capa neihsiah in a ih mi nupi capa cu capa U pa hihnak ah khaisang tuk ma.
\v 17 A huat mi nupi ca cu ca U pa hitin lungkim in, a letnih a neihnak lo cu a ma nelah pia tuk. Itahum titale mahmi capa cu a pai thazang ngilnak a masa bel hi. Capa U pa a hihnak tuah seng hi.
\s Do tu capa cu that in
\p
\v 18 A pan mi ngilo a do thei capa, a nu le pai awnkam thu ngai ngawl in nu le pa ten thu hilh ta vang thungai ngawl mi capa a um tale,
\v 19 Nu le pa ten mahmi capa cu len in khuapi sung kum U pa tei umnak mun khuapi kongka bul ah a hawh pih cengten,
\v 20 Kohtei capa cu mi ngilo lungmu ngeng a hih hang, kohtei awnkam thungai ngawlin um thei tupa hi. Longak, thil tui in thei mipa hitin khuapi kum U pa tei lakah hilh tuk hi.
\v 21 Khua sung pano hempoh ten mahmi capa cu suang tuah sep in that haw tuk hi. Mah tihcun nohtei sungah sual bawl mi a thian tik hang, Isarel miphun hempoh ten mahmi thuthang za in lau haw tuk hi.
\s Thukham a phun phun
\p
\v 22 Thihnak taak sual a nei tu a mah cu thing hum ah taak in that tale,
\v 23 Mithi luang cu thing hum ah zankhat sung koih tuk ma. Mahmi ni in lei sungah phum cih tuk. Thing hum ah taak mi pa cu tamsiat nak a co tupa hi. Na Topa Pathian in na lo co tuk in a piak mi ngam cu bal tik tuk ngawl in mah tihcun bawl tuk hi.
\c 22
\p
\v 1 Na U le nau tei tuu le khui lamzin pial hitin zo thong tuk ma. U le nau tei lakah san leh tuk.
\v 2 U le nau cu khuala ah hei hihen, a mah cu thei ngawl in hihen, mahmi tuu le khui cu a inn ah pia tuk. U le nau ten zei ngawl in a ma nelah piak leh lak lawh tian cu mai inn ah koih tuk.
\v 3 Laak hei hihen, angki hei hei hihen, U le nau tei neih mi thil pakhat pai in na mu tale zo thong ngawl in, mah tihbang bawl tuk. Nang cu ngelh pah sin.
\v 4 U le nau tei laak le khui lamzin pen bah in a um mi cu zo thong in um pah sin. U le nau cu bop dun tuk mi hi.
\p
\v 5 Numei in pano angki silh sak tuk ma. Pano vang numei angki silh tuk ma. Mah tihbang in a silh thei mi hempoh cu na Topa Pathian in a nawngkai hi.
\p
\v 6 Thing hum ah hei hihen, leihum ah hei hihen, vano bu sungah vano in a tui te a cano cu op in a muhten, a cano te tuah a nu cu la tuk ma.
\v 7 Nang cu nunsau nak thupha co tuk in a cano te na la tale a pi cu hah tuk ci.
\p
\v 8 Mihing cu inn hum pen cak kha in mithat sualnak ah heng tuk ngawl in, inn thak a sak ten a humkhuh elkim ah a khamnak bawl tuk hi.
\p
\v 9 Cabit huan sungah a dang anci tuah tokhel in vawh tuk ma. Mah tihcun na vawh tale anci cang a ngah, cabit kung a ngah a panih in sia tuk hi.
\v 10 Khui le laak cu lo let tik pah sun.
\v 11 Pat le tumul tokhel in tah mi angki silh pah sin.
\p
\v 12 Na silh mi puan mawk pali ah pakbom te belh tuk.
\s Khanglai a him ma tale that tuk
\p
\v 13 Mihing cu a nupi huai in a pawldun cengten a numei hua in,
\v 14 Kei cu hi numei nu tuah huaidun in pawldun ten khanglai a him ngawl thu thei ing hitin, a numei nu mawhsiat nak thu bawl in a min sia tuk a bawl tale,
\v 15 Mahmi numei nui nu le pa ten khanglai him theihpih nak thu keng in, khuapi sungah kum U pa tei umnak mun khuapi kongka bulah hawh in,
\v 16 A numei nui pan ka canu huai in,
\v 17 Na canu cu khanglai him a hih ngawlnak thu kei man mu mang hitin tiin, mawhsiat nak thu bawl hi. Mah hang hi thu cu ka canu theihpih nak thu hitin, kum U pa tei lakah son in mahmi a puan cu a muhtei mai ah phalh in lak tuk hi.
\v 18 Mah ten khuapi sungah kum U pa ten mahmi mihing cu la in a vah cengten,
\v 19 Sum cuai kul kuan tik in numei nui pa cu pia tuk hi. Itahum titale Isarel miphun khanglai him cu a min sia tik zo hi. Mahmi numei nu cu a nupi hi tuk hi. A nun sung mah numei tuah khen tuk ma hi.
\v 20 Mah ahima tale Isarel miphun khanglai him in theihpih nak thu a um ma tale,
\v 21 Khuapi sung pa no hempoh ten mahmi numei nu cu a pai inn kongka pi ah a pui cengten, suang tuah sep in that haw tuk hi. Itahum titale a pai innsung ah a mawi ngawl mi nu le pa sualnak in zui in, Isarel miphun sungah a pha ngawl mi sualnak bawl zo hi. Mah tihcun nohtei sungah sual a bawl mi cu thiangtho tik haw tuk hi.
\p
\v 22 Pasal a nei mi numei le a dang pano a um kawm li mi cu a mu tale mahmi pano le numei a panih cu thah co tuk hi. Mah tihcun sual a bawl mi cu Isarel miphun in thiangtho tik tuk hi.
\p
\v 23 Khanglai him cu pano tuah huaidun cengten a dang pano tuah khuapi sungah tawk in a um tale,
\v 24 Mahmi a mu panih cu khuapi kongka bulah dok tul in, suang tuah sep in thah co haw tuk hi. Numei cu khuapi sungah um napi in a au ngawl hang in hihen, pano in a nupi a zot sak hang in hihen, mahmi a mu panih cu thah co haw tuk hi. Mah tihcun nohtei sungah a bawl sual mi cu thiangtho haw tuk hi.
\p
\v 25 Khanglai cu pano tuah huaidun cengten a dang pano ngam sung pen tawk in nehsiah nak a bawl tale mahmi pano pakhat bek cu thah co tuk hi.
\v 26 Thihnak taak sualnak a um ngawl mahmi numei nu nang cu a kua mah in bawl pah sun.
\v 27 Itahum titale pano in mahmi numei cu ngam sung pen tawk in numei nu cu au ngawlin bawm tu a um ngawl hang, mahmi thu cu mihing pakhat le pakhat haudun in thah mi thu tuah bang ve hi.
\p
\v 28 Pano tuah huaidun laih ngawl mi khanglai him cu a dang pano tawk in kai li a mu tale,
\v 29 Mahmi pano cu numei nui pai nelah shekel sawmnga kuan tuk hi. Mahmi numei cu a nupi in cang tuk hi. A mah cu a zot sak hang a nun sung khen tuk ma.
\p
\v 30 Mihing cu a pa tuah a seng mi a pai nupi cu huai tuk ma.
\s Mipi tumnak pen a lawlnak
\c 23
\p
\v 1 Pano in a neih mi cangkim ngawl a sam mi pano cu Pathian mipi sungah tel tum thei tuk ma hi.
\p
\v 2 Lehthah ngawlin nu le pai hin mi ca cu Pathian mipi sungah tel tum thei tuk ma hi. Khang sawm tian hei in lut tum thei tuk ma hi.
\p
\v 3 Amor miphun, Moab miphun cu Pathian mipi sungah tel tum thei tuk ma hi. A cat ngawl in khangsawm tian tel tum thei tuk ma hi.
\v 4 Itahum titale Izip ngam pen na suah tul ten a mun moh le tui cu keng in khual muah nakah heng haw ma hi. Nangmah tamsiat tik tuk in Mesopotamia ngam, Pethor khua ah a um tu Be-or capa Balaam cu zawng haw hi.
\v 5 Mah hang na Topa Pathian in Balaam awnkam ngai ma hi. Nangmah a hih hang tamsiat nak cu nangma nelah thupha mui cu in cang tik hi.
\v 6 Nang cu a muhte tuah daihnak, neh nak te na nun sung in bawl thei tuk ma ci.
\p
\v 7 Edom miphun cu hua pah sin. A mah cu na U le nau hi. Izip miphun te vang hua pah sin. A ma ngam sungah nang cu sila um awng zo ci.
\v 8 A muhtei miphun cu khangthum nak bek ten Pathian mipi sungah tel theih nak thu um tuk hi.
\s Ngiahbuk sung thiangtho tik in
\p
\v 9 Ngal te do ten a dik ngawl mi thu hempoh pial in.
\v 10 Zan huncan ten a heng thei mi a thiangtho ngawl thu hang, a thiangtho ngawl pa cu ngiahbuk a pualam ah tul tuk hi. Ngiahbuk sungah tum tuk ma hi.
\v 11 Khuathim ten tibual in nitum cengten ngiahbuk sungah tum tuk.
\v 12 Na eksan nak cu ngiahbuk a pawlam ah um tuk hi.
\v 13 Ngiahbuk pawlam ah tul in ek san ten nangman thing tummi tuah lei co tuk ci. Na ek cu lei sin leh tuk.
\v 14 Itahum titale na Topa Pathian in nangmah cu pan in ngal te na khut sungah ap tuk in na ngiahbuk sungah hawh zo hi. Mah hang na sungah a thiangtho ngawl mi pakhat cu mu in na nel pen pial ngawl in hawh tuk thu, na ngiahbuk cu thiangtho tik tuk hi.
\s Zui tuk thukham a phun phun
\p
\v 15 A Topai nel pen tai in na nelah a heng mi sila cu topai nelah ap leh tuk ma.
\v 16 Mahmi sila in a ma deih in a um nuam nak mun, na um nak khuapi pakhat sungah nangma nelah um nak thu um hi. A mah cu bawl siat pah sin.
\p
\v 17 Isarel miphun canu tei sungah suzuak um tuk ma. Isarel miphun sungah pano deihnak ah a zui thei mi numei suzuak bang um tuk ma.
\v 18 Suzuak nak na deh in ngah mi sum, uico zuak in ngah mi sum cu thukam nak ca na Topa Pathian inn sungah keng tum pah sin. Mah tihbang mi sum cu a nawngkai mi hi.
\p
\v 19 Na miphun pih sungah a khang la in sum, an eih tuk, man tuk van te puk pah sin.
\v 20 Miphun dang sungah a khang la in pu tik in. Nang cu hawh in na tum tuk mi ngam sung pen na bawl mi hempoh na Topa Pathian in thupha pia tuk in na miphun pih sungah a khang la in puk nak cu pial tuk.
\p
\v 21 Na Topa Pathian cu thukam nak nei tale thukam na neih mi bang bawl ngawl in um pah sin. Na Topa Pathian in a man mi thu cu ngen hi. Nang cu bawl ngawl in na um tale sual nak ah heng tuk ci.
\v 22 Thukam nak bawl ngawl in um tale sualnak ah heng ma hi.
\v 23 Na Topa Pathian cu na deih nak tuah thukam bawl in na son mi thukam bang bawl tuk.
\p
\v 24 Nang cu inn nel tei cabit huan sungah na tum ten, thincim in cabit ngah cu khampek eih cengten la pah sin.
\v 25 Inn nel tei lo sungah tum in cang ngui khut tuah zut in, phio tuah at pah sin.
\c 24
\p
\v 1 Mihing pakhat in nupi huai in a pawldun cengten mawhsiat tuk a um hang a thinkim ngawl, khennak lai ngan in a nelah a piak hang luat tuk hi.
\v 2 Mahmi numei cu a pasal inn pen a suah tul cengten midang ten nupi neih theihnak tuk thu um hi.
\v 3 A dawl ta pa tuah a umpih tu a pasal in a mah hua in khennak lai ngan in a nelah a ap hang a luat hei hihen, mahmi a pasal a thi hei in hihen,
\v 4 A masa a luat tu pasal lun in a thiangtho ngawl, mahmi numei cu huai leh tuk ma hi. Pathian mai ah a nawngkai mi thu hi. Na Topa Pathian in na lo co tuk a piak mi ngam sungah sualnak heng tik tuk ma hi.
\p
\v 5 Nupi huai sem tupan ngaldo nak ah hawh tuk ma. Uktu hihnak na dek tuk ma. Kumkhat sung na innsung ah um in a nupi cawm tuk hi.
\p
\v 6 Cang ngawi nak a hum suangphek hei hihen, a nuai ta suangphek hei hihen, a kuamah in thukam nak in mang tuk ma. Mah tihbang in thukam a la tale a nunnak thukam la tuah bang ve hi.
\p
\v 7 Mihing in a miphun pih a himi Isarel miphun cu ngu in sila hihnak ah koih hei in hihen, zuak hei in hihen, ngu capa cu mu tale thah co tuk. Nohtei sungah sual bawl cu mah tihcun thiangtho tik haw tuk hi.
\p
\v 8 Phak nat nak a hen ten Levi thiampi ten a thu hilh mi hempoh bang ngallin nak tuah pha tak zet cingkem tuk. A muhte cu ka thucah mi bang zui in cingkem haw hen.
\v 9 Nohten Izip ngam pen tul in khualzin laih tak nohtei Topa Pathian in Miriam nelah a bawl mi thu phawk ta un.
\p
\v 10 Nang cu miphun pih sungah pakhat na pu tale thukam nak bawl mi neihnak cu la in a inn sungah tum pah sin.
\v 11 Nang cu inn a pawlam ah ding in a man a thukam sa mi a neih nak cu na umnak mun inn a pawlam ah keng tuk.
\v 12 A mah cu haksa in a zawng zet tale a thukam sa mi neihnak cu ap leh ngawl in zan huncan luan tik tuk ma.
\v 13 A man a puan silh thah hihbu in nangmah thupha piak tuk in a thukam a bawl mi neihnak cu nitum ten pia leh tuk hi. Mah tihcun bawl mi thu cu na Topa Pathian mai ah a dik mi thu in cang tuk hi.
\p
\v 14 Miphun pih hei hihen, na umnak khuapi khua no sungah a cam mi miphun dang hei hihen, mizawng cangah tha cial cu bawl siat pah sin.
\v 15 Nisial a tha man pia tuk. Pia ngawl in nitum tik tuk ma. A mah cu a zawn hang a co taak mi thaman cu a thinlung sungah um tuk hi. Pia ngawl in um tale a man nangmah mawhsiat in Pathian cu a aunak hang, na nelah sualnak heng tuk hitin, lau nak um hi.
\p
\v 16 A pa in a capa sualnak hei hihen, capa in a pai sual nak hang hei hihen, thihnak thuak tuk ma. Mi hempoh a sual nak hang thi tuk hi.
\p
\v 17 Thu buai nak sual cu miphun dang le nu le pa a nei ngawl mi pa cu a sung pia tuk ma. Meivong puan cu thukam in la tuk ma.
\v 18 Nang cu Izip ngam sungah sila na um awng hang in hihen, na Topa Pathian in nangmah cu mahmi ngam pen a ten nak thu hei hihen phawk in. Mah hang hi thukham cu kei man koih ing hi.
\p
\v 19 Nang cu na lo sungah ankung te na cop ten na phawh ngilh mi cangtel la leh pah sin. Na bawl nak hempoh ah na Topa Pathian in nangmah thupha pia tukin mahmi cangtel cu ngamdang miphun, nu le pa nei ngawl, meivong ca tuk koih in.
\v 20 Olive ngah te na thawih ten a tang laih mi a ngah te vat vawk in thawi leh toh pah sin. Ngam dang miphun nu le pa nei ngawl meivong ca tuk koih in.
\v 21 Nang cu cabit huan sungah cabit ngah na lawh ten thawi leh pah sin. A tang mi a ngah cu ngamdang miphun nu le pa nei ngawl meivong ca tuk koih in.
\v 22 Nang cu Izip ngam sungah sila na hih awng nak thu cu phawk tuk ci. Mah hang hi thukham cu kei man koih ing hi.
\c 25
\p
\v 1 Mihing le mihing sualnak a um hang uktu nelah thukhen tik in, uktu mai ah thu buai nak a muh haw ten midik pa cu a sual luat tik tuk in hihen, mipha ngawl pa cu sung tukin thukhen tuk hi.
\v 2 Mipha ngawl pa cu vah a thuak tale thukhen pai mai ah a mah cu koih in, a sualnak tuah a taak mi dantat nak cu vat tik tuk hi.
\v 3 Mah naven, vei sawmli val tik tuk ma. A val in veitampi vat tale na miphun pih cu mi nauta a hihnak thu um tuk hitin, lau nak um hi.
\p
\v 4 Cangcil nak khui kam cu ken pah sin.
\p
\v 5 Munkhat ah a um mi U le nau sungah mihing pakhat in capa nei ngawlin a thi tale a thi tupai nupi cu a dang mikhual tuah huai dunnak bawl tuk ma. A pasal nau in a mah cu huai in a um nak hang, a ma nelah a bawl tuk mi cu bawl tuk hi.
\v 6 Isarel miphun sungah a U min pai tik tuk ngawl in a masa bel hin mi capa cu a thi tu a pa hihnak co tuk hi.
\v 7 A nau in a U nupi a huai nuam tale numei in kum U pa tei umnak mun khuapi kongka bul ah hawh in, ka pasal nau pan a U min cu Isarel miphun sungah kho tik tuk in nuam ma hi. A bawl tuk mi na cu bawl nuam ma hitin a ti tale,
\v 8 Khuapi sungah kum U pa ten a mah cu sam in dong haw tuk hi. A man mahmi numei cu kei man huai tuk mang hitin tiin khohkhah zet a um tale,
\v 9 A U nu nupi cu kum U pa tei mai ah a mah hawh in a kedam duk a mitmai ah a cil siak in, a U pai inn cu a sa nuam ngawl mipa hi tihbang in bawl taak hitin a ma nelah don leh tuk hi.
\v 10 Mah cengten a man kedam duk miphun tih in Isarel miphun sungah sam tuk hi.
\p
\v 11 Mihing pakhat le pakhat a hauhdun haw laih tak pakhat pa nupi in a bul ah nek in a pasal cu bawm nuam in hauhdun nak a bawl tupai pasal thil cu a len ngah tale,
\v 12 Mahmi numei nui khut talh tuk. Na mit in a mah cu hehpih tuk ma.
\p
\v 13 Na dip sungah a ngeng zet mi a ngit, a neu sungah a ngit mi a dang lam nak a ngit um tik tuk ma.
\v 14 Na inn sungah cuai tehnak a ngeng a neu um tik tuk ma.
\v 15 Na Topa Pathian piak mi ngam sungah na nun khua sau tuk in a man mi a ngit, a man mi cuai te bek mang tuk.
\v 16 A bosa huncan son mi thu a bawl tu hempoh te tuah a dik ngawl mi thu a hih hang, a bawl mi hempoh cu na Topa Pathian a nawngkai mi hi.
\p
\v 17 Nang cu Izip ngam pen khualzin na tul ten,
\v 18 Nang cu thabo cawl zet na um laih tak na nungah a zui tu, thanem mi Amalek miphun ten lamzin pen muak in a thah nak thu hei hihen, Pathian lau ngawl nak thu hei hihen, phawk in hi.
\v 19 Mah hang na Topa Pathian in na lo co tuk a piak mi ngam sung na elkim ah a um mi ngal hempoh tei khut sung pen pan in nunnak a piak ten, Amalek miphun cu phawh tuk um tik ngawlin vanhum nuai pen that tuk hi. Mahmi thu cu phawk ngil pah sin.
\s Anthak ankung le sawm ah pakhat
\c 26
\p
\v 1 Na lo co tukin na Topa Pathian piak mi ngam ah lut tum in na um ten,
\v 2 Na Topa Pathian piak mi ngam sungah anthak a ngah masabel hempoh keng in, kho sungah koih cengten na Topa Pathian min kho tik tuk a ten mi umnak mun ah hawh in,
\v 3 Mahmi huncan sungah thiampi na dek tu pai nelah nek in Pathian in ka nelah pia tuk pu le pa tei lakah thukam mi ngam ah kei cu heng zo ing. Topa Pathian cu tu ni in kei man lungkim ing hitin, hilh tuk hi.
\v 4 Thiampi in kho cu na khut pen la in na Topa Pathian biakpiak nak mai ah koih tuk hi.
\v 5 Nang cu mun hempoh ah a vak kaw kawi mi Asyria miphun cu ka pa hi. A mah cu Izip ngam ah hawh in mihing dawm laih no tuah cam in a um laih tak mihing tampi miphun in cang hi.
\v 6 Izip miphun ten kei muhte bawlsiat in nasezet sila na dek tik haw hi.
\v 7 Pu le pa tei biak mi Topa Pathian a au haw ten Pathian in a ngaih hang, kei muhtei thuak mi bawlsiat nak, haksat cim nak te zo hi.
\v 8 Mah ten Pathian khut thawmlian cu zak in a lauhuai mi thasiah huai mangbangza tuah kei muhte Izip ngam pen a pui ten,
\v 9 Khuinawi tui le khuaitui luannak hi ngam ah pui in pia hi.
\v 10 A tuin Pathian aw, Topai piak mi ngam sungah anthak a ngah cu kei man keng ing hitin, na Topa Pathian cu tiin, mahmi a ngah cu na Topa Pathian mai ah koih tuk. A Mai ah biaknak bawl tuk.
\v 11 Na Topa Pathian cu nangmah le na innsung sang hempoh tei lakah a bawl mi lungdam nak sungah nang cu nangmah tuah a cam mi Levi capa penpan miphun dang te tuah lungdam nak bawl tuk ci.
\p
\v 12 Kumthum ten sawm ah pakhat piak mi, kum thum nak a hen ten khan toh na hempoh te sawm ah pakhat khon in Levi capa, ngam dang miphun, nu le pa nei ngawl, meivong te na umnak khuapi sungah khamzet na cawm cengten,
\v 13 Na Topa Pathian cu Topa’n kei mah thu a hilh mi bang, a thiangtho mi neih nak te inn sung pen suah in Levi miphun, ngamdang miphun, nu le pa nei ngawl, meivong tei lakah pia zo ing hi. Thukham te palcat in phawk ngil pah sin.
\v 14 Tha siat nak mithi na deh laih tak mahmi neihnak an cu ei pah sin. A thiangtho ngawl mi an ei tukin dawm laih no hei la pah sin. A thi mitei ca dawm laih no bek pia pah sin. Ka Topa Pathian awnkam thungai zo ing. Topai thucah mi hempoh bang in bawl zo ing.
\v 15 Topan a thiangtho nak mun vanhum pen zo in Topai mihing, Isarel miphun hei hihen, pu le pa tei thukam mi bang kohtei nel ah a piak mi ngam khuinawi le khuaitui luan nak ngam hei hihen thupha pia in hitin, ti haw tuk hi.
\s Pathian dan thukham te zui in
\p
\v 16 Tuni dan thu a bawl mi bang zui tung hitin na Topa Pathian thucah mi a hih hang, thinlung a venghawng zui in kem tuk ci.
\v 17 Pathian cu na Pathian a hih hang in hihen, lamzin ah zui tung hi, a dan thu bawl mi thukham cu cingkem tuk, a thu ngai tuk hi tih hei in hihen, tuni in lungkim zo ing.
\v 18 Pathian thukam a piak mi bang nang cu thukham hempoh cingkem tuk in a cuang in Topa miphun hihnak in hihen,
\v 19 A sem suah mi miphun hempoh sung pen na minthan nak cu nasezet tik tuk hi tih hei in hihen, thukam a um mi bang na Topa Pathian ca a thiangtho mi miphun cang tuk in hihen, tuni in lungkim nak nei zo ing hitin, Isarel miphun tei lakah hilh hi.
\s Ebal mual hum ah biakpiak nak
\c 27
\p
\v 1 Mah cengten Mosi in Isarel miphun sungah kum U pa te tuah miphun tei lakah thucah mi cu tuni in ka thucah mi dan thukham te cing kem un.
\v 2 Nang cu Jodan ngun tan in na Topa Pathian piak mi ngam sungah na hen ten suang ngengpi te cu din in taklei mat tuk ci.
\v 3 Pu le pa tei biak mi Topa Pathian cu thukam a um mi bang nangmah a piak mi ngam, khuinawi le khuai tui luannak ngam ah tum tuk in a hawh cengten, hi thu awnkam hempoh mahmi suang hum ah ngan tuk hi.
\v 4 Jodan ngun tan cengten, tuni in ka thupiak mi suang te cu Ebal mual hum ah din in taklei tuah mat tuk.
\v 5 Mahmi umnak mun ah na Topa Pathian ca,
\v 6 Biakpiak nak suang tuah bawl tuk. Thik van cu mang ngawl in a keh ngawl mi suang tuah sa tuk. Na Topa Pathian mei hal biakpiak nak cu mahmi biakpiak nak taitan hum ah pia tuk.
\v 7 Pawlkom biakpiak nak vang pia in mahmi umnak ah an ei in a mai ah lungdam nak bawl tuk.
\v 8 Mahmi suang hum ah hi awnkam thu hempoh pha zet in ngan tuk hitin, thupia hi.
\s Ebal mual hum pen tamsiat nak
\p
\v 9 Mah cengten Mosi le thiampi te, Levi miphun ten Isarel miphun aw ngallin nak tuah ngai in hi. Tuni in na Topa Pathian miphun hi zo uh ci.
\v 10 Mah hang na Topa Pathian awnkam thungai tuk. Tuni in kohtei hilh mi dan thu te cu zui tuk hitin, Isarel miphun hempoh tei lakah son haw hi.
\p
\v 11 Mah cengten Mosi cu mahmi ni in mipi tei lakah thu a cah mi cu,
\v 12 Nohten Jodan ngun na tan cengten mipi tei lakah thupha pia tukin Gerizim mual hum ah a ding mipa cu Simeon, Levi, Judah, Issachar, Josep, Benjamin hi.
\v 13 Tamsiat tukin Ebal mual hum pen a ding tu mite cu Reuben, Gad, Asher, Zebulun, Dan, Naphtali hi.
\v 14 Mah ten Levi miphun ten aw ngingpi tuah Isarel miphun hempoh tei lakah a au mi thu cu,
\v 15 Pathian huat mi thu khut thiam nak tuah bawl mi zuk milim, si luan in bawl mi zuk milm bawl in a sel in umnak mundang ah a koih tupa cu thupha um ma hitin a tamsiat tale mipi ten, Amen tin lungkim haw tuk hi.
\p
\v 16 Nu le pa U pat thei ngawl mipa cu thupha co tuk ma hitin a tamsiat tale mipi ten, Amen tin lungkim haw tuk hi.
\p
\v 17 Inn nel lo nel tei ngituah suangphut a thawn tupa cu thupha um ma hitin a tamsiat tale mipi ten, Amen tin lungkim haw tuk hi.
\p
\v 18 Mitcaw pa lamzin a pial tik tu cu thupha um ma hitin a tamsiat tale mipi ten, Amen tin lungkim haw tuk hi.
\p
\v 19 Thu buai tawk in sualnak cu ngamdang miphun nu le pa nei ngawl, meivong cu a dik ngawl in thukhen tupa cu thupha um ma hitin a tamsiat tale mipi ten, Amen tin lungkim haw tuk hi.
\p
\v 20 A pa tuah a seng mi a pai nupi a phial tupa cu thupha um ma hitin tamsiat tale mipi ten, Amen tin lungkim haw tuk hi.
\p
\v 21 Nganhing pakhat tuah a phial tupa cu thupha um ma hitin a tamsiat tale mipi ten, Amen tin lungkim haw tuk hi.
\p
\v 22 A pai canu, a nu canu tih mi a cel nu a nau nu tuah a phial tupa cu thupha um ma hitin a tamsiat tale mipi ten, Amen tin lungkim haw tuk hi.
\p
\v 23 A nupi hi nu tuah a phial tupa cu thupha um ma hitin a tamsiat tale mipi ten, Amen tin lungkim haw tuk hi.
\p
\v 24 Inn nel lo nel a lang ngawlin a vat thei tupa cu thupha um ma hitin tamsiat tale mipi ten, Amen tin lungkim haw tuk hi.
\p
\v 25 Sualnak a um ngawl mi a nunnak a that tupa cu thupha um ma hitin a tamsiat tale mipi ten, Amen tin lungkim haw tuk hi.
\p
\v 26 Hi thukam awnkam cu a cat ngawl in a zui ngawl tupa cu thupha um ma hitin tamsiat tale mipi ten, Amen tin lungkim haw tuk hi.
\s Thungaih nak hang thupha mui cu
\c 28
\p
\v 1 Tuni in ka hilh mi dan thukham hempoh cingkem in, na Topa Pathian thu pha zet na ngai tale na Topa Pathian in miphun hempoh te sang nangmah khaisang tuk hi.
\v 2 Na Topa Pathian thu na ngai tale na hum ah a heng tuk mi thupha muicu te cu,
\v 3 Nang cu khuapi sungah thupha um tuk hi. Ngam sungah na um vang thupha um tuk hi.
\v 4 Canu le capa hang in hihen, lei ankung ngah hang in hihen, nganhing hin mi a cano hang in hihen, tuu le khui a pungzai hang in hihen thupha um tuk hi.
\v 5 Kho sungah hei hihen, moh cop nak khuat sungah hei hihen thupha um tuk hi.
\v 6 Na inn sungah na tum ten thupha um tuk hi. Pawlam ah na tul ten vang thupha um tuk hi.
\p
\v 7 Na langlam pen ngal a tho tu na mai pen Pathian in dan tat tuk hi. A muhte cu lamzin pakhat tuah hawh naven na um nak mun ah a hen ten lamzin salih, zin kak salih tuah na mai pen tai haw tuk hi.
\v 8 Na neihnak inn sungah hei hihen, na bawl nak hempoh ah hei hihen, Pathian in na hum ah thupha heng tik in thupia tuk hi. Na Topa Pathian piak mi ngam sungah nangmah cu thupha pia tuk hi.
\v 9 Na Topa Pathian thukham cingkem in lamzin ah na zui tale, Pathian thukam mi bang nangmah cu Topai ca a thiangtho mi miphun a cat ngawl in cang tik tuk hi.
\v 10 Na Topa Pathian min tuah sam co tuk citin miphun hempoh ten thei in, nangmah cu lau haw tuk hi.
\v 11 Pathian in nangmah pia tuk in pu le pa tei lakah thukam mi ngam sungah neihnak thil, canu le capa, nganhing tampi leingam pen ankung te tampi nei tik tuk hi.
\v 12 Pathian in huncan a kim ten na umnak ngam sungah nguahzu tik tuk in hihen, na bawl mi hempoh ah thupha pia tuk in hihen, vanhum a neihnak te hong tuk hi. Nang cu miphun tampi tei lakah puuk nak thu um tuk hi. A muhtei lakah puk kul tuk ma ci.
\v 13 Pathian in nang cu a mei lam cang tik ngawl in a lu lamah a um tik hang, nang cu nuailam ah um ngawlin a hum lam bek ah um tuk ci. Tuni in ka hilh mi na Topa Pathian dan thukham te zui tukin na ngai hei in hihen,
\v 14 Tuni in ka hilh mi awnkam lamzin pen tul in taklam, veilam ah pial ngawl in a dang pathian nungah zui in bia ngawl na um tale mah tihcun lungdam nak co tuk ci.
\s Thungaih ngawl hang tamsiat nak thupha a co ngawl mite
\p
\v 15 Tuni in ka hilh mi na Topa Pathian dan thu hempoh cingkem tukin ka awnkam thu na ngai ma tale, na hum ah a heng tuk mi tamsiat nak thupha na co tuk ngawl mite cu,
\v 16 Nang cu khuapi sungah thupha co tuk um ma hi. Ngam sungah thupha co mi um tuk ma hi.
\v 17 Kho sungah hei hihen, moh cop nak khuat sungah hei hihen,
\v 18 Canu le capa tuah in hihen, lei ngam ankung tuah hei in hihen, tuu le khui tampi tuah in hihen, thupha co tuk um ma hi.
\v 19 Na innsung ah na luh tum ten thupha um tuk ma hi. Pawlam ah na tul ten thupha um tuk ma hi.
\p
\v 20 Pathian cu zam san in bawl sual mi sualnak hang, a man lang in siat nak ah na hen laih ngawl in bawl mi hempoh pen tamsiat nak, nok sak nak, zot sak nak te cu na hum ah heng tik tuk hi.
\v 21 Nang cu hawh in na tum tuk mi ngam pen a thah laih ngawl in pulhnat cu na sungah vei tik tuk hi.
\v 22 Pathian in nang cu dula, khuasik nat tun, buk khuh thisan tel (TB), taksa vun bum nat nak tuah in hihen, ngalnam haksat nak, huihtheu thingkung hang thihnak, a tui zung in thingkung thihnak, nguah tuikang haksat nak tuah in hihen, dantat in na siat lak lawh tian mahmi haksat nak in hil tuk hi.
\v 23 Na lu hum ah vanhum cu dal bang in hihen, na nuai ah lei cu thik bang in hihen cang tuk hi.
\v 24 Pathian in na umnak ngam sungah a zu mi nguah tui cu leivul a can tik hang, siatnak na hen lak lawh tian na hum ah zu suk tuk hi.
\p
\v 25 Na ngal tei mai ah nangmah cu Pathian in dan pia tuk hi. Nang cu lamzin pakhat tuah a muhtei umnak mun ah hawh ta vang lamzin kak salih tuah a muhtei mai pen tai in leihum ah a um mi ngam hempoh ah thawn tuk ci.
\v 26 A thisa mi na luang cu vanhum vano, ngam sung sahang tei eih tuk in cang hi. Mahmi nganhing te cu a kuamah in hawl vawk tuk ma hi.
\v 27 Pathian in nangmah cu Izip ngam uilut, taksa bol nat, thakphelh, a dam thei ngawl mi tithak nak tuah dantat tuk hi.
\v 28 Silnat, mitcaw nat, am mial mual mi nat tuah dan tat in,
\v 29 Mitcaw pan khuathim am mial mual a um bang, nang cu sun huncan hi napi in am mial mual in um tuk ci. Na bawl mi thu sungah pitung ngawl in tamsiat nak, cuhdun le lon dunnak bek thuak tuk ci. A kua mah in pan tuk ma hi.
\v 30 Numei tuah lehthah ceng ta vang midang ten phial pih haw tuk hi. Inn cu sa ta vang nangmah loli in hut tuk ma ci. Cabit huan cing ta vang cabit ngah lo tuk ma ci.
\v 31 Na khui cu na mai pen that ta vang nangman ei ngah tuk ma ci. Na laak cu na mai pen neh siah nak tuah long in a lak cengten pia leh tuk ma hi. Na tuu te cu na ngal tei lakah a ap ten pan tu tuk a kua mah heng tuk ma hi.
\v 32 Na canu le capa te midang khut sungah heng in na mit cu sun ni lui zo in tha bo tuk ci. Na khut vang thazang um tuk ma hi.
\v 33 Na theih cang cian ngawl miphun cu na um nak ngam ankung te hei hihen, na deh mi neihnak hei hihen, ei tuk hi. Nang cu bawl siat nak tuk bek a cat ngawl in thuak tuk ci
\v 34 Mah tihcun nangmah loli na muh mi thu hang, nang cu a sil in cang tuk ci.
\v 35 Pathian in na khuk le na ke, na ke phalh pen pan na lu tian a dam thei ngawl mi uilut tuah dantat tuk hi.
\p
\v 36 Pathian in nangmah khaisang tu kumpi cu nangmah le na pu le pa te tuah theih awng ngawl miphun umnak ah a pui hang, nang cu a dang pathian, thingta pathian, suang pathian te bia tuk ci.
\v 37 Pathian in nangmah a pui nak ngam hempoh sungah nang cu a lamdang mi buak seh nak, zot sak mi in cang tuk ci.
\v 38 Nang cu lo ah anci tampi keng in khau ten a eih hang dawm no bek cang cu la tuk ci.
\v 39 Cabit huan te cing in na bawl ta vang lung ten a eih hang, nangmah loli in cabit ngah lo tuk ma ci. Cabit tui vang in tuk ma ci.
\v 40 Na um nak hempoh ah olive um naven, a ngah min ngawl in a zulh hang nang cu olive sathau tuah nangmah le nagmah in noih tuk ma ci.
\v 41 Canu le capa hing ta vang a muhte tuah lungdam nak um tuk ma hi. Ngal ten long haw tuk hi.
\v 42 Na umnak ngam sungah thingkung a um hempoh lei pen ankung a ngah mi hempoh khau ten ei khawng haw tuk hi.
\v 43 Nangmah tuah a um mi miphun dang te cu a sang hang na hum ah kai haw tuk hi. Nang cu nuai lam kiam suk in um tuk ci.
\v 44 A man nangmah cu sum puk tuk hi. A mah cu lu in cang in nang cu a mei in cang tuk ci.
\v 45 Na Topa Pathian thucah mi dan thukham cingkem tuk in nang cu ka awnkam na ngaih ngawl hang, siatnak ah na hen lak lawh tian hi tamsiat nak thupha ngawl hempoh na hum ah heng in nangmah cu hil haw tuk hi.
\v 46 Nang ma humah in hihen, na miphun hum ah hei hihen, a cat ngawl in a lamdang mangbang za thu in cang tuk hi.
\p
\v 47 Nang cu hauhsak nak tampi ten lungdam nak thinlung tuah na Topa Pathian na deh ngawl hang,
\v 48 Pathian hah mi ngal tei thu cu nangman ningkial nak, dangdum nak, pumpi thacang umnak tuah ihempoh ah haksa zet in na dek tuk ci. Nang cu siatsuah nak na hen lak lawh tian na longah thik vanpua tuk in koih tuk hi.
\v 49 Mu vanlai bang a leng thiam a man lang mi miphun, a muhtei awnkam na theih ngawl mi miphun, leipi mawk ngam khuala pi pen nangmah do tuk in pui tuk hi.
\v 50 Kum U pa te U pat ngawl, naupang hehpih thiam nak a nei ngawl ngalnak mitmai tuah dim mi ngam pakhat cu sam in Pathian in nangmah do tik tuk hi.
\v 51 Na siatnak ah a hen lak lawh mahmi ngal cu na tuu no, khui no, lei pen ankung ngah cu ei haw tuk hi. Nang cu siatsuah nak na hen lak lawh tian cang, cabit tui, sathau, tuu le khui leng tampi nangma ca in zam tuk ma hi.
\v 52 Na umnak ngam hempoh sungah na muan mi khuapi khantian, sang zet in a kho zet mi khantian te a cim tian in na umnak khuapi hempoh kil haw tuk hi. Na Topa Pathian piak mi ngam hempoh sungah khuapi a um mi hempoh te vang kil haw tuk hi.
\v 53 Mah tihcun a kil haw hang ngal ten kilcih in, na Topa Pathian piak mi na canu le capa te nangman ei tuk ci.
\v 54 Na umnak khuapi te cu ngal ten kilcih in a um ten,
\v 55 Lung a nem zet mi pano cu eih tuk tang ngawl in ningkial zet a zoh hang, a canu le capa te ei ta vang a U le nau, a ang sungah a um mi a nupi a tang laih mi canu le capa te ngal thinlung tuah a capa cu a muhte pia ngawl in ei tuk hi.
\v 56 Na umnak khuapi cu ngal ten a kilh cih ten,
\v 57 A nem zet hang lei cu sih ngam ngawl mi numei nu vang an eih tuk nei him ma zo hi. A ningkial leita zo hang, a ma ang sungah a um a pasal, a canu le capa, a pum sung pen a suak mi a hlap, a hin mi a ca no cu a thinthiang ngawl in daiden no ei kuh tuk hi.
\p
\v 58 Na Topa Pathian minthan nak hang a lauhuai mi a min cu lau tuk in, hi Laithiangtho sungah ngat mi hi awnkam thu hempoh nangman zui ngawl in na um tale,
\v 59 Pathian in na thuak mi haksat nak, na miphun tei thuak mi haksat nak te thasiah huai mi haksat nak, a ngengzet a kho mi haksat nak, nasezet in a kho mi natnak cang tik tuk hi.
\v 60 Mah bek sial ngawl na lau theih mi Izip ngam nat hempoh te na hum ah a hen tik hang, mahmi natnak te kop cih haw tuk hi.
\v 61 Mah bek sial ngawl hi dan thukham sungah ngat ngawl mi natnak haksat hempoh te nangmah siatnak na hen lak lawh tian na hum ah Pathian in heng tik tuk hi.
\v 62 Nangmah cu a sial ten vanhum aksi bang tam naven, na Topa Pathian awnkam thu na ngaih ngawl hang a sial mi dawmno a tang bang tuk hi.
\v 63 Na lungdam nak tampi cu Pathian lungdam mi bang, nangmah siatsuah in thasiat nak ah a lungkim tik hang nang cu hawh in na luh tum mi ngam sung pen nangmah cu thah co tuk ci.
\v 64 Pathian in leipi mawk pen a langlam tian miphun hempoh sungah nangmah cu mun hempoh ah a khen kek tik hang, nangmah le na pu le pa tei theih awng ngawl mi ngamdang pathian, thingta pathian, suang pathian te bia tuk ci.
\v 65 Mahmi miphun sung pen nangmah cu a nop um ngawl nak mun umnak a nop ngawl, lungdawk, khua zo in thabo, thasiat nak thu cu Pathian in thu a khen hang,
\v 66 Nangmah na thih awn zo hang, sun le zan thinsu haksat lau nak pen luat tuk le luat tuk ngawl cu thei ngawl in um tuk ci.
\v 67 Na thinlung sung pen launak na co mi thu, na mit tuah na muh mi thu zinglam huncan ten nang cu zan huncan heng le pha tih hei in hihen, zan huncan ten zinglam huncan heng toh le pha tih hei in hihen, thungen tuk ci.
\v 68 Mahmi lamzin cu nangman mu leh tuk ma toh ci tin thupiak mi lamzin tuah nangmah cu Izip ngam ah tembaw tuah a pui hang, mahmi ngam sungah sila pano, sila numei hihnak in a muhtei sungah nangmah zuak haw tuk hi. Mah hang a kua mah in nangmah lei nuam tuk ma hitin, Isarel miphun tei lakah ngallin nak pia hi.
\s Nehnak co tukin thukhaam cingkem in
\c 29
\p
\v 1 Hi thu cu Horeb umnak sungah Pathian in Isarel miphun tuah a bawl mi thukhaam sial ngawl, Moab ngam ah Mosi in mahmi miphun te tuah thukhaam bawl tuk in Pathian thucah mi thukham awnkam thu hi.
\p
\v 2 Mah cengten Mosi in Isarel miphun hempoh sam in Pathian in Izip ngam Pharaoh kumpi nelah hei hihen, a muhtei mai pen a bawl mi hempoh,
\v 3 Nasezet in cul nak thu, a nasezet mi thasiah huai thu, a lamdang huham te mit tuah nohten mu zo uh ci.
\v 4 Mah naven theihthiam nak thinlung, muh theih nak mit, zak theih nak beng te tuni tian Pathian in pia ma laih hi.
\v 5 Kum sawmli sung nohten ngam sungah kei man lamhuai ing. Nohtei puan van sia ma hi. Nohtei tuap mi kedam vang sia ma hi.
\v 6 Nohten moh ei ma. Cabit tui le a thi thei mi zu in ngawl na um hang, Pathian in nohtei Topa Pathian a hihnak thu thei tuk uh ci.
\v 7 Nohten hi umnak munah na hen ten Heshbon kumpi Sihon, Bashan kumpi Og ten kei muhte cu do tuk in a tul hang kohten a muhte that in,
\v 8 A muhtei ngam lak cengten Reuben miphun, Gad miphun, Manasseh miphun a khenlang te cu pia hi.
\v 9 Mah hang, nohtei bawl nak hempoh ah neh tuk in hi thukhaam awnkam cingkem in zui ta un.
\p
\v 10-13 Na Topa Pathian in nangmah tuah tuni in a bawl mi thukam cu nangman co in na Topa Pathian tuah thukhaam bawl nak hei hihen, nangmah cu Topai miphun hihnak ah tuni pia tuk in hihen, a hum pen thupiak mi bang na pa Abraham, Isak, Jakop tei lakah thukam son mi bang, na Topa Pathian cang tik tuk in hihen, nohtei miphun uktu bawi, kum upa, uktu, Isarel miphun pano, numei, naupang, thingcom tu, tuicawi tu pen pan in ngalkap sungah a um mi hempoh ten na Topa Pathian mai ah tuni in ding haw tuk hi.
\p
\v 14 Mah bek sial ngawl hi thukhaam, hi thukam cu nang muhte tuah bek ka bawl mi sial ngawl,
\v 15 Ohtei Topa Pathian mai ah tuni in a ding tu nang muhte tuah hei in hihen kei man bawl ing.
\p
\v 16 Nohten, Izip ngam sungah phial mi ngualcam khualzin in lamzin pen tawh mi miphun te cu nohten thei uh ci.
\v 17 A muhtei sungah a um a nawngkai mi thingta zuk milim, suang zuk milim, sui milim, ngun milim te mu haw zo hi.
\v 18 Ohtei Topa Pathian nel pen pialh nuamnak thinlung nei in mahmi miphun tei Pathian nelah hawh in a bia mi pano, numei, miphun pakhat cu nohtei sungah tel tuk tih hei in hihen, a kha zet mi an ngah, huatnak a ngah thei mi thingkung a zung cu nohtei sungah po tuk hi tih hei in hihen,
\v 19 Mah tihbang mipa cu hi thukam nak awnkam te a zak ten a thinlung deih nak ah zui in dangdum nak hum ah ka nguihnak nak cu a thuah hei in daihnak co tuk citin thinlung sung pen nangmah le nangmah thupha pia tuk tih hei in hihen lau nak um hi.
\v 20 Mah mipa cu Pathian in sahelh ma hi. Topa cu micing thei mi thinglung tuah a thinuuk nak mei khu suak in, Laithiangtho sungah ngat mi thupha hempoh a ma hum ah um tuk hi. Pathian in a min cu vanhum nuai pen phiat tuk hi.
\v 21 Hi thukham Laithiangtho sungah ngat mi thukhaam thupha um ngawl mi hempoh te tuah a mah cu Isarel miphun hempoh sung pen Pathian in bot in sual dantat in khen tuk hi.
\p
\v 22 A ma umnak sungah Pathian dantat mi,
\v 23 Natnak a thuak mi haksat nak hei hihen, Pathian cu a thinuuk in a lumlet tu Sadom khuapi, Komorrah khuapi, Admah khuapi, Zi-bo’im khuapi te a siatsuah bang, ngamsung hempoh kat mei tuah a kang mi ci bek a hih hang anci vawh theih ngawl, ankung te ngah thei ngawl, hampa te a po theih ngawl nak thu hei hihen, nohtei nungten a heng tuk mi nang muhtei miphun, ngam khuala pi pen a heng mi ngamdang miphun ten a muh haw ten,
\v 24 Pathian in hi ngam sungah ita hi tihbang in bawl hum? Nasezet a thiuuk nak cu itihbang hum tin miphun hempoh ten a dong haw tale,
\v 25 Midang ten a muhtei pu le pa biak mi Topa Pathian in a muhte cu Izip ngam pen a pui ten, a muhte tuah bawl mi thukhaam cu a mun a zam san haw hang in hihen,
\v 26 A masa a mun thei ngawl in a muhtei lakah imah thu piak ngawl mi ngamdang pathian tei lakah a biak haw hang in hihen,
\v 27 Hi Laithiangtho sungah ngat thupha a um ngawl mi hempoh hi ngam sungah heng tik tuk in Pathian cu a thinuuk hang,
\v 28 Nasezet a thinuuk nak tuah a muhtei ngam pen a muhte cu hawlvawk in, tuni tian ngam dang ah hawlvawk tuk hitin, don leh haw tuk hi.
\v 29 A lang ngawl mi thu te cu ohtei Topa Pathian hi na deh hi. A lang mi thu hempoh te a cat ngawl in ohte tuah ohtei canu le capa tei na deh a hih hang, hi thukham thu hempoh cingkem tuk in hi.
\s Pathian nelah pin leh nak le ngaihdam nak
\c 30
\p
\v 1 Na mai ah koih in ka hilhsa mi thupha muicu le tamsiat nak thupha ngawl te na hum ah heng in, na Topa Pathian in nangmah a hawlvawk nak ngam hempoh ah mahmi thu cu phawk in,
\v 2 Na Topa Pathian nelah pin leh in tuni ka thucah mi bang, nangmah le canu le capa ten awnkam thu cu na thinlung venghawng ngai tale,
\v 3 Na Topa Pathian in nangmah a mat co nak thu bo tik tukin nangmah a hehpih nak hang, a bosa huncan in hawlvawk nak mun le ngam hempoh pen pui leh tuk hi.
\v 4 Na miphun hek khat ten vanhum nuai a khuala bel mun ah hawlvawk a co ta vang, mah lai munpen na Topa Pathian in pui tuk hi.
\v 5 Pu le pa tei luh tum mi ngam sungah a pui leh hang, nang cu lut tum tuk ci. Mah ten a hehpih leh hang pu le pa te sang nangmah cu pungzai in tam tik saw tuk hi.
\v 6 Nangmah nung tuk in na Topa Pathian cu thinlung venghawng it tukin, na thinlung le na miphun tei thinlung vun lek talh tuk ci.
\v 7 Nangmah hua in bawl siat tu na ngal tei hum ah a hum pen son sa mi tamsiat nak thupha ngawl hempoh heng tik tuk hi.
\v 8 Nang cu pin leh Pathian awnkam thu ngai in, tuni in ka piak mi dan thukham hempoh cingkem tuk ci.
\v 9 Nang cu na Topa Pathian awnkam ngai in,
\v 10 Hi thukham Laithiangtho ca uk sungah ngat mi dan thu te cingkem in hihen, na Topa Pathian nelah thinlung a venghawng pin leh hei in hihen, na bawl mi hempoh ah tuang tuk in le na canu le capa, nganhing, ankung a ngah tampi nei tuk in na phatnak cu bawl tuk hi. Pathian in napu le pa tei sungah a lungdam bang in na phat nak bawl tuk hi.
\s Nunnak le thihnak cu khenkhuai in teng in
\p
\v 11 Tuni in ka piak mi thukham na thieih thiam ngawl mi thu hima hi.
\v 12 Nangmah tuah khuala ma hi. A thu cu ohten ngai in cingkep tuk thu, vanhum ah a kua kai to in ohtei lakah pui tuk tin dong tuk in vanhum ah a um mi hima hi.
\v 13 A thu cu ohten ngai in cingkep tuk thu, tuipi cu a kon tan in ka nelah pui tuk tin thu dong tuk in tuipi ngalkhat lam ah a um mi hima hi.
\v 14 A thu cu cingkep tukin nangmah tuah nai no hi. Na kam pen in hihen, na thinlung sungah in um hi.
\p
\v 15 Zo in hi, nunnop nak le hasat thihnak te na mai ah tuni in kei man koih ing.
\v 16 Nang cu nunnak tuah khang to tuk in le na luhtum tuk mi ngam sungah na Topa Pathian in nang cu thupha pia tuk in, na Topa Pathian cu it in na nungah zui hang dan thukham hempoh cingkem in hitin, kei man thucah ing.
\v 17 Mah a hima tale na thinlung pial in nangman thungai ngawlin midang tei sualsoh nak sungah zui in, ngam dang pathian te na bia tale,
\v 18 Jodan ngun tui tan in na luh tum tuk mi ngam sungah nunsau ngawl in a thungai in siatnak ah heng tuk hitin, tuni in kei man ngallin nak pia ing hi.
\v 19 Nunnak, thihnak, thupha piak nak, tamsiat nak te na mai ah kei man koih ing hitin, na langlam pen vanhum le leihum cu kei man sal ing.
\v 20 Mah hang na pu le pa Abraham, Isak, Jakop tei lakah Pathian thukam mi ngam sungah nohte khuasa nung tuk in, nangmah le na miphun na Topa Pathian cu it in a thu awnkam ngaih nak hang nung tukin, nunnak thu teng in hitin, Isarel miphun cu hilh hi.
\s Mosi hihnak ah Joshua in luah
\c 31
\p
\v 1 Mah cengten Mosi cu hawh in Isarel miphun hempoh tei lakah a hilh mi cu,
\v 2 Kei cu tuni in kum za le kum kul kim hi. Nohtei mai ah tul le tum tukin zo leh ma zo ing. Pathian in, nang cu Jodan ngun tan tuk ma ci tin, thu pia zo hi.
\v 3 Na Topa Pathian cu nohtei mai ah hawh in mahmi ngam miphun hempoh siatsuah in, a muhtei umnak cu nohten lut tum tuk uh ci. Pathian thupiak mi bang Joshua in nohtei mai ah hawh tuk hi.
\v 4 Pathian in Amor kumpi Sihon le Og te hei hihen, siatsuah mi a muhtei ngam sungah hei hihen a bawl mi bang mahmi ngam miphun hempoh sungah bawl tuk hi.
\v 5 Pathian in a muhte cu nohtei sungah a ap hang, ka thucah dan thukham bang in a muhtei sungah bawl tuk hi.
\v 6 Thazang suah in ngalhan nak tuah um un. Lau pah sun. A muhte cu lau pah sun. Pathian cu nohtei Pathian a hih hang, nang muhte tuah Pathian a mah loli heng tuk hi. Nang muhte zamsan tuk ma hi. Zamsan tuk ma hitin, hilh hi.
\v 7 Mah cengten Joshua sam in nang cu thazang suah in ngalhan nak tuah um in. Itahum titale Pathian in hi miphun te pia tuk in, pu le pa tei lak thukam mi ngam ah nang cu a muhte tuah langkhat hawh in lo co tik tuk hi.
\v 8 Na mai ah Pathian a mah hung in nangmah tuah um tuk hi. Nang cu zam san tuk ma hi. Zamsan tuk ma hi. Lau pah sin, thinkham pah sin tin Isarel miphun hempoh tei mai pen hilh hi.
\s Thukham cu sial in
\p
\v 9 Hi thukham cu Mosi in ngan in Pathian thukham thingkuang a pua tu Levi miphun thiampi te, Isarel miphun kum U pa tei sungah ap in,
\v 10 A thucah mi cu kum salih kim in sila te luat tik tuk in huncan tek mi kum deubuk puai a hen ten,
\v 11 Na Topa Pathian ten mi umnak mun ah Isarel miphun hempoh a mai ah mah le mah lak tuk a hen haw ten, hi thukham cu mahmi mipi hempoh mai ah sial tuk.
\v 12 Pano, numei, naupang te, mikhual a cam mi ngamdang miphun hempoh ten za in a theih hang, nohtei Topa Pathian cu lau in hi thukham awnkam hempoh cingkem tik tuk in mipi te hulawm khawm tik un.
\v 13 Mah tihcun bawl tale a thei thiam laih ngawl mi naupang ten a zak hang, nohten Jodan ngun tui pi tan in luhtum tuk mi ngam sungah um nak huncan sung hempoh nohtei Topa Pathian lau tuk in hilh tuk uh ci tin, thucah hi.
\s Isarel miphun tei do cu a muhnak
\p
\v 14 Pathian in nang cu na thihnak huncan nai zo hi. Joshua cu sam in mipi hulopkhawm nak deubuk sungah nek in hi. A mah cu kei man thucah tung hitin Mosi nelah thupiak mi bang Mosi le Joshua cu hawh in mipi hulopkhawm nak deubuk sungah nek haw hi.
\v 15 Pathian in deubuk sung meingo khuam ah lang in meigo khuam cu deubuk kongka pi hum ah um hi.
\v 16 Mah cengten Mosi nelah Pathian in, nang cu pu le pa te tuah na hihbuh ten hi miphun cu tho in a tu hawh in ngam sungah a um ngam dang miphun tei biak mi pathian tuah sual kei mah zamsan in, ka bawl mi dan thukham cu siatsuah tuk hi.
\v 17 Mah ten kei cu thinuuk in a muhte zam tung. A muhtei lakpen ka mitmai pial in a muhte haksat siatnak dan piak mi hempoh tawk haw tuk hi. Mah ten a mun, kohtei Topa Pathian cu kohtei sungah a um ngawl hang, hi haksat dan te cu kohtei hum ah a heng mi hima maw tin son haw tuk hi.
\v 18 A mun ngam dang pathian nungah a zui hang, a muhtei bawl sual hempoh mah ten ka mit mai pial tung hi.
\v 19 A tuin hi la cu ngan un. Mahmi la cu Isarel miphun langkhat lam pen ka ca theihpih nak thu cang tik tuk in a mun a kam pen ngah tuk in hilh tik un.
\v 20 Itahum titale a muhtei pu le pai lakah ka thukam hang, khuinawi le khuai tui luan nak ngam ah a muhte ka pui tum hang a mun khamzet ei in a thau ten, ngam dang pathian nelah pial in a hawh hang biakpiak bawl haw tuk hi.
\v 21 Haksat dantat mi hempoh te tuah a tawh haw ten, mahmi la cu a muhtei langkhat lam pen theihpih nak thu bawl tuk hi. A muhtei miphun in kamngah cu phawk ngil tuk ma hi. Ka thukam mi ngam ah ka pui tum laih ngawl a tuin a muhtei ngaihsut nak cu kei man thei ing hitin, thupia hi.
\v 22 Mosi in, mahmi ni in la cu ngan in Isarel miphun tei lakah hilh hi.
\v 23 Mah cengten Nun capa Joshua cu Pathian in, nang cu thazang ngilnak la in ngalhan nak nei in hi. Ka thukam mi ngam ah Isarel miphun te pui tum tuk ci. Kei cu nangmah tuah um tung hitin thu cah hi.
\p
\v 24 Mosi in hi thukham hempoh a venghawng a ngat cengten,
\v 25 Pathian thukham thingkuang a pua tu Levi miphun te sam in,
\v 26 Hi thukham Laithiangtho cu nohtei miphun a langkhat lamah theihpih nak thu cang tuk in, mahmi lai cu la in nohtei Topa Pathian thukham thingkuang bul ah koih un.
\v 27 Nohtei miphun cu mi do thei thinlung, lungkhoh nak thu kei man thei ing. Ka nunnak hang nohtei sungah um ten tuni hei in nohtei Topa Pathian do zo uh ci. Ka thih nungten hi sang ngawl in do saw tuk uh ci.
\v 28 Nohtei miphun kum U pa, uk tu hempoh te ka nelah hulawmkhawm tik un. Hi awnkam cu a muhtei lakah hilh in a muhtei a langkhat lam ah vanhum le leihum cu kei man sal tung hi.
\v 29 Itahum titale ka thih nungten, nohten thukam cu pelh in ka thucah mi lamzin pen pial tuk uh ci tih cu kei man thei ing. Tunung huncan ten Pathian mai ah sual bawl in na khut tuah bawl nak hang a thinuuk nak sosuah in nohten haksat nak tuah tawk tuk uh ci tin, ngallin nak pia hi.
\p
\v 30 Mosi in Isarel mipi hempoh tei lakah a venghawng in a hilh mi la cu.
\s Mosi phuah mi la
\c 32
\p
\v 1 Vanhum aw, ngai in. Kei man hilh tung. Leipi aw, ka hilh mi cu beng tuah ngai in.
\q
\v 2 Ka thu cu nguah zu bang ka thu cu dai tui bang heng tuk hi. Thingkung no hum ah a zu mi nguah bang in hihen, hampa kung humah nguahtui tampi bang cang tuk hi.
\q
\v 3 Kei man Pathian min lang tik in ohtei Topa Pathian minthan nak thangphat haw tuk hi.
\q
\v 4 Pathian cu a bulpi a hih hang a na deh cu cangkim hi. A thukhen mi hempoh thu dik tuah thukam cing tu Pathian, sualnak a um ngawl a dik a man mi Pathian hi.
\q
\v 5 A muhte cu sia haw zo hi. Pathian ca hi ngawl a bal mi cu kopcih haw tuk hi. A thin kawi in thukam pelh thei miphun hi haw tuk hi.
\q
\v 6 Cihnak nei ngawl mi sual te aw, Pathian hehpih nak cu hi tihbang in pia tuk maw. Pathian cu nangmah a bawl tupa nangmah bawl in na umnak pia tupa hima maw.
\q
\v 7 Tanglai huncan phawk leh in. A bosa kum tampi te ngaisung in. Napa cu thu na dong tale a mun hilh haw tuk hi.
\q
\v 8 A sang bel ah a um mi Pathian cu Adam miphun a himi miphun hempoh khen khuai thiam in lo co mi lei ngam kungkhai a sem ten, Isarel mi phun te a sial mi cu zo in miphun tei umnak mun a khen cu bawl tuk hi.
\q
\v 9 Pathian ca tuk miphun hi. Jakop miphun cu lo co tuk mi hi.
\q
\v 10 Ngamdai cen umnak mun, sahang ham in a nop mi ngam munlawn sungah Jakop cu a muh ten kilcih in khamnak, thu hilh in a hehpih nak tuah mit phelep ngawl in cing tuk hi.
\q
\v 11 Mu vanlai in a bu coklet a cano tei hum ah pei kaw kawi leng a ha phalh in a cano te thiak in a ha tuah a pui bang,
\v 12 Pathian pakhat bek in Jakop cu pui hi. A dang Pathian pakhat no hei um ma hi.
\q
\v 13 Leihum ah a sunglawi mi umnak sungah umnak a piak hang, a mah cu lei pen a suak mi angkung ngah te ei in suang sung pen khuaitui hei hihen, mei a tel mi suang sung pen sathau hei hihen,
\v 14 Tuu no thau, Bashan miphun tei tuu cang, kel cang thau, sangvut cang, a kal thau tuah khuinawi le tuu nawi in tuk in, nang cu cabit thisan a ngek in tuk ci.
\q
\v 15 Mah hang Jeshurun cu a thau zet hang a ke tuah pek hi. Thau zet tawi thet thut a thau tuah dim in a um hang, bawl tu Pathian zam san in nunpan tu suang cu sumsial ngawl in um hi.
\q
\v 16 A mun a dang pathian hang sonsiat co tik haw hi. A nawngkai mi thu a hih hang, a thinuuk tuk in tokpik haw hi.
\q
\v 17 Pathian a hi ngawl mi khawsia, theih awng ngawl mi pathian, pu le pa tei lau awng ngawl mi pathian a thak tei lakah biakpiak nak nei haw hi.
\q
\v 18 Na pian nak a bulpi cu nangman phawk ngil zo ci. Nangmah bawl tu Pathian cu phawk ngil zo ci.
\q
\v 19 Mahmi thu cu Pahian in a muh ten a thinuuk a canu le capa te zam san in,
\v 20 Kei man ka mit cu a muhtei lakpen pial tung. A mun itihbang in tawp tuk hum tih cu kei man zo tung hi. Lungmu khoh miphun, thukam a nei ngawl mi canu le capa te hi.
\q
\v 21 Pathian a hi ngawl mi thu hang kei cu sonsiat nak thinlung nei tik tuk in bawl haw zo hi. A thupi ngawl mi thu hang ka thinuuk tuk in tokpik haw zo hi. Misil miphun hang sonsiat nak thinlung nei tik tuk in hihen, cihnak nei ngawl miphun hang thinuuk tik tuk in hihen kei man bawl tung.
\q
\v 22 Kei cu thinuuk in mei hal nak hang a thuk bel mi thihnak hell ngam sungah kang tuk hi. Leipi le lei pen a suak mi ankung a ngah cu kang in mual bul tian kang tuk hi.
\q
\v 23 A muhtei hum ah haksat nak te keiman kuat tung. Ka thalcang hempoh a bo tian kap tung hi.
\q
\v 24 A mun ningkial nak nasezet thuak in a sa mi haksat nak, nasezet siatsuah haksat nak tuah sia khawng haw tuk hi. Sahang tei ha hei hihen, lei ah ngamta in a um mi ngulngu hei hihen, a muhtei sungah kei man hah tung.
\q
\v 25 Inn pawlam ah ngalnam, innsung ah a lauhuai mi haksat nak cu tangval le khanglai te hei hihen, nau nawi in le putek puak pak te hei hihen siatsuah tuk hi.
\q
\v 26 Ngal tei pualthau nak cu kei man lau ngawl in hihen,
\v 27 Hauhphuan a bawl mi a muhtei ngalnak tuah hi thu hempoh Pathian in bawl ma, huham nei mi kohtei khut tuah bawl zo ung hitin son tuk cu lau nak a um ngawl hei in hihen, a muhte cu leipi mawk tian umnak hempoh ah tham kek tik in, a kua mah phawk ngawl in that tuk hitin ngaihsut nak um hi.
\q
\v 28 Itahum titale a mun ngallin cihnak um ngawl, theihnak a nei ngawl miphun te haw hi.
\q
\v 29 Cihnak ngah in hi thu theihnak nei haw ta hen. A dawl tabel huncan ten itihbang in cang tuk hum tih cu ngaisung haw ta hen hitin, thupia hi.
\q
\v 30 A muhtei belhnak suang cu a mun zuak ngawl in, Pathian in a muhte a ap ma tale mihing pakhat in mihing thawngkhat cu itihbang in neh tuk hum? Mihing panih in mihing thawngsawm cu itihbang in tai tik thei tuk hum?
\q
\v 31 Kohtei ngal ten thuson cat ta vang a muhtei suang cu kohtei suang tuah bang ve ma hi.
\q
\v 32 A muhtei cabit kung cu Sadom cabit kung phun, Komorrah lei sung pen a po mi a kung phun hi. A muhtei cabit ngah cu a kha mi cabit kung ngah a hih hang, cabit bawk te cu a kha mi a uuk nak tuah dim hi.
\q
\v 33 A muhtei cabit tui cu ngulpi ngu, a sezet mi ngul sia ngu hi.
\q
\v 34 Hi thu cu ka nelah koih in, ka neihnak inn sungah tacik khen in a um mi hima maw.
\q
\v 35 Sual thukhen nak thu, a sualnak bang piak tuk mi thu cu kei man nei ing. Huncan a kim ten a muhtei ke cu nal in tawl tuk hi. A muhtei sungah haksat nak a hen tuk hun nai zo hi. A muhtei tawh tuk mi thu cu a man lang in heng tuk hi.
\q
\v 36 Pathian cu a miphun tei ca thukhen tuk hi. Topa sila huham a bo nak thu kol a tang mi a luat tu pakhat no hei a um ngawl nak thu a muhten, a muhtei sual hang sualsik in,
\v 37 A muhtei pathian, a muhtei belhnak suang cu ai lai ah um hum?
\q
\v 38 A muhtei biakpiak nak sathau ei in, in tuk cabit tui biakpiak nak a in tute ai lai ah um haw hum? A muhte cu tho in a mun khamsak in cing bawm hen.
\q
\v 39 Kei cu kei ma hang Pathian hihnak thu hei hihen, kei mah sialngawl a dang Pathian a um ngawl nak thu hei hihen, zo ta un. Ka nunnak cu thi tik hi. Kei man a natnak cang tik tuk in dan tat ing. A natnak vang dam tik hi. Ka khut sung pen a kua mah in pan thei ma hi.
\q
\v 40 Kei cu a cat ngawl in nung hitin, ka khut cu vanhum ah dang in sal ing.
\q
\v 41 Kei man nam cu hiamzet tat in thukhen nak na dek pan tukin ka ngal tei lakah sual thuken tung. Kei mah a hua tu a muhtei co taak mi sual bang in kei man pia tung.
\q
\v 42 Ka thal te cu thisan ngui in kham tik tuk hi. Ka nam cu a sa ei tuk hi. Thah mi khutmat in a muhtei thisan, ngal uktu bawi tei lu cu ei tuk hi.
\q
\v 43 Ngam dang miphun te aw, nohten Pathian miphun te tuah lungdam in um ta un. Itahum titale Topai sila a that tute cu a sual nak bang dan pia in, Topai ngal tei sungah sual thukhen tuk hi. Uknak ngam sung le a miphun te pan tuk hi tih mi cu,
\v 44 Hi la awnkam cu Mosi hung in, Nun capa Joshua tuah mipi tei lakah a venghawng a hilh cengten,
\v 45 Mah tihcun Mosi in hi thu hempoh te Isarel miphun hempoh tei lakah a venghawng a hilh cengten,
\v 46 Nohtei lakah tuni in ka theihpih nak awnkam thu hempoh na thinlung sungah khum un. Nohtei canu le capa ten hi thukham hempoh cingkem tuk in, a muhtei lakah hilh thuah bet in thucah haw tuk hi.
\v 47 Hi thu cu thu thaw thong bang hima hi. Nohtei nunnak tuah a seng mi thu hi. Jodan ngun tan in luh tum tuk mi ngam sungah hi thu cu cingkem tale na nunsau nak tuk hitin, thupia hi.
\s Nebo mual lek ah Mosi thi tukin muh nak
\p
\v 48 Mahmi ni in Pathian in Jeriko khuapi ngalkhat lam Moab ngam Abarim mual tuan Nebo mual lek ah kai in,
\v 49 Isarel miphun tei lakah ka piak mi Kanaan ngam cu zo in.
\v 50 Na U Aaron cu Horeb mual hum pen thi in a miphun hulopkhawm nak ah a hen bang, nangmah vang na kai to mi hi mual hum pen thi in, na miphun tei hulopkhawm nak ah hung in hi.
\v 51 Itahum titale nohten Zin ngam, Kadesh ngam, Meribah ciktui bul Isarel miphun tei mai ah kei mah U pat ngawl in sual haw zo hi.
\v 52 Mah hang Isarel miphun tei lakah ka piak mi ngam cu nangman na mit tuah bek mu ta vang, mahmi ngam sungah lut tum tuk ma citin, Mosi nel ah thupia hi.
\s Mosi thupha piak nak
\c 33
\p
\v 1 Pathian in Mosi a thih laih ngawl in Isarel miphun te thupha muicu a piak mi awnkam thu cu,
\v 2 Pathian cu Sinai mual hum ah heng hi. Seir umnak munpen mahmi miphun tei lakah ni suak tik hi. Paran mual hum pen vak nak tuah mi thiangtho a thawng tampi te tuah heng in, a thiangtho mei cu Isarel miphun ca in a taklam khut pen suak hi.
\q
\v 3 A thungai mahmi miphun te cu it hi. A mi thiangtho hempoh ten a ma nelah um haw. A mun a ke bulah bopkhup in a thu ngai haw hi.
\q
\v 4 Jakop miphun mipi lo co tu a thiangtho thu cu Mosi in kohte pia hi.
\q
\v 5 Isarel miphun uktu te tuah miphun te a hulopkhawm haw ten a mah cu Jeshurun miphun sungah kumpi hi.
\q
\v 6 Reuben miphun thi ngawl nung in a miphun te cu tampi ta hen.
\p
\v 7 Judah miphun Pathian aw, Judah thu ngai in a miphun pih tei umnak mun ah pui in hi. A muhtei khut te a mu ca in tawk zo hi. A mah cu a ngal tei khutpen pan in hi.
\p
\v 8 Levi miphun cu Thumim le Urim in Massah umnak mun ah nangmah cul in, Meribah cik tui bulah nangmah a do tu a mi thiangtho sungah tel in hi.
\q2
\v 9 A mah cu a pa le nu hi naven kei man mu mang hitin, ti thei hi. A U le nau te vang theihnak nei ma hi. A canu le capa te vang thei thiam ma hi. Itahum titale awnkam a thu ngai in thukhaam cu cingkem thei hi.
\q
\v 10 A muhtei dan thu cu Jakop miphun sungah hei hihen, a thu cu Isarel miphun sungah hei hihen hilh haw tuk hi. Mei hal nak ngimnam tui te cu a mai ah hei in hihen, a pumpi a venghawng mei hal biakpiak nak cu biakpiak nak taitan hum ah hei hihen koih haw tuk hi.
\q
\v 11 Pathian aw, a neih nak te thupha a piak hang na a deh mi thu cu sang in hi. A lang lam pen tho in a mah a hua tuten a muhte tho leh thei tuk ngawl in a el pen ek tuah in hi.
\p
\v 12 Benjamin miphun, Pathian a it tupa cu a ma nel pen him no in um tuk hi. A mah cu a cat ngawl hup in a ma ko lak lawh ah umnak koih tuk hi.
\p
\v 13 Josep miphun, a miphun umnak ngam cu humlam vanhum neih nak tuah in hihen, a nuai lam umnak sungah ngelh in a thuk zet mi thu a hih hang in hihen,
\v 14 Ni a cang tik tu neihnak, hade a cang tik tu neihnak hang in hihen,
\v 15 Kum a ham mi mual lek, a kho mi mual sung pen a suak mi neihnak hang in hihen,
\v 16 Lei sung neihnak cangkim tuah in hihen, Pathian in pia in thupha um ta hen. Hampa sungah a um mi a hehpih nak cu Josep lu hum, a U tei sung pen U pa a dek tu a lu lek hum ah heng ta hen.
\q
\v 17 A minthan nak cu khuila thazang ngil nak a nei mi minthan nak bang in hihen, a ki te cu savung ki bang haw tuk hi. Mahmi ki te tuah miphun hempoh te leipi mawk tian thakhat in pik vawk thei tuk hi. Epharaim miphun cu a thawng tampi in, Manasseh miphun cu a thawngthawng in hi.
\p
\v 18 Zebulun miphun, Zebulun miphun aw, na suah tul nak thu sung pen lungdam in hi. Issachar miphun aw, na deubuk sungah um in lungdam in hi.
\q
\v 19 Mahmi miphun ten mihing tampi te mual hum ah sam in, mual pen thuman tuah biakpiak nak bawl haw tuk hi. Tuipi sung hauhsak nak, philnel sungah sel mi neihnak khuinawi tui cu in haw tuk hi.
\p
\v 20 Gad miphun, Gad miphun a zal tik mipa cu thupha um ta hen. Mahmi miphun cu pawpi bang um in a khut tuah a lu cu botbal thei hi.
\q
\v 21 A ma sabel a ma ca tuk teng in, thukhen tupan sem in mahmi ngam sungah him no um tuk hi. Mi tampi tei uktu cu bawl in a zui hang, Pathian a man mi thu Isarel miphun sungah dan thu te bawl hi.
\p
\v 22 Dan miphun, Dan miphun aw pawpi no bang a hih hang, Bashan ngam pen dawk tuk hi.
\p
\v 23 Naphtali miphun Naphtali miphun aw, a hehpih nak tampi le Pathian piak mi thupha tuah dim in nitum nak lam, hanglam pen tum in hi.
\p
\v 24 Asher miphun, Asher miphun in canu le capa co in thupha um ta hen. U le nau pih tei thinlung tuah tawk in na ke cu sathau sungah nipnak um ta hen.
\q
\v 25 Na kongka pi kongkalh nak te cu thik le dal tuah ceng tuk ci. Nangma ni hun le can a hih bang in na thazang ngilnak hi tuk hi.
\q
\v 26 Nangmah bawm tu tukin huham thawmngeng nak tuah a dim mi vanhum ah a khung tu Jeshuron miphun tei Pathian tuah a bang ve mi pa um ma hi.
\q
\v 27 A masa in Pathian cu na belhnak mun a hih hang, a kumkhua a khut thawm lian tuah nangmah cu dom tuk hi. Ngal te cu na mai pen hawl vawk in a muhte siatsuah nak thu pia tuk hi.
\q
\v 28 Isarel miphun cu haksat nak pen luat in miphun pakhat bek um tuk hi. Jakop miphun cu cang, cabit tui tuah a dim mi ngam sungah um in dai nguah vang zu tuk hi.
\q
\v 29 Isarel miphun aw, nang cu thupha um hi. Pathian nunpat miphun nang cu a kua tuah bang tuk hum? Mahmi Pathian cu nangmah a kham tu lumphaw, nangmah khai sang tu ngalnam hi. Na ngal te cu na mai pen sung in nang cu a muhtei a sunglawi mi umnak sungah pal tuk citin, ti hi.
\s Mosi thihnak
\c 34
\p
\v 1 Mah cengten Mosi cu Moab munlawn pen hawh in Jeriko khuapi ngalkhat lam Nebo mual, Pisgah mual lek hum ah kai in Pathian in Dan khuapi tian, Gilead ngam hempoh,
\v 2 Naphtali ngam hempoh, Epharaim ngam, Mahnasseh ngam tuah a khuala bel mi tuipi tian, Judah ngam sung hempoh,
\v 3 Hanglam ngam Zoar khuapi tian sunpalun khuapi tih mi Jeriko khuapi ah a um mi huakluam le munlawn te cu lak hi.
\v 4 Pathian in kei cu Abraham, Isak, Jakop tei lakah thukam in na miphun te kei man pia tung hitin, thukam nak ngam cu zo in. Nang cu na mit tuah muh nak tuk thu keiman pia ing hi. Mah hang tan in hawh tuk ma citin, thupia hi.
\v 5 Mah tihcun Pathian thupiak mi bang Pathian sila Mosi cu Moab ngam mahmi umnak munpen thi in,
\v 6 Beth-peor khuapi ngalkhat lam, Moab ngam huakluam pakhat ah phum hi. Mah naven Mosi khan cu tuni tian a kua mah in thei ma hi.
\v 7 Mosi cu a thih ten a kum za le kul hi. A mit thim ma laih hi. Thazang ngilnak vang kiam ma laih hi.
\v 8 Isarel miphun ten Mosi cu phawk in Moab munlawn ah ni sawmthum sung kap in um haw hi.
\p
\v 9 Mosi ca a kah mi ni cengten Nun capa Joshua in a hum pen Mosi in khut nga thupha pia in, cihnak thinlung tuah a dim mipa a hih hang, Isarel miphun ten Joshua awnkam thu ngai in Mosi nelah Pathian thupiak mi bang bawl haw hi.
\v 10-12 Pathian in hah in Izip ngam sungah Pharaoh kumpi le a sila hempoh ngamsung ah a um mi hempoh tei sungah a lamdang thasiah huai mangbangza na hempoh bawl in Isarel miphun hempoh tei mai pen a huham thawmngeng nak khut tuah a lau huai mi na hempoh bawl in, Pathian mitmai cu a mah loli in a muh mi kamsang Mosi bang Isarel miphun sungah a mah bang kamsang pakhat no hei heng leh ma hi.