\rem The text in this file was extracted from C:/DCS/Chin, Ngawn/WORD/60. 1 PETER. docx.
\mt 1 Pita
\h 1 Pita
\mt 1 Pita
\toc1 1 Pita
\toc2 1 Pita
\toc3 1pe
\s Awnkam tuah otpih nak
\c 1
\p
\v 1 Zisuh Khrih nungzui kei mah Pita in Pontus ngam, Kalati, Kappodocia, Asia le Bithynia ngam hempoh sungah mikhual vak keh in a um,
\v 2 Zisuh Khrih thu ngai tuk in le Topai thisan theh nak co tuk in, hawvang hang a thiangtho nak ah heng in Pa Pathian theih ham cih thiamnak bang, tennak a co tutei lakah lai ngan ing. A hehpih nak le daih nak cu nohtei lakah tampi um ta hen.
\v 3 Ohtei Topa Zisuh Khrih Pa Pathian cu thupha um ta hen. Topa in a sunglawi mi a lainat nak bang Zisuh Khrih cu a thi mitei sung pen a thawh leh nak hang, ohte cu a nung mi muansan nak sungah hei hihen,
\v 4 Nohtei ca vanhum ah a koih mi a sia thei ngawl, a bal thei ngawl mi lo sungah hei hihen, ohte cu hing leh tik zo hi.
\v 5 Nohten ni dawl bel huncan lang tik tuk in a bawl sa mi nunpat nak ca, Pathian huham sungah upnak tuah a cingkep nak co zo uh ci.
\v 6 Nohten a tu huncan in noksak culnak tampi hang, dawm laih sung no thasiat nak a um ta vang a humpen son sa mi thu hang lungdam uh ci.
\v 7 Hi thu cu mei tuah ceknak a neih cengten, a sia thei ngawl sui sang in tamsaw man a nei mi, nohtei upnak a cek mi cu Khrih Zisuh a hen ten thangphat nak, huham le minthan nak co tuk in hi.
\v 8 Nohten Topa cu mu awng ngawl vang it uh ci. Topa cu a tuin mu awng ngawl ta vang, um zo uh ci. Kam in son zawh ngawl mi lungdam nak tuah a minthan nak thangphat haw hi.
\v 9 Hi thu cu nohtei upnak a nemcuam co mi thinlung hawvang nunpat nak na co hang in hi.
\v 10 Nohtei co mi a hehpih nak tuah peh pai in phuan mi kamsang ten, nunpat nak thu cu pha zet no in dong kan haw zo.
\v 11 A muhtei sungah a um mi Khrih hawvang cu Khrih haksat cimnak te le mahmi haksat nak a celhten, a heng tuk mi minthan nak thu a phuan ham ten a kua hei hhen, ituk hun can a tihnop nak hum tih cu a mun dong kan haw hi.
\v 12 Mah cengten a muh a cingkem tute cu a muhtei ca hi ngawl in, nang muhtei ca a hihnak thu a muhtei lakah phuang hi. A tuin hi thu te vanhum pen hahnak a co tu hawvang thiangtho hang, a sunglawi mi thuthangpha a phuang tutei lakpen nohtei lakah phuang zo hi. Vancung mite hei in hi thu te zo tukin deihnak thinlung tampi nei haw hi.
\s A thiangtho mi nunnak tuah nung tukin sosuah nak
\v 13 Mah a hih hang, nohtei thinlung taipom cu het in a mansa ngalling in um un. Zisuh Khrih a hensuk ten nohtei lakah a heng tuk mi hehpih nak a dim tuah muang in um un.
\v 14 A bosa hun nohten thei ngawl laih zui mi duhhap nak nungah zui leh ngawl toh in thu ngaihnak a nei tu canu le capa te bang a hihnak hang,
\v 15 Nang muhte a sam tupa cu a thiangtho bang in nang muhtei pumpak hei nunnak hempoh ah thiangtho ta un.
\v 16 Itahum titale, “Ka thianlim hang in nang muhte vang thianglim ta un hi”tin, Laithiangtho sungah heng hi.
\v 17 Nohten mihing tei mitmai zo ngawl in, mi hempoh tei nuncan ziaza bang thukhen tupa cu pa tin na thunget nak tuah na sam uh tale, hi leihum pen mikhual hihnak a um sung hempoh launak thinlung tuah nung in um ta un.
\v 18 Itahum titale nohten pu le pa tei lakpen na co uh mi nohtei a thupi ngawl nunnak sung pen, a sia thei mi sui, ngun te tuah a tat mi hima hi.
\v 19 Sualnak a um ngawl, a bal tih um ngawl a thiangtho tuuno a bang mi Khrih thisan sunglawi tuah a tat mi cu nohten thei uh ci.
\v 20 Khrih cu hi leipi a um laih ngawlin a theih ham a piak mi a hih hang, Topai hang in Pathian um tu nohtei ca ni dawl ta bel huncan ten heng zo.
\v 21 Nohten Pathian cu zo in upnak, muansan nak, um tukin Topa Pathian cu thihnak pen tho leh tik zo a hih hang a minthan nak pia zo.
\v 22 Nohten thudik thu ngaih nak hang, nohtei hawvang thinlung thiangtho tik zo. Um hem nak um ngawl in U le nau pakhat le pakhat itnak co mi a hih hang, a thiangtho mi thinlung tuah kho zet in it dun ta un.
\v 23 Nohte cu a sia thei mi anci hang hi ngawl in, a sia thei ngawl anci tih mi nunnak tuah a kho mi Pathian thu tuah hinthak nak co zo uh ci.
\v 24 Itahum titale mi hempoh hampa kung bang a hih hang, a muhtei minthan nak hempoh hampa pak bang hi. Hampa kung cu thim in ko hi. A pak vang zulh thei hi.
\v 25 Pathian thu cu a kumkhua kho hi. Hi thu cu nohtei phuan mi a sunglawi thuthangpha hi.
\s A nung mi suang, a thiangtho mi miphun
\c 2
\p
\v 1 Mah hang phat ngawl nak tuah a um mi hempoh siatnak, mipha tiamhem nak, iksik nak le mawhsiat nak hempoh vawk ta un.
\v 2 Topa Pathian hehpih nak thu nohten tep zo na hih uh hang, hawvang tuah a peh pai mi nawitui a ngek tuah nunpat nak sungah khang to tuk in,
\v 3 Nau no hing sem te bang nawitui a ngek cu phawk ta un.
\v 4 Mihing tei vawknak thuak ta vang, Pathian ten mi nunnak suang manpha a himi Topai nelah nohte cu heng in,
\v 5 Nunnak suang bang hawvang tuah a peh pai mi innsak nak cu co un. Hi thu cu nohten a thiangtho mi thiampi miphun, Pathian deih mi hawvang tuah a peh mi biakpiak nak te cu Zisuh Khrih hang pia thei tuk in hi.
\v 6 Itahum titale, “Zo in. A ten mi khuam ning phut a sunglawi mi suang cu Zion mual hum ah koih ing. Mahmi suang a um tupa cu ituk mahten zahcak nak um tuk ma hi”tin, Laithiangtho in ti hi.
\v 7 Mah a hih hang mahmi suang a umtu nohtei ca in minthan nak hi. A um ngawl tu tei ca in, “Innsa tutei vawk mi khuam ning phut nak a mawkah heng leh hi.
\v 8 Thungai ngawl in Pathian thu bah in a lum tute cu a sual tik thei suang hi. A mun Pathian thu cu a up ngawl hang suikha haw hi. Mah tihbang cang tuk in a muhte pia zo hi.
\v 9 Nohte cu khuathim sung pen a lamdang vaknak sungah a sam tupai lungdam nak lang tik tukin a ten mi miphun hi uh ci. Kumpi hauhsak nak a nei tu thiampi miphun, a thiangtho miphun, a co taak miphun hung hi.
\v 10 A bosa huncan in nohte cu miphun hi ngawl in, a tuin Pathian miphun hi zo uh ci. A bosa huncan in a lainat nak co ngawl mite hi naven, a tuin a lainat nak co zo uh ci.
\v 11 Ih mite aw, nohte cu mikhual na hih uh hang, thinlung hawvang a do thei mi pumpi taksa deih nak te pial tuk in sosuah ing.
\v 12 A um ngawl tuten nohte mawhsiat nak thu cu Pathian thukhen nak ni ten nohten a pha mi nuncan ziaza a mun zo in, Pathian thangphat tukin a muhtei mai ah a mawi mi nuncan ziaza nei ta un.
\v 18 Na dek tu sila te aw, Upat launak thinlung a dim tuah nohtei to hempoh tei thu ngai ta un. Topa cu thinlung pha a hih hang lungnem nak thinlung hei hihen, a ngilo mi thinlung hei hihen, a thungai un.
\v 19 Itahum titale, Pathian mitmai zo in phat ngawlnak tuah bawlsiat nak cu a thuak tale hehpih nak um hi.
\v 20 A sualnak hang, liam ma thuak nak a um tale pahcoih nak i um tuk hum? Mah naven na pha bawlin haksat cimnak a thuak tale Pathian mai ah co taak mi hi.
\v 21 Itahum titale, mah tihbang tukin nang muhte sam zo hi. Khrih cu ohtei ca haksat cimnak thuak in, a ke ngiah zui thei tukin nohtei cun tuk pia zo hi.
\v 23 Thihnak a thuak ten mi thupnak mang ma hi. Dikcang nak tuah thukhen tupai nelah a nunnak ap hi.
\v 24 Ohten sualnak thu tuah peh pai mi thu sungah a thi a hih hang, dikcang nak thu ah nung tuk in ohtei sual te Topa a mah loli in thianglamteh hum ah thuak zo hi. Liam ma a thuak nak hang natnak te damnak ngah zo uh ci.
\v 25 Nohte cu lamzin a pial mi tuu te bang uh ci. A tu cun tuu cing tu a hih zo hang, nohtei thinlung hawvang a cing tupai nelah heng zo uh ci.
\s Zi te le Pasal te
\c 3
\p
\v 1 Mah bang bok nupi te aw, nohtei pasal thu ngai un.
\v 2 Mah tih bang bok pasal ten Pathian thu a um haw ngawl hei in, nohtei U pat launak le a thiangtho mi nuncan ziaza a muhten zi in awnkam tuah hi ngawl in, nuncan ziaza hang thek haw tuk hi.
\v 3 Nohtei van silh thuam cu samphek nak, sui but nak, van silh thuam tih mi a pawlam silhnak hi ngawl in,
\v 4 Pathian mai ah a sunglawi man tampi a nei daihnak lungmu tih mi a sia thei ngawl mi sunglam hawvang mihing thuam cang tik un.
\v 5 Pathian muang in a thiangtho mi tang laih numei ten mah tihbang in a muh le muh silh in, Sarah in Abraham cu topa tin sam in a thu a ngaih bang in na pasal tei thu ngai ta un.
\v 6 Nohten launak imah nei ngawl in a pha mi nuncan ziaza bawl tale Sarah canu, capa te hi uh ci.
\v 7 Mah tih bang bok in pasal te aw, zi te cu numei a hih hang nang muhte sang thanem saw mi a hihnak thu thei thiam in, nunnak tuah a seng mi hehpih nak lo a bang ten co tute hihnak tuah man nei zet in nung ta un. Hi thu cu nohtei thunget mite khamsak tu hi tuk ngawl in hi.
\v 8 A dawl tawpnak awnkam ka son nuam mi cu nohtei venghawng in thinkhat lungkhat no in ningnat nak lungmu, U le nau ihdun nak lungmu, lainat nak lungmu le niamkhiat nak lungmu nei ta un.
\v 9 Nohten thupha mui cu lo co tuk a samnak co tu na hih uh hang a sia cu a sia in hihen, mawhsiat nak cu mawhsiat nak in hihen, lul leh ngawlin a pha mi bek bawl ta un.
\v 10 Itahum titale nunnak deih in a pha mi ni te mu thei tuk in, a mu nuam miten a lei cu phat ngawlnak pen sup hen. A muk le kam kem in zol thu son ma hen.
\v 12 Itahum titale Pathian in midik te zo in a muhtei thunget nak aw ngai hi. Mah naven phat ngawlnak a bawl tutei lakpen Pathian in a mitmai heksan hi.
\v 13 Nohten a pha mi nun a nung tu hitale a kon nohte haksat nak piia tuk hum?
\v 14 Mah naven, dikcang nak hang haksat cimnak a thuak tale thupha muicu co uh ci. A muhtei thupnak hang lau pah sun.
\v 15 Nohtei thinlung sungah a nung mi Pathian Topa Upat un. Nohtei sungah a um mi muansan nak thu a dong tu hempoh tei lakah lungnem nak thinlung, launak thinlung tuah don leh thei tukin a cat ngawl a mansa in um ta un.
\v 16 Khrih sungah nohtei ngamtat nunnak a pha cu zotsak nak a nei tuten a mawhsiat ten, a mah loli zakza tukin nohten a thiangtho mi thinlung nei in um ta un.
\v 17 Pathian deihnak a um tale phatnak bawl in haksat cimnak sual bawlnak sang in pha saw hi.
\v 18 Khrih in pumpi taksa tuah thihnak cu thuak in, hawvang tuah nunnak ah heng zo a hih hang ohte Pathian nelah pui tukin, midik pa cu midik ngawl tei ca sualnak hang veikhat a thih in ceng hi.
\v 19 Hawvang tuah heng in a tuin thawnginn sung hawvang tei lakah thuthangpha hilh hi.
\v 20 Mahmi hawvang te cu a bosa Noah hun laih in lawng a sak ten, Pathian cu thinsau zet in ngak naven a thungaih nak a nei ngawl mitei hawvang hi.
\v 21 Hi thu te cu a tuin nang muhte nunpan tu baptisma a tepkip nak hi. Baptisma cu pumpi taksa a bal somnak hi ngawl in, Zisuh Khrih thawh lehnak hang a thiangtho mi theihnak thinlung cu Pathian nelah phuan suah a tihnop nak hi.
\v 22 Khrih cu vanhum ah kai in vancung mite, huham tuah uk tuten uk in Pathian khut taklam ah um hi.
\s Khrih nungzui nak
\c 4
\p
\v 1 Khrih in pumpi taksa sungah mah tihbang in haksat cimnak a thuak hang, nohten mah tihbang thinlung cu ngal hiamnam in mang un. Itahum titale pumpi ah haksat cimnak a thuak tupa cu sualnak pen luat zo hi.
\v 2 Hi thu cu pumpi taksa sungah a nung tuk mi a tang laih huncan cu mihing tei duhhap nak hang hi ngawl in, Pathian deihnak bang nung thei tuk in hi.
\v 3 Itahum titale miphun dang tei deihnak bang bawl in thi le sa deihnak, duhhap nak, cabit tui khamnak, puai bawlnak, nopcen eih le in nak le dan thukham likhap mi zuk milim biaknak sungah nung ca ngamta mi a bosa hun cu a muhtei ca tawk zo hi.
\v 4 A tuin nohten a muhtei a val in nopcen nakah tel ngawlin, a mun mangbang in zotsak nak awnkam nei haw hi.
\v 5 A mun a nung mite le a thi mite thukhen tuk a masa in a um tupai mai ah a muhte cu thukhen nak thuak haw tuk hi.
\v 6 Hi thu hang a thi miten a sunglawi mi thuthangpha cu phuang hi. Hi thu cu a muhtei thi le sa sungah mihing hihnak in thukhen nak thuak naven hawvang cu Pathian hang nung haw tuk hi.
\v 7 Na hempoh tei a dawl bel huncan a heng awn toh hang, thunget nak nei tuk in le a man mi thinglung daihnak tuah ngalling in um ta un.
\v 8 Itnak cu sualnak tampi a khuh theih hang, ihempoh sang in pakhat le pakhat lak lawh ah a kho mi itnak nei ta un.
\v 9 Phu ngawl in pakhat le pakhat mikhual cawm thiam ta un.
\v 10 Nohten laksawng conak na neih uh tek bang in, Pathian hehpih nak nam kim tuah a peh pai mi na kem tute na hih uh bang, pakhat le pakhat bawm dun un.
\v 11 Thuphuang tuten Pathian thuthangpha cu phuang hen. Na dehnak a nei tupa cu Pathian piak mi thazang ngilnak bang in dek hen. Hi thu cu Pathian in ihempoh sungah Zisuh Khrih hang, minthan nak lang tuk hi. Topai sungah kumkhua a cat ngawl minthan nak le huham um ta hen. Amen.
\v 12 Ka ihmi ngualcam te aw, nang muhte cul tukin nohtei lakah a heng mi haksat nak cu nohtei sungah a lamdang a heng mi thasiah ngawl in,
\v 13 Khrih haksat cimnak sungah a tel tute a hih uh hang, lungdam ta un. Hi thu cu Khrih minthan nak huncan sungah nohtei lungdam nak tuk thu hi.
\v 14 Nohten Khrih min hang, mawhsiat nak thuak ta le thupha mui cu co uh ci. Itahum titale minthan nak tuah a dim mi Pathian hawvang cu nohtei hum ah um hi.
\v 15 Nohtei lakah mi thahnak hei hihen, ngukcak nak hei hihen, sual bawlnak hei hihen, midang tei sual nawtnak hang hei hihen, haksat cimnak a thuak tu pakhat no hei um tik pah sun.
\v 16 Mah naven mi pakhat in Khrih hang, haksat cimnak a thuak tale zahcak nak um ngawl in a min hang Pathian minthan nak thangphat hen.
\v 17 Itahum titale thukhen nak cu Pathian inn sungsang pen a patnak tuk huncan heng zo hi. Mah tihcun kohtei lakpen a pan a hitale a sunglawi mi Pathian thuthangpha a ngai ngawl tutei tawpnak cu itihbang in tawp tuk hum?
\v 19 Mah hang, Pathian deihnak bang haksat cimnak a thuak tute cu na pha a bawlnak sungah a muhtei nunnak hawvang cu muantaak nak a dim bawl tuipai nelah ap haw ta hen.
\s Pasta te le khangno tei ca sosuah nak
\c 5
\p
\v 1 Kohhran Pasta hihnak sungah hei hihen, Khrih haksat cimnak theihpih tu le a lang tuk mi minthan nak tuah a peh pai tu kei mah Pita cu nohtei lakah a um mi kohhran uktu Upa hempoh tei hum ah sosuah ing.
\v 2 Nohtei sungah a um mi Pathian tuu hon te cing ta un. Deh kulcam tihbang ngaisung ngawl in, Pathian deihnak bang deh nuamnak thin lungmu tuah in hihen, a thiangtho ngawl mi duhhap nak hang hi ngawl in, deihsak nak thinlung tuah zo in uk ta un.
\v 3 Nohte nadeh sepnak a piak mi a muhtei hum ah uk nuamnak nei ngawl in, tuu tei cun tuk mi lak ta un.
\v 4 Tuu cing ngeng pa a hen ten nohte a vuai thei ngawl mi minthan nak ling lukhu co tuk uh ci.
\v 5 Mah bang bok khang no te aw U pa kumham tei awnkam ngai un. Mah bek sial ngawl in pakhat le pakhat niamta cuh in, niamkhiat nak van silh un. Itahum titale pualthau a ngal mite cu Pathian in kham hi. Thinlung a niamkhiat mite cu a hehpih nak co tik hi.
\v 6 Mah hang, huncan a kim ten nang muhte khaisang tuk in, Pathian huham nuai ah a mah le mah niamkhiat haw ta hen.
\v 7 Pathian in nohte cu ngallin nak tuah a cin hang, nohtei lau nak hempoh Topai sungah ap ta un.
\s A dawl khupnak
\v 8 Cingcai ngalling hihbu ngawl ngak un. Nohtei ngal Dawihmang cu pawpi hawk bang a kua thon tuk hum tin vak kawkawi in zei hi.
\v 9 Upnak sungah khozet ding in Dawimang pa cu kham un. Hi leihum ah a um mi nohtei U le nau te vang, mah tihbang mi haksat cimnak te thuak haw zo hitin ngaisung ta un.
\v 10 Khrih Zisuh hang ohte cu kumkhua minthan nak sungah a sam tu, ihempoh hehpih nak a bawl tu Pathian cu dawm laih no haksat cimnak, a thuak zo mi nohtei lakah a thiangtho cangkim in kho tik tuk hi.
\v 11 Pathian cu kumkhua pe kumkhua a minthan nak um ta hen. Amen.
\v 12 Kei man muantaak a nei tu U le nau hihnak in ka sialsiah mi Silvanus nelpen lai dawm laih no ngat nak hang, nang muhte sosuah nak hi thu cu Pathian a dik mi hehpih nak thu phuang ing. Nohten a hehpih nak sungah ding un.
\v 13 Nang muhte bang tennak a co tu Babilon khua ah a um mi kohhran le ka capa Mark te cu nohten otpih un.
\v 14 Pakhat le pakhat itnak tuah thutdun nam in otpih ta un. Khrih sungah a um mi nohtei venghawng in daihnak um ta hen. Amen.
See in Reader
